أيها العالم: اهديك ...سارية وسيرين

يبلغ من العمر 22 عاما

سينال درجة الماجستير فى بيوانفورماتيك فى مايو المقبل

فى نفس سنين اكمال البكالوريوس...

حقق انجازا علميا كبيرا فى مؤسسته الاكاديمية ..مما حدا باساتذته بتشجيعه للتسجيل للدكتوراة..

وقامت الجامعه بعمل الاختبارات اللازمة لذلك ...

جاءتنا النتيجة بالامس:



تم تسجيل الابن البار سارية بالامس لتحضير درجة الدكتوراه...فى علم جديد يجمع ما بين البرمجة فى الكمبيوتر وعلوم الاحياء.

وياعين يا عنية ....ويمنعنى التزامى بمبادىء المساواة وحقوق الانسان من اكمال الباقى....

والجكس يقيف فى الصف الورا....


اما سيرين ....بتى الحلوة والتى تدرس الهندسة والفيزياء...فى سمث كولج...فقد تم اختيارها لمصاحبة الفيزيائى الدكتور استاذها...لقياس عمر الكون.....

بوريكم عمرو كم لما تخلص

ماشاء الله
مليون مبروك ساريه /سيرين

الي الامام

العزيزه تماضر

يحق لك الفخر بساريه و سارين

الف مبروك

Quote: اما سيرين ....بتى الحلوة والتى تدرس الهندسة والفيزياء...فى سمث كولج...فقد تم اختيارها لمصاحبة الفيزيائى الدكتور استاذها...لقياس عمر الكون..... بوريكم عمرو كم لما تخلص

اها، نحن مستنين يا سيرين

حاجة تفرح و الله؛

ابحث عن مثل يشابة هذا الشبل من ذاك الاسد؛

لانسب لك الامر الا انني لم اجد؛

اعتبريهو وصل غايتو.

بس اعملي حسابك من العين و كدا؛

و ما شاء الله تبارك الله.

قطعا ليس غريبا على احفاد الششيخ شيخ الدين وربنا يحفظ

تهانينا القلبية لسارية وسيرين ..

ربنا يوفقهم ويجعل النجاح حليفهم دائماً ..

تحية كبيرة لقريبتي تماضر بت شيخ الدين ..
وإن شاء الله دائماً أيامكم أفراح في أفراح ..

ربنا يحفظهم وويخليهم ليكي يا تماضر
محمد ده ما لحقناه
سيرين كيف؟

تحياتي وحبي
زولة123

ماشالله
وربنا يحفظهم ليك
وعقبال الدكتوراه ليهم الاثنين

كما تردد حبوبتي (ولادة الهناء)

الأخت تماضر
شيء مفرح
تستاهلي يابت شيخ الدين

Quote: بس اعملي حسابك من العين و كدا؛

من واقع تجارب

Quote: وياعين يا عنية

Quote: وياعين يا عنية

ربنا يحفظهم وينفعوا والديهم اولا واهلهم وسودانهم


وياعين يا عنية وياعين يا عنية وياعين يا عنية وياعين يا عنية وياعين يا عنية


وياعين يا عنية

مليون مبـــــروك....
التفوق العلمـي لأبـنــــائـنا في الغـربــه
فـخـــــر لـــنـا جميعا .....
ومبروك ليك ولكل أم كانت وراء تفوق أبنائها الاكاديمى ....
فوراء كل عظيـم إمرأة .........

فعلا نعم الإله على العبادة كثيرة
أجلهن نجابة الأبناء

تماضر ربنا يقر عينك بيهم ويفرحي بيهم كمان وكمان
واسمحي لى أهدي ليكم الأغنية الأهديتها لسحر أختي لسيرين .. اما سارية فهو تتقاصر أمامه الكلمات ..
لكم الود

ألف مبروك لسارية وسيرين.. مزيد من التوفيق..

التهنئة مني ومن إلهام.. وعندما أعود إلى المنزل سأخبر امتثال والشريف..

التهنئة موصولة لجميع آل شيخ الدين وخاصة هشام والصادق وقصي..

ساريه وسيرين : (50 الف مشجع لن يشفعوا للترجي امام الهل...! بأذن الله منتصرين.

الاخت تماضر
الف مبروك لسارية و سيرين..
ومع نجاخهما الاكاديمي نتمني ان يكون لهما وعي امهما بالحياة و بالقيمة النبيلة

ايمن بشري

حاجة عظيمة جدا
وحلوة جدا
ومفرحة جدا
ومتوقعة جدا
طالما انتى امهم

تماضر ...
مبرووووووووووك ...
و لا عجب .. فمن تربى على يديك
لن يخيب يا تماضر ...

Congratulations Tumadir. This is really great. May Allah provide them with all the success and make them among the Saliheen.o

Quote: وياعين يا عنية ....ويمنعنى التزامى بمبادىء المساواة وحقوق الانسان من اكمال الباقى....

ياعين ياعنية .. ياحاسدة ياشرانية*.. عرضتك نبيا..
عين الحسود فيها العود وعين الصبى شرا غبى

السطر الأول للمرأة والثانى الرجل لزوم المساواة

مبروك ياتماضر وومع* كل عظيم إمرأة

نعم الإله على العباد *** كثيرة وأجلهن نجابة الأبناء
_____________________________________________________

*ملاحظة بعض التراثيات أصبح تعديلها ضرورة كما بعض الأمثال

مبروك للسودان اولاً
فمن حقه أن يفخر بتفوق بنيه

ومبروك لنا بتفوق اخواننا و اخواتنا

ومبروك لتماضر الحصاد

مبروك سارية

مبروك سيرين

Way To Go

اختي تماضر

والله فرحان ليك شديد

وفرحان للأولاد الدكاترة

غايتو مبروك

كان زرعك جيدا
وكان الحصاد اجمل

وربنا يحفظهم لينا

الف مبرووووك
نجاحات سارية وسيرين
ومن نجاح الى نجاح
وهكذا الوطن دائما رائعا
بابناءه الجميليين
تهانينا

يا أم سيرين وساريه الجبل الجبل الجبل.....هنالك بجبل الأولياء يوجد الشيخ الياقوت ..... حجبى الأولاد
التهانى لك ولهما ولذويهم اين ما وجدوا..... فهذه أمة لاينبغى لها ان تجوع وتعرى....فدكتور معز ودكتور محمد الطيب باليمن وسيرين وساريه إشارات البشري لغد واع وواعد

فالامانى لك ولجميع ذويك




منصور

مفروض








مش إنتي أمهم


ربنا يحفظهم ويعليهم
وشكرآ لهم ، يرفعوا رأس الوطن

و

سارية + ساندرا

يللا { دقوا مزيكة الحواري }

ماشاء الله
عيني باردة
اللهم إحفظهم وغطي عليهم و خليهم لي أمهم

اللهم أحفظهما
و سدد خطواتهما
و أنفع بهما الوطن و الأمة
ألف مبروك .. و إلى الأمام

تماضر .. تحياتي

ما شاء الله
ربنا يحفظهم ليك
ويحفظك ليهم

هؤلاء الخرد
من تلك الخردة

Son and Daughter
Saria
Seyreen

I am very proud of you
and we wish u the best on your future

Naila/Nasr

Dear Tumadir
God bless you
God bless them

Maha Bashir

ماشالله
وربنا يحفظهم ليك
وعقبال الدكتوراه ليهم الاثنين


*********


انا واقف فى صف العرسان

تماضر الحبيبة

ربي يحفظ ليك سيرين و سارية

ويفرحك دومآ بيجديهم

يا سيدتى
لن تصدقى مقدار فرحى
لك
للسودان
للعالم
همااضافة للانسانية ..

