Post: #1
Title: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 02:41 PM
Parent: #0
الزمان: صباح الإثنين من منتصف أغسطس
الساعة: السابعة والنصف صباحا
المكان: أمام باب منزلي
المناسبة: أول يوم يبدأ فيه إبني هاشم المدرسة
كنت أقف أمام المنزل وقد تنازعتني مشاعر غريبة.. يقال أن أول يوم في المدرسة يكون عصيبا على الطفل.. ففي هذا اليوم يفارق فيه الطفل منزله الذي نما فيه وترعرع.. يفارق مملكته التي ظل يحتل عرشها طوال سنوات حياته الأولى متمتعا بحب والديه متمرغا في نعيم حنانهم... ويقال أنه حينما يلج الطفل الروضة أو المدرسة فأنه يبدأ في البكاء.. يرفع عقيرته بالعويل.. يصدح بالصراخ... يمسك بيد أمه.. لا يريد أن يفكها.. تنفلت يد الأم منه وتنزلق.. فيتعلق بفستانها.. ببنطالها.. يمسكها بقوة.. ربما (يفك) حتى طرحتها... تأتي الموظفة في الروضة أو المدرسة.. تمسك الطفل... تحتضنه بين يديها,,, وتصير كما الـ(كماشة) التي تقتلعه من بين والدته وتصحبه إلى الداخل...
لكنني وقفت أنظر إلى إبني وأنا أمسك بيده بقوة صارت كفه تتململ داخل خفي وتحاول أن تخفف من قبضتها ولو قليلا... كنت أرقب هدوءه... تطلعه حول الطريق وهو ينتظر بص المدرسة لكي ينقله إلى مكان دراسته الجديد.. كنت محتارة عقلي يدور.. (يودي ويجيب) يفكر: متى ترى إبني كبر؟ كنت بقدر سعادتي بأن هاشم في طريقه إلى المدرسة إلا مشاعر متضاربة كانت تنتابني... أنها أول مرة يخرج فيها هاشم من المنزل بدوني.. يركب عربة أخرى يذهب بمفرده إلى مكان وسيعود أيضا بمفرده وبدوني... كنت أشعر أنه كبر.. أنني لم أعد بذات الأهمية في حياته... وأنه يستطيع أن يدير أمور حياته بمفرده... من قال أن أول أيام المدرسة هي أصعبها على الطفل؟ بل وما أصعبها على الأم أيضا...
.
.
.
|
Post: #2
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 02:46 PM
Parent: #1
نفضت الأفكار من يدي وأنا ألمح (بص) المدرسة الأصفر يقترب من منزلي.. إبتسمت.. فقد ذكرت الورقة التي وزعتها لنا إدارة المدرسة أن بص الترحيل سيصل أمام المنزل في تمام الساعة السابعة والنصف.. ونظرت إلى ساعتي.. هو ذاك التوقت بالثانية...
قطعت الطريق الصغير الذي يفصل باب منزلي والبص.. ثم تركت يدي تنفصل عن يد هاشم الذي ركب البص بكل فرحة.. بكل نشاط وحيوية.. ولم ينظر خلفه حتى ليرى أدمعي المتوارية... وفي ثانية.. أغلقت أبواب البص
وتركني وهاشم بداخله... وبعيدا عني أنطلق..
.
.
.
|
Post: #3
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 02:51 PM
Parent: #2
مر اليوم عليّ عجيبا... ليس لان هاشم ليس معي ولكن لانه يخوض أوائل تجاربه في الحياة بمفرده.. بعيدا عني وعن رعايتي... كنت أفكر، هل سيرحب به زملاؤه؟ هل سيختار أصدقاؤه؟ هل سيكون مطيعا لأستاذاته؟ وهل وهل وهل... وفي كل ثانية تمر.. ينقبض قلبي وينفرج.. يفرح ويحزن.. أقطب حاجبيّ وأسرحهما... حتى مر اليوم وحان موعد عودة هاشم من المدرسة
.
.
.
|
Post: #4
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 02:53 PM
Parent: #3
كانت الساعة الثانية والنصف ظهرا.. وذات الورق الذي إستلمته من المدرسة يخبرني بأن بص الترحيل سيقف أمام منزلي في هذا الوقت... وكنت أنتظر.. أحرك رأسي يمنة ويسارا في إنتظار البص.. في إنتظار هاشم.. كنت متشوقة لأن أسمع الكثير... قصصه ... حكاياته.... تجربته في أول يوم دراسي.. كنت في أحر من الجمر لكي أعرف من الذي صادقه.. من الذي جلس بجانبه.. والأهم، هل تذكرني؟ هل (فرقت) معه وهل إشتاقني؟
وحضر البص في تلك اللحظات متهاديا نظرت إلى ساعتي..
هي الثانية والنص ظهرا تماما.. إبتمست وأنا أفكر:
-غايتو الأمريكان ديل حتى في بص الترحيل.. دقيقين خلاص في المواعيد...
ووقف البص في تلك اللحظات بسلام أمام المنزل وبدأت جموع الطلبة تنزل من البص.. وأنا أرتقب.. ولكن، أغلق البص أبوابه في تلك اللحظات وفجأة، إنطلق.. الطريق خاويا.. هاشم إبني لم يخرج من البص... أين ذهب؟ ترى هل نسيته السائقة في المدرسة؟ هل تاهت خطاه وساقته إلى بص آخر؟ وكيف تركته أستاذته بدون أن تتأكد من أن هاشم ركب بص ترحيله؟ ومرت ثوان المفاجأة وكان البص قد قارب تقاطع طريقين... وحاولت أن أهرع خلفه.. حاولت أن أوقفه.. لكنه كان قد تركني وغاب بطريق آخر على اليمين
.
.
.
|
Post: #5
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 02:55 PM
Parent: #4
كدت أن أجن في تلكم اللحظات... يوم واحد أترك فيه إبني بعيدا عني وهاهو يتوه في هذه البلاد الواسعة... بدأت الدموع تترقرق في عيني.. هرعت إلى داخل المنزل.. حملت شهاب بسرعة أسفل يدي وكأنه (شوال) وهو مصدوم من أثر المفاجأة... أركبته في المقعد الخلفي للعربة وهرعت أستقف أثر البص.. لقد دار على اليمين.. فدرت على اليمين.. نظرت بعدها فلمحت ذيله على الشمال.. فجريت خلفه على الشمال.. دار مرة أخرى شمالا.. فدرت خلفه شمالا وأنا أحاول أن ألفت إنتباه سائقة بص الترحيل بشتى الطرق... وأخيرا.. أخيرا.. توقف البص لكي ينزل مجموعة أخرى من الطلبة.. وتركت أنا مكاني في العربة وهي واقفة في منتصف الطريق.. شهاب بداخلها وأنا أجري في (الشارع) محاولة أن أوقف (الولية) حتى لا تغلق أبواب البص مرة أخرى بدون أن تجيبني أين ذهب إبني؟
.
.
.
|
Post: #6
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 03:00 PM
Parent: #5
ولحقتها... مثل الأفلام... يدي موضوعة على باب البص تمنعه من أن ينغلق وبدأت أتحدث وأنفاسي لاهثة..
--إبني يا سيدتي.. أعتلى معك البص في الصباح الباكر ولم يعد معك في الظهر؟
نظرت إليّ السائقة.. وإسمها كما عرفت بعد ذاك (دبي)
وكأن مس من الجن يركبني وهي تقول بعجب:
-هل ركب معي هذا البص في الصباح؟
-نعم سيدتي..
-ما إسمه؟
-هاشم
وبدأت السائقة تقول بصوت عال:
-هل هنالك طفل إسمه هاشم هنا؟
ولم يرد أحد
.
.
.
|
Post: #7
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 03:01 PM
Parent: #6
فقالت بصوت أعلى أقرب إلى الصراخ:
-هل هنالك هاشم هنا؟
ولم يرد أحد.. فنظرت إليّ ثم قالت..
-أطلعي البص وأنظري ربما تجدين إبنك
وركبت.. وبدأت أتجول في البص كما (المفتشين) الذين نراهم في المسلسلات وأنا أنظر في أوجه الطلبة والطالبات التي ظلت ترقبني حائرة.. من هذه؟ ولماذا هي هنا؟ وماذا تريد منا؟
عدت مرت أخرى إلى السائقة وأنا أهز رأسي بالنفي..
-لا ليس هنا..
وأمسكت السائقة بجهاز (اللاسلكي) وبدأت الإتصال بمركز الترحيل وهي تقول لهم:
-أمامي والدة أعتلى طفلها هذا البص معي في الصباح لكنه لم يعد معي في الظهر.. هل تعلمون ما الخبر؟
ثم نظرت إلىّ تسألني:
-ما أسمه؟
-الإسم الأول: هاشم وإسم العائلة: عبدالرحيم
وتركت جهاز اللاسلكي ينفلت من بين يديها وهي تقول لي:
-سيعودون لنا بعد لحظات بالخبر اليقين
وبقي السؤال...
أين هاشم؟؟
أين إبني؟؟
.
.
.
|
Post: #11
Title: Re: يوم في حياة أم... (مطرطشة)
Author: معتصم مكاوي
Date: 04-23-2009, 04:25 PM
Parent: #7
والثلاثة نقط الأخيرة الوراء
بعض دي بتقول هاااااشم لقيتو ..
مش ؟؟
أسع المطرطشة إنتي ولا مطرطشين
نحنا المتابعين قصة ما تمت ..
طرطش يطرطش طرطشة فهو مطرطش ..
وديل نحن !!!!
|
Post: #13
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 05:19 PM
Parent: #11
Quote: والثلاثة نقط الأخيرة الوراء
بعض دي بتقول هاااااشم لقيتو ..
مش ؟؟
أسع المطرطشة إنتي ولا مطرطشين
نحنا المتابعين قصة ما تمت ..
طرطش يطرطش طرطشة فهو مطرطش ..
وديل نحن !!!! |
يا معتصم يا ود مكاوي...
كان أول يوم يدخل فيه هاشم المدرسة
يوم تاريخي في حياتي..
تجارب كثيرة نمر بها..
لكن في الحقيقة إكتشفت أنني، وبالرغم من الحرص الكبير..
أحيانا كثيرة.. أكون...
مطرطشة
|
Post: #8
Title: Re: يوم في حياة أم... (مطرطشة)
Author: انعام حيمورة
Date: 04-23-2009, 03:05 PM
Parent: #3
متابعين
________
حمد لله على السلامة
|
Post: #9
Title: Re: يوم في حياة أم... (مطرطشة)
Author: طارق جبريل
Date: 04-23-2009, 03:20 PM
Parent: #8
العيال كبرت
النسيبة كيفنك
|
Post: #10
Title: Re: يوم في حياة أم... (مطرطشة)
Author: Solafa Alagib
Date: 04-23-2009, 03:27 PM
Parent: #9
الله يجازى محنك ياغادة والله لو تلفونك معاى هسي دى كنتااتصلت بيك ,,يابت ما تحكى هاشم مالو؟؟
اديتيني مشاعر حية علي قول القامة(وردى) كانو دا اول يوم ليزن ولدى في المدرسة,,احكى عليك الله وفهمينا الحاصل
د:سلافا العاقب
|
Post: #12
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 05:17 PM
Parent: #10
وهرع في تلك اللحظات أب كان يبدو أنه يرقب ما يجري وينتظر نزول إبنته هو من البص.. وقال مهلوعا:
-ماذا هنالك؟
وأخبرته بإقتضاب أنني أنتظر أن أعرف أين إبني.. لكنه حمل إبنته بين يديه وهرع بها داخل منزله كأنه خاف عليها مما يحدث... وأخيرا.. أتصل بنا مركز الترحيل وهم يقولون لي:
-إبنك يا سيدتي على البص رقم (31) وهذا البص رقم (69)
أي رقم هذا الذي يتحدثون عنه؟ أوليس هذا هو البص؟ هذا هو الذي وقف أمام باب منزلي.. هذا هو الذي حضر في تمام الساعة السابعة والنصف صباحا ليأخذ أبني ويوصله إلى المدرسه وحضر الساعة الثانية والنصف ظهرا بالثانية...
أنا لا أفهم
وبقيت واقفة
محتارة
.
.
.
|
Post: #20
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 05:38 PM
Parent: #10
Quote: الله يجازى محنك ياغادة والله لو تلفونك معاى هسي دى كنتااتصلت بيك ,,يابت ما تحكى هاشم مالو؟؟
اديتيني مشاعر حية علي قول القامة(وردى) كانو دا اول يوم ليزن ولدى في المدرسة,,احكى عليك الله وفهمينا الحاصل
|
يا دكتورة سلافة.. تحياتي وسلامي
تعرفي.. كانت بتمر بي مشاعر كثيرة ذلك اليوم..
كنت محتارة..
سعيدة..
حزينة..
وحقيقة... (ملخبطة)...
وبدون تجربة أيضا...
بدأت في إكمال الحلقات..
خليك معاي بالجوار..
تقبلي محبتي
غادة
|
Post: #19
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 05:36 PM
Parent: #9
كبرت بسرعة يا النسيب..
هذه صورة هاشم (العريس)
وهذه صورة شهاب
وتكبر معانا الـ(طرطشة)
.
.
.
|
Post: #14
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 05:20 PM
Parent: #8
سلامات يا أحلى نعومة...
خليك معاي علشان تسمعي بقية الطرطشة
...
هيلاهوب.. نواصل
|
Post: #15
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 05:23 PM
Parent: #14
في تلك اللحظات.. نظرت إليّ السائقة.. قطعت صمتي وواصلت قائلة:
-من الأفضل أن تذهبي بسرعة لمنزلك، سيدتي، فقد يكون البص رقم (31) قد حضر الآن ولن يجدك إبنك في المنزل..
وكما هرعت صوب السائقة لكي ألحقها.. هرعت هذه المرة بعيدا عنها لكي ألحق البص الثاني الذي قيل عنه.. ولكنني لم أجد أثرا لهاشم أو بصا آخر..
كانت الأحداث حتى الآن قد إستغرقت قرابة العشرون دقيقة.. وأمسكت سماعة الهاتف وأتصلت بمركز الترحيل وأنا أسأل عن إبني..
هل عاد؟
هل حضر البص ولم يجدني؟
يا لحيرة عمري!!
.
.
