خور أبوعنجة وخور بكري ..

الخيران في الريف والبوادي .. هي المياه .. الخرير .. الخضرة الداكنة .. العصافير .. والجمال ..
ولكنها في بعض المدن والحواضر .. أماكن للنفاية والمخلفات .. وما لا حاجة للناس به ..
الخيران في البوادي .. هي عذرية الطبيعة .. وجمال الله ..
ولكنها في المدن .. تشويه الطبيعة .. وقبح البشر ..
وما بين خور .. و .. خور حكـاية ..
..
.
خور أبوعنجة أو المصرف الرئيسي لمدينة أم درمان ارتبط تاريخياً بأهل المنطقة وخصوصاً الساكنين على ضفتيه ولهم حكايات وروايات كثيرة عنه ولذلك تكمن أهميته لهم .
في الفترة الماضية كان هناك خلاف كبير حول تحويل الخور إلى بحيرة ومنتجع سياحي اعترض عليه أهالي المنطقة بشدة ليس رفضاً للتطوير ولكن للأضرار الناجمة عن تحويل هذا المجرى الحيوي الهام على حد قولهم ، وكنت قد تناقشت مع الأخ تمبس حول هذا الموضوع وذكر لي الكثير عن أهميته وارتباط أهالي المنطقة به وما قيل عنه من قبل الخبراء والمهندسين الذين ذكروا الأضرار التي ستترتب جراء تحويله .
وهنا القرار عند أصحاب النفوذ يا صديقي وقد بدأ فعلاً العمل في خور أبوعنجة وقد رأيت الآلات تعمل عليه ليلاً ونهارا وسيتحول بقدرة مستثمر إلى بحيرة ومنتجع ، ومن وجهة نظري كان يمكن تحويل هذه الأموال لإعادة تأهيل المستشفيات التي يموت فيها كل يوم العشرات ، وكذلك المرافق الصحية الأخرى ودعم المدارس وطلابها والمشاريع التنموية بدلاُ من الاستثمار على حساب المواطنين الغلابة والذين لا يستفيدون من مثل هذه المشاريع بل تفيد أصحابها من الطامعين والجشعين ..

سودانيز اون لاين منبر حواري راقي جذب إليه الكثير من الكتاب وأصبح في فترة وجيزة اسم عريق بين المنابر وله قراء في مختلف أنحاء العالم ، استفدنا منه كثيراً فكرياً وثقافياً وربطتنا الكثير من العلاقات الاجتماعية مع أعضائه وقرائه كذلك ، ولكن في الفترة الأخيرة أخذ منحى غير الذي عرفناه عنه وسلك خطاً غير الذي من أجله قام المنبر وابتعد عنه الكثيرون بسبب ما آل إليه حاله والخلافات التي تحولت إلى صراعات شخصية يتضرر منها الجميع .
وفي سابقة غريبة وبدلاً من محاسبة من يخرج عن خط المنبر العام فتح الأخ العزيز بكري طريقاً آخر لمثل هذه الصراعات أسماه الأعضاء بالخور أو "الكوشة" يكتب فيه الأعضاء ما شاء لهم وتودع فيه البوستات الغير مرغوب فيها من صفحات المنبر العام .
يفترض في العضو أن يكون بدرجة عالية من الوعي بحيث يجنبه الانزلاق في مثل هذه اللغة وعدم تحويل الخلاف الفكري إلى شخصي يضر به كثيراً ويخلق له عداوات هو في غنىً عنها تحرمه من الهدف الذي من أجله يكتب .
أتمنى من الأخ بكري ردم هذا الخور وقفله نهائياً وعدم فتح مثل هذه الثغرات وكذلك أتمنى من الغائبين العودة للمنبر والمساهمة في إزالة القبح .

ولكم الود من قبل ومن بعـــــد ..
والسـلام .

حاولت الربط بين خور أبوعنجة وسودانيز أون لاين ..
لوجه الشبه في المحاولة التجميلية بينهما ..
فهناك أكثر من مشروع يحتاج للإهتمام والمتابعة ..
وأعتقد وجود مصارف ومجاري أهم من تجميل الخور ..

