Post: #1 Title: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 03:58 PM
- جا في المطار ومستقبلينو الناس بالزغاريد... وهو راسو مشطوب....في شنو يا جماعة ! شنو يا زول ودي حاجة بدسّوها يا عريس !...مبروك العرس.... ويا عديلة يا بيضا يا ملايكة سيري معاه... العريس قصدي الزول قدر ما يحلف ما بصدقوه.....وامو تبكي ليه ما بتكلمني هئ هيئ ! وبت خالو الخاطبا من زماااااااااااان ديييييك تحلف ما تسلم عليه. (جات المطار بس عشان الواجب )...لبست ليها دبلة سريييييييع وقعدت تصر انوا عندها عريس تاني ( لازم تتدارك الموقف طبعاً ) وبعد جهد جهيد وتقصي الحقائق يكتشفوا بأن الموضوع اشاعة ومقلب من واحد صحبو ....
- الزول ده جا من الإجازة براه مالو؟ مرتو وين؟ انت ما سمعت ! مش طلّقها ! يا لطيف ! وعرس واحدة تانية ولا لسه؟ لا جاي يفتش على بيت ذي ما بيقولوا قصدي على عروس؟ غايتوا يا لطيف أنا سمعت انوا عرّس قبل اسبوع والله واحدة بس حابّة تشارك: أبداً وحات الله بي وليداته من التانية. تظهر المرة بعد فترة وهي وزوجها سمن على عسل.... ويرجعوا الناس يقولوا كتّر خيره أخيراً رجّعها !! لكن المنّها والله ما أرجع !
- ولا تجي واحدة غيورّة شوية ودايرة تطفّش العرسان من واحدة وتقول ليهم دي مرتبطة !!
الإشــــاعة.... ظاهرة اجتماعية ليها عدة أشكال و عدة أهداف والمعروف انها تنتشر بسرعة البرق سواء صادقة أو لا... و في ناس بتستهويهم سماع الإشاعات واخرى نشر الإشاعات.... وللأسف أكثر ما يشاع بأنوا النساء هم الفئة الأكبر في نشر وهندسة أو زخرفة و كتابة سيناريو وإخراج الإشاعات.... ومن الغريب كمان بان الإشاعة تبدأ بكلمة فتنتشر وتصبح قصص يتداولهاالناس....
فعن الإشاعة بشكل عام نقول.......
موضــــوع للنقـــاش
( ومن لديه أي قصة من الواقع فليتفضل بذكرها هنا )..
Post: #2 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-12-2008, 04:05 PM Parent: #1
حتي اعيش واقعي بخيره وشره فانا قفلت الابواب والشبابيك و"سكرت " اذني تماما عن اية اشاعة وشمار ..بالاضافة الي انني قليل الحديث ( لقلة في الاجتمتاعيات) وكثير الكتابة ... وهكذا صرات جاهلا في اشياء كثيرة .. وكدة احسن
Post: #3 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 04:15 PM Parent: #2
Quote: حتي اعيش واقعي بخيره وشره فانا قفلت الابواب والشبابيك و"سكرت " اذني تماما عن اية اشاعة وشمار ..بالاضافة الي انني قليل الحديث ( لقلة في الاجتمتاعيات) وكثير الكتابة ... وهكذا صرات جاهلا في اشياء كثيرة .. وكدة احسن
الأستاذ الفاضل أبوبكر كلام جميل ً.... لكن المحيّر !! انك تكون في حالك والناس تقول ...ده مالو؟ أكيد في حاجة يعني لازم في حاجة... وحتى إن حاولت قفل الأبواب والشبابيك تأتيك الإشاعة الى مكانك ! وتلقى نفسك تستمع الى فيلم من اخراج عالمي وليس محلي !!
Post: #4 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-12-2008, 04:28 PM Parent: #1
Quote: انك تكون في حالك والناس تقول ...ده مالو؟ أكيد في حاجة يعني لازم في حاجة...
ياما... في ناس ما حتبطل تقول من ورانا لانها بتحب تقول وانا طالما ما بيقولو قدامي بعتبر انو ما قالو شي ...ولو سمعت انهم قالو برضو ما قالو شي .. وهكذا انا الان لا اعرف ماذا تقول الناس من وراي وعليه بنظر الي الجميع علي انهم ما قالو حاجة ضدي وفي حالة انو قالو حاجة في صالحي فارجو ان يكون كذلك في صالح الجميع وادعو الله ان يجازيهم خيرا ... الدنيا صارت صعبة وما عندنا طريقة الا من تخفيف اعباءها علينا بلاحتماء بكل بارقة امل في خير ...
Post: #5 Title: Re: والله والله يا ناااااااااااااااااس دي إشاااااااااااااااااعة !!!!!! Author: سلمى الشيخ سلامة Date: 01-12-2008, 04:58 PM Parent: #4
اشاعة اجمل قصة قراتها للكاتبة ايزابيل الليندى من تشيلى تحكى عن الاشاعة وكيف تنتقل حتى يصدقها الناس لان الخيط الواصل منذ البداية كان كاذبا لكن اجمل قصة سمعتها من بربر قيل ان رجلا كان له صديق واحب ان يجعل من ذهابه للخرطوم مزحة قام جاب صورة صديقه ونشرها فى الصحف مهنئا اياه بزواجه وما كان من اهل الزوجة الا ان نقلوا الصورة الى زوجته حين عاد الزوج المغدور الى بيته خاطبته زوجته ـ امشى محل ماجيت واقعد مع عروسك الجديدة اندهش صاحبنا من الفكرة وعرف فيما بعد ان صديقه هو من فعل فيه تلك الاشاعة واجراها بين اهله فى بربر قيل فسافر الصديق الغادر الى الخرطوم وكان هذا يعمل بتاريخ عودته فما كان منه الا ان استاجر عددا من عربات الكارو وانتظر نزول صديقه من القطار حينها بدات مراسم (الزفة ) زفوه فى بربر كلها كعريس وكان ذلك جزاءا وفاقا لناشر الكذب والاشاعات غالبا يا صديقتى ما تهدم الاشاعة بيوتا وتخرب حال اسر بحالها حمانا الله واياكم
Post: #7 Title: Re: والله والله يا ناااااااااااااااااس دي إشاااااااااااااااااعة !!!!!! Author: Muna Khugali Date: 01-12-2008, 05:11 PM Parent: #5
Quote: ياما... في ناس ما حتبطل تقول من ورانا لانها بتحب تقول وانا طالما ما بيقولو قدامي بعتبر انو ما قالو شي ...ولو سمعت انهم قالو برضو ما قالو شي .. وهكذا انا الان لا اعرف ماذا تقول الناس من وراي وعليه بنظر الي الجميع علي انهم ما قالو حاجة ضدي وفي حالة انو قالو حاجة في صالحي فارجو ان يكون كذلك في صالح الجميع وادعو الله ان يجازيهم خيرا ... الدنيا صارت صعبة وما عندنا طريقة الا من تخفيف اعباءها علينا بلاحتماء بكل بارقة امل في خير ...
