ضلوع المخابرات المصريه بثقلها في التوفيق بين البشير وعلي عثمان...

ضلوع المخابرات المصريه بثقلها في التوفيق بين البشير وعلي عثمان...


14-05-2007, 01:06 PM


  » http://sudaneseonline.com/cgi-bin/sdb/2bb.cgi?seq=msg&board=193&msg=1190195168&rn=0


Post: #1
Title: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 01:06 PM

ما الذي حدث في القاهره مؤخرا؟؟؟؟

وكيف اقنعت المخابرات المصريه عمر حسن احمد البشير بضرورة اعطاء صلاحيات اكبر لعلي عثمان

و القبول بكل ميوله السلطويه وتطلعاته الكبيره؟؟؟؟

ولماذا تفعل مصر كل هذا ؟؟؟؟وماهي مصلحتها؟؟؟

Post: #2
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 01:21 PM
Parent: #1

تقول العصفوره....

ان المخابرات المصريه عرضت على البشير شريط فيديو

يوضح لقاء بين علي عثمان وممثلين للمؤتمر الشعبي

وان على عثمان قد تحرك بالفعل لضرب جناح البشير

وفكر بمصالحة الترابيين لليتغدى هو بالبشير قبل ان يتعشى البشير به.

وقد انهار البشير تماما امام تلك المعلومات و الحقائق

وعرف خطورة صحبه....واكد له المصرين ذلك ايضا....

وان وصيتهم له ان يحتويه...لانه فعلا قادر على الاستغناء تماما عن البشير

وان يقلب له ظهر المجن كما فعل باستاذه الترابي من قبل...

وانهار البشير وقال لهم انا في عرضكم بس اقدروا لي على الثعلب ده.....

قالوا له الثعلب مقدور عليه بس انت اسمع كلامنا وكله حيبقى اليسطه يا ريس...

ترى ماهي طلباتهم منه؟؟؟؟






وبدأ فعلا اولها كما قرأنا...فتح قنصليه للمصر بدارفور

..وهي بالعربي كده مكتب للمخابرات المصريه...

وبصوره اوضح هي تورط المخابرات المصريه بثقلها في حرب دارفور

و البقيه يتم تحت غطاء الامم المتحده باسم القوات المصريه

وهدفها اخفاء اي ادله يمكن ان تقود الرؤس الكبيره للاهاي...

وبما ان المصرين يتحدثون العربيه فاماكانيه...اقتحامهم

ومخالطتهم لاهل دارفور تظل هي الاكبر من بقية القوات....

مع توفر الدافع ...وهو واضح الاهداف التوسعيه لمصر في بلادنا

وحرصهم ان يظل هذا الحوش الخلفي لمصر...السودان.... هاديء ومسيطر على قياداته تماما

Post: #3
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 01:26 PM
Parent: #2

كذلك تقول العصفوره

ان مصر ظلت تروج للامريكان

ان اسوأ شخصا يمكن التعامل معه هو الصادق المهدي....

وانه غير قوي وغير قادر على ضبط الاوضاع....

وفعلا عومل الصادق مؤخرا بعنجهيه امريكيه ولم يستمع اليه بما يكفي

وكل السبب مصر وكراهيتها التاريخيه للديمقراطيه...وهي الخيار التاريخي

للسيد الصادق المهدي.....ومهما اختلفنا معه ومدى تطبيقه الشخصي لها

لكنها ظلت تمثل تراثا واضح لكل اطروحات حزبه....

وقد دافعت بريطانيا ولازلت تفعل بشأن السيد الصادق المهدي

ولكن الخبث المصري لازال هو الانجح ....

Post: #4
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 01:33 PM
Parent: #3

تقول العصفوره....

بعض المعومات الغير سياسه ايضا وقد لاتهم البعض

لكنها قد توضح الاحوال النفسيه لرئيسنا المهجوم....

ان المصرين عرضوا عليه موضع حل لمشكلة العقم...

وهو هنالك بغرض اكمال عملية تخصيب عن طريق الانابيب...

وكبعا السيده الاولى وداد كل همها الانجاب منه حتى تستبعد

اخوانه من الميراث المتضخم جدا حسب معرفتها...

ما فات على السيده وداد حسابه

ان هذا الطفل قد يآتي بنت وتكون شرعا

غير حاجبه لميراث....

وبالتالي تنطبق عليها الآيه

ويمكرون ويمكر الله و الله خير الماكرين

ونقول فعلا الناس في شنو والحسانيه في شنو؟؟

Post: #5
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 01:38 PM
Parent: #4

دعواتنا للرئيس المسكين الواقع بين فكي الرحى

ان يهديه الله ,وحقيقة اشفق عليه من كل هذه الضغوط

واقف بشده مع المسكينه زوجته الاولى فاطمه خالد التي لم يبحث لها عن طفل ابنابيب؟؟

واقول له كان الله في عونك وانت السجن يهددك بالذاهب للاهاي

ويكون نصيبك في الدنيا زوجة آفه مثل هذه كل همها ميراثك واستبعاد اهلك منه...

لكن نقول شنو التسوي بايدك يغلب اجاويدك....

وللمسكينه فاطمه خالد نقول:

لاعزاء للسيدات

قلوبنا معك

Post: #6
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Yassir Tayfour
Date: 14-05-2007, 01:49 PM
Parent: #5



______
تراجي، يا عصفورة.. قال عصفورة قال
الله يسألني يا تراجي إنت ماك نصيحة..
يا زولة هاملتون دي مافيها فكي يمحطك في نص راسك ده يطلع هلاويسك دي..
يا زولة أنابيب شنو وداد شنو وفاطمة بتاعت الساعة كم..
إنت رايح ليك الدرب في الموية!

Post: #7
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 01:53 PM
Parent: #6

فكي مامحط مولاناك الركبوه التونسيه

جاي تفتصح معاي

Quote: تراجي، يا عصفورة.. قال عصفورة قال
الله يسألني يا تراجي إنت ماك نصيحة..
يا زولة هاملتون دي مافيها فكي يمحطك في نص راسك ده يطلع هلاويسك دي..
يا زولة أنابيب شنو وداد شنو وفاطمة بتاعت الساعة كم..
إنت رايح ليك الدرب في الموية!

Post: #8
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 01:57 PM
Parent: #7

وآخر اخبار عصفورتنا...

انه المصرين بدأوا في تحجيم السيد محمد عثمان الميرغني

لانهم وجدوا ضالتهم في حزب المؤتمر الوطني...بقياداته الشابه

والاكثر حنكه سياسيا...واكثر مقدره على الانبطاح من امثال علي عثمان....

Post: #9
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 03:09 PM
Parent: #8

حسى يجي كودي ويسلتم البوست ده

وبالله يا سيادتو مخابرات مصر ادوه شريط زياده ترقيه....

لانه متفاني اليومين ديل في الدفاع عنكم....

Post: #10
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: أبو الحسين
Date: 14-05-2007, 03:53 PM
Parent: #1

Quote: فكي مامحط مولاناك الركبوه التونسيه

جاي تفتصح معاي


الأُستاذة/ تراجي...

هسع الدخَّل مولانا (اللهم أرضى عنه) هنا شنو؟؟؟

الشقيق ياسر طيفور تكلم معاكي إنتي... وقال ليك مفروض تشوفي درب سعيد ود ماهل تمشي عليهو... مولانا ما قال ليك الكلام دا...

