وماذا إن لم يصلي نقد؟

بالطبع لن أعقد المقارنات بين الذين يصلون ويراءون ويمنعون الماعون (وأعني هنا الكيزان)
وبين الذين لا يصلون وعرفوا بين الناس بنظافة القلب واليد واللسان (وأعني هنا أستاذنا نقد)


ولكني أتساءل حقاً
لماذا يحاول البعض إيجاد المخارجات تلو المخارجات مما ظنوه ورطة أدخل نقد نفسه فيها بقصد أو بدونه
هل تنقص نقد الكياسة ليجيب بإجابة غير تلك التي سمعناها (أو نقلت إلينا) ؟
بالطبع لا !

لماذا نقرأ هنا و هناك محاولات خجولة لتبرئة ساحة نقد بأنه قد أدى صلاة المغرب قبيل دخوله الأستديو لتسجيل الحلقة
بل لماذا لا نقرأ عبارة نقد كما أراد لها أن تكون؟

للذين حاولوا التبرير وإيجاد التصريفات
وللذين شعروا بالإحراج الشديد من رده ذاك

وأيضاً للذين وقع لهم هذا الرد في جرح ليدعم تهويماتهم
التي يحاولون بثها في عقول ونفوس البسطاء بأن نقد كافر (بإعتباره تارك صلاة) وأن الحزب الشيوعي حزب كفار وملاحدة




نقد كان أصدق من الجميع وأعمق من الجميع حين أراد بجملة من كلمتين أن يقول:

أن الصلاة ليست مقياساً لنجاح القادة السياسيين أو فشلهم على المستوى المهني ودونكم (أبّان غُرر) يا قول حبوبتي
وليس من شروط المرشح الرئاسي أن يكون صلاياً قراياً


وحين أراد أن يعطي الأجيال الهسة والجايين درساً في الصدق مع النفس قبل رياء الناس
فلو كان نقد فعلاً لا يصلي (وهذا شأنه وربه) وجميع من حوله يعرفون ذلك وسئل مثل ذلك السؤال وكان رده بالإيجاب
فسيكون حينها محض كذاب !

ويبدو لي رئيس الجمهورية أحسن يكون ما بيصلي وصادق من يكون كــــذاب !!



ـــــــــــــــ
كوني أحد أفراد هذا الشعب
أقف لك إحتراماً يا نقد سواء كنت تصلي أو لا تصلي
لأنك لم تخدعني ولم تغشني باسم الدين
ولأنك لم تتغول على حقي في المال العام وتسرق وأنت طالع من صلاة الضهر
وتقبض الرشوة باليمين ويدك ماسكة السبحة بالشمال


صلاتك لنفسك
وصدقك وأخلاقك ومبدئيتك للناخب

Quote: صلاتك لنفسك وصدقك وأخلاقك ومبدئيتك للناخب

شكرا جميلا يا تسير.

الأخت تيسير
أتفق معك في هذه:

Quote: صلاتك لنفسك وصدقك وأخلاقك ومبدئيتك للناخب

لكن هذا لا يعني التقليل من عدم الصلاة، أنا هنا لا أتحدث عن نقد أو أي شخص آخر بعينه و لا أعرف صلاتهم من عدمها لكن بصورة عامة و بالنسبة لي شخصيا لا أستطيع أن أقدم لقيادتي شخصا لا يصلي فمن ضيع أبسط حقوق ربه عليه كمسلم فلن أستطيع أن أأتمنه على حقوقي... هذا لا يعني بحال أن كل من يصلي فهو أنسب و أجدر بالقيادة و كما نعلم فإن معظم قادة الإنقاذ مثلا من المصلين لكن (أيضا رأيي الشخصي) فهم لا يؤتمنون على أي نوع من أنواع رعاية مصالح الناس.
أرى أن من حاولوا شرح قول الأستاذ نقد و ذكروا أنه قد صلى المغرب قبل بداية الحلقة هم أناس واعون جدا للوسط الذي يتحركون فيه... فنقد مرشح الحزب لرئاسة السودان ذي الأغلبية المسلمة... السودان الذي تمتليء مساجده بالمصلين في كل صلاة... السودان الذي رفض مسلموه أن يختطف حكامه الظلمة دينهم و انتزعوه من براثنهم.... عشرون عاما من الظلم و الاستبداد و القهر و كل هذا باسم الإسلام... لو لم يكن السودانيون يعرفون دينهم لكانت هذه السنوات كافية لصرفهم عن الإسلام لكنها لم تزدهم إلا تمسكا به و هم يعلمون أن ما تم باسم دينهم فإن دينهم منه بريء.
أنا ضد سؤال الناس و تتبع خصوصياتهم لكن من يجاهر بعدم صلاته (مرة أخرى لا أتحدث عن شخص بعينه) فهو يضر نفسه ضررا بليغا و يثبت أنه غير مستوعب لخصائص المجتمع الذي يتحرك فيه.
دا على المستوى العام أما على المستوى الشخصي فالإجابة على سؤال (و ماذا إن لم يكن الشخص يصلي؟) فهي إنه دي بتكون كارثة كبيرة والله... فأول ما يسأل العبد عنه يوم القيامة صلاته و هي عماد الدين من أقامها فقد أقام الدين و من هدمها فقد هدم الدين و يا زلة قدم من لقي ربه بغير صلاة. و ليس من المنطق أن يقال إن الأهم من الصلاة أمانة الشخص و كيفية تعامله مع الآخرين لأنه لا تعارض بين أن يؤدي الإنسان حق ربه و حقوق الناس. و الأحسن أن يكون رئيس الجمهورية بصلي و صادق من أن يكون ما بصلي أو كذاب.

شكرا الأخت تيسير

الشكل المؤسف التبرير من عناصر قوى الديمقراطية وخطورة هذا التبرير يترسخ فى عقول المواطنيين على ان يكون مرشح رئيس الجمهورية إن يصلي اذ تم استثناء الكذب والممارسات الأخرى.....الخ , وهنا يطرح سؤال وماذا عن المواطنيين السودانيين الغير مسلمين , اذن من يجد تبرير حول تصريح نقد يمارس بدون وعي على تثبيت مفهوم الدولة الدينية

Quote: صلاتك لنفسك وصدقك وأخلاقك ومبدئيتك للناخب

دا كلام فارغ






















..

حذيفة الكباشي مرحب بيك ..

Quote: دا كلام فارغ

كتيرين جداً رأيهم من رأيك
ودا سبب فتح البوست دا



عشان الناس ما تتخما ساي بتكفير المتشنجين ..

الاخ

Elawad

الزميل الاستاذ محمد ابراهيم نقد منور

تقدم للترشيح لرئاسة الجمهورية وفق الشروط التالية .......

المادة 37: شروط الأهلية للترشيح للرئاسة
يشترط لأهلية الترشيح لرئاسة الجمهورية ...
‌أ- أن يكون المرشح: سودانياً،
‌ب- سليم العقل،
‌ج- بالغاً من العمر اربعين سنة،
‌د- لم تسبق إدانته منذ سبع سنوات في جريمة تمس الشرف أو الامانة

وكما هو واضح ليس من بين هذه الشروط اداء العبادات اى كان نوعها وتنوعها كما هو حادث فعلا فى المجتمع السودانى

شكرا وتحياتى الاخت تيسير

شكراً عمر إدريس ..

Quote: لمادة 37: شروط الأهلية للترشيح للرئاسة يشترط لأهلية الترشيح لرئاسة الجمهورية ... ‌أ- أن يكون المرشح: سودانياً، ‌ب- سليم العقل، ‌ج- بالغاً من العمر اربعين سنة، ‌د- لم تسبق إدانته منذ سبع سنوات في جريمة تمس الشرف أو الامانة

هسي الشرط (د) دا يا عمر بينطبق على عمر البشير ولو بدون إدانة؟
أكتر رئيس تم الطعن بشكل رسمي وغير رسمي في ترشيحو حتى الآن هو مرشح المؤتمر الوطني ..


نجي لموضوعنا ..

دستورياً لا يشترط في رئيس السودان أن يكون مسلماً ناهيك عن صلاته من عدمها!

مرحب يك يا الشريف ..

Quote: الشكل المؤسف التبرير من عناصر قوى الديمقراطية وخطورة هذا التبرير يترسخ فى عقول المواطنيين على ان يكون مرشح رئيس الجمهورية إن يصلي اذ تم استثناء الكذب والممارسات الأخرى.....الخ , وهنا يطرح سؤال وماذا عن المواطنيين السودانيين الغير مسلمين , اذن من يجد تبرير حول تصريح نقد يمارس بدون وعي على تثبيت مفهوم الدولة الدينية

ودي خلاصة هذا البوست وما أردت قوله



شكراً على الإلتقاط الذكي ..

بالطبع لن أعقد المقارنات بين الذين يصلون ويراءون ويمنعون الماعون (وأعني هنا الكيزان)
وبين الذين لا يصلون وعرفوا بين الناس بنظافة القلب واليد واللسان (وأعني هنا أستاذنا نقد)


اجمل ما قرأت
شكرا تيسير
ويسلم قلمك

وماذا إن لم يصل نقد؟؟؟؟؟؟

Quote: دا كلام فارغ

مع بؤس عباراتك ..كدى نسمع الملان منك

راوية حبيبتنا ..

Quote: وماذا إن لم يصل نقد؟؟؟؟؟؟

ما فاتت علي يا ست البنات (لم النافية وجزمها للفعل المضارع)
لكن لو كتبتها كدا العنوان كان حيتقري خطأ
وتكون زي: وماذا إن لم يصل نقد (لكرسي الرئاسة)



دا كلو من مصاقرة سودانيزأونلاين

كتبت الأستاذة تيسير عووضة:

Quote: صلاتك لنفسك وصدقك وأخلاقك ومبدئيتك للناخب

عبارة مكثفة حوت ولخصت الكثير ..الاستاذ نقد أصلا غير مطالب بأن يخوض في تفاصيل معتقده - هل يصلي وكيف يوز زكاته وصدقته وهل أقرن الحج بالعمرة ? وهل دخل بيت الادب مقدما رجله اليمني أم اليسري ? هل يضحي أول أيام العيد أم ثالثها ? وما هو رأئيه في سعاية الكلب الاسود?وهل يغسل الاناء الذي ولغ فيه الكلب 7 مرات أم يكتفي بمرة واحدة? .. نقد لا يطرح مشروع إسلا موي حتي نربط ممارسته بالشعار المطروح ! الكارثة تكمن فيمن يرفع شعار الاسلام ويتمسح بالمقدسات ومع هذا:
- يسرق وينهب --يقتل ويشرد ويعذب ..يكمم الافواه ويصادر الحريات
- يفرط في تراب وأرض بلده - يكذب وينافق - و يمارس الفساد والأستبداد
يحنث بقسمه وينكث بوعده وعهده ينافي دستوره وممارساته الدين الذي
يتمشدق به !! يفعل كل هذا بإسم الدين ويشوه قيم الدين وسماحة المعتقدات !! وخير نموذج لتشويه الدين وإنتهاكات حرماته يجسده البشيرفهيا صوبوا سهامكم ياحماة العقيدةوالفضيلة نحو البشير إن كنتم تنتطلقون حقامن غيرة دينية !!
كفاكم مزائدة بالدين وإستغلال لحرماته فالمتاجرة بالدين أضحت بضاعة كاسدة لم تعد تستدر
العواطف أو تبتز آحدا..
.........

كمال عباس

Quote: عبارة مكثفة حوت ولخصت الكثير ..الاستاذ نقد أصلا غير مطالب بأن يخوض في تفاصيل معتقده - هل يصلي وكيف يوزع صداقته وهل أقرن الحج بالعمرة ? وهل دخل بيت الادب مقدما رجله اليمني أم اليسري ? هل يضحي أول أيام العيد أم ثالثها ? وما هو رأئيه في سعاية الكلب الاسود?وهل يغسل الاناء الذي ولغ فيه الكلب 7 مرات أم يكتفي بمرة واحدة? .. نقد لا يطرح مشروع إسلا موي حتي نربط ممارسته بالشعار المطروح ! الكارثة تكمن فيمن يرفع شعار الاسلام ويتمسح بالمقدسات ومع هذا: - يسرق وينهب --يقتل ويشرد ويعذب ..يكمم الافواه ويصادر الحريات - يفرط في تراب وأرض بلده - يكذب وينافق - و يمارس الفساد والأستبداد يحنث بقسمه وينكث بوعده وعهده ينافي دستوره وممارساته الدين الذي يتمشدق به !! يفعل كل هذا بإسم الدين ويشوه قيم الدين وسماحة المعتقدات !! وخير نموذج لتشويه الدين وإنتهاكات حرماته يجسده البشيرفهيا صوبوا سهامكم ياحماة العقيدةوالفضيلة نحو البشير إن كنتم تنطلقون حقامن غيرة دينية !! كفاكم مزائدة بالدين وإستغلال لحرماتهفالمتاجرة بالدين أضحت بضاعة كاسدة لم تعد تستدر العواطف أو تبتز آحدا..

لم تترك لي ما أقوله..
لا فوض فوك يا رجل


آية في القرآن الكريم تصف حال أهل الإنقاذ.

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

مرحب بيك يا الشايقي ..

هذا دأب كمال عباس
دائماً لا يترك لنا ما نقوله


لكما التحية ..

صوت العقل والحكمة كمال عباس ..

Quote: عبارة مكثفة حوت ولخصت الكثير ..الاستاذ نقد أصلا غير مطالب بأن يخوض في تفاصيل معتقده - هل يصلي وكيف يوز زكاته وصدقته وهل أقرن الحج بالعمرة ? وهل دخل بيت الادب مقدما رجله اليمني أم اليسري ? هل يضحي أول أيام العيد أم ثالثها ? وما هو رأئيه في سعاية الكلب الاسود?وهل يغسل الاناء الذي ولغ فيه الكلب 7 مرات أم يكتفي بمرة واحدة? .. نقد لا يطرح مشروع إسلا موي حتي نربط ممارسته بالشعار المطروح ! الكارثة تكمن فيمن يرفع شعار الاسلام ويتمسح بالمقدسات ومع هذا: - يسرق وينهب --يقتل ويشرد ويعذب ..يكمم الافواه ويصادر الحريات - يفرط في تراب وأرض بلده - يكذب وينافق - و يمارس الفساد والأستبداد يحنث بقسمه وينكث بوعده وعهده ينافي دستوره وممارساته الدين الذي يتمشدق به !! يفعل كل هذا بإسم الدين ويشوه قيم الدين وسماحة المعتقدات !! وخير نموذج لتشويه الدين وإنتهاكات حرماته يجسده البشيرفهيا صوبوا سهامكم ياحماة العقيدةوالفضيلة نحو البشير إن كنتم تنتطلقون حقامن غيرة دينية !! كفاكم مزائدة بالدين وإستغلال لحرماته فالمتاجرة بالدين أضحت بضاعة كاسدة لم تعد تستدر العواطف أو تبتز آحدا.. .........

رفعت الأقلام ..

وتسلم يا خالد العبيد



ويسلم أستاذنا نقد من إفتراءات البيتاجروا بالدين جملة وقطاعي ..

مرحب بيك يا العوض ..

Quote: بالنسبة لي شخصيا لا أستطيع أن أقدم لقيادتي شخصا لا يصلي فمن ضيع أبسط حقوق ربه عليه كمسلم فلن أستطيع أن أأتمنه على حقوقي...

وماذا عن قادة دول لا يعرفون الله أصلاً ومع ذلك لم تمنعهم الفطرة السليمة من الحفاظ على حقوق رعاياهم؟

أحترم جداً خيارك (الشخصي) الواضح بعدم إنتخاب رئيس لا يصلي
بإفتراض أنه من أولوياتك كناخب أن يكون رئيسك بيصلي لما تعنيه الصلاة والمصلين لك

ولكن فعلياً وفي بلد متعدد الديانات كالسودان هي ليست من شروط الترشح لرئاسة الجمهورية !
بل ليست من شروط إستقامة هذا المرشح وجميل أنك منتبه للنقطة أدناه:

Quote: هذا لا يعني بحال أن كل من يصلي فهو أنسب و أجدر بالقيادة و كما نعلم فإن معظم قادة الإنقاذ مثلا من المصلين لكن (أيضا رأيي الشخصي) فهم لا يؤتمنون على أي نوع من أنواع رعاية مصالح الناس.

Quote: أرى أن من حاولوا شرح قول الأستاذ نقد و ذكروا أنه قد صلى المغرب قبل بداية الحلقة هم أناس واعون جدا للوسط الذي يتحركون فيه... فنقد مرشح الحزب لرئاسة السودان ذي الأغلبية المسلمة... السودان الذي تمتليء مساجده بالمصلين في كل صلاة..

ولكن نقد طلع أوعى منهم لما حاول يوصل للناس مفهوم فك الإرتباط بين الصلاة والحكم الرشيد
ما في حاجة إسمها واعين للوسط المتحركين فيهو
الحزب الشيوعي من ما الله خلقو ياهو دا الطرح بتاعو الدين لله والوطن للجميع ودا طرح صميم
محاولة الإلتفاف حول المفهوم دا من قبل المبرراتية ما عندها معنى ونقد نفسو حاول يؤكد طرح الحزب بتاعو عبر إجابتو
ما هو يا أما الشيوعيين يكونوا عارفين توجه الحزب بتاعهم ومقتنعين بيهو وعايزين يوصلوهو بجدية للناس
يا أما جنس التبرير الحاصل دا

الشيوعين وحركات اليسار عموماً لا تحارب الناس في أديانهم ومعتقداتهم
بل تكفل لهم ممارسة أديانهم دون التعدي على أديان الآخرين
والمطالبة بوجود رئيس مسلم يصلي أولى علامات هذا التعدي (بالنسبة لغير المسلمين طبعاً)

فليمتلئ السودان بالمساجد والصوامع والبيع والصلوات وجميع دور العبادة وليذكر اسم الله فيها كثيراً
في دور العبادة وليس في مكاتب رئاسة الجمهورية والبرلمانات ..

Quote: أما على المستوى الشخصي فالإجابة على سؤال (و ماذا إن لم يكن الشخص يصلي؟) فهي إنه دي بتكون كارثة كبيرة والله... فأول ما يسأل العبد عنه يوم القيامة صلاته و هي عماد الدين من أقامها فقد أقام الدين و من هدمها فقد هدم الدين و يا زلة قدم من لقي ربه بغير صلاة. و ليس من المنطق أن يقال إن الأهم من الصلاة أمانة الشخص و كيفية تعامله مع الآخرين لأنه لا تعارض بين أن يؤدي الإنسان حق ربه و حقوق الناس. و الأحسن أن يكون رئيس الجمهورية بصلي و صادق من أن يكون ما بصلي أو كذاب.

