Post: #1
Title: كل عام وفى الارض متسع للآخر..ان لم يكن فى القلب!!
Author: Tumadir
Date: 01-10-2006, 06:05 AM
يا احبابنا..
كل عام وانتم بخير..
لقد اثقلت قلوبنا مأساة اللاجئين ..وقبلها قصة انعام ..وقبلها موت ..وقبلها كارثه ..وقبلها موت ...وقبلها ظلم واقع ..
وكان يمكن ان ينعم كل شخص..بالحياة الوارفة الخصبة الجميلة
وبالرخاء والسعادة..
تبا للاساطير..وتبا للقيم البائدة..
كل الذى يلزمنا..لنكون "بخير" ...."كل عام" ..
او ان نفتح مساحة للحب فى قلوبنا للآخر..
الآخر..هو المرأة اذا كنت رجلا..
وهو الصغير اذا كنت كبيرا
وهو ابن الغرب اذا كنت من المركز..
هو ابن الجنوب اذا كنت من الشمال..
هو الاسود ان كنت "اخضرا"..او "اصفرا" ..
هو المسيحى اذا كنت مسلما..
واذا كنت تتحدث العربية يكون للآخر لسانا آخر...
والآخر له حقوق..فى الحياة..وهو يحب الحياة..ايضا مثلك..
يريدأن يعيش حياته بكرامة مثلك تماما..
يريد ان يضحك ويفرح بعياله ..وأن يكون له رفيق فى الحياة..يحبه ويسكن اليه..
يريد ان يستمتع بوطنه ..وأماكنه..ويتجول فيه..ويستريح فى ظلاله..ويبنى فيه بيتا..ويستمتع فيه بالسكنى والموارد..والترحال والاكتشاف..
او مغادرته ..الى ارض افسح..
يريد ان يعبر عن نفسه وعن وجدانه ..بحرية ..ودون ضوابط جائرة ..لا تضبط غيره
يريد ان يكون شريكا..فعليا.. فى قراراته المصيرية..له الحق فى التصويت والانتخاب..والممارسات السياسية السلمية..
يريد ان يحب..ويبدع..ويفرح..ويلهو ويلعب..فى مكان يسميه ..
وطن....
اذا لم تكن فى قلوبنا متسع للآخر..فنفسح له فى الارض..
الكوكب الذى اهداه لنا الخالق الاعظم ، وضع علينا بصماته وملامحه وجعلنا صورة منه
لنحاكيه ونتمثله ونحن نمشى على هذا الكوكب..الذى اختاره ليكون مسكننا..
لماذا نضيق على هذا الآخر..الذى هو من صورة الرب..مثلنا..حياته القصيره الفانية
ونملأها له دمعا..ودما..وفقدأ وموتا..وسخطا
كل عام وفى الارض متسع للآخر
ان لم يكن فى القلب..
تحياتى
لكل من ساند حملة "أنعام" ضد الخفاض ..وحتى ظهرت بوادر النصر فى الافق..
تحياتى لكل من ذرف دمعة ..او كتب حرفا أو مشى مشوار..أو اوصل رسالة احتجاج لمسئول..او تبرع بقرش..
من اجل لاجئى السودان فى مصر..
محبتى لهم وهم يعمقون مسئولية وجود الانسان على كوكب الارض.. مخلوق على صورة الاله..ومتخلق بكمال خلقه..
وكل الذين ..يقفون على قضايا انسان الوطن الجريح.."بالسهر والحمى.".
ويكثفون معنى ان يكون الانسان انسانا...فى وقوفه الجميل مع "الآخر" الذى هو فى النهاية "نحن" الممتدة فى التنوع ..والزمان والمكان..
كل عام و"نحن" بخير..
محبتى
|
Post: #3
Title: Re: كل عام وفى الارض متسع للآخر..ان لم يكن فى القلب!!
Author: هشام آدم
Date: 01-10-2006, 06:40 AM
Parent: #2
الإنسانة تماضر
كل عام وأنت بألف خير والأسرة الكريمة. ونتمنى أن يكون هذا العام الجديد أفضل من الذي مضى رغم أن بوادره لا تبشر بالخير. ولكن يظل الحلم مشروعاً طالماً لم يكن في الإمكان أفضل مما كان. وأتمنى – مثلك – أن يكون في القلوب متسع من المغفرة والتسامح وقبول الآخر بكل علاته وأخطائه فلم يوجد بعد ذلك البشر المعصوم الكامل المطلق. أتمنى أن نكون كلنا أعضاء هذا المنبر وأبناء هذا الوطن الجميل جميلين بتعاملنا مع بعضنا وفي احترامنا لبعضنا وفي اختلافنا مع بعضنا. جميلين حتى عندما نغضب أو عندما نثور. والرحمة والمغفرة إلى كل من مات على سريره أو على الرصيف أو تحت أحذية العساكر أو فوق المشانق. فليرحمهم الله جميعاً أطفالاً ونساءً ورجالاً. ولنجعل كتاب التاريخ عبرة لنا حتى نحقن المزيد من الدماء البريئة.
التحية لك وأنت تلقين بوشاح العيدية الناعم على الوجوه المتعبة الغاضبة الكالحة. التحية لك، وأنت تمدين اليد في زمن لا مكان في سفينة نوح إلا للمتسلقين والانتهازيين الذين لا يضيرهم غرق من يغرق طالما أنهم سالمون. لك التحية وأنت تستقبلين عاماً جديداً بحلم جميل يراودنا جميعاً. لك التحية ولجميع أعضاء المنبر المناشدة بأن يقلبوا الصفحة إلى التي تليها فربما كانت الصفحات التالية أنصع بياضاً من الفائتة.
كل عام وأنت بخير. والنفوس والقلوب كليها بخير
|
Post: #4
Title: Re: كل عام وفى الارض متسع للآخر..ان لم يكن فى القلب!!
Author: Tumadir
Date: 01-10-2006, 06:48 AM
Parent: #3
حقيقة يا هشام
معاركنا فى هذا المنبر دائما تنتهى بحالات احباط كلينيكية..
ولازم هزيمة ..او نصر
الحوار يفقد معناه..
