هذا تم نشره فى المنتدى...

من تماضر و اليها .... مع خالص الاحترام

Quote: فارجو وضع ذلك فى الاعتبار.. حتى لا يعلو الاحتجاج.. وكفاية النحن فيها مع شكرى

اتحب ايها الرجل المخاطرة ؟؟ اذن اذهب مع زوجتك للتسوق****

مع شكري

ملاسى

اسعد الله صباحك في هذه الجمعة البهية ..



ما قدرتا افهم مقدمة البوست ..
يعني الكلام الفوق ده كان هو الكلام الاتكب واتحذف؟؟

ولا البوست ده قديم وانا خاشي في صفحة 4 ؟
ولا كيف ؟؟

بعدين هل البداية كما ذكرتي

Quote: الله سبب كل المشاكل المرأة

هل الف ولام التعريف في (المشاكل )و(المراة) ؟؟
ولا قصدك انو الله سبب كل مشاكل المراة وبالتالي الف لام (المشاكل )غير موجودة..
ام الله سبب كل المشاكل للمراة ..وبالتالي الف لام المراة مجرد غلطة والصحيح على ذلك هو (للمراة)


يعني بالعربي كده يا تماضر يا بت شيخ الدين انتي قاصدة تشابك الحروف والف لام المشاكل في الصباح ده ؟؟

الاخت تماضر كل الود

عذرا دعيني احلق قليلا خارج السرب

هل سوف يحزف هذا البوست من قبل الليبرالين والعلمانين ومن ثم سوف يهليل الاسلامين لهم

هل سوف تنتصر قوة شخصيتك وعلاقتك العامة وحضورك المميز في المنبر وسوف يتقاضي عنك

سوف اقبع وانتظر واري

سوال خارج النص
ناس الموناليز ومن هم في مرتبتهم ماذا عليهم ان يفعل حتي يصبحو مثلك في حماية من القوة العلمانية والليبرالية الجديدة

العزيزة تماضر

والشىء بالشىء يذكر...

Quote: ما عرفتا الشئ يذكر بالشئ دى

الشئ شنو !!!؟وبيذكروا بيه شنو!!!؟؟
دى ذى بالمناسبة بتاعة السودانين
البيتكون عادة مافيها مناسبة
بعدين ورينا رايك الشخصى
لانه مسألة تجيب رأى ناس تانين لو حصلت غاغا الزول يتنصل منها دى ذى كترت فى البورد

والله من وراء القصد

دكين


صباحك الاسعد..

بقول ان هذه المقالات تم نشرها فى البورد..زى ما بقول العنوان.. لكتاب ومساهمين مختلفين..من قبل..والروابط موجوده


شريف محمد ادوم..انا اقبع معاك حيث انت قابع..ولا اقنب فى حصانتى هنا قبلى..؟؟ ده السؤال الكبير...


بيان...الشىء ده ذاتو الخلاك تقولى قولى رايك الشخصى.. ده ذاااااتو....وبالمناسبه..دى هى نفس المناسبه






اقول رايى الشخصى ليه عشان يتقام على الحد؟؟؟ حدقدقدق!!!

ههههههه

Quote: اقول رايى الشخصى ليه عشان يتقام على الحد؟؟؟ حدقدقدق!!!

ذلك يعني ان رايك يستوجب اقامة الحد ..
ومعلوم ان الراي اذا استوجب اقامة الحد فهو راي مخالف لصحيح النصوص والعقيدة ولا شبهة تدرأ عنه اقامة الحد..

وبما انو عبارة حدقدقدق لا يمكن اعتبارها شبهة هظار .. لان هذه الاشياء الهظار فيها يؤدي الى ميتان القلوب ..

معناتا انتي رايك مخالف ..

عليه
اطالب المسؤل في هذا البورد
بفصل العضوة تماضر شيخ الدين التوم عبد الرحمن وقيع الله محجوب خضر عبد السلام الامام سيداحمد ..

واعطائها معاشها وحقوقها وشاكرين لها ما قدمته فيما سبق..



كما اطالب بشطب البوست اعلاه وحذفه ..
ومحاسبة جميع الذين شاركو فيه ..
اولهم ال waiter الوجيه اب فيونكة حمرة ده..

