تختة جاهزة للتنشين .. شكراً دينا خالد

تختة جاهزة للتنشين .. شكراً دينا خالد


06-09-2012, 09:41 AM


  » http://sudaneseonline.com/cgi-bin/sdb/2bb.cgi?seq=msg&board=189&msg=1356389424&rn=0


Post: #1
Title: تختة جاهزة للتنشين .. شكراً دينا خالد
Author: تيسير عووضة
Date: 06-09-2012, 09:41 AM

لزمن ليس باليسير وأنا أفكر في الكتابة عن (دينا خالد) - أكتفي في البداية بوضعها بين قوسين لشيء في نفس يعقوبة - ولكن حماني القيد منع؛ قيد المشغولية الدائمة التي تلتهم الوقت والطاقة والقدرة على الكتابة المطولة، وقيد الكسل الذي يزين لي دوماً سهولة الإكتفاء بتقليب الأفكار في رأسي عوضاً عن ترتيبها وإدراجها بشكلٍ مقروء.

لماذا (دينا خالد) دون غيرها؟
كان هذا الإستفهام تحديداً هو بداية إهتمامي بـ (دينا خالد) كحالة وليس العكس كما قد يتبادر للأذهان وما تلا ذلك الإهتمام من متابعة للكتابة من جهة، ومتابعة لللغط المثار حول هويتها من جهة أخرى، ليضع هذا الإسم كثيرين أمام محك حقيقي وإختبار محايد فيما يتعلق بمحددات القراءة والكتابة ومسائل الخصوصية والتنميط السائد للمرأة، فطفى زيت اللاوعي فوق مياه الوعي "الله يبشبش الطوبة اللي تحت راسك يا هيقل يا ود أمي" وطغى صوت اللاشعور على صوت المعركة! بل وذهب الأمر لأبعد من ذلك إذ أصبحت (دينا خالد) تختة تستقبل السهام التي يصوبها من بظنهم أنهم سينالون من النساء في شخصها أو سينالون من شخصها بالتشكيك في هويتها (أيهما أنجع) ..



ــــــــــ
الجزئية المتعلقة بالأستاذ حسن موسى ورسومه المهينة لجنس النساء سأقوم بإنزالها في سودان فور أول
هذا البوست لمناقشة بعض ما يدور في ذهني عن هوية وجندر الكاتب
دينا خالد ستكون هي الـ study case بتاعتنا (معليش يا دينا نسوي شنو)

Post: #2
Title: Re: تختة جاهزة للتنشين .. شكراً دينا خالد
Author: محمد البشرى الخضر
Date: 06-09-2012, 09:54 AM
Parent: #1

Quote: الجزئية المتعلقة بالأستاذ حسن موسى ورسومه المهينة لجنس النساء سأقوم بإنزالها في سودان فور أول
بالله وكوبي بيست هنا عشان الحبايب الما بقدروا على الجري و المساسقة :)

Post: #5
Title: Re: تختة جاهزة للتنشين .. شكراً دينا خالد
Author: تيسير عووضة
Date: 06-09-2012, 09:59 AM
Parent: #2

Quote: بالله وكوبي بيست هنا عشان الحبايب الما بقدروا على الجري و المساسقة :)

لا معليش حاتجروا وتساسقوا






ما بقدر مع كل كوبي أقول نقلاً عن فور أوول دا إذا النقل كان مسموح أصلاً ..

Post: #3
Title: Re: تختة جاهزة للتنشين .. شكراً دينا خالد
Author: تيسير عووضة
Date: 06-09-2012, 09:55 AM
Parent: #1

لست هنا بصدد إثبات أو نفي أنثوية دينا خالد وليس هذا من أهداف البوست ..

Post: #6
Title: Re: تختة جاهزة للتنشين .. شكراً دينا خالد
Author: saif massad ali
Date: 06-09-2012, 09:59 AM
Parent: #3

سلام

ست البوست


بختها دينا خالد

حسن موسي بقي ليها عوير الطيب صالح الزين

الكل بقي يبحث عنها

الله يديها الحنين المبروك يديها الفاتحة تيسر عليها امرها


نتابع اكتبي الله يديك العافية

Post: #4
Title: Re: تختة جاهزة للتنشين .. شكراً دينا خالد
Author: حيدر حسن ميرغني
Date: 06-09-2012, 09:59 AM
Parent: #1

Quote: الجزئية المتعلقة بالأستاذ حسن موسى ورسومه المهينة لجنس النساء سأقوم بإنزالها في سودان فور أول هذا البوست

الغريبة بيكاسو ده هدد كمان بالاتي
Quote: ممنوع منعا باتا نقل أي كاريكاتير من هنا و نشره في أي من منابر العوام.
و كل من يقوم بنسخ تصاويري في المنبر العام، بالموقع التجاري المسمى بسودانيز أونلاين دوت كوم،أو في أي موقع آخر
يعرض نفسه للمساءلة القانونية
و الحاضر يكلم الغايب!

Post: #7
Title: Re: تختة جاهزة للتنشين .. شكراً دينا خالد
Author: Hussein Mallasi
Date: 06-09-2012, 10:13 AM
Parent: #4

Quote: ما بقدر مع كل كوبي أقول نقلاً
عن فور أوول دا إذا النقل كان مسموح أصلاً ..

أرعبهم فارتعبوا !

Post: #8
Title: Re: تختة جاهزة للتنشين .. شكراً دينا خالد
Author: Ashraf el-Halabi
Date: 06-09-2012, 10:36 AM
Parent: #7

يا (يعقوبة): كان عندي مداخلة في بوست أساسي قمت بسحبها، لا لشيء سوى خوفي من تأثيرها على سير العدالة التصاويرية الناجزة
أوعي تكوني شفتيها

Post: #9
Title: Re: تختة جاهزة للتنشين .. شكراً دينا خالد
Author: حمد عبد الغفار عمر
Date: 06-09-2012, 10:54 AM
Parent: #8

Quote: أرعبهم فارتعبوا !


