انقلبت الآية.....البنــــات يغازلن ويطاردن الرجــــال !!!!!!!!!!!!!

خلونا نبدأ بقصة البنات يغازلن و بعدين يطاردن....أها

في أحد المحال التجارية وقفت ذات القوام الممشوق والمتميكجة مكياج لو مشت كوفير وعلى يد أحد الخبيرات ما أظنه يطلع كده لانها كبت علبة المكياج في وشهاكب حيث لا يبين منا سوى المكياج وكان عطرها الفواح يملأ باريجه المكان واللبس ما ادراك ما اللبس لا يوصف.

أخذت الحلوة تتمرجح، تتأرجح ذات اليمين وذات اليسار (بدلع) لكن طبعاً لو شافتهاواحدة مرة حتقول ليها (وجع)يوجع قلبك انشاء الله .

تأهبت وهي ترمق بعينيها المكحلتين والتي حاولت ان ترفعهما ببطئ حتى ما تخرب المكياج أو ممكن لثقل المكياج رمقت كل المكان لمغازلة من ترتاح له روحها وطبعاً ( ممكن يكون اي زول )
فهي قائدة ألوية الغزل ...
منفذة غارات العشق ...
أستاذة الهيام ...
تخرج الحب من عينيها ... بتقدير ( شغف ) ...
أستاذة العنفوان ...

وهوووووووووووووووووووووووب وجدت ضالتها ورمت عليه السهام التي لا تخطئ ولا تجعلك تنام ويبدأ بعدها عالم الأحلام وللأسف بكلمة منها وليس منه وان صد عنها أحرجته وأصرت الاستمرار في الانتصار وكسب الجولة الأولى مهما كلفها.
ثم الجولة الثانية
فالثالثة
الله يعين الرجال في هذه الحالة، اليست هذه من علامات آخر الزمان

على العموم اختصرت للرجل مشوار طويل وبدل ما هو البيتعب ويجري ويصرف عربي ويصبصب عرق بقت هي البتقوم بالمهمة بس هي ما بتصب عرق علشان ما يخرب المكياج .

هذه ظاهرة غريبة عجيبة !!!!! البنــــــــــــات يغازلن الرجــــــــــــال

يا جماعة في الماضي القريب والقريب شدييييييييييييد كنا نسمع أن الرجال هم من يفعلوا ذلك ولكن في زمننا هذا وبفعل التطور التكنولوجي والكثرة العددية والمفاهيم الغريبة أصبحت البنات هن اللاتي يغازلن و يطاردن الرجال ..

ده كلام ده

أماقصص يطاردن الرجال فما ليها أول ولا آخر.

وحنكمل معاكم

ألا إن لكل دين خلق و خلق الإسلام الحياء..
لا إيمان لمن لا حياء له..
إن مما أدرك الناس من كلام النبوة الأولى إذا لم تستح فاصنع ما شئت..

و لا عجب..
غزل
ثم
تحرش
بل و اغتصاب كما حصل في الكويت و باكستان..
يا سلمى
نحن بنقرأ الأخبار و (نتر لي ورا)
إن كيدكن عظيم

سبحان الله

زمان بقولوا آخر الزمان ح يجي شم العود

بس ما اكنت قايل ح احضرو.....عشن وشفنا

تحياتي أستاذ ادريس

والله انا كمان ذيك لم أكن اتوقع اننا حنشوف الحاجات دي عياناً بياناً، وطيب اذا شم العود حصل البعدوا شنو.....أستر يارب

أستاذ الواثق عساك بخير وصدقني ده من المواضيع المهمة والمؤسفة والبتهملها وسائل الاعلام.

عارف كمان البيزعل شنو ان الواحدة البتعمل كده بتستغرب انت ليه بتعاين ليها كدة........ ليه هو في شي غلط وممكن كمان تفسرها على حسب وسوسة شيطانها..........ويا لطيف

يطــــــــــــــــــــــــــــــــارن الرجال

ودي حصلت صحي صحي يا جماعة

الزول مشى السودان علشان يتم بناء البيت وطبعاً المرة باعت دهبها علشان البنيان ملاحظة ( الأرض باسم المرة ). وصل الخرطوم و في يوم من الأيام أشتهى المنجة وقال أمشي السوق العربي، وطبعاً مشى بديييييييك يالعربية وباين علية مغترب، المهم زولنا بيشتري ويعزل في المنجة ما يسمع الا واحدة بتقول ليه : في منجة بتعزل منجة ...يا لون المنجة.(( نشنت صاح))

((وأظنها على وزن أغنية لون المنجة.... الشايل المنجة الغنّوها البلابل))، زولك أتكيف ((راسه خفيف شويه)) وهاك يا أسئلة وفاجأها بهدية كيس منجة وكيس ورا كيس في بيت الحلوة وقالت ليه في الآخر الكلام ده ما بينفع الحلال أحسن وانا ما دايرة منك شي كفاية أكياس المنجة الجبتها وانت بالدنيا ( رمت لبعيد) الى أن غلب النصيب والقروش عرس بيها المعجبة بالمنجة ومرته في بلاد الغربة تحسب : ياربي بنى أوضة الصفرة ولا الصالون ....

رجع العريس second hand الى المرة الأولى وذكريات المنجة لا تفارقه........وأصبح يحب المنجة حباً جما.....وبعد فترة المرة الأولى عرفت وبس _______كان يوم أسود وسمعت ان السبب ورا عشقه للمنجة واحدة لمت فيه ولفت راسه والأمور اطورت لحد ما اتطلقت منه والبيت طبعاً حقها وقالت ليه انا ما بنسى العشرة لانك أبو أولادي خلينا ليك كيس منجة يا لون المنجة.وهسع زولكم كان قلتوا ليه منجة بالغلط يكووووووووووورك براه.


ودي قصة من احدى القصص البتحصل للرجال المتزوجين والبقت موضة...البنات الصغار يتزوجوا أي عمر قدر أبوهم ، قدر جدهم .... وكده

الاخ سلمى
شكرا للمضوع
ولكنه يذكرنا بذكريات ايام الدراسة الثانوية بالابيض

فكنا نسكن احياء الابيض الغربية ( حي المعاصر )
ومدرستنا ( الابيض الثانوية ) وفي الجزء الشرقي من المدينة
وكان من أجل الذهاب الى المدرسة ان نمر بطريق نسميه شارع المدارس ( تسمية مجازية ) لانه به الكثير من مدارس البنات ...

وكانت المشكلة وين
لمن تجي متاخر للمدرسة لاي سبب كان

البنات يشاغلوك للدرجة انك تفكر بان تحاول ان تهرب من الطريق مسرعا
وكلهم بنات المدارس المنتشرة في ذلك الشارع وهم اخواتنا الآن ..... ولكن الزمن كان هو الزمن

فذكرني قصتك بما كان يجرى في ذلك الوقت في مدينة الابيض

تخريمة :

القصة التي اوردتها كانت تحدث في منتصف السبعينات

سلام.......
والله ضحكتني يعني من السبعينات بدت وهسع ده النوع المطوّر.
على الأقل كانوا بيشاغلوا من بعيد لبعيد هسع بقت فيها كان راجل أجري .....

Quote: في أحد المحال التجارية وقفت ذات القوام الممشوق والمتميكجة مكياج لو مشت كوفير وعلى يد أحد الخبيرات ما أظنه يطلع كده لانها كبت علبة المكياج في وشهاكب حيث لا يبين منا سوى المكياج وكان عطرها الفواح يملأ باريجه المكان واللبس ما ادراك ما اللبس لا يوصف. أخذت الحلوة تتمرجح، تتأرجح ذات اليمين وذات اليسار (بدلع) لكن طبعاً لو شافتهاواحدة مرة حتقول ليها (وجع)يوجع قلبك انشاء الله . تأهبت وهي ترمق بعينيها المكحلتين والتي حاولت ان ترفعهما ببطئ حتى ما تخرب المكياج أو ممكن لثقل المكياج رمقت كل المكان لمغازلة من ترتاح له روحها وطبعاً ( ممكن يكون اي زول ) فهي قائدة ألوية الغزل ... منفذة غارات العشق ... أستاذة الهيام ... تخرج الحب من عينيها ... بتقدير ( شغف ) ... أستاذة العنفوان ...

ما بتنفع
لا محننة لا مدخنة لا مدلكة ..

خلها تاكل تبن.

ما بتنفع
لا محننة لا مدخنة لا مدلكة ..

خلها تاكل تبن.



الأخ فيصل ........جبتها من قصيرها

وتحياتي

سلوم الحبيبة

إنت شفتي حاجة في بنات برموا أرقام تلفوناتن بشبابيك العربات للأولاد وواحدات بتصلن عشوائي لغاية

ما يلقن البقع في الشرك و...و... خليها على الله .

Quote: إنت شفتي حاجة في بنات برموا أرقام تلفوناتن بشبابيك العربات للأولاد

عواطف انا زمان عملت بوست بعنوان ( اطلاق الجيل الثالث لاريبا والذى يظهر صورة المتحدث اخطر من قرار زيادة اسعار المحروقات)

بتنا سلمى

والله ديل بنات اخر زمن !

هههههههههههههههههيكه
و يكههههههههه زاااااااااتة هييييييي
نحن قبيل شن قلنا!!
ما قلنا الطير بياكلنا؟؟!


النســوان ديل !! ربنا ينتقم منهن!!

حبيب نورة ..


So confusing, yet so desirable
يكرهوك الدنيا زاتة لكن محبوبات




انا قريت البوست لكن أها قلتها براك

الأخ علي........تحياتي وما زال الزمان يخبئ ما هو أعظم

الأخ الطيب .....ده مش جيل ثالث ده جيل مصيبة

عواطف اذيك........يعني الحلوات حايمات بالورقة والقلم.....زمن يا عواطف...اقول ليك انت في الخليج ولا شنو لانوا ده بكثرة في الخليج وطبعاُ للأسف سودانا الحبيب لم يخلو من مثل هذه الظواهر.

يطــــــــــــــــــــــــــــــــارن الرجال

ودي حصلت صحي صحي يا جماعة

الزول مشى السودان علشان يتم بناء البيت وطبعاً المرة باعت دهبها علشان البنيان ملاحظة ( الأرض باسم المرة ). وصل الخرطوم و في يوم من الأيام أشتهى المنجة وقال أمشي السوق العربي، وطبعاً مشى بديييييييك يالعربية وباين علية مغترب، المهم زولنا بيشتري ويعزل في المنجة ما يسمع الا واحدة بتقول ليه : في منجة بتعزل منجة ...يا لون المنجة.(( نشنت صاح))

((وأظنها على وزن أغنية لون المنجة.... الشايل المنجة الغنّوها البلابل))، زولك أتكيف ((راسه خفيف شويه)) وهاك يا أسئلة وفاجأها بهدية كيس منجة وكيس ورا كيس في بيت الحلوة وقالت ليه في الآخر الكلام ده ما بينفع الحلال أحسن وانا ما دايرة منك شي كفاية أكياس المنجة الجبتها وانت بالدنيا ( رمت لبعيد) الى أن غلب النصيب والقروش عرس بيها المعجبة بالمنجة ومرته في بلاد الغربة تحسب : ياربي بنى أوضة الصفرة ولا الصالون ....

رجع العريس second hand الى المرة الأولى وذكريات المنجة لا تفارقه........وأصبح يحب المنجة حباً جما.....وبعد فترة المرة الأولى عرفت وبس _______كان يوم أسود وسمعت ان السبب ورا عشقه للمنجة واحدة لمت فيه ولفت راسه والأمور اطورت لحد ما اتطلقت منه والبيت طبعاً حقها وقالت ليه انا ما بنسى العشرة لانك أبو أولادي خلينا ليك كيس منجة يا لون المنجة.وهسع زولكم كان قلتوا ليه منجة بالغلط يكووووووووووورك براه.


ودي قصة من احدى القصص البتحصل للرجال المتزوجين والبقت موضة...البنات الصغار يتزوجوا أي عمر قدر أبوهم ، قدر جدهم .... وكده

كنا في مدارس شندي.... وقت الخروج في مدارس البنات ربع ساعة قبل مدارس الاولاد علما من المربين مهما كان البنت ما يتتسكع فش شان ترجى الاولاد وفعل نخرج ما بنلقى بت لافه في الطريق ... ولعلمهم أن الاولاد لو طلعوهم قبل ساعتين من خروج البنات سوف يتسكعوا من ضل لضل حتى موعد خروج البنات ..فعلا الزمن اتقلب والله يستر

Quote: كبت علبة المكياج في وشهاكب حيث لا يبين منا سوى المكياج وكان عطرها الفواح يملأ باريجه المكان واللبس ما ادراك ما اللبس لا يوصف.

ماقيل في امثالها.....
ملقّطه وكُلك اسبيرات
مِتل فضية العدي
ضفورّك من صنع باريس
رموش عينيك هولندي
مساحيق وبودره مصريه
بي صابونه بتهدّي
كدي أسكني أقلعي الباروكه
كان ما بتشبهي الكودي
ولا تعالي بفستان قصير ركبّي
كان ما أحلف عليك سوقدي

لك الاحترام والتقدير الاخت الفاضله

الأخ خالد .......تحياتي

(كدي أسكني أقلعي الباروكه) بالمناسبة حصل موقف في عرس وكان في بت شعرها ولا الخواجات وتجدع فيه يمين شمال قدام الشباب وجاها شافع ذي القدر وشد شعرها( احتمال مرسل) وكانت الطامة... بدل من الشعر الحرير ظهر الأمر المرير

يا عزيزتي..

منذ الأزل..
هي رقصة االتانغو.. بين آدم وحواء..
لم يتغّير المحتوى.. وإن إختلف التعبير..

وهي الطبيعة... بخيرها وشرّها..

نجوان ...اذيك وانشاء الله تكوني بالف خير

صاح هي الطبيعة لكن كان هناك ما يسمى بالحياء فاين اختفى؟؟؟؟

انا كان وديتك هناك فى شندى
من نقل المويه
امانه ما تمسكك الوردى
وكان قتلك مراحنا جعانا
تعرفى تمعطى السعدى
وكان ما لقيتى الباسطه
من الدومه بتكدى
كان قايله انتى جميله
انا زولى جمالو بالفردى
وكان قايله انتى براك
امانه الدنيا ما مليانه بالحور
حواء كم والدى..
كدى اتلفتى ..من رفاعة ابسن ..
ولى غرب شندى..

