Post: #1
Title: ...بائع التمباك.....
Author: Tragie Mustafa
Date: 08-21-2006, 05:43 PM
هل تعرفون التمباك؟؟؟؟؟؟؟؟؟؟؟؟؟؟؟
تراجي.
|
Post: #2
Title: Re: ...بائع التمباك.....
Author: Tragie Mustafa
Date: 08-21-2006, 05:44 PM
Parent: #1
طبعا جميعكم تعرفونه فكلكم سودانين.
تراجي.
|
Post: #3
Title: Re: ...بائع التمباك.....
Author: Tragie Mustafa
Date: 08-21-2006, 05:46 PM
Parent: #2
كان يفترض ان يكون العنوان هكذا:
| Quote: بائع التمباك...وعاشقه.... |
والضمير في عاشقه يعود للتمباك.
تراجي.
|
Post: #4
Title: Re: ...بائع التمباك.....
Author: Tragie Mustafa
Date: 08-21-2006, 05:47 PM
Parent: #3
اشتهر رجلان في مدينتنا الصغيره بعشقهم للتمباك.
تراجي.
|
Post: #5
Title: Re: ...بائع التمباك.....
Author: Tragie Mustafa
Date: 08-21-2006, 05:49 PM
Parent: #4
الطريف عن التمباك ان اكبر مناطق انتاجه في السودان هي درافور
لكن الغريبه ان اهل درافور لا يتعاطون التمباك الا فئه قليله منهم.
تراجي.
|
Post: #6
Title: Re: ...بائع التمباك.....
Author: Tragie Mustafa
Date: 08-21-2006, 05:50 PM
Parent: #5
وبين المنتج والمستهلك يمكننا ان نقول
دارفور تنتج والشماليه تسف
تراجي.
|
Post: #7
Title: Re: ...بائع التمباك.....
Author: Tragie Mustafa
Date: 08-21-2006, 05:51 PM
Parent: #6
يا ترى لماذا عشق اهل الشمال التمباك؟؟؟؟؟
ولماذا لم يتعلمه اهل درافور رغم انتاجهم له؟؟؟؟
تراجي.
|
Post: #8
Title: Re: ...بائع التمباك.....
Author: Tragie Mustafa
Date: 08-21-2006, 05:52 PM
Parent: #7
ومع احترامي لخيارات الناس
ولكني اكره التمباك جدا.
تراجي.
|
Post: #9
Title: Re: ...بائع التمباك.....
Author: Tragie Mustafa
Date: 08-21-2006, 05:54 PM
Parent: #8
كان احدهم قد كتب من قبل عن مخاطر التمباك وقذارة صنعه
ولا ادري اين هو هذا البوست.
تراجي.
|
Post: #10
Title: Re: ...بائع التمباك.....
Author: Tragie Mustafa
Date: 08-21-2006, 05:55 PM
Parent: #9
وللاسف مع ارتفاع اسعار السجائر
انتشر التمباك بكثرة في السودان.
تراجي.
|
Post: #11
Title: Re: ...بائع التمباك.....
Author: tmbis
Date: 08-21-2006, 06:11 PM
Parent: #10
يا استـــاذهـ
سلامات :
أنت كدهـ ( سفيتي ) السعة التخزينية للباندويدث تسعة مداخلات في سطرين ونص ..
وعشان تحللي ( السف ) دهـ حقــو تشوفي لي معاك في البوست دهـ موضوع ( البنقــــو ) لانو ( القشة ) دي اخطر من الصاعـــود.. وبتجنن .
شكرا لتفهمك..
|
Post: #12
Title: Re: ...بائع التمباك.....
Author: Tragie Mustafa
Date: 08-21-2006, 06:23 PM
Parent: #10
من اسؤ الامور ان تكون مدمن على التمباك وانت خارج السودان.
تراجي.
|
Post: #13
Title: Re: ...بائع التمباك.....
Author: Tragie Mustafa
Date: 08-21-2006, 06:35 PM
Parent: #12
وتتبهدل كل يوم والثاني انك تبحث عن هذه الافة .
تراجي.
|
Post: #14
Title: Re: ...بائع التمباك.....
Author: Tragie Mustafa
Date: 08-21-2006, 06:36 PM
Parent: #13
اسوء منظر ان تدخل لحمام بعد زول سافي........
اخييييييييييييييييييييييييي منظر مقرف بشششششششششششششششششششكل.
تراجي.
|
Post: #16
Title: Re: ...بائع التمباك.....
Author: Tragie Mustafa
Date: 08-21-2006, 06:38 PM
Parent: #14
كثير ما واجهتنا مشكله ان نجد من يقبلنا كسودانين
باستئجار صالات للانشطه الاجتماعيه لما راجا عنا في كيف نترك الحمامات خلفنا.
تراجي.
|
Post: #15
Title: Re: ...بائع التمباك.....
Author: tmbis
Date: 08-21-2006, 06:37 PM
Parent: #12
| Quote: يا ترى لماذا عشق اهل الشمال التمباك؟؟؟؟؟ |
يقال أن فيه ( سعـــرات ) حرارية .. والعهدة على القائل في حين أن ( البنقــو ) يتلف خلايا المخ تدريجيا مع طول مدة التعاطي ( ويسحلب ) بالواحد.. ولذلك نجد الكثير من ( التمباكه ) من أهل الشمال نشيطين بالذات فيما يتعلق بإمور الزراعة في حين أن معظم ( السطلنجيه) عميقين جــدا .. وغير مضطربين في سلوكياتهم وبفهموها طايرة.
|
Post: #17
Title: Re: ...بائع التمباك.....