.
|
Post: #16
Title: Re: يوم في حياة أم... (مطرطشة)
Author: حيدر حسن ميرغني
Date: 04-23-2009, 05:26 PM
Parent: #15
سلام ياغادة للعيال ولابوهم
جد العيال كبرت ماشاء الله
بالتوفيق
|
Post: #27
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 07:51 PM
Parent: #16
Quote: سلام ياغادة للعيال ولابوهم
جد العيال كبرت ماشاء الله
بالتوفيق |
سلامات يا حيدر.. ومشتاقون
العمر يمضي بنا سريعا يا صديقي
حينما بدأت أكتب كان شهاب في شهره السادس
واليوم أجده كبر.. وسيبدأ المدرسة هذه العام
إن شاء الله...
يمضي العمر.. ولا نراه إلا في اوجه أطفالنا
تقبل المودة
غادة
|
Post: #17
Title: Re: يوم في حياة أم... (مطرطشة)
Author: حمور زيادة
Date: 04-23-2009, 05:26 PM
Parent: #14
تلدوهم و تقعدوا تطرطرشو ..
بعرف ام نست ولدا في الحافلة لأنها كانت شايلة اكياس خدار ..
لما نسوان الحلة و هي داخلة سألوها منو .. مشت استلمتو من اخر محطة
|
Post: #30
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 09:00 PM
Parent: #17
Quote: تلدوهم و تقعدوا تطرطرشو ..
بعرف ام نست ولدا في الحافلة لأنها كانت شايلة اكياس خدار ..
لما نسوان الحلة و هي داخلة سألوها منو .. مشت استلمتو من اخر محطة |
سلامات يا حمو...
زولتك نست ولدها في الحافلة؟؟
ليس غريبا.. سمعت قصص ولكن نهاياتها
لم تكن سعيدة مثل قصة الأم التي تعرف...
تخريمة:
نحنا لما بنولدهم بنكون كويسين وحياة الله
هم البيطرطشوا بينا
-الوجوة الباسمة الليلة برضو مطرطشة...
حلفت وأبت ما تشتغل لي-
غايتو... وجه باسم
|
Post: #18
Title: Re: يوم في حياة أم... (مطرطشة)
Author: نادية عثمان
Date: 04-23-2009, 05:31 PM
Parent: #14
غادة ياحبيبة إزيك
والله العظيم إتوترت ياخ أها الولد لقيتيه ولا لسة ؟؟( وش بطنو وأجعاه من الهجمة) !!
|
Post: #21
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 05:43 PM
Parent: #18
بعدما إتصلت بمركز الترحيل، أخطرتني العاملة أن البص رقم (31)
لم يصل بعد وأنه لا يزال في الطريق وإبني بداخله... وهدأت من روعي وهي تقول لي وتؤكد:
-لا تقلقي
ثم سألتها:
-كيف ركب إبني البص الخطأ في رحلة العودة؟
وتنحنحت العاملة وهي تقول لي:
-في الحقيقة أنه ركب البص الخطأ في رحلة الذهاب
وبدأت تخطرني أن لكل مرحلة عمرية بص معين.. ورقم معين.. وأن الأوراق التي معي تقول هذا... وسألتها:
-لكن المواعيد التي ذكرتها الأوراق كانت هي مواعيد البص (69)
وبدأ نفاذ العاملة ينفذ وهي تجيب على أسئلتي وأنا أشعر أنها تحرك رأسها وهي تقول:
-"هؤلاء الآباء والأمهات الجدد متعبون جدا..."
ثم قالت:
-هذا هو أول يوم في الدراسة... ومن الطبيعي أن يكون هنالك إختلاف في التوقيت لان السائق يتعرف لأول مرة على المنازل وخرائطها وعناوينها.. فهدئي من روعك..
ثم أعقبت:
-أحمدي ربك أن البص الذي وضعتي فيه إبنك بالخطأ كان ذاهبا لنفس مدرسته، لان هنالك مدارس عديدة في المنطقة وكان من الممكن أن يكون البص منتسبا لمدرسة أخرى...
(من أساسه)
.
.
.
|
Post: #23
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 05:48 PM
Parent: #21
وما أن وضعت السماعة مع عاملة مركز الترحيل، وأنا أحمد ربي على مدى الخطأ الذي بدا لي بسيطا مقارنة بالمصيبة الأعظم.. حتى بدأ البص (31) يلوح في الأفق ووقف أمام باب منزلي فعلا..
حتى أنني لم أحتج لكي أقطع ذلك الطريق الصغير الذي يفصل بيني وما بين البص (69) ونزل هاشم من البص وهو فرحا مستبشرا بيومه الأول.. وكنت أنا سعيدة لأنني أراه، وبسلام، يعود إليّ ثانية.. ونظر إليّ سائق البص المستر (كينج)
وقال لي بنبرة باسمة:
-يحدث كثيرا في أول أيام المدرسة.. لا تقلقي
ولا يزال حتى اليوم هاشم يسألني:
-ماما، هل تذكرين أول يوم في المدرسة حينما أركبتيني البص الخطأ
وأقول لي مبتسمة:
-طبعا متذكرة.. هو ده يوم يتنسى
ثم أهز رأسي وأنا أقول لنفسي هامسة:
-وغايتو كانت...
جنس طرطشة
.
.
.
|
Post: #22
Title: Re: يوم في حياة أم... (مطرطشة)
Author: مدثر محمد ادم
Date: 04-23-2009, 05:47 PM
Parent: #18
حمدالله علي السلامة
ومتابع
تيف تيف
|
Post: #26
Title: Re: يوم في حياة أم... (مطرطشة)
Author: Solafa Alagib
Date: 04-23-2009, 06:46 PM
Parent: #22
والله ابدا ياغادة حاشاك من الطرطشة ,,,,,,,لو كنتى زى ما بتقولى كان هاشم حايكون خايف من اول يوم دراسي ومتوتر لكن بالعكس
ما ينفي عنك تهمة الطرطشة استعدادو ,,,بل سعادتو بالموضوع كلو مما يدل علي انك كنتى حضرتيهو تمام للتغيير دا,,,لكن علي قول
المصريين اللى تخاف منو يطلعلك ,,حرصك الزايد
وخوفك انتى من اول يوم دراسي دخلك في الدوامة دى,,,,,,,,,,,,,,,علي قول الست فيروز الله يخلي الاولاد
د:سلافا العاقب
|
Post: #36
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 09:54 PM
Parent: #26
Quote: والله ابدا ياغادة حاشاك من الطرطشة ,,,,,,,لو كنتى زى ما بتقولى كان هاشم حايكون خايف من اول يوم دراسي ومتوتر لكن بالعكس
ما ينفي عنك تهمة الطرطشة استعدادو ,,,بل سعادتو بالموضوع كلو مما يدل علي انك كنتى حضرتيهو تمام للتغيير دا,,,لكن علي قول
المصريين اللى تخاف منو يطلعلك ,,حرصك الزايد
وخوفك انتى من اول يوم دراسي دخلك في الدوامة دى,,,,,,,,,,,,,,,علي قول الست فيروز الله يخلي الاولاد |
سلامات يا دكتورة...
هاشم كان سعيد جدا بالتجربة... كنت أخذته إلى المدرسة أكثر من مره..
أريته فصله المستقبلي وتعرفت كذلك على أستاذته..
صافحت يدها.. تحدثت معها.. تعرفت عليها
قبيل بداية العام الدراسي...
ولكن يبدو أنني نسيت أن أعد نفسي أنا
نسيت أن أذكر نفسي وأصبرها
فأعياني أول يوم أكثر من هاشم...
سأكون أكثر حرصا مع شهاب ومدرسته..
المصريين بيقولوا..
"إللي أتلسع من الشوربة بينفخ في الزبادي..."
فثقي أنني سأظل انفخ في الزبادي
تقبلي المحبة
|
Post: #33
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 09:37 PM
Parent: #22
Quote: حمدالله علي السلامة
ومتابع
تيف تيف |
مدثر... الله يسلمك يا رب
و...
تيك وتاك
|
Post: #32
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 09:15 PM
Parent: #18
Quote: غادة ياحبيبة إزيك
والله العظيم إتوترت ياخ أها الولد لقيتيه ولا لسة ؟؟( وش بطنو وأجعاه من الهجمة) !! |
الحبيبة.. نادية عثمان
كيف حالك أيتها الرقيقة...
هاشم بخير والحمد لله والآن أكتب لك
وهو يجلس بجانبي...
فأطمشني قفا.. وحطي على بطنك بطيخة صيفي
-على قول أخوانا المصريين-
إذا كنتي الآن اتهجمتي..
تخيلي كيف كان حالي في تلك اللحظات...
الرياض معاك كيف؟
|
Post: #31
Title: Re: يوم في حياة أم... (مطرطشة)
Author: Rihab Khalifa
Date: 04-23-2009, 09:02 PM
Parent: #14
Quote: ثم تركت يدي تنفصل عن يد هاشم الذي ركب البص بكل فرحة.. بكل نشاط وحيوية..
ولم ينظر خلفه حتى ليرى أدمعي المتوارية... وفي ثانية.. أغلقت أبواب البص |
والله يا غاده ضحكتيني لمن حنيت عليك
متابعه معاك، واصلي :)
|
Post: #37
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 09:58 PM
Parent: #31
Quote: والله يا غاده ضحكتيني لمن حنيت عليك
متابعه معاك، واصلي :) |
سلامات يا رحوبة...
والله يومها أصعب على الكافر... وغير الكافر كمان
لما وصلت الى البص لاتحدث مع السائقة عن مكان هاشم
كنت بجري.. واجري بقوة.. كنت الهث
حسيت كأني ممثلة في فيلم
ضابطة شرطة يمكن...
ناقصني المسدس بس...
تابعي معي وشوفي الطرطشة
محبتي
|
Post: #24
Title: Re: يوم في حياة أم... (مطرطشة)
Author: Adil Osman
Date: 04-23-2009, 06:20 PM
Parent: #1
Quote: غايتو كانت...
جنس طرطشة |
كيف تترجمين هذه الجملة الى اللغة الانقليزية ؟
|
Post: #25
Title: Re: يوم في حياة أم... (مطرطشة)
Author: عمر عبد الله فضل المولى
Date: 04-23-2009, 06:43 PM
Parent: #24
الاستاذة / غادة عبد العزيز خالد
تحياتي واحترامي
وشكرا لهذه القصة التي لا شك فائدتها سوف تصيب الجميع ولو ان اي شخص روى مثل هذه القصص لاستفاد منها الاخرين .
وعودتينا دوما ان تروي كل الاحداث التي تمر بك الى قصص وكتابات يستفيد منها الاخرين .
وربنا يحفظ هاشم وشهاب من كل شر
|
Post: #40
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 11:11 PM
Parent: #25
Quote: وشكرا لهذه القصة التي لا شك فائدتها سوف تصيب الجميع ولو ان اي شخص روى مثل هذه القصص لاستفاد منها الاخرين .
وعودتينا دوما ان تروي كل الاحداث التي تمر بك الى قصص وكتابات يستفيد منها الاخرين .
وربنا يحفظ هاشم وشهاب من كل شر |
سلامات يا عمر.. مشتاقون كثيرا
وسعيدة أكثر بأن أراك بيننا يا صديقي
تعرف يا عمر... كل ما أتذكر هذا اليوم
أستعجب.. وأستغرب في نفسي...
طلعت (كيشه) وكمان مرات (مطرطشة)
-في زول بيقول على نفسه كده؟-
-وش مستعرب وباسم-
وما هي الكتابات والقصص والحكاوي يا أخي
سوى مجموعة من أفكار في بالنا
وتجارب مررنا بها في حياتنا
تقبل المودة
أختك دوما- غادة
|
Post: #39
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-23-2009, 11:09 PM
Parent: #24
Quote: Quote: غايتو كانت...
جنس طرطشة
كيف تترجمين هذه الجملة الى اللغة الانقليزية ؟ |
عادل عثمان.. مشتاقون
كيف أترجم الجملة الأول للعربية
عندي صديقة عزيزة عليّ من دولة عربية
وأحببت أن أريها الموضوع
لكن ما عرفت كيف أشرح ليها (طرطشة) دي...
هل هنالك إقتراحات...
غايتو... جنس طرطشة.. تاااني!!
|
Post: #28
Title: Re: يوم في حياة أم... (مطرطشة)
Author: عاطف عمر
Date: 04-23-2009, 08:26 PM
Parent: #1
سلامات جداً نجمتنا المطرطشة ( أنا ما جبت حاجة من عندي )
أسمع كثيراً عن البوسات الملغومة ولم أكن أعرف على وجه الدقة المعني المقصود تماماً
هسع الشغلانية يا دوبك وقعت لى
قلت لي كيف ؟؟
أها أقول ليك
نقوم نحن من باب الشئ بالشئ يذكر
نذكر ليك بعض من أمثلة الطرطشة ( الأمها بت عم أبوها ) التي قامت بها السيدة المبجلة بعلتنا .
نقع وقتها في المحظور
قضايا أشبه بقضايا الخيانة العظمى
أقلها " إفشاء أسرار عائلية "
وإنت لو عارفة دي عقوبتها شنو ما كنت ( دردقتينا ) الدردقة دي
لكين على مين ؟؟؟
_______________
غادة
مشتاقين كميات
|
Post: #29
Title: Re: يوم في حياة أم... (مطرطشة)
Author: عبدالرحمن الحلاوي
Date: 04-23-2009, 08:52 PM
Parent: #28
غادة عبدالعزيز أيتها الرائعة أقرأ ما تسطرينه بإعجاب ..واصلي ..
__________________________
arrufaiyeen.com
|
Post: #34
Title: Re: يوم في حياة أم... (مطرطشة)
Author: baha eassa
Date: 04-23-2009, 09:39 PM
Parent: #29
الاخت غادة .. ..
ربنا يحفظهم ويحفظك بعيد من الطرطشة .. ..
|
Post: #53
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 12:43 PM
Parent: #34
Quote: الاخت غادة .. ..
ربنا يحفظهم ويحفظك بعيد من الطرطشة .. .. |
سلامات يا بهاء...
طولنا منك ومشتاقين..
تسلم للدعاء.. وارجو المزيد
بالبعد عن الطرطشة..
