Post: #1
Title: عيد الإسمو إيه ده "الحب" !
Author: تيسير عووضة
Date: 02-13-2009, 06:41 PM
Parent: #0
حسب معلوماتي الضعيفة فإن يوم 14 فبراير يصادف سنوياً الإحتفال
بالفكي "فالنتين"* والذي يرقد في أحد القباب في نواحي أوروبا هناك "يلحقنا وينجدنا بعد الحال"
وحيث أنني أؤمن بالمثل الشعبي البليغ شهراً ما عندك فيهو نفقة ما تعد أيامو
فأنا خالص ما قاعدة أعد أيامو فبراير دا خصوصاً إنو أيامو أساساً ناقصة خلقة ..
كلما أفكر أحتفل بعيد الحب زيي وزي كل الناس العندهم قلوب في الدنيا دي
تطالعني الست أم كلثوم بصوتها الجهوري:
حب إييييييييييه اللي إنت جاي تقول عليه "وبي نبرة فيها نهرة كدا"
أقوم طوالي أخجل وأغير رأيي وأتراجع عن الإحتفال ..
هو زاتو الناس بيحتفلوا بعيد الحب دا ليه ماعارفة !
ما هم نوعين لا ثالث لهما:
يا إما ناس الحب دا مفرحهم شديد ومعيشهم في عوالم تانية أشبه بالغيبوبة كدا
وغالباً ما حيجيبوا خبر لليوم دا ولا غيرو يبقى مافي داعي يحتفلوا زاتو
أو ناس الحب دا معذبهم ومطلع عينهم ومسيل دموعهم 24 ساعة
يبقى مافي أي داعي يحتفلوا برضو إلا كان ميتة قلب منهم ساكت
عملاً بمقولة الـ .... بريد خانقو "مع الإعتذار للأغنية يعني"
أها يا خوانا إبتداءً من الآن أنا (غررت) أقاطع الإحتفال بيوم الحب دا
وما دايرة معاهو ومن الليلة سأرفع شعار ليس بالحب/الخبز وحده يحيا الإنسان
مع كامل تضامني مع السادة أصحاب الطابونة ..
ها 14 فبراير مين يزوّد؟
ــــــــــــــ
* الفكي فالنتين دا - وحسب رواية حبوبتي آمنة نصر - كان فكي كارب وحلاّل مربوط
وكان جنو عرس وحُبكانات عشان كدا الناس كانت بتريدو لكن في أواخر أيامو بقى ما شغال بالموضوع
وتسبب في جلب عدد من الشواكيش للجماعة مما حدا بهم أن يغيروا إسمه من "فالتنين" إلى "فالاً طين"
|
Post: #2
Title: Re: عيد الإسمو إيه ده "الحب" !
Author: Halema2
Date: 02-13-2009, 07:05 PM
Parent: #1
العزيزه و لزيزه تيسير
Quote: تطالعني الست أم كلثوم بصوتها الجهوري:
حب إييييييييييه اللي إنت جاي تقول عليه "وبي نبرة فيها نهرة كدا"
أقوم طوالي أخجل وأغير رأيي وأتراجع عن الإحتفال |
والله ضحكت باعلى صوت لانى انا عندى نفس الهاجس والعقده من العيد
بعدين يا تيسير هو نحن السودانيين ديل بنعرف نحب؟
حقوا نسأل نفسنا السوال دا قبل ما نشعبط فى الاحتفال دا. نحن شعب نكدى وتراجيدى وبكاى . حب شنوا دا البحتفل بى
وكما ذكرتى يا دكتوره اصلا البحب بحب وما محتاج لاحتفالات والما بحب وزيتوا طالع من القصه دى يكون غاشى روحو لواحتفل
لكن هى القصه وفى السودان بالذات بقت زى موضه كدا يشتروا القلوب الحمرا والدببا الحمرا ويهدوها لراجل ولا مرا هى/هو زاتو دب كبير/ه
انا يا تيسير عندى اختى عندها بوتيك’ وهى دايره دكانها دى يمشى ويدخل قروش, اها قامت فى عيد الحب الفات فكرت تكسب من المساله دى ومشت جابت بضاعه كلها حمرا يعنى قلوب ودببا وورود وكروت وكله. قالت ما فى زول اشترى منها قلب واحد وكلهم يجوا الدكان ويقولو ليها اها دى حاجات عيد الحب , عليك الله ما تدينى الدب الصغير دا هديه. يعنى دايرين يحتفلوا ويحبوا ملح وعلى حساب المسكينه دى. والله من يومها داك قفلت الدكان دا وكرهت ليك ابو يوم فلانتين زاتو
شكرا يا زوله ومعا من اجل محاربة عيد الراجل دا
تحياتى
حليمه
|
Post: #10
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 10:32 AM
Parent: #2
يا حليمة2 ..