Author: Tragie Mustafa
Date: 08-21-2006, 06:41 PM
Parent: #15
تمبس شكرا للمرور ورفع البوست
وشكرا للمعلومات.
نعود لي:
| Quote: اشتهر رجلان في مدينتنا الصغيره بعشقهم للتمباك. |
وهذا الثنائي الطروب...اختلفت دروبه مؤخرا.
تراجي.
|
Post: #18
Title: Re: ...بائع التمباك.....
Author: Tragie Mustafa
Date: 08-21-2006, 06:43 PM
Parent: #17
احدهم نضيج ..وعندما تعب من اسعار التمباك
(على فكره التمباك غالي في كندا)
قرر ان يدخل لتجارة التمباك
ومنها يحق ارباح وثانيا يسف ملاح
تراجي.
|
Post: #19
Title: Re: ...بائع التمباك.....
Author: Tragie Mustafa
Date: 08-21-2006, 06:45 PM
Parent: #18
وحتى لا يعتبرني احد اتناول الامر بناحيه عنصريه
اؤكد اولا اني لا اعترض على بيع التمباك,
فهو مثل اي بيع آخر,وافضل من بيع القضايا المصيريه للشعوب.
تراجي.
|
Post: #20
Title: Re: ...بائع التمباك.....
Author: Tragie Mustafa
Date: 08-21-2006, 06:51 PM
Parent: #19
اما زولنا الثاني
ولانه ما نضيج في (البزنس) فقد ظل مشتري فقط
ويرهق التمباك ميزانيته كما يبدو من عليه.
تراجي.
|
Post: #23
Title: Re: ...بائع التمباك.....
Author: Tragie Mustafa
Date: 08-21-2006, 06:54 PM
Parent: #20
تكمن المأساة عندما يفكر من هو مثل
بائع التمباك هذا
وعاشقه
في تعاطي السياسه!!!!!
تراجي.
|
Post: #22
Title: Re: ...بائع التمباك.....
Author: tmbis
Date: 08-21-2006, 06:54 PM
Parent: #18
| Quote: تمبس شكرا للمرور ورفع البوست |
الله يخليك يا استاذة .
فيما يتعلق بموضوع ( البنقـو ) يظهر أنو خبرتك ضعيفه في المسالة دي ، غايتو نجضي لينا موضوع التمباك دهـ .. وكان دعمتينا بي نماذج من الأصلي يا المحسي ، يا ود النو ، يا سورج يكون كويس
لكن تمباك ( كنــدا ) ده الظاهر لي بتسفه ( من الشمال لليمين ).
|
Post: #21
Title: Re: ...بائع التمباك.....
Author: Adrob wad Elkhatib
Date: 08-21-2006, 06:54 PM
Parent: #17
قبل يومين وصلنى صديق من النرويج جاب معه تمباك نرويجى لكن ما تمباك ظريف ومعبا كل سفه براه يعنى ما بوسخ السنون ....بعنى مابرانا فى العالم بنسف....وده وجه الشبه الوحيد مع النرويج ..
http://static.flickr.com/35/73606715_37eab007ef_m.jpg
|
Post: #24
Title: Re: ...بائع التمباك.....
Author: Adrob wad Elkhatib
Date: 08-21-2006, 06:56 PM
Parent: #21
|
Post: #25
Title: Re: ...بائع التمباك.....
Author: Tragie Mustafa
Date: 08-21-2006, 06:57 PM
Parent: #21
ادروب ود الخطيب
بالله انت ما بتجينا الا نكتب عن التمباك؟؟؟؟
وقلت لي:
| Quote: وده وجه الشبه الوحيد مع النرويج |
عليك نور والله انه الوحيد فعلا.
تراجي.
|
Post: #26
Title: Re: ...بائع التمباك.....
Author: Tragie Mustafa
Date: 08-21-2006, 07:00 PM
Parent: #25
يا تمبس انت قايل في زول بيعترف انه بيسف هنا؟؟؟؟؟
| Quote: لكن تمباك ( كنــدا ) ده الظاهر لي بتسفه ( من الشمال لليمين ). |
وحياتك كلهم داسينه.
واظرف حاجه لو بتسوق تاكسي
تضطر ان توقف التاكسي وتلبد في بيتك وترخم وكأنك عامل عمله.
ورغم انه بيوقف زوقك واكل اعيشك تجدهم ما قادرين يبطلوه.
تراجي.
|
Post: #27
Title: Re: ...بائع التمباك.....
Author: Adrob wad Elkhatib
Date: 08-21-2006, 07:10 PM
Parent: #26
بالله انت ما بتجينا الا نكتب عن التمباك؟؟؟؟
انتى ما عارفه نحنا ناس كيف وبس......
ولك منى عامر الكيف ماشرط يكون ودعمارى
|
Post: #28
Title: Re: ...بائع التمباك.....
Author: Tragie Mustafa
Date: 08-21-2006, 07:20 PM
Parent: #27
بالله يا أدروب؟؟؟؟؟
| Quote: انتى ما عارفه نحنا ناس كيف وبس...... |
وحأعرف من وين؟؟؟؟؟
على كده ايه رأيك نرسل لوري تمباك لاسمره يمكن يحل كل العصلجه الحاصله في ملف الشرق
تحياتي.
تراجي.
|
Post: #29
Title: Re: ...بائع التمباك.....
