وين مراويد..؟؟؟

Post: #1
Title: وين مراويد..؟؟؟
Author: Tumadir
Date: 10-06-2004, 08:24 AM

افتقد رايك الثاقب..وتعليقاتك الفذة

كل ما اقرأ اسفافا او "هبابا" مضحكا وفطيرا

كل ما ارى الاكاذيب تختال طاؤوسا على الاثير والزيف يلبس وساما..فى المنابر

وكل ما مدت الافكار المدمرة رؤوسها الثعلبية الى ساحات الحوار

افتقد اقتباساتك الشعرية والادبية والموسيقية وهى تدعم فكرك وموقفك

افتقد "لواقاتك الذكية" و"انخماشك " العبقرى فى "اخمص" الاشياء وراسها

اين انت؟؟

هل" طمت" بطنك ايضا كما "طمت" بطن الذين من قبلك وكما ستطم بطون اخرى...

لك التحية اينما وكيفما انت ....ولك الافتقاد

Post: #2
Title: Re: وين مراويد..؟؟؟
Author: Tumadir
Date: 10-06-2004, 08:32 AM
Parent: #1

انا ايضا ، مثلك، هؤلاء يسيئون الى معتقدى...

الموت

الاجحاف

القبح

لا اقوى على التبليغ عنهم ...ولكنى اسعى لازاحتهم وتهميش دوائرهم مثلك

ولكن الاداة قد تتكلس فى يد النحات ...قبل الصخرة

والاغنية قد تتيبس فى حلق المغنى قبل الصدى

Post: #5
Title: Re: وين مراويد..؟؟؟
Author: Tumadir
Date: 10-06-2004, 08:38 AM
Parent: #2

انا ايضا مثلك ...اؤمن ببداهة الجمال وصدق الحواس

ولكن

تفاجؤنى الاكاذيب والاحزان وتسقط فى يدى

تحترق سفنى فى البحار المنسية وتضيع من مساراتى فنارات السفر

انا ايضا لا اهتدى الى اللون الا بلمس الاصابع

واصاب بعمى الحب ...حتى من قبل التكوير

وقبل ان تكون الشمس والقمر بحسبان

لكنى اتشاغل بالتفكير فى القوة الكامنة فى قطرة ندى وهى قبل السقوط تتمسك بورقة الزهر حتى ينجلى الليل

Post: #3
Title: Re: وين مراويد..؟؟؟
Author: Abo Amna
Date: 10-06-2004, 08:34 AM
Parent: #1

أنا مابنفع

انشالله لي دي

افتقد "لواقاتك الذكية" و"انخماشك " العبقرى فى "اخمص" الاشياء وراسها

وين الايميل بتاعي
عشان انا ما عارف ارسل ليك في ياتو ايميل

Post: #6
Title: Re: وين مراويد..؟؟؟
Author: Tumadir
Date: 10-06-2004, 08:40 AM
Parent: #3

رسل هنا يا ابو امنه

انا الماعارفة ارسل ليك بياتو ايميل

[email protected]

ودعنى اسميه ايميلى المنعتق من اسر اب عكر...حتى اشعار اخر

لك مودتى الضاربة فى القدم

Post: #4
Title: Re: وين مراويد..؟؟؟
Author: samo
Date: 10-06-2004, 08:36 AM
Parent: #1

تماضر .. ازييييييييييييييك يا ... مدهشة ...

شنو يعنى ... عاملة ناااااااااااايمة ...

طبعا ... مشتاقيييييييييييين مافيها كلام ..

(واذا دار محور سؤالك عنا ..فنحن بالف خير ولا ينقصنا شئ سوي عدم رؤياكم الغالية ) .. وكدة

Quote: كل ما اقرأ اسفافا
..انا اسمي مكتوووب ..؟؟

دايما سباقة يا ست الكل..

نفتقد (معك ) كل غائب ..

