أســـــاسي آخر التوابـــيت !!!!!!!!!!!!!!!

أســـــاسي آخر التوابـــيت !!!!!!!!!!!!!!!


07-16-2005, 02:02 PM


  » http://sudaneseonline.com/cgi-bin/sdb/2bb.cgi?seq=msg&board=196&msg=1155050969&rn=15


Post: #1
Title: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-16-2005, 02:02 PM
Parent: #0

بما أن هذه الأيام التوابيت على قفى من يشيل ..
فقد فصّل الأخ بكري أبوبكر تابوت على مقاس أساسي ..
وقام بأيقافه غير مأسوفٍ عليه ..


وقد علمت قبل قليل من مصادر مقربة بأن التابوت كان أصغر من الحجم المتوقع ..
لذا نطالب بتابوت أكبر من ذلك على أن يكون تابوت من صفيح قابل للصدأ ..

Post: #2
Title: Re: أســـــاسي آخر التوابـــيت !!!!!!!!!!!!!!!
Author: humida
Date: 07-16-2005, 02:07 PM
Parent: #1

آخ بس
لو ما كنت " مشرك لحاجة "
كان مشيت معاكم الدفن .. !!

Post: #3
Title: Re: أســـــاسي آخر التوابـــيت !!!!!!!!!!!!!!!
Author: Esameldin Abdelrahman
Date: 07-16-2005, 02:35 PM
Parent: #2

الاخ معتصم دفع الله

لا اظن ان الاخ اساسي قد تم ايقافه ، اذ ان اسم الموقوف يتحول للون الاسود ولا اري ذلك باديا علي اسم اساسي ، ربما قد آثر الابتعاد عن المنبر ريثما تهدأ السرائر .آمل ان يكون ذلك كذلك ونراه مرة اخري علي صفحات المنبر العام مشاركا بناء .
مع الود

Post: #4
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-16-2005, 02:53 PM
Parent: #3

الأخ حميده
الأخ عصام الدين عبدالرحمن ..

تحياتي وتقديري ..
لقد قام الأخ بكري بالفعل بفصل أساسي وهو الآن لا يستطيع الدخول للمنبر ..
وقد أخطر رسمياً بذلك من خلال رسالة بريدية ..
وهو الآن معي على الخط وتأكدت تماماً من ذلك ..
وكون إسمه لم يتوشح بالسواد هذا صحيح ..
فأسمه لم يتم حزفه من الداتا وأعتقد بأنها مسألة وقت ليس إلا ..

حقيقة أساسي فقد كبير للمنبر ..
وسوف نفتقد قلمه الجرئ والمصادم ..
ونتمنى من الأخ بكري أن يعدل عن رايه هذا ..

Post: #5
Title: Re: أســـــاسي آخر التوابـــيت !!!!!!!!!!!!!!!
Author: newbie
Date: 07-17-2005, 02:10 AM
Parent: #4

معقولة !!!

Post: #12
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-17-2005, 04:11 AM
Parent: #5

هذا ما حصل بالفعل ..

شكراً على المرور ..

Post: #6
Title: Re: أســـــاسي آخر التوابـــيت !!!!!!!!!!!!!!!
Author: قرشـــو
Date: 07-17-2005, 02:23 AM
Parent: #1


الأخ معتصم


ترى هل فصل الأخ بكرى تابوتا آخر للأخ كوستاوى

أم ان التوابيت خلصت ؟؟؟؟؟


فى البورد توجد توابيت كما قال صاحب التوابيت

Post: #13
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-17-2005, 04:42 AM
Parent: #6

الحبيب قرشو

تحياتي ..
أساسي فقد كبير للمنبر ..
نرفض سياسة الإقصاء وأعتقد بأننا كفيلون بحل مشاكلنا لوحدنا ..
ونحن أكبر من أن نختلف على لا شئ ..
فليعد بكري كل المفصولين ولتكن هناك كلمة شرف يتفق عليها الجميع ..
أعتقد نفس القرار قد طال الاخ كوستاوي ولست متأكداً من ذلك ..

فلنقف يداً واحدة لعودة كل المفصولين ..
وأولهم هذا الأساسي الأساسي ..

ودي ..

