Post: #1
Title: بيت للبيع بسعر لقطه
Author: عمر عثمان
Date: 06-25-2009, 10:16 AM
منزل بالازهري مربع 24
جديد ونظام شقه ومسقوف خرصانه
ومؤجر الان ب نص مليون
المطلوب فيه 150 مليون
موبايل 0908436402
|
Post: #2
Title: Re: بيت للبيع بسعر لقطه
Author: عثمان دغيس
Date: 06-25-2009, 10:27 AM
Parent: #1
الأخ عمر
محتاجين شوية تفاصيل زيادة
المساحة
درجة كم
مشطب والا بس أعمدة
معمول على أساس كم طابق
يعني!!
|
Post: #3
Title: Re: بيت للبيع بسعر لقطه
Author: احمد التجانى احمد
Date: 06-25-2009, 10:33 AM
Parent: #1
| Quote: منزل بالازهري مربع 24 |
ماممكن نستعين بقوقل ايرث لتحديد الموقع
والمساحة لو ممكن ونوعية البناء
ولك الشكر
|
Post: #4
Title: Re: بيت للبيع بسعر لقطه
Author: Nasruddin Al Basheer
Date: 06-25-2009, 12:26 PM
Parent: #3
Quote: محتاجين شوية تفاصيل زيادة
|
جنبو جامع ولاّ لا؟
|
Post: #5
Title: Re: بيت للبيع بسعر لقطه
Author: عابدون محمد عابدون
Date: 06-25-2009, 12:29 PM
Parent: #4
شارع الظلط بى وين؟
جمبه فى دكاكين..
العيادة بى وين؟
مركز البوليس قريب؟.. لأ دا مافى داعى ليهو..
|
Post: #6
Title: Re: بيت للبيع بسعر لقطه
Author: عابدون محمد عابدون
Date: 06-25-2009, 12:30 PM
Parent: #5
عايزين نرفع ليك البوست بس ..
ماتناسانا بعد ماتبيع .. العشرة فى المية ماتعمل نايم ..
|
Post: #7
Title: Re: بيت للبيع بسعر لقطه
Author: الحاج حمد الحاج
Date: 06-25-2009, 01:55 PM
Parent: #6
الباشمهندس عمر عثمان
كيف أخبارك مع السودان؟ يا ريت يا هندسة معلومات زيادة و طبعا لو البيت حقك تكون دي زيادة في المميزات فأهل الهندسة أدرى بالمواصفات..لك ودي
|
Post: #8
Title: Re: بيت للبيع بسعر لقطه
Author: Tabaldina
Date: 06-25-2009, 02:52 PM
Parent: #7
..
.
المساحة كم ؟؟
وكم غرفه ..؟؟
وبقيت التفاصيل..الصالات والهولات والمنافع داخليةولا خارجية ؟؟
مشطب ديلوكس ولا عادى ؟؟
مراوح .. ابواب خشب ولا حديد ولا المونيوم ؟؟
سايفون .. وخزانات الموية والضفرة عادية ولا بلاط ؟؟
ناصية ولا فاتح على ميدان ولا شنو ؟؟
عقد بس ولا مؤسس على كم طابق ؟؟
________
يا عمر لقطة دى عندها مواصفات ..
نزلها لينا والوسطاء يمتنعون..
|
Post: #9
Title: Re: بيت للبيع بسعر لقطه
Author: عمر عثمان
Date: 06-25-2009, 06:07 PM
Parent: #8
مساحة القطعه 300 م
يتكون البيت من غرفتين
والمنافع في الحوش
وصالة بشكل L
المساحة المبنيه 200 م
السقف خرصانه
والبنيان load Bearing walls
وهناك 100 م غير مبنيه وغير مسوره
لا يوجد سايفون
المنزل خلف طلمبة بشاير
وعلى بعد 5 بيوت من الزلط الكبير الذى تم توسعته
ليكون الطريق الريئسى من السوق المحلى لخارج الخرطوم
البيت يمكن اضافه طابق اخر له
التشطيب ممتاز والارضيات سيراميك
والابواب حديد
البيت الان مؤجر ب نص مليون
|
Post: #10
Title: Re: بيت للبيع بسعر لقطه
Author: تبارك شيخ الدين جبريل
Date: 06-25-2009, 06:22 PM
Parent: #9
Quote: التشطيب ممتاز والارضيات سيراميك
والابواب حديد |
والسقف خرصانة ... فى حرّ الخرطوم الما بغبانا داك ... دا جمرتو كيف مع التكييف؟
... المهم ....
|
Post: #11
Title: Re: بيت للبيع بسعر لقطه
Author: مزمل خيرى
Date: 06-25-2009, 08:41 PM
Parent: #9
عمر
Quote: البيت يمكن اضافه طابق اخر له
التشطيب ممتاز والارضيات سيراميك
|
و
!!!!!!!!!!!!!!!!!!
|
Post: #12
Title: Re: بيت للبيع بسعر لقطه
Author: محمد الأمين موسى
Date: 06-26-2009, 08:45 AM
Parent: #11
أخي باشمهندس عمر... يا ريت لو تلحقنا بالصور الخارجية والداخلية... ويا ريت لو تكمل جميلك وتكتب اسمك على موقع البيت في الويكيمابيا أو تكتب اسم صاحبه وتدلنا عليهإذا لم يكن ملكك. عايزين نعرف مربع 24 ده وين.
|
Post: #13
Title: Re: بيت للبيع بسعر لقطه
Author: صلاح ليون
Date: 06-26-2009, 12:27 PM
Parent: #12
كدي الندخل في المولد ده..
يا محمد الامين موسى لو كتبت في الويكيمابيا الازهري مربع 24 بتجيك الصورة
وفعلا في محطة بترول في الركن ولما تقرب الصورة بتشوف إنو المربع ده من المربعات
اللسه عليها بدري يعني الكثافة السكانية فيهو بسيطة وهو من آخر المربعات ومن بعده
مباشرة تقع "عد حسين" ..
يعني بالعربي كده السعر ده كتير يا عمر السعر كتير والدليل الاكبر قيمة الايجار العادية
فلو انت جادي فعلا ونحننا بالاكتر ياريت تنقص السعر شوية والوسطاء يمتنعون والاهم الاهم
تجيب لينا صور من قريب لي شكل البناء عشان الواحد تكون عندو فكرة متكاملة..
|
Post: #14
Title: Re: بيت للبيع بسعر لقطه
Author: jini
Date: 06-26-2009, 02:59 PM
Parent: #13
| Quote: المنزل خلف طلمبة بشاير |
ومفروض يكون قدامو على كدة مركز مطافئ!
