طبلة ومفتاح !

Post: #1
Title: طبلة ومفتاح !
Author: تيسير عووضة
Date: 02-15-2010, 06:21 AM

قررت تاني لما أمشي أنوم أقفل معاي بوستاتي بالطبلة والمفتاح

Post: #2
Title: Re: طبلة ومفتاح !
Author: Balla Musa
Date: 02-15-2010, 06:25 AM
Parent: #1

أفضل حاجة تشيليهم معاك وتجيبيهم لما تجى!

Post: #3
Title: Re: طبلة ومفتاح !
Author: حمور زيادة
Date: 02-15-2010, 06:28 AM
Parent: #2

اقري يس تلاتة مرات و قولي جعلنا من بين ايديهم سدا و حوطيها.
ما بتجيها عوجة.

ــــــــ
امي كانت بتعمل كده للبيت الجديد .. جوناحرامية تلاتة مرات و اتحرق في الاخر.

Post: #6
Title: Re: طبلة ومفتاح !
Author: تيسير عووضة
Date: 02-15-2010, 06:35 AM
Parent: #3

حمورابي ..

قرينا ياسين وحبيب نورة زاتو
الحرامي من أول جية لقّط الملايات الفي الحبل ..

Post: #5
Title: Re: طبلة ومفتاح !
Author: تيسير عووضة
Date: 02-15-2010, 06:33 AM
Parent: #2

يا د. بلة

المشكلة لو شلتهم معاي تاني ما بجي ..

Post: #4
Title: Re: طبلة ومفتاح !
Author: معروف حمدين
Date: 02-15-2010, 06:29 AM
Parent: #1

تيسير يا صاحبة
مفروض تقنياً يكون في حاجة زي دي ..
وبعدين ياريت لو في طريقة أخري
لقفل بعض الأسماء ,,
وبالمرة كدا
يكون لك خاصية سحب البوست نهائي من الوجود ..
ــــــــــــــــ
كامل تضامني معك
فى قضيتك العادلة !!!

Post: #7
Title: Re: طبلة ومفتاح !
Author: تيسير عووضة
Date: 02-15-2010, 06:39 AM
Parent: #4

يا معروف أنا جني وجن القفيل والجنازير
لكن بالحالة دي

أحلى طبلة وجنزير عشان على الأقل أجي ألقاهو موجود !

Post: #10
Title: Re: طبلة ومفتاح !
Author: ندى عثمان حسن
Date: 02-15-2010, 06:41 AM
Parent: #7

ياتوتى

والله إتخلعت ليك جنس خُلعة

قلت الإتجرس منو, وشال الظهرتين وقام جارى؟

Post: #8
Title: Re: طبلة ومفتاح !
Author: على محمد على بشير
Date: 02-15-2010, 06:40 AM
Parent: #4

المشكله يا تيسير

ناس وردية الليل ديل صعبين خلاص
تساهرى معاهم تتعبى
تنومى وتخليهم تتعبى

احسن حاجه وصية دكتور بله
تشيلنى بوستيكى معاكى .. تنومى وتجى تختى تانى

Post: #9
Title: Re: طبلة ومفتاح !
Author: عمران حسن صالح
Date: 02-15-2010, 06:41 AM
Parent: #4

وبي كده بيكون في ثلاثة أنواع :
نوع تبلعو
ونع يبلعوكـ ليهو ..
ونوع يبلعو ليكـ ..

__________
كامل تضامني

Post: #11
Title: Re: طبلة ومفتاح !
Author: ندى عثمان حسن
Date: 02-15-2010, 06:43 AM
Parent: #9

يعنى ال6 بنات, راح عليهن؟

بس عليك الله , خلى أميرة تجى ترد على

الزول أصلو ماينوم معاكم؟

Post: #13
Title: Re: طبلة ومفتاح !
Author: ندى عثمان حسن
Date: 02-15-2010, 06:46 AM
Parent: #11

هى نسيت أتضامن

وأشجب الحسم العسكرى ذات ليل ,

Post: #12
Title: Re: طبلة ومفتاح !
Author: Balla Musa
Date: 02-15-2010, 06:45 AM
Parent: #9

تيسير
شكلك كدا ماعندك Insurance

ياتعملى Insurance ياPlatinum memebership

Post: #14
Title: Re: طبلة ومفتاح !
Author: حمور زيادة
Date: 02-15-2010, 06:48 AM
Parent: #12

انصحك بتعلم طريقة عمل الكنافة.
يمكنك الاستعانة بمريم بت الحسين و عزاز شامي.
خبره البنوت ديل.