انا غايته بدعوا الله يوريهم في دنيتهم دي مادام قاعدين يألفوها وينشروها عن عمد
Post: #10 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 05:31 PM Parent: #7
العزيزة من خوجلي
ده عجبتني شديد...
Quote: الاشاعه هو أن نفبرك خبر ونطبخه بطريقة التسبيك..ثم نمرره لغيرنا ليقوم بالباقي فينشره..
المشكلة الحلة لو اتسبكت ما بفضلوا الناس فيها شي ..بياكلوها كلهاولا كيف يا منى!! عارفة يا منى العارف عزّو مستريح...أحسن شي الواحد يعمل بي نصيحة الأستاذ أبوبكر
Quote: الدنيا صارت صعبة وما عندنا طريقة الا من تخفيف اعباءها علينا بلاحتماء بكل بارقة امل في خير
والعفو عند المقدرة !
دمت جميلة وأجمل
Post: #8 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 05:19 PM Parent: #5
الأستاذة القديرة سلمى الشيخ سلامة... مرور بهي....كم اشتقنا اليك وكل سنة وانت بألف خير
والله ضحكتيني يا استاذة سلمى لكن فعلاً القصص دي واقعية وحصلت كتير وانت عارفة طبعاً كتير من الحريم وبدون حتى تفكير في \مصداقية الخبر بيردوا..
Quote: امشى محل ماجيت واقعد مع عروسك الجديدة
وأهل الزوجة بدل ما يهدّوا الحكايه بيشعللوها!!!
Quote: وما كان من اهل الزوجة الا ان نقلوا الصورة الى زوجته
موضوع شكلة جاااااهز
عارفة المشكلة وين يا استاذة سلمى؟ تقوم الزوجة ذاتها ما تصدق برضو حتى بعد تكذيب الخبر !!!
لك دوماً كل الود....
Post: #9 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 05:29 PM Parent: #5
حذف للتكرار....
Post: #6 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 05:06 PM Parent: #4
استاذنا الفاضل أبوبكر....
رحم الله امرئ عرف قدر نفسه....
هذه تكفي....
لك كل التقدير
Post: #11 Title: Re: والله والله يا ناااااااااااااااااس دي إشاااااااااااااااااعة !!!!!! Author: Zoal Wahid Date: 01-12-2008, 05:36 PM Parent: #1
الاشاعة فعلا مدمرة خاصة في العلاقات الزوجية
شخصيا مررت بموقف واحدة قريبتنا، مش عارف في رأسها ايه، قامت نشرت اشاعة اني جاي اعرسها، رغم اني متزوج وبربي عيالي في الغربة وناس المغتربين بسفارتهم كرهوني السودان.
طبعا الوقت داك مافي تلفونات لنيالا وانا والمرا علينا ليل.
ام العيال نزلت اجازة وطبعا الجماعة فتوا ليها الخبر.
المهم بعد ما رجعت من الاجازة، شايف نظراتها كده ما عجباني.
طبعا بعد القسم المغلظ ام العيال مشكورة صدقتني وقلت ليها البت دي لو كلمتني عديل كده كنت لقيت ليها خانة معاكي، لكن ما دام اتكلمت قبال تاخذ رايي علي بالحرام ما اعرسها لو بقت الوحيدة.
Post: #12 Title: Re: والله والله يا ناااااااااااااااااس دي إشاااااااااااااااااعة !!!!!! Author: الطيب شيقوق Date: 01-12-2008, 05:51 PM Parent: #11
الرطانــــــــــــــــــــــــــــــــي
Quote: ..بالاضافة الي انني قليل الحديث ( لقلة في الاجتمتاعيات) وكثير الكتابة
قاعد تكتب في بحوث ؟ ما ياكا شغال هنا شمارات بالكوم قال قليل الحديث قال
سلمى اديني مساحة لخالك ده خليني اجيهو ليك واضع ليك حاسوبو في البيت والعربية والمكتب كلو للاشاعات والشمارات يجيب ليك الخبر من سقط لقط .
Post: #14 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 08:25 PM Parent: #12
الأستاذ الفاضل الطيب شيقوق مساءك خير....
Quote: سلمى اديني مساحة لخالك ده خليني اجيهو ليك واضع ليك حاسوبو في البيت والعربية والمكتب كلو للاشاعات والشمارات يجيب ليك الخبر من سقط لقط .
هسي دي براها ما اشاعة يا استاذ الطيب ......
خلينا نقول دي متطلبات مهنة الصحافة....
مش كده يا استاذ أبوبكر!!!!
تقديري لكما
Post: #16 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-12-2008, 08:31 PM Parent: #14
Post: #15 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-12-2008, 08:28 PM Parent: #12
Quote: قاعد تكتب في بحوث ؟ ما ياكا شغال هنا شمارات بالكوم قال قليل الحديث قال
انا لو تحدثت ياكا الابكم تاني بالمرة ...اها ربنا رحمك وخلاك بعيد ....انا ما بكتب بحوث انا بنا ساااي ولكن البكتبو ياكا البتقراهو هنا ...
Post: #13 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 08:16 PM Parent: #11
الأخ الفاضل Zoal Wahid طيّب الله أيامك
Quote: الاشاعة فعلا مدمرة خاصة في العلاقات الزوجية
دي من أخطر أنواع الإشاعات....لكن وين الضمير والنظر الى العواقب الأليمة ومنها تشتيت الأطفال!
Quote: البت دي لو كلمتني عديل كده كنت لقيت ليها خانة معاكي، لكن ما دام اتكلمت قبال تاخذ رايي علي بالحرام ما اعرسها لو بقت الوحيدة.
يعني كان في احتمال كان تفكر !! ....هسي من الخبر ده ممكن تطلع إشاعة تانية....خلي بالك....
كل التقدير على المرور
Post: #17 Title: Re: والله والله يا ناااااااااااااااااس دي إشاااااااااااااااااعة !!!!!! Author: عبدالمنعم الرزوقي Date: 01-12-2008, 08:48 PM Parent: #13
الاستاذةsalma subhi
الإشاعة أصبحت علم من ضمن العلوم تدرس في أجهزة المخابرات العالمية
يحكي أن محاضر في علم الإشاعة لقن بعض كلمات لاحد الدارسين خارج المدرج
ثم طلب منه أن يبلغ هذه الكلمات لزميله في المدرج ثم بدور الاخر ان يكرر
نفس الفعل حتي وصلت الي اخر طالب في المدرج
فكانت المفاجاءة ان الطالب ذاد علي الكلام الاول اشياء كثيرة لم تذكر
في كلمات المحاضر المختصرة
ومن ذلك يتضح إن الاشاعة تنمو تدريجيا كلما تتداولها الناس
ونسأل الله الستر والعافية
Post: #18 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 09:04 PM Parent: #17
B]الأخ الفاضل عبد المنعم الرزوقي...
