Post: #1
Title: الإفطار السنوي لبورداب الرياض ..
Author: معتصم دفع الله
Date: 10-29-2004, 02:07 PM
ينظم منتدى بورداب الرياض إفطاراً جماعياً وذلك في يوم الخميس 21رمضان الموافق الرابع من نوفمبر لعام 2004م ..
وذلك كبداية لنشاط المنتدى ويتخلل برنامج الإفطار أعمالاً ثقافية وفينة وترفيهية ..
وهذا بمثابة دعوة لكل بورداب الرياض للحضور والمشاركة في هذا اليوم ، والذي نتمنى أن يجي حافلاً وممتعاً وجميلاً ..
حضوركم ضروري ..
وكل عام وأنتم بخير ..
|
Post: #2
Title: Re: الإفطار السنوي لبورداب الرياض ..
Author: Raja
Date: 10-29-2004, 02:21 PM
Parent: #1
حاااااااااااااااااضر   ..
تحياتي..
|
Post: #20
Title: Re: الإفطار السنوي لبورداب الرياض ..
Author: معتصم دفع الله
Date: 10-30-2004, 04:24 PM
Parent: #2
رجاء
سلام كتااااااااار ..
المرة دي طلعنا براءة ..
يعني عرفتي من بدري ..
بس عليك الله ما تنسي الحلويات والمكسرات ..
منتظرنك ..
|
Post: #3
Title: Re: الإفطار السنوي لبورداب الرياض ..
Author: أم سهى
Date: 10-29-2004, 10:04 PM
Parent: #1
الاخ معتصم
بما اننا حنكون بالرياض
فنحن حنعزم روحنا برانا ونجي
لك التحية ولمن معك
|
Post: #21
Title: Re: الإفطار السنوي لبورداب الرياض ..
Author: معتصم دفع الله
Date: 10-30-2004, 04:38 PM
Parent: #3
العزيزة أم سهى
سوف نكون في إنتظاركم ..
حسب الموعــد ..
تحياتي
|
Post: #4
Title: Re: الإفطار السنوي لبورداب الرياض ..
Author: ميادة
Date: 10-29-2004, 11:10 PM
Parent: #1
| Quote: فنحن حنعزم روحنا برانا ونجي |
اهااا لسة مصرين انو الفطور حق عزّابة بس ولا غيرتو رايكن؟؟؟
ست البنيـــــــــات
|
Post: #5
Title: Re: الإفطار السنوي لبورداب الرياض ..
Author: ابو جهينة
Date: 10-29-2004, 11:29 PM
Parent: #4
الشاب الأنيق معتصم
تحياتي
الفطور حيكون وين ؟
نحن جاهزين
|
Post: #6
Title: Re: الإفطار السنوي لبورداب الرياض ..
Author: Habib_bldo
Date: 10-29-2004, 11:56 PM
Parent: #5
وأخيراً تحدد موعد الإفطار الجماعي؟؟؟
التحية لكل الشباب وأنا آسف جداً لعدم تمكني من حضور الإفطار الجامعي لرابطة الصالحية لظروف خارج الإرادة
وبالتالي لم أتمكن من حضور إجتماع الزملاء بورداب الرياض ولكن على الحظ الجميل سنتمكن من حضور إفطار البورداب وكان من المفترض أن أكون غادرت إلى أرض الوطن ولكن لظروف الحجز سأغادر بعد تاريخ 21/رمضان
يا معتصم بالله شوف لي رقم موبايل تمبس ضروري جدا
ست البنيات (ميادة) من المفترض أن يكون الإفطار عائلي ومنتظرين قرار كبار القوم الخال وابو جهينة
|
Post: #7
Title: Re: الإفطار السنوي لبورداب الرياض ..
Author: ود شندي
Date: 10-30-2004, 00:56 AM
Parent: #6
سلامي للحبان عموم
ورمضان كريم
الخميس عندكم انشاء الله
بس بعد اخد الباصورد من الخال ودقاسم
بس مرعاه فروق الوقت!!!
الهفوف نفر 
،
|
Post: #8
Title: Re: الإفطار السنوي لبورداب الرياض ..
Author: ابو جهينة
Date: 10-30-2004, 01:21 AM
Parent: #7
ست البنيات
من هذه البنت الجميلة ؟ غايتو بتشبهكن ..
بعدين الفطور فطور زى حق السنة الفاتت .. الخالق الناطق .. بس ناقص ودشاموق و ديموقراسي و خالد عويس و تبلدينا + بعض الأعضاء الجدد ..
أرقدي عافية
|
Post: #11
Title: Re: الإفطار السنوي لبورداب الرياض ..
Author: ميادة
Date: 10-30-2004, 01:42 AM
Parent: #8
ابو جهينة…
ازيك وازي احاويلك، نعلك طيب…
بالله البنت العسولة دي ما بتشبه ليك زول كدة بتعرفو كويييييس…
بعدين انا طقش اضاني كلام امس انو الفطور السنة دي عزابة وبس، ولا دي تفسيحة من بدري؟؟؟
ست البنيـــــــــــــــات
|
Post: #33
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 05:53 AM
Parent: #11
| Quote: بعدين انا طقش اضاني كلام امس انو الفطور السنة دي عزابة وبس، ولا دي تفسيحة من بدري؟؟؟ |
غايتو في ناس زائغين من هسي ..
لكن مافي طريقة ليهم .. شوفو غيره
|
Post: #13
Title: Re: الإفطار السنوي لبورداب الرياض ..
Author: tmbis
Date: 10-30-2004, 02:14 AM
Parent: #8
السلام عليكم..
وكل سنة وانتو طيبين ..
رجــاء ..
كتري لينا معاك من ( الكنف الصالــــــح )  (والقطااااااااااايف )
وتعالي بدري ..
ام سهي ..
حتشيلكم العين قبل الاستراحة وح تنورو الرياض ..
ميــــادة ..
احتمال يكون في تعديل في الخطة انا القدامك ده امين الخزينة والامداد ما تقبلي باي اقتراحات تانية .. في خيانات زي ما قلت ليك
ابوجــهينة ..
والله حيرتنا بي غيابك .. امس منتظرين طلتك زي هلال العيد .. اها انا والمقطعين الاتنين المعاي ديل نجيك متين؟؟ الخال رفع ايدو مننا . ونحنا زاتنا ما شغالين بيهو تاني .. في احتمالات خال جديد اكتر احتمالا لي الاذي ...
حبيب بلـــدو
فقدانك امس .. والفطور في الهــواء الطلق بعيد من جو الشقق الخانق .. وحتي بعد الفطور كنت متوقع حضورك .. حمزاوي اعتذر نيابة عنك لي ظرفك الطاري ..
يعني معيد في السودان ؟؟؟
بالسلامة
0502432079 ده التلفون .. منتظرك الان ..
ودشـــندي ..
