احب تماضر

احب تماضر


01-14-2006, 03:44 AM


  » http://sudaneseonline.com/cgi-bin/sdb/2bb.cgi?seq=msg&board=20&msg=1189102075&rn=11


Post: #1
Title: احب تماضر
Author: خدر
Date: 01-14-2006, 03:44 AM
Parent: #0




Quote: الفاضح ليس هو بالطرب يا أخا الانترنيت!!!!!

الطرب والغنا هما حالة روحية شفيفة وعالية ..

وردى يغنى ..والماحى سليمان يعزف العود..هذه حالة نادرة من حالات الفن الجميل..والسمو الجمالى..وانا ابجل المستمع "الرئيس" على تساميه الواضح وانفعاله بالفن..
هذا ليس بفاضح يا سيف مساعد..

الفاضج هو الرسالة السياسية التى تقع وراء هذه الصورة ..

صورة رئيس دولة تحترق كل اطرافها ..ا وجوعا..وظلما وحربا ...وموتا روحيا ونفسيا وماديا...

كل العالم يتظر اليوم الى شعب السودان ..ويتعجبون من تفرده فى تشرده..

الفاضح هو ان يجد رئيس هذا البلد ..هذه "الفاقة" والجو المرطب ليغنى و"يشيل" ويفرطق اصابعه..بهدا "المزاج" العالى ..وعلى صوت من؟؟ وعود من؟؟

الفاضح هو صحن الكمثره الذى خلص..وصحن الفواكه الذى امتلأت عنه الكروش..

وطلاب مدارس العالم الاول يستقطعون "حق الفطور" ليتمكنوا من جمعها ..ليرسلونها الى جوعى ..السودان ولاجئيه فى تشاد..وفى ميدان مصطفى محمود..

الفاضح هو ان يركع جبروت الفن...فى بلاط الطاغية .. هكذا ...فى حديقته وكنبته ومروحته ...وابتسامته الجزفاء...

صورة فاضحة حقا..



صورة فاضحة وردي يغني والبشير يرقص

Post: #2
Title: Re: احب تماضر
Author: خدر
Date: 01-14-2006, 03:46 AM
Parent: #1



احب تماضر

Post: #3
Title: Re: احب تماضر
Author: tmbis
Date: 01-14-2006, 03:49 AM
Parent: #2

شريكك ... كك.. كك.. كك

Post: #4
Title: Re: احب تماضر
Author: Hussein Mallasi
Date: 01-14-2006, 03:50 AM
Parent: #2

و انا ايضاً.
_______
الناس فيما يعشقون مذاهب!

Post: #5
Title: Re: احب تماضر
Author: خدر
Date: 01-14-2006, 03:52 AM
Parent: #2

قال الاستاذ محمد وردي في
http://www.sudaneseonline.org
اضغطـ لسماع حديث وردي
http://www.sudaneseonline.org/audio/m-wardi.MP3

وقالت تماضر
Quote:
واذا كان غنا محمد وردى لى البشير ..شىء لم يعجبنى وانتقدته فيه

اعتقد انه تقبل نقدى ..وقد احسست ذلك من كلماته

فهو يكن لى الاحترام ..وانا اكن له كثير منه...

ووردى نفسه استنكر من رده انه مع الانقاذ او انه يغنى للانقاذ واعتقد ان هذا مكسب عظيم لجمهوره

انه يترفع عن فنه للغناء للانقاذ...

شكرا ياوردى على كلامك المهذب ولولا جرجرة المحاورة له لما قال الاشياء الصغيرة التى قالها..

واغفر له ما قال...

لانى اعرف انه فنان ومحب وحساس ومرهف..ووضع تحت ضغوط لم يكن يتحسب لها...



واعيد شكرى للفنان العملاق محمد وردى على رده الوافى برغم رداءة الجو..


Post: #7
Title: Re: احب تماضر
Author: خدر
Date: 01-14-2006, 03:57 AM
Parent: #5


هذا هو الفن الملتزم و هؤلاء هم الفنانون
يتحدثون بلغة عاليه و راقية رغم اختلاف المواقف و الافكار

القضيه ليست شتم وردي
سقوط
بيع قضية
..
..
. الخ

القضيه كيف ننتقد بعضنا البعض و كيف ننتقي الفاظنا و كيف نشرح مواقفنا
انا ضد ما حدث اعلاه و سأعود لذلكـ لاحقا
لكن الان دعوني اقول











احب تماضر

Post: #86
Title: Re: احب تماضر
Author: ALGARADABI
Date: 01-16-2006, 04:44 AM
Parent: #2

العجب أنا

Post: #6
Title: Re: احب تماضر
Author: abuguta
Date: 01-14-2006, 03:53 AM
Parent: #1


اقسم لى معاك ياخدر...

انا عارفك
بقيت انانى
من سميت بنتك لقاء الاحبة

عيد سعيد ياتماضر..
القادمة نحن ذاتنا نرقص مع البشير ..
بس الله يهديه كدا ويراجع عناده العسكرى دا
ويدينا بلدنا..

Post: #8
Title: Re: احب تماضر
Author: خدر
Date: 01-14-2006, 04:04 AM
Parent: #6


تمبس / ملاسي

انا كنت غائب عن المنتدي كالعاده في الفتره الاخيره

الدنيا نهايه اسبوع دخلت قلت اشوف الجزيره و القنوات الاوربيه ديل كضابين ولا الاخبار صاح
لقيت البوست ذو الصوره الخليعه
ولقيت تماضر
ولقيت وردي
و ياســـــــــــــــــلام علي الفن و الفنانين



بالمناسبة
تماضر دي بتقبل القسمة علي ملايين الشعب السوداني كلهم
لانها فنانه
اتفضلوها .. اخرها اطيبها

Post: #10
Title: Re: احب تماضر
Author: خدر
Date: 01-14-2006, 04:09 AM
Parent: #6

Quote: الناس فيما يعشقون مذاهب!



عرفتني عاشق شنو يا ملاسي
عاشق
لغة تمادر العاليه
حساسيتها في انتقاء الفاظها ساعه انتقادها لهرم من اهرامات الغناء السوداني
شفافيتها و هي تلخص بلغة سهلة جدا ما يحدث لاطفال السودان
و نضجها الفني و هي تشرح دور الفنان الملتزم



شفت كيف !!
اها
احبها ولا ما احبها !!

Post: #12
Title: Re: احب تماضر
Author: خدر
Date: 01-14-2006, 04:16 AM
Parent: #6

Quote: القادمة نحن ذاتنا نرقص مع البشير ..
بس الله يهديه كدا ويراجع عناده العسكرى دا
ويدينا بلدنا..


ابقوتة
تعرف .. اكتر شي عاجبني في الصوره دي اكتر من الفراولة
عمر البشير و هو في حاله طرب حقيقي
رغم موقفي من الانقاذ


كل سنة وانت وتماضر بخير

Post: #14
Title: Re: احب تماضر
Author: Muna Khugali
Date: 01-14-2006, 04:29 AM
Parent: #6

قـال وردي بسـخريـة

الطاغيـة كـان بيشـيلوه مايقعـدوا في البلـد ديك بالهـوهـوه مـن بعيـد علشـان يشـيلوه...لأ... يجـو في البـلد دي ويشـيلووه....


التفـاح مـالي البـلـد.. كـان يعـني يخت شـنو قـنقلـيز.. ولا..!

ثـم قـالت هي بإسـتنكـار

'رئيس بتـاع شـعب'

happy eid khidir

muna

Post: #17
Title: Re: احب تماضر
Author: خدر
Date: 01-14-2006, 04:43 AM
Parent: #14


مني عوض خوجلي
كل سنة وانت طيبه
فيما يتعلق بتوصيف وردي للنشاط السياسي و وصفه له بالهوهوه سأتي للرد عليه لاحقا
انا الان فقط في حاله احتفاء بهكذا جمال
و اعتقد ان ماقدمة وردي لنا (كشعب ) يستحق ان نغفر له اكثر من كلمة ( الهوهوه ) .
ونحن نفعل حتي الان ..
نعم .. هي كلمة لا تليق
لكن لا اعتقد انها تمس كثيرا ادب التحاور الذي دار بين وردي وتمادر

هل انت معي !!


اتمني ان تنظري الي الجزء الممتلئ من الكوب





اما فيما يتعلق بكلمة تمادر
فهي في مكانها تماما
البشير فعلا رئيس شعب
وانت ادري طبعا بموقف الفنان او السياسي الملتزم حين يتحدث عن من يعترض علي
وجوده علي كرسئ رئاسه
من الصعب ان ينعته بـ :
-الرئيس
-رئيسنا
-رئيس البلاد
-الصعلوكـ
...
..
. الخ
هل انت معي !!

Post: #20
Title: Re: احب تماضر
Author: خدر
Date: 01-14-2006, 04:55 AM
Parent: #17


الاخت مني
ماتنسي انو وردي قال برضو

Quote: يعني الاخت تماضر رغم احترامنا لي فنها و هي انسانة فنانة مافي كلام
حقها ما تنجرف للتطرف ده ....... الخ


وهذه احدي اضلاع طرحي للبوست ده
اللغه العاليه في النقد و الرد علي النقد

Post: #9
Title: Re: احب تماضر
Author: محمد السر
Date: 01-14-2006, 04:06 AM
Parent: #1

أنا قبل كدا قلت لي تماضر " احـنا بـنـحبك"
لأنو أخوها أب عِمة كبيرة داك كان قاعد..
خدر بِلاي بي إستيكة الشداعة حقتك دي أمسح لي الحروف الحمر ديل.
وبالخصوص أنقر هنا:مؤامرة الحسد

Post: #11
Title: Re: احب تماضر
Author: saif massad ali
Date: 01-14-2006, 04:12 AM
Parent: #9

احم احم احم

Post: #13
Title: Re: احب تماضر
Author: خدر
Date: 01-14-2006, 04:27 AM
Parent: #9


محمد السر ( الخواف )

تماضر حاتكون اسعد زول بحبكم ليها
موش اعتقد
لا
انا متأكد جدا
مافي شي بسعد الفنان من حب ناس بلدو ليهو




بالمناسبة يا غير شدااااع
كل سنة وانت طيب
ما تلاقينا موش !!

Post: #15
Title: Re: احب تماضر
Author: خدر
Date: 01-14-2006, 04:30 AM
Parent: #13


سيف مساعد
كل سنه وانت طيب ياخي
و شكرا علي البوست الجميل بتاعكـ





ماتحمحم ساكت
حقكـ الادبي اديناكـ ليهو
وختينا لنكـ المصدر

لكن قول لي يا اخوي
لقيتها ويين الصوره الخليعة دي !!

Post: #69
Title: Re: احب تماضر
Author: saif massad ali
Date: 01-15-2006, 08:19 AM
Parent: #15

الاخ خدر



Quote:

ماتحمحم ساكت
حقكـ الادبي اديناكـ ليهو
وختينا لنكـ المصدر

لكن قول لي يا اخوي
لقيتها ويين الصوره الخليعة دي !!


لا والله الموضوع والصورة ملك للجميع بس احم احم انت عايز تسوق مني ثماضر
تاني في صور جاية للساسة بتوع بلدنا ,بس الزول الساكن معي في البيت مصر علي عدم نشر الصور في مثل هذه الايام

Post: #16
Title: Re: احب تماضر
Author: محمد السر
Date: 01-14-2006, 04:40 AM
Parent: #13

كل سنة إنت ولقاء وأمها طيبين
زمان ،وأنا سغيير، كان في فكي ساكن في العشش إسمو خميس مريومة بجي في حلتا ببيع ،ضمن ما ببيع، حجاب شداعة
لكن أنا ما كان عندي قروش
هسة عندي قروش
لكن العشش شالوها و..
كدي خلينا في المهم!!
شنو حكاية التيوس الهولندية دي؟
تيوسنا المطاليق ديك حصل ليهم شي؟

Post: #21
Title: Re: احب تماضر
Author: خدر
Date: 01-14-2006, 05:11 AM
Parent: #16

ود السر












لقاء بتسلم عليكـ عليكـ بالمناسبة

Post: #18
Title: Re: احب تماضر
Author: ودقاسم
Date: 01-14-2006, 04:46 AM
Parent: #1

خدر
أنا أحب تماضر وأحب وردي بس فلان البيرقص ده ، وفلانة البتتكلم دي أسوي ليهم شنو ؟ ...