براك قلتها: يسأل العبد عنه يعني بينو وبين ربو
أنا لا يهمني ما بين العبد وربه بل يهمني ما بينه وبيني
خصوصاً إذا لم (يعصمه) ما بينه وبين ربه عن التعدي على ما بينه وبيني

نعم لا تعارض بين أداء حقوق الرب وحقوق الناس
لكن لو إضطررنا للمفاضلة - كما يحدث الآن - بين رئيس بيصلي وكذاب وبين ما بيصلي وصادق فسأختار من لا يصلي وهو صادق

ولو إتلموا الصلاة والصدق مع بعض وعدم الصلاة والكذب مع بعض
فإن من يختار الأخيرة عليه أن يتحسس عقله ..

Quote: دا على المستوى العام أما على المستوى الشخصي فالإجابة على سؤال (و ماذا إن لم يكن الشخص يصلي؟) فهي إنه دي بتكون كارثة كبيرة والله... فأول ما يسأل العبد عنه يوم القيامة صلاته

الاخ العوض

نتفق اذا ان من يسأل هو العبد عن صلاته وليس الاخرين ومن يسأل منها ويحاسب عليها هو الله وحده

فلماذا اذا ننصب المحاكم والجدل لان فلان يصلى او لا يصلى فليس بيننا وكلاء لله فى الارض فهو وحده الذى يحاسب من يشاء

ما يهمنا نحن كناخبين الصدق والنزاهة والمبدئية كما قالت الاخت تيسير

الواعي أبوبكر

وشكراً لمرورك أيضاً ..

وماذا إذا صلاة نقـد
وجمع بين نظافة القلب واليد واللسان.كما تقولون .!!

الأخ أستاذ عمر
سلامي و تحياتي و شكري على الرد. أتفق معك في أن أداء العبادات ليس من شروط الترشيح لذا قد حاولت أن أكون دقيقا بقدر الإمكان و قلت إنني شخصيا لا أستطيع أن أصوت لمن لا يصلي و طبعا لكل ناخب أن يحدد خياراته و معاييره للتصويت... هذا ما قصدته و أظن أن كثيرا من الناخبين في السودان قد يضعون مسألة كمسألة الصلاة في حسبانهم عند التصويت,
بالنسبة لي الصورة واضحة جدا فالبشيرأو الكيزان لن يخدعوني بصلاتهم لكن هذا لن يدفعني لرد الفعل و القول بأن الصلاة ليست مهمة بالنسبة لي حين أصوت لشخص ما.

تيتي

جمعة مباركة

نقد لم يكن موفقا في اجابته وكان ممكن يقدم محاضرة في هذا السوال

ويتحدث عن الاسلام السياسي حديث العارف ولكن انفعل

وكان هذا الهرج

Quote: وماذا إن لم يصلي نقد؟

لن يصوت له السواد الاعظم من الشعب السوداني
صحيح ان صلاته او عدمها ليست من شروط الترشيح
لكنها من شروط الانتخاب عند اغلب السودانين المسلمين

والكيزان ليسوا مقياسا للاسلام الصحيح

Quote: بالطبع لن أعقد المقارنات بين الذين يصلون ويراءون ويمنعون الماعون (وأعني هنا الكيزان) وبين الذين لا يصلون وعرفوا بين الناس بنظافة القلب واليد واللسان (وأعني هنا أستاذنا نقد)

وكأني بكِ قد كُشف لك القِناع !!
وعلمتي من هو المُرائي ومن هو نظيف القلب ؟؟!!
إستنادك علي هذه الفرضيات وتعويلك عليها .. غير موفق .



ــــــ
أتفق مع الأخ العوض فيما ذهب إليه .

سلامات يا المسلمي (كدا أضمن) ..

Quote: وكأني بكِ قد كُشف لك القِناع !! وعلمتي من هو المُرائي ومن هو نظيف القلب ؟؟!! إستنادك علي هذه الفرضيات وتعويلك عليها .. غير موفق .

أعلاه ليس فرضيات
الأول كلام ربنا
والتاني كلامي أنا دي المقتنعة بيهو مية مية



خلاص يا المسلمي ما تزعل
الكيزان ما مرائين لكن حرامية بس
بيمشوا يصلوا ويجوا يسرقوا ويغشوا الناس ..

وليد المبارك مرشح دائرة ناس خالتي في الثورة ..

Quote: لن يصوت له السواد الاعظم من الشعب السوداني صحيح ان صلاته او عدمها ليست من شروط الترشيح لكنها من شروط الانتخاب عند اغلب السودانين المسلمين والكيزان ليسوا مقياسا للاسلام الصحيح

منو القال ليك من شروط الإنتخاب عند أغلب السودانيين المسلمين؟
دي حاجة أصلو ما بتقدر تحددا يا وليد
السودانيين يا وليد من أكتر الشعوب إعتدالاً في المسائل دي والكيمان عندهم مفروزة
الواحد بيطوي سجادة صلاة العشاء وبيجيب عدة الشراب وبيجي يقعد ..


الكيزان ليسوا مقياساً للإسلام الصحيح
الإرهابيين والبيفجروا نفسهم ليسوا مقياساً للإسلام الصحيح
وناس حماس وطالبان ليسوا مقياساً للإسلام الصحيح


فترنا زاتو

طيب ياخي ما تورونا الإسلام الصحيح دا كيفنو!

Quote: فترنا زاتو طيب ياخي ما تورونا الإسلام الصحيح دا كيفنو!

الاسلام الصحيح ياه الاسلام الصحيح
اجتهدي شويه واقري عنه حا تعرفيه

ولا انت شايفه انو

الكيزان ليسوا مقياساً للإسلام الصحيح
الإرهابيين والبيفجروا نفسهم ليسوا مقياساً للإسلام الصحيح
وناس حماس وطالبان ليسوا مقياساً للإسلام الصحيح

ده الاسلام كما اتى به النبي محمد ؟؟؟؟؟

Quote: منو القال ليك من شروط الإنتخاب عند أغلب السودانيين المسلمين؟ دي حاجة أصلو ما بتقدر تحددا يا وليد السودانيين يا وليد من أكتر الشعوب إعتدالاً في المسائل دي والكيمان عندهم مفروزة الواحد بيطوي سجادة صلاة العشاء وبيجيب عدة الشراب وبيجي يقعد ..

ياتو واحد ده
البطوي سجادة الصلاة ويجب عده الشراب ؟؟؟


شروط الانتخاب يا تيسير حا تتحدد بعد اقل من شهر
وحينها ستعرفين ان كان المجاهرة بعدم الصلاة فلاحة ولا تهور

كان الاجدر بنقد ان يرد على سائله
هذا شي لا يخصك ؟
وهذا بيني وبين ربي ؟

وليد ..

Quote: الاسلام الصحيح ياه الاسلام الصحيح اجتهدي شويه واقري عنه حا تعرفيه ولا انت شايفه انو الكيزان ليسوا مقياساً للإسلام الصحيح الإرهابيين والبيفجروا نفسهم ليسوا مقياساً للإسلام الصحيح وناس حماس وطالبان ليسوا مقياساً للإسلام الصحيح ده الاسلام كما اتى به النبي محمد ؟؟؟؟؟

متخيل إني بتفاصح فصاحتي دي كلها عن جهالة؟
في داعي هسي أنفعل وأقول ليك إني حافظة القرآن
ولا قارية كتب الفقه والتفاسير والتاريخ الإسلامي بما توفر
عشان تقتنع؟

الأمثلة الذكرتها أنا فوق دي قاعدين يطبقوا الإسلام زي ما لقوهو مكتوب (بإستثناء سرقة الكيزان طبعا)
دا الإسلام كما أتى به النبي محمد يا وليد

غير كدا إنت الحتكون محتاج إنك تمشي تقرا وتجتهد !

Quote: دا الإسلام كما أتى به النبي محمد يا وليد غير كدا إنت الحتكون محتاج إنك تمشي تقرا وتجتهد !

تمام
افهم انه محمد صلى الله عليه وسلم و

Quote: الإرهابيين والبيفجروا نفسهم ليسوا مقياساً للإسلام الصحيح

يعني ممكن نقول انه محمد صلى الله عليه وسلم ارهابي

وليد المبارك ..

لمصلحة النقاش ما تحاول تجرني لمناطق ما كريمة
وتقول على لساني ما لم أقله

شغل المقاربات والفك والتركيب دا ما بينجح معاي






إلتزم بأصول الحوار ولا قوم أمشي صلي الجمعة قبل ما تفوتك

المقاربة جبتيها انت

وكت يسكوك بيها بتتجرسي مالك

Quote: الكيزان ليسوا مقياساً للإسلام الصحيح الإرهابيين والبيفجروا نفسهم ليسوا مقياساً للإسلام الصحيح وناس حماس وطالبان ليسوا مقياساً للإسلام الصحيح فترنا زاتو

بوست فاتحاه لي نقد
الدخل طالبان وحماس هنا شنو ؟؟

قولي الروب

____________________
نقد غلطان يا تيسير من راسه لي كرعينه
موش عشان ما بصلي
فهذا امر بينه وبين ربه كما تفضلتي سابقا
لكن لانه جاهر بالمعصية - باعتبار انه مسلم كما يقال -
عليه نقد اظهر لينا نحن الناخبين عدم التزام
فشخص غير مهتم بتنفيذ اهم امر من اوامر دينه
لا يُضمن مستوى تنفيذه واهتمامه في امور اخرى

الا لو كان نقد ملحد او غير مسلم
ده بكون موضوع تاني

لكن لو مسلم .. وجاهر بعدم صلاته
بالتاكيد الامر ده ما حا يمر ساكت عند الناخب المسلم
كيف لنا ان نضمن اهتمامه بامورنا كشعب
وهو غير مهتم باهم اوامر دينه




مفروض رد نقد يكون زي ردك على بريمة تحت وبس

هذا مع ودي الذي تعلمينه
وانا ماشي عشان ما تزعلي مني

Quote: بوست فاتحاه لي نقد الدخل طالبان وحماس هنا شنو ؟؟ قولي الروب

هيييييع منو دي التقول الروب
أنا أمك يا سعد

Quote: نقد غلطان يا تيسير من راسه لي كرعينه موش عشان ما بصلي فهذا امر بينه وبين ربه كما تفضلتي سابقا لكن لانه جاهر بالمعصية - باعتبار انه مسلم كما يقال - عليه نقد اظهر لينا نحن الناخبين عدم التزام فشخص غير مهتم بتنفيذ اهم امر من اوامر دينه لا يُضمن مستوى تنفيذه واهتمامه في امور اخرى الا لو كان نقد ملحد او غير مسلم ده بكون موضوع تاني لكن لو مسلم .. وجاهر بعدم صلاته بالتاكيد الامر ده ما حا يمر ساكت عند الناخب المسلم

في مجاهرة بالمعصية أكتر من أكل مال السحت ونزع اللقمة من فم الجائع؟
(كل لحم نبت من سحت فالنار أولى به - حديث نبوي)
في مجاهرة بالمعصية أكتر من تلقي الرشاوي تحت الطاولة وفوق الطاولة على عينك يا تاجر؟
(لعن الله الراشي والمرتشي - حديث نبوي)
في مجاهرة بالمعصية أكتر تعذيب المسلم وغير المسلم حتى تفيض روحه لمجرد خلاف سياسي وحفاظاً على الكراسي؟
(ومن يقتل مؤمناً متعمداً فجزاؤه جهنم خالداً فيها وغضب الله عليه ولعنه وأعد له عذاباً عظيماً - آية قرآنية)

الشعب السوداني يتضرر من المجاهرة بالمعاصي أعلاه بواسطة الكيزان المسلمين
أكثر من تضرره من مجاهرة نقد بمعصيته المتمثلة في عدم الصلاة يا وليد ..

Quote: كيف لنا ان نضمن اهتمامه بامورنا كشعب وهو غير مهتم باهم اوامر دينه

وهل ضمنتم وأمنتم إهتمام المصلين بأموركم كشعب وهم أشد المهتمين بأهم أوامر دينهم؟

Quote: نقد لم يكن موفقا في اجابته وكان ممكن يقدم محاضرة في هذا السوال ويتحدث عن الاسلام السياسي حديث العارف ولكن انفعل وكان هذا الهرج

يا خليل أي إجابة أزيد مما قاله نقد يبقى ياهو الإلتفاف والتبرير القلناهو زاتو


زول قال ليك إنت قاعد تصلي؟ ودا إسمو yes or no question
يقوم يقعد يحاضرو عن الإسلام السياسي؟


أصلاً ليه شخصنة الأسئلة من بابكر حنين
إلا كان عاجباهو غرتو القدر الليلة وبكرة دي يعني!

مرحب بيك أحمد معتصم الطيب ..

Quote: وماذا إذا صلاة نقـد وجمع بين نظافة القلب واليد واللسان.كما تقولون .!!

تبقى أحلى حاجة!



بالمناسبة:
لا عداء لي مع الصلاة والمصلين كما يحاول أن يقول إستفهامك
لكن لو وجود واحدة من الصفات الفوق دي يلغي الأخرى فسأختار نظافة القلب واليد واللسان (كما نقول)

Quote: وماذا إن لم يصلي نقد؟

الصلاة هي صله العبد بربه
انسان ليس له صله بربه ما بدي صوتي

أدناه ما كتبته في بوست أبي ساندرا :

Quote: 1- دعونا أولا نبعد قصة (الصلاة)... من هذه الحدوتة لأنه وببساطة هذا الحزب عند (أعدائه) حزبا ملحدا لا يهم هنا ان كان قولهم هذا صحيحا أو غير ذلك........ فهذا أمرا أخرا وقد كتب فيه الكثير وسيكتب فيه أكثر. 2- ما أعرفه عن (الأستاذ نقد) أنه سودانيا كاملا يمارس حياته باعتباره واحدا من مسلمي السودان المستنيرين وقيل أنه يمارس العبادات الاسلامية مثله مثل السواد الأعظم من مسلمي السودان . 3- التقصير في القيام بالعبادات الدينية ليس حكرا علي منتسبي الحزب الشيوعي.... فالكثيرون منا يقصرون أيضا ! 4- دستور الحزب الشيوعي (موجود بموقع الحزب الأليكتروني) لا توجد فيه فقرة واحدة تحدد للعضو ديانته وكيفية ممارستها........... فقط مطلوب احترام الأديان أيا كانت. 5- لم أستمع للحلقة ولكن من الذى ذكر هنا بأنها كانت ضعيفة.... سواء بسبب مقدمها أو بسبب أن الحزب لم يستعد لها وهذه الملاحظات جيدة ويجب أن يستفيد منها الحزب في المستقبل.... كما يجب أن يشكر الذين أبدوا ملاحظاتهم بحرص في بوست أبي ساندرا هذا و الذى للأسف لم يكن ( موفقا فيه) ... 6- الأستاذ نقد قدم ندوات ولقاءآت تليفزيونية في الفترة القليلة الفائتة كانت حديث كل الذين استمعوا اليها... ولا يضيره أو يقلل من شأنه وامكانياته اخفاق هنا وآخر هناك....... ويكفيه فخرا أنه لقب من قبل الجماهير ب (الحكيم). كما يكفيه اعزازا وفخرا أيضا بأنه شيخ القادة السياسيين في (نظافة اليد واللسان). 7- باجابة الأستاذ نقد علي سؤال مقدم البرنامج هذا يكون قد ساهم مساهمة ضخمة (غير منظورة) الآن في طي صفحة تكفير الناس ومعاقبتهم علي ذلك . 8- اذا كان طاقم الحزب الذى رافق السكرتير العام لم يكن بالمستوى المطلوب ..... فهذه ليست نهاية الدنيا.... كما أنه لا يمكن بحال قياس نضال ومقدرات الحزب بحلقة تليفزيونية..... هذا اضافة لمعرفة الكثيرين لكوادر هذا الحزب ومقدراتهم في المجالات المختلفة....... بما يعني أنه من الصعب المزايدة عليهم . 9- لماذا (تقوم الدنيا ولا تقعد) لأى اخفاق من طرف الحزب الشيوعي دون غيره ؟ بل لماذا يفرح البعض عند اخفاقاته علي قلتها؟ ...............وأى اخفاقات؟ * وأستبق لأقول بالاجابة علي هذا التساؤل يكون حجم هذا الحزب وسط جماهير شعبه. 10- الأستاذ نقد لا يزال قائدا متقد الذهن ..... وله مقدرات يتفوق فيها علي الكثيرين من شبابنا.

تيسير

سلامات ..

Quote: بالمناسبة: لا عداء لي مع الصلاة والمصلين كما يحاول أن يقول إستفهامك لكن لو وجود واحدة من الصفات الفوق دي يلغي الأخرى فسأختار نظافة القلب واليد واللسان (كما نقول)

هل نفهموا من ذلك أنك برضك ما قاعدة تصلى ؟

بريمة

Quote: هل نفهموا من ذلك أنك برضك ما قاعدة تصلى ؟

قطعاً يا بريمة لو ما بصلي ما حا أقول ليك
ولو بصلي برضو ما حا أقول ليك



دا بيني وبين ربنا ما تدخل فيهو ..

Quote: دا بيني وبين ربنا ما تدخل فيهو ..

هاهاهاهاهاهاهاهاهاها
هاهاهاهاهاهاهاها


اهو انت طلعتي اوعى من نقد بكتير


كان ممن لنقد ان يجيب نفس اجابتك

Quote: هل نفهموا من ذلك أنك برضك ما قاعدة تصلى ؟ بريمة

دخلك شنو يا بني ادم كونها تصلي وللا مابتصلي ؟

مرحب بيك يا عاطف مكاوي ومشكور على المساهمة القوية
واضح إننا إتفقنا فكرياً في أشياء كثيرة رغم إني ما إطلعت على مداخلتك دي إلا هنا
لكن بيقولوا great minds think alike



يجب إيقاف محاولات التكفير والإقصاء التي تعرض حياة البشر للخطر


كفاية محمود محمد طه
ومحمد طه محمد أحمد

دفعا حياتهما ثمناً لذلك

مرحب الأمين عثمان صديق ..

Quote: الصلاة هي صله العبد بربه انسان ليس له صله بربه ما بدي صوتي

طيب خلاص عمر البشير صلتو بي ربو زي الورد
والدليل (الخِتم) الفي جبهتو


ممكن تديهو صوتك لو حبيت

شكراً تيسير

Quote: شكراً تيسير

نقلآ عن هذا البوست:
إجراءات جنائية ضد نقد لإتهامه بالمجاهرة بالمعصية



أوردت الكاتبة منى أبو زيد في عامودها بصحيفة التيار العدد 210
شهادة براءة الرجل عندما ذكرت في مقال لها بعنوان
(الحكم الفقهي والاستدلال بالدهشة) مايلي:


عندها لملم السائلون أذيال أسئلة فرعية كثيرة مفترضة كانت ستنبثق عن الإجابة بنعم على سؤال الشيوعي عن صلاته ..

قلب الرجل على سائله ظهر المجن ونقل الحديث ببراعة عن ما لا يرغب الخوض فيه إلى ما يريد هو أن يجيب عليه ..!

زملاؤنا في قناة النيل الأزرق والذين كانوا يقفون وراء كاميرات مجهر سونا .. أخبرونا ضاحكين عندما التقينا بهم

في أثناء تصوير برنامجنا الأسبوعي (عدد خاص) – أخبرونا – أنهم قد رأوا بأمهات أعينهم التي سيأكلها دود القبور –

رأوا – الأستاذ نقد وهو يصلي صلاة المغرب قبيل وقوفه في استديو مجهر سونا ..!


