مكنكشين حتى اشعار آخر ( بدأ التوقيت الشتوي بكندا اليوم)..

مكنكشين حتى اشعار آخر ( بدأ التوقيت الشتوي بكندا اليوم)..


29-10-2006, 07:41 PM


  » http://sudaneseonline.com/cgi-bin/sdb/2bb.cgi?seq=msg&board=193&msg=1165009885&rn=0


Post: #1
Title: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 07:41 PM

اخوتي لا تنسوا ان تعدلوا ساعاتكم
فقد تم تعديل الساعه اليوم للتوقيت الشتوي.
واحلى الامنيات بشتاء دافيء نسبيا
وكان الله في عوننا من الكنكشه الراجيانه.
وغرف الثلج.
تراجي.

Post: #2
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 07:45 PM
Parent: #1

العزيز النصري امين
امنياتي لك بشتاء دافيء نسبيا في ولايتك الجديده (البرتا)
طبعا قالوا الحاله صعبه عندكم هناك وبرد صاح ربنا يعينكم.
طبعا انت بقيت (خادم غربه) قديم على قولة صديقنا ود ابو اشوك
تحياتنا لكل من رحل من اونتاريو الدافئه!!!
قال دافئه قال
احنا مكنكشين و الكندين قال بيسموها شريط الموز!!!!!!!
تراجي.

Post: #3
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 07:48 PM
Parent: #2

الرفيق ثروت سوار الدهب
وينك يا راجل كل عام وانت واسرتك بخير
شنو ياناس البرتا مشتين قبل الناس
ولابدين وداخلين في بيات شتوي؟؟؟؟
ما تقولوا عييييييييييييك البورد ده مولعوا هباني براهو ياناس
ما تصحوا يا عالم؟؟؟؟
الحقانيه وين؟؟؟؟
تخريمه:الحقانيه مقصود بيها ناس حق وليست وزارة الاتراك المنقرضه.
وبمناسة الاتراك كدي اسالوا محمد الامين من اتراك دارفور
تراجي.

Post: #4
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 07:56 PM
Parent: #3

صديقنا ابكر آدم اسماعيل
متجدع في السودان هذه الايام وضارب الشمس التمام
ويكون عرقه يتصبب ويشكو الحر وناسي سايب الناس هنا في
ثلاجة الموز الكبيره دي.
يا بخت السودان بك يا ابكر ويا بخت سفيان نابري برفقتك لكردفان
علك وجدت الاهل بخير وتكون احوال الحوداث الاخيره قد هدأت
وربنا هدى الناس,تحياتي لك وهذه الايام اسعدني (ابو سنينه)
بأحد روائعك (الطريق الي المدن المستحيله) ومستمعه بمغامرات
اولاد (قرف) بكسر القاف.
ما اروعك يا ابكر وما اروع سردك وتلقائيتك بكيت مع جومو
وهو يحاول اللحاق بعربة ناس نازك وهم مغادرين وصرخت معها( وووووووب علي).
ربنا يزيدك من عطاياه كمان وننتظر منك الكثير.
تراجي.

Post: #5
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 07:59 PM
Parent: #4

حيدر قاسم
عادل الوسيله(خرج ولم يعد)
شمس الدين السنوسي
فاضل الهاشمي
روان حامد
ياسر طيفور
هاشم نوريت
ناس تورنتو
كل عام وانتم بخير وان شاء الله شتاء خفيف عليكم وعلينا في شريط الموز.
تراجي.

Post: #6
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 08:03 PM
Parent: #5

ناس سان كاثرين
عز الدين
وزمراوي
وسهير
وكامل (ولدنا الفرا مننا)
كل عام وانتم بخير
وانتو برضوا معنا فيما يقال له شريط الموز.
تراجي.

Post: #7
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 08:12 PM
Parent: #6

ناس وندسور كندا
الريح كودي
ايمن تابر
محمد السر(سابقا) حاليا (البرتا)
كل عام وانتم بخير
وانت يا الريح اصلك داخل بيات شتوي قبل الشتاء
وايمن تابر ماشاء الله عليه نشاط كثير تجاه الشقيقه مصر
اظهروا يا شباب وما تخلوا الغربه تتمكن منكم قدر كده.
تراجي.

Post: #8
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 08:14 PM
Parent: #7

والغائبه الحاضره ايمان احمد
تفتقدك كندا ويفتقدك البورد
قالوا ضاربه الشمس يا بختك
اتمنى ان تكوني بخير
نفتقدك حقا.
تراجي.

Post: #9
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 08:16 PM
Parent: #8

راني السماني
وينك يا غالي ومجدوع في ياتو منفى انت؟؟؟
اعتقد انتو ناس وينبك؟؟؟؟
كان الله في عونكم
وربنا يرسل لك بت الحلال
التخفف عليك غربتك,قول آمين.
تراجي.

Post: #10
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: النصرى أمين
Date: 29-10-2006, 08:25 PM
Parent: #1

ياسلام عليك ياتراجى

يسلم على الخير

نحن كلنا فى الهوا سوا
بس الفرق انو نحن فى البرتا عندنا هو اسمو الشنوك Chinook
وهى رياح تهب من جبال الروكى على مدينتنا الجميله كالغرى التى ترقد
على صفحه الجبال ... وهى رياح عجيبه جدا يقال انها تسبب فى ارتفاع فى
درجه الحراره فى زمن وجيز جدا و "تقرض" اى تلج بسرعه غريبه وفى احدى
المرات ارتفعت درجه الحراره الى 30 درجه فى اربع ساعات فقط

تحياتنا لكل ناس انتاريو وبالذات ناس سانت قاشرين

Post: #11
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 08:35 PM
Parent: #10

النصري اخوي
تسلم من كل شر
Quote:
نحن كلنا فى الهوا سوا
بس الفرق انو نحن فى البرتا عندنا هو اسمو الشنوك Chinook

وان شاء الله هذه ( Chinook ) تنزل عليكم بردا وسلام لا تقليكم ولا تجمدكم.
تحياتي للاسرة.
تراجي.