تحياتى للبنوتة ... الجميلة ..
بالمناسبة
انا ...قلت ليك ..قبل كدة ..؟؟
صورتك ....(كدة ).
معتصم عمر

Post: #7
Title: Re: وين مراويد..؟؟؟
Author: Tumadir
Date: 10-06-2004, 08:43 AM
Parent: #4

سمو

ياسمو الامير سمو ..كيف امورك؟؟

مافى نوم...بس مشاغل الدنيا ما بتدينا خاطر

ان شا الله تكون "اشياءك الخاصة" ماضية الى حل ما

فقدت تلفون المدام بعد ظروف السفر

يؤسفنى ذلك

لكن يسعدنى ان ترسله لى بالايميل...ونواصل التواصل

شكرا لطلتك الودوده

Post: #8
Title: Re: وين مراويد..؟؟؟
Author: Tumadir
Date: 10-06-2004, 08:47 AM
Parent: #7

اواصل يا مراويد

لا يصح ان تترك مخلاية التكريس على حافة النهر وتمضى بدون وداع

الاطفال سألونا عنك قبل حكاية النوم الاخيرة ...

وعندما طلعت اول نجمة ....فى سماء الحى ...استيقظوا من جديد ليعاودوا السؤال

الاكاذيب ...لماذا تلح على ان لا انساها....قطعت اوصال الحقيقة وضحكت بصوت مشروخ

Post: #9
Title: Re: وين مراويد..؟؟؟
Author: Tumadir
Date: 10-06-2004, 08:49 AM
Parent: #8

الاكاذيب افسدت علينا وطنا باكمله

Post: #11
Title: Re: وين مراويد..؟؟؟
Author: Tumadir
Date: 10-06-2004, 08:55 AM
Parent: #9

انى ذاهبة ...لاجرى جرى الوحوش وساحوش ما تيسر لى من الرزق

عندما تعود

ستجد مفتاح المودة على عراضة اللهفة

تسلل حتى لا توقظ اطفال الحياة ....

ولاتترك الباب مفتوحا ...فالوحوش متربصة بالوطن خارج الخاطر

Post: #10
Title: Re: وين مراويد..؟؟؟
Author: شمهروش
Date: 10-06-2004, 08:52 AM
Parent: #7

طاطم اخبارك شنوا ؟؟ وعامله ايه,,,

الناس في شعوب سودانيز اون لاين كتبوا وماقصروا تب
علااا المشكلة في تناول الفكرة ومدي استيعابها
الشباب ماقصروا تب
كتبوا طلعوا عنصريين
كتبوا طلعوا ظلاميين
كتبوا طلعوا عملاء ومرتزقة
بقينا نخجل من الكتابة ومن القراية
اتوصلت لي فكرة جديد اقراء بالمكتوب مثلااا تماضر اقراها (رضامت) وهكذا في وهمة مني في شكل وردة عشان اجمع غثيان الاشياء في البطن السودانية الخميرة بفعل الفيتاريتا والراس المطبل كبارا وصقاااارا بفعل الاتجاه الواحد (بيني وبينك محنا مخ (..) بجي الساعة اتناشر

Post: #13
Title: Re: وين مراويد..؟؟؟
Author: Tumadir
Date: 10-06-2004, 09:00 AM
Parent: #10

شمهروش

اسمع

احسن ليك اقرا بالاختصار

اقرا حرب حب

والباقى هين

لا يختلف اثنان على كم العطاء و الكتابة المفيدة ... هنا

ولكن للطبيعة البشرية حيلتها فى الدمار

طلتك مقدرة

Post: #12
Title: Re: وين مراويد..؟؟؟
Author: حبيب نورة
Date: 10-06-2004, 08:56 AM
Parent: #7

شكوتُ الي خنـاسِ سؤ حظـي
قالت لي مراويد مافي

نحمد لله علي وريف الأطلالة والتحديق في ود عين الزيف
الآن فقط
ذهب الظمأ و أبتلّت العروق
وثبت الحب أنشاء الله
وكلميني عن المواعيد البقت كضابة في حس الزمن
وين مراويد شكلوا غايب بشكي من جور المحن

والزمن لساتو سكة صعبة و نزيف
**
نحن لساتنا نشهق في زفير العتمة نكشر في سنون المغصة لي صاحب الدرب

جواتك عشم

لساتك نغم

مأساتك نضم

ممسوخ ومنسوخ
من الحرف التعفـّن

و***

Post: #14
Title: Re: وين مراويد..؟؟؟
Author: Tumadir
Date: 10-06-2004, 09:03 AM
Parent: #12

حبيب نورة

دعنى اهمس فى اذنك سرا

انا اغار من تدفقك الندى ...