Post: #7
Title: Re: أســـــاسي آخر التوابـــيت !!!!!!!!!!!!!!!
Author: حمزاوي
Date: 07-17-2005, 02:57 AM
Parent: #1

يا سيد بكري ابوبكر
لا والف لا
لفصل السيد اساسي
امل من سعادتكم التكرم واعادة النظر في موضوع فصل العضو اساسي
في القترة الاخيرة لم نشاهد الفصل والايقاف
فلماذا رجعت لهذه الظاهرة الغير ديمقراطية
كنا متفائلين خيراً بان يتم إعادة من ابعدوا
فنفاجأ بأبعاد اخرين
كدا صلي على النبي يا بكري اخوي
وألعن ابليس
ووحد الله

واحد ذي اخونا اساسي ليه اكتر من خمسة الاف مشاركة يفصل

Post: #14
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-17-2005, 04:52 AM
Parent: #7

Quote: لا والف لا
لفصل السيد اساسي
امل من سعادتكم التكرم واعادة النظر في موضوع فصل العضو اساسي
في القترة الاخيرة لم نشاهد الفصل والايقاف
فلماذا رجعت لهذه الظاهرة الغير ديمقراطية
كنا متفائلين خيراً بان يتم إعادة من ابعدوا
فنفاجأ بأبعاد اخرين

لا فض فوك أستاذنا حمزاوي ..

سلمت ..

Post: #8
Title: Re: أســـــاسي آخر التوابـــيت !!!!!!!!!!!!!!!
Author: هميمة
Date: 07-17-2005, 03:09 AM
Parent: #1

نختلف مع اساسى فى الراى

ولكننا نقف معة وقفة واحدة الى اخر نفس فينا

حتى يستعيد حقه وحريته فى التعبير .....

تبت يدا الحانوتى وتب .....

لا لا لا لتشيييع شهداء الفكر والراى

اعزائنا اعضاء المنبر اختلافنا لا يفسد للود قضية

نحن كسائر الجسد ...... وانا والله لفقد اى منكم لمحزونون !!!!!!!!!

Post: #25
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 03:43 AM
Parent: #8

الأخت هميمة ..

نعم أساسي آخر التوابيت ..
وتفصيله لم يكن على مقاسه ..
نحتاج أساسي بيننا ..
ولا لسياسة الفصل والإقصاء ..

ودي ..

Post: #9
Title: Re: أســـــاسي آخر التوابـــيت !!!!!!!!!!!!!!!
Author: هشام مدنى
Date: 07-17-2005, 03:24 AM
Parent: #1

عزيزى الفاضل معتصم دفع الله
تحيه واحترام
شخصى الضعيف مع تطبيق اللوائح على الجميع دون اى فرز
لكن كيف يفصل الاخ اساسى ويترك الاخر
وليس الاخر مع الاخ اساسى فقط.
تجول هنا لتعرف
أطـالب أمين الـموقع.. تطبيق اللوائح على.. العضو كستاوى...

Post: #10
Title: Re: أســـــاسي آخر التوابـــيت !!!!!!!!!!!!!!!
Author: سجيمان
Date: 07-17-2005, 03:40 AM
Parent: #9



طالما زال اسمه يتدثر اللون الازرق..فما زال هناك بارقة امل.... يا بكري... براحة عليك الله.....اتمنى ان يكون الايقاف مؤقت.... لفض الاشتباك....كلي امل ان يطول

Post: #11
Title: Re: أســـــاسي آخر التوابـــيت !!!!!!!!!!!!!!!
Author: خدر
Date: 07-17-2005, 03:51 AM
Parent: #10

خبر مؤسف
معتصم
سبب الفصل شنو !
نرجوا وضع اللنكـ








وقول لي اساسي قطع شكـ كان كنت مظلوم ,, حا اعمل ليكـ
تأبين اكبر من بتاع دكين
ولو طلعت ظالم .. حاتخت لي عيني في الارض

Post: #29
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 04:24 AM
Parent: #11

أكثر من ذلك يا مولانا خدر ..
أساسي خسارة كبيرة للمنبر ..
دي اللنكات ..
أساسي: لمن لا يعرفه (1)
كلب …الرديف …الجكام... جنا الخواجة
ردا علي الافاك كوستاوي
هلا هلا ..اسياد بلد نقعد نقوم علي كيفنا عفيت منكم والله
Quote: وقول لي اساسي قطع شكـ كان كنت مظلوم ,, حا اعمل ليكـ
تأبين اكبر من بتاع دكين

المغدور دا جاء يتاوق بي هناك يا خدر ..
تعرف نعمل ليهو رباطية ..
قال المنبر دا ما رجعني ليهو إلا الجكس ..
شفت صاحبك ؟..

Post: #28
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 04:01 AM
Parent: #10

Quote: طالما زال اسمه يتدثر اللون الازرق..فما زال هناك بارقة امل.... يا بكري... براحة عليك الله.....اتمنى ان يكون الايقاف مؤقت.... لفض الاشتباك....كلي امل ان يطول

أتمنى ذلك يا دكتور ..
وأتمنى كذلك أن يعدل بكري عن رأيه ويعيد النظر في المفصولين ..

