Post: #1
Title: كلام عجيب جداً ..
Author: تيسير عووضة
Date: 06-15-2010, 05:21 PM
|
Post: #2
Title: Re: كلام عجيب جداً ..
Author: Mohammed Awad
Date: 06-15-2010, 05:34 PM
Parent: #1
لكن مطرة عينة
دى لو الواحد سمع صوتها ساكت
بدون ما يشوفا يغرق 
|
Post: #3
Title: Re: كلام عجيب جداً ..
Author: مرتضى احمد عبد القادر
Date: 06-15-2010, 05:42 PM
Parent: #2
معلمين .. الجمهور بالغ في اول رعده فهمو تقيل الا اخد ليهو دفره حتى صفق وكورك
|
Post: #5
Title: Re: كلام عجيب جداً ..
Author: تيسير عووضة
Date: 06-15-2010, 06:03 PM
Parent: #3
يا مرتضى ..
الجماعة إتخلعوا في الأول
أنا زاتي لما سمعت صوت الرعد أول مرة لقيت ليك نفسي بصفق زيي زي الناس الفي الفيديو ديل 
|
Post: #4
Title: Re: كلام عجيب جداً ..
Author: تيسير عووضة
Date: 06-15-2010, 05:52 PM
Parent: #2
يا محمد عوض
كلما أسمعا بقرب أجري أدخل المراتب من الحوش
|
Post: #6
Title: Re: كلام عجيب جداً ..
Author: khaleel
Date: 06-15-2010, 06:23 PM
Parent: #4
يا سلام يا تيتي
صوت المطرة ذكرني حبوبتي عليها الرحمة
عندما ينزل المطر كانت تقول
كييل يا ميكاييل بالربع التقيل
ولكنها كانت تخاف من الرعد خوفا شديد
وعندما تسمع صوت الرعد كانت تعمل لبتون داخل البطانية وهي تقول
يا وكيل الرعد يا وكيل الرعد
|
Post: #7
Title: Re: كلام عجيب جداً ..
Author: تيسير عووضة
Date: 06-16-2010, 05:57 AM
Parent: #1
كنا بنغني ليها زمان يا خليل:
يا مطيرة صبي لينا في عينينا
مطرة تعالي بديكي تسالي
في رقصات دائرية حول أنفسنا أشبه بدوران الدراويش
وأيدينا الصغيرة مفتوحة تحاول الإمساك بقطرات المطر
"صوت المطر" دا مش كان توب ولا قميص ما بعرف؟ 
|
Post: #8
Title: Re: كلام عجيب جداً ..
Author: تيسير عووضة
Date: 06-16-2010, 07:33 AM
Parent: #7
فاتني أن أشكر "ساعي البريد"
|
Post: #11
Title: Re: كلام عجيب جداً ..
Author: تيسير عووضة
Date: 06-16-2010, 07:53 AM
Parent: #8
رد على ود الصايم نقل للاسفل
|
Post: #9
Title: Re: كلام عجيب جداً ..
Author: محمد عبد الماجد الصايم
Date: 06-16-2010, 07:40 AM
Parent: #7
يا زولة هوي .. دي شكشاكة ساي!
__
أمس في البال وقلت يمكن الإجازة الإسفيرية بدت!
|
Post: #10
Title: Re: كلام عجيب جداً ..
Author: Tragie Mustafa
Date: 06-16-2010, 07:50 AM
Parent: #9
تايسا وين يا جميل؟؟؟
وعساك بخير...و الاسره
انا ما شايفه اي حاجه يكون من شنو ده يا ربي؟؟؟
الحقونا فهمونا حاجه.
|
Post: #12
Title: Re: كلام عجيب جداً ..
Author: تيسير عووضة
Date: 06-16-2010, 08:01 AM
Parent: #10
تراجي 
ليك وحشة كبيرة يا ستي
كيفك والأولاد؟
الفيديو عن ناس بيقلدوا صوت المطر بي حركات جسدية باليدين والقدمين
شغل مبالغة
تحلفي تقولي المطرة صابة برة
بحاول أرسلو ليك ..
|
Post: #13
Title: Re: كلام عجيب جداً ..
Author: تيسير عووضة
Date: 06-16-2010, 08:05 AM
Parent: #12
ود الصايم ..
إنت طبعاً لو المطرة ما رمت ليها حيطة وشلّعت ليها راكوبة ما بتسميها مطرة 
ــــ
في الأيام القليلة القادمة ..
|
Post: #14
Title: Re: كلام عجيب جداً ..
