Post: #1
Title: يا ناس أمريكا ...رشا وصلت
Author: Tumadir
Date: 12-18-2007, 01:57 PM
استلم المقداد شيخ الدين وزوجته منى بالامس القريييب ده
كل من رشا وعلوية بتها وعفشها
من مطار بلتيمور فى ميرلاند ...
ونحن حسة فرحانين
مع اننا فى ماستشوستس ...لكن الحى بلاقى ..
اسنقدمها المهندس أحمد زكريا فى كليفورنيا وستقيم لهم حفل فى يوم 29 ديسمبر
منظمة السند ...وهى منظمة بها مدرسة سودانية قام المهندس بتشييدها مع بعض الناشطين الاوفياء هناك...
المهم هذا البوست هو عيدية للجميع
ترجيب برشا وبتها
فيه حث للجاليات والمعجبين بفن رشأ للاستفادة من وجودها الذى يطول حتى الخامس عشر
من يناير ..اذا أرادوا ان ينظموا لها حفلة حفلتين حتى يستمع لها أكبر قدر
من المستمعين قبل ما تمشى مننا يا حليلها بت امى ...
الحقيقة كنت داير أكتب بوست تانى اسميه
انا نباتية فبماذا اضحى هذا العام ...
لكن قلت احسن اكتب عن رشا ..
ونناقش موضوع الضحية النباتية ده جواه ...ههه
لا والله بس فرحانة بى جية اختى ...
شاركونى الفرح ...
"ده كان فضيت للفرح زاتو" ...
الله كريم
تحياتى وشكرا
|
Post: #2
Title: Re: يا ناس أمريكا ...رشا وصلت
Author: HAYDER GASIM
Date: 12-18-2007, 02:17 PM
Parent: #1
مرحب برشا فى شمال أمريكا,
وأتمناها إقامة طيبة بين
أهلها وجمهورها وأبناء وطنها.
وليتها تعرج علينا فى كندا,
إذ نحتاج هذه الأيام أن نفرق
غمة الجليد بإطلاق صراح بعض الأشواق
والمشاعر السودانية الدفئية والمحتبسة
لزخات الصقيع وأحاسيس الغربة.
شكرا تماضر ... وبختكم
|
Post: #3
Title: Re: يا ناس أمريكا ...رشا وصلت
Author: Deng
Date: 12-18-2007, 02:25 PM
Parent: #1
مرحبا بالفنانة المبدعة رشا شيخ الدين بواشنطن.
طيب يا تماضر خلينا برضه نشوفك في واشنطن قريب.
دينق.
|
Post: #4
Title: Re: يا ناس أمريكا ...رشا وصلت
Author: Tumadir
Date: 12-18-2007, 02:31 PM
Parent: #1
حيدر قاسم ودينق
بتصدقوا فى العشرة دقايق الفاتت دى مشيت وديت الاولاد المدرسة وجيت؟ تلج وفجكيكة شديدة
المهم جيت لقيتكم نورتو المحلة ورحبتو بى رشا ..شكرا على ترحابكم
اما بخصوص سؤالك يا حيدر قاسم افتكر انه رشا بتحتاج لى فيزا عشان تدخل كندا
والله كتر خيرك لكن اتكلموا معانا "ما أفضلهم عليك" ناس اخوان من كندا وقالوا نفس الكلام
كدى النشوف الامكانية شنو...
مرحب بيك تانى
اما انت يا دينق البقيت ما بتتداخل معاى ...لمن شفقتنى ..
بركة الرشا جات واشنطن عشان اشوفك هنا ...
وان شا الله نحن محاولين نكون هناك فى الكريسماس ...
لو الله اراض "تعرف اراض دى معناها اراد لكن بالطريقة بتاعة أمى الله يرحمها ...علوية بت همرور" كل ما أكبر أبقى زيها أكتر...