وبالمناسبة الليلي مشيت تاوقت في بورد سودانك الجديد بي هناك... لقيتو كلو العصفورة قالت والعصفورة فعلت وتركت... يا ربي الحاصل شنو؟؟؟

مودتي...

وقولي يا أبو هاشم...


أبو الحســـــــين...

Post: #11
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Yassir Tayfour
Date: 14-05-2007, 03:58 PM
Parent: #10


أبو الحسين
كيفنك يا شقيق
أها شفت بركات أبو هاشم، سلط عليها الفكي كودي..
شغال فيها محط لمان حته تفتا
_____
غايتو يا تراجي الحن ده كان ما طلعو ليك كودي، ناني إلا نشوف ليك أنصار السنة

Post: #12
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: عبد الواحد أبراهيم
Date: 14-05-2007, 04:36 PM
Parent: #11

Quote: وكيف اقنعت المخابرات المصريه عمر حسن احمد البشير بضرورة اعطاء صلاحيات اكبر لعلي عثمان

و القبول بكل ميوله السلطويه وتطلعاته الكبيره؟؟؟؟

ولماذا تفعل مصر كل هذا ؟؟؟؟وماهي مصلحتها؟؟؟


تراجى تحياتى
للاجابة على الاسئلة اعلاه :


يتفق الكثيرون على ان على عثمان سعى فى الفترات السابقة

لازالة مخاوف المصريين وشككوهم حول نواياه وفى ذلك قدم على

عثمان الكثير من التنازلات من اجل ارضاء المصريين , اولها

التنازل عن حلايب , التنازل عن منطقة ارقين السودانية

الالتزام بتمرير ما سمى باتفاقية الحريات الاربع الى اخر

التنازل المذل عن ديون مصر للسودان عن مياه النيل منذ

اتفاقية العام 1929 اذ ان للسودان مستحقات بمليارات

الامتار المكعبة من المياه .

وواضح لك ذى بصصيرة ان خطوط نائب الرئيس مفتوحة مع المصريين

من خلال التسويات التى تمت نتيجة لمحاولة اغتيال مبارك فى العام

1995 وما تلاها من تشنجات متبادلة بين الطرفين والرئيس كان

غائبااو مغيبا من كل ذلك .

الجانب الاخر ان الرئيس البشير اكد على رفضه للترشيح للانتخابات

المقبلة وحسابات المصريين ان الرجل لا تتوفر فيه براغماتية

على عثمان لذلك كان خيار هم ما بين على عثمان واخرين ينتمون


للمؤسسة العسكرية فتم ترجيح كفة على عثمان .

يضاف الى ذلك اقامة مشاريع السدود ( سد مروى - سد كجبار- خزان دال

سد ستييت على نهر عطبرة ... الخ

واظن ان مصلحة مصر تكون قد بدات فى الظهور تدريجيا من خلال ما ذكرنا .

عبدالواحدابراهيم

Post: #14
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: كمال مبارك
Date: 14-05-2007, 04:52 PM
Parent: #12

Quote: انه المصرين بدأوا في تحجيم السيد محمد عثمان الميرغني



البسوس لو سمحتى أعطى هذة المعلومه لحامل الدلوكه بشاشا

ياسر طيفور ،، البسوس محتاجه للعصفورة ،،، ما لازم تعمل ليها حبه

شمـار للنكهه ،،،، يا شقيـق دى البسوس أعمل حسابك

Post: #22
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 07:29 PM
Parent: #12

الجسور عبد الواحد ابرهيم

منور البوست

وبجيك بمهل لانه مداخلتك دسمه...

خليك معنا بهنا....

Post: #24
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 07:35 PM
Parent: #11

يا طيفور انت متأكد دي بركات الميرغني ولا الصائم ديمه كما قال الطيب بشير

Quote: أبو الحسين
كيفنك يا شقيق
أها شفت بركات أبو هاشم، سلط عليها الفكي كودي..
شغال فيها محط لمان حته تفتا
_____
غايتو يا تراجي الحن ده كان ما طلعو ليك كودي، ناني إلا نشوف ليك أنصار السنة


حسه الجن منو يا طيفور؟؟؟

الجن كتبتها الحن

وثاني كتبتها ناني

بعدين ياتوا يوم شفته شفوت مدني بيطلعوا جن او بيركبوا جن؟؟؟؟

يازول ديل حدهم البهجه و المسره و شغل الاباضيات...












تخريمه:انا لا تحدث عن مدني وانما عن شفوتها

Post: #21
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 07:20 PM
Parent: #10

ابو الحسين

سلام...

والله مولانا ده بجيب له الهواء الا ناس ياسر طيفور واحمد عبد الله ديل...

Quote: وبالمناسبة الليلي مشيت تاوقت في بورد سودانك الجديد بي هناك...

لقيتو كلو العصفورة قالت والعصفورة فعلت وتركت... يا ربي الحاصل شنو؟؟؟


يازول دي سياسه انت راجل طيب ما بتعرف ليها.....

عارف اي بوست بنخاف انه قوى عظمى تؤثر على بكري فيتم حذفه...طوالي بننقله لهناك

بضبانته عشان بكري ما يضيع مجهودنا ساي,اهي يا اخوي دي قصه كاربه وطبيعي تتحرك

قوى كثيره لحذف البوست عشان كذه كسرنا الدش قي يديهم وفتحناها بهناك...

Quote: وقولي يا أبو هاشم...


وعشانك نقول يا ابو هاشم....

Post: #13
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: kamalabas
Date: 14-05-2007, 04:50 PM
Parent: #1

الاخت تراجي
تحية
أهذا خبر أم تحليل? أم أستنتاج?
أن كان خبرا فأرفدينا بالمصدر وأن كان تحليلا فأرفدينا بالمعطيات التي
أنبني عليها التحليل...
.........أقول هذا ولا أستبعد حدوث مثل هذا السناريو..... وقت ما من كان يعتقد أن صراعا سينشب بين البشير والترابي والترابي
وتلميذه علي عثمان......?
كمال

Post: #15
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: هجو الأقرع
Date: 14-05-2007, 06:24 PM
Parent: #13

الاخت الفاضلة تراجى ، لو عرض هذا الامرعلى طالب فى الصف الرابع ابتدائى ، فان تقيمه للامر سوف يكون صفر كبير لصالحك ، بعدك عن السودان وعن الاسلاميين يجعل عصفورتك مصابة ب (انفلونزاالطيور) العداء بين على عثمان والترابى اكبر منه بين البشير والترابى ، انا من اسرة تعرف شيخ على عن قرب ، على عثمان لايعمل فى الخفاء وواضح حتى انه لم يشارك بصورة عمليه فى مذكرة العشرة ، فعلا على عثمان وليس الترابى من خطط ونفذ بدقة عاليه مع العسكر لقلب النظام الديمقراطى ، وكان ليلة الانقلاب يبيت فى احد منازل اسرتنا بالخرطوم ، ولم يخرج من المنزل ، الا بعد ان تأكد من نجاح الانقلاب .البشير ذهب للقاهرة لسبب مختلف جدا ، على عثمان من اكثر الكوادر الاسلامية الداعية والمطالبة باستمرار الانقاذ بصرف النظر عن من هو الحاكم الفعلى . على عثمان اسلامى منظم ويقف خلفه شباب كثر ، هم من يرونه الاجدر بشرط ان تتدهور الامور، اما غير ذلك فهو قوة كبيرة داعمة للبشير، بل من اكثر الدعاة لحفظ السودان فى كيان واحد . اما حديثك عن طفل الانابيب ، فهو امرمؤسف خاصة عندما تتحدث فيه سيده تعرف مدى حساسية هذا الامر. اختنا فاطمة خالد راضية بما قسم الله لها.