وكذلك سودانيز أون لاين لا تحتاج لمنبر موازي يكتب فيه العضو ما يشاء له ..
ولا يحتاج لمحاولة تجميلية من الأخ بكري بل لتفعيل اللائحة وضبطه ..
مع علمنا التام صعوبة ذلك وهناك العديد من المحاولات ..
ولكن مع مساعدة الأعضاء الحادبين على المنبر سيتم ذلك ..
وكنت قد تحدثت مع الكثيرون حول هذا الموضوع فأكدوا لي رفضهم لمنتدى الأعضاء ..
والذي يأجج للصراع أكثر منه للحوار ..

معتصم ......
صباحك رايق ..
تمت عدة مناشدات للاخ بكري من قبل بهذا الخصوص
دون أي فائدة أو خطوة عملية .. مما أدي لأستمراء
بعض الاعضاء في التمادي وبصورة أقبح من السابق
حيث أصبحت الشتائم بالفحش الصريح دون أدنى خجل
وتفشي ظاهرة الاقصاء وإغتيال الشخصية ديدن للكثير
من الاعضاء ....
نحتاج الى عقد إجتماعي جديد لهذا الوطن الصغير يتعايش
فيه الجميع أخوة بغض النظر عن العرقيات والانتماءآت
إذ لا يعقل أن نحلم بوطن ديمقراطي معافى يسمى السودان
ونحن نضيق ببعضنا في هذه المساحة الصغيرة الحجم والكبيرة
المعنى ..

سلام ..مطايبة

أحمد عبدالله

صباحك ود ..
مطايبة شدييييدة ..

Quote: نحتاج الى عقد إجتماعي جديد لهذا الوطن الصغير يتعايش فيه الجميع أخوة بغض النظر عن العرقيات والانتماءآت إذ لا يعقل أن نحلم بوطن ديمقراطي معافى يسمى السودان ونحن نضيق ببعضنا في هذه المساحة الصغيرة الحجم والكبيرة المعنى ..

مثلك أتألم لما يحدث في المنبر ..
ويجب أن لا تتوقف مناشدتنا ومطالبتنا للأخ بكري في هذا الخصوص ..
كلامك جميل وأسعدني كثيراً ..

دم بخير يا صديقي ..

الاخ الكريم معتصم دفع الله

عجزت طول الفترة الفاتت كلما لي الظروف بدخول البورد ان افهم معنى كلمة الخور..!!!
قلت ياربي ده مصطلح جديد من ضمن ثقافة المصطلحات والتعابير التي يجود بها هذا المنبر وعلمت الناس النفاق والتطبيل وفي اقوال اخرى (العوارة والرشاقة) بدون داع
لكن حقيقي كل اللي بقيت بحس بيهو اني فعلا داخلة خور ، احساس معنوي كدا
للاسف اصبح البورد يحمل من الثقافة الطاردة اكر من كونه موقع الكتروني يوجب ان نتعامل معه من هذا المنطلق دون تحميله اكثر مما يجب وتحويله لساحات فداء يصور فيها الشهيد بكاميرات قبل موته

ولك تحياتي

الأخت الكريمة مايا ..
تحياتي ..

أقدر لك خوفك وإشفاقك على المنبر ..
وزي ما تفضلتي وقلتي المنبر فعلاً أصبح ثقافة طاردة ..
المنبر مر بحالات كثيرة كادت أن تعصف به ..
ولكنها عدت بفعل وقفة الحادبين عليه ..
نعم من أجل تفاعلنا مع قضايانا وحرية الرأي والتعبير ..
لكن بعيداً عن شخصنة الأمور والوصول بالحوار إلى مستوى لا نحبذه ..

شكراً لمداخلتك ..

سلامات معتصم وأحمد عبد الله ..

والله بيني وبينك الخور بتاع بكري دا اول ما ظهر كان موضة حلوة وحل لي أشكاليات كتيرة لكن هسي بقى مكان غير مرغوب فيه ولا يجدي فتيلا لاي غرض ..

صنفرة :

معا لردم خور بكري !!

Quote: معا لردم خور بكري !!

ناذر ..
ليك وحشة ...
أنت يا صديقي آخر من يتحدث عن الخور ...
حيث كنت تشغل منصب وزير البلدية الذي
أتى بفكرة الخور ... وأقمت أحتفالية معتبرة
بمناسبة تتويج أول سيدة تتربع على عرشه ...
وجزاء الله اللي كان السبب ....

