رغم الاحزان الوطنيه لكن تعاولوا نحتفل مع اخونا رافت ميلاد!!

رغم الاحزان الوطنيه لكن تعاولوا نحتفل مع اخونا رافت ميلاد!!


11-10-2006, 08:52 AM


  » http://sudaneseonline.com/cgi-bin/sdb/2bb.cgi?seq=msg&board=193&msg=1165010327&rn=0


Post: #1
Title: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 11-10-2006, 08:52 AM

اكمل المقاتل رأفت ميلاد العام ال 25 زواج بام اولاده الرائعه

ومعذره لو لم اعلم قبل الآن بذلك.

ويا رافت نحن هنا لا نحتفل بك فقط,ولكن نحتفل بما تمثله من نموذج

فجميلا ان نكتب مع من هم مثلك,وما بين احزاننا ونحن جيل منكوب بالاحزان الشخصيه

والوطنيه,نفرح عندما نكتشف انا لنا زميلا يعيش حياة مستقره وناجحه.

رغم علمي ان هنالك حادثه قد هزت استقرارك وفرحك وأمانك وهي فقدانك لاخيك

الرائع سليمان ميلاد وبحثك المستمر عن قاتله و الحقيقه وراء قتله,ورغم ان الضبابيه

التي تتكاثف امامك كل يوم تزيد من حزنك ولكنها لا تفت من عزيمتك.

ورغم قصر تجربتك المنبريه الا انها عامره جدا,واعتقد قد تتفق معي بانها رغم بؤسها

فاجمل ما فيها انها تحمل لنا كل يوم بعدا سودانيا اصيل لحاتنا بالمنافي,وتضيف

شيئا يشبه مزاق الجنزبيل لقهوتنا الصباحيه.

فرحة انا لك يا اخي باعوامك ال25 سنه واتمنى لك 25 آخرى بهذه التأبيده ولاعايز

زياده

واتمنى ان يديم الله نعمته عليك بالاستقرار الاسري فهو لا شيئا يعادله,وان تفرح

باولادك وبناتك,ويعطيهم الله مثل ما اعطاك وافضل المقدره على محبة الناس و التسامح

الذي نتعلمه منك كل يوم.

رافت ميلاد

نحن نحبك ...ونحب اسرتك.....ونحب كل من نشم فيه رائحة الشهيد سليمان ميلاد.

وشكرا لك اشراكنا لك في هذه اللحظه الاسريه السعيده و المستمره باذن الله.

تراجي.

Post: #2
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 11-10-2006, 09:02 AM
Parent: #1


وعارف يا رافت لماذا افردت لك بوست

ليس لشخصك ولكن للظاهره فكما قلت لك صار من النادر ان نتعرف على شخص يقول لك

انه تم 10 على زواجه ناهيك عن 25 سنه!!

Quote:
ويا رافت نحن هنا لا نحتفل بك فقط,ولكن نحتفل بما تمثله من نموذج

فجميلا ان نكتب مع من هم مثلك,وما بين احزاننا ونحن جيل منكوب بالاحزان الشخصيه

والوطنيه,نفرح عندما نكتشف انا لنا زميلا يعيش حياة مستقره وناجحه.



وكأننا نقف على ارض متحركه,فجيلنا هذا من هم 40 او فوقها قليلا او تحتها قليلا

1)اما لم يتزوجوا وفضلوا ان يظلوا متفرجين على المؤسسه بحالها.

2)واما تزوجوا وفرتقوا بسرعه في سنه سنتين وبالكثير 5 سنوات.

3)واما هم داخل المؤسسه لسه ويفكروا جادين في التخارج منها مع قناع بفشلها وليس

فشل الاختيار المحدد.

4)واما من وضعوا رايا حادا بأن الزواج لا ضرورة له وانه يقتل الحب.

5)وهنالك قلة تعتبر نفسها ناجحه ومتمسكه باختياراتها,لكن لا يمنع ذلك ان تجدهم

يشاركون بالسخريه عن المؤسسه بعيدا عن اعين شركائهم.

6) ومجموعه آخيره تمارس الحياة كما عاشها الذين قبلهم ويقولن انهم سعداء

في هذا النموذج.

وقديما قيل عن الزواج بأنه مثل (الحمام) الفيه عايز يطلع منه بسرعه

والواقف بره عايز يدخل باسرع ما يمكن,وبين مرافعات هؤلاء واؤلئك تضيع الحقيقيه.

