شكرا لك أيها (الهلال العظيم) .. معقول تكون السبب فى تعيين دكتور (سودانى) فى مصر ؟؟

شكرا لك أيها (الهلال العظيم) .. معقول تكون السبب فى تعيين دكتور (سودانى) فى مصر ؟؟


24-03-2007, 04:11 AM


  » http://sudaneseonline.com/cgi-bin/sdb/2bb.cgi?seq=msg&board=2&msg=1049656798&rn=0


Post: #1
Title: شكرا لك أيها (الهلال العظيم) .. معقول تكون السبب فى تعيين دكتور (سودانى) فى مصر ؟؟
Author: تاج السر حسن
Date: 24-03-2007, 04:11 AM

مقطع أول:-
علمت صباح اليوم أنه تم تعيين الدكتور السودانى / صالح سيد داؤد المقيم فى أمريكا والذى يساهم بابحاثه وعلمه فى علاج المرض اللعين (السرطان)، استاذا زائرا بجامعة (عين شمس) العريقه، فهل حدث هذا الأمر بمحض الصدفة أم له علاقه بأنتصار (الزعيم) على (الزمالك)؟
من المفارقات العجيبه واحد (ضهبان) من أكلة (الكباد)، حقيقة أم كذبا لا زال (يهضرب) ويغالط ويصر على (سرقة) لقب (الزعيم) رغم تصنيف الأتحاد الأفر يقى الذى لا يتنكر له الا (غشيم) او زول دخل العاصمة بعد سنة 70 .. أو (بكر)!

مقطع ثان :-
رأيكم شنو لو قام الهلال بتاسيس (حزب سياسى) يحل أزمة الحكم فى السودان فى لمحة بصر؟
فالهلال يجسد الوحدة الوطنيه والتسامح الدينى فى اروع صورهما حيث يلعب له (ريتشارد) القادم من أقصى الجنوب .. الى جانب (هيثم) الضاربة جذوره فى اقصى الشمال .. وفى (النص) خليط من عيال البحر وبعض من ابناء الغرب والشرق .. ونحبهم جميعا بنفس القدر !!
سمعت أن جريدة الوفد كتبت:-
"اذا كان لديكم فريق بهذه القوة فلماذا لا تحلون مشكلة دارفور دون تدخل أجنبى .. أو وساطة عربيه أو قوات افريقيه"؟؟

المهم فى الأمر اليومين ديل أمشى فى أى شارع مصرى (انقز) و(أقدل) ومن الفرحه، أضحك زى المجنون .. لابس (جلابيه) .. ما مشكله .. أو (بدله كامله) برضو ما مشكله .. أو (سفارى) .. ما تخافو يا شمات عدوكم مات .. ما قاصد (سفارى) ولا (قلق) !! هو العندو (قودوين) حبتين عند (اللزوم) بفكر فى (القلق) ؟؟

فجأة مزاجى حكم انى أمشى المهندسين .. لى منو ما عارف !!
(تكس) .. رايح فين يا بى .. المهندسين يا معلم بى كم المشوار ؟؟
عايز تدفع كم ؟؟
المشوار بى خمسة جنيه لكن ح ادفع ليك سبعه .. عشان انا سودانى !!
مين الك ؟؟ ده المشوار من وسط البلد للمهندسين حتى للمصريين بعشرة جنبه !!

يا معلم انا ما سائح .. انا مقيم فى بلدكو وعارف كل حاجه كويس أوى!!
طيب اركب والأجر على الله !!

الأخ من فين ؟؟ سودانى ؟؟
نعم !!
(أجدع) ناس .. تشكر يا معلم من ذوقك !!
طيب نحنا اخوات وابناء نيل واحد .. بس (الى) .. انت هلالى ولا (الفرقه) التانيه العندكو هى أسمها ايه؟؟
نعم .. انا هلالى والفرقه التانيه العندنا أسمها (المريخ) .. وانت ايه ..؟؟

انا (اهلاوى) .. علشان كده .. ح اوصلك من غير فلوس خالص.. يا باى .. ده انتو عندكو فرقه جامده اوى .. أوى .. ده الهلال ولا البرازيل ؟؟
دى اول مرة اشوف فرقة (افركيه) تجى مصر وعايزه تفوز ومش مهتمية خالص بالجمهور !!
بصراحة ربنا دول مأكلين ايه .. ما بتعبوش .. ولا بهمدوش ؟؟

شكرا لك ايها الهلال العظيم جعلتنى هذه الأيام أكثر احتراما فى مصر !!
آل سياسة آل !!!!

نواصل ...

Post: #2
Title: Re: شكرا لك أيها (الهلال العظيم) .. معقول تكون السبب فى تعيين دكتور (سودانى) فى مصر ؟؟
Author: تاج السر حسن
Date: 24-03-2007, 05:26 AM
Parent: #1

وقفت امام بتاع (الساندوتشات) .. كان يرتدى قميصا من فوقه (مريلة) بيضاء اللون .. يبحث عن باقى خمسة جنيهات اعطاها له أحد الزبائن .. قلت له أريد (ساندوتشين) فول وطعميه .. لا يزال منكسا رأسه .. لكنه اجابنى حاضر يا (بيه) .. حاضر .. انت تأمر !!

ثم رفع راسه بعد ذلك وقبل أن يسلم الزبون باقى فلوسه لمحنى فتحول ناحيتى مبتسما وسألنى انت سودانى ؟؟
قلت له : نعم
واصل : هلالى؟؟
قلت له : نعم وبموت فى الهلال !!
ضحك والتفت ناحية الصبى الذى يساعده قائلا:-
2 ساندوتش مظبطين (اوى) للبى .. وصلح (الطرشى) !!
مددت له 150 قرشا قيمة الساندوتشين .
فأصر بكل جدية قائلا:-
ما (تخلى) يا بى .. بجد (خلى) !!
شكرا لك ايها الهلال العظيم فالشارع المصرى كله يتحدث عنك ويحترمك!!

Post: #3
Title: Re: شكرا لك أيها (الهلال العظيم) .. معقول تكون السبب فى تعيين دكتور (سودانى) فى مصر ؟؟
Author: عبدالمنعم خيرالله
Date: 24-03-2007, 05:37 AM
Parent: #2

حقيقة الهلال عظيم الموج الازرق هلال الملايين حقيقة
على قدر اهل الكرم تاتى المكارم وعلى قدر اولى العزم تاتى العزائم او بالعكس
سيلعب الهلال العظيم والمورده مباراة استعراضية لتكريم الحبيب الامام السيد الصادق
المهدى بمناسبة اختيارة من علماء القرن المائه حسب تصنيف معهد الدراسات الموضوعية بالهند
وهذا شرف لنا كسودانيين اليوم بهذا الفريق الذى يقوم بعمل عظيم مثل هذا فشلت ان تقوم به
حكومة الانقاذ ,هذا الهلال عظيم لانك تجده سودانى وطنى اصيل فالتحية للهلال الوطنى الاصيل
هلال الملايين,مع احترامنا لجميع الفرق السودانية والله اكبر ولله الحمد