اليوم الخمـــــيس !!!!

كانت كل الأيام جميلة هنا ..
كانت كل الأشياء رائعة هنا ..
كانت كل القلوب مليئة بالحب والتسامح والمحبة ..
ماذا حصل ؟..
وإلى أين تسير بنا الأمــور ؟..
لماذا إختلافنا يقودنا إلى عراك شخصي الخاسر فيه الوطن ؟..
صحيح أننا لا نتفق في الكثير من أفكارنا ووجهات النظر ..
وكل له أسلوبه وطريقته في طرح أفكاره ..
لكن دا لا يمنع أن نتحاور في محبة من أجل الوصول إلى الحقيقة التي نبتغيها ..
لماذا السعي وراء ما هو غير مفيد متناسين شرف الخصومة وحق الزمالة ..
هل نعيد للمنبر سيرته العطرة ؟..
منبر يضم الجميع كسودان يحضتننا جميعاً ..
هل تنتهي كل المعارك الدائرة هنا وأيدينا فوق أيدي بعض بكل سماحة السودانيين ..

أكتب هذا البوست وأنا أتذكر إنه كان في يوم خميس وكان عمك تنقو ..
ننتظره بفارق الصبر ليعطر سمائنا بالنغم الجميل الذي يريح أعصابنا المتعبة ..
ونفسياتنا الخربة ..
وكانت هنا كتابات جميلة تغذئ عقولنا إفتقدناها كثيراً ..
سأحاول أن أستدعي فيكم كل ما هو جميل ..
لنطوي صفحة الأحزان والمعارك الدائرة والتي لا تقدم بل تؤخرنا كثيراً ..
لنبحث عن ما يخدم بلدنا وأهلها ..
دون أن نرجع إلى ماضي الكثير منا غير مسؤل عنه ..
لا أقول أن لا نتحاسب أو نحاسب ..
بل تكون المحاسبة والتفكير في ما يخدم مقبل أيامنا ومستقبلها ..



بالحب يكون كل شئ جميل ..

صفقة ورقيص..........
بت النيل دافية يا معتصم اديك الصحة علي الاختيار واصلك موفق في فعل هذا....
نعم نحن قوم لا نتيح براحات للاخر ندافع عن رؤانا في الاشياء حتى الموت وناتي بعد فترة نتخلى عنها تماما تحت مسمى (الثورةتراجع ولا تتراجع) اغلبنا سيدي يقوم بانقلابات عسكرية علي نفسه بين الحين والاخر ويمارس الدكتاتورية في طرح حاجاتو......وما بقصة محمد طه محمد احمد وشيوخ الاسلام عبد الحي يوسف وجلال الدين المراد ببعيدة......سيدي نحن نصل حد القتل شنقا حتى الموت بسبب فكرة او نهج او طريقة تعبير ومامحاكمة الاستاذ الشهيد محمود محمد طهببعيدة عن الاذهان......انت نحنا لينا الله والشيخ عبدالله بس......
ولك الله
مع كمية وافرة من الحب(حلوة الحب دي مش كدة)

تعرف يا طيب الواحد مرات كتيرة براجع نفسه ..
وبيراجع تصرفاته وأفعاله ويبدأ في محامكتها ..
أصعب حاجة محاكمة النفس ..
والتفكير قبل إصدار قرار أو كتابة شئ بيتعلق بالآخرين ..
الواحد كل يوم بيفقد أرض جديدة أتيحت له للتصرف فيها ..
لكننا نسئ إستخدامها وبدل ما نسلك الطريق السهل نختار الطرق الملتوية ..
وما أسهلها هذه الطرق ..
نحتاج لقلمك هنا يا صديقي ..

لكن بيني وبينك حكاية الحب دي عايزة ليها قعده ..
خليك قريب ..

والله يا .. معتصم دفع الله كلامك جميل ومعسول

وانا بضم صوتي لي صوتك ايها الرائع

مبادرة جميلة

واجمل نقطة نظام



مم اكيد حبي وتقديري،،،

عادل فايت

معتصم دفع الله الرقيق
ممكن أن تذبل روضتك الغناء ولكن لاتدعها تمـــوت ولاتودعها بل تعهدها بالسقيا احيي مبادرتك بالتسامي فوق الخلافات والجراحات ( فالدنيا اخرها كوم تراب )
لك ودي

الحبيب محمد الحسن

كيفك يا صديق ..
وينكم ما ظاهرين ليكم وحشة والله أنت والحبيب محمد محمود ..
بالله عليك بلغه تحياتي ..