والبنزين رقم الاوكتان حقو كم خالى من الرصاص عشان ما يعمل تسمم للاطفال ويطلعوا بلدا!
غايتوا كان قريب للحتة ديك الا تسكن وسط مركزين بوليس وتعمل سلك شائك فوق الحيط وكمان تكسر قزاز وتقزقزوا فوق الحيطة وتعلق ليك كاب بوليص فوق الباب وتربى ليك كلبين ولفزجحمانات وتنوم ماسك كلاش ويدك فى الترباس!!
وبعد دا تكون اتحصنت وقريت آية الكرسى جلجغمية مرة!
أها بعد دا بتبيعوا لى بى 85 مليون ولا اطلع باقى العيوب!
حنى
|
Post: #16
Title: Re: بيت للبيع بسعر لقطه
Author: صلاح ليون
Date: 06-27-2009, 08:04 AM
Parent: #15
| Quote: اين البيت فى هذه الصورة؟ |
برضو ما حنستفيد حاجة يا عادل
في زي اربعة بيوت كده ورا الطرمبة
فيا عمر لو عايز تبيع كده بطيخة مقفولة
من غير صور داخلية وخارجية توضح البيت
وعلى حسب الوصف في الرابط حق عادل ..
نبدا المزاد..
قبيل جني شايفو خته 85 مليون..
انا بقول 88 مليون والكاش جاااهز ..
|
Post: #17
Title: Re: بيت للبيع بسعر لقطه
Author: abuguta
Date: 06-27-2009, 08:21 AM
Parent: #16
هى ياليون...انت سمسارى
الا تشوفو ليكم ناس زى ناس مشروع سندس
عمارة فى البحيرة بعيت بقريب من هذا المبلغ
على حسب ما سمعت
لكن مناسب مع زول جنى,,,لانه عندو برادو
ربك يسهل يازول انا بهظر ساى
عندى 40 فدان جنوب جبل اولياء,,
|
Post: #18
Title: Re: بيت للبيع بسعر لقطه
Author: Hussein Mallasi
Date: 06-27-2009, 08:55 AM
Parent: #17
جني يمزح .. و صلاح ليون بكل جدية – و سذاجة –
يرغب في شراء منزل قيمته 200 مليون ب 88 مليون.
|
Post: #19
Title: Re: بيت للبيع بسعر لقطه
Author: صلاح ليون
Date: 06-27-2009, 09:35 AM
Parent: #18
جني يمزح وليون جدية وسذاجة
انت البتسوي فيهو ده عندو اسم
|
Post: #20
Title: Re: بيت للبيع بسعر لقطه
Author: صلاح ليون
Date: 06-27-2009, 09:45 AM
Parent: #19
يا سيد البيت لو بعتو قول لينا
عشان نفك البوست ده .. وتلفونك
الفي اول مداخلة اصلو ما عايز
يشبك معاي .. الحاصل شنو !!
|
Post: #21
Title: Re: بيت للبيع بسعر لقطه
Author: nazar hussien
Date: 06-27-2009, 09:47 AM
Parent: #19
محمد فرح شاف كهربتو؟
يا عمر عثمان...انا من الوسطاء الما يمتنعون...البيت دا ينفع بي 110 مليون
لي صلاح ليون اخوي دا والله يفتح الله؟
ولو محمد فرح شاف كهربتو بي مية بس؟ العشرة حا نشتري بيها جنريتر
|
Post: #22
Title: Re: بيت للبيع بسعر لقطه
Author: صلاح ليون
Date: 06-27-2009, 09:52 AM
Parent: #21
نزار الوسيط الماممتنع
ازيك ياخي .. مالك تاني جايب سيرة الكهرباء
بعدين انت مفروض تسمسر في 88 حقتي وتقول تمانين
وتطلع بالتمانية .. يعني خليك معاي ..
ما تعمل لي زي ملاسي داير يدفعنا مية ويقوم بالمية التانية
|
Post: #23
Title: Re: بيت للبيع بسعر لقطه
Author: nazar hussien
Date: 06-27-2009, 10:01 AM
Parent: #22
Quote: نزار الوسيط الماممتنع
ازيك ياخي .. مالك تاني جايب سيرة الكهرباء
بعدين انت مفروض تسمسر في 88 حقتي وتقول تمانين
وتطلع بالتمانية .. يعني خليك معاي ..
ما تعمل لي زي ملاسي داير يدفعنا مية ويقوم بالمية التانية |
اهلا يا صلاح ليون يا صديق..
انت يعني ال 88 قنعت منها قصاد البيت؟
كان كدي خليني ألف عمتي وامشي لي عمك عمر عثمان دا...كان ما القي معاه
ملاسي...ماليه فارغ...ومسكن ليه الميتين مليون في رأسو..
|
Post: #24
Title: Re: بيت للبيع بسعر لقطه
Author: nazar hussien
Date: 06-27-2009, 10:15 AM
Parent: #23
كو كو كو...ها بت أبوك في؟
سلام عليكم يا أهل البيت...ها جنا عليك الله املأ لي عمك كوز موية باااارد
وكشتك ...كشتك..كشتك...والعمة بدت تقع شوية شوية...والمركوب معجعج..
شيخنا عمر ازيك...(كركع كركع كركع...( وكشح باقي كوز الموية في الحوش)
أها البيت وصل كم؟ 120...كاش؟ لا والله امبارح جوني ناس ملاسي بي بوكسي
وقالوا عندهم مشتري حاضر...(ومالهم ما جابوه...ولا جابو عربونهم...
ها زول خل حبال الهواء الماسك فيها دي...24 القطعة الفاضية فيها...
بي عشرينات...اصلك انت باني فيها شنو؟؟ وبعدين انت براك عارف...
مشكلة الخدمات والطرمبة...والازعاج...البيت دا داير ليه خمسة سنين
عشان ينسكن؟؟؟ يا زول انت سمسار ماك نصيح...(انا قلت ليك في سوق
بكري داك البيت مآجر بي خمسمية قابلة للزيادة...(عارفو وحرم الزول
المأجرو كان مقبوض في سكن...وهسع اجيزة المدارس بشيل عفشو ويرحل
في بيتو الببني فيه في الكلاكلة...دحين انا جاييك بي عربوني...
البيت دا يقوم بي 75 وحرم انت ربحان...ها زول مالك ومال البيع
المجنن...وبوكسي رايح وبوكسي جاي ...حرم يكملو موية ازيارك دي
وفي النهاية يقولوا ليك عندنا خمسطاشؤ حاضرة وغنم في ام بدة
دحين ياهن ديل خمستاشر مليون عربون...في جيبي ودا تلفوني..