Post: #12
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 08:36 PM
Parent: #11

العمده ابراهام دينق
وينك يا راجل
والله واحشنا..
بديت قرايه ولا شنو؟؟؟؟
يا اخي انت عمدتنا فما تغيب بالله.
تراجي.

Post: #15
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 08:42 PM
Parent: #12

ناس هاملتون
الاخوة آل بدر الدين
هاديه وهاشم
وضيوفهم د.صلاح بندر
كل شتاء وانتو بخير
منتظرين مواعيد الندوه ومكانها.
تراجي.

Post: #13
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: النصرى أمين
Date: 29-10-2006, 08:39 PM
Parent: #1

ياتراجى ما تنسى ناس اﻻقاليم (ناس فانكوفر)
ناس الفحل ودكتور فيصل

Post: #16
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 08:46 PM
Parent: #13

الغالي النصري
البوست بوستك يا اخوي
ادخل وعرفنا بباقي بورداب كندا
Quote: ياتراجى ما تنسى ناس اﻻقاليم (ناس فانكوفر)
ناس الفحل ودكتور فيصل

فانكوفر شنو الاقاليم؟؟؟
نحن الاقاليم بالنسبه لفانكوفر.
تحياتنا
للفحل ودكتور فيصل وكل شباب فانكوفر.
ويازول دول ماعندهم شتاء قالوا جوهم لذيذ طول العام الله يزيدهم.
تراجي.

Post: #17
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: الزوول
Date: 29-10-2006, 08:47 PM
Parent: #13

السلام عليكم
تراجي ...كل سنة وانتي طيبة
خارج الموضوع...
ذكرتني كلمة مكنكشين دي بالقصة المشهورة الحصلت في الخليج
وهي قصة حقيقية حصلت في الأمارات
تحكي عن واحد سوداني كان راكب ميني بص في الأمارات
وحصل حادث اتقلب البص عدة مرات
وقتل كل الركاب ما عدا الزول السوداني
ما جاتو أي حاجة لكن يظهر انو الخوفة عملت ليهو حاجة في راسو
المهم جوهو ناس البوليس يسألوا فيهو
يا زول ، الحصل شنو؟
والله يا جماعة انا غايتو نفعتني (الكنكيشة)
يا زول ايش (كنيشة ) دي ؟
غايتو كان ما (الكنكيشة) كنت رحت فيها
يا زول انت بتتكلم عربي ؟ ايش كنيشة هذه؟
غايتو الحمد لله الكنت مكنكش
...المهم
ناس البوليس اضطروا يستعينوا بسوداني عشان يوريهم (الكنكيشة) الطلعت الزول ده من الموت
تحياتي لكل الناس المكنكشة

........................
وما الناس إلا هالك وأبن هالك *** وذو نسب في الهالكين عريق

Post: #14
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: النصرى أمين
Date: 29-10-2006, 08:41 PM
Parent: #1

وناس مونتريال وكويبك
ناس الحليله ..

واﻻخت سلمى

Post: #18
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 08:52 PM
Parent: #14

ناس مونتريال ما بعرف منهم الا (زول بن زول)
(معرفة نت طبعا)الله يديه العافيه
كويس عرفنا منك الحليله وسلمى
والحلاوي اعتقد من آتوا...
ربنا يخفف عليهم شتاء هذا العام.
تراجي.

Post: #19
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 08:57 PM
Parent: #18

الزول سلام
Quote: ...المهم
ناس البوليس اضطروا يستعينوا بسوداني عشان يوريهم (الكنكيشة) الطلعت الزول ده من الموت
تحياتي لكل الناس المكنكشة

خليهو يجي يشوف الكنكشه العلى اصولها هنا.
تحياتي.لك وشكرا على المرور.
تراجي.

Post: #20
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 09:00 PM
Parent: #19

قراءنا العزاء
كل عام وانتم بخير
وان شاء الله شتاء خفيف
عليكم وعام حافل بالانجاز و العطاء.
تراجي.

Post: #24
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Kostawi
Date: 29-10-2006, 09:13 PM
Parent: #20

Mcnkshin

Post: #26
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 09:48 PM
Parent: #24

كوستاوي
Quote: Mcnkshin

كيفك؟؟؟
يا اخوي انتو ناس واشنطون سلامتكم من الكنكنشه
بس الله يكنكش بريمه معنا
تراجي.

Post: #21
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: النصرى أمين
Date: 29-10-2006, 09:04 PM
Parent: #1

يا تراجى الحليله elhilayla من اقدم اﻻعضاء فى المنبر وهو دائم الحضور
وتجدينه دائما فى قائمة المتواجدين لكنه قليل المشاركه فى البوستات
وهو انسان مهذب تحدثت معه بالتلفون عده مرات

مشكلته الوحيده انو مهووس ببلدته الحليله وده ظاهر من البروفايل بتاعو

Post: #25
Title: البلد بي جاي شكلها مبشرانا بي شتاء قارس
Author: elhilayla
Date: 29-10-2006, 09:39 PM
Parent: #21

الأخ التصري
والله ليك وحشة زي ما بقول واحد صاحبي ترانا
شايلين سياط الهم نجالد في الزمن
البلد بي جاي شكلها مبشرانا بي شتاء قارس
طبعا نحن ناس أهل العوض بنعرف الشتاء من أول يوم فيهو
جميل يازول إنك بقيت من ناس البلد الغنيان داك
ما تنسي ترسل لينا تلفوناتك لزوم التواصل

كتر خيرك علي طرواتك لينا

تحياتي للعيال
زين العابدين - الحليلة

Post: #36
Title: Re: البلد بي جاي شكلها مبشرانا بي شتاء قارس
Author: Tragie Mustafa
Date: 30-10-2006, 09:44 AM
Parent: #25

مكرر

Post: #22
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: النصرى أمين
Date: 29-10-2006, 09:04 PM
Parent: #1

مكرر

Post: #23
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 09:08 PM
Parent: #22

شكرا النصري على معلوماتك عن اخونا الحليله
Quote: مشكلته الوحيده انو مهووس ببلدته الحليله وده ظاهر من البروفايل بتاعو

ياريته يحدثنا عنها وبهذا يكون ارخ لها وحولها وعنها.
فانا مثلا لا اعرف اين تقع هل هي من قرى الجزيره؟؟؟؟
تراجي.

