Post: #1
Title: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 03-31-2009, 02:56 PM
خلونا نبدأ بـ " المشنقة " و هي نص شعري ........ دكتور تاج السر جعفر الخليفة طه الريفي
المشنقة
قل إنّ المساء مساحة البوح الوحيدة
و قل إنّ الظّلام يقودنا نحو الصّباح متى يشاء
و قل إنا تواعدنا- ليالي الظّلم أن نبقى هجائيين-حتى يستفيق الحرف من حمى التآكل
و قل إن الذين يعرقلون مسيرة الأشياء نحو ختامها-يتسابقون على رقاب الصابرين- ليقتلوا طفل الطبيعة
و قل إن الطبيعة مسرح الأحياء لا مسرح الموتى و لا مشروع مقبرة النكاية
قل إنا بدائيون إذا ..
و إنا هالكون و إن قطعنا بالسيوف بحار تسويف القضية
أصمت إذا و دعني أستبيح الآن مهزلة التواتر و التوقع
(أ)...
لأن الظلم يحدث ارتباكا في التوازن,ما بين أطفال الرغيف – و أنبوب التكثف- عقل
كان الكادحون يعمدون الأرض كي تبقى دليلا دامغا ضد التحرك نحو ما ليس احتمالا
للتنازع
و كانوا يزرعون الأرض حتى تحتملنا واقفين على رموش الموت و التعذيب
و كانوا يحصدون الزرع كي نمشي إلي الفوضى بحفنات الرغيف على يدينا, و ننسى أننا كنا نحاول أن نعيد توازن الأشياء , ما بين أطفال الرغيف – و أنبوب التكثف – عقل
(ب)
لأن الصبح يبدأ دائما في الزحف و ذاكرة الشعوب تغط في نوم عميق
كان الضوء يبدو اقتحاما لقانون الغياب العمد
و كنا نحسب الصبح احتفالا مبدئيا بالنهار-لنرقص رقصة الموت الأخيرة
و نفتح محضرا لليل-في كل الخلايا-و ننبش ذاكرات الدم
دم لا يرعوي لسياسة التحريف أو حتى صلات الدم
دم يرتاح في كل الشوارع,كي يؤسس غرفة الوطن- الحقيقة
..........
|
Post: #2
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 03-31-2009, 03:00 PM
Parent: #1
(ج)
لأن العدل لا يعني اختفاء جريمة الوطن الكبيرة
كان السارقون يخاطبون الوعي من قلب الشريعة
وكنا نحسب الدين امتدادا للطهارة في سراديب الحكومة
لذلك نمحى في رحلة البحث, العنيد ونمحي في جولة التفتيش عن جدوى لانفصام ذواتنا, و ذوات من جاءوا بهذا الخبث في هودج الدين الحنيف
لكنه العدل ابتعاد صارم عن شهوة النفس الشغوفة
و تحديد لقانون التحرك في حدود الآخرين
) د)
لأن الحب شباك يؤدي للحياة
كان العاشقون يؤسسون شقاءهم في جوقة الحانات و النجوى
و إذ يتجاوزون الوعي عند حوارهم حتما فقد ألقوا بأنفسهم على بحر الضحالة
و كان الشعر يعني أن تكون مغبرا و مخمورا بأرخص ما تواجد من عرق
عرق لميلاد القصيدة
عرق لأخفاء الهزائم في عميق النفس كي تبدو حكيما
و عرق لكي تبقى على قيد الكلام
(ه)
لأن البحر فكرة أن تمزق امتداد اليابسة
كان الموج أول انعكاس للغضب
في رحلة الحرب الكئود – مع الشواطئ- كان البحر يلفظ كل أمجاد الملوحة
كان الملح يعني أن تموت برغبة قصوى – توازي انفصالك عن مياه البحر أو أن يكون القاع مثواك الجبان
فالبحر لم ينسى سؤاله في القديم
هل كانت الأرض اختلالا في انسياب قانون المياه؟
أم أنها جاءت لكي يبقى عليها الجند حراسا و مفتاحا لماخور الدماء
|
Post: #3
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 03-31-2009, 03:02 PM
Parent: #2
في أي صحراء نقاتل خوفنا
و ندق رايات العدالة ثم ندفن في البعيد هزائم الوعي الكثيرة
كل القوافل ساومتنا- فانشغلنا بالمياه- ولم نجد غير الهزائم في حقائبنا
فبعناها جميعا و انصرفنا مثل أطفال الملاجئ
لم نرتكب خطأ سوى التصفيق للتجار و الشرطة
و لكنا تواعدنا- ليالي الظلم- أن نبقى هجائيين- حتى يستفيق الحرف من حمى التآكل
لذلك إنبهمنا, نراقب موكب الحكام ينفذ من مسام الجلد يفلت من أصابعنا و يمضي
هكذا تمضي المواكب دائما- في حبل دهشتنا
و نحن الشاربون عصارة الخصي المعتق نبدأ بالغناء
ليصفق التأريخ , هذا الشاهد الرسمي في كل المحافل
هل كان في التأريخ ما يكفي من الثورات و النزف الصدوق كي نسير إلى البطولة ؟
هل كان في معنى البطولة ما يشد الناس نحو مجازر البارود و الموت البطيء على صدور الأغنيات ؟
هل كان في روح الغناء دلالة للوعي ؟ أم أن الغناء وسيلة مهزومة للبوح عن رفض تردد في الخروج مع الدماء ؟
دمنا!!