غايتو عادل عبد العاطي ما ارتعب ولا حاجة نزلوا في بوست أساسي بضبانتو

سجن سجن غرامة غرامة


سلام يا تيسير

Post: #13
Title: Re: تختة جاهزة للتنشين .. شكراً دينا خالد
Author: قيقراوي
Date: 06-09-2012, 02:23 PM
Parent: #8

"أوعي تكوني شفتيها "
























------

انا شفتها يا ابوشوش

Post: #10
Title: Re: تختة جاهزة للتنشين .. شكراً دينا خالد
Author: تيسير عووضة
Date: 06-09-2012, 01:12 PM
Parent: #7

Quote: أرعبهم فارتعبوا !

يا كافي البلا كمان بقيت ما بتفرز الكلام !!

Post: #11
Title: Re: تختة جاهزة للتنشين .. شكراً دينا خالد
Author: حبيب نورة
Date: 06-09-2012, 01:29 PM
Parent: #10

طيب علي الأقل رابط ينوبك ثواب
عشان تسهل علينا المساسقة :)

Post: #12
Title: Re: تختة جاهزة للتنشين .. شكراً دينا خالد
Author: عمران حسن صالح
Date: 06-09-2012, 01:51 PM
Parent: #11

نرجا الآخر
إن شاء الله تفشي غبينتي في حقارتو

Post: #14
Title: Re: تختة جاهزة للتنشين .. شكراً دينا خالد
Author: Ashraf el-Halabi
Date: 06-09-2012, 04:15 PM
Parent: #12

Quote: انا شفتها يا أبو الشوش
أها رايك شنو في توقعاتي؟
الرد بالشفرة سعادتك لعدم تشويش العدالة

Post: #15
Title: Re: تختة جاهزة للتنشين .. شكراً دينا خالد
Author: Ashraf el-Halabi
Date: 06-09-2012, 11:01 PM
Parent: #14

"والذي نفس المشرف بيده" الموضوع دا من ما بدأ ما مقسومة لي فوقو مداخلات كلو كلو!!
نسحب للمرة التانية
عندنا عدة خايفين عليها
نقعد نباري العوام بنلحق الزينين

Post: #16
Title: Re: تختة جاهزة للتنشين .. شكراً دينا خالد
Author: محمد البشرى الخضر
Date: 06-09-2012, 11:07 PM
Parent: #15

Quote: الكديسة أم سدر
هههههههههههههههههههههههههههههههههههه
أم سجارة مالها اسي عيبيها لي بالله
المهم
ما عرفتيها منو ؟ غايتو دينا غالطتنني

Post: #17
Title: Re: تختة جاهزة للتنشين .. شكراً دينا خالد
Author: حمد فتح الرحمن
Date: 06-09-2012, 11:20 PM
Parent: #16

تيسير
اعدهناك

Post: #18
Title: Re: تختة جاهزة للتنشين .. شكراً دينا خالد
Author: قيقراوي
Date: 07-09-2012, 00:00 AM
Parent: #17

الكمدة بالرمدة يا حلبلب
















-------

المافي شنو!؟

Post: #19
Title: Re: تختة جاهزة للتنشين .. شكراً دينا خالد
Author: حافظ انقابو
Date: 07-09-2012, 00:13 AM
Parent: #18

أنا قريت البوست دا وداير أقول كلمتين خارج النص
بعد إذن تايسا طبعا

لقد اثبت قيقا أنه يستحق المقعد الاول
في بوستات ال10 الاكثر انحشارا في بوستات الجكس

وشكرا

Post: #20
Title: Re: تختة جاهزة للتنشين .. شكراً دينا خالد
Author: محمد البشرى الخضر
Date: 07-09-2012, 00:26 AM
Parent: #19

هههههه
انقابو .. شتارة السنين لكن

Post: #21
Title: Re: تختة جاهزة للتنشين .. شكراً دينا خالد
Author: قيقراوي
Date: 07-09-2012, 00:33 AM
Parent: #20

انقابو وجابو ضقلو يكركب






















------

خلاااااس يعني جبت الديب من ديلو؟


اها تايسا دي راجل ..شن قولك؟

Post: #22
Title: Re: تختة جاهزة للتنشين .. شكراً دينا خالد
Author: حافظ انقابو
Date: 07-09-2012, 00:45 AM
Parent: #21

يا قيقا ياخ انت راجل كتاب وقلم أنيق
ما تخلي ملاسي يتأمل فيك


الكلام دا قلتو ليك قبل كم شهر هنا
إنشاء الله وخذة الابرة دي تجيب راسك

الفورة كم؟

Post: #23
Title: Re: تختة جاهزة للتنشين .. شكراً دينا خالد
Author: قيقراوي
Date: 07-09-2012, 01:00 AM
Parent: #22

دي ابرة ول خابور يا انقابو لكن؟


















----------

حليل تأملات ملاسي ياخي
المسألة بقى فيعا رسم عدييييل كدا

بعدين في ي ي ذمتك دي كان ما راجعت مداخلاتي بتاة الليلة وتعال راجع هنا وريني ياتو جكس انحشرت في بوستو الليلة؟

4 مداخلات في بوست اساس
1 بوست هيثم تاها في متاهته الاخيرة
2 في بوست تايسا دا

منو من ما ذكر اهلاه (جكس)؟


انا غايتو شاكي في اساسة وهيثم ديل

Post: #24
Title: Re: تختة جاهزة للتنشين .. شكراً دينا خالد
Author: قيقراوي
Date: 07-09-2012, 01:27 AM
Parent: #23

اها يا انقابو:























---------

طبعاً بي دي ببقن هنا 5 عديييل كدا ..
3 في الرد عليك .. واتنين موجهات لحبيب ألبي حلبلب