Quote: بفصل العضوة تماضر شيخ الدين التوم عبد الرحمن وقيع الله محجوب خضر عبد السلام الامام سيداحمد

الحمدلله دى ما انا

تنكري يا بت شيخ الدين..
اليوم لا عاصم لكي إلا الله..


اعترفي وحتستتابي كم يوم كده..
بعد نشوف الفي الكتاب

انا يا دكين استتاب كم مره...؟؟ تطير عيشتى

يومداك ما استتابونى؟

وده برضو من الانترنيت

http://www.ebnmaryam.com/2.htm

بلاي انتي استتابوك قريب؟؟


انحنا هسع معانا خارجين عن الملة اون لاين ؟؟


طيب شنو الناس قادننا مافي ديمقراطية وحرية راي في البورد
ما هدي قدامكم مستتابة بتكتب لسع وحية ترزق

حية تسعى بين البوداباب..

العزيزة تماضر

Quote: بيان...الشىء ده ذاتو الخلاك تقولى قولى رايك الشخصى.. ده ذاااااتو....وبالمناسبه..دى هى نفس المناسبه

ايوة
ما نقشتا التكتح
لكن ذى فى الحتة دى عرفتا انه انت ذى ماخدة ساتر كدا
والله اعلم وذى عايزة اقول طبعاانه انا ما مفتشة ضمير

اما قصة اقامة الحد دى
ودى تجى كيف
فى قبيلة اذا سرق فيكم الشريف....
اطمنى خالس خالس
الحبة ما بتجيك
وترقدى قفا وختى فى بطنك بتيخة خدر الصيفية
الى آخر التطمينات السودانية

عايزة اقول انى بقيت اشوف تماضر القديمة
الكنتا معجبة بيها تطل براسها معلنة ان الطبع يغلب التطبع
ومرحب بيك مرة اخرى ودى ليك


دكين الايام دى حنيت لمحاكم السودان ولا شنو؟
ملاسى
والله البركة فى الكوتنق
زمان الكوتنق من نفس البوست
اسع بقى من الارشيف
ما تسمع كلام دكين
صورتك صورة عريس زينة وضو الرتينة

وهى كان مشت وين تماضر القديمه دى؟؟ قاعده والله بس ..اموادكم بتمشى وبجى يا بيان..

اما حكاية اقامة الحد فى المنبر ده...جـــــــــــــربناها.. والاضابير كلها محفوظه

ننكتها ليك؟؟

Quote: .ننكتها ليك؟؟

قشة ما تعتر ليك
على حسب علمى انه الزول القال كدا
طلع بيهظر.. وطلع من عندكم..

مافى امواد ولا مودات ولا شيتين

تماضر
اكيد راجعة

بري
انا غايتو بتاوق بي فوق الحيطة

الفنانة تماضر

تعرفي اجمل حاجة الراي الواضح لانو بريح وبضع النقط فوق الحروف

اسي الكلام الجبتي دا كلو برفض فيهو الكتير وبشده، واسهل حاجة عندي
اعبر عن رفضي للحاجة وبمنطق وقناعة. لكن بالجد فى حته فى
الكلام دا انا ما فاهمهاومتمني افهمها من زمان، وبس عشان
اعرف راسي من رجليني والوقوف على أرضية ثابتة أفضل من الجهجهة

مسألة ضرب المراة دي ومسألة دعوتها للفراش وهي اوت اوف مود دي

الحكايتين ديل والله من زمان ما قادر ابلعهم وافهم فلسفتهم، ومادام الحديث
جاب ليهو مناسبات انا ح انتهز المناسبة دي وبسأل هل مسألة ضرب المراة
وطاعتها لزوجها عند الفراش وهي اوت اوف مود دي امر واجب تنفيذه فقط
بدون معرفة الحكمة بتاعتو ولا في حكمة وفوائد مرجوة من هذا الامر ؟؟؟؟
والحمدلله دينا دين بخاطب العقل ولا شنو؟؟؟
اجابة يا محسنيين لله قبل ما البوست دا يشتت


ـــــــــــــــــــــــــــــــــ
BE YOURSELF AND HAVE AN IRON WILL
AND DEFINTELY THERE IS NO AWAJA

اسف جدا . فقد كنت جادى اكثر من اللازم

مع خالص حبى واحترامى

ومنتظر لى اجابة
ـــــــــــــــــــــــــــــــــ
BE YOURSELF AND HAVE AN IRON WILL
AND DEFINTELY THERE IS NO AWAJA

من منو؟

1-الجندرية
يا جبانه!
2- السنجك
جدآ نجاوب ليك على سؤالك ، الذي يأتي زوجته بغير رضاها ورغبتها يقع فعله تحت باب الإغتصاب.
والرسول الكريم نهى ان يقع الرجل على أمراته كالثور بل طلب منه مداعبتها ، وأتصور إسجامآ مع هذا السياق أن هناك تتمة سقطت من ذاكرة الراوي ، هي: وإذا لمس منها عدم رغبة فليدعها قرة عينها.