ظاهرة تانية


أصبحت الفتيات كذلك يطاردن الرجال في أماكن تسليتهم بل ويتوفقن عليهن مثل جلستهم في القهاوي ‬الشعبية‬ يشربن الشيشة بلا خجل ..بلا وجل وتنفخ الدخان كالقطار لكن بحركة ابداعية لتجذب الانتباه.

الف سلام يا رندا

بالمناسبة أنا عاجباني صورة الكديس الشايف روحه ولا الأسد (( نفسيات ))

ده بالضبط بينطبق على القصيدة

وعجبتني...

حواء كم والدى..
كدى اتلفتى ..من رفاعة ابسن ..
ولى غرب شندى..

أيها الرجال

بدون زعل
بدون زعل
بدون زعل

بعض الشباب وكمان ‬شيوخ مراهقين يريدون استعادة الأمجاد وأيام الصبا كان لهم دور في تشجيع الظاهرة دي.
فهناك شيوخ عدييييييييييل كدة بلغوا السبعين‮ ‬يتمنوا الزواج ببنت الثامنة عشرة،‮ ‬والتعرف على الصبايا الحلوات الصغيرات،‮ ‬والتودد إليهن ومصاحبتهن وملاحقتهن،‮ ‬البعض منهم‮ ‬يصبغ شعره بالأسود فقط من اجل ان يبين أصغر سناً أمام البنات الأمورات متناسياً‮ ‬أن الشيب الأبيض له وقاره واحترامه،‮ ‬وتغيير لونه لن‮ ‬يعيده شاباً،‮ ‬ولن‮ ‬يستطيع أن‮ ‬يخدع البنات والرجال على السواء بهذا‮ ''‬الديكور المصطنع‮''‬‮ ‬



وهل‮ ‬يصلح العطار ما أفسده الدهر؟

يا بت أمي بنات الزمن دة
عاد لاحولا لاقوة
ديل انا حالف بي التقطعني والتكسرني
ما بديهن الأمان مطلقن
ولا بديهن ريق حلو خالس خالس
خسوسن بنات الجماعات
ديل وحاتك يا غالية بقن شغالات مقابضة ساكت
وما ساعلات فوق زول
قبُلِن يا يمة
بنات اليابة و التابة

حبين نورة
للأسف بنات الجامعات كانوا مضرب مثل في النجاح وأخذ شهادات التفوق هسع الدنيا اتغيرت بقت الشهادة في....(أكثر عدد من الرجال تنجح في توقيعه)

وعندي واحد قريبي جا يخطب قالوا ليه امشي الجامعة الفلانية لود عمك أكيد بتلم في بت الحلال....عارف حصل شنو؟؟؟

فجاة لم ّ شنطة هدومه وقال مسافر .... مالك يا زول؟؟؟؟

قال عرس الخواجية وجب.

Quote: انا كان وديتك هناك فى شندى من نقل المويه امانه ما تمسكك الوردى وكان قتلك مراحنا جعانا تعرفى تمعطى السعدى

الفاضلة رندا حاتم
لك التحية
وتقيبّك وتكملة القصيدة في غاية الروعة وأجمل مافي ذلك دخول شندي بدل ارقي كان لفته من بارعة ... والله صدقتي وصدق الشاعر كان ودينها شندي المشكلة ليست نقل الموية وحش القش بس شندي معروفة بكتاحة كدي تمرق اصبعك ماتشوفو قدامك وتقوم من الصباح تلقى باروكتها في حوش بانقا وضفورها الختتن بالليل في الطربيزه جنبها في الشقالوه ولا التراجمة

لك التحية والمودة والاحترام الاخت رندا

خالد محجوب ... شندي

Quote: فهناك شيوخ عدييييييييييل كدة بلغوا السبعين‮ ‬يتمنوا الزواج ببنت الثامنة عشرة،‮ ‬والتعرف على الصبايا الحلوات الصغيرات،

الأخت الفاضلة سلمى صبحي
زمان أهلنا قالوا الشدر الكبار فوقو الصمغ ... حتى الاية دي أنقلبت

حاجه سعده لجنة خرده
حاربت في المهديه
ثم آلت للمعاش

ثم تأتي علويه
وهي رهن الخدمات

أصغر الزوجات ليلى
أجمل الزوجات ليلى

وبعد داك بدأ يفتش في الزوجه الرابعة

أين مني زوجة بكر فتية
أين من المحلبية والسرتية
والعطور الاجنبية
في نقاءً كبحيرة طبرية

تعرف انا كنت قايلاها "شندى"
لكن هسى انتبهت انو الكسره دى حقت الشوايقي ... بالكسره برضو ..

كتاحة شندى سمعت بيها .....قالو ملاية السرير تطير وتجى راكه تانى يوم !!!!!!!



فى برضو قصيده لكن ما حافظا غير المطلع بتاعها بمناسبة ناس ابسبعين ديلا .....


يا عمو عيب بعد الشيب تعيب
يا عمو كملت السمن
عايز كمان تشرب حليب
ناس الرطوبه الفى العضام
والسكرى العشرين صليب ...


زول يتمها يا جماعه ...........


تسلم يا خالد .....

الأخت سلمي

تحياتي

والله حكاية مشوقة ومشوكا , أتاري مرتي من ما جاءت من السودان

حالفة يمين بالتقطعة انو ( انا راجلها) ما بسافر السودان تاني

براي , اها في شان العمايل دي إجازاتنا بقت مع وقف التنفيذ ؟؟؟

مرحب بيك أخ هاشم في دوامة المطاردة

عرفت السر أخيراً ..اها خلي بالك النسوان فهموا الحاصل وا في مخرج تاني

سييييك سييييك معلق فيك

سلمى الظريفة
الرسول فوقك خليك من البيسون فيه البنات
شوفي البيسووا فيه وسووه الرجال



ايمان

انت الظريفة والله يا ايمان

وكان قريتي فوق تلقيني اتكلمت ان الرجل قد يكون له دور اساسي في تشجيع البنت على ذلك، فما خليتهم في حالهم برضه هبشناهم.

هههههههههههههههههههههههههه
بالغتى يا سلمى غى حكايت المنقه دى

تحياتى و اكيد شوقى ان كنتى تّّذكرينى


هيثم الجلال

بالمناسبه عواطف ادريس ساعتين منك
كان حنستيها بتديك تلفونها هى امراة رائعه جديره بالصداقه و ستكون لكى الناصح الامين

الناس شغالة سك سك
من زمن حواء وأدم
ما معروف منو ساكي منو؟
وعادي ولد يكون مطارد ليه بت هي ذاتها مطاردة ليها واحد هو مطارد البت المطاردة ولدنا الأووول داك!!!
في شندي برضو زي الأبيض ... لو جيت ماشي جنب شندي الثانوية بنات عيييييييك
ولو جات بت ماشية جنب الأهلية ... الله قال بيقولها.



ودمتم
طلال فاروق محجوب

Quote: شوفي البيسووا فيه وسووه الرجال

الأخت الفاضلة/ إيمان صالح
لك التحية
الرجال ديل مامعرفوين من زمان مارقين للربا والتلاف .. والأخت سلمى لم تكن مستغربه من ذلك .. لكن كان استغرابها عندما أنقلبت الاية ... والرجال ما كلهم فيهم الهدي الرضي أخو البنيات المأمون علي بنيات فريقو وفيهم الدابي كان رصد للزول يعيقو .. كتيرة جد ملاحقة وشراب شيشه أنا متزوج وعندي وليدات ... والله في اخر زيارة لي للسودان وانا جالس واحمل سيجارة فجاءة ظهر خالي وما كان لي مخرج للسجارة ألا أن اطفئها في يدي وياهو الكان... وحتى الان موجود اثرهافي يدي وحمدت ربي كثير أنه لم يراها هكذا تربينا وهكذا يجب أن نكون

ولك الحترام والتقدير

خالد محجوب

Quote: كتاحة شندى سمعت بيها .....قالو ملاية السرير تطير وتجى راكه تانى يوم !!!!!!!

العزيزة الفاضلة/ رندا حاتم ياريت لو بس الملاية والراقد فوق السرير كان بقى مو سمين بطير وما برك تاني تمش أمو الصباح تفتشو عند الجيران وكان بقت الكتاحة يومها داك قوية من دربها داك تركب البصات الماشات جنوب شندي للقرى وترسل وحيد من اخوانو في البصات الماشات جهة الشقالوة

بعدين الحلمنتيشية من مطلعها جميلة لم اسمع بها من قبل فرجاءً إذا لم تنزل في البوست هذا ووجدتي ليها خبر أرجو منك واكون شاكر ومقدر ان ترسليها لي

ولك التحية والتقدير والاحترام

خالد محجوب

الأخ خالد ......تحياتي لك اينما تكون

انت الراجل بتدس السيجارة من خالك وتستحي .......لكن بعض بنات هذا الزمن بيسجروا وبيشربوا الشيشة علناً قدام اليسوى والمايسوى والرجال منهم البعاين باستياء والجزء التاني ب( ...) الم تنقلب الآية

اذا لم تستح فاصنع ما شئت

أستاذ طلال مرحب بيك في البوست بالمناسبة حأسميه منو ساكي منو لأن الاسم عجبني شديد

لكن نرجع ونقول زمان الكديسة بتسك الفار خلينا نقول الفارة والفارة كان ليها احترامها ومكانتها هسي الفارة بقت تسك أبو السباع.

الأخت سلمي
تحية واحترام
لا يخلو هاتف الغالب منا من هواتف بنات من مختلف الأعمار ، رغم الزواج ، وكلهن يعرفن ذلك وموجود في البروفايل ، ويرسلن رسائل في شتى المناسبات .. وحيث أن المسألة ناتجة عن رفع سقف الحياء واقتصاد السوق ! والعولمة ، وارتخاء عضلة التدين في مجتمعاتنا والغزو الإعلامي المرئي عبر التقنيات المختلفة ، كلها سبب رئيس في نمو هذه الظاهرة ، وهي ظاهرة مشتركة ، ليست قاصرة على المرأة . وهنا حيث أقيم الحصول على فتاة اسهل من رفع الماء إلى الحلق .. نسأل الله الستر والعفاف .

لطيفة :-
هلا يالغالي ... منو إنت ؟ أنا عبدالرحمن ، شو ؟ عبودي .. إيه عرفت .. شنو جنسيتك سوداني ... أها سوداني .. والله السودانية شعب طيب وحبوب .. تشتغل عبودي ؟؟ أأأي .. ماشاءالله عليك .. ممكن نتابل السبت ؟؟ أوكي ...أوكي معاك سيارة مظللة ، طبعاً تظليل 70% عندك شقة ؟ لا بس بحجز شقة مفروشة !!! ويستمر الحوار مادياً وينتهي رقمياً بكبسة زر .. هكذا الشريد والطريد .. مجموعة متناقضات !! في عالم حواء وآدم down low

الأخ عبدالرحمن....تحياتي


كنا بنسمع بالظاهرة دي في بلاد الخليج وبعض البلدان العربية ولكن للأسف الشديييييييييد سودانا الحبيب أصاببته كتلة من السواد مما نسمع من بلاوي لا ليها أول ولاآخر ومنهاما ذكرت الحصول على فتاة اسهل من رفع الماء إلى الحلق ده غير ما نسمعة من بنات سودانيات في الخليج للأسف كمان.

انا لا اهاجمهن لكن دي حقيقة واقعة والكل عارفها ...نسأل الله السلامة والستر

سلمى تحياتى ..

تعرفى المشكلة فى شنو مع العجائز المتصابين البتتكلمى عنهم ،،، زمان قبل العولمة ما كان فى جينز وتى شيرتات ضيقة وميكب أب والحاجات الظهرت حديثا مع العولمة والجماعة ديل فى مرحلة مراهقة متأخرة وهى علميا موجوده ،،، وطبعا مع القوام الممشوق والرياضة المنتظمة واظهار المفاتن بقت الامور متشابكة .. وطبعا برضو الفئة المغلوب على أمرها اصبحت النساوين الما بعرفوا لباس الجنز ولا الفنايل ولا الاصباغ ولا الرياضة ...

والموضوع ده بجد عاوز نقاش هسه عليك الله بتاع المنقة ده نغلطوا هو ولا نغلط البت الظهرت ليهو فجأة دى وهى ممشوقة القوام وملطخة ومستحمية بالعطور الباريسية الراقية وبتعرف تغازل وتكون مرته فى البيت همها كله العضة والاولاد وتكون لابسه اليوم كلو جلابية وريحتها توم وبصل ....

ملقّطه وكُلك اسبيرات
مِتل فضية العدي
ضفورّك من صنع باريس
رموش عينيك هولندي
مساحيق وبودره مصريه
بي صابونه بتهدّي
كدي أسكني أقلعي الباروكه
كان ما بتشبهي الكودي
ولا تعالي بفستان قصير ركبّي
كان ما أحلف عليك سوقدي




يا حليل ايام زمان

شكرا ليك على الفيديوكليب . بس العريس القمرا الذي ده أصبح مطلوب من ناحية لقلة الجنس الخشن وفي هذه الحالة النصيحة بتكون: ألحقيييييييييي أمسكيه أوغير مطلوب لانه ما عنده حاجة ( مع الاعتذار لكل الماعندهم وبيكافحوا للم القروش من أجل العرس) لكن الله بيدي الجنة....والحالة الأولى هي الغالبة وبختكم يا الرجال
وما عارفة والله أقول ليك شكراً ورورووووووووووك ما جاية........ أخير شكراً لك

سيليكون مرحب بيك ....

قصة المره فى البيت الهمها كله العضة والاولاد وتكون لابسه اليوم كلو جلابية وريحتها توم وبصل ....دي براها مشكلة كبيرة والزمن بقى صعب وبيني وبينك الرجل لما يشوف المنظر ده في البيت ويشوف فتيات الفيديو كليب .........يصيبه الحول وتجيه نفسيات.

بس كمان ما طوالي روووووووووووب يقع ما في النصيحة وفي الهداية وكده

و بتاع المنقة ده بس على الهبشة باين عليه لكن ده كلام ..........وينها العشرة راحت بقولة منجة.

