Post: #1
Title: .......... اشــــــارة حمــــــرااااء ........
Author: salma subhi
Date: 07-10-2007, 11:17 AM
إشارة حمراء!!!!! لبعض الناس البتقوم بتصرفات مزعجة.. أو غريبة ..أو خاطئة.. و ممكن نتعجب منها أحياناً وممكن تحير...مش كده بس في ناس ممكن يوهمونا احنا الغلط ويخلّونا نتسائل احنا الغلط ياربي ولا هم ؟؟؟؟.....ومرات نسأل روحنا ياربي ديل مآآآاالهم ؟؟؟؟؟.....بيعملوا كده ليه !!! 
وكملوا الباقي
.....
|
Post: #2
Title: Re: .......... اشــــــارة حمــــــرااااء ........
Author: salma subhi
Date: 07-10-2007, 11:24 AM
Parent: #1
ندي مثال والموضوع عاااااااااااااااام
يجي واحد يتكلم ويرفع راسه فوووووووووق ( ذي الطالع أصانصير ) واللبس من أرقى الأماكن والعربية موديل السنة و (أهم شي الريموت ) ويا الله تطلع من لسانه الحروف الأبجدية وفجأة بالغلط تكتشف ...
الموضوع ديون × ديون
طيب ليه ؟؟؟؟ ما التواضع حلو
هسي كان وقع ساكت البساعده منو؟؟؟ ما بقولوا عنده قروش وداسّيها!!!
ونواصل
|
Post: #3
Title: Re: .......... اشــــــارة حمــــــرااااء ........
Author: مجدي عبدالرحيم فضل
Date: 07-11-2007, 08:03 AM
Parent: #2
Quote: الموضوع ديون × ديون
طيب ليه ؟؟؟؟ ما التواضع حلو
هسي كان وقع ساكت البساعده منو؟؟؟ ما بقولوا عنده قروش وداسّيها!!!
|
سلمي الجميلة تحية بألوان أشارتك
من الأستعداد مرورا بالأنطلاق حتي التوقف
هي روقي وحضارة وتنظيم ياريت نعرف؟
|
Post: #6
Title: Re: .......... اشــــــارة حمــــــرااااء ........
Author: salma subhi
Date: 07-12-2007, 01:19 PM
Parent: #3
الأخ مجدي لك كل الأمنيات العذبة والجميلة
هي اشارة حمراء علّها توقف بعض الأشخاص من بعض التصرفات لأن البعض وللأسف موهوم كما في قصة صاحب الديون وده مثتال بسيط.
| Quote: هي روقي وحضارة وتنظيم ياريت نعرف؟ |
وياريت
مودتي
|
Post: #4
Title: Re: .......... اشــــــارة حمــــــرااااء ........
Author: celecon
Date: 07-11-2007, 08:14 AM
Parent: #1
سلمى صبحى .. ازيك ...
مد فراشك على قدر كرعيك ...
|
Post: #7
Title: Re: .......... اشــــــارة حمــــــرااااء ........
Author: salma subhi
Date: 07-12-2007, 01:22 PM
Parent: #4
| Quote: مد فراشك على قدر كرعيك ... |
أيوه يا سيليكون ...اولاً مرحب بيك اختفيت فترة من الساحة المنبرية...
وصدقت في دي لكن ذي ما قلت ليك أنا ضربت مثل معقول ما في تصرفات أزعجتك أو استغربت فعل صاحبها؟؟؟ لازم في!!!
في انتظار المشاركة
|
Post: #5
Title: Re: .......... اشــــــارة حمــــــرااااء ........
Author: samo
Date: 07-11-2007, 09:25 AM
Parent: #1
Quote: يجي واحد يتكلم ويرفع راسه فوووووووووق ( ذي الطالع أصانصير ) واللبس من أرقى الأماكن والعربية موديل السنة و (أهم شي الريموت ) ويا الله تطلع من لسانه الحروف الأبجدية وفجأة بالغلط تكتشف ...
|
حرررررم التقول بتعرفيهو انتى كمان ..الشخص الفي بالي دة
والبينطبق عليهو كلامك الفوق دة (بالكربون )
..
فعلا ..... هي اشياء تحير الواحد في نافوخو ..
|
Post: #8
Title: Re: .......... اشــــــارة حمــــــرااااء ........