Quote: بعدين يا تيسير هو نحن السودانيين ديل بنعرف نحب؟
حقوا نسأل نفسنا السوال دا قبل ما نشعبط فى الاحتفال دا. نحن شعب نكدى وتراجيدى وبكاى . حب شنوا دا البحتفل بى |
الحب عند السودانيين مرتبط دايماً بي قزازة البيبسي ما عارفة ليه
التقول شركة البيبسي هي الراعي الرسمي للعلاقات العاطفية
قولي لي أختك تقفل البوتيك دا وتفتح ليها كافتيريا ولا أي محل بتاع عضة
الورد والدببة والكلام دا ما بيمشي في السودان
نحن شعب بنعبر عن جميع مشاعرنا بالأكل
زول يرقد مستشفى بدل الورد والحلاوة تلقي "الترامس" تتطاقش
واحدة تولد بدل هدايا للبيبي أو ليها كور المديدة بتكون هي سيدة الموقف
بيت بكا العمدان ما تديك الدرب
وحتى عيد الحب (ون سكووب) بتاعة آيسكريم تفي بالغرض
ولا قلوب ولا دببة ولا كلام كتير
عمليين خالص
| Quote: ومعا من اجل محاربة عيد الراجل دا |
دا كلام صاح
_____________
| Quote: وكما ذكرتى يا دكتوره |
يسمعك منك ربنا
|
Post: #37
Title: Re: عيد الإسمو إيه ده "الحب" !
Author: ibrahim kojan
Date: 02-14-2009, 08:09 PM
Parent: #2
zxcvbnmllllll
|
Post: #3
Title: Re: عيد الإسمو إيه ده "الحب" !
Author: osman righeem
Date: 02-13-2009, 07:08 PM
Parent: #1
نحن عايزين نحتفل بعيد اب شرا
بس لسع ما اتفقنا علي التاريخ
انا الفهمتو من الموضوع انه الحب
بيروح و يجوا يتذكروه في اليوم ده
و بعدين ليه لون احمر يعني الهلالاب
يعملوا شنو
|
Post: #4
Title: Re: عيد الإسمو إيه ده "الحب" !
Author: osman righeem
Date: 02-13-2009, 07:19 PM
Parent: #3
شافع فلعوص علي التلفون
قال
ياعمو
ما إسمو عيد الحب
إسمه عيد العشاق
طيب فهمنا حاجه
وأسألوا اهل الشئ زاتا
|
Post: #5
Title: Re: عيد الإسمو إيه ده "الحب" !
Author: Isa
Date: 02-13-2009, 10:05 PM
Parent: #4
سـلام يا تيسـير.. ياخي كـتر خيرك كتير لأنو داير أقول كلامي لامن شفت مجموعة موضوعات هنا بتتكلم عن عيد فلان دا،، لكن شايف الناس محتفلين وخفت يقولوا عني هادم العيد ومفرتق الحفلات.. أنا من زمان فكرتي عن العيد دا تماما زي ما أشارت الأخت حليمة هو مناسبة تجارية ودعاية إستهلاكية لا أكتر ولا أقل،، يعني الحكاية كلها لعبة وجواها غشة.. بعدين الشي التاني الناس دايما بتحتفل بمناسبة بتعني ليها حاجة في يوم العيد المعين،، مثل العيد الوطني أو الأعياد الدينية،، أو حتى الأعياد (الفارضاها الحكومة) أو الأمم المتحدة مثل عيد الأم أوالمرأة والعمال الخ الخ،، بينما عيد الحب هو بالنسبة لي مثل أعياد الميلاد (للناس الساكت مش ميلاد سيدنا عيسى!) أو عيد الزواج؛؛ يعني كل زول عيدو براهو،، بالأصح كل زول وزولة عيدهم براهو،، وفي تأريخ بعني ليهم شي.. غايتو أنا كان داير أسوي لي عيد زي دا بشوف لي أي يوم تاني غير اليوم البتكون فيهو الحاجات الحمرا حمرا دي غالية كدة!.. بعـدين ياخي نحنا (الفقـرا) ما عندنا،، يعني حتى الفقرا إلا نستوردهم من أوربا وناسنا ما لاقين شغلة يقضوها! أنا مستعد أشوف ليكم واحد من (جدودي الصالحينا)،، وبالعدم نشوف ليكم جدودي الما صالحين ناس قيس والمهلب... تحياتي..
|
Post: #6
Title: Re: عيد الإسمو إيه ده "الحب" !