ِشكراً سلمى


ممكن تشوفوا الرابط دا؟
http://www.sudanat.com/forum/default.aspx?g=posts&t=1095


ودمتم

طلال فاروق محجوب

شكراً طلال على الرابط وخليتني أضحك جد
وعجبتني دي

هس تطلع فتوي ان دخول المراة المنتديات حرام و منعا للفتنة و سدا للذرائع عليها التزام عقر لابتوبها وبقاءها افلاين

وشكراً كمان لمشاركتك الرائعة وخليـــــــــــــــــــــك معانا

هـديـة مـني مـشاركـة للبـوسـت " خـفيـف الـدم"، والنسـاء فـي السـعوديـة فاتـوا حـدود الـمغازلـة و َ" بـص شــوف نـســوان السعـودية بيعـملوا إيـه!!!!!"-

------------------------------------------------------------------------

سعودي يتهم زوجته بالسحر له
معلمة سعودية تتزوج من سائقها وتدفع له مهراً وتشتري له مطعماً

19/02/2007

القدس

الرياض ـ يو بي آي:

أقدمت معلمة سعودية علي الزواج من سائقها الذي يقوم بإيصالها بشكل يومي إلي مقر عملها بالمدرسة التي تدرس بها ، واشترت له مطعماً كبيراً لكي يصبح صاحب دخل ثابت.
وقالت صحيفة المدنية امس الاحد أن المقيم (م ، ع) من الطائف يعمل سائقاً يقوم بإيصال عدد من المعلمات إلي المدرسة التي يعملن بها في إحدي قري محافظة الطائف القريبة منذ خمس سنوات بشكل يومي والتي تبعد عن الطائف مسافة 70 كيلومتراً.
وأضافت الصحيفة أن إحدي المعلمات انتظرت، في أحد الأيام، حتي قام السائق بإيصال كافة زميلاتها إلي منازلهن وفاجأته برغبتها الزواج منه.
وتابعت أن السائق أبدي لها سروره بهذا الخبر، لكنه أكد عدم مقدرته علي القيام بدفع تكاليف الزواج وتأمين حياة سعيدة لها، لكنها بادرت بالقيام بدفع المهر الذي بلغ 100 ألف ريال (الدولار يساوي 3.75 ريال سعودي) وتحمّل كافة مصاريف الزواج الأخري.
وبعد الزواج سارعت إلي شراء مطعم كبير في محافظة الطائف لزوجها المقيم، رغبة منها في سد حاجته المالية ورفع مستواه المادي.
وكان سعودي قد تزوج مؤخرا من ثلاث معلمات كان يقوم بتوصيلهن إلي المدارس في ليلة واحدة.
وقامت المعلمات الثلاث باستئجار 3 شقق في عمارة واحدة لكل منهن شقة خاصة.
الطريف في الأمر أن المعلمات الثلاث يجتمعن لدي صديقتهن التي يكون موعد ليلتها مع زوجها، ويمضين الوقت وهن يتنقلن بين الشقق الثلاث بحسب الليلة المخصصة لكل منهن، ويقمن بالطبخ ومساعدة بعضهن في كافة الالتزامات المنزلية، في حين يبقين مع بعضهن عندما يكون الزوج مع الزوجة الأولي.
والجدير بالذكر أن هذه الظاهرة بدأت في الانتشار بعد قيام مديرة مدرسة بالزواج من فرّاش المدرسة مع اثنين من المعلمات في المدرسة نفسها.
من جهة اخري تقدم زوج سعودي إلي محكمة الحائط التابعة لمنطقة حائل (شمال) المملكة بدعوي ضد زوجته يتهمها فيها بأنها سحرته.
ونقلت صحيفة المدينة في عددها الصادر امس الاحد عن الزوج قوله انه يري أشياء غريبة في المنام وأثناء الليل .
وأضافت الصحيفة في موعد جلستهما، حضر الزوجان لدي القاضي. ثم سأل الزوجة عن الأمر فنفت ذلك وقالت: إن الصحيح أن لي جارة عندها أوراق وبعض التمائم فقالت لي إذا استعملتها فإن زوجك سيحبك ويتعلق بك، وأنا امرأة أمية لا اقرأ ولا أكتب وظننت ان هذا العمل الذي أقوم به صحيح ونافع لي .
عندها أفهمها القاضي أن ذلك العمل لا يجوز وأنه يعد من التمائم الشركية، أي التي فيها شرك بالله، فاستغفرت الله، وتم الصلح بين الزوجين.
0----------------------------------------------------------------------------------

شكراً أخ بكري للمداخلة الظريفة

وما أملك الا أن أقول يا بخت الرجل هو المستفيد الوحيد.......وبرضة الله بيدي الجنة

Quote: و بتاع المنقة ده بس على الهبشة باين عليه لكن ده كلام ..........وينها العشرة راحت بقولة منجة.

فى الحالة بتاعتنا دى باين عليها راحت بريحة المنقة ...

بالمناسبة فى قصة حقيقة حصلت فى نفس الخصوص بين واحد اربعيني وواحد طاشراوية ح اجيك راجع بيها وقت تانى ...

الافاضل تحياتى

وهذة طريقة اخرى لتبادل الارقام عرفتها واثارت اندهاشى والتطور المزهل فيها
فى الحفلات والاندية تقوم الفتاة باطالة النظر الى من يعجبها وحالما ينظر اليها
ترفع وتؤشر بيدها الى اذنها وهذة الاشارة تعنى افتح الBluetooth فى تلفونك لارسل لك رقم تلفونى
وفى لحظة ياتى التلفون طااااااااااااااير وعجبى ويامانشوف

هشام امين

ِشكراً سلمى
ماذا نتوقع من جيل يصاب بالاغماء في احد حفلات الفنان المصري ايهاب توفيق بالخرطوم لانه حظي برؤيته
ياحليلك يالكاشف من هذا الزمن
حسبنا الله
ظاهرة تستحق وقفة جادة

Quote: ِشكراً سلمى ماذا نتوقع من جيل يصاب بالاغماء في احد حفلات الفنان المصري ايهاب توفيق بالخرطوم لانه حظي برؤيته ياحليلك يالكاشف من هذا الزمن حسبنا الله ظاهرة تستحق وقفة جادة

العزيز متولي سلام
دا كلام شنو يا أخوي نحن نحسب ونضرب ودايرين نشيل الوليدات ونمشي نربيهم في السودان
كان كده أخير نقعد نربيهم ونشوف الكبار في العُطل
ولا شنو يا سلمى صبحي

لكم التحية والتقدير

خالد محجوب

اخي خالد المنسي
الموضوع فعلا حصل في اجازتي السابقة والهستيريا التي اصابت بعض الفتيات في الحفل انا قلت امريكا ليه ماهو السودان بقي زيها
انا في رائي ان السبب الرئيسي هو الكم الهائل من الفضائيات التي غزت البيوت دون رقيب والفتيات اصبحن يعرفن 50cent - ushur-jay z وجميع المغنيين المشهورين

موضوع ظريف يا سلمى ياظريفه ..
الذى يحصل ليس بمستغرب فهذه ظواهر
تحدث عنها العلماء كرأى العين والشىء الذى
لاتخطئه العين وأصبح أمرا طبيعيا هو تواجد
البنات وجلوسهن عيان بيان فى الكافتيريهات
وهى فى حقيقة أمرها قهاوى ، بس بمنظور اليوم
تسمى كافتيريا... كم هائل من البنات ومعظمهن
من خارج العاصمة ويقمن فى داخليات بغض النظر
عن سلوكهن فهذا ليس بمقصدى .. ولكن الظاهرة هى
أن هذا التواجد وبهذا الكم الملفت أصبح عاديا وأتحدى أن يدخل
أى شاب كافتيريا بالخرطوم مملوءا بالبنات ويستطيع
أن يجلس بمفرده دون أن يجد نفسه مطأطا رأسه وسط
هذا الكم من الفتو .. والأيام دول ، وها قد دارت دورتها
وكما قال أحدكم ( جـــــــــاكم شم العود ... )
شكرا سلمى .....
محمد مختار جعفر

الليلة
( جـــــــــاكم شم العود ... )

هي عبارة نحاول اقناع أنفسنا بانها قد تكون تفسيراً لما يحدث

وياما نشوف .......

تحياتي استاذ محمد مختار

خالد علي المنسي لك التحية و منعش البوست والله

هسع السودان اخير منها أمريكا في ما نسمع لكن يظل السودان بلدنا وقصة الكاشف وايهاب توفيق المقارنة بالشكل ممكن نتراجع فيها شوية لكن في الغناء ...الكاشف فن بذاته

متولي مالك انا معاك الكاشف لا يعوّض ولكن البنات الزمن ده عليهم بالشكل وليس بالكلمات الأصيلة فيعني....ايهاب توفيق والكاشف يعني ...الكاشف أحلى مش كدة؟؟؟؟؟؟

الأخ هشام ...تحياتي

لا دي جديييييييييييييييييدة خالص والله ما سمعت بيهايعني بقى فيها حكحيك اضان وكلام غريب لكن كويس نوّرتنا الله ينور عليك

أبرز الأسباب التي توقع الفتاة في ممارسة هذه الظاهرة

* تأخر الزواج عند البنات بعد وصولهم لسن الزواج
* الفراغ ،الواحدة ما بتكون عارفة تعمل شنو
* الكبت العاطفي وتقول أخير أفضيه قبل ما أنفجر
*انتشار الفضائيات التي تشجع على الخطيئة
* البعد عن الدين
* صحبة السوء فكم من عفيفة شريفة كانت ضحية لبنات الحرام

وغيرها

نرجع ونقول علامات اخر الزمان

البنــــــــــــــــزين جنب النـــــــــــــــــــار
البنــــــــــــــــزين جنب النـــــــــــــــــــار
البنــــــــــــــــزين جنب النـــــــــــــــــــار
البنــــــــــــــــزين جنب النـــــــــــــــــــار
البنــــــــــــــــزين جنب النـــــــــــــــــــار

ونعيد ليكم دي

أيها الرجال

بدون زعل
بدون زعل
بدون زعل

بعض الشباب وكمان ‬شيوخ مراهقين يريدون استعادة الأمجاد وأيام الصبا كان لهم دور في تشجيع الظاهرة دي.
فهناك شيوخ عدييييييييييل كدة بلغوا السبعين‮ ‬يتمنوا الزواج ببنت الثامنة عشرة،‮ ‬والتعرف على الصبايا الحلوات الصغيرات،‮ ‬والتودد إليهن ومصاحبتهن وملاحقتهن،‮ ‬البعض منهم‮ ‬يصبغ شعره بالأسود فقط من اجل ان يبين أصغر سناً أمام البنات الأمورات متناسياً‮ ‬أن الشيب الأبيض له وقاره واحترامه،‮ ‬وتغيير لونه لن‮ ‬يعيده شاباً،‮ ‬ولن‮ ‬يستطيع أن‮ ‬يخدع البنات والرجال على السواء بهذا‮ ''‬الديكور المصطنع‮''‬‮ ‬



وهل‮ ‬يصلح العطار ما أفسده الدهر؟

وكمان بدون زعل


رغم ان الشابات هم البطاردوا الجماعة الا ان الرجل كمان بيدي الضوء الأخضر (كان ممكن يعمل فرملة) .........وهي كمان ضوّها أخضر ويلا لون الزرع الأخضر في كل مكان ....ما في لون أحمر

وفي رجال بيتنافسوا في التفاخر بانهم وقّعوا كذا بت وكدة.......

يا أهل المنبر الأعزاء



ما لا ننكره ان مستوى الجمال قد انتشر بشكل غير طبيعي ونادراً ما يلتفت شخص ويجد ما يعكر صفو رؤيته من الوجوه البنوتية، ده غير عمليات التجميل كعامل اخر مساعد فنجد ان البنات قد اتخذن مستوى الجمال سلاح فتّاك للرجال وبطبيعة النفس البشرية فهي تحب الجمال وقد لا يستطيع الرجل ان يصد عن رؤية الوجوه التي تشرح القلب ولكن بعضها يوقع في مطببببببب فالحذر هذا الزمن واجب


وبعدين نعرف ان النظرة الأولى لك والتانية عليك لكن بعض البنات يستمتع في تعذيب الرجال بالنظرة الأولى المحلله وقد تلهيه باسلوبها الخاص حتى انه لا يستطيع صرف نظره للنظره التانيه.

وهناك لغة الجسد التي تتحدث بدلاً عن الفتاة نفسها وتكتفي بها بعض الفتيات ...........


ولا رايكم شنو

شكرا يا سلمى على هذا البوست الخفيف الذى يسلط الضؤ على ظاهرة بدأت في الإنتشار بسرعة .. لاحظت لهذه الظاهرة في زيارتي الأخيرة للسودان في صيف عام 2004 بعد ثلاثة عشر عاما من الغياب، بل وتعرضت للمعاكسة اكثر من مرة، ساحكي لكم اطرفها..
تحركت انا ووالدتي من ام درمان لمكتب الصديق طارق الأمين لعمل توكيل وعندما وصلنا منطقة سوق ام درمان قالت لي الوالدة غشيني البنك اصرف معاشي، وفعلا وقفت امام البنك بسوق ام درمان ودخلت الوالدة البنك وبقيت انا بإنتظارها بالخارج .. امام البنك لمحت عمارة عليها لافتتان لمحاميان، فقلت لنفسي احسن الواحد يدخل يخلص موضوع التوكيل عند واحد من المحامين ديل ويوفر زمن المشي للخرطوم، وفعلا رجعت الوالدة وعرضت عليها الفكرة ورحبت بها وانتظرتني في العربية .. اها طلعت الدور الثاني ودخلت مكتب المحامي الأول ووجدت شابتين في منتصف العشرينات ضاربين الونسة، وبعد التحية قلت ليهم عايز اقابل المحامي بخصوص عمل توكيل، فردت علي احداهما قائلة "والله المحامي في المحكمة وبرجع الساعة ثلاثة لكن اتفضل اشرب حاجة وانتظرة لحدي ما يرجع على الأقل نتونس" .. فشكرتها قائلا "معليش مابقدر انتظر خمسة ساعات" وسألتها عن مكتب المحامي الآخر، فردت لي الشابة الأخري قائلة "انا سكرتيرة المحامي التاني وهو برضو في المحكمة لكن لو داير تنتظر معاي في المكتب التاني برضو ممكن"، وغرقتا في الضحك وسط دهشتي فأسرعت للباب للخروج وبعد خروجي نادتني احداهما فرجعت ووقفت بالباب فقالت لي "انت مستعجل مالك؟" فقلت لها انا جاي اعمل توكيل ما جاي اتونس، فقالت لي بدون حياء "والله لو عارفنك بتجي الليلة كان قرينا ليك قانون نحن ذاتنا"، فأسرعت نازلا سلم العمارة متعجبا وانا اسمع ضحكاتهن العالية و مناداتهن ..