وكل ما يكون هنالك رأى مطروح للنقاش..ينقسم المتحاورين لى شقين واضحين..
"والخشامة" يكتروا ..والمشخصاتية بالهبل..
وهلال مريخ..
هزائم ..واغتيالات وضفر..وشخصنة حوار..
ووالله فى ناس بتموت عديل كده من الحساسية المفرطة..
يعنى نخلى الحوار.."ونشوف شيخو" ولا شنو؟؟ 
الله يدى العافية ..
شكرا يا هشام آدم وكل سنه وانت طيب...
|
Post: #5
Title: Re: كل عام وفى الارض متسع للآخر..ان لم يكن فى القلب!!
Author: Sahar Abdelrahman
Date: 01-10-2006, 07:12 AM
Parent: #4
عزيزتى الرائعة تماضر....إن الأمل هو الرباط الوحيد الذى يحفظ القلب من الإنكسار...
كونى على ثقة فى أنه سوف يأتى اليوم الذى تشرق فيه الشمس و نرى الأمل وهو يرتفع عن أرض الواقع و يحلق فى آفاق بعيدة صافية...
ما أتعس الإنسان الذى يعيش بلا أمل ولكن الأتعس منه من يموت بلا رجاء..
كل سنة و أنت أكثر إخضرارا...
سحر
|
Post: #6
Title: Re: كل عام وفى الارض متسع للآخر..ان لم يكن فى القلب!!
Author: khaleel
Date: 01-10-2006, 07:42 AM
Parent: #5
الرائعة تماضر كل سنة وانتي طيبة
مهما ضاق النفق حتما ستنتصر عناصر الحياة
|
Post: #7
Title: Re: كل عام وفى الارض متسع للآخر..ان لم يكن فى القلب!!
Author: Mayada
Date: 01-10-2006, 07:46 AM
Parent: #1
العزيزة تماضر...
كل سنة وانتِ بألف خير وربنا يحقق كل أمانيك ويجعل كل أيامك مليانة بالصحة والعافية والسعادة ويخلي ليك أحبابك، ودامت أيامك أعياد...
ست البنيـــــــــــــات
|
Post: #9
Title: Re: كل عام وفى الارض متسع للآخر..ان لم يكن فى القلب!!
Author: عبدالله
Date: 01-10-2006, 08:04 AM
Parent: #7
تماضر لك السلام
|
Post: #8
Title: Re: كل عام وفى الارض متسع للآخر..ان لم يكن فى القلب!!
Author: Osman M Salih
Date: 01-10-2006, 08:02 AM
Parent: #1
لك ِ الحديقة يا تماضر
|
Post: #10
Title: Re: كل عام وفى الارض متسع للآخر..ان لم يكن فى القلب!!
Author: هشام آدم
Date: 01-10-2006, 08:11 AM
Parent: #8
Quote: معاركنا فى هذا المنبر دائما تنتهى بحالات احباط كلينيكية..
ولازم هزيمة ..او نصر
|
عزيزتي تماضر (بنت العم)
طالما أننا ارتضينا تسميتها بالمعركة فهي لابد أن تنتهي إما بهزيمة أو نصر. ولكن تعالي نسميها (حوارات) ، (صراعات فكرية) ، (خلافات) أي تسميه أخرى لا تفضي بنا إلى حتمية النهاية الدموية. ولقد صدقتك في تشبيه الحالة التي نعاني منها بحالة (هلال مريخ). معي؟ لا ... إذاً أنت ضدي. إنها عقلية مريضة هذه التي لا تجيد تقبل الرأي الآخر أبداً وتدل على إحساس بالنقص. فماذا تراه يفعل عندما لا يجد لمبدئه أو فكرته آليات توصيل جيدة؟ يصرخ؟ يسب؟ يشخصن؟ يكفّر؟ يسخر؟ يستهين بالرأي الآخر؟ في الحقيقة لا بد له أن يفعل. لماذا؟ لأن هذه العقلية لا تعرف الانهزام وهي بذلك لا تعرف المصالحة مع النفس أبداً ولا تعترف بالنقد الذاتي وضرورة في التقويم السلوكي والمعرفي على حد سواء.
إذا لم نستطع أن نوجد الحد الأدنى من الاحترام والتفاهم في هذا المنبر مع الآخرين. فأنا أفضل أن نبحث لنا عن منبراً آخر. لأننا (أنا على الأقل) – كمن يأتي لواحته بعد رمضاء السفر – أدخل المنبر بعد يوم مضني لأقرأ شعراً جميلاً ، مادة أدبية أو علمية مفيدة ، أتابع قضايا بلدي وأهله بشكل حيادي أفهم منه ما يجري ، أقرأ كتابات المبدعين من الشعراء والقاصين....إلخ لم آت هنا لأرتب وأنظم وأقسم وأصنف البقية. أو لأعرض عضلاتي الثقافية أو النضالية وأطالب الآخرين باحترام ذلك لي. لم آت لأقول (أنا ربكم الأعلى) أو لأدخل في مهاترات لها أولها ولا يعرف أين آخرها. أريد فقط بعض الهدوووووووووووووووء. اليس من حقي؟
الأستاذة تماضر ( مثالاً ) أعرف أن لك في مجال الإخراج والتمثيل المسرحي إن لم أكن مخطئاً. منذ أن دخلت لم أجد لك مشاركة حول هذا الخصوص. وهنالك الكثيرون ممن لديهم مقدرات جميلة لتعريفنا بما نجهله من علوم ومعارف. لماذا ندس كل هذه الفائدة ونبخل على أنفسنا المتعة ونستبدلها بالذي هو أدنى؟
آسف للإطالة أختي تماضر ولكن واقع الحال سيئ فعلاً . وبالقلب غصة.
أشكرك على هذه المساحة الجميلة التي – عبثاً - تقيأت فيها سخافاتي ومثاليتي الطفولية. والعذر للجميع.
|
Post: #11
Title: Re: كل عام وفى الارض متسع للآخر..ان لم يكن فى القلب!!
Author: saadeldin abdelrahman
Date: 01-10-2006, 08:12 AM
Parent: #1
لخناس وجيلها
لغة أخرى
لا تحدها كلمات
خلق من كوكب آخر
شهب
تنفحك عبيرا
بالنسمات
روح تتوق لبوح الأرض ..