Author: Tragie Mustafa
Date: 08-21-2006, 07:32 PM
Parent: #28
تمبس انت المصحيك لحسه شنو؟؟؟؟
وحتى اعود لاحقا
لنتعرف على كيف يتعامل باعة التمباك مع السياسه,
وطبعا لا اقصد باعة التمباك في السودان
فانا لم احتك بهم
وانما اتحدث عن كندا وهنا باعة التمباك ليس جميعهم
من مكان جغرافي واحد....وانا لا اعرفهم جميعا بل اعرف واحد فقط منهم.
تراجي.
|
Post: #30
Title: Re: ...بائع التمباك.....
Author: Adrob wad Elkhatib
Date: 08-21-2006, 07:35 PM
Parent: #29
على كده ايه رأيك نرسل لوري تمباك لاسمره يمكن يحل كل العصلجه الحاصله في ملف الشرق
ياتو شرق انا سكان فى الغرب.....
|
Post: #32
Title: Re: ...بائع التمباك.....
Author: Tragie Mustafa
Date: 08-21-2006, 07:41 PM
Parent: #30
ما ضروروي ساكن وين يا ادروب
| Quote: ياتو شرق انا سكان فى الغرب..... |
لكن ضروري قلبك وين ومهموم بشنو؟؟؟؟؟
تراجي.
|
Post: #46
Title: Re: ...بائع التمباك.....
Author: محمد الامين محمد
Date: 08-22-2006, 05:07 PM
Parent: #2
البلح ينتج في الشمالية ويتحول الي عرقي عندنا في الفاشر واحلي عرقي عرقي الفاشر تعرفي الفاشر تقع في خط كم في شمين ولا جنوب دارفور?? تعرفي تمباك شقره? تعرفي طويله?
|
Post: #55
Title: Re: ...بائع التمباك.....
Author: Tragie Mustafa
Date: 08-23-2006, 05:40 AM
Parent: #46
محمد الامين
والله انت بتضحك وباين محتاج لسفيان نابري مرة تانيه يديك رأسك.
Quote:
البلح ينتج في الشمالية ويتحول الي عرقي عندنا في الفاشر واحلي عرقي عرقي
الفاشر تعرفي الفاشر تقع في خط كم في شمين ولا جنوب دارفور?? تعرفي تمباك شقره? تعرفي طويله? |
محمد الامين هل تعرف اي مدينه في دارفور اوصى حاكمها الانجليزي ان يدفن بها لانه يحبها
وقد دفن بها ولازال قبره موجود بها؟؟؟؟؟؟
تراجي.
|
Post: #59
Title: Re: ...بائع التمباك.....
Author: محمد الامين محمد
Date: 08-23-2006, 01:13 PM
Parent: #55
بورسودان
|
Post: #62
Title: Re: ...بائع التمباك.....
Author: محمد الامين محمد
Date: 08-25-2006, 09:19 AM
Parent: #55
| Quote: والله انت بتضحك وباين محتاج لسفيان نابري مرة تانيه يديك رأسك. |
التمباك دا موضوع مراد به دفن راس
النعامه(تراجي) في التراب
من امور قامت بها وهي التزوير المنشور
ببوست محمد ادم...( من هي تراجي مصطفي؟)
تراجي عايزه تكحلها ، لكن عمتها!!
هذا يدل علي خواا ئها الفكري وعدم
اهليتها للتصدي لقضية دارفور!!!
لانها وبكل بساطه لا تعرف ان شقرا
و طويلا من اكثر المدن انتاجا لهذا التماك!!
وشقرا وطويلا من مدن دارفور ا!...
مناضلة الكي بوورد فات عليها ان كندا
التي تعيش فيها وعلي الولفير مصدر دخلها
جايي من التمباك والخمور بانواعها!!
حتي السودان جزء من دخله بيعتمد علي
تمباك شقرا وطويلا ( ود عماري)...
دا استهزاء واستحقار بمهن دارفور زي
مزارع التمباك وعمال المطاحن و تجاره ،
ووووو....للنهايه..
ياتراجي ربنا ما جابك لدارفور لو دي عقليتك!!!
لانك تزدري صناعات اهلنا وتصفيها بالوضاعه !!!
عندنا في دارفور ناس بشتغلو في اللحاء ليصنعو
منها السراير والحبال
عندنا في دارفور ناس بشتغلو في الوبر ليصنعو
السجاد
عندنا في دارفور ناس بشتغلو في الجلود
ليصنعو الحقايب والمراكييب و...الخ
نخاف منك ياتراجي والله وبنخاف من امثالك
لانكم كذابين بتلفقو الحقايق وبتاعين تزوير
وبتشمأزوا مننا ومن صناعتنا!!! انتو ناس
عايزين تسلطنوا علينا ... وليس مناضلين لفك
قيودنا المكبلانه...!