Author: GamarBoBa
Date: 06-16-2010, 10:00 AM
Parent: #13
غايتو تاني البتسطلوا ما يرجوا الخريف ولا حاجة
مكيف موية في الضلمة والبوست ده ويبقي محلق طوالي
_
تحياتي تيسير
|
Post: #15
Title: Re: كلام عجيب جداً ..
Author: سمير شيخ ادريس
Date: 06-16-2010, 11:02 AM
Parent: #14
| Quote: فاتني أن أشكر "ساعي البريد" |
ما عنده همبريب مع المطرة
سلامات تيسير وانشاءالله بخير
|
Post: #20
Title: Re: كلام عجيب جداً ..
Author: تيسير عووضة
Date: 06-17-2010, 05:56 AM
Parent: #15
| Quote: ما عنده همبريب مع المطرة |
كيف يا سمير ياخي
دا ساعي البريد شخصياً 
همبريب زي بتاع عاطف خيري رضي الله عنه
مرقت على المطر حفيان
لقيتِك والرذاذ مدخل
وناديتِك، أقيفي معاي
نشيل كتف الغنا الميّل
ونتخيّل ..
أو كما قال 
|
Post: #19
Title: Re: كلام عجيب جداً ..
Author: تيسير عووضة
Date: 06-17-2010, 05:45 AM
Parent: #14
قمر بوبا ..
Quote: غايتو تاني البتسطلوا ما يرجوا الخريف ولا حاجة
مكيف موية في الضلمة والبوست ده ويبقي محلق طوالي |
الغريبة المساطيل عندهم جن مع مكيفات الموية
واحد مسطول إشترى مكيف موية بعد فترة شالو جدعو في الشارع
قالوا ليهو ليه؟
قال ليهم ما داير وشو دا اليوم كلو داير قش داير موية دا مكيف ولا خروف أصلو
|
Post: #17
Title: Re: كلام عجيب جداً ..
Author: Tagelsir Elmelik
Date: 06-16-2010, 03:46 PM
Parent: #16
كليب ( وائل) جميل شديد
انتو ناس معهد الموسيقى ديل ما بعملو حاجات زى دي ليه؟؟
لا كمنجات لا بنقز
في الرقص الشعبي السوداني في حاجات زى دي
شكرا على اشراكنا المتعة
|
Post: #18
Title: Re: كلام عجيب جداً ..
Author: Balla Musa
Date: 06-16-2010, 05:14 PM
Parent: #17
فى حاجة واحدة الناس ديل لو عملوها كان شفنا سيول وفيضانات!
|
Post: #23
Title: Re: كلام عجيب جداً ..
Author: تيسير عووضة
Date: 06-17-2010, 06:23 AM
Parent: #18
| Quote: فى حاجة واحدة الناس ديل لو عملوها كان شفنا سيول وفيضانات! |
الدكاترة ديل تفكيرهم واااحد
صحبتي دكتورة رسلت ليها الفيديو دا ردت علي "تقريباً" بنفس معنى كلامك دا 
|
Post: #22
Title: Re: كلام عجيب جداً ..
Author: تيسير عووضة
Date: 06-17-2010, 06:13 AM
Parent: #17
وائل دا منو يا تاج السر
Quote: انتو ناس معهد الموسيقى ديل ما بعملو حاجات زى دي ليه؟؟
لا كمنجات لا بنقز
في الرقص الشعبي السوداني في حاجات زى دي |
يكون جميل جداً لو عملوها
زمان كان في حركة اسمها أو بتدي صوت (أم برمة)
بتتعمل برضو إبتداء من أصوات تطلع من الفم مروراً باليدين والرجلين وهاكزا
|
Post: #21
Title: Re: كلام عجيب جداً ..
Author: تيسير عووضة
Date: 06-17-2010, 06:04 AM
Parent: #16
تسلم يا لؤي على الـ technical support
شكراً ليك أصالة عن نفسي ونيابة عن تراجي وباقي المشاهدين
|
Post: #24
Title: Re: كلام عجيب جداً ..
Author: ثروت سوار الدهب
Date: 06-17-2010, 07:19 AM
Parent: #21
تيسير سلامات
شغل فني روعة
بس انا داير فتوة شرعية من اقرب ظلامي
هل يجوز {التشبه بالمطر}؟
تحاياي
|
Post: #25
Title: Re: كلام عجيب جداً ..