الصاوي

Quote: اخي خالد المنسي الموضوع فعلا حصل في اجازتي السابقة والهستيريا التي اصابت بعض الفتيات في الحفل انا قلت امريكا ليه ماهو السودان بقي زيها انا في رائي ان السبب الرئيسي هو الكم الهائل من الفضائيات التي غزت البيوت دون رقيب والفتيات اصبحن يعرفن 50cent - ushur-jay z وجميع المغنيين المشهورين

...


الجميل الطيب متولي والاخت الفاضلة سملى صبحي
سلام عليكم وعلكم طيبة وعافية درت

يا متولي يا خوي والله ناسك الذكرتهم ديل أنا قاعد في اوروبا لي 20 سنة ماسمعت بيهم ولا بخبرهم دي اسماي ناس ولا كلاب ... وفيفتي سنت دي والله البعرفها نص يورو بجيب بيهو اللبن لاحمد وليدي الفوق الصورة دا دحين دا بجتو ليهن في السودان ما بياكلنو عديل مو دوب مغاوله
كان كدي يانا القاعدين وهسي جاينا بنية في الدرب وحالي دا بدور اشخلّخها عارض زي جبوبتا.. كان كدي بخليها سادة عاد وين تحوم بشلوخها دي في المجر والله يباروها صف قطر

لكم التحية والسلام
خالد محجوب .. شندي

خالد علي المنسي لك التحية و منعش البوست والله

هسع السودان اخير منها أمريكا في ما نسمع لكن يظل السودان بلدنا وقصة الكاشف وايهاب توفيق المقارنة بالشكل ممكن نتراجع فيها شوية لكن في الغناء ...الكاشف فن بذاته


الأخت الفاضل سلمى
تسلمي يا سلمى من كل بلاء ورنبا يديك في المرادك ولك التحية والتقدير
ماتقولي لي انت سلمى بت حسن عباس صبحي له الرحمة ولعباس صبحي علم شندي العظيم الرحمة

ارجعي لردي للعزيز متولي

قتي لي العجائز بقو بفتشو في العرس ومن سن عشرين
اسمعي الكلام دا زمن الزمن زين والفول بي قرشين
ما لي عشرين باتت في سعد تتقلب
ترتد عزوفاً وهي في الخفية ترغب

بعدين الشايب دا قولن لو

الشايب دا الله بينو وبينو
تطير الابرة وتقد ودعينو

قالوا شيخنا ود الشايقي يوم

صلى الصبح حاضر وبآيات طوال
مره بالمال والبون فتبسّم
ثم آيات الطلاق فتهجّم
ثم آيات الزواج ...
فإذما قرا مثنى وثلاث ورابع
وقف الشيخ طويلاً
كما فعل الضباع
وبكى ملئ الجفون البقرية
وشهيق كالدجاجة البطرية
وقال
لقد قصرت في حق الكتاب
سألاقي ما ألاقي من عذاب
فأنا لا أملك غير ثلاثة

فالظاهر الجماعة أخدو دي قاعدة ...

لك التحية والتقدير

خالد محجوب .. شندي

الأخ خالد علي ...لك كل تحية وتقدير

نعم يا سيدي الفاضل أنا إبنة حسن عباس صبحي الذي غاب نجمه من سماء الدنيا ومن ناس شندي الحلوين......

وقال ود الشايقي
لقد قصرت في حق الكتاب
سألاقي ما ألاقي من عذاب
فأنا لا أملك غير ثلاثة

يعني مولانا ده ما صدّق يعمل بالكتاب والسنة ...يعني العجبته بس آيات الزواج ما في آيات كتيرة في القرآن....غض البصر وغيرها لكن شدة ما عينه طايرة في الصلاة اتذكر الرابعة.
ولو داير تجنن واحدة متزوجة قول ليها آيات الزواج دي ....مع انه بعض الرجال عاملها حيلة يقول ليك باعمل بالكتاب أو حنيت على فلانة قلت أكسب فيها أجر أو يا سلام فلانه توفى زوجها وليس لها معيل فقلت أربي ايتام واكسب أجر ...(بيني وبينك أجر ولا يمكن عاجباه لي روحه) على العموم رئيسناالبشير بدأ؟؟؟؟ والله يديه الأجر

هسع البنات عامليييييييييين بالكتاب تمام وتشجعن تعدد الزوجات وترضى بالرجل بس قصدي رجل من غير اي اضافات ( مال...عربية..بيت...) المهم راجل والسلام...يعني القرآن ده ما عرفوه الا هسع

والراجل ((كان يا ماكان)) بيعاني كيف يعدل بين الزوجات هسع البنات بيريحوهم هم البيعدلوا...

ألم تنقلب الآية
ألم تنقلب الآية
ألم تنقلب الآية

عندي سؤال ليك ياسلمى ، لو اكتشفت واحدة متزوجة انو زوجها بيعاكس في واحدة بعمر بنتو واكتشفت بينتو انها زميلتها في الكلية واكتشفت الزميلة عشيقة الوالدة انو ابوها مصاحب أم الاولى وأخوها مجكس الثانية .. وكل حلقات المجتمع صارت بهذا الهرم الهندسي الحسابي .. الحل شنو ..
ما رأيك في الجنس بين المحارم ؟ مارأيكم في اللواط المنتشر في البلد بدعوى الحقوق المدنية للوطيين .. في المدارس الخاصة .. أبناء الذوات .. ظاهرة القوادة في الأحياء والشقق المفروشة .. أين سينتهي بنا المطاف .؟؟؟

أخ عبد الرحمن نسلم عليك أول بعدين لفّيت راسي. دي متاهة

وحلها القيامة تقوم ده شي ما بتلحق

نرجع لموضوع دلوقت مالي الدنيا ملي

البنات بقوا يرضوا بأي حاجة وتقول ليك نصيب بأقصد زواج البنات بالسر...عرفي...مسيار...تكون رقم 2، 3، 4 ما عندها مانع...صاحبة ساكت بس المهم يصرف عليها.

Quote: وحلها القيامة تقوم ده شي ما بتلحق

وهذه متوالية الفساد الاجتماعي المستشري هذه الأيام .. الاتصالات متوفرة ، والفراغ عريض والخيال مريض ، والجيب ملان والسيارة نسيان .. والشارع ملان نسوان ..
قم يايلا نغير الموديل ..
يلا في ساعة .. الشارع واضح .. للفعل الفاضح
.. مافي دليل .. التظيل طمس حقيقة الليل
.. كرامة أمة في تضليل .. كرامة في تضليل
.. سبحة طويلة ولحية صغيرة لزوم تسهيل .
. مسحة تدين شيطانية !! لا تحتاج لدليل !!

أخ عبدالرحمن...ذي ما قلت
وهذه متوالية الفساد الاجتماعي المستشري هذه الأيام

بعض الفتيات اللآتي تعبن من عدم وجود الشخص الذي ينفق عليهن وراسهم لف من المطاردة يلجأن الى الموافقة السريعة بابن الحلال( الما واعي ) أو اللسه جديد ووبيقع بسرعة والشاطرة تلحق

الاخت سلمى
السلام والتحية
تشكري على هذا البوست الاجتماعي الذي يعالج قضية تهم المجتمع.. فعلا يوجد تحول كبير في المجتمع تعبر عنها ظواهر كثيرة وهذه الظاهرة ليست هي الوحيدة .. في اعتقادي ان هذا الامر ناتج من تدهور القيم والاخلاق بشكل عام فانتشرت ظاهرة البنات الفاكات والمتسكعات والمشاغلات للرجال و خيانة الامانة والتساهل في ما كان يعتبر من قبل حدود حمراء لا يسمح بها، الله يجازي الفضائيات والانترنت ومحنهموما أنسى العولمة كمان ، فنحن لا نستطيع ان نكون جزيرة معزولة عما يحصل في العالم لكن كان يمكن ان نطور اجهزتنا المناعية للوقوف ضد هذه الهجمة الانحلالية وكويس انك اوردت في صلب هذا الموضوع ظواهر من اماكن ثانيه غير السودان توضح ان هذه الظاهرة عالمية، وحتى الدول المحافظة غشيتها هذه الظاهرة، وانا شايف انه لحد هسي كويس لو وقفت الظاهر الى هذا الحد وحكاية شم العود دي انا ما عارف انه حقيقة ولا خرافة لكنها واقع الآن. تشكري مرة اخرى على هذا التنوير.

وجود النساء في مقاهي الرجال أصبح يرعب أويمتع بعض الرجال ( قلت بعض ما كل ) ووسيلة جذب للعنصر الرجالي ومن أيسهل الطرق التي وفرت تعبها حواء على الرجال

تعددت أساليب ( الغزل) والهدف واحد
تعددت أساليب ( الغزل) والهدف واحد



يعني جوهم لحد عندهم
والله ما بعرف الراجل البتعجبه في المرة البتدخن شنو

للأسف تّدعي النساء الآن بأن التدخين هو مرتبط بالجمال والشخصية القوية وتمتلأ المقاهي بالنساء الجميلات ذوي الأجساد النحيفة وتمسك كل واحدة في يدها سيجارة وفي اليد الأخرى علبة السجائر واذا رايناها نحن معشر النساء أصبنا بالتعجب والدهشة من الحركات ولكن بعض من الجنس الخشن يقتلع عيونه من مكانها اقتلاعاً حتى تصل للفتاة.

لذلك نجد بعض الرجال مدمنين على المقاهي.

غايتوا نصيحة: الراجلها بيقول ليها ماشي القهوة مع العزابة ....تسوي ليه قهوة في البيت

Quote: اجهزتنا المناعية

أجهزتنا المناعية الداخلية لها علاقة بالخارج المحسوس .. ينخر الفساد جسد السودان من الهرم .. فما بال القاعدة
إذا كان التدين مسحة ورنيش والدقن أكل عيش .. والقوادات صفوف جيش .. فالأفضل للحرائر الموت على ذل العيش

نعم يا سيدي الفاضل أنا إبنة حسن عباس صبحي الذي غاب نجمه من سماء الدنيا ومن ناس شندي الحلوين

انزواية بعد لفّة من الموضوع
الأخت الفاضلة سلمى حسن عباس صبحي
نجدد السلام والله بت شندي الحنينة ... كان في البدء جدك عباس عليه رحمة الله سمح الخصال خيفيف الروح مضياف الرجال بالدين بسوي الزين مازلت اذكره وانا صغير يحمل دفتر العوائد للاسكان ويضاحك كل من يمر عليه صغير كان أو كبير ... يا سلام يا سلمى والله الواحد لما يذكر ناس زمان وطيبة زمان وحال وما كان عليه زمان تطفر الدمعة من عينه ويكفيه شرف أن مجده أهل شندي في حياته أن سميا حي بأسمع ( ديم عباس ) وهو يستاهل اكثر من ذلك وبشهادة كل ناس شندي قدامي ومتقدم ... يا سلام يا سلمى هيجتي علي الاشجان والحنين تلك الارواح الطاهرة من ناس شندي وفيهم والدك الله يرحمه العلامّة المتواضع الشمعة مفخرة آل شندي فأن ماتت ارواحهم فهم بيننا يمشون بسيرتهم الطيبة وخلقهم النبيل وقلوبهم الصافية
لك مني عزيزتي كل التقدير والاحترام واجدد لك التحية مرة اخرى ويا سلام لم نلتقيت لكن جمعنا الاسير فالشكر لمكتشف النت والشكر لبكري صاحب الحوش

خالد محجوب ... شندي

الأخ خالد المنسي لك ألف تحية

أقول ليك حاجة غريبة المنبر ده من يوم ما أشتركت فيه صدفت معاي صدف جميلة اتعرفت بناس منهم أصدقاء الوالد ومنهم من الأهل ولم التقيهم يوماً ومنهم معارف الوالد وكده فكان شئ طيب والله. وها نحن نلتقيك في هذا المنبر...


وبالمناسبة اذا الفي الصورة ده ولدك من هسي انا خطبته لبتي هند ولو شفتها بتوافقوا طواليييييي وبدون رجعة ....(ثقة مش كدة)

لك التحية مرة اخرى ومواصلين

الأخ الصاوي ..

تحياتي وسامحني على التأخير في الرد


أولاً بهنيك انك طلعت من الجماعة ديل،شفت الحالة بقت كيف والله وذي ما حكيت قبلاً ودعمي جا يخطب قبل فترة في السودان رجع جاري لبلد الحواجات وقال الخواجية وجبت يعتي البيجي من بره طفش.



بس نصيحتي تسوق الوالدة معاك تاني....

كيفك يا سلمى تحياتي ..

يعني الواحد تاني لما يشوف ليهو بنت يكب الزوغة في أقرب زقاق ولا كيف
أعتقد أنها حالة نتيجة ظروف معينة وسريعاً ما ستنتهي لأن دوام الحال من المحال ..
وفي بعض الدول الحوليناأكثر ما هو عندنا في السودان ..
زمان كان العكس الأولاد يعاكسون البنات لأن الظروف كانت غير حالياً الشارع يعج بالجنسين ودي حاجة كويسة لأنو بتزيل الحاجز النفسي بينهما أقصد الطرفين ولا خوف عليها على الطلاق ..

لك ولمداخليك كل التحية ..

هههههههههههههههههههههههههه
بالغتى يا سلمى غى حكايت المنقه دى

تحياتى و اكيد شوقى ان كنتى تّّذكرينى


هيثم الجلال

بالمناسبه عواطف ادريس ساعتين منك
كان حنستيها بتديك تلفونها هى امراة رائعه جديره بالصداقه و ستكون لكى الناصح الامين

الأخ الصاوي ..تحياتي وسامحني على التأخير في الرد
أولاً بهنيك انك طلعت من الجماعة ديل،شفت الحالة بقت كيف والله وذي ما حكيت قبلاً ودعمي جا يخطب قبل فترة في السودان رجع جاري لبلد الحواجات وقال الخواجية وجبت يعتي البيجي من بره طفش.