همس النيل للنخلات
صوت يرعى نجمة سعد..........
قمر ملهم
كما الوجنات
جيـل رسم الحب
حزينا
على القسمات
مزج العشق ودادا
في لوحات
-------
كل سنة و انتو الطيبة
Saad
|
Post: #12
Title: Re: كل عام وفى الارض متسع للآخر..ان لم يكن فى القلب!!
Author: يوسف السماني يوسف
Date: 01-10-2006, 08:16 AM
Parent: #1
الاخت/
تماضر
كل عام وانت بخير
كل عام والوطن والاهل بخير
*** وهو ابن الغرب اذا كنت من المركز..
هو ابن الجنوب اذا كنت من الشمال..
هو الاسود ان كنت "اخضرا"..او "اصفرا" ..
هو المسيحى اذا كنت مسلما..
واذا كنت تتحدث العربية يكون للآخر لسانا آخر.******
شكرا لك
هذة دعوة لحوار العقل .
نحترم افكار بعضنا ونقبل بعضنا ونحب بعضنا وان اخلفنا لنؤسس لوطن يسعنا جميعنا بمكوننا
السوداني الذي نبحث عنة .
ولك الود
|
Post: #13
Title: Re: كل عام وفى الارض متسع للآخر..ان لم يكن فى القلب!!
Author: Osman M Salih
Date: 01-10-2006, 08:17 AM
Parent: #1
فُـل الحدائق جميعها يا تماضر لأنك تستحقين
|
Post: #14
Title: Re: كل عام وفى الارض متسع للآخر..ان لم يكن فى القلب!!
Author: Osman M Salih
Date: 01-10-2006, 08:21 AM
Parent: #1
عيد سعيد لتماضر ولضيوف فراديسها الكرام أجمعين
|
Post: #15
Title: Re: كل عام وفى الارض متسع للآخر..ان لم يكن فى القلب!!
Author: Hussein Mallasi
Date: 01-10-2006, 08:41 AM
Parent: #14
| Quote: والى كل الذين يكجنوننى .... |
و انت بألف خير يا تماضر؛
سواء في القلب او في الارض المتسعة.
|
Post: #16
Title: Re: كل عام وفى الارض متسع للآخر..ان لم يكن فى القلب!!
Author: ودقاسم
Date: 01-10-2006, 08:49 AM
Parent: #1
تماضر
كل عام وفي الأرض والقلب متسع للآخر ..
قالت الصديقة مارقريت جادين رئيس جمعية المحبة والسلام لنساء جنوب السودان مرة وهي تخاطب جمعا من الناس ،،،
نحن جعلناها جمعية للمحبة والسلام لأن السلام يقوم على الحب ، وقدمنا المحبة على السلام لأن المحبة هي الأساس ...
هي جمعية نسوية ، لكني أجد نفسي عضوا فيها ...
الآخر إن تعاملنا معه بإنسانية فسيقابلنا بالمثل لأنه إنسان ، لابد أن نفتح قلوبنا لبعضنا ، لابد أن نلتقي عند ما يجمعنا لنهزم به ما يفرقنا ،،،
الآخر يحقق التكامل الحياتي الذي لا يمكننا أن نعيش بدونه ،،، لولا الآخر لما كان هناك آخر ، ولكانت الحياة راكدة ...
وليكن العيد دعوة للمحبة والسلام...
|
Post: #17
Title: Re: كل عام وفى الارض متسع للآخر..ان لم يكن فى القلب!!
Author: الصادق اسماعيل
Date: 01-10-2006, 09:02 AM
Parent: #16
العزيزة تماضر
طوبي للآخر، فإن لم يجد في الأرض متسعُ له، فله في قلبك وقلب أصدقائك مايكفيه.
لك أجمل مافي حديقة لكسمبورج الباريسية من زهور
وكل سنة وإنت بخير.
الصادق
|
Post: #18
Title: Re: كل عام وفى الارض متسع للآخر..ان لم يكن فى القلب!!
Author: Dr.Mohammed Ali Elmusharaf
Date: 01-10-2006, 09:04 AM
Parent: #1
الاخت الاستاذة الكريمة تماضر
لك اصدقك التحايا واجمل الاماني وكل عام وانت والعائلة الكريمة بكل خير وصحة وعافية
محمد علي المشرف مختار
|
Post: #19
Title: Re: كل عام وفى الارض متسع للآخر..ان لم يكن فى القلب!!
Author: ابو جهينة
Date: 01-10-2006, 09:09 AM
Parent: #18
تماضر
Quote: لماذا نضيق على هذا الآخر..الذى هو من صورة الرب..مثلنا..حياته القصيره الفانية
ونملأها له دمعا..ودما..وفقدأ وموتا..وسخطا |
كل سنة و إنت و الأسرة بألف خير .. و لك في القلب متسع و براح
|
Post: #20
Title: Re: كل عام وفى الارض متسع للآخر..ان لم يكن فى القلب!!
Author: عبد المنعم سيد احمد
Date: 01-10-2006, 09:11 AM
Parent: #18
كل سنة وانت بخير
تماضر
ففى القلب متسع للجميع
نتمنى ان يعم الخير والمحبة
واهلنا دائما بخير فى سودان متعافى
|
Post: #21
Title: Re: كل عام وفى الارض متسع للآخر..ان لم يكن فى القلب!!
Author: ayman haroun
Date: 01-10-2006, 09:14 AM
Parent: #1
الاستاذة تماضر
كل سنة وانت طيبة
لك احترامى وتقديرى
ايمن هارون
|
Post: #22
Title: Re: كل عام وفى الارض متسع للآخر..ان لم يكن فى القلب!!
Author: معتز تروتسكى
Date: 01-10-2006, 09:23 AM
Parent: #21
عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....
كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب..(تماضر)..
اول ايام عيد الاضحى
معتز تروتسكى
|
Post: #23
Title: Re: كل عام وفى الارض متسع للآخر..ان لم يكن فى القلب!!