تقبل المودة
غادة
|
Post: #35
Title: Re: يوم في حياة أم... (مطرطشة)
Author: انعام حيمورة
Date: 04-23-2009, 09:46 PM
Parent: #29
كانت الكهرباء ( في ) قصدي الجنريتر شغال في الشركة ..
وصلت لحدي
Quote: وبقي السؤال...
أين هاشم؟؟
أين إبني؟؟
.
.
. |
وجيت جارية البيت جري عشان القاك دخلتي تاني واتم باقي القصة ..
أأأخ
لقيت الكهرباء قااااطعة ..
طوالي قلت لي (دينا) (ودعاء) يلا نطلع .. ومشينا لذيذ (العمارات) قعدنا ..
طوالي دورت ليك فيهم حكي والغريبة ولا نسيت ولا تفصيل كعادتي ما بحب التفاصيل ..
(غايتو التفاصيل دي يخلوها لي (حنانة) بس) !! ههههه
المهم حكيت ليهم من طق طق لحدي أين هاشم أين ابني ..
ولما قمنا لقيت (شيخ) زمان كان بجي في عمارات الامارات بدعي للزول بالبركة .. ملامحه تقية
وانا بحبه جدا .. لهدوء ووقاره ..
قلت ليه وييينك متذكرني .. قال لي الزمن طال قلت ليهو ماشي وين .. قال لي السوق المركزي ..
قلت لي دينا يابت امشي وراء .. وقعد فرحان ..
وبقى يدعى لي بالبركة لحدي ما وصلنا ..
وجيت البيت .. ومجرد ما الكهرباء جات ..
جيت اشوف (هشومي ) الحصل عليه شنو ؟؟!!
وحمد لله على السلامة ومشاء الله ربنا يحفظوا
ولقيتك .. ام ما مطرطشة ..عارفة ليه ..
للسرد الممتع والصور التي تخليك عايش القصة وترسم صورة في زهنك لكل الشي الدار ..
واثناء ما بقرأ كنت بتسأل ياربي شهاب بكى ولا كان ساكت ولا مخلوع وشيلة الشوال اثرت عليه ولا لا ..
واريتا طرطشتي (ههه)
|
Post: #38
Title: Re: يوم في حياة أم... (مطرطشة)
Author: سيف الدولة كامل
Date: 04-23-2009, 10:37 PM
Parent: #35
حمدا للسلامة.... وان شاء الله عقبال الجامعة
لكن يا دينا دي بداية الطرطشة.............
امس دخلت البيت الساعة 8:30مساء لقيت زوجتي
مستلقية في كنبة الصالون سلمت عليها ردت من
طرف مناخيره , ما سالتني عاوز اكل ولا .. لا
سكت خلعت ملابسي استلقيت في السرير. بعد شوية
رن جرس البيت.. امك نطت من الكنبة زي الغزال
وجري علي الباب وشوية دخلت امورتنا عسجد,,
وداك يا الضحك والابتسامة,,لييييه ,زعلانة
قالت كانت قلقانة علي عسجد اتاخرت في الجامعة
اها شفتي الطرطشة حدها وين.. ربنا يحفظهم
|
Post: #42
Title: Re: يوم في حياة أم... (مطرطشة)
Author: جمال السنوسي
Date: 04-24-2009, 00:40 AM
Parent: #38
غادة
يعني تغيبي شهور وتجينا مطرطشة
تاني ما تغيبي عشان نجن مانطرطش
لك كل الود
ولهاشم الجميل ولاخيه الصغير
وطبعا لوالدهم
تسلل:
حلقة ألسكا ستبث يوم الاربعاء 10 ونص مساء بتوقيت الوطن
|
Post: #62
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 05:09 PM
Parent: #42
Quote: غادة
يعني تغيبي شهور وتجينا مطرطشة
تاني ما تغيبي عشان نجن مانطرطش |
شفت الحالة دي كيف يا جمال..
يعني أغيب أغيب.. وأفكركم على بصلة..
غايتو.. أستحملوا..
وأرفعوا أمركم لله
Quote: تسلل:
حلقة ألسكا ستبث يوم الاربعاء 10 ونص مساء بتوقيت الوطن |
والليلة والليلة...
بصات ابو رجيلة..
والحلة والسيرة..
هييه.. الله يستر
-وجه باسم-
|
Post: #60
Title: Re: يوم في حياة أم... (مطرطشة)
Author: yasir Abdelgadir
Date: 04-24-2009, 03:01 PM
Parent: #38
غادة سلامات:
أسوأ لجظات لما تكون سايق الظهر في الشارع وفجأة يظهر قدامك بص المدرسة..تعطيل كامل للحركة.ممكن تصل بعد ساعتين من وقتك الاصلي
حاشاك من الطرطشة
حنشوفك في ميريلاند الصيف دا؟؟؟
|
Post: #63
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 05:12 PM
Parent: #60
Quote: غادة سلامات:
أسوأ لجظات لما تكون سايق الظهر في الشارع وفجأة يظهر قدامك بص المدرسة..تعطيل كامل للحركة.ممكن تصل بعد ساعتين من وقتك الاصلي
|
سلامات يا ياسر...
تعرف كلامك صحيح.. زمان كنت بتعب كثير من أمر هذا البص
الذي يقف في ثانية ولمدة طويلة..
لكنني بعد تجربتي مع هاشم..
فهمت أن هذه لمصلحة الطفل..
ولراحة بال والديه..
بعض من تأخير مافي مشكلة
-وجه باسم-
| Quote: حنشوفك في ميريلاند الصيف دا؟؟؟ |
لسه ما متأكده.. لو عندك خطط للحضور إلى ميتشغان
خلينا في الصورة..
تقبل التحية
غادة
|
Post: #61
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 05:06 PM
Parent: #38
Quote: لييييه ,زعلانة
قالت كانت قلقانة علي عسجد اتاخرت في الجامعة
اها شفتي الطرطشة حدها وين.. ربنا يحفظهم |
سلامات يا سيف...
أنا كنت متخيلة قلقلي على هاشم لانه صغير
ويادوب داخل المدرسة..
طلع الموضوع حيتواصل حتى الجامعة..
الله يطمنك..
ربنا يخلي ليك الأبناء وعسجد
ويمنك عليهم إنت والمدام
تقبلوا التحية
غادة
|
Post: #56
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 01:40 PM
Parent: #35
Quote: ولقيتك .. ام ما مطرطشة ..عارفة ليه ..
للسرد الممتع والصور التي تخليك عايش القصة وترسم صورة في زهنك لكل الشي الدار ..
واثناء ما بقرأ كنت بتسأل ياربي شهاب بكى ولا كان ساكت ولا مخلوع وشيلة الشوال اثرت عليه ولا لا .. |
نعومة الطيبة.. القلبها أبيض...
يعني طلعت ما (مطرطشة)..
الحمد لله القاضي نطق بالحكم عليّ
و,, بالبراااءة...
شهاب كان محتار.. مستعجب..
كان وقتها بيتفرج على التلفزيون
وجالس على الأرض..
أمسكته من منتصفه..
جريت به.. وهو بيسأل:
"ماما.. في شنو؟"
قلتي ليك هو بينطق شنو دي بصورة حلوة شديد؟
بيدلعها لي وبيلحنها كده وبيطلولها..
تضحك بس..
لكن وقتها أن كنت جارية..
وضعته في الكرسي الخلفة وهو محتار..
وبيسأل..
لكن أنا كان ذهني في مكان تاني..
مختلف تماما..
حتى لما خليت العربية في نص (الشارع)
وشهاب بداخلها كان محتار..
منذ متى أترك مكانا بدونه؟
لكن كنت مطمئنة عليه في تلك اللحظات
لأن كل السيارات لازم تقف إلا كان هنالك بص مدرسة
أو ترحيل واقف ورافع علامة... قف
وبعدين والله.. بحبك ياخ
|
Post: #52
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 12:32 PM
Parent: #29
| Quote: غادة عبدالعزيز أيتها الرائعة أقرأ ما تسطرينه بإعجاب ..واصلي .. |
أخي عبدالرحمن الحلاوي
تحياتي يا صديقي.. وأين الحي بيك
كتبت عن تجربتي في إرسال أول أبنائي
إلى المدرسة...
وكانت تجربة عجيبة..
لعلها كانت من القلب...
فوصلت إلى القلب..
يا لسعادتي بك..
تقبل التحية
غادة
|
Post: #41
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 00:33 AM
Parent: #28
Quote: نذكر ليك بعض من أمثلة الطرطشة ( الأمها بت عم أبوها ) التي قامت بها السيدة المبجلة بعلتنا .
نقع وقتها في المحظور
قضايا أشبه بقضايا الخيانة العظمى
أقلها " إفشاء أسرار عائلية "
وإنت لو عارفة دي عقوبتها شنو ما كنت ( دردقتينا ) الدردقة دي |
عاطف عمر.. صديقي.. وأخي العزيز
مشتاقين كثير يا عاطف.. كيف سعدية البهية
البنيات.. وإبننا العريس...
أنا متاكده أن سعدية لن تضن عليّ ببضعة قصص هنا وهناك
-ولا شنو يا سعدية؟-
يعني.. لزوم مساندة وكده..
ما أكون الأم الوحيدة الـ(مطرطشة)
شوقي وتحياتي بلا حدود
|
Post: #43
Title: Re: يوم في حياة أم... (مطرطشة)
Author: Sana Khalid
Date: 04-24-2009, 03:39 AM
Parent: #41
غادة
حمد لله على سلامة العودة للبورد
و العيال ما شاء الله ربنا يحفظهم
و حاشاك الطرطشة زي ما قالت ليك د. سلافة
تعرفي الطفل الأول دا أصلو مدرسة للأهل
بنتعلم فيهم هم كل حاجة (و ان تجربة الصواب و الخطأ في تاريخ الأمم و الأفراد.. طريق النضج و التقدم.. يا عالمات أحمد سالم!!)
Quote: كنت أشعر أنه كبر.. أنني لم أعد بذات الأهمية في حياته... وأنه يستطيع أن يدير أمور حياته بمفرده... من قال أن أول أيام المدرسة هي أصعبها على الطفل؟ بل وما أصعبها على الأم أيضا...
|
كلامك دا ذكرني قصة الفطامة
أنا دايما بأقول الفطام أصعب على الأم من الطفل
ما عشان تراكم الحليب في الصدر مؤلم و لا عشان الحمى الممكن تجي معاه
لكن عشان انت بتكوني عاااارفة انو طفلك دا تاني عمرو ما حيكون قريب ليك زي ما كان و انو دي الخطوة التانية من الانفصال بعد ما طلع من حشاك.. !
و التجربة الأولى مع الطفل أو الطفلة الأولى هي الأصعب (أول مرة أحس اني محتاجة حقيقي أستخدم التمييز الجندري.لأنو في ناس لسة بيعتقدوا انو الأم بتتعلق بالأولاد أكتر من البنات!)
جاياك بزيادة ونسة و حكاية طرطشة مع التالتة مش الأول كمان!!
|
Post: #44
Title: Re: يوم في حياة أم... (مطرطشة)
Author: نادية عثمان
Date: 04-24-2009, 04:11 AM
Parent: #43
حمد لله على سلامة هشومي ياخ
وتاني مرة بالله وديهو بنفسك بعربيتك بدل
يتقطع قلبك وتقطعي قلوبنا من الهجمة على ولدنا سمح ؟
الرياض تماااااااام
جاية السودان متين تاني ياخ ؟
|
Post: #81
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 09:23 PM
Parent: #44
Quote: حمد لله على سلامة هشومي ياخ
وتاني مرة بالله وديهو بنفسك بعربيتك بدل
يتقطع قلبك وتقطعي قلوبنا من الهجمة على ولدنا سمح ؟ |
سلامات يا ندوية.. وتسلمي وتسلم روحك الحلوة..
ما تخافي.. هذه هي السنة الأولى والأخيرة
التي سيعتلي فيها هاشم البص
منذ يوم الإثنين المقبل.. سأوصله أنا بعربتي وأجيبه
ان شاء الله
ليس لتجربتي مع البص.. ولكن بسبب تغير المدرسة
وفي هذا قصة أخرى
| Quote: جاية السودان متين تاني ياخ ؟ |
ان شاء الله يكون قريب.. لازم نلتقي المرة المقبلة
محبتي
غادة
|
Post: #45
Title: Re: يوم في حياة أم... (مطرطشة)
Author: BitAlhana
Date: 04-24-2009, 04:21 AM
Parent: #43
غاده سلام
انا زاتي اسي اتهجمت لما اطرطشت
حمد الله على السلامه لكن احلى حاجه انه شهاب ما نساها ليك كله كله
تحياتي
|
Post: #82
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 09:26 PM
Parent: #45
Quote: غاده سلام
انا زاتي اسي اتهجمت لما اطرطشت
حمد الله على السلامه لكن احلى حاجه انه شهاب ما نساها ليك كله كله
تحياتي |
بت الهنى والمنى -ان شاء الله-
تسلمي.. والمعذرة على الـ(خلعة) والـ(طرطشة)
كانت تجربة مرت بي.. ولا زلت حتى الآن أفكر
كيف قرأت كل ما أرستله المدرسة من أوراق
عرفت الموعد الذي سيصل فيه البص..
المكان...
ولم انتبه للرقم..
غايتو.. أعتبرت نفسي صغيرة وجاهلة..
فعذري معاي (ولا شنو؟)
أما هاشم فلا يزال يذكرها.. ولم ينسها حتى اليوم
أتمنى أن ينساها قبل أن يكبر..
لكنني وضعت الحادثة ووثقتها بهذا البوست..
هممم... (نمشي نمسحه ولا شنو؟؟)
بسمة ومحبة
غادة
|
Post: #46
Title: Re: يوم في حياة أم... (مطرطشة)
Author: Sana Khalid
Date: 04-24-2009, 04:36 AM
Parent: #43
جيت تاني يا غادة و شكلي حاستلم ليك البوست (نبطشية بس:) )
الأطفال هنا ما بيعانوا من قلق الانفصال (Separation Anxiety) اول يوم في المدرسة..
لأنهم بيكونوا متعودين من الروضة( تقريبا 99.9% بيمشوا روضة قبل المدرسة و ال0.1% دا احتياطا بس!)