Author: احمد سردوب
Date: 02-14-2009, 06:25 AM
Parent: #5
تيسير واللي معاك هابي فالانتاين
يا جماعة انا فرحان للنهاية ومحتفل وشايف كل المحلات مليانة لكن عندكم عاملين اضراب شايفكم لو ممكن عايز احتفل وتعالو افرحوا معاي انا وليمي
|
Post: #7
Title: Re: عيد الإسمو إيه ده "الحب" !
Author: osman righeem
Date: 02-14-2009, 06:36 AM
Parent: #6
| Quote: وتعالو افرحوا معاي انا وليمي |
وين؟
الدعوه عشاء؟
كيفك و كل سنه وانت طيب
|
Post: #8
Title: Re: عيد الإسمو إيه ده "الحب" !
Author: أحمد الشايقي
Date: 02-14-2009, 06:55 AM
Parent: #7
Quote: ها 14 فبراير مين يزوّد؟
|
28 فبرايـر, نقول مبـروك ؟؟؟
أحمد الشايقي
|
Post: #19
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 12:05 PM
Parent: #8
مولانا الشايقي ..
| Quote: 28 فبرايـر, نقول مبـروك ؟؟؟ِ |
لو زدتها يوم واحد
كان يمكن أيوة ويمكن لأ
فبراير دا ممحوق خلاص
لكن بيجيب الماهية بسرعة هههههههه
|
Post: #9
Title: Re: عيد الإسمو إيه ده "الحب" !
Author: احمد سردوب
Date: 02-14-2009, 07:33 AM
Parent: #7
عثمان ود رغيم الحسن
هابي فالانتاين وكل سنة وانت طيب
الدعوة في القاهرة مفتوحة بس ما تنسي تجيب معاك الورود
|
Post: #17
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 11:31 AM
Parent: #6
Quote: تيسير واللي معاك هابي فالانتاين
يا جماعة انا فرحان للنهاية ومحتفل وشايف كل المحلات مليانة لكن عندكم عاملين اضراب شايفكم لو ممكن عايز احتفل وتعالو افرحوا معاي انا وليمي
|
هابي فالنتين يا سردوب
ورغم الإضراب لكن فرحك بيفرحنا
ومني ليكم بوكيه ورد أحمررررر إنت وليمي ..
جعل الله أيامكم كلها فالنتاين
|
Post: #14
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 11:04 AM
Parent: #5
يا عيسى هابي فالنتين ياخ لوووووووول
| Quote: لكن شايف الناس محتفلين وخفت يقولوا عني هادم العيد ومفرتق الحفلات.. |
دا كان ما قالوا حاسد ولا ماخد واحد "همر" على دماغك ( إنتو الوشوش الضاحكة وين بالمناسبة؟)
Quote: بينما عيد الحب هو بالنسبة لي مثل أعياد الميلاد (للناس الساكت مش ميلاد سيدنا عيسى!) أو عيد الزواج؛؛
يعني كل زول عيدو براهو،، بالأصح كل زول وزولة عيدهم براهو،، وفي تأريخ بعني ليهم شي.. |
كلام زي العجب
لا للإحتفال بعيد الحب
يسقط فالنتين
يسقط يسقط
| Quote: بعـدين ياخي نحنا (الفقـرا) ما عندنا،، يعني حتى الفقرا إلا نستوردهم من أوربا وناسنا ما لاقين شغلة يقضوها! |
القال ليك منو؟ نحن الفقرا بتاعيننا تخصص عرس بس حب ورومانسيات وضياع زمن دا ما معاهم
ما شفت الكليب بتاع الهيلاهوب؟
|
Post: #12
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 10:48 AM
Parent: #4
Quote: نحن عايزين نحتفل بعيد اب شرا
بس لسع ما اتفقنا علي التاريخ |
نحن شيخنا حمد أب عصاتن سيف
مش كلو كسير في كسير :)
Quote: و بعدين ليه لون احمر يعني الهلالاب
يعملوا شنو
|
لون أحمر لأنو الحب بيوريك العين الحمرا
أساساً الأحمر لون الحرارة
هسي في "الماسورة" مش بتلقى لونين أحمر وأزرق طيب خلاص
الهلالاب مالهم ومال وجع القلب؟
|
Post: #13
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 10:52 AM
Parent: #4
Quote: شافع فلعوص علي التلفون
قال
ياعمو
ما إسمو عيد الحب
إسمه عيد العشاق |
الله يحضرنا زمنو !
|
Post: #11
Title: Re: عيد الإسمو إيه ده "الحب" !