Author: منصوري
Date: 01-10-2006, 09:25 AM
Parent: #1
وإنت بألف خير يا أستاذة تماضر.. واضح إنو الغربة شحذت الفكر والروح عندك للمقامات العلية..بقيتي تختاري عبارات طيبة وشحيحة لاتتداول إلا في بحر العرفان بريشة فنان( كل عام وفي الأرض متسع للآخر.. إن لم يكن في القلب)
|
Post: #24
Title: Re: كل عام وفى الارض متسع للآخر..ان لم يكن فى القلب!!
Author: Adil Osman
Date: 01-10-2006, 11:51 AM
Parent: #1
Tumadir
LOVE, UNCONDITIONAL LOVE
إمرأة من دارفور تحب طفلها وتحميه فى عزّ المأساة
|
Post: #25
Title: Re: كل عام وفى الارض متسع للآخر..ان لم يكن فى القلب!!
Author: تيسير عووضة
Date: 01-10-2006, 01:36 PM
Parent: #1
ست الناس تماضر ..
كل عام وانت بألف خير
وربنا يحقق امنياتك انت ومن تحبين
|
Post: #26
Title: Re: كل عام وفى الارض متسع للآخر..ان لم يكن فى القلب!!
Author: عبدالعظيم محمد أحمد
Date: 01-10-2006, 02:06 PM
Parent: #1
تماضر
تحياتى
وكل عام ونبضك يضخ الصدق والتفاؤل والوعد
كل عام وامنياتك حياه
ممكنة
كل عام وفى الارض متسع للآخر
و فى القلب..
تحياتى للجميع بهذا المنبر
وامنياتى لهم عبر اجمل الكلمات التى سطرتها تماضر فلامست بها معانى عندى لهم جميعا
|
Post: #27
Title: Re: كل عام وفى الارض متسع للآخر..ان لم يكن فى القلب!!
Author: Tragie Mustafa
Date: 01-10-2006, 03:14 PM
Parent: #26
تماضر
كل عام وانت بخير
والآخرين بخير.
تراجي.
|
Post: #28
Title: Re: كل عام وفى الارض متسع للآخر..ان لم يكن فى القلب!!
Author: عزاز شامي
Date: 01-10-2006, 03:20 PM
Parent: #1
عذرا ..
متكركر تحت  السن واحكامه
|
Post: #29
Title: Re: كل عام وفى الارض متسع للآخر..ان لم يكن فى القلب!!
Author: عزاز شامي
Date: 01-10-2006, 03:20 PM
Parent: #1
Quote: كل الذى يلزمنا..لنكون "بخير" ...."كل عام" ..
او ان نفتح مساحة للحب فى قلوبنا للآخر.. |
عارفة يا ام عيون حنينة،
العيد بيتجدد كل يوم لما الدنيا تساعنا كلنا
باختلاف
ألوانا
جذورنا
افكارنا
أصواتنا
دواخلنا
لسانا
مشيتنا
نهاياتنا
وبداياتنا
ونحس وندرك انو انحنا جينا من (نفس) واحدة جمعها مؤنث ومفردها ذكر وأنثى...
ونتسامى على كبر نفوسنا ونهزم شيطانا ونفتح احضانا للكل من غير ما نخاف من طعنة مسروقة من زمن ثقتنا...
كل سنة وأنتي طيبة، نقية، صبورة، متفائلة، كل سنة وانت انت، الغالية علينا...
ولكل من غادرونا واصوات انينهم يتردد في آذاننا، نهديهم دعواتنا برحمة رب كريييييم صابر علينا...
كل الود يا إنسانة، في زمنٍ بخس ...
|
Post: #30
Title: Re: كل عام وفى الارض متسع للآخر..ان لم يكن فى القلب!!
Author: Tumadir
Date: 01-10-2006, 06:50 PM
Parent: #29
اتغدينا بى فراخ ورز..
الحمدلله على النعمة لكن...
عليكم الله لو فى زول اكل فطور ضحية جد جد ..
يجى هنا يوصف الشافو
طبعا لو فى زولة بتكون عملتو...
___________________________________________________
تقول لى معارضة الفنادق؟؟
ولمن اجيكم.....
تحياتى مكحولة العينين......
|
Post: #31
Title: Re: كل عام وفى الارض متسع للآخر..ان لم يكن فى القلب!!
Author: PLAYER
Date: 01-10-2006, 07:22 PM
Parent: #30
| Quote: والى كل الذين يكجنوننى .... |
حكمة اليوم
كجنني بصدق ..لكن ..لا تريدني مجاملة
|
Post: #32
Title: Re: كل عام وفى الارض متسع للآخر..ان لم يكن فى القلب!!
Author: Tumadir
Date: 01-10-2006, 07:27 PM
Parent: #31
| Quote: كجنني بصدق ..لكن ..لا تريدني مجاملة |
حلوة ...
|
Post: #36
Title: Re: كل عام وفى الارض متسع للآخر..ان لم يكن فى القلب!!
Author: محمد عبدالرحمن
Date: 01-11-2006, 01:54 AM
Parent: #30
النضرة تماضر
كل الاعوام انت وباقى الاصفياء بخيرين وزيادة
يقول فيلسوف الهند العظيم طاغور
يا أيها الغد أنت كن كماشئت
ءانناعشنا اليوم لليوم لاغد للامس ولاأمس للغد
فالغد ليس ءالا خيالا والامس ليس ءالا حلما أما
اليوم وءاذا عشناه كماينبغى ءانه يجمل من
الامس حلما سعيدا ومن الغد خيالا حافلا بالامل
ولك ولك الجزيل من الود
|
Post: #33
Title: Re: كل عام وفى الارض متسع للآخر..ان لم يكن فى القلب!!
Author: nada ali
Date: 01-10-2006, 07:34 PM
Parent: #1
العزيزة تماضر،
كل سنة و انت و اسرتك بكل خير
ندى
|
Post: #34
Title: Re: كل عام وفى الارض متسع للآخر..ان لم يكن فى القلب!!
Author: bakri abdalla
Date: 01-10-2006, 07:37 PM
Parent: #33
الفنانة تماضر
كل سنة وانت بخير كمان, والله يخليك لكل اخوات واخوان الانسانية.