ويا هلا ...
|
Post: #5
Title: Re: يا ناس أمريكا ...رشا وصلت
Author: Hussein Mallasi
Date: 12-18-2007, 02:36 PM
Parent: #4
دا خبر جميل جداً.
|
Post: #6
Title: Re: يا ناس أمريكا ...رشا وصلت
Author: Tragie Mustafa
Date: 12-18-2007, 02:42 PM
Parent: #5
تماضر يا عسل بركه يختي الشفتي اختك
وبنيتها
ويا بختهم ناس يسرى وعيال مقداد بجية خالتهم وبنيتها
واعيادكم ورد السنه دي ...يا بختكم وان شاء الله دائم
تامين ولامين وفرحانين ومتعافين.
اما حكاية نباتيه دي انت هينه الوليدات و البنيات الحلوين
دي حارماهم اللحم وحبه ليه؟؟؟ما اكلتي لحم لما قلت بس
وشربتي شروبت لما اتكيفتي في عمرك ده على دورهم بقيتي نباتيه؟؟؟
|
Post: #7
Title: Re: يا ناس أمريكا ...رشا وصلت
Author: ALGARADABI
Date: 12-18-2007, 02:48 PM
Parent: #1
حمدالله علي السلامة
وكل سنة وكل العائلة الجميلة دي بخير وعافية
والله لو عارفة ولايتك دي بتجهجهني كيف ما كان سكنتي فيها
|
Post: #8
Title: Re: يا ناس أمريكا ...رشا وصلت
Author: Tumadir
Date: 12-18-2007, 03:00 PM
Parent: #1
ملاسى ..خبر جميل لينا ..لكن انتو تستفيدوا شنو؟؟ ...
تراجى ..
نباتية دى أجبرتنا عليها ظروف جنون البقر وقلة ادب الخرفان والسعال الديكى ..ونطيط القرود ..المهم سلسلة النصايب البتظهر دى ...
انا طبعا نباتية الا من "الكمونية" ..."ما تكلمى زول" ...
شفتى فى بت صاحبة اميمة لذييييييذة اسمها انشراح وبدت تقول زى الكلام ده بتاع انا نباتية وانا خضرجية ..المهم مرة بياكلوا هى واميمة وفى فراخ ضمن الاكل ..أميمة اختى تشوف ليك الزولة تزعط فى الجكن ...قالت ليها انتى مش قلتى نباتية.؟ قالت ليها ده ما جداد ساى ناخدو قدر عقلو ... أها أنا كان لقيت لى خروف مربى فى ضهر بيت مرة نضييييفة كده ...باكلو ما باباه ...والله يبارك فيك ...الله يقدرنا على سواقة النايتى فايف ...
اما انت يا قرادابى ، وبعد التحية والاحترام، حاحكى ليك تعليق أم الخير كمبال القالتو فى اسم الولاية دى وبعتبرو ألذ واحد "ما أفضلو عليك" قالت لى نحن الولاية دى ما حنتعلم اسمها لمن نرجع السودان ...هههههه
اهلا بيك مرحبا برشا ....
|
Post: #9
Title: Re: يا ناس أمريكا ...رشا وصلت
Author: Sabri Elshareef
Date: 12-18-2007, 03:00 PM
Parent: #1
عشرات حبابها وسعيد يوم العيد اللي جابها
الفرحة منقولة لتماضر في ولايتها ولا بعيد الان
اجمل عيدية لاسرة شيخ الدين وصول رشا واسرتها
عقبال نشاهدها في حفلات هنا نيو يورك او فلادلفيا او واشنطون او فيهم كلهم
|
Post: #10
Title: Re: يا ناس أمريكا ...رشا وصلت
Author: Tumadir
Date: 12-18-2007, 03:07 PM
Parent: #1
صبرى الشريف مرحب بيك انت ده ...
صديقا وشقيقا ..وما بتقصر طبعا لو فى حاجة تتعمل أعملها ...