لك قدرة مهولة على الانهمار الجميل

ولك منى المعزة التى لا تفقه معنى الانقطاع

خلى مراويد وكل المراويد تجى ...

Post: #15
Title: Re: وين مراويد..؟؟؟
Author: Tumadir
Date: 10-06-2004, 09:10 AM
Parent: #14

الساعة اتية لا ريب فيها

انى ذاهبة

وقت صحابك او عيونك تقرا ليك القلتو ليك

سوى القتو ليك

افتح صناديق المساءلة والحوار

تلقى جوة "الصرة" الاف الخيارات ...

عزل لينا ما يرضى المساكين والضعاف... والمرأة وناس دارفور واولاد المدارس والمشاريع البتنفع للصعود

ولاقتحام الدنيا بباب الجمال

والباقى اجدعو فى البحر

"المفتاح فى العراضة"

Post: #16
Title: Re: وين مراويد..؟؟؟
Author: Abo Amna
Date: 10-06-2004, 09:15 AM
Parent: #14

يا طماطم انتي الكلام ده كلو في مراويد البنعرفو نحن دا ولا مراويد تاني ..

Post: #17
Title: Re: وين مراويد..؟؟؟
Author: حبيب نورة
Date: 10-06-2004, 09:20 AM
Parent: #14

وهل تدري تلك المدعوّة أختاه
بأنني أخشي أنقطاعي في العبادة
و بعدين
منو القال انو الحروف لا تدقّ لها الأجراس
وتقام ليها المراسم والتراتيل؟؟
خبريني عنه هذا الموعد!!
و أقبلي لكي نعيد صياغة هذه الجغرافيا
دعينا نردد معاً القصيد و نحتفـر
القلب الأبيض المتوسط و نحشد الشوق مجدافا للطويل من السفر

وللحبيب الغائب مراويد
اقترحُ نخباً
و ايضا يجب ان اضمك الي مدار شوقي ,فتزيد بك سنتي يوما جديدا وفجرا جديدا واملا جديد , ولكن ماذا انا فاعل حيال كل هذه السنوات الضوئية التي تبعدني عنك؟؟؟؟و ايضا هنالك ثمة سؤال يؤرق مهجتي ,لماذا تقترح فيني الكسوف لأصبح واجد شمسي تلوز بالفرار ؟؟فمن يمنحني غيرك ضؤ النهار؟؟؟؟ ومن يعطي الاشجار المادة الخضراء ؟؟ فهل اتيت لمحاربة الغابات و شخبطة الاخضر من كراسة الطبيعة ام اتيت لتدوذن الفصول ؟؟؟؟

احب هذا القلب الابيض المتوسط

**ووو

Post: #18
Title: Re: وين مراويد..؟؟؟
Author: yasiko
Date: 10-06-2004, 09:32 AM
Parent: #1

تماضر سلام
كلنا نحبه
ولكن دعيه ، فقد يكون "طامس في فلايت أو قطايع"
آخر العلاج الكي
التحية لكما

Post: #19
Title: Re: وين مراويد..؟؟؟
Author: nada ali
Date: 10-06-2004, 12:19 PM
Parent: #1

الغالية تماضر

اعجبتنى حروفك

مراويد يمكن يكون معتكف بمناسبة قرب حلول شهر رمضان المعظم

Post: #20
Title: Re: وين مراويد..؟؟؟
Author: تاج السر حسن
Date: 10-06-2004, 01:36 PM
Parent: #19

يا تماضر أسمى تاج السر وبعضهم يضيف لى (الخشن)
لكن بدلعونى واقول لى (مراويد)!!!!

Post: #21
Title: Re: وين مراويد..؟؟؟
Author: تاج السر حسن
Date: 10-06-2004, 01:36 PM
Parent: #19

يا تماضر أسمى تاج السر وبعضهم يضيف لى (الخشن)
لكن بدلعونى واقول لى (مراويد)!!!! صباح العيد.

Post: #22
Title: Re: وين مراويد..؟؟؟
Author: Tumadir
Date: 10-06-2004, 06:01 PM
Parent: #21

ابو امنه تستكتر عليه الكلام ده ...