شفت كيف؟

النسألك .. انت قريت البوست دا؟
يعني ما شايف اي اهمية لموضوعو -بغض النظر عن هوية كاتبه الجندرية- ول القصة شنو يا فردة؟

ياخي على عكسك انا لمن دخلت ما فتشت .. لانو الموضوع هاميني .. ؤ جداً جدن حتى آدم همسلف

ولفايدة الحوار هنا -او كما قال ابو حتوت- ياخي في اتهام لين -كمنبر عام- اننا اهتماماتنا سطحية (ودي قراية بتستمد شرعيتها من جنس حوارنا دا ذاتو)
ياخي خليك مني .. انساني كلو كلو
وما شايف مبرر لي خوفك علي دا .. كلو كلو
لا من تاملات ملاسي .. ولا رسومات حسن موسى
تابع و سيطئن خوفك
ياخي انا عايش في الدنيا الظالمة دي ربع قرن يتيم .. جاية تغلبني الاسافير الكلام × كلام دي؟
ول انت شايف شنو؟

Post: #25
Title: Re: تختة جاهزة للتنشين .. شكراً دينا خالد
Author: Hussein Mallasi
Date: 07-09-2012, 01:37 AM
Parent: #24

اتهمه بالانحشار في مداخلة واحدة فنفاها في عشر

Post: #26
Title: Re: تختة جاهزة للتنشين .. شكراً دينا خالد
Author: قيقراوي
Date: 07-09-2012, 01:43 AM
Parent: #25





















-----------

كنت قايل انو حساسية ارتفعت شوية في مسألة (حساب) المداخلات دي .. بعد بقوا يحسبوا ليك
اسي مداخلتك (العادية) القبل دي مر عليها كم بتوقيت باريس؟

اقطع وشك .. نشوفك بكرة .. بعد ما تنحت راسك و تجينا بمداخلة (عادية) تروع بيها خاطرنا (العوام)
او كما قال

Post: #27
Title: Re: تختة جاهزة للتنشين .. شكراً دينا خالد
Author: قاسم المهداوى
Date: 07-09-2012, 02:27 AM
Parent: #26

انقا
لو سمحت
Quote: خارج النص

حقوق التوظيف حتما ولا بد ان تحفظ
( المفردة خارج النص )
وتكتب هكذا









ـــ
خارج النص
ثم يلى ذلك الخروج عن النص



ــ
قاسم المهداوى

Post: #28
Title: Re: تختة جاهزة للتنشين .. شكراً دينا خالد
Author: فردوس جامع
Date: 07-09-2012, 04:38 AM
Parent: #27

الأخ حافظ السلام والتحية,

لست هنا للدفاع عن الصديق المحترم قيقراوي, فهو معروف للكل هنا برصانة قلمة وحصافته.
ولكن الأخ حافظ الا تتفق معي في أن إختزال مداخلات الأخوان الأعضاء في بوستات الأخوات العضوات
في "الرشاقة" مجحف لأقلام نيرة جديرة بالرد علي ما خطت؟
عملت سكانينق للصفحة الأولى ووجدت الآتي:
عدد البوستات في الصفحة الأولى ما يقارب ال 150 و 6% منها مواضيع نساء تسد عين الشمس وجديرة بالرد عليها دون رشاقة...
نقطة تانية, عضوية النساء في البورد هنا قليلة مقارنة بالرجال, عارف واحد من الأسباب ممكن يكون شنو؟
بعض الرجال قد يرى وصفكم لأخته, أمه, زوجته أو بنته غير لائق " كجكس" و يفرض سلطويته عليها و أنتم الحجة!!!
لا لتثبيط الأخوان عن التداخل ببوستات النساء و إستخدام الكلمة" الما ظريفة " و ما فيها إحترام لنا هنا...
و إذا طبقنا منطقك البورد حيبقى تورا بورا ...
لكم أقلامكم ولنا ال6% حقتنا ويا بورد ما دخلتك أنثى تاني, و لا رأيك شنو؟

و أخيراً نأمل إحترامكم لوجودنا هنا
و مشاركتكم الحوار دون تنميط جنسي (ذكر و أُنثى) بارحه العالم منذ قرون خلت!!!
و سلام لصاحبة البوست و الزوار الكرام...

Post: #29
Title: Re: تختة جاهزة للتنشين .. شكراً دينا خالد
Author: نصرالدين صلاح
Date: 07-09-2012, 05:16 PM
Parent: #28

امي الله يديها العافية لامن تخرب خالص بتقول

( سجم الحلة ) بكسر الحاء

----

اها الخبر الاكيد انو البطانة اترشت ( بالريشة )

هههههههههه

مسك ليكم في الاربعة الكبار و انت نازل

ألأ اب كمنجة دة منو النساْْْْلكم

--------------------------------------------------------

انقابو طالع في الكفر اليومين ديل اسمو مكتووووووووب

----------

بعدين يا قيقا ما تورم فشفاشك سكت ( هيي اذ جست كيدينق )

بعدين ما دام انت عارف سيد البلي مالك داير تستشهد لينا هنا دة

-----------

يا تايسا عامن اول خليهو ....

اديهو بالحتة الفيها الحديدة


Post: #30
Title: Re: تختة جاهزة للتنشين .. شكراً دينا خالد
Author: قيقراوي
Date: 07-09-2012, 09:49 PM
Parent: #28

استاذتنا فردوس جامع
التحيات مثنى وثلاث و رباع

Quote:
و إستخدام الكلمة" الما ظريفة " و ما فيها إحترام لنا هنا.

عندك الف حق في دي

لكن دينا وتايسا اللتنين ما رجال ياخي!؟..
واهو مصاقرين الـFIFA منتظر القرار!

عن مُبِرّ صلاة الشوق عليه، انه قال:

Quote:
"تأويلي" للكاركتير، بصورةٍ عامة، ومن وحي المساجلات عابرة المنتديات التي إندلعت موخراً، يتلخص في الأتي: إن هنالك نفر ممن يقيمون في "المنبر العام" ياهو ده نوع إهتمامتهم وغاياتهم، وياها دي نوعية حواراتهم. والله أعلم.