Author: Abureesh
Date: 02-14-2009, 10:36 AM
Parent: #1
|
Post: #20
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 12:10 PM
Parent: #11
إنت برضو مُضرب يا أبوريش ؟
|
Post: #15
Title: Re: عيد الإسمو إيه ده "الحب" !
Author: محمد عثمان
Date: 02-14-2009, 11:07 AM
Parent: #1
Quote: أها يا خوانا إبتداءً من الآن أنا (غررت) أقاطع الإحتفال بيوم الحب دا
وما دايرة معاهو ومن الليلة سأرفع شعار ليس بالحب/الخبز وحده يحيا الإنسان
مع كامل تضامني مع السادة أصحاب الطابونة .. |
و ايضا كامل التضامن معك يا تيسير
و عاش الرغيف البلدى...
نسينا نقول سلاااام...
|
Post: #16
Title: Re: عيد الإسمو إيه ده "الحب" !
Author: tmbis
Date: 02-14-2009, 11:18 AM
Parent: #15
Quote: حسب معلوماتي الضعيفة فإن يوم 14 فبراير يصادف سنوياً الإحتفال
بالفكي "فالنتين"* والذي يرقد في أحد القباب في نواحي أوروبا هناك "يلحقنا وينجدنا بعد الحال"
وحيث أنني أؤمن بالمثل الشعبي البليغ شهراً ما عندك فيهو نفقة ما تعد أيامو
فأنا خالص ما قاعدة أعد أيامو فبراير دا خصوصاً إنو أيامو أساساً ناقصة خلقة .. |
 .. يعني حسع دي يا تيسير يا عووضة علشان معلوماتك ضعيفة عن الاسمو مين دا .. يعني عايزه تبوظي ليهو مشروعو العاطفي دا ..؟
فلنفترض مثلا يعني أنو في ناس الليلة دي بالذات عايزه تبدأ ليها مشروع ريد جادي جدا حسع تقرا كلامك دا يعني تبطل المسالة دي ..؟ يا تقوم تعتقد اعتقادات غريبة جدا
يعني لا تحبي ولا تخلي الناس تحب ولا كمان تريحي الراجل ؟ 
شفتي عشان حظك وعشان الغتاتة بتاعتك دي .. بكري شال الوردة البتتفتح ديك ..
نربط ليك ياتو وش حسع دي ..؟
|
Post: #24
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 12:38 PM
Parent: #16
Quote: .. يعني حسع دي يا تيسير يا عووضة علشان معلوماتك ضعيفة عن الاسمو مين دا .. يعني عايزه تبوظي ليهو مشروعو العاطفي دا ..؟
فلنفترض مثلا يعني أنو في ناس الليلة دي بالذات عايزه تبدأ ليها مشروع ريد جادي جدا حسع تقرا كلامك دا يعني تبطل المسالة دي ..؟ يا تقوم تعتقد اعتقادات غريبة جدا |
يعني حسع دي يا علاء منصور إنت من جوانياتك كده مقتنع بالبيعمل فيهو الزول دا؟
دا حتى ما يرضيش ربنا ..
إتخيل معاي منظر ناس عايزة "تدقس" وتبدأ ليها مشروع ريد في الليلة دي ولا "الليلة ديك" 
هل في رايك دا اليوم المناسب ؟
لو أيوة تبقى مصيبة يا مصيبة إنتا
Quote: شفتي عشان حظك وعشان الغتاتة بتاعتك دي .. بكري شال الوردة البتتفتح ديك ..
نربط ليك ياتو وش حسع دي ..؟ |
هسي عليك دينك منو القاعد يعطل في المشاريع العاطفية أنا ولا بكري ؟
نزبط ليك "وش ملاح" عارفاك بتكون جعان زي المواعيد دي
مش قالوا أقرب الطرق إلي  الرجل معدته 
|
Post: #26
Title: Re: عيد الإسمو إيه ده "الحب" !