ويااااااا ألف هلا ...
|
Post: #11
Title: Re: يا ناس أمريكا ...رشا وصلت
Author: محمد سنى دفع الله
Date: 12-18-2007, 03:19 PM
Parent: #10
مافي زي الخوة
ربنا اخليكم لي بعض
وتحياتي لي اولاد وبنات
شيخ جبريل
الحلوين ربنا اغتيهم في الدنيا
واخليهم لي بعض
ويوم العين تلاقي العين
بوسي لي علوية
انتو البنات
ديل بعد الحبوبات بقن تماضر وداليا
دايرين ارجعونا لي علوية وستونة
محبتي
|
Post: #13
Title: Re: يا ناس أمريكا ...رشا وصلت
Author: khatab
Date: 12-18-2007, 03:46 PM
Parent: #11
..
.انا عاااارف
.بس كنت مس ..تنى الجيه
.
..رشا مراحب ..يافنان
.وفى روايه ..يا كحيل
.الخبر سرانى
..
.تماضر..نباتيه دي لذيذه
.هيجت علي الكمونيه..
.لاكين قلت كلامك يا ابو الخط , ما وقع واطه
. من زمان البت دي بتقول ليها..
.طماطم..بالله شوف .ّّ!
..
.منى و مقداد
.مبروكه الاعياد
..
.
|
Post: #12
Title: Re: يا ناس أمريكا ...رشا وصلت
Author: Tumadir
Date: 12-18-2007, 03:44 PM
Parent: #1
السنى ود أمنا البعرف همنا ...
ازيك والله يخلى ليك ناس سوسن وسعد يا احباب الزمن الجميل "كل ما أشوف كلمة الزمن الجميل دى امص العرديب" : (بتعرف التعبير ده ولا بقيت حنكوش بى وراى؟) عليك الله السودان ده من الله خلقو مر عليه زمن جميل؟ بس نحن الشينين ...المهــــــــــــــــــم
Quote: انتو البنات
ديل بعد الحبوبات بقن تماضر وداليا
دايرين ارجعونا لي علوية وستونة
|
علوية سمتها رشا الطيبة الحبيبة على والدتنا الحبية ...الله يرحمها "وان شا الله تبقى متلها ...
وانت اهلا بيك ..
|
Post: #14
Title: Re: يا ناس أمريكا ...رشا وصلت
Author: hanouf56
Date: 12-18-2007, 03:57 PM
Parent: #12
مرحب برشا وبنتها
كل سنة وانت طيبة يا تماضر وعيد مبارك
نتمني نشوف ليها حفلة هنا في شمال ...
محمد ادريس
|
Post: #15
Title: Re: يا ناس أمريكا ...رشا وصلت
Author: نادر السوداني
Date: 12-18-2007, 04:04 PM
Parent: #12
طماطم كل سنة انت والعيال بالف خير وحمداللة علي سلامة رشا ومرحباً بها في امريكا
|
Post: #16
Title: Re: يا ناس أمريكا ...رشا وصلت
Author: Tumadir
Date: 12-18-2007, 04:06 PM
Parent: #1
ابو التاب ...
سلام ياللخو ...
طبعا انتو اللقيتوها ...نحن الشلهتة وانتو الشوفة ...
لكن كان شفتوها انتو ..زى الشفناها نحن ...يابو سالى ...
المهم ...تلقوها طيبة ...
اظن الشوفة قربت ...
ارقدوا فى العافية ...
|
Post: #17
Title: Re: يا ناس أمريكا ...رشا وصلت
Author: عاطف عمر
Date: 12-18-2007, 04:09 PM
Parent: #1
رغم أنني لست من ناس أمريكا المعنيين بهذا النداء
إلا إنني أرحب بالأخت الفنانة رشا شيخ الدين وكريمتها علوية
فقد أعجبتني فرحة تماضر بلقاء شقيقتها حتى ( إنشرقت ) و ( خنقتني العبرة )
" أها يا تماضر إنتي زاااتك بتعرفي التعابير دي ولاَ إتحنكشنتي من وراء ظهر السنى ؟؟ "
أدام الله أفراحكم
وكل عام وأنتم بألف خير
تخريمة
عليك النبي .. من كل ولايات أمريكا الكم خمسين ديل
ما لقيتي ليك ولايتن إسمها أحسن من دي عشان تسكني فيها و ( تقشري بيها ) ويقدروا أصحابك يرددوهو ؟؟؟
|
Post: #18
Title: Re: يا ناس أمريكا ...رشا وصلت
Author: Tumadir
Date: 12-18-2007, 04:09 PM
Parent: #1
محمدادريس يطيب خاترك ...