كل التقدير على المرور....
Quote: الإشاعة أصبحت علم من ضمن العلوم
هو كما تفضلت علم و سلاح فتأك وحرب نفسية رهيبة لزرع القلق والخوف في المجتمع لذلك استخدمت في الحروب والقتال.... وأحياناً قد يكون السبب في زيادة القول عن الحقيقة كما حدث في القصة هو رغبة الناس لسماع كل جديد والبعد عن الروتين والمألوف الذي ربما يودي بحياة الكثيرين....عافانا الله والعجيب يا أستاذ عبدالمنعم في ناس ما درست أساساً هذا العلم ولكن تعطى شهادة خبرة على تدريسه...
احترامي وتقديري
Post: #19 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 09:06 PM Parent: #18
مـــــــــلاحظة......
في إضافة بسيطة عملتها في المقدمة حبيت آآتي على ذكرها هنا كمان للماشافا بعد التعديل.....
يا ريت مش بس نتكلم بس الإشاعة لكن كمان عن...
أخطر اشاعة في المنبر أو خارج المنبر...
أحلى إشاعة كمان في المنبر أو خارج المنبر...
ودي ذاتها كمان
أغرب إشاعة...
وهكذا....
وأي زول عندو قصة من الواقع يشركنا معاه طوالي....
....
Post: #20 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 09:15 PM Parent: #19
قصة جميلة وهادفة جداً عن الإشاعات يا ريت نمر عليها...
ذات مرة نقلت إحدى السيدات إشاعة صغيرة عن بعض الجيران..ولم تمض سوى ايام قليلة حتى عرف جميع من بالحي بهذه الإشاعة،مما ادى الى إيذا هذا الجار أذى بالغا،وبعد ذلك عرفت السيدة التي روجت الإشاعة بأن إشاعتها غير صحيحة بالمرة ، مما اصابها بالأسى ودفعها للذهاب إلى أحد الحكماء لتعرف مايمكنها فعله لإصلاح ماسببته من اضرار.
وماكان من الحكيم إلا ان قال : اذهبي للسوق واشتري دجاجة واذبحيها وفي طريق عودتك للمنزل انزعي الريش وألقيه الواحدة تلو الأخرى على طول الطريق..وبالرغم من دهشتها من النصيحة فعلت المرأة ماطلب منها .
وفي اليوم التالي قال لها الحكيم :والآن اذهبي فاجمعي كل الريش الذي ألقيته البارحة وأعيديه إلي..
وماكان من المرأة الا ان سلكت نفس الطريق ولكنها فزعت عندما وجدت الريح قد أتت على كل الريش فلم تترك منه شيئا وبعد ما بحثت لساعات عديدة عادت وفي يدها ثلاث ريشات فقط وهنا قال لها الحكيم :
والآن كم ترين انه من السهل ان تلقي بالريش ولكن من الصعب أن تجمعيه وهكذا الاشاعة من السهل أن تنشريها ولكن بمجرد ان تفعلي ذلك لايمكنك أن تصلحي خطأك تماما..
Post: #21 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-12-2008, 09:33 PM Parent: #20
يا جماعة الخير انتوا ما ملاحظين معاي شي مهم....
لو دققنا في الخبر أو الإشاعة كويس بنلقى انوا في حاجة بيحرص عليها كل ناقل للإشاعة وهي شنو؟؟؟؟؟
أنه يخلي مصدر الخبر شخص ما تقدر توصل ليه أو يوصل ليك بي سهولة (ده كلو عشان ما تسأله ) لاحظ أنه يقول (فلان الفي البلد الفلاني مثلاً ) ! يعني يصعب عليك الموضوع ..
ونوااااااااااااصل
Post: #22 Title: Re: والله والله يا ناااااااااااااااااس دي إشاااااااااااااااااعة !!!!!! Author: Eng. Mohammed al sayed Date: 01-12-2008, 09:46 PM Parent: #21
من أسوأ الإشاعات السمعتها وإنتشرت كالنار في الهشيم وفي إجازتي قبل السابقة,ماحدث في العاصمة الخرطوم . وما حدث بعدها من بلبلة,ولكن ماهي إلا دقائق وكنت أقرأ في موقع سودانيزاونلاين,إذ بعضوة ربما إسمها صباح,مشكورة نفت الإشاعة بإيراد بوست ينفي حدوث الشائعة,أصبحت أمتلك المعلومة الصحيحة لكن منو البقنع العسكري مايركبني المواصلات المتجهة خارج وسط بحري,وياجماعة والله الكلام دا ماصاح,, يازول قلنا ليك اركب اتخارج,يازول ياجنابو انا قريتا في سودانيزاونلاين,ياخوي سودانيز شنو امرق روحك اول
Post: #23 Title: Re: والله والله يا ناااااااااااااااااس دي إشاااااااااااااااااعة !!!!!! Author: الطيب شيقوق Date: 01-12-2008, 10:11 PM Parent: #22
Quote: هسي دي براها ما اشاعة يا استاذ الطيب ......
خلينا نقول دي متطلبات مهنة الصحافة....
متطلبات شنو يا يسلمى البربري ده ما تملي بيهو ايدك رابط الشمارات في طرفه وبقت عندو زى ال
Mobile shamarat
Post: #24 Title: Re: والله والله يا ناااااااااااااااااس دي إشاااااااااااااااااعة !!!!!! Author: خالد علي محجوب المنسي Date: 01-12-2008, 11:02 PM Parent: #23
Quote: قاعد تكتب في بحوث ؟ ما ياكا شغال هنا شمارات بالكوم قال قليل الحديث قال سلمى اديني مساحة لخالك ده خليني اجيهو ليك واضع ليك حاسوبو في البيت والعربية والمكتب كلو للاشاعات والشمارات يجيب ليك الخبر من سقط لقط .
والله العريبي دا مسلط يا ابوبكر أحسن تشتري مودته ... انا غايتو قررت أعمل كدا ومن اليوم بس حبايب
يا سلمى تعرفي أكبر إشاعة ما لفقها بكري أبو بكر فيني
انا أسمي خالد علي محجوب محمد إبراهيم
في رسالتي له كتبت له رسالة ( أخوك يا بكري خالد علي محجوب منسي في بقعة من بقاع الله الواسعة ) فأنزل لي الأسم خالد علي محجوب المنسي وصدقها الجمع وصار ناس ودشيقوق ينادونني يا ودالمنسي وناس الجميل محمد المرتضى بــ خالد المامنسي وغايتو الإشاعة ماشة وأتوقع لو دخل ابي على سودانيزونلاين ووجد الأسم سوف يعاقبني محاكما
Post: #28 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 10:36 AM Parent: #24
الأخ الفاضل خالد محجوب....
