Post: #1
Title: التشكيليين سجمكم ...انا جيت
Author: Tumadir
Date: 08-18-2006, 08:22 AM
زمان لما كنت صغيرة
بلعب بالفن ..
كنت برسم وبغنى وامثل واعزف اكورديون وبضحك الناس ...
لما "اترعرعت" شوية ..بقى اعز اصدقائى ..عبد الله محمد الطيب "ابسفة" ..
وخلانى اكون بعرف اسرار الفن التشكيلى ..
لمن اترعرعت زيادة ..مشيت معهد الموسيقى والمسرح ودرسونا فى مادة "الديكور" تاريخ فن تشكيلى ..
لمن اترعرعت "شدييييييييد" ..بقيت اشتغل مع المتخلفين عقليا فى امريكا ..وعندهم مناشط منها رسم ..مديرة البرنامج قالت لى انتى بترسمى كويس ..فحقوا تدرسيهم رسم ..
اهو بعد داك ماشة مترعرعة ..والرسم بقى يجابد فينى من جديد ..
لما كمبيوترى باظ ..وغبت من البورد ..بقيت ارسم بالماوس..
انا اتدرب فى الرسم بالماوس ..بديت اورى اصحابى رسمى
يعنى لما اقول اصحابى بقصد ناس عصام عبد الحفيظ وناس الباقر موسى ..
وشعرت بأنى "ما بطالة ابدا" ..وممكن اوريكم ليه ..
اها الليلة قابلت لؤى فى المسينجر ..وحكيت ليه بالموضوع ..
قال نعمل البوست الليلة وحسة ...
لانو بيعرف يصغر وينزل الرسم ..انا وعدته اعمل ليكم المقدمة دى ..
وهو حيواصل ..
قلت ليه نزل صورتين برضو رسمهم محمد ولدى "عمرو اربعتاشر سنة..وهو مشهور بموهبته الفنية فى الموسيقى والرسم"
وقلت ليه نزل لى موسيقى بتاعة الوافر ..لانه بيعزف الآلتين العود والكمان ..لوحده فى هذه المقطوعة ..وهى المفضلة بالنسبة لى ..
اخليكم مع لؤلؤ ..وفنى التشكيلى ..ويالتشكيليين "سجمكم ..انا جيت"
مع خالص المودة ..والحب للجميع ولجميع التشكيليين والموسيقيين
بالمناسبة لما قابلت استاذ محجوب التيجانى فى مؤتمر الدراسات السودانية أدانى عوده
فيا الموسيقيين بلوا راسكم ..
يللا يا لؤلؤ...
|
Post: #14
Title: Re: التشكيليين سجمكم ...انا جيت
Author: Tumadir
Date: 08-18-2006, 08:43 AM
Parent: #12
اقول ليك كلام يا لؤى وتصدقنى ؟؟
انقر ما خجلت وندمت حبة كده على العملة العملناها دى.؟؟
اها انا ماشة الشغل ..
الله يغفر لى.
|
Post: #18
Title: Re: التشكيليين سجمكم ...انا جيت
Author: abcde
Date: 08-18-2006, 09:08 AM
Parent: #14
| Quote: انقر ما خجلت وندمت حبة كده على العملة العملناها دى.؟؟ |
أعمل ليك نفسيات
في رسومات بالجد عجبتني شديد وفي رسومات ضاربه شديد
غايتو, انا زول لا أفقه شي في الفن "الرسومات" يعني ما من ناس الفكره
المنبثقه ولا الخيط المنبعج, لكن عارف ان الرسم بالماوس ما حاجه ساهله, زمان
بديت محاولات ضاربه و وقفت, لكن حسي بعد رسوماتك دي ححاول تاني
الله يسامحك ويغفر ليك
___________________________
البركه فيكم
معليش جات متأخره لبعدي عن المنبر الفتره الأخيره
لؤي التغيان
سمعت ولا جابو ليك
أنا مابفتر من الإنتظار ولسه عايش على أمل
شد حيلك مع تماضر
|
Post: #22
Title: Re: التشكيليين سجمكم ...انا جيت
Author: Firdouse
Date: 08-18-2006, 10:06 AM
Parent: #14
Tumadir, | Quote: انقر ما خجلت وندمت حبة كده على العملة العملناها دى.؟؟ |
.You are being very humble .Your paintings are very beautiful They deserve to be put in the special exhibitions at the Philadelphia Museum of Art Thanks to both of you Regards, Firdouse
|
Post: #17
Title: Re: التشكيليين سجمكم ...انا جيت
Author: عدلان أحمد عبدالعزيز
Date: 08-18-2006, 08:48 AM
Parent: #1
ما تـبالغي.. في بث الإمتاع فينا! حــزمة إبداع إنتِ.. ربنا يخليك، ويعليك.
|
Post: #20
Title: Re: التشكيليين سجمكم ...انا جيت
Author: abcde
Date: 08-18-2006, 09:12 AM
Parent: #1
محمد طلع "أرسم" منك
خلي الحقد وأديه زمن كاف مع الماوس
|
Post: #23
Title: Re: التشكيليين سجمكم ...انا جيت
Author: abcde
Date: 08-18-2006, 10:32 AM
Parent: #1
والله يا لؤي بس حبيت هناي ساي, ومقدر الظروف الـ ممكن تكون فيها
لكن تقول شنو في البني آدم وحب الذات
|
Post: #24
Title: Re: التشكيليين سجمكم ...انا جيت
Author: عدلان أحمد عبدالعزيز
Date: 08-18-2006, 10:55 AM
Parent: #1
تعرفي يا تمادر.. يبدو أن تعليقي الأول تزامن منع إنزال لؤي ل رسومات محــمد.. أنقلي له تحياتي.. خطوطه قوية وواثقة.. وذكرني بأول شخص شاهدته يرسم بالماوس على برنامج "Paint" وكان ذلك قبل حوالي الخمس سنوات في "كمبيوتري" الذي كان يجري على مشغل ويندوز 95، وقد دهشت للقدرة الفائقة على التعبير بالرسم في براعة وسهولة ويسر وسرعة وثقة.. وكان الفاعل شخصاً متعدد الأبعاد الإبداعية "مثلك تماماً" وأخاله قد وصـل شأواً بعيداً في ذلك المجال.. ذلكم هـو صديقنا المبدع الشاعر عبدالمنعم الجزولي "Gazloat"..
شكراً لؤي..
عدلان.
|
Post: #25
Title: Re: التشكيليين سجمكم ...انا جيت
Author: نهال كرار
Date: 08-18-2006, 01:10 PM
Parent: #1
| Quote: انقر ما خجلت وندمت حبة كده على العملة العملناها دى.؟؟ |
العزيزة تماضر
انا ما تشكيلية لكن برسم وبحب الرسم
واتعلمت ان الرسم ما بلتزم بتقنيات او قواعد معينة
لان الفن احساس قبل كل شيء
اذا كنتي قادرة تظهري احساسك في اللوحة اكيد حتكون جميلة
ولوحاتك جميلة
ولوحات محمد اكثر
ويا التشكيليين سجمكم
|
Post: #26
Title: Re: التشكيليين سجمكم ...انا جيت
Author: Adil Osman
Date: 08-18-2006, 02:11 PM
Parent: #1
اللوحة دى بالذات انا عاينت ليها 100 مرة. وكل مرة تثير فينى مشاعر غامضة ومختلفة. ما لاقى كلام مناسب للتعبير عن هذه اللوحة. لوحة بديعة وصعبة ومعقدة جدآ. شكرآ يا تماضر على وجه اخر من وجوه وجودك الموهوب. وشكرآ لؤى على المساهمة الواضحة والمبدعة.
|
Post: #27
Title: Re: التشكيليين سجمكم ...انا جيت
Author: Tumadir
Date: 08-18-2006, 07:09 PM
Parent: #26
بالله شوف
انا قلت ارجع القى الصحفيين قافلين الشارع
والجمهور زحمة
والكاميرات تشلع براق
ورجال ونساء الاعمال متزاحمين وحجزوا اللوحات ومنتظرين الاتوغراف
اجى القى "نقاد" لسانهم طويل زى ناس abcde
البركة فى البنيات الرقيقات صاحباتى ناس نهال كرار وفيروز ..بالمناسبة
يا نهال كرار جيتك فرحتنى شديد ..لانو فى صديق مشترك بيننا فهمنى انك
زعلتى منى والحاجة دى كانت حازة فى نفسى شديد ..لكن بركة عليه ..خذلتيه
وفرحتينى ..لو كنت عارفة معرضى ده بجيبك لى ..وتقولى لى كلام حلو زى ده
كان رسمت من بدرى ..(قبل ما اترعرع وابقى قدر ده)
أما انتو يا عادل عثمان وعدلان ان شا الله لا تفوتوا لا تموتوا..وبالمناسبة
حقوا نفتح البوست ده لرسم "الماوس" ونخلى حكاية التشكيليين دى بجنبة..يعنى لو جبت لى جزلوت ده هنا وبدينا نتنافس يكون احسن ..
