ليه كده يا لؤى ولنا المهدى وتمبس؟؟

كل ما احاول ادخل بوست
ماتطلبه المستمعات..عشان اطلب...
اليوم عيد زواجنا ...عشان اهنى
رجاء العباسى ...عشان اناشدها بالعودة

البورد بقفل..فى كمبيوترى

فهمنى احد الاصدقاء ان بهم اغانى ومعناها ان ميديا بلير بتاعى قديم..

قمت باللازم وعملت ابديت

والليلة برضو نفس الكلام..

عموما

اهنىء لنا المهدى وزوجها بعيد زواجكم..واتمنى لهما وطنا حرا وجميلا..وسعدا لا ينقطع

واطلب اغنية ...النفوس الطيبة ما كانت شريرة واهديها الى اعضاء سودانيز اون لاين.."المتناحرة"

واناشد رجاء العباسى بالعودة الى البورد...رغم تعاسته

كما اطلب من العارفين الافادة والتشخيص..

عزيزتى تماضر


قلت اسلم عليك فى "safe space"


كل سنه و انت و كل الأسره بخير

و بعوده الأيام

و عودتك للبلد

و عوده البلد الينا



حبى و مودتى الخالصه

Quote: "safe space

ha ha ha ha ha

فعلا انتى جميلة وذكية يا هلولة..

اشتاق اليك كثيرا..
كل عام وانت بهذا العطاء

واجمل الاعوام..هى اعوام باجمل الاوطان

انقطعتى ..مالك؟

قريت اخبارك وادائك الموفورتجاه نساء دارفور..يعبر عنك تماما...وعما اعرفه فيك..
لك محبتى الدافئة..

Quote: واطلب اغنية ...النفوس الطيبة ما كانت شريرة واهديها الى اعضاء سودانيز اون لاين.."المتناحرة"

وانا برضو

Quote: ليه كده يا لؤى ولنا المهدى وتمبس؟؟

وانتى طيبة و طيبة يا تماضر الحبيبة...
وليه كدة يا تماضر؟؟
لاكين عاد ما اتلومتى فى اسم عمك،
بعد العشرة مع بتو دى كلها؟؟

بالغت انا...ضايفة ليه الف ولام وهو غنى من التعريف؟؟

حقو على..

خلاص ادينى الف لامى ديل بعرف بيهم تمبس اصلو هو "فقير" عن التعريفة..هاهاهاها

تسلمى ..

وانجا..
ياهلا ..

وطلبك فى العين والراس..

بس باين حاغنيها انا ..هنا فى البيت مع غسيل العدة بترضى؟

Quote: بالغت انا...ضايفة ليه الف ولام وهو غنى من التعريف؟؟ حقو على.. خلاص ادينى الف لامى ديل بعرف بيهم تمبس اصلو هو "فقير" عن التعريفة..هاهاهاها

تماضر يا حبيبة:
عارفة إنك ألذا زول؟؟؟

abdalla BABIKER
»Abdel Aati
»Abu Mariam
»Abutalib Elgorashi
»Adrob wad Elkhatib
»Ahmed Mahmoud
»khider
»lana mahdi
»luai
»Muna Khugali
»nagla abshar
»Raja
»saif massad ali
»Shams eldin Alsanosi
»THE RAIN
»Tumadir
»zola123
»حبيب نورة
»خال فاطمة
»رانيا بابكر
»سارة حمزة
»سجيمان


انتى فى لذاذتى ولا فى رجاء الدخلت البورد؟

يا مراحب برجاء العباسى

تماضر العزيزة
إزّيّك

دوسى على اللينك دا وشوفى لو حايفتح معاك ، ولو فتح ماتغيرى فى شكل الصفحة بس دوسى على (( Reply)) وأكتبى مداخلتك ..
ماتطلبه المستمعات


وُدّى

صبحان الله


حسة ياللؤى نقول التصلح ده البوست ولا كمبيوترى؟؟

وبرضو بوست طارق الجزولى

وكل بوستات راكوبة

وبعض بوستات سمبتيكو

الغريبة اقدر ادخل بوست ودالعباسية

وبوست واحد من رضا..