ياخوي بعد كده مافي ليك طريقة اي حاجه ..
تجيب معاك اكبر ( عمـــــود ) وتكتر لينا من السمك ( وما تقول لي بعطش )
|
Post: #34
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 05:55 AM
Parent: #13
تمبس أمس ما كنت كويس ..
الليلة الحصل شنو ؟ 
ولا أحسن أسال شتات ..
|
Post: #64
Title: Re: الإفطار السنوي لبورداب الرياض ..
Author: tmbis
Date: 11-01-2004, 04:19 AM
Parent: #34
تعرف يا معتصم
امس شتات
قال لي يا تمبس .. (بروفايلك ده ) الا تجي ترد بيهو بعد الفطور ..
دي حركات ظلاميين مش كده ؟؟ 
انت ياشتات داير تبقي لينا ظلامي والا شنو ؟؟
|
Post: #32
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 05:49 AM
Parent: #7
ود شندي
زي ما قال ليك تمبس ..
الجية دي ما زي الجيات الفاتت ..
منتظرنك ..
|
Post: #31
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 05:47 AM
Parent: #6
حبيب بلدو
الإفطــــــــــــــــــــار عائلي ..
خليكم على إتصال لمزيد من التنسيق ..
|
Post: #23
Title: Re: الإفطار السنوي لبورداب الرياض ..
Author: معتصم دفع الله
Date: 10-30-2004, 04:52 PM
Parent: #5
أستاذنا أبوجهينة
عما قريب ..
سوف نكشف عن المكان ..
خليكم جاهزين ..
أرقد عافية
|
Post: #22
Title: Re: الإفطار السنوي لبورداب الرياض ..
Author: معتصم دفع الله
Date: 10-30-2004, 04:43 PM
Parent: #4
ست البنيات
زوغة ليك مافي ..
قالت عزابة قال ..
|
Post: #9
Title: Re: الإفطار السنوي لبورداب الرياض ..
Author: walid taha
Date: 10-30-2004, 01:29 AM
Parent: #1
تمــام..
|
Post: #35
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 05:57 AM
Parent: #9
وليد طه
اليوم لازم نحسم كل الأشياء المتبقية ..
جاهــــــــــز ؟
|
Post: #10
Title: Re: الإفطار السنوي لبورداب الرياض ..
Author: ودقاسم
Date: 10-30-2004, 01:32 AM
Parent: #1
قلتو كده ؟
خلاص أنا ما عندي مانع ، احسبوني أنا وقاسم ولدي ،،
|
Post: #12
Title: Re: الإفطار السنوي لبورداب الرياض ..
Author: حمزاوي
Date: 10-30-2004, 01:52 AM
Parent: #1
الصلاة جامعة
انا المؤذن
|
Post: #14
Title: Re: الإفطار السنوي لبورداب الرياض ..
Author: حمزاوي
Date: 10-30-2004, 04:27 AM
Parent: #1
الرافعين الأيدي
والرافعين البوست
|
Post: #15
Title: Re: الإفطار السنوي لبورداب الرياض ..
Author: ودقاسم
Date: 10-30-2004, 05:15 AM
Parent: #1
يظهر إنو الجماعة ما عندهم رغبة ،، على كل حال الناس العملوا مداخلات وقالوا ممكن يشاركوا حتى الآن محدودي العدد ،، وبالتالي ممكن أعزمهم في البيت وبلاش استراحة ،، وباعتبار من لم يتداخل هنا لا رغبة له بالمشاركة ،،
|
Post: #36
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 09:42 AM
Parent: #15
ياخال
بعدما تم الحصر للعضوية الموجودة بالرياض وبعض الذين علي اتصال معهم ، إليك بالقائمة كاملة ونناشد الجميع وكل من سقط اسمه سهوا الحضور لهذا اليوم أو المشاركة الفعالة من خلال هذا البوست أو تلفونيا بالأرقام المعروفه مسبقا:1. ودقاسم
2. حمزاوي
3. صلاح شتات
4. تمبس
5. دكين
6. هاني أبو القاسم
7. أبوجهينة
8. محمد الشيخ
9. اسماعيل وراق
10. الصادق خليفة
11. وليد طه
12. وليد 399
13. عبد الباقي الجيلي
14. أحمد الشايقي
15. أحمد ساطور ( ترهاقا )
16. صلاح غريبه
17. السنجك
18. نصار الحاج
19. حبيب بلدو
20. أبو آمنه
21. أحمد حنين
22. ود الباوقة ( منبر سودانيات )
23. عبد المنعم الزين ( الوجيه ) ( منبر سودانيات )
24. سمؤل
25. عمر مهدي
26. أنور البعيو
27. شدو
28. بشير بوش
29. ميــادة
30. أبوقوته
31. أحمد سعيد ( قرنفل )
32. حسن الملك
33. وليـــاب
34. همام
35. كرار التهامي
36. عمار السنوسني
37. أبوحراز
38. مكي علي إدريس
39. خالد فضل
40. سيف كلي
41. منتصر عبدو
42. يوسف حمد النيل
43. كرماوي
44. قوي
45. قيسان
46. democracy
47. معتصم دفع الله
|
Post: #16
Title: Re: الإفطار السنوي لبورداب الرياض ..
Author: حمزاوي
Date: 10-30-2004, 05:19 AM
Parent: #1
قلت كدا يا الخال
غايتو نحن عايزين نفطر مع بعض يوم الخميس
|
Post: #17
Title: Re: الإفطار السنوي لبورداب الرياض ..
Author: ALazhary2
Date: 10-30-2004, 06:04 AM
Parent: #1
ياجماعة نحنا في الرياض من 20 سنة مافي زول يوم قال لينا في فطور جماعي
قولو لينا وين ونحنا بنجي طوالي
على الاقل الزول يتشرف بمعرفة ناس البورد
|
Post: #42
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 04:12 PM
Parent: #17
الأزهري
كل سنة وأنت طيب ..
أهي الفرصة جاءت يا ريت نتشرف بلقائك ..
|
Post: #18
Title: Re: الإفطار السنوي لبورداب الرياض ..
Author: Khalid Eltayeb
Date: 10-30-2004, 10:14 AM
Parent: #1
دخلت البوست و كنت أمني النفس أن يكون حفل الافطار يوم غد الاحد لاني سأكون في الرياض غدا و لكني أصبت بخذلان حينما علمت انه بالخميس . علي العموم نحن في الشرقية قد كلفنا " أم سهي" و " زهير" بالحضور و تمثيلنا و رفع " تفرير" بهذه الفعالية .
تمنياتي لكم بافطار هنئ و ربنا يتقبل الصيام و القيام و كل عام و الحميع بخير.
" أبوجهينة" + "ود قاسم" + " معتصم"+ " حمزاوي" + " تمبس" + " ميادة" و كل بورداب الرياض , تحياتي ودعواتي لكم بموفور الصحة و العافية .