لكن ما عرفت شمال دى شمال وين؟؟ شمال اروروبا ولا استراليا ولا أمريكا
فسر ولا تقصر هههههه
ناااااادر السودانى النادر ...اهلا بى الفن وأهله ..وشكرا للترحيب ...
وكدى النشوف
|
Post: #19
Title: Re: يا ناس أمريكا ...رشا وصلت
Author: hanouf56
Date: 12-18-2007, 04:15 PM
Parent: #18
| Quote: لكن ما عرفت شمال دى شمال وين؟؟ شمال اروروبا ولا استراليا ولا أمريك |
انت قتي ناس امريكا .... وبس ... لو غلبتك ارجعي للبروفايل ...
ومرحب برشا تاني
ليه مافي احساس بالعيد هنا ؟؟؟
محمد
|
Post: #22
Title: Re: يا ناس أمريكا ...رشا وصلت
Author: محمد سنى دفع الله
Date: 12-18-2007, 04:34 PM
Parent: #19
تمادوور
امي ستونه
ربنا اديها العافية
مابترضى واحد اسمو عليها وعلى ابوي
والسموه على ابوي بنقول ليهو جدو
عشان ما بترضى انبزوه
اها صلاح اخوي سمى ولدو الأول
محمد السني
بقى النبز عليهم والكسوة على
عارف مصاص العرديب عملت شخصية اسمها
قرضة مصاص العرديب
تقول ليهو شفت ياقرضة تماضر ما عملت ليعا فرقة رقص تهز وترز
وحامت الدنيا كلها
طوالي قرضة امص العرديب واقول
شن عرفة بالفرق والرقص
دي ما فكرتي بس حظوظ وافرقع صوت مصة العرديب
وهي التمثيل بتعرف ليهو كان كدي بعد ده التخرج
هي بتعرف تخرج واخرجت مسرحيات
شن عرفها ما اخرجو ليها شن عرفها
وامص العرديب
زمن نفسي نقيف في خشبة مسرح ونهجرها
مشتاق ليك
|
Post: #20
Title: Re: يا ناس أمريكا ...رشا وصلت
Author: Tumadir
Date: 12-18-2007, 04:20 PM
Parent: #1
Quote: فقد أعجبتني فرحة تماضر بلقاء شقيقتها حتى ( إنشرقت ) و ( خنقتني العبرة )
" أها يا تماضر إنتي زاااتك بتعرفي التعابير دي ولاَ إتحنكشنتي من وراء ظهر السنى ؟؟ "
|
احيييييا ياود أمى حليل زمن المحنة والناس تشرق من البكا وتخنقهم العبرة ...
يات من كان يجى دماعو مبهولة ...
بركة العرفتنى على رقة قلبك ورهافة حسك ..
تانى حأهريك هرى ...نحن 19 اخت واخو
لا والله انا ما حنكوشة نحن من زمن تتى ...ههههههههه سمعت بالنكتة دى طبعا مش؟؟
شكرا على ترحابك الدافىء ..والله يجمع شمل الجميع
|
Post: #21
Title: Re: يا ناس أمريكا ...رشا وصلت
Author: Tumadir
Date: 12-18-2007, 04:26 PM
Parent: #1
محمد ادريس
انا غايبة ساعة كاملة من الشغل حسة
اوعدك لمن ارجع اشوف بروفايلك
لكن مش انت زمان كنت نشيط فى البورد وما بتغيب واختفيت سنتين كده؟؟
مطلوب منك تجى تبرر لينا اسباب الغياب وماذا جنيت من كل ذلك؟؟
لكم الشكر
انا جارية الشغل بجبكم بعد خمسة ونص
اوعكم تغتسوا حجر البوست ده ..