....

تمـــــــــــاضر

ساريـــــــــــة

وسيريــــــــــن
....
ثمة ما يدعو للفرحة والغبطة هنا
....
بكم ولكم

المفطوط الاعظم: المــــــــلك


لك كل الاعتذارات..وكل الشكر والتحية من اختك "فطونه" ههههههههههه

حقك على

Quote: أيها العالم: اهديك ...سارية وسيرين

نتوقع مسرحيه

أرحكم..نطالع الدنيا الخلا...شوفوها كان تغلبنا


الله يخليهم ويخليك ليهم

وينجحهم
كمان
وكمان

الأخت العزيزة تماضر....
ربنا يخليهم ليكي....و تفرحي دايماً ب جديدهم.....
ما شاء الله.....تبارك الله.....
ربنا يغطي عليهم.....و يسدد خطاويهم....

أبو ساندرا

Quote: سارية + ساندرا يللا { دقوا مزيكة الحواري }

دا محجوز شوف غيرو

خدورى
كنت متوقعاك تكون اول المهنئين..وما خذلتنى..
هالة الاحمدى سيرين قالت عمر الكون حسبوه ..والفيزيائيين عارفين القصة دى وهم دايرين يعرفوا الجزء الصغير من الثانية بعد الانفجار الكبير داك ..حصل فيه شنو؟

زعلانه سيرين قالت..ما كان يدخلوها فى الموضوع

It's about saria not about sirien.

حسين ملاسى قول ذاك الشبل من تلك الجندرية ..كده كويس
معاك

شكرا اخوى..

عثمان فضل الله..الله يحفظ للجميع

شايفاك يا معتصم اول مرة تقول قريبتك..مع انى من زمان بقول ليك قريبى وانت زايغ..شفت الجنا ده حلو كيف؟؟ هههههه شكرا ليك

زولا123 محمد عمرو 12 سنه..بكلمكم عنه قريب هو ويسرى بعملو فى عمايل نفرها براه...قولى ما شاء الله..


اها ورينى انتى عندك شنو لى سيرين وانا بجاوبك هههههههه

شكرا يا عسل البورد البنقط

النصرى امين بركة الشفتك هنا وانا قايلانى "محاربنى" من ديك...شكرا الف شكر
وبمناسبة امضاءك ده مرة قريت مغيرو زول لذيذ بدل يقول
If u love something set it free,it comes back it's yours,if it doesn't it never was
قال

:If u love something set it free,it comes back it's yours
if it sits in your living room, watches your TV and uses your phone and sleeps in your bed, you are married or gave birth to it.

ريهان

الهنا فالك

الحليلة تفرح بى وليداتك

عبدالله بابكر...ويالف عين يا عنية...
عين الحسود فيها عود وعين الفتاه تقد الوطة وعين الصبى شرا غبى وعين الراجل فيها مناجل..وكل العيون الحاسدة..الله يكفى الشر

محمد عثمان بكرى وفعلا ديل ما اول اولاد سودانيين يتفوقو ...طواااالى القصة دى ربنا يزيد ويبارك وشكرا ليك

والله يا ملكة سبأ جينا انا وسيرين من بره..وفتحت البوست واغنيتك الجميلة دورت...ما تشوفى كمية القشعريرة والفرحة كانت قدر شنو...فرحتينا الله يفرحك ويسعدك بالعندك

ياسر الشريف وتحياتى الحارة لهم جميعا...اما قصى ده فبحكى ليكم عنه مره تانية براه...قر الله عيونكم باولادكم

تاج السر حسن: البوست ده الا بعد اشوفو..لكن شكلو بر فى بر

كل الشكر

ايمن: تصدق لقد سألت عن عظيم...وهم فعلا نشطين سياسيا فى اوساطهم الاكاديمية..وعندهم قيم عاالية ومبادىء ..ودى انا طبعا عندى حاجة مهمة وبشجعهم

عليها..شكرا للفت النظر وشكرا للتهنئة


لنا المهدى ...وتفرحى بوليداتك وشكرا على الثقة

محمد ابراهيم قرض...الف شكر للتهنئة وعقبال بيك نفرح

العوض واشكرك على الدعاء الجميل ومستجاب باذن الله ...وتفرح بالعندك يارب ونهنيك كده

بلة موسى...ههههههه ما قايلة فى زول بعرف الكلام ده غيرنا نحن الديناصورات اهو فى...والمساواة وحقوق الانسان دى نحن ما بنلعب فيها

حتى فى التراث...شكرا ليك

عجب يباركو ليك السمح والزين...الف شكر

الحصاد لسه..."السعادة فى المال" ههههه

احمد حنين مصدقاااااك والف شكر

عبد المنعم سيد احمد ربنا يقدرنا على جزاك ونهنيك بالسمح قريب ان شا الله

منصور المفتاح ..دائما سباق للخير وشفاف نحو العام والخاص...مش حزين انه نكون فقارى ومشتتين فى نواحى الدنيا...وكلنا خير؟؟ شكرا ولابد يوم باكر ببقى اخير

ساندرا..اقصد ابوها...الكلام ده يمكن يبقى جد "عشة مبارك ما تسمعنا" طبعا بتها اسمها سارية ومسمنها على سارية الفاااااالح ده ارهاصا منذ الصغر...

فاضلابى الف شكر ليك ..ويغطى على الكل ويحفظ الجميع

ابو جهينة وليك عاطر الشكر وعقبالك نفرح بى اولادك

محمد السر اللهم امين...وعقبال بيك نفرح

الخرد الاعزاء...انتو اهل ودى مسألة وراثية

مها بشير الوفية

God Bless You Too.

ود العباسية ...هو ده صف شنو كان؟؟؟ هههههه غايتو لو انا طلعت نسيبتك فى الدنيا دى ...اجهجهك جهجهة تشوفا براك ههههه ياخى الف شكر ليك


تارا العزيزة تارة وتارة اخرى لذيذة ههه

الف الف كتر خيرك

معتصم الطاهر ...بصدقو..عندى منو كوم "قدر الكون ده كلو واكبر بى كتير" زى ما بقول وردى واشكرك شديد

فجراوى انا مستعدة اطلع معاك خلا العالم وبراك تشوف البغلب منو؟؟

ممكونة البى الجمال مسكونة ...تفرحى بى جديدك...وجديد العندك

بلة موسى: تدفع كم؟؟







وللجميع هاكم الشبال ده....

ومنك لى غادى لهذه المساحه لانسانه اسما (ام ساريه وسرين).. تدعى تمـــــــاضر
قاسم الاشياء التى جعلت الموج الصدق يعيد ترتيب الطبيعه فى قانونها الجديد00
ان نصله هذا التمثال مستحيل لكن يكفى ان ناخذ صورة (منهما)بالقرب منه (الحلم)
من كل القلب الان يزيد النبض انفعالا لهذه النتيجه00
وبالتالى يكاد الان فى مقربة للطيران........
ساريه وسرين احبكم بحر000
ومن كل القلب موجكم هدر..
بان نراكم كما تتمنو ونتمى كذلك...

معتز تروتستكى ..وقبل ان استعيد توازنى..تشرق لى كلماتك فى افق وراء بحار ارهقتها احزان.. المغيب..

ما اعبقها..واجملك...لك محبتهما ومحبتى..وشكرنا الذى لا يندمل.