Post: #27
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 09:54 PM
Parent: #23

تحياتنا للاخ منذر نقد الله على ما اذكر
من لندن اونتاريو
عساهم بخير ناس لندن وكيزانهم.
تراجي.

Post: #28
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 29-10-2006, 10:02 PM
Parent: #27

ناس مسيساقا
محمد المرتضى حامد
ومها بشير (المختفيه حاليا)
كل عام وانتم بخير وجروا ساعاتكم واتحزموا للشتاء .
تحياتي.
تراجي.

Post: #30
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: HAYDER GASIM
Date: 29-10-2006, 11:39 PM
Parent: #28

تراجي ... لا حولا ... بتعرفي الخلوق دة كلها ... والله ما شاء الله ... وزارة معلومات متحركة ,

وبعدين تاني ليه يعني بتحاولى تذكرينا بالشتاء ... بينما نحاول أن { نتغابى } فيهو العرفة ,

الكلام بتاع تعديل المواقيت ده فايت أضاني وسمعتو عشرمية مرة فى الموجة الإذاعية 680 , بس واحاتك

ضاربين الطناش من آدي سيرة ... وقلنا كده إتحزمنا ومرقنا نحتفل بما تبقى من العيد ... إذ أبت نفس

ومشاعر أخونا شيخ العرب الهمام , سعيد المحينة إلا وأن { يلمنا } فى داره الرحبة , وقد كانت أمسية

جميلة رائعة ... تبادلنا فيها المشاعر والمعلومات وأرضينا خاطرنا السوداني الجريح , وسمعنا شوية

مزيكة وغناء بصوت المبدع عوض حمري , لعبنا قيم ويست وكانت رائحة الإسنا فواحة , متتالية الحضور ,

لولا لطف الله ورحمته بخصومنا , لكادت أن تقع عليهم الواقعة , بس مرقوا بي إيد وباسوها , فلو

{ إتسيكوا } كانت نساء هذه الجلسة ليسمعن زغاريد الرجال , وعلى غير المعهود , ولكانت الزفة

الما خمج ... أظني سرحت بعيدا عن شتاؤك { المزعوم } ... ولن ننتظره البتة , فأجندتنا الإجتماعية

والسياسية والنفسية لا تحتمل الثبات , وتكويننا المداري بتخومه الإستوائية لا يناصب الشتاء غير

العداء , وأقدارنا فى هذه البلد تحتم علينا أن نكون أول المتحركين نحو الوردية , وأول الذين

ينظفون الثلج من على عرباتهم المتواضعة , وأول الباحثين عن مصح لبطاريات سيارتهم النائمة ,

وأول النائمين على كراس التي تي سي حينما لا تتوفر العربة الخاصة , وآخر القادمين إلى منازلهم

بعد هذا الدوام { المثلج } .

كان لنا صاحب يغتاظ وكثيرا من هذا المسمى الشتاء , وكان يحزنه منظر الإسنو يتراكم على الشوارع

وعلى الأفئدة , لهذا كان شديد الإستعجال لرحيله ويسأل بشدة عن متى يحل الصيف , والظاهر أنه تجادل

فى هذا الموضوع مع خواجه , وطرح له سؤاله الضاغط عن مواعيد الصيف , فأجابه الخواجة أن الصيف

arround the corner , فظل ينتظر مع اللبس البين يتعاظم فى دواخله , ولما أعياه الإنتظار رجع إلينا

يسألنا , in what corner he can find the summer ? والترجمة من عندي , فلم تكن غير قفشة قصرت بعض

ثواني من عمر الشتاء الطويل , صاحبنا هذا ترك جمله الكندي بما حمل , ورجع لسودانه ولا أعلم أنه

يشكو من الحرارة هناك ... أم أن { أدبة } شتاء كندا تمنعه من التطاول على صيف السودان .


الكنكشة يا عزيزتي ... لا تخارج مع الحنكشة , فأجواء الثانية صحوة ممزوجة بخصائص الصيف وخفة

أحماله , إذن فهناك قطاع إجتماعي لا يتعاطى فى مكتوبك أمرا , وهذه خسارة لرسول سياسي مثلك .

والكنكشة كذلك ترادف الإصرار خاصة فيما ينبغي وأن يكون متغيرا ... وهي بهذا المعنى أقرب

إلى { اللياقة } من عداها ... تذكرت هنا بعضا من محادثة تلفونية أفضى بها شقيقي الكائن بأمريكا

ولما كان يتكلم مع ناس بيتنا فى السودان , فطلب منهم أن يرسلوا إليه { ويكة } , فإستغرب أهلى

فى الطرف الآخر من السماعة التلفونية طلب الويكة من إنسان يعيش فى أمريكا , فأكد لهم شقيقي إنهم

دايرين ويكة ... و{ اللياقة } ده ما بخلوها... ولا أعلم إلى الآن هل كان شقيقي يقصد ليقاته أم

ليقاة الويكة ... ياربي ده كلو بي سبب الكنكشة ... أترك ال floor للأخت تراجي .


مع مودة كاملة الود والدسم

Post: #43
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 30-10-2006, 11:26 AM
Parent: #30

حيدر قاسم العيد الجاب الناس ما جابك لينا
برجع لمدخلتك الحلوه الدسمه دي بعدين لما البدر يزيد شويه
حسه في شوية مهام شتويه لابد منها صيانة العربيه وتغيير اللساتك
وتركيب لاستك الشتاء!!!!دي المحن السنويه العارفها ربنا يهونا علينا.
ساعود لكم مساء.
تراجي.