Author: salma subhi
Date: 07-12-2007, 01:26 PM
Parent: #5
مرحب سامو
| Quote: والبينطبق عليهو كلامك الفوق دة (بالكربون ) |
الذيه كتيييير من غير ما أعرف هو منو. بس نقول شنو الله يبارك في القروض البنكيه !!!! وأصدقاء الشدة .
كل التقدير
|
Post: #9
Title: Re: .......... اشــــــارة حمــــــرااااء ........
Author: salma subhi
Date: 07-12-2007, 02:22 PM
Parent: #8
مثال تااااااااني
واحد حنيت في حاله لقيته عزابّي أو أسرته في السودان قمت عزمته غداء يوم جمعة وقلت للمدام عليك اللته اتوصي بالغداء الزول ده الله ورقبته في البلد دي؟؟؟؟
تفاجأ بانو الزول كل جمعة داقي جرس الباب ومن غير احساس بس بيصلي الجمعة وعديل على بيتك ليييييه؟ عشان الغداء وكأنه الموضوع بقى اجباري على ناس البيت استضافة ثقيل الظل كل جمعة !!!!
ودي جزاة المعروف وفعلاً في ناس ما بتحس
|
Post: #10
Title: Re: .......... اشــــــارة حمــــــرااااء ........
Author: salma subhi
Date: 07-12-2007, 02:45 PM
Parent: #9
التعليق عليييييييكم !!
|
Post: #11
Title: Re: .......... اشــــــارة حمــــــرااااء ........
Author: salma subhi
Date: 07-12-2007, 03:10 PM
Parent: #10
|
Post: #12
Title: Re: .......... اشــــــارة حمــــــرااااء ........
Author: salma subhi
Date: 07-12-2007, 03:15 PM
Parent: #11
الأب تعبان يلم في قروش تعليم الولد المجتهد في الخارج والأم حارمه نفسه من حاجات كتيرة والولد...........!!!!!
|
Post: #13
Title: Re: .......... اشــــــارة حمــــــرااااء ........
Author: salma subhi
Date: 07-12-2007, 03:53 PM
Parent: #12
موقف ممكن يغييييظ
واحد بتكلمه عن قطعة أرض مثلاً سعرها مغري وما بتتفات وانك بتجمع في القروش ناوي تشتريها.
وفي طريقك الى السمسار والفرحة ما سايعاك تفاجأ بان الأرض اتباعت وتسأل السمسار : متين والاشتراها منو والحسرة ماكلة قلبك ؟
تفاجا بي زولك الكلمته عن الأرض هو الاشتراها لا ومش كده يقابلك يقول ليك والله أنا زعلان منك شديد ما قلت لي مبروك ما اشتريت لي أرض !!!!
عالم غريبة ما بتحب الخير للناس
|
Post: #14
Title: Re: .......... اشــــــارة حمــــــرااااء ........
Author: salma subhi
Date: 07-12-2007, 04:06 PM
Parent: #13
ممكن برضه ناس هوايتها....!!!
|
Post: #15
Title: Re: .......... حاجة عجيبة .........
Author: salma subhi
Date: 07-12-2007, 04:27 PM
Parent: #14
حاجة عجيبة
تسأل واحد من بت الحلال العاجباك يشنفها ويقول ليك دي !!! أبعد منها دي كده وكده وكده !!!
بعد شهرين تسمع بي فنان صوته جهووور ويحي حفل زواج ....العريس منو وبالأحرى العروس منو ؟؟؟
طبعاً عرفتوا الاجابة!!!
|
Post: #16
Title: Re: .......... حاجة عجيبة .........
Author: جمال السنوسي
Date: 07-12-2007, 08:22 PM
Parent: #15
سلمى
تحياتي
حاجة عجيبة
يطلب من الاطفال الكذب في التلفون بتوجيه من والديهم لعدم الرغبة في مقابلة الزائر او الرد على التلفون ( بابا : مافي - نايم - خرج - سافر - وهلم جرا) ولكن عندما يكذب الطفل على والديهفي شيء يخصه يعاقب بقسوة على كذبه برغم انهما علماه الكذب
حاجة عجيبة
|
Post: #17
Title: Re: .......... حاجة عجيبة .........
Author: ابوبكر على
Date: 07-14-2007, 10:54 AM
Parent: #16
تحياتى سلمى
يجو المغتربين من السعودية و الخليج و يعرسو البنات السمحات و يخلو خشمنا ملح ملح و نحن تعبانين نربى من ايام الجامعة. الواحد يجى كف يختفامتل الحدية
حاجة عجيبة
|
Post: #19
Title: Re: .......... حاجة عجيبة .........