الحاجة الحلوة انو قبل ما الروضة تبدأ رسميا.. بيطلبوا من الأهل يجوا بصحبة أطفالهم كم مرة للروضة للتعرف على تفاصيل المرافق ..
للتعرف على المدرسات و المدرسين و كذلك الأصدقاء
بيخلوهم كل زول يلعب في فصلو المقرر ليهو زي ساعة او اتنين و يدوهم هدايا بسيطة (لكن بتفرحهم)
اول يوم ..احتفال رسمي جدا
الام و الاب لازم يجوا و كل زول (in full suit)
و الاحتفال ممكن تتخلله فقرات لطيفة تحسس الطفل بالالفة!
أكيد بعض الأطفال بيبكوا
لكن غالبيتهم بيكونوا مطمئنين
يتبع 
|
Post: #47
Title: Re: يوم في حياة أم... (مطرطشة)
Author: Safa Fagiri
Date: 04-24-2009, 04:51 AM
Parent: #46
سلامات بعودة
القلم السلس
اللذيذ...
تحياتي يا غادة
لهذا الحكي الجميل.
بس زلمتي قلوبنا
بالخلعة
!!!
وقبلة على جبين هاشم
وأخرى على جبين شهاب.
ربنا يحفظهم
برعايته العلية.
محبتي
|
Post: #48
Title: Re: يوم في حياة أم... (مطرطشة)
Author: Sana Khalid
Date: 04-24-2009, 06:10 AM
Parent: #47
غايتو يا غادة اعفي لي.. أنا في العادة كسلانة جدا لكن بوستك دا اشتغل لي زي حبوب راجو ! (اسألي منها داليا حافظ)
أها لغاية ما تجي النتمدد شوية.. تاني ح أجز.. (أنا عارفة روحي الاسبوعين الجايين ما عندي طريقة للبورد ..!)
....
باقي حكي
بعد ما يبدوا.. اول اسبوع بيجوا يوم مدرسي قصير (بيتراوح من روضة للتانية بين ساعتين لتلاتة ساعات )
و بيقعدوا طول الاسبوع دا يشوقوهم للاسبوع البعدو انو حيلعبوا وقت اطول مع اصحابهم
و حيغنوا و يرسموا و يلونوا اكتر
و كمان حياكلوا الغداء في المدرسة!
اللي هو ممكن يكون وجبة مدرسية مطبوخة ليهم في الروضة نفسها (بيزوروهم المطبخ و يعرفوهم على طباخي الروضة)
و في ايام من الاسبوع حيجيبوا معاهم الغداء من البيت او الLUNCH BOX
والLUNCH BOX دا بالرغم من انو الطفل بيكون جايبو من بيتو ..
لكن بيكون متشوق ليهو برضو لأنو ماما حتكون باذلة مجهود في تقطيعو و تلوينه اكتر من تلوين الوجبة العادية في البيت!
دي صورة BENTO (الكلمة اليابانية لعمود الغداء ) بتاع هديل حق الصباح دا و هو أقل اتقانا و تلوينا و زخرفة من البنتو البيعملوهو غالبية الأمهات اليابانيات لكن اكيد اكان كان ساندويتش فول كنت ظبطو و لفيتو في جريدة احسن منهم! ( اليابانيون هم اهل فن الورق الملون ORIGAMI بيعملوا منو حاجات خرافية .. لكن ما بيعرفوا يلفوا قرطاس!! باستمتع الف الفواتير الصغيرة- البتكون مالية الشنطة!! - على شكل قراطيس و اثبتها لأولادي و اصدقاءهم و يلبسوها في اصابع يديهم تبقى طويييلة و نهايتها بتخربش.. بيفرحوا جدا و بعد داك يتلموا امهاتهم كل واحدة شايلة ورقة في يدها ورينا بتعمليها كيف!!!)
نجي لقصة البصات.. و البصات بس للرياض ما في بصات للمدارس الا فيما ندر (دي حكاية تانية باحكيها ليك بعد شوية)
البصات بتاعة الروضة بيعلموها غالبا باسماء حيوانات زي مثلا بص هديل اسمو بص الارنب!
في رياض بتعمل بصاتها على اشكال كراكتر تلفزيوني بيحبوه الاطفال
زي بص البوكيمون او بص توماس (القطر) في بصات على شكل باندا او فيل او اي حاجة تحبب الاطفال فيهو و تكون اسم للكورس البيمشيهو البص!
و حاجة تانية من اميز الحاجات انو كل بص لازم تكون فيهو مرافقة مع السواق (غالبا السواق و المرافقة هم اصلا مدرسين او اداريين في الروضة و التوصيل جزء من شغلهم!
في واحدة من الرياض المشينا نستكشفها قبل ما نختار .. كان احد سائقي البصات هو المدير نفسو!)
رحلنا و اتغيرت روضة هديل عشان كدا اليونيفورم كمان اتغير و هسة هي في آخر سنة روضة!
يتبع
|
Post: #49
Title: Re: يوم في حياة أم... (مطرطشة)
Author: mamkouna
Date: 04-24-2009, 11:14 AM
Parent: #48
بوست جميل و عميق يا غادة...
و تبري انتي من الطرطشة.
أول يوم في المدرسة بالنسبة ليٌ لمن كنت طفلة (قبل حوالي 100 سنة ضوئية ) ما زلت أذكره كانه امس القريب دا...
كانت والدتي - ربنا يرحما و يغفر ليها- تردد قبلها بايام اني ح امشي المدرسة مع اخوي الكبير..
فتكونت لدي فكرة اني ح اكون في صحبته و بجواره طوال الوقت.
لذلك كان أولى صدماتي إني ح اكون في فصل بعيد من أخوي...مما خلق لديٌ ذعر و رعب فظيع..
لسه بتذكر البكا و الصراخ و الفيلم الهندي العملتو ( وش خجلان ) !
لذلك...بالنسبة لاولادي ارتبط عندي اول يوم في المدرسة بال Seperation Anxiety القلتوها دي
لكن المشكلة انو أنا البعاني منها...مش الطلبة الجُداد  !
|
Post: #50
Title: Re: يوم في حياة أم... (مطرطشة)
Author: SHIBKA
Date: 04-24-2009, 11:38 AM
Parent: #49
غادة
قلبي وقف معاك لما ما لقيتي هاشم
وتاني قلت طيب هي طالما كتبت القصة معناها لقت هاشم
وراسي بدا يودي ويجيب
لغاية ما جينا لحمد الله السلامة
اشكرك لروعة سردك للموضوع رغم انو طير قلبي
|
Post: #51
Title: Re: يوم في حياة أم... (مطرطشة)
Author: SHIBKA
Date: 04-24-2009, 11:40 AM
Parent: #50
سناء خالد
رغم كسلك في الكتابة
لكن عجبتني الفكرة بتاعة البصات المسمية باسماء حيوانات دي
|
Post: #77
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 08:54 PM
Parent: #51
Quote: سناء خالد
رغم كسلك في الكتابة
لكن عجبتني الفكرة بتاعة البصات المسمية باسماء حيوانات دي |
وأنا كمان عجبتني حاجتين في مداخلات سناء..
قصة الباصات الملونة.. روعة..
جعلتني أذهب وأصور باصات مدرسة هاشم مرة ثانية
وإكتشفت أنها باصات حقيقة مملة..
وليست بها روح أطفال..
الثاني أنني أحسست بأنني إستنطقت سناء في صمتها العجيب
وتولد بهذا إحساس عميق.. وسعيد
|
Post: #101
Title: Re: يوم في حياة أم... (مطرطشة)
Author: Sana Khalid
Date: 04-25-2009, 01:29 PM
Parent: #51
Quote: سناء خالد
رغم كسلك في الكتابة
|
شبكة انت قصدك تقولي لي رغم انك عاملة زحمة في البوست مش؟ هههههههه
و الله يا شبكة هو ما كسل قدر انو احباط
عندي مشكلة في الجهاز و مستنية ابو حسن يلقى شوية وقت يصلحو لي
لأنو بعد ما اكتب مداخلتي او بوستي و اتعب فيهو في لحظة ما عارفة بيحصل شنو يروح الجهاز كلو مضلم
حصلت لي الحاجة دي مثلا قبل يومين في بوست جميل بتاع عماد عبدالله اسمو روح جميلة و عملت مداخلة (سميينة) بدسم ياباني و سوداني كمان
قبل ما اضغط رد لقيت الدنيا ضلللللمة
بعد داك بحرد و اقوم اخليهو شفتي كيف!
Quote: لكن عجبتني الفكرة بتاعة البصات المسمية باسماء حيوانات دي
|
تعرفي غير الباصات بيعجبني برضو انو الفصول في الروضة بتكون بأسماء الزهور يعني الروضة بيكون فيها من اتناشر لستاشر فصل بيكونوا الأطفال في عمر الروضة بيعرفوا أسماء و أشكال اكتر من اتناشر زهرة!! اتخيلي موقفي لما يسألوني و انا كبييييرة كدا عن انواع الزهور العندنا في السودان!! غايتو بأبدأ أعد بجهنمية و عباد شمس و صباح الخير و الفل و بعدين...... بيغلب حماري!!
|
Post: #76
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 08:52 PM
Parent: #50
Quote: غادة
قلبي وقف معاك لما ما لقيتي هاشم
وتاني قلت طيب هي طالما كتبت القصة معناها لقت هاشم
وراسي بدا يودي ويجيب
لغاية ما جينا لحمد الله السلامة
اشكرك لروعة سردك للموضوع رغم انو طير قلبي |
سلامات يا Shibka
وسعيدة بك وبحضورك كثيرا
الواحد في البداية بيكون خائف.. متوتر.. حزين
لكن الآن بسترجع في القصة وبستغرب في نفسي
طلعت زولة قلبي رهيف ومطرطشة ساي..
غايتو...
حمد الله على سلامتك إنتي الإنتهيتي من القراءة بسلام
معزتي
غادة
|
Post: #75
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 08:47 PM
Parent: #49
| Quote: بوست جميل و عميق يا غادة... |
ممكونة.. تحياتي
الكلمات عاليه سأظل أعلقها على صدري..
ممكونة شخصيا... أفضل من يكتب في البورد
-على ترشيح حسين ملاسي-
تذكر كلمات بحقي..
يا لفرحي..
Quote: كانت والدتي - ربنا يرحما و يغفر ليها- تردد قبلها بايام اني ح امشي المدرسة مع اخوي الكبير..
فتكونت لدي فكرة اني ح اكون في صحبته و بجواره طوال الوقت.
لذلك كان أولى صدماتي إني ح اكون في فصل بعيد من أخوي...مما خلق لديٌ ذعر و رعب فظيع..
لسه بتذكر البكا و الصراخ و الفيلم الهندي العملتو ( وش خجلان ) |
رحم الله الوالدة... وغفر لها
بالنسبة للاخوة.. فشهاب كان يبكي في اول ايام
لماذا يركب هاشم بص الترحيل..
وهو بالمنزل معي يجلس؟
كنت أقول له.. السنة الجاية إن شاء الله تمشي مع أخوك
لكنني إنتبهت لانه هاشم سيكون أكبر.. وربما يكون في بص آخر
فصمت عن الوعود وعن الحديث المباح...
ولكنك طلعتي من إياهم
-وجه مغايظة-
شكري مرة ثانية ومحبتي
غادة
|
Post: #59
Title: Re: يوم في حياة أم... (مطرطشة)
Author: Emad Abdulla
Date: 04-24-2009, 02:28 PM
Parent: #48
دقيقة بالله يا سناء ..
ده شنو الفي البتاع ده ؟
إنتو الشفع بتأكلوهم شنو في بلاد بره دي ؟
تمنية ( كروريات ) خيط أبيض ؟
دي مش كروريات ( بكرات ) خيط أبيض بالبجنبة دي ؟
ليه ؟
دي طريقة ما كريمة أبدا و لا كويسة تتعاملوا بيها مع الشفع .. حرام عليكم كده .
هسه المطرطشة البتسك باصات الناس و ما بتعرف 31 من 69 .. وللا البتأكل أولادها تمنية كروريات خيط كل فطور ؟
|
Post: #78
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 08:56 PM
Parent: #59
Quote: دقيقة بالله يا سناء ..
ده شنو الفي البتاع ده ؟
إنتو الشفع بتأكلوهم شنو في بلاد بره دي ؟
تمنية ( كروريات ) خيط أبيض ؟
دي مش كروريات ( بكرات ) خيط أبيض بالبجنبة دي ؟
ليه ؟
دي طريقة ما كريمة أبدا و لا كويسة تتعاملوا بيها مع الشفع .. حرام عليكم كده .
هسه المطرطشة البتسك باصات الناس و ما بتعرف 31 من 69 .. وللا البتأكل أولادها تمنية كروريات خيط كل فطور ؟ |
الله يجازي محنك يا عماد عبدالله
قعدت أضحك زي المجنونة..
لكن مسؤلة من الخير يا سنوية..
الأبيض ده شنو صحي؟ أرز؟
|
Post: #67
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 05:39 PM
Parent: #48
Quote: البصات بتاعة الروضة بيعلموها غالبا باسماء حيوانات زي مثلا بص هديل اسمو بص الارنب!
|
حسه لو كانوا عملوا كده لبص مدرسة هاشم يا سناء..
موش كانوا ريحوني من التعب والقلق..
وموش كانوا ريحوكم كمان من طرطشتي.. هاها
مشيت أخذت صورة تاني للبص من الجنب علشاني تقارني بين بصنا وبصكم
بص الأرنب بتاع هديل
وبص الشخصيات الكرتونية الأطفالية
وبص (31) بتاع هشومي
سادة كده وحاف.. يا كافي البلاء لا صورة لا لون..
غايتو.. أنا أصلا زعلانة من بص الترحيل...
مسخ لس زيادة كمان
-وجه باسم-
.
.
.
|
Post: #74
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 08:35 PM
Parent: #47
Quote: سلامات بعودة
القلم السلس
اللذيذ...
تحياتي يا غادة
لهذا الحكي الجميل.
بس زلمتي قلوبنا
بالخلعة |
صفوية... كيفك يا صديقتي...
صورة بروفايلك بداية رائعة...
العصفور المنطلق..
يرفرف بجناحيه في الفضاء..
الألوان.. الأحمر الذهبي.. والأسود
يا لها من خلطة رائعة..
حقيقة أعجبتني وتعبر من نفسك
المرهفة الراقية...