محبتي ..

Post: #27
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 03:51 AM
Parent: #9

الأخ الحبيب هشام مدني ..

تحياتي وتقديري ..
لم يعجبني ما حدث وكنت أتمنى أن نكون أكبر من ذلك ..
وأكبر من خلافاتنا الشخصية التي لا تخدم بل تضر كثيراً ..
المنبر حقيقة أصبح في الفترة الماضية يفتقد للحوارات الموضوعية والنقاشات الجادة ..
والتي تخدم القراء والمتلقين ..
نرجو من الأخ بكري أن يعيد النظر في سياساته والتي حرمتنا من الكثرين والمفيدين في هذا المنبر ..

ودي ..

Post: #15
Title: Re: أســـــاسي آخر التوابـــيت !!!!!!!!!!!!!!!
Author: عزاز شامي
Date: 07-17-2005, 05:50 AM
Parent: #1

نشيع الاحياء لقبور الصمت
والموتى مسّندون علي الابواب
لا عجب !
فنحن من خلفاء الله في الارض
لا على الارض نمشي...
بل نمتطي السحاب!

Post: #16
Title: Re: أســـــاسي آخر التوابـــيت !!!!!!!!!!!!!!!
Author: وجن
Date: 07-17-2005, 07:11 AM

الحقيقة دومامره المذاق ولكن علينا أن نتجرعها
وأساسى
هو الوجه المشرق للحقيقة

لذلك يجب أن يعودهذا الاساسى


يجب أن يعود

Post: #17
Title: Re: أســـــاسي آخر التوابـــيت !!!!!!!!!!!!!!!
Author: زول ساكت
Date: 07-17-2005, 07:31 AM
Parent: #16

تمنى ان يستجيب الاخ بكري للنداءات المتكرره باعادة المفصولين

لا لايقاف اساسي
نعم لعودته

Post: #34
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 04:58 AM
Parent: #17

Quote: تمنى ان يستجيب الاخ بكري للنداءات المتكرره باعادة المفصولين

لا لايقاف اساسي
نعم لعودته

معاك نردد هذا النداء يا عباس ..

معاً لعودة كل المفصولين ..

Post: #32
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 04:42 AM
Parent: #16

Quote: لذلك يجب أن يعودهذا الاساسى


يجب أن يعود

يجب أن يعود هذا الأساسي ..


شكراً وجن ..
أتمنى أن يستجيب بكري لهذا النداء ..

Post: #31
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 04:32 AM

الأخت عزاز شامي ..

شكراً لتضامنك معنا لعودة أساسي ..
ومعك نطالب بعودة كل المفصولين ..


عميق ودي ..

Post: #18
Title: Re: أســـــاسي آخر التوابـــيت !!!!!!!!!!!!!!!
Author: Tabaldina
Date: 07-17-2005, 07:44 AM
Parent: #1

..
.
ضيعوك ..
ودروك ..
خلاص شيعوك ..
ما قلنا ليك انت ما بتعرف صليحك من عدوك ..
استغلوا الطيبة فيك وعشان خاطر (كوستاوي ) دفنوك ..
دا زوول وااااصل قووي ..

قوول الرووب أيها الرعديد ..
عشان نناقش ايقافك يوم الخميس فة اتحاد الجامعة
ومعاك ناس عزاز ..

إطار جاد ..
انت يا معتصم جاد فى الشمار ..
والله يا أساسي تطلق على مرتي لو ما رجعوك
انا اقاطع المنبر وارحل عكس الريح وخالد الحاج
وليك علي .. لو ما قلتها لبكري فيس تو فيس

Post: #19
Title: Re: أســـــاسي آخر التوابـــيت !!!!!!!!!!!!!!!
Author: abuguta
Date: 07-17-2005, 08:46 AM
Parent: #18