Author: salma subhi
Date: 07-14-2007, 01:33 PM
Parent: #17
| Quote: يجو المغتربين من السعودية و الخليج و يعرسو البنات السمحات و يخلو خشمنا ملح ملح و نحن تعبانين نربى من ايام الجامعة. |
ضحكتني يا أخ أبوبكر لانه الحكاية حصلت بالضبط قدامناأيام الجامعة ونفس الكلام اتقال انه خطفها ذي الحدية وخلت أخونا المشوكش في حالة لا وعي وراكب قطار الشوق ويحسب في المسافات الما ليها نهاية!
طيب انت ما تخليك سريع شويه! وعلى قول أخوانا المصريين الرزق يحب الخفّية.وكترة الملح بجيب الضغط، فخليك أبو سريع.
|
Post: #18
Title: Re: .......... حاجة عجيبة .........
Author: salma subhi
Date: 07-14-2007, 01:14 PM
Parent: #16
الأخ جمال السنوسي
شكراً لمرورك وتخطيك الاشارة الحمراء ولكن عن صدق وحجة!
فعلاً ماذكرت يستحق منا النظر باستغراب لتصرفات الكبار...فالبعض ينشئ جيل بطريقة تحتاج مراجعة الشخص الكبير لنفسه أولاً
كل التقدير
|
Post: #20
Title: Re: .......... اشــــــارة حمــــــرااااء ........
Author: د.محمد حسن
Date: 07-14-2007, 01:40 PM
Parent: #1
يا سلمى ما اسمها قروض بنكية
اسمها تعاملات مالية
دخلت اسلم عليك
|
Post: #21
Title: Re: .......... اشــــــارة حمــــــرااااء ........
Author: salma subhi
Date: 07-14-2007, 01:47 PM
Parent: #20
يا أهلاً ب..د. محمد حسن
باين عليك من وتفرق دينه على القبائل باتت لديك خبرة عظيمة في مجال البنوك..
لكن حسب ما أعرف انه قرض بنكي و أول مرة أسمع بانه يطلق عليها التعاملات المالية لانه شايفة لمن يعملوا عروض في الاعلانات بيكتبوا فرض بنكي بطريقة ميسرة والتعاملات الماليه ممكن تعني عدة أشياء بطاقات ائتمانية ...حسابات...الخ
....ولا يمكن ده في الخليج بس !!! 
كل التقدير
|
Post: #22
Title: Re: .......... اشــــــارة حمــــــرااااء ........
Author: د.محمد حسن
Date: 07-14-2007, 01:59 PM
Parent: #21
طبعا يا سلمي ناس الخليج واضحين
قروض بنكية يعني قروض بنكية
لكن ناسنا نا التوشح الحضاري
بيلونوها
ويسموها معاملات مالية
لانه القروض ربوية
المعاملات اسلامية
عرف ت الفرق والا اعيدتاني
مودتي
|
Post: #23
Title: Re: .......... اشــــــارة حمــــــرااااء ........
Author: salma subhi
Date: 07-14-2007, 02:09 PM
Parent: #22
أوكي فهمت تمااااااااام يا دكتور
|
Post: #24
Title: Re: .......... اشــــــارة حمــــــرااااء ........
Author: salma subhi
Date: 07-14-2007, 02:27 PM
Parent: #23
تعزم ليك زول ويقول ليك فيها مشكلة لو جبت صاحبي؟ تقول ليه ما مشكلة جيب معاك صحبك والبيت بيتك كمان ...لحد هنا كويس
تفاجأ !!!!
على حس الجملة التعبيرية الجميلة ( البيت بيتك ) المعزوم جايب الحي كلة معاه !!!!
|
Post: #25
Title: Re: .......... اشــــــارة حمــــــرااااء ........
Author: الطاهر عثمان
Date: 07-14-2007, 02:44 PM
Parent: #1
وممكن اضيف ثلاثة إشارات "حمر" مرة واحدة
ليه السودانيين بيتكلموا بصوت عاااااااااالي في الموبايل وبالذات لو المكالمة دولية وكانه بعد المسافة يتطلب الصراخ والكواريك والحلة كلها تسمع..