تقبلي التحايا والمعذرة على الخلعة..
-أنا فهمتها كده غايتو-
وجه باسم
محبتي
غادة
|
Post: #66
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 05:33 PM
Parent: #46
Quote: الحاجة الحلوة انو قبل ما الروضة تبدأ رسميا.. بيطلبوا من الأهل يجوا بصحبة أطفالهم كم مرة للروضة للتعرف على تفاصيل المرافق ..
للتعرف على المدرسات و المدرسين و كذلك الأصدقاء
بيخلوهم كل زول يلعب في فصلو المقرر ليهو زي ساعة او اتنين و يدوهم هدايا بسيطة (لكن بتفرحهم) |
عارفه يا سنوية.. دي فكرة حلوة جدا جدا..
أنا إنبهرت بيها خالص..
هنا أول يوم دراسي بيكون مثل حوالي الساعتين..
بيحضر الآباء مع الأطفال.. لكن بيأخذوهم مننا
في محاولة للتعود والتعرف على الفصل..
لكن الحقيقة مثل هذه الألعاب واليوم الممتع..
فلم نجربه... وإن كنت تمنيت لو قامت به مدرسة هاشم أيضا وشهاب
|
Post: #64
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 05:22 PM
Parent: #43
أختي الحبيبة
سناء
أول ما بدأت أقرأ مداخلتك.. تمعنت في صورة بروفايلك..
جعلتني الصورة أقف قليلا أتأمل.. أخذت قلبي وداعة الأبن
وسيطرت عليه إبتسامة البنات...
ما شاء الله يا سناء.. ربنا يحفظهم ليك ويخليهم ليك يا رب العالمين...
تعرفي، ما عندي صور كثيرة مع هاشم وشهاب.. هي مرة واحدة.. وكمان كانت بالصدفة
حينما ذهبت إلى الأستديو وأخذت صور معهم..
واليوم أحتفظ بها كأجمل ذكرى..
لم ير هذه الصورة الكثيرون... ولكنني أضعها هنا.. لكي أنتي
وأواصل معاك
.
.
.
|
Post: #65
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 05:28 PM
Parent: #43
Quote: كلامك دا ذكرني قصة الفطامة
أنا دايما بأقول الفطام أصعب على الأم من الطفل
ما عشان تراكم الحليب في الصدر مؤلم و لا عشان الحمى الممكن تجي معاه
لكن عشان انت بتكوني عاااارفة انو طفلك دا تاني عمرو ما حيكون قريب ليك زي ما كان و انو دي الخطوة التانية من الانفصال بعد ما طلع من حشاك.. ! |
عارفه يا سنوية..
أول أيام كنت بشيل فيها هاشم وهو عمره أيام..
كنت بحس بأنه مخلوق صغير... مستضعف في الأرض..
كنت أستعجب عن كيف يقوم أي إنسان بأذى طفل...
وكبر.. بدأ يحبو.. يمشي..
وكما الفطام.. يبعد عندك أكثر وأكثر
وأنا كنت أتعلق بكل ما يحتاجني له..
قالت لي صديقة في محل العمل:
-إستمتعي بطفلك أول أيام.. فهذه فترة ستمر بسرعة وحتما لن تعود
وتعرفي.. هل فعلا.. صاح!!
| Quote: جاياك بزيادة ونسة و حكاية طرطشة مع التالتة مش الأول كمان!! |
أنا حالتي قايلة الطرطشة تنتهي مع الأول يا سناء..
تقولي لي الثالث..
هههه.. الله يعين..
سعيدة بك كثيرا يا صديقتي..
كوني بالجوار
|
Post: #54
Title: Re: يوم في حياة أم... (مطرطشة)
Author: انعام عبد الحفيظ
Date: 04-24-2009, 01:07 PM
Parent: #41
أحلى سلام لأحلى أم مطرطشة :)
|
Post: #55
Title: Re: يوم في حياة أم... (مطرطشة)
Author: Emad Abdulla
Date: 04-24-2009, 01:26 PM
Parent: #54
أنا لو من عمك كينج ده ..
باعمل زي فضل السيد سواق الحافلة ..
أعلم ليك هاشم : سواقنا زينة و حالف ما يدلينا ..
و معاها : دوّر بينا البلد ده .
و نقعد نلف في ( الحلاّ ل ) الأمريكية دي حِلة حِلة , للمسا .
عشان الطرطشة تبقى عليك جد جد .
( أمهات آخر زمن ) .
....
حمد الله ع السلامة
و مبروك لهاشم .
|
Post: #57
Title: Re: يوم في حياة أم... (مطرطشة)
Author: محمد عبد الماجد الصايم
Date: 04-24-2009, 02:01 PM
Parent: #55
صحي مطرطشة!
|
Post: #84
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 11:12 PM
Parent: #57
أنا قايلاك تقيف معاي يا ود الصايم..
لكن إذا انا نفسي قلت على نفسي مطرطشة
جات عليك إنت
سعيدة بوجودك
|
Post: #58
Title: Re: يوم في حياة أم... (مطرطشة)
Author: Emad Abdulla
Date: 04-24-2009, 02:03 PM
Parent: #55
صفاء فقيري الزولة الكتابة ..
إزيك ياخ ..
دحين دي شنو يا صفاء ؟؟؟ ما عرفتها يسألني الله ..
مع إنو وقعها حلو .. لكن قدر ما حاولتها أبت لي ..
يعني القلوب بقى عندها زلومة من الخوف مثلاً ؟
وللا جاية من زلمة بتاعت الشوام ديك ؟
وللا النظام شنو ؟
زلمتي دي شنو يا صفاء ؟
|
Post: #68
Title: Re: يوم في حياة أم... (مطرطشة)
Author: شوقي مهدي مصطفي
Date: 04-24-2009, 05:41 PM
Parent: #58
Quote: أي رقم هذا الذي يتحدثون عنه؟ أوليس هذا هو البص؟ هذا هو الذي وقف أمام باب منزلي.. هذا هو الذي حضر في تمام الساعة السابعة والنصف صباحا ليأخذ أبني ويوصله إلى المدرسه وحضر الساعة الثانية والنصف ظهرا بالثانية...
أنا لا أفهم
وبقيت واقفة
محتارة |
علي قولك ياحمور
التربية صعبة خااااااااااالص
السيدة طرطووووووووووووووشة
========================
حمبرة
تعرفي معاي واحد زميلنا نسي بتو في المستشفي ما اتذكرها الا لما وصل البيت
وقعد يجقلب، في النهاية رجع المستشفي لقي بتو قاعدة راجياهو يجي
|
Post: #85
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 01:12 AM
Parent: #68
Quote: تعرفي معاي واحد زميلنا نسي بتو في المستشفي ما اتذكرها الا لما وصل البيت
وقعد يجقلب، في النهاية رجع المستشفي لقي بتو قاعدة راجياهو يجي |
يا حمبره.. الليلة غايتو علينا جنس فضائح وجنس صور..
غايتو،، محن...
صاحبك ده كان بيفكر في شنو يا ربي لدرجة نسى بنته..
تعرف، يكون بيفكر يوفر ليها حق الفطور من وين..
حق الغذاء وحق العشاء..
يكون عاوز يجيب حق فستان العيد وحق الدقيق
والعيش.. والجبنة والزبدة..
بركة البت الطلعت عاقلة وإنتظرت أبوها في حتتها
ما تحركت وصارت مطرطشة وغبيانة زيه..
وزي..
سلامات يا حمبرة..
|
Post: #69
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 05:41 PM
Parent: #58
| Quote: أها لغاية ما تجي النتمدد شوية.. |
هذه دعوة عامة.. للتمدد والتحليق فوق سماء البوست
حتى عودة لي أخرى قريبة...
-الأوجة الباسمة منذ الأمس كمان مطرطشة..
لسه ما عاوزه تشتغل-
غايتو نكتبها والأمر لله...
-وجه باسم-
|
Post: #70
Title: Re: يوم في حياة أم... (مطرطشة)
Author: انعام حيمورة
Date: 04-24-2009, 06:01 PM
Parent: #69
ياعماد عبد الله كتلتني من الضحك وفعلا وقفت في الصورة اعاين ياربي الابيض دا شنو ؟؟!!
ولا قريت كلامك قلت بركة ما براي .. وضحكت جدا..
________
غادة انا بحبك اكتر
|
Post: #97
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 01:16 PM
Parent: #70
Quote: ياعماد عبد الله كتلتني من الضحك وفعلا وقفت في الصورة اعاين ياربي الابيض دا شنو ؟؟!!
ولا قريت كلامك قلت بركة ما براي .. وضحكت جدا..
|
وأنا كمان يا نعومة ضحكت بكلام عماد..
وفرحت بصورة سناء..
طلع الأبيض أرز.. وتخيلي البمبي سمك..
ههه.. النمشي على سنوية دي نتكلم معاها
محبتي
|
Post: #83
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 09:29 PM
Parent: #55
Quote: أنا لو من عمك كينج ده ..
باعمل زي فضل السيد سواق الحافلة ..
أعلم ليك هاشم : سواقنا زينة و حالف ما يدلينا ..
و معاها : دوّر بينا البلد ده .
و نقعد نلف في ( الحلاّ ل ) الأمريكية دي حِلة حِلة , للمسا .
عشان الطرطشة تبقى عليك جد جد .
( أمهات آخر زمن ) . |
وأهون عليك يا عماد..
أنا البص فوت لفه واحدة بس..
وبقت خائفة وقلبي كان أن يصل الأرض
(دي كيفن دي)
-وش مستعجب-
المهم بعد ما يلف بينا البلد دا
ويحرق البنزين والبابورجاز
المهم يرجع..
ولما ترجع بالسلاااامة وترجع أيامنا الجميلة..
غايتو تقول عليّ شنو غير طرطشة زايدة وبس،،
|
Post: #79
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-24-2009, 08:57 PM
Parent: #54
| Quote: أحلى سلام لأحلى أم مطرطشة :) |
وأجمل تحية لأجمل صاحبة.. ما مطرطشة...:)
|
Post: #86
Title: Re: يوم في حياة أم... (مطرطشة)
Author: Yassir Tayfour
Date: 04-25-2009, 01:19 AM
Parent: #79
غادة إزيِّك ياخ!
شكراً لإشراكنا طرطشتك الجميلة..
__
ربنا يخليكم لبعض ويملأكم صحة وعافيَّة..
|
Post: #98
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 01:18 PM
Parent: #86
Quote: غادة إزيِّك ياخ!
شكراً لإشراكنا طرطشتك الجميلة..
__
ربنا يخليكم لبعض ويملأكم صحة وعافيَّة |
ياسر طيفور.. شخصيا..
مشتاقين يا ياسر.. وطولنا منك كثيرا جدا
والحقيقة بسأل عنك وبسمع كل خير..
ان شاء الله دائما..
شكرا ليك انت على مشاركتي في الطرطشة..
غايتو.. في زول يفضح نفسه بنفسه؟
-وش مستعجب-
ربنا يحفظك يا ياسر..
ويعيد تمبس بالسلامة
معزتي الدائمة
غادة
|
Post: #91
Title: Re: يوم في حياة أم... (مطرطشة)
Author: عماد محمود علي
Date: 04-25-2009, 08:20 AM
Parent: #79
والله أنت ما مطرطشة ولا حاجة ... مطرطشين الامريكان البيدوك خطاب النقل المدرسي خطأ !!! وأهي غايتو جاءت كده لتكون لك عبره في شهاب علشان ما تطرطشي وتبقي مطرطشة معااااهم ....
هسع أخير الجهجه دي ولا حفلة ناس طارق جبريل .... !!!
غــأدة أزيـــــــك .....
|
Post: #99
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 01:23 PM
Parent: #91
Quote: والله أنت ما مطرطشة ولا حاجة ... مطرطشين الامريكان البيدوك خطاب النقل المدرسي خطأ !!! وأهي غايتو جاءت كده لتكون لك عبره في شهاب علشان ما تطرطشي وتبقي مطرطشة معااااهم ....
هسع أخير الجهجه دي ولا حفلة ناس طارق جبريل .... !!! |
يا سلام عليك يا عماد..
ده الكلام ولا بلاش..
أنا اصلا بفتش على ناس أرمي عليهم عبء الطرطشة..
كنت فين من زمان يا صديقي؟؟
وبعدين ناس طارق جبريل عندهم حفلة مدوره وين؟
شوف النسابة ديل ما عزمني...
إنتظروا لي..
-النسيبة طلعت قرونها-
| Quote: غــأدة أزيـــــــك ..... |
تمام يا عماد.. مشتاقين..
كيف حالك انت يا صديقي؟
|
Post: #71
Title: Re: يوم في حياة أم... (مطرطشة)
Author: شادية عبد المنعم
Date: 04-24-2009, 06:36 PM
Parent: #1
الأستاذة غادة تحية طيبة
وأسمحي لي أدخل رحابك
تعرفي المضحكني أنك لسة سنة ألى طرطشة
تعرفي من أول طفل ولغاية ما تعرف متين
تلقي روحك الطرطشة ورا الطرطشة
غايتو أنا بقرا في كلامك النضر اللذيذ وإتكشم براي
بناتي قالو لي يا ماما ملك تتبسمي براك
قلت ليهم في صديقة ذكرتني حاجات كثيرة عنكم
طبعا جو يتاوقوا ما لقوا اي شي عنهم
وبيني وبين روحي قلت اهي دي الطرطشة
ذاتها
تعرفي من نوع بتاعتك دي حصلوا لي كميات كدة
لكن أكبرها
مشيت أجيب نتيجة ليم وكانت في رابعة إبتدائي
المهم وقفت في الصف وفي سانفرانسيس كل معلمة صف بتسلم النتيجة في صفها
المهم الصف كمل وهي ما أدتني النتيجة
قمت هجت ليك فيها وقلت ليها ياخ أنا واقفة لي تقريباً ساعة أي زول يجي تمشيهو
وأنا منتظرة
قالت لي يا مدام أنا ما لاقية إسم بتك
ومن بداية الساعة ليم واقفة تناديني من بعيد
وأنا أقول ليها إنتظري خليني أجيب النتيجة
المهم في الآخر جاتني ليم قريب وقالت لي في أضاني يا ماما لكن ده فصل ثالثة
قلت ليها عارفة
قالت لي طيب تجيبي نتيجتي من هنا ليه؟؟
طبعاً بقيت قدر السمسمة ياغادة
وطلعت ضحكت ضحك على روحي
تعرفي المضحك إني بناتي ديل ربيتو تماماً براي
بوديهم المدرسة وبذاكر ليهم وبعمل اي حاجة براي
وحتى النتيجة العايزة أجيبها دي مقرياها المواد مادة مادة
لكن في أضانك أظنني كنت خايفاهم يكبروا يخلوني
بس دي طرطشة ساي لأنو في الآخر كبروا
ولسة لغاية الجامعة مدورة طرطشة عجيبة
لكن بوستك وسيم وجميل بشكل ما عادي
وتحت تحت فيهو دروس هامة لنا كأمهات
شكراً عليهو
|
Post: #72
Title: Re: يوم في حياة أم... (مطرطشة)
Author: Raja
Date: 04-24-2009, 07:14 PM
Parent: #71
الحبيبة غادة..