ومن بين كل هذه التساؤلات نقولها لك كل عام وانت وزوجتك بالف خير.

تراجي.

Post: #4
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: هجو الأقرع
Date: 11-10-2006, 09:12 AM
Parent: #2

الفاضله تراجى (بت القبائل) سلام ، شكرا على اللفته البارعه ، والاخ رأفت انسان رائع بمعنى الكلمه ، ومبروك البرونزيه وعقبال الفضيه والذهبيه ، يا ام حازم وسند بحمدالله الان على مشارف ال22 سنه ، عشان الجماعه ما يسرحوا بعيد تزوجت وانا 24 وعقبال سند وحازم طبعا حسب الاتفاق.اخى رأفت لك دوام الصحة والهناء.

Post: #6
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 11-10-2006, 09:20 AM
Parent: #4

الفاضل هجو الاقرع

شكرا لروك ومشاركة اخيك رافت احتفاله.

وعقبال احتفالنا بك وانت بكامل صحتك و المدام بعيد ميلاد

زوجكم البرونزي كما قلت.

Quote: يا ام حازم وسند بحمدالله الان على مشارف ال22 سنه ، عشان الجماعه ما يسرحوا بعيد تزوجت وانا 24 وعقبال سند وحازم طبعا حسب الاتفاق.اخى رأفت لك دوام الصحة والهناء.


وحقيقة يا هجو انا فخورة بيكم

واتمنى ان يتحقق النجاح لاسر كثيره شابه وان يهديء نفوس الغير مستقرين

من اخوتنا وان يعدمنا ريحة العازبي ويعرس ليهم كلهم وكذلك بياتنا.

وبختك تزوجت باركا وتمتع برؤية ابنائك ينشاؤن معك,وهي فرصه ادعو

من خلالها كل شبابانا ان يتزوجوا باكرا فليس اجمل من ان تشرف على اطفالك

بكامل صحتك وتقدر ان تواكب انشطتهم معهم وتستمتع بابوتك وامومتك اكبر قدر

ممكن فهي تجربه تستحق,وياربي ما تحرم بيت من الاطفال.

وياريت يا هجو تبطلوا انانيه شويه وتطلعوا من علبكم وتحكوا لينا او تملكونا

شوية اسرار انت ورافت وكل الذين قضوا اكثر من 20 سنه زواج (باسرار الوصفه السحريه

للمحافظه على زواج ناجح)

ولك الود.

تراجي.

Post: #18
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: هجو الأقرع
Date: 11-10-2006, 01:03 PM
Parent: #6

الاخت تراجى شكرا على الدعوات ، الخبره موجوده بس واحد فنان يفتح البوست بطريقه حلوه وحاضرين.

Post: #5
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 11-10-2006, 09:13 AM
Parent: #2


عارف يا رافت

لي صداقات كثيره جدا مع اقباط

وكان يدهشني دوما مقدرتهم مع التعامل مع الاشياء

وكنت استغرب اقول في نفسي ياترى ماذا يعلمون هؤلاء الناس في الكنيسه

وليه هم كلهم هادئين ودبلوماسين وطيبين.

كذكل كانت تلفتني حقيقه....وهي ايام سفر الاقباط باعداد كبيره

للمهاجر والمنافي بعيدا عن السلطه التي شردتهم,ازدهرت تجارة الآثاث

المستعمل بحاله اكثر من جيده,فقد باعوا الكثير وغادورا.....

اذكر تعليق سمعته من احد كبارنا يقول كان مضطر تشتري مستعمل

ما تشتري الا من قبطي,فاشيائهم كأنها لم تستعمل قط!!!

وذاد ذلك من دهشتي بان صبركم وسلوكمكم انعكس حتى على تعاملكم

مع ممتلكاتكم فانتم تتعامولا معها بكل حرص ومحبه وتقدير لذلك

تحافظوا عليها ,وكثيرا ما ظليت ابحث عن السر؟؟؟؟

فمن اين لكم بطولة البال هذه وما علاقتها بالقبطيه,فهي في نظري

سلوك قبطي وليس مسيحي فقد مرت علي نماذج آخرى لمسيحين لا يشبهوا

اقباطنا في السودان من حيث الانضباط و الدقه وعدم الانفعال.

