Post: #1 Title: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوعركي Author: تيسير عووضة Date: 01-10-2008, 03:55 PM
Post: #2 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: محمد الأمين موسى Date: 01-10-2008, 04:16 PM Parent: #1
شكرا لك أختي تيسير على هذه اللوحة الفنية الرائعة... هذا النوع من الأعمال يتسم بالتفرد وتعدد البصمات.. فهل من مزيد؟
Post: #3 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Omer Elsheikh Date: 01-10-2008, 04:17 PM Parent: #1
ياسلام ياتيسير ياجمال شكرا
عمر منصور
Post: #4 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: saadeldin abdelrahman Date: 01-10-2008, 04:19 PM Parent: #1
دي بت المدارس
-------------===== ازيك يا تيسير تسلمي يا ذوق يا فهم.
Post: #5 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-10-2008, 05:50 PM Parent: #1
محمد الأمين موسى ..
Quote: هذا النوع من الأعمال يتسم بالتفرد وتعدد البصمات.. فهل من مزيد؟
أكيد غنانا السوداني دا فيهو درر كل ما نلقى حاجة حلوة زي دي بنجيبا هنا
عمر منصور .. شفت الكلام دا كيف؟
سعد الدين ..
Quote: دي بت المدارس
الشايلة المضرب
تسلموا كلكم ويلا نسمع ونستمتع ..
Post: #6 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: jini Date: 01-10-2008, 10:43 PM Parent: #5
Quote: أبوداؤود, سيد خليفة, صلاح مصطفى, ابن البادية و أبوعركى
أكثر ما يميز هولاء العظماء هو احتفائهم ببعضهم واقرارهم بالتميز والتفرد لبعضهم البعض دون احقاد! تيسير لو عندك تسجيل لحسن عطية يصدح برائعة سيد خليفة يا مسافر وناسى هواك ! تكون عجوة معطونة بى عسل! حسن عطية يغنى لسيد خليفة وليس العكس! شوفتى الجيل دا كيف! جنى
Post: #7 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: حمد اسماعيل Date: 01-10-2008, 11:06 PM Parent: #6
اختيار موفق يبرهن على سلامة الذوق وحسن الاستماع
بس عايز اوضح حاجه بسيطه المغنى بعد ابن الباديه
مش عركى , دا مجذوب أونسه
بس علشان نحفظ ليهو حق الاداء .
لك كل الود والمحبة .
Post: #22 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-12-2008, 12:38 PM Parent: #7
حمد إسماعيل ..
يسلم ذوقك وأشكرك جداً على التصويب أنا بصراحة إتشككت في الصوت لكن لقيتو أقرب حاجة لصوت الرائع أبوعركي قلت يمكن لما كان صغير صوتو كان كدا
التحية لاستاذنا أبوعركي وللاستاذ مجذوب أونسة
وليك إنت برضو ..
Post: #8 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: نهال الطيب Date: 01-10-2008, 11:09 PM Parent: #6
لاحولا
ياتيسير
أنا رجعت سبعة سنين ورا
وطافوا كترت ناس في خاطري هسه
يلاك يا عصفوري
كان كل أصحابي بشاغلوني بيها
عشان لمن كنت بغني بغنيها
غنية بطعم كل الذكريات الحلوة
وطبعاً بأصوات العملاقة ديل
قمة في الروعة
جزيل شكري وودي
Post: #23 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-12-2008, 01:05 PM Parent: #8
وعلى سيرة الأغاني البترجعك لزمان وناس معينين إتكلمنا مرة في واحد من البوستات عن الحكاية دي والنقاش كان عن الأغاني والعطور (الإرتجاعية) وبالمناسبة دي بهدي ليك غنية البلابل (رجعنالك)
Post: #21 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-12-2008, 12:24 PM Parent: #6
جني ..
Quote: أكثر ما يميز هولاء العظماء هو احتفائهم ببعضهم واقرارهم بالتميز والتفرد لبعضهم البعض دون احقاد!
ودا الجميل فيهم قلوبهم كانت بيضاء وهمهم الغنا .. الغنا وبس !
Quote: تيسير لو عندك تسجيل لحسن عطية يصدح برائعة سيد خليفة يا مسافر وناسى هواك ! تكون عجوة معطونة بى عسل! حسن عطية يغنى لسيد خليفة وليس العكس!
للأسف يا جني ما عندي التسجيل دا مع إني بحب أمير العود شديد لكن بشوف ليك (الأسد) عندو كمية من الشرايط كاتب فيها كابلي قعدة خاص, وردي خاص, منو ما بعرفو خاص .. غايتو بشوف ليك في الخاص دا
Quote: شوفتى الجيل دا كيف!
