Post: #1
Title: نفير فزع بحثا عن بوستات ضائعة !
Author: Agab Alfaya
Date: 05-18-2005, 08:47 PM
احبابي البورداب
ادعو كل الناس الخابرين الدروب لمساعدتي في البحث عن بوستات ضائعة خرجت ولم تعد لا ادري بفعل فاعل ام ضلت طريقها في تلافيف هذا الاخطبوط العنكبوتي العجيب ؟!
بحثت عنها حتي عند (العم) قوقول ولم اجدها ،
البوستات الضائعة كثيرة ولكن تهمني البوستات الاتية وهي :
- عثمان حسين في محراب النيل.
- اسماعيل عبد المعين او الاب المجهول للاغنية السودانية .
- الشبه بين الاغنية السودانية واغنية بلاد شنقيط.
- كل بوستاتي عن جمال محمد احمد .
وكل سنة بوردية وانتم بخير
|
Post: #2
Title: Re: نفير فزع بحثا عن بوستات ضائعة !
Author: tmbis
Date: 05-19-2005, 00:23 AM
Parent: #1
سلامات يا استاذ عبدالمنعم
البوستات قاعده ، بس بدل ما تبحث في عمنا قوقل ابحث في داخل البورد
مثلا :
تضغط على ابحث
وتنسخ الاسم في الحقل التاني من الأعلى
وممكن تختار مكان البحث حسب الطلب في سهم صغير علي الناحية اليسرى تضغط عليه لكامل التبويب والارشيف والمكتبات
لكن لسهولة الامر اختار اول خيار من الأعلى
Search All Boards
وإذا كنت متأكد من تاريخ البوست في اي عام أو في اي أرشيف ممكن مباشرة تختار أرشيف العام المطلوب
ثم تضط علي ايقونة
Search
بتتحصل علي كامل المواضيع والمداخلات خاصتك ..
بعض من البوستات المطلوبة
الطيب صالح - يكتب عن جمال محمد احمد
عبدالله الطيب يرثي جمال محمد احمد - في ذكراه
اسماعيل عبد المعين....او الاب المجهول للاغنية السودانية
في محراب النيل .. الي عثمان حسين في مشفاه
الشبه بين الاغنية السودانية واغنية بلاد شنقيط-مروتانيا
|
Post: #4
Title: Re: نفير فزع بحثا عن بوستات ضائعة !
Author: محمد أبوجودة
Date: 05-19-2005, 01:49 AM
Parent: #3
فكلُّ امرئٍ يُولي الجميل مُحَبَّبٌ ،،، وكلُّ مكانٍ يُنْبِتُ العِزَّ طَيـِّبُ
الاخ الصديق/ عبدالمنعم الفيّــا ،،
حيـّاك الله وابقاك .. وعظيم الثناء على هذه البوستات الرّائعة بموضوعاتها
وبكتاباتك النَّيِّرة فيها ، تلك التى تعكس اهتماماً حيويّاً مفيداً بالثقافة السودانية ، تاريخاً وإبداعاً ، إجتماعاُ، قراءةً وتوسُّعـاً، رؤيةً واستماعاً ؛ بل وعظيمٌ جدّا أنّك قد اطلقتَ نفير الفزع بحثاً عنها ..فهذه البوستات الجميلة ، يجب ألآ تضيع .. ولن تضيع
طالما توفّر لنا أمثال الصديق العزيز/ علاء الدين Tmbis . ويا علاء ،، إن شاء الله ، يوم شـُكرك ، ما يجي ! يطول عمرك مع العافية والنجاح ..
فَعلى الرغم من تجوالي الكثير ،في اعتقادي، بدوحة سودانيزأونلاين ، لأجل قراءة المكتوبات أوّلاً، تلك التى تستحق القراءة مرّة ومرّات ، سواءٌ ما تقادم عهد كتابتها أو ما استجد، إلآ أنّنى لم ألتقِ بهذه البوستات من قبل ! فشكراً لكما على استحضارها .
بشخوصها المحترمين ،، الاستاذ/الشهيدمحمود محمد طه/ د. عبدالله الطيب/الطيب صالح/
جمال محمد احمد/عثمان حسين/اسماعيل عبدالمعين وغيرهم من المبدعين السودانيين الذين
يمثِّلون النبع والرّافد الخصيب لنهر الحضارة السودانية ..
ولكما الود ،،..
|
Post: #6
Title: Re: نفير فزع بحثا عن بوستات ضائعة !
Author: Agab Alfaya
Date: 05-19-2005, 09:38 AM
Parent: #3
الاستاذ الفاضل والاخ العزيز / علاء /تمبس
عوافي عليك ، فزعك لحق تب ،
والله ما قادر اشكرك كيف ،
تعرف انا دايما ببحث في البورد بالطريقة التي تفضلت بشرحها ،
لكن البوستات دي قدر ما بحت وبحت ما لقيتها
وقت زهجت من البحث قلت امشي علي قوقول برضو ما لقيتها
اخيرا قلت استعين بناس الخبرة وضربت الروراي للفزع
ويا هو انت كنت اول السباقين ،
ادام الله فضلك وجعلك دخري لناس البورد للملمات
ودمت يا عزيزي
|
Post: #5
Title: Re: نفير فزع بحثا عن بوستات ضائعة !
Author: Tabaldina
Date: 05-19-2005, 02:01 AM
Parent: #1
..
.
سلام يااستاذ عجب..
كنت داير اعمل ليك توصية..
بس تمبس ما قصر
تحياتى
|
Post: #7
Title: Re: نفير فزع بحثا عن بوستات ضائعة !
Author: Agab Alfaya
Date: 05-19-2005, 09:44 AM
Parent: #1
الصديق العزيز / محمد ابو جودة
كتر خيرك ايها الرجل الفاضل ودا كلوا من ادبك وذوقك
ثناءك علي هذه البوستات شهادة اعتز بها
ولذلك سوف اطلب من بكري ان يضيف هذه البوستات الي المكتبة
ولك محبتي
|
Post: #8
Title: Re: نفير فزع بحثا عن بوستات ضائعة !
Author: Agab Alfaya
Date: 05-19-2005, 09:46 AM
Parent: #1
الاخ تبلدينا
كتر خيرك ما قصرت والله
والحمدلله يا هو الفزع جمع بفضل اخونا تمبس
ولك عظيم الاحترام والتقدير
|
|