|
Post: #31
Title: بائع التمباك (تراجي مصطفى): re
Author: فاروق حامد محمد
Date: 08-21-2006, 07:39 PM
Parent: #1
الأخت السيدة تراجي
الأمريكيون يسفون ويخرتون السفة بطريقة منحطة ومقرفة
والألمان يسفون والدنماركيون والهولنديون والهنود والباكستانيون
والايرانيون والاستراليون يعني باختصار اهل الشرق واهل الغرب بسفوك يسفوك
المشكلة انه البنات في السودان بقن يسفن عديييييييييييييل كده ويدخنن
بنقو عدييييييييييييييييل كده وقد انتشرت هذه الظاهرة بعد مجيئ حرامية
الانقاذ وهذه ظاهرة يجب دراستها من قبل المختصين والتركيز على انحطاط القيم
في المجتمع السوداني وعدم الاحساس بهاأي القيم ال sense of values
السيدة تراجي
نحن الآن أولياتنا ليست الحديث عن التمباك ولكن في اخواننا الاعلاميين
الماشين للتطبيع مع نظام الحرامية واللصوص والقتلة ومغتصبي النساء
وبدلا عن الحديث عن التمباك كنت أود أن تعلمونا ماذا فعلتم مع هذا الأخرق
الذي خاض في شرف نساء السودان وطعن نساء دارفور في شرفهن وهذه تهمة قذف
واضحة وضوح الشمس في رابعة النهار وتودي بمقترفهاالى الادانة واقامة حد القذف عليه
شرعيا وأقلها السجن والجلد 80 جلدة ....... ماذا فعلت منظمات دارفور ومنظمات حقوق
الانسان ومنظمات الدفاع عن حقوق المرأة وغيرها وغيرها . والله أنا في غاية الغضب
أخوك فاروق
|
Post: #33
Title: Re: بائع التمباك (تراجي مصطفى): re
Author: Adrob wad Elkhatib
Date: 08-21-2006, 07:57 PM
Parent: #31
لكن ضروري قلبك وين ومهموم بشنو؟؟؟؟؟
الاتجاهات الاربعه....شمال وشرق وغرب وجنوب...
|
Post: #36
Title: Re: بائع التمباك (تراجي مصطفى): re
Author: ريهان الريح الشاذلي
Date: 08-22-2006, 02:18 AM
Parent: #33
سلامات تراجي ومشتاقييييييييين
كان في حكاية مشهورة حصلت في الخرطوم كده عن التمباك بتقول انو محلين بتاعين صعود قرروا
اسيادهم انهم يتشاركوا ففتحوا محل سموه (التحالف) قاموا اتشاكلوا وفرتقوا الشراكة فواحد
فيهم طلع بيان وزعوه في السوق بينوه فيهو انه هو الاصل وما عداه تقليد ساي .......
عموما يا تراجي ده هو المجتمع السوداني وداء العمل التحالفي فيهو ...........
|
Post: #34
Title: Re: ...بائع التمباك.....
Author: alsngaq
Date: 08-22-2006, 01:48 AM
Parent: #1
Quote: وانما اتحدث عن كندا وهنا باعة التمباك ليس جميعهم
من مكان جغرافي واحد....وانا لا اعرفهم جميعا بل اعرف واحد فقط منهم. |
تراجي اوع بس يكون الواحد دا
محمد ادم ؟؟؟
|
Post: #35
Title: Re: ...بائع التمباك.....
Author: فيصل نوبي
Date: 08-22-2006, 01:57 AM
Parent: #1
الجنجويد بيسفو !!
|
Post: #37
Title: Re: ...بائع التمباك.....
Author: ترهاقا
Date: 08-22-2006, 02:34 AM
Parent: #35
أها زى ما ناس الغرب صدروا لينا التمباك نحن كمان حنصدر ليهم التركين
ونمشى نفتح محلات فى الفاشر ونيالا
بالمناسبة أكتر ناس بيسفوا هم الامريكان وخصوصا ناس الجيش والشرطة ولاعبى البيسبول
|
Post: #38
Title: Re: ...بائع التمباك.....
Author: abuguta
Date: 08-22-2006, 03:32 AM
Parent: #37
تراجى
فى اشهر محل لبيع الصاعوط فى الرياض
اسمه المحسى...لكن قال مولود فى دارفور
موضوع جميل...والحكمة فى الخرمة
| Quote: بالمناسبة أكتر ناس بيسفوا هم الامريكان وخصوصا ناس الجيش والشرطة ولاعبى البيسبول |
ها ها ها ها
ترهاقا...
اكثر شعب بسف هم الهنود وعندهم جميع انواع الصاعوط...
وسبحان الله البسفو بعرفو بعض...واخرمان ممكن يختار صاحب الكيس من بين الشلة
لكن معقولة ناس دار فور ما بسفو..طيب كيف يعرفو المحصول الكويس من الكعب..
مودتى
|
Post: #58
Title: Re: ...بائع التمباك.....
Author: Tragie Mustafa
Date: 08-23-2006, 06:18 AM
Parent: #37
ترهاقا سلام
Quote:
أها زى ما ناس الغرب صدروا لينا التمباك نحن كمان حنصدر ليهم
التركين ونمشى نفتح محلات فى الفاشر ونيالا
سلام
|
يا ريت يا ترهاقا عارف التركين ده رغم ريحته الفظيعه مغذي جدا
وبعدين نحن في الغرب عندن نقص في مادة اليود في مياهنا ويسبب لينا الغده الدرقيه
يا زول ندفع نص عمرنا ونلقى تركين
واوع تصدق غرباوي يقول لك تركينكم عفن طوالي قول ليه ما اعفن من المريس ولا الكول
وعلى فكرة من معابشتي لاهل السودان بتنوعهم كل زول (عنده فطيسه بيحبها)
التركين
الملوحه
المريس
الفسيخ
الكول
وفي الشرق (الزرنباك) هل ترعفه يا ترهاقا؟؟؟ده عايز بوست براه.
تحياتي.
لنهى صالح والفاتح بدر.
تراجي.
|
Post: #54
Title: Re: ...بائع التمباك.....
Author: Tragie Mustafa
Date: 08-23-2006, 05:25 AM
Parent: #35
يا نوبي
اتخيل طلعوا بيسفوا لكن الزرقه ما شفتهم بيسفوا لسه....