Quote: أنت يا صديقي آخر من يتحدث عن الخور ... حيث كنت تشغل منصب وزير البلدية الذي أتى بفكرة الخور ...

يا أبوحميد يعني الزول دا المدبر الأول ؟

وأنا أسمع في الهتافات ..
الدكتور شالو الخور ..
وما جايب خبر ..

بالله عليك يا نادر بدل " الكوريك " ..
جيب معاك " العود " عشان نعزف " أيام صفانا "..
وما تنسى تكلم معاك الفنان الرائع حسن محمود ..

Quote: والله بيني وبينك الخور بتاع بكري دا اول ما ظهر كان موضة حلوة وحل لي أشكاليات كتيرة لكن هسي بقى مكان غير مرغوب فيه ولا يجدي فتيلا لاي غرض ..

وأخيراً لا يصح إلا الصحيح ..
الرجوع إلى الحق فضيلة ..
نحن ما عايزين نغير إتجاه المنبر حسب ما نحب ونرضى ..
بالعكس نحن مع الحوار الهادف وإختلاف الرأي حتى نصل للحقيقة التي نبحث عنها جميعاً ..
نحن مع قضايا الوطن والمواطن ..
ننفعل معها ونتفاعل ..
من غير تحويلها إلى مشاكل شخصية نتضرر منها كثيراً ..

صنفرة ..
عايزين لينا صنفرة بتاعت منابر ..

أحمد عبد الله الرايق اللذيذ

أنت يا صديقي آخر من يتحدث عن الخور ...
حيث كنت تشغل منصب وزير البلدية الذي
أتى بفكرة الخور ... وأقمت أحتفالية معتبرة
بمناسبة تتويج أول سيدة تتربع على عرشه ...
وجزاء الله اللي كان السبب ....

والله أنا ماكنت فاكر الشغلة حا تجر كدة .. كنت فرحان بالخور فرح ما عادي وأول ما الخور ظهر نزلت لي بوست طويل وعريض وانا السميتو الخور (حق ملكية فكرية وكدة ) لكن هسي الشغلة بقت تجيب زي ما قال معتصم أساءات وبذاءات ورغم انها محصورة في أعضاء المنبر لكن برضو المسألة حساسة شوية واخير البوست ينسحب مرة واحدة من يدخل الخور !!

صنفرة :

سيدة نساء الخور توجها دكين وأنا كنت مدير المراسم فقط

الاخ معتصم .. مزيد من الشموع ستبدد الظلام .. مزيد من الكلام الدقري سيبدد الكلام الملولو ويجعله يعود إلى أوكاره خاسئاً وهو حسير .. أي تفاعل مع الحريق الذي شب في المنبر سيزيد ضرره إشتعالاً .. فآمل أن يتواصل مسير الحوار حول قضايانا وننصرف عن الكلام المقدد فيبور سوقه ..

الحبيب محمد عبدالجليل
تحياتي ..
وشكراً على الأمسية الراقية ..
والحوار الهادف الشيق الجميل ..
أتمنى أن نسير فيما خططنا إليه ..

تفاعلنا مع قضايانا وهمومنا وقيادة حوار هادف ..
سيقودنا إلى ما نصبو إليه ..
بعيداً من المزايدات والمهاترات التي لا تخدم ..

دم بخير ..

الاخ معتصم سلامى
اثمن عاليا هذا المقترح الوضاء منك وانت تنشد الجمال وتنبذ القبح فى القول والعمل ، نرجو ان يكون الاخ بكرى دائما مع بناء امة ناهضة بقيمها وموروثها، لا معنى لتبديد الطاقات واضاعة الوقت والجهد فى ما لا طائل من ورائه . الى الامام بتوفيق الله ودعم المخلصين لجعل هذا المسار يتحقق
آدم

الاخ معتصم سلامى
اثمن عاليا هذا المقترح الوضاء منك وانت تنشد الجمال وتنبذ القبح فى القول والعمل ، نرجو ان يكون الاخ بكرى دائما مع بناء امة ناهضة بقيمها وموروثها، لا معنى لتبديد الطاقات واضاعة الوقت والجهد فى ما لا طائل من ورائه . الى الامام بتوفيق الله ودعم المخلصين لجعل هذا المسار يتحقق
آدم

الأخ آدم خاطر
تحياتي ..
أعجبتني جداً مداخلتك ..
وحرصك على المنبر والسعي لتطويره وعودته كما كان ..
معاً لنبذ كل قبيح ومسئ إلينا ..

