الملكة ترحب برجل البر والاحسان (عصام الخواض) في لندن...

رحبت الملكة اليزابيث ملكة بريطانيا بالمليونير المشهور اسامة الخواض

امس الاول بمدينة لندن...

وذلك من خلال ابنائها السودانيين (المتجنسين) المتواجدين في لندن...

وفي لقاء حافل مع المليونير المشهور (رجل البر والاحسان) تحدث سيادته عن

تجربته الشخصية في كافة المجالات...

وذلك ضمن دعوة خصصت له من بورداب لندن الي الخرطوم مساء امس...

والخرطوم يقصد بها: مطعم الخرطوم...

تحدث سيادته عن خططه المستقبلية للاستثمار في لندن...

وعن امكانيته بشراء متحف في بريطانيا عوضا عن سودانيز اون لاين...

اما عن الجلد والبطان فق اكد سعادته انها سنة الحياة بالنسبة له...

وانه لا يشعر بالامان والراحة والطمأنينة الا من خلال الجلد وخاصة مائة جلدة امام الملا..

وكان سيادته قادما من مصر وهو مليئ بحيوية ونشاط ادهشتا سكان لندن...

مما يدب بالنشاط فجأة في جسدك لمجرد ملاقاته...

وانحنت لندن قامة وتعظيما للمناتل عصام الخواض...

الذي تحدث معنا بصراحة عن ابن عمه اسامة الخواض الشاعر المخضرم...

وتحدث لنا عن السراير وما ادراك ما السرائر...

حيث صرح سيادته بان موضوع السرائر يعود اصله الي دكان عناقريب صغير

يمتلكه عصام بسوق امدرمان...

لم يجد وسيلة للتخلص منه وتلك كانت عقبة واضحة في حياته...

واقسمت لسيادته انني من اكبر المعجبين بالبطان..

واتمني ان اذهب الي السودان وان اجلد يوميا وانشر الجلد في اليو تيوب...

وقد وعد سيادته بالنظر في ذلك الامر...

والحقيقة بالرغم من انني كنت اظن ان الرجل ديامي شرامي...

الا انني فوجئت بتهذيبه الواضح الذي لا تخطأه العين...

رجل واضح المعالم يعرف طريقه جيدا ويعرف كيف يكسب الاصدقاء...

رجل جميل وانسان محترم لا يختلف علي ذلك اثنان...

وقد سعدنا كثيرا بتواجده بيننااثناء زيارته القصيرة...


و.............................................





لــــــــــــــــــــــــي عودة!

يا فرحنا....عصام الخواض فى لندن

Quote: وذلك ضمن دعوة خصصت له من بورداب لندن الي الخرطوم مساء امس...

و قد سعدت بلقاء (تليفونيا) هذا الجمع الكريم،
بالدعوة الخرطومية اللندنية،،

و قد تكونت لجنة المراسم من كل من:
العزيزات منى و ماجدة خوجلى (يا بختكم)،،
د.إبراهيم كوجان (الصور قربت)،،
الاستاذ محمد هارون (دائما متجدد، ماشاء الله)،،
و أخيرا و ليس اخرا:
الصديق الصدوق اشرف مصطفى (حريص على أواصر الصداقة)،،

و أكيد فرحنا بالتحدث إلى المحتفى به: الاستاذ عصام الخواض،،
و هو أهل للتكريم،،،

أشرف سلامات

Quote: اما عن الجلد والبطان فق اكد سعادته انها سنة الحياة بالنسبة له... وانه لا يشعر بالامان والراحة والطمأنينة الا من خلال الجلد وخاصة مائة جلدة امام الملا..

دى ما حلوه فى حق الرجل..تعطى إيحاء يسئ لشخصه حتى ولو كان أعز أصدقائك

Quote: دى ما حلوه فى حق الرجل..تعطى إيحاء يسئ لشخصه حتى ولو كان أعز أصدقائك

شكرا للتنبيه استاذنا محمد مكي

البوست كما تري كدعابة واحتفاء للاخ الصديق الخلوق اسامة الخواض

ولا يقصد به اساءة له باي حال من الاحوال

وهو ايضا لم يتحدث عن الحاسه بالامن وغيره من خلال الجلد وعلي الملا

لكن البوست فكاهي ودعابي فقط

واعتذر عن اي سوء فهم من اي شخص

ومن هذا البوست اضيف ان الاخ الفنان الكبير حسين شندي سيجري عملية اليوم بلندن

ارجوا من الجميع الدعاء له بالشفاء

الطريف في الامر انني فتحت بوست قبل يومين عن الاردية في لندن...

ولكنني ندمت بان فتحت ذلك البوست...

والسبب في ذلك سيرويه لكم عصام الخواض...