خالد
|
Post: #19
Title: Re: الإفطار السنوي لبورداب الرياض ..
Author: ابو جهينة
Date: 10-30-2004, 11:14 AM
Parent: #18
الأزهري
(ياجماعة نحنا في الرياض من 20 سنة مافي زول يوم قال لينا في فطور جماعي )
كان كدة إتلومت يا الأزهري ..
عشرين سنة و ما نسمع منك ولا حس و لا خبر ؟
غايتو دي فرصة كويسة إنو نتعرف بيك ..
|
Post: #25
Title: Re: الإفطار السنوي لبورداب الرياض ..
Author: إسماعيل وراق
Date: 10-31-2004, 00:10 AM
Parent: #19
عمل جميل
وفي إنتظار اليوم الموعود
|
Post: #52
Title: Re: الإفطار السنوي لبورداب الرياض ..
Author: معتصم دفع الله
Date: 11-01-2004, 02:30 AM
Parent: #25
أبو محمد
يدك معانا ..
عارفك مشغول ومقدر ظروفك ..
تقديم الفقرات كله حا يكون عليك ..
أيه رأيك في المهمة دي ؟ ..
|
Post: #43
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 04:18 PM
Parent: #18
العزيز خالد الطيب
كل سنة وأنت طيب ..
لقد حاولت الإتصال بك ..
تليفونك مقفول كنا نمنى النفس بلقائك ..
المرة الجاية أدينا خبر من بدري خلينا ننتظرك ..
تحياتي لكل الشباب بمدينة الدمام ..
تسلم
|
Post: #81
Title: Re: الإفطار السنوي لبورداب الرياض ..
Author: tmbis
Date: 11-03-2004, 00:03 AM
Parent: #18
العزيز خالد الطيب ..
أم سهي وزهير وصلوا بالسلامة .. وكل يوم معاهم معظم المجموعة بتاعتنا هنا وان شاء الله حاضرين يوم الخميس .. وفي انتظار اي مجموعة خفيفه من هناك كلها تلاتة ساعات ياخالد ..
حرك الشباب .. ونحنا في انتظاركم
سلامي لكل ناس الشرقية
|
Post: #24
Title: Re: الإفطار السنوي لبورداب الرياض ..
Author: حمزاوي
Date: 10-31-2004, 00:09 AM
Parent: #1
الاخ العزيز خالد الطيب
مرحب بيك في الرياض وكنا نتمنى ان نلاقيك وتحضر معنا الافطار
شهر مبارك ورمضان كريم
الاخ العزيز الازهري
انت زعيم ومنزل صورة الزعيم
مانقدر نعاتبك تعرف ليه عشان صورة الزعيم
نتمنى لقاك ونشوفك في الافطار الجماعي
شهر مبارك
|
Post: #26
Title: Re: الإفطار السنوي لبورداب الرياض ..
Author: ahmed haneen
Date: 10-31-2004, 01:12 AM
Parent: #1
اولا
نرحب بالأخ زهير والأخت ام سهي بالرياض
ونحنا جاهزين لأي خدمة مطلوبة والمنزل يرحب
بكم ،، ودا الجوال 05053408841
ثانيا
يا اخوانا ما وريتونا الفطور عزابة ولا عوائل
لأني شايف الخال ود قاسم قال جاي هو وقاسم فقط
ثالثا
نحنا جاهزين ،، بس ارجو ان تكون الأستراحة قريبة
من وسط المدينة
يا ابو جهينة
ما تنسي التركيـــــن ( افوووووف)
|
Post: #27
Title: Re: الإفطار السنوي لبورداب الرياض ..
Author: ابو جهينة
Date: 10-31-2004, 01:31 AM
Parent: #26
تمبس
أشهق أن لا أحلى من كدة
اللهم إني و إنك صيام و في الليل قوام و بعد العصر نوام ..
|
Post: #30
Title: Re: الإفطار السنوي لبورداب الرياض ..
Author: tmbis
Date: 10-31-2004, 04:58 AM
Parent: #27
ابوجهينة
الشهقة بتصلح المشية..
|
Post: #44
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 04:23 PM
Parent: #26
أحمد حنين
إنت خائف تفطر في الطريق ولا شنو ؟ ..
نحن بنحاول نجد لينا إستراحة قريبة ..
المهم نكون مع بعض في هذا اليوم ..
قريب .. بعيد ما مهم ..
ولا رأيك شنو ؟
|
Post: #28
Title: Re: الإفطار السنوي لبورداب الرياض ..
Author: walid taha
Date: 10-31-2004, 02:40 AM
Parent: #1
سلام..
جارى التنسيق مع معتصم ..وسنفيدكم غداً بالتفاصيل..
فـــقــط افيدونا هل هنالك عوائل ام لا حتى يُحسب حساب المكان
نرجو الافادة بأقصى سرعة
بسرعة
|
Post: #29
Title: Re: الإفطار السنوي لبورداب الرياض ..
Author: samwal ebrahiem
Date: 10-31-2004, 03:36 AM
Parent: #1
تمام .... تمام .... نبصم معاكم بالعشرة
يا معتصم دفع الله تمبس وليد طه ودقاسم
وباقى العقد الفريد فى انتظار اليوم المحدد
كما اقترح وجود عوائل
السمؤل
|
Post: #45
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 04:30 PM
Parent: #29
سمؤل
خليك جاهز منتظراك مهام كبيرة ..
العمل كتير كتير ..
تسلم
|
Post: #37
Title: Re: الإفطار السنوي لبورداب الرياض ..
Author: الصادق خليفة
Date: 10-31-2004, 12:09 PM
Parent: #1
الافطار السنوي حيكون وين يا معتصم .
حضوركم ضروري ..
وكل عام وأنتم بخير ..
|
Post: #55
Title: Re: الإفطار السنوي لبورداب الرياض ..
Author: معتصم دفع الله
Date: 11-01-2004, 02:50 AM
Parent: #37
الحبيب الصادق خليفة
سألت منك إسماعيل وراق ..
وينك إنت ياخي ..
الترتيبات تجري على قدم وساق ..
وكله تمام إن شاء الله ..
|
Post: #38
Title: Re: الإفطار السنوي لبورداب الرياض ..
Author: ودقاسم
Date: 10-31-2004, 12:17 PM
Parent: #1
الأعزاء أبو وأم سهى
أهلا بكم في الرياض ،، قولوا لنا ميى وأين نستقبلكم ، مطار ، سكة حديد ، نقل جماعي ، سيارة خاصة ؟ قلبي ومنزلي مفتوحان لكم ،،
|
Post: #39
Title: Re: الإفطار السنوي لبورداب الرياض ..
Author: democracy
Date: 10-31-2004, 02:51 PM
Parent: #1
الاخ معتصم دفع الله وبقية الاعزة بورداب الرياض
من على البعد تقبلوا تحياتى ، وبرغم انك اسقطت اسمنا من قائمة الشرف المدعوة ، وكل عام وأنتم بخير ..
|
Post: #46
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 04:40 PM
Parent: #39
الحبيب مهدي
كل سنة وأنت طيب ..