ما شاء الله تبارك الله
الأستاذه تماضر+ساريه+سيرين
ربنا يحفظكم و يرعاكم

ويا عين يا عنيه يا كافره يا نصرانيه

الاخت العزيزة تماضر


الف مبروك لهذا التفوق الباهر

والف تحية لكى ايتها الام العلم

تماضر




أقول شنو ؟
فرحت بيهم وزاد فرحي بيك .
و ........
.......
......
.......................................................
....

داير أواصل لكن خايف على البادوث . خلينا نتلاقى عينك عينك .. وأتحدى حينها البحاول يفصلني منك .

تراث: طبعا نحن بيناتنا فى شراكة...ما عارفاها معلومة ولا مجهولة بالنسبة ليك..


ده سر ظليت احافظ عليه كل السنين دى ولاول مرة اذيعو...




انا بحب مرتك....



هههههههههههههههه...


ولا اكمل الله لكم باندوثا فى نجاح لديكم...

رانيا بابكر وفرحك بنا لا يقل عن فرحى بك..فى معرض الزهور...لك التهنئة ثانية...والمحبة ذات الورود.

ربنا يحفظك ويعلي مراتبهم
آمين يارب

الواثق:

يكفينى ان اقبض على "سارية" العلم وليرفرف عاليا ..وكل الحبايب يكونوا معانا .معانا وينافسوننا فى الجمال والتفوق.

شكرا ليك يا اصيل

بخاف اللهم امين...وتفرح بالعندك

افرح سارية هاك شبال وزغردى تانى ياسيرين


اولاد النبوغ بالحيل محروسين برا وياسين


افخرى ياتماضر حق ماضاعت عليكى سنين


كفاية تكونى انتى الام ويكون الجد هو شيخ الدين!

نادية السمحة والله جيتك محرية

وسمح القول مأصل فيكى ما عارية

بكرة نشوفو فيك ،فرحة جناك تلقيا

نزغرد نملا حوشك والشبابيل مية

المداخلة دى لى صديقاتى الغايبات وعارفاهم كانوا حيهنونى ويفرحو لى:


جندرية ام هبوية: النجاح حارسها والفلاح راجيها


اشراقة ام مرافى وواصل...الولدة الناجحة


بيان من جيناتكم يا ستى


رجاء ونفرح لى جديدك وشكرا على الكرت

راوية والف عقبالك...

مريم محمد الطيب: ما مشحودة ياهم جناك

شيرى انتى وين؟

عائشة مبارك عمرو اول ولا سارية نقول

عالية: ام فاطنة السمحة


الحاضر يكلم الغايب

وياحليلكن....

Quote: بلة موسى: تدفع كم؟؟

ليه هو هندى يا تماضر?

هندى؟؟
يابلة موسى مالك دايرنى ارجع لى ناس حقوق الانسان عدتهم وانزل ليك فى الهنود ..سلخ؟؟ هههه هنود شنو كمان؟؟ ده سارية صلاح عوض الله...خمج كمان؟؟ وتعال اوريك عنصرية الامهات على اصولها..

ربنا يحفظكم ليك وللوطن العزيز

يا اعتزازنا وحلة فرحنا

العزيزة/ تماضر

ربنا يحفظهم.
كنت شاهدا علي تفوق هذا السارية منذ أن كان
في بلاد الملايو.

اتمني لهم ولك مزيدا من النجاحات.


عماد خليفة

عماد خليفة بالله انت بتعرف اولادى؟؟ والله ده شرف كبير لى..


شفت الناس دى مولعه ذكاء كيف؟؟


ربنا يخلى..طبعا صلاح عوض الله مصر انو دى جيناتى...وانا مصره انها "جيناتى" ههههههههه

لك التحية..

الفاتح....يا صديقى الوفى...ونفرح بيك كمان...

يا سارية...امسك الخشب امسك الخشب
طبعا دي علي وزن
يا سارية...الجبــل الجـــبل

Quote: أيها العالم: اهديك ...سارية وسيرين

ونحن نهديك تهانينا القلبية لهذا التفوق الكبير
ونفرح لفرحك وانت تتذوقين طعم نجاح الابناء والذي
لا يعدله اي فرح آخر في هذه الدنيا.
الف مبروك لسارية وسيرين وهما يعبران طريق النجاح
في بلاد تحتفي بالنبوغ وتفتح له المنافذ الي السماء.



وينو الشربات

تهانينا القلبية بهذا التفوق

أختى المبدعة أم سارية وسيرين

الاستاذة تماضر

ماشاء الله ربنا يحفظهم ويوفقهم فى كل مناحى الحياة..

التحية لك ولوالدهم الفاضل أستاذ صلاح عوض الله فهما فخر لكما ولنا وللسودان..

مازلت أذكر هدؤهما وتفوقهما وهما مازالا يافعين ..

أغر الله بهما أعينكما..

عمهم وخالهم
عبدالعزيز خطاب

خال العيال عبد العزيز خطاب:

ولك منى اجمل الشكر ....وفعلا ابوهم اتصل امس وقال من ما عرف الخبر ما نام..

ده فرح كبير..والحمدلله الشاركتونا فيه..



"أجلهن نجابة الابناء"!!! شكرا لمودتك

بسك الله ما شاء الله ألف ألف مبروووك

من أكونا حاتم!

معروف سند...ياااا هلا بيك وتسلم..اخبار الخاتم شنو؟؟

عمر على ..انا اجيب سارية وسيرين وانتو تجيبو الشربات...قسمة حلال وبلال؟؟

الي بنت الأستاذ الكبير ومربي الأجيال العظيم
الي أم ساريه وسيرين

نعم الآله علي العباد كثيرة وأجلهن نجابة الأبناء

أكاد أن أري أن والدك ووالدهم ووالدنا جميعا يبتسم في قبره لهذا الخبر الجميل
سيروا وعين الله ترعاكم
أخوكم د متوكل

Quote: نعم الآله علي العباد كثيرة وأجلهن نجابة الأبناء

دكتور متوكل وده بالضبط البيت الكان برددو ابوى الله يرحمو كل ما نتفهلو ونعمل نجاح...

شكرا كثيرا...وانت تذكر هؤلاء الاحياء دوما فى الخاطر..

الأستاذه تماضر
أنشاء الله ربنا يحفظـهم و يفرحنا بنجاحهم كل يوم ويشرفونا كمان وكمان
و يكون مثال لكل أولادنا الفي الغربه

ودي وتقديري

محمد علي

ياجماعه ادونى خاطركم..

فى حالة طارئة هنا...برجع ليكم..

وكل المارديت عليهم برد عليهم لما ارجع...



اسفى

محمد البشير: طيب ديل ما اولادكم الفى الغربة زاااااتهم ...مش طلعنا نسايب؟؟

الف شكر على معرفتك واصالتك..وعلى التهنئة...

الاستاذة تماضر.....

مبروك عليك انتي في الاول هذا النجاح ...وهذه المثابرة علي العلم...

وخالص التهاني لسارية وسيرين... ومزيدا من التفوق والنجاح..

كل التحايا...

وابقي عشره علي التعويذة من:

Quote: عين الحسود فيها عود وعين الفتاه تقد الوطة وعين الصبى شرا غبى وعين الراجل فيها مناجل..وكل العيون الحاسدة..الله يكفى الشر

ألف مبروك لسارية وسيرين

الشريف

شرفت..كتير

والف شكر على التهنئة..وعقبال افراحكم

ايهاب الطيب...فعلا التهنئة لى انا...اولا ولى كل الاباء والامهات البستثمروا الغربة بالنجاح والتفوق..