Post: #29
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Abdalla mohamed
Date: 29-10-2006, 11:09 PM
Parent: #1

تراجى
الظاهر عليك داخلاك خوفة برد ورعشة برد
عشان كدة فتحت البوست دا لزوم التسخين
والتشجيع لمواجه ذلك الوحش القادم وبينى
وبينك معاك حق ومابراك الداخلاك الخوفة دى
أنا غايتو بتجينى حالة نفسية لمن يقولوا
غدآ الأول من يناير وأعوذ بالله من برد وهواء يناير
قال بلاك ايس .

تحياتى وكل عام وانت وكل الأخوان بخير والبرد الجاى
فى البرتا.

Post: #31
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: الحارث سرالختم عبد الله
Date: 30-10-2006, 00:22 AM
Parent: #29

الأخت تراجى والجميع السلام عليكم ورحمة الله وكل عام وانتم بخيرواسمحوا

لى بالتداخل ضمن حدودكم الأقليميه واسال سؤال طالما ظل يراودنى باقى اخوكم زول

روماتيزم ومفاصل وبخاف من البرد الشديد وانوى زيارة كندا فبالله عليكم ورونى اكتر

مدينه دافئه نسبيا وين؟ واى معلومات عن مدينة البرتا لوجود عدد من الأقارب فيها

وقد سالتهم عن طقسها وهم يؤكدون انه جيد ومحتمل وكل عام وانتم بالف خير

وقدآ ثرت ان اخذ المعلومات من اهل التجربه ولكم الشكر اجزله .

Post: #41
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 30-10-2006, 11:19 AM
Parent: #31

اخي الحارث
كل عام وانت بخير
عارف اوع تسمع كلام الناس المقيمه هنا عن البرد
وحياتك قدر ما بيقولا لك ما زي ماراح تحس بيه اول ايام
البرد في اول عام بيكون فظيع بشكل خليه ساكت
Quote:
الأخت تراجى والجميع السلام عليكم ورحمة الله وكل عام وانتم بخيرواسمحوا

لى بالتداخل ضمن حدودكم الأقليميه واسال سؤال طالما ظل يراودنى باقى اخوكم زول

روماتيزم ومفاصل وبخاف من البرد الشديد وانوى زيارة كندا فبالله عليكم ورونى اكتر

مدينه دافئه نسبيا وين؟

دفء في البلد دي مافي وحياتك
كلها موت احمر بس نشد حيلنا نقول شنو فانكوفر اخف نسبيا لكن غيرها لا.
وفانكوفر دي قالو مواسيرها السماء بتاعتها محلوجه شارة مطرة طول العام
ومظلات المطر قالوا تغيرها ثلاثه مرات في العام الواحد!!!!!شفت المحن دي!!
Quote: واى معلومات عن مدينة البرتا لوجود عدد من الأقارب فيها

وقد سالتهم عن طقسها وهم يؤكدون انه جيد ومحتمل وكل عام


دي غايتو اظرف نكتها سمعتها انه طقسهم جيد ومعتدل يازول كندا دي كلها ما
بتعرف اي اعتدال...الا في حاجه اسمها الموت مع الجماع عرس تعال بس واقع
النار دي معانا,لك الود وكل شيئ بيتعود صدقني حسه نحن الما بنقدر عليه
بعد ده سخانة السودان.
لك تقديري وكان داير الباقي بنفتوا لك بالتلفون والتفون في البروفايل.
تحياتي ودعواتي ان تصلنا هنا وتكنكش معنا.
تراجي.

Post: #37
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 30-10-2006, 09:57 AM
Parent: #29

عبد الله كيفك
ولابد وين يا زول انت ؟؟؟اهو كويس عرفانك
كندي معنا في الفيلم الهندي ده
Quote: تراجى
الظاهر عليك داخلاك خوفة برد ورعشة برد
عشان كدة فتحت البوست دا لزوم التسخين
والتشجيع لمواجه ذلك الوحش القادم وبينى
وبينك معاك حق ومابراك الداخلاك الخوفة دى
أنا غايتو بتجينى حالة نفسية لمن يقولوا
غدآ الأول من يناير وأعوذ بالله من برد وهواء يناير
قال بلاك ايس .

يازول هو ده برد بتالف؟؟؟؟؟
اهلوا الاتولدوا فيه يقول لك بنخاف منه كل سنه!!!
الله يقدرنا عليه بس,وقلت لي السنه الجايه ناوي
تدوينا البرتا كمان..يا اخوي نبرأ ونستبرأ
البرتا دي الا زيارة الله و الرسول لكن اقامه بري بري....
رغم غنائهم لكن برد صاح.....بري يا اخوي
نحن ما طماعين خلينا قاعدين هنا نعافر كل شهر نتمه وبس الله كريم.
لك الود
اظنك هنا معنا في تورنتو /اونتريو
.تراجي.

Post: #32
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: عمر الفاروق
Date: 30-10-2006, 01:46 AM
Parent: #1

في كندا نسأل عن القمر دورين وانا شفتك وين طبعاً بالليل..
ونتمنى له ليل داااااااااااافئ جداً ونحذره من الديوك خصوصاً تلك التي تعوعي في السجانة فالشتاء لا يحتمل الاستيقاظ مبكراً على اصوات الديوك ..
كوككوك كووووووووووووووووووووووووووووووووووووك

تخريمة :
يا تراجي عليك الله اتصوري ليك صورة بروفايل مع كرات الثلج والدب القطبي..

Post: #33
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: DKEEN
Date: 30-10-2006, 02:03 AM
Parent: #1

تيتو..
ده اول موضوع مفيد تفتحيهو..
