ــــــ
الله يطرى ليلة د. فساد الريف بالخير .. كانت ليلة مشهودة.

Post: #15
Title: Re: طبلة ومفتاح !
Author: تيسير عووضة
Date: 02-15-2010, 07:06 AM
Parent: #14

Quote: انصحك بتعلم طريقة عمل الكنافة.
يمكنك الاستعانة بمريم بت الحسين و عزاز شامي.
خبره البنوت ديل.

أنا زاتي قلت كدا

يا ربي الليدو ما عجبت أبصلعة؟
كان يقول

كنا قلبناها ضُمنة ..

Post: #16
Title: Re: طبلة ومفتاح !
Author: عزاز شامي
Date: 02-15-2010, 07:07 AM
Parent: #1

اييييه ... وحدوه ما دايم إلا الدايم
قدر ما فتشت غلبتي كلو كلو الاقي اغنية
"خلاص حابطل السجاير ... خلاص حاشرب حشيش"
تعبيرا عن عميق تضامني مع اخوي الكاشف

Post: #17
Title: Re: طبلة ومفتاح !
Author: تيسير عووضة
Date: 02-15-2010, 07:10 AM
Parent: #16

حشيش حاجة تيجي كدا
إهدا حبيبي كدا
وإرجع زي زمان

"الإهداء لسيد العدة"

Post: #18
Title: Re: طبلة ومفتاح !
Author: تيسير عووضة
Date: 02-15-2010, 07:25 AM
Parent: #17

يا ندى ..

Quote: قلت الإتجرس منو, وشال الظهرتين وقام جارى؟

آخر زول كان بيلعب أميرة على ما أذكر
كلاب أميرة كان لونهم أحمرررر

والبقية في العدد القادم

Quote: هى نسيت أتضامن
وأشجب الحسم العسكرى ذات ليل ,

الأيام دي الكوماندر ماخد علي شديد
أي بوست أدخلو يتفقع
أي بوست أعملو يتفقع برضو

لا للتدخل العسكري بليل

Post: #19
Title: Re: طبلة ومفتاح !
Author: Amira Elsheikh
Date: 02-15-2010, 07:29 AM
Parent: #17

وانا افتش وافتش,,,لحدووووت مايدينى وجعونى...

اربعة بنات بيلعبو فى يوم 14 دى فيها حاجة??

تايسا...كان تنهى العزاء بانتهاء مراسم الختف,,شان سمعتنا كبنات وكدا,,,

انى وى انا سمعتى التخويرية كويسة وماعندى اى سوابق ممكن تمررى لعبتك من خلالى

وخلينا نعلب اريكا عمياء,,,,,

ودقىىىىى يامزيكا

Post: #24
Title: Re: طبلة ومفتاح !
Author: عمران حسن صالح
Date: 02-15-2010, 07:50 AM
Parent: #19

Quote: وخلينا نعلب اريكا عمياء,,,,,
الترجمه لجيل الإنترنت يا هداكـ الله

Post: #28
Title: Re: طبلة ومفتاح !
Author: Amira Elsheikh
Date: 02-15-2010, 08:09 AM
Parent: #24

Quote: الترجمه لجيل الإنترنت يا هداكـ الله

يسمك ياعمران ودى برضو عايزةترجمة..

