Post: #1
Title: القيادة تحت تأثير .. المحبة
Author: تيسير عووضة
Date: 12-31-2006, 01:07 PM
 أعزائي الركاب .. البوست دا بعد شوية حيتحرك لسنة 2007 سايقاهو أنا , تحت تأثير محبتي لكم .. سنتنا الجديدةأتمنى أن تكون .. سنة مليئة بالعطاء والإنجاز وتحقيق أغلى الأمنيات وكمان تكون .. كون من رشاقة وأمسيات
باقات أنيقة ملونة
ألحان طروبة ووشوشة
أنهار موسيقى ودندنة
وكل سنة وإنتو طيبين يا رب .. يلا الماشين معانا منو ؟ بالمناسبة .. طبعاً ما حنقدر نقابل عام 2006 تاني ابداً نسبة لأنو الطريق إتجاه واحد وتخضع بعد داك لحرفنة السواق (اللي هو أنا )  عشان كدا مبدئياً بهدي الكلام دا للعام 2006 العزيز جداً على نفسي .. واللي ما كنت ناوية أفارقو بأخوي وأخوك  غـار المسـا والكون صـبح
عـشـاق جـمال يتأملوا
كل الحروف الفي الخيال
بي لهفة جـادوا ماغـلوا
حـتى القمر حـولو النجوم
اتلفوا فيك اتغزلوا
قالوا الجمال يا غالي بيك
كانت نهـايتو وأولـو
ونحـن في هـواك يا غالي
لا نطيق بعاد لابنحـملوا
أصـلـو المحـبين الحـنان
لا بينسـوا لا بيتحولوا
ننســـاك
وإنت .. إنت بتتنسي ..يلا يا خوانا 2006 حد نازل ؟
|
Post: #2
Title: Re: القيادة تحت تأثير .. المحبة
Author: لؤى
Date: 12-31-2006, 01:25 PM
Parent: #1
تيسير
كُلّ سنة وإنتي طيبة
وربّنا يحقق أمنياتك
Quote:
نسبة لأنو الطريق إتجاه واحد وتخضع بعد داك لحرفنة السواق (اللي هو أنا )
|
والصّحيح :ـ
لحرفنة السّوّاقة اللي هي أنا ..
إتصلّحي معانا
الرّجال أخدوا حقّهم وأكتر كتير
أنا نازل كان دي طريقتك
|
Post: #4
Title: Re: القيادة تحت تأثير .. المحبة
Author: ali elhassan
Date: 12-31-2006, 01:35 PM
Parent: #2
تيسير
عنوان البوست ما لقطة لكن
كل سنة وانتى والجميع بخير
|
Post: #9
Title: Re: القيادة تحت تأثير .. المحبة
Author: تيسير عووضة
Date: 12-31-2006, 03:31 PM
Parent: #4
علي الحسن ..
كل سنة وأنت ومن تحب بألف خير ..
| Quote: عنوان البوست ما لقطة لكن |
إنت الألقط يا علي
|
Post: #8
Title: Re: القيادة تحت تأثير .. المحبة
Author: تيسير عووضة
Date: 12-31-2006, 03:27 PM
Parent: #2
لؤي ..
وكل سنة وإنت أطيب
وكل أمنياتك محققة ..
أما بخصوص السواق
فأنا قاصدة ..
لأنو العربية كان قطعت بنزين ساكت
حيقولوا طبعاً.. ما سواقة نسوان
وواحد يجي يقول ليك :
أنا نازل كان دي طريقتك
|
Post: #14
Title: Re: القيادة تحت تأثير .. المحبة
Author: لؤى
Date: 12-31-2006, 03:57 PM
Parent: #8
تيسير
سلام تاني
وأعذريني على وجع الوش
((الوش سيّد الشّغال))
Quote:
لأنو العربية كان قطعت بنزين ساكت
حيقولوا طبعاً.. ما سواقة نسوان
|
قصدك شنو ؟؟
|
Post: #17
Title: Re: القيادة تحت تأثير .. المحبة
Author: تيسير عووضة
Date: 12-31-2006, 09:58 PM
Parent: #14
دا شنو يا لؤي ؟
أنا حالتي قلت حتديني شكلة
تقوم تجيبا لي كدا ( بالثابتة )
بلا نصير المرأة بلا نصير شمة
حتى الخواجات حاقرين بسواقتنا ..