انا فى انتظارهم بالمناسبة وينهم هم التشكيليين ..ولا سوقهم برد..ولسانهم انقطع غلبهم يدخلوا البوست؟؟
اما اقتراح العزيز لؤلؤ بالبيع ..
اعتبرنى بايعة بايعة ..بس سلمنى المبلغ ..انا من انصار "الفن للمال" ...زى ما عارف
خاصة لمن يكون فن مقطع زى ده
|
Post: #28
Title: Re: التشكيليين سجمكم ...انا جيت
Author: bayan
Date: 08-18-2006, 11:47 PM
Parent: #27
سلام يا تماضر
اها اقوليك كلام انا كنت عارفة انك بترسمي وبترسمي كويس جدا..مرة في زول قالي تماضر دي كان ممكن تدرس اي تخصص في المعهد في القسمين وبرضو تجي الاولى...
اللوحة دي فيها كلام كثير جدا يا تماضر..
شجرة في زمن الايراق وامرأة برضو يبدو انها في زمن الايراق..
تعرفي اكثر حاجة كانت "بتفرفر" لي قلبي في امريكا الشجر البيكون
عيدان في الشتاء بعداك يورق من جديد في الربيع والسناجيب تجي تلعب فيه.
كنت بقيف ساعات في شباك انظر لشجرة في الصيف تداعب شباكنا..
بعاين ليها بتمعن واقسم انني ارى الاوراق تكبر.
المراة والشجرة حاجة واحدة في مواسم تسقط اوراقها ولكن لابد ان ياتي موسم تعيدها..
عجبتني شديد وما عارفة ليه ذكرتني مسرحية الطريق الى تار(لو ما خانتني الذاكرة)
فاكسير الحياة ما محتاجين نشق ليه الاهوال..هو في دواخلنا..
ولك التحية وانت تجربين كل الفنون,,
اللوحة التانية العجبتني لوحة الحفلة.. برجع ليك فيها "
انقدها" قبل مكنة الناقد التشكيلي تتلاشى..
يا عادل عثمان شوفتا كيف عجبتك نفس اللوحة العجبتني
يعني ممكن نتلاقى في حتة
موش؟
|
Post: #29
Title: Re: التشكيليين سجمكم ...انا جيت
Author: محمد سنى دفع الله
Date: 08-19-2006, 00:32 AM
Parent: #28
الفنان الحقيقي
فنان في كل شئ
ومشروع الشجرة أمشي فيهو وحتصلي
صدقيني
في لوحات مدهشة
وفي كم لوحة عادية
لكن المدهش والرائع
جاي لي قدام
لأنو في مشروع واضح
الشجرة المرأة
المرأة الشجرة
ادقثي في الألوان
وارسمي
وصدقيني معرضك قرب
انت أساسا فنان
متجاوز
وبديع العطاء
محبتي ومودتي
|
Post: #30
Title: Re: التشكيليين سجمكم ...انا جيت
Author: أحمد الشايقي
Date: 08-19-2006, 01:32 AM
Parent: #1
يا فنانتنا,
يا تماضـرررر
ايه الجمال دا,؟
طبعاً أنا في الشركة الأن والفايار وولز بتمنع إظهار الصور لانه رموزها بتكون محملة من مواقع أخرى,
يعني توقيعي دا , توقيع على (بياض ) , مـش منك أكيد بيكون جميل,
ليكي التحيـة وللحاج لؤلـؤ,
لأنه في السعودية طبعاً
أحمـد الشايقي
|
Post: #31
Title: Re: التشكيليين سجمكم ...انا جيت
Author: Tumadir
Date: 08-19-2006, 07:27 AM
Parent: #30
Quote: سلام يا تماضر
اها اقوليك كلام انا كنت عارفة انك بترسمي وبترسمي كويس جدا..مرة في زول قالي تماضر دي كان ممكن تدرس اي تخصص في المعهد في القسمين وبرضو تجي الاولى...
اللوحة دي فيها كلام كثير جدا يا تماضر..
شجرة في زمن الايراق وامرأة برضو يبدو انها في زمن الايراق.. |
معقول بس؟
بيان الشناااااااافة دى عجبها رسمى ؟
لا كان كدى التشكيليين سجمهم جد جد
اما والله حكاية الشجر العريان وضوء المغارب ..النعسان ..وضولوع الشجر واقفة
ضد الافق دى ..فخليها ساى ..انا بموت فى "العاب" السحاب ..والافق ..وضلوع الشجر
ربنا ده غايتو بالغ فى الدنيا دى ..كل يوم الضوء يتزاحح من "ضلامية لى استنارة" على
جسم شجرة ..والسحاب يتزاحح من كتل لى خيوط ..والافق يتبدل من رحابة لى عتمة ..وكتمة
وانا اقرب اصرخ ..شقتى الوان الشجر والافق والسحاب فى البلد الانا عايشة فيها دى
مهرجاااان ، مهرجان يومى ومجانى ..وسعادة لا توصف .."الا فليتفكر المتفكرون"..
يعنى انا الرسم الفى بطنى ده لو طلع كلو وقدرت انفذو ..حتتعبو يالنقاد .. مش التشكيليين براهم ..
الله يخليك يا صديقتى على رفع الروح المعدنية ..وسط هذه الوحشة اللعينة والاحزان الدفينة
|
Post: #32
Title: Re: التشكيليين سجمكم ...انا جيت
Author: Hussein Mallasi
Date: 08-19-2006, 07:41 AM
Parent: #31
فعلاً التشكيليين سجمهم جد جد.
|
Post: #37
Title: Re: التشكيليين سجمكم ...انا جيت
Author: Tumadir
Date: 08-19-2006, 08:04 AM
Parent: #32
| Quote: فعلاً التشكيليين سجمهم جد جد. |
هوووووى يا ملاسى الدبلوماسى
التشكيليين
علمونى الفن والحياة والتفكير ..تابعت معارضهم ونقاشاتهم ورحلاتهم
ومداخلهم هى العلمتنى الجرأة فى فن التمثيل ..وهى الادتنى ثقة فى العالم
وتذوق قسوته وجماله وأدتنى طاقة عشان أحبة وأعيشه بسعة افق وأدراك فنى.
شكرا على دخولك.."وتسجيمهم" على كل حال...
|
Post: #33
Title: Re: التشكيليين سجمكم ...انا جيت
Author: Tumadir
Date: 08-19-2006, 07:47 AM
Parent: #31
Quote: الفنان الحقيقي
فنان في كل شئ
ومشروع الشجرة أمشي فيهو وحتصلي
صدقيني
في لوحات مدهشة
وفي كم لوحة عادية |
حقيقة يا السنى كلامك مطمئن ..
بقول ليك الحقيقة انه بعض الحاجات الاتعرضت هنا دى ..كانت محاولات اولى
فى التدرب على مسك الماوس والتحكم فى حركته ..
والله صعب ياخ الرسم بالماوس
يتخيل لى الرسم ده اصلا كان مفروض يكون بالاصابعين فى الحيطة او الارض
لكن الوسط والاداه جابتهم الحاجة للتوثيق وطول عمر اللوحة
والمهارة بتاعة الرسم بتتبع لمهارة الاستخدام للوسط والاداة ..