وليه شفع المغتربين قليلين أدب وخمجانين ومابيسمعوا الكلام
والاشارة الاخيرة ليه لمه يجوك ناس زيارة ناس البيت كلهم بيطلعوا معاهم للشارع والضحك باعلي صوت والونسة تحلي وتزيد في الباب
ليييييييييييييه
|
Post: #26
Title: Re: .......... اشــــــارة حمــــــرااااء ........
Author: salma subhi
Date: 07-14-2007, 03:01 PM
Parent: #25
والله يا أخ الطاهر ...ضحكت لحد ما دمعت
لأنه كله صااااح 100 %
Quote: ليه السودانيين بيتكلموا بصوت عاااااااااالي في الموبايل وبالذات لو المكالمة دولية وكانه بعد المسافة يتطلب الصراخ والكواريك والحلة كلها تسمع..
وليه شفع المغتربين قليلين أدب وخمجانين ومابيسمعوا الكلام
والاشارة الاخيرة ليه لمه يجوك ناس زيارة ناس البيت كلهم بيطلعوا معاهم للشارع والضحك باعلي صوت والونسة تحلي وتزيد في الباب
ليييييييييييييه
|
صحي فعلاً لييييييه؟؟  يمكن يلقى لينا واحد من المتداخلين تفسير لاحدى الحالات !!!!
كل التقدير
|
Post: #27
Title: Re: .......... اشــــــارة حمــــــرااااء ........
Author: salma subhi
Date: 07-14-2007, 03:06 PM
Parent: #26
Quote: وليه شفع المغتربين قليلين أدب وخمجانين ومابيسمعوا الكلام
|
ذكرتني يا أخ الطاهر بحكاية أولاد المغتربين دي... أركب بس طيارة فيها شفع سودانين والباقي بيظهر ليك من غير ما أكمل بداية من الأم البتكورك في نص الركّاب انتهاء بالأولاد الحلوين !!! وعشان ما ا،سى عاين في وش الركّاب ..والمضيفات كمان !!!
ولا كمان أمشي السوق وقدامك جماعة من نفس النوعية...الأم ياااااابت....يا وللللد...أقيفوا بتجروا ليه والساعة تسمع صج ( ضربت واحد فيهم ) وتبقى في البسكتهم !!!!
مودتي
|
Post: #28
Title: Re: .......... حاجة عجيبة ........
Author: salma subhi
Date: 07-14-2007, 03:12 PM
Parent: #27
رؤية فتاة تمشي في الطريق العام وبأعلى صوت.... طق طرق بوم طق طرق وبدون حيااااء..
بس ملاحظة الصوت صوت اللبانة
ودمتم سالمين
|
Post: #29
Title: Re: .......... اشــــــارة حمــــــرااااء ........
Author: الطاهر عثمان
Date: 07-15-2007, 08:59 AM
Parent: #27
Quote: ولا كمان أمشي السوق وقدامك جماعة من نفس النوعية...الأم ياااااابت....يا وللللد...أقيفوا بتجروا ليه والساعة تسمع صج ( ضربت واحد فيهم ) وتبقى في البسكتهم !!!!
|
هههههههههه دي حلووووه شديد
إتذكرت أول وأخر مرة اسافر بالخطوط السودانية لمه كان بيدخلوا الناس جوه الطائرة ومافي مكيفات ولاتهوية لحين إقلاع الطائرة (ماعارف توفير في الوقود وله السبب شنو) وكان الحاصل ما تفضلت به من قلة أدب وخمج وبكاء وفي الوضع ده تقوم واحدة بكل ظرافة تغير البامبرز لواحد من الخمجانين ديل وتعالي اتخيلي الوضع
تحياتي وتقديري لفتح هذا الباب
|
Post: #30
Title: Re: .......... اشــــــارة حمــــــرااااء ........
Author: salma subhi
Date: 07-15-2007, 09:10 AM
Parent: #29
أخ الطاهر
النوادر البتحصل في الطيارة السودانية....فيلم براه الواحد أحسن يعمل فيها...باعاين ....بس بعيوني
وكان قدرت عيونك ذاتها غمضها.
|
Post: #31
Title: Re: .......... اشــــــارة حمــــــرااااء ........