Post: #16
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: kamalabas
Date: 14-05-2007, 06:30 PM
Parent: #15

....
Quote: على عثمان اسلامى منظم ويقف خلفه شباب كثر ، هم من يرونه الاجدر بشرط ان تتدهور الامور
..... يمكن يكون أن تدهورت فعلا يا هجو........ !!! ...... كنا نسمع مثل هذا النفي حينما كان الصراع يتفاعل بين الترابي
وتلاميذه....وقت أن كان الترابي يقول أن البشيرهو هدية السماء للحركة الاسلامية والسودان.....!!!
..........

Post: #17
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: هجو الأقرع
Date: 14-05-2007, 06:54 PM
Parent: #16

اخى كمال ، لا لم اقصد التدهور الذى تعنيه، ما اعنيه تدهور الاوضاع بغياب القيادة ، إن انفلت الامر والامن فى الخرطوم لاسامح الله . لقد استفادت الكوادر الاسلاميه والامنية من احدث يوم الاثنين الاسود، وبرز ذلك فى نجاح الكوادر الامنيه فى تغطيةمؤتمرات القمة التى عقدت فى الخرطوم ، وكان الامر واضح فى الكوادر الظاهرة والواضحة ومن اصحاب السمات والسحنات الواضحة ، والذين لم تصورهم كاميرات الاعلام ممن تواجدوا فى كل مكان فى العاصمة، هؤلاء من يقيم الامر ، ويوجه دفة الامور.

Post: #26
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 07:53 PM
Parent: #15

الاخ الحبيب هجو الاقرع

الاكثر وفاء للحركه الاسلاميه

تصديك وانت جناح البشير بهذا الحماس يدل عندي على مدى حساساية الاوتار التي لمسناها.

Quote: الاخت الفاضلة تراجى ، لو عرض هذا الامرعلى طالب فى الصف الرابع ابتدائى ، فان تقيمه للامر سوف يكون صفر كبير لصالحك ، بعدك عن السودان وعن الاسلاميين يجعل عصفورتك مصابة ب (انفلونزاالطيور) العداء بين على عثمان والترابى اكبر منه بين البشير والترابى ، انا من اسرة تعرف شيخ على عن قرب ، على عثمان لايعمل فى الخفاء وواضح حتى انه لم يشارك بصورة عمليه فى مذكرة العشرة ، فعلا على عثمان وليس الترابى من خطط ونفذ بدقة عاليه مع العسكر لقلب النظام الديمقراطى ، وكان ليلة الانقلاب يبيت فى احد منازل اسرتنا بالخرطوم ، ولم يخرج من المنزل ، الا بعد ان تأكد من نجاح الانقلاب .البشير ذهب للقاهرة لسبب مختلف جدا ، على عثمان من اكثر الكوادر الاسلامية الداعية والمطالبة باستمرار الانقاذ بصرف النظر عن من هو الحاكم الفعلى . على عثمان اسلامى منظم ويقف خلفه شباب كثر ، هم من يرونه الاجدر بشرط ان تتدهور الامور، اما غير ذلك فهو قوة كبيرة داعمة للبشير، بل من اكثر الدعاة لحفظ السودان فى كيان واحد .


لا يا هجو لا توجد اي حساسيه لمن لا مشاعر لهم,هم لما غدروا بفاطمه خالد اين كانت قلوبهم؟؟

Quote: اما حديثك عن طفل الانابيب ، فهو امرمؤسف خاصة عندما تتحدث فيه سيده تعرف مدى حساسية

هذا الامر. اختنا فاطمة خالد راضية بما قسم الله لها.


يا خجو كمان بقينا في الفاتوي بما في قلبها؟؟؟يا اخي متين قالت لك هي راضيه؟؟؟؟

ربنا يديها الجنه وتحقق عندها المعجزه الحصلت لزوجة ابراهيم يا رب....

صدقني متعاطفه معها من جوه قلبي وما راضيه الحاصل عليها كله.

ووداد هذه دجاله ومستهبله ومتسلطه وطماعه الجنيات وعندها وعرفت طعم الامومه باولادها من

ابراهيم شمس الدين البتكابس ليه شنو ثاني؟؟؟؟ خلوا فاطمه المسكينه لحد ما وصلت

سن الياس وعرفوا درب الانابيب حسه,ما ليه فوق ال سبعة عشر عام رئيس

يادوبه جاي يكوس للولاده؟؟؟؟

غايتو يا هجو وحياة خوتك حق فاطمه خالد براه بوديه لاهاي وتشوف براك.

Post: #25
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 07:42 PM
Parent: #13

الاخ كمال عباس

سلام

هذا خبر اكيد....ومصادره موثوق بها للاسف.


Quote: الاخت تراجي
تحية
أهذا خبر أم تحليل? أم أستنتاج?
أن كان خبرا فأرفدينا بالمصدر وأن كان تحليلا فأرفدينا بالمعطيات التي
أنبني عليها التحليل...
.........أقول هذا ولا أستبعد حدوث مثل هذا السناريو..... وقت ما من كان يعتقد أن صراعا سينشب بين البشير والترابي والترابي
وتلميذه علي عثمان......?
كمال


المؤسف وين يقال ان موضع الشريط تم تسجيله بعلم علي عثمان تخيل....

يعني هو لاعب على الحبلين...انه يخوف البشير....ويغازول غير جادي ناس الترابي....شوف المكر ده...

وده معناه ان علي عثمان بقى مقرب جدا لمصر...وما محاولة تسويقه عالميا الا لاثبات

خلاص النيه له..وكل زوابع الجسور و السدود ورائها علي عثمان وهي ثمن قبضته

مصر مقابل تسويقه عالميا كرئيس مقبل للسودان,وطبعا باقي الشمار و التسويق

اكمله د.صلاح بندر..... في بوسته اياه

Post: #18
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohammed Haroun
Date: 14-05-2007, 06:58 PM
Parent: #1

Quote: الاخت الفاضلة تراجى ، لو عرض هذا الامرعلى طالب فى الصف الرابع ابتدائى ، فان تقيمه للامر سوف يكون صفر كبير لصالحك ، بعدك عن السودان وعن الاسلاميين يجعل عصفورتك مصابة ب (انفلونزاالطيور) العداء بين على عثمان والترابى اكبر منه بين البشير والترابى ، انا من اسرة تعرف شيخ على عن قرب ، على عثمان لايعمل فى الخفاء وواضح حتى انه لم يشارك بصورة عمليه فى مذكرة العشرة ، فعلا على عثمان وليس الترابى من خطط ونفذ بدقة عاليه مع العسكر لقلب النظام الديمقراطى ، وكان ليلة الانقلاب يبيت فى احد منازل اسرتنا بالخرطوم ، ولم يخرج من المنزل ، الا بعد ان تأكد من نجاح الانقلاب .البشير ذهب للقاهرة لسبب مختلف جدا ، على عثمان من اكثر الكوادر الاسلامية الداعية والمطالبة باستمرار الانقاذ بصرف النظر عن من هو الحاكم الفعلى . على عثمان اسلامى منظم ويقف خلفه شباب كثر ، هم من يرونه الاجدر بشرط ان تتدهور الامور، اما غير ذلك فهو قوة كبيرة داعمة للبشير، بل من اكثر الدعاة لحفظ السودان فى كيان واحد . اما حديثك عن طفل الانابيب ، فهو امرمؤسف خاصة عندما تتحدث فيه سيده تعرف مدى حساسية هذا الامر. اختنا فاطمة خالد راضية بما قسم الله لها.