يعنى اللوحة العجبت الناس دى ..هى بعد تدريب كتير وصبر..
الاوائل كانوا تجريب و تدريب ....خصوصا حنة دى ..كنت دايرة اشوف
قدر شنو ممكن اعمل خطوط منحنية لمدة طويلة بدون ما افقد التحكم
واستعملت الالوان دى عشان التضاد عالى ..وحساس ..دايرة اشوف "نفس الماوس" بيكون
طويل قدر شنو فى يدى..
لسه بفتكر انه رسمى للانسان..اجمل بالقلم ..يعنى لسه ما عرفت دربة ارسم ملامح انسان
بالماوس ..بنفس طريقتى بالقلم ..ولسه شغالة فى الموضوع ده ..
بس حكاية الزول يرسم ..بعد خرف دى.. كتيرة ..فى زول اسمو عمر سعيد فى هولندا عمل معرض
قريب ده فى هولندا وحضرو العمدة ..الرجل ده صديقنا شدبد..وهو متخرج زراعة ..لكن واضح
انه الرسم كان واجعو زيى كده..وما قدر يخليه
عندك برضو بهنس ....وهو اتعرف بالغنا والدراما ..والشعر ..وفجأة وجعتو الكلوة التشكيلية ..ونفضها فى معرض الضوء الاتعمل فى باريس قريب ده ..
اها انا وجعتى لسه موجعانى ..وبنفض فيها حتة حتة ..
شكرا يالسنى على جميل لطفك.
|
Post: #34
Title: Re: التشكيليين سجمكم ...انا جيت
Author: عبد الله عقيد
Date: 08-19-2006, 07:50 AM
Parent: #33
تماضر
سلامات
انا اشتريت اللوحة دي:
عشان اختها في البروفايل..
بعدين لمن أترعرع ح اقول لي الجماعة دي صورتي ورسمتني تماضر..
اتفقنا؟
لا خلاس.. بارك الله فيك..
|
Post: #38
Title: Re: التشكيليين سجمكم ...انا جيت
Author: Tumadir
Date: 08-19-2006, 08:10 AM
Parent: #34
| Quote: بعدين لمن أترعرع ح اقول لي الجماعة دي صورتي ورسمتني تماضر |
انا قايلاك من النوع المرعرع اصلا..بالله انت لسه بتترعرع ؟؟
أما المبلغ فأرجو ارساله بالويسترن يونيون ..5000$ براس مالها ..والله بس عشان انت اخونا وكده ..
|
Post: #40
Title: Re: التشكيليين سجمكم ...انا جيت
Author: عبد الله عقيد
Date: 08-19-2006, 08:20 AM
Parent: #38
| Quote: انا قايلاك من النوع المرعرع اصلا..بالله انت لسه بتترعرع ؟؟ |
انا اصلي مرعرع احمد الله.. بس ما لِحقت ملحوق الصورة دي
ما مسعتي الغنية البتقول
المرعرع ضرِب مثل
ويكة معطونة في بصل.. ؟
|
Post: #35
Title: Re: التشكيليين سجمكم ...انا جيت
Author: Tumadir
Date: 08-19-2006, 07:56 AM
Parent: #30
Quote: يعني توقيعي دا , توقيع على (بياض ) , مـش منك أكيد بيكون جميل,
|
المشاهدين بينقسموا الى (تلاتة قسمين) نقاد وحساد ومعجبين..
اها البوقعوا على بياضة ديل اسمهم (معجبين) .. كدا كويس؟؟ بتقبل لى نفسك كده؟
هههههههه
شكرا يا احمد الشايقى على "الثقة العمياء" دى ..ويشيلك راسى ..لو المعرض ابى.
|
Post: #36
Title: Re: التشكيليين سجمكم ...انا جيت
Author: ابراهيم برسي
Date: 08-19-2006, 07:59 AM
Parent: #1
good girl
لكن ما سجمنا ولا اي حاجة قولي فرحتنا بالاضافة الجديدة... دي نصوص مسرحية طلعت غصبا عنك والحمد للة انها طلعت.... الفن كدة...انفعال ويطلع باي شكل متاح
اللوحة دي فيها حاجة من رسوم الاطفال
ودي قريبة من الفن الصيني
|
Post: #39
Title: Re: التشكيليين سجمكم ...انا جيت
Author: خدر
Date: 08-19-2006, 08:14 AM
Parent: #36
تمادر
عيني باااااااااااااارده
(بتاعت سعاد الدوش ديكـ )
|
Post: #42
Title: Re: التشكيليين سجمكم ...انا جيت
Author: Tumadir
Date: 08-19-2006, 08:29 AM
Parent: #39
| Quote: (بتاعت سعاد الدوش ديكـ ) |
ياحليلها حبيبتى ..الفنانة ..
شكرا ياخدورى ..وزى ما قلت ليك دخلتك بتفرحنى ..حسة فرحتنى.
|
Post: #41
Title: Re: التشكيليين سجمكم ...انا جيت
Author: Tumadir
Date: 08-19-2006, 08:26 AM
Parent: #36
ابراهيم برسى
"التشكيليين جو...
ادخلن يا بنات لى جوة ..رصن الكسرة وقطعن السلطة ..وختن الغدا" او كما قالت سكينة زوجة خليل فى مسرحية (خطوبة سهير)
وكلامك كلو صاح!!!!!
فى الاولى عندى اوبسيشن بحكاية الملابس الملونة المشرورة فى عرض الفضاء والشمس شارقة
كتبت الحكاية دى قبل كده فى قصة- قصيدة هنا فى البورد اسمها: ابحث عن ابرة امل فى كوم السأم ..
وهى فعلا فكرة بكرة وطفولية ..مناديل ملونة معلقة فى عرض الافق..
...ابحث عن ابرة امل فى كوم السأم
أما الفن الصينى فهو صدفة ..ان تشابهنا ..لكن اعرف ان تركيبة الالوان دى والتفاصيل الشديدة ..هى من ملامح الفن الصينى .."أطنى صينية بى جوة وما عارفة...صينية غدا"
|
Post: #43
Title: Re: التشكيليين سجمكم ...انا جيت
Author: bayan
Date: 08-19-2006, 08:43 AM
Parent: #41
اها يا تماضر عايزة نقد مستنير ولا "نقد ضلامي" للوحة
البارتي... علما انني لا اومن بنظرية موت المؤلف..
اها قلتي شنو يا ستي؟
|
Post: #44
Title: Re: التشكيليين سجمكم ...انا جيت
Author: Tumadir
Date: 08-19-2006, 08:48 AM
Parent: #43
ابدى بالظلامى
والفى الكباية عصير تفاح
والبت دى ما مسلمة ...وما انا ...
يللا ....
|
Post: #48
Title: Re: التشكيليين سجمكم ...انا جيت
Author: fohamer
Date: 08-19-2006, 01:25 PM
Parent: #44
الأعزاء بيان وعادل عثمان
انا كمان مُعجبة بنفس اللوحة !
التشكلية " المُترعرعة " تماضر
انا فكرتي انو الفن كتلة واحده مرنة ممكن تتشكل لعدة اشكال
وبتحدد التشكل دا عوامل مُختلفة
لذا لم يفاجأني رسمك
وانا صاحبة المقولة
" الالوان جواي اتقلبت لي حروف ! "
الوانك حلوة وبريئة وجديدة
سالي
" الحتشتري اللوحة tree بعد إذن بيان وعادل "
سلامي
|
Post: #49
Title: Re: التشكيليين سجمكم ...انا جيت
Author: خدر
Date: 08-19-2006, 01:31 PM
Parent: #48
Quote: ابدى بالظلامى
والفى الكباية عصير تفاح
والبت دى ما مسلمة ...وما انا ...
يللا .... |
لوول
بيان
امشي علي النقد المستنير اخير ليكـ
المؤلف شرح الروايه و مقلبكـ
|
Post: #50
Title: Re: التشكيليين سجمكم ...انا جيت
Author: Tumadir
Date: 08-19-2006, 02:11 PM
Parent: #49
سالى الجميلة شرفت المعرض؟
يللا يا ولاد قوموا لموا الكرور ده ونضفوا الحيطة من اللوحات الشينات ديل
وفرشوا الملايات ..سالى السمحة جات...
