ما هي قصة القنوات التلفزيونية السودانية التي غزت الفضاء الآن ؟؟

قناة هارموني ، قناة الشروق ، نساء يرقصن ( الرقبة ) ، رجال حولهن يلعبون بالسيف ، مديح نبوي بالموسيقي يتمايل معه بعض الصبية ، فنانون هجروا الغناء وتحولوا لمادحين ، ذكروني بقصة شهيرة للشيخ أبو زيد محمد حمزة مع أحد الفنانين ، هذا الفنان الواعد جاء للشيخ أبو زيد وقال له أنني تركت الغناء وتبت لوجه الله ، ومن أجل تكفير سيئاتي سوف أمتهن المديح النبوي :-
رد عليه الشيخ أبو زيد : يا ولدي يا ريت لو بقيت في غناك .. الآن بقيت شحاذ ومبتدع !!
إحدي القنوات يُقال أنها مملوكة لرجل المال والرياضة جمال الوالي ، فقد أسماها ( الشروق ) ، وهي تضم نفس الوجوه التي كانت في تلفزيون السودان ، الفارق الوحيد أنه اضاف ليها بعض ( الشوام البيض ) ، ولا ادري هل يتساوى هؤلاء في الرواتب والمخصصات ؟؟ أم يجري عليهم ما حدث للسودانيين في قناة الجزيرة ، التغطيات الأخبارية الأولى يقرأها جمال ريان وجمانة نمور وليلى الشايب ، أما الزبير نايل فيقرأ موجز الأخبار بعد أن ينام الناس ، الغريب في الأمر وجدت حسين خوجلي وهو يلبس ثياب أبطال المسلسلات التاريخية ، يقوم بمدح هذه القناة ، يتبعه في ذلك أمين حسن عمر ، والقناة تقول أنها سوف تنشر شبكة مراسلين في كل أنحاء العالم .
أما قناة ( هارموني ) فلا أعرف لها أباً أو أماً ، ما عدا بعض الصبية الذين يتمايلون ..لا أعرف هل هذا غناء أم مديح ؟؟

Quote: إحدي القنوات يُقال أنها مملوكة لرجل المال والرياضة جمال الوالي ، فقد أسماها ( الشروق )

أخبرني أحد زملاء الدراسة أن زميلنا وليد الفايد شريك بها أو مسئول كبير.. أرجو تصحيح ذلك إن كانت لديك معلومات يا سارة..

الأخ أبو محمد

عيد مبارك ..وسلامات من كل مرض وشر

وليد فايد ..ود شندي وحنكوش كلية الأداب ... سمعت أنه كان يشغل منصباً كبيراً في الخارجية السودانية ..وتزوج بنت بنت أحد الاكابر في المؤتمر ...وأقام زواج اسطوري اشبه بقصص ألف ليلةوليلة ..الوليد فايد صاحب القصة الشهيرة ..
مرة جادله أحد جماعة أنصار السنة ..على اساس أن الوليد كوز ويدعو الناس للجهاد لكنه يختلط بالنساء ..ويريح في بنشات المين رود من غير أن يردعه رادع
فرد عليه الوليد : لكل تنظيم صعاليك ...ونحن صعاليك الإتجاه الإسلامي

Quote: وهي تضم نفس الوجوه التي كانت في تلفزيون السودان ، الفارق الوحيد أنه اضاف ليها بعض ( الشوام البيض ) ، ولا ادري هل يتساوى هؤلاء في الرواتب والمخصصات ؟؟ أم يجري عليهم ما حدث للسودانيين في قناة الجزيرة ، التغطيات الأخبارية الأولى يقرأها جمال ريان وجمانة نمور وليلى الشايب ، أما الزبير نايل فيقرأ موجز الأخبار بعد أن ينام الناس ،

..

Quote: أما قناة ( هارموني ) فلا أعرف لها أباً أو أماً ، ما عدا بعض الصبية الذين يتمايلون .. لا أعرف هل هذا غناء أم مديح ؟؟

.. طيب يا العالمة بتاعت الذرة .. لمن لحقتي تعرفي لحدي جمال ريان وجمانه منو ما عارف كدا .. والشوام البيض والشوام البرتقاليين .. مش كان تكلفي نفسك شوية وتجي عليها وتعرفي ابو هارموني دي منــو ..؟ وعمله كيف .. وليه وبي ياتو طريقة ..؟
جمال الوالي دا مكسيكي ..؟
أهــا عرفتيهو كيف ( يقال ) إنو صاحب قناة الشروق ..؟

كد خليك من حكاية الصبية البتمايلون ديل .. ورينا ابو قنــاة هارموني دا منو ..؟
الظاهر لي ما بتغلبك حاجة ..
مش بتعرفي حاجات كتيرة إنتي .. ومن زمااان ..؟

جمال الوالي دا مكسيكي ..؟
أهــا عرفتيهو كيف ( يقال ) إنو صاحب قناة الشروق ..؟


الأخ الحبيب تمبز

تحياتي

لا جمال الوالي سوداني

ولكن صاحب قناة الشروق هو المؤتمر الوطني

Quote: الأخ الحبيب تمبز تحياتي لا جمال الوالي سوداني ولكن صاحب قناة الشروق هو المؤتمر الوطني

.. يا عبد القادر .. والله لو بتصدق كلامي ..؟ أنا قناة شروق دي فاتحه علي وين ما عارفه .. شكلها كيف ما عارف ..
لكن سمعت غنها بتاعت المؤتمر الوطني وإنو جمال الوالي بيمتلك فيها ..
لكن بالجد الزعلني في البوست دا وخلاني ارد على الاسمها ساره عيسى دي .. وانا شايف طبيعة البوستات حقته شكلها كيف ..؟
هو ما ذكرته عن قناة هارموني .. وقالت ما عارفه ابوهــا منو .. ولو اساسا هي زولة صحفية واعلامية ... البيخليها شنو تعرف لي السوريين البيض ديل علي حسب رايه .. ويغلبه تعرف قناة هارموني دي الجابه منو والعمله منــو ..؟
يا عبد القادر ما مهتم إنو جمال الوالي واللا المؤتمر الوطني طالما المسالة لبع في لبع .. لكن بيهمني إنو زي النوعية دي عااادي جدا .. بي ضربة كيبورد تمسح ليك حاجات كتيرة جدا اجتهدوا فيها ناس على مر السنين ..
فهمت قصدي ..؟

ولكن صاحب قناة الشروق هو المؤتمر الوطني

ingaz mafia gang

another corrupt invention from the ingaz