تخثر؟
أم تلاعب؟
أم تواطأ في القديم مع رموز البر جواز؟
يا كيف تحكمنا قوانين التراجع نحو أبواب القبيلة
و نحن الرافعون هتاف أن نبقى شواهد للحياة- على سجيتها- و نبقى احتمالا بالتواجد كيفما شئنا
و كيفما شئنا ...
تهب بنادق الكهنوت بين الطفل و اللعبة
ليبكي الطفل ملء مشيئة العسكر
و كيفما شئنا ...
يدق الفقر أبواب المنازل, يبحث عن فتات الرفض- في أعين الجوعى- يفتش في زوايانا عن النسيان و الكفر المؤسس بانعدام الخبز
|
Post: #4
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 03-31-2009, 03:06 PM
Parent: #3
مجانية أحلام هذا الشعب حين حملق في سقوف النخل
مجانية أحلامنا..
لو علقت بالنخل ما صمدت أمام الريح
و لو دست بإحكام تهاوت تحت أقدام الطغاة
و نحن الساكتون عن القضية كي نحوز على جواز الانتماء..
عاديون في أعيادنا...
متسامحون مع اللصوص...
نصلي صوب أحزان المساء
و نشرب في ليالي العرس نحلم بالبنات و ندعي مجدا من الأسمنت, أو طقسا من البارود, و الكرم المؤزر بامتلاك الأرض و الثروة
فلو كنا من الغابات حقا ..
لما تركت جموع الناس هذا العسكر المأجور- يرفل في الخضار بإسمنا
و لو كنا من الصحراء حقا ..
لقاتلنا الرعاة على جذوع النخل,ذدنا عن مياه النيل- آخر ما ادخرنا- للبقاء على مسارحنا
و لكنا كما نبدو هجينا نيئا لتلاحم الغابات و الصحراء, إذ يرتاح فوق رؤوسنا
التجار
و السمار
و الفوضى
و تحكمنا القبائل و الجنوووووووووود
تبا لهذا الإنطهاق المستفز
فهذا الخصي يشنق كل أحلام الطفولة
و هذا الوضع يتهمنا بالنضال و ينتهكنا واعيا بأزيزنا في الشارع المفقود, أين الشوارع كي نعلق معطيات المرحلة
بل أين المراحل كي نفتش عن طريق لا يضل طريقه نحو السياسة
إن المراحل تغتصبنا في الحروب لتشتري دخانها اليومي من سوق العساكر
إن العساكر باعة يتجولون على أزقتنا ,يبيعون الدعارة للذين يراهقون بشعبنا
كانوا كهولا ملتحين و راهقوا
ربحت تجارتهم
و مات البائعون دماءهم من اجل أن نمشي على أقدامنا, و نحسها تمشي – فنمشي نحو أفق لا يصله الباعة المتجولون
دعارة أن تشتري من عسكر شيئا لتحكم دولة الجوعى
و دعارة أن تستبيح الوعي كي تسري إلى ثرواتنا ليلا
فلا مسجدا أقصى وصلت
و لا وحيا أتاك من البعيد
ولا ارتفعت بمستواك إلى القضية
إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة- أينما اتجهت - لكي تبقى دليلا للحياة
تاج السر جعفر الخليفة
الخرطوم 1994
|
Post: #6
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 03-31-2009, 03:17 PM
Parent: #4
شكراً تاج السر جعفر
شكراً لنا
|
Post: #8
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: محمد مكى محمد
Date: 03-31-2009, 03:20 PM
Parent: #4
قيقا يا صديق
أولا مبروك عزه..وحمدالله على سلامة المدام..