ودي قراية موضوعية جداً للحاصل هنا، لو اتجردنا من عواطف هلال مريخ .. ول شنو؟
طرح القصص دي، واعادة طرحها، وتدويرها بتصورنا بصورة الفارغين .. ولو حسن ما رسمنا ذاتو






-----------

سي سي لحبيبنا نصرالدين

Post: #31
Title: Re: تختة جاهزة للتنشين .. شكراً دينا خالد
Author: حافظ انقابو
Date: 07-09-2012, 10:15 PM
Parent: #30

الاخت الفاضلة فردوس جامع
أنا ما حرضت الشباب انهم ما يحاورو
الاخوات هنا بالعكس الموضوعات
هي البتفرض على الناس انهم يشاركو
فيها بغض النظر عن جنس صاحب
الموضوع .. وصراحة أنا على الواقع
عندي صديقات اناث أكتر من الذكور
يا ريت تفهميني صاح مداخلتي
مجرد وخذ بإبرة صغيرة لكاتبي المفضل
وصديقي قيقا راااااااوي
لأنو بصراحة بقى ما جادي ومقضيها
هزل في هزل


هسة كدا كويس يا قيقا
ملاسي كل يوم يتأمل فيك :)




شكرا لكل من اطراني
والمعذرة لاختنا تايسا
على حرف البوست

Post: #32
Title: Re: تختة جاهزة للتنشين .. شكراً دينا خالد
Author: قيقراوي
Date: 07-09-2012, 10:49 PM
Parent: #31

اعتذارك ما بفيدك يا انفا .. العملتو كان باييدك
شيل شيلتك بقيت للنص!
قلت لي ابرة آآآ -مع انك بهناك ابيتا دت!- اها ارجا (الابر الصينية) .. عمك الرسام اليومين ديل بهناك!


وعليك الله احسبني في جوقة المطرين .. خصوصاً حتة الثقة بالنفس دي
يعجبني في الزول انو لمن يكون ماشي على صلاة الاستسقاء .. ويكون شايل مظلتو بيمينو.. المافي شنو ؟!

الدنيا دي بنعيشا مرة وااااحدة بس

























-----------

اخونا تايسا .. اخونا ياخي
انت ما مصدقني ليه؟!

Post: #33
Title: Re: تختة جاهزة للتنشين .. شكراً دينا خالد
Author: تيسير عووضة
Date: 10-09-2012, 12:15 PM
Parent: #15

يا أشرف ..
Quote: يا (يعقوبة): كان عندي مداخلة في بوست أساسي قمت بسحبها، لا لشيء سوى خوفي من تأثيرها على سير العدالة التصاويرية الناجزة
أوعي تكوني شفتيها


شفتها تصدق




Quote: أها رايك شنو في توقعاتي؟
الرد بالشفرة سعادتك لعدم تشويش العدالة

بناءً على تنبؤاتك: بدا بالشوز




Quote: "والذي نفس المشرف بيده" الموضوع دا من ما بدأ ما مقسومة لي فوقو مداخلات كلو كلو!!
نسحب للمرة التانية
عندنا عدة خايفين عليها
نقعد نباري العوام بنلحق الزينين

عدة هنا ولا هناك؟
بس ما تقول لي إنك سيد الرايحة


الفاتت دي مش بتاعة الآي كيو؟
يا زول امسح دي الممسوحة ما بتبالي من الرش ..

Post: #34
Title: Re: تختة جاهزة للتنشين .. شكراً دينا خالد
Author: تيسير عووضة
Date: 10-09-2012, 12:25 PM
Parent: #33

الأعزاء سيف مساعد وحيدر وحمد وحبيب نورة وآل عمران وحمد أمبس وأنقابو ومهداوي ونصر الدين
تسلموا كلكم كلكم على المرور


خليكم معانا ..





العزيزة فردوس كلامك صحيح تماماً وفيهو حتة مهمة جداً وبتمس عصب الموضوع بتاعنا حأتطرق ليها قدام
وبرضو خليك معانا ..




قيقا حبيب ألبي

هو المافي شنو؟؟
من كل روضة زهرة ومن كل زهرة عينة

إنت بالذات لازم تخليك معانا
رايك مهم ..

Post: #35
Title: Re: تختة جاهزة للتنشين .. شكراً دينا خالد
Author: تيسير عووضة
Date: 10-09-2012, 01:03 PM
Parent: #34

شكلي أنا زاتي حا أبقى كيس ستدي في البوست دا!


ما بين دينا خالد كإسم إفتراضي بعض الناس مصرين إنو راجل
وتيسير عووضة كإسم حقيقي وبعض الناس برضو مصرين إنو راجل (قيقراوي مثالاً)*



دا بورينا فعلياً وبشكل عملي إنو هوية/جندر الكاتب ما هو الموضوع


الموضوع هو الكتابة نفسها ..
الكتاااابة



ولازلت أرددها حتى تقولوا ليها سكتت !




ـــــ
* ما تقعد تعملا لي إعتذارات وشروحات ومتون
عارفاك بتهزر
لكن هزارك دا خدمني شديد وغير لي مدخل الموضوع كلو ..

Post: #36
Title: Re: تختة جاهزة للتنشين .. شكراً دينا خالد
Author: تيسير عووضة
Date: 10-09-2012, 01:20 PM
Parent: #35

نحاول نحصر نقاشنا عن هوية الكاتب في الكتابة الإسفيرية تحديداً، ليه؟

لأنو قوانين وأعراف وضوابط وحتى طبيعة الكتابة الإسفيرية تختلف بشكل كبير عن تلك التي تحكم الكتابة الورقية ودا العامل إلتباس لناس كتيرين، الإختلاف الكبير دا أنتج لينا مساحة أكبر يتمتع فيها الكاتب الإسفيري بحرية/حق الكشف عن الهوية أو الإمتناع بما لا يتوفر في الكتابة الورقية بجميع أشكالها زائد التأثير ما دايرة أقول "المحدود" لتبعات الحرية دي مقارنة بأثر نفس مقدر الحرية لو طبقناها في حالة الكتابة الورقية.