تماضر

أعلم نصرتك للمرأة والعمل على اعلاء شأنها ومساواتها بالرجل (وهذا مستحيل فى الاسلام) لأنها من ضلع أعوج ، لأن الله سبحانه وتعالى يعلم الحكمة التى من أجلها خلق الانسان (ذكرا أم أنثى) ونحن لا يمكن بحال محاسبة الله على ذلك ، لأن هذا هو شأنه وحده جل جلاله

وقد أرسل الله نبيه للانسانية كافة وعلمنا أفضل الصلاة والسلام التعامل مع كل المواقف (اليوم أكملت لكم دينكم) بما فى ذلك التعامل مع المرأة ، التى أعزها الاسلام ورفع شأنها (حسب وضع خلقها) فهن ناقصات عقل ودين كما تعلمين يا تماضر ولكن عزتها كل العزة فى الاسلام وفى طاعة زوجها وفى عدم عقوق والديها وفى صلاتها ونسكها وصيامها وقيامها وحتى فى معاشرتها زوحها ، تلكم العشرة التى خلق الله فيها بين الزوجين مودة ورحمة لا تتوفر للعاهرات

تماضر الاسلام دين عظيم ، والمرأة فيه مكرمة ، لا كما يقول هؤلاء المهووسين ، وهؤلاء الخونة الذين يريدون الآن أن يحاسبوا الله على ما فعله فى المرأة ، وقد لعب الشيطان فى عقلك بجلبك هذا الكلام السخيف (الذى لا يشبهك) فى هذا البوست ، والذى تأسفت غاية الأسف وأنا أضيع وقتى بين حروفه ، ففيه معصية واضحة وضوح النهار وفيه (ثورة على الله) وحاشا أن نثور على رب الأرباب ، الذى ليس كمثله شىء ، فبالله عليك كيف نشبه الله بالبشر ونخاطبه هكذا جزافا لا بل ونعاتبه على انقاصه فى خلقه مساواة المرأة بالرجل ، وننسى أننا ليس الا عبيد ومخلوقين بواسطته جل جلاله

على كل أرى بعض الأخوة قد أخذوا الموضوع مأخذ الجد وسيأتونك بفتاوى العلماء الذين يثقون بهم ، رغم أنى استفتيت قلبى فكرهت ما قرأت ولو أفتونى بحس المسلم العادى البسيط (يازول) أو (محمد أحمد) ،

تماضر قرى عينا بما أودعه شيخ الدين جبريل فى صدرك ، فوالله لا منجاة الا فى ما تعلمناه منه ، ووالله لا منجاة الا فى اتباع الله ورسوله ، ووالله ما دون ذلك كله باطل

وشغلى مخك شوية ، تجدينى مصيبا فيما قلت

ليس معنى ايرادك هذه التفاهات هنا ، معناها ايمانك بها ، فالله يعلم ما تخفى الصدور ، ولكن القارىء البسيط العادى ، يلحظ أن الكلام قد (عجبك) وهذا من الشيطان يا أختاه ، فالعنيه وقومى الى صلاتك هداك الله

الاخ ابو ساندرا لك التحية

اشكرك كثير الشكر على هذه الاجابة المقنعه فعلا
وربنا يزيدك علما وكلامك منطقي ورد شافي اكرر شكري

ويبقى السؤال الثاني

مسألة ضرب المراة دي؟؟؟؟

تماضر اذا عندك اجابة اتوكلى على الله وقولى
اهو ابوساندر ما قصر وكتر خيرو

السنجك

المؤمن لا يلدغ من جحر مرتين..

الداير يضرب يضرب والداير يخلى يخلى..