المنســــــــــــــي في بقعة من بقاع الله الواسعة
Quote: يا سلمى تعرفي أكبر إشاعة ما لفقها بكري أبو بكر فيني
انا أسمي خالد علي محجوب محمد إبراهيم
في رسالتي له كتبت له رسالة ( أخوك يا بكري خالد علي محجوب منسي في بقعة من بقاع الله الواسعة ) فأنزل لي الأسم خالد علي محجوب المنسي وصدقها الجمع وصار ناس ودشيقوق ينادونني يا ودالمنسي وناس الجميل محمد المرتضى بــ خالد المامنسي وغايتو الإشاعة ماشة وأتوقع لو دخل ابي على سودانيزونلاين ووجد الأسم سوف يعاقبني محاكما
طيب مش كويس الأستاذ بكري أبوبكر ما نساك وأديك العضوية....
والله انا ذاتي قايلا الأسم نهايتو المنسي يعني من ضمن الجماعة الصدقوا برضو....
Quote: وصار ناس ودشيقوق ينادونني يا ودالمنسي
اليك بهذه النصيحة القلتها للأستاذ أبوبكر..
Quote: يا ابوبكر أحسن تشتري مودته ... انا غايتو قررت أعمل كدا ومن اليوم بس حبايب
Post: #27 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 10:06 AM Parent: #23
أستاذ الطيب شيقوق أطيب الأماني
Quote: Mobile shamarat
غايتوا الاّ استاذ أبوبكر يجي بي نفسو بعد ده ويدافع....
الإشاعات كترت....
دي بقت تحت قائمة أخطر اشاعة.....
Post: #26 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 08:29 AM Parent: #22
الأخ الفاضل Eng. Mohammed al sayed يسعد صباحك ومساك...
Quote: ولكن ماهي إلا دقائق وكنت أقرأ في موقع سودانيزاونلاين بإيراد بوست ينفي حدوث الشائعة,أصبحت أمتلك المعلومة الصحيحة
لكن ما طوالي يا استاذ محمد.... أقرب اشاعة القلبت البورد رأساً على عقب متذكرها!!!لمذيعة سودانية !! ممكن تقول منو الما بتذكرها!
Quote: ,ياخوي سودانيز شنو امرق روحك اول
دي مرات نصيحة بتنفع.....
كل التقدير
Post: #25 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-13-2008, 03:43 AM Parent: #1
Quote: يا ابوبكر أحسن تشتري مودته ... انا غايتو قررت أعمل كدا ومن اليوم بس حبايب
يا ودالمنسي دة جددو ودشيقوق بتاع اشاعات سااااي من حكاية النهر الجاف الي التيمس المغرز في النهر الجاف الي قميصو الاسود كلو اشاعة .. ما عليك بيهو...
Post: #29 Title: Re: والله والله يا ناااااااااااااااااس دي إشاااااااااااااااااعة !!!!!! Author: هاشم أحمد خلف الله Date: 01-13-2008, 11:02 AM Parent: #25
سلمي سلام معانا في العمل مهندس فلبيني اسمه نستور حكي لي قصة لذيذة زوجته في الفلبين وتعمل مُدرسة ( معلمة ) وفي حالها وفي آمان الله قال لي إتصلت عليهو وقالت ليهو لو جيت مانيلا تاني يحضر كفنو معاهو !! قال ليها مالك في شنو طبعاً بالرطانة حقتهم قالت ليهو إتزوجت علي وعندك طفلين كمان !! قال لي شعرت بدوار ولساني بقي تقيل ( بقي تقيل دي من عندي انا - زيادة كلام ) المهم في الموضوع انو إتذكر زوجة صديقيه عندها طفلين وفي نفس يوم الإشاعة كان صديقه طلب منه يوصل زوجته للسوق عشان سيارته معطلة ( خربانة ) وصادف في ذلك اليوم ان شاهدته صديقة زوجة المهندس نستور وعلي طول كلمت زوجته في مانيلا بدون إستفسار وبدون مقدمات . يعني الإشاعة ما عندنا برانا حتي الفلبينين عندهم . نسأل الله ان يجنبنا الإشاعات ويستر علينا دنيا وأخرة يارب .
Post: #30 Title: Re: والله والله يا ناااااااااااااااااس دي إشاااااااااااااااااعة !!!!!! Author: خالد علي محجوب المنسي Date: 01-13-2008, 12:51 PM Parent: #29
Quote: يا ودالمنسي دة جددو ودشيقوق بتاع اشاعات سااااي من حكاية النهر الجاف الي التيمس المغرز في النهر الجاف الي قميصو الاسود كلو اشاعة .. ما عليك بيهو...
سلمى صبحي وأبوكر سلااام
والله أنا ود شيقوق دا قلتا أشتري ألفتي معاهو لكن الزول دا تب مو داير
أنا بقولا والرهيفا التنقّد ( لكن والله مابقدر علي دا زول مسلط وممسوخ )
تعرفا قبل يومين كنا نتحدث عن طريق الماسنجر . سألني أنت ماناوي تودي أولادك يزوروا السودان .. قلت ليهو يا يا ودشيقوق أنا أولادي زاروا السودان خمسة مرات وقمتا حكيت لي أني أخر مرة نزلت السودان في توقيت غير مناسب في أغسطس والجو كان حار .. أها الخواجا وامو من عشرة صباحا عويناتم إموتّّن من القهنوبة والسموم .. وبقو يرقدوا في الجنينة برا أمام الحوش في عنقريب هبابي تحت لبخا يرشو ليهم في الشدرا حتى يقدروا يناموا ... أمسك يا الزويل شيل الكلام بي صرتو ونزلو في بوست عواطف وعمل لي حبة رتوش وسوا لي سهريج وهو مو عارف شندي بتشرب من البحر مو من صهاريج ..
أها يا سلمى دي حقيقة وعمولو ليها رتوش تبقى إشاعة ولا لا ؟؟؟
Post: #32 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 01:16 PM Parent: #30
الأخ الفاضل خالد مجوب المنسي.... ألف تحية وسلام
Quote: أمسك يا الزيل شيل الكلام بي صرتو ونزلو في بوست عواطف وعمل لي حبة رتوش وسوا لي سهريج وهو مو عارف شندي بتشرب من البحر مو من صهاريج ..
أها يا سملى دي حقيقة وعمولو ليها رتوش تبقى إشاعة ولا لا ؟؟؟
اشاااااااااااااعة !!!
بعد ده استاذ الطيب شيقوق محتاج ليه محامي دفاع واثبات ذلك بأوراق ثبوتية!!! كترت الإشاعات
تقديري لك وله
Post: #31 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 01:01 PM Parent: #29
الأخ الفاضل هاشم خلف الله عساك بخير...