وانت منقطع مالك؟؟ ما سمعت منك قبل مده..ان شا الله خير..

hello Tamadur ...
i just saw your post, i hope i'm not late..but really congratulation to you and to both of them .. i will be calling saria today ...really happy for him....
regards

مهاثرررررر عقبالك ..

نمرة سارية البتعرفها اتغيرت..لو داير الجديدة تعال لى فى المسنجر اديك ليها...انت الخفيف ههههههه

الغالية تماضر
هدية من ايدك مقبولة
شباب وعلماء للسودان
ولادة الهنا ما شاء الله

محمد سيد احمد: فى حديث شريف بقول "تهادوا تحابوا" عشان الحب هديت ليكم..ولما تقبلو معناها قبلتو رمز جميل..

شكرا للقبول.

أ. تماضر

الف مبروك وربنا يوفقهم كمان وكمان

كم يشرفني وجودي في منبر انت أحد أعضاءه ...

الاخت الرائعة تماضر
الابناء سارية وسيرين

كلنا اعتزاز وفخر بكم
حفظكم الله

زوربا...."السودانى": اللهم امين....وفخرنا بيزيد لما تكونوا معانا..

وان شا الله نشارككم افراحكم الجاية..

هانى ابو القاسم:

ويسعدنى ايضا ان انتمى لمكان زاخر بجيل فى مثل حماسك وجديتك...

وان شا الله نسمع بتوفيقك ونصاع اداءك ومجدك...

شكرا ليك كتير

الف مبروك لهم وليكِ انتِ ايضاً ومزيد من التقدم.

بس طبعاً ياتماضر نحنا مازلنا على وعدنا وللا مُش كدا؟ والخاين الله يخونو.

الله يخليهم ويحفظهم

يعنى
تماضر على اعتاب الحبوبة
تماضر

اوع تجيب لى سيرة الكلمة دى يا حمزة سليمان

نحن ناس: forever young

انت مش كده برضو؟؟

هههههههههه

شكرا ليك وعقبال عندك..

الف مبروك يا تماضر لنجاحات العيال وأقبالهم على علوم العصر وفق مايتقبلون لا ما يفرض عليهم . ما أحسنها من تربية . لقد افرحتني أنجازاتهما كما افرحني اسماهما سارية وسيرين.
لدي قصة بعنوان يا سارية
عن شخص كلما تخلى عن جبل همومه هتف هاتف بداخله وخارجه ينبهه قائلاً يا سارية فيعود للجبل من جديد صاعداً نحو الهاوية . لم انشرها لكنها قديمة كتبتها منذ أكثر من عشر سنوات.
ساريتك على النقيض يصعد هو وشقيقته نحو علوم القرن الحادي والعشرين . أحييك في شخصيهما وأحيي شخصيهما فيك يا تماضر واحيي والدهما الذي لم اتشرف بمعرفته.

بشرى الفاضل

يكفى والدتهما انها تشرفت بمعرفتك ياجميل.. ما زلت اذكر كرمك الفائض وزياراتك الوفية لنا فى مستشفى جده عندما كانت والدتى فى فراش الموت...ودعوتك الكريمة لى ولجمع المثقفين والفنانين..ليجتمعوا بى ...ومجموعة الكتب التى اهديتها لى..وكل شىء منك كان رفيعا..وجميلا...


يبقى ان انتظر منك النص ...وتكون قد اكملت دائرة الكرم..


الاسماء من اختيار الوالد ..يابشرى..الان هل عرفت كم هو رفيع ذوقه؟؟

لك محبتى والامتنان...

عصمان حمد: لا لا لا مافى وعد ولا حاجة تعال شيل عدتكم الجبتوها لينا..هدى ماليه لينا البيت

وشن طعمها: عراقى وراكوبة وملاح بامية ...؟؟ قابضننا بيها لى يوم الليلة ونكتب فى الشعر والطنبور تنق تنق تنق والدلوكة طنقا طنقا طنقا طنق...لا لا ياخوى بتى دايرة تبقى رائدة فضاء....الا تجيب لينا كوكب حتى نستعيد الموافقات ونبدا المشاورات...

قال وعدنا قال...

هههههه شكرا ياخى..

تماضر أيتها العملاقة .. أعود بعد غياب اختياري فقط لأضع تهنئتي

يا أم سارية وسيرين .. انجازاتهما شامة في محيا الوطن

وقبله في محياك الوضئ


لك التحية والتجلة

أعود إن أذنت

Quote: أعود بعد غياب اختياري فقط لأضع تهنئتي

عبد الباقى الجيلى؟؟؟

وهل هناك لطف الطف من هذا الفعل؟؟


هذه قلادة شرف البستنى لها...فازداد فخرا على فخر وامتشق الفرح...


لك العز...والافتخار

اخت الاخوان
تماضر شيخ مبروك للعالم
هذا الشباب المسلح بالعلم
في العمر الباكر
ربنا يخليهم ويبعد العين منهم
عثمان احمد

المهندس عثمان احمد: يكفى ان دعوات الطيبين تحيط بنا من كل صوب...


واللهم امين...

لك منى اجمل الثناء والشكر الكثير..

سيرين .. وسارية ..
محبّتي

هنيئاً لكما بهذه الأم الرائعة المتميّزة الفريدة في كل شئ .. وهنيئاً لها بكما بكل جمالكما وروعتكما .

ربّنا يخلّيكن/م لبعض

تماضر

You know what! When I grow up I just want to be like them.

Best wishes.

ثروت سوار الدهب:

انقر يسرى ما كانت بتسألنى السؤال ده...what do you want to be فى المستقبل?


اقول ليها: انا حسة فى المستقبل...البمرقنى منه شنو؟

هههههههههههههه

تكون احسن منهم...بتك الحلوه الشقتها ديك...ان شا الله.. وشكرا يا صديق يا عزيز

لؤى......اخويا لى...



كيف اشكرك؟؟


خليها مستورة...ويوم شكرك ما يجى... وكل التحايا...

Quote: ربنا يحفظهم. كنت شاهدا علي تفوق هذا السارية منذ أن كان في بلاد الملايو. اتمني لهم ولك مزيدا من النجاحات. عماد خليفة

شاهد عيان تاني
اللهم احفظ وبارك
والتهاني عبرك لوالدهم لحين ملاقاته قريباً

الأخت تماضر بت شيخ الدين
أولا التحية لك على حسن التربية وحسن التعليم وحسن التوجيه والتحية عبرك للعالم الصغير سارية وعالمة فضاء المستقبل سيرين
والله هذا فخر لنا جميعا نحن كسودانيين وإنشاء الله ربنا يحفظهم لك وللسودان ونتمنى لهم ولك مزيداً من التقدم والسعادة والصحة

تماضر الحنينه
يا غيمه ماطره عز الهجير
ربى يزيدك ويغرقك فى الخير
تبااااااااااااارك الله وعينى بااااارده
ده فخر لينا كلنا وعزة يعلم الله
الله يرحم مربى الاجيال شيخ الدين
ربنا ضوقك طعم ربايتو ليك
وان شاء الله انتى تضوقى طعم رباية وليداتك
لى جنا جناهم ..آميـــــــــــــــن

Quote: ربى يزيدك ويغرقك فى الخير تبااااااااااااارك الله وعينى بااااارده ده فخر لينا كلنا وعزة يعلم الله الله يرحم مربى الاجيال شيخ الدين ربنا ضوقك طعم ربايتو ليك وان شاء الله انتى تضوقى طعم رباية وليداتك لى جنا جناهم ..آميـــــــــــــــن

ويعنى بعد الدعاء السممممممح ده انا اقول شنو غير امين ياجميلة القلم واللسان...