بس نصيحتي تسوق الوالدة معاك تاني....

هيثم الجلال ...

أين أنت؟ وفي أي موقع في الكرة الأرضية وأنا لا أنسى ولن أنسى من التقيتهم في الحياة يوماً وبالذات ناس الجامعــــة يا هيثم...


تحياتي لك ولكل الأهل..بدون فرز .......وتابعنا في البوست

معتصم دفع الله مرحب بيك في بوست المطاردة

ما قلناكب الزوغة لكن خلي بالك


وهل تعتقد بانها ستنتهي؟؟؟؟ يا معتصم تعددت أساليب الغزل والمطاردة زمان كان الغزل بجوّاب هسع ببلوتوث .أها ده بتلحق ده كان ما اتنقل.

الملك

مجرد سؤال....مجرد رسالة..
مجرد سؤال....مجرد رسالة..
مجرد سؤال....مجرد رسالة..


أين العنصر النسائي في هذا البوست؟؟؟؟؟؟؟؟؟؟؟؟؟ نفتقدكن يا عزيزاتي

تحياتي لللآتي شاركن

ايمان صالح
رندا حاتم
نجوان
عواطف ادريس

سلوم ازيك
بتصدقى الظاهرة دى حاصله من بدرى بس طبعاكانت محدوده شديد لكن ذى مابيقولو
مع تطور الحياة والايقاع السريع والظروف البتساعد طفحت على السطح بصوره اوضح عادى دلوقتى بقت المشاغله بتبدى بيها
البنات والاكتر من كده الواحد بتكون مصره على البتعمل فيه اذا مااستجاب ليها تبدى المطاردات من ايميلات وغيره
حقيقه حاجه تحزن انا كنت بفتكر انو مع المساحه الكبيرة المتاحه من الحريه فى الزمن ده بتفتح المدارك وبتضع حد للسلبيات القديمه وبتدى فرصه لعلاقات سويه المطارده والمشاغله عمرهم مابيوصلو الى علاقه محترمه بتكون هادفه فى النهايه اناشايفه البتعمل كده هى الخسرانه اذا الزول رخص نفسه يتحمل البيحصل عليه واضح انو احنا اتطورنا فى الاسوء بس بكل تاكيد الكلام ده مابيطبق على كل البنات بالعكس امكن دى تكون شريحه محدوده لكن فى بعص الحالات السئ بيكون ظاهر اكتر بالذات فى مجتمعنا السودانى

يا هلا يا ماجدة
ذي ما قلت:
الظاهرة دى حاصله من بدرى بس طبعاكانت محدوده شديد لكن ذى مابيقولو مع تطور الحياة والايقاع السريع والظروف البتساعد طفحت على السطح بصوره اوضح عادى دلوقتى بقت المشاغله بتبدى بيهاالبنات والاكتر من كده الواحد بتكون مصره على البتعمل فيه اذا مااستجاب ليها تبدى المطاردات من ايميلات وغيره


للأسف يا ماجدة ما نسمعه عن السودان الآن يفضل انوا الواحد يقفل أضانه ويعمل ما سامع وكمان للأسف أكتر بنسمعها من الجنسيات الأخرى وبنتألم كسودانيين والله بنتألم.

لكن الزمن بقى صعب يا ماجدة والله يسترنا جميعا.

ودي كمان يا ناس المنبر

البنت اللصة

لا هي حرامية قروش ولا حاجة ولكن حرامية..................رجال


نسمع كثيراً انوا في رجال من النوع الهدي والرضي وشايف أمور بيته تمام وما بيتخاف منه وفجأه عرسّ

بسم الله ماله، ما ممكن، وغيرها من التعليقات التي تدور في المجتمع.

السبب؟؟؟؟؟؟

لكل بيت أسراره ولكل رجل نقطة ضعف ، تتفنن وتبدع بعض البنات في الزمن ده بالذات في البحث والتقصي عن نقاط ضعف الرجل والتوغل فيها ويصل الأمر عند بعضهن بالسؤال عن حياته الشخصيةحتى تصل لفريستهاأو صيدها الثمين .... فمثلاً اذا كان من النوع الذي يفتقد كلمات الحنان والاهتمام فسوف تجرجره الى ان تعرف ما يحب وتدخل له من هذا الباب وتمطره كلمات الحنـــــــــــــان لمن يغلبه البعد عنها وبس .............الحكاية معروفة يعني في نوع نسمية:::

( دكتورة نفسية + لصة خبيرة)

تخطف الرجل من أهل بيته الأصليين في غمضة عين ومرته المسكينة جاتها الطامة الكبرى لا بيها لا عليها.....من السبب؟؟؟؟ اللصة وما تقولوا لي قسمة ونصيب ده احتيال من بعض البنات خراب بيوت



ونواصــــــــــــــل

سلمي ازييك


غايتو انا ما بخت حاجة في ذمتي والنصيحة لله انا قبل شوية قابلت لي واحدة مووووت يعني نجاضة

سايقة عربية هوندا ولابسه ليها نظارات شمسية اتقابلنا في تقاطع شارع واحد .. النصيحــة

انا اللي شاغلتها ما هي ..








اموت انا في الابتسامة




اخ

جلت


دقت في العارضة




ما مشكلة


شكرا حاول مرة اخري


مودتي

منعم

أخ عبدالمنعم تحياتي

حمدلله على السلامه يعني نجوت من كيدهن...لكن انت البديت الكيد...المرة دي سلامة وحنّت عليك ...خلي بالك من الجاية مع انه شكلك حتكررها ولو انت معرس ومرتك بالغلط قرت البوست كان الله في عونك.........


طيب حل::اشتري لي مرتك هوندا ولبّسها نضارة

Quote: طيب حل::اشتري لي مرتك هوندا ولبّسها نضارة

لحسن الحظ ولسوء الحظ .. ما معرس يا سلمي

اها دي يحلوها كيف مع الهوندا والنظارة !!

اية رايك اشتري هوندا وبعد دااااك ابحث عن المراة ومن ثم الظارة


وماهي بنظارة .. وليس كل من قرا كمن راي يا سلمي


منعم

عبدالمنعم سليمان


شكلك كدة عينك ( طايرة) والنوع البيعلق كتير ...غايتوا نصيحتي ليك أشتري الهوندا والنظارة ديل ضمان 100% لكن العروسة

دي...امممممممممممم والله ما عارفة أقول ليك شنو الزيك ده يا عبد المنعم شكله حيقع وقعة.......وكان الله اداك الهوندا

والنظارة قول الحمدلله والعروسة((( ---- )))الكمال لله

Quote: انقلبت الآية.....البنــــات يغازلن ويطاردن الرجــــال !!!!!!!!!!!!! (Re: عبد المنعم سليمان)

كلو دا حركـات سـاكت..

وكت دفـع المهـر يجـررو واطى.

Quote: شكلك كدة عينك ( طايرة) والنوع البيعلق كتير

ما شايفاني معلق في البوست ده كيف

ما تشوفيني كده يا سلمي اصلي انا اليف

___

اليف ليك علي طولي يا سلمي ( وش ضاحك)


منعم

مرحب بيك دايماً في البوست يا عبد المنعم واعتبره ذي بيتك وواحد

أنا كان قصدي بتعلّق يعني لسانك طويل شوية على البنيات يعني دي كدة ودي كدة واللسانه طويل بيقع وقعة

عندك سؤال في بوست نوبي يا سلمي

مشاهد أخرى..........مشاهد أخرى


بنات ياعم


تقف احدى الفتيات في الشارع وتمثل دور البريئة وعند مرور أقرب عربية....( ياعم يا عم) ممكن توصلني معاك قدام شوية وتبدأ رحلة

الألف مييييييييييييييل ونسة وما أدراك ما الونسة.........مشاهد باتت تتكرر بكثرة في السودان...البنات يركبوا مع الرايح

والجاي دونما رقيب....بل ووصل الحال بيهن ان يعرضن نفسهن مقابل مبالغ مالية أو أن ينفق عليها في الجامعة أو تسكن مع الشخص

مقابل زواج عرفي..........ده اذا ما اتصلبتت فيك ووقعتك


ديل بنات يا عم

تحياتى سلمى ....

تعرفى الحكاوى البنسمعها والبنشوفها والله تحير الواحد ، فى الزمن الماضى كان الشاب يلهث وراء الشابه ليسمع بس كلمة طيبة وهسه الحال بالمقلوب ميه بالميه ... ياربى الجديد شنو الخلى الحال ينقلب كده ؟؟؟ طبعا فى اقلام كتيرة كتبت قبل كده فى الموضوع ده وقالوا انو الحالة الاقتصادية لكن ده كلام بيش (الله والنبى كلام زى ده ماتسمعا).

قاليك فى واحد وقف عربيته فى الطرمبة يكب بنزين البت جات ركبت جنبه دون أى دعوة شخصية مقدمة من صاحب العربة ، المهم سألها (لاحظى انها ما اتكلمت) ماشه وين ؟ قالت ليه محل ما تمشى بمشى معاك .....!!! الراجل استغرب قال ليها انا شايل العشاء وماشى البيت لمرتى واولادى ... قالت ليه : ماشه معاك برضو بيتك (فاكراه بيهظر وعاوز يتخارج) .!.!!. الراجل نهرها وقال ليها يابت انا مافاضى للكلام الفارغ وماشى بيتنا مع اصرارها والحاحه لها بالنزول قالت ليه وصلنى الداخلية وادينى قروش وفى اى وقت محتاج تطلع وتقضى وقت اتصل لى على المتحرك بتاعى .......!!!!!!!!!!

هسه عليك الله فى الزمن الاغبر زمان كان فى كلام زى ده ....


طريقة البنات الزمن ده لازم يغيرا (مع الاعتذار للملكة)

الفقرة دي يا سيليكون صاح 100%

المهم سألها (لاحظى انها ما اتكلمت) ماشه وين ؟ قالت ليه محل ما تمشى بمشى معاك .....!!!

شفت الناس وصلوا لي وين يا سيليكون ، يا عم بقت يا زوجي يا راجلي عديل ما في وقت لي يا عم....واللطف يارب

وبتحصل من بعض بنات الجامعات بكثرة .......

وذي ما قلت ليك كويس انها ما قالت ليه انا عندي (( ولد منك))

العزيزة سلمي..

تحية ومحبة..

المغازلة والمطاردة شينة كانت جات من راجل ولا من بت.

في رأيي أن المشاغلة والمغازلة البتحصل في الشوارع من إلقاء عبارات (ويين، يا حلو إنتا و.... الخ) أو بتوقيف عربيات وعمل حركات وإشارات للبنات عشان يركبو معاهم، (الغريبة الرجال ديل ما بيفرقوا بين واحدة ممكن تكون فعلا مرقت للربا والتلاف وبين واحدة تانية تكون شايلة ليها شنطة قدر الهجمة وورق وحاجات لاحقة ليها مدرسة ولا جامعة ولا شغل ولا حتى لاحقة وليداتها في البيت). المشاغلة دي إهانة.. بجد إهانة

ولو حس الرجال بالمهانة دي ما أظن يواصلو فيها. لكن للإسف نوع المثل الضربتيهو فوق، الراجل بيتخيل إنه كازنوفة زمانه، ويمكن يمشي يحكي لأصحابه إنو في واحدة شاغلته.

لو في راجل عجبته إمرأة، أو إمرأة عجبها راجل.. ده لا عيب لا منكرة، لكن طريقة التعبير بتكون كيف عشان توري الطرف التاني إنك عاجبو هي اللي بتفرق. وما أظن الرجال القاعدين يشاغلو في الشوارع ديل بتكون البنات عجبتهم بجد..

رجوع لعنوانك: انقلبت الآية.....البنــــات يغازلن ويطاردن الرجــــال!!!!!

هي الآية من الأول النزًلها منو..؟

ودي..

رجاء والله كلامك عسل

وعجبتني حكاية الخلط بين واحدة ممكن تكون فعلا مرقت للربا والتلاف وبين واحدة تانية تكون شايلة ليها شنطة قدر الهجمة وورق وحاجات لاحقة ليها مدرسة ولا جامعة ولا شغل ولا حتى لاحقة وليداتها في البيت)

بس أقول ليك حاجة لو واحد شاف ليه واحدة عندهاكرور قدر ده بيطفش الا تدسة وتفاجأه...هههههه

وحكاية ان الرجال فيهم من يتفاخر بانه كسّر كم بت ولا صاحب كم بيت..زدي بأضاني سمعتها.....
غايتوا آدم غازل حواء ما سمعت بالعكس

وتحياتي

رجاء العباسي!!!
الآية دي ما في زول نزلها وأحسن نخليها فوق
ونشوف الحاصل وبعد داك يتحدد عشان يمكن مطاردة الجكس للأولادهي الآية الصحيحة!!!

وزي ما قلت قبيييييل
كدي نحسم موضوع انه منو ساكي منو؟ وبعد داك ننزل الآية
( أناما كنت ساككيك؟ إعترفي!!!!)

شوق بحر يا رجاء


ودمتم
طلال فاروق محجوب

الأخ طلال:

( أناما كنت ساككيك؟ إعترفي!!!!)

شوق بحر يا رجاء

انا ماعزول حاخلي الرد على رجاء
تحياتييييي

طلال يا غالي..

سلامات ومحبات من هنا لغاية حي الجمهورية في نيالا..

الغريبة في مسلمات كده بتصبح أقوى من القانون أو الشرع احيانا..

وبصراحة ما عايزين نقول إنو الأصل لينا نحنا النساء المسلمات إنو ممكن نخطب. لكن عشان موضوع العيب والمفروض، الحكاية راحت علينا وبقينا لازم نقعد نرجى البيخطبنا .


في آيات كتاار زي الآية دي عايزين ينزلو من محلتهم عشان ما يخمًونا ويقولو لينا لا هو أصلو كده ..


وكل يوم مرأة وإنت وكل شابات نيالا بخير..





تخريمة: يا سلمى.. وحاتك إنتي ما عزول، إنتي أجمل مناسبة خليتني الاقي بيها طلال.. وبركة العرفت منو يا دوب إنو كان ساكيني ..