Post: #23
Title: Re: احب تماضر
Author: خدر
Date: 01-14-2006, 05:19 AM
Parent: #18


ودقاسم كل سنة وانت طيب ياخي

اختنا ساره نشكرها جدا علي اللقاء الخلانا نسمع صوت وردي و ردو علي الصوره

و السيد رئيس البلاد و العباد نقول ليهو من حقكـ تفرح بي وردي كأي مواطن عادي
مافي كلام و الصوره وضحت لينا احدي الحالات الخاصه لتفاعل رؤساء البلاد و العباد
مع المبدعين و اتضح لنا ان الرؤساء ديل ناس زيهم زينا بنطربو عاااااااادي

لكن برضو بنقول ليهو
عملت لينا شنو في البتاعات القالتها ليكـ تمادر دي

Post: #19
Title: Re: احب تماضر
Author: تيسير عووضة
Date: 01-14-2006, 04:48 AM
Parent: #1

خدر
إزيك ..
ومن لا يحب روح تماضر
عقل تماضر
وقلب تماضر
الذي وسعت محبته كل شئ ..
انا ذاااااااااتي
احب تماضر ...

Post: #22
Title: Re: احب تماضر
Author: احمد العربي
Date: 01-14-2006, 05:18 AM
Parent: #19

تماضر وكل المتداخلين
حدق العيون ليكم
ولي الوطن



وحبنا لفن وردي كبير


وليك يا طارق

Post: #38
Title: Re: احب تماضر
Author: خدر
Date: 01-14-2006, 09:07 AM
Parent: #22

فنانا العربي

فعلا حبنا لي فن وردي كبير و لي وردي اكبر
رغم مابدر منه مؤخرا من مواقف غريبه علي تاريخه الفني
فنحن شعب نعرف كيف نحتفي بمبدعينا بيد و كيف نغفر بيد اخري
لسنا مقصله ولا قضاة حكمهم جاهز
نحن شعب فنان

Post: #24
Title: Re: احب تماضر
Author: خدر
Date: 01-14-2006, 05:23 AM
Parent: #19


تيسير عووضه
مبروكـ عليك تمادر و مبروكـ علي تمادر نحن









سلمتي

Post: #25
Title: Re: احب تماضر
Author: tmbis
Date: 01-14-2006, 05:43 AM
Parent: #24

ترويج للاشياء الجميلة .. وللفن
اضغط للتشغيل






Post: #39
Title: Re: احب تماضر
Author: خدر
Date: 01-14-2006, 09:13 AM
Parent: #25

تمبس الجميل
انا سحبت الحوار و وضعتو كلنكـ احتراما لهذا الغناء
الجميل
رجاء عدل الاغنيه بحيث تشتغل مع فتح البوست




الترويج ده بجيب خبركـ يوم

Post: #44
Title: Re: احب تماضر
Author: tmbis
Date: 01-14-2006, 09:50 AM
Parent: #39

Khider
المره الجاية بنروج لي حاجات تانية..
كنت عملت الكود علشان يشتغلو الملفين طبعا لازم كان يتوقف ملف ويشتغل التاني ..
حسع بعد التعديل .. ليبيا فتحت

..
بوست في صحتك


بعد استعادته .. وكدا

Post: #26
Title: Re: احب تماضر
Author: عبد الباقي الجيلي
Date: 01-14-2006, 05:46 AM
Parent: #1




مالـــــــــي أُكتِّـــــــــم حبــــــــاً؟

كلنـــــا ذلك الرجل يا خضر .. كلنا ..

Post: #27
Title: Re: احب تماضر
Author: Tumadir
Date: 01-14-2006, 06:37 AM
Parent: #26

تمبس

حسين ملاسى

اب قوته

منى خوجلى

محمد السر

سيف مساعد

ودقاسم

تيسير عووضة

احمد العربى

عبد الباقى الجيلى



,وخدر ...كبيرهم الذى علمهم الحب..

وكت اصلكم ..بتعرفو تحبو زى ده "اقروها بلهجة البقارة لو سمحتو"

وكت اصلكو بتعرفو تحبو زى ده...

ما تحبو لى ديل ..بالمرة

Fw: plz help the sudanese refugees ثلاثة آلاف لاجيء سوداني بانتظار مساعدتكم




سمعت خدر بقول لى الخواف محمد السر ..تماضر حتكون سعيده بى حبكم ليها..

انا ما سعيدة وبس ..انا قامت لى اجنحة..


هديل متفوشات ..ومستعدات للتحليق فى اى لحظة..
لو عندكم سحابة

رسمتها عاجباكم خايفنها ..تتجلبط.

ولا عندكم نجمة ..بتلمع وعاجباكم ...ومادايرنها ترمش

المهم كان عندكم اى حاجة فى "الآفاق العلية" خايفين عليها من ضربة جناح ..زول سعيد منفوش..
امشوا دخلوها ..المغزن

..زمان عندى عمتن لى بتقول للمخزن ..المغزن بفتح الميم والغاء ..وفتح الضلفة فتحة صغيييييييرة عند اللزوم فقط..

امشى دخلوها المغزن ..وانا طايرة طايرة..

وبعد آخد طيرتى ..واجى ..انطج فى بطن ا########## دى

تعالوا كلنا نحب ..الناس المحتاجين حب...اكتر منى

ناس فى دارفور

وبنات بطهروهم

ونسوان بضربوهم

وناس بحقروهم ..حقارات سياسية ..وحقارات عرقية وحقارات اشكال وانواع

والموت بقى اشكال والوان ولا نملك حتى شرف اختيار الموت الذى يلائمنا

فكرة اتكلمت عنها "كويس جدا" احلام مستغانمى فى عابر سرير:،"ما افضلها عليكم"

حبونى انا بحبكم اصلا..

ولوما فكرة الحب..لما ظللت اكتب حتى اليوم..

تعرف انا بعتبر أى عمر من السنه الفاتت ..ولى حسة ..هو عمر اضافى ..اهداه لى اصدقائى باسم "المحبة"

فأنا اصلا مدينى لكم بالحب واصلا مدينه لكم بالحياة ..وبالكتابة..

حبونى ياخ..

وحبوا معاى وردى ده زاتو.."ولكل جواد كبوة"

وحبوا معاى ديل ..للوكت الراهن

Fw: plz help the sudanese refugees ثلاثة آلاف لاجيء سوداني بانتظار مساعدتكم

لما يغيروا لينا لون الموت...بنغير لون الحب


احيكم جميعا يا خدورى

ضربة حب شاملة ..تلهف لقاء واسمهان ..فى شهقة واحده

احبكم جميعا يا اصدقائى ..واتعرف عليكم ..من جمالكم ..وبدون حبكم ..اصلا لم ولن اكون ..


ويا تمبس الحاجة الختيتها دى ما بتتسمع

ويا خدر: "وطى الصوت خليننا ننوم"


_____________
مونولوج داخلى:

فى زول يحبوه اربعه صباحن؟

Post: #28
Title: Re: احب تماضر
Author: احمد العربي
Date: 01-14-2006, 06:45 AM
Parent: #27

انها الروعه تماما



ونحنا حلقنا معاك

منجذبين لشفافيتك

والتسامي الذي تملكنا


الحب مره ثانيه مني ومن احب

Post: #29
Title: Re: احب تماضر
Author: Tumadir
Date: 01-14-2006, 06:52 AM
Parent: #28

Quote: الحب مره ثانيه مني ومن احب


بالله سلم لى على

"من احب" ..دى بالذات..

لانها عينها نجيضة ...

تسلم يا فنان

Post: #43
Title: Re: احب تماضر
Author: خدر
Date: 01-14-2006, 09:45 AM
Parent: #27

تمادر شكرا جزيلا علي كل ماسبق

وردي هرم كبير و نحن بنحب غناهو جدا و مواقفو الاخيره فعلا بتحتاج مننا لي نقد زي ده
احي ليكـ قصه
(1)
زمان كنا بنغني في الحفلات ( over night ) اها بجي البوليس يقبضنا و يرفعونا في كندوره
العربيه الشينة ديكـ و يودونا القسم .. الضباط بي طريقة لطيفة بحاولو يقنعوكـ انو تغني
ليهم و نسه بس لحدي ما يضمنو انو الحفلة فرتكت و بعد داكـ بفكوكـ
و كنا بنرفض نغني
(2)
بتاعين الامن في المعتقلات كان عندهم نفس الهوايه لكن كانو بطلبو نغني ليهم بي خشونة شوية
اصلو بعيد عن السامعين بتاعين الامن ديل هظارهم خشن شوية
وبرضو ما كانا بنغني
(3)
احتفالات الجاليات في المهاجر الاصبحت سمة للسودانيين مؤخرا .. الحفلة شغاله في امان الله
يجو ناس السفارات ناطين زي الارجوزات
يقيف الغنا و تقيف الفرحة لحدي ما يمشوا



انا شخصيا ما ضد انو المسؤل المعين يحب وردي .. لكن يمشي يشتري ليهو شريط و يمشي بيتو
و يشغل الشريط بأعلي صوت وينطرب زي ماهو عاوز لكن مايكون بصفتو الرسميه حاضر للفنان
وهو بغني (وهذا الموقف تطابق الحافر للحافر لموقف الاستاذ وردي الاخير ) كان يمكن ان ينسحب
وردي من الجلسه او يعتذر عن الغناء مافي شي مدسوس والمواقف واضحة
الا ان كان وردي قد غير مواقفة السايقة من نظام البشير
اقول هذا بالنظر للاستاذ وردي و مواقفة الناصعة التي كانت حلقه هامة في سلسلة مقاومة
الفن للحكومات .. كل رهط فناني الحقيبه القاومو الاحتلال الانجليزي

يا حليل الطير الرحل .. كان قريب اصبح في زحل

ابتدرها العبادي وهو يصف خروج الحكم الثنائي من السودان و الشاهد ان المأمور الانجليزي
استدعي العبادي و طلب توضيح و شرح القصيده بعد ان اوصل الواشون معني القصيده للمامور
فقال العبادي انه كان يقصد محبوبته
اقول
ان وردي كان حلقة هامة جدا في التاريخ السياسي الحديث تبرز دور الفن و علاقة الفنان بالسلطة
ولا تنقص وردي الشجاعة في التصريح بأرائه دايما كما نعرف .. اذن ماحادث لم يكن حدثا عابرا
ولا نستطيع وضعه في بند فنان و جمهور


شكرا تمادر تاني





Post: #41
Title: Re: احب تماضر
Author: خدر
Date: 01-14-2006, 09:17 AM
Parent: #26

عبدالباقي .. ممكن اهظر معاكـ شوية !!
Quote: مالـــــــــي أُكتِّـــــــــم حبــــــــاً؟
كلنـــــا ذلك الرجل يا خضر .. كلنا ..


بقت عليكـ قصه شاميه







فعلا عبد الباقي
مالـــــــــي أُكتِّـــــــــم حبــــــــاً؟

لمن تحدث كتمادر و لمن تغني كوردي

Post: #30
Title: Re: احب تماضر
Author: AMNA MUKHTAR
Date: 01-14-2006, 06:59 AM
Parent: #1

تعالوا كلنا نحب ..الناس المحتاجين حب...اكتر منى

ناس فى دارفور

وبنات بطهروهم

ونسوان بضربوهم

وناس بحقروهم ..حقارات سياسية ..وحقارات عرقية وحقارات اشكال وانواع



أحبك فنانة

وأحبك كاتبة

وأحبك انسانة



(تسلم البطن الجابتك)

Post: #31
Title: Re: احب تماضر
Author: Tumadir
Date: 01-14-2006, 07:02 AM
Parent: #30

شمرا يا آمنه مختار..
على دفقة شعورك..الحنينة دى ..

