Post: #1
Title: للذين يدعون بانهم منتظرين للاثبات على ما فعله تبيدي بالمعتقلين ومدى مصداقية الاتهام!!
Author: Tragie Mustafa
Date: 08-30-2010, 06:40 PM
Parent: #0
فهاهي اكثر من شهادة رجلين عدلين لا يتفقان على الكذب ؟؟؟
استغرب بالذات من الناس العاملين معارضه
وكل زول كتب له عبارة لو ثبت الاتهام!!
يعني ايه لو ثبت الاتهام؟؟؟
في راجلين طوال عراض وعدول من وجهة نظري
يعني لا حراميه ولا نطاطين حيط ولا عرفوا بالكذب ولا الصعلكه!!
وانما رجلين محترمين مهتمين بقضايا الوطن.
مشاركاتهم واسهامتهم بهذا المنبر تدل على معدنهم
شنو البخليهم يبهتوا هذا التبيدي بالذات؟؟؟
وهم يعرفون ان من ينتمون لجهاز الآمن فوق ال 200 الف نفر باقل تقدير ؟؟!!
لماذا تبيدي تحديدا!!
ولماذا تقدم محمد احمد شبشه
وعاصم تكه
دون بقية عضوية الحزب الشيوعي بهذا المنبر لتسجيل هذه الشهاده؟؟؟
ولماذا وهم جميعا من ولاية نهر النيل ؟؟!!
وفي تلك الحقبه الزمينه هذا التبيدي مسؤل من تلك البقاع السودانيه؟؟!!
لماذا لم يشهد ضده شيوعي
سنار
ولا نيالا
ولا بورتسودان
لانه فعلا تمت منه هذه الواقعه... وبتلك افتره الزمنيه وبتلك الباقع السودانيه
ويتخيل لي لو جاءتنا مثلا عضوة المنبر X وقالت فلان عضو المنبر
تحرش بي لما قلنا لها اين الاثبات؟؟
وكذلك لو جاءتناZ عضوة المنبر..!!
فايه البخلي X و Z مثلا ما ممكن يكذبوا وشبشه وكته
ممكن يكذبوا؟؟!!
وهل اسهل على النساء ان يكتبن عن التحرش جنسيا بهن وهذه قد تكون فطره سويه من الرجال
ام سهل على الرجال ان يكتبوا عن تحرش الرجال بهم وهذه فطره غير السويه واكثر صعوبه
على الرجل في الكتابه عنها؟؟؟
يبيقى يا ناس المعارضه تحديدا اختشوا من مثل هذا السؤال الغبي
واتركوا مثل هذا اللغو للطنبارين ناس معتز القريش للمؤتمر الوطني:
ولازال معتز القريش يواصل التدليس
| Quote: كذب كذب حتى تأتونا بالاثبات |
خاصه انه ا ل ح ق ي ر تبيدي صار دبلوماسي بمقر القريش الدوحه
ويا بخت معتز بالتزلف لامثاله من منافقي السفاره
خاصه انه اخوهو صار وزيرا بهذه الحكومه اي مورطين انقاذيا للآخر.
البقية مشكلتهم شنو؟؟؟
عاملين حقانين.؟؟؟يعني؟؟!!
للشرفاء لو مريتوا من هنا بالله نزولوا لينا
شهادة 1)محمد احمد شبشه
وشهادة 2)عاصم كته
|
Post: #2
Title: Re: للذين يدعون بانهم منتظرين للاثبات على ما فعله تبيدي بالمعتقلين ومدى مصداقية الاتهام!!
Author: Tragie Mustafa
Date: 08-31-2010, 05:23 AM
Parent: #1
وصمت المطالبين بالاثبات.
|
Post: #3
Title: Re: للذين يدعون بانهم منتظرين للاثبات على ما فعله تبيدي بالمعتقلين ومدى مصداقية الاتهام!!
Author: tmbis
Date: 08-31-2010, 10:08 AM
Parent: #2
Quote: ويتخيل لي لو جاءتنا مثلا عضوة المنبر X وقالت فلان عضو المنبر
تحرش بي لما قلنا لها اين الاثبات؟؟
وكذلك لو جاءتناZ عضوة المنبر..!!
فايه البخلي X و Z مثلا ما ممكن يكذبوا وشبشه وكته
ممكن يكذبوا؟؟!! |
.. يعني خلاص إنت حسع بقيتي سياسية محنكة وفي نفس الوقت .. ناقده في سلوكيات سودانيزاونلاين بالنسبة للعضوية ..؟
طيب ما إنت قبل كدا جيتي وقلت ناس اكس وواي وزد .. الفي السودان ديل تلاتة ارباعن اي كلام ..
دخلتي حتى المطبلاتيه حقنك في حته ضيقه .. ومصره لحدت الآن تعملي فيها ليك علاقة بي شئون السودان وحال السودانيين والحاجة المضحكة .. إنك تكوركي من المكان الانت قاعده فوقو دا .. كما يكورك الذين من خلفك .. تكوركين في عدة مواقع ليها علاقة بالاستهلاك الزماني والاسفيري .. ودي حاجة كويسة حسب فقه الضرورة ..