أعجبني هذا الكلام المقتضب جداً يا أخي هجو وليته يجعل هذه التراجي تعي ما تكتب. لا أدري ماهي مصلحة المخابرات المصرية في هذا الأمر!!!

Post: #19
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 07:13 PM
Parent: #18

محمد هارون

صمت دهرا ونطق كفرا....

ما تخليك في بوستات الونسه احسن لك من متين بتفتي في السياسه

Quote: أعجبني هذا الكلام المقتضب جداً يا أخي هجو وليته يجعل

هذه التراجي تعي ما تكتب. لا أدري ماهي مصلحة المخابرات المصرية

في هذا الأمر!!!


لما انت ما عارف مصلحة المخابرات المصريه,يبقى طبيعي يكون ده ردك.

Post: #20
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: kamalabas
Date: 14-05-2007, 07:14 PM
Parent: #1

شكرا أخي هجو
Quote: على عثمان اسلامى منظم ويقف خلفه شباب كثر ، هم من يرونه الاجدر بشرط ان تتدهور الامور،
.....والبشير خلفه شباب أيضا!!!!!! ....لماذا يقف هولاء الشباب خلف
هذا أو ذاك? ولماذا لايقفون خلف التنظيم بدلا عن الاشخاص ? فيما الخلاف
الذي يجعل هذا يحشدا شبابا خلفه وذاك يحشد تلك الاجهزة خلفه?
كمال

Post: #28
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: هجو الأقرع
Date: 14-05-2007, 09:52 PM
Parent: #20

اخى كمال هذه سنن الكون والحياة يصعب جدا تغيرها ، منذ ان خلق الله الحكم تتعدد الاجنحة والولاءات، الفرق الوحيد ان الموجود فى السودان غير واضح للعيان ، ويظهر ويبان فى حالات الانفراط لحماية قل ان شئت النظام او التنظيم الاسلامى المتشابك والمتعدد الفروع .

Post: #23
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohammed Haroun
Date: 14-05-2007, 07:34 PM
Parent: #1

Quote: محمد هارون

صمت دهرا ونطق كفرا....

ما تخليك في بوستات الونسه احسن لك من متين بتفتي في السياسه


السياسة أم الهرجلة أم قصر النظر أم .... هذه أشياء لا تهمني كثيراً يا تراجي. الونسة حلوة لآنها بتخفف عناء وتعاسة الغربة وبدونها الحياة قاتمة مظلمة. ليتك تتأملي الحياة من جوانب أخرى ... ليتك.

Post: #27
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 07:57 PM
Parent: #23

Quote: السياسة أم الهرجلة أم قصر النظر أم .... هذه أشياء لا تهمني كثيراً يا تراجي. الونسة حلوة لآنها بتخفف عناء وتعاسة الغربة وبدونها الحياة قاتمة مظلمة. ليتك تتأملي الحياة من جوانب أخرى ... ليتك.



هذه الاشياء التي لا تهمك ما تخليك في حالك طيب بتجي مكابس احيانا مالك؟؟؟؟

ويا ترى التأمل وصلك لانه ممكن ترد على الناس بطريقتك ديك فيقوموا يهدوا لك ورد؟؟

Post: #29
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 14-05-2007, 10:47 PM
Parent: #27

هجو يا حبيب

شايفاك قلبت البوست دعايه للحزبك المؤتمر الوطني

وكمان بتشرح وتعلل عن بؤسهم وحروبهم القذره مع بعضهم...

يا شيخنا ما تفتح بوستك براك وخلينا من شغل الاونطجيه الكيزان ديل.






حسه ما قلت لينا المخابرات المصريه دي اتغدت بزولكم ده خلاص

وركبته التونسيه وعايزه تلهيه بحتت عيل يا ضنايا

ويمكن تتطالبه بالتفرغ لتربيته ..مش بعيد كل شيئ جائز

قول ربك يهون القواسي

Post: #30
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: هجو الأقرع
Date: 14-05-2007, 11:08 PM
Parent: #29

الاخت ام حازم انت عارفك كلامك ده كلام عصفورة مضروبة ساكت ، حليل المخابرات المصرية تصدقى بقت زى عصفورتك الجايبها لينا، خلى بالك من الوليدات الكلام الزى ده يخلى واحد من شبابنا المتهورين يقول تراجى دى عندها غوص مع المصريين والله شنو ! اقسم بالله العليى العظيم لست مؤتمر وطنى، ولا شعبى نحن حزب جديد سوف تسمعى عنه قريبا.

Post: #31
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohamed Suleiman
Date: 15-05-2007, 00:47 AM
Parent: #30


Quote: اقسم بالله العليى العظيم لست مؤتمر وطنى، ولا شعبى نحن حزب جديد سوف تسمعى عنه قريبا.


مشكلتك يا هجو ... من الصعب تصديق جعلي يقسم بالله العظيم هذه الأيام ..

Post: #39
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: هجو الأقرع
Date: 15-05-2007, 03:35 AM
Parent: #31

محمد سليمان سلام ، هذه مشكلتك وليست مشكلتى ، انا فعلا لست مع اى صرف من الاحزاب ، ولكنى ارى الانقاذ بعمومها افضل من المعارضة ، هذا ما قلته اول يوم لدخولى هذا المكان ، اما تلويحك وتعريضك بالجعليين فان العموم مضر ، اصابعيك ما قدر بعض .

Post: #40
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 15-05-2007, 03:59 AM
Parent: #39

يعني يا هجو ما عارف محم بيهظر معاك

وقاصد سيادة الرئيس اياها وايمانه الحلفا؟؟؟

Quote: مشكلتك يا هجو ... من الصعب تصديق جعلي يقسم بالله العظيم هذه الأيام ..


وخت لك وش ضاحك,تقوم طوالي تتطبظها....

Quote: اما تلويحك وتعريضك بالجعليين فان العموم مضر ، اصابعيك ما قدر بعض .


يعني ايام نميري حكمنا طلعنا عين الدناقله

عايز عمر الجعلي يحكمنا وما نكت كمان؟؟؟

Post: #32
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohamed Adam
Date: 15-05-2007, 01:37 AM
Parent: #1

Quote: تراجي.

Post: #33
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 15-05-2007, 01:51 AM
Parent: #32

البيات الشتوي

انتهى للسيد محمد آدم

Quote: Mohamed Adam


فهو مخلوق لا يقوى على العيش في الاجواء النظيفه

ويهوى المشاكل ويبدع ويتدفق شعرا وابداعا كمان....