وكل عام وانت واسرتك بخير.

تراجي.

Post: #7
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Al-Shaygi
Date: 11-10-2006, 09:24 AM
Parent: #2


أولاً أهنيء وأبارك للأخ رأفت ميلاد وأقول ليه عقبال 100 سنة.

Quote: ان نتعرف على شخص يقول لك

انه تم 10 على زواجه ناهيك عن 25 سنه!!

أهه يا خالتي تراجي أنا الشايقي المسكين الضعيف ده بقول ليك تميت 20 سنه في وش العدو.
يعني من 86 ونحن الآن في 2006م وكان حسبناها بالهجري بتبقى 21 سنة.
عقبال ما تتمي 100 سنة زواج وما عارف كم فوق الميه عمر وعاد الوقت داك بتكوني حاجة فظيعة ، جنس بري في العالمين.
المهم كل سنة وأنت طيبه والله يخلي رأفت الخلانا نكتب كلام سمح وخارج عن المناقرات.

الشايقي

فاوضني بلا زعل

Post: #9
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 11-10-2006, 09:42 AM
Parent: #7

الشايقي

سلام

ومبروك عليك ال 20 سنه وزي ما قال هجو ان شاء الله نحتفل بيكم وانتم واصلين للبرونزيه

Quote: أهه يا خالتي تراجي أنا الشايقي المسكين الضعيف ده بقول ليك تميت 20 سنه في وش العدو.
يعني من 86 ونحن الآن في 2006م وكان حسبناها بالهجري بتبقى 21 سنة.


ويلا ما تبخلوا وادونا اسرا الوصفه السحريه لنجاح الزواج

ما تبخلوا على اخوانكم واخواتكم الرأسهم ضارب و القرب راسهم يضرب

لكم الود,وتحياتي لام العيال المستحمله (مفاوضاتك البلا زعل)

تراجي.

Post: #3
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: نجود حسن عبد الرحمن
Date: 11-10-2006, 09:07 AM
Parent: #1

والله ياتراجى خبر مفرح

مبروووووك رأفت هنيالك والله

Post: #8
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: saif massad ali
Date: 11-10-2006, 09:27 AM
Parent: #3

مبروك رافت

Post: #10
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 11-10-2006, 09:51 AM
Parent: #8

نجود وسيف عقبالكم ما تنجح حاجاتكم زي رافت كده

يديك ود الحلال يا نجود وبعدين ينجح الفيلم الله قولي آمين

وانت يا سيف يوفقك انت ونسرين وتحتفلوا بالبرونزي و الفضي والذهبي معا قول آمين.

وهنا مكان احتفال رافت ميلاد.

http://www.sudanat.com/forum/default.aspx?g=posts&t=733

وكل عام وجميعكم بخير.

تراجي.

Post: #11
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Balla Musa
Date: 11-10-2006, 10:15 AM
Parent: #10

مبروك عيد الزواج الربع قرنى وعقبال عيد الزواج الذهبى.

تحياتى لرأفت وتراجى

ولتراجى نتمنى تسير على درب رأفت وحرمه.

لو كان عندى أغنية (ست البيت) لمبارك حسن بركات لأنزلتها تحية لحرم أخونا رأفت.ياريت تمبس أو معتصم تكون عندهم.

Post: #12
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: فيصل محمد خليل
Date: 11-10-2006, 10:31 AM
Parent: #11

الف مبروك رافت ميلاد

رسل لينا الوصفة

Post: #13
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: فيصل محمد خليل
Date: 11-10-2006, 10:34 AM
Parent: #12


Post: #14
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Mustafa Mahmoud
Date: 11-10-2006, 10:35 AM
Parent: #13

الف مبروك رافت ميلاد

Post: #15
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: HAYDER GASIM
Date: 11-10-2006, 11:47 AM
Parent: #14

مبروك اليوبيل الفضي ... أخ رأفت

وعقبال الذهبي ... وربنا إدي الصحة

وإمهل فى العافية والعمر ... وإحفظ

العيال ... وإديهم الفى مرادهم ...