ويديكى ...وتفرحى بالعندك..يا حبيبة..الكل

حبيب بلدو: التحية لك ايضا على هذه الاشادة ونحن والدنهم ما خالقنهم...زى ما بتقول حبوبتهم...لذا نعتبرها هبة من الله ...ومحبة منه لنا...والحمدلله..

اسعدنى دخولك لهذا البوست...فقد طالت المده ولم نلتق...


الله يديم الافراح..ونفرح ليك ان شا الله قريب.

Quote: والتهاني عبرك لوالدهم لحين ملاقاته قريباً

يوصل يا يس...


معناها ماشى ماليزيا؟؟ بالله انت برضو وصل تحياتنا "العينية" ونحن بنوصل الاثيرية..


وسارية تسلم العين الشافتو...


يفرحك...الفرحنا ان شا الله

العزيزة تماضر


ربنا يحفظم ليك ويبعد عنهم العين

ويوفقك وتفرحي بي تخرجهم

الأستاذة / تماضر

تحياتي ..

حقاً ..

نعم الإله على العباد كثيرة و أجلهن نجابة الأبناء ..

و حق لك أن تفخري بسارية و سيرين ..جعلهم الله ذخراً .. و حفظكم جميعا ..

ليس بمستغرب على من أمه تماضر شيخ الدين أن يكون نابغه . فألف ألف مبروك يا تماضر ومزيد من النجاح والتقدم . والله فرحتيني من جوه الجوه الله يفرحك بيهم دائما .

الحبيه تماضر

الف مبروك

وانشاء الله تكون ذخر لبلدها وللعالم


اشتقت اليكي ولا ادري هل ياتي يوما القاك

Quote: اشتقت اليكي ولا ادري هل ياتي يوما القاك

بالله يا نور الهدى تتذكرى الايام الحلوة الكانت فى البورد ده؟؟ ايام اسمك شجون وفى ناس غدى وبنات جميلات كتيرات وناس قلوبها نضيفة..وزى البيت الواحد؟؟


الحياة اتغيرت..والمنبر اتغير..مع انو فى ناس جميلين كتيرين اتشرفنا بى معرفتهم واستمتعنا بى كتاباتهم...لكن المخربين والمشاكل اخفت ناس جميلين كتار وحرمتنا من التواصل معاهم...وكلو بتمنو...



لكن كويس انك فرحتينا بى رجعتك...واجمل منها انك هنا وبتهنينى على اجمل لحظات فى عمرى ونجاح اولادى...الف تحية وحب وشكر جميل....

ابو قصى...

والله ما شفت كلمة "والله العظيم فرحتينى من جوه الجوة" دى فرحتنى انا قدر شنو؟؟ والله حسيت بى صدقك ووصلنى...

بركة الفرحنا..وشكرا على فرحك معانا...ربنا ما يكسر خاطر حبيب...وعقبال بي اولادك نفرح..

حقيقة يا تماضر بعد وفاة الوالد والوالدة شعرت بهوة كبيرة وفراغ ضخم فى مسيرة الحياة وكنت أظنها نهاية الدنيا ، والآن برق برق نجاح العيال ، فأصبحت الهوة صغيرة والفراغ فى عدم وانحسار ، وأظنها بداية جديدة لدنيا جديدة هم فيها المطرقة والسندان فلنلغى الهم والغم وليذهب اليأس والحزن وليبقى سارية وسيرين ومن هم على شاكلتهم الشمعة التى تضىء دروب العجائز أمثالناوليباركهم الرب ويحفظهم ويسدد خطاهم فتماضر حقا تستحق أن تنتعش وتتوهج من جديد ومن نفس شاكلة (جيناتها)

Quote: حقيقة يا تماضر بعد وفاة الوالد والوالدة شعرت بهوة كبيرة وفراغ ضخم فى مسيرة الحياة وكنت أظنها نهاية الدنيا

هشام انت برضو كده؟؟؟ انا كنت قايلة روحى براى الحاسة بالفراغ المستطيل ده...


هشوم انت يا ابو نبراس الدكتورة الحتعالج عمتها من وجع المخاريق؟؟ دايرنى اقول ليك شنو؟؟ النجاح حارسك ورا وقدام... وسارية وسيرين اولادك...اهنيك عليهم انا قبل ما تهنينى...


البركة فى الورثونا ليهو: المحنة واحترام الغير...

عصام دهب: طبعا اول ما يلفت النظر ليك هو توقيعك


ههههههههههههههه...الله يجازى محن ابو حراز.....وكمان كونها توقيع دى ...تأثيرها كلام تانى....


بس شكرا شديد على التهنئة ...والفرحنا يفرحكم اكتر...نعم الاله دى زاااااتها...الف شكر يا بديع...

عباس ....


كل الشكر...ويفرحك بابو طاقية ده....حلاتو يا نااااااااش...ابتسامة بمليون جنيه...والله حلاه شديدة...اوع بس تكون بت..وتجى تضبحنى...حلوه كان بت وحلو كان ولد...ما تتعقد اصلو الجندر ده حاجة بنعملها نحن وفى الاعمار دى بكونو واحد..."اهو طلعت ليك بى نظرية" ههههه شوووووووكرن ليك

ماشاء الله ياتماضر...
ربنا يحفظهم ويغطي عليهم ويخليكم لبعض...

الله يحفظك ليهم ويحفظهم ليك ويحفظكم لينا و للوطن

محمد صلاح: كل همى انهم ينفعو الوطن...بس كيف ما عارفة...اللهم يسمع منك يارب...وشكرا للحضرة

تماضرنا الحبيبة...

اعرف انك كنت فى الليل تنتظرين احلامك وتتبعيها خطوة خطوة ويشد خطوك ظمأ فى النفس ولهة فى القلب..بعد ان طوقت احلامنا بالاسلاك الشائكة وجسم العسعس على ناصية الوطن ويأتى الامل من سارية وسيرين لأن الحب يدخل من باب تماضر اما الحقد فأنه يدخل من باب الجبهة الاسلامية وان شئت من باب على عثمان... وللابناء عادات تمارسها مع الابداع....مبروك لسارية الجبل والتحية من قبل ومن بعد لسيرين وما ابهى مستقبلنا حين ننظر اليه فيهم ومن خلالهم وفى امثالهم ونيقن ان حواء السودانية لم تعقم بعد....ولهم حبى فى العالمين.

اما البايوفورماتك هو بعض مما عرفته فى العالم الاول حينما اتيته لاجئ ودارس ....هو كل المستقبل. وسوف اعود مفصل لو فى العمر باقى.

دوما ابن النخيل

الف الف مبروك النجاحات الباهرة وانشاء الله يسجلو من عظماء التاريخ وفقا لهذه السيرة الباهرة



















وعين الحسود فيها ال( سفروك )

اللهم امين وشكرا على دعاك الجميل مع انه

Quote: وعين الحسود فيها ال( سفروك )

اول حاجة قريتها السفروك "ايوة" بتشديد الفاء...وقلت العمده دة المسافر ليهو منو .....هههههههه...


دى طبعا حاعتبرها "رقية" بابنوسة...ما تقوم تقراها لى بتشديد الياء...وتقول رقية دى منو؟؟
بعدين القارىء الكريم يقول المسافرة دى بتكون رقية...هههههه



عموما اشكرك شديد...