09126 كان بقيت زول بيع لا حول الليلة ادني سلك...
فتناكم بي عافية...شاور جماعتك...وما تفوت البيعة دي...
انا زولي كان سافر العربون دا بكون عندي...علا ما تفوت شهر
سبعة دا...مين عالم تجي المطر ترمي ليك في الواطة...ولا تلم
في بيت ولا تلم في عربوني دا...
|
Post: #25
Title: Re: بيت للبيع بسعر لقطه
Author: صلاح ليون
Date: 06-27-2009, 10:24 AM
Parent: #24
غايتو يا نزار الناس ديل مادام جابو ليك موية زرقا سااااكت كده
يعني لا اسيتم لا بزيانوس معنى كده ما تعشم في قشة خشم من جانبم
فعشان كده انا فوق للتمانية حقتي ديك ختيت ليك ارنبين يعني عشرة وبرسل ليك
حق الاستيم كمان اها قصرته معاك .. يلا شد حيلك..
يا عمر وينك عايزين النجيضة..
|
Post: #26
Title: Re: بيت للبيع بسعر لقطه
Author: nazar hussien
Date: 06-27-2009, 10:57 AM
Parent: #25
Quote: غايتو يا نزار الناس ديل مادام جابو ليك موية زرقا سااااكت كده
|
ناس عمك عمر ديل الاستيم فضلة خيرن...وهسع البيعة دي بتفضلونا
فيها...عل انا براي طلبت من الجنا يجيب لي موية من الزير...
باقي شراب الاستيم بكتر النضم...وخايفين من النهار يحر علينا.
عمك عمر وريناه عربوننا...عل الموضوع بدور ليه شورة...كان
جيناك تارين ما بتصل التمانين يا صلاح اخوي؟
|
Post: #27
Title: Re: بيت للبيع بسعر لقطه
Author: محمد عبدالقادر سبيل
Date: 06-27-2009, 11:13 AM
Parent: #25
ياخوانا بالجد انا داير لي قطعة ارض لقطة
فاضية وواسعة( اقل شي 400 ) وعلى شارع زلط
بشرط انها تقع في الصحافة او جبرة او العشرة او اركويت أو النزهة ( درجة اولى أو تانية او تالتة ما مشكلة)
وبنفس سعر عمر عثمان دا 150 مليون
بس لا ادفع للسماسرة والاتاوات الشعبية الاخرى اطلاقا
يا ابقوتا اخوي
البحيرة دي وين بالزبط واحوالها شنو؟
وشكرا مقدما
_______________
رب اشرح لي صدري
|
Post: #28
Title: Re: بيت للبيع بسعر لقطه
Author: nazar hussien
Date: 06-27-2009, 01:04 PM
Parent: #27
Quote: ياخوانا بالجد انا داير لي قطعة ارض لقطة
فاضية وواسعة( اقل شي 400 ) وعلى شارع زلط
بشرط انها تقع في الصحافة او جبرة او العشرة او اركويت
أو النزهة ( درجة اولى أو تانية او تالتة ما مشكلة)
وبنفس سعر عمر عثمان دا 150 مليون |
اقل شي 400 متر في الذكرتهم ديل مافي...الا تشتري ليك
قطعتين مع بعض...ولابد ان تضاعف هذا المبلغ...
ولو ما اتنازلت من (علي شارع ظلط) لازم تضرب مبلغك دا في تلاتة
اما النزهة دي كان قاصد الفي ام درمان ديك...قروشك دي بتجيب
ليك مربوع...علي شارعين ظلط ما سووهن لسة
|
Post: #29
Title: Re: بيت للبيع بسعر لقطه
Author: احمد محمد بشير
Date: 06-27-2009, 01:17 PM
Parent: #28
ما بتنزل السعر دا شوية
ولا يفتح الله وكلام واحد؟
تحياتي.
|
Post: #30
Title: Re: بيت للبيع بسعر لقطه
Author: محمد عبدالقادر سبيل
Date: 06-28-2009, 07:04 AM
Parent: #29
يا نزار حسين
السلام عليكم ورحمة الله وبركاته
ياخوي الزلوطة اليومين ديل بقتو هبطرش
يعني جوة الحلة بتلقى ليك زلط زلطين في الشوارع الرابطة بين المربعات
وبعدين العارفو انا انو عشش فلاتة الزمان هسع سموها النزهة وللا ما كدي ؟
اخيرا انا متأكد انو الصحافات دي فيها اربعميات كتيرة اذا ما كلها يا نزار
شوف خليني اكون اكتر تحديدا
داير قطعتي في الحتة الكانت موقف آخر محطة بالنسبة لبصات جبرة زمان ، الفسحة العلى شمالك قبل تقاطع شارع الشجرة السوق المركزي ، بس على الزلط وناصية ( لزوم الاستثمار)
وال 150 معقولة جدا في الحتة البعيدة دي
لك مودتي
_________________
وقل رب اغفر وارحم وانت خير الراحمين
|
Post: #31
Title: Re: بيت للبيع بسعر لقطه
Author: nazar hussien
Date: 06-28-2009, 07:30 AM
Parent: #30
Quote: داير قطعتي في الحتة الكانت موقف آخر محطة بالنسبة لبصات جبرة زمان ، الفسحة العلى شمالك قبل تقاطع شارع الشجرة السوق المركزي ، بس على الزلط وناصية ( لزوم الاستثمار)
وال 150 معقولة جدا في الحتة البعيدة دي
لك مودتي
|
الحتة الكانت موقف بصات جبرة (آخر محطة) بقت سوق ...والعندو بيت هناك
ساكن فيه وماكل من دكاكينو...وما اظن في زول ببيع...(الزول يكون ساكن في بيت وماكل
من حيطو...باقي ليك دا ببيعو؟؟
أها نمشي شوية نباري ليك الشارع دا...وانت ماشي علي الشجرة...بي نفس الظلط
العرضي دا...يمينك مربع 6 جبرة...ويسارك مربع 18...البيوت العلي الظلط دي
كلها قيمتها اكتر من 150 مليون...وحتي القطعة الفاضية...وما اظن في قطعة
فاضية الا واحدة شايف بدو يبنوها عمارة...
ايوة صاح عشش فلاتة سموها النزهة وبدو يبنوها عمارات...الا مفرقة...عمارة
هنا وعمارة هناك...زي آخر لعبة السيجة...ودي اشتروها تجار او اغلب قطعها
ماسكنها تجار...كاستثمار...وبرضو طمعانين في اكتر من ميتين مليون...