تماضر العزيزة

بمجرّد قراءتى لكلماتك شككت فى أن مابداخل البوست من عدد كبير من أدوات تشغيل الملفّات الصوتيّة قد يتجاوز الحد الذى يسمح لجهازك بإستقباله ، وقد يعود ذلك للكثير ، على سبيل المثال محدودية المساحة فى جهازك ..

اللينك الذى أرفقته يقوم بفتح المداخلة الأساسيّة فقط فى البوست دون الحاجة لفتح كل المداخلات الأخرى والمشحونة بأدوات التشغيل ، والتى تقوم بإبطاء أو إفشال عملية فتح البوست ، ولذلك أمكنك الدخول ..

بالطبع نفس الشئ يمكن عمله مع بقيّة البوستات التى تواجهك مشكلة فى فتحها ..

أرجو أن أكون قد تمكّنت من شرح فهمى للمسألة .


وُدّى

واين هذه اللنك يا امير التكنولوجيا؟؟

وبتتكلم معاى باللغه العربية ليه انت محاربنى؟؟؟ هاهاهاهاها

الحبيبة تماضر..

عيد سعيد..

Quote: واناشد رجاء العباسى بالعودة الى البورد...رغم تعاسته

عمرك أطول من عمري..

ولا نقول توارد خواطر..

أظنها بركات العيد..

حبي..

وكل عام وانت بخير..


واحببت امضائك...فهو ينبىء عن رؤيا متفائلة لوجود اخضر...

Quote: خلاص ادينى الف لامى ديل بعرف بيهم تمبس اصلو هو "فقير" عن التعريفة..هاهاهاها

Quote: وبتتكلم معاى باللغه العربية ليه انت محاربنى؟؟؟ هاهاهاهاها

الله يجازى محنك ، غايتو الليلة ضحّكتينى ضحك


طيب نحاول بالدارجى .. اللينك الختيتو بعد كلامى الأول فوق وقدرتى تدخلى بيهو للبوست .. ركّزى معاى شويّة

ودا مثلاً لينك طارق الجزولى ، جرّبى وشوفى لو قدرتى تدخلى بيهو للبوست

لطفا : سجلوا حضوركم وباقات زهوركم : طارق الجزولي عريسا **

لؤى...

طيب اللنك دى مش انت عملت ليها اجراء..خلاها تكون..بتخبى منها الجزء التقيل الكمبيوترى ما بستحملو؟؟


الاجراء دة شنو؟؟

اما كمبيوترى فهو الجايب لى النكت دى..

كل ما امشى الشغل واجى القاه بتكلم معاى لغات....

الاولاد ينزلو فى البرامج ...والكمبيوتر يرطن معاى....

انت قايل النكت دى من شنو؟

تماضر

فقط ادخلتني هنا" روحي

لاقرئك سلام العيد وامنياته "الشرقية"

واتني لك حجاً في العام القادم(مِنن) انشاءالله

ثم ابلغكي حُبي الشديد

.............
.............
ربما اتصل في العيد ,
ربما انتظر هاتفك

يسمع منك رب السما...

وعقبالك...

تحياتى ومحبتى ..

وكل عام وانت جيد التوصيل لحرارة الكون...ونبضه

ربما هاتفتك يوم العيد...

الليلة الدنيا جايطة هنا....

حتى اسمع منك او تسمع منى لك وللاسرة احر التهانى بالعيد السعيد....

Quote: اهنىء لنا المهدى وزوجها بعيد زواجكم..واتمنى لهما وطنا حرا وجميلا..وسعدا لا ينقطع

وكل عام والجميع بخير
والتهنئة موصولة عبرك للأخت لنا المهدي... ولزوجها..

وخالص الأمنيات للجميع....

يا تماضر انا هنيتك بالعيد في بيت ناس عادل عبد العاطي
غايتو الا ادخل اشوف ملاياتكم لونهن شنو....والله اتلقي سمحات
سماحة....ملايات امريكية متحده ...يا قول....يا ربي منو؟

كل سنة وانت طيبه ومرحه ومتعافية واعفي مننا وعافين منك لله
والرسول...باقي نحن في عطلة العيد...النت بي عينا ما بنشوفو

مرارات سااااااااااااااااكت.....

وفشفشاشنا الا نديه الكلاب....انهرد....

وخايف اجي راجع بعد العيد....الاقي البورد زي بيت حاج الامام
كراسيه سافيه فيها السفاية.....