Post: #20
Title: Re: طبلة ومفتاح !
Author: تيسير عووضة
Date: 02-15-2010, 07:33 AM
Parent: #17

Quote: المشكله يا تيسير

ناس وردية الليل ديل صعبين خلاص
تساهرى معاهم تتعبى
تنومى وتخليهم تتعبى

احسن حاجه وصية دكتور بله
تشيلنى بوستيكى معاكى .. تنومى وتجى تختى تانى

يا علي ..

أنا طبعاً من الساعة عشرة بقفل الدكان وبدخل قدرة الفول حقتي
البيجي بعداك هو وضميرو

لكن بعد دا الطبلة وجبت ..

Post: #21
Title: Re: طبلة ومفتاح !
Author: تيسير عووضة
Date: 02-15-2010, 07:40 AM
Parent: #20

آل عمران ..

Quote: وبي كده بيكون في ثلاثة أنواع :
نوع تبلعو
ونع يبلعوكـ ليهو ..
ونوع يبلعو ليكـ ..

__________
كامل تضامني

غايتو الحمد لله حُمتنا خفيفة طلعنا من "الفئة التالتة"

الإتنين الأوائل ديلاك حارات ياخ

Post: #22
Title: Re: طبلة ومفتاح !
Author: داليا حافظ
Date: 02-15-2010, 07:44 AM
Parent: #21

ده متين ..؟يعني الواحد يفلتن ويجي ..يلقى الكترابة قايمة ..

ــــــــــــــــــــــ

النبي إن شاءالله مسجورني ..كدة ما بقدر ..

Post: #23
Title: Re: طبلة ومفتاح !
Author: tmbis
Date: 02-15-2010, 07:44 AM
Parent: #21

بقيتي سوابق يا تفيــده ..

Post: #25
Title: Re: طبلة ومفتاح !
Author: تيسير عووضة
Date: 02-15-2010, 07:51 AM
Parent: #21

بلة يا بلة وينو بلة

Quote: تيسير
شكلك كدا ماعندك Insurance

ياتعملى Insurance ياPlatinum memebership

بلاتينيوم ليه
أصلي بكتب في الواشنطن بوست

limited insurance coverage يفي بالغرض

قدر قروشنا/كتابتنا

Post: #26
Title: Re: طبلة ومفتاح !
Author: ندى عثمان حسن
Date: 02-15-2010, 08:03 AM
Parent: #25

Quote: ده متين ..؟يعني الواحد يفلتن ويجي ..يلقى الكترابة قايمة ..

ياداليا ماتبقى طماعة ياخ,

الناس الكانت هناك دى , كلها محرووومين ياخ

سلامو

Post: #32
Title: Re: طبلة ومفتاح !
Author: داليا حافظ
Date: 02-15-2010, 08:32 AM
Parent: #26

Quote: الناس الكانت هناك دى , كلها محرووومين ياخ

ُكر علي ..

وأنت كنت ويييييين ؟

Post: #27
Title: Re: طبلة ومفتاح !
Author: محمد عبد الماجد الصايم
Date: 02-15-2010, 08:06 AM
Parent: #25

كانت لنا أيام والله!
الواحد زي ما قال تمبس:
بقى ما ناقش أبو النوم في البورد دا!

__
لا توجد نجيضة!

Post: #29
Title: Re: طبلة ومفتاح !
Author: khaleel
Date: 02-15-2010, 08:14 AM
Parent: #27

انعل ابو دفن الليل اب كراعن برة

Post: #30
Title: Re: طبلة ومفتاح !
Author: ندى عثمان حسن
Date: 02-15-2010, 08:20 AM
Parent: #29

نفسى أعرف ,

القفلة كانت كيف ؟

مثقفاتية ولاشعبان عبدالرحيم

غايتو آآآآآخر شىء , قهمو ليكم الشاب قهمة عدوكم , وجا درعها ليك فى الجعليين زى الترتيب

الناس دى بتصحا متين ياخ؟

Post: #35
Title: Re: طبلة ومفتاح !
Author: الخير محمد عوض
Date: 02-15-2010, 08:40 AM
Parent: #30