الفيزا بتاعتي وينها؟؟

Post: #34
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Adrob abubakr
Date: 30-10-2006, 08:20 AM
Parent: #1

الله يكون في عونكم يا تراجي
والزملاء بكندا والدول الإسكندنافية

Post: #35
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: lana mahdi
Date: 30-10-2006, 09:27 AM
Parent: #34


Post: #38
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: محمد ادم ابوكيفو
Date: 30-10-2006, 10:16 AM
Parent: #35

الاستاذه تراجي
طالت المدة كل عام وانت بالف خير
ابوكيفو

Post: #40
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: rani
Date: 30-10-2006, 10:48 AM
Parent: #38

سلام الصديقة تراجي
يازولة مالك علي ونبق شنو? اليومين ديل انا في Grande Prairie في الحدود مع

برتش كلومبيا. برد شديد طبعا وتلج مايديك الدرب قايتو الله يكون في العون.

وبالله النصري عندنا هنا وانا ماجايب خبر.. دا كلام دا?
.
.
ودي
راني السماني

Post: #39
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: سفيان بشير نابرى
Date: 30-10-2006, 10:46 AM
Parent: #1




العزيزة / تراجي ,,
تحياتي وسلامي واتمني ليك ساعة تشير إلي الدِف..

نحنا زاتنا الايام دي دورنا ساعاتنا علي الشتاء
وطبعاً الشتاء عندنا هنا مشكلتو مشكلة (اصلنا السودانيين الزينا ديل بتاعين نقه)
اها نقة الشتاء ده هي الجوع شغل مافي وعطالة شديدة والشغالين القروش
ما بتكفيهم أها عاد ياكلو ليهو من وين .

تراجي
Quote: صديقنا ابكر آدم اسماعيل
متجدع في السودان هذه الايام وضارب الشمس التمام
ويكون عرقه يتصبب ويشكو الحر وناسي سايب الناس هنا في
ثلاجة الموز الكبيره دي.

ياخي انا بقيت اشك انو الزول ده كان في كندا ياخي من يوم وصل لحدي هسي
بيكون ماكل ليهو 750 بطيخة (اي والله العظيم البطيخ العديل ده الجوه احمر
وفيهو حبوب زرقاء ومن بره اخضر) ده حيرني في راسي ده ... نضمو ياهو نضمو
ما اتغير ابداً ياخي لدرجة انو فنيلتو البيضاء السافر بيها من هنا ده سنة
99 جاء بيها هي ذاته وأنا سالتو يازول دي مش ياها ديك زاته قالي :- كيف يعني؟
ياخي دي واحده زيها شفتي كيف .
غايتو الزول ده ممكن يفكر يصدر بطيخ .

سلامي ليك وللشباب الصغار.

Post: #42
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 30-10-2006, 11:24 AM
Parent: #39

لشتاء هذا العام
وتنضم رقيه وراق لقوافل المكنكنشين و المكنكشات بكندا
بحضورها المميز وحرفها الانيق ومعذره نسيت اسمك يا رقيه ضمن جميلين سان كاثرين
وعذري ان بياتك الشتوي كان طويلا بحق...مرحبا بعودتك....قويه كما عهدناك.
تراجي.

Post: #44
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: النصرى أمين
Date: 30-10-2006, 11:23 PM
Parent: #1

سلام يا رانى
عندى ود اختى طارق فى Dawson Greek وهو صيدلى اد الدنيا
شغال فى Save on Food

بالله اغشوه معاكم كلها مسافه بتاعة ساعه بالعربيه

Post: #45
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: الحارث سرالختم عبد الله
Date: 31-10-2006, 00:23 AM
Parent: #44

الأخت تراجى شكرا لك على المعلومات القيمه وهى بحق مفيده حتى نأخذ حذرنا وبالتاكيد سنحتاج الى وقفات وارشادات منكم وبيننا اتصال بحول الله والى ذلكم اللقاء لك وللجميع

التحايا والشكر الجزيل ودمتم .

Post: #46
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Yassir Tayfour
Date: 31-10-2006, 00:36 AM
Parent: #45

تراجى
كل سنة انت والاسرة بخير

Post: #47
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: tasneem
Date: 31-10-2006, 00:54 AM
Parent: #46

الاخت تراجي
عيد سعيد وربنا يجعل ايامك كلها اعياد
والعيد الجاي انشاء الله كل مشاكل السودان محلولة ويعم الامن والاستقرار

انتي عاوزة تعملي جرد لكل البورداب الكنديين

من اونتاريو
الاخوان مصطفي مدثر-الباقر عثمان-علي الحلاوي والاخت نور تاور

تقديري

Post: #51
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 31-10-2006, 08:55 AM
Parent: #47

العزيزه تسنيم
ومعليش ارد لك قبل الآخرين
شكلك من اونتاريو ويا بختنا بك
اها لاحظي انا بعرفك لكن ماكنت عارفه انك من كندا خليك كمان تكوني من ولايتي زاتها.
يلا ورينا ولو بالماسنجر انت من اي مدينه ,لكني اعتقد انك من آتوا,لانه ناسك الفقدتيهم
ديل كلهم من آتوا
Quote:
انتي عاوزة تعملي جرد لكل البورداب الكنديين
من اونتاريو
الاخوان مصطفي مدثر-الباقر عثمان-علي الحلاوي والاخت نور تاور

مصطفى مدثر فعلا معنا لكنه هاجرنا لسودان فور ال وقريب حيرحل عندنا هاملتون مرحب به هو اسرته
الباقر عثمان اول مرة اعرف انه من كندا تحياتنا ليه
نورتاور عارفاها وهل يخفى ال(.....)!!!!!
تيحاتي لك والبوست بوستك شرفينا باضافة كل من تعرفين ولسه يا جماعه ناس كندا ما انتهوا.
تراجي.