آميييين ... يا رب العالمين


شكرا أخت تراجي ... وعقبال ليك ذات

الإنجاز ... وأكثر كمان ... مع تحياتي

Post: #16
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: السنجك
Date: 11-10-2006, 12:03 PM
Parent: #15

مبروك يارافت
وعقبال المائه

واتمنى ان يجىء ذلك اليوم الذى نتبادل فيه التهانى والاحضان ويعود السودان كما كان وطنا للجميع

ومازلت اذكر خالتى وهيبه القبطبيه الرائعه جارتنا وامنا الاخرى والتى ونحن صغار كنا نفرح باعيادها اكثر من اعيادنا ونحسب الايام لتلك الاعياد فقد كانت تجيد عمل الكيك والبسكويت والمنيين ...كما كنا نسير خلف كل جنازه لقبطى حتى يدفن وبعدها توزع لنا الحلوى (للاطفال ) واظن هذه من تقاليهم وكنا نسير ونحن حزانى ونحن لانعرف الميت لك تحياتى يارافت ميلاد وعاش السودان موحدا مسلميه واقباطه وشمال وجنوب وشرقه وغربه وكل اديانه وقبائله


السنجك

Post: #26
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 11-10-2006, 07:32 PM
Parent: #12



فيصل شكرا لمروك

وخليك معنا في انتظار الوصفات السحريه.

لك الود.

تراجي.

Post: #24
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 11-10-2006, 03:47 PM
Parent: #11


شكرا د. بله وعقبالك انت وسهام

برضو اتمنى لك الاحنفال بالعيد البرونزي و الفضي و الذهبي

لك الود والتقدير وشكرا لمرورك.

تراجي.

Post: #17
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: خالد خليل محمد بحر
Date: 11-10-2006, 12:59 PM
Parent: #1

العزيز/تراجى
شكرا لك وانت تفردين بوست للخلوق جدا العم رافت.فهو رجل يستحق ذلك...وكفى

Post: #19
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Sabri Elshareef
Date: 11-10-2006, 01:07 PM
Parent: #1

سنة جميلة لك وللمدام اجمل الهناء والمني

وربنا يغطيكم ويعمر بيوتكم الحفاظ علي العلاقات اماد طويلة شي جميل


التهاني من عندي واليكم

Post: #20
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: عزيز عيسى
Date: 11-10-2006, 02:18 PM
Parent: #1

الأخ رأفت ميلاد،

أهنئك أنت والمدام بمناسبة مرور 25 عاما على زواجكم
مع أطيب الأمنيات لكم بموفور الصحة والعافية
ودوام الهناء والسعادة
وأن يفرح معكم الأهل في بركات.

يا تراجي،
برضو زي أخوي الشايقي تزوجت وعمري حوالي 23 عاما
والسنة الجاية اذا مد الله في العمر إحتفل مع المدام
بمناسبة مرور 25 عام على زواجنا. وإيه رأيك زوجتي إثيوبية.

Post: #23
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 11-10-2006, 03:24 PM
Parent: #20



الفاضل عزيز عيسى

رمضان كريم

وتشكر على المرور

Quote:
يا تراجي،
برضو زي أخوي الشايقي تزوجت وعمري حوالي 23 عاما
والسنة الجاية اذا مد الله في العمر إحتفل مع المدام
بمناسبة مرور 25 عام على زواجنا


ان شاء الله تحتفل بالبرونزي والفضي و الذهبي ايضا.

وقلنا لكم اسرار الوصفه السحريه لو سمحتوا وبطلوا دغاله.

Quote: وإيه رأيك زوجتي إثيوبية


هل تعتقد ان هذا يدهشني؟؟؟؟؟

انا عشت اغلب عمري في شرق السودان ونحن اكثر من يعرف الاثيوبين عن قرب

ولنا نماذج كثيره جدا لتلاحم اسري كبير ونجحات منقطعة النظير.

ولا تعتقد اني لي راي سلبي حول الموضوع,فقط استاء جدا للكتابه عن نساء

جنس محدد وليتنا نكتب عن (الجنس كله رجاله ونسائه)يعني ليتنا نكتب

عن الاثيوبين عموما وليس نسائهم فقط.

وبرضو ياريت تسرب لينا الوصفه السحريه للنجاح الزواج من اجنبيه

رغم اننا فعلا في السودان لا نحسب الاثيوبيه اجنبيه فهي اقرب ما تكون الينا.

وسلم لينا على المدام (جارتنا في الشرق)

تراجي.