تخريمة على قولة اختنا رجاء رد الله غربتها:
العزف على الحروف عندك, شي بتفهم وشي الله يكون فى العون. وكمان اسطرك لوحة تشكيلية. رايكم شنو يا كودى وكستاوى.
|
Post: #35
Title: Re: كل عام وفى الارض متسع للآخر..ان لم يكن فى القلب!!
Author: عاصم الطيب قرشى
Date: 01-10-2006, 09:18 PM
Parent: #34
نماضر كل عام وأنت جمبلة نقية صافية شفافة
العيد عندنا
بعد صلاة العيد فى ليفربول بسيدنى, إجتمعت حوالى مئة (100أسرة) فى حديقة جميـــــلة مليانة
خضرة وماء وبعض الوجوه الحسنة, وكمان مزودة بشوايات Free ككل منتزهات استراليا الما خمج.
فى الوقت الذى كان المعيدون يفرغون همومهم ,وحشة الغربة وكابوس ستة عشرة سنة عجاف بالتراشق
بعذب الكلام والأمانى باليمن والبركات كان رائحة الشواء تزرع رد القعل الشرطى فى كل اليطون.
كان الساوند سيستم والأورقن تحت شجرة ظليلة .
وبدأ الغناء :
بدأ الحفلة أخونا بكرى جابر بأغانى حقيبة قديــمة من نوع يوم الجمعة فى الزمن السمح.
شاركه محمد عباس (جيل أربعينات) وقدما لإبراهيم عوض أغنية عزيز دنياك
ناصر أحد أصحاب الفنان أحمد الجابرى وعازف عود ماهر, قدم فاصل جميل من أغانى الجابرى وشرحبيل.
تلى ناصر الفنان سموأل كسلا بعد أن وقف على أطلال كسلا بكلمات الحلنقى وألحان التاج مكى (حبيت عشانك كسلا) واصل بالشجن و بصوت دافىء رنان لأغنيات الفنان عثمان حسين وبعدها جبجبة بالتمتم كضرورة للأغنية الجماهيرية.
إختتمنا الحفلة بالمبدعة ياسمين مغنية قديمة بفرقة ساورا. بدأت الحفلة بأغنية بخاف (أبو عركى) ثم اغانى تمتم خفيفة مابين يجوا عايدين ومن بف نفسك يالقطار إلى سهر المنام.
كان وليد الشوية وهاشم الشوية يعزفون الإيقاعات بينما كنت أنا على الأورقن.
اللذيذة الجمهور كان هو الكورس مما سكب على الحفلة مزيدا من الاحاسيس الجميلة جذبت بعض الحاضرين فى المنتزه وبالأخص كبار السن للرقص والمشاركة .
سعدنا جدا وانتهى اليوم فى التاسعة مساء.
شكرا تماضر حبيت من خلالك أعكس جزء من ملامح العيد بسيدنى.
|
Post: #37
Title: Re: كل عام وفى الارض متسع للآخر..ان لم يكن فى القلب!!
Author: بدر الدين الأمير
Date: 01-11-2006, 02:15 AM
Parent: #35
تماضر ايها الرواية الغير شرقية للحب
لوكان فى أنا نون واحدة ففى نحن نونين
ولو حسبنا النون من النور فنحن أكثر نورا واشراقا من أنا
|
Post: #38
Title: Re: كل عام وفى الارض متسع للآخر..ان لم يكن فى القلب!!
Author: esam gabralla
Date: 01-11-2006, 05:00 AM
Parent: #1
لا متسع فى القلب يا تماضر
احتلته احزان مضت و اخرى قادمات
ستحتل ما تبقي
لكن
الارض تتسع للجميع
لو "العقول اتطايبت"
و هذا لن يحدث.....قريبا
يوما ما تحدثنا ـ عدد من الاصدقاء ـ عن هذا "الآخر" وان كبري المحن فينا هى عدم قبول حقيقة الحياة البديهيه و الاولية هذه ..اننا لا نتطابق و لا نتشابه ... تبدو بسيطة لكنها ام المشاكل
الدول او الشعوب التى "تسعي" لايجاد مخرج لهذه المشكلة عاشت فظائع و محن عظيمة لكنها تعلمت منها و لا زالت تحاول ان تتعلم المزيد ...
بعضها تعلم ان البشر مختلفون فى:
لونهم
دينهم
عرقهم
نوعهم
ايدلوجيتهم
موقعهم الاجتماعى
ميولهم الجنسية
و الحل كان فى صيغة الدولة و المؤسسات و القوانين والدستور الذى يتيح قدر الامكان للجميع او الاغلبية "الافراد و المجموعات" ان تعيش كما تشاء اينما تشاء كيفما تشاء و قت ما تشاء فى اطار ما هو موجود و ممكن... حتى هذه ال"فى اطار" يوجد من يرفضها و يعتبرها قيدا عليه ... و ديل ناس ياكلو فى البامية سااااكت دليل الترف على قول كمال قسم الله
لذا حساسية "جزء" من هذه الشعوب عالية تجاه قضية "الاخر" عشان كده فعل و ردود فعل هذا الجزء تجاه مواضيع زى العنصرية او النازية الجديدة او محاولات التغول من قبل حكوماتهم على الحريات (بوش/بلير مثلا) عالية و دقيقة ... كذلك القضايا التانية: التحرش بالنساء،العنف المنزلى، الحقوق و الحريات السياسية والنقابية...الخ
اما انحنا .... و انحنا هذه تشمل شعوب و قبائل و دول ...
لا زلنا...
.....
بعدين
توجد مهمام مستعجلة
كل عام و انت والجميع بخير
|
Post: #39
Title: Re: كل عام وفى الارض متسع للآخر..ان لم يكن فى القلب!!
Author: انتصار محمد صالخ بشير
Date: 01-11-2006, 05:55 AM
Parent: #1
الاخت تماضر
ما دام هذا القلب يتدفق فيه الدم متجددا هنالك
مساحة للامل .
وكل سنة وانت طيبة
|
Post: #40
Title: Re: كل عام وفى الارض متسع للآخر..ان لم يكن فى القلب!!