الجيل ولاّ راجل ست الجيل
Post: #20 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-12-2008, 11:46 AM Parent: #5
تحية كبيرة لموسيقارنا عازف الكمان المُجيد عمر منصور
والذي هو الأخ الأكبر لعضو البورد (الغلباوي + فنان) تمبس الشهير بـ علاء منصور ..
Post: #9 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Moawia Mohammed Date: 01-11-2008, 02:00 AM Parent: #1
يا ســـــــــــــلاااااااااام عليك يا تيسير
منتهي الروعة
هل من مزيد؟
Post: #25 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-12-2008, 01:18 PM Parent: #9
معاوية (ود جيراننا) ..
Quote: منتهي الروعة
هل من مزيد؟
عندي حاجة حتعجبك جداً بس الأيام دي مزرورة شوية صبراً آل حسن عمر
Post: #10 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Adil Osman Date: 01-11-2008, 05:31 PM Parent: #1
أنا لى حبيب.. مغرم وبغير عليهو. هنالك صوت نسائى جميل يا تيسير بشيل مع الفنانين ديل. من هى/هن صاحبة/ت الصوت النسائى؟ ولكى جائزة يا تيسير مقدارها الف سنة ضوئية من الود والتقدير!
Post: #11 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Emad Abdulla Date: 01-11-2008, 06:25 PM Parent: #10
تيسير .. الله يريّحك ياخ .
Post: #12 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: إيمان أحمد Date: 01-11-2008, 08:42 PM Parent: #11
Post: #13 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: salma subhi Date: 01-11-2008, 09:08 PM Parent: #12
يا سلام يا تيسير....
الله يسعدك........
Post: #14 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: خالد علي محجوب المنسي Date: 01-11-2008, 09:20 PM Parent: #13
شغل نضيف شكراً تيسير شديد
كلام طيب وأداء جميل
Post: #18 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: ateif abdoon Date: 01-12-2008, 02:24 AM Parent: #14
شكرا علي الاغنيه الجميله
فقط اود ان انوه ان الصوت الاخير صوت مجذوب وليس عركي
Post: #32 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-12-2008, 08:04 PM Parent: #14
وتسلمي كلك يا إيمان ويسلم غنانا الما بيشيخ أصلو ..
سلمى صبحي ..
Quote: الله يسعدك........
وإنتي برضو الله يسعدك ومن الهم يبعدك ..
خالد علي محجوب .. (بدون المنسي)
Quote: شغل نضيف شكراً تيسير شديد
كلام طيب وأداء جميل
يا سيدي تسلم وحقو نشكر الله إنو خلق في دنيتنا ناس زي ديل ..
عاطف عبدون .. (من إسمك دا شكلك قريبنا) ألف شكر ليك على التصويب شكلي خلطت بينهم الإتنين ..
Post: #30 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-12-2008, 06:46 PM Parent: #10
عادل .. حزّر فزّر
تكون ياربي سمية حسن
Post: #15 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: 3mk-Tango Date: 01-11-2008, 09:39 PM Parent: #1
تيسير سلام جاك ..
اها تسجيلك دا انا كنت بعمل بيهو امتحان ..شريط فيهو حوالي 32 مطرب سوداني كان اصغرهم مصطفي سيد احمد كما اعتقد ..
وهو تسجيل من مهرجان الثقافة في اوائل الثمانينات او اواخر السبعينات
لو عندك باقي التسجيلات اتحفينا بيها ولو ما عندك تكوني طالباني كم اغنية منها بس زمني يسمح لي احولها لي الكمبيوتر ..
احترامي ..
تنقو
Post: #16 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: أحمد الشايقي Date: 01-11-2008, 09:55 PM Parent: #15
الله الله الله,
تسجيل رائع يا تايسـا
أحمـد
Post: #17 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Abdlaziz Eisa Date: 01-12-2008, 02:17 AM Parent: #16
تسجيل رائع
تسجيل رائع
تسجيل رائع
Post: #19 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Abdel Aati Date: 01-12-2008, 04:04 AM Parent: #17
تسلمي يا تيسير
Post: #34 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-13-2008, 06:06 AM Parent: #19
Post: #33 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-13-2008, 05:50 AM Parent: #15
يا تنقو ..
بالله عند التسجيل دا ونايم بيهو الزمن دا كلو يا خي حب لأخيك ياخ
بعد دا حتى لو عندي باقي التسجيلات برضو حأتعبك وأخليك تنزلها تاني مع زمنك المافي دا ..