حقيقة إفتقدناك كثيراً ..
أنت والحبيب عمر مهدي ..
ليكم زمن مشكلين غياب ..
ولم يتوقف سؤالنا عنكم ..
أكيد حا نتصل عليكم ..
|
Post: #40
Title: Re: الإفطار السنوي لبورداب الرياض ..
Author: Nada Amin
Date: 10-31-2004, 03:32 PM
Parent: #1
الأعزاء و العزيزات
بورداب الرياض رمضان كريم و تصوموا و تفطروا على خير إن شاء الله.
العزيزين معتصم و تمبس
كنت أتحدث أمس مع شذى و محمد و قد أبديا رغبة حقيقية في المشاركة معكم و حضور الإفطار الجماعي فهلا تكرمتما بإخطارهما بالوقت و المكان، إن أمكن ذلك و شكراًً لكما.
لكما عميق ودي و تقديري
|
Post: #41
Title: Re: الإفطار السنوي لبورداب الرياض ..
Author: معتصم دفع الله
Date: 10-31-2004, 04:07 PM
Parent: #40
الغالية ندى
سلام وشوق شديد ..
اليوم كنا أنا وشتات وتمبس قد قررنا توجيه الدعوة للأخ محمد والأخت شذى ..
والمفروض أتصل عليهم مساء اليوم لكن لظروف العمل ما قدرت أتصل عليهم ..
أوعدك باني سوف أتصل عليهم غداً وتأكدي بأنهم سوف يكونا موجودين معانا إن شاء الله ..
تسلمي
|
Post: #77
Title: Re: الإفطار السنوي لبورداب الرياض ..
Author: tmbis
Date: 11-02-2004, 03:50 AM
Parent: #40
العزيزة نـــدي
اتصل علي محمد الجعيلي ، وقال لي يا تمبس عزومتكم الما بتكلمونا بيها دي نحنا بنجيب خبره ، قلت ليهوو والله يامحمد امس بالليل في سيرتك ومفترض معتصم يكون اتصل بيك .. اتاريك انت عملتي الحاله واحده وعزمتيهو.
محمد وشذي ديل ياندي تم اعتمادهم من أخر امسية ضربنا فيها الشاي بالحليب الخطير جدا ، وطبعنا قطعنا فيك بما تيسر لنا وتاني فطرنا هناك برضو في السطوح البشبه حيشان السودان وبرضو قطعنا فيك بكل خير وكانت الجلسة عبارة عن مهرجان والونسه جرت لساعات طويلة..
وبالمناسبة ( رواء ) ( اعــسل ) زولة بتقول تمبس بتنهيها بي حرف الـ ( Z )
ولذلك
بننصحك بي اي محاولة ممكن تحضري بيها الفطور الماشي لي أنو يكون شكلو لزيز..
وكل سنة وانت طيبة
|
Post: #47
Title: Re: الإفطار السنوي لبورداب الرياض ..
Author: Hani Abuelgasim
Date: 10-31-2004, 05:11 PM
Parent: #1
يا معتصم ما تاكلونا حنك ساييي
كل سنة وانت طيب ... وبقية العقد الطيب الفريد من بورداب الرياض
قريت البوست وجريت لعمتي الجات من دنقلا (تازه) وكلمتها تزبط صينية زي السم يوم الخميس .. لكن ما عارف اشيلها وامشي بيها وين .. حددتو المكان ولا لسه تايهين في ملكوت الله ...
في انتظار اليوم الموعود ...
|
Post: #56
Title: Re: الإفطار السنوي لبورداب الرياض ..
Author: معتصم دفع الله
Date: 11-01-2004, 03:06 AM
Parent: #47
هاني ما ماكلنك حنك والله ..
كيفك أنت ياخي مشتاقين كتير ..
رمضان كريم وكل سنة وأنت طيب ..
بالله عليك الصينية دي لو تقيلة نحن عندنا ناس يشيلوا أي حاجة ..
بس إنت شاور ليهم بجوووووووووووووك طوالي ..
منتظرنك يا حبيب ..
|
Post: #48
Title: Re: الإفطار السنوي لبورداب الرياض ..
Author: Nada Amin
Date: 10-31-2004, 06:11 PM
Parent: #1
شكرا لك يا معتصم و لشتات و تمبس على نيتكم الجميلة بضم محمد و شذى الى كوكبة بورداب الرياض في ذاك اليوم و الذي لا شك لديّ بأنه سوف يكون مميز مثلكم.
حقو تعملوا رابطة" أصدقاء بورداب الرياض" و تضموني ليها و معاي محمد و شذى كمان
أتمنى أن تقضوا وقتا جميلا.
|
Post: #57
Title: Re: الإفطار السنوي لبورداب الرياض ..
Author: معتصم دفع الله
Date: 11-01-2004, 03:17 AM
Parent: #48
تعرفي يا ندى اليوم أول حاجة عملتها إتصلت على محمد وكلمته ..
قام قال لي العزومة دي من ندى ما منكم إنتو ..
قلت ليهو عليك الله أتصل على تمبس وشتات أسألهم أمس إتفقناعلى شنو ؟
هو والحمد لله أبدأ رغبة حقيقية في الحضور وسوف نسعد بوجدهم بجانبنا في ذلك اليوم ..
شكراً لك كتير ..
لك خالص ودي ..
|
Post: #49
Title: Re: الإفطار السنوي لبورداب الرياض ..
Author: عبد الباقي الجيلي
Date: 10-31-2004, 11:40 PM
Parent: #1
الأحباء
سلامات
نأسف للانقطاع .. وجاهزين بس ورينا وين ومسألة العوائل وكده ..
وهل أنصاف المتزوجين أمثالنا مسموح لهم بالحضور؟
أقترح اتصال الأعضاء المباشر بالأخ تمبس .. كونه وزير المالية وذلك للتنسيق .. فالوقت بدأ يضيق ..
|
Post: #60
Title: Re: الإفطار السنوي لبورداب الرياض ..
Author: معتصم دفع الله
Date: 11-01-2004, 03:30 AM
Parent: #49
العزيز عبدالباقي
زي ما قال الخال نحن كلنا عائلة واحدة ..
بس تعال بدري ..
|
Post: #80
Title: Re: الإفطار السنوي لبورداب الرياض ..
Author: tmbis
Date: 11-02-2004, 11:42 PM
Parent: #49
الشيخ عــبد الباقي ودالجيلي
فعلا الوقت ماشي لي اضيق شويتين ..لكن معظم الحاجات في طور الفنشن ..