Post: #37
Title: Re: تختة جاهزة للتنشين .. شكراً دينا خالد
Author: تيسير عووضة
Date: 10-09-2012, 01:55 PM
Parent: #36

حق الإفصاح عن الهوية:


لو إفترضنا إنو الناس دي كلها متفقة من حيث المبدأ على إنو الإفصاح عن الهوية (حق)

طيب حق بيد منو؟
وحق على منو؟

هل من حق الكاتب الإسفيري الإمتناع عن كشف هويته الحقيقية بإعتبار أن القارئ معني بالكتابة ومحتواها لا بـ "من الكاتب"؟
أم أن معرفة هوية الكاتب حق مكفول للقارئ لا تجدي نوعية الكتابة معه نفعاً؟

والأهم من كل ذلك:
هل فعلاً تشكّل الكتابة خلف اسم وشخصية حقيقية "عاصماً أخلاقياً " لمن أراد إقتراف التجاوزات أو حتى الجرائم المعنوية والمادية؟

Post: #38
Title: Re: تختة جاهزة للتنشين .. شكراً دينا خالد
Author: Siham Elmugammar
Date: 10-09-2012, 06:35 PM
Parent: #37

اقتباس حافظ انقابو
Quote: لقد اثبت قيقا أنه يستحق المقعد الاول
في بوستات ال10 الاكثر انحشارا في بوستات الجكس


اقتباس الاخت فردوس جامع
Quote: الأخ حافظ السلام والتحية,

لست هنا للدفاع عن الصديق المحترم قيقراوي, فهو معروف للكل هنا برصانة قلمة وحصافته.
ولكن الأخ حافظ الا تتفق معي في أن إختزال مداخلات الأخوان الأعضاء في بوستات الأخوات العضوات
في "الرشاقة" مجحف لأقلام نيرة جديرة بالرد علي ما خطت؟
عملت سكانينق للصفحة الأولى ووجدت الآتي:
عدد البوستات في الصفحة الأولى ما يقارب ال 150 و 6% منها مواضيع نساء تسد عين الشمس وجديرة بالرد عليها دون رشاقة...
نقطة تانية, عضوية النساء في البورد هنا قليلة مقارنة بالرجال, عارف واحد من الأسباب ممكن يكون شنو؟
بعض الرجال قد يرى وصفكم لأخته, أمه, زوجته أو بنته غير لائق " كجكس" و يفرض سلطويته عليها و أنتم الحجة!!!
لا لتثبيط الأخوان عن التداخل ببوستات النساء و إستخدام الكلمة" الما ظريفة " و ما فيها إحترام لنا هنا...
و إذا طبقنا منطقك البورد حيبقى تورا بورا ...
لكم أقلامكم ولنا ال6% حقتنا ويا بورد ما دخلتك أنثى تاني, و لا رأيك شنو؟

و أخيراً نأمل إحترامكم لوجودنا هنا
و مشاركتكم الحوار دون تنميط جنسي (ذكر و أُنثى) بارحه العالم منذ قرون خلت!!!
و سلام لصاحبة البوست و الزوار الكرام...


سلامات فردوس جامع يااختى والله والواحد بيرتاح راحة لما يلقى الزول عبر عنه
بدون ما يكتب حرف ..وما يبقى ليهو سوى واجب الشكر...شكرا ياخ

مرة اخرى حافظ انقابو ردا على فردوس
Quote: يا ريت تفهميني صاح مداخلتي
مجرد وخذ بإبرة صغيرة لكاتبي المفضل
وصديقي قيقا راااااااوي
لأنو بصراحة بقى ما جادي ومقضيها
هزل في هزل


يا انقابو...ياخ
اخير كان تسكت

Post: #39
Title: Re: تختة جاهزة للتنشين .. شكراً دينا خالد
Author: حافظ انقابو
Date: 10-09-2012, 06:40 PM
Parent: #38

غايتو سهام المجمر دي ما عارف انقابو سوى ليها شنو؟؟؟


ياخ انا لو قلت انقلاب الانقاذ كان في 89 تقول لي غلط
الانقلاب كان في 99

منك لله يا بت المجمر



عاد أسوي شنو؟؟

Post: #40
Title: Re: تختة جاهزة للتنشين .. شكراً دينا خالد
Author: قيقراوي
Date: 10-09-2012, 06:44 PM
Parent: #38

Quote: * ما تقعد تعملا لي إعتذارات وشروحات ومتون
عارفاك بتهزر
لكن هزارك دا خدمني شديد وغير لي مدخل الموضوع كلو ..

آييي طمني نفسك!
المافي شنو هو؟













------

سأعود

Post: #49
Title: Re: تختة جاهزة للتنشين .. شكراً دينا خالد
Author: Ash
Date: 12-09-2012, 00:40 AM
Parent: #40

سلام ...
تيسير؛
(ASH is (Ashraf Elshoush
يعني طلعتي انتي ست الرايحة ...

Post: #41
Title: Re: تختة جاهزة للتنشين .. شكراً دينا خالد
Author: AMNA MUKHTAR
Date: 10-09-2012, 06:50 PM
Parent: #38

Quote: يا كافي البلا كمان بقيت ما بتفرز الكلام !!