ولا أقول ليك رسل لي الشريط (عضم) وأنا بتصرف
Post: #24 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: معاوية الطيب Date: 01-12-2008, 01:15 PM Parent: #1
قمة الروعة شكرا تيسير
Post: #26 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: محمد الطيب حسن Date: 01-12-2008, 01:55 PM Parent: #24
تشكري علي الاغنيه الاكثر من رائعه وزي ماقال اخونا عادل في صوت نسائي مع المجموعه نرجو بالتحري عنها وكشف هويتها
Post: #27 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: sanaa gaffer Date: 01-12-2008, 03:52 PM Parent: #1
على ذمة شاهد عيان , كانت هذه الأغنيات و مجموعة أخرى , هي تسجيل في تلفزيون السودان , في احد الاعياد , و كان برفقة بعض الفنانين زوجاتهم , و قد يكون الصوت النسائي لإحداهن , دا لو ما أكد او نفى أحد العارفين لهذا الأمر , ولا شنو يا استاذ عادل ايمن ؟
من الاغنيات التى سجلت بهذه القعدة :- محبوبي ناداني صباح النور عليك يا زهور *يا قسيم الريد *المـُـضمـّـر *سيدا وجمالها فريد *رشقتني عيونو *ما بقطف زهورك *منعوك أهلك *غصن الرياض المائـــد *في الليل الهاجع *لي زمن بنادي *خليّ العيش حرام *قلبي هام مالو *القاش القاش *الحبيب وين ؟ قالوا لي سافر *في دلالو *يا بهجة حياتي *انة المجروح *أذكريني *أفرحوا يا شمات
وأغنيات أخـر بنفتش ليها لسه .
و لا شنو يا عمك تنقو ؟؟
Post: #36 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-13-2008, 06:33 AM Parent: #27
معاوية الطيب ..
Quote: قمة الروعة
قمة الروعة لسه جاية خليك معانا ..
محمد الطيب حسن ..
Quote: وزي ماقال اخونا عادل في صوت نسائي مع المجموعه نرجو بالتحري عنها وكشف هويتها
Post: #29 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-12-2008, 06:24 PM Parent: #1
الليلة والليلة جني حصل ..
فلان .. بالجد تسلم يدك !
Post: #31 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: عبدالكريم الامين احمد Date: 01-12-2008, 06:55 PM Parent: #29
الله شكر يا تيسير شكرا... لحن بسوي وبعمل في الزول عمايل عجيبة ابوداؤود سطوة صوت تعطي اي كلام في الدنيا دي يغنيوهو لحن اجراس الفردوس والزاد القصة دهشة وتطريب حضور اصوات سيد خليفة- عركي - ابن البادية ثم صلاح مصطفي لحن حتما سيحولني الي نقطة في هذا المساء (الله يستر ساكت)
Post: #38 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-13-2008, 10:30 AM Parent: #31
يا كيكي (أو كما قالوا)
أبوداؤود دا لما يغني نعيم الدنيا أنا يقعد في الواطة عديل الزول دا غنّاااي بعدين زول ما ديموقراطي أبداً .. هو يغني غنا الناس يبدع .. الناس يغنوا غناهو تقول لا عند أبوداؤود أحلى ! خارت الشباب كلهم
أما بخصوص الأساتذة
Quote: سيد خليفة- عركي - ابن البادية ثم صلاح مصطفي
Post: #35 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: أحمد الشايقي Date: 01-13-2008, 06:17 AM Parent: #1
Quote: الله عليك يا مولانا البيحب الطرب
يلا ألحقينا باللينك يا تايسـا,
متعك الله بالصحـة والعافيـة
أحمـد الشايقي
Post: #42 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-13-2008, 03:19 PM Parent: #35
Post: #37 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: tmbis Date: 01-13-2008, 06:43 AM Parent: #1
كنت عايز اقول ليك: يا سلالام يا تيسير يا جمــال .. لكن خفت قلت الزولة دي تجي تقول .. تمبس واهلــو علمو البوست دا حقهم وعملو الحالة واحدة .. والله عارفك ممكن تقوليها عادي ما فارقة معاك .. . الأغنية دي ومع مجموعة الأغاني كنت بسمعه الصباااح بدري في الإذاعة السودانية قبال الشاي بتاع الصباح .. وفي مجموعة تانية فيها العميري .. والعمرابي برضو بي نفس الطريقة دي .. لو بتقدري جيبي أغنية منها ومعاك كباية شاي سادة وساندوتش ..