ابن النخيل

شكرا لحديثك الفارع المخضر...وتهنئتك الصادقة

وبخصوص الاتى نصه:

Quote: اما البايوفورماتك هو بعض مما عرفته فى العالم الاول حينما اتيته لاجئ ودارس ....هو كل المستقبل. وسوف اعود مفصل لو فى العمر باقى.

لك اعمار الربيع...وانتظارى المتقد.....

ميادة بس ان شا الله تكون دى صورتك لما كنتى صغيرة...او صورة بتك..

لكن ما شاء الله...حلات الدنيا دى عليها...


وربنا يفرحك بيها وبى نجاحها "حتى لو كنتى انتى زاتك" هههههههه تشكرى يا جميلة الروح...يا اصيلة.

تصوري من كم يوم أناأقرأ العنوان وما فاهم حاجة ،،، اليوم قررت الدخول ،،
ويا لفرحتي
ويا لفخري
ويا لاعتزازي
أبناء أختي من علماء زمانهم ،،، ربنا يخليهم ، ويبارك فيهم ،،، ويوفقهم إلى المزيد ..
وربنا يفرحك بيهم أكتر واكتر ..

الغاليه تماضر..
والله فرحت لساري جدا..ربنا يحفظو ويتقدم أكثر وأكثر..آمين
ليس بمستغرب...عليك الله انت عندك كم دكتوراه في الأحياء ؟
ابن تماضر شيخ الدين لا بد وأن يكون ساري الليل وأبلج الفجر.
انها من هدايا الحياه الحلوه.
تحياتي الشخصيه له ولسيرين وعقبالها.
تهنأتي الأولى هي لتماضر التي عانت وأبدعت في رسالتي الحياه والأمومه.حول.

Dear Tumadir

Congratulations to you, Saria and Sireen. In addition to his academic genius, Saria is an amazing human being and his maturity is only exceeded by his pleasant souls and heart of gold.I am not surprised though since you , as parents, have brought them up on a diet of love. My best wishes to both of them and yourself and enjoy their success which I am sure is inspired by you


Adil

p.s Sorry I was a away for a few days and hence the late response

العزيزة طمطم

مساك الود

فرحانةبي سارية وسيرين

لانك من انجبت لامست هامتهم السحاب

واسفة لاني جيت في اللفة

لكن العتب علي النظر

تخريمة

شوفتك في المسنجر قبيل علي بال ما اخلص الفي يدي كنتي طلعتي

غايتو قاعدة راجياك

محبتي

الف مبروك لسارية و سيرين و الف مبروك للسودان

عالية البت العالية

ورينى وين فى هوطميل ولا ياهو؟؟

والف شكر يا جميلة الفريق

يمنى قوته ..العديلة وماها مسخوته

والف امنية بنجاحك وفلاحك

عادل اسحق

ما بتقصر يا اخونا...وشكرا على كلماتك الجميلة فى حق سارية وعلاقتى بيهم...حبل المحنة ما ينقطع زى ما بتقول امى ان شا الله..

بهنسسسسسسسسسس "نسيبنا المفترض" قايلنى ما عارفة مش؟؟

اى انا شكلى غبيانة لكن بعرف كل حاجة... زى ماقال ابوعبيدة زمان لى سيرين

وكانت طفلة بتقول كلام اكبر منها: قال ليها انتى بتعرفى كل حاجة ساكت عاملة روحك صغيرة....


هههههههههههه


وصلتنى كلماتك "ام لسانين" وكلك فهم يا مبدع...كلك نظر يا بهنس... شكرا عليك

Quote: أبناء أختي من علماء زمانهم

انت جنيت ولا شنو ياود قاسم حبوبتى التاية ما قالت ليك "جنة خوتك جناك"؟؟


ديل جناك...وفرحتنا واحدة..لمن افرح بى جنانا الفى بيتك... وكل المعزة..والاخاء

لكي التحية اختي تماضر
والله حاجه تسر وتفرح
ربنا يجعل التوفيق دوما في دربهم

ويفرحك بيهم قولي امين





ـــــ,,,,,ـــــ,,,,,ــــــ
تاني ريده
كمان جديده
يا قلبي مالك في دروب دلالك
تحكم علي بعيون سعيده

نيابة عن سارية وسيرين(وبدون إذن).. نهدي تماضر هذه الكلمات..

Like a candle with a flame
That never dies
Through the good and bad
You've been by my side

And when the world outside
Is feeling so unkind
You are there to pick me up
Oh, how I need your smile

Whenever I fall
There your are
I know that my pain you feel in your heart
And when the life that I live
Seems so hard
There you are..

Even though you're far away
I can still see you..
Sometimes I swear
You're still inside my mind
Tell my, are you the shadow
That always follows me?
You always seem to be right there
Like an angel by my side

Whenever I fall
There your are
I know that my pain you feel in your heart
And when the life that I live
Seems so hard
There you are..

Unconditional loving
Is what you give me
Your heart is all that I wanna know
Forever in you I have a home
I'll stary by your side
Cause you are the light in my heart
And im my life..
Whenever I look
There you are!
There you are!
There you are!
...

"song (There You Are) by (Sam Salter)"..

ونعتبر إنو عيد الأم وصل خلاص.. ونهدي الكلمات أيضا للدكتورة صفية ساتي، وللجدة علوية همرور، وللأم المدرسة، أينما حلت، وحيثما ارتحلت..

اختى تماضر


حبوبتى (بت على ) الله يرحمها كانت دايماً بتتدعى لى
يا ولدى ربنا يكفيك شر الولدة الخاسرة والبيعة الكاسرة
فالحمدلله ياتماضر العزيزة ولدتك ناجحة وبيعتك رابحة

سارية وسيرين
فرح خالات
شبال عمات
دهشة الخيلان
ودفق النيل على ام درمان
ودقى يامزيكة لنجاح ولاد اختى
انا الفرحان

دور نقاس مع انى بحبك عشان توقيعك..


هههههههه


فياهلا بحبوبتى ام على وهلا بتهنئتك اللطيفة وفرحتك باولادى زيادة كوم فرح..ورميد خشم للضغينة كتر...


يا سلام عليكا...والف شكر

قصى:

كيف عرفت ان تقتلع منى هذه الدمعة الابية؟

كيف تعلمت يا ابنى الجميل ان تكون شفيفا هكذا ورقيقا لهذا الحد؟؟


عيد الام؟؟هدية؟؟ انا اهديك عيونى هتين...اهديك مهجتى وقطعة من قلبى

يا الطف الناس والابناء والشباب,,,


انت انت حكاية اخرى..

حكاية دست احلام موعدها فى لجة البحر

الصمت فارسها

والحب مشتعل..سرا وفى جهر


انا احبك يا قصى...

عادل فقاد...الف تحية وشكر للطلة "انت نحن زماااان مش كنا متشاكلين؟؟"

ولا انا خرفت؟؟ المهم طلتك بالدنيا..ولو كنا متشاكلين..معناها انت فضيل..


وهذا لا يدل الا على نزاهتك ولطفك..

والشكر وحده لا يكفى...فلك المعزة الصادقة وعقبال افراحك...

ماشاء الله عيني بارده

يديكي ويديه العافيه

العزيزة تماضر,,

ليس بمستغرب ان يكونا بمثل هذه النجابة ... فهى Genetic ..
You are the wind beneath their wings

أهنئك بسارية و سيرين ,, وعقبال يسرا و محمد ,,,

ووليدى و بنيتى برضو...