طيب ياستّى القصّة دى شرحها طويل ، حا أشرح ولو فى شئ ماقدرت أوصّلو قولى لى ..

أى بوست لمّا تفتحيهو بيفتح بالشكل الطبيعى ، يعنى صدر الموضوعات وبعدها المداخلات ، وعشان تتجنّبى الشئ دا مع البوستات المابتفتح تقومى تفتحى أى بوست ، يعنى زى البوست بتاعك دا ، لأنو بيفتح قصدى .. وفوق تحت كلمة (( الرئيسيّة )) بتلقى مكتوب (( أقرأ المشاركات فى شكل سلسلة )) لو دُستى عليها بتجيب ليك البوست فى صفحة الموضوع الاساسى ، والمداخلات مابتظهر ، بس بتظهر قائمة تحت بى إسم المشاركين/ات وقدّام الاسماء المشاركات ، ولمّا تدوسى على المشاركة القدّام الإسم بتفتح معاك هى وبس ..

تقومى ياستّى بعد العمليّة دى تقفلى البوست بتاعك العملتى فيهو التجربة دى وترجعى للرئيسيّة وتفتحى البوست المابى يفتح وحايفتح معاك بس فى الصفحة بتاعة رأس البوست ، وبالطريقة دى ممكن تقرى بس المشاركات العاوزة تقريها بالضغط على المشاركة القدّام إسم الشخص ..

دا كلّو بيحصل بس مع البوستات التّقيلة .. لمّا تخلصى ممكن تدخلى أى بوست وتدّوسى على (( أقرأ الشاركات فى صورة مستقيمة )) ..


بعد الكلام الكتير دا عاوز أهديك أغنية تواصُل اللى طلبتيها ..

تواصُل


لحفظ تواصُل

ودا لينك ردّى عليك فى بوست ماتطلبه المستمعات ..

Re: ماتطلبه المستمعات

عبد الرازق ابو طالب اهلا فى البوست..مع انك ما اتكلمت معاى انا ..

نزار حسين..

كل عام وانتم بخير..ملاياتكم بتكون اسمح من ملاياتنا..

لانو نحن ما بنشترى ملايات للعيد..نحن يادوب بنغسل..هههههه

وكل عام وانتم بخير

لؤى ...

عرفت كلامك..ليه كنت قايلنى ما حافهمها...عشان..مفلسة..؟؟

ههههههه

لك التحية على شقشقت...

وبمشى اشوف البوست التانى..

وكل عام والكل بخير

Quote: عرفت كلامك..ليه كنت قايلنى ما حافهمها...عشان..مفلسة..؟؟

لااا .. عشان انا (( متفلفس )) .. فلسفة الدارجى دى قلت تكون ماجايبة حقّها ، وأكون انا فى وادى وانتى فى وادِك ..

المهم استحمت موجة فى خاطر العشية

(فى السقط دة؟)

تصور نحن درجة حرارة زاتو ما عندنا...

من البرد والشمس عاملة فيها فاقعه ضو بس ..زى نور التلاجة ..

قالو السودان زى دكان المكوجى...
غايتو الله كريم..

Quote: (فى السقط دة؟)

Quote: من البرد والشمس عاملة فيها فاقعه ضو بس ..زى نور التلاجة ..

Quote: قالو السودان زى دكان المكوجى...

Quote: سودانيز اون لاين موقع معارض.. بفتح الميم والراء

Quote: خلاص ادينى الف لامى ديل بعرف بيهم تمبس اصلو هو "فقير" عن التعريفة..هاهاهاها

Quote: صبحان الله

Quote: وبتتكلم معاى باللغه العربية ليه انت محاربنى؟؟؟ هاهاهاهاها

Quote: الاولاد ينزلو فى البرامج ...والكمبيوتر يرطن معاى.... انت قايل النكت دى من شنو؟

Quote: عبد الرازق ابو طالب اهلا فى البوست..مع انك ما اتكلمت معاى انا ..

Quote: لانو نحن ما بنشترى ملايات للعيد..نحن يادوب بنغسل..هههههه

Quote: تصور نحن درجة حرارة زاتو ما عندنا...

دا القدرتو اشوفو بس .. غايتو الليلة بالغتى عدييييييييييل

كل سنة وانتى طيبة

لؤى ..ههههههه.