يا سلالام يا تيسير يا جمال وقولي العايزه تقوليهو الفورة الف
Post: #39 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: رأفت ميلاد Date: 01-13-2008, 12:31 PM Parent: #37
أكيد جميل وممتع وأصيل
تسلمى
وفوق
Post: #45 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-14-2008, 06:03 AM Parent: #37
تمبس .. عاد أنا الليلة بقدر أفتح خشمي دا جايب لي أخوك الكبير شان تخوفني بيهو عارفاك (سغيل) لكن ما مشكلة أنا مقدمة السبت هنا عازف الكمان .. أصلو الدنيا ما معروفة هسي مش نفعني ..
أما بالنسبة لـ
Quote: الأغنية دي ومع مجموعة الأغاني كنت بسمعه الصباااح بدري في الإذاعة السودانية قبال الشاي بتاع الصباح .. وفي مجموعة تانية فيها العميري .. والعمرابي برضو بي نفس الطريقة دي .. لو بتقدري جيبي أغنية منها ومعاك كباية شاي سادة وساندوتش
أصلو يا ناس أمدرمان إنتو حركاتكم دي ما بتخلوها نقول الغنا تبقوا سيادو الشاي تبقوا سيادو (البحر) برضو سيادو
إيه دا
بين قوسين الفورة ألف وخمسمية ..
Post: #40 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Alsa7afa_30 Date: 01-13-2008, 01:48 PM Parent: #1
يا سلاااااام ..
الشريط ده وقع تحت ايدي في الهند .. و فيه تحف ..
شكراُ تيسير ..
Post: #41 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: jini Date: 01-13-2008, 02:32 PM Parent: #1
Quote: الليلة والليلة جني حصل ..
عجوة معطونة بى عسل!! ليلة قدر!! كان اتمنينا مليون يورو! جنى
Post: #46 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-14-2008, 06:30 AM Parent: #41
رأفت ميلاد ..
Quote: أكيد جميل وممتع وأصيل
من ذوقك طبعاً وتسلم يا عزيزي ..
الصحافة 30 ..
Quote: يا سلاااااام ..
الشريط ده وقع تحت ايدي في الهند .. و فيه تحف ..
واضح إنك من هواة جمع التحف والدليل (المصير بصوت عقد الجلاد) شكراً ليك إنت برضو
جني ..
Quote: عجوة معطونة بى عسل!! ليلة قدر!! كان اتمنينا مليون يورو!
يا جنى الإنترنت دا عامل زي مارد المصباح شبيك لبيك العايزو بين يديك بس طبعاً يوروهات ما معانا
Post: #43 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: abubakr Date: 01-13-2008, 03:48 PM Parent: #1
الشابة تيسير .. عامك مبارك ... تلكم المبدعيين ومن بقي منهم وما تراكم في حقيبة وجدان الشعب السوداني في فترات مختلفة استمرت الي اليوم و اشير هنا الي ان حقيبة الفن هي ماعون واسع شمل الذي نشير اليه الان باغاني الحقيبة وما تراكم في وجداننا خلال العقود السبع الماضيات للاسماء التي هي في عنوان مداخلتك هذه وغيرهم من مبدعيين العقود الماضيات ..وبقاء هذه الابداعات والتي سبقتها تحرك وجدان شباب مثلك من اجيال الغربة امر شديد الاهمية يتجاوز الطرب الي ان يكون حلقة وصل لا تنقطع مع الوطن ...الاغنية التي تبقي في وجدان جيل وتنتقل معه الي اجيال اخري هي جسر متين البنيان لتواصل قومي غير مرهون بالمكان ولا الزمان ....
مودتي ابوبكر
Post: #44 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: jini Date: 01-13-2008, 06:08 PM Parent: #43
رحم الله الجميل خوجلى عثمان فقد كان اكثر الفنانين الشباب احتفاءا بهولاء العمالقة برا وتواصلا وترديدا وتقليدا ومحاكاة لهم فى ابداعهم وفى ادائهم لروائعهم بصورة مذهلة تجمع وتمزج الطرب والمرح والاحتفاء والعرفان لاولئك الافذاذ الذين لن يجود بمثلهم الزمان ! رحم الله من مات من هؤلاء العمالقة واطال فى اعمار من بقى منهم. ومتعهم بالعافية جنى
Post: #48 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-14-2008, 07:40 AM Parent: #44
يا جني .. خوجلي عثمان سجل الكثير من السهرات في تلفزيون السودان بصحبة عدد من الفنانين وشاركهم الغناء بصوته الجميل وروحه الأجمل .. لكن البخليهو يعيش عشان يفرح ويفرح الناس منو ؟
Post: #47 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-14-2008, 07:27 AM Parent: #43
أستاذي أبوبكر سيدأحمد ..