Author: بلدى يا حبوب
Date: 01-11-2006, 06:05 AM
Parent: #1
بت الشيخ
حقق الله امانيك فى العيد السعيد
وما اجمله من تعبير
Quote: كل عام وفى الارض متسع للآخر
ان لم يكن فى القلب..
|
كل سنة وانت طيبة
|
Post: #41
Title: Re: كل عام وفى الارض متسع للآخر..ان لم يكن فى القلب!!
Author: ابوعسل السيد احمد
Date: 01-11-2006, 09:31 PM
Parent: #40
إلى التي كانت جميلة
و ظلت الأجمل
و ستستمر الأكثر جمالا
تماضر !
كل عام و كل لحظة و أنت الأسعد.. كل برهة و في الأرض، كما في القلب ،متسع للجميع.. كل بلاد و السلام يعشعش فيها و الحرية.. كل يوم و العالم يضحي أكثر انسانية..
دعونا نحلم..
و إن إقتضى الأمر دعونا نكون سذجا و نحلم بعالم تسود فيه القيم و أهمها الأخوة و المساواة المحبة و الشفافية و التسامح بدءا من هذا المنبر و السودان و كل مكان الله شق فوقو حنك و نفخ فوقو من روحه.. كل لحظة و أنتم سعيدون جميعا..
شكرا
بت شيخ الدين
بوعسل أبوعسل
|
Post: #42
Title: Re: كل عام وفى الارض متسع للآخر..ان لم يكن فى القلب!!
Author: طلال عفيفي
Date: 01-11-2006, 10:37 PM
Parent: #41
عزيزتي تماضر كل سنه وإنتي الحلوة الفينا ،
وبالمناسبة محمود درويش بيسلم عليكي وبيقول ليكي :
وانت تعد فطورك ، فكر بغيرك
( لا تنس قوت الحمام )
وانت تخوض حروبك ، فكر بغيرك
( لا تنس من يطلبون السلام )
وانت تسدد فاتورة الماء ، فكر بغيرك
( من يرضعون الغمام )
وانت تعود الى البيت بيتك ، فكر بغيرك
( لا تنس شعب الخيام )
وانت تنام وتحصي الكواكب ، فكر بغيرك
( ثمة من لم يجد حيزاً للمنام )
وانت تحرر نفسك بالاستعارات ، فكر بغيرك
( من فقدوا حقهم في الكلام )
وانت تفكر في الاخرين البعيدين، فكر بنفسك
( قل.. ليتني شمعة في الظلام )
_______________________
محمود درويش ، من مجموعة :
كزهر اللوز أو أبعد !
دار الساقي / 2005
|
Post: #43
Title: Re: كل عام وفى الارض متسع للآخر..ان لم يكن فى القلب!!
Author: Adil Isaac
Date: 01-11-2006, 11:21 PM
Parent: #42
happy new year and Eid Ya tumadir and family
salam
Adil
|
Post: #44
Title: Re: كل عام وفى الارض متسع للآخر..ان لم يكن فى القلب!!
Author: عمر ادريس محمد
Date: 01-11-2006, 11:29 PM
Parent: #1
العزيزه
تماضر
.. كل عام وفى الارض متسع للآخر..ان لم يكن فى القلب!!
ياسلام
وليك حمامة محمد عبد الرحمن,ورهافة حس طلال وقصيدة درويش
عيديه
وكل عام انت والاسره والاهل وعموم ناس السودان والعالم بالف الف خير.
|
Post: #45
Title: Re: كل عام وفى الارض متسع للآخر..ان لم يكن فى القلب!!
Author: Tumadir
Date: 01-12-2006, 07:30 AM
Parent: #44
ياسلام...
الدنيا لسه حلوة وجميلة
لم أكن اعلم ان كلمات بسيطة ..زى دى ممكن تجيب لى كل هؤلاء الاصدقاء ..وكل هذه القصائد وكل هذه التباريك العيدية..
حتى طلال عفيفى وعادل اسحق وصلوا
حتى عمر ادريس وبلدى يا حبوب .."اقرونى السلام"..
سحر عبد الرحمن ..البنت الجميلة المتفائلة جات وختت كلام من در القلوب..ومشت
خليل "بتاع الهندسة والمعمار" جه وقال حاجات مشرقة ...ومشى..
ميادة ست البنيات..جاتنى بجلالة قدرها وبعيون صورة طفلة جميلة متابعه اسمها زى توقيع البارق على لجة السما..جات وختت لى تمنيات عذبة ..تشرح الخاطر ومشت..
عبد الله..جانا لحدى هنا ..وادانا تحية ..وسلام ..ومشى
سعد الدين عبد الرحمن ..جة وخت كلام ..زى الورد..وفيه مديح واطراء "لحضرتنا" ..وما انتظر الرد..برضو مشى ..
يوسف السمانى ..حضر
وشاف انه كلامى محرض وفيه حوار للعقل..
واثنى ..وسلم ..وقال كلمات حلوات لى..وبرضو مشى
وجه عثمان..الكاتب الشاعر القاص
الراجل اخونا..
ده جه وخت كلام ..من الورد ولى فوق..
من القلب ولى جوه..
وبعد ما مشى جه وتانى..عليه زاد ..ثم مشى
وحسين ملاسى
"ما عرفتو مكجن ..ولا بريد.. بس خت كلام موزون وجميل ومشى
وود قاسم جه..
قال حاجات كده عن جمعية وانه هو فيها..ونسوان وجنوب سودان ..
حاجات مختلفة اتقالت ما متذكرة لكن متذكره جلابيتو..وعمه وشال ..
بقلبى اقول ياربى الخال ده بقى زول بيزنيس؟؟ مالها الجلابية دى "فخمة كده"؟ ومالو كلامو كبار كده.. يوم العيد؟
والله البيقولو القلب ده كمان؟؟ حاجة غريبة ..والله لو كل البتقولو قلوبنا ..بنقولو..كنا زمان مختوتين فى مستشفى الماحى..
ههههه..لكنو الراجل ما قصر قال حاجات سمحات ومشى..
وجه الصادق اسماعيل
قال لى طوبه..
طوبة انا؟؟ اتحنفشت وقلت الليلة ..خلاص..
اجيب اكبر طوبة ..واربط للصادق اسماعيل فى اول بوست..