بل ان الكثيرين من الشاهدين على العصر يؤكدون أن السيد الامام الصادق المهدي والشيخ حسن الترابي قد وقفوا للصلاة

خلف الرجل عندما جمعتهم حياة السجن .. كان سكرتير الحزب الشيوعي يؤم شيخ الإسلاميين وإمام الأنصار للصلاة لأن الدين

لله ..! بينما فهم ذلك الإمام الخطيب ,وغيره كثر، إجابة الأستاذ نقد على النحو الذي يفيدهم .. ..

فكان التدليل القاطع بها على كفر الرجل وبالتالي عدم أهليته لتولي شئون المسلمين ..!



شكرآ تيسير


___________
حكمة اليوم:
الإسلام السياسي مضحكة

Quote: أوردت الكاتبة منى أبو زيد في عامودها بصحيفة التيار العدد 210 شهادة براءة الرجل عندما ذكرت في مقال لها بعنوان (الحكم الفقهي والاستدلال بالدهشة) مايلي: عندها لملم السائلون أذيال أسئلة فرعية كثيرة مفترضة كانت ستنبثق عن الإجابة بنعم على سؤال الشيوعي عن صلاته .. قلب الرجل على سائله ظهر المجن ونقل الحديث ببراعة عن ما لا يرغب الخوض فيه إلى ما يريد هو أن يجيب عليه ..! زملاؤنا في قناة النيل الأزرق والذين كانوا يقفون وراء كاميرات مجهر سونا .. أخبرونا ضاحكين عندما التقينا بهم في أثناء تصوير برنامجنا الأسبوعي (عدد خاص) – أخبرونا – أنهم قد رأوا بأمهات أعينهم التي سيأكلها دود القبور – رأوا – الأستاذ نقد وهو يصلي صلاة المغرب قبيل وقوفه في استديو مجهر سونا ..! بل ان الكثيرين من الشاهدين على العصر يؤكدون أن السيد الامام الصادق المهدي والشيخ حسن الترابي قد وقفوا للصلاة خلف الرجل عندما جمعتهم حياة السجن .. كان سكرتير الحزب الشيوعي يؤم شيخ الإسلاميين وإمام الأنصار للصلاة لأن الدين لله ..! بينما فهم ذلك الإمام الخطيب ,وغيره كثر، إجابة الأستاذ نقد على النحو الذي يفيدهم .. .. فكان التدليل القاطع بها على كفر الرجل وبالتالي عدم أهليته لتولي شئون المسلمين ..!

سلامات يا هدير ..
وشكراً لإيراد عمود الأستاذة منى أبو زيد
والتي قرأت بذكاء البعد الذي حوته إجابة الأستاذ نقد
رغم أنني قد أختلف معها في إيراد معلومات تدور خلف الكواليس حول صلاة نقد وإمامته
فلنفترض أنه لم يصلِّ ذاك المغرب ولم يكن في السجن إماماً "للأئمة" هل كان ذلك سيغير شيئاً؟

Quote: حكمة اليوم: الإسلام السياسي مضحكة

ولكنه ضحكٌ كالبكا على رأي المتنبي ..

تسلم يا شول ..







ـــــــــــ
شول إنت قاعد تصلي؟
آخر مرة مشيت الكنيسة متين؟

(الأيام دي الموضة كدا)

تسلم يا شوشتا ..

Quote: شول إنت قاعد تصلي؟ آخر مرة مشيت الكنيسة متين؟ (الأيام دي الموضة كدا)

إياكى والاسئلة التعسفية يا أختاه







_________________
اها الزول جا حصل ليهو شنو؟ ... نربض عدتنا ونجهز للسفرية

Quote: إياكى والاسئلة التعسفية يا أختاه

تعسفية كيف يا شول

دا سؤال عادي
زي ناس ماهيتك كم وعمرِك كم


سؤال دبلوماسي شديد

Quote: اها الزول جا حصل ليهو شنو؟ ... نربض عدتنا ونجهز للسفرية

سنوافيكم بكافة التفاصيل قريباً ..

Quote: كوني أحد أفراد هذا الشعب أقف لك إحتراماً يا نقد سواء كنت تصلي أو لا تصلي لأنك لم تخدعني ولم تغشني باسم الدين ولأنك لم تتغول على حقي في المال العام وتسرق وأنت طالع من صلاة الضهر وتقبض الرشوة باليمين ويدك ماسكة السبحة بالشمال صلاتك لنفسك وصدقك وأخلاقك ومبدئيتك للناخب

تتعلي ما تتدلي يا بت عووضة يا بنت من نور ...

ما استفدنا من قال الله و قال الرسول التي ظل الانقاذيون يرددونها
و شهدنا قتلهم للآمنين و أكل مال السحت و الكذب و الظلم ومجانبتهم
للاسلام روحا و منهجا و عقيدة ...
قال رسول الله صلى الله عليه وسلم : "المسلم من سلم المسلمون من لسانه ويده،
والمهاجر من هجر ما نهى الله عنه" متفق عليه

وديل ما سلم من لسانهم او يد تسلطهم أحد ...

Quote: تتعلي ما تتدلي يا بت عووضة يا بنت من نور ... ما استفدنا من قال الله و قال الرسول التي ظل الانقاذيون يرددونها و شهدنا قتلهم للآمنين و أكل مال السحت و الكذب و الظلم ومجانبتهم للاسلام روحا و منهجا و عقيدة ... قال رسول الله صلى الله عليه وسلم : "المسلم من سلم المسلمون من لسانه ويده، والمهاجر من هجر ما نهى الله عنه" متفق عليه وديل ما سلم من لسانهم او يد تسلطهم أحد ...

وأيضاً لو أردنا مخاطبتهم بلغتهم:
(كل المسلم على المسلم حرام : دمه وماله وعِرضه - حديث نبوي)
وهم والغين حتى النخاع في الحرام عبر دم ومال وعِرض المسلمين (غير المسلمين كمان كوم براهم)




ـــــــــ
تسلمي يا بت من نور وموية

Quote: طيب خلاص عمر البشير صلتو بي ربو زي الورد

الاخت تيسير
سلام تاني وتالت ومربع
انا ما قلت عمر البشير صلته مع ربه زي الورد
ولا ازكيه ولا ازكي احد
لكن من كانت صلته بربه مقطعوه لا اعطيه صوتي

Quote: ممكن تديهو صوتك لو حبيت

صوتى والله لحدي الليلة ما قررت ادي منو بما فيهم البشير
لكن اذا اترشحتي انتي او وليد محمد المبارك لرئاسة الجمهورية بدي واحد منكم صوتي
لاني متكيف منكم الاتنين
اها ابقوا مارقين للانتخابات الجاية كان الله حيانا
اما نقد نهييييييييييييييييي
وحات الله ما بدي صوتى

عوض شوستا

Quote: دخلك شنو يا بني ادم كونها تصلي وللا مابتصلي ؟

وجعلناكم أمة وسطا لتكون شهداء على الناس ويكون الرسول عليكم شهيدا ..


كنت ح أشهد للأخت تيسير يوم القيامة إننى سألتها فى منبر عام وقالت بتصلى .. وما شهدنا إلا بما علمنا ..


معقولة يا تيسير تفقدى وقفتى معك يوم الأخرة للحاضرة .. !



بريمة

البوست دا والله عينة عدييل .. شوفوا عزاز بتقول فى شنو؟

Quote: ما استفدنا من قال الله و قال الرسول التي ظل الانقاذيون يرددونها و شهدنا قتلهم للآمنين و أكل مال السحت و الكذب و الظلم ومجانبتهم للاسلام روحا و منهجا و عقيدة ... قال رسول الله صلى الله عليه وسلم : "المسلم من سلم المسلمون من لسانه ويده، والمهاجر من هجر ما نهى الله عنه" متفق عليه وديل ما سلم من لسانهم او يد تسلطهم أحد ...

أها يا عزاز .. تمى فضلك .. قربتى تقولى الكيزان .. (ما) مسلمين .. أو بالأحرى كفار عدييل ..

عليك ربك تم فتواك .. وشوفى لوا ما كسرنا بها الكيزان كما كسروا ناس الحزب الشيوعى وأعدموهم النفس



بريمة

Quote: البوست دا والله عينة عدييل .. شوفوا عزاز بتقول فى شنو؟ Quote: ما استفدنا من قال الله و قال الرسول التي ظل الانقاذيون يرددونها و شهدنا قتلهم للآمنين و أكل مال السحت و الكذب و الظلم ومجانبتهم للاسلام روحا و منهجا و عقيدة ... قال رسول الله صلى الله عليه وسلم : "المسلم من سلم المسلمون من لسانه ويده، والمهاجر من هجر ما نهى الله عنه" متفق عليه وديل ما سلم من لسانهم او يد تسلطهم أحد ... أها يا عزاز .. تمى فضلك .. قربتى تقولى الكيزان .. (ما) مسلمين .. أو بالأحرى كفار عدييل .. عليك ربك تم فتواك .. وشوفى لوا ما كسرنا بها الكيزان كما كسروا ناس الحزب الشيوعى وأعدموهم النفس

والله يا بريمة إنت العينة !

نحن ضد التكفير سواء لنا أو لغيرنا
عزاز حبت تخاطب الكيزان بنفس اللغة البستعملوها هم (لغة الدين)
وتقول ليهم إنو البعملوهو باسم الدين دا كلو غلط
وخصوصاً من وجهة نظر الدين نفسو
هم بيلووا عنق الدين لوي عشان يوافق أهوائهم
أهي جابتو ليهم عديل ومباشر

وعندك فوق البيعة:

(من غشنا ليس منا - حديث نبوي)


أها الناس ديل يغشغشوا فينا 20 سنة
نمرقهم من الملة ولا كيف؟


الفرق بينا وبينهم يا بريمة إننا ما بنستعمل سلاح التكفير
للقضاء على الخصوم السياسيين و الفكريين
فقط لنذكّرهم بأن الدين نفسو سلاح ذو حدين
مرة لهم ومرة عليهم ..

Quote: معقولة يا تيسير تفقدى وقفتى معك يوم الأخرة للحاضرة .. !

عليك الله يا بريمة، الواحد لو مات -ضحكاً- من كلامك ده موش مفروض تُكتب ليهو الشهادة؟

Quote: عليك الله يا بريمة، الواحد لو مات -ضحكاً- من كلامك ده موش مفروض تُكتب ليهو الشهادة؟

طيفور ..

عليك الله أمشي إستشهد بعيد من البوست دا



هسي نبقى في المرحوم كان بيصلي ولا لا

وصلاة الجنازة كم (ركعة) على رأي أحد المساطيل ..

Quote: وجعلناكم أمة وسطا لتكون شهداء على الناس ويكون الرسول عليكم شهيدا .. كنت ح أشهد للأخت تيسير يوم القيامة إننى سألتها فى منبر عام وقالت بتصلى .. وما شهدنا إلا بما علمنا .. معقولة يا تيسير تفقدى وقفتى معك يوم الأخرة للحاضرة .. !

يا بريمة يعني إنت خلاص مرقتني من أمة محمد؟

الأمة الوسط دي أمة محمد
والناس هم الأمم عدا أمة محمد

يعني المسلمين يشهدوا على الأمم الأخرى إنو رسلهم بلغوهم الرسالة
بعدما يشهد الرسول على المسلمين بذلك


إنت قايل الشهادة حتكون في إنو فلان دا صلاي وفلان دا أكل قروش الصندوق

طيب الجماعة التحت ديل وظيفتهم شنو لو الناس بتشهد لبعض بما كانوا يفعلون؟
(يوم تشهد عليهم السنتهم وأيديهم وأرجلهم بما كانوا يعملون - آية قرآنية)



إتخيل بعدين وإنت واقف وربنا بيسألني:

تيسير كنتي بتصلي
يقوم بريمة يلفح السؤال ويقول آي يا ربنا كانت بتصلي

يقوم لساني ويدي يقولوا ليك كضاااااب
ما كانت بتصلي


موقفك حيكون شنو يوم الموقف العظيم؟

أخوي الأمين ..

Quote: صوتى والله لحدي الليلة ما قررت ادي منو بما فيهم البشير لكن اذا اترشحتي انتي او وليد محمد المبارك لرئاسة الجمهورية بدي واحد منكم صوتي لاني متكيف منكم الاتنين اها ابقوا مارقين للانتخابات الجاية كان الله حيانا اما نقد نهييييييييييييييييي وحات الله ما بدي صوتى

صوتك أمانة في ذمتك
ما تديهو للما بيستحق وكلك نظر ..


شكراً ليك على الثقة الغالية في شخصي وفي وليد


لكن من هسي أعمل حسابك وليد دا ما قاعد يصلي فما تنتخبو
إنتخبني أنا دي ..

Quote: لكن هذا لا يعني التقليل من عدم الصلاة، أنا هنا لا أتحدث عن نقد أو أي شخص آخر بعينه و لا أعرف صلاتهم من عدمها لكن بصورة عامة و بالنسبة لي شخصيا لا أستطيع أن أقدم لقيادتي شخصا لا يصلي فمن ضيع أبسط حقوق ربه عليه كمسلم فلن أستطيع أن أأتمنه على حقوقي... هذا لا يعني بحال أن كل من يصلي فهو أنسب و أجدر بالقيادة و كما نعلم فإن معظم قادة الإنقاذ مثلا من المصلين لكن (أيضا رأيي الشخصي) فهم لا يؤتمنون على أي نوع من أنواع رعاية مصالح الناس. أرى أن من حاولوا شرح قول الأستاذ نقد و ذكروا أنه قد صلى المغرب قبل بداية الحلقة هم أناس واعون جدا للوسط الذي يتحركون فيه... فنقد مرشح الحزب لرئاسة السودان ذي الأغلبية المسلمة... السودان الذي تمتليء مساجده بالمصلين في كل صلاة... السودان الذي رفض مسلموه أن يختطف حكامه الظلمة دينهم و انتزعوه من براثنهم.... عشرون عاما من الظلم و الاستبداد و القهر و كل هذا باسم الإسلام... لو لم يكن السودانيون يعرفون دينهم لكانت هذه السنوات كافية لصرفهم عن الإسلام لكنها لم تزدهم إلا تمسكا به و هم يعلمون أن ما تم باسم دينهم فإن دينهم منه بريء. أنا ضد سؤال الناس و تتبع خصوصياتهم لكن من يجاهر بعدم صلاته (مرة أخرى لا أتحدث عن شخص بعينه) فهو يضر نفسه ضررا بليغا و يثبت أنه غير مستوعب لخصائص المجتمع الذي يتحرك فيه. دا على المستوى العام أما على المستوى الشخصي فالإجابة على سؤال (و ماذا إن لم يكن الشخص يصلي؟) فهي إنه دي بتكون كارثة كبيرة والله... فأول ما يسأل العبد عنه يوم القيامة صلاته و هي عماد الدين من أقامها فقد أقام الدين و من هدمها فقد هدم الدين و يا زلة قدم من لقي ربه بغير صلاة. و ليس من المنطق أن يقال إن الأهم من الصلاة أمانة الشخص و كيفية تعامله مع الآخرين لأنه لا تعارض بين أن يؤدي الإنسان حق ربه و حقوق الناس. و الأحسن أن يكون رئيس الجمهورية بصلي و صادق من أن يكون ما بصلي أو كذاب.

شكراً جزيلاً عزيزي العوض
دخلت لأقول كلاماً بنفس معنى ما ذهبت إليه
فوجدتك قد قلت ما أريد وزيادة
الشكر يمتد بالطبع للعزيزة تيسير
أن أتاحت لك الفرصة لتبين هذا

.. وكان الحجاج يصوم ويصلي ويحفظ القران بالروا يات السبع!!
.. الكارثة التي تواجه الإسلام ليست في صلاة هذا أو عدم صيام ذاك
وأنما تكمن فيمن يشوه الدين ويقتل ويسرق وينهب ويصادر حرية الناس
بإسم الدين !!
وفيمن إتخذ الأسلام سلما للوصول للسلطة وسلاحا لضرب الخصوم وستارا
لحماية الفساد والاستبداد وفيمن وظف نصوص الدين لغير مراد الشارع
وبصورة تتنافي مع مقاصد الدين أو من إستغل الدين لتحقيق إجندة
سياسية ومن مزق وحدة البلاد بإسم المعتقدات ومن يرفع المصاحف علي
أسنة الرماح ويكذب وينافق ويحنث بالقسم ! فتصدوا لهولاء إن
كان يهمكم أمر دينكم ! هل تذهب غيرتكم علي الدين في إجازة أم تدخل
بياتا شتويا وأنتم ترون البشير وطقمته يشوهون دينكم ويتاجرون
بعقيدتكم !! هيا تصدوا لهولاء وصوبوا سهامكم نحوهم .............

تحياتي وسلامات عزيزي كمال عباس

كلهم في ظني مرفوض
( المسلم ) المجاهر بمعصية خالقه في أمر هو عماد الدين وهو أول ما يسأل عنه يوم القيامة .
و( المسلم ) الذي ( يصوم ويصلي ويحفظ القران بالروا يات السبع!! ) وهو مع ذلك لا يتورع في ظلم العباد
السؤال الأهم يا كمال
متى نتجاوز هذه ( الثنائيات ) التي ورطتنا تفكيرنا فيها ؟

Quote: بالطبع لن أعقد المقارنات بين الذين يصلون ويراءون ويمنعون الماعون (وأعني هنا الكيزان) وبين الذين لا يصلون وعرفوا بين الناس بنظافة القلب واليد واللسان (وأعني هنا أستاذنا نقد)

ثنائيات منذ
حزب الأمة والإتحادي الديمقراطي
كيزان و أخوان مسلمين
وردي ومحمد الأمين
زيدان وأبوعركي
أونسة وسلام
الهلال والمريخ
وتمتد هذه الثنائيات حتى
أن نؤيدكم في رؤاكم أو ( فتصدوا لهولاء إن كان يهمكم أمر دينكم ! )

Quote: .. وكان الحجاج يصوم ويصلي ويحفظ القران بالروا يات السبع!! .. الكارثة التي تواجه الإسلام ليست في صلاة هذا أو عدم صيام ذاك وأنما تكمن فيمن يشوه الدين ويقتل ويسرق وينهب ويصادر حرية الناس بإسم الدين !! وفيمن إتخذ الأسلام سلما للوصول للسلطة وسلاحا لضرب الخصوم وستارا لحماية الفساد والاستبداد وفيمن وظف نصوص الدين لغير مراد الشارع وبصورة تتنافي مع مقاصد الدين أو من إستغل الدين لتحقيق إجندة سياسية ومن مزق وحدة البلاد بإسم المعتقدات ومن يرفع المصاحف علي أسنة الرماح ويكذب وينافق ويحنث بالقسم ! فتصدوا لهولاء إن كان يهمكم أمر دينكم ! هل تذهب غيرتكم علي الدين في إجازة أم تدخل بياتا شتويا وأنتم ترون البشير وطقمته يشوهون دينكم ويتاجرون بعقيدتكم !! هيا تصدوا لهولاء وصوبوا سهامكم نحوهم .............