Author: tmbis
Date: 02-14-2009, 01:26 PM
| Quote: هسي عليك دينك منو القاعد يعطل في المشاريع العاطفية أنا ولا بكري ؟ |
يعني يا تيسير يفكوك من الزول الاسمو من فالنتاين تمسكي في بكري ابوبكــر .. ؟
وتقولي لي أم كلثوم بتنهر فينا .. من الصباح ؟
تتغدي واللا تقعدي بي جوعك دا كدا .. أنا غايتو قاعد اتغدى في الوقت الحالي 
|
Post: #27
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 05:29 PM
Parent: #26
| Quote: تتغدي واللا تقعدي بي جوعك دا كدا .. أنا غايتو قاعد اتغدى في الوقت الحالي |
مش قلت ليك ؟ 
|
Post: #18
Title: Re: عيد الإسمو إيه ده "الحب" !
Author: محمد عثمان
Date: 02-14-2009, 11:31 AM
Parent: #15
|
Post: #22
Title: Re: عيد الإسمو إيه ده "الحب" !
Author: شول اشوانق دينق
Date: 02-14-2009, 12:25 PM
Parent: #18
سلام يا تيسير
________________
الحب ما دايرلو يوم يحتفلو بيه
|
Post: #29
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 05:42 PM
Parent: #22
| Quote: الحب ما دايرلو يوم يحتفلو بيه |
كلمهم عليك الله يا شول ..
|
Post: #23
Title: Re: عيد الإسمو إيه ده "الحب" !
Author: Amany Elamin
Date: 02-14-2009, 12:25 PM
Parent: #18
تيسير سلامات:
لا للإحتفال بعيد الحب
يسقط فالنتين
يسقط يسقط
حب ايييييييييييييه....
تحياتي,,,
|
Post: #30
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 05:46 PM
Parent: #23
أماني الأمين ..
إسمك حلو وموسيقي
نهدي ليك أغنية "الأمان"
ساي كدا بس ما عشان عيد الحب ولا حاجة
وألف مرحب بيك بيناتنا ..
|
Post: #28
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 05:39 PM
Parent: #18
محمد عثمان تسلم على الوردة
زينت البوست القاحل ده 
البورد بقى صلعة زي بكري لا صور لا أغاني ولا أي حاجة !
|
Post: #21
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 12:15 PM
Parent: #15
محمد عثمان ..
ولا عزاء للرغيف الأفرنجي :)
|
Post: #25
Title: Re: عيد الإسمو إيه ده "الحب" !
Author: Ishraga Mustafa
Date: 02-14-2009, 01:18 PM
Parent: #21
Quote: وحيث أنني أؤمن بالمثل الشعبي البليغ شهراً ما عندك فيهو نفقة ما تعد أيامو
فأنا خالص ما قاعدة أعد أيامو فبراير دا خصوصاً إنو أيامو أساساً ناقصة خلقة .. |
ياتيسير يا صاحبة
فبراير ده اهمّ شهر الله خلقو فى الدنيا
فيهو طلّ واصل فى حياتنا- 19 فبراير الساعة السادسة وستة دقائق وثمانية ثوانى من عام 1999
فبراير- فى الثامن عشر منه من عام معطون فى جراحات الروح 1993 غادرت السودان بحثا عن ملاذ, فضاعت كل ملاذاتى
فى الثامن والعشرين من ذات الشهر كان اول يوم لىّ فى بلاد الدانوب....ومن هنا كان للانهار حكايتها!!
والرابع عشر منه بتبكى كل الورود الحمراء اللى حملنّاها البنات لاجل العشاق او العكس
وفى اليوم ده بتربح كل شركات العطور والشكولاطات
وفى اليوم ده ممكن تلقى مهاجرة فرصه عمل عابر- فى جاه ملوك رأس المال تلوك-
يعنى الزول يستنى فالنتين ده يجىء عشان يندى القلب؟
قصص والله!!
اقتبس لك اشراقه هنا فى حالات عصيانها المدنى!!
لن
وان طرق فالتين طرف حلم قديم
وأتانى بالزهور الحمراء تلك التى اشتهيها
ان هدهد نشيج روحى
و{طبطب}
بالنجمات جروحى
لن افتح
ساوصد نوافذ تلك الحجرة الحنينه
وستنطفىء فوانيس
أشعلها لهيب لوعتى
وجسد يترقفص فى فوهة الروح بلا مشاعل
لن افتح لفالنتين
ولن استجديه ان يبقى
فليذهب برياحينه
وهدهداته
ولتنطفىء نجماته
فماعدت إمرأة تنثر رياحين الحب فى حديقه
لذا لن افتح
فيينا.. وفالنتن ينتظر 2004
|
Post: #31
Title: Re: عيد الإسمو إيه ده "الحب" !