لكن بيني وبينك دي ذاتا جابت لينا الكلام
| Quote: ((الوش سّيد الشغّال)) |
الشغال بيهو منو ؟
|
Post: #3
Title: Re: القيادة تحت تأثير .. المحبة
Author: Adil Osman
Date: 12-31-2006, 01:34 PM
Parent: #1
كل سنة وانتى طيبة يا تيسير
اتمنى ليك سنة جديدة سعيدة ومليانة مفاجات سعيدة ومدهشة. فانتى تستاهلين كل الخير والتقدم.
اهديك هذه الغنية
عشان تسوقى براحة
http://www.youtube.com/watch?v=mhaWK16xGHM
|
Post: #11
Title: Re: القيادة تحت تأثير .. المحبة
Author: تيسير عووضة
Date: 12-31-2006, 03:40 PM
Parent: #3
عادل ..
كل سنة وأنت أطيب ..
وأصدق الأماني بسنة مليانة فرح ومحبة وإنجاز ,,
وشكراً كتير يا عادل ..
|
Post: #5
Title: Re: القيادة تحت تأثير .. المحبة
Author: لؤى
Date: 12-31-2006, 01:59 PM
Parent: #1
وهاك ..
ننساك
|
Post: #6
Title: Re: القيادة تحت تأثير .. المحبة
Author: طلال عفيفي
Date: 12-31-2006, 02:12 PM
Parent: #5
كل سنه وإنتي طيبة يا تيسير ،
عام سعيد جاي بإذن واحد أحد ..
|
Post: #7
Title: Re: القيادة تحت تأثير .. المحبة
Author: ali elhassan
Date: 12-31-2006, 02:47 PM
Parent: #6
لؤى طلال كل سنة وانتو طيبين
|
Post: #13
Title: Re: القيادة تحت تأثير .. المحبة
Author: تيسير عووضة
Date: 12-31-2006, 03:54 PM
Parent: #6
وكل سنة وأنت طلال ..
وأهو نحن منتظرين العام السعيد دا
وكل مرة نبدل السنة بالسنة ..
|
Post: #12
Title: Re: القيادة تحت تأثير .. المحبة
Author: تيسير عووضة
Date: 12-31-2006, 03:47 PM
Parent: #5
وتسلم يا لؤي ..
|
Post: #10
Title: Re: القيادة تحت تأثير .. المحبة
Author: saadeldin abdelrahman
Date: 12-31-2006, 03:38 PM
Parent: #1
الاحـباب/
تيسير
لؤي
طلال
علي
كل عام و الجميع بخير.
تيسير انتي من السنة الفاتت!
ياخي انتي قديمة خلاص هههه
غايتو
يا اخوانا / تنا ...قدامكم في الزمن بسنة!
ما كنت قايلكم متلمين هنا
كل سنة و المـحبـة جامعانا
اشهى الامنيات!
|
Post: #15
Title: Re: القيادة تحت تأثير .. المحبة
Author: تيسير عووضة
Date: 12-31-2006, 04:00 PM
Parent: #10
سعد الدين ..
كل عام وأنت أيضاً بخير ..
Quote: تيسير انتي من السنة الفاتت!
ياخي انتي قديمة خلاص هههه |
أعمل شنو يا سعد
لسه بسخن في العربية
تجي تقول لي السنة الجديدة جات ؟
لكن بيني وبينك أنا أصلاً ماكنت دايراها تجي 
|
Post: #16
Title: Re: القيادة تحت تأثير .. المحبة
Author: نادية عثمان
Date: 12-31-2006, 04:22 PM
Parent: #15
يسورة العسللى
عيدك سعيد ومبارك عليك والقابلة زى ماتحبى لروحك حبيبتى ..
| Quote: واللي ما كنت ناوية أفارقو بأخوي وأخوك |
انتى عارفة نحنا النساء ديل مشكلتنا ادروبات ولووووووووووووووووفات شديد خلاص .. !!
يعنى مهما السنة او العربية او اى زول حمل لينا من الجراح والألم ماحمل برضو مابنقدر نفارقو بأخوى واخوك !!
لياقة صاح لكن وفاء منقطع النظير برضووووووو !!
خشى على العام الجديد .. واكييييييييييد غدا يوم افضل !! (وش متفائل ونظام ماهاميو وكده ) !!
|
Post: #20
Title: Re: القيادة تحت تأثير .. المحبة
Author: تيسير عووضة
Date: 12-31-2006, 11:40 PM
Parent: #16
نادية النادية ..
كل سنة وأنتِ وإيمان بألف خير يا حبيبة ..