يجى قاطع..أفن طوبتى ..واخلص حقى..يقول لى طوبة انا؟؟
بس فى نص الزعله فكرت لانو بقول "طوبى.............."
بيسمى اللهى...
تاريهو بيقول فى حاجات "متقدمة:...سمحة ..وفيها جمال.. وحدائق لكسمبورج وزهور
ختاها وخت معاها تهانى العيد ..ومشى
وجه دكتور..
اسمه طويل..لكن بيشبه اسماء الناس الطيبين ..ومعارفنا الفى السودان..واظنو قريبنا..اسمو "مشرف"
قال لى حاجات تتقال للناس فى يوم العيد..لكن ..تتقال قطعا بس من ناس ..بيحترموا الناس ..
ومشى..
وجانا ابوها..
بتاعة الاخبار المضمونة ..جهينة..
هى برضها كانت صحفية ..البت دى ..؟؟
ما مشكلة لكن جه..وهنانا بنفس الكلمات العالية..الغالية ..وفات
وحه عبد المنعم سيد احمد.. خت كلام يوزن اطنان..لكن فى جملة ..قصيرة..
ومعاه التهنئة .."يا حليلو" .....مشى
وايمن هارون..
لاقيتو قبل كده فى بوست...فيه قضارف ..وشنو كده ما عارف
المهم خت تحيات محترمة وتهنئة ..وبعدها فات
وجه معتز
قال حاجة طويييييييييييييييييييييييييييلة كده ..ما فهمتو هو زعلان كان ولا موافق على مبدأ انه الناس تتصافى ..وتقبل بالآخر ولا شنو
بس فى آخرتها قال كلمات واضحات ..معناها العادى كلام الناس فى العيد ..ومشى
هاكم اقروا كلامو عشان ما تغالتونى Quote: عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت.... |
اها ....
بعدو جه قال
Quote: كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب..(تماضر)..
اول ايام عيد الاضحى
|
حتى فهمت ..واتنفست الصعداء وعرفت انه الناس متصافيين...ومشى
وجه منصورى ..ونبه للفكره..وحديث الروح..
وهو قايل الحاجة دى جات من الغربة.
ما عارف انها جات من الغربة الجوه الغربة.
جات من المهد..وماشة معاى شايفاها لغاية اللحد. خليه فى سرك
وفات...
عادل عثمان جاب رسمة جميلة معبرة فيها الام ..بتحب فى طفلها رغم الحرب..
ختاها بصورة جميلة ..والكلمات الصاحبة جميلة ..
ختاها وفات..
تيسير عووضة قالت انا "ست الناس"
"شفتو الاحساس؟"
هنتنتى وفاتت..وماعارفة
انه بعد داك
جانى تضخم فوق فى الراس.
.واهلى بفتشوا لى فى دكتور باتع..و
اشتروا لى انناس "
ههههههههههههه "تتذكرى الانناس الما بجيبوهو للناس الا يكونوا عيانيين؟" بس ياهو ده
وجه عبد العظيم
ود اشهر زول سودانى ..
بعرفوه كل الناس
ده بقى قعد وكتب حاجات ..كده ما بقولوها الا الناس الجد جد ..فاهمين..
ومعاها تحية ..وتهنئة مش لى بس..لكل الناس .."شفتو الهمة العالية دى كيف"
ومشى
ولقيت برضو تراجى هناك..
حسيت بأنى قسيت فى حقها..
شوية قسيت ..لكن لو عارفه الحاصل ..بالجد جد..ما بتلومنى ..
وقلت الزول الاصلو بيعرفك وبيريدك ..وانت بتعرفو وبتريدو... بجيى يوم يفهم..
وكلو بيزول..
هنت بالعيد ومشت ..
"وما متأكده لمن تمشى بتكون اليد مرفوعه كده..وهى بتمشى؟؟
معليش يا تراجى بهظر وشاعرة بذنب تجاهك..وبتودد ليك "طيب؟"
هاهاها
عزاز الشامى قال بتقول لى "يام عيون حنينة"
وانتو شفتو عيون البت دى؟؟
ماشاء الله..
البت بالله تقول بى جنية ..حب معجونة ..
البت بالله بى مدن السماح مسكونة ..
وبتقول لى عيونى حنينات ..وبتهنينى بعيد ..
وبتمشى ..زة ما بمشوا الناس العاديين ..عزاز بتهنى وتمشى...
"قادر الله"
ده اجمل عيد الفيهو الناس الحلوة ..
الناس النادرة ..وغالية
تجى ..وتهنى على ..وتسلم ..وتمشى
ولسه...
ما شفتو الجو....
|
Post: #46
Title: Re: كل عام وفى الارض متسع للآخر..ان لم يكن فى القلب!!
Author: hala alahmadi
Date: 01-12-2006, 01:12 PM
Parent: #45
كل سنه و انت و كل من تحبين بالف خير .. عزيزتي تماضر
|
Post: #47
Title: Re: كل عام وفى الارض متسع للآخر..ان لم يكن فى القلب!!
Author: الجندرية
Date: 01-12-2006, 03:31 PM
Parent: #1
يا تماضر
اهل هذه الديار يقولون ( الفساح في القلوب )
ان لم تتسع القلوب سوف يتتقلون على الارض
كل عام وانت والاخرين والاخريات بالف خير
|
Post: #48
Title: Re: كل عام وفى الارض متسع للآخر..ان لم يكن فى القلب!!
Author: mamkouna
Date: 01-12-2006, 04:57 PM
Parent: #1
العزيزة تماضر..
كل سنة و إنتي أطيب..
و أجمل ...
و أروع...
و أصدق...
و أعمق....
|
Post: #49
Title: Re: كل عام وفى الارض متسع للآخر..ان لم يكن فى القلب!!
Author: عبد المطلب خضر عبد المطلب
Date: 01-12-2006, 05:13 PM
Parent: #1
الاخت تماضر
تحيه طيبه
فعلا نحن بحاجة لتقبل الاخر ..
هذا المنبر خير شاهد ومن قبله ما يحدث على الارض.
كل عام وانت والجميع بخير..
وليكن في الارض متسع للاخر ان لم يكن في القلب .
|
Post: #50
Title: Re: كل عام وفى الارض متسع للآخر..ان لم يكن فى القلب!!