ودي

Quote: وبصراحة ما عايزين نقول إنو الأصل لينا نحنا النساء المسلمات إنو ممكن نخطب. لكن عشان موضوع العيب والمفروض، الحكاية راحت علينا وبقينا لازم نقعد نرجى البيخطبنا .

الأخت / الفاضل رجاء ليكِ الحق بالحيل وحقّك شرعي في الخطبه ويعضدد الشرع كمان مثلنا السوداني العريق ( أخطُب لبنتك وما تخطب لي ولدّك )
وزي ما قلتي المشاغلة والمغازلة لا من حق الولد ولا من حق البنت ... وكان زمان حتى الولد الذي يقوم بذلك بقولو علي شنو ؟؟ اي والله .. كانو بقولوا عليهو سعلوك ( صعُلوك ) وما مربى ... جد الموضوع خطير وإذا وصل الحال لذلك وفعلى القيم والأخلاق السلام

Quote: الأخ خالد المنسي لك ألف تحية أقول ليك حاجة غريبة المنبر ده من يوم ما أشتركت فيه صدفت معاي صدف جميلة اتعرفت بناس منهم أصدقاء الوالد ومنهم من الأهل ولم التقيهم يوماً ومنهم معارف الوالد وكده فكان شئ طيب والله. وها نحن نلتقيك في هذا المنبر... وبالمناسبة اذا الفي الصورة ده ولدك من هسي انا خطبته لبتي هند ولو شفتها بتوافقوا طواليييييي وبدون رجعة ....(ثقة مش كدة) لك التحية مرة اخرى ومواصلين

الاخت الفاضلة / سلمى حسن
كيف حالك ...

في البدء ... أنا لا ارمي اللوم علي البنيات ... واللوم في بني جلدتنا من الوليدات
وينو الوليد المأمون علي بنيات فريقو
وينو الوليد الصاين عرضو
وينو الوليد القبل يقدم لفعل الشين يذكر ان له أم واخت وخالة وعمة
وينو الوليد ... وينو الوليد.. وينو الوليد القارح مادلّه

يحضرني بيت شعر من ابيات جملية للامام الشافعي تفلتت من الراس بعدما دخل الكبر وبقينا ننسي ... من تلك الأبيات الجميلة احفظ الاخير

من زنا يزنا ولو بعقر داره
إن كُنتْ لبيب ياهذا ففهَمِ

نرجع ونخرم شوية يا سلمى ... نعم دا ولدي أحمد وعمرو خمس سنوات ... مش بس موافقين نحن نطير بالفرحة ولينا الشرف بالقرب منكم آل عباس صبحي ... بس أن شاءالله هند توافق

الأخ خالد المنسي

لك التحية وأريج أهل شندي يملأ المكان ومن هسي ماتنطوا بتنا لولدكم....

بالبركة

طريقة تانية متفشية لمغازلة الرجال



بنات فاسدات يجرجروا وراهم بنات كويسات... ونقرأ قصة من القصص الحاصلة


رن الهاتف أسرعت إليه كانت صحبتها المتصلة ، دعتها إلى نزهة قصيرة والتجول في أحد المراكز الجديدة ، وافقت دون تردد ، جاتها صحبتها ومشوا وقعدوا يتبادلوا أطراف الحديث سألتها صحبتها إذا كانت لديها بوي فريند ؟!!

أجابت بكل براءة وقالت : وبعليييييي ده كلام شنو؟؟؟؟

صاحبة السوء: مالك دقة قديمة كدة ، فجأة أشارت البت الخبرةإلى أحد المحلات وقالت :عايني هناك في حلاة شباب ، يا هبلة ما تضيعي الفرصة ، رفضت رفضاً قاطعاً ، لكن مع إصرار صحبتها وافقت بعد عدة جولات ها هي تستلم وتأخذ وأحدة منالأوراق اللي رموها ليها الشباب، هنأتها صحبتها ، وانتهت النزهة وعادت كل منها إلى المنزل كان ضمير الفتاة يأنبها ، لكنهاتلقت اتصالا من نفس الصديقة كان الاتصال كالتالي :

الفتاة : أهلا ..

الصاحبة (السو) : اها ما اتصلت ‍؟

الفتاة : ما قدرت !

بعد محاولات من صاحبتها استسلمت الفتاة واتصلت ، كانت المحادثة الأولى مختصرة ، لكن الثانية كانت أطول بكثير ، وانتهت الثالثة بموعد‍‍ ، عادت الفتاة من الموعد وهي تجر العار وراءها ، ماذا تفعل ماذا تقول ؟؟

نهاية القصة

ودي كانت مافي هسع بقت بكثثثثثثثثثثثثثثثثثثثرة




والله شفتها بي عيني بنات بيعملن كدة

ودي كمان.............لي ناس الخليج اكيد بتشوفوها
ودي كمان.............لي ناس الخليج اكيد بتشوفوها


من السبب في المعاكسات؟؟؟؟؟


وخلوا بالكم من التعليق في آخر الصورة

وخلوا بالكم من التعليق في آخر الصورة

رجاء اذيك


يعني بوستي نفع ولمّ الناس ببعض .تحياتي ليك وللأخ طلال


وواصلي معانا

سلام يا سلمى ، أنا شخصياً لما ادخل سودانيز لازم أعرج على بوستك لاستمتع بالردود والقصص المتنوعة في واقعنا السوداني المليء بالمفاجآت ، وكل يوم حصة اجتماعية ( لزوم التسيير والتسليك . وشكراً جمعتي في البوست طريدين ، قد أدركا أخيراً .

مرحب بيك دايماً يا أخ عبدالرحمن وشكراً ليك على الرد الحلو

وتابعنا ...........هناك المزيد

مواصلين

مفهوم التطور عند البعض

مفهوم التطور عند البعض


كدة

الله يجازى محنك ياسلمى

الخلايجه او الخليجيين ديل كان دخلو و شافو بوستاتك دى بلحقوك امات طه


مودتى و اكيد احترامى

ياختى وييين عواطف طولت ما تاوقت بى جاى اكيد راقده ليها فوق راى

تحياتى لكم الاثنين لديكم اسلوب رائع فى التعبير

هيثم كيف الحال

ماهو ده الحاصل ولسه في الموضوع مواضيع وتابعنا

صحي عواطف ادريس طولّت....

تحياتي لكما

الأخت سلمى تحياتي و البوست رائع

في مرة كتب أحد الاخو هنا عن قصة حقيقية عن معاكسة البنات للرجال و تجمع بين الطرافة و الغرابة : واحد وجيه جدا واقف بسيارته الفارهة بسوق سعد قشرة و معه زوجته و هي آية في الجمال و طفلته و هي خلطة بين الاتنين و أكيد حلوة شديد ، و أثناء ذلك مرت فتاتين و عليهم آثار البنات (الشماسيات) و بهرهم الرجل الوجيه و الزوجة الجميلة و الطفلة و السيارة و لم يكتفوا بالنظره القوية بل و بكل جراءة واحدة منهم و جهت كلامها للراجل : انت شرط و مرتك شرط و بنتك شرط و سيارتك شرط!!!!!!! و واصلوا السير وسط دهشة الرجل و زوجته و المارين الذين سمع بعضهم الكلام!!

متابعين البوست


الحاج حمد الحاج

الحاج حمد...حللت سهلاً

والله ده شئ بسيط مما نسمع....زمان كانوا بيقولوا.....


نأكل مما نزرع
ونلبس مما نصنع
هسع بقت...

نفزع مما نسمع

أبو الريش ...مرحب بيك

لو ما عملوا كدة ياهو السووا ذي عنوان البوست

عنوان آخر لظاهرة متنحية نوعاً ما وسائده في المجتمع
خطف الرجال عيييييييييييينك عييييييييييييييييينك
خطف الرجال عيييييييييييينك عييييييييييييييييينك

كاريكاتير



تنتشر حكاية البلوتوث بطريقة غريبة مثلاً تقوم احدى الشخصيات بتصوير أخرى حتى لو لم تكن المسكينة تقصد وتقوم بنقله وتوزيعه بل وتصل للتهديد.......اذا ما خلليتي لي خطيبك أو زوجك بوريه البلوتوث.....والنتيجة خراب البيوت



ويا نسمع

Quote: نفزع مما نسمع

وكمان يمكن وصلنا مرحلة بقينا

نكذب مانسمعه

أهلللللللللللاً يا سيليكون

يعني ريحت شوية من بوست فيصل نوبي.....مرحب بيك

وواصل معانا

اهلين سلمى

تعرفى بوست النوبى زى طابور الصباح لحظة
دخول المنبر لابد من المرور عليه وتفقد
احوال الناس مع الكورية ام قعر ....


اما بوستك فهو لذيذ والواحد برضو عامل ليهو
بوك مارك وندخله بين الحينة والاخرى لنقرأ
العجب العجاب ونستمتع بالقصص ..

انتى شنو اليويمن ديل عملتيها لينا كلها
كاراكتيرات خليجية .. ادينا قصص من بيت
الكلاوى ..

ليك تحية وهاك دى ....

celecon



يا حول جبت الكاريكاتير ده من وين؟؟؟ لكن العينات دي ملخبطة الجنسين ذكراً وأنثى.....

وانت ذاتك جبت التلاته في محل واحد ...خليت الاختيار صعب. ما في غير كل زول و مزاجه

يا سلمى والمزاجه فى الثلاثة يسوى
شنو ...

Quote: يا سلمى والمزاجه فى الثلاثة يسوى شنو ...

النفسو في التلاته ارجا الجايه

كارثة ... مصيبة ... ثم دمار

كراكتير معبر جد لك الشكر والتحية

خالد محجوب

خالد

ليك التحية وزى ماقلت ده سلاح ثلاثى فتاك ...

شكرا على المرور*

تحياتى .



____________________________
* سلمى ماتقولى استلمنا البوسط بتاعك

عزيزتي ســلمى


لك التحية والتقدير ، ، ،،


بصراحة كده يا سلمى نحن تعبنا كثيراً من الجري وراء الفتيات وقلنا نرتاح شوية نشوف القسمة كيف ماشه ، كل يوم الواحد ماشي سعد قشرة وسوق ليبيا وسوق شارع الجمهورية مكمل فلوسه في البنطالين والقمصان واللازم منو وخاتي ريحة ( سفن أب هايلة ) ، وكل يوم ماشي مغير تسريحة شعره في الحلاق ومطقم ليك الجزمة ( لا مواخذه ) مع الشراب مع الكرفته ، يعني تعبتونا تعب الويل ، أها الدنيا دي ما دواره جاء الدور عليكن شوفوا إنتوا تعبتونا قدر كيف ، يعني لو زمان كنتوا وافقتوا بينا ما كان حصل الحصل ، أها أجروا ورانا كده لحدي ما تفلسوا وتشفوا كيفن حاره الشحططة والجري في الشمس الحارة وفي ظلام الليل الدامس ، ههههههههه .

بصراحة أعتقد بأن ظروف السودان الزفت والظروف المعيشية الغالية وعدم وجود الواعز الديني أهم أسباب الانحلال الاخلاقي في السودان ، وما ذكر هنا قليل من كثير والشفناه في السودان دعانى لعدم التفكير في الذهاب إلى هناك والتفكير بقضاء الاجازات في بلدان أخرى . والله الوضع فظيف والواحد يخجل يحكي المواقف التي مر بها هناك ، الدعارة أصبحت في الشوارع والحياء إنعدم تماماً والواحدة تطالبك بالقضاء معها على الفراش بعين قوية وكمان هي البتوديك الشقة أو الغرفة المعدة أساساً لهذا الغرض , اللهم ألطف بعبادك يا رب . شكراً سلمى على هذا البوست . ولك تحياتي .

عماد محمود...اولاً مبروك ما جالك

أصبحت الأمور سيّان سواء بالصبح أو بالليل في السودان ....وكل شئ علناً...عياناً بياناً.والله انا لا

أشوّه الصورة لكن أذهلني ما يحدث ، وما سمعت من كل شخص يجي من اجازته من السودان بيكون خاتي يده

في راسه.

سعيدة بمرورك

celecon

المزاجة في التلاته ده الا يعاين لي الصورة حقتك دي بس....شايفاك اشتغلتني بالكاريكاتير

الخليجي ....هسي ديل سودانيات؟؟؟؟


**** ياسيليكون اعتبر البوست حقك ما عندك مشكلة....مرحب بيك طوالي

سلمى ...
لا ديل ما سودانيات لكن ما خليجيات (صاح) ..

شكرا ليك كلك زوق ..

Quote: كل شخص يجي من اجازته من السودان بيكون خاتي يده في راسه.

بيحلقوا ليهم ولا كيف ...
بس لو ما 90% 75% بيكونوا مروا بقصة صاحبك بتاع
المنقة بس الفواكة بتختلف والاماكن وكذا يعنى ..

داخليــــــــــــــــــات البنــــــــــــات


لا تعليق ....فقط اقرأ الرابط!!!!!!!!!


http://www.igdelgalad.net/vb/showthread.php?t=254




ونتابـــــــــــــــــــــــــــــــــــــع

Quote: كل شخص يجي من اجازته من السودان بيكون خاتي يده في راسه.

واي زول قاعد في السودان زييي كده خاتي يده في جيبو

أخ عبدالمنعم


أحسن برضه........

عزيزتي ســـلمى


مساء الخير ، ، ،،

Quote: والله انا لا أشوّه الصورة لكن أذهلني ما يحدث

ما عاذ الله إن أكذبك ، انا واثق ومتأكد تماماً من كل كلمة سطرها قلمك هنا ، شاهدت بأم عيني ما يحدث هناك وسمعت ما لم يسمعه أحد من أصدقاء وأقارب ووووو............... ، ولدي من القصص ما يشيب له رأس الطفل ناهيك عن الرجال أو النساء ، وسأعود إليه قريباً .


سـ

الأخ عماد محمود

تحياتي لك اينما تكون

تعرف... هذا الموضوع خطير ومتشعب وأصبح واقع مرير في المجتمعات العربية وللأسف في سودانا الحبيب ولا تتخيل كم يؤلم الانسان

احياناً ان يناقش هكذا موضوع....لكنه شر لابد من ايضاح بعض صوره ...(من باب الحيطة لا التشهير والهجوم)



وعدتنابانه

لديك من القصص ما يشيب له رأس الطفل ناهيك عن الرجال أو النساء.