Author: تيسير عووضة
Date: 02-14-2009, 06:01 PM
Parent: #25
شرّوق يا صحبة روحي ..
فبراير عندك ملئ بالتواريخ المميزة
ربنا يخلي ليك واصل ومرافئ ويخليك ليهم
هم الإتنين أجمل شئ ممكن يحصل في حياتك
Quote: وان طرق فالتين طرف حلم قديم
وأتانى بالزهور الحمراء تلك التى اشتهيها
ان هدهد نشيج روحى
و{طبطب}
بالنجمات جروحى
لن افتح
ساوصد نوافذ تلك الحجرة الحنينه |
كتابة تخطف القلب !
|
Post: #32
Title: Re: عيد الإسمو إيه ده "الحب" !
Author: ibrahim kojan
Date: 02-14-2009, 06:10 PM
Parent: #31
غايتو عيد الاسمو شنو دا ما شغال معاي خالص
لانو انا راسي وارم من الشواكيش وحتي لو لقيت واحده الايام دا بخش توش في الموضوع لانو فالانتاين دا غير الشواكيش والجن والورم ما بيجيب حاجه
عندكم فضل طهر زي ما قلت لخضر
ما عارف شنوx شنو ؟؟؟؟؟
|
Post: #33
Title: Re: عيد الإسمو إيه ده "الحب" !
Author: طارق جبريل
Date: 02-14-2009, 06:52 PM
Parent: #32
تيسير انا عندي اقتراح
خلونا النشوفلنا شيتا يشبهنا
يعني مثلا نسويلنا عيد أليل ريدة نسميهو ((فاطني السمحي))
|
Post: #40
Title: Re: عيد الإسمو إيه ده "الحب" !
Author: تيسير عووضة
Date: 02-15-2009, 06:12 AM
Parent: #33
Quote: تيسير انا عندي اقتراح
خلونا النشوفلنا شيتا يشبهنا
يعني مثلا نسويلنا عيد أليل ريدة نسميهو ((فاطني السمحي)) |
ود جبرين ..
بنصحك عيد الريد الليلكم ما تسموهو بإسم "واحدة ست"
أي حبيبة فتحة خشمها حا تقول ليكم فاطنة دي مني ؟
بعرفهم كويس النسوان ديل 
|
Post: #39
Title: Re: عيد الإسمو إيه ده "الحب" !
Author: تيسير عووضة
Date: 02-15-2009, 06:04 AM
Parent: #32
يا كوجان ..
Quote: لانو انا راسي وارم من الشواكيش وحتي لو لقيت واحده الايام دا بخش توش في الموضوع
لانو فالانتاين دا غير الشواكيش والجن والورم ما بيجيب حاجه |
غايتو فالنتين الله يبشبش الطوبة التحت راسو
الختاها رقدت ..
ياخ أقول ليك
عرس عرسك الحب ملحوق
كلو في النهاية واحد
|
Post: #34
Title: Re: عيد الإسمو إيه ده "الحب" !
Author: عزاز شامي
Date: 02-14-2009, 07:38 PM
Parent: #1
تايسا،
وحاة الله موشتاقون ياخ .!!
ختيت ليك قلب بيقول (دق ققم دق ققم دق ققم) زي بتاع غرفة الاسعاف عربون محبة وكده
ماذا دهاك يا هناية؟
مهبباهو لليوم ليه من اصلو؟
ياختي اليوم ده لا بشبهنا لا انحنا شبهه ...
ما باقدر اتخيلني شايلة لي وردة ولا مرسلة لي ورد في عيد حب،
ووووب .. وتاني ووووب اصحابي و صديغاتي كانو شالو حسي
وسارت الركبان بالرواية و ظنو بي الظنون ...
الآن وفي هذه اللحظة التارخية من الرابع عشر من فبراير انا باكتب من الكنبة المقابلة للتلفزيون
و شعري ينقط زيت دابر و شراريبي لون و لون ...
و عقلي يودي و يجيب في نوع العضة .. تركين ولا بيض مسلوق ولا اقوم اسخن باقي الغدا ...
وده طبعا عطفا على قولك اعلاه بانو انحنا شعب بطيني يعيش في معدته (عزاز شامي مثالا)
اي حب لا يشمل عضة يسقط من حساباتي زي الترتيب ... أليس بالخبز و الشيكولاته يعيش الانسان؟
زمان ايام اللمة السمحة كنا بنتلم كللللنا، كلنا دي شاملة عدد 12 قرد و قردة
بنتلم في بيتنا يوم الفلنتاين و نحضر فيلم رعب و ناكل اكل صيني من الرخيص داك
و نقوم نتشاكل بمخدات كنب الصالون و تنتهي الليلة بأمي ساكاني للاوضة
و انا خابتة يا ركبتي يا قورتي في طرف الباب ...