وخلينى انا الاسالك..القران اقر اضرب..بالنص الصريح ..حتضرب؟؟

العزيزةتماضر اشكرك لرفع هذه المداخلة من الاخ طلال القاضي في بوست الاباريق الذي اختفى قبل ان اكمله بمناسبة الجرد السنوي والارشفة ، وكانت هناك مداخلات كان يجب ان تنال قسطها من الحوار وعليه سافرد رد من خلال بوستك للاخ طلال وليك الشكر

تماضر

تذكري لمن كنت بسألك زي الأسئلة دي وكنت بسلي روحي بهروبك من الإجابة؟؟؟؟؟

اها يا ستي انا السنجك داماح اضرب
لانو فعظوهنَّ دي ح توفر لى الجو الصحي العايزو انشاءالله
ـــــــــــــــــــــــــــــــــ
BE YOURSELF AND HAVE AN IRON WILL
AND DEFINTELY THERE IS NO AWAJA

تمادر .. اذا انا فاهمك صاح واصلي بوستك دة و طالبي بالعدل
و اذا يازول فهمك احسن مني .. فانا معاهو .. دة كلام ما بشبهك
ولو اتي من باب الله عرفوهو بالعقل
فاهماني ؟
اها دة رائي في الموضوع دة
و شكرا

يا شباب

البوست ده فيه مقالات نزلت فى البورد قبل كده..وما اثارت عكننة اى زول..

وفيه اراء شبيهة جدا بالراى العمل الحرابة القصمت ظهر البورد لى يوم الليله دى..

وانا بانزالو بقول "اشمعنى"؟؟ وبس...والدليل انى ما خايضه فيه اى خوض.. للعرض فقط..

خلوا صدوركم رحبة...


وعذرا لو لو يكن القصد واضح من البداية ..بس قلنا الشىء بالشىء يذكر..



اها ولو ما عجبكم احذفوه ..اصلا انا قنعت من خيرا فيها.. لى يوم ونص بس...

تماضر

عشان كده بكرر ، انتى برضو ما تفهمينى غلط

الزول البسيط البقرأ الكلام ده بتخلع

ولما يشوف الكاتب الموضوع بتخلع أكتر

تماضر انتى بت عظيمة جدا وأنا متأكد أنو حا يكون ليك شان كبير خالص مالص ، اكبر من الشايفاه عينك دى ، عشان كده بشفق عليك من (الزينا) العاديين ، البسطاء (السقونا الدين سقاية) ،

أقول ليك حاجة مختلفة جدا عن الموضوع ده ،

فى ناس كتار معانا فى البورد هنا (حذرونى) عديل كده عن الدفاع عنك أو عن كتاباتك ، وقالوا لى دفاعك عنها هنا بيشكل (أكبر مصيبة) ليها ، وأنا فعلا بقيت أعمل كده ، ما قاعد أدافع عنك (يعنى شوفو الود بحامى لى اختو) دى تبقى (عواره) ولذلك لمن دخلت هنا ، دخلت بى صفة يازول العضو قاعد برد على (عضوة تمام) فى موضوع (يخلع الما بينخلع) خصوصا لو ماعارف الخلفيات الذكرتيها والمعروفة للقارىء الفطن

عندك ما فيه من الكفاية من الأخوان والمعجبين يا تماضر هنا من القادرين على الرد نيابة عنك ، والحقيقة الماخافية على أحد أنو انتى زاتك ما محتاجة لى زول يرد عليك يا (مفعوصة)

وأرقدى عافية

يا أهل البورد ... ماهو ردكم علي هذا القاضي الظالم..؟؟
اعتقد ان الاساءة الي الذات الالهية هي التي اوجبت الاحداث الاخيرة

والدليل علي ذلك ان حديث دانا جلال موجود علي المنبر ولم يفعل اي شئ

والان الاخوة يردون علي افتراءاته

وراي الثابت هو ان الرد علي الكلام المنهجي بالكلام المنهجي

Quote: الزول البسيط البقرأ الكلام ده بتخلع

فى زول بسيط هنا يا هشام؟


وبا اساسى عليك الله المره الجايه دووووس على حرف الذال..لما تكتب "زات" بدل ذات..

Quote: فى زول بسيط هنا يا هشام؟

في طبعا ............ دكين

الاستاذة تماضر

تحياتي

Quote: "بالمناسبة اتعودت على عدم ردك على..فلا تكلفى نفسك هذا العناء.."