اساسى
طيب مالو مايشطبوه
شطبوه...طيب ما يمشى ..زيو وزى اى واحد شطبوه..فى ستين
مين البخسر..
صاحب البورد؟؟؟؟
اساسى؟؟؟؟
الاعضاء؟؟؟؟
صاحب البورد...شايف مصلحتو فى شطب اساسى
اساسى..ممكن يعمل موقع زى الجماعة
ود الشيخ..
سارة منصور..
خالد الحاج
د.معز
انور كنج...
ويبقى يقلب فى اسماء الناس اسود ازرق احمر اصفر..ظلامى
او او او
يكتب زيو وزى ابراهيم بقال الشفت تاج السر اسعد ابراهيم..بادب واحترام
وممكن يقل ادبه يشطبوه..
الاعضاء.....
ممكن بعارضو زى معارضة الترابى...يتكلمو يشجبو يكشفو المخطط..سيطرة النورين على البورد
الكلب ينبح والجمل ماش..هل البشير برجع الترابى ...تانى..يشمها قدحة
اها
نجى للحجة الاخيرة اساسى اسمه ازرق مفروض يكون اسود لو شطبوه..
لو ازرق ما شطبوه
ولو اسود شطبوه...
دى حركة جديدة..اها اساسى شطبوه ووقفوه..وتانى ما بجى داخل...واسمه ظاهر ازرق
شفتو المهندس بقى يتفنن فى شطب الناس كيف..مش هو مبرمج ودارس برمجة
مش هو صاحب البورد...
اها امسكو الشمار الجديد دا اساسى عمل ليه موقع جديد
اسمه www.assasionofforg.com
بعد يومين الرابط دا بشتغل..ومرحب بمعجبين اساسى فى اساسى اون اوف اورق لاين
ولقدام

Post: #35
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 05:21 AM
Parent: #19

أبوقوتة قنبلة الود الموقوتة ..

ياخي الزول دا يقوم يعيش في الدور ..
رجعوا أساسي ..
أساسي شطبوه ..
اساسي طلع ..
أساسي نزل ..
والحكاية تجر ونبقى في التحلنا من هذا الأساسي ..
يعني لازم نعمل إنقلاب وحردان عشان ترجع الزول دا يا بكري ..
النداءات دي كلها من ناس محبوبين في هذا المنبر ..
فهلا إستجبت لندائهم ؟ ..
أها حكاية السواد دي تقليعة جديدة ..
عشان الواحد يكون داقس وما يجيب خبر لي نفسه ..
يقوم يعافر ويدافر وهو ما عارف إنو موضوعو راح في ستين داهية ..
ونجي لي سيد الحوش وهاك يا تحانيس فلان فقد باسورودو أها دا نلقاهو ليهو في ياتو حتة ..
والحكاية تجر والموضوع يعجب صاحب البورد لمن بعداك يفكر يرجعو ولا لا ..

تعال بي هناك ياخي ..

Post: #33
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 04:54 AM
Parent: #18

كيفك يا تنقا ..
لقيت البلد سمحة ولبدت ..
كل يوم كاتل ليك حفلة ..
أخر الأخبار الجاتنا قالت لينا إنك كنت في شارع النيل قبل كم يوم ..
بالله براحة علينا نظام العويق دا ما بنفع معانا ..

أها صاحبك دا من جانا هنا وقابل العصابة ديل حاله إتبدل ..
قال ناس الرياض كسارين تلج ..
ومن ما قابلهم بقى مسكين ..
لمن المسكنة الجاتو في باسوردو ..
قام عمك بكري لحقو أمات طه ..
لكن الوصية في الذمة يا تنقا ..
قول لي بكري أساسي دا ما يقعد بره المنبر لغاية يوم 21 يوليو ..
الناس كلها هنا طالعة بمظاهرات والهتافات للحلق ..
رجعو هذا الأساسي ..
مين تاني يشيل معانا الكراسي ..
وحاجات من زي دي ..

أها يا تنقا أنا والكاشف أخوي تامبا دا ما بنلقى لينا فرقه معاكم ..
أصلو من يوم ما تاورو الضرس ما كسب عافية ..
بقى يهضرب عمال على بطال ..
ودي نحن بنسميها الهلوسة المبكرة ..
وإنت عارفه دي بتجي من شنو ؟..

أرقد عافية ..
ما تنسى توصل الوصية ..

Post: #20
Title: Re: أســـــاسي آخر التوابـــيت !!!!!!!!!!!!!!!
Author: نهال كرار
Date: 07-17-2005, 09:28 AM
Parent: #1

وبعد دا كلو بكري قال الأعضاء كلهم سواسيه لديه!!!!!!!!!!!!!!!!!!!!!!!!