اصلى كنت منفعلة بالمشاعر..وبى سببك دمعت

"كده تستفيدى شنو"؟؟


Post: #45
Title: Re: احب تماضر
Author: خدر
Date: 01-14-2006, 09:57 AM
Parent: #30

امنة مختار

تمادر تستاهل و انت تستاهلي

كلكم تستاهلو الحب

Post: #32
Title: Re: احب تماضر
Author: عبد الله إبراهيم الطاهر
Date: 01-14-2006, 07:51 AM
Parent: #1

يا خدر معاك في المحبة
ويا تماضر معاك في هذا الكلام المتوازن ...

Post: #33
Title: Re: احب تماضر
Author: Tumadir
Date: 01-14-2006, 08:45 AM
Parent: #32

عبد الله..
انا معاك فى "المسينجر"

زاد شرفنا واتعرفنا عبرك على الشاعر السعودى

محمد خضر الغمدى..

واهو بنتكلم لغاية ما اتفقنا على انى اكون عضو فى مدد:


هنا بوست ترحيب ..عمرو دقيقة واحدة

http://www.mdaad.com/vb/showthread.php?p=6864#post6864


الف شكر يا عبد الله..

وبرضو الشكر ممتد لانك قدمتنى للفاتح وديدي محرر الصفحة الثقافية لمجلة اوراق ..واتفقنا على عمود شهرى ..

"بيزنيس از بيزنيس"

ههههههه

كتر خيرك والله

Post: #34
Title: Re: احب تماضر
Author: خدر
Date: 01-14-2006, 08:52 AM
Parent: #33

تمادر
اطلعي لي من بوستي ده بره بالله
شايفكـ استلمتيهو
و بقيتي تردي علي الناس كمان










غايتو جنس سلبطه

Post: #35
Title: Re: احب تماضر
Author: Tumadir
Date: 01-14-2006, 08:54 AM
Parent: #34

اول حاجة اسمها صلبطة..

وتانيا المشتهى الحنيطير..



"انا"

Post: #36
Title: Re: احب تماضر
Author: هشام آدم
Date: 01-14-2006, 08:58 AM
Parent: #35

Truely, Tumadir deserves everything good and wonderful, because she has a clean inside as appeared so far, and because she doesn't like turn around lines, also as appeared so far

Hisham Adam

Post: #37
Title: Re: احب تماضر
Author: خدر
Date: 01-14-2006, 08:59 AM
Parent: #35

اخيرا و بعد نجاح ساحب البوصت في دحر الانقلاب الغاشم
و عوده الحق الي نصابه
صأعود للرد علي المتداخلين و لمتابعة الحوار










اي صاد تقابلكـ شنقلها بي سين
واي سين مشنقله قابلها بي صاد
واني لكم بالمرصاد

ملحوظة
تمادر خلينا جادين عاوز اكمل بوستي

Post: #64
Title: Re: احب تماضر
Author: نجود حسن عبد الرحمن
Date: 01-15-2006, 05:42 AM
Parent: #37

Quote: احب تماضر



البعجبنى فيك دايما بتدى كلام فى الصميم

لكى منى كل الود والتقدير

والاحترام

Post: #65
Title: Re: احب تماضر
Author: عبدالرحمن عبدالله أبوشيبة
Date: 01-15-2006, 06:08 AM
Parent: #64

Quote: البعجبنى فيك دايما بتدى كلام فى الصميم

لكى منى كل الود والتقدير



والله يا نجو ماعرفنا المقصود انثى ولا ذكر

Post: #40
Title: Re: احب تماضر
Author: wadalzain
Date: 01-14-2006, 09:15 AM
Parent: #35

كل سنه وانت طيب ياخدر
كل سنه وانت طيبه يا تماضر
كل سنه وانتو طيبين ياجماعة الخير كلكم
وردى ربنا يديهو العافيه وطولة العمر
طالما اسكر الناس بفنه واطربهم

لكن
وآه من لكن

ارى ان يغنى وردى فقط ولا يتكلم

كان اتكلم بطبزه

قال هوهوه قال

شفتو كيف . المصيبه انو الكلام ده زاتو برتد ليهو فى وقت من الاوقات

Post: #42
Title: Re: احب تماضر
Author: Muna Khugali
Date: 01-14-2006, 09:37 AM
Parent: #40

up

Post: #46
Title: Re: احب تماضر
Author: هاشم نوريت
Date: 01-14-2006, 09:59 AM
Parent: #42

خدر
دبايوا
كل حد حر فى قلبو بس ما يغلبك.

Post: #47
Title: Re: احب تماضر
Author: خدر
Date: 01-14-2006, 10:01 AM
Parent: #32


ع.الله الطاهر
انا معاكم انت و تماضر في كل شي
شكرا لكلامكـ الموزون

Post: #48
Title: Re: احب تماضر
Author: Ibrahim Algrefwi
Date: 01-14-2006, 10:18 AM
Parent: #1



" ما أقذرها من مائدة تتكوم فيها جثة الحُرية"

...
...

ماهي دي ملامح السودان الجديد يا طارق !
حمدت الله علي ان أبي قد مات ، لو رأي هذي الصورة
لانجرح في حُبه لهذا الجلابي الرطاني الف جُرح...

...
...

وحبي لتماضر كاعجابي بيك "شديد"...

Post: #49
Title: Re: احب تماضر
Author: عزاز شامي
Date: 01-14-2006, 12:33 PM
Parent: #1

Quote: احب تماضر


أنا زااااتي يا خظر!

بحب تماضر الانسانة، الشفافة، الفنانة، الشايل حب الناس في قلبها...

تماضر بتثبت لينا كل يوم، الفرق بين انك تكون إنسان و إنك تتصرف بإنسانية!

Post: #51
Title: Re: احب تماضر
Author: عبدالماجد فرح يوسف
Date: 01-14-2006, 01:13 PM
Parent: #49

موت يا خضر
تماضر زي أخت كبيرة ماخدة حنية الحبوبات وصدق الجدود
وزي أم لسه قايمة من السجادة, شفتو وشها بكون زي الصباح كيف؟
وزي خالة بتناديك بي ياود أختي
تحس بي ده كلو حتي لو كنت أكبر منها
والحب دائما بجيب الحسادة تعرفي ليه يا تماضر؟
لأنو الحاجة الوحيدة المامكن الزول يشتريه
ومهماحاولوا يشوهوه بشوهوا روحهم كان عندهم روح من أصلو
لو كان بي إيدي كنت عملت منك يا تماضر مليون كلون وشتتهم في السودان
زي السكر فوق العيش باللبن
...
..
وكلام كتير مابخلص

Post: #50
Title: Re: احب تماضر
Author: ahmed haneen
Date: 01-14-2006, 01:05 PM
Parent: #1

اخوي

خضوري

والأخت عزاز

انا بحب تماضر اكتر منكم

هل تراهنون علي هذا الحب

Post: #52
Title: Re: احب تماضر
Author: عمر ادريس محمد
Date: 01-14-2006, 01:29 PM
Parent: #1

خدر

مشتاقيين


فى غياب المواطن

فى ذمتكم دى أنت وتمبس الاتنيين ...ياتو غنيه عند وردى الزول بكشر معاها كده.. ويرفع إيدو اليمين,


ويمرق سنونو بالطريقه دى...


فى غياب الحقيقه


وردى بغنى بالرطانه...ومعاه الماحى


فى حضور الوطن

احب تماضر

Post: #53
Title: Re: احب تماضر
Author: khaleel
Date: 01-14-2006, 03:06 PM
Parent: #52

ايش معني وردي
ما غني سيد خليفة قائد الشعب يا نميري
وعني ابو داوود لمايو
وغني ابوعبيدة حسن لمايو
ترباس غني للانقاذ
وبالملايين قلناه نعم
وانتو عايزيين تظهرو علي حساب وردي
مدعيين النضال
هربتم واخذتم الجوازات الامريكية
وما عارفين عن الشعب السوداني اي حاجة
تماضر ليها كم السنة من السودان
مجدعة في امريكا باسم الشعب السوداني
وردي هو هرم السودان
وانشاء الله تعرفو تسقطو الانقاذ

Post: #54
Title: Re: احب تماضر
Author: عزاز شامي
Date: 01-14-2006, 03:28 PM
Parent: #53

Quote: تماضر ليها كم السنة من السودان


لا حولااااااااا!
انت شايت برا يا اخو!
انزل المحطة الجاية وامشي عدييييل بتلاقي المحطة بتاعتك!

Post: #68
Title: Re: احب تماضر
Author: خدر
Date: 01-15-2006, 08:14 AM
Parent: #54

عزاز

ماتسي خليهو يلف يمين .. اقرب ليهو



Post: #67
Title: Re: احب تماضر
Author: خدر
Date: 01-15-2006, 08:10 AM
Parent: #53

Quote: ايش معني وردي
ما غني سيد خليفة قائد الشعب يا نميري
وعني ابو داوود لمايو
وغني ابوعبيدة حسن لمايو
ترباس غني للانقاذ
وبالملايين قلناه نعم
وانتو عايزيين تظهرو علي حساب وردي
مدعيين النضال
هربتم واخذتم الجوازات الامريكية
وما عارفين عن الشعب السوداني اي حاجة
تماضر ليها كم السنة من السودان
مجدعة في امريكا باسم الشعب السوداني
وردي هو هرم السودان
وانشاء الله تعرفو تسقطو الانقاذ


كويس يا خليل ... شكرا علي مروركـ

Post: #55
Title: Re: احب تماضر
Author: Ibrahim Adlan
Date: 01-14-2006, 04:32 PM
Parent: #1

خدر يا حبوب

سرقت الانقاذ امتدت لتطال حتي رموزنا الابداعية كما الاخشيدي مع المتنبئ واظن المسألة بقت اكل عيش
جلوس عمر البشير مع مبدعي بلادي لا يمثل صك غفران
جلوس مبدعي بلادي مع الجلاد فيه اهانة لتضحيات جيل تدثر بأبداع هؤلاء هربا من سوط الجلاد
قضية الفن الملتزم لا تنفصم عن قضايا الوطن

ومع ذلك كلنا نحب تماضر

Post: #56
Title: Re: احب تماضر
Author: khaleel
Date: 01-14-2006, 05:03 PM
Parent: #55

كل الناس هرولت نحو البشير
وكدودة قاعدمع الترابي
السودان صار كالمدينة الفاضلة
بتاعة افلاطون
وردي برضو وردي
شاء من شاء
وابي من ابي

Post: #57
Title: Re: احب تماضر
Author: حسام يوسف
Date: 01-14-2006, 05:35 PM
Parent: #56

لها منا كل الود

Post: #58
Title: Re: احب تماضر
Author: الخير محمد عوض
Date: 01-14-2006, 06:19 PM
Parent: #57

Quote: احب تماضر


كم هي رائعة نقية شفيفة هذه التماضر

كل يوم يذيد حبنا لها

كل يوم هي في تالق جديد

تماضر انساسة تشبه الفن ويشبهها


تماضر دي زولة فناااااانة

لك الشكر يا خدر يا زول يا سمح

ولها منا كل الود.

