أخوي وابن عمي ..

الأحباب في حزب الأمة القومي يطبقون مقولة (أنا وأخوي على ابن عمي وأنا وابن عمي على الغريب) بحذافيرها


يعج حزب الأمة داخلياً بالكثير من الخلافات والإختلافات وهذا طبيعي جداً في الأوساط والمؤسسات الحزبية
ولكن من غير الطبيعي وغير الأخلاقي أن يتم في كل مرة نقل هذا الصراع أو الخلاف لخارج الحزب فيتم تبادل الأوصاف والإتهامات على الهواء مباشرة
ويتم تصدير هذا الجو المتوتر للآخرين من خارج الحزب
أما الكارثي حقاً فهو عقد المصالحات بعد الحردان لتتلوها مصالحات ثم حردان ثم ...
كل هذا يدور أمام أنظار الجميع شفافية حيرت الزجاج !
مالنا نحن معشر المتفرجين ومال الفارييشن في مواقفهم وتصريحاتهم فيما بينهم؟

أي محاولة للتدخل بين أطراف الصراع أو حتى مناشدتهم بعدم نشر غسيلهم النظيف والقذر كفيلة بصرفهم عما هم فيه
والإلتفات لصوت المناشدة والإجهاز عليها بصوت واحد يأتيك من الجانبين: وإنت مالك؟ دا شأن داخلي يخص الحزب

مفتقدين صديقك الكونت عشان تتم الناقصة ...


بس مفروض ينزلوا الغسيل في حبل واحد بدل الشحتفة العاملنها لينا ..

كل سنة وانت طيبة ياشقيقة ...باين ماخدة اجازتك السنوية اليومين ديل ..





تحياتي ،،

ينسون في خضم معاركهم أنهم أبناء بيت واحد وأنهم يعايرون بعضهم بما فيهم كلهم.

وكل ما يقوله طرف يصيبه قبل أن يؤثر على الطرف الآخر.

والله احرجونا يا ابو التا


________________

(نا) دي تعود لينا نحن اصدقاء الحزب و المعولين عليه

Quote: والله احرجونا يا ابو التا ________________ (نا) دي تعود لينا نحن اصدقاء الحزب و المعولين عليه

اضف لذلك يا اخ محمد::

انهم يجبروك اجباراً ان تقول لنفسك ان رهاني على هذا الحزب رهان خاسر//

وكلما احسنت الظن ،كلما فاجئوك بما يبدد حسن الظن هذا....

هذا حزب عجيب والله//
خلافات تظهر دائماً في احرج لحظات الازمه الوطنيه ،فبدل ان يكونوا جزء من ادوات حل المعضله يصبحون ترساً فاعلاً في آلة تعقيد الازمه الوطنيه//

غايتوأ....الله في

شكرً يا استاذه تيسير/////

كل عام والجميع بخير

Quote: انهم يجبروك اجباراً ان تقول لنفسك ان رهاني على هذا الحزب رهان خاسر// وكلما احسنت الظن ،كلما فاجئوك بما يبدد حسن الظن هذا.... هذا حزب عجيب والله// خلافات تظهر دائماً في احرج لحظات الازمه الوطنيه ،فبدل ان يكونوا جزء من ادوات حل المعضله يصبحون ترساً فاعلاً في آلة تعقيد الازمه الوطنيه//

تسلم يا الأمين ..

ود البشرى ..

Quote: والله احرجونا يا ابو التا ________________ (نا) دي تعود لينا نحن اصدقاء الحزب و المعولين عليه

يا زول أنا الماصديقة للحزب ولا عولت عليهو يوم برضو إتحرجتا


بالجد كدا ما حلو ياخ

Quote: ينسون في خضم معاركهم أنهم أبناء بيت واحد وأنهم يعايرون بعضهم بما فيهم كلهم. وكل ما يقوله طرف يصيبه قبل أن يؤثر على الطرف الآخر.

بالضبط يا هاني وهنا تكمن المصيبة !
تلحق تقول لي واحد فيهم الكلام دا ينط ليك التاني في حلقك



بس باقية عليهم قصة المرة
راجلا يدق فيها وهي تكورك وتستنجد بالناس
الناس قالوا ليها جيبي ليهو البوليس
قالت ليهم وإنتو مالكم؟ راجلي وبيأدب فيني فيها حاجة دي

ود القاضي ..

وإنت أطيب يا صديقي الصدوق
إجازتي السنوية مالي بقضيها بين البوستات

Quote: بس مفروض ينزلوا الغسيل في حبل واحد بدل الشحتفة العاملنها لينا ..

إنت ما بتعرف تغسل ولا شنو؟
حبل للهدوم البيضا
وحبل للهدوم الملونة "تُقرأ ال######انة" ..