وكل الأماني الحلوة ليك ,,
تعرفي يا نادية ..
القصة ماولف (رغم إنو دا سبب وارد برضو)
القصة قناعة ..
يعني لما تكوني شايفة قدامك حيطة طويلة عريضة
ويجي زول يحاول يقنعك إنو خلف الحيطة دي جنة الفردوس
هل حتقتنعي ؟ .. ما أظن
وفي اللحظات دي بتشوفي إنو الحيطة أحسن ..
الحيطة والحذر
وزي ما قالت الست ثومة
قد يكون الغيب حلواً .. إنما الحاضر احلى ..
وتاني سنة جديدة وسعيدة ليك يا جميلة ..
|
Post: #18
Title: Re: القيادة تحت تأثير .. المحبة
Author: tmbis
Date: 12-31-2006, 10:01 PM
Parent: #1
| Quote: نسبة لأنو الطريق إتجاه واحد وتخضع بعد داك لحرفنة السواق (اللي هو أنا ) |
قولي حرفنــة ( السواقة )
كده بركب معاك ..
لكن تجي تقولي سايقاهو انــا .. وتجي تغيري رايك تقولي ( السواق ) ؟؟
ده كدا ما بقى بوست .. بقى .. ( موطـــر )..
على كل حــال .. ممكن تعتبريني ( كمساري )
كمساري ( سقيــــل ) جدا..
ممكن تنزليني في اي مكان كان ما نفعت معاك
كل سنة وأنت طيبة
|
Post: #19
Title: Re: القيادة تحت تأثير .. المحبة
Author: Muna Khugali
Date: 12-31-2006, 11:16 PM
Parent: #18
تايسـا كل سـنة وانت طيبة..
حمـدلله علي سـلامتك حبيبتي..
مني
|
Post: #21
Title: Re: القيادة تحت تأثير .. المحبة
Author: نجوان
Date: 12-31-2006, 11:49 PM
Parent: #19
كل سنة وإنتي طيبة يا تيسير..
وشكرا على الروح الحلوة..
|
Post: #29
Title: Re: القيادة تحت تأثير .. المحبة
Author: تيسير عووضة
Date: 01-01-2007, 01:15 AM
Parent: #21
وكل سنة وإنتي أطيب يا نجوان ..
أمنيات صادقة ليك بكل السعادة
وإنتي كمان روحك أحلى ..
تسلمي ..
|
Post: #28
Title: Re: القيادة تحت تأثير .. المحبة
Author: تيسير عووضة
Date: 01-01-2007, 01:05 AM
Parent: #19
منى حبيبة قلبي ..
كل سنة وأنتِ أطيب وأجمل ..
وألف ألف مبروك لآية
وربنا يسعدها ويهنينها ويشوّفك أولاد أولادها ..
صادق أمنياتي لكِ يا منى بكل ما هو جميل ..
|
Post: #23
Title: Re: القيادة تحت تأثير .. المحبة
Author: tmbis
Date: 12-31-2006, 11:56 PM
Parent: #18
| Quote: ممكن تنزليني في اي مكان كان ما نفعت معاك |
يعني ممكن تنزليني في شهر اربعة الفـــات
|
Post: #30
Title: Re: القيادة تحت تأثير .. المحبة
Author: تيسير عووضة
Date: 01-01-2007, 02:52 AM
Parent: #23
يا تمبس ..
| Quote: يعني ممكن تنزليني في شهر اربعة الفات |
طبعاً كان ممكن أتساغل عليك وأقول ليك ماراجعين
لكن من حسن حظك أنا نازلة المحطة البعديك مباشرة 
|
Post: #26
Title: Re: القيادة تحت تأثير .. المحبة
Author: تيسير عووضة
Date: 01-01-2007, 00:16 AM
Parent: #18
يا تمبس ..
كل سنة وإنت طيب ..
وكل الأماني الحلوة ليك ..
أيوة حرفنة السواق
مش بيقولوا السواق ما حداث
وبعدين ما تنسى إنو أنا دنقلاوية
ذات لسان أعجمي ..