............................
جبت الكرسى قاعد اتفرج
.........................
بالمناسبه:عرفت معنى نقاش ?
|
Post: #5
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: محمد عبدالرحمن
Date: 03-31-2009, 03:16 PM
Parent: #1
عدل لعدم ملاءمتها لموضوع البوست ..
|
Post: #7
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: محمد عبدالرحمن
Date: 03-31-2009, 03:19 PM
Parent: #5
و لكنا كما نبدو هجينا نيئا لتلاحم الغابات و الصحراء, إذ يرتاح فوق رؤوسنا
التجار
و السمار
و الفوضى
و تحكمنا القبائل و الجنوووووووووود
تبا لهذا الإنطهاق المستفز
فهذا الخصي يشنق كل أحلام الطفولة
و هذا الوضع يتهمنا بالنضال و ينتهكنا واعيا بأزيزنا في الشارع المفقود, أين الشوارع كي نعلق معطيات المرحلة
بل أين المراحل كي نفتش عن طريق لا يضل طريقه نحو السياسة
إن المراحل تغتصبنا في الحروب لتشتري دخانها اليومي من سوق العساكر
إن العساكر باعة يتجولون على أزقتنا ,يبيعون الدعارة للذين يراهقون بشعبنا
كانوا كهولا ملتحين و راهقوا
ربحت تجارتهم
|
Post: #9
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: مها عبد الله
Date: 03-31-2009, 03:25 PM
Parent: #7
Quote: لكنا كما نبدو هجينا نيئا لتلاحم الغابات و الصحراء, إذ يرتاح فوق رؤوسنا
التجار
و السمار
و الفوضى
و تحكمنا القبائل و الجنوووووووووود
تبا لهذا الإنطهاق المستفز
فهذا الخصي يشنق كل أحلام الطفولة
و هذا الوضع يتهمنا بالنضال و ينتهكنا واعيا بأزيزنا في الشارع المفقود, أين الشوارع كي نعلق معطيات المرحلة
بل أين المراحل كي نفتش عن طريق لا يضل طريقه نحو السياسة
إن المراحل تغتصبنا في الحروب لتشتري دخانها اليومي من سوق العساكر
إن العساكر باعة يتجولون على أزقتنا ,يبيعون الدعارة للذين يراهقون بشعبنا
كانوا كهولا ملتحين و راهقوا
ربحت تجارتهم |
|
Post: #11
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: على محمد على بشير
Date: 03-31-2009, 03:33 PM
Parent: #9
قيقا
انتا عامل كمين يا اخوى ؟
|
Post: #16
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 03-31-2009, 10:56 PM
Parent: #11
Quote: قيقا
انتا عامل كمين يا اخوى ؟ |
كمين مين ؟
الدار امان يا حبة
القصة و ما فيها حشرجة في حلقي عاوز انبحها و ارتاح . . . الا الزمن ما مساعد
و كلو من امجد و اماني ديل
اها خليك قريب
------------ برا الخط -----------
البسجر دا تامبا ؟
و هو الحاصل شنو نص البورد لابس الشعار دا ؟
|
Post: #10
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 03-31-2009, 03:33 PM
Parent: #7
Quote: عدل لعدم ملاءمتها لموضوع البوست ..
(عدل بواسطة محمد عبدالرحمن on 31-03-2009, 03:21 م) |
يا محمد عبد الرحمن
كتبت شنو و مسحتو ؟
و من القال ليك ما ملاءمة ؟
ياخ انا قلت ليك أمير قبل دا ؟
حتى لو قلت ليك بكون قاصد ملك . . ياخ انت زول ملك عديل وحات سيدي الحسن
| Quote: توجد ( مشنقة ) و احتمالات |
البوست مفتوح على كل الاحتمالات
المشنقة لرفع درجة الحرارة بس
سنقيم دعوى هنا . . . و المحكمة احتمال وارد
و سرادق للحقيقة و النحيب . . . و ينتهي العزاء بمراسم الدفن غالباً
عشان تكون في الصورة :
دي التحريات الاولية قام بيها المتحري امجد : احباطــــات جيــل ..!!
و دي عريضة المدعي اماني : جيل ما بعد عصر الشحادين !!! قيقراوي تعال أحكي ليك ..
و ان ح اكون اوكامبو هنا
محبة زايدة يا ود اربجي
|
Post: #12
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: محمد عبدالرحمن
Date: 03-31-2009, 03:37 PM
Parent: #10
يافتح الرحمن ..