Post: #48
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: DKEEN
Date: 31-10-2006, 06:45 AM
Parent: #1

تراجي بطلي طنيش
عملتي شنو في الفيزا


البلد ديك حقتم براكم؟؟

Post: #49
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 31-10-2006, 08:50 AM
Parent: #48

يا دكين يا اخوي
اطنشك كيف يا اخي
Quote: البلد ديك حقتم براكم؟؟

والله ما حقتك وتنورنا لو جيت واوعدك بعضه كبيره في نص راسك لو شفتك
وان شاء الله تجيء هنا وتعرف سر الضراع وكان ما بقت (ابو ضراع)في شهرين
ما ابقى تراجي (عندنا حاجه زي لقيماتنا ديك اسمها
تمبس تيم هورتن) لو قربت منها ياك البقيت ابو ضراع وابو حاجات
ثانيه كثيره وتمبس دي اوع تفتكره تمبسنا بتاع البورد ده نوع من الحلويات
هنا تشبه اللقيمات جدا.
اما الجيبه لهنا او الفيز فانت سألت الزو ل الغلط والله.
كدي اسأل النصري أمين كان ما مصدقني.
ولك الود,بعدين باقي لك كان عندي طريقه ما كان جبته وصحبتي الغاليه آمونه!!
تحياتي.
تراجي.

Post: #50
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tabaldina
Date: 31-10-2006, 08:55 AM
Parent: #49

..
.
Quote: بعدين باقي لك كان عندي طريقه ما كان جبته وصحبتي الغاليه آمونه!!

قرقر قرقر قرقر

بالمناسبة هى ووين الزولة الاسمها امونه دى
لا لقيناها فى الخرطوم ولا فى القاهرة

كل سنة وانت وأبو ضراع والوليدات بخير ويديكم العافية
ويحقق الامانى ..

تحياتى

Post: #52
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 31-10-2006, 08:59 AM
Parent: #50

تبلدينا مشتاقين
واهو من الشوق عملنا لك استثناء ورديت لك قبل الناس القبلك
Quote:
قرقر قرقر قرقر

بالمناسبة هى ووين الزولة الاسمها امونه دى
لا لقيناها فى الخرطوم ولا فى القاهرة

كل سنة وانت وأبو ضراع والوليدات بخير ويديكم العافية
ويحقق الامانى ..

تحياتى

آمونه بخير وبتسلم عليكم كلكم بس
لظروف نضاليه مكانها غير معلن
بديك ما سنجر كان الله هون,وكل عام وانت بخير
والجايه عايزنك عريس ونخلص من ملف العزوبيه الكبير ده.
تحياتي.
تراجي.

Post: #53
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 31-10-2006, 09:03 AM
Parent: #52

وقبل تكملة الردود التحيه لعمدتنا منصور المفتاح
من اقدم بورادب كندا,ومن الوجوه التي لم يهزمها هذا الطقس
منتج وانتاجه غزير....ومميز.اعتقد هو منةناس وينبك برضوا
والله الذكره بقت خربه...المهم تحياتنا يا عمده وكل شتاء وانت بخير.
وخالد كودي ....مولع شتاءكم السنه دي يا احفاد الزبير باشا
تعيشوا وتاكلوا غيرها.
تطلعونا بعاييت وعايزننا نسكت
زمن السكات انتهى تحياتنا.
تراجي.

Post: #54
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 31-10-2006, 09:06 AM
Parent: #53

وقبل ما ارد برضوا التحيه لرفاقنا في الكنكشه
من الولايات المتحده المتخمين لينا ناس شرنوبي
في بفلوا وعبد القادر دنقس وناس عزاز في شيكاغو
وكل المرابضين في الولايات الشماليه للولايات المتحده.
ربنا يخفف الشتاء عليكم هذا العام.
تحياتي.
تراجي.

Post: #55
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: سفيان بشير نابرى
Date: 31-10-2006, 09:44 AM
Parent: #1


يعني يا تراجي مداخلتي ال(مكنكشة) فوق دي
خلاس (تنشف) قبله ولا زول يرد عليها.
سمح اها اشتري الكواريك والازمة لحفير التلج
عشان ناس البريد مايقطعوهو معاك .

Post: #56
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: ثروت سوار الدهب
Date: 01-11-2006, 05:52 AM
Parent: #55

نبهني صديق بان تراجي كتبت:
Quote: الرفيق ثروت سوار الدهب
وينك يا راجل كل عام وانت واسرتك بخير
شنو ياناس البرتا مشتين قبل الناس
ولابدين وداخلين في بيات شتوي؟؟؟؟
ما تقولوا عييييييييييييك البورد ده مولعوا هباني براهو ياناس
ما تصحوا يا عالم؟؟؟؟
الحقانيه وين؟؟؟؟
تخريمه:الحقانيه مقصود بيها ناس حق وليست وزارة الاتراك المنقرضه.
وبمناسة الاتراك كدي اسالوا محمد الامين من اتراك دارفور
تراجي.

و كل عام و انت و الوليدات و كامل الاهل و الاحبة بخير و القابلة على الاماني.