بالله اطربنا يا محمد آدم

وشايفاك لبدته مؤخرا...ترى لماذا لم تدعي مثل عوائدك انه تراجي انتحلت شخصية

رابطة ابناء دارفور بايوا....فقعت مرارتك الدعوه مش...و الاظرف انها من ابناء دارفور

يا محمد أدم ترى هل سألت نفسك لماذا تمت دعوتي؟؟؟؟ومن اين عرفوني؟؟؟

لا اعتقد هم من يعتمد على القوقل للوصول لمتحدثيه....شوف بقى بوستاتك نفعتني كيف؟؟؟

Post: #34
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohamed Adam
Date: 15-05-2007, 02:02 AM
Parent: #1


Post: #35
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohamed Adam
Date: 15-05-2007, 02:07 AM
Parent: #1

Quote: ضلوع المخابرات المصريه بثقلها
في التوفيق بين البشير وعلي عثمان...
كاتبة البوست هي تراجي

Post: #37
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 15-05-2007, 02:27 AM
Parent: #35

عبد الواحد سلام

Quote: تراجى تحياتى

للاجابة على الاسئلة اعلاه :

يتفق الكثيرون على ان على عثمان سعى فى الفترات السابقة

لازالة مخاوف المصريين وشككوهم حول نواياه وفى ذلك قدم على

عثمان الكثير من التنازلات من اجل ارضاء المصريين , اولها

التنازل عن حلايب , التنازل عن منطقة ارقين السودانية

الالتزام بتمرير ما سمى باتفاقية الحريات الاربع الى اخر

التنازل المذل عن ديون مصر للسودان عن مياه النيل منذ

اتفاقية العام 1929 اذ ان للسودان مستحقات بمليارات

الامتار المكعبة من المياه
.


نعلم يا اخي وما خفي كان اعظم






Quote: وواضح لك ذى بصيرة ان خطوط نائب الرئيس مفتوحة مع المصريين

من خلال التسويات التى تمت نتيجة لمحاولة اغتيال مبارك فى العام

1995 وما تلاها من تشنجات متبادلة بين الطرفين والرئيس كان

غائبااو مغيبا من كل ذلك .


وهذه ايضا حقيقه معروفه


Quote: الجانب الاخر ان الرئيس البشير اكد على رفضه للترشيح للانتخابات

المقبلة وحسابات المصريين ان الرجل لا تتوفر فيه براغماتية

على عثمان لذلك كان خيار هم ما بين على عثمان واخرين ينتمون


للمؤسسة العسكرية فتم ترجيح كفة على عثمان .


WAW ما ده القلنا عليه وقالوا ناس هجو اطلع من البلد......

انتهازية علي عثمان التي حاول د.صلاح بندر يسوقها لنا لا تخفى على بشر....

Quote: يضاف الى ذلك اقامة مشاريع السدود ( سد مروى - سد كجبار- خزان دال

سد ستييت على نهر عطبرة ... الخ


وهنا تبدو الصفقه واضحه يموت اهلنا المناصير...يختفي اهل كجبار ما مهم

المهم نرضي سادتنا المصرين....ونظل في الحكم باي ثمن وهذا لسان حال علي عثمان....

Quote: واظن ان مصلحة مصر تكون قد بدات فى الظهور تدريجيا من خلال ما ذكرنا .


اكثر وضحا من كده مافي...تسلم على المرور و الاضافات القيمه.

Post: #36
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohamed Adam
Date: 15-05-2007, 02:12 AM
Parent: #1

Quote: ... شوف بقى بوستاتك نفعتني كيف؟؟؟

Post: #38
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 15-05-2007, 02:35 AM
Parent: #36

شيخنا الحبيب هجو الاقرع

Quote: الاخت ام حازم انت عارفك كلامك ده كلام عصفورة مضروبة ساكت ، حليل المخابرات المصرية تصدقى بقت زى عصفورتك الجايبها لينا، خلى بالك من الوليدات الكلام الزى ده يخلى واحد من شبابنا المتهورين يقول تراجى دى عندها غوص مع المصريين والله شنو ! اقسم بالله العليى العظيم لست مؤتمر وطنى، ولا شعبى نحن حزب جديد سوف تسمعى عنه قريبا.


وليداتكم يا هجو عارفين البئر وغطائها....الا شغل الاستهبال ده علينا نحن.

الوليدات بخير وبيسألوا عن اخواتهم الحلوات عساهم بخير....

ويا محمد سليمان شويه شويه على حبيبنا هجو الاقرع ده.

Post: #41
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Al-Shaygi
Date: 15-05-2007, 04:35 AM
Parent: #1


حبوبه عجوبة، حيذبون النت.
الحمد لله البقيتي مربية عصافير
تراها شغلة فيها فايدة منها تجيب ليك القوالة وتنقل منك الرسالة وتغشى السفارة الفي العمارة وتوصل ليك ظرف البصارة.
أهه أنا عندي بومة بتجيب لي الأخبار مش عصفورة ، وقالت لي شافتك في سوق أمدفسو فارشالك بيض عصافير؟؟.
أهه يا يا حيذبون قولك شنو ؟ دستة البيض بي كم؟؟؟

يا وليه غلبك تلخبطي بين الحركات مشيتي تشتغلي أقليمي؟؟؟
المخابرات المصرية دي نابها أزرق (طالما أنك درستي وأتجدعتي في مصر يبقى العبارات المصرية مفهومة ليك) وكان قصدوك ما بتشوفي خير.
بس من كتابتك دي وصلت لواحدة من أثنين:
إما أنه لديك خيال قصصي واسع (هذه أشك فيها لأنها لو موجودة كانت ظهرت في كتاباتك).
أو هناك من يكتب لك (أقطع ضراعي لو كان الأسلوب ده حقك؟؟؟).

يا مره أقعدي في تكلك وعوسي كسرة عيالك .... البرقر والشبس ما كويس عشان مستقبلهم وصحتهم!!!!


الشايقي

فاوضني بلا زعل

Post: #42
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 15-05-2007, 11:46 AM
Parent: #41

اكثر من بوست اليوم يتحدث عن علي عثمان!!

يبقى الفيلم اتحمض كما يبدو ولازالت معارضتنا متفرجه...

Post: #43
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 15-05-2007, 11:47 AM
Parent: #42

ماذا يفعل علي عثمان محمد طه

Post: #44
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: بدرالدين كاجوري
Date: 15-05-2007, 12:29 PM
Parent: #1

الاخت تراجي سلامات

نحن دايرين نحاكم البشير وفاطمة مافي لاهاي في السودان ده باذن اللة





اختنا فاطمة خالد راضية بما قسم الله لها.


طبعا لازم تكون راضية بعد الطلمبة الحدادي مدادي في مدينة شندي

وطبعا كوتة البنزين مجاني لحساب حرم البشير

Post: #45
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: حسن الجيلى سعيد
Date: 15-05-2007, 01:56 PM
Parent: #44

Quote: وطبعا كوتة البنزين مجاني لحساب حرم البشير


كوته شنو ,إنت زول قديم يا السودان بلد بترولى صح النوم
أسمع إنت مرقت من السودان متين

Post: #46
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 15-05-2007, 02:32 PM
Parent: #45

الجهود المصرية : تمهيد... لتجربة بنما.... ام للمصالحة ب...السيد\ طــــــــــه

Post: #48
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: هجو الأقرع
Date: 15-05-2007, 08:00 PM
Parent: #44

اخى بدرالدين انا من سكان شندى ، طرمبة البنزين بتاعت فاطمة خالد (حدد الموقع) لو سمحت بس عشان نعرف ، اخى الكريم البينة على من ادعى !