طيب مافي ناس فاتحة بوستات ليها شهور بيشتكوا فيها عن أعضاء محددين وماشفنا شي
وفي ناس رفعت شكاوي عن طريق الإيميل وضد نفس الأشخاص
وبرضو لا شفنا إيقاف ولا فصل

وأساسي زاتو عمل شنو ؟؟
طلعوا عنصري هو كمان؟؟؟
ولا إرهابي المره دي؟؟

Post: #36
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 05:35 AM
Parent: #20

تعرفي يا نهال ..
الكتابة هنا زي لاعبين الكورة ..
وزي فردة الباك لمن يكون لاعب ليهو زول حريف ..
أها تمسك تكنكش فيهو كده مره تدقو تجدعه مع كنبة الإحتياطي ..
ومرة يديك الحكم إنذار ومرات يطنش ويتغاضى عنك ..
ومسألة التغاضي دي كتيرة شديد طبعاً ..

والجمهور يكورك ..
والحكاية تجوط لمن الحكم يزهج منك ويديك كرت أحمر ..
لكن الكروت الحمراء بقت أيقاف لي مباراة واحدة فقط ..
وأساسي دا كرته شكله ما أحمر من لون أخر عشان كده حا يستمر أيقافه لفترة غير معروفة ..

أتمنى أن يعدل الأخ بكري عن قراره ويعيد هذا الأساسي ..

شكراً كتير ..

Post: #21
Title: Re: أســـــاسي آخر التوابـــيت !!!!!!!!!!!!!!!
Author: luai
Date: 07-17-2005, 09:45 AM
Parent: #1

الاخ معتصم تحياتي وتقديري ..

انا ضد سياسة الاقصاء وابعاد الاخر ..مهما كان
واذا صح ان الاخ اساسي قد ابعد ..
فهذا يبدو كانه عملا منظم يستهدف وجهة نظر محددة ورأي محدد
ورغم الخلاف المؤسف والعالي النبرة بين الاخوين اساسي وكوستاوي ...
الا انني اعتقد ان الاخ اساسي قد استهدف ..
وتم جره لمعركة ..حتى يتم ابعاده ..
آمل ان يراجع الاخ بكري قراره هذا ..ويسمح بعودة اساسي
وعودة كل المفصولين من هذا البورد ..
حتى لا يتحول اعضاء هذا البورد القدامي ..الى منابر وساحات اخرى ..
وسنختلف كسودانيين حتى يصل السيف الى الحلقوم كما تقول سعاد الصباح ..
لكن يجب الابتعاد عن المهاترات والاساءات وشخصنة القضايا والمشاكل في اختلافنا
ويجب ابعاد فكرة الاقصاء ..ايضا

بكري ابوبكر
اعد كل المفصولين واوقف سياسة الابعاد والاقصاء

Post: #38
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 11:45 AM
Parent: #21

Quote: وسنختلف كسودانيين حتى يصل السيف الى الحلقوم كما تقول سعاد الصباح ..
لكن يجب الابتعاد عن المهاترات والاساءات وشخصنة القضايا والمشاكل في اختلافنا
ويجب ابعاد فكرة الاقصاء ..ايضا

دا الكلام الحلو يا لؤى

عايزين منبر زي دا ..
أها بكري رجع أساسي وعقبال كل المفصولين ..

سلمت ..

Post: #22
Title: Re: أســـــاسي آخر التوابـــيت !!!!!!!!!!!!!!!
Author: Tragie Mustafa
Date: 07-17-2005, 03:53 PM
Parent: #1




كتبت هميمه الاتي:

نختلف مع اساسى فى الراى

ولكننا نقف معة وقفة واحدة الى اخر نفس فينا

حتى يستعيد حقه وحريته فى التعبير .....

تبت يدا الحانوتى وتب .....

لا لا لا لتشيييع شهداء الفكر والراى

اعزائنا اعضاء المنبر اختلافنا لا يفسد للود قضية

نحن كسائر الجسد ...... وانا والله لفقد اى منكم لمحزونون !!!!!!!!!

تراجي.

Post: #23
Title: Re: أســـــاسي آخر التوابـــيت !!!!!!!!!!!!!!!
Author: humida
Date: 07-17-2005, 07:23 PM
Parent: #22

والله يا جماعة ..
جميل كل الانكتب ..
وجميل كل الجا ماري .. وعمل اضان جلد ..
لمتين الشغلانة دي حتكون مدورة كدا ..
بكري ابوبكر ما عندو منهج واضح في الشطب
انا نفسي يوم يجي يقول لينا الشغلة دي حقارة عديل كدا
والله بنقتنع .. ما بي حقو وكدا ..
لكن كعب الزول ما يكون عندو شخصية ..
ويكون في موقع حساس ذي دا
ناس توديهو يمين .. وناس تجيبو شمال ..
كوستاوي برطع في المنبر دا .. لمن الله غفر ليهو ..
كنت وين يا بكري ووين كانت قوانينك
انا اكتر واحد بؤمن انه المنبر دا بتاعك ..
وليك الحق تعمل فيهو الدايرو ..
حتي لو كان بنظرية ود امو الكتب عنها المرحوم .. !!
بس يا عزيزي بقيت تعملها ظاهرة والله
بقت تجيب حمى .. وقشعريرة ..
دايرين نقول ليك شكرا .. بدون ما نلعن ابو اليوم الجابنا ليك ..
نصيحة يا اخوي ..
عليك الله .. انعدل ..
الشغلة كلها نت وعالم افتراضي ..
ما بتستحق انك تكون مكروه للدرجة دي .. !!