Author: بكري اسماعيل
Date: 01-12-2006, 05:30 PM
Parent: #49
الإنسانة تماضر
كل سنة و إنت طيبة وحقق الله الفي مرادك يارب ،،،
بكري اسماعيل
|
Post: #51
Title: Re: كل عام وفى الارض متسع للآخر..ان لم يكن فى القلب!!
Author: AMNA MUKHTAR
Date: 01-12-2006, 06:02 PM
Parent: #1
والآخر له حقوق..فى الحياة..وهو يحب الحياة..ايضا مثلك..
يريدأن يعيش حياته بكرامة مثلك تماما..
يريد ان يضحك ويفرح بعياله ..وأن يكون له رفيق فى الحياة..يحبه ويسكن اليه..
يريد ان يستمتع بوطنه ..وأماكنه..ويتجول فيه..ويستريح فى ظلاله..ويبنى فيه بيتا..ويستمتع فيه بالسكنى والموارد..والترحال والاكتشاف..
او مغادرته ..الى ارض افسح..
يريد ان يعبر عن نفسه وعن وجدانه ..بحرية ..ودون ضوابط جائرة ..لا تضبط غيره
يريد ان يكون شريكا..فعليا.. فى قراراته المصيرية..له الحق فى التصويت والانتخاب..والممارسات السياسية السلمية..
يريد ان يحب..ويبدع..ويفرح..ويلهو ويلعب..فى مكان يسميه ..
وطن....
اذا لم تكن فى قلوبنا متسع للآخر..فنفسح له فى الارض..
الكوكب الذى اهداه لنا الخالق الاعظم ، وضع علينا بصماته وملامحه وجعلنا صورة منه
لنحاكيه ونتمثله ونحن نمشى على هذا الكوكب..الذى اختاره ليكون مسكننا..
لماذا نضيق على هذا الآخر..الذى هو من صورة الرب..مثلنا..حياته القصيره الفانية
ونملأها له دمعا..ودما..وفقدأ وموتا..وسخطا
كل عام وفى الارض متسع للآخر
ان لم يكن فى القلب..
|
Post: #52
Title: Re: كل عام وفى الارض متسع للآخر..ان لم يكن فى القلب!!
Author: Tumadir
Date: 01-13-2006, 06:17 AM
Parent: #51
ارتفع الغبار عاليا ...حتى لم اعد ارى ..اصابعى
سأعود
بعد ان اغسل روحى فى بركة الضوء المقابلة ..لحديقة ..الغفران...
لكم منى العذر
|
Post: #53
Title: Re: كل عام وفى الارض متسع للآخر..ان لم يكن فى القلب!!
Author: OmDur
Date: 01-13-2006, 07:15 AM
Parent: #52
كل عام وانتي حنينة وطيبة و ( زولة الله )
|
Post: #54
Title: هبي نيو اير سوداننا الحبيب ..
Author: عشة بت فاطنة
Date: 01-13-2006, 09:03 AM
Parent: #53
2005 كان عاما ثقيل على قلوب السودانيين ، عام أستقبله العالم بجراح وودعناه بجراح ،. كانت أحداث بورتسودان الدامية التي راح ضحيتها أ،سان الشرق لانه طالب بحقوقة ، ثم رحيل القائد المفرد رجل الحرب والسلام قرنق ، وما تلاه من أحداث الخرطوم الدامية .. واستمرار حوادث حرب دارفو تلك الحرب التطهيرية العرقية التي راح ضحيتها ما يفوق كارثة تسونامي ..
كل هذا يا عزيزتي تماضر بسبب الظلم وانتهاك الاخر ، نرجو ان يزول الظلم وهذه الحكومة الظالمة، وكل سنة وانتي الف خير
|
Post: #55
Title: Re: هبي نيو اير سوداننا الحبيب ..
Author: nazar hussien
Date: 01-13-2006, 11:54 AM
Parent: #54
انا زاتي جيت اغريكم السلام وأعيد عليكم واطلب منكم العفو والعافية زي ما
أنا عافي من خلق الله لا حدّهم...القريب والبعيد...الصغير والكبير...واقول
ليهم كل سنة وانتو متحابين سااااااكت...حتي لو ما عارفين معني الحب
ولك تماضر بالخسوس كدي....الفي القلب لك ياهو الفي القلب...
وبس
|
Post: #56
Title: Re: كل عام وفى الارض متسع للآخر..ان لم يكن فى القلب!!
Author: Soumeta
Date: 01-13-2006, 12:06 PM
Parent: #1
| Quote: نبض الشريان نحلف صادقين عندنا أعلي،، |
خالتو تماضر
كل سنة و إنتي طيبة،،
سنة فيها تتحقق أماني،،
و تصفي نفوس،،
و تجف دموع كل الحزاني،،
كل الغلابة،،
يصفو و يروقو التعابا،،
و تراعي الإنسانة في كل الأماكن،،
|
Post: #57
Title: Re: كل عام وفى الارض متسع للآخر..ان لم يكن فى القلب!!
Author: jini
Date: 01-13-2006, 12:15 PM
Parent: #56
Quote: كل عام وفى الارض متسع للآخر
ان لم يكن فى القلب..
تحياتى
|
تماضر شيخ الدين
Quote:
أفضل الطرق لتدمير عدوك هو أن تجعل منه صديقا
|
ونستون تشرشل
|
Post: #58
Title: كل عام وفي الأرض متسع للآخر
Author: gannat
Date: 01-13-2006, 01:09 PM
Parent: #1
من غيرنا يعطي لهذا الشعب معني أن يعيش وينتصر ، من الشعب نبتنا ، وبه نعتز ونحيا ، وله نبذل ما بقي من العمر ، وبعضا من كرامة الأبطال ( ود حبوبة ، علي عبد اللطيف ، ناس كرري والشكابة وأم دبيكرات و و و و و) ، ومعني جديد للأستقلال ، أعاد الله علينا ذكري العيد ونحن ننعم بالديمقراطية والسلام ، ومتحررين من الذل والأستعباد والهوان والعبودية .
كل عام والجميع تامين لامين في أرض الوطن نحفهم المحبة والأخاء
والسلام[/B]
|
|