مش لما فى السودان لما يجوا ضيوف مهمين الناس بلملموا الكرور؟ انا امسح ليك
لوحة حنة ..والفستان الاحمر زى الهوا..ياااااا
Quote: سالي
" الحتشتري اللوحة tree بعد إذن بيان وعادل " |
وما فى مشكلة اللوحة ممكن تعملوا ليها كوبى آند بيست ..كلكم وتشتروها
المهم القروش ترسلوها على عنوانى ده: فنان طلع جديد دوت كوم.
fannan-tala3-jadeed.com
او:
فنان نجاض تدوه كم
|
Post: #51
Title: Re: التشكيليين سجمكم ...انا جيت
Author: Tumadir
Date: 08-19-2006, 02:15 PM
Parent: #50
خدورى ..
رايك شنو فى الفنان بالله ..مش طلع "دحاض"؟
دحض ليك عناصر النقد الضلامى فى دقيقة ..
انا من ماشفت موت المؤلف عرفت فى كاسورى جايى ..قلت احسن بس ادحض
ولعى اللمبة النقدية واقعى منهج الاستنارة
|
Post: #52
Title: Re: التشكيليين سجمكم ...انا جيت
Author: Emad Abdulla
Date: 08-19-2006, 02:29 PM
Parent: #51
طم طم ..
سلام يا ( فردة ) ..
- فردة دي ترقيدة -
ملافاة لشر لُبَطِك و مضايقتك لينا في أكل عيشنا
بعدين لو PARTY دي رسمتيها إنتي ..
يكون سجم خشمنا جد جد .
تماضر لو سمحتي ( إترعرعي ) بعيد بعيد بالله .
|
Post: #59
Title: Re: التشكيليين سجمكم ...انا جيت
Author: Tumadir
Date: 08-20-2006, 02:48 PM
Parent: #52
Quote: بعدين لو PARTY دي رسمتيها إنتي ..
يكون سجم خشمنا جد جد .
تماضر لو سمحتي ( إترعرعي ) بعيد بعيد بالله . |
لا مش حروح ياخويا ..وحترعرع هنا ..انت تطلع أمى ولا تطلع ابويا ...؟
"عجين الفلاحة .."
|
Post: #53
Title: Re: التشكيليين سجمكم ...انا جيت
Author: أحمد الشايقي
Date: 08-19-2006, 06:12 PM
Parent: #1
فنانتنا,
Quote: اها البوقعوا على بياضة ديل اسمهم (معجبين) .. كدا كويس؟؟ بتقبل لى نفسك كده؟
هههههههه
شكرا يا احمد الشايقى على "الثقة العمياء" دى ..ويشيلك راسى ..لو المعرض ابى. |
ياخ أنا معجب من زمان,
بـس شكلكم ما مسجلني في سجل المعجبين..
تسلمي وتعيشي يا ذوق,
أحمـد الشايقي
|
Post: #54
Title: Re: التشكيليين سجمكم ...انا جيت
Author: محمد القاضى
Date: 08-19-2006, 07:05 PM
Parent: #1
الفنانة /تماضر
مأأجملك ..
إن الأنامل التى ترسم .. توهب الحياة عبر اللوحة .
لوحة البودى شاهدتها فشاهدت طفولتى مرة واحدة كانت فى بيتنا بانة كانت تشبه فى تناغجها لوحتك كنت طفلا أتسلقها فتحتوينى وتمنحنى الدفءالأنسانى اللازم لاستمرار أحلامى اليقظة عن العالم وعندما كبرت لم أتنازل عن أحلامى فأحتوتنى بانة أخرى لم استطع أن أهديها سوى قليل من الشعر واليوم أحتفينا بلوحتك تحت ضوء الشموع والليل والغربة والحنين وكانت روحك ترفرف حول اللوحة فلم نستطع مغادرة الزمن خوف أن نذوب فى المكان . القاضى.
|
Post: #60
Title: Re: التشكيليين سجمكم ...انا جيت
Author: Tumadir
Date: 08-20-2006, 02:51 PM
Parent: #54
محمد القاضى ..
أعجبتنى بانتك الاولى ..وكذلك البانة التى اتخذتها حبيبة مؤخرا..واعجبنى اننى كنت "ثالثكما" فى ليلة الدفء.
شكرا.
|
Post: #55
Title: Re: التشكيليين سجمكم ...انا جيت
Author: Soumeta
Date: 08-19-2006, 11:45 PM
Parent: #1
إختلاف الجذور
حجماً و عمقاً و لون..
يزيد ...........
حاجة حاساها بس ما عارفة أوصفها!
وقفت عليها كتير و ابت "تجاملني"
|
Post: #61
Title: Re: التشكيليين سجمكم ...انا جيت
Author: Tumadir
Date: 08-20-2006, 02:54 PM
Parent: #55
Quote: حاجة حاساها بس ما عارفة أوصفها!
وقفت عليها كتير و ابت "تجاملني" |
سوميتا ..خليك قريبة لمن اتم .."شكلاتى" ..مع العوازل ...واجيبك دليل.
شكرا يا حبيبة.
|
Post: #56
Title: Re: التشكيليين سجمكم ...انا جيت
Author: بدرالدين شنا
Date: 08-20-2006, 01:19 AM
Parent: #1
أنا غايتو عجبتني اللوحة دي
Quote: معقول بس؟
بيان الشناااااااافة دى عجبها رسمى ؟ |
|
Post: #57
Title: Re: التشكيليين سجمكم ...انا جيت
Author: حاتم الياس
Date: 08-20-2006, 04:08 AM
Parent: #56
(ثم بعد العوده للمعرض وتفحصه بعين الخبير)
هنالك قيمة فنيه عالية وأختيار محترف للألوان ويؤكد بأن صاحبته مبدعه بالفطره وأن اللمسات المبتكره والجميلة لعمل هذه الريشة فى عملها الألكترونى قد ترعرعت داخل فطرة الفنانه بجداره..وأن هنالك خبره حقيقية مع اللون ليست وليدة لحظه خاطفه وأنما عن حق خبره أبداعية وجمالية متأصله داخل وجدان مبدعتنا تماضر شيخ الدين...
|
Post: #71
Title: Re: التشكيليين سجمكم ...انا جيت
Author: Tumadir
Date: 08-22-2006, 08:32 PM
Parent: #56
بدرالدين شنا..ف!!!
يعجبك الخير.
|
Post: #58
Title: Re: التشكيليين سجمكم ...انا جيت
Author: Ibrahim Algrefwi
Date: 08-20-2006, 05:56 AM
Parent: #1
تماضر
You Give Me Fever
...
...
|
Post: #62
Title: Re: التشكيليين سجمكم ...انا جيت
Author: يازولyazoalيازول
Date: 08-21-2006, 03:15 AM
Parent: #58
شفتى (الرعريع) بيعمل شنو؟؟؟؟
أرعى سااااااااى ولا يهمك (بى قيد ولا بدون قيد)
الزول لمن يترعرع زى لمن (يتّرع) وكده ، ودى بتكون بداية الرعرعه
يا رعاك الله
|
Post: #73
Title: Re: التشكيليين سجمكم ...انا جيت
Author: Tumadir
Date: 08-22-2006, 08:42 PM
Parent: #62
هشام السرباع..
تلاتسرباع (تلاترباع)
كلامك ده ...صاح
لكن ..يااااع من (التريع)....
اما كلامك عن الترعة فكلو صاح لانه طبعا نحن فى عصر "الترعة"..
هههههههه شكرا يا حبيب..
|
Post: #72
Title: Re: التشكيليين سجمكم ...انا جيت
Author: Tumadir
Date: 08-22-2006, 08:35 PM
Parent: #58
الجريفاوى ..