تستاهلي يا تيسير ..
مش إنتي الإخترتيه ( الأكثرهم نفوذا ) .................:)

Post: #42
Title: Re: تختة جاهزة للتنشين .. شكراً دينا خالد
Author: Ashraf el-Halabi
Date: 10-09-2012, 08:03 PM
Parent: #41

نقل للأعلى

Post: #43
Title: Re: تختة جاهزة للتنشين .. شكراً دينا خالد
Author: Kostawi
Date: 11-09-2012, 04:06 PM
Parent: #42

Quote: شكرا لعادل عثمان وتماضر شيخ الدين لمدنا بعض المعلومات التي تساعدنا في فهم ما يدور.
لا تعليق لي على الكراكتير، فالمعلومات لم تكتمل عندي، لكني ما زلت في رأي القديم حول أهمية سودانيزأونلاين، باعتبارها منبرا عاما، حتى وهو يحقق أرباحا تجارية لصاحبه، لنه يتيح تداول آراء أناس كثيرين مختلفين في توجهاتهم ومستوياتهم التعليمية والفكرية وانتماءاتهم السياسية، واهتمامتهم التي تمتد من ملء الفراغ حتى مناقشة القضايا العامة والسياسية الفكرية وتداول الأخبار والتضامن مع الحراك السياسي في الداخل أو نقده والهجوم عليه. ووجود المنبر نفسه في ظروف مصادرة حرية التعبير في السودان مهم خاصة للموجودين في الخارج بل احيانا مفيد للأقلية المحظزظة من الناشطين التي تتابعه في الخارج.
عندما تتاح لي فرض الاطلاع على المنبر بالخارج او الداخل فأنا أتابع بعض ما تكتب دينا خالد واجده ممتعا وتعجبني رؤيتها وقد اختلفنا من قبل حول الموقف من تصريح لناشطة يمنية ولم يفسد ذلك لا الود ولا الاحترام المتبادل. ولا أستطيع أن أقول أكثر من ذلك لأن الموقع الآن محجزب من السودان والدخول إليه له صعوبات ومخاطر تكنلوجية.


صدقي كبلو في سودان فور أول

Post: #44
Title: Re: تختة جاهزة للتنشين .. شكراً دينا خالد
Author: muntasir
Date: 11-09-2012, 05:05 PM
Parent: #43

كوستاوي يا خردة

انه جالوت لجنة مركزية ولا إدارة مركزية ما عندو تشوف الشمار شنو وتشكل وترفع التمام زي ما علموك
وزي ما بقول المثل منو البقدر يقول ام الملك عزبا (والأمثال يا صديقي زي شخصيات الرسوم هي الملامة وليس صاحب العفش)
غايتو شايفك بي غادي رصيت طلاقات لما افتكرتك في الكرين



سيكون رهاني هناك على اشرف الشوش لانو زول جواهو زي براهو واونلاينو زي فوراولو وإسفيرو زي واقعو وده من معرفة ومحمد حسبو لأنو
ما عليهو بالبنا ولا البناول الطوب وما سائل في الهنا واللا الهناك ودي من غير معرفة

انت عرفنا الزول يخاف يطردو من الجنة لكن البخاف يطردو من جهنم ملاوز من مبيت الشارع ولا شنو

Post: #45
Title: Re: تختة جاهزة للتنشين .. شكراً دينا خالد
Author: دينا خالد
Date: 11-09-2012, 05:15 PM
Parent: #43

د. صدقى
حبوبة بتقول .. الكبير كبير ... ياسلام عليك .









ــــــــــــــــــــــــ
كوستاوى .. ياخ حانت الفرصة عشان تعبر عن اعجابك بى ..
ما تضيعها ... لووووووووب (دى خالية من الدسم )....

Post: #46
Title: Re: تختة جاهزة للتنشين .. شكراً دينا خالد
Author: وليد محمد المبارك
Date: 11-09-2012, 05:26 PM
Parent: #45

لو ما نزلت صورتها وبفستان برنسيسة

تستاهل الرش


وين الصور ؟

Post: #47
Title: Re: تختة جاهزة للتنشين .. شكراً دينا خالد
Author: Ahmed musa
Date: 11-09-2012, 05:33 PM
Parent: #46

سيكون رهاني هناك على اشرف الشوش لانو زول جواهو زي براهو واونلاينو زي فوراولو وإسفيرو زي واقعو وده من معرفة ومحمد حسبو لأنو
ما عليهو بالبنا ولا البناول الطوب وما سائل في الهنا واللا الهناك ودي من غير معرفة
سيكون رهاني هناك على اشرف الشوش لانو زول جواهو زي براهو واونلاينو زي فوراولو وإسفيرو زي واقعو وده من معرفة ومحمد حسبو لأنو
ما عليهو بالبنا ولا البناول الطوب وما سائل في الهنا واللا الهناك ودي من غير معرفة


اشرف الشوش اخو احمد الشوش ؟؟؟

Post: #48
Title: Re: تختة جاهزة للتنشين .. شكراً دينا خالد
Author: قيقراوي
Date: 11-09-2012, 11:40 PM
Parent: #47

Quote:
سيكون رهاني هناك على اشرف الشوش لانو زول جواهو زي براهو واونلاينو زي فوراولو وإسفيرو زي واقعو وده من معرفة ومحمد حسبو لأنو
ما عليهو بالبنا ولا البناول الطوب وما سائل في الهنا واللا الهناك ودي من غير معرفة
سيكون رهاني هناك على اشرف الشوش لانو زول جواهو زي براهو واونلاينو زي فوراولو وإسفيرو زي واقعو وده من معرفة ومحمد حسبو لأنو
ما عليهو بالبنا ولا البناول الطوب وما سائل في الهنا واللا الهناك ودي من غير معرفة

رهانك سعيد اذاً

















--------

الحمد لله -المتفرد بالثناء على المكاره- انو ما عندنا عضوية بهناك ذاتو

Post: #50
Title: Re: تختة جاهزة للتنشين .. شكراً دينا خالد
Author: تيسير عووضة
Date: 12-09-2012, 05:29 AM
Parent: #48

Quote: تيسير؛
(ASH is (Ashraf Elshoush
يعني طلعتي انتي ست الرايحة ...