شكراً كمال عباس ..

Quote: قطعاً يا بريمة لو ما بصلي ما حا أقول ليك ولو بصلي برضو ما حا أقول ليك

ياريت لو الأستاذ نقد قال نفس كلامك أعلاه للظافر

وبيكون احسن لو قال ليهو : ما شغلك

ولو كنت مكان نقد لكانت أجابتي مثل ما قلت في بوست لي حول الموضوع

نعم : تيسير عووضة فتاة من نور ومن وعي
وكذلك عزاز شامي
هن البنات اللاتي بهن نحلم
من أجل سودان جديد
سودان الوعيي

يا أبو ساندرا ..

Quote: ياريت لو الأستاذ نقد قال نفس كلامك أعلاه للظافر وبيكون احسن لو قال ليهو : ما شغلك ولو كنت مكان نقد لكانت أجابتي مثل ما قلت في بوست لي حول الموضوع

نقد كان ممكن ببساطة يمرق نفسو من زقاقات السؤال البايخ دا ويلف ويدور
أو يقول إنو هسي جاي من صلاة المغرب

لكنو رمى القفاز للسائل جهراً (وللمتسائلين سراً)
ولم يلتقطه أحد !

وأجاب إجابة تتميز - في رأيي الشخصي - ببعد نظر كبير
والكلام دا ثمارو لن تؤتي أُكلها في حينه

حتحتاج مدة زمنية
زي ما الإسلاميين عملو غسيل مخ للشعب السوداني في التلتين سنة الفاتوا
السودان حيرجع زي ما كان وحترجع للدين هيبتو وقدسيتو المختطفة بواسطة الإسلاميين
بعد عشرة عشرين قول تلتين سنة


لكن حيحصل

Quote: نعم : تيسير عووضة فتاة من نور ومن وعي وكذلك عزاز شامي هن البنات اللاتي بهن نحلم من أجل سودان جديد سودان الوعيي

يسلم سودان الوعي

اللي أنا وإنت وعزاز والآلاف الأحسن مننا بي كتير قاعدين يبنوهو


وكلنا حنبنيهو
البنحلم بيهو يوماتي ..

تيسير سلامات

اسمحي لي بالاختلاف معك جملة وتفصيلا في هذا الأمر ؛ رغم نبل دوافعك؛ فمحمد ابراهيم نقد ليس كما تصفين؛ وموقفه ليس واضحا كما تصفين ؛ وانما هو العكس تماما :

Quote: نقد كان أصدق من الجميع وأعمق من الجميع حين أراد بجملة من كلمتين أن يقول: أن الصلاة ليست مقياساً لنجاح القادة السياسيين أو فشلهم على المستوى المهني ودونكم (أبّان غُرر) يا قول حبوبتي وليس من شروط المرشح الرئاسي أن يكون صلاياً قراياً

لم يقل نقد هذا الكلام اطلاقا؛ بل قال : انا ما عايز اكذب - انا حاليا لا اصلي .. وبذلك سمح للمقدم ان يدخل قضايا الصلاة في الحياة العامة؛ كما انه بقوله حاليا يعني انه سيصلي في المستقبل؛ وهو ايضا ادخال لقضايا العقيدة في السياسة؛ كما ان كلمة ما داير اكذب اعتذارية واصلا هو غير ملزم بالاجابة على هذا السؤال ليكذب او لا يكذب . ناهيك عن ان تكون اجابته كما وصفتيها.

Quote: وحين أراد أن يعطي الأجيال الهسة والجايين درساً في الصدق مع النفس قبل رياء الناس فلو كان نقد فعلاً لا يصلي (وهذا شأنه وربه) وجميع من حوله يعرفون ذلك وسئل مثل ذلك السؤال وكان رده بالإيجاب فسيكون حينها محض كذاب !

نعم نقد كذاب وان كان ليس في هذه وانما في اخواتها؛ فنقد كذاب حين يقول ان الماركسية ليست ملحدة؛ وهو يحتال حين يسكت على اشاعات حواريه أنه كان يؤم الصادق المهدي ومحمد عثمان الميرغني وغيرهم في السجن؛ وهو كذاب عندما يقول انه ليس هناك ملحد واحد في الحزب الشيوعي .. ولا يقلل من كذبه هذا اعترافه انه لا يصلي؛ ما لم يكن متسقا مع نفسه ويوضح اما ايمانه بالماركسية والتي هي فلسفة الحادية بامتياز ؛ او قطعه معها ويوضح بالضبط ماذا قطع معها ولماذا ..

Quote: ويبدو لي رئيس الجمهورية أحسن يكون ما بيصلي وصادق من يكون كــــذاب !!

أنا ايضا لا يهمني ان يكون بيصلي او لا يصلي ولكن يهمني صدقه؛ ونقد كاذب مثل البشير تماما؛ وقد اثبتنا كذبه اكثر من مرة .

Quote: كوني أحد أفراد هذا الشعب أقف لك إحتراماً يا نقد سواء كنت تصلي أو لا تصلي لأنك لم تخدعني ولم تغشني باسم الدين ولأنك لم تتغول على حقي في المال العام وتسرق وأنت طالع من صلاة الضهر وتقبض الرشوة باليمين ويدك ماسكة السبحة بالشمال

وأنا كأحد افراد هذا الشعب لا احترم محمد ابراهيم نقد الذي يكذب ويحتال في مواضيع مبدئية
والذي يخدع الناس باسم الطبقة العاملة والان باسم الدين وان حزبه ونظريته متصالحة مع الدين وهذا هراء
ولفساده السياسي وضلوعه في انقلابات عديدة ودعمه للدكتاتوريات وتحالفه مع الترابي ودفاعه عن البشير .

Quote: صلاتك لنفسك وصدقك وأخلاقك ومبدئيتك للناخب

بل عدم صلاته لنفسه
وكذبه وعدم اخلاقه وعدم مبدئيته لنفسه أيضا .

وللناخب من نقد شروى نقير

لك التحايا .

كتب عادل عبدالعاطي :

Quote: وأنا كأحد افراد هذا الشعب لا احترم محمد ابراهيم نقد الذي يكذب ويحتال في مواضيع مبدئية

وماذا تساوي قطرة في محيط يعترف بحكمة وعالي مصداقية الأستاذ نقد ؟

سلام يا ابو ساندرا

Quote: وماذا تساوي قطرة في محيط يعترف بحكمة وعالي مصداقية الأستاذ نقد ؟

يا عزيزي اول الغيث قطرة؛ والمحيط نفسه يتكون من قطرات .. وتشككي في مصداقية نقد لم أأت به هكذا - بمزاجي- وانما دعمته بمواقف الرجل الضعيفة والهزيلة فيما يتعلق بالعلمانية وقضية حرية الضمير التي لا تتحمل تلاعبه بها وتصريحاته من نوع ليس هناك ملحد واحد في الحزب الشيوعي او انهم يعملون لتطبيق مقاصد الشريعة العليا او غيره من هذا الهراء .

لو تذكر فان محمد ابراهيم نقد قد تلجلج لجلجة شديدة عندما سؤئل عن موقفه من العلمانية؛ والتي يتراجع عنها في غير انتظام . للعجب كان رد مبارك الفاضل هنا اقوى من رد نقد؛ فانظر الى انحدار نقد في هذا الجانب الى اين وصل؛ في وقت اصبحت بعض القوى القديمة تدافع عنها علنا؛ وتأمل .

يا عبد الرحمن تراجعات وهزال امثال نقد تضرنا كتيار ديمقراطي وعلماني؛ فكثير من الناس - هذا المحيط الذي تحدثت عنه - يظنون نقد رمزا لليسار والعلمانية في السودان؛ فلما يسقط مثل هذه السقطات ويقدم مثل هذه التراجعات يكون ذلك خصما على الخطاب العلماني والتيار الديمقرلطي في السودان؛ وليس فقط خصما على حساب الشيوعيين فقط .

لذلك فان ابعاد امثال نقد من تمثيل التيار العلماني وايضاح تخاذلهم اصبح ضربة لازب؛ حتى لا ندلق مويتنا على رهاب .

سلام أخي عاطف عمر

Quote: ( المسلم ) المجاهر بمعصية خالقه في أمر هو عماد الدين وهو أول ما يسأل عنه يوم القيامة .و( المسلم ) الذي ( يصوم ويصلي ويحفظ القران بالروا يات السبع!! ) وهو مع ذلك لا يتورع في ظلم العبادالسؤال الأهم يا كمال متى نتجاوز هذه ( الثنائيات ) التي ورطتنا تفكيرنا فيها ؟

أراك تعاملت مع إطروحتي بتبسيط مخل مع أنك شخص عميق ولماح -
إنا أتحدث عن ممارسات يتعدي ضررها شخص ممارسها عدم صلاة نقد أمر يخصه ولن يضر أو يفيد غيره -والناس الان تعلم الان علي المستوي الشخصي أين يقف نقد من قضية الصلاة وقبلها أين يقف طرح حزبه من قضية الدين والدولة .........إنتهي
أنا لا أتحدث عن ممارسة شخص يجاهد في التدين بصورة شخصية ويناقض
تدينه بكذب أو بحسد أو زنا!! أنا أتحدث عن خطورة رفع الدين كشعار
علي المستوي السياسي ثم.... ثم سرقة الشعب بإسم الدين وقتل الناس
بإسم الدين ومصادرة الحريات وتكميم الافواه بإسم الدين وتمزيق الاوطان
بإسم الدين والكذب والحنث بالقسم وخرق الدساتير وسلب حقوق المواطنة بإسم
الدين !!!!!! أنهم يضروننا ويقتلوننا بإسم الإسلام وأنهم يشوهون عقيدتك
ودينك وينفرون الناس منه ويربطونه بكل ما هو قبيح !! أنهم يهدمون
القيم والموروث الجميل والتسامح بإسم الدين !!
...... إني يا عاطف أتحدث عن الضرر العام الذي يلحقونه بالوطن بإسم
الدين والضرر والتشويه الذي يلحقونه بالإسلام نفسه !!
.......

سلام أخي عادل عبد العاطي :

Quote: اسمحي لي بالاختلاف معك جملة وتفصيلا في هذا الأمر ؛ رغم نبل دوافعك؛ فمحمد ابراهيم نقد ليس كما تصفين؛ وموقفه ليس واضحا كما تصفين ؛ وانما هو العكس

كلام الاستاذة تيسير ليس دفاعا مطلقا عن نقد وأنما أتي في سياق
محدد وهو دفاع عن مبدأ أكثر من أنه دفاع عن شخص تيسير أرادت توصيل فكرة أن من يرفع الدين شعار ويتمسح بالمقدسات ويتاجر بالإسلام ويستغل الدين لصالح أجندة سياسية ويضر بقضايا الوطن وشعبه بإسم الدين أخطر وأكثر كارثية علينا من شخص لم يصلي أو
يقرن الحج بالعمرة .....
........... عاوزك في البوست الاخر
..........

لن يتغير هولا الذين دخلوا الى الإسلام من باب الحصول على الحسب والنسب والمراتب الرفيعة . أمان هولا بالرسول لان الرسول ((ص)) قرب إليه الفقراء المساكين وحتى أشخاص من أصول غير عربية الشئ الذى يكره هولا فى الإسلام لانهم ببساطة يعتبرون ان العروبة والإسلام مربوطة بخيط متين وقوى لا ينفك أبدا, حتى ان بعضهم يطلب من بعض العجم بتغير أسمائهم للتماشي مع الدين الجديد, وان كانوا قد اعتمدوا على أحاديث ضعيفة ووضعيه وهى (( خير الأسماء ما .. الخ )) ونسوا إن الله سبحانه وتعالى ينظر إلى القلوب لا إلى الأجساد, ان التحول الكبير الذى شهده الاسلام وعودته الى الملوك والحواشي والجواري من جديد بعد اخر الخلفاء الراشدين ودخول دولة بني أميه دليل قاطع عن حب العرب المسلمين إلى الجاه والسلطة وحب الدنيا والنساء وان سفك الدماء وضرب العنق والاتهام بالبطال بالكفر والإلحاد ومستعملين الدين الحنيف الذي سواء بين الناس وحرم مال ودم وعرض المسلم او غيرة وأعطى كل زو حق حقه , ان اختفاء ملك الحبشة الذي لا يظلم عن احد من كتب التاريخ الاسلامى والسيرة والحديث امر يدعوا الى التفكير المستمر فى قراءة جديدة للتاريخ الاسلامى والرسالة اختفى الرجل بمجرد ان منح المسلمين العرب المهاجرين اللجوء والحماية من الفتك والقتل العذاب,الذي نالوها من بني جلدتهم , اول حالة لجوء فى الدنيا يقدمها رجل مسيحي اسود اين ذهب الرجل كيف كانت نهايته الله اعلم المهم ان الرجل اختفى من رادار التاريخ الاسلامى بصورة مريبة وعجيبة , ولم نسمع بان هناك أشراف فى الحبشة من نسل الرجل خرجوا الينا من باطن الارض مطالبين بالحق الشرعي في الخلافة الإسلامية او فى بيت مال المؤمنين , وان كنت انا نفسى لم اسمع بأبناء الرجل السلطان على دينار من كسي بيت الله وسقى واطعم يطعون انفسهم فى مرتبة عليا فى درافور لان جدهم هو من كسى بيت الله الحرام او قدم وفعل وترك,
ان محاولت طمس هوية وتاريخ السودان والمحاولة لجعل الحضارة العربية الاسلامية واللغة العربية نفسها محل حضارات ولغة وتاريخ القيادى التاريخ محمد ابرهيم نقد محاولة فاشلة ولن تفلح ابدا لان ببساطة حضارة محمد ابراهيم نقد أقامت اول مدينة لصناعات الحديد فى العالم وبنت الأهرامات ونقبت عن الذهب وصنعت الساقية والشادوف واخرجة للعالم أساس قوى ومتنين فى اللغة والثقافة والطب والهندسه والصيدلية , وهزم اجداد الرجل جيوش الاسلامين فى رماة الحدق فعادو ورجعوا بصفة تجار مارسوا الخداع والتضليل الى يوما هذا ,
لا يمكن ان يحل الطب الشعبى مكان الطب الحديث ولا يمكن ان يدرس عسكرى النظام العام طالب الجامعة ان امكن ذلك فيمكن ان تحل الحضارة العربية مكان الحضارة النوبية وعلى حضارت البجة والفور والزغاوة والمسليات واهل الانقسنا وكل تلك الحضارات السودانية الضاربة فى الجسور, لان بصراحة الحضارة العربية بعيد عن الدين الاسلامى لا تساوى شياء وانها تحفل بدفن الأطفال وقتل والجواري والسلب والنهب وشراب الخمر ولعب الميسر,
ان اى محاولة لتحريف حديث ابن دنقلا محمد ابراهيم واتهامه بالكفر والفسق والخروج عن كلام الله سوف توجه بضرب الارهاب , وان العالم كله يحارب الارهاب فى كل شبر وركان وعلينا محاربته فى البقوه وفتح المجالات والافاق وتقديم المعلومات الصحيح والارشاد للقوى الإقليمية والدولية للتعاون فى القضاء على الروس الكبار

الانتخابات السودانية هى لانتخاب رئس سوداني يوفر للناس الحرية , الديمقراطية , الوحدة , السلام , العايز امام جامع او امير مؤمنين او خليفة عارف من يلاقى الناس ديل وين , احنا ناس عجم افارقة عندنا سلطان , رث , كبير ناس الحلة , لا نفهم فى المسميات العربية

منطق غريب


مسلم عامل فيها ملتزم - ما ادانا حقنا -
كيف بنا نضمن مسلم غير ملتمزم يدينا حقوقنا


واحد من الاتنين اما نقد بصلي وفي الحالة دي بكون كضب وضلل الرائي العام
او انه ما بصلي وهو مسلم
في الحالة دي لن نثق فيه لانه غير منضبط ولم يلتزم اهم اوامر دين اختاره
فكيكف ينضبط في امر دنيتنا

موضوع صلاته ده امر بخصه وربه طالما انه كان بينه وبين ربه اخرجه للعامة ببقى بخص الجميع

كنا لا نريد ان نخوض في هذا الامر وهو له مده منذ حدوثه
لكن التبريرات الفطيرة من البعض
ومحاولتهم تعلية شان نقد عبر تبخيس الاسلام لن نسكت عليها

نقد مسلم اذن مفروض عليه يصلي ويلتزم باوامر الاسلام

كتبت

Quote: ............ إنا أتحدث عن ممارسات يتعدي ضررها شخص ممارسها عدم صلاة نقد أمر يخصه ولن يضر أو يفيد غيره -والناس الان تعلم الان علي المستوي الشخصي أين يقف نقد من قضية الصلاة وقبلها أين يقف طرح حزبه من قضية الدين والدولة ......... ويمكنها وفي ظل هذه المعطيات وأطارمفردات برنامجه أن تحكم له أو عليه

نقد وحزبه كتاب مفتوح الان ومادام الدين يشكل قضيةمحورية لبعض
الناس فلماذا لا يتصدوا للأنقاذ التي تتلاعب به وتتاجر به?

Quote: أنا أتحدث عن خطورة رفع الدين كشعار علي المستوي السياسي ثم.... ثم سرقة الشعب بإسم الدين وقتل الناس بإسم الدين ومصادرة الحريات وتكميم الافواه بإسم الدين وتمزيق الاوطان بإسم الدين والكذب والحنث بالقسم وخرق الدساتير وسلب حقوق المواطنة بإسم الدين !!!!!! أنهم يضروننا ويقتلوننا بإسم الإسلام وأنهم يشوهون عقيدتك ودينك وينفرون الناس منه ويربطونه بكل ما هو قبيح !! أنهم يهدمون القيم والموروث الجميل والتسامح بإسم الدين !! ...... إني يا عاطف أتحدث عن الضرر العام الذي يلحقونه بالوطن بإسم الدين والضرر والتشويه الذي يلحقونه بالإسلام نفسه !!

............

كمال سلامات

Quote: كلام الاستاذة تيسير ليس دفاعا مطلقا عن نقد وأنما أتي في سياق محدد وهو دفاع عن مبدأ أكثر من أنه دفاع عن شخص تيسير أرادت توصيل فكرة أن من يرفع الدين شعار ويتمسح بالمقدسات ويتاجر بالإسلام ويستغل الدين لصالح أجندة سياسية ويضر بقضايا الوطن وشعبه بإسم الدين أخطر وأكثر كارثية علينا من شخص لم يصلي أو يقرن الحج بالعمرة .....

أكيد وقد لاحظت ذلك؛ انها تريد ان تدافع عن فكرة؛ ولذلك اشرت الى نبل دوافعها .. لكنها توسلت لذلك بمثال غير صحيح ؛ وهو مثال محمد ابراهيم نقد وهو رجل يفتقد المصداقية تماما في هذا الجانب ويلعب بالبيضة والحجر ومواقفه رمادية تماما فينا يتعلق بالعلمانية وحرية الضمير والاعتقاد .