أثرت نقطة مهمة جداً وهي تواصل الأجيال, فما عجز عنه المنطق والحوار تفعله الأغاني ! يشتكي الكثيرون من الهوة الموجودة بين الجيل الحالي والأجيال السابقة والتي لم ينجح شئ في ردمها كما نجحت الأغاني ما يجعلنا نتساءل: ما الذي يعطي الأغاني القديمة هذا السحر وتلك الإستمرارية؟ أعترف بأنني أكثر تحيزاً للغناء القديم .. أو بمعنى آخر (تقليدية المزاج) ولا أستطيع هضم أو تقبل الأعمال الجديدة بسهولة حتى على مستوى الأغاني الغير سودانية (أم كلثوم) تظل المفضلة بالنسبة لي
Quote: الاغنية التي تبقي في وجدان جيل وتنتقل معه الي اجيال اخري هي جسر متين البنيان لتواصل قومي غير مرهون بالمكان ولا الزمان ....
ولهذا السبب تحديداً أحضر منذ فترة لبوست توثيقي يحتوي على (كلاسيكيات الغناء السوداني) تلك الأغاني المحفورة في وجدان وذاكرة الشعب السوداني ..
سعدت لمداخلتك يا أستاذ أبوبكر كن دوماً بخير ..
Post: #49 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: abubakr Date: 01-14-2008, 08:01 AM Parent: #1
Quote: أستاذي أبوبكر سيدأحمد ..
صباحك خير يابتي .. اولا الالقاب بتخنق الواحد فانا لا استاذ بس بناء زي زي مئات فلذا ما فيها حاجة تقولي ابوبكر من غير القاب ...
لدي بنتيين ولدتا وتعلمتا هنا ثم هاجرتا لتكملة التعليم وتعودا في اجازات هنا ...ولكن للاسف ولطبيعة ابتعادهن الكثير عن السودان فلا يستمعن الي الاغاني السودانية ولكن لاحظت نهاية العام الماضي وفي حفل زواج بن خالتهن في ابوظبي-لاول مرة تحضرن حفلة عرس سودانية بعد ان كبرن- انهن استمعن باهتمام لمغني كان يطريبنا باغاني من الحقيبة ( اسمو مين كدة المغربي) والاحظ اهتمامهن بالحاننا النوبية .. اذن ليست هنالك مشكلة تواصل طالما هذه الاغاني قادرة علي اختراق الوجدان ولذا اشرت الي متانة هذا الجسر المبني علي تراكمات الجيد من اغاني وانتاج حقب مختلفة من تاريخ السودان الحديث ولو اضيفت اليها اغاني الاثنيات القديمة او التي تناقلتها اجيال حتي اليوم فيكون جسرا ممتدا الي كل اطراف السودان
شكرا
مودتي ابوبكر
Post: #50 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-14-2008, 11:49 AM Parent: #49
أبوبكر (بدون ألقاب)
ما في شك طبعاً الإبتعاد عن السودان لفترات طويلة بيخلي الزول بعيد عن الغنا السوداني البيئة بتلعب دور كبير جداً في تكوين الذائقة الموسيقية وتعويد الأذن على نمط موسيقانا و كمان في شئ مهم جداً الجينات بتخلي الزول بدون ما يشعر يميل لي الغنا حقو ويمكن دا بيفسر كلامك دا
Quote: ولكن لاحظت نهاية العام الماضي وفي حفل زواج بن خالتهن في ابوظبي-لاول مرة تحضرن حفلة عرس سودانية بعد ان كبرن- انهن استمعن باهتمام لمغني كان يطريبنا باغاني من الحقيبة ( اسمو مين كدة المغربي) والاحظ اهتمامهن بالحاننا النوبية ..
وطبعاً بدون تحيز وما عشان أنا نوبية لكن الألحان النوبية فعلاً جذابة وحنينة جداً وممكن تشد المستمع بس قد تكون اللغة وقفت حاجز قدام إنتشار الأغنية النوبية وتداولها بشكل أوسع .. وبالنسبة للفنان الأشرت ليهو فوق أعتقد هو محمد المغربي ..
كن بخير عزيزنا أبوبكر ..