ياهو مراويد ...

لانه الناس معادن ..ومراويد ده بالذات معادن... مش جمع مرواد؟؟

اها بكرة بعد باكرة يقولو تماضر عندها شنو وشنو مع مراويد وعندكم حاجة بره المنبر؟؟ وده مشى وده جا...

لا بس مراويدنا "الشين " ده ...انا بفتقدو كده...

ولا بعرف عنه اى شى غير جنو الفنان ده...ولا شى ولا شى ولاشى...والله على ما اقول شهيد ..( .كفى ودقاسم)

ندا على ...تسلمى ظاهر عليك انتى وياسيكو وقع ليكم كلامى اكتر من ابو امنه ده

تاج السر..لو قميص مراويد طلع قدرك البسو

مبروك عليك

Post: #23
Title: Re: وين مراويد..؟؟؟
Author: Roada
Date: 10-06-2004, 06:17 PM
Parent: #1

هووووى ياتماضر، انتى بلامراويد مامريحنك،
الزول ده (أتجلد) وسط جمع غفير، وطبعا تعرفى لماذا يجلد الناس،
ولو عايزه تسمعى نصيحتى ، خلى الزول ده يغتسن والله بينا وبينه.

أما اذا ما سالت اين مراويد؟

يكون بيتجلد؟

Post: #24
Title: Re: وين مراويد..؟؟؟
Author: Tumadir
Date: 10-06-2004, 06:26 PM
Parent: #23

وانا اقول الناس ما بترد على بوستاتى ليه؟؟

الغريبة انا ما حاضرة الجلدة... كنت وين يالله ؟؟؟

هوى يا مراويد

الله بينى وبينك ...هدا طرفى منك ...

على ذمة رودا

هاهاهاهاهاهاهاها

مراويد ما تسمع الكلام ده ...

بس خليك اعتيادى

Post: #27
Title: Re: وين مراويد..؟؟؟
Author: إيمان أحمد
Date: 10-06-2004, 09:05 PM
Parent: #24

يا تماضر
مراويد لابد لو فوق راي...

Post: #25
Title: Re: وين مراويد..؟؟؟
Author: Roada
Date: 10-06-2004, 07:17 PM
Parent: #1

وهكذا تم حرق شخصية مراويد ، ليصبح هائما على وجههة فى تلك المدينه القديمه ،
فمابين المكتبه و بائع الكتب ذى النظاره السوداء ويجلس وحيدا ويقر بان منبرنا هذا مدرسه، أستاذها الظروف ! هكذا تقول الأشاعات ،

فانى أتبرا من مراويد،
وأتبرا من كل فضوليا يحشر انفه افطسا كان أم مستقيم فى أماكن تعدد الحتمالات..

اجلدوه اجلدوه، وأحسنوا جلده، فالرجل استمتع بقراءة (برفيومس) المحرم، والذى يتحايلوا فيه علي الأفرازات البشريه...
يقولون يا تامتضر مثلما قالت اليس وولكر على لسان ضرتها الفرنساويه (لى يست) أن عملية الوضوع ممتعه لحد النشوه!

أجلدوا أمثال مراويد ، فحضورهم بأنوفهم لعمليات الخلق بدع تهز من نجاسة (النفسه) !

أبتعدى من مراويد ما استطعت والا........

Post: #26
Title: Re: وين مراويد..؟؟؟
Author: Elnasri Amin
Date: 10-06-2004, 08:48 PM
Parent: #1

يا تماضر سلام

الزول ده اى مراويد قاعد لكن لابت ليهو تحت شجره امكن...

قبل يومين نزل ليهو بوست بتاع مشروع حرد..مافى زول هببو ليهو

انا قلت ليهو ياشاب كلامك ده بخوف , المنبر معافى طالما حركة المرور كتيره..رد على وقال مافى خوف ......

اما حركه مرور المنبر زى حركة مرور القاهره و اسال رجاء

اها دى كانت اخر حركه منو و بعدها اختفى

اللهم هل بلغت؟
تحياتى و سلام

النصرى امين

Post: #28
Title: Re: وين مراويد..؟؟؟
Author: dreams
Date: 10-06-2004, 09:51 PM
Parent: #26

قبل تلاتة يوم شفتو حايم فى الحلة دى

... ...................