ملاسى

شغلة الكوت العابر للبوستات دى ما صعبة شوية يا ملاسى؟؟


اهو ده اتكلفت عناء الرد عليك..ههه

معليش يا تماضر

في الحقيقة البوست ذاتو بوست عابر للبوستات عشان كدا الكوتات عبرت

و ان عبرتم عبرنا

تماضر التوقيع بتاعي دا سمح شديد

Quote: BE YOURSELF AND HAVE AN IRON WILL AND DEFINTELY THERE IS NO AWAJA

سلام
ـــــــــــــــــــــــــــــــــ
BE YOURSELF AND HAVE AN IRON WILL
AND DEFINTELY THERE IS NO AWAJA

يا تماضر الزول البسيط القاصدو أنا ، قد يكون من ضمن الأعضاء ، ولكن أنا أقصد (ملايين) القراء ، لا بد من وجود (الزول البسيط) بيناتهم ، وديل هم القاعدة الحقيقية بتاعتك ، فحافظى عليهم يا أختاه


(خارج الموضوع)

وا أختاه

وا تماضراه

وا جراحاه

وا أسفاه

وا بورداه

وا موناليزاه

وا شوقى بدراه

وا أبوبكراه

وا واواه (مدينة واو)

داير أتفشى ساكت

واهشاماه

ووا اصدقاه

البوست مسحنااااااااه

استاذه تماضرسلام هذا ايضا تم نشره فى المنتدى
والسؤال ليه سحبتى البوست اى ما تم نشره؟؟
وبما ان الشئ بالشئ يذكر اقرى البيان
بالمناسبه الشهيد جوزيف قرنق بكون قاصدانا بقدم للموت عشان سودان يقدم
هذا مع احترامى وتقديرى
بيان من الجبهة الديمقراطية

فقهاء السوء ... حراس النوايا

جماهير شعبنا

في إطار حملة الإرهاب الفكري التي تمارسها جماعات الهوس الديني وتهم التكفير التي تلقى جزافاً يميناً ويساراً على طريقة محاكم التفتيش، ومواصلة لحملات تكفير قيادات الأحزاب السياسية السودانية ( الصادق- الميرغني) وفتاوى إهدار الدم التي طالت العديد من الشخصيات، طالعتنا الصحف الصادرة بتاريخ الجمعة 4/7/2003 ببيان غريب تكفر فيه تنظيم وعضوية الجبهة الديمقراطية موقع من مجموعة من فقهاء السوء والسلطان الذين يصدرون فتاوى حسب الطلب لا تراعي الحقيقة ولا التاريخ ولا الأمانة ولا موروثات شعبنا العظيم في التسامح الديني والعرقي والفكري والسياسي.

إن هذه الجماعات بلبوسها الديني الزائف لا تعبر عن الشعب السوداني، فهي قد نشأت في دول تعاني من العزلة الفكرية والإضطهاد السياسي والقهر بكل صنوفه، فنشأت منغلقة على ذاتها ناكرة لما عداها، تفترض في فكرها الصواب المطلق والكفر والخروج عن الملة في الآخر. إن هذه الجماعات قد وجدت لها موطئ قدم في سوداننا الحبيب في ظل نفس الظروف التي نشات فيها ، فسلطة الجبهة الإسلامية هي التي إستوردت هذه الأفكار وهؤلاء الأفراد وقدمت لهم الدعم المادي والفكري والحماية الشخصية وأتاحت لهم منابر ضاقت على كل القوى الوطنية والديمقراطية الأصيلة ، والتي نالها من القتل والتعذيب والتشريد قبل التكفير ما يؤكد صمودها على خط المواجهة الفكرية والسياسية أمام النظام الحاكم ، ولا يخفى عليكم إرتباطهم الوثيق بأجهزة السلطة التي تظهر سوءاتها لكل ذي عينين ، إلا هذه الجماعات التي أغمضت أعينها عن كل ما حاق بهذا الشعب الأبي من إباحة الدماء وهتك الأعراض وسرقة قوت الشعب السوداني. فما كف هؤلاء العلماء أيدي الزبانية ولو بأضعف الإيمان .