Post: #59
Title: Re: احب تماضر
Author: احمد العربي
Date: 01-14-2006, 10:30 PM
Parent: #58

نمنا وقمنا على حب تماضر الوطن

وطارق الشامخ


وحلقي بنا ياتماضر
لنتسامى من هذا الركام
هذا الذحام
والاحترام ليك
يا وطن
والانسجام عبر المحن
نتلاقى باجمل اغاني
نتفانى في زمن المعاني
نعزف الانشوده
مقطع للتفاني



والسلام ليك ياتماضر يا وطن


وتحيه لك طارق على هذه المساحه

Post: #74
Title: Re: احب تماضر
Author: Tumadir
Date: 01-15-2006, 03:49 PM
Parent: #55

هشام آدم شكرا لك برغم الشكوك

so far

التى كررتها مرتين توحى بـ ..."حتى تثبت ادانته" ، لكن احب اطمنك

what you see is what you get

مافى اجندة خفية فى الطرح..ههههه..ومهما يكون برضو حضورك له اعظم الاثر

___________________

نجود حسن عبد الرحمن

شكرا لتواجدك هنا بين المحبين..
والكلام فى الصميم ده ياهو "المارقين ليه" مرات بيضر سيدو..لكن اصلا ما بيضر البسمعوا

___________

ابو شيبة ..خلى كلام نجود..انت رايك شنو؟؟

هههههههه

تحياتى

______________

ود الزين

لك اعزازى ..ووالله كان ما اعجابى بوردى وبرسوخو فى تاريخ تذوقنا الغنائى ..والله ما شغلتنا كان بيه يغنى للبشير والله يغنى للشيطان زاتو
لكن زى ما بتقول تلك المرأة الحنينة بلهجة متهدجةكالبكاء: "قاليهو شن جابك لى بيت العدوه .؟ قاليهو: عندى حبيبا جوه" اها نحن اللمة دى عندنا فيها حبيبا جوة
____________________


هاشم نوريت سلام

ما فهمت؟ الما يغلب منو؟ القلب ولا "الحب" ؟؟

_____________________

الجريفاوى

رحمة الله على ابيك..
وعلى كل الآباء الذين ودعوا الفانية وفى قلوبهم جرح..فات اوان اندماله

_______________________

ويا عزاز الشامى كل يوم بتأكد امامك انى امام حالة نادرة من الوجود الانسانى..

وبحبك

__________________________

عبد الماجد

قلت لاختى ..وانا بزورها امس ..تعالى اقرى الناس كتبوا لى شنو؟

جيت بعد مده لقيتها فى الاوضة بتعاين للشاشة وبتبكى..قلت ليها ليه الحصل شنو؟؟ قالت لى فى ناس كلامهم ببكى..
آمنة مختار وعبد الماجد ..بكونى

عبد الماجد...ود امى تتبارك

_____________________


احمد حنين

وأنا ما عندى ذرة شك فى كلامك القلتو ده..

ما تغالتهم "خليهم على قدر عقلهم....هههه"

ياخى الف شكر على كلام طيب ..وقدر ده..

انا محروجة يا ناس
___________________
عمر ادريس

والحب موصوووووول ..

ياناس فيلادلفيا انا كمان بقدر على جزاكم؟؟
فيلادلفيا وحب فيلادلفيا ده موضوع داير قعدة فى بطن ال وا ط ة دى

شكرا يا عمر ادريس

_________________________

خليل..المهندس

اشوف ماسينجراتك اصدقك اقرا مداخلاتك استعجب

هههه
و"مجدعه" دى شنو كمان؟


بالله دى كل فكرتك عن الموضوع
مجدعه فى امريكا؟؟
وزى ماقالت صاحبتى المصرية .."بفلوسى" انت مالك انت؟
ههههههه

_____________________

ابراهيم عدلان

والله شكرا على الاضاءة الصغيرونه دى.

.

ياريت الناس..ترصد مسيرة الابداع والمبدعين ..بوعى تام

________________

قبل ما اواصل
مونولوج داخلى:

مع لخدر وضيوفو

انا بهدى ليك الحب ..حب من فؤاد ..محروج
بالجد البوست ده عامل لى احراج ..مبالغ فيه

وخاصة لما اشوف الموت والظلم بيحيط بالناس كيف..الناس الامرهم بيهمنى..

وانا شايلة ..شحنات الحب كلها ..وقاعدة ..ياقول خليل..مجدعة فى امريكا..والناس تموت؟

لكم حبى اللامشروط.."ولا مقطوع ولا ممنوع"

واواصل..


شفت اللي حصل للزناجرة

Post: #60
Title: يحيى
Author: mohmmed said ahmed
Date: 01-15-2006, 00:24 AM
Parent: #1

يحيى الحب
ويدوم صفانا

Post: #61
Title: Re: احب تماضر
Author: Elmuez
Date: 01-15-2006, 01:30 AM
Parent: #1

جيت أقول كلمة في حق تماضر لكن المرة جات قعدت جنبي ! ..

خلاص " تطير تماضر " بس الطيرة الإتكلمت عنها هي ..

ولا أقول ليكم : أنا مسكني مرض خضر علي وزن مرض "حابب " !

المرة لسه قاعدة أحسن نعلق علي الصورة:

تماضر كفت التعليق في كل أبعاده ..

لكن في ملاحظة حول وردي كإنسان فنان ..

لاحظوا أنها دي هي أقدار وردي المتفرد ..

أحرجته مع مايو و مع البشير, لكون وردي هو قمة فنية سودانية سيحفظها التاريخ لمليون سنة ضوئية سودانية !

حقيقة الصوة هي أن البشير " علي عصبية جلبهالي نفسه "..

يطرب مفاخرا بسلطانه mohamed wardi the real king ! ,,

نعمل ? statistics

Post: #62
Title: Re: احب تماضر
Author: عبد الله إبراهيم الطاهر
Date: 01-15-2006, 05:15 AM
Parent: #1

يا خدر "صلبطة" تماضر دي جميلة ...
وده من ضمن "كل شئ" الانت معانا فيهو زي ما قلته فوق ...

ويا تماضر ...
معاي
ومعاي
مصوبر بي لقاك والشوق ...

قلتي أحسن تحولي الموضوع لي مصلحة عمل ...؟؟

Quote: "بيزنيس از بيزنيس"


إن كان كدي ...
"فيفتي فيفتي"

كده كيف؟؟

الشاعر الغامدي راجل جميل ...
وديدي برضو "حتى لا يزعل" ...
وخدر زاتو كمان "عشان ما يطردنا" ...

Post: #63
Title: Re: احب تماضر
Author: محمد السر
Date: 01-15-2006, 05:30 AM
Parent: #1

Quote: كل يوم يذيد حبنا لها
يا خدر ألحق الخير دا بالإستيكة

الخير أخوي خصخص ساكت أب عمة كبيرة مافيش

Post: #66
Title: Re: احب تماضر
Author: الملك
Date: 01-15-2006, 07:00 AM
Parent: #63

ما براك يا




خدر

....
....
ما براك

Post: #70
Title: Re: احب تماضر
Author: Omar
Date: 01-15-2006, 02:25 PM
Parent: #66

مقرود البخت البهجر زى يراعك
مسحور البلد البتسفر زى ضفايرك
تخليها تنعقد بموية النهر الغريب

مظلومين ولاد بلدك ...
الكبرو و ما شافوك فوق مسارح البلد
تكبى النضم الموخمج
النضم البجى بالفهم الشديد

الحب ... الفهم .... القلب القوى ....الرؤية للتغيير
العقل .... الإحترام ....حب الصغير ... توقير الكبير...

تماضر تنقسم ... وكل سنبلة تنبت سبع سنابل...
الزهور الحلوة وعدا تعود للبلد...
الشمس المركونه خلف الغمام لابد تجى
لحظة تخوجل بى تقى ... و تقدل تلفح ظلام البلد التقيل....


شكرا خدر.... شكرا تماضر .....

Post: #72
Title: Re: احب تماضر
Author: خدر
Date: 01-15-2006, 02:43 PM
Parent: #66

تمادر
هولاء الفرسان و الفارسات المشاركين في هذا البوست يحبونكـ دون رياء و دون تزلف
فقد تحسست حروف كل منهم علي حدا و وجدتهم صادقين في حبكـ
( لو قلبييييييييييييييي يييييي )
شاهدو ما اردت انا لهم مشاهدته و وجدو فيكـ فنان يحترم فنة و زملائه و شعبه
يعرف جيدا ماذا يقول و متي يقول و كيف يقول



وانا
اعيتني الحيلة ان ارد عليهم فردا فردا فالقائمة تذيد طولا كل صباح
و(لقاء) لا تتركـ لي وقتا الا وتملاءه بالبكاء
شكرا ان ذكرتنا كيف نختلف من هم في قامة هرمنا الغنائي وردي
شكرا جزيلا
شكرا جزيلا
شكرا جزيلا


سأحاول الرد علي المجموع الجميل هنا جميعا .. واتمني ان استطيع
لكم جميعا كل احترامي

Post: #73
Title: Re: احب تماضر
Author: ابوعسل السيد احمد
Date: 01-15-2006, 03:40 PM
Parent: #72

خدر

سلامات أيها المحب
تماضر دي محظوظين الناس البيعرفوها من قريب كفنانة و كانسان شفيف. و ديل ما كتار لسوء حظ الكثيرين و سوء حظ الفن. ذلك أن المرء كما مواقفه لا يتجزأ.. مثل أن الأخلاق الكريمة لا تقبل التجزئة و القيم الأصيلة لا تقبل أنصاف المواقف.. الفن قيمة جمالية عالية القبول عند جمهور تتشعب مشاربه لذلك لا نستغرب أن يطرب البشير أو مني أركوي أو محمد إبراهيم نقد أو أبكر الإغبش أو ود أمبررو السارح بي بقرو في أحراج النيل الأزرق لوردي.. يبقى الفن مثلما تبقى المواقف و تفنى الأجساد.. لذلك ترانا تدهشنا مواقف و ردي حد التناقض، و يقتلنا الحب النقي لتماضر.


بوعسل أبوعسل

Post: #71
Title: Re: احب تماضر
Author: يوسف السماني يوسف
Date: 01-15-2006, 02:36 PM
Parent: #1

الاخ /خدر

لك التحية

تماضر

الحب الكامن في نفوس جيل يبحث عن وطن في حجم امراءة ليتكئ علي وسائد حلم لفجر وطن للعشق
يهجد علي وجد المنافي المترع بالحنين الي امراءة ديار واهل .

لك الحب ايتها الانسانة.

**** وردي يغني ويطرب شئ طبيعي .
***** لكن الماطبيعي عمر البشير مكشر لانو فاقد اغاني شنان عشان يرقص .

Post: #75
Title: Re: احب تماضر
Author: تراث
Date: 01-15-2006, 04:13 PM
Parent: #71

يصراحة أنا ما عارف الموضوع شنو . والكلام في البوست ده كتير ومابقدر اقرأه عشان أفهم .
لكن ، وحسب العنوان ، بقولها بالصوت الواضح : البقول انو بحب تماضر أكتر مني ينازلني الخلا .
بحبها ياناس .. بحبها شديد ... (ربما أقصد الجندرية هنا . من يدري)
بالمناسبة : شنو الجاب صورة عمر البشير في بوست الحب ده ؟

Post: #76
Title: Re: احب تماضر
Author: Tumadir
Date: 01-15-2006, 04:59 PM
Parent: #75

شلت ليكم الاغنية دى من بوست مبيوع ..

عشان اهديها ليكم قصاد حبات قلوبكم

قلت ليه

مبيوع

ده اداء رفيع

هذه الاغنية وبهذه الرؤيا

من اجمل ما استمعت له من اغان سودانية فى الآونه الاخيرة

شكرا عليها كثيرا..

ولو سمحت اشيلها امشى اهديها لاصدقاء ..اعلنوا على الحب..

وباغتونى بالمودة..