مامسحت (شيتا ) بستاهل غير انى باركت ليك البنية
و(حنكتك) قلت ليك كنت مشغول ويدى مامطلوقة وكدا ..الباقى
من حكاوى اربجى وباقى خستكات كدا ..سيبك من دا ..انت مها
الفوق دى عرفتها ؟...
مها ازيك اخبارك وامورك ..عل الجميع بخير
|
Post: #14
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: مها عبد الله
Date: 03-31-2009, 03:45 PM
Parent: #12
سلام مربع لصاحب البوست وللعزيز محمد ( يعني إلا إنبهوك كدا هههههههههههه )
قيقراوي معليش والله بس محمد دا بفتش فيهو من فتره طويله ( إيميلك يا محمد عليك الله )
|
Post: #15
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 03-31-2009, 03:58 PM
Parent: #14
| Quote: سلام مربع لصاحب البوست وللعزيز محمد |
مها ازيك ياخ
وشكراً على السلام المربع
تعرفي المربع في فقه دفتر الهندسة بتاع خالد عباس الطاهر ؟
Quote: المربع يعيش توازنه في تساوى اضلاعه
وفي اقتسام المقادير بالقسط بالملميتر
وفي الثروات
اذا اتسعت مساحته اتسعت بالتساوى في الحق
وإن ضاقت باوجاعه لا يتذمر ضلع على اخر أو جص على اجر
والمربع نافذة القطار على المرج
والصور المتحركة
رغم أنف الحديد
يستحث الاقاليم بالنبت والآدميين
نحو افق بعيد |
شكراً على كل العدل دا ياخ
العدل موضوعنا هنا بالضبط . . .
يا شباب بطلو حساسية ما تحسوسني انو البوست دا جادي شديد اقوم اخليهو ليكم
الدوام لله . . . مواعيدي جات . . .
البيت بيتكم قولوا كل الفي نفسكم واحد من احتمالاتي اقتراح انتحار جماعي لجيلنا دا كلوا
فضفضوا احسن ليكم
|
Post: #20
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 04-01-2009, 01:11 AM
Parent: #12
Quote: سيبك من دا ..انت مها
الفوق دى عرفتها ؟... |
ما في خيارات ؟
يا برلوم انت قايلني قدركم ؟
الرامات ضربت ياخ
لكن محتفظ ليكم بكم صورة كدا . . . في واحدة فيها معاكم ديفيد قارجنق ، اشرف غزالي ، انتصار القاضي و آخرين بخرت اسماءهم
لكن هي عرفتني ؟
|
Post: #13
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 03-31-2009, 03:45 PM
Parent: #10
Quote: قيقا يا صديق
أولا مبروك عزه..وحمدالله على سلامة المدام..
............................
جبت الكرسى قاعد اتفرج
.........................
بالمناسبه:عرفت معنى نقاش ? |
ود المكي صديقي الجميل
نقاش شنو يا عمك ؟
خليناهو خلو التراجمة
قلت ابقى ناقد ما في زول عاوز يورينا نقد يعني شنو . . . نمشي نتعلم النقد من ديك الجيران طيب ! ؟
تتفرج شنو يا عمك انت ما قريت النص عاوزين جكتك
Quote: و نحن الساكتون عن القضية كي نحوز على جواز الانتماء..
عاديون في أعيادنا...
متسامحون مع اللصوص...
نصلي صوب أحزان المساء
و نشرب في ليالي العرس نحلم بالبنات و ندعي مجدا من الأسمنت, أو طقسا من البارود, و الكرم المؤزر بامتلاك الأرض و الثروة
فلو كنا من الغابات حقا ..
لما تركت جموع الناس هذا العسكر المأجور- يرفل في الخضار بإسمنا |
اعتذاري لبقية المتداخلين
و برجع ليكم بالليل نشوف الجنون حدوا وين
Quote: قل إنّ المساء مساحة البوح الوحيدة
و قل إنّ الظّلام يقودنا نحو الصّباح متى يشاء |
نشوف احتمالات الصباح دي اكبر من الصفر ؟
|
Post: #17
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 03-31-2009, 11:59 PM
Parent: #13
القصة ما فيها اي كمين يا ابو علوة
القصة قصة جهجة حساب
سطاشر زائد اربعة تدينا عشرين . . . زائد عشرين فيها عشرينين نخت الصفر و نطلع بالاتنين
الطرف التاني من المعادلة واحد و سبعين ناقص تسعة و ستين يساوي الاتنين . . . زايد تمانية و تلاتين من واحد و سبعين لي الفين و تسعى ( و ما اظن في الخير ) تدينا اربعين نخت الصفر و نطلع بالاربعة يا ها الطالعين بيها من كل الحسبة دي . . .