الامضا ما ظاهر لكن ده رسمك انت؟؟
غايتو لوحتك مسخت على "فنى التشكيلى كلو" ..(لكن بالماوس؟)
الحمى الليتاوقو ليها بالشبابيك ههههههه
فى داعى للحسادة دى يعنى؟
|
Post: #63
Title: Re: التشكيليين سجمكم ...انا جيت
Author: نادر
Date: 08-21-2006, 04:40 AM
Parent: #1
روعة يا أستاذة تماضر بالجد
وكلامي ده مستند على تجارب شخصية (مخستكة) في محاولة التعامل مع الماوس في الرسم ... الارتبط بالتشكيل جمال ما بعده جمال في تقديري ...
|
Post: #77
Title: Re: التشكيليين سجمكم ...انا جيت
Author: Tumadir
Date: 08-22-2006, 08:52 PM
Parent: #64
لؤلؤ..
يا اما ترسل لى ايميلك يا اما تعلمنى اصغر الصور دى كيف عشان عندى "اعمال جديدة"
هههه شفت اعمال دى كيف؟
هى ما جديدة لكن كانت بتستحق تتشاف ..اكتر من محاولات كتيرة هنا طابعها تجريب ..وبداية ما اكتر..
لكن قلبك الناصع ..اضفى على الرسومات ..بعد روحى جدير بالاشادة والتقدير ..لك محبتى غير منقوصة.
|
Post: #65
Title: Re: التشكيليين سجمكم ...انا جيت
Author: خالد العبيد
Date: 08-22-2006, 05:34 AM
Parent: #1
العزيزة تماضر
تحياتي
ياريتك يا تماضر لو تعرفي علاقتي الشديدة بي التشكيليين
كنت ساكن معهم في ( الكنيسة ) والكنيسة دي الداخلية الفي المقرن
المهم الناس ديل هادين فيني
لمن ناس كتار قايلين انا تشكيلي
سعدت جدا بي معرضك وموسيقى الوافر
وحا احكي ليك حاجة خاصة حصلت لي لمن كنت ساكن معاهم في الداخلية
راجعي الماسنجر
لكن ليست للنشر
والى لقاء
|
Post: #66
Title: Re: التشكيليين سجمكم ...انا جيت
Author: عصام عبد الحفيظ
Date: 08-22-2006, 08:27 AM
Parent: #65
وبداية الدخول الى معرضك ( ابو ماوووس )
|
Post: #67
Title: Re: التشكيليين سجمكم ...انا جيت
Author: عصام عبد الحفيظ
Date: 08-22-2006, 08:32 AM
Parent: #66
ولحظة تأمل واعجاب شديد جدا !!!!
|
Post: #68
Title: Re: التشكيليين سجمكم ...انا جيت
Author: bayan
Date: 08-22-2006, 09:44 AM
Parent: #67
Quote: خدورى ..
رايك شنو فى الفنان بالله ..مش طلع "دحاض"؟
دحض ليك عناصر النقد الضلامى فى دقيقة ..
انا من ماشفت موت المؤلف عرفت فى كاسورى جايى ..قلت احسن بس ادحض
ولعى اللمبة النقدية واقعى منهج الاستنارة |
دحاض الهينة دي كما زمزاغ وجرسة..
اها كتبت ليك ضلومية نقد بس اتمسح..
طبعا انا كناقدة (الزول لم يتعلم سواقة العجلة في عجلة رالي بعداك بيسوق اي عجلة موش؟)
اها انا كناقدة تشكيلية بعد طلقت الادب.. وجيت لحبايبي التشكيلين.
من اجل الاولد ديز سيك..
اسع انا فرحانة لانه لوحة الحفلة عجبت عماد وعصام. النعمنو عيني نجيضة للفن وكدا..
بعد كل هذه الولوة خوفا وخشية من مولانا خدر.
لوحة البارتي لوحة رائعة جدا..والدحاضة رسمتها بصورة بسيطة ومرمزة..
وبما ان الفنان الدحاض اتي من بيئة تختلف فيها رمزية الحفلة المرسومة..
مثلا لسوداني اذا قلت حفلة سيتسدعي ارثه من ذاكرته المحلية. فربما رسم رجل يبشر او امرأة ترقص رقبة
او حق او هلال.. من مخزونات الدحاض الاصلية..
ولكن اللوحة يمكن ان يرسمها فنان من نيويورك اذ ان الموديل تلبس فستان سواريه
وتحمل كاس كوكتيل..وهذا هو (امج) الحفلة في الغرب..
وهنا نصل الى ان الفنان الدحاض قد استلف ذاكرة اخرى وتبناها في رسمه..
فصارت لوحته معولمة...
الناقدة المستلامية بيان..
|
Post: #78
Title: Re: التشكيليين سجمكم ...انا جيت
Author: Tumadir
Date: 08-22-2006, 08:56 PM
Parent: #68
طيب يا بيان (الناغدة) الظلامية
الناس دى كلها عارفة انه انا "لسه" ما تشكيلية ..وانك انتى ما اتعاملتى
مع "النغدى" التشكيلى ..تجى من اول ضربة تقولى كل واحد يرسم ناس حلتو؟
طيب الفنان ده ما زمزغة منه لكن لى حسة ماحضر "بارتى" فى نيويوكيكى دى
وفى السودان شاف فستان سواريه فى الحقيقة البارطيهات الشافا فى السودان لى يوم الليلة ما شافا فى امريكا ..النعمنو فى امريكا شغال "يخدم الدفرة"
اها جنس ده ..يسوى شنو؟؟ تطير عيشتو..
|
Post: #79
Title: Re: التشكيليين سجمكم ...انا جيت
Author: bayan
Date: 08-22-2006, 10:20 PM
Parent: #78
ت| Quote: جى من اول ضربة تقولى كل واحد يرسم ناس حلتو؟ |
يازولة ما تزمزغي بتواضع انت فنانة تشكيلية ونص. بالجد عجبتني رسوماتك
خاصة المشار اليها بهذا النغد المستلامي...
الفي فنايين من اعظم الفنايين قالو خترية
الفنانين صغارا وكبارا قالو سمحة
اسع انا اتنازلت لبتنا سالي على شرط تتمعنها وترسمها بالكلمات
اها يا تماضر كان ما رسمتي ناس حلتك البريسموم منو؟
انت عايزة النغاد البجد يجو يقولو انك عندك غربة في المخيلة الفنية حقتك
الشر برة وبعيد..امشي من دربك شيلي البت دلوكة
او لبسيها خاتم جنيه او برش.. ان شاء الله كان قلة..
لازمن البت دي تكون من حلتنا..
لسع ما جيت للوحة الهدوم المشرورات ديلاك ونغدهم نغد ضلامي صرف
كدي النشنفهن اول
يادي ان هدومكن مالن قصار ومجقمصات كدي حدست دي ( لحست اصبعها وغزته في الواط..ة جنبها)؟
الشنافة التشكيلية الجديدة بيان
نؤمن على حفلات الخرطوم النيويوركية...
|
Post: #75
Title: Re: التشكيليين سجمكم ...انا جيت
Author: Tumadir
Date: 08-22-2006, 08:47 PM
Parent: #67
عصام عبد الحفيظ:
طبعا نحن التشكيليين الحداثيين الماوسيين ديل ..بنعتبر تلاحمنا مع التشكيليين
التقليديين زيكم ديل ضرورة فنية ..وحتمية تاريخية ...الخ
وههههههه الف مرة ..لانه لما قريت انه فى "اعجاب شديد جدا جدا" ...ناديت اسماعيل فرح
"تشكيلى الاسرة" وقلت ليه اقرا الكلام ده ..وهو طبعا من "المشركين" ...
شكرا الليلة النوم ما بجينى للصباح.
|
Post: #74
Title: Re: التشكيليين سجمكم ...انا جيت
Author: Tumadir
Date: 08-22-2006, 08:43 PM
Parent: #65
قريتها ياخالد العبيد ..ولذيذة جدا ..وما فيها حاجة لكن طالما قلت كده
نحترمك..
وشكرا لسعادتك اسعدتنا
|
Post: #69
Title: Re: التشكيليين سجمكم ...انا جيت
Author: Khalid Kodi
Date: 08-22-2006, 09:48 AM
Parent: #1
الاخت تماضر...
نحنا خارجين إنتى داخله؟
ريشتك ماحارة لكن الازاميل ليها رافع.
تشكيلية جديدة...الصدور كان وسعت الاستوديو يشيل هرم.