Post: #49
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 15-05-2007, 08:16 PM
Parent: #48

بدر الدين كاجوري سلام

Quote:

Quote: اختنا فاطمة خالد راضية بما قسم الله لها.


طبعا لازم تكون راضية بعد الطلمبة الحدادي مدادي في مدينة شندي

وطبعا كوتة البنزين مجاني لحساب حرم البشير


مسكينه طلعت بكلمة بنزين بش وداد النجيضه طلعت بمول كامل في ماليزيا

.... قادر الله... وسمجه المقدره يا وداد. ..مره و الناس وراء...

يا هجو هي بقت على طلمبة شندي دي بس...كدي ورونا آبار البترول بطولها حقها بمشي وين؟؟؟

وبعدين خليك من الدفاع الفارق و الحق قريبتك الجعليه دي ومرق ليها حقها

لانه وداد ظلمتها ظلم الحسن و الحسين ...,الله لا يرض عن الظلم.

وبعدين نحن زولك ذه قنعنا منه من ظلم الكبيره فاطمه خالد

لانه الرسول صلة الله عليه وسلم قال ....خيركم خيركم لاهله وانا خيركم لاهلي...

اها زولك اب صفحه مايله ده يوم القيامه...حق فاطمه خالد براه بغتس حجره

خليك من حق ناس دارفور....

شد حليك يا حجو مع الجعليه قريبتك وحياتك جابوا ليها المراره و ووجع المعده من

الغبن و المغايس البتمغسها بيها وداد.

اللهم خفف عن عبدتك الصالحه فاطمه خالد

اللهم انصرها على من ظلمها.....

اللهم هبها الذريه الصالحه وخفف عليها نصيبها.

Post: #47
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohammed Haroun
Date: 15-05-2007, 02:36 PM
Parent: #1

Quote: هذه الاشياء التي لا تهمك ما تخليك في حالك طيب بتجي مكابس احيانا مالك؟؟؟؟

ويا ترى التأمل وصلك لانه ممكن ترد على الناس بطريقتك ديك فيقوموا يهدوا لك ورد؟؟



بجي مكابس أحياناً عشان الهضربة بتاعتك بترفع الضغط بتاعي وبتخليني أفقد السيطرة ... وطبعاً الزعيم محمد سليمان (الذي أحببت) شغال ليك طبال. ياحسرة على دارفور .. عفواً أقصد المخابرات المصرية من الأباتشي.

Post: #50
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 15-05-2007, 08:29 PM
Parent: #47

محمد هارون

يا اخي انت معجب ولا مالك غيران من محمد سليمان؟؟؟؟

Quote: بجي مكابس أحياناً عشان الهضربة بتاعتك بترفع الضغط بتاعي وبتخليني أفقد السيطرة

... وطبعاً الزعيم محمد سليمان (الذي أحببت) شغال ليك طبال. ياحسرة على دارفور .. عفواً

أقصد المخابرات المصرية من الأباتشي.


حسه انت واجعك وين بوست الزغاوي الذي احببت؟؟؟؟

وبعدين اسمه الزغاوي الذي احببت

وليس اسمه

محمد سليمان الذي اجببت

ومحمد سليمان ليس سوى واحد ممن اهديت البوست لهم

يعني كان فيه اهداء:

لابراهيم بقال

وبشارة صقر

وشدو

ومحمود جماع

و...الخ

الا انت محمد سليمان ده فاقع مرارتك في حاجه ثانيه تعرفها براك

وقالوا الزول كان كجنتوا في الظلام بتقول ليه بتحدر لي ليه؟؟؟

اها يا اخوي انت اخونا الدكران بالحيل محمد سليمان ده مكجنه ليه؟؟؟؟؟

حلاته يا يمه كان شفته في مسيرة يوم دارفور العالمي

وهو ماشاء الله عليه رجلا و الرجال قليل.

شفته يوم بيتونس ولا بيضحك ولا لقيتوا متسكع في بوستات الونسه.....

محمد سليمان رجل جاد ومركز في قضيته جدا عشان كده البورد ده كله

وحكومتك ذاته بيعملوا ليه الف حساب.

عاد محمد سليمان ده اريتو ولدي واعقر عليه.

اها كفاك الحب ده ولا لسه نزيدك

Post: #51
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: هجو الأقرع
Date: 15-05-2007, 09:08 PM
Parent: #50

اختنا تراجى ، سلام وانت تتحدثين عن الظلم ، فقد ظلمت اختنا فاطمة خالد ومعك من قال ان لها طرمبة بنزين فى شندى وهذا كذب وبهتان ، فعلا فاطمة خالد بحكم القبيلة بنت عم ، والاخت وداد زوجة ابن عمى وقريبى ابراهيم شمس الدين(طبعا جديده عليك )وايضا ظلمتى وداد بان ملكتيها فى ماليزيا ، اختى الفاضلة الزول لما يتحدث عن الظلم مفروض ما يتكلم بما لا يملك له دليل . المهم موضوع طرمبة فاطمة خالد مشروع بوست حتى لا يكذب احد هنا .

Post: #52
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 16-05-2007, 02:37 AM
Parent: #51

هجو سلام

انت زعلان في قريبتك فاطمه خالد؟؟؟يا اخي نحن حانين عليها وانت تقول نحن ضدها؟؟؟

Post: #53
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: بدرالدين كاجوري
Date: 16-05-2007, 10:17 AM
Parent: #1



الاخت تراجي سلامات

اخوي الكبير هجو الاقرع سلامات
انت من شندي تعرف تماما سلوك وتربية ابناءها فقد نشاءنا وترعرعنا بها ورضعنا منها الامانة والصدق وتعلمنا من كبارها الادب الجم في مخاطبة الكبار والصغار معا وخصوصا من مولانا الشيخ عبدالرحيم ومن اساتذا اجلا لذلك تجدني اخاطبك باخوي الكبير برغم هذا الكلام :

ظلمت اختنا فاطمة خالد ومعك من قال ان لها طرمبة بنزين فى شندى وهذا كذب وبهتان

اولا انا درست بادقس الابتدائية ثم الاهلية المتوسطة ثم شندي الثانويه
ومن اسرة معروفة في شندي هي اسرة حمد كاجور
والمقصود من التعريف انني من ابناء شندي يعني ماقاطع ولا ناجر الموضوع من راسي واحب ان اوضح لك الاتي :
انني وبالتحديد في شهر 12 من عام 2005 وفي اوخر هذا الشهر قد فولت سيارتي الاتس من طرمبة فاطمة خالد و انا غادرت شندي في عام 1993 الي خارج السودان ولانك من شندي تعرف في ذلك التاريخ ان الطرمبة التي تقع امام مبني البوسته كانت طرمبة موبيل والطرمبة التي تقع امام السينما كنا نطلق عليها طلمبة حسن ملح وبعد عودتي في عام 2005 وجدت عدت تغيرات حدثت .
المهم موقع طرمبة فاطمة خالد حرم الرئيس عمر البشير تقع امام دكان حزقيال وبعد السكة حديد وامامها موقف حافلات الخرطوم بحري فبدل السوق الشعبي اتخذت الحافلات هذا الموقع .
وللعلم عندي صديق دراسة وجدتة يعمل في هذة الطرمبة والي الان بيعمل بها وللعلم اخي الاقرع واذا سالت اي طفل ناهيك عن راشد حيقول ليك دي طرمبة فاطمة خالد يعتي الطرمبة معروفه للغاشي والماشي و ممكن تتاْكد من ابناء شندي المعانا في هذا البورد بس بكرة ماتقولي جيب لي اوراق التسجيل البا سم فاطمة خالد

ولك الود اضعاف

Post: #54
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohammed Haroun
Date: 16-05-2007, 12:21 PM
Parent: #1

Quote: يا اخي انت معجب ولا مالك غيران من محمد سليمان؟؟؟؟


الإجابة بسيطة غيران طبعاً لأنه معجب دي كتيرة أوي.