Post: #24
Title: Re: أســـــاسي آخر التوابـــيت !!!!!!!!!!!!!!!
Author: خالد عويس
Date: 07-17-2005, 09:19 PM
Parent: #23

أرجو أن يكون ايقاف الأخ أساسي مؤقتا وألا يطول غيابه عن المنبر. وادعو الأخ بكري لاعادته

Post: #26
Title: Re: أســـــاسي آخر التوابـــيت !!!!!!!!!!!!!!!
Author: newbie
Date: 07-18-2005, 03:49 AM
Parent: #24

تضامني التام مع اساسي الى ان يعود

Post: #30
Title: Re: أســـــاسي آخر التوابـــيت !!!!!!!!!!!!!!!
Author: برهان تاج الدين
Date: 07-18-2005, 04:28 AM
Parent: #26

المشكلة هسة يرجعوهوا يقوم يحرد لينا 9 شهور زى دكين ..
و الله يا اساسى تعملا زول يهببك مافى .
دكين زاتو كان طاير خلى اليطير ..
نحنا زاتنا طايرين

Post: #37
Title: Re: أســـــاسي آخر التوابـــيت !!!!!!!!!!!!!!!
Author: اساسي
Date: 07-18-2005, 11:44 AM
Parent: #30

معتصم دفع الله
قال كلمته ... وقعد يكسر لي تلج ... لكن ما لقيتك صنديد وبتاع مجابهات .. وقائد (محترم) للمظاهرات ... صديقنا ابو ضريس داك طلع حمام ميت شديد ولا يعتمد عليهو ... غايتو داك ما تتكل عليهو الا في ساوند حفلة ...لكن ما دقس ولبس الهزاز ... معصتم بصراحة تمنيت ان يكون لي من امثالك دستة من الاصدقاء لكنا جلسنا في ( طربيزة ) نيفاشا وقلعنا حقنا عضل ... هذا البوست .. قلادة من عرفان احملها بعنقي لك اخي وصديقي معتصم ابو الدفاع ... هناك اشخاص تتمني ان تكون لك بهم علاقة الدم ولكني اراك اقرب ... ( اسمع زح شوية كدا ) طوقتني بهذا الحب الجميل وتمنيتك اخا شقيقا في زمن الطرور .
لك كل الود الصادق
حميضة
عصام الدين
نيوبي
قرشو
حمزاوي
هميمة

هشام مدني
سجيمان
خدر الشين
عزاز شامي
وجن

زول ساكت
تبلدينا
ابو قوتة
نهال كرار

لؤي
تراجي مصطفي

حميضة تاني ( كرهنا)
خالد عويس
نويبي
برهان تاج الدين
لم اجد اجمل من هذا النص اهديكم اياه

الاحمر دا من هنا

شيء ما .. ذلك الذي بيننا


إذا كنتم ضمن قرائي المحترفين " الذين يقدرون بحوالي ثلاثين قارئا " سوف تدركون أنني كتبت هذه القصة من قبل ، ربما بضمير مختلف أو بجمل مختلفة أو حتى شخصيات وأحداث مختلفة لكن نفس القصة تطاردني وبالتالي تطاردكم عبري لكن أنتم تحبون ذلك بدليل إنصاتكم لي حتى نهاية القصة .

أما إذا كنتم قراء جددا طيبين فسوف أعطيكم بعض مفاتيح اللعبة .

أولا ترتيب الأحداث زمنيا للإيهام بالواقع لعبة سهلة مزيفة ؛ فلما كان أي كاتب لا يستطيع حكاية كل الأحداث وعليه اختيار أهمها ، فإن ما سيحدد اختياره هو لحظة النهاية التي ستتوهج فيها دلالة القصة . وبالتالي فإن لحظة النهاية هي اللحظة الحقيقية الجديرة بالحكي وبقية اللحظات مستدعاة عبرها ولخدمتها . فأنت عندما تحكي لي قصة انتهت بزواجك بتلك المرأة التي تشكو منها دائما ، ستحكي أشياء غير التي ستحكيها في قصة تنتهي بك في هذا العمل الذي لا تحبه ولا تكرهه .