تراجي.
|
Post: #39
Title: Re: ...بائع التمباك.....
Author: Adil Osman
Date: 08-22-2006, 03:40 AM
Parent: #1
اشارك الاخ السنجك خوفه ان يكون هذا البوست لتصفية خصومة بين تراجى ومحمد ادم وحيدر حماد اللذين اتهموها اتهامات فظيعة من الانتحال الى التزوير الى استغلال قضية دارفور لمارب شخصية.
هل هذا هو السبيل المناسب لرد على اتهاماتهم؟
بالكلام والتعريض بمهنة احدهم وعادة شخصية للاخر؟
ربما يكون استنتاجى خاطئ. واتمنى الا يكون هذا هو المقصود من البوست.
|
Post: #40
Title: Re: ...بائع التمباك.....
Author: mohamed osman bakry
Date: 08-22-2006, 03:47 AM
Parent: #39
| Quote: لكن معقولة ناس دار فور ما بسفو..طيب كيف يعرفو المحصول الكويس من الكعب.. |
من ريحتو
|
Post: #42
Title: Re: ...بائع التمباك.....
Author: Dina Faisal
Date: 08-22-2006, 05:39 AM
Parent: #39
| Quote: ربما يكون استنتاجى خاطئ. واتمنى الا يكون هذا هو المقصود من البوست. |
معقولة بس يا عادل عثمان
ما هي واضحة زي الشمس!!!!!!!!!!!!!!!!!!
|
Post: #43
Title: Re: ...بائع التمباك.....
Author: فيصل نوبي
Date: 08-22-2006, 05:49 AM
Parent: #42
.
|
Post: #41
Title: Re: ...بائع التمباك.....
Author: alsngaq
Date: 08-22-2006, 04:08 AM
Parent: #1
| Quote: ربما يكون استنتاجى خاطئ. واتمنى الا يكون هذا هو المقصود من البوست. |
وهذا ما ارجوه ايضا اخي عادل
|
Post: #44
Title: Re: ...بائع التمباك.....
Author: adil amin
Date: 08-22-2006, 06:00 AM
Parent: #1
ذلك مبلغكم من العلم
الفاضي
يعمل
قاضي
|
Post: #45
Title: Re: ...بائع التمباك.....
Author: Tragie Mustafa
Date: 08-22-2006, 04:29 PM
Parent: #44
I will be back later
Tragi
|
Post: #47
Title: Re: ...بائع التمباك.....
Author: Tragie Mustafa
Date: 08-23-2006, 00:37 AM
Parent: #45
نبدأ بالاخ عادل امين
Quote:
ذلك مبلغكم من العلم
الفاضي
يعمل
قاضي |
شكرا لمرورك وحرام يعني اعمل قاض ليوم واحد
اما مبلغنا من العلم فالله اعلم به.
ويكفينا ان نتعلم من امثالكم وتذكر من تواضع لله رفعه.
تراجي.
|
Post: #48
Title: Re: ...بائع التمباك.....
Author: عمر الفاروق
Date: 08-23-2006, 01:06 AM
Parent: #1
تراجي:
Quote: اسوء منظر ان تدخل لحمام بعد زول سافي........
اخييييييييييييييييييييييييي منظر مقرف بشششششششششششششششششششكل |
.
دي عرفتيها كيف يا اللخت ؟؟؟
دحين في امريكيا حمامات الرجال مش مفصولة من النسوان ولّا دي حركات افلام ساكت ؟؟؟
|
Post: #49
Title: Re: ...بائع التمباك.....
Author: Emad Abdulla
Date: 08-23-2006, 02:40 AM
Parent: #48
أختنا العاصفة .. تراجي .
ضحكتيني من صباحات الله ..
أقول : معقولة ياربي !! ..
أقرا تاني ( طبعا بالمزاج البيفتش لأي سبلة تفك ليهو الدبرسة ) ..
قريت مداخلاتك الأولى كده : | Quote: هل تعرفون التمباك؟؟؟؟؟؟؟؟؟؟؟؟؟؟؟ تراجي. |
.. ثم Quote: والضمير في عاشقه يعود للتمباك
تراجي. |
.. و بعدين Quote: اشتهر رجلان في مدينتنا الصغيره بعشقهم للتمباك
تراجي. |
.. و تااااني Quote: دارفور تنتج والشماليه تسف
تراجي. |
قلت تراجي عملت BRAND NAME للصعوط ..
و سمتو بإسمها كمان ( تمباك تراجي ) ؟؟
و الله ما عافي ليها ..
غايتو يا تراجي ما تختي توقيعك بعد نهاية المداخلات ..
وللا تبقي في جنس لبيخي ده .
يديكي العافية ..
و شكرا لبسمة صباحية ..
كنت أحتاجها .
|
Post: #51
Title: Re: ...بائع التمباك.....
Author: ابو جهينة
Date: 08-23-2006, 04:42 AM
Parent: #49
تراجي سلام
مع إني لا بسف .. لا بسجر ..
إلا أنني أتكيف للطقوس التي يمارسها أهل الصعوط عند عملية السف .. و ليس عند إخراج السفة فتلك عملية أشبه بولادة قيصرية ..
فعملية الدردمة ثم قذف السفة ( بحرفنة ) داخل الفم
أو كشح السفة داخل الفم ثم لملمتها باللسان لترقد في ركن حريز
أو مط الشفة السفلى أو العليا لدس السفة
ثم نفض اليدين بحركة تشبه الإنتهاء من عملية صعبة ..