و طبعا كل قرد بيطلع شجرتو لانو اهاليهم بيكونوا جو يستلموهم من خشم الباب
عقب اتصالات متكررة من امي انهم يجو يلمو بناتهم و اولادهم من صالونها ... و تتبعد اصواتهم اللاهجة بالاعتذار و الوعود بأنو ده تاني ما حيتكرر، بس على مين ؟؟ وحياتك بيتكرر لغاية ما تساقط القرود قردا تلو قرد ..
ظننت حينها، وكم كنت مهضربة يا تايسا، انني سأكبر لأكون كالبنات في مدرستي الثانوية
و أغرق في الرومانسية في ذلك اليوم و البس توكة الشعر حمرا، القلم احمر، الشنطة حمرا،
الجزمة حمرا، و أبعث بكروت مطبوعة بأحمر شفاه قان ..
لكن الله ما كبير و بيلطف بعباده ... الله لطف بي و حاربت كرويات دشانتي فايروس الرومانسية
اليوم ده بمشي و بيجي و افكاري كما هي رهن عضة في الخاطر أو عضة قيد التنفيذ،
ولكني عوضت خيرا كثيرا فمن الله علي بقلب محب شغوف للطعام
يأنس بمرأى الصحون و الأواني كفرحته بالإياب ...
وهذا ما قد كان من أمر هذه اليوم المجغمس ..
_____
فيا اخوانا ...
حبو حبكم هداكم الله في كل لحظة و كل ساعة
ولا تؤجلو حب اليوم إلى الفلنتاين ...
|
Post: #35
Title: Re: عيد الإسمو إيه ده "الحب" !
Author: saif massad ali
Date: 02-14-2009, 07:45 PM
Parent: #34
الاخت تسير
طبعا حكمة الله انا ماعارفو شهر الحب
لكن تزوجت في ايام الحب ذاتو واهدتني زوجتني ابني الثالث في نفس ايام الحب دي
واجازتي السنوية دائما في شهر الحب ده
لكن يشهد الله ماحاسبلو اتاريهو بحبني من جانب واحد
|
Post: #36
Title: Re: عيد الإسمو إيه ده "الحب" !
Author: سلمى الشيخ سلامة
Date: 02-14-2009, 07:54 PM
Parent: #34
عارفة يا تيسير
زمان كنا بنغنى اغنية ابراهيم عوض
الحب موجود فى الدنيا
طلعت محمد نور
كيف ما تسالينى
هسى فى علاقة بين الحب والجماعة المذكورين اعلاه؟
كتبت لخضر انه امبارح كانت وقفة العيد
وحاتك زى ما بحكى ليك
وقفة عديل
الامهات نفسن قايم من مشى الاسواق
والبحيتى فى الهدايا
والشفع والشافعات قهرتهن بى الله
لا دا ماديرنو
ودا معانا
شى قلوب وشى ملابس مقلبه"يعنى مرسم فيها قلوب "
وقلوب طايرة تجيك من وين ما تعرفى
والليلة العيد
الخلق تارسه الاسواق ما للشراء ما خلاس اشتروا
للاحتفالات لانه الحدايق متلجة "بيضاء من غير سوء"
و"سوء على مهلك سوء بكرة الدنيا تروء؟
او هكذا قالت خالتى ام شادية اجمل عاشقات السينما المصرية
ويحيا الحب
ودام صفانا
التعديل لحذف الف زائدة ، ما دودية الف حق الله والرسول
|
Post: #38
Title: Re: عيد الإسمو إيه ده "الحب" !
Author: Safa Fagiri
Date: 02-14-2009, 08:32 PM
Parent: #36
ooops!
what is going
on dear!
wii fi
shino?
is it a heart
or flower!
greetings
Tayseer
whatever the story
behind this day
it is Eid for us
..
any day lead to peace
and love on this earth
it is Eid for us
..
so
Happy Valantine
day guys
and
Tayseer..
Haky
alwarda de..
|
Post: #41
Title: Re: عيد الإسمو إيه ده "الحب" !