اسغعلني انا دا من المغايس الضقتها...
|
Post: #32
Title: Re: بيت للبيع بسعر لقطه
Author: محمد عبدالقادر سبيل
Date: 06-28-2009, 08:10 AM
Parent: #31
اها والبحيرة القالا ابو قوتا دي وين يا نزار
|
Post: #33
Title: Re: بيت للبيع بسعر لقطه
Author: nazar hussien
Date: 06-28-2009, 08:48 AM
Parent: #32
| Quote: اها والبحيرة القالا ابو قوتا دي وين يا نزار |
دي بقي الا تسأل منها الفنان التاج مصطفي عليه الرحمة
|
Post: #34
Title: Re: بيت للبيع بسعر لقطه
Author: محمد عبدالقادر سبيل
Date: 06-28-2009, 10:15 AM
Parent: #33
Quote: عمارة فى البحيرة بعيت بقريب من هذا المبلغ
على حسب ما سمعت |
ابو قوتا ابقى مارق
الله يفتح عليك
|
Post: #35
Title: Re: بيت للبيع بسعر لقطه
Author: عمر عثمان
Date: 06-28-2009, 10:42 AM
Parent: #34
اخر سعر ممكن ينزل نص مليون فقط
149500000
جنيه سوداني قديم
|
Post: #36
Title: Re: بيت للبيع بسعر لقطه
Author: nazar hussien
Date: 06-28-2009, 12:53 PM
Parent: #35
Quote: اخر سعر ممكن ينزل نص مليون فقط
149500000
جنيه سوداني قديم |
يا زول صلي علي الحبيب...البيع دا فيه الجهر وفيه السر
الخمسمية النزلتها دي ختها في حتتا راجعة...دي ما بتوقف
ليها بيعا ولا بتوقعا...دحين ...ادينا آخر كلامك...
قلنا ليك المنطقة دي جاييها سكن عشوائي...وبعدين كهربتها
فيها مشكلة...ومدارس ما جنبها...وبجيها السيل...اول عامان اول
السيل يترسوا فيه من قريب الظلط البحفروا فيه دا...وبعدين مجاري
وصرف صحي ما مخطط...عليك امان الله انا عايز اشتريها لي اخويا لي
مغترب ونخليها مقفولة كدي عشرة سنين...وماخدنها علي اساس قطعة
انت زول اخونا ومضمون ما اكتر من كدة
|
Post: #37
Title: Re: بيت للبيع بسعر لقطه
Author: محمد عبدالقادر سبيل
Date: 06-28-2009, 01:58 PM
Parent: #36
Quote: يا زول صلي علي الحبيب...البيع دا فيه الجهر وفيه السر
الخمسمية النزلتها دي ختها في حتتا راجعة...دي ما بتوقف
ليها بيعا ولا بتوقعا...دحين ...ادينا آخر كلامك...
قلنا ليك المنطقة دي جاييها سكن عشوائي...وبعدين كهربتها
فيها مشكلة...ومدارس ما جنبها...وبجيها السيل...اول عامان اول
السيل يترسوا فيه من قريب الظلط البحفروا فيه دا...وبعدين مجاري
وصرف صحي ما مخطط...عليك امان الله انا عايز اشتريها لي اخويا لي
مغترب ونخليها مقفولة كدي عشرة سنين...وماخدنها علي اساس قطعة
انت زول اخونا ومضمون ما اكتر من كدة |
لا اله الا الله محمد رسول الله
بالله كلام السماسرة زاااتو يانزار
وبالذات الجزء الأول والجزء الاخير ديل
ما اكتر من كدا !!!
يازول والله شجعتني تب
اسمع يا عمر عثمان
انا خلاس اشتريت لكين بمية طق وكاش مافي شي مؤجل
بس عندي شرط واحد : تستخرجوا لي شهادة بحث القطعة باسمي على حسابكم
الكلام دا جد ما هظار بالمناسبة
___________________
وقل رب اغفر وارحم وانت خير الراحمين
|
Post: #38
Title: Re: بيت للبيع بسعر لقطه
Author: nazar hussien
Date: 06-28-2009, 02:12 PM
Parent: #37
Quote: انا خلاس اشتريت لكين بمية طق وكاش مافي شي مؤجل
بس عندي شرط واحد : تستخرجوا لي شهادة بحث القطعة باسمي على حسابكم
الكلام دا جد ما هظار بالمناسبة
|
يا زول قول بسم الله...تشتري سااااكت كدي...بي جلابيتك وجيبك...
اصلك انت مشتري...فول حاجات؟؟؟ نحن شغالين علي البيت لينا
كم يوم...مركوبنا دا اتشرط...ومافي حليفة حايمة في الدنيا
دي ما قلناها...نحن عودنا راكب كان بعتوها في دلالة الامم المتحدة..
عينك لينا نزلنا ليك السعر خمسمية ألف...والراجل ...اشتغلنا
عليه لامن نفسو وقف...ووافق يبيع...ونحن عينا لي مرتو تلاوي
فيه من البيع...قلنا ليه مافي مدارس ومافي مجاري...من المية
وخمسين نزل والمرة نهرا بعيد...دحين انت الله يبارك لك لكن
حقنا ان اكلتو...السيل القلناه لي سيد البيت فوق داك مو بعيد
ما تقول الدنيا قبايل خريف...حقنا انا وصلاح وملاسي واب قوتة
وست الشاي ديك خمسة مليون ما ينقصن ولا تعريفة...
البيت دا طبعا جنبو زريبة الشيخ البرعي آ مولانا وانا عارفك
زول فقراء ومديح...اها والبيت الجنبك داك...كل يوم اتنين
فيه حولية...وختمة....وبي الشارع التاني ليك طوالي في جامع
وخلوة تحفيظ قرآن كان درت وليداتك في الاجازات يحفظوا
والسوق ماشاء الله بس بي عجلتك تجيب خدارك
ينقصن ملين
|
Post: #39
Title: Re: بيت للبيع بسعر لقطه
Author: صلاح ليون
Date: 06-28-2009, 05:48 PM
Parent: #38
نزار ياخي ما لفيت لينا راسنا لكن
ويا سبيل مبروك عليك بالمية مليون
ولو عمر وافق والله ما حنقول اي حاجة
الله يبارك ليك فيهو ..