كلها طقوس تجعلني أتابعها بكيف.. لا أدري لماذا ؟
عندنا واحد يا تراجي نضام شديد .. في أي إجتماع ما بيدينا فرصة و صوتو يجيب الرايح ..
أها و دايماً سافي .. و ينضم و ينضم .. و لما يجي يتف السفة تلقيه يمط شلوفتو السفلى و بيبزق في السفة و هو بيقول : كدة دقيقة أدونا فرصة معاكم ..
أما الحرفنة فهي في تلك العلية التي لها فتحتان و في نص العلبة يوجد فاصل .. فهي علبة من إختراع واحد بخيل .. فيضع صعوطا في جزء و يجعل الجزء الآخر فاضي. فيهب من يشاء من الجزء المليان و يبخل على من يشاء بفتح الجزء الفاضي و هو يقسم بأغلظ الإيمان أن حُقَّته ما فيها شي...
( يضع نقطة من البوهية السوداء على غطاء الجزء الفاضي كناية عن نيته السوداء في البخل ) ..
تخريمة : الطلبة السعوديين أدمنوا التمباك السوداني .. بنسبة عالية جداً.
أرقدي عافية
|
Post: #52
Title: Re: ...بائع التمباك.....
Author: Tragie Mustafa
Date: 08-23-2006, 05:15 AM
Parent: #51
ابو جهينه سلام
ومدخلتك لذيذ لذا رديت عليها قبل البقيه:
Quote:
تراجي سلام
مع إني لا بسف .. لا بسجر ..
إلا أنني أتكيف للطقوس التي يمارسها أهل الصعوط عند عملية السف .. و ليس عند إخراج السفة فتلك عملية أشبه بولادة قيصرية ..
فعملية الدردمة ثم قذف السفة ( بحرفنة ) داخل الفم
أو كشح السفة داخل الفم ثم لملمتها باللسان لترقد في ركن حريز
أو مط الشفة السفلى أو العليا لدس السفة
ثم نفض اليدين بحركة تشبه الإنتهاء من عملية صعبة ..
|
اتخيل نحن كل الافلام دي بتكون فايتنا مالم الواحد يكون عندها واحد من اهلها بيسف.
الجماعه في الجامعات اقصد الزملاء الرجال اغلبهم بيدسوا عننا انهم بيسفوا.....
الا بعض من يمكن تحضر معهم اجتمعات لساعات فيضروا يوضحوا اسراهم امامها
وياله من منظر مقزز....كرهت الاجتماعات عندما تجمعني بمن يسف
واعتقد هذه عقد زرعتها بنا امي الله يرحمها فقد كانت تحظر تماما السفه
حتى للضيوف وكان من يسف من اصحاب ابي يقولون خلونا نتف السفه قبل ما نصل ست بتول
وكانت مرة هيبه وشخصيه الكل يعمل لها الف حساب.
واتذكر الملنوج بتاع:
قول ليه يا يابا قول ليه لا عليك الله
كرشو كبيره متندله
ايديه راجعات لورا
خشمه بالسفه اتملا
........ولا اذكر الباقي
| Quote: تخريمة : الطلبة السعوديين أدمنوا التمباك السوداني .. بنسبة عالية جداً. |
معقول كل العلامناه ليهم يكون دهههههههههههههههههههههههههههههههههههههههههههه.
تحياتي وشكر لمرورك الجميل واضافاتك الظريفه.
تراجي.
|
Post: #50
Title: Re: ...بائع التمباك.....
Author: محمد الامين محمد
Date: 08-23-2006, 04:37 AM
Parent: #48
يا ربي يكون الاخ تراجي بيسف
|
Post: #53
Title: Re: ...بائع التمباك.....
Author: DKEEN
Date: 08-23-2006, 05:21 AM
Parent: #1
| Quote: اسوء منظر ان تدخل لحمام بعد زول سافي........ |
اسوا منظر بكون بعد تقبيل زولة او زولة بتسف...
تاني اسوا شي انك تتكلم في شي ماجربتو؟؟
ام ضراع
انتي بالذات السفة فيك لايقة..
جربي وبعدين تعالي اتفاصحي..
|
Post: #56
Title: Re: ...بائع التمباك.....
Author: Bakhaf
Date: 08-23-2006, 05:45 AM
Parent: #53
Quote: دي عرفتيها كيف يا اللخت ؟؟؟
دحين في امريكيا حمامات الرجال مش مفصولة من النسوان ولّا دي حركات افلام ساكت ؟؟؟ |
قر قر قر قر قر قر قر
ضحكت حتى وقت طاقيتها
على قول تماضر شيخ الدين
عمر الفاروق
الله يكتك
والله دي بالغة فيها
|
Post: #57
Title: Re: ...بائع التمباك.....
Author: Tragie Mustafa
Date: 08-23-2006, 06:10 AM
Parent: #56
عمر الفاروق وفارغته
طبعا ما بتعرف حاجه اسمها العمل العام؟؟؟؟؟
Quote:
عمر الفاروق
الله يكتك
والله دي بالغة فيها |
وبنجتمع يا اخي مع ناس السفه دي
ويحدث انك تدخل الحمام بعدهم
واجتماعتنا في قاعات صغيره او منازلنا وحمام واحد كا عجبك.
انت امركيا دي ما ميت فيها وحافظه جحر..جحر وقصه قصه
الله يهون لك وما تموت قبل ما تشوفها
تراجي.
|
Post: #60
Title: Re: ...بائع التمباك.....