Post: #21
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Adil Osman
Date: 11-10-2006, 02:19 PM
Parent: #1


تهانينا للاستاذ رأفت ميلاد وزوجته واسرته

Post: #22
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: فاروق حامد محمد
Date: 11-10-2006, 02:53 PM
Parent: #21


تعرف يا رأفت نيشان الخدمة الطويلة الممتازة في الجيش

بدوه بعد 20 سنة وأنت الأن أكملت 25 سنة يعني عندك نيشان

وربع النيشان ... ألف مبروك أيها الأخ الجميل رأفت وعقبال

مائة سنة وللسيدة الجليلة حرمكم أجمل الأمنيات.. وللعقاب

أولادا وبناتا أخلص الأمنيات بمستقبل زاهر واعد في ظل سودان

جديد رائع .. وكل الود لكم جميعا...
أخوك/فاروق حامد

Post: #25
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: محمد عادل
Date: 11-10-2006, 04:48 PM
Parent: #22

الف مبروك
للحبيب رافت ميلاد

Post: #27
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: doma
Date: 11-10-2006, 10:00 PM
Parent: #25

تهانيئنا اخ رافت والجميله رفيقه دربه وعقبال اليوبيل الماسي .

Post: #29
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: عصام أحمد
Date: 11-10-2006, 10:02 PM
Parent: #27


Post: #28
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: حيدر حسن ميرغني
Date: 11-10-2006, 10:01 PM
Parent: #25

تهانينا للاستاذ رأفت ميلاد وزوجته واسرته

Post: #30
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: فرح
Date: 11-10-2006, 10:05 PM
Parent: #28

الاخت تراجى اشكرك الخال رافت ابن المسالمه ود امدرمان لك تحيتى وتهانينا الحاره يا ملك ولى لكل ناس المسالمه

Post: #31
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: عصام أحمد
Date: 11-10-2006, 10:30 PM
Parent: #30




Post: #32
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 11-10-2006, 10:35 PM
Parent: #31

عصام احمد يا بني

انت يا يابا لا تفوت لا تموت

ونفرح بك واعرس لك قبل حازم وسند.

تراجي.

Post: #33
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: عبدالمنعم الرزوقي
Date: 11-10-2006, 10:39 PM
Parent: #31

الف مـبروك للاخ رافـت

وعــقبال الف سـنـة

Post: #34
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 12-10-2006, 01:15 AM
Parent: #33

شكرا لكم جميعا

والي ان اعود غدا لكم كل الحب.

وان شاء الله دائم متجميعن في الخير.

تراجي.

Post: #35
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: عماد محمود علي
Date: 12-10-2006, 02:54 AM
Parent: #34

الأســتاذة المناضلة / تراجــي مصـطفــــى


يســعدك صبــاحك بكل خيـــر


شكراً لك على فتح هذا البوسـت لنهنئ أخونــا العزيــز رأفت بهذه المناســبة الجملية الفريدة ، ألف مليون مبروك صـديقي رأفت وعقبال الاحتفال بالسنـة المائة . شـكراً تراجي وعقبال ليك بالمائة وخمسة .




مبــروك يـاصــديقــــي العــزيـــــز ، تهانيـــنــــــــا.

Post: #36
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: رأفت ميلاد
Date: 12-10-2006, 03:14 AM
Parent: #35

يا تراجى يا تراجى يا تراجى

دايمآ سـباقه

أنا فعلآ ممنون وشـاكر ليك زوقك الفياض

ربنا يهنيك فى حياتك ويســدد خطاك وييحفظ ليك سند وحازم

تحيات خاصة من زوجتى فاتن أمين منصور وشـكرها الحار لك ولأسـرتك


أشــكر كل الأخوات والأخوة الذين مروا من هنا ولهم منى لهم كل الحب

وكما ذكرت أختى تراجى رغم قصر تجربتى المنبرية كانت من أغنى التجارب

بالتعرف بأفكار مسـتنيرة وجريئة وكم من المعلومات القيمة التى تحصلت عليها

وعدد من الصديقات والأصدقاء فى الوطن الكبير المصغر .

هذا العالم الجميل الذى ولجته بمحض الصدفة .