يا ألف مرحب بصاحب القوس اللعين إذن

Post: #51
Title: Re: تختة جاهزة للتنشين .. شكراً دينا خالد
Author: قيقراوي
Date: 12-09-2012, 10:31 AM
Parent: #50

Quote:
لكني ما زلت في رأي القديم حول أهمية سودانيزأونلاين، باعتبارها منبرا عاما، حتى وهو يحقق أرباحا تجارية لصاحبه

وفي دي ذااااتو ما كان تقطع برأي يا دكتور، ساي كدا واتفقاً، مع الشمار القالو د. حسن

هل تاكدت تماماً، وانت الاكاديمي الضليع من المعلومة.. ؤ في الاقتصاد اتسلف!؟
ثم ياخي نقول مطعم الباشا دا بدر دراهم لصاحبه ... ومالو؟
المافي شنو!؟

ماهو كلنا بنكتب مجاناً .. والشوربة للجميع

ثم انو بكري قاعد يدفع للباندويث من جيبو، هل حصل واحد يوم قال ليو هاك!؟














-------

ول كيف يمكن ان نقرأ حديث آية الله حسن موسى (الشعري) ادناه:

Quote:
حتي يتيسر لنا شرط الندية الحقوقية أمام قضاء مستقل عن دوائر رأس المال [ و هيهات ] ففرصتنا الوحيدة في مواجهة قوى رأس المال وهزيمتها، أو ، على الأقل ، كف شرها، إنما تكون في جرجرتهم للأرض التي لم يفرضوا عليها هيمنتهم بعد، و أعني أرض المواجهة الفكرية حول المشروعية الأخلاقية التي ينهض عليها منطق رأس المال ، و حول الجدوى المادية و البيئية للنظام الرأسمالي القائم على الربح المادي كقيمة تعلو على كل منظومة القيم التي تحترم كرامة الإنسان و حقه في الحياة بسلام على شروط الحرية و العدالة ، إلى آخر كلام الشعراء.. و أعمل حسابك كمان من الزملاء " الشعراء"ديل عشان حزبهم قديم و سابق للأديان السماوية و الأرضيةو لللينينية و للماركسية و للسودانوية ذاتها..

http://sudaneseonline.com/forum/viewtopic.php?t...815dc9a9039ca42bc276


في (تزعينات) القرن المنصرم، صديقين لينا (طبيب ؤ فحيص) .. شويعيين شديد .. لمن غلط!
عملوا ليهم عيادة مجانية في سوبا .. ولم يكتفوا بتقديم الخدمات المجانية ..
بل بيدوا المرضى الروشتة بي قروشا معاها -مع فائض القيمة ذاتو- المافي شنو مع الدوغمائية هو !!

اتوقف العمل، ودخلوا في ديون ما ليها اول ولا آخر

برضو تقولوا لي الطيارة فيها بوري؟

شنو الحافز للانتاج والاستمرار فيه لو ما كان ربح مادي؟
ح ناكّل اولادنا اخلاق في عالم متعولم صفته مذكوره اعلاه!؟

Post: #52
Title: Re: تختة جاهزة للتنشين .. شكراً دينا خالد
Author: تيسير عووضة
Date: 12-09-2012, 10:47 AM
Parent: #46

Quote: لو ما نزلت صورتها وبفستان برنسيسة






لا فستان برنسيسة نافع
ولا فستان العيد زاتو نافع



برضو طلعنا رجال ..

Post: #53
Title: Re: تختة جاهزة للتنشين .. شكراً دينا خالد
Author: Ash
Date: 12-09-2012, 11:20 AM
Parent: #52

سلام...
شكرا قيقراوي؛
الحوافز الحوافز الحوافز!
عشان كده "حسن موسي" مضطر يجرجر الرأسمالية "لأرض" المواجهة الفكرية و المشروعية الأخلاقية، لأنو لم تتبقي "أرض" يمكنه من مقارعتها او كف شرها، حتي!
المشكلة و السؤال القاعد منتظر: أها بعد كسب المعركة الاخلاقية دي، هل ثمة "أرض" أو "بني ادم" ما يمكنهما من تحقيق "مشروع" يشابه "كلام الشعراء" علي قول حسن موسي
ذات ذاته؟
شخصيا، أتمني ذلك. ولو من باب وجود خيارات بديلة علي الأرض، فالمريخ ده ماعندنا ليهو قدرة.

Post: #54
Title: Re: تختة جاهزة للتنشين .. شكراً دينا خالد
Author: Kostawi
Date: 13-09-2012, 05:32 PM
Parent: #53

Quote: كوستاوى .. ياخ حانت الفرصة عشان تعبر عن اعجابك بى ..
ما تضيعها


أنقابو..أنقابووووو قيقا
بغييييراااا

يا البت الكانت بتشتغل منديل حرير
________________________________
شكرا للبروفيسور حسن موسى الأكد لينا
إنو إنتي لطيفة الجنس.
إعجاب في فلينتك!
و البرسمني الله يوديه النار

Post: #55
Title: Re: تختة جاهزة للتنشين .. شكراً دينا خالد
Author: Sidgi Kaballo
Date: 14-09-2012, 10:59 PM
Parent: #54

عزيزي قيقا
شكرا ليك للفت إنتباهي لما يهمني من شمار.
حديثي عن الطبيعة التجارية ليس قدحا، فمثل هذه الأعمال إما أن تمولها عضويتهاأو ممول خيري، أو أن تمول نفسها بدخلها من الإعلان.
والمهم هنا أن كونها تمول نفسها من الإعلان لم يؤثر على ديمقراطيتها وفتحها للجميع مع وجود القوانين التي تحاول أن تضبط قدر الامكان لغة المخاطبة.
أنا أدافع عن سودانيزأونلاين وأدافع عن سودانفورأوول،
ولا أرى أي داعي للعداء بينهما فكل منهما اختار طريقا ومن حق القارئ أن يقرأ ما يشاء ويناقش ما يشاء، دون ان يساء شخص على الجانبين،
وأنا أعرف أن رأي لا يوافق عليه البعض من الجانبين. لكني لأن أمل من ترداده كلما دعا الداعي لذلك.
شكرا مرة أخرى

Post: #56
Title: Re: تختة جاهزة للتنشين .. شكراً دينا خالد
Author: دينا خالد
Date: 15-09-2012, 08:18 AM
Parent: #55

د. صدقى يا فرده
اولا اسمح لنا بالمشاغله وجعل البساط احمدى
لانى وبالامس القريب عرفت انك زول صغير
ساى مهنضبنا بى دكتور دكتور دى ممكن نشاغلك
وانشالله ترسمنى ذاتو ...