بينما إنو
ما عندك اي مقدرة لا إنت ولا أي واحد من المطبلاتيه الذين يتبعونك .. إنكم الواحد فيكم يدق سدرو وينزل يقول الكلام دا في ميدان جاكسون
أو حتى يقول غاااااغ ,,
والحاجة المضحكة تلقى الواحد فيكم عندو مية اسم في موقع واحد يضحك بي دا ويشتم بي دا .. ويسب السودان بي دا ..
والغريب الشي العرفناهو إنو قالو ي واحدين بحبو الدراهم .. يعني كل شتمة بي درهماية ..
كونو في انتظار المستندات الرسمية لهذا الحفل الخيري الخاص بي شيكات الشتيمة الاسفيرية ..
أو
المعارضة ضد الحكومة ..
عــاش تبيدي .. وقشة ما تعتر ليك يا تبيدي .
|
Post: #4
Title: Re: للذين يدعون بانهم منتظرين للاثبات على ما فعله تبيدي بالمعتقلين ومدى مصداقية الاتهام!!
Author: Tragie Mustafa
Date: 08-31-2010, 04:13 PM
| Quote: عــاش تبيدي .. وقشة ما تعتر ليك يا تبيدي . |
الطيور على اشكالها تقع!!
مبورك عليك البطل ابو تكه,ياهو شبه من تهتف لهم.
|
Post: #5
Title: Re: للذين يدعون بانهم منتظرين للاثبات على ما فعله تبيدي بالمعتقلين ومدى مصداقية الاتهام!!
Author: tmbis
Date: 09-01-2010, 10:51 AM
Parent: #4
Quote: الطيور على اشكالها تقع!!
مبورك عليك البطل ابو تكه,ياهو شبه من تهتف لهم. |
تقع ووين ..؟
إنت لسة شفتي ليك وقعان .. يا أم اسمين ..؟
والله انا لما اللقى لي مناضل يا مناضلة الواحد فوقم عندو اسمين بيكتب بيهم .. بطني بتطم بشكل
بتخليني اهتف للثورة طوووالي ..
يعني حسع دي متخيلة في يوما .. مــا تكتبي زي الخرمجة بتاعتك بتاعت ربع بنات السودان ديل .. وأجي اهتف ليك عاشت تراجي الجسورة ..؟
والله اللحظة البهتف ليك زي الوهم بتاعنك ديل .. أنا اصابعيني البختهم في الكيبورد ديل اقطعن.
بالمناسبة ان شاكي إنو يكون عندك اسمين هنا برضو .. اليومين ديل قاعد ابحت
اديها صنة بجيب خبرك .. زي ما جبت خبر واحد اخونـا كدا شايفو وقف نشاطو اليومين ديل ..
سؤال الحلقــة:
أخير ابتكه .. واللا المناضلين بتاعين الاسمين تلاتة اسماء في موقع واحد ..؟
هناك جوائز قيمة .. اقلاهــا وسام نضال اسفيري + كيبورد من الشوكلاته تكتب بيهو وتقرمشو ..
|
Post: #6
Title: Re: للذين يدعون بانهم منتظرين للاثبات على ما فعله تبيدي بالمعتقلين ومدى مصداقية الاتهام!!
Author: أحمد ابن عوف
Date: 09-01-2010, 11:26 AM
Parent: #5
تراجي ازيك
تحياتي
ياخي احنا كذابين ومافي زول عذبوه في السودان كلو كلو،
طيب ايه البخلي رئيس الجمهورية
يخاطب البرلمان السودان ويوعد الشعب قدام البرلمانيين انو تاني ما حيكون في بيوت اشباح؟؟؟
|
Post: #7
Title: Re: للذين يدعون بانهم منتظرين للاثبات على ما فعله تبيدي بالمعتقلين ومدى مصداقية الاتهام!!
Author: tmbis
Date: 09-01-2010, 12:11 PM
Parent: #6
يعجبني مناضلي الكيبورد .. في السايبر .. بنفس القدر الذي يعجبني فيه تبيدي الذي أوقفكم على كيبورد واحد ومارستم فيه النضال السايبيري ..بقيادة تراجي مصطفى أم أسمين وبعض علماء النضال ..
|
Post: #8
Title: Re: للذين يدعون بانهم منتظرين للاثبات على ما فعله تبيدي بالمعتقلين ومدى مصداقية الاتهام!!
Author: Deng
Date: 09-01-2010, 04:37 PM
Parent: #7
تراجي.
لا تتوقعي من الكيزان وأذنابهم بأن يقرون بعمائل المجرم تبيدي.
سلوك تبيدي بالنسبة لهم عادي جدا.
|
Post: #9
Title: Re: للذين يدعون بانهم منتظرين للاثبات على ما فعله تبيدي بالمعتقلين ومدى مصداقية الاتهام!!
Author: Tragie Mustafa
Date: 09-01-2010, 04:47 PM
Parent: #8
الفاضل دينق
تحياتي
Quote:
تراجي.
لا تتوقعي من الكيزان وأذنابهم بأن يقرون بعمائل المجرم تبيدي.
سلوك تبيدي بالنسبة لهم عادي جدا. |
يا حبيب....نحن الكيزان عارفنهم اهل الانكار الا تساؤلي كان لناس المعارضه؟؟
|
|