يتخيل لى برضو من عدم الخروف...

طبعا

فى العيد نحن بس بنتمر التلفون وننضفو ونقعد..نعاين ليه..

الله ياتماضر .. والله انا عاوز اقوم من قدّام الجهاز دا لى ساعة ، كل ما أجى اقوم القاك كتبتى رد فى حتّة أمشى أقراهو ، أضحك لمّا أقرّب أقع .. فقرّرت أقعد اباريك كدا ، الليلة دا يوم الضحك باين فما حاأفوتو ..


قلتى لى بتتمّروا التلفون وتنضفوهو وتقعدوا تعاينو ليهو ؟؟ ليه يعنى ؟؟؟؟؟ الفكرة شنو ؟؟

ممنوع دخول المشاغبين في هذا البوست.
أنا شايل عكازي و قاعد

اليوم اتقسم نصو..وانا لقيت روحى مسمرة اعمل لى لفة سريعه واجى راجعه القى لؤى...

المهم

اشرح ليك قصة التلفون:

مش الزول يوم العيد بلاقى اهله واصحابه ويهنيهم بالعيد
ومش نحن مقطوعين من شجرة هنا وما عندنا اهل ولا اصحاب..
ومش التلفون ده الوسيلة الوحيده النصف المشاهدة؟؟

"وتيب"؟

كوستاوى..مازال طناشكم مستمرا..
اهو ده الخروف متجمد تحت الشجرة..مش قلتو جايينا؟

داير لما يسألوك يقولو ليك ما جيت ليه تقول كنت حارس البوست؟

ههههههه

Quote: "وتيب"؟

انا طبعاً فاهم الموضوع بالضبط كدا ، لكن لمّا قريت كلامك عن عدم الخروف وعن تتمير التلفون وتنضيفو والقعدة والمعاينة ليهو ، قللت ياربّى تلفون ناس تماضر دا جرسو بااااااع ولا شنو ؟

كوستاوى العزيز
سلامات
وكل سنة وانت طيب

بى عكّازك دا لو رايحة ليك شكلة شايف مريم بت الحسين كاتبة ليها بوست بتفتّش فى شكلة ، أمشى عليها بى هناك

بى باااع دى ذكرتنى قصة المره والراجل
اشتروا خروف قبل شهر من الضحية وياكلو فيه ويشربو فيه..القش داخل مارق الجرادل تتضارب..

المهم اخر يوم..يوم الوقفة بالليل
الخروف بقى خاتى رقبتو وقدومو فى الواطة ومعمش

الجماعه حاولو يرفعو روحو المعنوية باى طريقة وهو مدندن ومنبطح..ومعمش

جات المرة صنقرت..قدامو وبقت تتبن فيه..
وراجلها راقد بعيد يعاين للمناظر دى..وفاهم الخروف دة ما زول بكرة...

المرة جابت وشها قربت لى وشو ..وقالت ليه: باع؟

باع؟؟

الراجل قاليها..ناسيها يعنى؟ ما بس ناوى يموت..
هههههههه

والله القصة دى حصلت جد جد ....

Quote: الغريبة اقدر ادخل بوست ودالعباسية

طيب ماالسبب واضح يا تماضر
كمبيوترك عاملين ليهو عمل
وما بتفكا إلا تزوريهو مرفعين الفقرا
أو بالعدم
تطلبي من لؤي غنية من أغاني زيدان
وتهديها لي
ورغم إن الهدية لا تهدى ولا تباع أنا بدوري أهديها لرجاء بمناسبة العودة

ابو التــــــــــاء

Quote: الغريبة اقدر ادخل بوست ودالعباسية

آمنتوا !!.... ولا لسه

عباسية 100%

تماضر العزيزة
تحايا

اها ضحّيتو ضابحين التلفون ولا الحصل شنو ماحكيتي لينا !!

يا سلالالالالالالالالالالالالالالالالالالام ياااااااااااااخ .....

ليه كده ياتماضر ؟؟؟ناقعة داندرمه وطرافه.....
تلغي تعسيلة العصـــــــــــــــــــــــــــــــــــــــــــــاري ..


وليه كده يالؤي ؟؟ قاعد تعرف تجيب الحاجات الحلوة حسع انا اعمل معاك كيف ؟؟

حمزة يا فنان ...يا فنان ..