Post: #51 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: abubakr Date: 01-14-2008, 11:59 AM Parent: #50
Quote: وطبعاً بدون تحيز وما عشان أنا نوبية لكن الألحان النوبية فعلاً جذابة وحنينة جداً
كمهتم بالشؤوون النوبية وجدت ان اكثر او اقوي الجسور التي مكنتنا كنوبيين من البقاء رغم تمازج مع اعراق اخري هي اللغةالنوبية ( وهي لغة لها حروفها وما كتب بها في الماضي) واغانينا التي تجمعنا كلنا كنوبيين
Quote: قدام إنتشار الأغنية النوبية وتداولها بشكل أوسع
حاول صديقي المرحوم حمزة علاء الدين ذلك ونجح لدرجة كبيرة .. ويحاول محمد منير من خلال الالحان النوبية وكلمات عربية .. ووردي عرفه كل اهل السودان من ربوع السودان وهو يغني باللغة النوبية في 1957
Quote: وبالنسبة للفنان الأشرت ليهو فوق أعتقد هو محمد المغربي
شفتي يابتي طلعنا قرايب كيف وكلو بسبب الغناء الجيد
Post: #52 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: sanaa gaffer Date: 01-14-2008, 03:15 PM Parent: #1
تيسير...
خلاص يا بتي عاداك ابوبكر بالعنصرة النوبية ؟؟!! ...
Quote: وطبعاً بدون تحيز وما عشان أنا نوبية لكن الألحان النوبية فعلاً جذابة وحنينة جداً وممكن تشد المستمع بس قد تكون اللغة وقفت حاجز قدام إنتشار الأغنية النوبية وتداولها بشكل أوسع .. وبالنسبة للفنان الأشرت ليهو فوق أعتقد هو محمد المغربي ..
يا ابوبكر ( عليك الله ) كيف مع الاجازة الاجبارية دي الليلة ؟؟ وكمان معاها حظر تجول ؟؟ الله يجازي ( بوش ) اللي كان السبب
تتوية .. مافي اغاني تاني ولا شنو ؟؟ ..
Post: #53 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Tragie Mustafa Date: 01-14-2008, 03:43 PM Parent: #52
شكرا تيسير امتعتينا على هذا الصباح. ربنا يديك العافيه.
Post: #54 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: abubakr Date: 01-14-2008, 04:28 PM Parent: #52
Quote: يا ابوبكر ( عليك الله ) كيف مع الاجازة الاجبارية دي الليلة ؟؟ وكمان معاها حظر تجول ؟؟ الله يجازي ( بوش ) اللي كان السبب
سنوية ...تعرفي انا عشان ما اخرب طبعي وحيث قيل لنا اي واحد منا مسئول عن مشاريع معينة عليه المتابعة فانا اهو جالس امام الكومبيوتر من الصباح .. الغريبة ما في واحد يقدر يطلع الشارع ..اما زحمة اما لسه معظم المنافذ والطرق والجسور مقفولة ...وانا عندي وجع ضرس وكان عندي ميعاد مع الدكتور امبارح وقضيت 90 دقيقة بس احاول اقطع الجسر للبر بتاعكم وفشلت واها منتظر لحد باكر المسا ...Bush Holiday مسيخة زيووو
اها تيسير طلعت قريبتي وانتي مالك وعنصريتنا... يعني من كترة النوبيين ؟؟
Post: #57 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-15-2008, 09:55 AM Parent: #54
أبوبكر .. الجميل في الذكرتهم ديل حبهم للغتهم وثقافتهم النوبية ومحاولة التوثيق ليها و إيصالها للناس عن طريق الغنا وبتذكر وردي لما نزل الشريط الفيهو غنية كرولّي نقوللّي كنا بنسع الغنية دي في البيت حوالي 66 مرة في اليوم خلينا أي شي وقبّلنا عليها ..
Quote: شفتي يابتي طلعنا قرايب كيف وكلو بسبب الغناء الجيد
أكيد طبعاً قرايب (يا سناء لو عجبك ) النوبة كلهم أهل ومحمد منير دايماً بيقول وردي خالي وعمي وأبويا ..
سناء ..
Quote: خلاص يا بتي عاداك ابوبكر بالعنصرة النوبية ؟؟!! ...
حبوبتي ياسناء تتلما مع جاراتها وبيحبوها وبتحبهم جداً تكون بتتكلم عادي عندها جارتها بالحيطة دنقلاوية أول ما تجي يقوموا الإتنين يقلبوا رطانة ويبيعوا ليك الجماعة طبعاً الباقيات يزعلوا ويقولوا أها الرطانيات قاموا أها هسي أنا وأبوبكر دا (قمنا)
تراجي ..