انا غايتو ياعبد الباقي كان اديتوني قروش الايامات دي ( بــــاكله )
احتمال اجيب ليك معاي ( البتاع ) بكره غالبا اجهزو الليلة
اتصل علي العديد من الاخـــوة واتمني ان يتم التنسيق بشكل اسرع ..
|
Post: #50
Title: Re: الإفطار السنوي لبورداب الرياض ..
Author: حمزاوي
Date: 11-01-2004, 00:04 AM
Parent: #1
يا معتصم انا شايف الاقبال كويس
يلا حددوا المكان وربنا يسهل الباقي
انا حاتصل عليك
|
Post: #51
Title: Re: الإفطار السنوي لبورداب الرياض ..
Author: ترهاقا
Date: 11-01-2004, 02:22 AM
Parent: #50
كيفكم يا شباب
نأسف للإنقطاع للسفريات الكتيرة المفاجئة واشاءالله من هنا
ولى يوم الخميس ما تجينا سفرة تانية - ونشوفكم بإذن الله
|
Post: #61
Title: Re: الإفطار السنوي لبورداب الرياض ..
Author: معتصم دفع الله
Date: 11-01-2004, 03:36 AM
Parent: #51
أحمد ساطور
وينك يا راجل حاولنا الإتصال بك مراراً ..
لكن يظهر إنك داخل في دوامة الشغل والزحمة ..
حضورك مهم يوم الخميس ..
اليوم حا نحدد موقع الإستراحة ..
منتظرنك ..
|
Post: #59
Title: Re: الإفطار السنوي لبورداب الرياض ..
Author: Habib_bldo
Date: 11-01-2004, 03:28 AM
Parent: #50
أين أختفى تمبس
أظهر وبان ولك الامان وحدد للإفطار مكان
|
Post: #84
Title: Re: الإفطار السنوي لبورداب الرياض ..
Author: tmbis
Date: 11-03-2004, 00:39 AM
Parent: #59
حبيب بلدو
انا قاعد اخد لي زوغات كــده .. صغيره لكن التقارير كلها بتصلني بالتلفـــون
يوم الخميس قاصدك ومفضي ليك نفسي
|
Post: #53
Title: Re: الإفطار السنوي لبورداب الرياض ..
Author: ودقاسم
Date: 11-01-2004, 02:38 AM
Parent: #1
شكرا لكل الذين أكدوا مشاركتهم عبر هذا البوست ،، ومرحبا بالجميع ، أعضاء أو أصدقاء ،، والإفطار سيكون إفطارا عائليا ،، يضمنا كلنا ، عزابا وعائلات ، فكلنا إن شاء الله عائلة واحدة ،، فقط احصوا على الحضور ،، والترتيبات ما زالت مستمرة لاستئجار استراحة قريبة ، والمنطقة المرشحة حتى الآن هي المنطقة الواقعة خلف أسواق بن دايل ،، وسيتأكد ذلك مساء اليوم إن شاء الله ،، وسيكون هناك برنامج شيق وممتع إن شاء الله ..
آمل أن يتصل علينا أرباب العوائل ليتم التنسيق حول مشاركتهم في طعام الإفطار ،،
0506405838
|
Post: #54
Title: Re: الإفطار السنوي لبورداب الرياض ..
Author: walid taha
Date: 11-01-2004, 02:45 AM
Parent: #1
سلام..
مبدئياً تم تحديد منطقة الاستراحة فى الجرادية نسبة للموقع المناسب
فقط نحن بين خيارين استراحة كبيرة ام اخرى اصغر ...ونحن فى انتظار تأكيد الحضور من الجميع حتى يتم حسم الامر اليوم واعتماد الاستراحة...
معتصم ارجو اجراء ما امكن من اتصالات حتى تتضح الرؤية ..وناخد خطوة اليوم ضرورى
فى الانتظار...
|
Post: #58
Title: Re: الإفطار السنوي لبورداب الرياض ..
Author: أم سهى
Date: 11-01-2004, 03:21 AM
Parent: #1
الاعزاء جميييييييع بورداب الرياض
تحياتي
تعرفوا!!! نحن شكلنا كدة ما حنرجع الدمام قريب بي سماحتكم وطيبتكم دي
ربنا يديكم العافية ويديم محبتكم وترابطكم ونتلم انشاء الله في السمح وزين
الاخ ابو جهينة
اخجلتنا بهمتك واهتمامك ولكن هذا ديدنك وطبعك ادام الله عليك نعمة حب الناس يا رب وحفظك
الاخ ود قاسم
يسلم راسك وتسلم عيونك ويسلم قلبك ودائما انشاء الله مليان بحب الناس
احمد حنين الحنين
سوف نتصل بك طبعا اول ما نكون على اعتاب الوصول
ننتظر يوم الافطار على احر من الجمر للتلاقي و(طق الحنك)
|
Post: #62
Title: Re: الإفطار السنوي لبورداب الرياض ..
Author: معتصم دفع الله
Date: 11-01-2004, 03:42 AM
Parent: #58
العزيزة أم سهى
مرحباً بكم بين ناسكم ووسط أهلكم ..
وربنا ينجح المقاصد ..
وينعم على الآخ زهير بكامل الشفاء ..
وأن يعود معافى بإذن الله ..
منتظرين مقدمكم الميمون ..
|
Post: #63
Title: Re: الإفطار السنوي لبورداب الرياض ..
Author: إسماعيل وراق
Date: 11-01-2004, 03:48 AM
Parent: #62
ربما لا أكون موجود في ذلك اليوم
إذن أني حزين
أصدقاء جدد سوف لن ألتقيهم.. يا للحسرة
ولكني سأتابع معكم عبر الهاتف وأكون في هذه الحالة دخلت ضمن دائرة (خالد الحاج، راوية، رجاء، حنينة، هالة قوتة، ملكة سبأ وغيرهم/ن).
بس يا جماعة الخير حاولوا صوروا اليوم الجميل ده ويا تمبس ما تعمل فيها نائم..
|
Post: #65
Title: Re: الإفطار السنوي لبورداب الرياض ..
Author: tmbis
Date: 11-01-2004, 05:08 AM
Parent: #63
خلوهو فوق
برجع ليكم يا ندي ، ويا عبد الباقي ويا اسماعيل وياحبيب بلدو وياكلكم
انتو الليلة اليوم ده طويل كده مالو ؟؟
|
Post: #66
Title: Re: الإفطار السنوي لبورداب الرياض ..
Author: mohamed elshiekh
Date: 11-01-2004, 05:26 AM
Parent: #63
الاخ معتصم والاخوة المتداخلين جميعا
لكم الود
نرحب بشكل خاص جدا بالشقيقه ام سهى والاخ زهير
ونتمنى لكم اقامه سعيده بيننا
يا معتصم انت برنامجك دا كبير جدا وفخم وياها عادة ناس الرياض ,الحاجه الميته ما بيعرفوا يسووها دائما شغلهم مكرب و100% ما فى كلام . لكن قول لى دا حا يكون من وين وخت فى بالك انو فيها تكلفه عاليه ايجار استراحه ايجار ساوند سيستم وهدايا واشياء اخرى وكده.