بغتس ليكم لقيمات فى عسل ...
يللا......لى قدام
|
Post: #23
Title: Re: يا ناس أمريكا ...رشا وصلت
Author: عزان سعيد
Date: 12-18-2007, 04:38 PM
Parent: #21
فى مشوارى الصباحى على الأقدام كل يوم من البيت للمستشفى كنت أبدأ بآيات من الذكر الحكيم لمحمد عبد الكريم ، ومن ثم مدحة لرشا ، وعدد من أغنياتها الجميلة التى أحتفظ بها فى الmp3 خاصتى . .
يا تماضر ، رشا أختك دى أنا بريد غناها ريدة . .
وأنا مفروض أكون شغال فى بالتمور وساكن قريب من واشنطن . .
بس ورونى وين ومتين . .
ضرورى يا تماضر . .
ذممتك . .
|
Post: #24
Title: Re: يا ناس أمريكا ...رشا وصلت
Author: Mutwakil Mahmoud
Date: 12-18-2007, 04:44 PM
Parent: #1
طماطم
كل سنه ورشا وعيالكم طيبين
يا رشا
يا كحيل
مرحبا بالفنانة العالمية الصيت
حللت أهلا ونزلت سهلا
ومن الوصل رسول بيننا
أحوكم د. متوكل
|
Post: #25
Title: Re: يا ناس أمريكا ...رشا وصلت
Author: نادية عثمان
Date: 12-18-2007, 07:31 PM
Parent: #24
| Quote: انا جارية الشغل بجبكم بعد خمسة ونص |
تلقينا نحنا يانا نحنا بنحب جنيات عمنا شيخ الدين ربنا يخليهم لى بعض ويكف عنهم العين الحارة يارب
حمد لله على سلامة رشا وعلى سلامتك انتى زاتك ياطمطم العسللى ..سلمى على رشوية وعلويتها سمح ؟
|
Post: #27
Title: Re: يا ناس أمريكا ...رشا وصلت
Author: ترهاقا
Date: 12-18-2007, 07:34 PM
Parent: #25
مرحبتين حبابها
وإنشاء الله تقضوا فترة ممتعة مع بعض
|
Post: #26
Title: Re: يا ناس أمريكا ...رشا وصلت
Author: Nasr
Date: 12-18-2007, 07:33 PM
Parent: #1
يا ألف مرحب يا رشا
ما تشرفينا يا تماضر!!!!!!!!!
|
Post: #28
Title: Re: يا ناس أمريكا ...رشا وصلت
Author: Asskouri
Date: 12-18-2007, 08:26 PM
Parent: #26
العزيزه تماضر
حمد الله علي السلامه
وكل سنه وانت طيبه
كنت محظوظا للاستماع لرشاء في ابريل من العام الماضي في النرويج مع كوكبه من العلماء والباحثين السودانيين المشاركين في مؤتمر الدراسات السودانيه. لقد كانت ليله من تلك اليالي التي تظل عالقه في وجدان الانسان الي اخر حياته.
عثرت اخيرا علي اسطوانتها سودانيات في موقع (eMusic)... واعتقد انها تفوقت في اداء ( عذاري الحي) حتي علي طيب الذكر مطرب السودان الاكبر الراحل المقيم ابوداؤود...
ويا بختكم ياناس امريكا وياله من صوت متفرد واداء لا يوصف... خاصة محبي الحقيبه من ( الجلاكين) امثالي...