يعني عادي جداً ممكن أقول سايقاهو
وتاني اجي اقول السواق (اللي هو انا)
يا كمساري يا (سغيل) وليس (سقيل)
كمساري المفعول
|
Post: #22
Title: Re: القيادة تحت تأثير .. المحبة
Author: بكري الصايغ
Date: 12-31-2006, 11:51 PM
Parent: #1
مـررت للتـحـيـة والـمجـاملـة وتقـديـم اطـيـب التهـانـي والامنيـات مـتمنيـآ من اللـة تعـالـي ان يسـبغ علـيك والعـائلـةالـكـريـمة بـوافـر
الـصـحـة وتـمام العافيــة وان يـجـعلة عـامآ ملـيئآ بالنـجـاحـات التـوفيـق،ومـتـمنيـآان نـقـرآ لـك فـي هـذاالـمنبـر الـمـنـحـوس بـدونـك وكتاباتك -
لك وللكـل اجـمـل الامـانـي -
|
Post: #24
Title: Re: القيادة تحت تأثير .. المحبة
Author: أحمد الشايقي
Date: 01-01-2007, 00:08 AM
Parent: #22
تايسا
سلامات وكل عام وانتي بخير
حمدا لله على سلامة العودة
المنبر يفتقد حروفك, ولو كنت سواقة فأحسن طريقة للسواقة هنا هي طريقة سواقي بصات السيرة
(دوّر بي حبيبي دوّر بي)
يعني لفي هنا وما تطلعي ..
Quote:
كون من رشاقة وأمسيات
باقات أنيقة ملونة
ألحان طروبة ووشوشة
أنهار موسيقى ودندنة |
رفعتي معنوياتنا , مع انها متدنية جدا
تحياتي
أحـمـد
|
Post: #33
Title: Re: القيادة تحت تأثير .. المحبة
Author: تيسير عووضة
Date: 01-01-2007, 01:15 PM
Parent: #24
أحمد الشايقي ..
الله يسلمك , وكل سنة وأنت بألف خير
| Quote: فأحسن طريقة للسواقة هنا هي طريقة سواقي بصات السيرة |
مادام قلت كدا يا مولانا , حأفضل أدور بيكم
لغاية ما تغنوا لي :
سواقنا زينة وحالف مايدلينا
وإن شاءالله دايماً مبسوط ورايق ومعنوياتك فوق ..
|
Post: #32
Title: Re: القيادة تحت تأثير .. المحبة
Author: تيسير عووضة
Date: 01-01-2007, 01:08 PM
Parent: #22
عزيزي د. بكري الصايغ ..
كل عام وأنت ومن معك بألف خير
وكل أمنياتك محققة
وسنة عامرة بالمحبة والإنجاز ..
أشكرك على حُسن ظنك بي وبما أكتب ..
ولك مني أجمل التحايا ..
دمت هانئاً ..
|
Post: #25
Title: Re: القيادة تحت تأثير .. المحبة
Author: بهاء بكري
Date: 01-01-2007, 00:13 AM
Parent: #1
ده احسن عنوان ياتيسير وكل سنة والجميع بخير
|
Post: #34
Title: Re: القيادة تحت تأثير .. المحبة
Author: تيسير عووضة
Date: 01-01-2007, 01:20 PM
Parent: #25
بهاء بكري ..
وكل سنة وإنت كمان بخير
وكل أمنياتك تشوفا قدامك حقيقة ..
| Quote: ده احسن عنوان ياتيسير |
تشتري ؟
|
Post: #27
Title: Re: القيادة تحت تأثير .. المحبة
Author: Soumeta
Date: 01-01-2007, 00:46 AM
Parent: #1
افيديني صديقتي كيف وجه العام الجديد؟
اخبريني انه متسامح و صبوح قسمات،،
عامك الجديد سعيد حيث بدأ،،
إلي نهايته،،
امنيات قلبي لك تعلمينها،،
بس قولي ياميـــــن،،
|
Post: #31
Title: Re: القيادة تحت تأثير .. المحبة
Author: mohmmed said ahmed
Date: 01-01-2007, 07:21 AM
Parent: #27
قيادة رشيدة
يجب تايدا
|
Post: #36
Title: Re: القيادة تحت تأثير .. المحبة
Author: تيسير عووضة
Date: 01-01-2007, 01:33 PM
Parent: #31
محمد سيد أحمد ..
كل سنة وإنت طيب ..
Quote: قيادة رشيدة
يجب تايدا |
الشعار دا عملو أبوساندرا ولا شنو ؟
|
Post: #35
Title: Re: القيادة تحت تأثير .. المحبة
Author: تيسير عووضة
Date: 01-01-2007, 01:29 PM
Parent: #27
عزة ..
وجه العام صبوح القسمات
منفرج الأسارير شلولخ
ولكنني يا حبيبة لا أعول على وجهه كثيراً
فلربما حمل لي بين جنباته
ما لا تنم عنه ملامحه كإنطباع أولي ..