Quote: شفته يوم بيتونس ولا بيضحك ولا لقيتوا متسكع في بوستات الونسه.....

محمد سليمان رجل جاد ومركز في قضيته جدا عشان كده البورد ده كله

وحكومتك ذاته بيعملوا ليه الف حساب.

عاد محمد سليمان ده اريتو ولدي واعقر عليه.

اها كفاك الحب ده ولا لسه نزيدك



هو الزعيم محمد سليمان الذي (أحببتيه) دا بيعرف يضحك ياحسرة؟؟ الزغاوي دي بتدخلني في حته ضيقة مع أصحابي ونسابتي.

كان ولدتيه وعقرتي الترابة كالت خشمك .... على رأي المخابرات المصرية (هي بتزمر وهو بيسأف)

أنا في الحقيقة فاقع مرارتي الزول أبو طاقية صغيرة المتصور جنبك دا.

Post: #55
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 16-05-2007, 01:01 PM
Parent: #54

Quote: أنا في الحقيقة فاقع مرارتي الزول أبو طاقية صغيرة المتصور جنبك دا.


طبعا حسب اوهام الكثيرين ادعوا انه الصوره هذه مع يهود؟؟؟؟وتوهموا رؤيتهم لطاقيه!!

الغريبه انك منهم.....

يا سيدي هذه الصوره مع نائبة دائرتي الانتخابيه السيده كريس شالتون

www.chrischalton.ca

والآخر هو زوجها مستر شارلتون عضو سابق ببرلمان اونتاريو,و الجماعه مسيحين يا شاب..

يبقى ورينين ياتو طاقيه قاصدها؟؟؟؟


ناس الطواقي الجدجد لسه ما اتصورنا معاهم....لك علي بس اتصور بنزلها لك هنا.

الا ما قلت لي مالك مع محمد سليمان؟؟؟؟

بالله محمد سليمان ده براه بقدر يحاور جلابة المنبر دي كلهم ويوقفهم عن حدهم

وجلابة المنابر المجاوره كمان,اما المتجولبين من امثالك فديل بحاورهم ولو

اصطفوا بالملايين

منتظراك تجي تكمل ونستك معاي.....

Post: #56
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohammed Haroun
Date: 16-05-2007, 03:13 PM
Parent: #1

Quote: الا ما قلت لي مالك مع محمد سليمان؟؟؟؟

بالله محمد سليمان ده براه بقدر يحاور جلابة المنبر دي كلهم ويوقفهم عن حدهم

وجلابة المنابر المجاوره كمان,اما المتجولبين من امثالك فديل بحاورهم ولو

اصطفوا بالملايين



والله قطعتي مصاريني بالضحك ماهو دا أكبر عيب من عيوب الكاشف أخوك الذي (أحببتيه). شابكنا جلابة وجنجويد وجنجويد وجلابة لا من كرهنا كاليفورنيا ذاتها.


Quote: منتظراك تجي تكمل ونستك معاي.....


يا أخوانا المناضلة دي ما قالت ما بتحب الونسة وأنا بحاول أقنعها بأنه (الونسة طولة عمر) كما جرى المثل السوداني الدارفوري. يبدو إنها بقت أليفة شويةّّّ!!!

Post: #57
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Yassir Tayfour
Date: 16-05-2007, 03:32 PM
Parent: #56


الأخ محمد هارون كيفنك يا خوي
Quote: يا أخوانا المناضلة دي ما قالت ما بتحب الونسة وأنا بحاول أقنعها بأنه (الونسة طولة عمر) كما جرى المثل السوداني الدارفوري. يبدو إنها بقت أليفة شويةّّّ!!!

كيف يعني أليفة!
الأ تعلم أن كلمة أليفة تطلق على الـ pets من كلاب وكدايس!
_______
you're required to apologize for either pets or Tragie
_______
tragie, i am 100% supporting your case, if you want to take action..
New Sudan weyaaaaaaaaaay

Post: #58
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 16-05-2007, 03:34 PM
Parent: #56

Quote: والله قطعتي مصاريني بالضحك ماهو دا أكبر عيب من عيوب الكاشف أخوك الذي (أحببتيه).

شابكنا جلابة وجنجويد وجنجويد وجلابة لا من كرهنا كاليفورنيا ذاتها.


شفته الفيم وين ما رايته انت عيب رايناه نحن سبب لمحبه

وتتويجه رجل العام الاكثر جاذبيه كمان.....كان ما عجبك


Quote: يا أخوانا المناضلة دي ما قالت ما بتحب الونسة وأنا بحاول أقنعها بأنه

(الونسة طولة عمر) كما جرى المثل السوداني الدارفوري. يبدو إنها بقت أليفة شويةّّّ!!!


ما قلنا نغشك شويه ونضمن رفعك للبوست ده

شايفاك استلمته وبقيت مهيت ومبيت فيه

Post: #59
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Mohammed Haroun
Date: 16-05-2007, 06:09 PM
Parent: #1

Quote: كيف يعني أليفة!
الأ تعلم أن كلمة أليفة تطلق على الـ pets من كلاب وكدايس!


الأخ ياسر طيفور سلامات
يا أخي إنت زول مرهف الحس بس أنا ما خطر على بالي البعد الإسفيري لهذه الكلمة. إعتذاري للمناضلة تراجي والـ pets أيضاً.
بس يا أخي ما تعمل ليها legal support - تقوم تسمع كلامك ده وتروح متلبة بي جاي وأخوك يبقى في (تولا).

تحياتي

Post: #60
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 16-05-2007, 10:37 PM
Parent: #59

محمد هارون خليك متونس بالله طوالي بجاي

الاهم يظل البوست ده فوق

Post: #61
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 17-05-2007, 03:00 AM
Parent: #60

.

Post: #62
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: BousH
Date: 17-05-2007, 04:03 AM
Parent: #61

السلام عليكم...

لفت نظري كلام قالو الاخ هجو والكل مر مرور الكلام ....
اعتقد ان ما قاله اخطر من الخلاف بين المتشيخ على عثمان ... الراقص عمر البشير:

Quote: اخى كمال ، لا لم اقصد التدهور الذى تعنيه، ما اعنيه تدهور الاوضاع بغياب القيادة ، إن انفلت الامر والامن فى الخرطوم لاسامح الله . لقد استفادت الكوادر الاسلاميه والامنية من احدث يوم الاثنين الاسود، وبرز ذلك فى نجاح الكوادر الامنيه فى تغطيةمؤتمرات القمة التى عقدت فى الخرطوم ، وكان الامر واضح فى الكوادر الظاهرة والواضحة ومن اصحاب السمات والسحنات الواضحة ، والذين لم تصورهم كاميرات الاعلام ممن تواجدوا فى كل مكان فى العاصمة، هؤلاء من يقيم الامر ، ويوجه دفة الامور.