Author: ام طارق
Date: 08-23-2006, 01:20 PM
Parent: #1
اختي العزيزه تراجي مصطفي
سلمتي لينا والله يخلفيك موضوع في غايه الاهميه
واصلي
|
Post: #61
Title: Re: ...بائع التمباك.....
Author: Kostawi
Date: 08-23-2006, 01:48 PM
Parent: #60
|
Post: #63
Title: Re: ...بائع التمباك.....
Author: Tragie Mustafa
Date: 08-25-2006, 10:43 AM
Parent: #61
في واحد عتال بوستات جاء انحشر علق مداخلته الاخيره فوق
نختها في مكانها بعدين نرجع
وشكرا يا محمد الامين انك نكته لي البوست ده.
ولو بتقرأ كان عرفته انه كتبته في الاول
انه دارفور تنتج و الشماليه تسف
اي كل عملية الانتاج بتتم عندنا يا كذاب ولفاح:
Quote:
التمباك دا موضوع مراد به دفن راس
النعامه(تراجي) في التراب
من امور قامت بها وهي التزوير المنشور
ببوست محمد ادم...( من هي تراجي مصطفي؟)
تراجي عايزه تكحلها ، لكن عمتها!!
هذا يدل علي خواا ئها الفكري وعدم
اهليتها للتصدي لقضية دارفور!!!
لانها وبكل بساطه لا تعرف ان شقرا
و طويلا من اكثر المدن انتاجا لهذا التماك!!
وشقرا وطويلا من مدن دارفور ا!...
مناضلة الكي بوورد فات عليها ان كندا
التي تعيش فيها وعلي الولفير مصدر دخلها
جايي من التمباك والخمور بانواعها!!
حتي السودان جزء من دخله بيعتمد علي
تمباك شقرا وطويلا ( ود عماري)...
دا استهزاء واستحقار بمهن دارفور زي
مزارع التمباك وعمال المطاحن و تجاره ،
ووووو....للنهايه..
ياتراجي ربنا ما جابك لدارفور لو دي عقليتك!!!
لانك تزدري صناعات اهلنا وتصفيها بالوضاعه !!!
عندنا في دارفور ناس بشتغلو في اللحاء ليصنعو
منها السراير والحبال
عندنا في دارفور ناس بشتغلو في الوبر ليصنعو
السجاد
عندنا في دارفور ناس بشتغلو في الجلود
ليصنعو الحقايب والمراكييب و...الخ
نخاف منك ياتراجي والله وبنخاف من امثالك
لانكم كذابين بتلفقو الحقايق وبتاعين تزوير
وبتشمأزوا مننا ومن صناعتنا!!! انتو ناس
عايزين تسلطنوا علينا ... وليس مناضلين لفك
قيودنا المكبلانه...! |
وما ده بس
عندنا صناعة احسن مريسه
واحسن سكسكو
واحسن عسليه
كان ما عجبك
وكلها مهن ولا اضطهادها ايها المتهيج لعنصريتك.
وتظل تراجي بطرحها كان عبجبك كان ما عجبك دارفوريه اصيله
والزرعنا يقلعنا.
تراجي.
|
Post: #64
Title: Re: ...بائع التمباك.....
Author: محمد الامين محمد
Date: 08-25-2006, 01:12 PM
Parent: #63
بس ده ما اسلوب بنات دارفور المؤدبات المحتشمات بغض النظر عن الجنس والعرق
|
Post: #65
Title: Re: ...بائع التمباك.....
Author: Muhib
Date: 08-25-2006, 01:19 PM
Parent: #64
الاخت الفاضله تراجي ..
سوف اقراء البوست برووواقه ومن غيره سفه ..لااتعاطي هذا العشب ..ولك الياسمين فرئحته اجمل
|
Post: #66
Title: Re: ...بائع التمباك.....
Author: النسر
Date: 08-25-2006, 06:34 PM
Parent: #65
يا التنبك التنباك
جاتلى سحابة
متل التقول تنباك
ونفسك بارد
يشبهة التنباك
يابت الملوك
الجنهم تنباك
واحد سفيف وخرمان
تراجى ازيك وتسلمى من كل شر البوست جميل وفكرتوا غير مسبوقة
ومع احترامنا للسففين والتنابكة نقول التنباك اصلا ما حضارى ولا جميل
وكمان ما بتحبا اصلا لكن يبدوء ان شعبنا تعود على الصعاب
لان كل انواع المكيفات اسعارا نار الا التنباك فى متناول يد
اصحاب الكيف
بوست محتاج صور من محل التنباك الى مرحلة دنكلت السفة وختتا فى الشلاليف
وهاك يا تتليش وضهب بعد داك
تحياتى ... كونى بخير
|
Post: #68
Title: Re: ...بائع التمباك.....
Author: Tragie Mustafa
Date: 08-26-2006, 00:27 AM
Parent: #64
محمد الآمين كتب:
| Quote: بس ده ما اسلوب بنات دارفور المؤدبات المحتشمات بغض النظر عن الجنس والعرق |
وارد عليه
| Quote: وده ما اسلوب رجال درافور البعرفهم الكلهم نخوة واخلاق وتهذيب وتحضر وتمدن وليبراليه |
يبقى عرفته انه لكل منا دارفور خاصه ولا نلتقي.
تراجي.
|
Post: #67
Title: Re: ...بائع التمباك.....