Post: #29
Title: Re: وين مراويد..؟؟؟
Author: Abo Amna
Date: 10-06-2004, 10:05 PM
Parent: #28

Dreams كمان

والله اللقيتا ما هينة

ليك حق ما تجي

( Dreams سلام )

Post: #30
Title: Re: وين مراويد..؟؟؟
Author: أبو ساندرا
Date: 10-07-2004, 01:54 AM
Parent: #1

مراويد:

{ مراويدك حمر حمي } !!

Post: #31
Title: Re: وين مراويد..؟؟؟
Author: mohammed alfadla
Date: 10-07-2004, 02:13 AM
Parent: #1

مراويد ده
تاني أحسن زول في البوردي ده
بعدي طوالي
يسأل منك الخير يا ست البنات

Post: #32
Title: Re: وين مراويد..؟؟؟
Author: تاج السر حسن
Date: 10-07-2004, 03:46 AM
Parent: #31

قبلان بى قميص مراويد رغم (الجلد) فى القميص الضيق حار، لكن نحنا (دتاقله/ جعليين)!!!

Post: #33
Title: Re: وين مراويد..؟؟؟
Author: مراويد
Date: 10-07-2004, 03:58 AM
Parent: #1

Think about them one at a time BEFORE going on to the next one... IT DOES MAKE YOU FEEL GOOD اترك الرد لاحقآ .....للاصدقاء و الصديقات طعم الورد فى الروح 1. Falling in love. 2. Laughing so hard your face hurts. 3. A hot shower. 4. No lines at the supermarket. 5. A special glance. 6. Getting mail. 7. Taking a drive on a pretty road. 8. Hearing your favourite song on the radio. 9. Lying in bed listening to the rain outside. 10. Hot towels fresh out of the dryer.

	11. Chocolate milkshake ... (or vanilla ... or strawberry!) 12. A bubble bath. 13. Giggling. 14. A good conversation. 15. The beach 16. Finding a 20-£ note in your coat from last winter. 17. Laughing at yourself. 19. Midnight phone calls that last for hours. 20. Running through sprinklers.

21. Laughing for absolutely no reason at all. 22. Having someone tell you that you're beautiful. 23. Laughing at an inside joke. 24. Friends. 25. Accidentally overhearing someone say something nice about you. 26. Waking up and realizing you still have a few hours left to sleep. 27. Your first kiss (either the very first or with a new partner). 28. Making new friends or spending time with old ones. 29. Playing with a new puppy. 30. Having someone play with your hair.

	31. Sweet dreams. 32. Hot chocolate. 33. Road trips with friends. 34. Swinging on swings. 35. Making eye contact with a cute stranger. 36. Making chocolate chip cookies (and eating them...!). 37. Having your friends send you homemade cookies. 38. Holding hands with someone you care about. 39. Running into an old friend and realizing that some things (good or bad) never change. 40. Watching the expression on someone's face as they open a much-desired present from you. 41. Watching the sunrise. 42. Getting out of bed every morning and being grateful for another beautiful day. 43. Knowing that somebody misses you. 44. Getting a hug from someone you care about deeply. 45. Knowing you've done the right thing, no matter what other people think.

Post: #34
Title: Re: وين مراويد..؟؟؟
Author: تاج السر حسن
Date: 10-07-2004, 04:03 AM
Parent: #33

والله يا مراويد تماضر ليها حق تفش ليك فى الأعياد
وأنا معاك فى أى شئ الا (الكديسه) لأنه بقولوا ليها (بس) بكسر الباء، وأنا بقول(بس)... بفتحها.

Post: #35
Title: Re: وين مراويد..؟؟؟
Author: Tumadir
Date: 10-07-2004, 04:16 AM
Parent: #34

مراويد...!!!

اراهن عليك وعلى الفرح..