ســـلام وشــوق
مبروك لهاشم المدرسة.. وإن شاء الله تشوفيهو ومعز بكرة شايل الشهادة الكبيرة (زمنهم الدكتوراه حتكون إبتدائية هسع.. هههه)..
وعقبال شهاب حبوبي..
..
بوست حلو.. ذكرني أول وظيفة في حياتي كانت مدرسة في مدرسة إبتدائي..
كنت مسئولة من سنة أولى.. أحلى عمر ممكن تتعاملي معاهو. عايزين يتعلموا كل شئ، وبيعلموك كل شئ..
ما كانوا بيقعدو في مقاعدهم. طول اليوم أنا وهم قاعدين تحت التربيزة الكبيرة وبنلعب.
ويا سناء شفًع المصريين بيجوا المدرسة بعدد 6 سندويتشات + العصائر + الشيبس والشيكولاتات
وبعد ده تلاقي الواحد يجيني قبل نهاية اليوم يقول لي: مس، أنا جعان. وطبعا يا مؤمن يا مصدق سندويتشاتي البكون جايباها معاي وما لمستها من الصباح بقت ملكهم بقدرة قادر.. وبقيت رسمي أعمل حسابي وأزيد السندويتشات حتى تتخيلي إني فاتحة كافيتريا.. ههههه
ربي يحفظ كل زهوركم الحلوة دي.. ويحفظ كل أولادنا ويمكًن الجميع من توفير التعليم ليهم
رجا
|
Post: #73
Title: Re: يوم في حياة أم... (مطرطشة)
Author: Halema2
Date: 04-24-2009, 08:19 PM
Parent: #72
العزيزة غادة
سلام ومبروك المدرسه لهاشم وحمدلله على سلامته
عارفه اهم حاجه قلتيها هى
Quote: ولكن يبدو أنني نسيت أن أعد نفسي أنا
نسيت أن أذكر نفسي وأصبرها |
دائما ينسى الاباء والامهات الاستعداد لهذا اليوم ويكونوا هم اخطر واجرس من الاطفال لان الطفل يتعود بسرعه ويندمج فى جوء المدرسه بسرعه شديده لكن المشكله فيكم انتو وحنيتكم الشديده دى
ربنا يحفظهم ليك وينجحهم ويقويك
تحياتى
حليمه
|
Post: #80
Title: Re: يوم في حياة أم... (مطرطشة)
Author: maia
Date: 04-24-2009, 09:07 PM
Parent: #73
الاخت الحبيبة غادة
حمدالله على سلامة هاشم ( باثر رجعي)
ياريت يا غادة تواصلي تكتبي عن تجربة الابن هاشم في السنة الاولى الدراسية باسلوبك الجميل الشيق
سؤال واجب : تمنياتي تكوني بخير رغم اني اتابع البورد من بعيد لبعيد لكن لاحظت قلة مشاركاتك
تسلمي يا غادة وتحياتي لهاشم والصغير شهاب
|
Post: #87
Title: Re: يوم في حياة أم... (مطرطشة)
Author: حبيب نورة
Date: 04-25-2009, 01:36 AM
Parent: #80
غادة
انتي عسل
كلمتك؟!
|
Post: #110
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 05:50 PM
Parent: #87
يا دوب وصلني الشمار يا حبيب نورة
|
Post: #88
Title: Re: يوم في حياة أم... (مطرطشة)
Author: Rawia
Date: 04-25-2009, 02:18 AM
Parent: #80
أحي .... ياغادة ذكرتيني أفظع تجربة وأوحش أيام في حياتي (نايت مير )عديييل
أمي ماكنت عارفة مشكلتها شنو! ولا عاوزة تسابق الزمن ليه؟ ..المهم كانت فكرتها إنه تدخلنا المدرسة صغار
وحسب تاريح ميلادي وعشان مايفوتني العلام نصيبي كان أدخل اولى إبتدائي وانا عمري خمسة سنوات وخمسة شهور بالظبط
عانيت معاناة شديدة بدأ من إسمي ..أول يوم في المدرسة وكل يوم تجيني بت تسألني أسمك منو أقول ليها تمشي تتوسوس مع البنات التانيات يقوموا يرسلوا واحدة تانية تجي تسأل نفس السؤال وأنا اطول بالي وأرد يقوموا يعملوا الاجتماع تاني وأشوفهم بتوسوسو ويضحكوا ويرسلوا التالتة أها أنا هنا بتفقع بالبكا.. ومن حسن حظي إنه ربنا قسم لي مدرسة التمرين في كلية المعلمات فتخيلي كمية التلميذات(تمانية أنهر) تقريبا مروا بي كلهم وسألوني من إسمي ...أها السؤال التاني كان ليه عيونك عاملات كدا؟....هههههههه (عيوني فتحتهم مرفوعة زي بتاعة الفراعنة في الرسومات) طبعا حلاني من المشكلة دي أبوي وقال لي لو سألوك تاني قولي ليهم إنو أصلك فرعوني ودي عيون الفراعنة أصلها كدا. المشكلة التالتة كانت السندوتشات بصراحة ماحصل أكلت في المدرسة لانه في واحدة كانت متلحاني ومتعهدة سندوتشاتي وبتشيلها اول باول والموضوع ماكان بيخلص هنا لانه الهراسمنت بيمتد لغاية البيت والتحقيق البتفتجه أمي ...أكلتي سندوتشك اقول ليها اي تقول لي كان بي شنو؟ ولانو البت البتشيل السندوتش حتى مابتديني فرصة أعرف هو شنو بقوم أكضب واقول اي حاجة تخطر ببالي اها امي تقول لي غلطي مرتين رميتي السندوتش وكضبتي اها اخد الدقة زي العجب. اما النايت مير فعلا وكان فعلا مصدر قلق لامي وأبوي ذاتهم الشافع البيرعى الغنم قدام بيوت مدرسين مدرسة مدني الثانوية وكل يوم رابط لي وبيدقني.. الغريبة كان حاقر بي حقارة وكل يوم عندو سبب ووالله الدقة ذاتها مامزعلاني قدر التحقيق الكان بيعملوا معاي في الاول قبل الدقة وطوالي بيطلعني غلطانة...
__________
برجع ببعض المواقف الحصلت لي وأنا مدرسة
|
Post: #89
Title: Re: يوم في حياة أم... (مطرطشة)
Author: Sana Khalid
Date: 04-25-2009, 07:38 AM
Parent: #88
ما شاء الله و ربنا يحفظكم
يا غادة و الله ما عارفة اشكرك كيف!
ياخي حفاوتك دي حتطمعني فيك زيادة ..و كدا ما كويس
شكرااااااا شديييييد على الهدية الرائعة دي
صورة حلوة جدا ما شاء الله .. بعدين شهاب دا بيشبهك شبه شديد خلاص و الاتنين حلوين ما شاء الله ربنا يحفظهم ليك و يحفظك ليهم
اها يا ستي البصات و المدارس و طرطشتي الماعندها علاقة بالاتنين (و الشهد عليها عماد دي) جاياك لسة ...!
ياخي و الله انت الجبتيهو لروحك .. كمان فرّشتي لي! كدي النتمدد
كان ما تقومي ترجعي لي الباغة !
|
Post: #90
Title: Re: يوم في حياة أم... (مطرطشة)
Author: Sana Khalid
Date: 04-25-2009, 08:02 AM
Parent: #89
Quote: تمنية ( كروريات ) خيط أبيض ؟
دي مش كروريات ( بكرات ) خيط أبيض بالبجنبة دي ؟
|
Quote: ياعماد عبد الله كتلتني من الضحك وفعلا وقفت في الصورة اعاين ياربي الابيض دا شنو ؟؟!!
|
| Quote: الأبيض ده شنو صحي؟ أرز؟ |
انتو هسة يا عماد و انعام ..البمبي عرفتوه لامن بتسألوا من الأبيض؟!
ياخي الكروريات دي - لمن قريت (كروريات) كنت دايرة اطلب الترجمة لكن لقيتها مرفقة - اسهل حاجة في الصندوق الفوق دا .. زي ما قالت غادة.. رز ابيض و كمان سااااادة لا ملحة لا زيت
غايتو يا عماد الناس ديل بيعظموا الرز دا عظمة.. و العظمة لله!
حلة الرز هي اهم جهاز في البيت على الاطلاق ! اي و الله .. جهاز! لطبخو بس.. تشكيلو دا بقوالب و لأنه STICKY بيلصق ببعضو!
اها النقدم ليك باقي اعضاء وجبة الغداء دي
نمشي فوق الرز طوالي.. دا بيض مقلي و ملفوف زي السويس رول (يتلف اثناء قليه و ليس بعد عشان يتماسك!!!)
طعمو حليو حليو عشان فيهو حليب و ملعقة كبيرة سكر!!
على شمالك طوالي تلف تلقى (MINI TOMATO) ظااهرة طبعا متحكرة جنب جمبري مقلي بالبقسماط ..
يتفرع منهم تلاتة شرائح (كمابوكو )
حاسب.. راسك! الكلمة دي عاملة زي البونية!
تصوري يا انعام انو اللون الوردي الوديع دا و الابيض بداخله عبارة عن سمك! و برضو طعمو حليو حليو !!
دا جاهز من السوق ما بنعملوا في البيت شوفوه هنا http://en.wikipedia.org/wiki/Kamaboko
بالله يا ناس العاصمة سامحونا ..
انا و عماد اخوي دا ناس اقاليم ساكت كلامنا كلو كروريات و حليو!
و اكان عملنا الحركة ديك بيأجزولكن!
اها انا ما غايظني الا انو اليابانيين ديل اي حاجة بيختوا ليها سكر الا الرز الابيض!
و لما تقول ليهم نحن بناكل الرز بالسكر يفتحوا خشومن بدهشة و كلمة(هيييييييييييييييي) طويلة و ممدودة بمعنى I can't beleive it!! 
|
Post: #92
Title: Re: يوم في حياة أم... (مطرطشة)
Author: محسية
Date: 04-25-2009, 09:54 AM
Parent: #90
غادة الجميلة ...
ياخ (طرطشتك ذاتها حلوة)
لقيت شفقانة بشكل .
إسمعي ...
سوعال تعسفي :
الكهربا عندكم بتقطع؟
الإجابة لو (نعم) بالله شوفي لي لو عندكم( وحدة تنفيذ سدود)
خارج النص :
الباص دا مالو عامل كدا زي باصات جبرة القديمة؟
|
Post: #113
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 06:17 PM
Parent: #92
Quote:
لقيت شفقانة بشكل . |
والله يا محسية.. هو أنا المطرطشني شنو
غير شفقتي الشديدة وقلبي البياكلني ده...
والمشكلة بجي بتعبكم إنتو بطرطشتي ده،،
Quote: سوعال تعسفي :
الكهربا عندكم بتقطع؟ |
الناس ديل هنا تجاوزوا مرحلة قطع الكهرباء بمراحل
أحيانا بيكون في عطل عام.. حاجة ضربت.. مصيبة حصلت
وبتكون كارثة.. لان درجة الحرارة اذا عالية او منخفضة جدا
فلازم المدارس تقفل وتسلم طلبتها للأباء..
مره واحدة او مرتين حصلت في خلال السنتين الفاتوا
وتعرف،، البلد كلها عطلت..
عاوزه أطبخ ما قادرة.. لأن البوتجاز مرتبط بالكهرباء
عاوزه اطلع من البيت.. كمان ما قدرت...
لان الجراج لا يفتح الا بالكهرباء
يعني حالة ضنك
ولا حتى في نجوم بتلمع في السماء علشان نطلع
السراير بره ونقعد نتفرج..
Quote: خارج النص :
الباص دا مالو عامل كدا زي باصات جبرة القديمة؟ |
البص ده مسخته لي كمان سنوية..
شوفي بصات مدرسة بتها..
هههه.. الله غالب.. الله فيّ
تحياتي وأمنياتي بمزيد من لقياك
غادة
|
Post: #112
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 06:01 PM
Parent: #90
| Quote: انتو هسة يا عماد و انعام ..البمبي عرفتوه لامن بتسألوا من الأبيض؟! |
والله يا سناء قعدت أضحك بشكل..
أنا طبعا ما فهمت أي حاجة في الصينية
غير ما خيل لي شرائح (تفاح)
موضوعة بصورة جميلة وراقية..
الواحد بيتصور انها ستقدم لأناس كبااار
موش أطفال في روضة..
وبعدين، وفي ذمتك يا سنوية..
البمبي ده سمك؟
ده أنا كنت متخيلاهو تبع التحلية..
هههه
كل يوم ياما نشوف...
|
Post: #111
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 05:56 PM
Parent: #88
راوية يا حبيبتي..
كل هذه مواقف مرت بيك في المدرسة..
أنا حتى الحقيقة إحترت ما عرفت أجيب يا تو كارثة وأخلي ياتها..
دي واحدة من الأشياء الكنت بخاف منها يا راوية..
هل كان الأطفال سيتقبلوا هاشم؟ هل كان سيجد أصدقاء؟
هل كانوا سيتعاملون معه بطريقة طيبة؟
كان قلقي يزداد خصوصا وأن المكان الذي نعيش فيه الآن
معظم سكانه من الأمريكان البيض..