وعيد سعيد..
|
Post: #29
Title: Re: يا ناس أمريكا ...رشا وصلت
Author: Mohamed Ahmaed Olyesh
Date: 12-18-2007, 10:21 PM
Parent: #28
[object width="425" height="355">
هديتي لكل من عرف ولم يعرف رشا شيخ الدين
كنت يا تماضر سعيدا بتنفيذ اغنية(امي ) للفنانه رشا وهي اغنيه جميله تحكي عن مدي حبنا للام
السيناريو لبهنس
الاخراج لناصر يوسف
اشترك بالاستعراض فرقة الاوان الطيف
كنت مخرجا مساعد
كانت تجربه اولي لها بعد اولي زيارتها للسودان واول فيديو كليب لها انتاج سوداني
التحيه ليك وللفنانه رشا
محمد عليش
|
Post: #30
Title: Re: يا ناس أمريكا ...رشا وصلت
Author: Saber Abdelhadi
Date: 12-19-2007, 00:32 AM
Parent: #1
مرحبا برشا وبغنا رشا..
وياتماضر أنا عملت جمعية الرفق بالنبات ..
وح أمسكك مكتب (نساء النباتات)..
بس بالله ما تقرمي لينا شجرنا...
|
Post: #31
Title: Re: يا ناس أمريكا ...رشا وصلت
Author: Tumadir
Date: 12-19-2007, 00:35 AM
Parent: #1
مش قت ليكم برجع بعد خمسة ونص ..
أحكى ليكم الساعة الما كتبت ليكم فيها دى عملت فيها شنو ...ولا بوسخ ليكم جلابيتكم؟؟ خلوها ساكت بس ....فيها حاجة أولها عدة وآخرها مشكلة
هههههههه
عسكورى وعليش نورتو البوست بمعلوماتكم واضافاتكم الممتعة وأول مرة أعرف يا عليش انك انت كنت مشارك فى الفيديو كليب ما تشوفونا ليه يعنى ...ودكتور متوكل متوكلين عليك فى الموضوع ده ودكتور عزان سعيد ...الذمة حااااارة كان فى شى بكلمك ما عليك مدسة وطرهاقا "ده اسمو أحمد ساطور ما يغشك .. يا رشا بتكونى قريتى البوست عند ناس مقداد ..." وندوية بركة البقيتى تكتبى تانى ..اظنك طولتى وانا ما جايبة خبر ...نصر كيف حالك وانت مش فى كليفورنيا؟ انا بمشى ولاية واحدة بس فى اجازة الاسبوع يا حتكون واشنقى ... طون ...أو كليفورنيا ودى حننوم ليها بالخيرة ...والكريدت كارض .....ههههههههه
والسنى مصاص العرديب الاكبر الناس طالعين جبل عرفات انت داير تطلع لى خشبة مسرح ....المسحة دى شنو ياولد ..
عجبتنى قصة النبذ ليهم والكسوة ليك دى شديد ...
المهم يا جماعة نورتو ....
فهل من مزيد ؟,,,,,
|
Post: #32
Title: Re: يا ناس أمريكا ...رشا وصلت
Author: Tumadir
Date: 12-19-2007, 00:44 AM
Parent: #1
صابر عبد الهادى ...
انا لمن راجعة من الشغل فكرت كده انه النباتى فى عيد الضحية ممكن يضبح قرنبيط ...لانه عنده راس زى راس النيفة ...
يعنى ممكن الزول يطبخو ويكون راس نيفة نباتى ...
ما حأقرم بس انت مسكنى مكتب النباتات الجندرية ...وانا أقلبو ليك مطعم راس نيفة نباتى ...هههههه
وشكرا على الدخلة "والمرقة برضو"
|
Post: #33
Title: Re: يا ناس أمريكا ...رشا وصلت
Author: Elmosley
Date: 12-19-2007, 03:22 AM
Parent: #1
مرحب بي بتنا الفنانة وكل سنه وانتما طيبتان
|
Post: #34
Title: Re: يا ناس أمريكا ...رشا وصلت
Author: ترهاقا
Date: 12-19-2007, 05:55 AM
Parent: #33
والله يا تماضر بتذكر رشا دى لمن كانت بتجيكى فى المعهد سغنونة وكمان مسرحة ضفاير
نوع التسريحة للبنات الصغار دييك ، لكن كانت بتنظر للمعهد بعيون فاحصة وكأنها كانت متنبئة بإنها حتكون نجمة
زمن والله والعيال كبروا ، نتوقع وجودها فى مدينة مونترية
وآآآآآآفيلقو بالمحسى
|
Post: #35
Title: Re: يا ناس أمريكا ...رشا وصلت
Author: Tumadir
Date: 12-20-2007, 01:52 AM
Parent: #1
صاحبى الرايح منى الموصلى ...يا أهلا بترحابك ...