الشرامى الديامى ابو الشوش سلامات ....
ويا ناس لندن الله يقدرنا نرد جزء من الكرم الفياض ....
عاجزعن الشكر ...
ويا ابو حميد النيه واصله اشرف راجل لذيذ خلى اللعب واطه....
راجع ببوست منفصله ...وكونك تجى بى ردا كده فنتستك كده

الزول الطيب
عصام الخواض

شرّفت لندن يا جميل
والله ليك وحشه عديل كده
ومشتاقين لأيامكم الحلوه
وربنا يقدرنا على تقديركم بحق قدركم
ومنتظرينك فى الدوحه

الزول اللذيذ
اشرف مصطفى

تسلم على الخبرية الحلوه
الزول ده حبيب الكل
عليكم الله ما تقصروا معاه
زول حاره وشديده
وما بيقصّر مع أى زول
بختكم والله أيامكم عسل

يلا لمونا فى التلفونات وكده
خلونا نبل شوقنا شويه

الرجل الفنان ود ال ثانى محمدخليل ...
البركه بلشوفه والناس ما قصرت وياريتك كنت معانا لمه بى كوراع فى نص لندن ..
وصحبك كوجان ماسك العضم ذكرنى قعدات ستات العشا فى الديم..
وكل الشباب كلهم روعه ...تسلمى يا ملكه .....(يا ابو النسب)

Quote: و قد سعدت بلقاء (تليفونيا) هذا الجمع الكريم، بالدعوة الخرطومية اللندنية،،

والله احنا الاسعد يا باشمهندس وبس فقدناكي في تلك الامسية الرائعة

Quote: و قد تكونت لجنة المراسم من كل من: العزيزات منى و ماجدة خوجلى (يا بختكم)،، د.إبراهيم كوجان (الصور قربت)،، الاستاذ محمد هارون (دائما متجدد، ماشاء الله)،، و أخيرا و ليس اخرا: الصديق الصدوق اشرف مصطفى (حريص على أواصر الصداقة)،،

تسلمي يارب
واضف اختنا العزيزة هدي العباسي

Quote: و أكيد فرحنا بالتحدث إلى المحتفى به: الاستاذ عصام الخواض،، و هو أهل للتكريم،،،

رجل جدير للجميع بمعرفته
مليئ بالهمة والنشاط والحيوية
عالي الثقافة
تشعر وكانك تعرفه طيلة العمر
ونتمني دائما حضوره الي لندن

Quote: الشرامى الديامى ابو الشوش سلامات .... ويا ناس لندن الله يقدرنا نرد جزء من الكرم الفياض .... عاجزعن الشكر ... ويا ابو حميد النيه واصله اشرف راجل لذيذ خلى اللعب واطه.... راجع ببوست منفصله ...وكونك تجى بى ردا كده فنتستك كده

ما عملنا شيئ يذكر والله
فانت تستاهل كل خير
منتظرين البوست اللقطة
ههههههههههههههههههههه


تخريمة:
طمنا علي اخونا حسين شندي يا عصام

Quote: الزول اللذيذ اشرف مصطفى تسلم على الخبرية الحلوه الزول ده حبيب الكل عليكم الله ما تقصروا معاه زول حاره وشديده وما بيقصّر مع أى زول بختكم والله أيامكم عسل يلا لمونا فى التلفونات وكده خلونا نبل شوقنا شويه

ساني العريس النفض الكيس
ويييييييييييييييييييييين يا حبوب
مشتاقين والله والف الف مبروك
عصام راجل اخو اخوان
ولو ما وقته ضيق كان حايقضي وقت ممتع جدا معنا
وفعلا بختنا والله بحضوره
ونتمني له اقامة طيبة بيننا في هذه الفترة القصيرة

الايميل بتاعي:

[email protected]

سلام يا شباب..
لمة حلوه (زي ما آيه بتقول وصاحباتها)عملنا لمه!


هارو رود امس شهد قهقهات عالية واصوات سودانيه عاليه (كالعاده)
....
....

انت متين لحقت تفتح البوست ده يا أشرف يا أبو دم خفيف وتعليقات تذبح؟؟

بجيكم راجعه اسع دي!

Quote: انت متين لحقت تفتح البوست ده يا أشرف يا أبو دم خفيف وتعليقات تذبح؟؟

مني ازيك

وسلامي ليكي والاخت العزيزة ماجدة

وااسف لفقدان اختنا منال في هذه السانحة

تعرفي يا مني كالعادة صحيت من النوم وفوق راسي لمبة

فقلت.....

وجدتها!!!

اها لقيت نفسي فاتح البوست ده وبعدين رجعت نمت تاني

لكن خليت ليكي مجال لبوست اخر تفتحيه بعد الارشفة

باسم:

يا فرحنا...عصام الخواض في لندن

او كما قالت اختنا هالة حسن

تسلمي وفي انتظارك

Quote: وااسف لفقدان اختنا منال في هذه السانحة

يا لهوي..

أختي ماتت متين؟؟

Quote: يا لهوي.. أختي ماتت متين؟؟

بعد الشر يا مني
اقصد انها لم تحضر في هذه المناسبة
وانشاء الله تحضر في مناسبات قادمات

تخريمة

مالك اليوم صانة كده؟؟؟

Quote: مالك اليوم صانة كده؟؟؟

عندي شغلانة تحضير ورشه صغيره في يدي..اكتب فيها شويه وأجي شويه

زكمان الارشفه قربت..

أرحب بالأخ أسامه الخواض فى لندن وكنت أمنى نفسى بالحضور أمس بعد أن تلقيت دعوة كريمه
ولكن أعتذرت للأخت منى خوجلى وتحياتى للخواض للأخوى ببورداب الندن

Quote: أرحب بالأخ أسامه الخواض فى لندن وكنت أمنى نفسى بالحضور أمس بعد أن تلقيت دعوة كريمه ولكن أعتذرت للأخت منى خوجلى وتحياتى للخواض للأخوى ببورداب الندن

نبيل ازيك..

احنا رحبنا "بعصام الخواض"