فاسمح لى بأهدائهم اجمل ما يهدى المحب

اغنية

http://www.engineering.uiowa.edu/~mahmed/01%20aktib%20lay.wma

ويا تراث خلى الجبن

انا ولا الجندرية؟؟

"الجندرية هو ماعارف نحن الضرورة ما بتمشى فينا قدر شنو..صاح؟

قلت لى شنو يا تراث؟؟

Post: #77
Title: Re: احب تماضر
Author: Mohammed Haroun
Date: 01-15-2006, 05:05 PM
Parent: #1

أخي خدر- عساك طيب

كان كل خوفي إنه تماضر ما تقبل القسمة إلا على واحد لكن اطمئنيت تماماً الآن. وردي فنان بقامة جبال (ايفريست) وتماضر كذلك. وموضوع وردي يغني والبشير يطرب هذا موضوع وردي قال رأيه فيه واضح ولا يليق بنا أن نصادر حرية فنان شامخ مثل الفنان محمد وردي أحببناه حينما غنى بالرطانة وطربنا له حينما غنى في الخرطوم (وبفلهمة) ناس الخرطوم. نحن كشعب لا بد أن نحترم الحرية وهي فوق كل الآيدولوجيات والإعتقادات ولا قيمة لشعب بلا حرية.

Post: #78
Title: Re: احب تماضر
Author: محمد السر
Date: 01-15-2006, 07:05 PM
Parent: #1


يا تماضر عشان أنا ما لابس النضارة
الوجيه أب عمة دا ياهو زولنا؟
عشان نرجِّع الحروف الحُمُر ديك !!

Post: #79
Title: Re: احب تماضر
Author: Marouf Sanad
Date: 01-15-2006, 07:40 PM
Parent: #78

والله يا خدر كلنا

لكن وردي غلتاااان

ولكننا نحبه

Post: #80
Title: Re: احب تماضر
Author: Najat Al-Bashir
Date: 01-15-2006, 09:19 PM
Parent: #1

ياخوانا/ت ممكن أشارك...

آنا برضوا!

الله يسامحك ياوردى

Post: #81
Title: Re: احب تماضر
Author: احمد العربي
Date: 01-15-2006, 10:05 PM
Parent: #80

وتاني جينا نحب
ونقولا كلمة ريد
لو ريدنا يبقى حنين
تاني جينا نحب
شايلنو سمح القول
لي زول حبيب وبحب
حب الوطن
الوطن؟
انتي الوطن زاتو
شايلانا
شايلانا
شايلانا لاباسبورت
لاحته جنسيه
انتي البنفرح بيك
وتاني جينا نحب

صباحاتكم بالف خير

Post: #82
Title: Re: احب تماضر
Author: Mohammed Haroun
Date: 01-15-2006, 11:33 PM
Parent: #1

فاتني أن أقول للفنانة تماضر بلغة البقارة:

(بريــدك يابطمي ومتشاق ليكي زي شوق غرنوق السديدة للتريدة)

أخوك جيب أبوكي وليد هبان المنجغب في لندن.


حاشية:
- غرنوق السديدة: طائر جميل زاهي الألوان.
- التريدة : بركة كبيرة تدعى كنــدي.
- أخوك جيب أبوكي: ابن عمك.
- المنجغب : الساكن.

Post: #83
Title: Re: احب تماضر
Author: بدرالدين شنا
Date: 01-16-2006, 00:16 AM
Parent: #1

Quote: احب تماضر
هوي الليلة أهلها كان عرفوا بكتلوك
Quote: المهم كان عندكم اى حاجة فى "الآفاق العلية" خايفين عليها من ضربة جناح ..زول سعيد منفوش..
امشوا دخلوها ..المغزن

..زمان عندى عمتن لى بتقول للمخزن ..المغزن بفتح الميم والغاء ..وفتح الضلفة فتحة صغيييييييرة عند اللزوم فقط..
ولا أقول ليك أنا زاتي
أحب تماضر

Post: #84
Title: Re: احب تماضر
Author: خدر
Date: 01-16-2006, 03:59 AM
Parent: #83

Quote: بالمناسبة : شنو الجاب صورة عمر البشير في بوست الحب ده ؟


دي قويه يا تراث
هاهاهاهاها
هههههههه

Post: #85
Title: Re: احب تماضر
Author: خدر
Date: 01-16-2006, 04:38 AM
Parent: #84

محمد سيد احمد
موش كده


المعز



عبدالله الطاهر
Quote: وخدر زاتو كمان "عشان ما يطردنا" ...

ايوة كده اتصلحو معانا


الملكـ .. يا ملكـ


عمر
Quote: الحب ... الفهم .... القلب القوى ....الرؤية للتغيير
العقل .... الإحترام ....حب الصغير ... توقير الكبير...

صدقت يا عمر .. شكرا


ابوعسل

قصدكـ انو انا محظوظ !!
لكن هي بعيده اسه يتدينو منها كيف !!


يوسف السماني
Quote: لكن الماطبيعي عمر البشير مكشر لانو فاقد اغاني شنان عشان يرقص .




محمد هارون
يعني اسه تمادر دي (منجقبه) في قلوبنا كلنا


معروف سند ..
مبروك الصوره اتاريكـ مبغبغ


نجاة البشير ..
احرجنا موش كده


نشاه ..
نسيت اكلمك انو انا اصلا منسق مع اخوانا قبل ما انزل البوست
الكتله محمداكـ انت يا اخوي اسه .. انا بره

Post: #87
Title: Re: احب تماضر
Author: Tumadir
Date: 01-16-2006, 04:59 AM
Parent: #85

شنو يا خدر..

قلبتها لينا كوميديا..

انا خشمى من الاضان للاضان..

خت لينا اغنيتك بتاعة النعام آدم ومعاها لنك الحفظ..بالمرة ..خلينا الننطرب معاكم ...

Post: #88
Title: Re: احب تماضر
Author: خدر
Date: 01-16-2006, 05:25 AM
Parent: #87

Quote: خت لينا اغنيتك بتاعة النعام آدم ومعاها لنك الحفظ..بالمرة ..خلينا الننطرب معاكم ...

دايره تجيبي لي الهواء شايفكـ
ويقولو من قلة ادب الفنانين الصغار يختو غناهم مع وردي كمان
و يشيلو و يكتبو في البوستات








تلقيها عند الغافل

كيفكـ بالمناسبة !!
وشكرا علي الرد بالتناوب

Post: #89
Title: Re: احب تماضر
Author: معتصم الطاهر
Date: 01-16-2006, 05:56 AM
Parent: #88

المحب الحبيب خضر

لأنها فنانة تعرف قيمة الفن والفنانين

ولآن وردى فنان يعرف كيف يرد على نقده

ولأنك فنان تعرف قيمتهما ..

أحبكم كلكم

Post: #91
Title: Re: احب تماضر
Author: خدر
Date: 01-16-2006, 06:10 AM
Parent: #89

معتصم
انشاء الله خالد يكون كلمكـ انا حبيتكـ كيف بعد ما اتلاقينا
الحب ده يا باشمهندس نعمة كبيره
بعرفوها الزيكـ ديل
شكرا شوية عليكـ

Post: #90
Title: Re: احب تماضر
Author: بدرالدين شنا
Date: 01-16-2006, 06:08 AM
Parent: #1


Post: #92
Title: Re: احب تماضر
Author: خدر
Date: 01-16-2006, 06:13 AM
Parent: #90

نشاه

خلاص .. فكيت اخركـ











يا جبان

Post: #93
Title: Re: احب تماضر
Author: بدرالدين شنا
Date: 01-16-2006, 06:47 AM
Parent: #1



ما رفع بوستك مثل صورتك

Post: #95
Title: Re: احب تماضر
Author: محمد السر
Date: 01-16-2006, 07:02 AM
Parent: #93


ديشااااك يا بدر!!
إنت بتحب تماضر من أيام ما كانت بتسرِّح شعرها بالشريط!؟
يا مان كدا مافي زول يقدر ينافسك
لكن بندافسك (وش مبتسم)

Post: #96
Title: Re: احب تماضر
Author: يازولyazoalيازول
Date: 01-16-2006, 07:02 AM
Parent: #93

أنا كمان بحب أخواتكم


Post: #99
Title: Re: احب تماضر
Author: محمد السر
Date: 01-16-2006, 07:12 AM
Parent: #96

Quote: أنا كمان بحب أخواتكم
يا زول أنا ما معاهم
خدر هو المسح الحروف الحمر!! (وش مكشِّر)

Post: #94
Title: Re: احب تماضر
Author: بدرالدين شنا
Date: 01-16-2006, 06:58 AM
Parent: #1

الذ شئ قلت أمش أفتش في قوقل (صور) كان القى أي حاجة ليها علاقة بي تماضر
أها كتبت تماضر بالعربي ودقيت على (سيرش) تخيل أول صورة لقيتها صورتي
دا معناها أنا مقوقل معاها النهار كلو جاي إنت الليلة تحبها مني
وكان ما مصدق كلامي شوف اللنك (الرابط)
http://images.google.com/images?q=+%D8%AA%D9%85%D8%A7%D...tart=0&sa=N&filter=0

Post: #97
Title: Re: احب تماضر
Author: Tumadir
Date: 01-16-2006, 07:04 AM
Parent: #94

Quote: دا معناها أنا مقوقل معاها النهار كلو جاي إنت الليلة تحبها مني
وكان ما مصدق كلامي شوف اللنك (الرابط)


هههههههههههههههههههههههههههههههه الى آخر السطر.

لا يابدر الدين مش لانك مقوقل معاى وبس لانو برضو ناس قوقل شافوك كتبت تماضر قالوا للحبوب الصغار الشغالة معاهم ..اجرن جيبن البت الشينه دي.

واحده من الحبوب صغيروووونه واظنها كانت نايمة بتوقيت هولندا ونادوها بتوقيت الامارات

قالت ليهم جرت للحبوب التانيات قالت ليهم قالوكم دايرين شناة

جابو بدرالدين شناة

"فضحتنا كمان التكنولوجيا الهينة دى ما بتعرفها..مالك صغير ولا جاهل ..ساو راسك المقوقل ده"

Post: #103
Title: Re: احب تماضر
Author: خدر
Date: 01-16-2006, 07:33 AM
Parent: #97

Quote: أنا كمان بحب أخواتكم


قوية يا ريس
قر قر قر
هههههه
واااااااااااااااااااااااااااااااااااااااااااااااااي

تعادل مع تراث



ده من ناحية
__________

من ناحيه تانيه

Quote: .ساو راسك المقوقل ده"


هههههههههههههههه
واااااااااااااااااااااااااااااااااااااااك

البوست بقي 3 صفر لصالح الفنانين

Post: #102
Title: Re: احب تماضر
Author: محمد السر
Date: 01-16-2006, 07:32 AM
Parent: #94

Quote: الذ شئ قلت أمش أفتش في قوقل (صور) كان القى أي حاجة ليها علاقة بي تماضر
أها كتبت تماضر بالعربي ودقيت على (سيرش) تخيل أول صورة لقيتها صورتي
دا معناها أنا مقوقل معاها النهار كلو جاي إنت الليلة تحبها مني
وكان ما مصدق كلامي شوف اللنك (الرابط)
يا بدر أنا خشيت الوصلة بتاعتك دي ولقيت ليك صورتين.. واحدة مكتوب تحتها:
نيدلا خيش رضامت
لمن نقراها من الشمال لليمين تبقى تماضر خيش النيد

والتانية تحتها:
دبع قوماش نيدلا ءالع
ودي تبقى علاء الدين شاموق

أها يا أب قلبين..حدد.. إنت بتحب الخيش ولاَّ القوماش؟

Post: #112
Title: Re: احب تماضر
Author: بدرالدين شنا
Date: 01-17-2006, 02:14 AM
Parent: #102

الحتة دي عايزين نبني فيها (مغزن)
عشان كدا إطرينا نرحل المداخلة الكانت هنا لي مكان آخر

Post: #163
Title: Re: احب تماضر
Author: محمد بهنس
Date: 02-02-2006, 04:23 AM
Parent: #102

بوست وسيم وارواح جميله اولا حمدله علي السلامه ياطارق وكيفك اما انت ياتماضر شايل ليك شوق في دسكيت شكرا ليكم

Post: #98
Title: Re: احب تماضر
Author: بدرالدين شنا
Date: 01-16-2006, 07:07 AM
Parent: #1