لا يمكنني الدفاع عن نقد ؛ لأن مواقفه لا ترقي لمرحلة الدفاع عنها؛ وهو ليس بالرمز المشرق الذي يجعلنا ندافع عنه .

Quote: عاوزك في البوست الاخر

ياتو دا

لك ودي

..........

Quote: ياتو دا

بتاع ترشيح عرمان ياعادل
.........

..........

Quote: ياتو دا

بتاع ترشيح عرمان ياعادل
.........

العزيز عادل ..

Quote: لم يقل نقد هذا الكلام اطلاقا؛ بل قال : انا ما عايز اكذب - انا حاليا لا اصلي .. وبذلك سمح للمقدم ان يدخل قضايا الصلاة في الحياة العامة؛ كما انه بقوله حاليا يعني انه سيصلي في المستقبل؛ وهو ايضا ادخال لقضايا العقيدة في السياسة؛ كما ان كلمة ما داير اكذب اعتذارية واصلا هو غير ملزم بالاجابة على هذا السؤال ليكذب او لا يكذب . ناهيك عن ان تكون اجابته كما وصفتيها.

أنا ما قلت إنو قال، دي محاولة إستقراء مني أنا لما تحتويه عبارته وموقفه من السؤال ..
وكونو إبتدر إجابتو بي (ما عايز أكذب) فدي كفيلة في نظري إني أحترمو جداً ولا إعتذارية ولا شي بالعكس فيها كتير من الشجاعة ..
وبعدين يا عادل ليه ندفن النار بالرماد ونغش نفسنا إنها خمدت؟
موضوع الدين مش الصلاة براها من الحياة العامة غير محسوم لغاية الآن ودا كلو لسببين: الأول جنس كلامك دا ومحاولة قفل النقاش أو تحديد المساحة دي كمساحة غير قابلة للتداول والنقاش (إنت مقتنع لكن القدامك ما مقتنع حتقنعو كيف؟) والسبب التاني هو محاولة التبرير والوقوف على حبلين من مسألة الدين والدولة أو الحياة العامة من قِبل المبرراتية! أقطعوا العرق وسيحوا دمو وأشرحو للناس موقفكم بوضوح
يا قبلوا الأطروحة دي يا ما قبلوها وحينها ما حتفرضوها عليهم بالقوة وعلى الأقل ما حيكون في الإلتباس الحاصل دا وبعدين مسألة وجود الأحزاب العلمانية واليسارية في جزيرة فكرية معزولة عن الجماهير دي ما صحية ..

نقد لما يقول حالياً أبداً ما معناها إنو حيصلي في المستقبل وما تورط الراجل ساي ()

Quote: نعم نقد كذاب وان كان ليس في هذه وانما في اخواتها؛ فنقد كذاب حين يقول ان الماركسية ليست ملحدة؛ وهو يحتال حين يسكت على اشاعات حواريه أنه كان يؤم الصادق المهدي ومحمد عثمان الميرغني وغيرهم في السجن؛ وهو كذاب عندما يقول انه ليس هناك ملحد واحد في الحزب الشيوعي .. ولا يقلل من كذبه هذا اعترافه انه لا يصلي؛ ما لم يكن متسقا مع نفسه ويوضح اما ايمانه بالماركسية والتي هي فلسفة الحادية بامتياز ؛ او قطعه معها ويوضح بالضبط ماذا قطع معها ولماذا ..

خلي الماركسية، كارل ماركس نفسو ما كان ملحد بل رفض أن يوصف بالإلحاد (وسأرجع لهذه النقطة بإستفاضة إن شئت) ماركس كان يعتبر أن الإلحاد حالة مساوية للإيمان الأولى تقول بعدم وجود الله الثانية تقول بوجود الله وفي رأيو الله موجود ولا ما موجود دا ما الموضوع بإعتبار إنو في جدليات أخرى أجدى إنها تتناقش (يعني يا عادل كارل ماركس الإلحاد زاتو ما كان مالي عينو) يبقى نقد لم يكذب حين نفى إلحاد الماركسية وحين نفى وجود ملحدين في حزبه (بالمفهوم الماركسي الجد جد)
وأنا زاتي بقول ليك يا عادل: الماركسية لم تكن فلسفة إلحادية بإمتياز !

Quote: كوني أحد أفراد هذا الشعب أقف لك إحتراماً يا نقد سواء كنت تصلي أو لا تصلي لأنك لم تخدعني ولم تغشني باسم الدين ولأنك لم تتغول على حقي في المال العام وتسرق وأنت طالع من صلاة الضهر وتقبض الرشوة باليمين ويدك ماسكة السبحة بالشمال

Quote: وأنا كأحد افراد هذا الشعب لا احترم محمد ابراهيم نقد الذي يكذب ويحتال في مواضيع مبدئية والذي يخدع الناس باسم الطبقة العاملة والان باسم الدين وان حزبه ونظريته متصالحة مع الدين وهذا هراء ولفساده السياسي وضلوعه في انقلابات عديدة ودعمه للدكتاتوريات وتحالفه مع الترابي ودفاعه عن البشير .

نقد لم يخادع ولم يغش باسم الطبقة العاملة والدين
بل أنه وحزبه دفعوا ولا زالوا يدفعون ثمن موقفهم من الدين والدولة
وعليك الله ما تخليني أبقى ملكية أكتر من الملك في دفاعي عن الحزب الشيوعي وأمينو

يا شيوعيين هوي
تعالوا إتصرفوا مع عبد العاطي دا

عزيزنا عاطف عمر ..

Quote: شكراً جزيلاً عزيزي العوض دخلت لأقول كلاماً بنفس معنى ما ذهبت إليه فوجدتك قد قلت ما أريد وزيادة الشكر يمتد بالطبع للعزيزة تيسير أن أتاحت لك الفرصة لتبين هذا

الكلام ليس تقليلاً من شأن الصلاة أو إستخفافاً بها


أولويات وقناعات الناخبين تختلف يا عاطف

لذلك تكلمت عن نفسي حين قلت:


أنني أحترم نقد
وأن صلاة نقد لنفسه
وأخلاقه وصدقه ومبدئيته لي كناخبة



ألف مرحب بيك ..

Quote: لن يتغير هولا الذين دخلوا الى الإسلام من باب الحصول على الحسب والنسب والمراتب الرفيعة . أمان هولا بالرسول لان الرسول ((ص)) قرب إليه الفقراء المساكين وحتى أشخاص من أصول غير عربية الشئ الذى يكره هولا فى الإسلام لانهم ببساطة يعتبرون ان العروبة والإسلام مربوطة بخيط متين وقوى لا ينفك أبدا, حتى ان بعضهم يطلب من بعض العجم بتغير أسمائهم للتماشي مع الدين الجديد, وان كانوا قد اعتمدوا على أحاديث ضعيفة ووضعيه وهى (( خير الأسماء ما .. الخ )) ونسوا إن الله سبحانه وتعالى ينظر إلى القلوب لا إلى الأجساد, ان التحول الكبير الذى شهده الاسلام وعودته الى الملوك والحواشي والجواري من جديد بعد اخر الخلفاء الراشدين ودخول دولة بني أميه دليل قاطع عن حب العرب المسلمين إلى الجاه والسلطة وحب الدنيا والنساء وان سفك الدماء وضرب العنق والاتهام بالبطال بالكفر والإلحاد ومستعملين الدين الحنيف الذي سواء بين الناس وحرم مال ودم وعرض المسلم او غيرة وأعطى كل زو حق حقه , ان اختفاء ملك الحبشة الذي لا يظلم عن احد من كتب التاريخ الاسلامى والسيرة والحديث امر يدعوا الى التفكير المستمر فى قراءة جديدة للتاريخ الاسلامى والرسالة اختفى الرجل بمجرد ان منح المسلمين العرب المهاجرين اللجوء والحماية من الفتك والقتل العذاب,الذي نالوها من بني جلدتهم , اول حالة لجوء فى الدنيا يقدمها رجل مسيحي اسود اين ذهب الرجل كيف كانت نهايته الله اعلم المهم ان الرجل اختفى من رادار التاريخ الاسلامى بصورة مريبة وعجيبة , ولم نسمع بان هناك أشراف فى الحبشة من نسل الرجل خرجوا الينا من باطن الارض مطالبين بالحق الشرعي في الخلافة الإسلامية او فى بيت مال المؤمنين , وان كنت انا نفسى لم اسمع بأبناء الرجل السلطان على دينار من كسي بيت الله وسقى واطعم يطعون انفسهم فى مرتبة عليا فى درافور لان جدهم هو من كسى بيت الله الحرام او قدم وفعل وترك, ان محاولت طمس هوية وتاريخ السودان والمحاولة لجعل الحضارة العربية الاسلامية واللغة العربية نفسها محل حضارات ولغة وتاريخ القيادى التاريخ محمد ابرهيم نقد محاولة فاشلة ولن تفلح ابدا لان ببساطة حضارة محمد ابراهيم نقد أقامت اول مدينة لصناعات الحديد فى العالم وبنت الأهرامات ونقبت عن الذهب وصنعت الساقية والشادوف واخرجة للعالم أساس قوى ومتنين فى اللغة والثقافة والطب والهندسه والصيدلية , وهزم اجداد الرجل جيوش الاسلامين فى رماة الحدق فعادو ورجعوا بصفة تجار مارسوا الخداع والتضليل الى يوما هذا , لا يمكن ان يحل الطب الشعبى مكان الطب الحديث ولا يمكن ان يدرس عسكرى النظام العام طالب الجامعة ان امكن ذلك فيمكن ان تحل الحضارة العربية مكان الحضارة النوبية وعلى حضارت البجة والفور والزغاوة والمسليات واهل الانقسنا وكل تلك الحضارات السودانية الضاربة فى الجسور, لان بصراحة الحضارة العربية بعيد عن الدين الاسلامى لا تساوى شياء وانها تحفل بدفن الأطفال وقتل والجواري والسلب والنهب وشراب الخمر ولعب الميسر, ان اى محاولة لتحريف حديث ابن دنقلا محمد ابراهيم واتهامه بالكفر والفسق والخروج عن كلام الله سوف توجه بضرب الارهاب , وان العالم كله يحارب الارهاب فى كل شبر وركان وعلينا محاربته فى البقوه وفتح المجالات والافاق وتقديم المعلومات الصحيح والارشاد للقوى الإقليمية والدولية للتعاون فى القضاء على الروس الكبار الانتخابات السودانية هى لانتخاب رئس سوداني يوفر للناس الحرية , الديمقراطية , الوحدة , السلام , العايز امام جامع او امير مؤمنين او خليفة عارف من يلاقى الناس ديل وين , احنا ناس عجم افارقة عندنا سلطان , رث , كبير ناس الحلة , لا نفهم فى المسميات العربية

أمير جابر


الله عليك ياخي !

وليد المبارك ..

Quote: منطق غريب مسلم عامل فيها ملتزم - ما ادانا حقنا - كيف بنا نضمن مسلم غير ملتمزم يدينا حقوقنا

بل منطقك الأغرب

دا لأنك رابط الإسلام بالإلتزام
والإسلام ولا أي دين عمرو ماكان مرتبط بالإلتزام أو دليل وبرهان على الإلتزام
وإلا ما كنا حنلاقي رجال دين غير ملتزمين أخلاقياً (بيسرقوا ويزنوا ويرتشوا إلخ)
ولا كنا حنلاقي ناس ما عندهم علاقة بالدين لكنهم ملتزمين أخلاقياً للغاية !

الإلتزام والأخلاق دي حاجات بتجي مع الفطرة البشرية
الدين دا إتعمل عشان (يدعم) الأخلاق والألتزام لكن لا يمكن يحل محلها
مفهوم الأديان متعدد
لكن مفهوم الأخلاق والإلتزام واحد عند جميع البشر

Quote: واحد من الاتنين اما نقد بصلي وفي الحالة دي بكون كضب وضلل الرائي العام او انه ما بصلي وهو مسلم في الحالة دي لن نثق فيه لانه غير منضبط ولم يلتزم اهم اوامر دين اختاره فكيكف ينضبط في امر دنيتنا

قالوا الماقدرت على راجلها أدّبت حماها!

Quote: موضوع صلاته ده امر بخصه وربه طالما انه كان بينه وبين ربه اخرجه للعامة ببقى بخص الجميع كنا لا نريد ان نخوض في هذا الامر وهو له مده منذ حدوثه لكن التبريرات الفطيرة من البعض ومحاولتهم تعلية شان نقد عبر تبخيس الاسلام لن نسكت عليها نقد مسلم اذن مفروض عليه يصلي ويلتزم باوامر الاسلام

هو ما أخرجه للعامة براهو
تغول البعض على خصوصيات الناس هو الخلاهو يخرج الموضوع للعامة

لا أحد يريد تعلية شأن مخلوق عبر تبخيس الإسلام أو أي دين
ولكن بالمقابل أيضاً لن نسكت على محاولة تبخيس أرواح البشر تحت ستار الدين ..

Quote: البوست دا والله عينة عدييل .. شوفوا عزاز بتقول فى شنو؟ Quote: ما استفدنا من قال الله و قال الرسول التي ظل الانقاذيون يرددونها و شهدنا قتلهم للآمنين و أكل مال السحت و الكذب و الظلم ومجانبتهم للاسلام روحا و منهجا و عقيدة ... قال رسول الله صلى الله عليه وسلم : "المسلم من سلم المسلمون من لسانه ويده، والمهاجر من هجر ما نهى الله عنه" متفق عليه وديل ما سلم من لسانهم او يد تسلطهم أحد ... أها يا عزاز .. تمى فضلك .. قربتى تقولى الكيزان .. (ما) مسلمين .. أو بالأحرى كفار عدييل .. عليك ربك تم فتواك .. وشوفى لوا ما كسرنا بها الكيزان كما كسروا ناس الحزب الشيوعى وأعدموهم النفس بريمة

بريمة ... بالله ما تسوّق لكلام من راسك أو نتيجة قراية بالاضنين
انا ما كفرت زول وخليك من اني قربت اقول شنو و افتي لي
في عضم كلامي و انو الكيزان بيتاجروا بالدين ...

هو دينا نحن
ونقد منتمي ليه

نحن من نحدد اولوياته .. لا يحددها لنا شخص من خارجه

رسولنا نحن برضو قال بني الاسلام على خمس اولها الصلاة
وقال الصلاة عماد الدين
وقال وقال الكثير

باقي الامور التانية تتشارك فيها جميع الافكار والادينا
عليه
وتبقى منافحة الانقاذ عنها شان عام
كله زول بعمل قدر قدرته
نحن نفعل ما نستطيع
ان اعجبكم او لم يعجبكم

اما امر الصلاة فهو شان يخص المسلمين والمقتنعين بالدين الاسلامي فقط
لا يفتي لنا شخص في ما نحن نؤمن به وهو غير ذلك

هو زاتو زول حاجة ما عنده بيها علاقة يحدد للناس المقتنعين بيها اوياتهم فيها كيف

؟؟؟؟؟؟؟؟؟؟؟؟؟
كلام غريب
وابوية غريبة برضو

..............
المعضلة التي تقع فيها بعض الكوادر الإسلاموية وهو جهلها بحقيقة أن الاسلام مرفوع في السودان كشعار سياسي وأن الدستور طابعه العام علماني وأنه يكفل رئاسة المسيحي والمراة ويدعو لمساواة الرجل والمراة ويضع الاعلان العالمي لحقوق الانسان كجزء لا يتجزاء من الدستور بل أن المؤتمر يرشح مسيحي وهو الاب - الأسقف قبريال روريج مرشح المؤتمر الوطني في دائرة الكلاكلة - منطقة أغلبهامسلمين ومع هذا لم يجد إعتراضا من هئية علماء السودان أو عضوية الحزب الحاكم أو أسلاموي المنبر ! ......... للذين لازالوا يقبعون في كهوف ماقبل التاريخ راجعوا الدستور وراجعوا مقال الكاتب الاسلاموي الطيب زين العابدين:
والذي تسآل

Quote: فما حال من جاء بغير المسلم نائباً أول لرئيس الجمهورية؟ وجزى الله بعض العلماء خيراً فقد اعترض بعض المستنيرين منهم من أمثال الدكتور يوسف الكودة والشيخ عبد الجليل النذير الكاروري على هذا الجزء من البيان بحجة أنها نقطة حساسة تثير الخواطر وتقود البلاد إلى فتنة ولا ينبغي للهيئة أن تدخل في قضية كهذه ولتترك الأمر للشعب السوداني يختار من يشاء

ويواصل تعليقا علي بيان هئية علماء السودان

Quote: ........وأن المؤتمر الوطني ليس في حاجة للأصوات الوسخانة من السكارى والمخمورين (هكذا!). ولا تعني هذه الفتوى بالطبع أن لا يصوّت المسلمون في الجنوب للدكتور لام كول مرشح رئاسة حكومة الجنوب فهو صديق حميم لقادة المؤتمر الوطني ولا للأسقف قبريال روريج مرشح المؤتمر الوطني في دائرة الكلاكلة! ولو سألت علماء السلطان لوجدوا لك مسوغاً دينياً معقولاً لاستثناء أمثال هؤلاء من فتوى حرمة التصويت لغير المسلم.

........... أذا المواطنة هي المبدأ الذي يحتكم له الناس في التصويت
لا الدين أو العرق أو النوع وذلك بحسب الدستور
ا

الأسقف قبريال روريج مرشح المؤتمر الوطني في دائرة الكلاكلة!

نعم من حق أي شخص الا يصوت لنقد لأنه مسلم عاصي أو لحزب معين
لأنه إسلامي ومن حقنا نحن أن نطالب من يعتبر الدين محورفي السياسة
أن يكون أكثر إتساقا مع نفسه ومبدئيا وموحد لميزانه !!
كيف ترتضي ا لاحتكام لدستو ر ينافي مبادئي الاسلام ?
لماذا تصمت علي ترشيح قسيس في منطقة جلهامسلمون ?
وتظل هذه الاسئلة مفتوحة
..........
.. الكارثة التي تواجه الإسلام ليست في صلاة هذا أو عدم صيام ذاك
[ وأنما تكمن فيمن يشوه الدين ويقتل ويسرق وينهب ويصادر حرية الناس
بإسم الدين !!
وفيمن إتخذ الأسلام سلما للوصول للسلطة وسلاحا لضرب الخصوم وستارا
لحماية الفساد والاستبداد وفيمن وظف نصوص الدين لغير مراد الشارع
وبصورة تتنافي مع مقاصد الدين أو من إستغل الدين لتحقيق إجندة
سياسية ومن مزق وحدة البلاد بإسم المعتقدات ومن يرفع المصاحف علي
أسنة الرماح ويكذب وينافق ويحنث بالقسم ! فتصدوا لهولاء إن
كان يهمكم أمر دينكم ! هل تذهب غيرتكم علي الدين في إجازة أم تدخل
بياتا شتويا وأنتم ترون البشير وطقمته يشوهون دينكم ويتاجرون
بعقيدتكم !! هيا تصدوا لهولاء وصوبوا سهامكم نحوهم ?
أنا لا أتحدث عن ممارسة شخص يجاهد في التدين بصورة شخصية ويناقض
تدينه بكذب أو بحسد أو زنا!! أنا أتحدث عن خطورة رفع الدين كشعار
علي المستوي السياسي ثم.... ثم سرقة الشعب بإسم الدين وقتل الناس
بإسم الدين ومصادرة الحريات وتكميم الافواه بإسم الدين وتمزيق الاوطان
بإسم الدين والكذب والحنث بالقسم وخرق الدساتير وسلب حقوق المواطنة بإسم
الدين !!!!!! أنهم يضروننا ويقتلوننا بإسم الإسلام وأنهم يشوهون عقيدتك
ودينك وينفرون الناس منه ويربطونه بكل ما هو قبيح !! أنهم يهدمون
القيم والموروث الجميل والتسامح بإسم الدين !!
...... إني يا عاطف أتحدث عن الضرر العام الذي يلحقونه بالوطن بإسم
الدين والضرر والتشويه الذي يلحقونه بالإسلام نفسه !!
.......