Quote: وصادف في ذلك اليوم ان شاهدته صديقة زوجة المهندس نستور وعلي طول كلمت زوجته في مانيلا بدون إستفسار وبدون مقدمات
يعني كده أثبتّ انوا النساء سواء في الفلبين ولا أي بلد سريعي التصرف في مسألة الإشاعات و توصيلها على هواهن وعلى كيف كيفن.
هسي دي براها ما إشاعة في حق بنات حواء المسكينات دييييل....
تقديري
Post: #33 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 01:44 PM Parent: #31
عذراً للتكرار
Post: #34 Title: Re: والله والله يا ناااااااااااااااااس دي إشاااااااااااااااااعة !!!!!! Author: الطيب شيقوق Date: 01-13-2008, 03:51 PM Parent: #33
وين الرطانــــــــــــــــــــــــــــي
سلومة
Quote: بعد ده استاذ الطيب شيقوق محتاج ليه محامي دفاع واثبات ذلك بأوراق ثبوتية!!!
ناس حلتهم كلهم بشهدوا على يوم الخواجية العطّش الحلة عندما رشوها بسهريج كامل من الحر .
Post: #35 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 03:57 PM Parent: #34
أشرت قبلاً إلى أن...
أكثر مايشاع ويؤكده الرجال بأن النساء هم الفئة الأكبر في نشر وهندسة أو زخرفة و كتابة سيناريو وإخراج الإشاعات....
يا ريت نناقش الموضوع باسهاب أكثر....
هل ده صحيح فعلاً ؟؟؟؟؟؟؟؟؟
وليه يا جماعة ؟؟؟؟؟؟؟؟
معشر النساء في البورد دايرين منكم تدافعوا بقوة عن هذا الإتهام!
..........
Post: #37 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 04:46 PM Parent: #34
استاذ الطيب شيقوق
Quote: ناس حلتهم كلهم بشهدوا على يوم الخواجية العطّش الحلة عندما رشوها بسهريج كامل من الحر
هسي تأرجحنا بين هنا وهناك.......ياتو واحدة فيهم الإشاعة ؟؟؟؟؟؟
..........
Post: #36 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-13-2008, 04:00 PM Parent: #1
Quote: أكثر مايشاع ويؤكده الرجال بأن النساء هم الفئة الأكبر في نشر وهندسة أو زخرفة و كتابة سيناريو وإخراج الإشاعات...
والحق يقال ياسلمي زمانك لما كنت بسمع اشاعات كانت المصادر كلتها رجالة ..
Post: #38 Title: Re: والله والله يا ناااااااااااااااااس دي إشاااااااااااااااااعة !!!!!! Author: الطيب شيقوق Date: 01-13-2008, 05:33 PM Parent: #36
Quote: والحق يقال ياسلمي زمانك لما كنت بسمع اشاعات كانت المصادر كلتها رجالة ..
على منو ده ؟ شايل ليك عشرين جهاز فيها لابتوبات وفلاشات وسماعات وربما للتنقيب عن موقع الخبر كمان جهاز gps
PROPAGANDIST KABEEEEEEEEEEEEER
Post: #40 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-13-2008, 07:10 PM Parent: #38
Quote: جهاز gps
اللحظة مشغل جي بي اس من خلال هاتفي واكيد ساصل الي بير السلم الانت مدسي تحتو خوفا من الامطار ..يا حتات
Post: #39 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 07:01 PM Parent: #36
استاذنا القدير أبوبكر....
Quote:
والحق يقال ياسلمي زمانك لما كنت بسمع اشاعات كانت المصادر كلتها رجالة ..
أنا قلت النساء يدافعوا عن نفسهم في ما يشاع عنهم من نشر الإشاعات لكن الظاهر حنقلب الحكاية....
>>>>>>>>>
Post: #41 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-13-2008, 07:13 PM Parent: #1
Quote: أنا قلت النساء يدافعوا عن نفسهم في ما يشاع عنهم من نشر الإشاعات لكن الظاهر حنقلب الحكاية....
ياسلمي انتي بس تابعي مناكفات جدو ودشيقوق والرطان وحتلقي كمية الاشاعات الرجالية ( ودائما جدو ودشيقوق هو الاشاعاتي الاول )
Post: #42 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 08:42 PM Parent: #41
Post: #43 Title: Re: والله والله يا ناااااااااااااااااس دي إشاااااااااااااااااعة !!!!!! Author: محمد مختار جعفر Date: 01-13-2008, 08:52 PM Parent: #41
الإشاعة لها تأثيرها القوى فى المجتمعات بلا شك ،
لذلك أذكر عندما كنا نعمل فى الإعلام وبالتحديد تليفزيون السودان كانت وزارة الإعلام تعمل للإشاعات الف حساب للدرجة التى إهتم بها الرئيس النميرى وحاربها وحذر مروجيها وطالعتنا الإعلانات الكبيرة بحجم( البوستر ) ـ الحيطان ليها أذان ـ وصورة أضان كبيرة على البوستر ـ وأحترس من الإشاعات ـ ... بالمناسبة الإشاعة صنـاعة ، وفى دنيا السياسة لها صناعها ومخرجيها وترصد لها ميزانية خاصة من أجل الوصول لأهداف بعينها ، الإشاعة فى مجملها ضارة ... ومزعجة إن كانت من أجل المزحة ... ربنا يكفينا شرها .. ولك تحيتى يا سلمى ياظريفه .. محمد مختار جعفر
Post: #44 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 09:27 PM Parent: #43
الأستاذ الفاضل محمد مختار...... يسعد مساك.....
Quote: الإشاعة لها تأثيرها القوى فى المجتمعات بلا شك ،
قطع شك...!!!!!
Quote: الحيطان ليها أذان ـ وصورة أضان كبيرة على البوستر ـ وأحترس من الإشاعات ـ ...
في قصة ظريفة جداً حصلت بمناسبة الموضوع ده....
واحدة يوم قاعدة في الحوش سمعت جارتها بتتكلم في الموبايل وما لقطت الا أهم كلمة في المكالمة كلّها ....عرّس !!! الجارة خطفت الكلمة وعلى أقرب جارة....يا جماعة الزولة ديك راجلها عرّس فيها....لازم نواسيها... والحكاية مشت من بيت لي بيت لحد ما قرروا يجتمعوا ويزوروا الموجوعة بزواج راجلها عليها.... دخلوا عليها وكأنوا بيت بكاء...الله يصبرك الدنيا كده...والراجل ما كل شي....عندك أولادك بينفعوك وإحنا معاك لو احتجت شي.... المرة وقعت ودوها المستشفى قايلة راجلها اتوفى...
ودي نتيجة الإشاعات
Quote: وترصد لها ميزانية خاصة
بالله فيها SALARY كمان ....الناس شغّاله فيها بالمجان ما عارفين دي
.....