Author: Tragie Mustafa
Date: 08-26-2006, 00:25 AM
Parent: #60
العزيزه ام طارق
وبركه الشفناك في بوست
منورنا و الله:
Quote: اختي العزيزه تراجي مصطفي
سلمتي لينا والله يخلفيك موضوع في غايه الاهميه
واصلي |
اعتقد هي فرصه ان نسمع هؤلاء الرجال كم هو مقرف هذا التمباك
والمقرف اكثر انه الشريك يخبيء عن خطيبته انه بيسف لتفجأ بعد الزواج بالسفه
وما يتبعها من قرف ومناظر عجيبه.
لو هنالك صدق من الطرفين وكل الشركاء راضين اكيد مافي حاجه
لكن كثير من الرجال يلجأون لسياسة الامر الواقع.
ثانيا يا اختي مضاره فظيعه
هنالك دراسات تمت عن علاقته بسرطان اللثه وقامت بها
كلية الاسنان جامعة الخرطوم ونفذ البحث في الشماليه.
ليتني اعرف طريق لنسخة من نتائج البحث.
وساعود بالمزيد.
تراجي.
|
Post: #69
Title: Re: ...بائع التمباك.....
Author: البعيو
Date: 08-26-2006, 00:50 AM
Parent: #1
مولانا تراجى
انا شخصياً بعرف
التمباك
وايقال له الصعوط
واحياناً ود عمارى
|
Post: #70
Title: Re: ...بائع التمباك.....
Author: Tragie Mustafa
Date: 09-04-2006, 11:12 PM
Parent: #69
العزيز البعيو
وبركه الشفناك في بوستتاتنا زائر
ورغم المشغوليات بقضايا اهم الا اني ارجع لتعليق قرأته لك:
Quote:
مولانا تراجى
انا شخصياً بعرف
التمباك
وايقال له الصعوط
واحياناً ود عمارى |
لي سؤال عندك ,ترى لماذا سمي الصعوط او ماهو المعنى؟؟؟؟؟
ولماذا سمي ود عماري؟؟؟؟
تقديري.
تراجي.
|
Post: #71
Title: Re: ...بائع التمباك.....
Author: فرحات عباس
Date: 09-05-2006, 02:12 AM
Parent: #1
العزيزة تراجي .. لك التجلة
التبغ والتمباك والتابا والتتن كلها أسماء لتلك النبتة الغبشاء الكئيبة ...
كيس التمباك أصبح لازمة سودانية .. مصاحباًِ لكثير من الجيوب خاصة في الشمال والجنوب .. وصحيح جداً ما ذهبت إليه بأن دارفور تزرع والخرطوم تسف ... وقد شهدت تجارة التمباك إزدهاراً واسعاً في منتصف السبعينات وبداية الثمانينات وقد أسس بشكل متين لتجار الشنطة الذين أثروا بعد ذلك من خلال التجارة مع ليبيا ودول الجوار الأفريقي .. فانطلقت بعدها مباشرة الإشادة بهذه الطبقة ... والتغني بمآثرها فلا تكاد تخلو أغنية من أغاني البنات من إشادة بود الغرب الأحسن من مية مغترب ... ويا ناس ود الغرب.
وشقرة من أشهر مناطق إنتاجه .. وقد وصف أحد أصدقائي ذلك في معارضة لمعلقة لبيد التي كنا ندرسها آنذاك
عفت الديار سهولها وإكامها " وبشقرة " الغراء ظُبط خامها
ولواري العطشان سُتف رحلها طمعاً كما ركب المساعد هامها
ولعل انتشاره يعود إلى رخص سعره وسهولة الحصول عليه.. وهو حسب علمي ذو درجات أخطرها على الإطلاق نمرة واحد وهو نادر في الاسواق ولعله لا يعد إلا بالطلب .. وتختلف طريقة استعماله إذ يوضع في الفم في الشفة السفلى أو العليا وفي " الجضوم " وتحت اللسان وبعض قبائل الجنوب تضعه في الصدغ عند " الأضان " وحدثني بعضهم بأنهم شاهدوا من يضعه بين أصابع رجليه وإبطه ..ومناطق أخرى " ما لذيذة " وهذا ليس غريباً فكلها مناطق ذات حساسية تصلح مداخل للكيف...كما ويتم استنشاقه عند البعض وهو ما يعرف " بالنشوق " وهو منتشر في أوروبا وقبائل الهنود الحمر في أمريكا ..
وقد نشب صراع فقهي منذ أيام دولة الفونج حول حرمة تناول التمباك ذكره ود ضيف الله في غير موضع من طبقاته حيث لم يقتصر تناوله على العامة بل تعداهم لوجهاء الدولة وفقهائها.. غير أن الأمر الأكيد بين كل ذلك هو أن هذه النبتة " الولوفة " إحدى أهم محفزات مرض السرطان بتأكيد الكثير من المصادر الطبية " أرجو عدم مطالبتي بهذه المصادر لأني سمعت بيها وطنشتها ... ولأني زمان كنت من أحرف الذين يدردمون السفة ويلقونها بأفواههم فلا يستطيع أجعص مدرس اكتشافها.
عزيزتي تراجي ... مجدداً لك حبي
فرحات
|
Post: #72
Title: Re: ...بائع التمباك.....
Author: محمد جمعه جوده
Date: 09-06-2006, 07:24 AM
Parent: #1
بعد الكلام القالتو تراجى عن التمباك والكيف بتاع التمباك على بالطلاق واقطع يدى جربتو
لان بتتكلم عن التمباك وهى متكيفه منو ومال لو سفيتى وكتبتى فى المنبر حتكونى كتابه، يعنى
المره الجايه ما تنسى تشنقى ليك سفه كدا مدنكله عشان كتاباتك تكون قويه.
|
|