ارجو قراءة الجمل الملونة مع السطور وعكس السطور؟!

مودتي

Post: #63
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Isa
Date: 18-05-2007, 04:57 PM
Parent: #1

العـزيزة الأخـت تـراجـي، تحياتي،،
وعصـفورتك طلعـت بالجـد أخـطر من هـدهـد سـليمان زاتو،، فهاهو الآن خـبر يوكـد من صدق الكـتير من كـلامك، وهـو منـقول من مـصدر (مـوثوق، ومحـايد، ومطـلع ومـستقل كمـان)،، دا يعـني لو فـرضنا إنك ما محـايدة..فقد جاء اليـوم في مـوقع العـربية:


Quote: محللون تحدثوا عن ثلاث احتمالات
إجازة البشير الطويلة بمصر تثير تساؤلات الشارع السياسي السوداني



الخرطوم- قدس برس

أثارت زيارة طويلة دامت عشرة أيام للرئيس السوداني عمر البشير إلى مصر، تساؤلات عديدة في الشارع السياسي السوداني، عن أسبابها الحقيقية، في وقت يمر فيه السودان بمراحل دقيقة في تاريخه السياسي الحديث، لا سيما مع ازدياد الانتقادات الدولية لسوء الأحوال الأمنية والإنسانية في إقليم دارفور.



ويذهب فريق من الكتاب والمراقبين السودانيين، إلى تعليل طول الزيارة الرئاسية إلى مصر، على أنها تأتي في أعقاب جهود مضنية بذلها الرئيس عمر البشير، في البحث عن حل ينهي الصراع الدائر في دارفور، واستقبل خلالها مجموعة من الضيوف العرب والأفارقة والدوليين من مختلف الأقطار والهيئات الدولية، سواء تعلق الأمر بالأمم المتحدة أو الاتحاد الإفريقي أو مجلس الأمن، أو موفدي رؤساء الدول إلى العاصمة السودانية الخرطوم.

ويتحدث فريق آخر عن أن الزيارة ربما تحمل بعدا من أبعاد الاعتكاف الرئاسي بفعل تباعد وجهت نظر الرئيس ونائبه علي عثمان طه بخصوص سبل التعاطي مع ملف دارفور، وهو خلاف على الرغم من أنه صامت إلا أنه بدا واضحا في الآونة الأخيرة بين الرجلين.

ويعيد فريق ثالث طول مدة الزيارة الرئاسية السودانية إلى مصر إلى كونها تأتي في ظل تنامي الاهتمام المصري بالشأن السوداني وبأزمة دارفور تحديدا. وهو اهتمام يتلخص في لاءات مصرية ثلاث تجد تعاطفا سودانيا كبيرا، وهي: لا لتدخل قوات الأمم المتحدة في دارفور، لا لمحاكمة مرتكبي جرائم الحرب في دارفور في محكمة الجنايات الدولية في لاهاي، ولا لفرض العقوبات الدولية على السودان.

ويعتقد أصحاب هذا الرأي، أن ما يعزز تأويلهم هذا هو شعور مصري بدأ في الظهور مؤخرا عن أن مصر ربما بدأت تفقد وزنها في المنطقة، خصوصا مع تسلم المملكة العربية السعودية لعدد من الملفات السياسية الإقليمية التي كانت تاريخيا بيد مصر، ولا سيما الملف الفلسطيني. بل إن الدور السعودي، حسب رأي هذا الفريق، تعاظم ودخل على خط المصالحة السودانية التشادية التي كانت الوساطة فيها ليبية مما أثار بعض المخاوف من أن دور مصر قد يهمش.

ويرى ذلك الفريق كذلك أن القاهرة بدأت تضع عينها على السودان وقد أضحى دولة نفطية، حيث أصبح الوجود المصري باديا للعيان في الشارع السوداني، لا سيما ما يتعلق منها بالشأن الاقتصادي.

المـصدر: العـربية.نيت

Post: #64
Title: الكلام دخل الحوش
Author: المسافر
Date: 20-05-2007, 07:22 AM
Parent: #63

Quote: انت من شندي تعرف تماما سلوك وتربية ابناءها فقد نشاءنا وترعرعنا بها ورضعنا منها الامانة والصدق وتعلمنا من كبارها الادب الجم في مخاطبة الكبار والصغار


بدر الدين كاجوري

ليك الإحترام الخاص

أنا من المعجبين من الأدب والأخلاق الذي يتميز به أبناء شندي والقرى حولها وخاصة من تعرفنا عليهم في المدارس الثانوية وفيما بعد الجامعة..

وبكلامك هذا يمكنني أن أقول : الكلام دخل الحوش

وفيما يبدو ناس حوش ود بانقا دخلوا شندي

لقد كنت أتحدث مع أحد ( منسوبي الحوش) وذكرته بأن السحنة هي سحنة جعليين ويجب أن يتمثل بأخلاقهم حيث لا يتوقع السلوك الإجرامي ممن هم في وضعهم ومكانتهم

كان رده ""الجعليين خشوم بيوت""

وذلك لأنه أصلاً ليس من أصول المنطقة ، وبذلك لا يتميز بالميزات التي ذكرها بدر الدين كاجوري عن أبناء المنطقة وأصولها..

في الحقيقة ...
وفي إحتمالي...
مع دخول ناس الحوش لشندي
جات سيرة أبونا نمر... وجات حوبة الفزعة... وفرقة الوادي من عند السهل يا هامة الصحراء والجبل العتيد.. وأسأل الرويان.. عن قعقعة الدروع فوق الربوة من عند السديرات..

Post: #65
Title: Re: الكلام دخل الحوش
Author: Tragie Mustafa
Date: 20-05-2007, 10:30 PM
Parent: #64

.

Post: #66
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: محمد على النقرو
Date: 21-05-2007, 09:00 AM
Parent: #1

تراجى سلامات
نعم هنالك خلافات بين كبار
قادة المؤتمر الوطنى الامر
الذى لم ينفيه الطفل المعجزة
(مصطفى عثمان اسماعيل) فى الشرق الاوسط اليوم
وكما هو معروف هو ايضا من يدعو
لجلب المصريين والتنسيق التام معهم
المصدر


http://مستشار الرئيس السوداني لـ«الشرق الأوسط» : أبيي ل...ة للمربع الأول للحرب

الناس دى يا تراجى حكايتهم وصلت لمراحل عجيبة عشان كده بفتشوا فى اى جهه لحل خلافاتهم لكن والله لا مفر لاههههههههههاىىىىىىىىى

Post: #67
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: Tragie Mustafa
Date: 22-05-2007, 10:50 PM
Parent: #66


up

Post: #68
Title: Re: ضلوع المخابرات المصريه بثقلها في التوفيق بين البشير وعلي عثمان...
Author: mo
Date: 23-05-2007, 05:04 AM
Parent: #67

الأخت تراجي ... أصدق ماتقولين به ..فهي أقرب الي حقائق الاشياء منها الي مكايدة سياسية ..