Quote: الناس دى بتصحا متين ياخ؟

هم قاعدين ينوموا

المنبر دا لما تكتب ليك فيهو موضوع تقعد تحرسو وكان خلااااااص
غلبك النوم , نومك لازم يكون خفيف متل نوم الديك في الحبل لانو
الحاجات فيهو بقت ما مضمونة كففففففففف تتلفح لا ايدك لا كراعك

فيهو كمية من التخريبيين

_______________________________________________________

كامل تضامني ( لاخانا) المكلوم في بوسته السيد تيسير اللي هو ابن عووضة

Post: #31
Title: Re: طبلة ومفتاح !
Author: داليا حافظ
Date: 02-15-2010, 08:26 AM
Parent: #29

Quote: وخلينا نعلب اريكا عمياء,,,,,

غايتو أمدرمان غزاها السراميك المكسر باقي المصانع داااك .. ما خلا ليهو سهلة فيها تراب ..لووول

الحجلة دي بصراحة كنت فيها كيشة ..لكن كان لعبتو كملبت بضيعععكم ..

أنعل أبو الإنترنت زاتو يا عمران ..

الموضوع كان شنو ؟

Post: #34
Title: Re: طبلة ومفتاح !
Author: tmbis
Date: 02-15-2010, 08:38 AM
Parent: #31

Quote: الحجلة دي بصراحة كنت فيها كيشة ..لكن كان لعبتو كملبت بضيعععكم ..

عمران .. وداليا حافظ .. وأميرة الشيخ
ارجو أن تكفو عن هذا ..
وما تشوهوا ذاكرة الاجيال الحالية .. بي اسقاطاتكم .. الكلام البتقولو فوقو دا أنا ما قادر استوعبو بنحو جيد ..
الواحد لسة ما فطر بالتالي .. اكتبو لينا كلام يتفهم.. قبال الفطور ..

.
.
يا تيسير ..
لو الجماعة الفوق ديل استمروا في استفزازنا بي اسقاطاتم دي .. احتمال كبير البوست بتاعك دا تلقيهو مافي وبي كدا يكون عندك عدد اتنين بوسط .. راحو فيها في ظرف اربعة وعشرين ساعة ..
الواحد بقى زاتو يخاف لما يقرا ليك بوسط

Post: #33
Title: Re: طبلة ومفتاح !
Author: محمد البشرى الخضر
Date: 02-15-2010, 08:35 AM
Parent: #29

and agian

Post: #37
Title: Re: طبلة ومفتاح !
Author: داليا حافظ
Date: 02-15-2010, 08:54 AM
Parent: #33

Quote: وما تشوهوا ذاكرة الاجيال الحالية .. بي اسقاطاتكم .. الكلام البتقولو فوقو دا أنا ما قادر استوعبو بنحو جيد ..

عاد يا ولدي بطريقتكم ..لكن ما بننكر طفولتنا المعذبة ثم اتكأت على عكازتا

وقالت : كانت أيام بطعم العجاجة القايمة ..

Post: #36
Title: Re: طبلة ومفتاح !
Author: عادل سهل
Date: 02-15-2010, 08:53 AM
Parent: #17

Quote: الإهداء لسيد العدة"

سيد العدا ولا سيد الحوش ياتيسير؟

Post: #38
Title: Re: طبلة ومفتاح !
Author: تيسير عووضة
Date: 02-15-2010, 09:35 AM
Parent: #36

ندى
Quote: يعنى ال6 بنات, راح عليهن؟

ستة بنات لابسات تياب
شغلن قلبي لامن بص (الحلفاية) فات

كيتاً في سيد العدة

أميرة
Quote: انى وى انا سمعتى التخويرية كويسة وماعندى اى سوابق ممكن تمررى لعبتك من خلالى

وخلينا نعلب اريكا عمياء,,,,,

ودقىىىىى يامزيكا

والله لو قلت ليك دا التخوير الكم حا تمنتنعي عن التداخل معاي
أخير أسكت ممكونة وصابرة يا أميرة يختي ..