والله شوف يا تحبنا الإتنين ولا طريقة بتفكك مني مافي
أنا شِبكة وعكليتة عديل كدا



أها قلت شنو؟؟؟


ملحوظة
الليلة الصباح رسلت ليك كرت معايدة في بريدك الإلكتروني وصلك ولا لع؟؟؟

Post: #100
Title: Re: احب تماضر
Author: محمد السر
Date: 01-16-2006, 07:16 AM
Parent: #98

بدر
أب عمة وصل.. بي سرعة أمسح ولا أطلب من بكري يحولك لغير صالح للنشر

Post: #105
Title: Re: احب تماضر
Author: Marouf Sanad
Date: 01-16-2006, 07:41 AM
Parent: #100

خدر
Quote: مبروك الصوره اتاريكـ مبغبغ


ذي ما بقول صاحبنا : والله كان مبغبغ ما عارف

(وجهٌ غبي ضاحك )

Post: #101
Title: Re: احب تماضر
Author: بدرالدين شنا
Date: 01-16-2006, 07:27 AM
Parent: #1

تماضر يحدث الغائب
شوق كتييييييييير
Quote: مالك صغير ولا جاهل ..ساو راسك المقوقل ده"
يا بنة أمي لا تأخذي برأسي
ولا تشمتي بي ناس خدر
وأنا راسي ما قوقل قوقل قوقل جنياتو
لك (حبي)
طبعاً الأخيرة دي خدر ما بشوفها

Post: #104
Title: Re: احب تماضر
Author: خدر
Date: 01-16-2006, 07:39 AM
Parent: #101

Quote: يا بنة أمي لا تأخذي برأسي
ولا تشمتي بي ناس خدر
وأنا راسي ما قوقل قوقل قوقل جنياتو


4 صفر
وااااااااااااااااااااااااااااااااااك كاكاكاكـ

Post: #106
Title: Re: احب تماضر
Author: Tumadir
Date: 01-16-2006, 07:45 AM
Parent: #104

Quote: تماضر يحدث الغائب


ده الكاسر ضلعة حنانا زاتو..

ههههههههههههه

خدر انت مالك ومالو.؟؟

Post: #107
Title: Re: احب تماضر
Author: saif massad ali
Date: 01-16-2006, 07:56 AM
Parent: #106

انا بس اكثر تلج

بس الزموا الصبر الصورة الجاية

Post: #108
Title: Re: احب تماضر
Author: خدر
Date: 01-16-2006, 08:34 AM
Parent: #107



نشاه
وانت طيب ياخي
تعرف انا قبيل قايل الكرت رسلتو انت لي ود السر
اتاري لي انا !!







انت احسن زول في البوست ده
(نفاق وكده )

Post: #109
Title: Re: احب تماضر
Author: محمد السر
Date: 01-16-2006, 03:44 PM
Parent: #108

Quote: تعرف انا قبيل قايل الكرت رسلتو انت لي ود السر
وأنا قايلو رسلو لـ (اللاعب مثار الشكوى) وشابكو ليك يا بدر أب عمة وصل..أمسح.. أمسح!!.

Post: #110
Title: Re: احب تماضر
Author: elsawi
Date: 01-16-2006, 07:40 PM
Parent: #109

أي واحد جاي داخل يحب .. خلاس حبيتوها كلها وما خليتو لينا الحبة؟
غايتو أنا من حبي ليها لمن ختيت صورتها بدل صورتي و الزمتها مكان القلب.
يازولyazoalيازول أنا غايتو عندي أخت واحدة و متموم حلوها.

الصاوي

Post: #111
Title: Re: احب تماضر
Author: ابوحراز
Date: 01-17-2006, 01:08 AM
Parent: #110

مشكلة هذه المراة المليئة بالإبداع
أنك بامكانك أن تحبها في كل الفصول والمواسم
كلماتها تحرضك على حبها
مواقفها
إنسانيتها
أمومتها
عطاءها
دموعها التي تشبه المطر
كل شيء فيها ينبض بالحب والنور
هذه فراشة مليئة بالألوان
وعندما تحلق في فضاءاتنا
تأتينا بعسلٍ مصفى
وبرحيق لم يتغير طعمه !!!
كم أتمنى أن أتلصص عليها
أن أدخل الى بيتها ولو من ثقب الباب
وأن أختبيء تحت سريرها
من أجل رؤية الإبداع الذي يتلبسها
ومن ثم سرقة هذا القلم الذي تكتب به
وسرقة الدواة التي تغمس قلمها فيها
لأنها ليست مليئة بحبر المطابع
بل مليئة بالعطر والأنفاس
صدقني
سأترك لها مجوهراتها
وملابسها
وشنطة مكياجها
وأحذيتها الرياضية
وسأحمل هذا القلم بكل مافيه من ابداع
وحينها سأكون هزمتك ياخدر عشرة صفر
لأن الذي يسرق قلم تماضر
يكون قد سرق نصف قلبها
بينما النصف الآخر داخل { الدواة }

Post: #113
Title: Re: احب تماضر
Author: يازولyazoalيازول
Date: 01-17-2006, 04:50 AM
Parent: #111

قلت مرة للأخ المهندس عبدون محمد عبدون (المحسى) ، يا عبدون انتو المحس عنصريين شديد

فقال لى:

لا يا هشام ، نحن ما عنصريين ولا حاجة ، نحن ناس بنحب بعض

وهكذا دأب البورداب مع بعضهم البعض (عنصريين حتى الثمالة)


الصاوى
الله يدى اختك العافية ، ونحن حبيناك انت واختك من قلوبنا كحب المحس لبعضهم البعض

ويا ابحرز ، بطّل غزل

Post: #114
Title: Re: احب تماضر
Author: ابوحراز
Date: 01-17-2006, 06:16 AM
Parent: #113

ياخ أنا صائم
قال غزل قال !!!
الله يجازيك يا ابن الذين 00 ضحكتني
ياخي نحن مدة صلاحيتنا الغزلية انتهت زمان
أخبارك شنو 00 كل عام وأنت بخير
كنت ناوي آكل معاك الضحية
لكن الحجاج بقوا لينا في رقبتنا

Post: #115
Title: Re: احب تماضر
Author: Tumadir
Date: 01-17-2006, 06:43 AM
Parent: #114

والله اول مرة الاحظ انه هشام دخل الدخلة اللذيذة دى..
ياسلاااام يا هشام

مشتاقة ليك شوق ما عادى

وضربت كم مرة وما كنت محظوظة ..الا عشة بتكلمنى بيك

وشوف بالله كمان معانا الصاوى.."خاتينى فى محل القلب" ...
وبدرالدين وطارق ابوعبيدة ومحمد السر ومعروف سند وسيف مساعد..

وابو حراز ..

وحسام يوسف

غزل شنو عليك الله؟

ارحكم بيتنا..

نتغدى ..ونشرب شاى ..ونغنى بالعود......

ونتونس مع ابوى ..امى بتكون عاملة غدا لذيذ...وابوى بيكون مزاجو رايق..بيونسنا ويضحكنا

مش فكرة؟؟

عليكم الله ما فكرة حلوة؟؟

ارحكم البيت!!!!

Post: #116
Title: Re: احب تماضر
Author: يازولyazoalيازول
Date: 01-17-2006, 06:48 AM
Parent: #115

يلاّ أرح

عندكم شربوت؟؟؟؟


Post: #117
Title: Re: احب تماضر
Author: Tumadir
Date: 01-17-2006, 06:51 AM
Parent: #116

وواقول ليك حاجة ما حتكون عارفها؟ انى انا ما بحب الشربوت كلوكلو..

نحن عشان كتار فى تفاصيل زى دى ما بنعرفها عن بعض..

هههههههه

ازيك يا هشووووووووووووووووم ..

نورت الحته..والله

Post: #119
Title: Re: احب تماضر
Author: يازولyazoalيازول
Date: 01-17-2006, 07:00 AM
Parent: #117

أنا بحب الشربوت ، والمرة دى زعلان شديد عشان الشربوت طلع مطرشق ، بقى عصير تمر بنكهة الفراولة ، ههههههههههههههههههههاى

يخليك سمييييييييييييييييييييين

ووااااااااااااااااااااااااااعى


Post: #118
Title: Re: احب تماضر
Author: ملكة سبأ
Date: 01-17-2006, 06:59 AM
Parent: #1

Quote: يلاّ أرح

عندكم شربوت؟؟؟؟


عندنا شربوت

يلاأرح

تماضر (.................)

Post: #120
Title: Re: احب تماضر
Author: Tumadir
Date: 01-17-2006, 07:02 AM
Parent: #118

الملكى....

جايه معانا.. ؟؟

والدنيا تحلى ؟؟

Post: #121
Title: Re: احب تماضر
Author: يازولyazoalيازول
Date: 01-17-2006, 07:02 AM
Parent: #118

أها شوفى يا تماضر ، ملكة سبأ دى واحدة من أظرف الظريفين فى المنبر ده

الله يديها العافية

Post: #122
Title: Re: احب تماضر
Author: بدرالدين شنا
Date: 01-17-2006, 07:17 AM
Parent: #1

صديقي محمد السر يا لذيذ
سلام وكل سنة وإنت طيب
Quote: أها يا أب قلبين..حدد.. إنت بتحب الخيش ولاَّ القوماش؟
أنا أحب معجون أبو وردة
Quote: نيدلا خيش رضامت
لمن نقراها من الشمال لليمين تبقى تماضر خيش النيد
شوف عليك الله البنيَّة دي بعثروها كيفن؟؟؟ يبعترن يا يمة تسنامي بركة سيدي ومولاي

زمان كنا بنكتب في الأبواب وخاصة أبواب المخازن أحب فلان وأحب فلانة


الحبيب الغالي هشام شيخ الدين
سلام حبايب
Quote: أنا كمان بحب أخواتكم
ونبقى نسايب بي حب الأخوات مش؟؟؟
وهسع كدا أنا ابقى لي وليداتك جدهم حبيب عمتهم
وإنت تبقى لي حبيب أم أولاد أختي
والله علاقات جميلة خلاص
لك خالص معزتي

Post: #123
Title: Re: احب تماضر
Author: يازولyazoalيازول
Date: 01-17-2006, 07:33 AM
Parent: #122

بدر الدين إزيك

طيب أعمل ليهم شنو ، المنبر كلو (أحب تماضر) (أحب تماضر)

بعدين ضحكنى الزول القال (هسع أخوها أب عمة بجيكم)

ياخ انتو والله ظراف شديد

حبوا زى ما دايرين (بكسر الحاء) وكسر قلوبنا كمان

Post: #124
Title: Re: احب تماضر
Author: Emad Abdulla
Date: 01-17-2006, 07:42 AM
Parent: #122

خدر يحب تماضر
تماضر تحب النقه
والتِفلت و الشنكبات ..
الشنكبات عند بدر شنا
شنا يحب اللولوه والعكلته
الللولوه أم شعيرات مكجنه عند ناس ديك .. ( ؟ )
الشعيرات سمحات عندها هي !!
( هي ) السمحه
سمحه العافيه
العافيه جارتنا
جرتنا لمن وقعنا على قدومنا
قدومنا المتلش ده
المتلش خدر
خدر البيحب تماضر
تماضر ...
أحيييييييييييييييييييييييييييييييييييي منك
يا أطول نخلة ...
و ... حاداااااااااااااااات .. تتييييييييييييره

..................
إن شا الله بركة اللا نام لا أكل الطعام ...
جنكم الأحمر ده يودر بيكم من هني ولي قدام ..