Author: ابوبكر يوسف إبراهيم
Date: 07-15-2007, 01:15 PM
Parent: #30
الأخت سلمى
عارفه في واحد برضو كان متلحنا في السودان ، مدرس صاحب أخوي الكبير مرة عزموا فطور ولأن باب المدرسة فاتح على بيتنا ، وعملا شغللانة وبقى كل يوم يجي للفطور وكأنو عامل أبونيه وكان الفطور اتأخر يصر بوزو ويتمتم كأنو بيت أبوه ، أنا زعلت وقلت لي أخوي صاحبك ده ما عندو مناخير بتشم، شنو الكل صباح متلحنا، نحن ولدناه ونسيناه يا أخي كلمو قوليه خلاص .. بح!! يا أخي ده لا يتيم ولا ابن السبيل وده قطعاً ليس من المؤلفة قلوبهم .. أخوي قال لي ما بقدر يقوليهو ما تجي تاني أنا بخجل لكن إنت وشك مكشوف وجريء تقدر تقولا .. قلت ليهو طالما إنت ما بتقدر يا أخوي سيبني عليهو أقابلو ليك ببراطيش المولد .. فقام قال لي إنت حر.
تاني يوم الصباح قفلت باب بيتنا وإنتظرتو بي بره ودار الحوار التالي:
هو : شنو الفطور ما جاهز؟
انا: غيرنا المواعيد
هو : سويتوهو الساعة كم؟
أنا: بعد ما جرس الحصةالأخيرة يدق.
هو : والله أحسن البقيتوهو غدا، وقعت في جرح الواحد بيكون مهوي جداً من مناهدتو مع الشفع الجوع بكون كاتلو!!
أنا: لا.. نحنا ما بنتغدا إلا قريب المغرب!
هو : طبعاً لحدي وقت الغدا طبعاً بتقعدوا تلعبوا وست وهارت لحدي ما الحجة تجهز ليكم صينية الغدا
يا ريت لو كلمتها يوم تعمل لينا ورق ملاح مفروك وبالله كفته معاه والكسرة حمرا ..عشان الكسرة الحمرا بتغلط على معدتي أحرص لينا بالله على الطلبات دي وقول للحاجة لو كفنتا بي كنافة يكونت كملت الناقصة .. بالمناسبة أنا حريف وست
أنا: يا أستاذ يا نرحل نحن من بيتنا ويا تتنقل إنت .. والله إنت لزج وسمج وما عنك دم.. يا أخي
بالعربي الفصيح وبالواضح بدون شفرة بالله تاني ما نشوف وشك!!
هو : حأكلم أخوك عمر أقوليهو أبوبكر بيهز معاي ..أنا عارف عمر ما ممكن ياكل لقمة الغدا وأنا ما
معاه .. بالجد إنتو بتتغدوا الساعة كم؟
أنا: الساعة مليون
هو : واله لو الساعة دشيليون جاي يعني جاي!!
طبعاً ما ممكن تصدقي والله رحلنا من بيتنا ملكنا وسكنا بالإيجار وأجرنا بيتنا .. ومافي ساكن قعد فيهو سنة إلا وكان سبب عدم الإستمرار أخونا الذي إن الفطار حضر للغداء.. على الطلاق ده أشعب يجي يبقى ليهو تلميذ!!
|
Post: #33
Title: Re: .......... اشــــــارة حمــــــرااااء ........
Author: salma subhi
Date: 08-12-2007, 11:10 AM
Parent: #31
عذراً على تأخير الرد أخ أبوبكر
| Quote: رحلنا من بيتنا ملكنا وسكنا بالإيجار وأجرنا بيتنا .. ومافي ساكن قعد فيهو سنة إلا وكان سبب عدم الإستمرار أخونا الذي إن الفطار حضر للغداء.. على الطلاق ده أشعب يجي يبقى ليهو تلميذ!! |
أها شوف ذي ده والله أخلي ليه السودان مش الحتة الأنا فيها....
عالم عجيبة
|
Post: #32
Title: Re: .......... اشــــــارة حمــــــرااااء ........
Author: الطاهر عثمان
Date: 07-17-2007, 11:40 AM
Parent: #1
أخ أبوبكر معقولة في ناس زي ديل
ياخي ده والله عايز ليه مليون إشارة حمراء من إشارات الأخت سلمى
مبااااااااالغة
|
Post: #34
Title: Re: .......... اشــــــارة حمــــــرااااء ........
Author: salma subhi
Date: 08-12-2007, 11:12 AM
Parent: #32
Quote: أخ أبوبكر معقولة في ناس زي ديل
ياخي ده والله عايز ليه مليون إشارة حمراء من إشارات الأخت سلمى
مبااااااااالغة |
ناس ما بتحس يا أخ الطاهر ....تقول شنو لكن في منهم كتيييييييييييير...!!!!
|
|