لأجل ذلك يكون سعينا أن لا تذبل هذه الروضة ..
عشان تكون غناء على الدوام ويصدح فيها كل مغرد وجميل ..
عشمي ذلك يا صديق ..
سنسقيها حبنا ورحيق مودتنا ..

لك محبتي ..

العزيز عادل فايت

شكراً على رقيق كلماتك ..
تعرف بعد الأيام الفايتة جيت قريت كل الحصل ..
وبي نفس هادئة بعد ما كان الجوء مشحون ومتوتر ..
لقيت فعلاً كانت الكتاحة قايمة لما كانت حا تأخدنا معاها ..
أها فكرت ليه نحن دائما ًعلى خلاف وصدام ..
لماذا كل ما خرجنا من معركة ندخل في التانية ..
لماذا لم يستقر السودان طول هذه الفترة منذ إستقلاله ؟..
لماذا تأخرنا كثيراً عن بقية الدول الحولنا ؟..
لماذا كل الأحلام الكنا بنحلم بيها أصبحت سراب ؟..
وطن ممزق ..
مواطن مشرد ..
أسئلة كثيرة دارت بخاطري ..
والإجابة للأسف لا توجد ..

أتمنى أن يكون كل توجساتي وخوفي حالة مؤقتة ..
وحلمنا المؤجل يتحقق ..
والوطن ينعم بكل الراحة والسلام ..

عميق ودي وتقديري ..

ان شاء الله يا معتصم






مع اكيد حبي وتقديري،،،

عادل فايت

الحمد لله

العزيز عبدالله عقيد

تحياتي ..
أسعدني إتصالك كثيراً يا رجل يا أمير ..
أتمنى أن يدوم حبل المودة بيننا ..

محبتي لك وتقديري ..

معتصم
يديك العافية ،،،
إنت سويت العليك ،،
بس أنا متأكد أنه لا حياة لمن تنادي ،،،

الخال ودقاسم

تحياتي ..
لا يغير الله ما بقوم حتى يغيروا ما بأنفسم ..
والحقيقة نحن نحتاج لكثير من التغيير ..
في طريقة حواراتنا وتفهمنا للأخر ووجهة نظره وفي طريقة طرحه لأفكاره ..
حتى نصل لمبتغانا ..
المنبر يحتاج للكثير حتى يعود أكثر بريقاً ورونقاً ..
وبمزيد من التكاتف سيعود بإذن الله ..

محبتي وتقديري ..

ستعود ستعود عزيزي معتصم،،

كلي أمل،،

بقليل من الهدؤ و التسامح الحقيقي،،
و قلة ال،،،،،،،،،،،،،
ستعود،،

ود قاسم يبقي أمل الجميل دوماً رائد،،

امبارح الخميس جيت هنا وبكيت لمن الله غفر

وختيت مداخلة ومشيت!!

الليلة الجمعة جيت ابكى تانى ..مالقيت مداخلة امبارح ..بكيت بحرقة..مداخلتى وينها يامعتصم؟!!


اسمع خت لينا لينك التحميييييييييل !!

مداخلتك دي يا نادية بتكون مسحتها دموعك ديل ..
نسوي ليكم شنو كان قلبكم رهيف ما بستحمل زي الحاجات دي ..
غايتو أنا ما مسؤل كان جاتك أي حاجة ..

أها دا لنك التحميييل ..
وأدعي لينا معاك ..



روضتي الغناء - للحفظ

العزيزة سوميتا

تحياتي ..
وألـ1000ـف حمداً لله على السلامة ..
نعم سيعود للمنبر رونقه ..
حين تعود كل الطيور الجميلة التي كانت تغرد هنا ..
معك أتفاءل بمنبر جميل يضمنا جميعاً ..
لو عدنا زي ما قلتي للهدوء والتسامح والحوار الهادف ..

محبتي لك ..

معتصم يا سيد الاسم

لماذا لا نعلن يوم الخميس (يــوم الحــــب)

يوم للاغنية والشعر والكلام الجميل

على الأقل يوم واحد للحب فى الاسبوع

كثيرة دى؟

تذكرول يوم الخميس يوم الحب فى هذا البورد ..