يعنى لا بد من اشتراك ولو رمزى حتى يم تغطيت النفقات كلها .
|
Post: #67
Title: Re: الإفطار السنوي لبورداب الرياض ..
Author: nassar elhaj
Date: 11-01-2004, 10:46 AM
Parent: #66
أصدقــــــــــــــائي
سلاماً ومحبة
وعذرا للحضور متاخر
لكن من المؤكد معكم
ومرحباً كثيرا بالأخ زهير مع كل الامنيات له بالصحة والعافية
وترحيبا كثيرا أيضا بالأخت ام سهى .
|
Post: #86
Title: Re: الإفطار السنوي لبورداب الرياض ..
Author: tmbis
Date: 11-03-2004, 00:47 AM
Parent: #63
اسماعيل وراق
ابومحمد
غيابك يعني لنا الكثير .. لكن ستكون حاضرا معنا من اي مكان كنت ..
رافقتك السلامة
|
Post: #68
Title: Re: الإفطار السنوي لبورداب الرياض ..
Author: Nejmuddin Hassan
Date: 11-01-2004, 11:03 AM
Parent: #1
الأخوة الحلوين بورداب الرياض
تحياتي وتصوموا وتفطروا على خير
هل بالإمكان مشاركتي من مدينة الخرج .. وإذا اعتبرتموها جزءاً من الرياض فهذا عشمي وأتمنى أن ألتقيكم ..
نجم الدين علي حسن
|
Post: #69
Title: Re: الإفطار السنوي لبورداب الرياض ..
Author: nassar elhaj
Date: 11-01-2004, 12:34 PM
Parent: #68
طبعاًيا صديقي الشاعرالجميل نجم الدين على حسن
بالإنابة عن كل هؤلاء
اقول لك انت جزء من الرياض ومن بورداب الرياض
واشتقنا حقا لسماع قصائدك الجميلة
واحرص على الحضور رجاءا وكمان تعال مليان شعر
- ولا ايه يا شباب -
ووين ناس الكارب والطيب ومحمد عوض
لهم ايضا دعوتنا وتحياتنا
ونحن في انتظاركم .
* يا اخوانا نجم ده امسكوا فيهو قوي
فهو كاتب ومبدع وشاعر جميل جدا.
|
Post: #73
Title: Re: الإفطار السنوي لبورداب الرياض ..
Author: معتصم دفع الله
Date: 11-02-2004, 02:42 AM
Parent: #68
الحبيب نصار الحاج
تسلم يا حبيب وفي إنتظار مقدمك ..
حا يكون بينا تليفون لمزيد من التنسيق ..
وكذلك نرحب معك بالشاعر نجم الدين حسن ..
ونقول ليهو أعتبر نفسك عضو أصيل من بورداب الرياض ..
سوف ننتظره يوم الخميس إن شاء الله ..
تليفوني 0507909071
|
Post: #89
Title: Re: الإفطار السنوي لبورداب الرياض ..
Author: tmbis
Date: 11-03-2004, 01:47 AM
Parent: #68
العزيز نجم الدين حسن
شكرا جزيلا ..
اسعدني اتصالك ..
ونحن سعيدين يا استاذ انك تكون بيناتنا بوجود استاذنا نصار الحــــاج دعما للمشروع الثقافي بالمنتدي ..
الخرج ما بعيده يااستاذ كلها دقيقتين بس
في انتظارك
|
Post: #70
Title: Re: الإفطار السنوي لبورداب الرياض ..
Author: ghariba
Date: 11-01-2004, 01:20 PM
Parent: #1
بورداب الرياض
كان من المفترض ان اشارككم في موضوع الاستراحة ولكن يبدو ان يوم الخميس كان عقبة في الطريق وعلى كل حال انا رهن الاشارة في اي طلب آخر
اتمنى ان تحدد الاستراحة وبسرعة لشيق الوقت
اخي معتصم الرصيد خذلني للرد عليك اتصل بي على الشركة
|
Post: #74
Title: Re: الإفطار السنوي لبورداب الرياض ..
Author: معتصم دفع الله
Date: 11-02-2004, 02:52 AM
Parent: #70
الإخ صلاح غريبة
نشكر لك إهتمامك ..
موضوع الإستراحة قد إنتهى ..
بحمد الله قمنا بحجز إستراحة في حي الجرادية ..
هل موضوع السفر لجدة لا زال قائماً ؟
سوف يكون بينا إتصال ..
|
Post: #71
Title: Re: الإفطار السنوي لبورداب الرياض ..
Author: اسامة الخاتم
Date: 11-01-2004, 02:39 PM
Parent: #1
بورداب الرياض و افطارهم
رمضان كريم
و سلامات كتيرة
و أشواق ما ليها حد
لكل الاخوة
و يا تمبس جهز كمرتك
مشتلققون ايها الرائعون
تقبلوا سلامات رؤى و الابن خالد
|
Post: #72
Title: Re: الإفطار السنوي لبورداب الرياض ..
Author: معتصم دفع الله
Date: 11-02-2004, 02:35 AM
Parent: #71
بحمد الله تم تحديد مكان الإستراحة ..
الموقع : حي الجرادية ..
خلف أسواق بن دايل ..
سوف نرفق خريطة للموقع فترقبوها ..
لمزيد من الإستفسار
تليفون 0507909071
معتصم دفع الله
|
Post: #75
Title: Re: الإفطار السنوي لبورداب الرياض ..
Author: معتصم دفع الله
Date: 11-02-2004, 02:55 AM
Parent: #71
الأخ أسامة
سلام شديد ..
هذا العام كلنا حرص لجمع شمل جميع البورداب ..
وحقيقة الجميع هنا يفتقد وجودك في إفطار هذا اليوم ..
لك خالص التحايا ..
وللأسرة الكريمة ..
|
Post: #90
Title: Re: الإفطار السنوي لبورداب الرياض ..
Author: tmbis
Date: 11-03-2004, 02:13 AM
Parent: #71
اســامة الخاتم..
معليش لينا شان ح نفقدك .. انت وخلودي والعزيزة رؤي السقيد..
لكن ح نعيش علي ذكريات العام السابق علي امل ان نلقاكم بينا
بعد مارتبتو كل الامور الجادين في ترتيبه ..
تحياتي لكل الشباب بهناك
والكاميرا جاهزة ياسمسم ..وفي كمان من ارشيف السنة الفاتت ودهشة الشوفه اول مرة ..
وليك الياسمين يالذيذ
|
Post: #76
Title: Re: الإفطار السنوي لبورداب الرياض ..