|
Post: #40
Title: Re: بيت للبيع بسعر لقطه
Author: خالد العطا
Date: 06-28-2009, 07:05 PM
Parent: #39
طيب ايه رايك يا يا اخي ممكن ندخل معاك مقايضة
بي قطعة
حي المعمورة مربع 80 رقم القطعة 118 ناصية
للاتصال
00966555507740
خالد العطا
|
Post: #41
Title: Re: بيت للبيع بسعر لقطه
Author: محمد عبدالقادر سبيل
Date: 06-29-2009, 06:35 AM
Parent: #40
Quote: طيب ايه رايك يا يا اخي ممكن ندخل معاك مقايضة
بي قطعة
حي المعمورة مربع 80 رقم القطعة 118 ناصية |
بعد باركوا لي الناس معناتو ممكن تكون بتقصدني انا بالمغايطة دي وللا شنو ؟
عموما كان انا كان عمر
خلي الشورة برة هنا قدام الرجال ديل
وانا جادي
بس اول حاجة عرفنا بمربع 80 دا قريب من وين .. مستشفى سوبا مثلا المركز الافريقي وين بالزبط
المساحة كم وسعرها هسع كان ما جابت تب كم ؟ وعيوبها شنو ( سيول خدمات امن شوارع خيران باعوضة الخ)
لك مودتي
ليون شكرا على المباركة
وعمر ما ادانا كلمته النهائية
موبايلي في الدوحة 009745797296
_______________
استغفرك اللهم واتوب اليك
|
Post: #42
Title: Re: بيت للبيع بسعر لقطه
Author: nazar hussien
Date: 06-29-2009, 06:47 AM
Parent: #41
يا سيد التمانين - المعمورة...نستناك لا متين
تطلع شهادة البحث؟
وهسي بتكون عايز طقة بي طقة...
يا زول خليك في معمورتك...والبيعة
دي قامت لي سبيل...
لكن يا سبيل انا جادي عايز سمسرتي...
انت قايل السماسرة بسووا اكتر من السويتو دا..
انا سيد البيت ماني عشمان في سمسرة منو...
كفي الموية الزرقاء الشربناها من ولدو
دحين يا سبيل ربنا يبارك ليك...تب...واجدع
الخمسة صرة في خيت...حق السمسرة...
|
Post: #43
Title: Re: بيت للبيع بسعر لقطه
Author: محمد عبدالقادر سبيل
Date: 06-29-2009, 07:22 AM
Parent: #42
Quote: دحين يا سبيل ربنا يبارك ليك...تب...واجدع
الخمسة صرة في خيت...حق السمسرة... |
ياخوي حقك وصلك زمان
شلنا ليك الفاتحة
وكان بقيت دايرا في صلواتنا الخمسة ابشر
رغم انو البيعة ما تمت وانت ما مشيت شفت لينا البيت بعيونك زاتو
عمر هوي
اخوي شن قولك
باقي ضهرنا اعوج
_________________
رب اجعلني مقيم الصلاة ومن ذريتي ربنا وتقبل دعاء
|
Post: #45
Title: Re: بيت للبيع بسعر لقطه
Author: nazar hussien
Date: 06-29-2009, 09:19 AM
Parent: #43
Quote: ياخوي حقك وصلك زمان
شلنا ليك الفاتحة
|
والفاتحة انا غالبني اشيلا؟ يا سبيل هوي..
ما تحاول تاكل حقنا...والبيت انا شفتو
واقنعت سيدو يقنع زوجتو ما تقيف في الموضوع؟؟
دحين من هسي كان عندك نية لولوة...البيعة دي بنطرشقها
وعندي تلاتة اسباب للطرشقة...
|
Post: #44
Title: Re: بيت للبيع بسعر لقطه
Author: Mahmoud Mustafa Mahmoud
Date: 06-29-2009, 07:30 AM
Parent: #42
مبروك يا سبيل..إن شاء الله داراً مرحبة بيكم..
نزار حسين أيها الفنان الجميل من الزمن الجميل...
Quote: لكن يا سبيل انا جادي عايز سمسرتي...
انت قايل السماسرة بسووا اكتر من السويتو دا.. |
يابا.. رايك شنو نعمل لينا شركة إنتاج فني صغيرونة كدي على قدر حالنا؟؟
مرة أطلع ليك شريط..ومرة إنت تطلع لي شريط..ونقع ليك في عيال نجوم الغد ديل
الشريط في قعر الشريط.... موش أحسن من نقعد نباريها في الفارغة والمقدودة؟؟
أنا جادي جنس جداد...
يمكنك مراسلتي على البريد الإلكتروني بتاعي أو المسنجر
|
Post: #46
Title: Re: بيت للبيع بسعر لقطه
Author: nazar hussien
Date: 06-29-2009, 09:30 AM
Parent: #44
Quote: نزار حسين أيها الفنان الجميل من الزمن الجميل...
Quote: لكن يا سبيل انا جادي عايز سمسرتي...
انت قايل السماسرة بسووا اكتر من السويتو دا..
يابا.. رايك شنو نعمل لينا شركة إنتاج فني صغيرونة كدي على قدر حالنا؟؟
مرة أطلع ليك شريط..ومرة إنت تطلع لي شريط..ونقع ليك في عيال نجوم الغد ديل
الشريط في قعر الشريط.... موش أحسن من نقعد نباريها في الفارغة والمقدودة؟؟
أنا جادي جنس جداد...
|
محمود مصطفي الفنان ...(عاين اسمك دا براه ما مشروع سي دي)
يا محمود والله انا شخصيا مستغرب...ليش ما سمعت بيك في قنوات
فضائية...بي مشروع ابداعي يحاكي مشروع مصطفي...ويقيني انك
قادر علي ذلك وربما يكون عندك وداسيه...
اما انا فحدي مساككة الدلالات...الا ان اطلع قروشي من سبيل..
وقطعا سأتواصل معك عبر الايميل يا محمود...يا راجل يا فنان
ولك حتما تحياتي
|
Post: #47
Title: Re: بيت للبيع بسعر لقطه
Author: Tabaldina
Date: 06-29-2009, 11:07 AM
Parent: #46
..
.
يا عمر
حسين ملاسي يرى ان السعر لقطة
وانا اختلف معه وارى نظرا للمساحة وعدم السايفون
فأن المبلغ المناسب يتراوح بين 100 - 125 الف ..
مقارنة بمنزل قمنا بشرائه لاخ عزيز من حوالى 7 شهور فى الاتجاه
المعاكس منزلكم ناصية وعلى ميدان سايفون وضفرة وديلوكس
يعنى بمواصفات ممميزة .. وكان سعره 180 الف
عبدالقادر سبيل بمبلغ 150 الف _ سنجد_ لك ارض داخل النزهة ( العشش زماان )
بمساحة تقدر بحوالى 400 - 500 متر اماالمساحات الاكبر 550 - 700 او على الشارع الرئيسي
جنوبا او غربا او شارع التص بالنزهة فلا تقل عن 200 - 250 الف ..