يعني أنا شغالة من أمبارح أدعي إنو عبد العاطي ما تقع عينو على البوست دا

البوست الجاي حيكون عادل عبد العاطي ارفع يدك عن نقد


وليد المبارك أي زول ما صلى الجمعة في الجامع ما يجينا حايم بي جاي








ـــــــــــــــ
سأعود للرد عليكم جميعاً

Quote: لالا وحياتك يالحبيبة ماقاصدة تصليح لكن أنا اليومين ديل ماكلة (سد الحنك) عشان كدا مابقدر أفتح خشمي وأقول كلامي وبعدين لقيتك معبرة عن دواخلي في كل كلمة قلتيها بداية من العنوان قمت ختيتو وختيت ليهو الايد العاملة (ثم أب) __________ إضافة واجبة عزاز يا أمي زول قال ليك هي فلا نة دي قربت تقول طوالي تديهو الطرشة على الاقل لغاية ماتقولي الكلام الهو قاصد ه

الرد دا بكي بورد راويه العباسي يا تيسير
لانها ما قادره ترد من كومبيوترها

يا تيسير الله يقبل

هاهاهاهاهاهاها

_______________________


المشكلة اتنقلنا بقدر قادر في البوست ده من انه المواطنه هي الحق لكل مواطن في الترشح والحقوق المدنية

لمرحلة تدخلنا فيها في خيارات المواطن وبقينا نملي عليه راينا ونقول ليه

المواطنه هي المبدا الذي يحتكم له الناس في التصويت لا الدين أو العرق أو النوع وذلك بحسب الدستور

ياتو دستور ده بحدد للمصوت خيارات تصويته


؟؟؟؟؟؟؟؟؟؟؟؟؟؟؟؟؟

انتو عاوزين تخمونا ساكت

خيارات التصويت تخضع لقناعة المصوت فقط
ودستوره هو قناعاته فقط حينها
مافي دستور بملي على مواطن انه يصوت وفقا على اي اساس
دي قناعات شخصية مافي جهة عندها حق في املائها

الحق الدستوري عند الترشيح فقط
والمبدا حق المواطنة مبدا مفروض عند الترشيح
ولا شروط تملى على المواطن عند التصويت


العاوز يصوت بدينه يصوت
والعاوز يصوت بقبليته يصوت
والعاوز يصوت بفكره يصوت

دي الدمقراطية البنعرفها
كله موجود وانت تختار ولا حجر على احد


طالما انه كل الخيارات متاحلة
فللمواطن ان يختار حسب قناعته الشخصية

ولا وصايا ولا فرض راي من احد

العاوز يبني يبني على قناعات الناس
موش على فرض وصاية عليه
العاوز الناس ما تصوت وفقا للدين والعرق وخلافه
يقنهم بجدوى ما يدعوه اليه وضلال ما يعتقدون
موش يسفهم معتقداتهم سااااااااااااااااااااكت
يا تصوتوا حسب منظوري ولا انتو جهلة عايشين في كهوف

وصاية وفوقية ما بعدها فوقية


عزييز المواطن
تصويتك ما عنده اي شروط دستورية تحدده
تصويتك مبني على قناعاتك الشخصية والشخصية فقط
طالما انه كل الالوان موجوده
لا احد يملي عليك قناعاتك ويفرض ما يظنه هو صحيح عليك ويلبسه اسم الدستور


هسع الفرق شنو بين اللعب على وتر الدين كذبا
واللعب على وتر الدستور كذبا ايضا

؟؟؟؟؟؟؟؟؟؟؟؟؟؟؟؟؟

تيسير يا عزيزة سلامات

Quote: البوست الجاي حيكون عادل عبد العاطي ارفع يدك عن نقد

تتخيلي يا تيسير لو نقد واشباهه رفعوا يدهم عن الشعب السوداني وكفاهم ما فعلوه بهم؛ الواحد بيشتغل بيهم الشغلة ؟؟


نقد هو اسؤا نموذج لسياسي ولا يممكن الدفاع عنه .

نقد مسلم اذن مفروض عليه يصلي ويلتزم باوامر الاسلام
!!
مفروض من منو ؟ وملتزم دى حانعرفها كيف
ياوليد
بمنطقك اعلاه خليك من نقد
انت اسع مرشح فى دايرتنا وعشان ننتخبك
اول حاجة انت قاعد تصلى ؟
وين وكيف والشافك منو.. دايرين شهود
دايرين اثبات انك اذا كنت بتصلى انو صلاتك دى لوجه الله تعالى وانو خشوعك
وقيامك ليس للناس وما شوفنى ساكت وانو ماعندك مارب اخرى من الصلاة
وضح لينا بالدليل العملى انك ملتزم باوامر الاسلام ما بتكضب مابتسرق مابتشيل
حق زول ..نرجو ان تكون الافادات موثقة ومختومة من الجهات المعنية عشان نديك
صوتنا.

-----

قالوا فى الزمن دا اذا كان المتحدث مجنون خليك اجن منو

كتب الاخ وليدمبارك

Quote: ولا وصايا ولا فرض راي من احد العاوز يبني يبني على قناعات الناس موش على فرض وصاية عليه العاوز الناس ما تصوت وفقا للدين والعرق وخلافه يقنهم بجدوى ما يدعوه اليه وضلال ما يعتقدون موش يسفهم معتقداتهم سااااااااااااااااااااكت يا تصوتوا حسب منظوري ولا انتو جهلة عايشين في كهوف وصاية وفوقية ما بعدها فوقية

ليس هناك وصاية أو أبوية أوأستاذية دي إتهامات مجانية لاتستند
علي معطيات وحيثيات محددة ........أنالم أفرض رؤيتي أو رأي علي
أحد ولم أسلب أحد حق التعبير !! ولكني أمارس حقي في الخلاف والاتفاق
وكل من يطرح وجهة نظر يعلم بالضرورة خضوعها للنقد والتفنيد !!
...... مسألة الدستور القصد من إيرادها هو إثبات أن الدستور الذي
يقال أنه يحتكم للشريعة يكفل الترشيح علي أأساس مبدأ المواطنة
لا معائير الدين !!
مسألة الاختيار والمفاضلة الفردية وإخضاع االمرشح لمعائير الفرد ( لا دا
ما بصلي ما بديهو -ودا مسيحي ما ببصوت ليهو ودي إمراة ودحرامي
وديل الـكيزان اللي بيلعبوا بالدين ) حق الخيارالفردي معروف
بالبداهة وقد أقررته في أكثر من موقع

Quote: نعم من حق أي شخص الا يصوت لنقد لأنه مسلم عاصي أو لحزب معين لأنه علماني

و
-

Quote: والناس الان تعلم الان علي المستوي الشخصي أين يقف نقد من قضية الصلاة وقبلها أين يقف طرح حزبه من قضية الدين والدولة ......... ويمكنها وفي ظل هذه المعطيات وأطارمفردات برنامجه أن تحكم له أو عليه

أقررت بهذا ولكني مارست حقي في إبراز المفارقة والتناقض ووالكيل
بمكيالين وكان هذه النقاط الساخنة
المعضلة التي تقع فيها بعض الكوادر الإسلاموية وهو جهلها بحقيقة أن الاسلام مرفوع في السودان كشعار سياسي وأن الدستور طابعه العام علماني وأنه يكفل رئاسة المسيحي والمراة ويدعو لمساواة الرجل والمراة ويضع الاعلان العالمي لحقوق الانسان كجزء لا يتجزاء من الدستور بل أن المؤتمر يرشح مسيحي وهو الاب - الأسقف قبريال روريج مرشح المؤتمر الوطني في دائرة الكلاكلة - منطقة أغلبهامسلمين ومع هذا لم يجد إعتراضا من هئية علماء السودان أو عضوية الحزب الحاكم أو أسلاموي المنبر ! .........
وهذه
ومن حقنا نحن أن نطالب من يعتبر الدين محورفي السياسة
أن يكون أكثر إتساقا مع نفسه ومبدئيا وموحد لميزانه !!
كيف ترتضي ا لاحتكام لدستو ر ينافي مبادئي الاسلام ?
لماذا تصمت علي ترشيح قسيس في منطقة جلهامسلمون ?
وتظل هذه الاسئلة مفتوحة
..........
.. الكارثة التي تواجه الإسلام ليست في صلاة هذا أو عدم صيام ذاك
[ وأنما تكمن فيمن يشوه الدين ويقتل ويسرق وينهب ويصادر حرية الناس
بإسم الدين !!
وفيمن إتخذ الأسلام سلما للوصول للسلطة وسلاحا لضرب الخصوم وستارا
لحماية الفساد والاستبداد وفيمن وظف نصوص الدين لغير مراد الشارع
وبصورة تتنافي مع مقاصد الدين أو من إستغل الدين لتحقيق إجندة
سياسية ومن مزق وحدة البلاد بإسم المعتقدات ومن يرفع المصاحف علي
أسنة الرماح ويكذب وينافق ويحنث بالقسم ! فتصدوا لهولاء إن
كان يهمكم أمر دينكم ! هل تذهب غيرتكم علي الدين في إجازة أم تدخل
بياتا شتويا وأنتم ترون البشير وطقمته يشوهون دينكم ويتاجرون
بعقيدتكم !! هيا تصدوا لهولاء وصوبوا سهامكم نحوهم ?
أنا لا أتحدث عن ممارسة شخص يجاهد في التدين بصورة شخصية ويناقض
تدينه بكذب أو بحسد أو زنا!! أنا أتحدث عن خطورة رفع الدين كشعار
علي المستوي السياسي ثم.... ثم سرقة الشعب بإسم الدين وقتل الناس
بإسم الدين ومصادرة الحريات وتكميم الافواه بإسم الدين وتمزيق الاوطان
بإسم الدين والكذب والحنث بالقسم وخرق الدساتير وسلب حقوق المواطنة بإسم
الدين !!!!!! أنهم يضروننا ويقتلوننا بإسم الإسلام وأنهم يشوهون عقيدتك
ودينك وينفرون الناس منه ويربطونه بكل ما هو قبيح !! أنهم يهدمون
القيم والموروث الجميل والتسامح بإسم الدين !!
...... إني يا عاطف أتحدث عن الضرر العام الذي يلحقونه بالوطن بإسم
الدين والضرر والتشويه الذي يلحقونه بالإسلام نفسه !!
....... ))
وليقيني أن البعض يرفع الاسلام كشعار ويزائد علي الاخريين ويبتزهم
بكرت الديني في وقت يتلاعب فيه بالمقدسات وينتهكها علي مستوي الدولة
أويبرر أو يدافع أو يصمت علي من يفعل هذا طرحنا هذه النقاط الملتهبة
............

مرحب عمر ادريس

هسع انت قايل روحك افحمتني ؟؟

Quote: مفروض من منو ؟

مفروضة من اله الاسلام المنتمي ليه نقد

Quote: وملتزم دى حانعرفها كيف

ما عاوزين نعرفها
ولا حا نسكوا بيها ونقول ليه صلي لينا في التلفزيون
لكن هو لوحده تبرع وقال في تلفزيون عام انع مسلم غير ملتزم

اها نقعد نغالطه في رحو
؟؟؟

نقد قال هو ما بصلي
براه

الكلام ده لا قالوا في معتقل ولا قالو في حراسة ولا قاله تحت اكراه وضغت

بالنسبة لسوالك عن صلاتي بقول ليك ما بخصك

وياريت نقد قال لسائله كذلك

Quote: قالوا فى الزمن دا اذا كان المتحدث مجنون خليك اجن منو

نوريك الجن الما خمج
ترفع الصلاة عن ديل الحائض والنفسا ومغيب العقل
اها شن القول

Quote: أراك تعاملت مع إطروحتي بتبسيط مخل مع أنك شخص عميق ولماح - إنا أتحدث عن ممارسات يتعدي ضررها شخص ممارسها عدم صلاة نقد أمر يخصه ولن يضر أو يفيد غيره -والناس الان تعلم الان علي المستوي الشخصي أين يقف نقد من قضية الصلاة وقبلها أين يقف طرح حزبه من قضية الدين والدولة .........إنتهي أنا لا أتحدث عن ممارسة شخص يجاهد في التدين بصورة شخصية ويناقض تدينه بكذب أو بحسد أو زنا!! أنا أتحدث عن خطورة رفع الدين كشعار علي المستوي السياسي ثم.... ثم سرقة الشعب بإسم الدين وقتل الناس بإسم الدين ومصادرة الحريات وتكميم الافواه بإسم الدين وتمزيق الاوطان بإسم الدين والكذب والحنث بالقسم وخرق الدساتير وسلب حقوق المواطنة بإسم الدين !!!!!! أنهم يضروننا ويقتلوننا بإسم الإسلام وأنهم يشوهون عقيدتك ودينك وينفرون الناس منه ويربطونه بكل ما هو قبيح !! أنهم يهدمون القيم والموروث الجميل والتسامح بإسم الدين !! ...... إني يا عاطف أتحدث عن الضرر العام الذي يلحقونه بالوطن بإسم الدين والضرر والتشويه الذي يلحقونه بالإسلام نفسه !! .......

حاشا لله أن أتعامل مع أطروحتك بتبسيط أخي كمال
وأنت من الذين أبحث عن مشاركاتهم في أى بوست كانت
كنت جاداً للغاية وأنا أدعم كلامي بـ أمثلة الثنائيات التي ( تكبل ) تفكيرنا ، وعينا لذلك أو لم نعيه.
لا أختلف معك ولن تجد عاقلاً يختلف معك في النتائج الكارثية لـ ( الضرر العام الذي يلحقونه بالوطن بإسم الدين والضرر والتشويه الذي يلحقونه بالإسلام نفسه ) ، لكن هذا لم يكن موضوع البوست لولا ( الثنائيات ) التي ترتبط إرتباطاً لا فكاك له بتفكيرنا .
موضوع البوست هو ( وماذا إن لم يصلي نقد؟ )
الأستاذ نقد يا كمال إن لم يكن فعلاً يصلي فهو في مشكلة كبيرة وكبيرة جداً
مشكلة مخالفته لأصل وللغرض الأساسي لوجوده في هذه الحياة الدنيا
ليس بخاف عنك قول الحق عز وجل " وما خلقت الجن والإنس إلا ليعبدون "
وليس بالطبع خاف عنك أن الصلاة هى عماد دين الإسلام وأصل العبادة
الأولى والأسلم أن يتفرغ إذاً لحل مشكلته التي تواجهه بدلاً عن التصدي لحل مشكلات السودان

__________________

يحضرني في هذا المقام قصة معبرة أوردها زميلنا في البورد الدكتور أحمد مصطفى الحسين

عندما حكمت محاكم نميرى بإعدام الأستاذ محمود محمد طه وأثناء وجوده في السجن زاره وفد من كبار شخصيات المجتمع السوداني ( فتح الرحمن البشير / خليل عثمان وآخرين) - لست متأكداً تماماً من الأسماء - وطلبوا موافقته أن يقوموا بوساطة مستغلين فيها علاقتهم المميزة بالرئيس جعفر نميري ، وساطة تكون نتيجتها إلغاء حكم الإعدام وإنقاذه من حبل المشنقة . فاجأهم الأستاذ محمود برفضه لمبدأ الوساطة وفاجأهم أكثر بقوله .

" بدلاً أن تهتموا بأمري ، اهتموا بأمر أنفسكم ، وحلوا مشكلتكم قبل أن تأتوا لحل مشكلتي . فأنتم في مشكلة كبيرة لأنكم حتى الآن لم تقتنعوا بـ ولم تلتزموا الفكرة الجمهورية " أو كما قال

لن يغيب بالطبع عن فطنتك أن إيراد هذا المثال لا يعني بالضرورة إتفاقي بما كان يعتقده الأستاذ محمود من أفكار .
لكنني أوردت المثال للتدليل على أن من يتصدى للعمل العام أو ليحل ( مشاكل الآخرين ) أن يكون قد أوفى حق نفسه في حل مشاكله الأساسية .

شكرا لك يا عزيزي عاطف و ها أنت قد رددت التحية بأحسن منها و عبرت عني بأفضل مما أستطيع. فسؤال الأخت تيسير مباشر (و ماذا إن لم يصل نقد؟) و أظل أؤكد أن كلامي هنا ليس عن الأستاذ نقد تحديدا فلسنا في مقام الحكم على شخص بعينه... أقول إن سؤال الأخت تيسير كان محددا و مباشرا فلا يعقل أن تكون الإجابة عليه طيب ما الكيزان حرامية أو لماذا لم تصوبوا سهامكم نحو الجهة الفلانية؟ نحن هنا لم نصوب سهامنا على الأستاذ نقد... كل ما أردنا أن نقوله إن هناك جانبان للقضية الجانب العام المتمثل في أن الشخص المترشح لرئاسة الجمهورية ليس مترشحا في منبر سودانيز أونلاين بل هو مرشح هناك على الأرض و يحتاج أن يقنع الناس هناك و تقديري أن موضوعا كموضوع الصلاة يعتبر أمرا ذا شأن عند كثير من هؤلاء الناس الذين يحتاج لإقناعهم. و الجانب الآخر الشخصي و هو أنه من المهم لكل مسلم أن يلتزم بهذا الركن من الدين و إذا كان الشخص موضوع النقاش يهمك أمره فلا بد أن تقلق إن عرفت أنه لا يداوم على صلاته... يعني هسع يا جماعة زول يقولو ليهو أبوك قال ما بصلي يقوم يقول ما مشكلة المهم قاعد يديني مصاريفي؟ دا تفكير أناني و عجيب جدا و الأعجب منه أن يكون الرد طيب أبو فلان ما قاعد يصوم ذاته. و برضو مرة تانية أقول دا تقديري شخصي.
بنفس القدر الذي أستنكر به السؤال من أصله للأستاذ نقد أجد في نفسي ضيقا شديدا من محاولة البعض هنا توجيه نفس السؤال للأخت تيسير.