Post: #45 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-13-2008, 09:41 PM Parent: #44
اشاعاااااااااات..........اشاعااااااااااااات
Post: #46 Title: Re: والله والله يا ناااااااااااااااااس دي إشاااااااااااااااااعة !!!!!! Author: عبدالله داش Date: 01-13-2008, 10:22 PM Parent: #1
إشاعه...
أنا بخاف منها جداً بالجد ضيعت علي أحلام كبيره خلاس
Post: #47 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 06:41 AM Parent: #46
الأخ عبد الله داش
Quote: إشاعه...
أنا بخاف منها جداً بالجد ضيعت علي أحلام كبيره خلاس
عارف المسافة بين كلمة إشاعة والكلام الأخير كبيييييرة معناها الموضوع كان صعب عليك شديد............ بس ما تكون وقعت في مقلب من النوع ده !!!
Quote: ولا تجي واحدة غيورّة شوية ودايرة تطفّش العرسان من واحدة وتقول ليهم دي مرتبطة !!
دي مجرد توقعااااااات والجايات أكتر من الرايحات...
دمت سعيداً....
Post: #48 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-14-2008, 07:00 AM Parent: #1
ياسلمي صباحك خير .. اجازة اجبارية لكن الواحد شغال من البيت _دي ما اشاعة يالعرريب.. دي التكنولوجيا) ...
ياسلمي "الفشخرة والشوبيز والبوبار ...الخ " هذه افة قاتلة اكثر من الاشاعة .. تخرب بيوت وتشرد كثيرين وتدخلهم في ديون وسجون ... عكس الواقع يساعد في تحسينه...
Post: #49 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 08:03 AM Parent: #48
وصباحك ألف خير يا استاذ أبوبكر...
Quote: دي التكنولوجيا ...
برضو استاذ الطيب ما بخليك....لكنهو اختفى ليه؟ ما لقى محامي ولا شنو؟؟؟
Quote: "الفشخرة والشوبيز والبوبار ...الخ " هذه افة قاتلة
قديماً قالوا( البوبار .. والسكن في بيت الايجار)..
وفي نوعين من البوبار....الحقيقي ودا بتاع ناس ( اما بنعمة ربك فحدث ) والتاني ....ليه إحنا أحسن منهم!!! نكون ذيّهم !!
أما الشخص البوبار بصفة عامة ده البينطبق عليه المثل «أسمع كلامك أصدقك أشوف عمايلك استعجب»
وبدون زعل يا جماعة.... من الواقع الكان حاصل وقد يكون ما زال بأن .... بعض المغتربين ولعوا النار... الكان بيجي شايل شنط والطيارة ما تقدر تشيلها...والباقي مشحون وناس الجمارك يعانوا...والناس المنتظرة برة لإستقبالهم تزهج وتقعد تطلب في الحاجة الباردة ( لو قلنا الطيارة كانت جاية الصباح بدري وقعدوا مثلاً للظهر ) والشفع ينوموا...وكده وطبعاً طلعت بعد التغيرات دي إشاعااااات كتيرة و أهم واحدة كانت في صالح المغتربين...
رغبة بعض البنات في الزواج من مغترب....
لكن المشكلة ويييييين!!! الحكاية انقلبت وبقت ما في الصالح و بقوا المغتربين ذات نفسهم كايسين البيطفيها.. الدنيا اتغيرت وانعكست الآية.... البوبار بقى الآن داخل السودان وترأسوا هم القائمة .. واصبحت كلمة مغترب .. صفة لقلة الحيلة...
فنسأل الله تعالي أن لايزجنا في هذا المنعطف....
Post: #50 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-14-2008, 08:38 AM Parent: #1
Quote: البوبار بقى الآن داخل السودان وترأسوا هم القائمة .. واصبحت كلمة مغترب .. صفة لقلة الحيلة...
اسمع احيانا واري بعض حالات وقراءت عن حالات في السودان صار فيها "البوبار" ملمح اجتماعي .. وحالات تاتي الي هنا مثلا دبي تشتري دون تمييز (لاحظت ان كثير من المال عند بعض الذي في الداخل)وبارقام فلكية ..وبعض يشتري هنا سيارات فاخرة ويؤجر شقق فاخرة فقط لقضاء بضعة ايام في الشهر ويرجع الداخل ( دي ما اشاعة انا شفتها)...من اين لهم المال ؟؟ للاسف لاحظت ان ذلك لا ينعكس علي لبسهم وطريقة حديثهم ..الخ ...لم يستعينو بالمال ليهذبو لباسهم واسلوب حديثهم ..الخ ...المطارات تشتكي منهم وكذلك الفنادق لتهاملهم الفج وعدم انضباطهم واحترامهم للوقت .....
Post: #51 Title: Re: والله والله يا ناااااااااااااااااس دي إشاااااااااااااااااعة !!!!!! Author: مجدي عبدالرحيم فضل Date: 01-14-2008, 09:09 AM Parent: #50
لم تغرب شمس الإشاعة أبدا طال ما في متزوجين علي الأرض
بعدين أزواج المنبر ديل منو؟؟؟؟ ده نوع من الشمَار يمكن أن يتحول إلي إشاعة !!
،،،،أبوقصى،،،،
تعديل حرف خطأ معزرة
Post: #53 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 09:28 AM Parent: #51
الأخ الفاضل أبو قصي... عساك بألف خير
Quote: لم تغرب شمس الإشاعة أبدا طال ما في متزوجين علي الأرض
ولنننننننننننن تغرب !!!
Quote: بعدين أزواج المنبر ديل منو؟؟؟؟ ده نوع من الشمَار يمكن أن يتحول إلي إشاعة !!
العرسان الظراف الفي المنبر حتى الآن هم في طور الخطوبة....وطلبوا السريّة التامة لحين اتمام مراسم الزواج....
بس ادعي ليهم بالتوفيق....
وتابع معانا....
Post: #52 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 09:11 AM Parent: #50
الأستاذ الفاضل أبوبكر....
Quote: اسمع احيانا واري بعض حالات وقراءت عن حالات في السودان صار فيها "البوبار" ملمح اجتماعي .. وحالات تاتي الي هنا مثلا دبي تشتري دون تمييز (لاحظت ان كثير من المال عند بعض الذي في الداخل)وبارقام فلكية ..وبعض يشتري هنا سيارات فاخرة ويؤجر شقق فاخرة فقط لقضاء بضعة ايام في الشهر ويرجع الداخل ( دي ما اشاعة انا شفتها)...من اين لهم المال ؟؟ للاسف لاحظت ان ذلك لا ينعكس علي لبسهم وطريقة حديثهم ..الخ ...لم يستعينو بالمال ليهذبو لباسهم واسلوب حديثهم ..الخ ...المطارات تشتكي منهم وكذلك الفنادق لتهاملهم الفج وعدم انضباطهم واحترامهم للوقت .....