هناك منزل مكتمل ديلوكس طابق ارضى مصصم لثلاث طوابق بمبلغ 450 الف كيف معاك
جبرا الجديدة ( طه الماحى - الدوحة - الشارقة - الثغر ) الاراضى الخالية بنفس
الحدود مسالة ما بتدفع للسماسرة دى ما تقولها انحنا هنا بنأذن فى كماين ..
قول خير .. وبناخد منه نسبة معقولة جدا .. او نتفق على مبلغ مقطوع ..
(بزنيس از بزنيس ) خوتكم الهنا دى ما معروف اخرها
والوصية لنزار حسين برضو ..
المعمورة والفردوس حدث ولا حرج بس برضو كلو بحسابو يا ناس الماسنجرات
اسعار المعمورة عالية يعنى 300 - 500 وانت ماشى .. العايز يشد سلك ويخلى
الثقة متوفرة والكاش بقلل النقاش
__________
المغتربين ديل الواحد عارفكم وناسيين
وثقتكم معدومه فى الاخرين ولكم حق ..
لكن برضو قولو خير ..
|
Post: #48
Title: Re: بيت للبيع بسعر لقطه
Author: محمد عبدالقادر سبيل
Date: 06-29-2009, 11:24 AM
Parent: #47
| Quote: لكن برضو قولو خير .. |
يا تبدلينا
قلنا خير
اها كان عمر وافق بقبينا عليو
والا
ارجوك جهز لي ارض كويسة فعلا حسب مواصفاتي المذكورة
( جبرة طه الماحي الصحافة اركويت النزهة ( بس اوع من حتات الابيار والحفر الما مدفونة كويس )
وتكون على الشارع الرئيسي ، ارض فاضية 400 متر فاكثر وناصية
عمولتك الله يدينا ليها نفسا رضية
انا غايتو كنت داير ليك اجر الله سبحانه وتعالى ، لكن كان بقيت مصر خلاس نسوي شنو بس المعقول
ثقتي فيك كاملة
اعتبرها ارضك انت ياخ
اقعدو عافية
__________________
رب اغفر لي ذنوبي وكفر عني سيئاتي وتوفني مع الابرار
|
Post: #49
Title: Re: بيت للبيع بسعر لقطه
Author: nazar hussien
Date: 06-29-2009, 01:59 PM
Parent: #48
| Quote: والوصية لنزار حسين برضو .. |
يا تبلدينا يا زول عودك
راكب...من جملة رفاقتك...بس جنس معلوماتك البتبهل فيها ساكت دي...
بتضهب البيعة...الزول موافق تقول ليه قبل سبعة شهور...والنزهة..
وطه الماحي...(ما تبعشر لينا الشغل بلاي!!!!
محمد عبدالقادر سبيل سمسرتي مابيها تب...وبلاي سيرتها ما جابا
وعايز يفك لينا كم حجاب...وبخرة...بدل السمسرة...
لكن ابدا لحكم الشعب لا...
يا محمد اجدع عربونك في البوست دا...البيعة بتقع
ما تسويها لينا....عوك...عوك...ولف عمم...زكل يوم
مدخل ليك دلال في جخنون!! شوف لي النزهة...والترعة..
والصحافة...وجبرة...وطه الماحي...(هن ديل كلهن..احياء
شعبية....وما أحياء مغتربين...واربعميات ما فيهن ما يدقسوك ساي..
وكلهن صبة المطر...عربيتك الا توقفا في الظلط...وبعضهن ظلط يوقفوا
فيه مافي...دحين اجدع عربونك...اكتبوا هنا كتابة بس...
قول عربوني عشرة مليون....مليون...تلاتة...خلينا نمشي ندق ليك
باب عمك عمر دا من ضو...
|
Post: #50
Title: Re: بيت للبيع بسعر لقطه
Author: خالد العطا
Date: 06-29-2009, 02:16 PM
Parent: #42
يا نزار
تحياتي والبيع والشراء يفتح الله يستر الله
انا خاتي رقم جوالي 00966555507740
ورقم القطعة والمربع
|
Post: #51
Title: Re: بيت للبيع بسعر لقطه
Author: خالد العطا
Date: 06-29-2009, 02:17 PM
Parent: #41
يا محمد عبد القادر تحية
معاك رقم الجوال ممكن تتصل تعرف تفاصيل اكتر
وعندك المعلومات ورقم القطعة والمربع ممكن تتصل بصديق يوصف ليك
ورقمي معاك
|
Post: #52
Title: Re: بيت للبيع بسعر لقطه
Author: سيف اليزل برعي البدوي
Date: 07-01-2009, 00:51 AM
Parent: #51
(سوق العقارات).. انهيار مستمر
الخرطوم: عبد الرؤوف عوض
يعتبر القطاع العقاري من القطاعات الحيوية للاقتصاد القومي، حيث يعد المحرك لبقية القطاعات الاقتصادية اخرى كالقطاع التجاري من مواد بناء واستيراد وقطاع المقاولين والممولين، ورغم بدء ارتفاع مساهمة هذا القطاع في الناتج المحلي الاجمالي في الفترة الاخيرة الى حدود (7%) مقارنة بـ (4.5%) في العام 2004م، إلا ان سوق العقارات شهدت تلاعباً في الفترة الاخيرة من قبل المضاربين نسبة لعدم التقدير الحقيقي لقيمة العقار السوقية، وانتقد عدد من الخبراء طريقة تقييم قيمة العقار مشيرين إلى ان التقييم قائم على الأسعار التي يحددها السماسرة وقالوا ان ذلك أدى الى زيادة حجم التعسر وأثر بشكل مباشر على العملية الاقتصادية وطالبوا الخبراء في ورشة عمل اسس تطوير صناعة التقييم والتثمين العقاري في السودان بجامعة السودان بضرورة سن قوانين تنظيم العمل وخلق نوع من التوازن في عمليتي العرض والطلب والحد من المضاربات الوهمية في اسعار العقارات من خلال ايجاد اطراف محايدة تعمل على تحديد أسعار العقارات.