هذه الصورة أخذتها قبل قليل للمنبر ومشاركة الأعضاء ( 0 ) ..
فمن حقنا أن نخاف ونحرص عليه ..

معتصم الحبيب
سلامات ومشتاقين

اضاءة:
سمعتو بى (فنانة) جديدة اسمها ندى الخور

صديقي الجميل بشرى سليمان ..

مشتاقين كتير ..

Quote: اضاءة: سمعتو بى (فنانة) جديدة اسمها ندى الخور

ودي يلقو ليها شريط وين ؟
النبي فيك كان ما رسلتو لينا ..

معتصم يازول يارائع سلامات



اول شئ قبل الخور وما الخور كدى ورينى انت مختفى وين ووينها الصور بتاعة الام المثالية ياخ اولادها دايرنها ؟!!

ندوية الغالية مشتاقين ..

موجود وحاتك من جيت من الإجازة ..
على الشغل طوالي ولي قسم تاني كمان عشان كده مشغول على الآخر ..
الصور لسه موجودة في الكاميرا كم يوم كده وتكون معاك ..

محبتي ..

معتصم دفع الله ..

تعرف الخور دا فكرة عجيبة
رخت الحبل للناس
بدل ما الواحد كان بيراعي للناس البتقرا
وأحياناً
بيكون خايف الرفد
هسي بقى أي زول يقول الفي نفسو والما في نفسو
وعارف أنو الكلام دا ماشي الخور
والدليل عبارات زي :
نتم باقي الشكلة في الخور
أو
احسن أقول كلامي دا قبال ما البوست يمشي الخور

يتخيل لي شوية مسئولية واحترام للنفس والناس
بيبوّر سوق الخور دا ويمنع البوستات من الترحيل ..

الأخ العزيز الفاضل / معتصم دفع الله
يله جيبوا مونه ... جيبو مصطرينا ..
عشان نردم الخور ...
ونزرع مكانه حديقة جميلة تسع الجميع ... فيها مسرح .. ومسجد ..ونادي..
وأنا ســـوداني .. أنا أنا .. أنا ســـوداني أنـــــــا ...
أخوك/ خالد سعيد الأرباب

الجميل خالد سعيد

سعدت جداً بلقائك ..
وبالسهرة الممتعة التي جمعتنا في منزل الصديق طارق ..
والحوار الشيق عن المنبر وأهميته بالنسبة لنا كأعضاء ..
والكثير من قضايا الوطن ..

وأكيد الأخ بكري سيستجيب لصوتنا بردم الخور ..

تيسير عووضة

تحياتي ..

منبر الأعضاء أو "الخور" كما أسماه البعض ..
فكرة لم يحالفها التوفيق ..
فتحت الطريق لسلوك لم نعهده من قبل في المنبر ..
أتمنى وأرجو من الأخ بكرة إعادة النظر فيه ..
وزي ما قلتي شوية مسؤلية وإحترام للنفس والناس ..
لن يكون هناك خور ولا بوستات تحذف ..

شكري وتقديري ..

معتصم اللذيذ !!

Quote: وما تنسى تكلم معاك الفنان الرائع حسن محمود ..

حسن محمود جافاني جفاء النوم وفارقني فراق الطريفي لي جملو !!

ما عارف السبب منو ولا شنو !!

صنفرة :

وصيتي شايفك ما قصرت فيها

العزيز / ابوالدفاع

لك الود يارائع وحقيقة من كترت الخيران في المنبر جأني أنكل الله يجازي الكان سبب
والمنبر بقي طارد ذي باعوضتنا وما اذكر متين اخر مرة خشيت وبرضو حليل ايام زمان


تخــريمة :.
عزيزنا ياخي حسي اتقرش وانا بكورك ليك في السوق العربي بس ليك العذر لانو ما كنت براك

مع ودي لك
كرماوي
اصلي لمن ادور اجيك بجيك لا بتعجزني المسافة لا الظروف تمسك بايدي

الجميل كرماوي ..
ياخي مشتاقين بالكوم ..