ماأشرت اليه ما هو الاّ حقيقة واقعة وملموسة....ونأسف كسودانيين أن تكون مثل هذه الشواهد ماثلة بيننا وليست إشاعة فقط...وربما ما خفى أعظم.
شكراً لإثارة هذا الموضوع...
تقديري
Post: #55 Title: Re: والله والله يا ناااااااااااااااااس دي إشاااااااااااااااااعة !!!!!! Author: محمد مختار جعفر Date: 01-14-2008, 09:31 AM Parent: #52
الإشاعة أصبحت مرض العصر ولكن بحمد الله عندنا فى السودان لا زالت قاصره أكثرها على دنيا السياسة والسياسيين ، وفى السياسة الإشاعة أغلبها تكون واقعية وأحدث إشاعة حاليا هو تعيين إبن الصادق المهدى / بشرى ضابطا فى الأمن ، وثارت ثائرة الكثير من المنتمين الى حزب الأمة ولا زالت بهذا الخبر أو هذه الإشاعة .. ترى أنها إشاعة أم حقيقة .. الله يستر من الهبايب ياسلمى .. لك تحيتى
Post: #57 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 10:15 AM Parent: #55
استاذ محمد مختار ....
Quote: الله يستر
........
Post: #54 Title: Re: والله والله يا ناااااااااااااااااس دي إشاااااااااااااااااعة !!!!!! Author: كبسيبة Date: 01-14-2008, 09:28 AM Parent: #1
بوست في غاية الجمال ... شكراً سلمى لدينا الكثير من العادات الكرهية ...مجتمعنا يحتاج إلى الكثير من الصيانة وفي الوقت الحالي نحن بنسد دي بطينة والتانية بي عجينة
Post: #56 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 09:40 AM Parent: #54
الأخ الكريم كبسيبة....
طيّب الله أيامك....وتسلم على التعليق الجميل.
Quote: لدينا الكثير من العادات الكرهية ...مجتمعنا يحتاج إلى الكثير من الصيانة
لا يغيّر الله ما بقوم حتى يغيّروا ما بانفسهم....
خليك متابع معانا.....
Post: #58 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 10:17 AM Parent: #56
السودانيين كسااااااااااااالى
دي إشاعة انتشرت عن الشعب السوداني بشدة بل وأصبحت للأسف من الأوصاف اللصيقة بالزول السوداني......
لكن سؤال بالجد.............................منو الطلّع الإشاعة دي !!!!!!!!!
كدي نشوف رد الهيلاهوب على الموضوع ده شنو .....
Post: #59 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 10:48 AM Parent: #58
النكاااااااااااااااااااااات
أسلوب من الأساليب الفعّاله في نقل الإشاعة....
المعروف انوا النكتة بيرتاح لها السامع ولا ينساها بسهولة عشان كده مفعولها قوي.....
يعني مثلاً نسمع نكات عن بعض الصفات لبعض القبائل السودانية ويكون الموضوع بداية بغرض الضحك والفرفشة ....بعدين نلقى الحكاية بقت لصيقة بالناس دي تماماً.....
والطريف كمان بانوا في شخصيات ظريفة على سبيل المثال... المرحوم عوض دكّام رحمه الله اشتهر بسرد النكات ، لكن طبعاً الناس بتزيد وبتألف من راسها ولما يحكوها ليه ويسمعها يقعد يضحك ويقول.....
دي اشاعات !!!!!
........
Post: #60 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 08:40 PM Parent: #59
ونواصل....
.....
Post: #61 Title: Re: والله والله يا ناااااااااااااااااس دي إشاااااااااااااااااعة !!!!!! Author: ابوبكر يوسف إبراهيم Date: 01-14-2008, 09:15 PM Parent: #60
الأخت العزيزة سلمى سلام على روحك الطيبة
حينما تكتبين فأنت في عبادة.. عبادة مجازية مع الحرف وهي غيرما نتعارف عليه من العبادات .. عبادة مع الحرف وليس للحرف حاشا لله فهو الواحد المعبود لا شريك له. أنت الآن عبدا للكتابة، وفي كل إبداع جديد تعيد عبادتك في صمت وخشوع جميلين، زاهدة في كل الأشياء التي هزتك من قبل عند لحظة الكتابة والابداع ، أشياء استهلاكية سائدة، والتي تنتحل صفة الحياة وتستعمر الدوق والمخيلة والإنسان، مثلا تنسى انك تناولت طعام الغذاء أو العشاء.. يسرقك سكون الليل إلى أن ينبهك صوت " الهلال". تلمسين حينها أن الوقت قصير جدا وأنك تصارعيتن قصر العمر، وتتمنين لو يطول إلى حين إعادة كتابة دفتر الحياء.. أليس مجردوجود الحياء غند البعض إشاعة!!.. أعجيب أن تسمعي غداً من يرميني بالإلحاد لمجرد أني كتبت عن عبادة الحرف ولا أدري إلآم ستنتهي بي ما سيولد من اشاعة لا تمت للحقيقة وتكون متعنكبة في نفوس أصحابها فقط .. وربما أهدر دمي.. ونقطة الإنطلاق إشاعة لن تعيد من أعهدر دمه إلى الحياة.. تحياتي
Post: #62 Title: Re: والله والله يا ناااااااااااااااااس دي إشاااااااااااااااااعة !!!!!! Author: الطيب شيقوق Date: 01-14-2008, 09:33 PM Parent: #61
Post: #63 Title: Re: والله والله يا ناااااااااااااااااس دي إشاااااااااااااااااعة !!!!!! Author: خالد علي محجوب المنسي Date: 01-14-2008, 09:52 PM Parent: #62
[B]ياسلمي انتي بس تابعي مناكفات جدو ودشيقوق والرطان وحتلقي كمية الاشاعات الرجالية ( ودائما جدو ودشيقوق هو الاشاعاتي الاول )
أنا قلتا شي يا سلمى
كدي جيبي أضانك النحدثك ... تابعي تلقي زي عقرب المويا في البويتات يلدغ دا ويهبش دا كل مناي مايشوف مداخلتي دي ... والله علا يجيني في كوسوفا كداري .
Post: #66 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 10:29 PM Parent: #63
الأخ الفاضل خالد محجوب....
Quote: أنا قلتا شي يا سلمى
أبداً بس دي.....
Quote: كل مناي مايشوف مداخلتي دي
معليش ياأبو أحمد الأمنيات الجايات أكتر من الرايحات كان تتمنى الأمنية دي امبارح...هسي أكيد الكلام اتقرا[ /B]
Post: #65 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 10:21 PM Parent: #62
استاذ الطيب شيقوق
شفت الإشاعات كترت وراك كيف.....
Post: #64 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-14-2008, 10:08 PM Parent: #61
الأستاذ الفاضل أبوبكر يوسف ابراهيم متّعك الله بالصحة والعافية....
تقديري لكل حرف نقي في مداخلتك سيدي الفاضل....