Author: ghariba
Date: 11-02-2004, 03:39 AM
Parent: #1
اخواني الكرام
معتصم الشاب النشط
كان من المفترض ان اكون من المشاركين في الاعداد
بل ان مشروع الاستراحة لم يجد التجاوب بسبب يوم الخميس ولكن الجايات اكثر من الرايحات
اما عن الحضور فالفرصة ضئيلة ولكن ساحاول بقدر الامكان في ذلك
ولو تعذر فسيكون الاتصال الهاتفي بيننا
والسبب ان حفل تكريم الطلاب سيكون في نفس اليوم و نفس وقت الافطار بالسفارة و مطلوب مني ان احضر تكريم الابن أحمد ورفقاه
ولكن قلبي معكم كما كان وكما سيكون
|
Post: #78
Title: Re: الإفطار السنوي لبورداب الرياض ..
Author: tmbis
Date: 11-02-2004, 10:20 PM
Parent: #76
مـــوقع الاستراحة
|
Post: #101
Title: Re: الإفطار السنوي لبورداب الرياض ..
Author: walid taha
Date: 11-03-2004, 01:22 PM
Parent: #78
تمبس ازيك ..بس فى ملاحظة صغيرة على الكروكى...
بعد ما تدخل من اسواق بن دايل يمين حتمشى طوالى ولمن توصل الفتحة الاولى قصاد الحلاق الجنب المغسلة ادخل بالفتحة ذاتها واعكس الشارع مسافة 15 متر وادخل طوالى للشارع الفرعى الصغير واخد يسار...لأن اذا مشيت طوالى لنهاية الشارع (الوادى) حتلقاهو مقفول..
كمان مافى ارض فضاء ..دى جبتها من وين؟!!
ملاحظة: يوجد موقف سيارات واسع بعد الدخول من بوابة مجمع الاستراحات
تمبس تعال سايق قندرانى..
آآآآآى دى ما حلتنا انا وشتات
أرقدو عافية
|
Post: #79
Title: Re: الإفطار السنوي لبورداب الرياض ..
Author: حمزاوي
Date: 11-02-2004, 11:33 PM
Parent: #1
الكوماندوز نسيبي تمبس
شكراًجزيلا الموقع واضح واها
حـــــاضــــــــرون
ان شاء الله
بس اها العضه كيف
|
Post: #83
Title: Re: الإفطار السنوي لبورداب الرياض ..
Author: كرماوي
Date: 11-03-2004, 00:19 AM
Parent: #79
المبدع / معتصم
لك التحية ايها الرائع ورمضان كريم وربنا يلم شملنا في هذا الافطار لانو ده الأفطار الخامس وانا ما اقدر اجي احضرو ربنا يبعد العوارض ونجي نتلمه مع الخال حمزاوي فحتي نلتقي لكم الود .
( عفواً إذ دخلت اليك من باب الخروج )
كرماوي
اخو نجفه
|
Post: #92
Title: Re: الإفطار السنوي لبورداب الرياض ..
Author: معتصم دفع الله
Date: 11-03-2004, 02:30 AM
Parent: #83
العزيز كرماوي
سلام كتير يا عزيز ..
والله نحن برضو متوقعنك ..
وإسمك مسجل فوق زي ما قال أستاذنا حمزاوي ..
والله نحن سعيدين جداً بأنكم معانا في هذا اليوم ..
وإن شاء الله دوماً ..
|
Post: #91
Title: Re: الإفطار السنوي لبورداب الرياض ..
Author: tmbis
Date: 11-03-2004, 02:22 AM
Parent: #79
يا ابو النسب .. يا حمزاوي
تحياتي
كلو تمام الاستراحة وكل الامور
العضة مختلفة الاصناف ..
قراريص ستة انش
احتمال يكون في تركين عبارة عن مهارات فردية
وتحت .. تحت كمان في شعيرية
|
Post: #98
Title: Re: الإفطار السنوي لبورداب الرياض ..
Author: معتصم دفع الله
Date: 11-03-2004, 03:17 AM
Parent: #91
| Quote: وتحت .. تحت كمان في شعيرية |
يا تامبا الشعيرية دي مع شاي الصباح ..
وفيها طقــــوس كمـــــان ..
أها النوصي ليك صديق الموج يجيب ليك منها كرتونة ..
|
Post: #82
Title: Re: الإفطار السنوي لبورداب الرياض ..
Author: samwal ebrahiem
Date: 11-03-2004, 00:07 AM
Parent: #1
الاخ تمبس
خريطة واضحة وضوح الشمس بس اسم الإستراحة شنو...
لانك انت موضح موقع يمين المسجد وكاتب عليه موقع ...
الإستراحات دون الاشارة الى اسم إستراحة معينة ....
ارجو التوضيح ...........
السمؤل
|
Post: #93
Title: Re: الإفطار السنوي لبورداب الرياض ..
Author: tmbis
Date: 11-03-2004, 02:37 AM
Parent: #82
العزيز
سمؤل ابراهيم ..
سلامات والله
اها الوصف وااااااضح جدا .. انت بس تعال هناك
الاسواق .. او حسب الوصف ده والباقي تمو اتصالات
والمكان قريب وواضح ياسمؤل .. وغالبا بتلقي ليك دليل هناك
بس حاول تجي بدري
|
Post: #85
Title: Re: الإفطار السنوي لبورداب الرياض ..
Author: ودقاسم
Date: 11-03-2004, 00:43 AM
Parent: #1
الاستراحات اسمها الواحة ، وهي متلاصقة ، وستجدونا هناك إن شاء الله ،،
حتى الآن نتوقع حضور مشرّف ، والمرة دي الما بجينا بنخت فيهو راي ،،
والكلام ليك يا المنطط عينيك .
خال الكل ..
|
Post: #87
Title: Re: الإفطار السنوي لبورداب الرياض ..
Author: gessan
Date: 11-03-2004, 01:08 AM
Parent: #1
عُــــلم..
أقعدوا عافية
قيسان
|
Post: #88
Title: Re: الإفطار السنوي لبورداب الرياض ..
Author: شدو
Date: 11-03-2004, 01:21 AM
Parent: #87
العزيز / معتصم لك التحية ايها الرائع على هذا الجهد الجبار
علمنا وسوف نكون من الحاضرين ان لم تهزمنا الظروف
ولك التحية وللاخ شتات والرائع ابدا تمبس
والى الامام
|
Post: #95
Title: Re: الإفطار السنوي لبورداب الرياض ..
Author: معتصم دفع الله
Date: 11-03-2004, 02:44 AM
Parent: #88
العزيز شدو
تحياتي وسلامي ..
منتظرنك ولمزيد من التنسيق سوف يكون بينا إتصال ..
أرقد عافية
|
Post: #97
Title: Re: الإفطار السنوي لبورداب الرياض ..
Author: tmbis
Date: 11-03-2004, 03:11 AM
Parent: #88
حبيبنا شـــدو
في انتظارك .. ويجب ان تطوع كل الظروف من اجل ان نلتقي
تحياتي لمن معك ..
|
Post: #94
Title: Re: الإفطار السنوي لبورداب الرياض ..