آوت كاست:

بركة الشفتك هنا...


وبتك وولدك اكيد عندهم بنا متين من جيناتك..المتوهجة...وكلها مسألة زمن...وشوفى الزمن ..ده حيجرى كيف..وانتى راجيات الوعود الطيبة...والفرح الكبير.."يارب"


الف شكر ليك يا صديقة..و.يا وفية...

الموصلى طبعا انت ما بتكون عارف انا هديل بقت صاحبتنا من وراك...وبنعمل فى اتفاقات شديدة جدا جدا...

شكرا على تعريفك لينا بيها..وزى ما بتقول اغنية الملكة:


نفرح بيها

أم سيرين وسارية
طبعاً نحن دائماً بنجي متأخرين مع عشاء الفنانين
شايف صاحبي الموصلي يتحاوم في آخر البوست
هذه خلاصة رحيقك إنتي وابوهم
وخلاصة أفكاركم
وخلاصة طموحاتكم
وخلاصة شموعك التي أشعلتيها من أجل نجاح سارية وسيرين
أنتي تمثلين قمة الكفاح والمثابرة
وكان لابد لهذا الكفاح أن يثمر
طبعاً لو ماحققوا هذا النجاح كان ناس المنتدى ديل كلهم يجضموك بالصف
عارفة ليه ؟؟
لأنو سارية وسيرين جزء من أنفاسك وجزء من تفاصيلك
عارفك بتكوني بكيتي بحرارة لمن سمعتي هذه الأخبار المفرحة
قالوا دميعاتك ياكافي البلاء واقفات ليك في حلقك !!!
مرات على الهبشة تكوركي
لكنها 00 ما أجملها 00 دموع الفرح
تصلح لأن تكون مداداً وألواناً لرسم لوحة بعنوان النجاح والتفوق !!!
دائماً أتمنى 00 طبعاً بعد إكمال نصف الدين 0 نحن طبعاً النص الأول ذاتو مامكملنو0 أتمنى أن يأتي أولادي شبيهين بإمهم في كل شيء
لأنها ناجحة وشاطرة وطموحة 00 عيبها غيورة جداً
تقول انا دي كابريو
مرة خالي المتهكم قال ليها 00 عليك الله دي عينة يغيرو عليها ؟؟؟
المشكلة خالي دا 00 ابو ست النفر
يعني هسي لو فكيتها ليهو في الهو يوديها وين تاني ؟؟والله ماتصلح الا كلاوي وقرنية
طبعاً الأولاد لو باروا ابوحراز 00 والله الرماد كال حماد !!!
فانا فاشل بكل المقاييس خاصة في القروش
تجي من هنا وتروح من هنا !!!
والمشكلة لابنيت بيها مسجد ولا خلوة ولابيت في الجنة ولا بيت في الآخرة
كلها راحت ملاح بامية مفروكة
وقال بي شمار قال !!!
والله ماطالبانا حليفة لكن فرحنا بجد لهذا الخبر
وأخذت معاي حلاوة للعزابة وقلت ليهم أها الليلة أكلو
قالوا لي في شنو ؟؟
قلت ليهم دي حلاوة سارية وسيرين
لكن مافهموا أي شيء وقلت ليهم دي قصة نجاح طويلة سأحكيها لكم0
بالمناسبة ماتشوفي الجضوم الكبار ديل فلدي شغف ووله شديد بالفضاء
وقد فاز لي مقال في لندن على مستوى الشرق الأوسط يحكي عن غزو الفضاء
ووصلتني جائزة كبيرة ومعاها درع
وقد تهكمت فيه كثيراً اننا نحن مازلنا نغازل في القمر ونشبهه بمحبوباتنا
بينما صعد الغرب اليه 00 والمشكلة يكونوا احتلوا قمرنا !!!!
كما انني شاطر جداً في غزو قلوب النساء وحقائبهن اليدوية بينما من الصعب أن افكر في غزو القمر يوماً ما
وشغفي واهتمامي بالفضاء لم ينتج عن ذكاء وشطارة طبعاً
بل لأنني ومنذ أن حضرت السعودية فانا أحلم ليلاً وأنا طائر
باركي لينا لي ابوهم وسارية وسيرين وبالمرة خليهم يدرسوا لي هذه الظاهرة ؟؟
قال يغزو الكويت قال 00
هذا الشاطرين فيه نحن 00 الدول العربية تغزو الدول العربية
ورجال الأمن يغزون البيوت الآمنة
والرجل بدل أن يغزو قلب زوجته يغزو خصوصياتها ويتلصص عليها كل حين
والطفل يغزو جيب والده
والزوجة تفلق زوجها !!!! صراحة في نسوان عويرات جداً !!!

اختي العركيه الاصليه تماضر

طبعا ده محمد ولد يعني

بي مناسبة العركيه دي طبعا ود عمك عبد الباسط صديقنا شديد هنا معانا في العين

وكل يوم مع بعض


شفتي العركيين كيف الدم بجرهم

مبروك سارية وسيرين
مبروك الرائعة تماضر

وربنا يخليهم ليك ويخليك ليهم

شاذلى


الله يبارك فيييييييك ويخليك...

والف شكر بهديهو ليك ...

العزيزة

تماضر

كيف حالك يا خنساء

هما شمسان

ومن حيثما توجه البصر
يدرك الوهج ويجد الضياء

وهج العقل
وضياء المعرفة

ومن حيثما توجه القلب
يجد الفرح والفخر

هنيئا لك بهما يا تماضر

وهنيئا لنا بكم

وأبقى عليهم عشرة
هم الزاد والملاذ والموئل

تعرفى يا تماضر
من الصباح والله نويت أشاركم البهجة والفرح هنا
بس يظهر انه الميديابلير عندى متخلفة جدا، والصفحة بتقفل عندى مباشرة بمجرد ما افتحها

ومن حيث ما جاء المطر....انهمر دفق الحب والعطر الموشح بالرزاز..

يا مطر ..يا ناس عزاز...

ياخى شكرا الف شكر...


اما فيما يتعلق بالبوست..فزى ما اتعلمت من لؤى: اقرأ المشاركات فى شكل سلسلة..دوس عليها وما بيدخل ليك الملتيميديا...وتقرا الداير تقراهو..

قود لك ...اقراها بالانجليزى وستجد ما يسرك

العزيزة تماضر
تعرفي الايام دي شغلي بالليل وعيوني مليانه نعاس
ولما دخلته البوست ده ولقيت ردك ده من الضحك لما النعاس طار

Quote: عادل فقاد...الف تحية وشكر للطلة "انت نحن زماااان مش كنا متشاكلين؟؟

تعرفي تماضر نحن لو اتشاكلنا لمجرد الشكل بنكون ناس اي كلام ولو اختلفنا لمجرد ان نختلف
لما ضمنا منبر يسمى المنبر الحر
اختي
سارية وسيرين ينتموا للقلعه التماضرية لا شك في ذلك
ولكن مثل هذا النجاح وهذا التفوق لابد انه يعطي الحق لاي سوداني
ان يفرح وان يفتخر
اذا كان هذا المرور البسيط جعلني في قائمة النزاهه والطيبه
فوريني انتي يختوك في ياتو قائمة وانتي تعطي للعالم امثال سارية وسيرين؟؟

لكي كل الود والمحبه


ـــــ,,,,,ـــــ,,,,,ــــــ
ابدا ما هنت يا سوداننا يوما علينا

ما شاء الله
ربنا يحفظهم ويغطيهم يا رب
ويخليهم ليك ويخليك ليهم
كل الود

الأستاذة تُماضر

رزقت برهم
وحفظهم الله وجعلهم قرة عين
لكِ ولأبيهم


إسماعيل حميم

اقر بهم عينك ربي دما
وافرحك بهم ولهم

تمنياتي الصادقه لهم ولك ايتها الجميله
بدوام التقدم والتفوق والنجاح

شكرا جزيلا يا هوبفل على تمنياتك الصادقة ...واتمنى لك كل الخير والجمال.....