منتظرة منك مشاركاتك

سلمى اها رائيك شنو لو قلتا ليك ا لووف يو كدة عديل ؟؟؟

البوست جد مششوق شديد واخر حلاوة بس عندى سؤال واقف ليا فى حلقى جاوبنى علية بليزز

والسؤال هو اها انتى كان ليقيتى نصك التانى من اول نظرة حاتغازلية وتطاردية كيف ؟؟؟


وتسلمى مقدما

هشام انين

سلمى اها رائيك شنو لو قلتا ليك ا لووف يو كدة عديل ؟؟؟

البوست جد مششوق شديد واخر حلاوة بس عندى سؤال واقف ليا فى حلقى جاوبنى علية بليزز

والسؤال هو اها انتى كان ليقيتى نصك التانى من اول نظرة حاتغازلية وتطاردية كيف ؟؟؟


وتسلمى مقدما

هشام انين

الأخ هشام
...تحياتي




انت دايرني أعمل ذي عنوان البوست..........NEVER

وهذا الموضوع ذو شعب كثيرة...........ونتابع

عزيزتي ســلمى

Quote: وعدتنابانه لديك من القصص ما يشيب له رأس الطفل ناهيك عن الرجال أو النساء. منتظرة منك مشاركاتك

راجع ليك إن شاء الله بكل القصص وغرائبها وشواذها بس أخلص من الاشغال التي حولي . لك ودي وســلام .



عمده

أخ عماد

في انتظار القصص التي شوقتنا لان نعرف خباياها


تحياتي

Quote: أصبحت الفتيات كذلك يطاردن الرجال في أماكن تسليتهم بل ويتوفقن عليهن مثل جلستهم في القهاوي ‬الشعبية‬ يشربن الشيشة بلا خجل ..بلا وجل وتنفخ الدخان كالقطار لكن بحركة ابداعية لتجذب الانتباه.

سلمى
إنتي بي صَحِّك ؟ الكلام دا في السودان في ؟؟ والله مصيبة !!
مساكين نحنا زمان وقت كنا طلبة كنا بنقيف في محطة الزهرة تحت شجرة والبنات بيقيفوا تحت شجرة تانية .. وحسك عينك تقرب من شجرة البنات !! كل البنقدر عليهو نقبِّل عليهن ولما يعاينو لينا نقبل الأتجاه التاني بسرعة !!
غايتو أنا والله العظيم ما شاغلت لي بت في حياتي إلا مرة واحدة بس .. اتخيلي قامت ضحكت وقالت لي إزيك يا عادل !! .. والله التقول صبَّت فيني مطر ومن اليوم داك اتعقدت وتاني ما شاغلت لي بت خالص .. وعشان ما تفهموني غلط بالذات حبيب نورة وابو الحسين الكلام دا زمان طبعا !!
فُتك بي عافية .. يعني كان في لزوم للفضائح دي ؟

الأستاذ عادل جبارة يا صاحب الفلسفة التي أغريتنا بالكتابة عنها لجمال ما قرأنا...



للأسف ده واقع ياأستاذ جبارة والموضوع اني قصدت أساساٍ أن أطرحه وأناقشه لقصصه

المتفرعة والتي تدخل فيها أيضاًأزقة ضيقة وتستنير بما يحدث في واقع الحياة من غير

ايذاء لشخص أحد فالموضوع عام... لكن كان لابد له ان يرى النور.

وبعدين حبيب نورة ده شغال ليك شغل ...هو كان كتبت ولما كتبت ما بخليك فالأمر

سيان....تحياتي للأخ حبيب نورة وللأخ أبو الحسين

Quote: وكل يوم مرأة وإنت وكل شابات نيالا بخير..

رجاء أنا اقول ليك ساككيك تقومي تهنئيني بيوم المرأة
ياستي: كل سنة وصمت الصبايا عند مفترق الطرقات صراخ

سلمى ممكن راي:
حين كنا في الكتاتيب صغارا
درسونا: ركبة المرأة عورة
صوتها من خلف ثقب الباب عورة
وقمنا علي كدة
وكل ممنوع مرغوب
وتطور الحياة خلى المعاكسة بالنت أسهل وخاصة لمهزوزي الشخصية
( يحاول إذا صدقت , أوكي .... ما صدقت شوف البعدها)
زمااااااااااان ما كانوا ناس عنتر بيرموا الكلام طرف طرف
كان قالت أوكي بيكتب ديك يا المعلقة؟
وزمان ما كان في ناس بيرسلوا الجوابات مع الشفع الصغار .. كان قالت أوكي بكرة بيحوم معاها في حدايق مايو؟


الإلتواء واللفة دي كلها جاية من الكبت العاطفي زي ما بيقولوا
وأضفت انا الكبت العاطفي الوطني
وبضيف تاني (المشروع الوطني للكبت العاطفي والتعتيم الجنسي)

ودمتم

طلال

الأخ طلال...سعدنا بمرورك



الكتبته ده CV عديل للغزل من أيام الجاهلية وحتى وقتنا القريب ،

ماحأقول الحاضر لأنه الآن صارت عجايب...أضحكتني أضحك الله سنّك.

سلمي


ما قلت ليم ياااخ

في واحدة امس طاردتني




___

كلامك طلع صح يا سلمي

عبد المنعم سليمان........

:

بركة معلومات البوست نفعتك...

سلمي

تاااني لو طاردتني واحدة بجي بقوليك .. ثمح يا سلمي ؟

Chattttttttttttttttttttttt

الشااااااااااااات عندكم لكن ....

عزيزتي ســلمى

وفاء بالوعد هذه أول القصص


كنا مجموعة من الشباب في حفل أحد الأصدقاء بعد إنتهاء الحفلة كنا عائدين لمنازلنا وزعنا بقية الأصدقاء على منازلهم وبقيت أنا وصديقي الظابط فقط بالسيارة لأننا كنا قريبين من بعض ، في طريق العودة عدنا بالقرب من إحدي الداخليات وفجأة ظهر لنا فتاتين وأشاروا لنا بالتوقف ، توقفنا وجاءوا إلينا ودون سين أو جيم فتحنا الأبواب وإندلفنا داخل السيارة وحتى من غير سلام قالت واحدة فيهم ماشين وين ؟ فرد صاحبي إنتو الماشين وين ؟ وجايين من وين في الوقت ده ؟ واحدة فيهم قالت والله قلنا نطلع نشم شوية هوى ، قلت ليهم طيب إنتو جايين من وين في مثل هذا الوقت ؟!!! ووين ما معاكم راجل ؟ عربيتكم إتعطلت ولا شنو ؟ قالت : لا نحن طلبه في داخلية ............. ، وخرجنا نشم هوى ،إنتو هسه جايين من وين ، قلنا ليهم جايين من حفلة ، وإنتو ماشين وين علشان نوصلكم قالوا نحن ماشين معاكم قلنا ليهم نحن ماشين بيوتنا ، قالوا طيب مالو نمشي ونكمل السهرة معاكم صباحي بس ترجعونا قبل آذان الفجر علشان الغفير بتاع الداخلية ما يزعل مننا وتاني ما بدخلنا ، قلنا ليهم طيب هو كيف سمح ليكم تطلعوا في هذاالوقت المتأخر قالوا أديناه الفيهو النصيب ، قلت ليهم يعني متعودين على كده ، قالت واحده فيهم والله دي أول مرة نحن الاثنين نطلع فيها ، بس زميلاتنا دائماً بيطلعوا ويومياً وبرجعوا آخر حلاوة ، قلت ليهم يعني شنو آخر حلاوة ، قالت واحدة فيهم يعني مفرفشين وجيوبهم مليانه ، وهم قالوا لينا والله مصاريف أهلكم دي ما تأكلكم سندوتشات شاورما ساكت وكلامهم صاح نحن يوم بننوم على وجبة واحد وهم بياكلوا سمك وبيرجر وأيس كريم وبيلبسوا آحسن لبس كمان ، علشان كده قلنانعمل زيهم علشان نعرف نعيش ونكمل تعليمنا اسعار الكتب والمراجع براها تقطع القلب ,اهلينا حالتم ما تعجب الكافر ، كمان نتقل عليهم حق المراجع قلنا أحسن نتصرف . ونواصل ......

الأخ عماد.....خليتني أقرأ القص 3 مرات لأستوعب ما يحدث وان كنت كاتبة البوست.....

...حمانا الله

ومواصلين معاك لسماع العجب العجاببببببب !!!!!

Quote: كيف سمح ليكم تطلعوا في هذاالوقت المتأخر قالوا أديناه الفيهو النصيب

هم بدفعوا برضوا ...
والله الحالة صعبة شديد ....

تحياتى يا عماد ...

ده فعلا واقع وموجود .... والابو بهناك يقطع من مصاريف
البيت ويرسل ليها الغبيانة عشان تكمل تعليمها وهو ماعارفها
كملت نص دينها برضو ....!!!

من الاخبار الطريفة



القصة قصة قصة رجل استهوته فكرة أن يزود هاتفه المحمول بمكبر للصوت لكنه لم يكن يعلم

إن هذه التقنية ستكشف سرا طالما أخفاه

.. المهم أن الزوج اقنع زوجته الأولى بالذهاب الى بيت أهلها لقضاء بعض الوقت لأن لديه مهمة عمل

تستغرق وقتا طويلا، وبينما كان بصحبتها في السيارة في طريقهما الى بيت ذويها تلقى مكالمة هاتفية

فضغط بطريق الخطأ على مكبر الصوت ليسمع صوت زوجته السرية تذكره بضرورة إحضار

بعض الأشياء قبل أن يصل إلى بيتهما المشترك.. ارتبك الزوج وفشل في إخفاء الامر، حينها أصيبت الزوجة

الاولى بصدمة عنيفة وأصرت على الطلاق.

يا أعضاء المنبر هل سمعتم بهذا من قبل؟؟؟؟؟؟؟؟؟؟؟؟؟؟؟

يا أعضاء المنبر هل سمعتم بهذا من قبل؟؟؟؟؟؟؟؟؟؟؟؟؟؟؟







سمعنا ب...

1_ الزواج العرفي:

يقوم الزواج العرفي على اتفاق الشاب مع الفتاه على الزواج وتتم كتابه ورقه يوقعانها
تقول أنهما اتفقا على الزواج. فلا يحتاج إلى تسجيل رسمي ولا شهود ولا يلزم الطرفين بأي أعباء
حيث يسكن الزوجين في بيت والديهما, ولا يلتقيان إلا عندما تكون لديهما الرغبة فى اللقاء لإشباع غرائزهم. ويتم اللقاء في العادة في بيت أحد الأصدقاء أو الصديقات.

2_ زواج الهبة:"


وهبت لك نفسي" بهذه العبارة يتم زواج الهبة حيث تهب الفتاه نفسها لشاب ويقبلها فلا تكون هناك ورقه تلزم الطرفين بأي حقوق. وبذلك يصبح لهما الحق بممارسه حياتهم كزوجين.


ولأول مرة أسمع عن هذة الزيجات والأغرب والسائد الآن


3_ زواج الكاسيت :

تزوج الفتاه نفسها بمن تريد ويوافق العريس ويتم تسجيل الحوار بينهما على شريط الكاسيت وبعدها
يمارس كلا منهما حقوقه الزوجية.


4_ زواج الوشم:


يتواعد العريسين فيه بذهاب إلى مراكز الوشم ويختاران رسم معين يرسمانه على أي مكان
في جسميهما. ويكون هذا الوشم بمثابة عقد زواج يمارس فيه الطرفين حقوقهم الزوجية


5_ زواج الطابع:

وهو أحدث ما ابتكره الشباب ليتم فيه إلصاق طابع عادي على جبين الشاب ومن ثم ينقل على جبين الشابة وتنتهي مراسم الزواج.


6_ زواج الدم:

وهو أخر تطورات الزواج السري حيث انه معروف قديما بالقرى الهندية وبعض القبائل في جنوب أفريقيا.
يقوم فيه الزوجين بوخز إبهامها بالدبوس حتى يسيل الدم ويضع العريس إبهامه على إبهام العروس حتى تمتزج دمائهم ويصبح زوجين لهما جميع الحقوق الزوجية.

وتنتشر ظاهره الزواج السري بين المثقفين و طلاب الجامعات
حيث لوحظ انتشار زواج الدم في الجامعات المصرية خاصة ناهيك عن البلدان العربية الأخرى.

والموضوع يتشعب
والموضوع يتشعب


(( تقرير منقول))


الرابط هو..


[URL]http://www.akhbaralyoumsd.net/modules.php?name=News&file=article&sid=2504
[/URL]





............