بدأ الشتاء فإلتقينا على غير موعد.خارج غطار الرسميات[قبل التوقيت]
كنت قبل اسبوع تحديدا أعمل في اقصي المدينة، حرفيا لايمكنني التقدم جنوبا حيث لا يوجد طريق عبر التلال.يعني كنت في اخر مكان به مظاهر حياة لكنهاحياة غير مكتملة إذ كان المكان عبارة عن إنشاء جديد به اكوام من التراب و الخشب و حفرة كبيرة. كان الجو كئيبا و اليل مضلهما. و الوردية طويلة و مملة و رتيبة. كانت اكوام التراب التي[اراقبها] شديدة الابتال.فقد هطل المطر بشكل متواصل طوال معظم الاسبوع السابق. لاكنه بلل لا يشعر به سكان المدن حيث التصريف الفوري و الجيد. لكن عند الإنشاءات يتحول البلل لكابوس. خصوصا في تربة سوداء لزجة كتربة إلبرتا[حيث يستخرج منها البترول. اتخيلي تراب ملخبت بالبترول؟]زاد [طينتي] بلة إنعدام ال[signal ] لدخول الانترنت عبر ال[Wireless ] فاضطررت للعودة لعصر ال[dial up]. كم هي مملة وبطيئة و انت تتنظر لدقائق تحميل صفحات الانترنت.[اكتب اليك من نفس الطريق.. انا في الطرف الاخر من المدينة. الله يطولك يا روح]
بدا الجو في اول الليل مائل للدفء ثم تحول لرياح مزمجرة تم هطل المطر ثم انخفضت درجه الحرارة لتحت الصفر كل ذلك في غضون 10 ساعات تقريبا. كنت كل ما اخرج للسيارة لسبب او لاخر احس و كاني انتعل [كعب عالي] من شدة تراكم الطين على الممر الخشبي او ذاك على الشارع المسفلت. كنت اعاني في تنظيف الحذاء عند العودة و كنت اخاف على ارضية [عربتي العاجباني] من الوسخ. لم انتبه ساعتها لخطورة ما سياتي. فقضيت الليل اتحسر على الوايرلس و انعل الدايل اب أه تذكرت، امونة صغيرتي عبثت باللابتاب صباح ذاك اليوم فكان يعمل بصعوبة إذ انني لم اقدر حجم خرابها التقدير الصحيح. لم ارفع رأسي لاقرأ الاحوال الجوية في صدارة المتصفح. بل رفعت رأسي في احدي المرات و انا بالفناء للسماء لاتلمس إن كان هنالك جليد على وشك الانهمار. و هو إرصاد عفوي تدربت عليه عبر المكوث الطويل في هذه البلدان الباردة. فوجدت السماء صافية و لم ارى ذاك الاحمرار في الافق الذي يشابه لحظات الغروب المنذر بإحتمال النزول. لاحظت ايضا أن العتمة مطبقة مما يعني تكاثف الضباب، فاختفى ضوء القمر الذي كان في العد التنازلي فاطمأنيت.[عادة لا يهطل الجليد و البدر مكتملا او شبه مكتمل] ثم إننا في شهر اكتوبر. في العادة يهطل في في نوفمبر إذ لا اعرف جليد هطل في اكتوبر إلا في سنة 1986 و عندها كنت في اوروبا و لم يهطل قبل تلك السنة إلا في سنة1944 [و يقال انه ساهم في تقدم القوات السوفيتية و اجتياحها للقوات النازية].. كان شتاءا إستثائيا قبل 20 سنة لم انسه بسهولة. و كانت ثالثة الاسافي كلام حول شتاء دافئ لم تشهده هذه البلاد من زمن بعيد و لعل ما ساهم في تثبيت هذا [الوهم] الجميل هو حنو الشتاء الفائت كم كان رفيقا بنا و لما استقبلنا عند القدوم الاول.
و عند الصباح في الساعة السادسة صباحا [ حيث كان الظلام طفلا يحبو] خرجت على عجل. امني نفسي بكوب قهوة من التم هورتون الذي يقع عند نهاية الشارع الطويل.. لاختم به يومي المرهق [عفوا لابدأ به يوم] فتقدمت بتفكيري للحظة الانتظار على نافذة الطلبيات السريع و إكتظاظها بزبائن المحل ذائع الصيت و مدمني نكهته الكثر و خصوصا وإن الحياة الطبيعية قد بدات تدب على جنبات هذه المدينة المتخمة بثورات البترول المستخرج من تراب. بمعني آخر تقدمت على زمني حوالي الخمس دقائق من لحظتي تلك، و حوالي اربعة كيلومترات من مكاني و لماكنت ارقب مؤشر الحرارة داخل ال[van ] المونتانة لمدة ثلاث دقائق هي مدة تسخين المحرك بالضبط لاشعل الدفاية بهواء ساخن في اوصالي المجمدة اولا ولاسرع الى القهوة حسيا حيث سبقاني إليها شعوري و رغبتي كما اسلفت.
فتحركت بعد ان راجعت اغراضي بشكل رتيب: اللاب تاب و ملحقاته الوايرلس كارت، الفلاش مومري ،الشاحن،علبة الدخان ،الولاعة[مهم مع القهوة] قصاصات الورق[معظمها بوستات وردود لمواضيع تخص هذا المنبرلا اجد وقت لطباعتها فيقل حماسي فاهملها و في النهاية اذبلها] كتابي و السل الفون والمفكرة و اشياء تخص العمل مثل الكوفية الواقية السترة المشعة ليلا بوت المطر و البوت الواقي للامشاط و هكذا. وهذه الاشياء راجعتها بحكم العادة بشعور شبه غائب.. فنسيت ربط الحزام الواقي حول كتفي و وسطي قبل الإنطلاق.. و هو شيئ لا افعله مهما سهوت او غفلت.
كنت في حالة [Total Complacency ] . و على بعد نصف كيلومتر تقريبا و عند المنحنى بالضبط وجدت تقلب الجو اثناء عملي ينتظرني بتربص و غدر يجيده على الذين هم عن طريقهم ساهون.
لما كان الجو دافئا في منتصف النهار و اول اليل و تفكك الطين، حملته دواليب الشحنات و عربات العاملين طوال النهار و اطراف اليل فقذفته علي الشارع المسفلت من الفناءات الترابية و عندما هبت الرياح القوية جلبت إليه الرمال الناشفة من التل القريب و تساقط عليه المطر الغزير فسال بطول الشارع و عرضه و عندما اخفضت درجة الحرارة تحت الصفر تجمدت المياه و تصلب الطين المطروح جيدا بفعل نشاط الشارع قبل ان يختفي عنه المرور، لاكون اول المارين علي على ذاك البساط الاسود[Black Ice ] فلونه لون الاسفلت و لا توجد إنارة على جانبي الطريق المشق حديثا وكانت الرؤية غير واضحة بفعل العتمة و الضباب و لاني كنت في غاية التعب لم اكن اجلس وظهري على زاوية قائمة إنما تركته على وضع الاستلقاء..و لما؟ فهي مجرد اوضاع مررت بها مئات المرات عبر الفصول. ساهمت التكنلوجيا ايضا في إفساد حواس الحذر. إذ تضيئ المصابيح اوتماتكيا حسب درجة الضوء الخارجي مع السوتش. لكن الخيار لك في الضوء الطويل[المحذور استخدامه داخل المدن] و ضوء الضباب الإضافي. و الذي نسيت من امره تماما حينها.
تجَمع عليَ تذبذب الطقس و تسلل الشتاء من غير إعلان و بلادة الحذر و شرود الذهن و وثارة المقعد و الثقة المفرطة في البونتياك و الG.M و التكنولوجيا قاتلة الحس، تجمعوا كلهم عند ذاك المنحنى اللعين.
فرقصت المونتانا على انغام الثلج الاسود فرجفت اجنابها و هي تنذر عن صعوبة عبور المنحني بلا توازن، فاسرعت لإنعدام الاحتكاك بين الدواليب و الارض في انزلاق كامل لا سيطرة لي عليه.
ثم لم يكن ينقصني إلا خرق القانون الذهبي للقيادة تحت اوضاع الثلج والجليد و هو: عدم لمس الفرامل.. وبنزولي بقوة على الفرامل كحالة رد فعل متاخرة لم تزد السيارة إلا رقصا و مزيدا من النزلاق. فدارت حول نفسها متجهة للرصيف المعاكس و أتجهت بكاملها إلى حيث اتيت و الدواليب تزحف بالعرض دلالة على قوة الانزالق جراء دعس الفرامل بمواصلة و قوة من جهة و السطح الاملس من جهة اخرى. لم توقفها إلا احد العواميد من الحديد الصلب يعملا كوقاية لشجرة مغروسة حديثا على الرصيف.
و لو إتجهت نحو الفراغ بين الاشجار لكان مصيري مختلف الأن او لكان توقف مصيري عند ذاك الحد، هناك، عند المنحنى المظلم.. كانت في طريقها [للقلبة] بلا ادني شك و خصوصا انها ضربت على رصيف مرتفع فشعرت بأن جانبها الايسر قد اصبح كله في هواء لم تعد العجلات إلى الارض إلا لصلابة العمود. هل ذكرت أني نسيت ربط الحزام ؟
لعلي استدركت لماذا يطلق اهل نورث امريكا على وردية اليل اسم:Grave Yard Shift فهي كذلك كل شيئ فيها جائز.
نعم عزيزتي، عاد الشتاء مبكرا مدثرا بالطين حانقا على امنيتي بفصل هين و من يدري ربما يحاسبني باثر رجعي على استقباله لي عند مقدمي.. استقبالا لا استحقه.