واربح الرهان

(قبح الله الفقر....خلى الناس تعيد لمن افضى وتفضى)

Post: #36
Title: Re: وين مراويد..؟؟؟
Author: عشة بت فاطنة
Date: 10-07-2004, 04:17 AM
Parent: #34

وبن مراويد ؟ وين كل الناس الكلها جمال وصدق ووين انتي يا تماضر افتقدك لدرجة اني سابحث رقم تلفونك واهاتفك الليلة دي ؟؟ صحي جاية مسقط ولا كلام جرايد ...ويا سلام لو التقى مع الصدق ذات لحظة ياسلام لو التقى مع النقاء والجمال فقط ياسلام ياسلام ..

Post: #37
Title: Re: وين مراويد..؟؟؟
Author: Tumadir
Date: 10-07-2004, 04:25 AM
Parent: #36

عششششة

ازيك

مراويد جه تعالى نتونس فى بعضنا

ايوه انا جاية مسقط...

لكن كنت دايرة اجى حسه بس فى ظروف ماسكانى وبعد داك رمضان امكن فى العيد او قبل العيد

بكمل فى تعليمى وتعليم اولادى

كتبت ليك ايميل ياهونى فى البوست التانى لما سالتينى ..اطنك يا عشه بتكشحى المداخلات وفوووو على الجرى ما بتجى تانى

بكتبو ليك حسه

[email protected]

اكتبى لى

انتى اكتبى لى عن سنينى

وكل ما الايام تمر بتزيد انينى

اكتبى لى عن مشاعرك

واحكى لى عن كل شى فى الدنيا شاغلك

لو فى زول فى الدنيا يوم سالك عليا

قولى باكر ايوه راجع جايى ليا

تحياتى لصفصف وبغرة
مع مراعاة الجندر فى كلمات القصيدة

Post: #38
Title: Re: وين مراويد..؟؟؟
Author: Rawia
Date: 10-14-2004, 09:43 PM
Parent: #37

طيب تانى (غتست) وين
قلقتنى عليك فعلا
مابترد على التلفون لى(cell)
كنا بس عاوزين نقول ليك رمضان كريم وكدا
والسنه الجايه تصوموا جماعه

Post: #39
Title: Re: وين مراويد..؟؟؟
Author: مراويد
Date: 10-15-2004, 01:00 AM
Parent: #1

راويه
بي صراحه اول مره زول او زوله يسأل عنى، رغم انى صايع بين البوستات، كتر خير تماضر المبهجه و قل الله حزنها...قلت استمتع بالاهميات دى شويه واعمل فيها مختفى جدجد، لمت ليك فينى كمية محن و مصايب "اخفتنى" فعلا!!!! و خوفتنى ...
لكن برضو الحساد والحقده والحاقدات ما يريحوك شوفى العينات دى:

Quote: طماطم انتي الكلام ده كلو في مراويد البنعرفو نحن دا ولا مراويد تاني ..

Dreams كمان

والله اللقيتا ما هينة

ليك حق ما تجي

لكن دعيه ، فقد يكون "طامس في فلايت أو قطايع"

الزول ده (أتجلد) وسط جمع غفير، وطبعا تعرفى لماذا يجلد الناس،
ولو عايزه تسمعى نصيحتى ، خلى الزول ده يغتسن والله بينا وبينه.

أما اذا ما سالت اين مراويد؟

يكون بيتجلد؟

أجلدوا أمثال مراويد ، فحضورهم بأنوفهم لعمليات الخلق بدع تهز من نجاسة (النفسه) !

أبتعدى من مراويد ما استطعت والا........

يا ابو امنه ما تنسي انى "انثى" حسب اكتشاف الهاكر، طبعآ ده يقال من باب الشتم و تقليل الانسانيه فى نظرهم يعنى "انتايه" او امشي يا مروايد يا مره!!!
انا عارف سر حسادتك،لكن الجلاده الزنديقه دى نقول عليها شنو!!!

اما اهل الحكمه فعارفين اها شوف الكلام ده
Quote: مراويد لابد لو فوق راي...

او ندى حين تاتيها الحكمه من حين لاخر
Quote: مراويد يمكن يكون معتكف بمناسبة قرب حلول شهر رمضان المعظم

واحد قال:
فطرت اول يوم،لقيتو ساهل ... فطرت باقى الشهر!!!
التانى قال:
يوم حار خلاص،لو ما سندوتش الساعه 11 وجك ليمون الساعه 3 ما كان تميتو

رمضان كريم تصوموا و تفطروا على خير