دقي يا مزيكا شنو
إنتي لقيتي لي "الطبلة" دي وقلت نربها أحسن؟

عمران
Quote: الترجمه لجيل الإنترنت يا هداكـ الله

أريكا عمياء تعني (البربرة) بلغة الفرنجة

داليا حافظ
Quote: ده متين ..؟يعني الواحد يفلتن ويجي ..يلقى الكترابة قايمة ..

أيواااا
يعني إنتي دايرة "تفلتني" وكمان وتعرفي الكان حاصل شنو؟
مش قلنا قبل كدا جري وطيران ما بتلموا

تمبس العريس
Quote: بقيتي سوابق يا تفيــده ..

أسكت ساي كلاب الليدو بتاعتي بقت تتكتل قبل ما تمد راسا برة البيت زاتو
وكبري يطق كبري تتخيل

Post: #39
Title: Re: طبلة ومفتاح !
Author: تيسير عووضة
Date: 02-15-2010, 09:53 AM
Parent: #38

ود الصايم
Quote: كانت لنا أيام والله!
الواحد زي ما قال تمبس:
بقى ما ناقش أبو النوم في البورد دا!

__
لا توجد نجيضة!

قيم الليدو الأمبارح دا كان فاقدك تصور

قلنا ليهم الليدو في الموية ما زي الليدو في النار ما صدقونا

خليل يا خلة
Quote: انعل ابو دفن الليل اب كراعن برة

ونحن لحقنا ندفن من أصلو؟

ندى
Quote: القفلة كانت كيف ؟

مثقفاتية ولاشعبان عبدالرحيم

حا أبطل ألعب ليدو
وأفتح بوستات لميدو
لحسن بكوري يزعل
وزعلو ما بنريدو

وإييييييييييه

Post: #41
Title: Re: طبلة ومفتاح !
Author: نجوان
Date: 02-15-2010, 10:04 AM
Parent: #39

كفارة يا تايسا..
دوريات بكري الليلية لابد وان تنجم عن خسائر..

______
غريبة،، بوست عبدالعاطي ما زال حي يفرفر وبوستك راح..
أفتكر عرفت السبب، بس ما عايزين ضيوفك يزعلوا..

Post: #44
Title: Re: طبلة ومفتاح !
Author: ندى عثمان حسن
Date: 02-15-2010, 10:15 AM
Parent: #41

Quote: غريبة،، بوست عبدالعاطي ما زال حي يفرفر وبوستك راح..
أفتكر عرفت السبب، بس ما عايزين ضيوفك يزعلوا..

البزعلهم شنو ياخ

التسوى بيدك فى بوست تيسير , يغلب أجاويدك

Post: #42
Title: Re: طبلة ومفتاح !
Author: ندى عثمان حسن
Date: 02-15-2010, 10:04 AM
Parent: #39

Quote: وإييييييييييه

وبسسسسسس خلاص

Post: #40
Title: Re: طبلة ومفتاح !
Author: Amany Elamin
Date: 02-15-2010, 09:57 AM
Parent: #36

تايسا والبقيه ..
عليم الله وجعتني حذفته,
أحلي بوست في الألفيه الحاليه,
هسي الليدو حقنا يمشي الخور و"صوت الشيطان " قاعد؟
ياخ ده كان بوست فيهو تجلي ما عادي,
بكري عليك الله شيل الماعاجبك ورجع لينا الليدو والزهر,
ما ممكن لا فلانتاين لا ليدو, ننتحر؟
Quote: غايتو آآآآآخر شىء , قهمو ليكم الشاب قهمة عدوكم , وجا درعها ليك فى الجعليين زى الترتيب

ههههه
لقيتك متابعه ياندي :)
دي فعلا اخر حاجه في البوست, وتاني عينك ما تشوف الا النور لوووول

----
بالمناسبه مياده في وللا لحقت الليدو؟

Post: #43
Title: Re: طبلة ومفتاح !
Author: ندى عثمان حسن
Date: 02-15-2010, 10:10 AM
Parent: #40

Quote: ههههه
لقيتك متابعه ياندي :)
دي فعلا اخر حاجه في البوست, وتاني عينك ما تشوف الا النور لوووول

حرقتنى بتاعت الجعليين دى , بس النوم غلب

Post: #45
Title: Re: طبلة ومفتاح !
Author: Amira Elsheikh
Date: 02-15-2010, 10:40 AM
Parent: #43

Quote: الحجلة دي بصراحة كنت فيها كيشة ..لكن كان لعبتو كملبت بضيعععكم ..