اسماعيل ....اللهم امين وربنا يستجيب منك ان شا الله...وشكرا لهذا الدعاء الطلى...

عينك مليانه يا معتز...وشكرا على التهنئة والمشاركة الودودة....

Quote: فوريني انتي يختوك في ياتو قائمة وانتي تعطي للعالم امثال سارية وسيرين؟؟

بس ختونى فى قائمتهم هم ...كفاية على ههههههههههههه والله كلامك سمح وكبر لى راسى ....النصيحة ليك يالله...يكبر راسك بى اولادك وشكر للعوده والتعقيب.. يافقاد ربنا يديم المعروف بين الناس....

ربنا يمتّّعهم بالصحه و العافيه و إياك ،

و يوفقهم للمزيد من النجاحات و التألق .

يعنى البوست الطويل ده كله و كرت واحد بس

الكرت ده لى ساريه مادام سيرين قالت هى بره الموضوع، يمكن تشوفو و تغير رايها

هلولة حبيبتى .....شكرا لجمالك وجمال الكرت...

البوست ده حيترسل لى سارية وسيرين صرة فى خيت زى ما بقولو امهاتنا الطيبات.....

وكل سنه وانتى طيبة وامك حبيبتك بألف خير

مصدق؟؟؟ مصدق


شكرا لصدقك وتمنياتك الجميلة واتمنى لك الفرح ايضا والسعد والخير.....من كل قلبى

سارية وسيرين
سامعينّي ؟؟

كل سنة وماما بي ألف خير ..

بختكم عندكم أم من أروع من عرفت في حياتي ..

لؤى...........اخويا لى........


وانت بخير ولمياء المبرمجة عليك بالف خير ربنا يسعدكم ....وانت حتعرس لينا متين عشان نشوف اولادك؟؟ خف شوية هههههههه

up

Quote: والجكس يقيف فى الصف الورا....

عينى باردة ترانا واقفين ..والا الجكس ما نحن؟؟؟

نحن واقفين بى اولادنا عشان ناس سيرين

ما قالوا الجنا خال..اكون جبدتهم انا والا ابو عبيدة ياربى؟؟؟

لى قدام ياولاد..والله يكفيكم شر خلقوا والحيكومات السجم،،،

Quote: عينى باردة ترانا واقفين ..والا الجكس ما نحن؟؟؟

والله ياصديق الموج فقعتها ضحكة باعلى صوت..

جكس؟؟

لولدك معليش..

وياحليل ابوعبيدة المرح..ولدو بقى طولو...

شكرا يا صديق ما عدمناك "خالا" للعيال..وتحياتى لبتوعك..نسمع عنهم كل خير ونجاح وفلاح

الحبيبة الغالية تماضر
لك تحيات الورد
ولسارية وسيرين مليون وردة وزهرة
برضو خجلان لانو جاي في آخر المهنئين ..
كل ما ادخل البورد القى نفسي مزرور بره وما اقدر ارد
الواحد يقرب يبكي !!
لكن بالامس حليت مشكلة العربي نهائي

سارية وسيرين في المقدمة ..عادي لانو امهم تماضر
ومفروض ده اليحصل
وانا فرحان قدر الدنيا
ليكي وليهم
وتسلمي ياغالية
اخوك
خالد شيخ العبيد

برية من الخجل يا خالد العبيد..

والف حمدالله على سلامة العربى ..

دى براها هدية لينا...

وشكرا على ورودك وزهورك..عبيرها وصلنى لغاية هنا..


وعقبالك اولادك الحلوين..يرفعوا راسك واسمنا كلنا..بترفع..

Salam Tumadir I waited till Mother's Day to say 1000Mabrok to our son&daughter they honored us in all North America and happy mother's day to you and all Sudanese mom, again god bless them and looking forward to hear more success and happiness.

يا سلام عليك يا لبقة..

انتظارك لى عيد الام..ده كان قرار موفق..لانه ده بقى عيدى انا كأم...وهديتهم لى..نجاحهم وتوفيقهم...شكرا لكلماتك الجميلة..يارقيقة وراقية..وعقبال النجاح يجى من جيهتكم انتى او العندك..

..
.
Sorry I Came Late And Wzout Arabic Keyboard
1,000,000
Mabrouk To Ur Son & Duaghter
Wish Them The Best In Their Future Life
GOD Bless Them ISA
And HaPpY MoThEr's Day To YoU

Wz Regards

سيدنا ومولانا العارف باحوالنا
تماضر شيخ الدين جبريل ...
ادام الله وجهكم...
وأنا باسم العالم اتقبل هديتكم الوسيمة
والتي نزلت علينا برداً وسلاماً..
فقط أرسلي سلامي للدكتور سارية
وسلام حار جداً جداً جداً للحلوة
التي تدرس الهندسةوالفيزياء
والتي ستقيس لناس
عمر الكون (كلو بدور). . .
وكم تمنيتني الفيزيائ الدكتور
أستاذهاالسعيد
....
....
ثُم لايفوتنا مولاي ان نقبل يداك صبح مساء

علي هذا الحنان ... المنثور هكذا...
علي فضاء الدُنيا

عينى باردة يا تماضر ..
ماشاءالله و ربنا يحفظهم ليك

Quote: أيها العالم: اهديك ...سارية وسيرين

وشكرا للعالم الذى اهدانا ** تماضر**

جيت متأخر شوية يا استاذة تماضر.. انت تعرفين معنى سبل كسب العيش فى بلاد عمنا سام سامحه الله.. اهدى هذه الكلمات المتواضعة لسارية الجبل .. وسيرين الحلم الجميل والممكن...

هزى اليك جزع نخلة السودان
يا تماضر
تساقط الفخار والشباب والثمار
هناك حيث الرطب الجنى .. والإنسان
سارية على جبالنا
والحلم يا سيرين
اجمل ما تصنعه العقول

اختاه إننى أطول.. فرحا
وأشرئب كالجبال ذى الأوتاد
فى حضرة الآطفال
وانت حين يكبرون.. تكبرين
وحين ينجحون.. تنجحين
وحين يفرحون.. تفرحين
ويضحكون..حين تضحكين
ونحن من نكون!!
نكون .. لا نكون..
منفيين فى فجاج الأرض
بين ماض كالح وخاثر
وبين وطن يأكله الآقزام والبغاث والكواسر..
وحاضر محاصر
فلتفرحى فى حزن منفاك الكبير
يا تماضر
وليرفع الجميع راية العودة للجذور
الآن حانت ساعة العبور
لوطن النجوم والنخلة والعصفور
الوطن المقهور.............
الوطن القبور.............
الوطن الذى نحبه..
نعشقه ..
بكل ما فيه من البثور
يا ليتنا نثور مرة..
نثور..
نثور ضد العنف ..
والكيزان والمستقبل المبتور
نقتلع الجذور
او نرتمى هناك فى قمامة التاريخ
مثل الاجرب المجدور..


نورى جليلة(نورالدين منان)