معتصم اللذيذ
يوم الخميس ده أصلو ما يوم الحب (عندنا) من زمان!!!!!!!!!!!
خاصةً وانو دوام (واحد)
ولووووووووووووووووووووووووووووووول

معتصم،، طبعاً كل زول بحتفل بخميسو بطريقتو الخاصة

زمان ايام المدارس كان بكون عندنا فرحة ما عادية ليوم الخميس

على العكس تماماً يوم السبت يوم الدبرسة والزهج ودفتر العيادة

والان كذلك مع الدوامات الطويلة الواحد ينتظرو بفارق الصبر

كان الاحتفال به بالنشيد (الليلة الخميس .. صفقة ورقيص)

والمثل بقول (خميسك خميسك .. ولو تبيع قميصك)

لووووووووووووووول

دي علينا نحن يا ولي ؟..
قول زوغان بدري من المدرسة ..
قال خميس قال ..

فعلاً يا ولي يوم الخميس دائماً ما يرتبط بأشياء حلوة ..
لأنه نهاية الأسبوع وفيه الناس بتحاول تستجم من تعب الأيام القبله ..
بس الفرح ما مربوط بي يوم واحد ..
فلنجعل كل أيامنا أفراحاً ..
بتواددنا وتراحمنا ..
وتفهمنا لبعضنا البعض ..

محبتي يا صديقي ..

يا عمران إنت لسه فاكر الأيام الحلوة ديك ؟..
ما أظنها بتتنسي مش كده ؟..
هسي هنا الأيام كلها بقت واحد ..
الواحد بحاول يلقى ليهو يوم يجد فيهو نفسه ..
مع أصدقائه وأحبابه ..
يجتر بعض ذكريات ..
ليتها تعود كما كانت جميلة ورائعة ..

كل خميس وأنت طيب ..

سيد الأسم سمي معتصم ..

كيفك يا حبيب ..
الشوق بحر والله ..
يوم الخميس كان العم تنقو يتحفنا بروائعه ..
وكنا ننتظر ذلك اليوم بفارق الصبر ..
لا أدرئ لماذ جف نبع هذا العم ..
أم أدمن الغياب وتركنا نجتر الذكريات الجميلة ؟..
أثني على إقتراحك ..
ولنجعل كل الأيام للحب ..
وليكن الخميس يوم خاص لذلك ..
لعل الصفاء والود يعود كما كان ..

تحياتي ومحبتي ..

سأظل أنتظر حضوركم فينا ..
لن ندع المسافات تفرقنا أكثر من ذلك ..
أين أنتم يا أصدقائي ؟..
هل ستدعون أسئلتي حيرى ؟..
أم أدمنتم الغياب عنا ..
سأظل أحسبها الثواني والساعات والأيام ..
إنها بدونكم عدم ..
سأناجي نجم الليل البعيد ..
عله يوصل شكوتي ونجواي ..
لن أسير وحدي باقي الطريق ..
سأنتظركم عند منتصف القلب ..
حين قررنا أن نكون معاً ..
إلى الأبد ..
أنا وإنتم والطريق ..

Quote: اليوم الخمـــــيس !!!!

واخر شهر كمان ... علي قول العريس نادر ..

Quote: يوم الخميس كان العم تنقو يتحفنا بروائعه .. وكنا ننتظر ذلك اليوم بفارق الصبر .. لا أدرئ لماذ جف نبع هذا العم .. أم أدمن الغياب وتركنا نجتر الذكريات الجميلة ؟..

الله يطراك بالخير يامو ...
لم يجف النبع بعد يا معتصم .. فنبع الالحان يتوقف فقط
عند توقف النيل عن الجريان وعند فقد اخر وتر عن لصوته ..

جاي يامو .. بس مرات الواحد بحتاج لي محطة توقف ..
وعاوز لي جيه لي الرياض اجدد شوية ..

حب بلا حدود ...

عمك .. تنقو
..

إذاً فأجعل وترك مشدوداً يا صديقي ..
بالنغم وحده نلطف أجوائنا من لفح الحياة ..
ويكون الحب والمحبة بين الناس ..

سننتظرك دوماً يا عمنا ..
فلن ولم تجف ينابيعك ..
طالما أنت بهذه الروعة والجمال ..

سنجمل كل محطاتنا بالحب والوفاء ..
وسننتظرك دوماً يا صديقي ..

محبتي بلا حدود ..