دلووووش,,,,

بوستات اللعب لعب بقت تجيها كشة ,,شان مانجيب لتايسا العصبى خلونا نقدم كشف باسم الالعاب كوووولها
ونسلمو لعمك الملاحظ,,,يعمل لينا علامة صاح حول رقم اللعبة الشرعية,
,خسووسا والحجلة دايرة بنطلون,,,,,, كمبببلت عايزة ليها ولد ولدين غير كدا اصصصصصلو مابتتلعب,,,

دلووووش انا جاهزة لاى لعبة,,,

بس عليكم الله خلونا نلعب فير اند فيرى قيم,,

Post: #46
Title: Re: طبلة ومفتاح !
Author: داليا حافظ
Date: 02-15-2010, 11:07 AM
Parent: #45

Quote: ,خسووسا والحجلة دايرة بنطلون,,,,,, كمبببلت عايزة ليها ولد ولدين غير كدا اصصصصصلو مابتتلعب,,,

كفكفي بنطلونك وتعالي ..الفتاوي الإستباقية ما معانا بعديييين بعد القيم ..

والله الكمبلت مع الاولاد بتكون مسخخخخنة ..لكن ديل فلاعين ياخ ..فلعتم والقبر ..

Post: #47
Title: Re: طبلة ومفتاح !
Author: تيسير عووضة
Date: 02-15-2010, 01:12 PM
Parent: #46

الخير
Quote: المنبر دا لما تكتب ليك فيهو موضوع تقعد تحرسو وكان خلااااااص
غلبك النوم , نومك لازم يكون خفيف متل نوم الديك في الحبل لانو
الحاجات فيهو بقت ما مضمونة كففففففففف تتلفح لا ايدك لا كراعك

فيهو كمية من التخريبيين

_______________________________________________________

كامل تضامني ( لاخانا) المكلوم في بوسته السيد تيسير اللي هو ابن عووضة

لا يا خوي فيهو تخريبي واحد والله واحد
طبعاً ما حا أقول إسمو
الهوا بقسمو
ويمكن يقسمني أنا زاتي

ويلحقني بوستيني المغدور

مين أخاكم تيسير بن عووضة دا؟
قال بيعرفني؟

داليا
Quote: الحجلة دي بصراحة كنت فيها كيشة ..لكن كان لعبتو كملبت بضيعععكم ..

أنا عكسك حريفة حجلة
الكمبلت لا أجيدها ولا أريدها
ناقصة لبيع أنا ياخي

الإبن تمبس
Quote: وما تشوهوا ذاكرة الاجيال الحالية .. بي اسقاطاتكم .. الكلام البتقولو فوقو دا أنا ما قادر استوعبو بنحو جيد ..

يا سلام
ماقادر تستوعبو بنحو جيد يا جيل الأتاري والبلايستيشن؟

ود البشرى
Quote: and agian

يا زول الله لا جاب الشماتة
بجي الخريف
وبنلحقك بي بوست بتاع كوتشينة ماتخاف

عادل سهل
Quote: سيد العدا ولا سيد الحوش ياتيسير؟

سيد العدة وسيد الحوش وسيد اللبن
وبهدي ليهو أغنية يهديك يرضيك الله يخليك
بس يبعد من بوستاتي ..