بس إنت تعال المنبر بتصلح بوجود الرائعين مثلك ..

Quote: عزيزنا ياخي حسي اتقرش وانا بكورك ليك في السوق العربي بس ليك العذر لانو ما كنت براك

لا حولاااااااا ..
ياخي بالغت عديل كده ..
ضيعت علينا فرصة شوفتك في أرض الوطن يا حبيب ..


دم بخير يا صديقي ..

اصلي لمن ادور اجيك بجيك لا بتعجزني المسافة لا الظروف تمسك بايدي

يا ناذر إنت فك درب الخور دا ..
بكره الزول دا بجيك راجع ..

Quote: وصيتي شايفك ما قصرت فيها

قالوا الوصية في الذمة ..

الرائع الشفيف معتصم
لك الود والتحايا النواضر
معا من اجل كل جميل
ومعا لنبذ كل قبيح
ولردم كل الخيران التي بها مستنقعات ومياه راكدة
تجذب الافات والامراض علي مجتمعنا الجميل
ولي بكري سلام

Quote

Quote: : معا لردم خور بكري !!

اخوي احمدالريح ..

انا معكم في ردم خور بكري الى الابد . والله كل ما اقرأ كلمة خور اتذكر الخيران ..


... خور عمر

.. خور المكابراب


.. خور ابو عنجة يا ربي دي ردموها ولا لس ......


معتصم لك الشكر ....


ود الباوقة

Quote: اخوي احمدالريح ..

الريس ودالباوقة ..
أظنك قاصد أحمد عبدالله ؟


خيرانك دي ماشين عليها ..
أكيد مردومة مردومة ..


أرقد عافية ..

الزول الجميل طارق ..

أولاً نشكرك على الجلسة الرائعة في داركم العامرة ..
على أنغام الحبوب الرشيد البراري ..
والحوار الشيق الذي دار فيها ..
نتمنى أن تتكرر كمان وكمان ..

أكيد سوف لن يكون هناك خور ..
طالما هناك كتابات رائعة وناس رائعون مثلك ..

أرقد عافية ..

عزيز ود دفع الله ياجميل انت

ماقلتو لينا الطريقة الحتدفن بيها الحفر دي عشان الواحد يجيب طوريتو والكوريك بتاعو ونبقي جادين نشيل العفن من المنبر حتي ترجع المياه الى مجاريها جارية وعذبه ..

( طوريتك في الطين مرمية وكوريتك يابسة ومجدوعة ))

تخريمـــة :.

حبيبنا يعني زغت مني وما قلت الكان معاك منو بس بيني وبينك عسل وبنقط ...

مع فائق ودي واحترامي لك يازول مليان غنا

كرماوي
اصلي لمن ادور اجيك بجيك لا بتعجزني المسافة لا الظروف تمسك بايدي

يا كرماوي ..
غايتو كان قاعد لسه في الخرطوم ..
شيل طوريتك وكوريكك وعلى الشوارع والمطبات عدل ..
دا إنت ح تتعب جنس تعب ..

والله لا زوغة ولا حاجة ..
وأنا كنت لاقي ياخ ..
زعلتني هسي عشان ما لاقيتك ..
خلاس لمن تجي هنا ح نتلاقي كتير إن شاء الله ..
الكانت معاي ..
كانت معاي ..
كده ح تخلي رأسي يودي ويجيب ..
وأرجع بالزمن مره ..
وأتذكر حكايتي معاك ..

تسلم يا صديقي ..

حملة جماعية لردم خور بكري

يا أبوحميد ..

الناس دي متبرعين ..
ولا بياخدوا قروووووووش ؟؟
أصلو الخور دا حده غريييييييق ..

يا ريس ..
قبل الأرشفة دي ..
ما تشوف لينا الخور دا ح يمشي على أي اتجاه ؟
عشان نبدأ صفحة جديدة في النصف الثاني من هذا العام ..
وكلنا أحبة مهما اختلفت أفكارنا وتوجهاتنا ..
بعيداً عن المهاترات وشخصنة الأمور ..


نأمل ذلك ..