أي نسبة السكان السود أو الوافدين قليلة جدا وضئيلة
وهذا يجعل هاشم منتسبا للأقلية
وكان هذا مصدر قلق آخر..
| Quote: عانيت معاناة شديدة بدأ من إسمي ..أول يوم في المدرسة وكل يوم تجيني بت تسألني أسمك منو أقول ليها تمشي تتوسوس مع البنات التانيات يقوموا يرسلوا واحدة تانية تجي تسأل نفس السؤال وأنا اطول بالي وأرد يقوموا يعملوا الاجتماع تاني وأشوفهم بتوسوسو ويضحكوا ويرسلوا التالتة أها أنا هنا بتفقع بالبكا.. ومن حسن حظي إنه ربنا قسم لي مدرسة التمرين في كلية المعلمات فتخيلي كمية التلميذات(تمانية أنهر) تقريبا مروا بي كلهم وسألوني من إسمي |
والله بالنسبة لإسمك يا راوية ما عندهم حق أبدا..
اسمك جميل وزي العسل.. وكمان فيهو موسيقى (راااوية)
يكونوا حاسدات بس..
| Quote: برجع ببعض المواقف الحصلت لي وأنا مدرسة |
وأنا بالإنتظار يا صديقتي
|
Post: #109
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 05:45 PM
Parent: #80
Quote: الاخت الحبيبة غادة
حمدالله على سلامة هاشم ( باثر رجعي)
ياريت يا غادة تواصلي تكتبي عن تجربة الابن هاشم في السنة الاولى الدراسية باسلوبك الجميل الشيق
سؤال واجب : تمنياتي تكوني بخير رغم اني اتابع البورد من بعيد لبعيد لكن لاحظت قلة مشاركاتك
تسلمي يا غادة وتحياتي لهاشم والصغير شهاب |
يا إلهي.. مايا شخصيا بيننا..
مشتاقين يا مايا.. ووين الحي بيك يا صديقتي؟؟
سعيدة أن كتبت البوست حتى أراك وأتحدث معك
والله يسلمك،، بالنسبة لهاشم وبرضو بأثر رجعي -وجه باسم-
طبعا هو في حاجة اسمها (كيندر جاردن) Kindergarden
يعني حتى السنة الأولى ما دخلها عديل..
شفتي الطرطشة دي كلها.. فوق ما قبل السنة الاولى حتى
-وش خجلان-
لكن سأواصل الكتابة باذن الله ما دمت ساراكي بخير معي
انا فعلا مقلة في مشاركاتي في خلال الفترة السابقة..
كثير من التزامات تجاه صحيفة الصحافة..
واخرى تجاه قناة النيل الأزرق..
وطبعا (كمية) تجاة الأسرة..
بالإضافة إلى -شعره- ساعة تروح وساعة تجي
على قول أحد الأصدقاء الذي صارحني في مرة:
-تعرفي يا غادة، فيكي حاجة بوهيمية لكن ما معترفه بيها
وربما كان حديثه وفيّ حقيقة شئ من ذاك
لكنني أتشوق دوما للمنبر ولناسه الحلوين
محبتي لكي وشوقي الكثير
|
Post: #108
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 05:39 PM
Parent: #73
Quote: دائما ينسى الاباء والامهات الاستعداد لهذا اليوم ويكونوا هم اخطر واجرس من الاطفال
لان الطفل يتعود بسرعه ويندمج فى جوء المدرسه بسرعه شديده لكن المشكله فيكم انتو وحنيتكم الشديده دى |
سلامات يا حليمة..
تعرفي.. لما كنت بأخذ هاشم او شهاب
لمواعيد الطبيب...
كنت بعرف أن من المفترض أن يأخذ حقنة التطعيم..
وبقعد اعاين ليها انا واكون خايفه..
وبكون مقلقة.. مضطربه..
وأول ما بيأخذ الولد الحقنة بيبكي شديد
ولكن ثواني وخلاص.. بينسى..
وأنا بقعد بعد كده الوم نفسي..
يعني كان لازم تبكيهو؟
وأرد -برضو على نفسي-
طبعا كان لازم، ده تطعيم.. ووجع ساعة ولا كل ساعة
وهو بيكون نسي الحقنة.. ونسى التطعيم
وبيكون بيجري ويلعب وانا لسه بلوم في نفسي مره
وأتمنى لو كانت في طريقة اسهل للتطعيم..
شفتي جنس المحن دي..
وجنس الطرطشة الأنا فيها دي؟
تقبلي شكري ومحبتي يا حليمة
غادة
|
Post: #93
Title: Re: يوم في حياة أم... (مطرطشة)
Author: Sana Khalid
Date: 04-25-2009, 10:56 AM
Parent: #72
Quote: ويا سناء شفًع المصريين بيجوا المدرسة بعدد 6 سندويتشات + العصائر + الشيبس والشيكولاتات
وبعد ده تلاقي الواحد يجيني قبل نهاية اليوم يقول لي: مس، أنا جعان. وطبعا يا مؤمن يا مصدق سندويتشاتي البكون جايباها معاي وما لمستها من الصباح بقت ملكهم بقدرة قادر.. وبقيت رسمي أعمل حسابي وأزيد السندويتشات حتى تتخيلي إني فاتحة كافيتريا |
لا حولا يا رجاء بعد البيجيبوهو دا كلو
حوش المدرسة ما فيهو نيم؟
|
Post: #94
Title: Re: يوم في حياة أم... (مطرطشة)
Author: شادية عبد المنعم
Date: 04-25-2009, 11:09 AM
Parent: #93
سؤال يا سناء خالد
الأطفال في اليابان في المدرسة بيقعدو أم قللو ولا في كنب؟؟
|
Post: #95
Title: Re: يوم في حياة أم... (مطرطشة)
Author: ودقاسم
Date: 04-25-2009, 11:25 AM
Parent: #94
أستاذة غادة
تحية ومودة بعد طول غياب ..
ربنا يخلي ليك الأولاد ويكبروا ويجعلهم من علماء زمانهم ..
لم أكن أتوقع أنك تكتبين عن هذه التجربة عندما طالعت العنوان .. وحقيقة شدتني الكتابة , وتابعت الأحداث حتى وصلت النهاية السعيدة ..
وفي حياة كل منا أحداث صغيرة أو كبيرة مثل هذا الحدث أو غيره ، لكن ما أريد أن أقوله هنا هو توجيه الدعوة للجميع لتوثيق الأحداث التي تكون أجزاء من فصول حياتنا ..
وقد تذكرت أنني قرأت مرة لقاء مع المرحوم خالد الكد ، وقد حكى فيه لقاء له مع المرحوم علي المك ، قال التقينا على شاطئ ابوروف ، وتبادلنا الأحاديث عن بعض ظرفاء أبوروف ، وكان الحديث ممتعا ... فقال لي علي المك :
يا خالد لماذا لا تكتب هذه الأحداث والقصص فهي تمثل حكايات وقصصا قيمة ومفيدة وممتعة ..
لك الشكر على هذا التوثيق الممتع .. وآمل أن يحذو الاخوة والأخوات حذوك هذا ..
|
Post: #114
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 06:49 PM
Parent: #95
Quote: وفي حياة كل منا أحداث صغيرة أو كبيرة مثل هذا الحدث أو غيره ، لكن ما أريد أن أقوله هنا هو توجيه الدعوة للجميع لتوثيق الأحداث التي تكون أجزاء من فصول حياتنا ..
|
ود قاسم شخصيا يزورني في بوستي..
بعد أذنك دقائق،، (أنفض) كنبة الشرف
وآتي أمام باب البوست لإستقبالكم
تعرف يا ود قاسم.. حينما بدأت أكتب عن التجربة
كنت أظنها ستكون نصف صفحة.. صفحة..
بضعة أسطر متناثرة هنا وهناك..
لكنني وجدت نفسي أسترجع في الأحداث وأكتب
حتى وصلت الصفحة الخامسة..
ثم نظرت إلى ما كتبت وتأملت فيه.. وفكرث
ترى، هل سينال أعجاب القراء.. هل سيشعرون بيّ؟
أفكار كثيرة كانت ببالي تدور..
لكن الكتابة هي أحداث نمر بها.. تجارب نتعرض لها
عبر نستخلصها ونكاتا عبيرا ننثرها..
وأسمح لي أن أهديك مقالا كنت كتبته قبلا عن تجربة بسيطة مرت بي
لكنني أستخلصت أيضا من طياتها الكثير
فهاهو المقال.. لك الآن أهدى..
مودتي
غادة
.
.
.
|
Post: #115
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 07:28 PM
Parent: #114
مقال الإهداء إلى ود قاسم
مع التحية
غادة
______________________
الصغيرة أم كضوم!
بدأ الطقس يميل إلى الاعتدال خلال الأسابيع الماضية بالولايات المتحدة، وبدأت الأسر تخرج من بياتها الشتوي، فازدادت أعداد الأشخاص التي ترتاد الحدائق العامة، وبدأ يتناثر على مرأى العين منظر راكبي الدراجات وهم «يبدلون» بكل قوة. ولم أكن أنا بحالة شواذ، فقد نشطني اعتدال الجو وفتح شهيتي للمشي، فصرت أسير على قدمي معظم أيام الأسبوع لزوم تحريك الدورة الدموية واستنشاق الهواء النقي «وكده يعني». بعد فترة من المشي أجدني أركن لأحد المقاعد المنتشرة في أنحاء الحديقة «ألم نفسي شوية». وفي إحدى جلساتي تلك، وجدت شابة أنيقة «مطقمة» ملابسها الجميلة ومسدلة خصلات شعرها الذهبي على ظهرها، بجانب تلك الشابة مقعد صغير يوضع به الأطفال حديثي الولادة وحتى سن العام، بحسب القانون، في المقعد الخلفي للعربة. كان مقعد الأطفال ذلك مغطى بشال مخصوص، جميلة ألوانه وتتناسق مع أناقة الأم التي تجاوره
التقت عيناي مع تلك الأم الجميلة وتبادلت الابتسامات مع الأم المهتمة بنفسها وحسدتها. فآخر ما كان يدور بذهني وأنا أم لطفل حديث الولادة هو تنسيق ملابسي أو صف شعري و«ضرب المانكير» الذي يبدو أن طبقته ربما حديثا غطت أظافر محدثتي، فلونه الغامق لا يزال لامعا. وبدأنا نتبادل الحديث عن الجو الجميل وعن فوائد المشي، وسألتها عن طفلها فعرفت أنها أبنتها الأولى، وأن عمر أيامها في هذه الدنيا لم يتجاوز الثلاثة أشهر بكثير. وباغتتني الأم بتعقيبها:
-ولكنها طفلة سمينة...!!
وارتبكت للحظة، فلست متعودة على أم تنعت طفلها بالسمن، ووجدتني أهمس لنفسي «يا الأم: الله أكبر عليك». وبدأت أسرد عليها بعضا من ملاحظاتي بأن هنالك دهونا في جسم الأطفال وغالبا من تتلاشى بمجرد أن يبدأ الطفل في الحبو والمشي ثم الجري. ولكن يبدو أن حديثي لم يعجب الأم كثيرا، إذ تابعت بكل استنكار:
-لكنها سمينة جدا...!!
وبدأت في سريرتي أقرأ القرآن «قل أعوذ برب الفلق» وأردفت سريعا «قل أعوذ برب الناس» وكأنما أحاول أن أحصن تلك الطفلة من عين أمها التي بدأت تزيح الغطاء عن طفلتها وهي تقول:
-أنظري إليها لكم هي سمينة...!!
ولم أجسر على النظر، فقد خشيت على الطفلة من عين تصيبها فأكون من الملامين. فتظاهرت بإلقاء نظرة سريعة وأنا أقول للوالدة:
...!! -لديك طفلة جميلة
وأردفت في سري «ما شاء الله عليها». ولكن يبدو أن نظرتي السريعة وتعليقي الإيجابي على الطفلة لم يرض الأم الحزينة على منظر أبنتها ذات الثلاثة أشهر السمينة.. فبدأت تميل المقعد بصورة أكثر حدة لكي ألقي نظرة على الطفلة «أم كضوم»..!! وهي تصر قائلة:
-بالله عليك أنظري إليها...!!
ولكنني كنت أنظر للأم ذاتها ولسان حالي يقول «يا مرة، بتك دي بتنجهيها». وتجلى اختلاف الثقافات وصار في هذا الموقف بائناً، فبينما نخاف من العين أن تصيبنا ونتعوذ دوما من جهة، نحرص على ذكر اسم الله على كل ما نراه لدى الآخرين جميلا أو غريبا من جهة أخرى. وتركت تلك الأم المعتدة بنفسها وهي لا تزال بمقعدها، من يدري، لربما كانت تنتظر صيدا ثمينا آخر تقص عليه نبأ طفلتها السمينة «أم كضوم»
|
Post: #104
Title: Re: يوم في حياة أم... (مطرطشة)
Author: Sana Khalid
Date: 04-25-2009, 01:52 PM
Parent: #94
Quote: سؤال يا سناء خالد
الأطفال في اليابان في المدرسة بيقعدو أم قللو ولا في كنب؟؟ |
شادية ياخي انا قلت انا بت اقاليم... ما ضهاري!
ام قللو يعني شنو؟
غايتو في الروضة بيقعدوا في الكراسي الصغيرة الراصينها قدام المسرح فوق ديك!
الكنبة دي لزوم الصورة الجماعية نهاية اليوم!
لكن يا شادية لحصة الشاي الياباني (برضو في الروضة) بيقعدوا في الواطة قعدة غلبتني كلو كلو
أظنها ياها ام قللو دي!
|
Post: #117
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-26-2009, 02:31 AM
Parent: #104
Quote: لحصة الشاي الياباني (برضو في الروضة) بيقعدوا في الواطة قعدة غلبتني كلو كلو
أظنها ياها ام قللو دي! |
وانا والله ما كنت فاهم ام قللو دي يعني شنو برضو يا سنوية
لكن افترضت انها القعدة..
اللهم لا تحرجنا بين عبيدك وتقعدنا ام قللو امامهم
يا رب العالمي
|
Post: #96
Title: Re: يوم في حياة أم... (مطرطشة)
Author: بابكر عثمان مكي
Date: 04-25-2009, 12:48 PM
Parent: #93
الاخت الاستاذة الفاضلة غادة ..