وأتمنى من صديقى العزيز فيصل عثمان الذى وضعنى على هذا الطريق العودة له

والشـكر للأخ هشـام هبانى الذى سـبب الأسـباب

والتحية والتقدير للرجل الناجح بكري أبو بكر ، سـدد الله خطاه بمزيد من النجاح ، الذي خط إسـمى هنا بدون إنتظار

وأسـمحوا لى أن أخص العزيزة دوما التى طال شـوقى لها التى أثلجت قلبى بطلتها هنا

وبمناسـبة الشـوق أبعث أشـواقى وأشـواقكم إلى الرجل الخلوق قرشـو الذى طالت غيبته هو و أخى هشـام الذى خرج ولم يعد

لم أنسـى أحد ولكنى إذا إسـتمريت أحتاج الى مجلدات من من الحب والوئام

ويا ولد يا عصام يا فنان

ويا تراجى الله ما جاب يوم شـكرك

وليعش سـوداننا علمآ بين الأمم

أخوكم رأفت ميلاد

Post: #37
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: ريهان الريح الشاذلي
Date: 12-10-2006, 03:47 AM
Parent: #34

كل سنة وانتو طيبين يا استاذ رافت وتحياتي للمدام

شكرا تراجي

Post: #38
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: shammashi
Date: 12-10-2006, 05:29 AM
Parent: #37

والله يا رأفت بقيت مانديلا عديــــــــــــــــــل كدا.
25 سنة؟؟؟

غايتو..
نقول ليك مبروك وعقبال زي ما عايز.....

Post: #39
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Adrob abubakr
Date: 12-10-2006, 06:11 AM
Parent: #1

ألف مبروك رافت ميلاد
وعقبال عيد الزواج الذهبى

Post: #40
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: ملكة الفاضل عمر
Date: 12-10-2006, 08:28 AM
Parent: #39

ألف مبروك أخي رافت وللمدام ولأسرتك الكريمة السعادة والهناء

Post: #41
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: عزيز عيسى
Date: 12-10-2006, 11:30 AM
Parent: #1

الأخت العزيزة تراجي مصطفي،

شكرا ليك كثير،

Quote: وقلنا لكم اسرار الوصفه السحريه لو سمحتوا وبطلوا دغاله.

دون الخروج عن هدف البوست الأساسي،
حأبطل دغالة وأرد على سؤالك وأديك بصورة مختصرة أسرار الوصفة السحرية:

في رأي التفاهم والإحترام المتبادل بين الزوجين بالإضافة الى الكلمة الطيبة
التي تعبر عن صدق المشاعر والأحاسيس من الدعائم الأساسية لنجاح العلاقة الزوجية
وإستمراريتها بين الطرفين وتمهد الى حياة سعيدة مملؤة بروح الود والمحبة والإخلاص.

كما تعلمين الأثيوبيون شعب طيب ودود وكريم لأبعد الحدود وطبعا بيشبهونا
في الملامح والعادات والتقاليد وبيعطوا للسوداني إحترام خاص دون غيره
من الشعوب الأخرى. وحقا لا تعرف محاسنهم وطبائعهم وخصالهم الحميدة
إلا حينما تعاصرهم وتحتك بهم أو تزورهم في بلدهم وتتعرف عليهم عن قرب.
الناس ديل أصيلين في كل شيء.

Post: #42
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: رأفت ميلاد
Date: 12-10-2006, 01:40 PM
Parent: #41

Tragie Mustafa
هجو الأقرع
Al-Shaygi
نجود حسن عبد الرحمن
saif massad ali
Balla Musa
فيصل محمد خليل
Mustafa Mahmoud
HAYDER GASIM
السنجك
خالد خليل محمد بحر
Sabri Elshareef
عزيز عيسى
Adil Osman
فاروق حامد محمد
محمد عادل
doma
عصام أحمد
حيدر حسن ميرغني
فرح
عبدالمنعم الرزوقي
عماد محمود علي
ريهان الريح الشاذلي
shammashi
Adrob abubakr
ملكة الفاضل عمر

لكم منا كل الود




دى الحجابات يا تراجى
طريقة الإسـتعمال
1كل 5 سـنين

رأفت ميلاد / فاتن أمين



Post: #43
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: nada ali
Date: 12-10-2006, 02:11 PM
Parent: #1

الاخ رافت و الاخت فاتن
كل سنة و انتما معا
شكرا تراجى
ندى

Post: #44
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Tragie Mustafa
Date: 12-10-2006, 02:40 PM
Parent: #43


اخوتي الافاضل

رافت وفاتن

كل عام وانتم بخير

وليحمل لكم العام ال 26 كل الصحه والحب و نجاح الابناء و البنات

فبعد مجيئهم لحياتنا يصيروا هم المركز ونحن ندور حولهم.