سلام ياعزيزي العوض

Quote: شكرا لك يا عزيزي عاطف و ها أنت قد رددت التحية بأحسن منها و عبرت عني بأفضل مما أستطيع. فسؤال الأخت تيسير مباشر (و ماذا إن لم يصل نقد؟) و أظل أؤكد أن كلامي هنا ليس عن الأستاذ نقد تحديدا فلسنا في مقام الحكم على شخص بعينه... أقول إن سؤال الأخت تيسير كان محددا و مباشرا فلا يعقل أن تكون الإجابة عليه طيب ما الكيزان حرامية أو لماذا لم تصوبوا سهامكم نحو الجهة الفلانية؟ ........

في الحقيقة إن محاولة شدالانتباه لإنتهاك جاءت لمن ينطبق عليه القول
( عجبا لكم تقتلو ن الحسين حفيد الرسول ثم تتسآلون عن حرمة سفك
دم البعوض في الاشهر الحرم !! ) كلامي موجه للكيزان وأذنابهم ومن
يناصرهم ومن يصمت علي فظائعهم وإنتهاكهم للمقدسات وإستغلال الدين
لأغراضهم الخاصة والمتاجرة بالإسلام وأرتكاب الكوارث بإسمه وهي قضية
أراها مفصلية ولكن إثارتي لها ليست بغرض المزائدة علي المسلمين
الغيورين علي دينهم والمجاهرين بكلمة الحق والمتصدين بقوة لأستبداد
وفساد الكيزان وعبثهم بالمقدسات- فهولاء لا أتهمهم بعدم الاتساق والكيل
بمكيالين ومن حقهم الاختلاف مع ما أعلنه الاستاذ نقد
.............

و عليكم السلام الأخ العزيز كمال... شكرا ليك على التوضيح و أنا قد توقعت أن يكون هذا قصدك لكن أحببت أن أوضح قصدي من مداخلتي.
أتفق معك إلى حد بعيد في مسألة الأولويات.... يعني لا يعقل أن نصمت على ظلم قائم كانت نتيجته ما نراه من خراب و دمار و فقر و جهل أصاب بلادنا لننقب عن صلاة فرد. و من لم يصل فقد ظلم نفسه و حسابه عند ربه لكن من ظلم الناس فلن يقبل الله توبته حتى يعيد الحقوق لأهلها و ينال عفوهم. كلما دار النقاش عن مثل هذه الأشياء أتذكر خطبة د. الحبر في صلاة الجمعة التي تلت مجزرة ضباط رمضان حيث ذكر فيها حديثا سمعته لأول مرة يومها (لا يزال المسلم في فسحة من دينه ما لم يصب دما حراما فإن أصاب دما حراما بلَّح) فجرائم الإنقاذ لا يحصيها العد.

ياسر طيفور

Quote: Quote: معقولة يا تيسير تفقدى وقفتى معك يوم الأخرة للحاضرة .. ! عليك الله يا بريمة، الواحد لو مات -ضحكاً- من كلامك ده موش مفروض تُكتب ليهو الشهادة؟

يا أخى أنت همك كله كيزان وشيوعيين وأنتخابات .. وبالأحرى أمر دنيا ..

هل تعلم يوم الموقف العظيم كما ندافع عن بعضنا هنا .. نرافع عن بعضنا هناك ..
هناك مافى كيزان .. هناك فى سيدنا مالك خازن النار .. البشير ما بلحقو فى الشدة ..
أحسن ليكم تخافوا من مالك .. بدل تخليكم عن الدين حردان ساكت ضد سلوك الكيزان ..


وللعلم نحن شهداء على ما فعله الكيزان بالشعب السودانى يوم الأخرة ..


جهز شهادتك يا ياسر طفيور .. عشان ما يبطبطوا ويطلعوا مننا هنا وهناك ..


بريمة

عزاز

Quote: بريمة ... بالله ما تسوّق لكلام من راسك أو نتيجة قراية بالاضنين انا ما كفرت زول وخليك من اني قربت اقول شنو و افتي لي في عضم كلامي و انو الكيزان بيتاجروا بالدين ...

ليه يا عزاز زى ما يعملوا الكيزان مجلس أفتاء .. عشان يفتوا فى الشيوعيين والعلمانين واليسار عموماً ومحمد أبراهيم نقد .. ليه لا يتبنى اليسار نفس خط الفتيه وتأسسوا مجلس أفتاء .. يفتى فى الكيزان كما يفتوا هم فى الأخرين. وتطلعوا فتاوى ضد فتاويهم

وهنا فقط .. يستطيع الشعب السودانى يحكم .. أى فتية أصلح.

حسى أنتم راقدين لهم بيش وهم يجلدوا فيكم بفتاويهم .. لمتين؟

بريمة

في البدء كانت الحيله والمكر والخداع لان الاصل في برنامج السيد المشؤم حنيين هذا جزء من دعايه المؤتمر الوطني لاحراج القوي السياسيه حسب مشروع التسطيح الفكري والسياسي الذي عملت له الحركه الاسلاميه (وتسميه الاشياء باسمائها من باب الفضل ) فهم الذين اعتمد خطابهم علي اسئله علي شاكله ,بتصلي ,بتصوم ,متوضي ,الي اخره من الاسفاف ..ففعل الاستاذ نقدخيرا حتي لا يقع في سياق تحالف الهاربين (كما جاء في كتاب الامل في رئاسه الجمهوريه د.عبد الله علبي ابراهيم ) فاذمه الوضع السياسي الراهن والاحتراب والاغتصاب والنهب والفقر والمرض والاضطهادوبابكر حنين وتلفزيونه والطيب مصطفي ,ليس لان من هم علي الحكم قليلي الصلاه ولذلك وجب علي من اراد الرئاسه ان يلتحف عباءه ويتابط (تبروكه) ,العنف في دار فور حشدت له مساجد السلطه بعدالصلاه ,والعنف في الجرافه سالت دمائه بعدالصلاه , وقوافل الهوس الديني ابتدا من صيف العبور الي صيف قهرناالذي حشدت له المساجد واطلق له العنان رئيس (بصلي اليل والنهار ) والنتيجه كم من البوس والجوع والالم (الصلعه المقابله الحر ياحنين ) ...

أخانا بريمة

Quote: يا أخى أنت همك كله كيزان وشيوعيين وأنتخابات .. وبالأحرى أمر دنيا .. هل تعلم يوم الموقف العظيم كما ندافع عن بعضنا هنا .. نرافع عن بعضنا هناك .. هناك مافى كيزان .. هناك فى سيدنا مالك خازن النار .. البشير ما بلحقو فى الشدة .. أحسن ليكم تخافوا من مالك .. بدل تخليكم عن الدين حردان ساكت ضد سلوك الكيزان .. وللعلم نحن شهداء على ما فعله الكيزان بالشعب السودانى يوم الأخرة .. جهز شهادتك يا ياسر طفيور .. عشان ما يبطبطوا ويطلعوا مننا هنا وهناك ..

ربنا سبحانه وتعالى قال عن يوم القيامة: (يوم يفر المرء من أخيه وأمه وأبيه وصاحبته وبنيه لكل امرء منهم يومئذ شأن يغنيه)، بتعرف الفرار يا بريمة؟ فرار من الأخ والأم والزوجة والأبناء، شفت كيف يا بريمة؟ لأنو كل زول عندو شأن يغنيه؛ معقولة أنا أخلي أمي وأبوي وأخواني وأولادي وأجي أفتش لي بريمة، الذي جمعني به صندوق بكري أبوبكر؟
____
ياخ هسي أنا لو لاقيتك في واشنطن دي سي دي مابتعرفني، كمان داير تعرفني يوم الحشر؟

تيسير وطيفور

عملتوها لينا قيامة ؟؟؟؟

خلاس بى هنا صففرت ؟








ـــــــــــــــــــــــ
طيفور افتكر الساعتين انتهو ..
تكون قاصد ( الساعة) الهنا دى ؟؟

يالكيزان : الترابى قال مافي عذاب قبر
نقد قال مابصلي
روحو اسالو الترابى
وبعديت تعال حاسبو نقد

الترابي غير مترشح للرئاسة يا سيد بدر الدين

انت كنت نائم ولا شنو ؟

Quote: متخيل إني بتفاصح فصاحتي دي كلها عن جهالة؟ في داعي هسي أنفعل وأقول ليك إني حافظة القرآن ولا قارية كتب الفقه والتفاسير والتاريخ الإسلامي بما توفر عشان تقتنع؟

لا بالله ماتنفعلي وتكوني زي الساسة بتاعننا كل كلامهم انفعالات انفعالك يتناقض مع مضمون البوست

بركاتك ياشيخة تيسير وماتنسينا من صالح الدعوات


تحياتي

زاتوووو

Quote: مفروض من منو ؟ وملتزم دى حانعرفها كيف ياوليد بمنطقك اعلاه خليك من نقد انت اسع مرشح فى دايرتنا وعشان ننتخبك اول حاجة انت قاعد تصلى ؟ وين وكيف والشافك منو.. دايرين شهود دايرين اثبات انك اذا كنت بتصلى انو صلاتك دى لوجه الله تعالى وانو خشوعك وقيامك ليس للناس وما شوفنى ساكت وانو ماعندك مارب اخرى من الصلاة وضح لينا بالدليل العملى انك ملتزم باوامر الاسلام ما بتكضب مابتسرق مابتشيل حق زول ..نرجو ان تكون الافادات موثقة ومختومة من الجهات المعنية عشان نديك صوتنا. ----- قالوا فى الزمن دا اذا كان المتحدث مجنون خليك اجن منو

فجراوي يا حبيب

اسئلة متناسلة من السؤال الرئيسى لمحكمة التفتيش العليا

طالما انك اديت سؤال الصلاة مشروعية العلن

البمنع شنو اننا نراقبك في حركاتك و سكونك انك ماشى في درب الصراط المستقيم بدون لخبتة

ما انحنا في الاصل عندنا تفويض سامي لمراقبة العبد الفقير ضد شرور نفسه

بعدين لمن ننتخبك

كل يوم تجي تصلي المغرب حاضر في التلفزيون القومي و على الهواء مباشرة

هي الشغلانية لعب؟

Quote: كتيرين جداً رأيهم من رأيك ودا سبب فتح البوست دا عشان الناس ما تتخما ساي بتكفير المتشنجين ..

تكفير المتشنجين؟؟؟؟!!!!

الناس مين الحيخموك بي تكفير المتشنجين؟؟؟


ترك الصلاة دا فيهو كلام كتير.. في فقهاء قالوا بكفر المجاهر بها وفي فقهاء قالوا يفسق تاركها



شوفي يا بتنا...

موضوع الصلاة قضية مركزية في الدين بل هي عماد الدين

وهي الصلة بين العبد وربة.. في صلاة في صلة مع الرب مافي صلاة مافي صلة

والسلوك العام بتاع الشخصية السودانية العادية هو الاتزام بالصلاة والايمان بيها..

والاصل في الدين هو الاخذ بالظاهر (اذا رأيتم رجلا يرتاد المساجد فاشهدوا له بالايمان)
حديث شريف


طبعا دا هو خط التدين العام بدون تشدد ..







..

Quote: شوفي يا بتنا... موضوع الصلاة قضية مركزية في الدين بل هي عماد الدين وهي الصلة بين العبد وربة.. في صلاة في صلة مع الرب مافي صلاة مافي صلة والسلوك العام بتاع الشخصية السودانية العادية هو الاتزام بالصلاة والايمان بيها.. والاصل في الدين هو الاخذ بالظاهر (اذا رأيتم رجلا يرتاد المساجد فاشهدوا له بالايمان) حديث شريف طبعا دا هو خط التدين العام بدون تشدد ..

الاخ حذيفة الكباشي

في راي الشخصي ان مسالة التدين او عدمه ليست قضية اساسية في عملية انتخاب المرشح في جمهورية السودان
او بالصح يجب الا تكون اساسية

و هذه واحدة من حسنات الدستور العلماني الذي لا يفرق بين المتدين و غير المتدين في السياسة

فعند محاسبة الوزير مثلاً
لا نساله ان كان قد ادى صلواته كاملة غير منقوصة ام لا

بل نساله ان وفر للمريض العلاج ام لا

و استخدم اموال الدولة فيما ينفع العامة ام لا

و هذه الفكرة العلمانية ليست مقتاً للدين و المتدينين

و انما هي اشاعة لمفهوم المواطنة لا على اساس الدين او العرق او اللون

و صيانة لحقوق كل المتدينيين و اللامتدينيين سواء

Quote: موضوع الصلاة قضية مركزية في الدين بل هي عماد الدين

لا خلاف ان الصلاة قضية مركزية في الدين

و ليست في السياسة


ودي و احترامي

Quote: شوفي يا بتنا... موضوع الصلاة قضية مركزية في الدين بل هي عماد الدين وهي الصلة بين العبد وربة.. في صلاة في صلة مع الرب مافي صلاة مافي صلة والسلوك العام بتاع الشخصية السودانية العادية هو الاتزام بالصلاة والايمان بيها.. والاصل في الدين هو الاخذ بالظاهر (اذا رأيتم رجلا يرتاد المساجد فاشهدوا له بالايمان) حديث شريف طبعا دا هو خط التدين العام بدون تشدد ..

شكراً يا حذيفة على إعادة ما هو معلوم بالضرورة عند معظم المسلمين
رغم عدم إنكار وجوب وأهمية الصلاة من ناحية الدين
ولكن ناحية الترشح الدين كلو كدا على بعضو بعماده ولبه وما هو مركزي فيه
ليس شرطاً من شروط أهلية المرشح ..
ولسوء الحظ على أيامنا هذه لم يعد بياناً بالعمل (وليس بالقول الذي إستشهدت به)
على (إيمان) و حسن أخلاق المرء ..

عرفت أنا بتكلم عن شنو ولا لسة؟

والله قامت بيكم بس يا شيوعين

اها انا ما بجي اصلي المغرب في التلفزيون انت ما تنتخبي

وانا ما بنتخب نقد ومعاي كتار عشان قال ما بصلي كلو كلو


يا زول نقد طبزها
جرستكم دي ما بتلتقها

Quote: والله قامت بيكم بس يا شيوعين اها انا ما بجي اصلي المغرب في التلفزيون انت ما تنتخبي وانا ما بنتخب نقد ومعاي كتار عشان قال ما بصلي كلو كلو يا زول نقد طبزها جرستكم دي ما بتلتقها

شوف يا الوليد...


الشيوعين ديل عايز ما يصلوا ويسكروا ويجاهرا بالحاكاية دي في نفس الوكت عايزين الناس يصوتوا ليهم و ما يتحسسوا من الحتة دي

بعدين هم بحبوا التباكي بموضوع التكفير دا ويوم المنا عندهم


بذكروني بي تباكي اليهود بتاع المحرقة
















..

الاخ حذيفة ازيك تاني

ما رايك في ترشيح الاسقف قبريال روريج عن المؤتمر الوطني

هنا

الأسقف قبريال روريج مرشح المؤتمر الوطني في دائرة الكلاكلة!

راي الشخصي ان هذا الترشيح يتناقض مع سياسة حزب المؤتمر الوطني الداعية الى الجهاد ضد غير المسلمين و اذلالهم و هضم حقوقهم و اعتبارهم مواطنين من الدرجة الثانية بتشريع و تجييش قوات النظام العام و الدفاع الشعبي.فترشيحه لا يخلو من انتهازية الطرفين ... الاسقف و المؤتمر الوطني

و لكن

الاسقف قبريال روريج له كامل الحق في الترشح حتى لرئاسة الجمهورية دستورياً

و للمؤتمر الوطني الحق في ترشيح من يراه مناسباً غض النظر عن دينه


ماذا تقول؟

ولا في مقارنه


الاسقف قبريال ملتزم اوامر دينة لحدي ما بقى اسقف - يعني درجة امام جامع عندنا -

نقد ما التزم اوامر دين ارتضاه طواعية وهو قال كده بعضمة لسانه

الفرق كبير

نوريكم الجن الجدد

Quote: ولا في مقارنه الاسقف قبريال ملتزم اوامر دينة لحدي ما بقى اسقف - يعني درجة امام جامع عندنا - نقد ما التزم اوامر دين ارتضاه طواعية وهو قال كده بعضمة لسانه الفرق كبير نوريكم الجن الجدد

الأخ وليـد
السـلام عليكم
أرجـو أن تبتعـد عن الانفعال الذي يجعـل قناعتك
بحـق الأسـقف ( درجة امام ) في الترشـح لدى
المسـلمين في ســرج واحــد مع نقـد
لأن الاســلام من وجهة النظر التي تحاكم نقـد يفيد
بأن لا دين بعـد رسـالة سـيدنا محمد صلى الله عليه وسـلم
,وأن الكتابي لا يتولى أمر المسـلمين لا في قضاء ولا غيرو
بل بعض المدراس تعتبرهم كفار

Quote: الأخ وليـد السـلام عليكم أرجـو أن تبتعـد عن الانفعال الذي يجعـل قناعتك بحـق الأسـقف ( درجة امام ) في الترشـح لدى المسـلمين في ســرج واحــد مع نقـد لأن الاســلام من وجهة النظر التي تحاكم نقـد يفيد بأن لا دين بعـد رسـالة سـيدنا محمد صلى الله عليه وسـلم ,وأن الكتابي لا يتولى أمر المسـلمين لا في قضاء ولا غيرو بل بعض المدراس تعتبرهم كفار

عبد الله إحيمر ..

المواطنة قبل الدين

الأسقف قبريال عندو في الوطن زي العند أي إمام جامع مسلم
عدم إسلامه لا ينقصه شيء
وإسلام ذلك لا يزيده شيء

دستور السودان بيقول كدا
لو الكلام دا ما لقى قبول عندك
ممكن تمشي تطلب لجوء ديني في مكة المكرمة ..

Quote: هو دينا نحن ونقد منتمي ليه

دينكم إنتو ونقد منتمي؟

Quote: نحن من نحدد اولوياته .. لا يحددها لنا شخص من خارجه رسولنا نحن برضو قال بني الاسلام على خمس اولها الصلاة وقال الصلاة عماد الدين وقال وقال الكثير باقي الامور التانية تتشارك فيها جميع الافكار والادينا عليه وتبقى منافحة الانقاذ عنها شان عام كله زول بعمل قدر قدرته نحن نفعل ما نستطيع ان اعجبكم او لم يعجبكم اما امر الصلاة فهو شان يخص المسلمين والمقتنعين بالدين الاسلامي فقط لا يفتي لنا شخص في ما نحن نؤمن به وهو غير ذلك هو زاتو زول حاجة ما عنده بيها علاقة يحدد للناس المقتنعين بيها اوياتهم فيها كيف ؟؟؟؟؟؟؟؟؟؟؟؟؟ كلام غريب وابوية غريبة برضو

وليد للأسف بديت تعرض برة الدايرة تماماً

منو الإتكلم عن أولويات الدين؟
ومنو القال جيبوا لي أدلة وجوب الصلاة لأني ما مقتنع بيها
عشان تقول الصلاة عماد الدين وبدر الدين؟



البوست دا عن أولويات الناخب
وتحديداً أولوياتي (أنا) كناخبة ومن إتفق معي


عايز ترشح مسلم ما بيرفع راسو من المصلاية دا شأنك
ومافي زول يقول ليك تلت التلاتة كم لكن محاولة تكفير نقد وغيره
وحرمانه من حقه الذي يكفله له الدستور البيمشي على الكل دي ما بتلقوها

ما تفنجطوا ساي

كمال عباس ..