مش تماضر دي ؟ .. خلينااااااااااااااااها ليكم

خلاص ؟؟؟ ممكن ننوم ؟؟؟

Post: #125
Title: Re: احب تماضر
Author: يازولyazoalيازول
Date: 01-17-2006, 07:53 AM
Parent: #124

نوم العافية
العافية جارتكم
جارتكم الوقعت على قدومها
قدومها المتلش
المتلش خدر


خدر انا ما قلت حاجة


Post: #126
Title: Re: احب تماضر
Author: خدر
Date: 01-17-2006, 07:58 AM
Parent: #125

تطير عيشتو قِشر ده















Post: #127
Title: Re: احب تماضر
Author: خدر
Date: 01-17-2006, 08:04 AM
Parent: #126

الصاوي
Quote: يازولyazoalيازول أنا غايتو عندي أخت واحدة و متموم حلوها.

بدر الدين
Quote: انا بحب معجون ابووردة

هشام
Quote: ويا ابحرز ، بطّل غزل

عماد عبدالله
Quote: خدر المتلش




هههههههههههههههههه
واكاكاكاكاكاكاكاكااككككككككك



Post: #128
Title: Re: احب تماضر
Author: يازولyazoalيازول
Date: 01-17-2006, 10:07 AM
Parent: #127

خدر

Quote: هههههههههههههههههه
واكاكاكاكاكاكاكاكااككككككككك



Post: #129
Title: Re: احب تماضر
Author: Mohammed Haroun
Date: 01-17-2006, 05:24 PM
Parent: #1

يا صاحب البوست الحبيب خدر

تماضر لي هسه ما كملت ياجماعة لأنه كل واحد عرف يلبس بنطلون وقميص وخت ليه قرشين في جيبه عاوز يدخل المنافسة. شوفوا بعد ده قرشك يحلي ضرسك والما عنده في حسابه على الأقل خمسين ألف جنيه استرليني ينسحب ويورينا عرض أكتافه.

بس أنا عندي سؤال جانبي تماضر ما عرفناها ملكة المسرح وملكة سبأ طلعت لينا من وين؟؟؟؟

Post: #130
Title: Re: احب تماضر
Author: Adil Osman
Date: 01-17-2006, 08:20 PM
Parent: #1

حيُّوا " تُماضر " واربعوا صحبي وقفوا فإن وقوفكم حسبيْ
أخُنَاسُ قد هام الفؤاد بكم وأصابه تبل من الحبُّ
(دُريد بن الصمة)

Post: #131
Title: Re: احب تماضر
Author: الخير محمد عوض
Date: 01-17-2006, 09:38 PM
Parent: #130

محمد السر صاحبي

ما سمعت المثل البقول حبيب حبيبك حبيبك


اها شفت ياعزيزي تماضر دي انا بحب ليها(الخير) كيف


(وجه مفتفت من الضحك)


الخير




فيما اختار الله

Post: #132
Title: Re: احب تماضر
Author: Mohammed Haroun
Date: 01-18-2006, 06:09 AM
Parent: #1

الأخ الخير - كل ماقصدت أن أقوله إن الدراهم تكسوالرجال مهابة وجلالا.

فأرجو أن يعمنا خيرك.

Post: #133
Title: Re: احب تماضر
Author: Tumadir
Date: 01-18-2006, 06:38 AM
Parent: #132

اجمعونى

شفتو بدر الدين قال ليكم شنو؟

شتتتونى

خلاص اجمعونى

الليلة يوم تمنطاشر يناير

عندنا ناس اهم منى

الاتنين عشاق
و
دايرين الحب

وذكراهم اعطر منى



عندنا فنان جميل

عطر الفسحة كلها ..بالالحان الشجية

لو بنحب اغنياتو ولا من ما بنحبها ما بنقدر الا نحب مواقفو
وتكريسو للجمال
كان داير يشحن الناس بالحب ويخليهم يقيفوا على كرعين العزيمة ..ويمشوا بدون توقف..لافق جميل..وبعيد ومضىء.
لكن ما قدر يواصل..
جدعناه. واهملناه .بين الاوراق الرسمية والاجراءات ..والغفلة ...

غفلنا ..ومات

قطع قلب الناس..وغناه ما وقف النبرة الحزينة ...ولا وقف

من يومو الغفلنا وفات..


والعاشق التانى مفكر ..ورسول لحرية الفكر

ادى رسالة ولسع كان مشغول بيوصل فى رسالته

وشم الطاغوت ريحة الحرية بتطلع من جيهاته

واتهيج ..وغار ..وارغى وازبد زى تور..فى حلبة

قرر يوقف ريحة الفكرة الهبت من جيهات الزول ده..

راح حشد الكذابين والجهلة ..والمغبونين ..من افقه الواسع ..ومن رؤياه النافذه

راح حاشد اعلام ..ومشاعر الناس ضدو..

وحشد المهووسين ..دينيا والمهووسيين ذهنييا ..نفسيا ..

حشد الجيش والناس..والمقصلة والجلاد..

وجا العاشق

وجهه العاشق ..ما فيه عضلة ارتجفت

جا العاشق قلبو العاشق ما كان برجف
وجا العاشق ..

طلع السلم .

.فى تؤده ..

وقار وسكينة
زى الماشى يصلى ..طلع واتوجه جيهة ضوء الرب ما بيشرق

وطمن ناسو الكانو يوحدو..ويبكو فى نفس الآن

واتزلزل عرش الجلاد فى لحظة

.وفى ناس كانوا بشوفوه شوف العين انه الجلاد هو المشنوق..والعاشق هو الشانقو وبيضحك..

العاشق صعدت روحو..
والجلاد بقى هو المتهاوى ..والتاريخ الكاتب اسمو هو الجثه المجدوعه ..فى صحراء التيه..

من اعلى علا..
اسم الجلاد راح متهاوى ..ومجدوع فى صحراء ما معروفة

واسم العاشق ..اصبح شجرة ..

مغروسة فى قلب التاريخ

وفى قلب الناس ..صفقة

فى كل قلب..اخضر صفقة..

لاحظوا الشجرة ..دى كبرت كيف..

جذع فى اخصب حته من التاريخ..وصفقه ..فى كل قلب..

عبر الاجيال الصفقه بتورث..للاجيال صفقة..

اخضر واخضر..


خلونا الليلة نغنى عشان العشاق..

Post: #134
Title: Re: احب تماضر
Author: يازولyazoalيازول
Date: 01-18-2006, 09:13 AM
Parent: #133

أحب تماضر


Post: #135
Title: Re: احب تماضر
Author: يازولyazoalيازول
Date: 01-18-2006, 09:15 AM
Parent: #134

أو كما قال


Post: #136
Title: Re: احب تماضر
Author: saif massad ali
Date: 01-18-2006, 09:24 AM
Parent: #135

هشام جبريل يا شيخ
لو بتحبها ورد ليها صلاة الفاتح الف مرة ليلة السبت

Post: #137
Title: Re: احب تماضر
Author: ود المايقوما
Date: 01-18-2006, 09:53 AM
Parent: #1

الحبيب / خدر


لك التحية ..


كل عام انت وتماضر وجميع المتداخلين بالف خير ..


وشوف لي طريقة معاك عشان انا كمان برضو بحبها . مع سيف مساعد ماحتقدر تغمض عينيك يامان .

التحية لتماضر وجميع الرائعين .

تحياتي .


Post: #138
Title: Re: احب تماضر
Author: الجندرية
Date: 01-18-2006, 01:43 PM
Parent: #1

شكلي انا وسيرين بت تماضر اللي حنطالع تراث الخلا

قمرً المحبة في استدارته لها
ولعشاقها والعاشقات

Post: #139
Title: Re: احب تماضر
Author: yasir Abdelgadir
Date: 01-18-2006, 03:28 PM
Parent: #138


Post: #140
Title: Re: احب تماضر
Author: Emad Abdulla
Date: 01-19-2006, 11:38 AM
Parent: #1

المشهد الأول : قطع ناشف ( ... قصدي قطع ليلي ) ..
المنظر داخلي :
خيمة دولقانايه قديمة كدي .. و حصحاص كتييييييييييير .. وفرناغه .

أدخل أنا - الفارس - متكبنا فرسي الأبيهق التنكنوري .. مكوركن :
: - خدرون .. يا خدررررررررررررون هوي !!!!
( خدرون مشنقلون لاحقون أمات طه .. والكرعين رقاااااااق ومقشفات )
: - والذي نفسي بيده .. لقد سُفح دمك يابن أمي ..
أجبني يا رجل ..
ربااااااااااااه
يا للهول .. قد صمت الفتى ..
يااااااا معشر قُشير .. يا معشر قُشير

ذهب الفتى في ( حق الله سااااااااكت ) و أيم الحق ..
قتلته تماترون ابنة الشيخخخخخخخخخخ ..
لن تموت أونطتون و فطيسون.. والذي نفسي بيده

( مكوركن تاني شدييييييد المره دي )
: - إلىّ براحلتي .. إنها الحرب
ولن تأكل قدومك ( بعاشيم ) الفلاة أمثال بدر الدين بن شناتويه التلككي ..

التار التار
ولا نامت أعين تمبسن ( تنوينك شين يا تمبس )
ويا تماترون .. . الليلة أرجيني ساكتون بس .

........
الفصل تماينه من تمسيلية : الليله وين .. الدَّق

Post: #141
Title: Re: احب تماضر
Author: الخير محمد عوض
Date: 01-19-2006, 06:17 PM
Parent: #140

كتب الاخ محمد هارون هذه المحاية

Quote: الأخ الخير - كل ماقصدت أن أقوله إن الدراهم تكسوالرجال مهابة وجلالا.


اي طلاسم اتيت بها في خيطك المهترئ هذا????

ابن افصح

Post: #142
Title: Re: احب تماضر
Author: Mohammed Haroun
Date: 01-20-2006, 00:42 AM
Parent: #1

هي من شاكلة المحاية والطلاسم التي كتبها الخير.

Post: #143
Title: Re: احب تماضر
Author: الخير محمد عوض
Date: 01-20-2006, 04:10 PM
Parent: #142

Quote: هي من شاكلة المحاية والطلاسم التي كتبها الخير


????????????????????????? ?????????????

Post: #144
Title: Re: احب تماضر
Author: Mohammed Haroun
Date: 01-21-2006, 05:18 AM
Parent: #1

أخي العزيز الخير

لو كنت أعرف رقم هاتفك لما حدث بيننا ما حدث من سوء فهم للمحايات والطلاسم المتبادلة. فبين لندن وهامبشير الأمريكية آلاف الأميال.

أرجو الإتصال رقمي في البروفايل.

Post: #145
Title: Re: احب تماضر
Author: خدر
Date: 01-21-2006, 04:26 PM
Parent: #144

Quote: أخي العزيز الخير

لو كنت أعرف رقم هاتفك لما حدث بيننا ما حدث من سوء فهم للمحايات والطلاسم المتبادلة. فبين لندن وهامبشير الأمريكية آلاف الأميال.

أرجو الإتصال رقمي في البروفايل.