ويا رأفت نحن نحمد اليوم الذي تعرفنا على اسرة ميلاد من خلالك

وشكرا لبكري ابوبكر الذي جمعنا معا.

وربنا يوفقكم وعقبال ما تحتفل بالذهبي وانت ونحن عبر الاون لاين.

لكم الود.

تخريمه:

الحجابات لكن ما رهيبه ودي حجابات متحنكشه خالص

اظنها انتاج سويسرا!!,لكن ما قلت لينا الفكي منو؟؟؟

مودتي وتقديري.

تراجي.

Post: #45
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: رأفت ميلاد
Date: 12-10-2006, 05:03 PM
Parent: #44

لك جزيل الشكر أخت ندى

وأتمنى لك كل السـعادة

تحياتى

رأفت ميلاد

Post: #46
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: عبد المنعم ابراهيم الحاج
Date: 12-10-2006, 07:50 PM
Parent: #45

الف الف مبارك اخي رافت..وهنيئا لك بهذه الحياة السعيدة..

لك التحية وللمدام.

Post: #47
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: ابوعسل السيد احمد
Date: 12-10-2006, 08:24 PM
Parent: #46

مبارك البرونز
و عقبال الذهب و الماس
يا رأفت يا ميلاد
.
.
.
.
.
تراجي
سلامات كتيرة

Post: #48
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: رأفت ميلاد
Date: 13-10-2006, 07:32 AM
Parent: #47

عبد المنعم ابراهيم الحاج
ابوعسل السيد احمد
لكم الود كله

رأفت ميلاد

Post: #49
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: بكري الصايغ
Date: 13-10-2006, 08:09 AM
Parent: #1

الاخـت الحـبيبـة الحـبوبة،
تــراجـــي،
تحــية الـود والاعــزاز،
والشـكر علي مبادرتك الـرائعة الجميـلة الـمقدرة، وأخيـــرآ لقيـت مناسبـة آهنـي فيـها رأفـت، ومن زمان بفتش علي فرصـة مالاقـي والـحمدللـة جــات مع الذكري الخامسة والعشرين لزواج الراجل العظيم الهمـيم المناضل .

اخـــي رأفت،

اجمـل الامنيات وربنا يحــقق لكما والجديـد بطرفكما الـمزيد من السعادة والافراح، ولكم اجمل الامنيات.

Post: #50
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: رأفت ميلاد
Date: 13-10-2006, 09:33 AM
Parent: #49

تحياتى أخى بكري الصايغ

متابع معاك وزى ما بقول أخوانا الحلفاويين (القلوب عند بعضيها)

أناجزورى من طرف والدتى من بورتسـودان ولى فيها زكريات جميلة
وطبعآ بورتسـودان لهاعلاقة وطيدة من ناحية المواطنة بمدينة عطبرة
التى لم أتشـرف بزيارتها إلا عابرآ بالقطار الى بورتسـودان .

أهل بوتسـودان يطلقون عليها (أتبرا) وإعتقدت وقتى كله بإنها لغة
دارجة مثل (الخرتوم)

فوجئت فى مداخلة لك فى بوسـت عطبرة تقول (أتبرا) هو الإسـم الأصلى !!
فكم وددت أن أتواصل معك من وقتها ولم أوفق .

يشـرفنى التعرف بك وشـكرآ للتهنئة بالصمودالفضى

أخوك

رأفت ميلاد

Post: #51
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: عصام أحمد
Date: 09-11-2006, 01:44 AM
Parent: #1

.

Post: #52
Title: Re: رغم الاحزان الوطنيه لكن تعاولوا نحتفل مع اخونا رافت ميلاد!!
Author: Adel Sameer Tawfiq
Date: 09-11-2006, 02:47 AM
Parent: #1

الاخ رأفت !
وفقآ للقانون الجنائي وقانون الإجراءات الجنائية تكون قد قضيت الآن فترة السجن المؤبد مع الأشغال الشاقة في مؤسسة الزوجية ! وقد كان ممن الممكن إطلاق سراحك قبل ذلك لحسن السير والسلوك(إن وجد) !!
نكاية فيك ، ربنا يحفظ ليك زوجتك !!
مبروووووك وكل سنة و انتوا طيبين !!
عادل سمير