جماهير شعبنا



إن هذه الضجة المفتعلة تأتي في إطار محاولة هذه التنظيمات العميلة لإيقاف مسار مفاوضات السلام والحل السياسي الشامل التي تمثل الحد الأدنى لسودان حر ديمقراطي يستوعب تعدد الأفكار والمعتقدات والثقافات ، وهم يحاولون جاهدين أن يجدوا لهم موطئ قدم في هذا التحول القادم بعد أن اعتادوا رغد العيش وصدى الصوت الواحد .

كما أن هذه الفتوى تأتي متسقة مع عجز هذه التنظيمات البين عن صياغة برنامج يعبرعن هموم الحركة الطلابية في خوضها لإنتخابات الإتحادات في الجامعات المختلفة ، وكمحاولة لحرف الصراع السياسي عن قضاياه الأساسية وشغل الحركة الطلابية عن دورها الرائد في التنوير ودحر قوى الظلام والتصدي لهموم الجامعة والشارع.

الجبهة الديمقراطية - ومنذ تأسيسها في العام1953- ظلت تعبر عن قضايا الحركة الطلابية وفي طليعة القوى التي تناضل من أجل الحرية والديمقراطية والعدالة الإجتماعية . وكان لها إسهامها الكبير في إثراء كافة أوجه النشاط السياسي والثقافي والاجتماعي وقدمت تضحيات جسام خلال مسيرتها النضالية المتواصلة إنحيازاً لقضايا الحركة الطلابية والشعب السوداني .

إننا نؤمن بالديمقراطية كخيار أوحد لهذا البلد يخرجه من مأزقه الحالي، ولن نألوا جهداً في جعلها واقعاً ملموساً، وهذا الموقف يجمعنا مع مجموع الشعب السوداني وتنظيماته الديمقراطية وقواه الحية من أحزاب- منظمات المجتمع المدني- صحف- دور إجتماعية وكل الحادبين على مصلحة الوطن ، ونحن نطالب الجميع للوقوف بحزم ضد هذه الأفكار الغريبة على واقعنا . كما أننا سنظل نتصدى للدفاع عن حرية الدين والمعتقد إحترام الرأي الآخر طالما ظل ملتزماً بقواعد الممارسة السياسية والصراع الفكري وإبتعد عن الإرهاب الفكري والبدني والتكفير .

ونحن نراهن على وعي الحركة الطلابية وجماهير الشعب السوداني بأن مثل هذه الفتاوي البائرة مكانها مزبلة التاريخ . ونؤكد أننا سنظل مع الجماهير منها واليها وأننا قادرون على التصدي بكافة أشكاله لمثل هذه الترهات، وفضح هذه الجماعات وكشف تسترها خلف قناع الدين لخدمة مصالحها الطفيلية .

سكرتارية مركزية الجبهة الديمقراطية للطلاب السودانيين

5 يوليو 2003
ي

Quote: واهشاماه ووا اصدقاه البوست مسحنااااااااه

وا شكراه
وكمان جزيلاه
على سعة الفهماه
للناس الحلواه
الزى تماضراه
وآه منك آه

طيب يا تماضر وهشام ويازولين ، دا شنو البسو دا؟ انا قاعد يومين اسوي رد حسي افتوني رد بتاع انا دا ناكلو ولا نشربو ّّ

بت فاطنة ليس المؤمن بطعان ولا لعان ولا فاحش ولا بذئ -اكرم الخلق

الأخت تماضر .. لك الشكر يا أصيلة .
.. وكما عهدناك .. دوماً .. زهرة :تجمع حولها شوارد النحلات.
مرة أخرى : لك الشكر .. يا أصيلة.

الأخت تماضر .. لك الشكر يا أصيلة .
.. وكما عهدناك .. دوماً .. زهرة :تجمع حولها شوارد النحلات.
مرة أخرى : لك الشكر .. يا أصيلة.

الأخت تماضر .. لك الشكر يا أصيلة .
.. وكما عهدناك .. دوماً .. زهرة :تجمع حولها شوارد النحلات.
مرة أخرى : لك الشكر .. يا أصيلة.

sadda

عشه بت فاطنه

ومحمد عوض ابراهيم


لقد سحبت المداخلات احتراما للراى العام..وعموما هى ما زالت موجوده فى الارشيف كما اشرت يمكنكم مناقشتها من هناك ان اردتم..

ولك الشكر يا محمدعوض ..