Quote: ولا أدري إلآم ستنتهي بي ما سيولد من اشاعة
كلنا نعلم ان للكثير منّا حب الكتابة وعلى خلق الحالة التي نرغب ساعتها في الكتابة عن موضوع ما، متحدين هواجسنا الداخلية بأن ما نحلم به قد ينقلنا الى أرض الواقع ولو للحظات......تتكون بعدها صورة مشعة عن الذات، نستدعي كل الصور ونترك الكلمات لتصطف كما تريد ونطلق لها العنان ليبدأ الحلم.... وعلى عتبات الكتابة.. نقف ضد كل الحكايات التقليدية.....محوّلين بذلك الشغف الى سطور عن الأحداث الأسطورية التي تغلف البدايات ، وعن امكانية حدوث ذلك لكل البشر، وجميع الناس.
هو عالم يمتزج فيه الخيال بالواقع ....فلنحلم....ولنعيش الواقع اذاً لتكن الكتابة عالمنا الثاني لنكتب.............فالكتابة فن...وعشق....وعمق....ومعايشة لفصل من الفصول الأربعة أو جميعها
فمن يلومك يا سيدي الفاضل؟
والتحية لك ....و لكل من يكتب في هذا المنبر نساء ورجال...
كل التقدير
Post: #67 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-16-2008, 07:44 AM Parent: #64
الإشـــــــــاعة !!!!
____________________________
ما وراء الكواليـــــس !!!
Post: #68 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-16-2008, 08:15 AM Parent: #67
من الطرق السريييييييعة لنقل الإشاعة.....
بسم الله نبدأ....
بي....
بعدين......
بعدين.....
بعدين...
تاني يا جماعة ما بعرف .........
الا إذا كان عندكم إضافات ما في أي مانع.......
....
........
Post: #69 Title: Re: والله والله يا ناااااااااااااااااس دي إشاااااااااااااااااعة !!!!!! Author: Haitham El Galal Date: 01-16-2008, 09:34 AM Parent: #1
العزيزه سلمى
الراجل من المجاهدين الاشداء مشى لطبيب امراض النساء المشهور و كل ما يسال الطبيب الزوجه يرد عليه الزوج ويطلب الطبيب بذوق وادب جم ان يسمع الشكوى من المريضه ويطلب بعض الفحوصات العاديه من المعمل المجاور للعياده لتاتى النتيجه بحمل المراه ويخبر الطبيب الاثنين معا لتنقلب الدنيا و تغلق العياده ويغمى على الطبيب اثر انقلاب الطاوله على راسه و تنقل الزوجه للمستشفى اثر الضرب المبرح ويلقى القبض على المجاهدالذى يفاجئهم بعودته فقط امس و يفاجا الطبيب بعد ان رجع الى عمله بان النتيجه تخص امراة اخرى
ياما فى الحبس مظاليم
مودتى
Post: #70 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-16-2008, 10:15 AM Parent: #69
الأخ الكريم هيثم الجلال عساك بألف خير
لا حول ولا قوة الا بالله....
Post: #71 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-16-2008, 10:20 AM Parent: #70
هسي يا ناس البورد.....
كلامي ما مشى وجا.............
المنبر بقت فيه إشاعات...........
الحقيقة لحد هسي وين ما معروفه؟؟؟؟؟؟؟؟؟؟
..................
Post: #72 Title: Re: والله والله يا ناااااااااااااااااس دي إشاااااااااااااااااعة !!!!!! Author: الطيب شيقوق Date: 01-16-2008, 11:49 AM Parent: #71
سلومة
Quote: استاذ الطيب شيقوق
شفت الإشاعات كترت وراك كيف.....
ما عافي ليكم
Post: #73 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-16-2008, 02:50 PM Parent: #72
استاذ الطيب ....
العفو عند المقدرة.....
Post: #74 Title: Re: والله والله يا ناااااااااااااااااس دي إشاااااااااااااااااعة !!!!!! Author: salma subhi Date: 01-16-2008, 03:01 PM Parent: #73
الشعراء من أكثر الناس تعرضاً للشائعات نظراً لكتاباتهم.....
لكن طبعاً عندهم طريقتهم الخاصة في الرد عليها....
فالشاعر نزار قباني مثلاً نفى الشائعات بطريقته الشعرية الجميلة وباسلوبه المشوّق فقال في قصيدة التمثيلية......
أقول أمام النـاس، لسـت حبيبتـي وأعرف في الأعماق كم كنت كاذبـا وأزعم أن لا شـيء يجمـع بيننـا لأبعد عن نفسـي وعنـك المتاعبـا وأنفي إشاعات الهوى.. وهي حلـوة وأجعل تاريخـي الجميـلَ خرائبـا وأعلن في شكـلٍ غبـيٍ، براءتـي وأذبح شهوتـي.. وأصبـح راهبـا وأقتـل عطـري عامـداً متعـمـداً وأخرج من جنـاتِ عينيـك هاربـا أقوم بدورٍ مضحـكٍ.. يـا حبيبتـي وأرجع مـن تمثيـل دوريَ خائبـا فلا الليل يخفي – لو أراد – نجومَـهُ ولا البحر يخفي – لو أراد – المراكبا
.......
Post: #75 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-16-2008, 04:13 PM Parent: #1
حسب معلوماتي انوا البيجفف الأنهار ويشرب مويتها بعدين هم قوم يأجوج ومأجوج....
وهم من علامات القيامة....يا لطيف...
اللهم أجعلنا من أصحاب اليمين
Post: #80 Title: Re: والله والله يا ناااااااااااااااااس دي إشاااااااااااااااااعة !!!!!! Author: abubakr Date: 01-16-2008, 06:04 PM Parent: #1
Quote: لكن يا سلومة بيني وبينك الزول ده لو انا كتبت اسمو حتى لو في ماى دكيومنت خارج النت برضو بيجي ناطي على .
ما قالو ليك "سيدنا ابوبكر سيد احمد ".... اها مما فنجلت عيونك وشفت الدنيا في واحدة او واحد نا دووك بيا"سيدنا" اخير ليك الزم الجابرة ( بالمناسبة ليه بيقولو الزم الجابرة ؟ ) وروح نوم
Quote: ندعو الصالحة بت طلحة عشان تجيب خبرك ببخرة واحدة تطلعك بالمصبع الصغير .
اها خليك بعيد من ملكتنا .. اتخيل ملكة سيدنا؟؟ انت شن بجيبك هنا ؟؟
Post: #82 Title: Re: والله والله يا ناااااااااااااااااس دي إشاااااااااااااااااعة !!!!!! Author: الطيب شيقوق Date: 01-16-2008, 06:18 PM Parent: #80
Quote: حسب معلوماتي انوا البيجفف الأنهار ويشرب مويتها بعدين هم قوم يأجوج ومأجوج....