تحياتى
|
Post: #70
Title: Re: التشكيليين سجمكم ...انا جيت
Author: Tumadir
Date: 08-22-2006, 08:18 PM
Parent: #69
Quote: (ثم بعد العوده للمعرض وتفحصه بعين الخبير)
هنالك قيمة فنيه عالية وأختيار محترف للألوان ويؤكد بأن صاحبته مبدعه بالفطره وأن اللمسات المبتكره والجميلة لعمل هذه الريشة فى عملها الألكترونى قد ترعرعت داخل فطرة الفنانه بجداره..وأن هنالك خبره حقيقية مع اللون ليست وليدة لحظه خاطفه وأنما عن حق خبره أبداعية وجمالية متأصله داخل وجدان مبدعتنا تماضر شيخ الدين... |
حاتم الياس
انا حالتى كنت بنضف لى فى عرق خدرة ..اجى اخلص بيه حقى "التشكيلى" منك.
شكرا يا عزيزى ..ودامت اللوحات ..
|
Post: #76
Title: Re: التشكيليين سجمكم ...انا جيت
Author: Tumadir
Date: 08-22-2006, 08:48 PM
Parent: #69
خالد كودى انت برضو بى سببك ناديت تشكيلى الاسرة المشرك بفننا وقريتو كلامك
ولسان حالى يقول: "وجع!!!"
|
Post: #80
Title: Re: التشكيليين سجمكم ...انا جيت
Author: Marouf Sanad
Date: 08-22-2006, 10:29 PM
Parent: #76
| Quote: لما "اترعرعت" شوية ..بقى اعز اصدقائى ..عبد الله محمد الطيب "ابسفة" |
آبسفه شديد
آبسفين والله آب سوري ما قصدنا نحرف موضوع البوست , الرسمات جميلة وانتي اصلاً
فنانة لكن اسي اثبتي انك فنانة "ورصامة" ذاتو , لكن انا برضو متكيف من الزول
اب سفة دا .
|
Post: #81
Title: Re: التشكيليين سجمكم ...انا جيت
Author: doma
Date: 08-23-2006, 04:25 AM
Parent: #80
انا ما شايفه الصور لي يا لوئ؟؟؟. وروني اشوفها كيف
|
Post: #82
Title: Re: التشكيليين سجمكم ...انا جيت
Author: nadus2000
Date: 08-23-2006, 05:19 AM
Parent: #81
| Quote: التشكيليين سجمكم ...انا جيت |
التشكيليين بختكم تمادر Chat وجات.
|
Post: #83
Title: Re: عبد الله محمد الطيب "اب سفة"..
Author: gessan
Date: 08-23-2006, 08:41 AM
Parent: #1
**"... لما كمبيوترى باظ ..وغبت من البورد ..بقيت ارسم بالماوس.."..
يعني "بوظة" الكمبيوتر الجاية وغيبة من البورد معرض طوالي؟؟؟!!!!!!!!
-------------------
عاطف بحر (له التحية أينما كان)..واحد من الدراميين العندهم تجربة مع رسم الكاريكاتيرات ..وكمان جاء عمل معرض في نجيلة نحت بكلية الفنون وبدعوة من جمعية الرسم ..
الكلام دا في بداية التسعينات..
المهم يا تماضر في النهاية كلو ضد القُبح ..
وبرضو المســرح أبُو ..
ولا بديل للسكة حديد إلا السكة حديد ..
|
Post: #84
Title: Re: التشكيليين سجمكم ...انا جيت
Author: نادر
Date: 08-23-2006, 09:02 AM
Parent: #1
انا دايما تماضر بتفطني في الردود ... لكن أحسن لي تماضر تفطني مية مرة ولا يتذكرني عبد الرازق الطالب مرة ...
كثييييييييييييييف ودي يا تماضر
وخالص تحياتي يا لؤلؤ ... (لقيت المقاطع يا لؤي مشكور جداً يا فنان) ...
|
Post: #85
Title: Re: التشكيليين سجمكم ...انا جيت
Author: Elmosley
Date: 08-23-2006, 09:58 AM
Parent: #1
بالزيت ولا بالكركار
أها ياطماطم هل شفتيني بمثل
يلا بلي راسك بالكركار
مع اني عافك ختريه
|
Post: #102
Title: Re: التشكيليين سجمكم ...انا جيت
Author: doma
Date: 08-23-2006, 09:54 PM
Parent: #101
شكرا الابن لوئ يا كريم الخصال . تمكنت اليوم من رؤيه معرض البت الحديقه ما شاء الله .
|
Post: #103
Title: Re: التشكيليين سجمكم ...انا جيت
Author: Elbagir Osman
Date: 08-23-2006, 11:11 PM
Parent: #1
لم أندهش
فتماضر ليست فقط فنانة شاملة
هي
.. إنسانة شاملة
إعود إذا توفر الزمن
الباقر
|
Post: #104
Title: Re: التشكيليين سجمكم ...انا جيت
Author: Tumadir
Date: 08-24-2006, 06:13 AM
Parent: #103
نادر..ابو محمود ...فطيتك؟؟
اخخخخخخخ
والله ما قصدت ..اهى حصلت كده وبس..وانت عارف المودة صاح؟؟ امسحها لى فى لوحاتى
وكيف مريومة الكبير كوما القليل لوما ...؟ ومحمود ..
الف مرحب بيك ياخ
ونو هارد فيلنقس بالله!!
|
Post: #105
Title: Re: التشكيليين سجمكم ...انا جيت
Author: Tumadir
Date: 08-24-2006, 06:23 AM
Parent: #104
Quote: الرسمات جميلة وانتي اصلاً
فنانة لكن اسي اثبتي انك فنانة "ورصامة" ذاتو , لكن انا برضو متكيف من الزول
اب سفة دا . |
اب سفة دا يا معروف سند يطلع ابن خالتى "آمنة" ...رساااااام مجنون بالرسم
فازت رسوماته مؤخرا فى اليابان وفرنسا
بسببو عرفت كوكبة من ناس الفنون الجميلة ..اكبر واصغر منه
يعنى ناس اثرو على مجرى التاريخ فى فنون السودان الجميلة
ناس حسن موسى وعبد الله بولا ..وناس الباقر موسى ..ده طبعا ود القضارف وجيران اهلنا
الزى اهلنا ..وام الخير كمبال وتوتو بت الجنيد ..واستاذى فى المعهد احمد المرضى وكمال ..والطالب المتعاون مع ناس المسرح عصام عبد الحفيظ ..واسماء كتيرة مشرقة وجميلة وحسة طايرة ..
وفى ناس كتار اجيال لاحقة عرفتهم من تبارك شيخ الدين تشكيلى البيت .ونسيبنا اسماعيل فرح وناس الطاهر بشرى
ومحى الدين الزين وناس خالد كودى ..وجيت فى امريكا عرفت الشافعى دفع الله ..وايمان شقاق وتاج السر الملك ..واجيال شابة ناس بهنس والفاضلابى ..وناس مهتمة بالتشكيل ناس طلال عفيفى وجريفاوى ..ومن البورد برضو ناس قيسان وعماد عبد الله ..وابرسى ..
ياخى ناس الفنون ديل احسن ناس ....بس اديهم ورقة وريشة ولون وصنة ..يقلبوا ليك الصمت ضجيج من العالم الجميل.
شكرا يا ابسفة على تشكيل روحى ..وأتمنى لك كل السعادة والسلام ..ولكل اصدقائك الجميلين.
|
Post: #106
Title: Re: التشكيليين سجمكم ...انا جيت
Author: Tumadir
Date: 08-24-2006, 06:34 AM
Parent: #105
Quote: يعني "بوظة" الكمبيوتر الجاية وغيبة من البورد معرض طوالي؟؟؟!!!!!!!!
-------------------
عاطف بحر (له التحية أينما كان)..واحد من الدراميين العندهم تجربة مع رسم الكاريكاتيرات ..وكمان جاء عمل معرض في نجيلة نحت بكلية الفنون وبدعوة من جمعية الرسم ..
الكلام دا في بداية التسعينات..
المهم يا تماضر في النهاية كلو ضد القُبح ..