عامي الجديد يا سوميتا سعيد ..
أن إستصحبت معي إليه صديقة مثلك ..
يا مـــــــــــــــــــــين
لي ولك ..
|
Post: #37
Title: Re: القيادة تحت تأثير .. المحبة
Author: Sahar Abdelrahman
Date: 01-01-2007, 07:14 PM
Parent: #35
تيسير الحبيبة...سنة حلوة عليكي يارب...
سعيدة لعودتك
مع معزتي
سحر
|
Post: #39
Title: Re: القيادة تحت تأثير .. المحبة
Author: تيسير عووضة
Date: 01-02-2007, 09:00 PM
Parent: #37
سحر ..
وسنة أحلى عليك يا حبيبة ..
تملكين قلباً من ذهب يا سحر
جد ..
ربنا يحفظك ,,
|
Post: #38
Title: Re: القيادة تحت تأثير .. المحبة
Author: انعام عبد الحفيظ
Date: 01-02-2007, 01:04 AM
Parent: #1
تيسير
كل سنة وانتي طيبة
| Quote: القيادة تحت تأثير .. المحبة |
بتكون أكثر روعة
بس عندي سؤال انتي تمبس دا مش قال ليك عايز يبقى كمساري؟
انتي لو ما عايزاهو كمساري قولي ليهو
براهو اليومين ديل مجهجة بي غياب معتصم عنو
ولا رفعتي ليهو القزاز واشارة لا تتحدث مع السائق
ولا السواق ما حدّاًث
|
Post: #40
Title: Re: القيادة تحت تأثير .. المحبة
Author: تيسير عووضة
Date: 01-02-2007, 09:14 PM
Parent: #38
وكل سنة وإنتي طيبة يا إنعام ..
وسعيدة إنك من بين الركاب الماشين معانا
بعدين تمبس قلنا ليهو تعال سوق إنت أبى
وطلع أحرف من السواق (اللي هو أنا)
وقال عايز يبقى كمساري
عشان يزوغ بالباقي
|
Post: #41
Title: Re: القيادة تحت تأثير .. المحبة
Author: خالدة البدوي
Date: 01-03-2007, 02:42 PM
Parent: #1
دقيقة تيسير خلوني اركب أنا معععععععععععاك
سجن سجن غرامه غرامة ،،،
Quote: بهدي الكلام دا للعام 2006 العزيز جداً على نفسي ..
واللي ما كنت ناوية أفارقو بأخوي وأخوك |
انا زيك كدة ،،،
تيسير العزيزة حمد لله على السلامة
افتقدناك كثيرا وكل سنة وانت طيبه
وربنا يحقق امانيك يا رب ،،،
|
Post: #42
Title: Re: القيادة تحت تأثير .. المحبة
Author: بابكر عثمان مكي
Date: 01-04-2007, 10:42 AM
Parent: #41
الاخت تيسير : كل عام وانت بخير
ياترى الاتجاه بتاعك بشارع الحرية ولا سجن كوبر
الاتجاه مهم جدا" للسواق والراكبين
ربنا يحقق امانيك وامانى الناس الفقدو الاتجاهات الاربعة وبالذات (شارع الحرية )
|
Post: #44
Title: Re: القيادة تحت تأثير .. المحبة
Author: تيسير عووضة
Date: 01-05-2007, 02:41 PM
Parent: #42
بابكر عثمان ..
وكل عام وأنت بألف خير ..
الإتجاه بتاعنا يا بابكر أكيد بشارع الحرية
وإنت جاي من السجانة وما حيمر نهائياً بشارع القصر
|
Post: #43
Title: Re: القيادة تحت تأثير .. المحبة
Author: تيسير عووضة
Date: 01-05-2007, 02:34 PM
Parent: #41
خالدة العزيزة ..
الله يسلمك يا خالدة ..
وكل سنة وإنتي طيبة
وكل الأماني الحلوة ليك ..
نحن منتظرينك من قبيل عشان تجي تركبي معانا
مع إنك قلتي ما عايزة تفارقي 2006 زينا
يا ستي مرحب بيك
وتسلمي كتير ..
|
Post: #45
Title: Re: القيادة تحت تأثير .. المحبة
Author: DKEEN
Date: 01-05-2007, 10:38 PM
Parent: #1
تيسير
صدقيني
تاني بجي الخريف..وسواق اللوري بقول ماراجع..
كل سنة وانتي وناس البيت طيبين..
|
|