Author: تيسير عووضة
Date: 02-15-2009, 07:09 AM
Parent: #34
يا لذاذ شامي ياخ الشوق كتلنا ياخ ..
| Quote: ختيت ليك قلب بيقول (دق ققم دق ققم دق ققم) زي بتاع غرفة الاسعاف عربون محبة وكده |
هو بالله إنتي لسه عندك قلب بيدق قدر ده ؟
والله كتر خيرو لا يزال صامد
أنا غايتو حقي بدلتا بيهو العدة زماااان
Quote: ماذا دهاك يا هناية؟
مهبباهو لليوم ليه من اصلو؟
ياختي اليوم ده لا بشبهنا لا انحنا شبهه ...
ما باقدر اتخيلني شايلة لي وردة ولا مرسلة لي ورد في عيد حب، |
شوفي يا بت يا عزوز ..
من الواضح إننا "أنا وإنتي يعني" محتاجين لينا لي كورسات مكثفة بتاعت رومانسية وحنك وحنك مضاد
لازم نعيش الحالة
لازم ننسجم مع مشاعرنا ونكون حساسين ونبطل التبلد النحنا فيهو دا ياخي
مش الواحدة دموعا في عينا وقاعدة تتفرج في البلوزات
من يوم الليلة أنا قررت أكون بنوتة رقيقة وأبطل شغل الصعايدة دا
حياتي الجاية حتكون كلها عبارة عن قلوب ملونة "مش حمراء بس منعاً للملل وكدا"
أشرطة ساتان وفيونكات بمبية
دايرة معاي ولا أخليك في ضلالك المبين دا؟
وتاني ما أسمع في خشمك سيرة تركين نهائي
قولي سالمون
شرمز
أي نوع بتاع سي فود
وكلو في النهاية سمك
(الكلام دا طبعاً ما بيمنع إنك تاكليهو تحت تحت وأنا زاتي معاك كجزء من الهوية النوبية بتاعتنا)
أما العضة دي فمش حتنازل عنها أبداً
دي الدايمة لينا يختي
خارطة الطريق إلى القلوب لابد أن تمر عبر العضة
والمصريين بيقولوا أطعم البؤ تستحي العين ..
ملحوظة:
تم إستبعاد الكوارع وأم فتفت من القائمة تماشياً مع المرحلة
|
Post: #42
Title: فالنتاين هين..الكلام..
Author: Kabar
Date: 02-15-2009, 08:01 AM
Parent: #1
تيسير ..حبابك يا صديقة..
كل سنة و انتى طيبة ياخ..
و بعدين..
طالما عندك كج مع السيد شباط.. يبقى نهائي ما تعتبي على كندا و امريكا..
هنا عندهم احتفال عجيب اسمو..Groundhog Day..و ده بيكون في الثاني من فبراير..و في فيلم بنفس الإسم بطولة الممثل..بيل موري..
ياخي اخير عمنا فالنتاين كان فكي و كده.. لكن الشاب التاني ده مخلوق لا بتعرفي ليهو راس ولا قعر.. يعني لا جقر كبير..ولا فار..ولا صبرة..ولا كديس..ولا يحزنون ذاتو..
اها يوم 2 فبراير.. الجماعة تتلقيهم منتظرين جنب جحر الكائن العجيب ده.. عشان يمرق..ياخي شئ كاميرات تلفزيون..وميكروفونات..و بدل لامعة..و تسريحات ما تديك الدرب..شيتا يتخيل لي اعتى رئيس دولة افريقياما ح تكون في حضوروا جمهرة كتلك..
عندهم الأسطورة بتقول.. لو الكائن ده مرق و شاف ضلو..معانتو فصل الشتاء (فصل الجليد) ح يستمر تاني لست اسابيع..و لو ما شافو .زده بيعني انو الربيع خلاص ح يبدأ..
السنة دي.. عمك.. على بالحلال.. مرق رويسو..و تاني رجع بدربو لجحروا..و يعلم الله لغاية كتابة هذه الهترشة الجليد نازل..!!
اها القصة دي عجبتني شديد..و قلت نقترح في السودان يكون عندنا يوم اسمو يوم السمبرية..كان جات معانتو الخريف جاي..و لا ماجات معناتو مصيفين..!!
و للإحتفالات في مناسباتها شئون.. أو كما قال..!
انتى قايلة شنو؟.. كلام من عينة (بكرة الريد بدون مواعيد)..دي ما كتبوها في يوم قفلة الفالنتاين (يعني يوم 13فبراير)..و لو مكضباني اسألي تمبس القدامك ده..!!
هبي فالنتاين..و بلاش حنبكة معاك..
كبر
اللون الأزرق في امكانية أن يكون الفالنتاين بلون الهلالاب و كده..
|
|