عايزة اقول ليك حاجة وانا ما خبيرة فى قصة التجارة دى
يعنى هسه ارفع راسك شوف بورد بكرى دا فيه كم اعلان ؟؟؟
طيب ... كل اعلان بى كم ؟؟ يعنى كلها كم ؟؟
ما افتكر انو الموضوع كبير ابدا ... بس بمجرد الحساب
ليس دفاعا عن بكرى .. لكن بس عشان نتكلم من حقايق
فالامر ليس مجرد مال بالنسبة لى بكرى ..

اما كلامك التانى فهو صحيح ميه المية وانا اؤمن عليه
والود حسن موسى دا ... لسانه وريشتو متبريات منو ..
بس دى كل القصة ....
ودا طبع ... والطبع جبل ما بتخلى
وما علينا الا ان ناخدو كدا بى شوكو وزهره وعطره ...
فحسن موسى هو حسن موسى ...
نضغطوا ويضغطنا ... والرسم دا توفيق من رب العالمين
لووووووووووووووووووب
تحياتى وودى واحترامى رغما عن فردة الفوق دى
يادوك ...

Post: #57
Title: Re: تختة جاهزة للتنشين .. شكراً دينا خالد
Author: Sidgi Kaballo
Date: 15-09-2012, 09:42 AM
Parent: #56

دينا الفردة من انتاج شندي!
تعرفي نحن لما دخلنا الجامعة كانت البروفسير دينا شيخ الدين أحد بطلات ثورة أكتوبر قد تخرجت، وكنا قد سمعنا قبل وصولنا الشاعر قال
: زغرودة دين فرس جامح من غير لجام،
وسمعنا انها كانت شا>رة لدرجة أن زملاءها كانوا يقولون <يا دينا أدينا الكراسات أدينا< والعهدة على الرواة.
دحين انت يادينا مما تكتبين ومن اهتمامك بالكتاب والكاتبات المبدعين والمبدعات الذين واللاتي يغيبون ويغبن عن المنبر وبوستك المدهش عن محسن خالد صاحبي الذي احببننا وليت أنا بقدر الحب نقتسم على قول المتنبئ،
كوني أكون فردتك ولو فردة دمور بلحيل بتسعدني حتى ولو بلغت من العمر أرزله
أما الدكتور فأنا لا أكتبها امام اسمي ويفعل ذلك أصدقائي والصحفيون والناشر، فعندي العلم في الرأس والكراس مش في الشهادات ونطلبه كل يوم من كل الناس.
الحديث عن الإعلانات والموقع التجاري، لم يقصد به ذم بكري أو عدم تقديره، بل العكس هو تقدير لتدبيره، تعرفي في ظروف الراسمالية المتأزمة،
الصحف في السودان تعاني من حجب الاعلانات عنها لما يكتب فيها والاعلان مصدر مهم لمورد اعلامي في غياب التمويل العام والخيري.
أما عن الصديق حسن فخيرا ما قلت وفي الحقيقة كوبه ملئ بنسبة 90%، وله رأي في الباقي يتعلق فيما يراه حقا له
واختلافنا معه حول المسألة لا يفسد ودا ولا يجعلنا نقلل من اسهامه الفكري والفني. وقلنا له من قبل لكل شيخ طريقة.
وموقفك يدل على رجاحة عقل وروح ديمقراطية تقبل النقاش والنقد وأرجو أن تعم الجميع.
شكرا ليك.

Post: #58
Title: Re: تختة جاهزة للتنشين .. شكراً دينا خالد
Author: قيقراوي
Date: 15-09-2012, 10:08 AM
Parent: #56

يا دندنة

Quote:
عايزة اقول ليك حاجة وانا ما خبيرة فى قصة التجارة دى

وكت ما محترفة جايية تبيعي الموية في حارة السقايين مالك؟


اها دكتور صدقي دا -رغم تواضعه الانساني الشايفاهو دا- متخصص في الاقتصاد دا ذااااتو!!

فااا شنو؟

لمي جدادك عليك
وركزي لينا مع د حسن موسى .. داك دكتوراتو رسم سااااي!

(اعلاه رد فعل على احتقار مهنا و مهن ابائنا الاولين، ولا يعبر عن موقف طبقي .. او انساني او جمالي)
لذا لزم التنويه.













------

وقع ليك يا حسن موسى ليه الناس بتحب دينا لـ(البت) هاي؟(وهذا لسانٌ شاميٌ فصيح)

بطل بارانوايا باللاي ..

اذا كان ولابد (يا عملات بشاشا) .. او فلنفترض جدلاً صحة شمارك (يا عملات المسغفين)

المافي شنو!؟

الواقع الجديد السايبر دا -مع البرونيتاريا- خلق مفاهيم جديدة ..
لا تدعوا لكل الارتياب دا

كم من صديق باسم وهمي في واقع افتراضي، لكن بنحمل ليو مشاعر حقيقية؟
وكم من صديق باسم حقيقي في ارض الواقع، بحمل ليك مشاعر وهمية!؟

ود ابنادم دا ما مضمون كلو كلو يا اخوي!