Quote: امتعتينا على هذا الصباح. ربنا يديك العافيه.
يا ستي تسلمي .. هي الدنيا دي بلا الغنا يا تراجي بتتقابل
Post: #63 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: sanaa gaffer Date: 01-15-2008, 02:27 PM Parent: #54
Quote: وانا عندي وجع ضرس وكان عندي ميعاد مع الدكتور امبارح وقضيت 90 دقيقة بس احاول اقطع الجسر للبر بتاعكم وفشلت واها منتظر لحد باكر المسا ...Bush Holiday مسيخة زيووو
اها تيسير طلعت قريبتي وانتي مالك وعنصريتنا... يعني من كترة النوبيين ؟؟
سلامات يا باش .. وما تشوف شر ...
ياخي البر بتاعنا غرقان .. ولو عاوز تجي الا تشوف ليك مركب !! تصدق دار الحي طلعت اشاعة ؟؟ ومن اول رشة غرقت !! ...
اها في اشاعة قوية بتقول انو بكرة Rain Holiday
عاوزين يشفطوا الموية من الشوارع ..
ونكاية فيك يا تيسير ابوظبي شغالة ...
تحياتي ...
Post: #55 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: حسن الطيب يس Date: 01-14-2008, 04:41 PM Parent: #1
والله د عمل أكثر من رائع الواجد يعيش معاه حقيقة الجمال هم اعضاء الممبر الذين يوثفون هذه الآعمال لك ودي
Post: #56 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Moawia Mohammed Date: 01-15-2008, 01:18 AM Parent: #1
هاكم دي يا غيمة أمشي زيارة بتاعت ابراهيم حسين وحاولوا أعرفوا باقي الفنانين
Post: #60 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-15-2008, 10:38 AM Parent: #56
حسن الطيب يس ..
Quote: والله د عمل أكثر من رائع الواجد يعيش معاه حقيقة الجمال هم اعضاء الممبر الذين يوثفون هذه الآعمال
حالياً ماقادرة أسمع لأني داخلة من المكتب لكن لما أصل البيت بحددا معاك
Post: #61 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Moawia Mohammed Date: 01-15-2008, 10:47 AM Parent: #60
منتظرك يا تيسير علي أحر من الجمر عشان أنا زاتي داير أحددا معاك
بالمناسبة يا تيسير في تسجيل تاني جماعي للأغنية دي وبصوت نفس المجموعة دي مضافا اليهم أبوعركي و الكابلي.
Post: #68 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-17-2008, 07:23 AM Parent: #61
معاوية ..
Quote: هاكم دي يا غيمة أمشي زيارة بتاعت ابراهيم حسين وحاولوا أعرفوا باقي الفنانين
غايتو يا معاوية فرزت تلاتة أصوات إبراهيم حسين طبعاً عبدالعزيز المبارك عبدالقادر سالم
صاح ولا لا ؟ (أظن دا نفس التسجيل بتاع مكتول هواك يا كردفان)
Quote: بالمناسبة يا تيسير في تسجيل تاني جماعي للأغنية دي وبصوت نفس المجموعة دي مضافا اليهم أبوعركي و الكابلي.
طوالي تقوم تنزلوا هنا دا أنا لا أحكم على غائب
Post: #58 Title: آآآآآخ دماغي Author: lana mahdi Date: 01-15-2008, 10:04 AM Parent: #1
آآآآخ يا دماغي تيسير الله يعدلها عليكي بالله كم بوست كدة تكسري بيهم حدة السياسة والنقة
Post: #59 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: الجندرية Date: 01-15-2008, 10:16 AM Parent: #1
عاد دي حالة يا اهلنا
دخلت البوست دا من تلاتة كمبيوترات في حتات مختلفة وما قدرت اسمع الغنا الفيه ، وهو غناين بنفات ؟ مخيييييير الله في حكمه عاد
يالله ترحمني بي بت حلال ولا ود حلال يرسلهن لي في ايميلي
Post: #62 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: Adil Osman Date: 01-15-2008, 11:01 AM Parent: #59
تيسير! ممكن اشارك معاكم؟ ليه لأ؟ ولا على كيفك!
Post: #69 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-17-2008, 07:31 AM Parent: #62
تسجيل جميل يا عادل .. لو بتشارك بي حاجات زي دي يبقى طبعاً ما على كيفي ..