Post: #48
Title: Re: طبلة ومفتاح !
Author: تيسير عووضة
Date: 02-15-2010, 01:30 PM
Parent: #47

نجوان

أول حاجة عملتها لمن لقيت البوست مافي
مشيت فتشت بوست عبد العاطي لقيتو حي يرزق

بعدها قلت يا إما بعد أنا مشيت نمت حصل قصف مدفعي مباغت
يا كمان بكري ما بحب الليدو وشكلو كان بيتغلب فيها زمان

وأنا أرجح الإحتمال الأخير

الأماني العذبة ياخي
شفتي اللي حصل
Quote: بكري عليك الله شيل الماعاجبك ورجع لينا الليدو والزهر,
ما ممكن لا فلانتاين لا ليدو, ننتحر؟

نعمل شنو؟
المصريين بيقولوا الكعكة في يد اليتيم عَجَبة

Quote: بالمناسبه مياده في وللا لحقت الليدو؟

الله يكضب الشينة
الليلة من الصباح مافي ..

Post: #49
Title: Re: طبلة ومفتاح !
Author: WAD ELGAALI#4
Date: 02-15-2010, 05:46 PM
Parent: #48

ياندى وامانى بطلو جمجرة وقطيعه وخليكم ناس واقعين بعدين ياندى انا مااتقهمتا انا جيت اعاين وزى ما بتقول خالتى المشتهى الحنيطير يطير ماجادى طبعا لكن ضربى مسل بس
بعدين ياندى الجعلين اهلى لو ماحملونى البحملنى منو انعل ابو كبوشيه زاتو انتى والله حقو يدفعوك جزية كل تلاته شهور
نقطه اخيره معليش ياتيسير وحقك على فى شيل البوست انا كنت بس داير امسح مداخلة امانى القهمتنى فيها فجات فى البوست لكن قالو البتجى من السماء بتحملا تيسير عوضه يازوله البركه فى رويحتك دى وربنا يجعلا اخر البلعات
اما بخصوص القهمه ياخى الكلمة دى عاجبانى ليك كيف فمافى مشكله وتيسير حملت الجايه من السماء انامابحمل الجاية من امانى أفو

Post: #50
Title: Re: طبلة ومفتاح !
Author: mayada kamal
Date: 02-15-2010, 06:02 PM
Parent: #49

يا تيسا
كويس الما طبلنا مع البوست

اماني الامين
انا قاعدة
ينعل ابو المشغوليات
اختك نزلت شغل جديد
وعصر جد

تتصوري للان لافة صينية وما عارفة حتى الزول القالوا خشى باسم مستعار ونبذني وشتمني
في بوستي بتاع ياسر عرمان
امووووووووووووت واعرف هو منو وقال شنو

وياسيد العدة
حرااااااااااااام عليك الاستفزاز المعنوى البتسوي فيه دا
خلي بوست الشيطان
وتشيل بوست البنات السمحات الظراف ديل
شكيتك على الاقوى مني ومنك

تخريمة
ادوني النجيضة انا ما فاهمه شئ في البورد دا من يوم الاحد

Post: #51
Title: Re: طبلة ومفتاح !
Author: هاجر التهامي ياسين
Date: 02-15-2010, 06:30 PM
Parent: #50

الجاتكم في بوستاتكم سامحتكم

وانشاء الله المرة الجاية تكون حمى خفيفة

من صاحبة اكبر عددية في شوت بوستاتها الى الخور

هو ياربي الخور دا ما اتردم لاسع ؟؟؟؟؟؟

Post: #52
Title: Re: طبلة ومفتاح !
Author: Amany Elamin
Date: 02-15-2010, 09:31 PM
Parent: #51

ود الجعلي:
Quote: ياندى وامانى بطلو جمجرة وقطيعه وخليكم ناس واقعين بعدين ياندى انا مااتقهمتا انا جيت اعاين وزى ما بتقول خالتى المشتهى الحنيطير يطير ماجادى طبعا لكن ضربى مسل بس
بعدين ياندى الجعلين اهلى لو ماحملونى البحملنى منو انعل ابو كبوشيه زاتو انتى والله حقو يدفعوك جزية كل تلاته شهور
نقطه اخيره معليش ياتيسير وحقك على فى شيل البوست انا كنت بس داير امسح مداخلة امانى القهمتنى فيها فجات فى البوست لكن قالو البتجى من السماء بتحملا تيسير عوضه يازوله البركه فى رويحتك دى وربنا يجعلا اخر البلعات
اما بخصوص القهمه ياخى الكلمة دى عاجبانى ليك كيف فمافى مشكله وتيسير حملت الجايه من السماء انامابحمل الجاية من امانى أفو