وبرضو المســرح أبُو ..
|
لكن بختو عاطف بحر ..انا بتمنى كنت اكون بقدر ارسم زى محمد ولدى ..لانه بيعمل
الشخصية ببساطة وسهولة فى اى وضع وبأى زاوية ..ودى حرفنة بتجمع بين المسرح والرسم
يعنى الزول راسو ده كلو ملان مواقف واحداث وشخصيات لو قدر ينزلها فى الورق ..كان الناس اضانهم بردت من الثرثرة ..المسرحية ..
شكرا قيسان ..بالمناسبة انا طالعة بنظرية جديدة اليومين ديل ..لوكان المسرح ابو الفنون فالسينما امها.. ماعارفة ود خالتها يطلع منو (أى ابسفاها..)
|
Post: #107
Title: Re: التشكيليين سجمكم ...انا جيت
Author: Tumadir
Date: 08-24-2006, 06:39 AM
Parent: #106
Quote: بالزيت ولا بالكركار
أها ياطماطم هل شفتيني بمثل
يلا بلي راسك بالكركار
مع اني عافك ختريه |
وهذا وجع آخر اسمه المزيكة ..جاياك يا موصلى بالتلفون عندى اسئلة فى الكوردات ..
لما أجود ..كويس ..حاطلع ليكم فى راسكم "الكبير ده" ..
مالك ماشفت عفاف شيخ الدين بتعزف العود كيف؟؟ حسة بقت استاذة موسيقى فى جامعة جوبا..
شكرا يا موص ..على "خترية" دى ..
يو ميد ماى ديى ..
|
Post: #108
Title: Re: التشكيليين سجمكم ...انا جيت
Author: Tumadir
Date: 08-24-2006, 06:42 AM
Parent: #107
دومة السمحة معلومة ...ازيك ياخى ..بتمشى وين ..انتى؟؟
مشتاقين ..
شكرا على الطلة الحلوة
ياجماعة عليكم الله ما مشتهيين بت قضيم وشيرى ..واشراقة مصطفى؟
والله ليهم شوقة
الليلة قمت من الصباح متذكراهم ..
|
Post: #109
Title: Re: التشكيليين سجمكم ...انا جيت
Author: Tumadir
Date: 08-24-2006, 06:54 AM
Parent: #108
Quote: يازولة ما تزمزغي بتواضع انت فنانة تشكيلية ونص. بالجد عجبتني رسوماتك
خاصة المشار اليها بهذا النغد المستلامي...
الفي فنايين من اعظم الفنايين قالو خترية
الفنانين صغارا وكبارا قالو سمحة
اسع انا اتنازلت لبتنا سالي على شرط تتمعنها وترسمها بالكلمات
اها يا تماضر كان ما رسمتي ناس حلتك البريسموم منو؟
انت عايزة النغاد البجد يجو يقولو انك عندك غربة في المخيلة الفنية حقتك
الشر برة وبعيد..امشي من دربك شيلي البت دلوكة
او لبسيها خاتم جنيه او برش.. ان شاء الله كان قلة..
لازمن البت دي تكون من حلتنا..
لسع ما جيت للوحة الهدوم المشرورات ديلاك ونغدهم نغد ضلامي صرف
كدي النشنفهن اول
يادي ان هدومكن مالن قصار ومجقمصات كدي حدست دي ( لحست اصبعها وغزته في الواط..ة جنبها)؟
الشنافة التشكيلية الجديدة بيان
نؤمن على حفلات الخرطوم النيويوركية... |
ناغدتى العزيزة بيان
جبت كلامك كلو صرة فى خيت عشان ارد عليه بالقطارة
كون انه انا فنانة ده يبقى زوق منك (لايخلو من كونه ترقيدة لطيفة تسبق الضبح )
كون البت دى نجيب ليها رشم وحجول ..ده معناها استقاء من نصادر الثقافة الفارسية والهندية والعربية ..(الليلة والليلة) ..يعنى ماقلتى لى سكسك ولا ودع ..يعنى انتى بتمجدى ثقافة المركز ..استنى لى بشاشة !!!!
الهدوم المشرورة معاك ..ما شرعية ..وما نشفت لسه ...الله يستر من الجايى عليهن
اظنه الناغد يجيب ليه مقص ويجى يحتهن لى حت فى ا########## ده ..ويجيب معاه ناس ثوب الرياء وشملة كنيزة ..وكل ما يلزم ..
(هى الخرابة) انا لو رسمت هدوم شرعية بيكون الحبل فيه ستارة سوده كبيرة مدلدلة لى ا########## ..والشمس تناهد بى وراهن شان تظهر ..(طبعا سيرين معجبة بالخرابة زحى ..بقت تقولا لينا فى البيت) الله يجازى يا بنبن ..
وفى انتظار بقية النغدى ..انتو انغدو ونحن بندحض ..والنشوف البفتر منو؟
|
Post: #110
Title: Re: التشكيليين سجمكم ...انا جيت
Author: Tumadir
Date: 08-24-2006, 06:57 AM
Parent: #109
لؤلؤ..
الشكر موصول موصول موصول ..كما الود ...بلا حواف!
لولاك لما كنا هنا ..والآن...
اطلب اغنية "اسأل نفسك بينك وبينا واهديها الى عشاقها"....
مش سمحة بالله الاغنية دى ؟
|
Post: #112
Title: Re: التشكيليين سجمكم ...انا جيت
Author: Tumadir
Date: 08-24-2006, 07:01 AM
Parent: #111
Quote: قروش البيعة وصلتك ؟؟
|
هووووووى يا لؤلؤ انا مفلسة طول العام "فقراء لكن سعداء" اوعك تبوظ سمعتى بالقروش ..
جيب الاغنية بدفع ليك انا ..
|
Post: #114
Title: Re: التشكيليين سجمكم ...انا جيت
Author: esam gabralla
Date: 08-24-2006, 07:14 AM
Parent: #1
غايتو رسم و مسرح و غنا ده ما بنعرفو
لـكن الجن بنعرفو
المرة دى كان نصيحة ... انا اخلى التمباك هسه دى
ده كلام شنو ده:
Quote: ا
هو بعد داك ماشة مترعرعة
وينهم هم التشكيليين ..ولا سوقهم برد..ولسانهم انقطع غلبهم يدخلوا البوست؟؟
..انا من انصار "الفن للمال"
رفع الروح المعدنية
..وفجأة وجعتو الكلوة التشكيلية
والفى الكباية عصير تفاح
بدرالدين شنا..ف!!!
ماعارفة ود خالتها يطلع منو (أى ابسفاها..)
شكرا يا موص |
بمناسبة المرة, صاحبا لينا امو كبرت وبقت مرات بتجلى, اختو الكبيرة جات اجازة و المهم عاوزة تستلم الاسرة على حسابا, الام فى واحدة من الجلييات دى قالت: انا المرة (بتها) دى مما جات لخبطت على حياتى
سلام ايتها المرة
|
Post: #115
Title: Re: التشكيليين سجمكم ...انا جيت
Author: Tumadir
Date: 08-24-2006, 07:19 AM
Parent: #114
Quote: المرة دى كان نصيحة ... انا اخلى التمباك هسه دى
|
وفى زول ( مرتن كان او امرأة) ادعى انه نصيح قبل كده؟
لقد اضحكتنى يا رجل!!!!
يضحك نهارك.
|
Post: #116
Title: Re: التشكيليين سجمكم ...انا جيت
Author: Tumadir
Date: 08-24-2006, 07:23 AM
Parent: #115
Quote: لم أندهش
فتماضر ليست فقط فنانة شاملة
هي
.. إنسانة شاملة
إعود إذا توفر الزمن
الباقر |
كدى كدى كدى ...
الباقر موسى قال كدى ...
العنقالة يزحوا كدى ...
وبالله ما تتفلهم علينا واذا توفر الزمن ..وبتاع ..تعال اكتب الكلام الداير تقولو
بأسرع فرصة...(اى كانت ويت ..)
|
Post: #118
Title: Re: التشكيليين سجمكم ...انا جيت
Author: Tumadir
Date: 08-24-2006, 08:04 AM
Parent: #116
لكننننننننننننننن
لكن فجأة بديت تتنكر
وفى ريدتنا بقيت ما بتسأل
وقلبك رغم الطيبة الفيهو (ترم ترررم) انا بستغرب كيف اتبدل؟
ياسلام عليك يالؤلؤ ..