احمد ساطور تتذكر لما كنتو مسميين عشة ورشا "فرشة ومشط"؟ .....
يا هو عينها النجيضة خلتها تكون ...غناااااااااى زى ما بيقول وردى من كلام اسماعين حسن ....
|
Post: #36
Title: Re: يا ناس أمريكا ...رشا وصلت
Author: munswor almophtah
Date: 12-20-2007, 02:04 AM
Parent: #35
كل سنه وأنتى بألف خير وكل آلك وذويك
وزياره سعيده لرشا
وتحايا لأحمد زكريا بكلفورنيا فهو زميل وشقيق
لصديقى وزميلى المهندس محمود زكريا لهم ولآلهم الأمانى
وكل سنه وجميعكم بخير..............
منصور
|
Post: #37
Title: Re: يا ناس أمريكا ...رشا وصلت
Author: Abomihyar
Date: 12-20-2007, 03:15 AM
Parent: #36
بركة الجات ياتماضر
إن شاء الله تقضي أيام سعيدة
وتسعدكم وتسعدنا نحن برضو..
كل سنة وإنتو طيبين.
غايتو نحن حاجزين, مش خالدة كلمتك ؟؟؟
|
Post: #38
Title: Re: يا ناس أمريكا ...رشا وصلت
Author: Saifeldin Gibreel
Date: 12-20-2007, 05:23 AM
Parent: #37
مرحب ... بالفنانة رشا.... تماضر الرجاء الاتصال بي... او بالاخت جميلة عبدالرحمن.. دايرين رشا تجينا تعمل لينا حفلة فى البي ايريا...
تلفونى 4157241283
|
Post: #39
Title: Re: يا ناس أمريكا ...رشا وصلت
Author: Marouf Sanad
Date: 12-20-2007, 05:44 AM
Parent: #38
مرحبا برشا
نتمنى لها قضاء أوقات طيبة
معروف سند-برنسيس آن وخميس مشيط وأبها
|
Post: #40
Title: Re: يا ناس أمريكا ...رشا وصلت
Author: نادر الفضلى
Date: 12-20-2007, 10:44 PM
Parent: #39
تماضر
كل عام وأنت بخير
وحمد لله على سلامة وصول اختك الفنانه رشا
أطيب التحايا وأمانى العيد السعيد
لأسرتك، ولرشا ولأخونا المقداد وأسرته
رشا فنانة موهوبة ذات حضور وحس فنى راقى
وأكيد ستضيف لمن تغنى لهم بهجه وإحساس بالأعياد
بالمناسبه
رشا صحى جات؟ و لا باسوردك إتنسرن تانى ؟
( I am just kidding )
|
Post: #41
Title: Re: يا ناس أمريكا ...رشا وصلت
Author: Kostawi
Date: 12-20-2007, 11:08 PM
Parent: #40
مرحب برشا
و نتمنى لها إقامة سعيدة
سعال لتماضر:
هل رشا تعلمت عواسة الكسرة وله لا
أريد إجابة Direct
أخوك المقداد رفض يعمل لينا نسخة من شريط كندي سنتر
بتاع رشا ما حقك
حقك موجود بكثرة
يا ربي البرازيلي بتاع الساكس الظريف داك وين?
غايتو هو ورشا مصنوعين لبعض.
خلاص
العيد أمبارك..ليك و لعيالك
و لينا
|
|