وقالت د. خديجة محمد عثمان - عميد كلية النصر التقنية - ان مهنة التثمين مهنة متخصصة ومستقلة تلعب دوراً رئيسياً في عملية الاقتراض من المؤسسات المالية والمصرفية وشركات التمويل العقاري وترتبط بنظام الرهن العقاري للتعرف على القيمة التقديرية وأكدت أهمية التقدير الصحيح والجيد لسعر العقار وقالت ان العملية التقييمية مؤثرة على الاقتصاد وعلِى عمليات التمويل والاقتراض وعلى معيشة الفرد ودعت الى ضرورة الى ايجاد منهجية تعمل على تثبيت قيمة للمتغيرات التي تعتمد عليها عملية التثمين.
ودعا الخبير العقاري المهندس ياسر فتيحة الى تعظيم الدور الحكومي والتشريعي من خلال اصدار التشريعات المنظمة والمحددة للمهنة عن طريق وضع مواصفات محددة لخبير التقييم العقاري.
وقال إن الازمة العالمية الاقتصادية اثرت بصورة مباشرة على التقييم العقاري وعلى سوق العقارات وادت الى تقليص الاستثمارات.
وأبان د. فتح الرحمن علي محمد صالح - مدير ادارة المحافظ والصناديق الاستثمارية ببنك الاستثمار المالي - ان قطاع العقار يشكل مكوناً رئيسياً في التنمية الاقتصادية وتوجد فرص حقيقية للاستثمار العقاري في السودان تحتاج للاستغلال داعياً الى ضرورة تبني ادوار سوق رأس المال في الاستثمار العقاري وضرورة نشر ثقافة الاسواق المالية وتأكيد دورها في التمويل والتنمية العقارية وقال ممثل جهاز الضمان الاستثماري ان هنالك اشكالية كبرى في سوق العقارات ويحتاج الى مزيد من المعالجات وابان ان هناك مشروعات عقارية كبرى قائمة الآن برأس مال (600) مليون دولار داعياً الاستفادة من هذه المشاريع لتطوير سوق العقار بالبلاد.
وقال البروفيسور أحمد الطيب - مدير جامعة السودان للعلوم والتكنولوجيا - ان السودان بحاجة ماسة لمختصين في مجال التنمية العقارية مشيراً الى الهجمة الكبيرة في سوق العقارات بولاية الخرطوم وبعض ولايات السودان ودعا الى ضرورة ايجاد التثمين الحقيقي للعقار وبصورة علمية دون الاعتماد على مضاربات السماسرة كاشفاً عن عدم وجود معايير علمية دقيقة لتحديد قيمة الارض.
http://www.rayaam.info/News_view.aspx?pid=565&id=42450
|
Post: #53
Title: Re: بيت للبيع بسعر لقطه
Author: nazar hussien
Date: 07-01-2009, 07:25 AM
Parent: #52
Quote: سوق العقارات).. انهيار مستمر
الخرطوم: عبد الرؤوف عوض
يعتبر القطاع العقاري من القطاعات الحيوية للاقتصاد القومي، حيث يعد المحرك لبقية القطاعات الاقتصادية اخرى كالقطاع التجاري من مواد بناء واستيراد وقطاع المقاولين والممولين، ورغم بدء ارتفاع مساهمة هذا القطاع في الناتج المحلي الاجمالي في الفترة الاخيرة الى حدود (7%) مقارنة بـ (4.5%) في العام 2004م، إلا ان سوق العقارات شهدت تلاعباً في الفترة الاخيرة من قبل المضاربين نسبة لعدم التقدير الحقيقي لقيمة العقار السوقية، وانتقد عدد من الخبراء طريقة تقييم قيمة العقار مشيرين إلى ان التقييم قائم على الأسعار التي يحددها السماسرة وقالوا ان ذلك أدى الى زيادة حجم التعسر وأثر بشكل مباشر على العملية الاقتصادية وطالبوا الخبراء في ورشة عمل اسس تطوير صناعة التقييم والتثمين العقاري في السودان بجامعة السودان بضرورة سن قوانين تنظيم العمل وخلق نوع من التوازن في عمليتي العرض والطلب والحد من المضاربات الوهمية في اسعار العقارات من خلال ايجاد اطراف محايدة تعمل على تحديد أسعار العقارات.
وقالت د. خديجة محمد عثمان - عميد كلية النصر التقنية - ان مهنة التثمين مهنة متخصصة ومستقلة تلعب دوراً رئيسياً في عملية الاقتراض من المؤسسات المالية والمصرفية وشركات التمويل العقاري وترتبط بنظام الرهن العقاري للتعرف على القيمة التقديرية وأكدت أهمية التقدير الصحيح والجيد لسعر العقار وقالت ان العملية التقييمية مؤثرة على الاقتصاد وعلِى عمليات التمويل والاقتراض وعلى معيشة الفرد ودعت الى ضرورة الى ايجاد منهجية تعمل على تثبيت قيمة للمتغيرات التي تعتمد عليها عملية التثمين.
ودعا الخبير العقاري المهندس ياسر فتيحة الى تعظيم الدور الحكومي والتشريعي من خلال اصدار التشريعات المنظمة والمحددة للمهنة عن طريق وضع مواصفات محددة لخبير التقييم العقاري.
وقال إن الازمة العالمية الاقتصادية اثرت بصورة مباشرة على التقييم العقاري وعلى سوق العقارات وادت الى تقليص الاستثمارات.
وأبان د. فتح الرحمن علي محمد صالح - مدير ادارة المحافظ والصناديق الاستثمارية ببنك الاستثمار المالي - ان قطاع العقار يشكل مكوناً رئيسياً في التنمية الاقتصادية وتوجد فرص حقيقية للاستثمار العقاري في السودان تحتاج للاستغلال داعياً الى ضرورة تبني ادوار سوق رأس المال في الاستثمار العقاري وضرورة نشر ثقافة الاسواق المالية وتأكيد دورها في التمويل والتنمية العقارية وقال ممثل جهاز الضمان الاستثماري ان هنالك اشكالية كبرى في سوق العقارات ويحتاج الى مزيد من المعالجات وابان ان هناك مشروعات عقارية كبرى قائمة الآن برأس مال (600) مليون دولار داعياً الاستفادة من هذه المشاريع لتطوير سوق العقار بالبلاد.
وقال البروفيسور أحمد الطيب - مدير جامعة السودان للعلوم والتكنولوجيا - ان السودان بحاجة ماسة لمختصين في مجال التنمية العقارية مشيراً الى الهجمة الكبيرة في سوق العقارات بولاية الخرطوم وبعض ولايات السودان ودعا الى ضرورة ايجاد التثمين الحقيقي للعقار وبصورة علمية دون الاعتماد على مضاربات السماسرة كاشفاً عن عدم وجود معايير علمية دقيقة لتحديد قيمة الارض.
http://www.rayaam.info/News_view.aspx?pid=565&id=42450
|
يا زول دا كلام جرايد ساكت...حدو نلف بيه الترمس والكبكي...ونتهبب بيه
البيعة دي وقعت...وكان داير زي التنظير دا بنديك من طن جرايد من كوشة الجبل
بلا انهيار...وانعاش السوق...والمعالجات...والله تختو السماسرة ديل...علا
ترجعوا لي التجارة البكماء...