ونواصـــــــــــــــــــــــــــــــــــل

نواصل


واحدة فيهم قالت أها عندكم مطار قلت ليها هووي نحن سايقين سيارة مش طيارة وعم الضحك السيارة قلت واحدة فيهم بقصد شقة أو ماكن ناخذ فيه راحتنا للأخر ، صاحبي قال ليهم عندنا مطارات بتنزل فيها طائرات جامبو ( كان بقصد نساء سمينات طبعاً ) ، المهم صاحبي غير طريقه إستغرب لأنني أعلم أخلاقه جيداً فهو ليس من تلك الفئة الضالة بل رجل مهذب بكل ما تحمله الكلمة من معنى خاصة وأنه ضابط ويجب أن يكون قدوى ، المهم صاحبي إتصل على واحد من أصدقائه وسأله أسئلة مشفرة ( رندكه ) وبعد شوية وصلنا إلى حي ...... ، هنا صاحبي نزل ودخل عمارة وجاء بعد شوية كده قال أنزلوا ، أنا أستمرت في مكاني خوفاً ورعباً لأنني لم أجالس نساء في حياتي بصفة خاصة خاصة في مثل هذه المواقف ، رفضت النزول ونزلن هن قبلي وأحده فيهم وكان شكلها أصغر من الأخرى فتحت لي الباب وقالت لي ما تنزل ولا نجي نشيلك ؟!! قلت ليهم أطلعوا أنا بعمل مكالمة بستأذن للتأخير وبحصلكم ، هم طلعوا وصاحبي جاء بعد شوية نازل بغضب شديد قلت ليهو ده شنو يا جنابو ، ضحك وقال لي تعال بس ما تخاف إنت عارفني كويس جداً ، وجراني من إيدي وطلعنا ، ولما وصلنا الشقة الكبيرة فيهم قالت يا جماعة بصراحة كده كونوا رقيقين جداً معانا بلاش عمل الوحوش ، ممكن نخليها صباحي وما نروح الداخلية بس لطفاً نحن لسه بكريات !!!! ، الثانية قالت ياريت يكون عندكم قطن طبي ومطهر ومسهلات وكريمات ، صاحبي قال ليهم كله موجود أها الاختيار كيف ، قالت الصغيرة والله ده بي كيفكم بس كل واحد في غرفة براه وشغلوا المسجل عالي شوية علشان أصواتنا ما تتسمع بره . المهم صاحبي طلب منهم أن نجلس شوية مع بعض ونتونس ثم ياخذ كل منا غرفته ، وبعد مضيء أكثر من ( 15 ) دقيقة قالت الكبيرة ياجماعة نكمل الونسة دي بعدين هسه خلونا في المهم . أها إنت بتختار ياتي فينا وهذا الكلام موجه لشخصي قلت ليها الاثنين مع بعض بكون أحسن قالت سجمي عاد دي تجي كيفن يا بنات أختي ، وطبعًأ كنت أقصد أتوكلن أحسن ليكن ، صاحبي بكل أدب وإحترام قال ليهم طالما إنتو بنات ناس ومحترمات ودي أول مرة أعتقد بأنكم ما تلزمونا لأننا كده ح نرتكب خطأ فظيع وح نسلك الطريق لغرينا ونساعدكم في هدم القيم والاخلاق ، ثم أظهر لهم بطاقته كضابط وهنا رجفن البنات وبكت الصغيرة ، أها قلت ليهن بصراحة كده نحن ما بتاعين حاجات ذي دي والقصد كان أن تعرفوا بان كل الناس مش ذي بعض يعني مافي داعي إنتو تقلدوا صاحباتكن ديل وتنحرفوا عن لهذا المسار يعني نحن علشان أصدقاءنا بتاعين بنات نكون نحن كذلك ، وصاحبي قال ليهن أمسكوا دي وأعطاهم مبلغ من المال وقال ليهم لو إحتجتوا لي اي شيء ح تلاقونا قدامكم بس بشرط لو عرفت إنكم بتطلعوا أو تعملوا كده وأنا ح أعرف ح أعرف ح يكون يومكن أسود من الليل ده معاي . وقال ليهم نحن ح نكفل بكل مصاريف الدراسة والمراجع وح نكون إخوان كبار ليكن ترجعوا لينا متى ما إحتجتونا وياويلكم لو جاني خبر إنكم إنحرفتم ، المهم ساد المكان بكاء شديد منهن الاثنين ورفضنا إستلام المبلغ واقسمنا بان لا يعرفنا للانحراف طريق ، وبعد تدخلي أخذنا الفلوس وقمنا وصلناهم للداخلية إيها ونزلناهم بعيد رغم إصرار صاحبي إنه يبهدل الغفير ويمسح به الأرض ولكن لكون راجل كبير في السن رفضت أنا ذلك على أن نعود له في وقت لاحق لتقديم الدرس له ، المهم صاحبي ورطتني معاه في حكاية دفع الفلوس دي وأداهم كمان جوالي الهنا والهناك ، بس بحق وحقيقي طلعن وفيات للوعد ولم يأخذوا طريق صاحباتن ديلك وأصبحنا نزورهم من فترة لاخرى وكمان بنفسحهم ونوديهم أحسن المطاعم والمنتزهات وبنهديهم أحسن الهدايا ولم يكن هدفنا سوى أن نصلح ما يمكن أصلاحه وعلشان ما يسيروا على نهج صاحباتن ديلك ، المهم وأنا راجع لبلاد المهجر قلت لي صاحبي ده شكيتك على الله القروش الكنت جاي أسور بيها الأرض بتاعتي كلمتها لي في بناتك ديل ...... ولا يزال بيننا وبينهم إتصال رغم عودتي للغربة وصاحبي براقبهم عن كثب ومواصل زيارتهم وتقديم الخدمات اللازمة لهم . وإلى قصة أكثر غرابة أترككم تتخيلوا ماذا حدث بعد ذلك ... أها فتكم بعافية

سلمى

الحكايه دخلت فى الغريق
من مغازله لى ّذواج و عواطف بى هناك دايره تقوم علينا النسوان و يفلقونا

مودتى و احترامى

Quote: الحكايه دخلت فى الغريق من مغازله لى ّذواج و عواطف بى هناك دايره تقوم علينا النسوان و يفلقونا

هيثم أخوي
مش كده وبس .. شفت قصص عماد ... دي !!! باقي ليك بتتصَّدَّقْ ؟؟

عماد محمود
حكايتك دي والله لو قلتها لي هاشم خلف الله ما بصدقك !! غايتو أنا بمررها لأمير الجمري وبعدين بنتقابل ..

سلمى
معليش بصراحة كده أنا خايف تبقى عليك حكاية هالة سرحان 00الأشتكوها !! سمعتي بيها والا أحكيها ؟؟

أخي وصديقي النبيل عادل جبارة


مساء الخير ، ، ،

Quote: عماد محمود حكايتك دي والله لو قلتها لي هاشم خلف الله ما بصدقك !! غايتو أنا بمررها لأمير الجمري وبعدين بنتقابل ..

عادل أنا عارف الوزاك تقول الكلام ده منو!!! ، أها ورطت نفسك ساكت والزول ده كان عايز يورطك معاي وأها حصل ، أنت أول زول عارف إن الحكاية دي حقيقة ولك قصة مشابه ليها تقريباً ، يا سلمى عادل ده عنده قصص كثيرة من هذا النوع وأنا عارفها وواحدة مشابهة لقصتي هذه تقريباً ولو ما كتب عنها أنا ح أقولها والبادي أظلم يا عادل أها شن قولك بتقول ولا .............. . أها النشوف أمير ده ح ينفعك كيف حدك الساعة الحادية عشر ليلاً وبعدها أنا ومن بعدي الطوفان .

الأستاذ عادل جبارة..........شكراً لمداخلتك

الموضوع عام ولا يعني شخص معين أبداً وانما هو مجرد نقاش وحوار وعكس لأحداث وحقائق لواقع بات منتشراً في العالم العربي فتجدني


أضيف رابط للمواضيع المنقولة بلسان أصحابها


وانما الكل له حرية شخصية في المشاركة أو غير المشاركة ومن غير جرح أو قصد.


تحياتي مرة أخرى

ســلمى تسلمي يا إن شاء الله


أها يا عادل شفت كيف !!! أنا بديت في العد التنازلي ، سلم تسلم ، أحكي قبل ما أجيك صادي ولا عذر لمن أنذر ، أها خلي الزول الطويل ده ينفعك .

يا أستاذ عماد..........حرام عليك الموضوع خليه عاااااااااااااااااااااام وما تهبش زول


تحياتي واحترامي لك وللأستاذ عادل جبارة

بت بلدي كيف حالك وكيف حال عروسنا ابقي عليها عشرة لحين موعد التسليم

اسمعي البنية دي بتحنس في الوليد وتبسط في الامور حتى ياتي ويزورهم في البيت

قالت لي

عازماك الليلة تقيل عندنا

لو كنتَ خايف من بابا
بابا يعدك زينّا

لوكنتَ خايف من ماما
ماما ست حنينّه

لوكنتَ خايف من جدو
جدو مخرف لو سنه

لو كنتَ خايف من بوبي (( الكلب ))
بوبي بنربطو جنبنّأ

عازماك الليلة
تقيل عندنا

انا حزين يااخت سلمي

انا حزين عمادعيونو

اناحزين ياودالمنسي ....وياريت ما جيت ماري بي هنا...افتكرت الحكاية قصة قصيره!!!!!

وين المشروع الحضاري وين الاسلام وين المسلمين ؟؟؟؟؟؟؟

وين وين .....

Quote: انا حزين يااخت سلمي انا حزين عمادعيونو اناحزين ياودالمنسي ....وياريت ما جيت ماري بي هنا...افتكرت الحكاية قصة قصيره!!!!! وين المشروع الحضاري وين الاسلام وين المسلمين ؟؟؟؟؟؟؟ وين وين .....

الأخ عماد شمت.....تحياتي

للأسف هذا هو الواقع الذ لا نستطيع الهروب منه أو اقفال آذاننا عن سماع محتواه ومصائبه.....علامات

آخر الزمان ولكن خير لك ان تعلم ما يدور في هذه الدنيا ولإن كتبت فقط في احدى مواقع البحث عن أي

عنوان تجده هنا لقرأت الحقائق بنفسك.




ولكن ماذا أقول.............على الدنيا السلام

تحياتي ...أخ خالد ورجوعك أسعدنا

أضحكتني أضحك الله سنك وبتنا لولدك كلام جعلية

كيفك يا سلمى ..
قلنا نجي نشوف المطاردة دي وصلت لغاية وين ؟

يمكن كثير من المداخلات أشارت لحكاية أنو الحاجة دي مرفوضة من الجانبين ويجب أن ننأى بأنفسنا عن مثل هذه الأفعال وليستقيم الشارع السوداني وينضبط فيه الناس ليكون وجه جميل لعاداتنا وتقاليدنا وأعرافنا التي ترفض ذلك ..

أتمنى ذلك ..

Quote: يا أستاذ عماد..........حرام عليك الموضوع خليه عاااااااااااااااااااااام وما تهبش زول

حااااااااضر ســــلمى ، بس الزول ده عنده قصص غريبة وعجيبة وليهو قصة مشابه لقصتي دي وأنا عايزه يكتبها ، يا ريت تديني رضاك علشان ألخبتها معاه .

أخ عماد...عساك بخير

لالالالالالالالا خليه في حاله واحترامي لك وله...

عوداً حميداً معتصم دفع الله

...............

أختي سلمى

غايتو بدون إدعاء مرة كنت في زيارة للقاهرة وحدث أن مريت بشارع في ضاحية المعادي.. وفجأة لقيت نفسي وجه لوجه لأكثر من ستة بنات وكنّ في حالة إنبساط طبيعي.. وزنقوني على حائط وأسمعوني عبارات لم أتبينها كلها إنما من بينها (ايه ايه ده يا سمارة).. وتجمد الدم في عروقي وخفت خوفة شديدة بدون ماأعرف سبب الخوفة.. وده لأنو ما شفنا زي ده في زمنا في السودان.. لكن على قصتك يا سلمى يا بنت حسن عباس صبحي المعلم والمثقف والمربي الجليل.. السودان بقى حاجة ثانية.. وعش رجبا ترى عجبا.

الأستاذ كمال كرار

شكراً لمداخلتك..........وماذا بعد ذلك يا أستاذ كمال.....فنحن فى زمن الماسك على دينه كالماسك

على جمرة من نار

ســـلمى صبــحي

Quote: لالالالالالالالا خليه في حاله واحترامي لك وله...

سمعاً وطاعاً سيدتي ، غايتو يا عادل البنت مرقتك منها سااااااي كنت جاييك جنس جيه بس احمد الله سلمى ما قصرت معاك . غايتو موضوع ده أنا بحولوا كده لي هاشم أنشوف ح يفتي فيهو بي شنو . ، طبعاً لو حولتو لصاحبك الطويل الأهبل داك ح يجيب خبر ، زول لسانه متريء منه .

آسفين يا سلمى أخذ بوستيك إلى طريق آخر بعيد عن الموضوع ـ ســــلام .

*

إجازة الصيف ممتعة

إجازة الصيف ممتعة


أصبحت الاجازة تحمل العديد من المفاجآت الصيفية اليكم القصة.....


زواج المصياف نوع جديد من أنواع الزواج المبتكرة الحديثة..

ويااااااااااااما نسمع


إنه زواج موسمي حيث يبدأ مع سفرات الصيف السياحية وينتهي بانتهاء الصيف

نعم هو زواج مؤقت خاص برحلات السفر...والمقبلين عليه من الأثرياء ورجال الأعمال وسيدات الأعمال...

أما دواعي هذا الزواج فهو رغبة الرجل المسافر الذي ترفض زوجته السفر معه فيلجأ للبحث عن امرأة ترافقه وترضى بشروطه أثناء السفر ،وطبعا ستكون وقاية له من مفاتن الفتيات الخارجيات..وفي نفس الوقت هو لن يلتزم بعد العودة لأرض الوطن بأي إلتزامات تجاه الفتاة التي تزوجها وطلقها خلال شهور لاتتعدى الثلاثة ...

ولإن هذا الزواج له شروطه المحددة من قبل العريس الثري كان للفتاة فرصة لوضع شروطها ايضا من حيث المهور الخيالية والتي تعوض الفتاة عن زواج مؤقت ليس له اي صلاحيات بعد انتهاء إجازة الصيف...

بالنسبة لسيدات الأعمال والراغبات بقضاء إجازة صيفية ولايملكن أزواجا أو محارم أو لايفضلن الإرتباط بشخص يقيد حريتهن فيما بعد..تلجأ بعضهن للزواج بطريقة زواج المصياف
الذي يستفيد منه الرجل المتزوج من امرأة من هذه النوعية...

زواج المصيف فرصة استثمارية أمام الفتيات والشباب من الطبقة المتوسطة والفقيرة ...وفرصة للنساء المطلقات والأرامل لتكوين ثروة لاباس بها...

بعض رجال الأعمال لايكون تتعدد أسباب زواجهم بهذه الطريقة منها...

-عدم وجود زوجة أساسا وبالتالي تكون الزوجة المؤقتة حماية له ووقاية وخاصة من الأمراض المعدية..

-وجود زوجة لاترغب بالسفر معه أو تسافر لبلد آخر...

-يرغب بالتغير ومرافقة فتاة بمواصفات خاصة معه أثناء السفر..

Quote: زواج موسمي حيث يبدأ مع سفرات الصيف السياحية وينتهي بانتهاء الصيف

ده وين ياسلمى ...!!؟؟

سليكون .......كبف الحال

الصيف تمشي مع مرتك فقط يا سيليكون ده ما ليك

ازيك ... اهلين ... كيف حالك ...

ماهو انا قاصد كده ... اريتها مرة السرور
بس ما قلتى لى فى ياتو بلــد ؟؟؟
الصيف وصل خلاااااس والحر شديد.. !!!!!