المفاتيح الثاني والثالث والرابع يمكنك شراءهم من أحد النقاد أو استعارتهم من أحد قرائي المحترفين (لاحظوا أنني استعملت الضمير هم للإشارة للمفاتيح وكأنها شيء عاقل . ربما كان هذا إشارة لاحترامي الشديد لها أو بخضوعي لمنطق العامية اللغوي . أترك التخمين لكم ).

طبعا قد يتنحنح ناقد عدواني لا ينتمي لنقادي المحترفين الذين يقدرون بحوالي ثلاثة نقاد ويشير إلي أن القصة القصيرة لا تحتمل أي مقدمات ويفوته أن المقدمات الكريهة هي تلك المقدمات الوعظية المملة التي تلخص حكمة القصة أو تلك الوصفية الطويلة التي لا علاقة لها بالأحداث.

لكن نحن هنا أمام مقدمة لا يمكن حذفها ، لماذا ؟ لا أدري وليس ضروريا أن أدري تماما . يكفي أن يكون لديّ يقين شعوري أراهن عليه وأن يوافق علي رهاني ستة عشر من قرائي المحترفين . وافرضوا أن خمسة فقط هم الذين وافقوا على رهاني وأبدوا إعجابهم بالشكل الجديد ، سأتصرف وأطرد واحدا وعشرين قارئا إلي عراء القراء غير المحترفين وتظل معي الأغلبية دون أي استفتاء مزيف.

المهم دائما أن أصدق أنا القصة ، حتى لو كانت نفس القصة التي كتبتها ثلاثة وسبعين مرة عن المثقف الذي يحمل أشجان الكون في رأسه ، ويداه في جيوبه الفارغة دائما وقدماه ليس أمامها سوى ركل حجارة الطريق . المهم أن أصدق ألم هذا المثقف وأنا أقرأ القصة بالليل أو بالنهار ، في البيت أو في العمل أو حتى في الأتوبيس .

والمسالة ليست سهلة صدقوني فهذا المثقف الوهمي الجميل لا يصبح قابلا للكتابة إلا عبر لحظات خافتة كالغروب وبقية اليوم يكون مجرد موظف أو مجرد زوج أو مجرد رجل نائم .
سأعطيكم المفتاح الثاني مضطرا، إنه الخلط بين الأشياء ، لأنها دائما مختلطة فالموظف الذي هو مجرد موظف حين يمارس أعمال وظيفته يحمل معه صدى مشاجرته مع امرأته أو رنين ليلته معها وكيف أرضاها حتى الامتنان . والزوج مجرد الزوج حين يتشاجر مع امرأته أو يحاول الحصول على الامتنان المذكور أعلاه يكون داخله صخب رئيسه في العمل وصور فتيات الإعلانات المتراقصات .
والمثقف محظوظ بكل هذه القصص ـ ليس لأنني مثقف ـ ولكن لثراء المداخل إلي هذا الخلط داخله في تباديل وتوافيق غير نهائية من أقوال المؤرخين حتى كتابات توفلر عن صدمة المستقبل وحضارة الموجه الثالثة .
يبدو أن المقدمة قد طالت وأنني فقدت أكثر من سبعة عشر من قرائي . سأعاقبهم علي الملل بخدعه صغيرة أدّعي فيها أنني لم أكن أنوي أصلا كتابة أي قصة قصيرة وأني كنت أكتب عنهم هم بالذات ، عن القارئ الذي يتصور أنه اشتراكَ حين دفع ثمن الكتاب أو المجلة . وأنك خنته حين لم تهز قلبه هذه المرة وهو الذي راهن عليك بثمن علبة سجائر ، لعله يتخلص بك من صخب رئيسه في العمل أو يتوصل بك إلى امتنان تلك الأنثى ، وعليك أن تجعل الكلمات تتراقص له كبنات الإعلانات .

أنت مسكين أيها الكاتب
تجرب كل المفاتيح في كوالين مسكينة أتعبها الصدأ
لكن ها هو باب واحد ينفتح ،
قارئ واحد يشرق بك .
ألا يكفي هذا ؟ يكفي جدا .