خالص المعزة و وافر الامتنان بالسؤال عن الاحوال.
و سلامي للحقانية و هباني و حتى الاتراك.

ثروت
سادي وردية[مقابر] في مكان ما من شمال غرب ادمنتون بلا مونتانا

Post: #57
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: طلعت الطيب
Date: 03-11-2006, 11:08 PM
Parent: #1

الاخت تراجى
تحياتى لك وللاولاد
والله يا ثروت دى سلامة كبيرة وربنا ستر
ادمنتون فيها شوارع خطرة وهاويات عجيبة اعمل حسابك كويس.
لا اعتقد ان البلديات فى البرتا بترش ملح لتزويب الجليد بعد سقوطه فى الشوارع والطرقات زى ما بعملوا ناس اونتاريو وكيباك.
الناس ديل برشوا رملة بس بدلا عن الملح ذو المفعول السريع, غايتو اعملوا حسابكم يا شباب كان مطر ولاّ جليد.

Post: #58
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Tragie Mustafa
Date: 03-11-2006, 11:30 PM
Parent: #57

الاعزاء
ثروت وبقية الشباب
شكرا لمروركم وكل عام وانتم بخير
برجع لكم بمهل.
سفيان وحياتك جايه بس اديها صنه بعد ال ويك اند الجاي ده برجع لكم.
تحياتي.
تراجي.

Post: #59
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: Mohamed Ahmaed Olyesh
Date: 04-11-2006, 00:05 AM
Parent: #58

كل شتاء وانتم بخير
عليش
بس المشكله الساعات من الجر لمن بقت ماشه لى وراء تعمل شنو مع ساعات الجلد والعجب العندو ساعه جيب (يجرها على وين؟)

Post: #60
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: هاشم نوريت
Date: 04-11-2006, 00:17 AM
Parent: #59

تراجى
دبايتو
انتو ياناس هملتون وتورنتو قايلين نفسكم فى كندا كدى اسالوا الشتاء الهو ناس كلغرى وناس ساسكاتشوان المدفونين وهم احياء
ونتمنى ليكم شتاء هادء مافيهو هبباى البرارى

Post: #61
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: رأفت ميلاد
Date: 04-11-2006, 02:18 AM
Parent: #60

Quote: الله يكون في عونكم يا تراجي
والزملاء بكندا والدول الإسكندنافية


نحن ناس الألب يا أدروب ما تنسـانا من دعواتكم


تراجى كنكشى قوى



إنتوا قالوا ناس الجا يحك أضانو إتكسـرت


يديك العافية

تحياتى

رأفت

Post: #62
Title: Re: مكنكشين حتى اشعار آخر ( بدأ التوقيت الشتوي بكندا اليوم)..
Author: munswor almophtah
Date: 04-11-2006, 03:55 AM
Parent: #61

تراجى كيف حالك وحال عيالك وكتر خيرك على تفقدك لأحوالنا فى نيم الشتاء وكينيا زمهريره التى تقسو على الدببه وما بالك بثعالب الصحراء فيه...أنا يا سعادتك فى كالقرى وبوينبج رهط آخر من ضحايا البرد الوكد نحن هنا نحيا على أمل الشينوك أومباغتة صيف الهنودالحمر ويسمونه صيفا كتسمية عنب الضيب أو الذئب بالعنب لك الشكر على جهدك ولك السلام









منصور