Author: معتصم دفع الله
Date: 11-03-2004, 02:39 AM
Parent: #87
الفنان قيســــان
كل سنة وأنت طيب ..
وينفـــــــــذ ..
|
Post: #96
Title: Re: الإفطار السنوي لبورداب الرياض ..
Author: tmbis
Date: 11-03-2004, 02:50 AM
Parent: #87
قيســــان ..
في
انتظار ..
اي حركــــة اديني تلفون اخر الليل
|
Post: #99
Title: Re: الإفطار السنوي لبورداب الرياض ..
Author: Nejmuddin Hassan
Date: 11-03-2004, 09:40 AM
Parent: #1
الرائعون أبداً ... كلكم
معتصم دفع الله
تمبس
ونصار الحاج ..
وبقية العقد الفريد
لكم التجلة والإحترام .. والوصف واضح جداً .. ويا رباً تجيب الخميس عشان نلقاكم ..
نجم الدين علي حسن
|
Post: #100
Title: Re: الإفطار السنوي لبورداب الرياض ..
Author: malik_aljack
Date: 11-03-2004, 11:01 AM
Parent: #99
القائمين على الأمر و المشاركين بالأمنيات و الحسد
ود قاسم وعدني بأنو ينشر خبر إني في الرياض و كانت نية العمره موجوده لكنني لم أستطع إليها سبيلا.
أنا ما بعرف أيي شيء في الرياض غير المكتب و السكن و ما عارف لو أديت الوصف الفوق دا لبتاع التاكسي ح يوصلني و لا شنو
عموما أنا عازم نفسي معاكم بس وروني أسهل طريقه للوصول.
و كل عام وأنتم بخير
|
Post: #102
Title: Re: الإفطار السنوي لبورداب الرياض ..
Author: Rawia
Date: 11-03-2004, 01:32 PM
Parent: #100
تاني عشان ماتروحو ومافي زول يلقى اي عذر
خاصه قيسان
اكيد حنتلاقى معاكم
وطوالي متجمعين في ساعه خير يارب
|
Post: #105
Title: Re: الإفطار السنوي لبورداب الرياض ..
Author: معتصم دفع الله
Date: 11-04-2004, 02:58 AM
Parent: #102
يا رواية
الوصف واضح جيبي معاك صينينة الكنافة زي ما قال ليك الخال ..
بس ما تتأخري ..
|
Post: #106
Title: Re: الإفطار السنوي لبورداب الرياض ..
Author: معتصم دفع الله
Date: 11-04-2004, 03:00 AM
Parent: #100
الاخ مالك الجاك
منتظرنك ..
أتصل على اي تليفون من التليفونات الموجودة دي ..
|
Post: #103
Title: Re: الإفطار السنوي لبورداب الرياض ..
Author: Nada Amin
Date: 11-03-2004, 07:30 PM
Parent: #1
يا تمبس اعمل ليكم شنو إنت و معتصم و شتات ما عزمتوا أختي و راجلها فقلت أحسن أعزمهم أنا و زي ما إنت قلت الحالة واحدة و كلنا بورداب و لا شنو
إتخيل يا تمبز زي ما قلت رواء بتقولها ليك أنا لحسه ما شفت العسولة رواء، شفت الغربة بتعمل فينا شنو؟
بالمناسبة قالوا هي بتشبهني، لكن ما أظن أنا متأكده إني أحلى
أتمنى لكم إفطار و لمة ممتعة و جميلة و يا ريتني لو كنت معاكم.
|
Post: #107
Title: Re: الإفطار السنوي لبورداب الرياض ..
Author: معتصم دفع الله
Date: 11-04-2004, 03:06 AM
Parent: #103
يا ندى
من اليوم نحن إعتبرناك عضوة من بورداب الرياض ..
ولو ما قدرتي تجي أعملي توكيل ..
اليوم محمد وشذى حاضرين معنا ..
شفتي عزومتك عملت شنو ؟
Quote: إتخيل يا تمبز زي ما قلت رواء بتقولها ليك أنا لحسه ما شفت العسولة رواء، شفت الغربة بتعمل فينا شنو؟
بالمناسبة قالوا هي بتشبهني، لكن ما أظن أنا متأكده إني أحلى |
رواء دي عسولة عديل كده ..
عندها معاي برنامج إسبوعي " رسم " لازم تجيب الكراسة بتاعتها وتقعد ترسم لي ..
اليوم نصورها ليك وبكرة ننزله في المنبر ..
أها قصرنا معاك ؟ ..
|
Post: #104
Title: Re: الإفطار السنوي لبورداب الرياض ..
Author: ودقاسم
Date: 11-04-2004, 01:56 AM
Parent: #1
نرحب بالعزيز مالك الجاك ، وحقيقة فكرت في إعلان وجوده في الرياض لولا أني تأكدت من عزمه على السفر لأداء العمرة ،، وقلت أمهله حتى يعود ،، وبما أن سفره قد تأجل فأهلا به وسهلا بيننا ، وليست هناك مشكلة في إمكانية وصوله إلينا لأننا سنأتي إليه في مكانه لنأخذه للاستراحة ،،
ونرحب بمشاركة أسرة العزيزة ندى أمين ، ونقرّ بحقها في دعوة من تشاء ، فهي بيننا رغما عن تباعد المسافات ،،
والشكر لراوية واهتمامها ومتابعتها وحرصها على أن يصل كل المشاركين ،،
بس يا راوية لو عملتي لينا كنافة أو بسبوسة وجيتي شايلاها بتكوني ما قصرتي معانا ،،
|
Post: #108
Title: Re: الإفطار السنوي لبورداب الرياض ..
Author: حمزاوي
Date: 11-04-2004, 04:18 AM
Parent: #1
بقي من الزمن
ساعتين
|
Post: #109
Title: Re: الإفطار السنوي لبورداب الرياض ..
Author: ahmed haneen
Date: 11-04-2004, 04:57 AM
Parent: #1
سلام عروب سلام
يا اخوانا هوي استعجلوا شوية وامرقوا بدري
الأشارات مزحومة والطرق مليانة
اوعا يفوتكم الفطور المدنكل ،، وتفطروا في الأشارات
خاصة ناس النسيم والناصرية وام الحمام
والي لقاء علي الهواء
|
Post: #110
Title: Re: الإفطار السنوي لبورداب الرياض ..
Author: اسامة الخاتم
Date: 11-04-2004, 02:48 PM
Parent: #1
| Quote: وليك الياسمين يالذيذ |
و الله انت الازا يا علاء يا رائع
نلتقى قريبا اذا شاء المولى
سلامى عبرك لكل من تحب و للصديق الجميل احمد سعيد( قرنفل)
و رمضان كريم
منتظرين الصور فى البوست التانى
لك الياسمين كله .. الياسمين اللزيز
|
|