Quote: وحبل للهدوم الملونة "تُقرأ ال######انة" ..

سجمي!

يعملوها ناس الأمة ومنبر بكري يرميها فينا ..






ــــــــ
صحي يا ود القاضي
الكونت دا منو؟

Quote: صحي يا ود القاضي الكونت دا منو؟

*

كــلــب ناس السيد ..



ـــــــــــــــــــ
صورة له في منفاه الاجباري

Quote: كــلــب ناس السيد ..

حسدتك على الأريحية الإنت فيها دي

يا تيسير أخشى ما اخشى عليك ان تُصيبك لعنة آل البيت فتصبحي هلى ما فعلتي نادمة ؛)
___
صراع آل البيت ده لما يدور يا تيسير، أكتر زول بمتِّع فيهو محمّد عادل؛ يرشهم ليك قلبة وعدلة، وبكرة يلاقيهم في مناسبة أسرية، ولا هماهو، البلدوزر معاهو ؛)

سلام يا تايسا وكل عام وأنتي بخير,

بكره الامام وابن عمه يتصالحوا ويطلع أخونا محمد عادل متلوم شديد,


أحمد الشايقي

Quote: بكره الامام وابن عمه يتصالحوا ويطلع أخونا محمد عادل متلوم شديد,

احمد الشايقي فاهم اللعبة من ناس سيدي المشكلة بين السيد محمد عثمان والسيد محمد سر الختم

في النهاية ضاعو ناس في النص

Quote: يا تيسير أخشى ما اخشى عليك ان تُصيبك لعنة آل البيت فتصبحي هلى ما فعلتي نادمة ؛)

ونحن لينا بركة إلاهم؟ عفوكم ورضاكم يا أسياد

Quote: صراع آل البيت ده لما يدور يا تيسير، أكتر زول بمتِّع فيهو محمّد عادل؛ يرشهم ليك قلبة وعدلة، وبكرة يلاقيهم في مناسبة أسرية، ولا هماهو، البلدوزر معاهو ؛)

وكان ما معاهو برضو ما هماهو ودا اللذيذ في محمد عادل ..
غايتو نجيضة راني السماني بي هناك لو حقيقة يبقى حديد لاقى حديد





ـــــ
ما غايظني إلا الرش الكان برشني ليهو محمد عادل لمن أجيب سيرة الصادق المهدي

انا كنت عااااااارف ود القاضي حا يجي يعمل كركربة هنا ههههههه

ولم يخب ظني

غايتو ألذّ حاجة الحزب ده إنو بناتو بيقولوا للزول يا الحبيب ..


تخريمة :
تيسير النبي فيك كان ما بقيتي حزب أمة عشان الزول يدخل يعلق في بوستاتك وينتظر ردك بفارق الصبر ..

Quote: غايتو ألذّ حاجة الحزب ده إنو بناتو بيقولوا للزول يا الحبيب .. تخريمة : تيسير النبي فيك كان ما بقيتي حزب أمة عشان الزول يدخل يعلق في بوستاتك وينتظر ردك بفارق الصبر ..

Quote: غايتو ألذّ حاجة الحزب ده إنو بناتو بيقولوا للزول يا الحبيب ..

وأنا أقول الكونت صاحبي مالو مدشدش




ـــــــــ
توصية إلى الحزب الشيوعي بتبني الفكرة

Quote: غايتو ألذّ حاجة الحزب ده إنو بناتو بيقولوا للزول يا الحبيب ..

ياخي اول ايام لمن يقولوها لي كنت مابنوم
لكن لقيت الشغلة ابت تتعدى مرحلة الحب الحزبي
يكتلوا قلب الواحد لامن يلقى نفسه عضو في الحزب
عشان كده عضويتهم كبيرة

فاهلا ومرحبا يالاخت منال في حزب الامة ..

Quote: ياخي اول ايام لمن يقولوها لي كنت مابنوم

ـــــــــــ
ياخي إنت فيك مشروع عادل إمام وسمير غانم وسعيد صالح (فرع الخرطوم)

لن اخيب ظنك كما لم تخيب ظني ...

رسلك درق سيده ولا جيت متطوع ؟!!

الحبيب الخير ..
شكراً للملايكا ..

عشان لاقيهو مافي داير تتفسح مش .

بالمناسبة شايفكم فتحتو لمناطق العمليات فتحا مبينا هههههههه

عموما كل سنة وانت طيب

Quote: الحبيب الخير .. شكراً للملايكا ..

يلايكو ليك السمح يا ود امي

Quote: يلايكو ليك السمح يا ود امي

الرسول فيك بطل لياكا..

Quote: فاهلا ومرحبا يالاخت منال في حزب الامة ..

ومن قبلها نرحب بي وضاحة ..