لنا المهدي .. ان شاء الهل دائما سعدية يا زولة يا طيبة ..


تماضر كلام سر ..
روحي محرقاني من البورد لي فترة .. كل ما ادخل ارد .. الحروف زي اول ( بتتشبككده معبعضه).. ببقي اشتر .. وكان دخلت اي بوست ببوظو طوالي اهابزووووغ امشي الارشيف ..دافي ، ومصطفي مدثر ...وحاجات اطعم وخايف اجي اسالكم البورد ده مسيخ كده لييه بقى ؟؟ ما اللقي زول يرد لي ..
مش البوست بتاعك ده قديم وبايت واي حاجه ؟؟؟ جابو لي خبرو من السودان ..وحسع قاعد اضحك لحدي ضرس العقل..



انا مش قلت ليك زمان ؟؟؟

Quote: يا سلالالالالالالالالالالالالالالالالالالام ياااااااااااااخ ..... ليه كده ياتماضر ؟؟؟ناقعة داندرمه وطرافه..... تلغي تعسيلة العصـــــــــــــــــــــــــــــــــــــــــــــاري

محمد السر
ود العباسية
لؤى
وتمبس وسمندلاوى

تتجازوا ياناس الله ... انتو رفعتو البوست ده متين

انتو عارفين مما نفسى مرقت من البورد ده بقيت اصلو ما ببحبت لى صفحة تانية

ولا بشوف اخر بوست اتقال فيه شنو بس باكل من الصحن القدامى " حتى لو الملاحة" زى ما قالت مريم محمد الطيب...قالت ابوها اصلو ما بمد ايدو للصحن البعيد منو بس ياكل من الصحن القدامو حتى لو الملاحة ههههههه...


والله ياجماعة بصراحة فى حاجة جواى كشششش انكسرت وما بتتصلح تانى "سمع اضانى دى"

ليه كده الدنيا دى؟؟؟ وليه كدا السودانيين ديل؟؟ مش بقولو عليهم "شعب طيب" واهلنا الطيبيبن" والكلام الزى ده مشى وين؟ وفى الحقيقة هو جة من وين؟؟ كاسورى كاسورى كاسورى

فى السياسة وفى الفن وفى الشمار حتى فى الكتابة المسيييييييخة دى كاسورى؟؟؟


بمشى العجلاتى بصلحها....وبفرح تانى..."ياريت" وماااااااظنيت

بس شكرا على وجوهكم المشرقة وكلامكم المعطر

تماضر العسل جدا

حبيبتنا وبت حلتنا

Quote: انتو عارفين مما نفسى مرقت من البورد ده بقيت اصلو ما ببحبت لى صفحة تانية

طالما انتى هنا فى حلتنا انا برفع ليك الدايراهو لحدى مايروح منك الطمام !!

سمح؟!!

Quote: تتجازوا ياناس الله ... انتو رفعتو البوست ده متين انتو عارفين مما نفسى مرقت من البورد ده بقيت اصلو ما ببحبت لى صفحة تانية

تماضر العزيزة
إزّيّك

انا "أب راس" دا البرااااااي مشيت بحتَّ ونكتَّ البوست دا ، الناس التانيين ديل كلّهم أبرياء من دم الخروف .. وتعرفي ؟ انا مشيت فتّشت البوست عشان أسألك من موضوع البوست ذاتو قصّة بوستات الصور والأغاني الكنتي مابتقدري تدخليها ، ولمّا جيت أكتب الموضوع طار ، قُمتَ عملتها كلّها خروف وعيد ومرقتَ ..

هسّه فجأة إتذكّرت الموضوع قلت إلاّ أجي أسألك كمبيوترك لسّه محاربنا انا ولنا وتمبس ولا إنستر معانا ؟

Quote: والله ياجماعة بصراحة فى حاجة جواى كشششش انكسرت وما بتتصلح تانى "سمع اضانى دى"

ليه كده يا تماضر؟؟؟؟

فقد آلمتينى غاية الألم حتى شعرت أنا كمان الجواى بدت تتشقق

شوفى كمية الفرح القاعده تنشريه ده ، ما هو ده صدى الكسير السمعتيه

ربنا يحفظك يا تماضر ، فكلنا محتاجين ليك