دى اغنية فى منتهى الجمال ..كنا بنغنيها زمان فى البيت عفاف اختى بتحب تعزفها على العود
وقريب ده لما مشيت مسقط نبهنى ليها احد الاصدقاء ..ولمست وترا حساسا عندى ..ولم اسمعها من سيدها ..من سنين ..
انت شنو عندك رف؟؟ بس يقولو ليك الاغنية وتنزلها ؟ ماشاء الله
طيب ممكن تحل المشكلة التقنية ..خلى الاغنية دى للصفحة ..وخلى المتصفح يختار لو داير موسيقى الوافر ..لانها متوفرة فى الصفحة الاولى "اوريدى"..حلو الكلام؟ طب سلام!
|
Post: #119
Title: Re: التشكيليين سجمكم ...انا جيت
Author: shahto
Date: 08-24-2006, 08:09 AM
Parent: #118
الاستاذة الفنانه
تماضر
فقط لتسجيل الحضور و المطايبه
اما عن الفن نحن نستمد الخبرة و الالهام منكم فانتم معين الفن الذي لاينضب
اخوك شحتو
|
Post: #120
Title: Re: التشكيليين سجمكم ...انا جيت
Author: Tumadir
Date: 08-24-2006, 08:15 AM
Parent: #119
الليييييلة ...شحتو ..من الاسماء الطايرة
ياخى انت تستمد الفن من روحك الجميلة دى ...
الف شكرا لتسجيل الحضور ..والف طيبة للمطايبة ..يارجل يا فنان!
|
Post: #122
Title: Re: التشكيليين سجمكم ...انا جيت
Author: Tumadir
Date: 08-24-2006, 08:33 AM
Parent: #121
بركة الما قلت لى يا تفيده.. هههههه
لؤى ....
صديقا لى...
انزل الرسم التانى كيف ..ما قلت لى!
يعنى زى ما ابوى كان بنادى اى زول باسمه ومعاه سجعة حلوة
بيقولى تماضر ام قلبا حاضر
بيقول لى قصى..
قصى...حبيبا لى..
فحسة انا مستلفة لسان ابوى الحلو ..مخصوص لهذا الطلب..
الصور دى ما بتتصغر لانه بيقولو مفروض تكون على jpg "وهاجات بالشكل زى ده"
|
Post: #123
Title: Re: التشكيليين سجمكم ...انا جيت
Author: مصدق مصطفى حسين
Date: 08-24-2006, 08:34 AM
Parent: #1
لعلمى صعوبة الرسم بالماوس ...
أقول للتشكيليين فعلا : سجمكم ...
لوحات حقا توقفت عندها ,
و أنتظر نشوف لوحات يدويه ... لو بطرفكم
|
Post: #124
Title: Re: التشكيليين سجمكم ...انا جيت
Author: Tumadir
Date: 08-24-2006, 08:53 AM
Parent: #123
Quote: لعلمى صعوبة الرسم بالماوس ...
أقول للتشكيليين فعلا : سجمكم ...
لوحات حقا توقفت عندها ,
و أنتظر نشوف لوحات يدويه ... لو بطرفكم |
look who is talking
it's a pleasure
لوحات يدوية ..معلقة فى ستديو المتحدين عقليا ..
القلتهم ليك ..تانى ما بخلوها تنقلع من الحيطة
|
Post: #125
Title: Re: التشكيليين سجمكم ...انا جيت
Author: عبد الله عقيد
Date: 08-24-2006, 09:05 AM
Parent: #1
شكرا شكرا
يا تماضر ويا لؤي
على الغنوة السمحة دي
أنا والله بحبها حب شديد خلاص
ومن ما طلبتيها يا تماضر امشي واجي
واقول يا رب لؤي يلقاها (في الرف)..
والحمد لله تراهو لقاها..
تاني شكرا
بس يا لؤي عليك الله خت لينك للحفظ، الله يحفظك لينا يا رب
|
Post: #126
Title: Re: التشكيليين سجمكم ...انا جيت
Author: عبد الله عقيد
Date: 08-24-2006, 09:22 AM
Parent: #125
تماضر ياخ معليش
أنا ما عندي عِرفة في الرسم
عشان كِدا دخلاتي في البوست دا كلها مشاترة
لك التحية
|
Post: #129
Title: Re: التشكيليين سجمكم ...انا جيت
Author: عصام عبد الحفيظ
Date: 08-24-2006, 02:43 PM
Parent: #128
لا اتذاكى
فى حضرة من احب
اجامل
والكلمة تافهها
ولا احبهها
دى جدييع تشكيلييووون
والكنبة الوراااا
|
Post: #135
Title: Re: التشكيليين سجمكم ...انا جيت
Author: عشة بت فاطنة
Date: 08-24-2006, 07:30 PM
Parent: #134
تماضر وينك
يا أبداع ..
بعدين انتي يا تماضر من زمان
جاية ما من حسي وزي ما قال صديقنا
المشترك الباقر انك فنانة شاملة وكاملة
وكمان بتغني بس يا خسارة زي ماقاعدة
اقول ليك :
انك لا تجيدي تقدير اشيائك ومواهبك ..
وولدنا محمد أكيد حيفوتك لانو تربية خواجات
وبقدر حاجاتو كويس .. في انتظار ابداعاتك
وبالمناسبة دي انا زاتي اشترك معاك في نفس
الخربشات بالماوث يعني زي ما تقولي
كدا تاورتني الخربشة اليومين دي ، ممكن تعملي لي
معرض زي ما اخونا لؤي عمل ليك واحد وتهدي لي اغنية
بصوتك الجميل زي ما بقولوا البقر بطول الشعر
زي الكركار سيم سيم ..
|
Post: #136
Title: Re: التشكيليين سجمكم ...انا جيت
Author: محمد سنى دفع الله
Date: 08-25-2006, 01:01 AM
Parent: #135
انا سحيت جملتي النقدية
( في المعرض صورعادية وأخرى مدهشة )
لأنو صديقي الفنان اقنعني بأن الصور التى شفتها عادية
عند الأخرين مش عادية
وقد كان كثيرون شافوا في صور تمادوور
مثل فتاة الكومبيوتر والوجوه
صور جميلة جدا
وعندما ظهر في المعرض التجريبي
عماد عبدالله وغصام عبد الحفيظ
الكلام انتهى
لكن انا مصر على جملتي
ركزي في المشروع
بعض الصور ضربة الماوث وتقنية لطشة الجهاز الحاسوبي باينة فيها وقد كانت في بداية البتجربة
انا اقول ان صور الشجر وحفلة وبورتري الرجل العجوز فيها تجاوز..
تمادور مغنية تتطرب الحجر وممثلة تمسك بالجمهور وتقعدوا في طرف الكرسي
ورسامة قادمة بقوة
ماتخلي الرسم اشيلك مننا ومن التنظير والكتابة الحقيقية
في ناس قعدوا ارسمو في السمك طول عمرهم وناس من صفقة غيرو تشريح النبات
المشروع يقودك الى المعرض البقد عين الشيطان
أيتها الغنانة الشاملة
وفي انتظار معرض عشة بت فاطنة الروح المحلقة في الخضرة والبئة والجمال ..
|
Post: #137
Title: Re: التشكيليين سجمكم ...انا جيت
Author: Tumadir
Date: 08-27-2006, 09:55 AM
Parent: #136
| Quote: وفي انتظار معرض عشة بت فاطنة الروح المحلقة في الخضرة والبئة والجمال .. |
السنى وعشة
فرحتو ملايكة البوست والله!
معليش وانا بشتغل اكتر من اى مواطن اتوجد فى العالم
طولت من البورد
عبد الله عقيد جميل انك بتحب الاغنية الانا بحبها
والفضل كله راجع للؤلؤ ....
اتوقع نعمل معرض مشترك انا وعشة مبارك وعبد المنعم الجزلى
ونسميه (الرسم بالفيران..للممثل الحيران)
|
|