التسجيل دا من زمن عبدالعزيز المبارك كان بيشبه عثمان عووضة
Post: #66 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-15-2008, 04:33 PM Parent: #59
غايتو يا أماني الزول أصلو ما يمرق من اللوم معاك ختيت (لنك الحفظ) فوق عشان ما تجي تديني بسطونة من إياهم
تقولي لي ما سامعة
رسلتها ليك في الإيميل بس تاني take away مامعانا تاكلي في المحل بس ..
Post: #65 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: معاوية الطيب Date: 01-15-2008, 04:16 PM Parent: #1
الاخت تيسير
ابحث عن اغانى لابوعركى بالعود رجاء لو ممكن
Post: #70 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-18-2008, 06:02 PM Parent: #65
معاوية الطيب ..
مبدئياً كدا دي (واحشني) بالعود enjoy it
Post: #67 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: abubakr Date: 01-15-2008, 05:09 PM Parent: #1
Quote: ياخي البر بتاعنا غرقان .. ولو عاوز تجي الا تشوف ليك مركب !! تصدق دار الحي طلعت اشاعة ؟؟ ومن اول رشة غرقت !! ...
اها جازفت بعد المغرب ووصلت بركم بسيارة بر مائية .. استحملت وجع الضرس 3 ليالي والمرة دي قت اليحصل يحصل ولازم اصل بعد الشفتو من امطار وزنقة مواصلات في المرابع وحواليها قت مافي اصعب من داك ..يوم صعب لانو اكثر من 3000 اسرة في المرابع كان لازم نتابع مشاكلهم مع المطر ..
Quote: اها في اشاعة قوية بتقول انو بكرة Rain Holiday
المدارس في دبي او في معظم مناطقها ستكون مقفولة غدا بعد المعاناة الشديدة حيث استغرق الوصول للمدارس لكثير من الطلاب اكثر من ثلاث ساعات .. انا وصلت في ساعتين ونصلاني طلعت بدري ...
اها ما عندك غنا لصاحبتك النوبية صاحبة البوست دة ؟ انتي بتدكني الشرايط البتجيبها من البلد لحد متين ؟؟؟ انا قريب حاعمل بوست لاغاني سودانية بس بلغات ولهجات اهل السودان غير الناطقيين بها ونشوف الناطقيين بها زييك يسوو شنو .... انا خلاص عايز ارطن بس والعايز يفهم انا بقول شنو يتعلم يرطن ..اشمعني بتتعلمو هندي واردو وانكليزي في الغربة ...!!
Post: #71 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-18-2008, 06:28 PM Parent: #1
وهنا أحمد المصطفى بيغني لحسن عطية (هل تدري يا نعسان)
Post: #72 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: abubakr Date: 01-18-2008, 06:37 PM Parent: #1
Quote: وهنا أحمد المصطفى بيغني لحسن عطية (هل تدري يا نعسان)
انتي ادوكم اجازة بعد المطرة مش زينا مع المطرة..!!!! اها كنتي نايمة لي هسع والبوست بتاعك في القراش ...
--------------------------------
حاشية : شكرا علي الاغنية الجميلة ..تسلمي
Post: #73 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-18-2008, 06:58 PM Parent: #72
أبوبكر ..
Quote: اها كنتي نايمة لي هسع والبوست بتاعك في القراش
أريت النوم يزورني اليوم ..
وعلى سيرة النوم وحسن عطية إنت صاحي ولا نايم ولا طرفك من طبعو نعسان ..
Post: #74 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: abubakr Date: 01-18-2008, 07:16 PM Parent: #1
Quote: إنت صاحي ولا نايم ولا طرفك من طبعو نعسان ..
يابتي انا علي عكس العجائز كلهم نومي قليل ..بس دي حالة اتولدت بيها يمكن ..اها بنوم 4 ساعات واتعودت علي كدة من زماااااان
Post: #75 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: تيسير عووضة Date: 01-22-2008, 01:15 PM Parent: #74
عزيزنا أبوبكر ..
والله النوم كترتو ما كويسة لكن كمان ما لدرجة أربعة ساعات بس
وعلى قول أم كلثوم في رباعيات الخيام: فلا أطال النوم عمراً ولا قصّر في الأعمار طول السهر
Post: #76 Title: Re: (يلاك يا عصفور) رائعة أحمد المصطفى بصوت أبوداؤود, سيد خليفة, صلاح مصطفى, ابن البادية و أبوع Author: abubakr Date: 01-22-2008, 04:11 PM Parent: #75
Quote: فلا أطال النوم عمراً ولا قصّر في الأعمار طول السهر