اربعة نضيف ليها كوارث طبيعية و كوارث صناعية و قلة خبرة في ممارسة الديمغراطية ( الما تشوفوا في بيت امك و ابوك يخلعك ) ناقص سنة مجلس عسكري و دي كلها قيم سلبية . . . كدا احتمال كبير نطلع مطالبين . . .
نحن اتسرقنا يا جدعان
رايكم شنو نفتح بلاغ سرقة ضد معلوم . . .
بين العشرين الاولى و العشرين الاخيرة كلو حصار في حصار . . . حظر تجول . . . حظر نمو
جنود ... جنون . . . جنود . . . جنون
شعارات
هتافات
زعيق
|
Post: #18
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: Amjed
Date: 04-01-2009, 00:15 AM
Parent: #13
فتحي
تعال راجع يا خوي
الليلة سمعت عمنا محجوب
و هو يصدقنا القول
يقول
و على لحن سماوئ جميل تترنم به مي
انو
الفجر الجاي حيشرق رغم السونكي و رغم السور
فتيقنت يا صديقي
انهم ماهما سرقوا منا جمال اليوم و منعوا عنا جمال الامس
فالغد يعدنا اجمل ما فيه
و لن يحملونا الي هناك او يحملو البحر للمنفى
فــ (قاع البحر فينا)
فدعهم في طغيانهم يعمهون
و سنبقى نحن برغم ما زرعوا في الدروب من قبح و قيح
نصارعهم و نقالعهم
حلمنا بحياة اجمل و غد فسيح
في وطن حر فيه شعب سعيد
و لست مهزوماً يا صديقي ما دمنا نناضل
كما قال نبي الفكر في هذا الزمان
عمنا مهدي عامل
فهانحن نبقى هنا
نحيا و نناضل
و نزرع في الامل
اقول قولي هذا
و انام و انا اقرر الذهاب غداً
لمنسقية الخدمة الالزامية
علني انتزع منهم
ما يفيد بالسماح لي بايجاد عمل في وظيفة محترمة
داخل حدود بلادي
و ياصديقي
فليحرقوا ما شاءو من اشجار
فنحن باقوون هنا برغمهم
لنعيد زراعة اشجار جديدة
ستنمو و تزهر في الربيع
و ان طال السفر او طال انتظاره و انتظارنا له
اتي لا ريب فيه
برغمهم
|
Post: #19
Title: Re: امجد فريد . . اماني الامين . . و آخرون . . دعوى ضد معلوم . . . توجد ( مشنقة ) و احتمالات
Author: قيقراوي
Date: 04-01-2009, 00:45 AM
Parent: #18
Quote: نحيا و نناضل
و نزرع في الامل
اقول قولي هذا
و انام و انا اقرر الذهاب غداً
لمنسقية الخدمة الالزامية
علني انتزع منهم
ما يفيد بالسماح لي بايجاد عمل في وظيفة محترمة
داخل حدود بلادي |
اسي التحته خط دي جملة مفيدة ؟
انت اتسرقت يا امجد
لكن ما جايب خبر
ياهم العساكر . . . و ياهم التانين يا امجد يا صحبي
باعوا لينا احتمال ان يسكت الانين المحشرج في حلقوم روحنا في شكل لفافات مطوية بعناية فائقة و مكتملة الاستدارة ، و ما نسوا وضع تحذير على غلاف العبوات الفاخرة جداً بخط واضح و صريح " التفكير ضار بالصحة " للتمويه على السلطات الرسمية . . . او بالتواطؤ معاها . . . مين عارف ؟ . . . كل شئ جائز . . . دا زمن الميديا و الاستهلاك و التسويق و التسويف يا صحبي
الياهو الجنون البعسكر كل حاجة
فترنا يا امجد ياخ من الاحلام خلينا نواصل النواح و نختبر قدرة احتمال محاجرنا لدموع جليلة في بكائية تليق على ما فات من احلام بمطر ملون او ما ضاع في انتظار وفاء العاصفة بما تفوهت به ذات وعد بانخاب شديدة و اقواس قزح
قبل كدا قلت ليك يا امجد و قبله للنا ذاكرتنا اصيبت بثقب كبير في دهور سحيقة و تم نثر تراب ناعم على سطحها و بقينا نتاوق للتاريخ عبر الثقب دا و بغشاوة ما تناثر من غبار . و اتجمد نمونا
انا ماشي في طريق المحاكمة دا للاخر
|
|