لله دره الموبايل من وسيله لرأب سوء الفهم بين الاحباب
تهاتفوا تفاهموا .. فإن ابغض الكلام في امر الاصدقاء خشنة
محمد و الخير
سنقفل البوست الان بنباء مهاتفتكم الشارحة لما سبق من (عترة)


و سلام
___________
لا مذيد من التوضيح رجاء
فهذا البوست كان للحب
للحب فقط

Post: #146
Title: Re: احب تماضر
Author: Tumadir
Date: 01-21-2006, 05:39 PM
Parent: #145

Quote: سنقفل البوست الان بنباء مهاتفتكم الشارحة لما سبق من (عترة)


والله ما بتقفلو

بوستك؟؟



Post: #147
Title: Re: احب تماضر
Author: خدر
Date: 01-21-2006, 05:59 PM
Parent: #145

ابونا و اخونا وردي

تعظيم سلام
فأنت ممن تُرفع لهم التحيه العسكريه و تنحني الهامات امام ما قدموا من عطاء .. و انت
تعلم ذلكـ جيدا
يا ابانا و اخانا و صديقنا الذي نعشق
عليكـ
قلبي الحابيكـ ما خان لياليكـ
و يا راجياني و ما ناسيه هواي
و خاف من الله علي قلبي
و حلفتكـ يا قلبي
ولو بإيدي
و
...
..
.
بإسمكـ الاخضر يا اكتوبر الارض تغني
اكتوبر دنميتنا ساعة الصفر ركيزة بيتنا
السجن ترباسوا انخلع تحت انفجار الزلزلة
بلا و انجلي ,, حمدلله الف علي السلامة

....
...
..
.
الي اخر هذه السلسلة النديه من الاغاني و الاناشيد







ما كان العشم ..
عشقناكـ مصادما و غنيناكـ مُلهما و نحن الان نتحسر عليكـ سياسيا
لا تظن اننا فنانون حالمون او معجبين لا يفهمون لعبة السياسه او
غريرين يسوقهم الحماس
نحن من احبك و غناكـ اسما و رسما و وسما
انت لم لست محمد عثمان والد كل من ع. الوهاب وحافظ و حسن و مظفر
لا
انت فنان السودان محمد وردي
عارف لمن يقولوا في مُشجع مات في الاستاد يعني شنو !!
يعني زول وهب حياتو فداء فنانو المفضل او فريقوا المفضل

....
...
..
.
قصه ظرف و مناسبة زواج دي
ما مبلوعة
انت اكبر من هذا الهراء عندنا
فـعُد الينا .. نحن في رجاكـ
ولا تتأخر فالتاريخ لا ينتظر ولا يرحم





_________
التوقيع
معجبين فنكـ و مواقفكـ


عنهم

مولانا خدر
او
طارق ابوعبيدة

Post: #148
Title: Re: احب تماضر
Author: Tumadir
Date: 01-21-2006, 06:03 PM
Parent: #147

وعنهم ايضا

تماضر شيخ الدين..

Post: #149
Title: Re: احب تماضر
Author: الخير محمد عوض
Date: 01-21-2006, 11:35 PM
Parent: #148

اخي الحبيب طارق

ماوجدتني الا طارق لمحراب حبكم الجميل هذا

استاذن افاق لم تترك لهااوعليها وعثاء غربتنا المهلكة

هذه للنفس ما يطيب خاطر...عرفتك وقراتك انيقا

تدخل ابواب الوردة من اوسع رحيق...مفضال كريم شفيف

ستظل دارك الخضراء هذه مفتوحة للفراشات باسم من

تضيف لهذه الحديقة الغناء كل يوم زهرة بلون فرحكم

وفرحي بها(تماضر)....

احبك

احبها

ولك العتبى حتى ترضى ايها الشفيف.

Post: #150
Title: Re: احب تماضر
Author: عبدالرحمن عزّاز
Date: 01-22-2006, 00:05 AM
Parent: #149

مولانا خدر...
والضيوف الأماجد........
ما عارف ليه دائماً لمن تجى سيرة تماضر بتذكر
تماضر شيخ الدين ملاك هبط بيننا
(عادل عبدالعاطى)
ليت لى أختاً من أمى و أبى إسمها تماضر شيخ الدين، فهى أطول النخلات فى بلادى.
(خالد عويس)
تماضر شيخ الفن
(الطيب بشير)
تماضر ال أى حاجة ..........مشتهى و تمنى
فليحبها كل منا بطريقته الخاصة
كيفما يشاء،،
كنت متمنى أشوف صورة تماضر، الوكت داك معلقة ليها صورة بتاعت مأساة وحقوق إنسان
صحبى و أنا بدينا نتخيل شكلها كيف قام وصفها لى تقول شافها!
طيب لونها كيف؟
قال لى خاتف لونين فى حالة الضوء، مالك ما عندك خيال؟
ولأنها ضواية و وهج وحاجات تانية حاميانى،،،
بتبقى تماضر هى ...
الإنسانة..
الفنانة...
الأخت...
الأم ...
الحلم..
البشارة ...
و الأمل بفجر جديد...
و .........
سلام و إحترام لمحبيها و الجميع هنا.....؛؛؛؛

Post: #151
Title: Re: احب تماضر
Author: عاصم الطيب قرشى
Date: 01-22-2006, 01:29 AM
Parent: #1

طـــــــــــــــــــــــــــــــــــــــــــــــــــــارقـــــــــــــــــــــــــــــــــــــــ
يــــاغيــــــــــــمـ
ياخـــــــــــــــــــــــــــــــــــــــــــــــــــدراليبابــــــــــــــــــــــــــــــــــ
يــــانـــــــــــــور
قـــشـــــع مدنـــــــ الضبابـــــــــــــــــــــــــــــــــــ


ليك وحشـــــــــة يــــــــــابسة
تبلها شوفة العين والسلام الحنيــــــن

ماك طيب
يطيب خاطرك
يكف شينتك
يقضى غرضك
يداوى مرضك
ويعدل خطوتك
البلا مايجيك

اما بعد
هاك حبة من الوطن وردي كما احسه وكما قلته نصا لتمبس الحفى

* ما زال إستقلال السودان عندى يوازى نشيد الإستقلال قى ذاكرتى السمعية مقرونة بكل الحنين

لتلك الفترة الجميلة من تاريخ السودان ونحن نردد هذا النشيد فى الجمعية الأدبية بمدرسة قيسان

الإبتدائية والروصيرص فى أوائل السبعينات, هذاالحنين أو النوستالجيا كما يسميها الغربيون سمة أساسية فى كل الأغانى السودانية الأصيلة, غير أن ملامحها أوضح قى أغنيات وردى والتى كثيرا ما تلون فضاءاتنا بألوان تستنفذ طاقات كل الرسامين ولا تمزجها ومعادلات كل الكيميائيين لتفضى إلى سيمياء السحر,
فقد سكب عليها وردى ماء الورد ولون الورد وكل دلالات إسمه الوردية التى صارت صفة من بعد.
أغنياته تنبع من عمق تشبع بالإنتماء, لذلك تنفذ للروح بلا مشقة(الطير المهاجر,المستحيل,الحزن القديم..........) إلا الود التى مزجت بين الوقوف على الأطلال (شعرا) والإطلال من برج إستشراف قلعته الأسطورة (موسيقى)

* وردى عندى بكل صدق يعنى = أو يوازى السودان السمح ,تلك الصورة التجريدية والأحاسيس

والذكريات التى استدعيها كلما أغمض عينى لأستمع لشريط الود والطير المهاجر.

أما عن الفراشة التى لقحت أزهار قلوبنا فحبلت عشقا فسيكون إتفاقى معك محور خلافنا الأبدى
لأنها بحجم الفكرة, تسع كل العشق
ولأنها تجيد الدفء بدثار كلامهاالذى يقي قرس الجليد فى شتاء العمر
لقد أسكنتها بيت شعر





أ

Post: #152
Title: Re: احب تماضر
Author: يازولyazoalيازول
Date: 01-22-2006, 01:35 AM
Parent: #151

بالله شوفو جمال أهلنا

Quote: ماك طيب
يطيب خاطرك
يكف شينتك
يقضى غرضك
يداوى مرضك
ويعدل خطوتك
البلا مايجيك

Post: #153
Title: Re: احب تماضر
Author: خدر
Date: 01-22-2006, 06:29 AM
Parent: #152

!!


عاصم الطيب !!
الكمنجست .. كمنجتو صاحبتو !!
الجيتارست رغما عن انف كمنجته الغيوره !!
بتاع التأليف الموسيقي الدون غنا اهلنا في الانقسنا والنيل الازرق !!
المُغني الجيد صاحب الصوت الفارسيت الممسكـ بتلابيب صولفيج الاغنيه !!
عاصم الذي سبقني بدفعتين في المعهد العالي للموسيقي والمسرح !!

...
..
.
ياربي !!
ولا اسم علي اسم !!
ده لو انت فعلا !!
يبقي بكري طالبني دين كتير ثمنا لوجودكـ بيننا
وان لم تكن انت
فمرحبا بكـ بيننا

_________
(قرشي) ده ما ادونا ليهو يا تمادر

Post: #154
Title: Re: احب تماضر
Author: يازولyazoalيازول
Date: 01-22-2006, 06:35 AM
Parent: #153

يا خدر انت ما عرفت الزول ده ولا شنو؟

ياخ ده عاصم ود عمك الطيب قرشى

ياخ عمك الطيب ابو عاصم

ياخ ود ناس قرشى ، انت نسيت ولا شنو؟؟؟؟


Post: #155
Title: Re: احب تماضر
Author: خدر
Date: 01-22-2006, 06:40 AM
Parent: #154

يازول ما تجهجهني ساكت
عاصم البعرفو انا
كتبت جزء بس عنو فوق
ياهو ولا ما ياهو !!









________
اسه يجيني قريبكـ داكـ
(ياهو زاتو ) يقول لي انت ناديتني
انتو مالكم كلكم
(ازول)و (ياهو)
ماعندكم هوت ميل بالمرة

Post: #156
Title: Re: احب تماضر
Author: يازولyazoalيازول
Date: 01-22-2006, 07:08 AM
Parent: #155


Post: #157
Title: Re: احب تماضر
Author: nazar hussien
Date: 01-23-2006, 00:14 AM
Parent: #156

yahoo

Post: #158
Title: Re: احب تماضر
Author: عاصم الطيب قرشى
Date: 01-23-2006, 05:18 AM
Parent: #157

وكمان فاتح لى ورشة موسيقى وما لاقى زبائن

يلا ألبس ابرولك وشيل عدة الشغل وأبفى لى قدام

أهلا

Post: #159
Title: Re: احب تماضر
Author: تراث
Date: 01-23-2006, 03:53 PM
Parent: #158

تماضر
يصراحة كدة ، بحبك انت

وهي


لكن في واحدة تالتة قاطعة قلبي عديييل .

Post: #160
Title: Re: احب تماضر
Author: saif massad ali
Date: 01-23-2006, 04:23 PM
Parent: #159

وانا والله بحبكم كلكم

Post: #161
Title: Re: احب تماضر
Author: محمد الامين احمد
Date: 01-23-2006, 05:52 PM
Parent: #1

محبتى للجميع

و هى تستحق كل هذا ، يا جماعة ما تجيبو لينا الوافر شيخ الدين هنا فى البورد، ممكن ؟

أ. تماضر دى هدية (اسفيريه) اتمنى تعجبك (بانر لمكتبتك بسودانيز اون لاين)



تخريمة

ابو حراز كلامك ده انا طبعتو و حقولو للعايزو من غير الاعتراف بحقوق

الملكية الفكرية


و شكرا ابو لقاء على هذا الفرح.

Post: #162
Title: Re: احب تماضر
Author: تراث
Date: 01-27-2006, 03:05 PM
Parent: #161

بالمناسبة ياخضر انت بقيت فنان أسرتنا المفضل .
طول اليوم الجندرية مشغلة فنان يغني .. نقوم الصبح وهو بغني ، نجي من الشغل يبدأ يغني تاني ، ثم يسمتمر في الغناء حتى ننوم .
اسالها: ده الجابري ؟
تقول . لا ده خدر
اسالهاخدر منو؟ : تقول لي :" ياخي خضر صاحبنا .. خضر وبارعة.
وتستمر الأغاني .
اسالها: ده فلان؟
تقول : لا .. ده خدر بارعة
اسالها: ده فلان؟
تقول لا : ده خضر بارعة.
....
...
يحدي ما بقيت ياخدر فنانا المفضل .
لكن لاحظت في الأيام الأخيرة لمن أسال ده منو . وبدل ما تقول لي الجندرية انو ده خضر بارعة بقت تقول لي ده خضر النزل بوست قال فيهة انه بحب تماضر .
وبعدين بقت تختصر الجملة الطويلة دي وتقول : " ده خضر تماضر" .

خضر نازلني الخلا .

،

Post: #164
Title: Re: احب تماضر
Author: عصام عبد الحفيظ
Date: 04-04-2006, 11:44 AM
Parent: #162

******** *