طرطشتك طرطشة عميقة .. جدا وذات (مداليل) حساسة
مقارانات مابين عوالم وعوالم
ومابين ماض قديم وواقع قادم
الصفة المشتركة مهما اختلف الزمن والمكان هي شفقت امهاتن السودانيات
التي لا تتغير ابدا لهذا انعكاس سلبي علي تربية رجالنا دائما فكثرة الحنان
يجعلنا لانزال اطفالا وان تقدم العمر .
ففي السودان لا توجد هذه الدقة في المواعيد الا بالمدارس الخاصة حديثا
اذكر انني واخي الاكبر اخذنا السيل ونحن عائدون من المدرسة الابتدائية
الاهلية برفاعة وكتبت لنا حياة جديدة بسبب بعض الذين كان بجوار الخور الهادر فتم انقاذنا
لازالت في الذاكرة صورة ذلك الخور وهو يحمل جمالا ميتة وابقارا ميتة
واشجارا مخلوعة من جزورها
أذكر حينها عندما افقت كنت اكثر حزنا
علي كراساتي وشنطة الدمور التي ذهبت من غير رجعة
كان بها جلاد ذهبي مميز
وكنت كثير الزهو والافتخار بذلك امام اساتذتي واقراني
عموما هذا الحديث ايضا قادني
الي ان الصق بعض ادبيات هذه الثقافة في ذاكرة نص قديم لي
Quote:
هو يتذكر جيدا" ذلك اليوم الذى حمل فيه حقيبته لأول مرة وكيف ان أمه ودعته عند الباب وهى ملثمة بثوب اسود فبدت كالقمر الآفل من قطعة ليل
اخذت بطرف الثوب وانحنت لتأخذ حفنة تراب من تحت قدمه ، تقليدا" حنينا" بان ذلك سيحافظ لها على ابنها من مصائب الحياة ويضمن لها عودته سالما .لقنته الشهادة (لا اله الا الله ) فلم يكملها نهرته بشدة ان يقول محمد رسول الله فقالها وهو يضمها فى احترام (محمد رسول الله )
انه يذكر ان حمل تلك الحقيبة كان بداية فوبيا السفر وجرثومة الغربة
تحسس جواز سفره كمن يتحسس جرحه ....
ومضى داخل بوابة المجهول الى الابد ...............
|
Post: #100
Title: Re: يوم في حياة أم... (مطرطشة)
Author: الطيب شيقوق
Date: 04-25-2009, 01:27 PM
Parent: #96
سلام يا غادة
حضور ومتابعة لهذا الابداع الروائي
اطيب المنى
|
Post: #118
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-26-2009, 02:41 AM
Parent: #96
Quote: طرطشتك طرطشة عميقة .. جدا وذات (مداليل) حساسة
مقارانات مابين عوالم وعوالم
ومابين ماض قديم وواقع قادم
الصفة المشتركة مهما اختلف الزمن والمكان هي شفقت امهاتن السودانيات
التي لا تتغير ابدا لهذا انعكاس سلبي علي تربية رجالنا دائما فكثرة الحنان
يجعلنا لانزال اطفالا وان تقدم العمر . |
سلامات يا بابكر..
بالرغم من انني كنت اقص و(أرص)
واحكي تجربة مرت بي..
لكن يبدو ان المقارنان تبرز ما بين السطور
التفاصيل تجعلنا نقارن احيانا بين ما نراه في واقعنا
وما بين معاشرتنا لواقع غيرنا..
في كثير من الأحيان تكون المقارنات محزنة.. ولا أدرى على من هي مجحفة..
الأم السودانية هي أم أصيلة.. نخلة باسقة.. وشجرة ظليلة
لا أظن اثرها كثير السلبية..
خصوصا حينما نكبر.. لكم أتمنى أن أعود صغيرة..
تعرف يا بابكر لو عاد بي الزمان..
أكيد،، سأبقى في حضن أمي أوقاتا أطول
حتى اليوم حينما أراها.. أتمنى لو أنني بقيت بجوارها
لو عدت طفلة أنام في رحابها..
انها لحظات من العمر.. تبقى معنا كسحابة
تغيم وتخفف علينا من هجر الدنيا وتجاربها المؤلمة..
Quote: هو يتذكر جيدا" ذلك اليوم الذى حمل فيه حقيبته لأول مرة وكيف ان أمه ودعته عند الباب وهى ملثمة بثوب اسود فبدت كالقمر الآفل من قطعة ليل
اخذت بطرف الثوب وانحنت لتأخذ حفنة تراب من تحت قدمه ، تقليدا" حنينا" بان ذلك سيحافظ لها على ابنها من مصائب الحياة ويضمن لها عودته سالما .لقنته الشهادة (لا اله الا الله ) فلم يكملها نهرته بشدة ان يقول محمد رسول الله فقالها وهو يضمها فى احترام (محمد رسول الله )
انه يذكر ان حمل تلك الحقيبة كان بداية فوبيا السفر وجرثومة الغربة
تحسس جواز سفره كمن يتحسس جرحه ....
ومضى داخل بوابة المجهول الى الابد ............... |
لا أدري لماذا جعلتني كلماتك ساهمة؟؟
ربما لأنني حملت كذلك جواز سفري إلى المجهول
ولا زلت أبحر في عبابه منذ ذاك الوقت..
شكرا كثيرا يا بابكر ان اشركتني في خواطرك
دمت لي..
غادة
|
Post: #107
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 05:32 PM
Parent: #72
Quote: بوست حلو.. ذكرني أول وظيفة في حياتي كانت مدرسة في مدرسة إبتدائي..
كنت مسئولة من سنة أولى.. أحلى عمر ممكن تتعاملي معاهو. عايزين يتعلموا كل شئ، وبيعلموك كل شئ..
ما كانوا بيقعدو في مقاعدهم. طول اليوم أنا وهم قاعدين تحت التربيزة الكبيرة وبنلعب. |
رجوية.. أين أنتي يا صديقتي ومشتاقون كثيرا والله
تعرفي، زمان وقبل هاشم وشهاب..
كانت عندي رغبة قوية أن أفتح روضة للأطفال
وأدرس فيها وأكون مديرتها.. وألعب من الأطفال وأجري
لكن الله لا يوريك.. من لحظة ما ولدتهم وكبروا
قررت أبعد تماما عن هذا المجال..
معز أحيانا بيقول لي.. "طيب كنتي ناوية تفتحي روضة كيف؟"
بقول ليهو بصراحة.. كانت حتكون غلطة عمري..
بحبهم موت.. لكن لو ما بيمشوا مني المدرسة
كانوا حيعذبوني برضو موت..
__________
وحياتك وحشاني طلتك البهية.. برضو موت
|
Post: #102
Title: Re: يوم في حياة أم... (مطرطشة)
Author: غادة عبدالعزيز خالد
Date: 04-25-2009, 01:29 PM
Parent: #71
Quote: تعرفي من نوع بتاعتك دي حصلوا لي كميات كدة
لكن أكبرها
مشيت أجيب نتيجة ليم وكانت في رابعة إبتدائي
المهم وقفت في الصف وفي سانفرانسيس كل معلمة صف بتسلم النتيجة في صفها
المهم الصف كمل وهي ما أدتني النتيجة
قمت هجت ليك فيها وقلت ليها ياخ أنا واقفة لي تقريباً ساعة أي زول يجي تمشيهو
وأنا منتظرة
قالت لي يا مدام أنا ما لاقية إسم بتك
ومن بداية الساعة ليم واقفة تناديني من بعيد
وأنا أقول ليها إنتظري خليني أجيب النتيجة
المهم في الآخر جاتني ليم قريب وقالت لي في أضاني يا ماما لكن ده فصل ثالثة
قلت ليها عارفة
قالت لي طيب تجيبي نتيجتي من هنا ليه؟؟ |
غايتو يا شادية.. قعدت أضحك بشكل غير عادي
أنا طبعا وضعت رجلي على أول طريق في الطرطشة..
يعني هذا كان اول يوم دراسي.. ولازلنا في البداية
يعني لا توجد امتحانات ولا دراسة ولا واجبات كثيرة جدا
حتى الآن كله مقدور عليه..
لكن بعد هذه الفترة ستمر بي قضية الامتحانات وكمان النتائج
الله يستر بس يا شادية
بعد كم سنة كده تعالي وشوفي طرطشتي حتكون شنو..
Quote: لكن بوستك وسيم وجميل بشكل ما عادي
وتحت تحت فيهو دروس هامة لنا كأمهات
شكراً عليهو |
وشكرا ليكي يا شادية.. مداخلتك اضحكتني..
اسعدتني جدا..
تقبلي المحبة
غادة
|
Post: #103
Title: Re: يوم في حياة أم... (مطرطشة)
Author: Hussein Mallasi
Date: 04-25-2009, 01:35 PM
Parent: #102
أيام التعليم قبل المدرسي و كدا 
|
Post: #105
Title: Re: يوم في حياة أم... (مطرطشة)
Author: محمد ابراهيم قرض
Date: 04-25-2009, 01:59 PM
Parent: #103
غادة ..
حبكة درامية تقطع نفس خيل القصايد ..
وتشده أنفاسنا نحنا عديييل ...
حقو كان تجيبيها (وثائقي) على النيل الأزرق ..
أهو برضو أحسن من ثلوج ألسكا ..
مش كده ؟؟!!!
|
Post: #106
Title: Re: يوم في حياة أم... (مطرطشة)
Author: Rihab Khalifa
Date: 04-25-2009, 02:26 PM
Parent: #103
Quote: كانت فكرتها إنه تدخلنا المدرسة صغار
وحسب تاريح ميلادي وعشان مايفوتني العلام نصيبي كان أدخل اولى إبتدائي وانا عمري خمسة سنوات وخمسة شهور بالظبط
Rawia |
يعني ما براي
ياخ الحركه دي كعبه, جربتي يفططوك سنه علي العليك؟
و كمان جربتي حكايه يدخلوك مستمعه دي؟ يعني طالبه درجه تانيه في اي حاجه،
الكراسات قطعت، ما ضروري ما هي مستمعه، الكتاب القديم، ادوهو للمستمعه دي.
بخصوص السندويتشات البتتاخد دي, احنا كان عندنا بنت جيرانا، امها متوفيه،
تقيف قدامي تقول لي اديني سندويتشيك ده، اقول ليها و انا اكل شنو، تقول لي
انتي يتيمه؟ و انا طواااالي اديه ليها
اها انا في امي ماتت و انا يتيمه دي لحدي ما خلصنا سنه سادسه و مصروفي و
سندوتشاتي و كراساتي الجديده كلها و قصص المكتبه الخضراء و الواني و بلابلي
الجديده و و و، كلهن بقن حقات بت جيرانا
و يقولو الكعكه في ايد اليتيم عجبه!
يا ربي انتي وين اسي يا سامية?
--------
غايتو يا غادة رجعتينا ورا زي دعشمية سنه كده
ربنا يخليك لاولادك و يخليهم ليك
ذكرتيني بت اخوي قليصه كده، قبضتني بتكلم انا و امها عن جنة الاطفال و عم جحا،
قالت لي، انتي يا عمتو رحاب، علي ايامكم كان في تلفزيون؟ قلت ليها اجي يا بتي حبوبتك
في زمنها كان في تلفزيون، خليني انا، طبعا ما حاولنا نشرح ليه قصه الابيض و اسود
دي كله كله، كنا ما خلصنا
قالت لي امها، اها جنه الاطفال دي شنو؟ قالت ليها شفتي برنامج الهاي فايف حقكم ده،
بس شبهو، قلت ليها يا سلمي استغفري ربك! 
|
Post: #116
Title: Re: يوم في حياة أم... (مطرطشة)
Author: انعام حيمورة
Date: 04-25-2009, 11:36 PM
Parent: #106
نرجع لي موضوع الصورة دي تاني ..
نبدا بالتفاح .. ظاهر وزي ما قالت غادة مقطع بي طريقة حلوة ..
بالله دا طلع رز .. سمح عرفنا !!
| Quote: نمشي فوق الرز طوالي.. دا بيض مقلي و ملفوف زي السويس رول |
اها الله بعلم انا كنت قايلاها باسطة ومفسحة كمان بتعرفي الباسطة المفسحة يا سنوية دي الباسطة البكون عمو جاريها في عربية (بترية) بدور بيها في الشوارع والله كانت حلوة حلاة !! ههههه
| Quote: تصوري يا انعام انو اللون الوردي الوديع دا و الابيض بداخله عبارة عن سمك! و برضو طعمو حليو حليو !! |
والله قلت الناس ديل بأكلوا الاولاد من هم صغار (فجل) (هههههههههههههههههه)
قلت يكون عندهم الفجل بفتح المخ ...لانه قاعد جنب الطماطمة الحمراء دي نظام سلطة يعني !!!
هههههههههههههههه
| Quote: جنب جمبري مقلي بالبقسماط .. |
اها دي كنت قايلاها كفتة بطاطس ..
حكمتك يالله !!
هههههههههههههههههههههه
|
Post: #119
Title: Re: يوم في حياة أم... (مطرطشة)
Author: عبدالرحمن الحلاوي
Date: 04-26-2009, 04:07 AM
Parent: #116
Quote: خي عبدالرحمن الحلاوي
تحياتي يا صديقي.. وأين الحي بيك
كتبت عن تجربتي في إرسال أول أبنائي
إلى المدرسة...
وكانت تجربة عجيبة..
لعلها كانت من القلب...
فوصلت إلى القلب..
يا لسعادتي بك..
تقبل التحية |
أختي غادة نتمنى أن نعيش معك طرطشة من داخل الحلفاية ..تحياتنا لك ولهؤلاء الأشبال ..نسأل الله أن يحفظهم ويجعلهم قرة عين لك .
تحياتي
|
Post: #120
Title: Re: يوم في حياة أم... (مطرطشة)
Author: Hala Hassan
Date: 04-26-2009, 12:28 PM
Parent: #119
العزيزة غادة،
أنا لو كنت مكانك كنت عملت اكتر من كدة،
ووقفت امريكا كلها على رجل،
مش بس البص و ناس المدرسة،،،
فى الحالة دى،
كلنا نبقى مطرطشين،،،
عشان كدة أحسن طبعااشهد لصالحك
و أقول ليكى دى ما طرطشة!!!
الله يديكى العافية و يخلى ليكى الحلوين،،
|
|
|