طالما طلعت من طرف ماما دوما حبيبتي,
فقهمه مافي يازول,
بس تكلم بكري يرّجع لينا الليدو والزهرين,
وخليهو يحذف القهمه زايد أي حاجه ما عاجباهو في البوست,

الليدو ده زي ما قالت تايسا حل مشكلة ناس كتار بما فيهم أنا ليلة البارحه,
يعني ما ميدو براها لووووووووول ,,,

Post: #53
Title: Re: طبلة ومفتاح !
Author: عمران حسن صالح
Date: 02-15-2010, 10:35 PM
Parent: #52

الزول ده بكون عامل كيف في الأوكات الزي دي ؟؟
حسي دي ما مظاهرة عديل كده ..
يعني بيكون بيضحكـ مثلاً ؟؟
في تعليقات كده بيقراها مرتيت مرتين ..
بيفط الناس ويقرأ للحرس القديم ( ناس تمبوشي والذي منو ؟؟!!) ..
ياخي بالجد الشمار كاتلني عديل كده
مافي زول بيكون قاعد جنبو يعلقو ويضحكو ؟؟
ولا الموضوع ده خاتي ليهو القدرو وتاركـ الجمل بما حمل !!

________________________
حكمة البوست : شمار يكتلكـ وشمار تكتلو

Post: #54
Title: Re: طبلة ومفتاح !
Author: WAD ELGAALI#4
Date: 02-16-2010, 07:56 PM
Parent: #53

اها يا ندى بتودى وشك وين بعد امان مااتراجعت من القهمه ناس تحب شيل حال اولاد الناس المسكييين زى حالتى دى لكن ربنا بنصف المقهوم نطالب ندى باعتزار فورى وشكرا ليك ياملكه على الثقه

Post: #55
Title: Re: طبلة ومفتاح !
Author: ندى عثمان حسن
Date: 02-16-2010, 08:07 PM
Parent: #54

ياود الجعلى

ولابودى اى مكان, من ناحية قهموك دى مافيها كلام

اعتذروا ليك لاحقاً, دة كلام تانى ,ودى من باب الكيشة دقو واعتذر ليو

اها قلنا اعتذروا ليك, أنت انبطاحتك اللصقتها فى الجعليين ديل بتسوى ليا شنو؟

اضحك الله سنونك ياخ

Post: #56
Title: Re: طبلة ومفتاح !
Author: ندى عثمان حسن
Date: 02-16-2010, 08:10 PM
Parent: #53

Quote: حكمة البوست: شمار يكتلك وشمار تكتلو

عمران

تشترى؟!

Post: #57
Title: Re: طبلة ومفتاح !
Author: عادل سهل
Date: 02-16-2010, 08:25 PM
Parent: #56

بالله الموضوع دا شغال لسع ؟ ! ! !

باختصار ياجماعة بكرى ما عجبوا لعب البنات البنططن لآخر الليل فى الحجلة واليدو ، والناس فى الالفية التالتة تلع ب بالاتارى والبلاى استيشن ، استغفر الله العظيم.

يابكرى تعال يأخى ولحقوا دا زاتو

ــــــــــــــــــــــــــــــــــــــــــــــــــــــــــــــــــــــــــــــــــ
غايتو ياتيسير والله بتحمى دلوكتك براكى واخوات مهيرة ما بقصرن.

Post: #58
Title: Re: طبلة ومفتاح !
Author: WAD ELGAALI#4
Date: 02-16-2010, 09:37 PM
Parent: #57

تنبؤأأأت باختفاء تيسير عوضه وما بعيد تكون مياده راحت فى الرجليين

ندى كيفك نحنا ناس نحب القهم ونموت فى حلاوة الاعتزار بالله خلى اللخبته هسى المحسيه دى تجى تغير رايا