يا سبيل...ما تقرأ الكلام دا اجدع عربونك...يجدعوك بي خمسة مليون قول يامين
|
Post: #54
Title: Re: بيت للبيع بسعر لقطه
Author: محمد عبدالقادر سبيل
Date: 07-01-2009, 07:36 AM
Parent: #53
يانزار
عمر عثمان دا مالو غتس؟
كان بهظر ساكت يقول لينا
وحتى زول المعمورة اتصلت بيو في السعودية ما شال السماعة
كدي على بال ما يجي عمر ويبارك البيعة ونبدأ في الاجراءات
عليك الله وصف لينا بالظبط البيت وابدأ من الشارع والمعالم المجاورة والبيت زاتو ومشكلة الطرمبة و انطباعاتك عنو بالتفصيل
وبعدين العيوب بالجد شنو
لك شكري
________________________
اللهم اني اعوذ بك من ان اشرك بك شيئا اعلمه واستغفرك لما لا اعلمه
|
Post: #55
Title: Re: بيت للبيع بسعر لقطه
Author: nazar hussien
Date: 07-01-2009, 08:04 AM
Parent: #54
يا محمد سبيل:
أول شي الدعوة البتكتبها تحت الخط دي نعلها مي حواطة؟
تانيا:
Quote: يانزار
عمر عثمان دا مالو غتس؟
كان بهظر ساكت يقول لينا
وحتى زول المعمورة اتصلت بيو في السعودية ما شال السماعة
كدي على بال ما يجي عمر ويبارك البيعة ونبدأ في الاجراءات
عليك الله وصف لينا بالظبط البيت وابدأ من الشارع والمعالم
المجاورة والبيت زاتو ومشكلة الطرمبة و انطباعاتك عنو بالتفصيل
وبعدين العيوب بالجد شنو
لك شكري
|
عمر عثمان دا طلع قريب وبيجي...وحبل المهلة يربط ويحل...من داب لا
نشرب شاهينا وجبنتنا دي هو بيجي...ويا زول كان اتأخر الليلة الايام التانية
أكلن الفار؟ زول المعمورة دا ارخيه يا زول مالك ومال غلبة المقاولين...
والاسمنت يوم طالع ويوم نازل...والحديد...وتصديقه...وبي قرب ما سمعت لي
بي مغترب قاعد في اغترابو وشطب بيتو علا بكري ابوبكر ... وبكري زاتو
حلفوا قالوامقعد البنايين
في حوشوا ...ومحرسن الفين زول...شي بالكي بورد وشي بالتلفون وشي بالمسنجر..
البيعة دي نحن باركناها خلاس...وعمر كان نط نحن ما بنخليه...
اما وصف البيت...احسن ارسلو ليك بالماسنجر...ياخ دي اسرار شغل...لكن
ما فيه عيب تب...الظلط قريب...والطربمبة قريبة...تعبي سيارتك...من
الصباح لامن تقول عااااااع...وغسالين العربات ما يدوك الدرب...يخلو
ليك عربيتك يوميا تلمع...والكهرباء كان قطعت تملأ رتينتك من الطرمبة
مجان ساكت...تاني داير شنو اكتر من كدي...القروش بتمشي وتجي...علا
البيوت لا.
|
Post: #56
Title: Re: بيت للبيع بسعر لقطه
Author: nazar hussien
Date: 07-01-2009, 08:07 AM
Parent: #55
يا خالد العطا...دحين قطعتك دي ما ياها الفاتحة علي المنتزه..؟
وجيرانك ناس العمدة؟
عندنا مشتري حريص...وقروشو حاضرة...لي باكر ما عندو
دحين قول لينا الكلام الملان
|
Post: #57
Title: Re: بيت للبيع بسعر لقطه
Author: محمد عبدالقادر سبيل
Date: 07-01-2009, 09:25 AM
Parent: #56
Quote: قول عربوني عشرة مليون....مليون...تلاتة...خلينا نمشي ندق ليك
باب عمك عمر دا من ضو... |
مليون
|
Post: #58
Title: Re: بيت للبيع بسعر لقطه
Author: nazar hussien
Date: 07-01-2009, 10:34 AM
Parent: #57
خلاص يا عمر جيب جيبك....والله ورينا رقم حسابك
او استنانا جنب الطربمة اليوم بعد صلاة العشاء ان شاء الله
|
Post: #59
Title: Re: بيت للبيع بسعر لقطه
Author: خالد العطا
Date: 07-01-2009, 03:06 PM
Parent: #56
Quote: يا خالد العطا...دحين قطعتك دي ما ياها الفاتحة علي المنتزه..؟
وجيرانك ناس العمدة؟
عندنا مشتري حريص...وقروشو حاضرة...لي باكر ما عندو
دحين قول لينا الكلام الملان |
Quote: يا نزار
تحياتي والبيع والشراء يفتح الله يستر الله
انا خاتي رقم جوالي 00966555507740
ورقم القطعة والمربع |
واقضوا حوائجكم بالكتماااااااااااااااااان
|
Post: #60
Title: Re: بيت للبيع بسعر لقطه
Author: nazar hussien
Date: 07-01-2009, 03:48 PM
Parent: #59
يعني يا خالد دايرني ابيع عمتي
او مركوبي وبي حقهن اضرب ليك
في السعودية...وكان قلت يستر
الله...عمتي والله مركوبي ألم فيهن
وين تاني؟؟
يا زول دي سمسرة كبيرة...شوف ناس رماة الحدق...باقي ديك تماسيح
|
Post: #61
Title: Re: بيت للبيع بسعر لقطه
Author: nazar hussien
Date: 07-02-2009, 07:16 AM
Parent: #60
يا عمر...ياخ نجيك جنب الطرنبة الجنب بيتكم...تقول لينا
واقف جنب طرنبة حجازي؟؟؟ انت ما شفت الزحمة الجنب عفراء دي..
يا زول الوعد الليلة وعربون المشتري في جيبي مليون جنيه
20 أمات خمسين خدددددر وبالجديد...وكان أتأخرت علي امكن
اتعشي منهن سمك...من سيد السمك...الفي الشارع التاني..
|
|