لي هنا ( من رواية قلييل من السماء لعبد المنعم الباز) درا للائتهامات بعد كم سنة

Post: #40
Title: Re: أســـــاسي آخر التوابـــيت !!!!!!!!!!!!!!!
Author: tmbis
Date: 07-18-2005, 12:44 PM
Parent: #37

Quote: صديقنا ابو ضريس داك طلع حمام ميت شديد ولا يعتمد عليهو ... غايتو داك ما تتكل عليهو الا في ساوند حفلة ...لكن ما دقس ولبس الهزاز

البوست ده رومانسي خالص .. نحن ناس الخطوط الخلفية ..

بعدين يا وهم انا قلت ليك شنو ؟؟
والجقلبه ليك شنو انت ؟؟
وكان ما بتقدر علي العصر ده بتعمل ( كاكا) مالك ؟؟
انا مش قلت ليك ده ارهاب ساكت ؟؟

تجي تطلعني انا ساوند سستم ؟؟ وقميص هزاز ؟؟
الله يهديك بس
ويعرس ليك

آمين ياااااااااارب

Post: #45
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-19-2005, 04:31 AM
Parent: #40

إنت ما عارفه صاحبك يا تامبا ..
ما يلقى ليهو فرصة وتوووش يدخل فيك قون ..
أها شيل شيلتك لسانه سليط ومكشوف حال ..
واليومين ديل أنا أصلي ما بسعلو عنده حمى ماسكاهو ..
ما تسألني من السبب هسي ..
بكلمك بيهو في أضانك بعدين ..

Post: #44
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-19-2005, 04:16 AM
Parent: #26

شكراً نويبي على هذه الوقفة الشجاعة ..

وياها دي المحرية فيكم ..

Post: #42
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-19-2005, 04:09 AM
Parent: #24

الحبيب خالد عويس

التحيات النواضر ..
نفتقدك هنا في الرياض كثيراً ..

أساسي دا عاد بوقفتكم الصلبة هذه ..
وأتمنى عودة الجميع ..

محبتي ..

Post: #41
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-19-2005, 04:01 AM
Parent: #23

يا حميضة ..
إنتو ما بنفع معاكم إلا العين الحمراء ..
زي بتاعت أمس ديك ..

قال عالم إفتراضي قال ..

Post: #39
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-18-2005, 11:54 AM
Parent: #22

Quote: نختلف مع اساسى فى الراى

ولكننا نقف معة وقفة واحدة الى اخر نفس فينا

حتى يستعيد حقه وحريته فى التعبير .....

الاخت تراجي

مهما يكن من إختلاف ..
يجب أن نحترم وجهة نظر الآخرين في إبدأ رأيهم ..
وهذا ما فعملتهوه ..
شكراً جميلاً ..
فقد إستجاب صاحب المنبر لندائكم وأعاد أساسي ..
وعقبال البقية ..

شكري وتقديري ..

Post: #43
Title: Re: أســـــاسي آخر التوابـــيت !!!!!!!!!!!!!!!
Author: abuguta
Date: 07-19-2005, 04:15 AM
Parent: #39

معتصم انت الساونا دى فى ياتو فندق
لان فى واحد شين عاوزين نديوه ساونا
ادخل هنا
http://www.sudaneseonline.com/viewtopic.php?t=1522&start=30

Post: #47
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-20-2005, 00:15 AM
Parent: #43

يا أبوحميد ..
جيبو لينا في المنتدى ..
دي ساونا طبيعية ..
والله يلمو ليك فيهو العصابة ديل ..
وكمان مع سخانة الرياض اليومين دي يغيرو ليك شكله 360 درجة ..
وكمان ساونا بالمجان يعني لا فيها دفع ولا حاجة ..

بجيك بي هناك ..

Post: #46
Title: Re: أســـــاسي آخر التوابـــيت !!!!!!!!!!!!!!!
Author: ali othman
Date: 07-19-2005, 06:58 AM
Parent: #1

يافرحة ماتمت
حسة يااساسي جاييك شمتان وقلت اتنقور عليك الليلة واقول ليك
قوات دفاعك رميت بهم في الصفوف الخلفية وانك لابواكي
لك اليوم ( ماتقول لي معتصم برضو معتصم مابخبرة دفاع ايطاليا )
حتى حميضة جاك في اللفة .

Post: #48
Title: Re: أســـــاسي آخر التوابـــيت !!!!!!!!!!!!!!!
Author: معتصم دفع الله
Date: 07-20-2005, 04:13 AM
Parent: #46

تعرف يا علي أساسي دا زي الموية أصلو ما بتمسك ..
هسي فرصة للشماته ساي ما خلاها ليك ..
وكان علينا نحن الكبر ما دخل خلاس واللياقة بقت صفر باقيها كله في النت دا ..
كان دفرك زول ساي تمسك ضهرك ..

يديك العافية ..