Author: فيصل محمد خليل
Date: 06-17-2010, 07:35 AM
Parent: #24
Quote: انا ما شايفه اي حاجه يكون من شنو ده يا ربي؟؟؟
الحقونا فهمونا حاجه. |
يا تراجي قبلي قادي ما تعايني للفيديو
بس اسمعي و اسرحي
اجي يا الحصان
|
Post: #27
Title: Re: كلام عجيب جداً ..
Author: تيسير عووضة
Date: 06-17-2010, 10:08 AM
Parent: #25
مرحب فيصل ..
|
Post: #26
Title: Re: كلام عجيب جداً ..
Author: تيسير عووضة
Date: 06-17-2010, 10:04 AM
Parent: #24
ثروتنا القومية ..
إزيك ياخي
Quote: بس انا داير فتوة شرعية من اقرب ظلامي
هل يجوز {التشبه بالمطر}؟ |
التشبه بالمطر مكروه لأن فيه تغيير لما خلقنا الله عليه وشبهة إعتراض على ذلك
كما وأن الذين يتشبهون بالمطر أعلاه هم من القوم الكافرين ولا يجوز التشبه بالكفار
هذا والله أعلم ..
|
Post: #28
Title: Re: كلام عجيب جداً ..
Author: عفاف الصادق بابكر
Date: 06-17-2010, 11:44 AM
Parent: #26
شغل نضيف ..
إبداع راقي ..
تيسير سلام يا روعه ..
|
Post: #29
Title: Re: كلام عجيب جداً ..
Author: تيسير عووضة
Date: 06-23-2010, 06:45 AM
Parent: #28
تسلمي يا عفاف
وشكراً على الطلة العزيزة ..
|
Post: #30
Title: Re: كلام عجيب جداً ..
Author: Ahmed Elmardi
Date: 06-23-2010, 07:19 AM
Parent: #29
حاجة لطيفة يا أستاذة
لفتتني
فكرة الإستفادة من الجمهور لتنفيذ العمل بهذا القدر
عمل يقوم على موضوع (بسيط) زي المطر.. ما بسيط!..
ما في قضايا كبيرة كدا، (زي مشكلة الشرق الأوسط )، غير مشروع الفنان وأدواته
وشوية أسئلة زي مين المبدع هنا وهنا وهناك!
وليه لأ!
أم يا ترى العملية هدفت لخلق كيان وحالة إبداعية آمن المؤلف بقدرة المشاهدين المشاركين في المساهمة فيها بقدر محسوب
لتشكيل نهاياته
التي تصلنا عن طريق (تيوبنا) كحالة أخرى تستنهض حيثيات للتفكير.
منذ ميلاد الفكرة الى حيز وصولها للمشارك
أوبس المشاهد.
أوبس المتصفح لسودانيز
أوبس.. الخ .. الخ..
وليه لأ!
|
Post: #31
Title: Re: كلام عجيب جداً ..
Author: تيسير عووضة
Date: 06-23-2010, 08:53 AM
Parent: #30
مرحب أستاذنا الفنان أحمد المرضي ..
العمل ما بسيط زي ما إتفضلت وإن بدا كذلك
بعدين فيهو synchronization عجيب حركات اليدين دي بتفصلها عن بعض كسور من الثانية عشان تدي صوت المطر الحقيقي، ضبط الحكاية دي صعب جداً وعايز ليهو تدريب متواصل عشان يصل للشكل السمعناهو بيهو دا
| Quote: أم يا ترى العملية هدفت لخلق كيان وحالة إبداعية آمن المؤلف بقدرة المشاهدين المشاركين في المساهمة فيها بقدر محسوب لتشكيل نهاياته |
دا تماماً الحصل وخلى الأداء يطلع مختلف
ما قريب دا يا أستاذ مرضي شفت/سمعت لي عمل إبداعي "في البيت" وقدر ينتزع تصفيقي زي ما حصل مع العمل دا
لقيت ليك روحي قاعدة أصفق بحماس
نفس الحماس البيتلبس الزول في حالة العروض والكونسيرتس البتكون لايف في المسارح ديك
ويا قولك ليه لأ؟
فالعمل على قصر مدته الزمنية يستحق ..
|
Post: #32
Title: Re: كلام عجيب جداً ..
Author: سمير شيخ ادريس
Date: 06-26-2010, 02:39 PM
Parent: #31
|
Post: #33
Title: Re: كلام عجيب جداً ..
Author: Soumeta
Date: 06-26-2010, 03:19 PM
Parent: #32
كدة الزول ممكن يقول بي يد مليانة إنو ما خاف من رعدة في حياتو،،
بل أعجب بها!
|
|