Quote: المعضلة التي تقع فيها بعض الكوادر الإسلاموية وهو جهلها بحقيقة أن الاسلام مرفوع في السودان كشعار سياسي وأن الدستور طابعه العام علماني وأنه يكفل رئاسة المسيحي والمراة ويدعو لمساواة الرجل والمراة ويضع الاعلان العالمي لحقوق الانسان كجزء لا يتجزاء من الدستور بل أن المؤتمر يرشح مسيحي وهو الاب - الأسقف قبريال روريج مرشح المؤتمر الوطني في دائرة الكلاكلة - منطقة أغلبهامسلمين ومع هذا لم يجد إعتراضا من هئية علماء السودان أو عضوية الحزب الحاكم أو أسلاموي المنبر ! .........

المصريين بيقولوا اللي تغلبو إلعبو
أو اللي تكسب بيهو ألعب بيهو (بالسوداني)


مصلحتهم مع الإسلام يرفعوا شعار الإسلام
مصلحتهم مع العلمانية يعملوا الدستور علماني ..

راوية ..

Quote: لالا وحياتك يالحبيبة ماقاصدة تصليح لكن أنا اليومين ديل ماكلة (سد الحنك) عشان كدا مابقدر أفتح خشمي وأقول كلامي وبعدين لقيتك معبرة عن دواخلي في كل كلمة قلتيها بداية من العنوان قمت ختيتو وختيت ليهو الايد العاملة (ثم أب)

أنا حالتي قلت البت منجضة العربي
القدر لو قلبوها تطلع البت لأبوها


ماما دوما ..

Quote: الرد دا بكي بورد راويه العباسي يا تيسير لانها ما قادره ترد من كومبيوترها

قلت يا ربي الزولة دي مشت الصين
ولا إنتي مشيتي القاهرة ولا الحاصل شنو بالضبط؟

عاطف عمر ..

Quote: موضوع البوست هو ( وماذا إن لم يصلي نقد؟ ) الأستاذ نقد يا كمال إن لم يكن فعلاً يصلي فهو في مشكلة كبيرة وكبيرة جداً مشكلة مخالفته لأصل وللغرض الأساسي لوجوده في هذه الحياة الدنيا ليس بخاف عنك قول الحق عز وجل " وما خلقت الجن والإنس إلا ليعبدون " وليس بالطبع خاف عنك أن الصلاة هى عماد دين الإسلام وأصل العبادة الأولى والأسلم أن يتفرغ إذاً لحل مشكلته التي تواجهه بدلاً عن التصدي لحل مشكلات السودان

يا عزيزي ..

أنت هنا تربط وبشكل محكم بين صلاح الإنسان دينياً وصلاحه في أمور الدولة
وهذا الكلام ثبت عدم صحته في جميع التجارب التي من حولنا وليس السودان فقط
وتفترض حتى في رئيس السودان المستقبلي أن يكون مصلياً
حتى تقتنع بأهليته لشئون البلاد والعباد وهذا لب الإختلاف
فأنا لا أشترط في رئيسي القادم أن يكون مصلياً كي أضمن رشده
كما وأني لا أشترط (عدم صلاته) كي أضمن رشده أيضاً ..

ببساطة لأن الصلاة عندي ليس هي المقياس

قد تصلح حين إختيار إمام جامع
أو وزير شئون دينية وأوقاف
أو حين إختيار زوج/ة (ويظل هذا خيار شخصي للمختار/ة)

لكن في شئون الدولة لا .. ليست هي المقياس !

Quote: ما تفنجطوا ساي

عليك الله يا تيسير بدل ما تردي سااااااكت
اقري ردود البوست كها بعدين ردي

Quote: دينكم إنتو ونقد منتمي؟

نعم دينا نحن
لانه في مداخلات فوق بتتكلم وبتقول ( دينكم ) يعني بتتحدث من خارج الدين وبنسبوا لينا نحن
ده السبب في مداخلتي

Quote: وليد للأسف بديت تعرض برة الدايرة تماماً منو الإتكلم عن أولويات الدين؟ ومنو القال جيبوا لي أدلة وجوب الصلاة لأني ما مقتنع بيها عشان تقول الصلاة عماد الدين وبدر الدين؟

انا اعرض في وسطها تماما يا تيسير
في نص نصها

ياخ الصلاة موضوعة في عنوان البوست فوق تقولي لي منو القال ومنو الجاب

Quote: عايز ترشح مسلم ما بيرفع راسو من المصلاية دا شأنك ومافي زول يقول ليك تلت التلاتة كم لكن محاولة تكفير نقد وغيره وحرمانه من حقه الذي يكفله له الدستور البيمشي على الكل دي ما بتلقوها

التكفير ده موضوع تاني
انت خايفه منو مالك ؟

ما انت قلتي وماذا ان لم يصلي نقد ؟
سالتي سوال
ونحن هنا بنجاوب
اجوبتنا ما مفروض تكون على هواك او على هوى نقد


كلامي واضح ولسع ما دخلنا في حتت التكفير

كلامي تفاصيله كده

زول غير ملتزم بواجبات دين ارتضاه طواعية
لا يضمن التزامه تجاه امور اخرى

Quote: التكفير ده موضوع تاني انت خايفه منو مالك ؟

خايفة منو لأنو سكين عمياء في يد أهوج


خايفة منو على أولادي وأولادك وأولاد السودان
عمرو العنف ما كان حل لمشكلة


العنف ما بيولد إلا عنف أكبر



لو ما خايف على نفسك خاف على أولادك
حاول أصنع ليهم من هسي سودان آمن يسع الجميع
ورفضك لتكفير البشر وتعريض أرواحهم للخطر
هو الخطوة الأولى لي كدة يا حضرة النائب ..

Quote: خايفة منو لأنو سكين عمياء في يد أهوج خايفة منو على أولادي وأولادك وأولاد السودان عمرو العنف ما كان حل لمشكلة العنف ما بيولد إلا عنف أكبر لو ما خايف على نفسك خاف على أولادك حاول أصنع ليهم من هسي سودان آمن يسع الجميع ورفضك لتكفير البشر وتعريض أرواحهم للخطر هو الخطوة الأولى لي كدة يا حضرة النائب ..

انت مصرة تتريقي يا تيسير
لول انا مشيت معاك ف المنحى ده بتضايقي

______________

طيب انت لو خايفه منو جايبه سيرتو هنا مالك
هنا في زول جاب ليك سيرة تكفير ؟؟؟

ولا هو ساااااااااااااااااااااااكت الواحد في بالو حاجة عاوز يلصقها في الناس

يا حضرت المواطنة
زول هو براه قال ما بصلي
اقول ليه لا
انت بتصلي

مارسول الدين ده هو القال العهد الذي بيننا وبينهم الصلاة
ده كلام قلت انا ؟
هو القال الصلاة عماد الدين
هو القال بني الاسلام على خمس اولها الصلاة

اسمع كلام سيادتك ولا كلام رسولنا

Quote: Quote: الأخ وليـد السـلام عليكم أرجـو أن تبتعـد عن الانفعال الذي يجعـل قناعتك بحـق الأسـقف ( درجة امام ) في الترشـح لدى المسـلمين في ســرج واحــد مع نقـد لأن الاســلام من وجهة النظر التي تحاكم نقـد يفيد بأن لا دين بعـد رسـالة سـيدنا محمد صلى الله عليه وسـلم ,وأن الكتابي لا يتولى أمر المسـلمين لا في قضاء ولا غيرو بل بعض المدراس تعتبرهم كفار عبد الله إحيمر .. المواطنة قبل الدين الأسقف قبريال عندو في الوطن زي العند أي إمام جامع مسلم عدم إسلامه لا ينقصه شيء وإسلام ذلك لا يزيده شيء دستور السودان بيقول كدا لو الكلام دا ما لقى قبول عندك ممكن تمشي تطلب لجوء ديني في مكة المكرمة

الأخت تيســير
السـلام عليكم
( وأرجو ان تسـمحي بمخاطبتك بالأخت , أما إن ازعجك ذلك فامسـحيها وأعذريني )

بداية وكما طلبت من الأخ وليـد أن يبتعـد عن الانفعال
فيورد أشـياء تحاكمه ( من موقعـه ) كما يحاكم هـو نقـد( من موقعه برضو )

أطالبك أنت أن تبتعدي عن الدخول شـمال ولو حدث فبدون انفعال واسـتعجال
برضــو ( يعني حاسـبي على صحتك وســلامتك واضغطي على الفرامل شـوية وانتي داخل) ,
فأنا لم ارفض الدولة المدنية , بل أرى انهـا الحـل الوحيـد
لمشـاكلنا في السـودان كما أن الدولة الدينية أيـا كانت لا تمتلك حـل للبشــرية

Quote: لأن الاســلام من وجهة النظر التي تحاكم نقـد يفيد

وهنا كتبت من ( وجهة النظـر ) أي يا تيسـير إنها ليســت وجهة نظري أو رأي
الذي اتبناه

أما على المســتوى الشـخصي فأسـأل الله ان يتحقق كلامك
وأسـكن مكـة وبالعـدم أجاور في المدينة ( لخلاصي الشـخصي
ونجـاتي )
( أحلفك بما تؤمنين بـه أن تقولي آمين )

أما ما تحته خـط فليس له داعي وأرجـو أن تنزلي أصبعك ( السـبابة )
عنـد المخاطبة ( يعني روقي المنقـة ) ما بطالبك أن تكتبي الأخ
الاســم حاف كدي مقبول

عبد الله إحيمر ..

Quote: أما ما تحته خـط فليس له داعي وأرجـو أن تنزلي أصبعك ( السـبابة ) عنـد المخاطبة ( يعني روقي المنقـة ) ما بطالبك أن تكتبي الأخ الاســم حاف كدي مقبول

يا سيدي ما في أي إنفعال بالعكس البوست دا مرصع بكثير من الوجوه الضاحكة
رغم إنو الموضوع نفسو عضم
وكلمة الأخ ما كتيرة عليك
بس لو لاحظت معظم المتداخلين خاطبتهم بأسمائهم
يعني إنت ما إستثناء عشان تتحسس
وتحاول توحي بإنها عدم إحترام أو ما شابه
دا غير إني ما شايفة لي أي سبابة ولا إبهام في الكلام دا
إلا كان إنت زول مرهف حبتين ..
ولو شعرت بي كدا فلك إعتذاري كاملاً على اللغة الشعرت بيها ناشفة دي
ولك إعتذاري ايضاً على القراءة الخاطئة
رغم إني أعدتها كذا مرة تحاشيا للسوء الفهم
لكن بصراحة كلامك أبداً ما كان واضح إلا بعد إنت جيت وضحتو


فلك العتبى ()

مرحب عبد الله احيمر

خالص الموده

Quote: أرجـو أن تبتعـد عن الانفعال الذي يجعـل قناعتك بحـق الأسـقف ( درجة امام ) في الترشـح لدى المسـلمين في ســرج واحــد

احتمال كلامي ما شرحتو كويس

الاسقف ياسوي عند اهل دينه ( درجة امام) عند اهل الاسلام

افتكر كده كلامي واضح


خالص الود

Quote: لا بالله ماتنفعلي وتكوني زي الساسة بتاعننا كل كلامهم انفعالات انفعالك يتناقض مع مضمون البوست

أبرا وأستبرا أنا من إنفعال الساسة
أول واحد إنفعل فيهم جا قال أنا المهدي المنتظر
ومن ديك وعيك

بيتناقض مع مضمون البوست لو أنا أبرزت معلومة على سبيل البوبار والمباهاة
لكن لما يحاول زول تجهيلك ويعاملك كأنك ما عارف فبتضطر إنك تتبوبر وبي حقك كمان ..

Quote: بركاتك ياشيخة تيسير وماتنسينا من صالح الدعوات

إنت بالذات حا أسختك أبقيك قرد


صالح دا منو
هو قال بيعرفني؟

كتب بدر الدين الأمير:

Quote: يالكيزان : الترابى قال مافي عذاب قبر نقد قال مابصلي روحو اسالو الترابى وبعديت تعال حاسبو نقد

فكان رد وليد المبارك:

Quote: الترابي غير مترشح للرئاسة يا سيد بدر الدين

يا دينا ..

بريمة خلى أي شي وقال جاي يشهد لي يوم القيامة
وطيفور حاسدني على شهادة بريمة

Quote: أنت هنا تربط وبشكل محكم بين صلاح الإنسان دينياً وصلاحه في أمور الدولة وهذا الكلام ثبت عدم صحته في جميع التجارب التي من حولنا وليس السودان فقط وتفترض حتى في رئيس السودان المستقبلي أن يكون مصلياً حتى تقتنع بأهليته لشئون البلاد والعباد وهذا لب الإختلاف فأنا لا أشترط في رئيسي القادم أن يكون مصلياً كي أضمن رشده كما وأني لا أشترط (عدم صلاته) كي أضمن رشده أيضاً .. ببساطة لأن الصلاة عندي ليس هي المقياس قد تصلح حين إختيار إمام جامع أو وزير شئون دينية وأوقاف أو حين إختيار زوج/ة (ويظل هذا خيار شخصي للمختار/ة) لكن في شئون الدولة لا .. ليست هي المقياس !

سلامات تايسا
الربط بين ( صلاح الإنسان دينياً وصلاحه في أمور الدولة ) أصلها ما فيها شك
الدين ( أياً كان ) يدعو لفضائل الأخلاق وللقيم المرجعية النبيلة التي تجعل معتنقه أهلاً لقيادة غيره .
المهم الزول يكون صادق في اعتقاده
( جميع التجارب التي من حولنا وليس السودان فقط ) لم تثبت فشل شئ ، فتشي تلقى أصحابها صادقين في ( معتقداتهم ) حتى لو كانت عبادة بقر .
الشخص الذي لم يصدق في علاقته مع خالقه لا يمكن بحال من الأحوال أن يصدق مع عباده ، الصدق لا يتجزأ .
المسألة بوضوح شديد أن يكون الشخص صادقاً في معتقده أياً كان هذا المعتقد
بالنسبة لى كـ مسلم ( أرجو أن اكون صادقاً ) أتمنى للجميع أن يكونوا كما أود لنفسي

غير كدا فعلاً بيكون عندو مشكلة
_____________________________

كدي عليك الله أقري قصة الأستاذ محمود دي تاني

انتو يا جماعة جادين؟؟..شي غريب!
بصلي ما بصلي دي ما شغلتنا
لا حنتعذب معاهو لا حيسألنا الله من صلاتو...كان نقد (ما ممكن اصوت ليهو!!) ولا كان الترابي (برضو ما بصوت ليهو!!)
الناس دايرين مستشفيات ,..تعليم..كهربا ..موية ما بتقطع...
العبادات دي حقت الله...نحنا الدايرنو من الرئيس شغل الدنيا..عمل و انجاز
و بس!!

مرحب زيادة

مربط الفرس ما محاكم نقد من ناحية عقدية
محاكمته من ناحية التزام

ما مشكلة انو نقد يكون ملحد
ما في ناس كتار ملاحده مترشحين
حتى الحركة برنامجها في شكلة العام علماني

العماني وكت ما يلتزم الخطوط الاساسية للعلمانية بنقول ليه انت زول حتى علمانتك ما ملتزم بيها

نفس الشي بنطبق على المتدين وبقول عنه نفسه انو متدين
مسلم كان ام مسيحي
ماا من حق زول يساله عن تفاصيل علاقته بربه

لكن وكت يلقى ليه زول اشتر او مغرض يساله السوال ده

وهو ما يوقفوا عند حدو ويقول ليه ما بخصك
ويرد عليه
ويؤكد عدم التزامه باساسيات دينه
حا نقول ليه زي العلماني انت اسس دينك الذي تدين به ما ملتزم بيه
كيف حا تلتزم لينا باسس دنيانا


نقد غلط
الناس تقول انه غلط

غلط لانه صرح تصريح ست البوست زاتها زاغت منو وكت سالوها نفس السوال

ده مربط الفرس

سلام يا تيسير
اسمعي دي
سوداني في استراليا اتصل بي ابوه تلفونيا
ـ يا ابوي انا عرست استرالية
ـ يا ولدي كيف الكلام الكلام ده ... يقولوا عليك راجل المرة الكافرة
ويقولوا ولد فلان عرس البت الكافرة
ولو جبت ليك عيال يقولو ولد المرة الكافرة
يا ولدي مالك علينا !
بعد فترة اخونا اصطحب زوجتو وعلى السودان
بعد اسبوع ساب مرتو مع ابوه وامو وسافر مدني
ابو الولد عندو سكري
والعروس " الكافرة" متخخصة تمريض
اهتمت بي ابو زوجها
من الصباح بدري تدي الراجل كباية موية
بعد نص ساعة تقيس الضغط
بعد ساعة ونص تديه حقنة السكري
بعد ربع ساعة تسلق ليه بيضة وشوية بطاطس
وهكذا البرنامج ماشي زي الساعة
الولد رجع من مدني
ومن الباب قال لي ابوه:
اها يا ابوي "الكافرة" كيف؟
رد ابوه سريع:
والله يا ولدي الكافرة امك!!!

الدين المعاملة

نقطتك فهمتها يا وليد (مع انو مخي تخين اليومين ديل!)
لاكين برضو بقول ليك ما مفرض يهمنا عباداتو الخاصة بينو و بين ربه..البهمنا كيف يخدم الشعب.
بالعكس..انا كمان شايف انو اجابتو بتحسب ليهو..على الاقل زول ما منافق و كضاب (كان ممكن يمسك له سبحة و يعمل فيها مولانا الذي غشانا..زي ما كتيرين عاملين!)
تعال قول لي الزول دا برنامجو كدا و كدا ما بنفع معانا...بقول ليك مية المية....لاكين تقول لي ما بصلي و ما بسبح!! ما معاك فيها!!!
تقول ليهو الله يهديك لي مصلحتو و مصلحة آخرتو مع رب العباد بس...لاكين عملو الدنيوي دا البحدد الشعب يجيبو وللا لا!
....
زيادة تاني!!!!!
انتا ضنقلاوي ولا شنو؟

Quote: زيادة تاني!!!!! انتا ضنقلاوي ولا شنو؟

هاهاهاهاهاهاهاا
اي والله


اسمع يا زياد .. الصلاة هنا زيها زي اي عمل مفروض في منظمة
يعني زول شغال في شغل ما مؤدي واجبات شغله
عليه ترك

زول عنده اسره ما متلزم بواجات اسرته عليه ترك
زول براه قال ده دينه ما ملتزم بواجبات دينه برضو عليه ترك