ورق البردي

يوم وانا قاعد ..........
تحت ضل خيالي كانت سحابه جاريه كالعاده وبتتصبب عرق من مرازات الهجير وكلما اعترضته نسمه تبتسم وبريق سنونا يضوي لمن عيوني تتوارى الجفون وصنين سمعي يتحول لي مساحات من الخضره وحفيف الانتظار . تتولد مسارات جديده من التعب وغزل الالوان ، اقول اصبر على الشديد القوي تبين لي مسارب ضو اباريهو ايوه وكمان اسرع خطاي لى منحدر خيالات تانيه والزهجه بتكون صغيرونه اصغر من ابتسامة طفل متورط في عمايلو وراجي العون من المشغول بي هموم اكبر يساكك في طموحاتو يربط يحل يشد حبال الصبر تتقطع معالمو تمازج خلاياهو العشق ترانيم الطلح والشاف ويمسح هم على اوتار غناهو يتاوق يرجي غزوات التتر . راجي الخلاص من الوهم راجي العدم ناسي كيف الامس كان وإنو الحلم نفس الحلم والمسافه والخيال والغوارب هاربه من عشق السواحل والهلب كايسه الشراع البغازل نشوة الريح بي حضن ادفى من جوف الوداد .
كانت سحابه وكت اداعب في الحصى الصامت وصامد تحت بوت الانزلاق كم قدم داست على هذا الحصي وتشيل سحابات الفرح تغسلو وتبتبو ويتراضو بي قسمة ثوان من الامل تدور عجال الهم وتخلط طين الم ويرجع الحصى تاني لي جوف الارض يمخر الوادي ويهدد بالفرح يفرح المدفون ويطلع في حمى الوادي الهدير يجرف الوادي الالم تتغسل كل نجاسات الزمن .
وكت شاهد على مولد فرح ملثومه بي منديل كناف زهره كانت وإعتلت الجروف ، وإتابعت كل الزهور فرحانه بي ريحة دعاش لمن هدر وادينا غطى الامنيات وإتشتت الفرح الجميل لكني عارف الارض صامد وبتقدر لي مواراة الالم بتشيل هموم ويتحضن الحلوى ، بتفرح كل وردات الحقول ساعت جفاف وما بتخاف .

العربي

الرائع المتكامل

لك حبي
مدرسة من الالوان
الوان الكلمة
الوان الريشة
نحوت
بحر لاتدرك شواطئه

هذا هو احمد

الزمن الفرح
بلسم الروح
الصادق البصيري
لك وورداتك الجميله
الف شعاع وفراشات محبه
كامل ودي

قلت يوم اغازلك وفي مخيلتي شخبتات الزمن وصديقي فضيلي جماع فهو نافذة ضوء للادب السوداني في ظلام الضلال العم الخلق واتحكر اتواريت بي سترات محسن خالد المنسوجه من اوجاع معشعشه في ذاكرة الخيال واتلفلفت بي محارم من سعاده مخفيه تكون مغزوله بي همهمات يحيى فضل الله ومملكة احلامه الخالده .

Quote: وغزل الالوان

استريح هنا

العزيز احمد....سلام ومودة

أنه ورق مبلل برزاز الحب ويفوح منه عطر الأماني..

كن دوما بخير...

سحر

اتدرين انك ملهمه وأن صباحات التواصل مرهونه بتلك الإبتسامة الشفافه والتي اكاد اراك من خلالها واراني الان نعم الان نلت ترفيع الى درجات عليا وبذاكرتي ملامحك الساكنه في سهول الحب والامل .ذات يوم ورنين الحب في وهج صرت ابحث بين ذغرودة واُخرى كلما شق فجر قلب الظلام ورفرفة اجنحة عصافير العشق لتعكس الوان الصباح الزاهيه للدواخل كل النغمات المنبعثه من انفاسها تشق طريقها الى مستودع الاحلام دون حواجز فينسج الخيال لها صرحا لتجلس على مملكتها اتحسسها بحثا عن الدفء فتتمتم باهازيج موروثة من الكنداكه وكور إلاه الخصوبه وتراتيل المساء التي تنتشر بين الحركه الدؤوبه لتفريش السراير بالحوش المرشوش مسبقا باماني عاشقة تنتظر خيالات التواصل والحبيب.

عمر
ياصديقي الصبوح جدا
تعرف بين النسيج دائما توجد فراغات، والناس الحريصه على منخلة الدهر
دائما تواري السوا الشينه وتسدر في مفاصل هامشيه وسفاسف امور المجاهره
اما الجوهر الكامن بين ثنايا اللون يجعلني دئما باحث دون توقف واعلم انني
ابحث عن اللا نهايه وتطاردني لعنه الخريف القادم، وحبوبه زمان قالت لي دي لعنه
وشوكت حوت مغروزه في ترانيم الحكي وما بفكها إلا الوصول المرهون بالسراب
وتعرف بي مناسبة السراب دي كنت اركض في الصغر خلف جرار له محراث يعبث به مع
الارض كمخلفات عناد ممزوج بالرغبه على خد العشيق وكان الرفض من الجرار واحتضان
الارض . سقوط بين السراب ونافورة حمراء من اسفل القدم كان السراب دافٌ كثدي الخيال
ضمني في عشق وصرت استنشق رائحة التراب حتي تساميت في غرور وكبرياء .

Quote: ياصديقي الصبوح جدا تعرف بين النسيج دائما توجد فراغات، والناس الحريصه على منخلة الدهر دائما تواري السوا الشينه وتسدر في مفاصل هامشيه وسفاسف امور المجاهره اما الجوهر الكامن بين ثنايا اللون يجعلني دئما باحث دون توقف واعلم انني ابحث عن اللا نهايه وتطاردني لعنه الخريف القادم، وحبوبه زمان قالت لي دي لعنه وشوكت حوت مغروزه في ترانيم الحكي وما بفكها إلا الوصول المرهون بالسراب وتعرف بي مناسبة السراب دي كنت اركض في الصغر خلف جرار له محراث يعبث به مع الارض كمخلفات عناد ممزوج بالرغبه على خد العشيق وكان الرفض من الجرار واحتضان الارض . سقوط بين السراب ونافورة حمراء من اسفل القدم كان السراب دافٌ كثدي الخيال ضمني في عشق وصرت استنشق رائحة التراب حتي تساميت في غرور وكبرياء .

كلام جميل و رائع


بس يطرشني كان فهمت شي

وينك يا عروب

اللون الخريفي (على قول نساء بلادي)
هي محاور تدور وتلف ونحن قاعدين نطقع بي حصانا
نفرق على روحنا
والبعض يحسب
كل الود

صباح مدهش مع حروفك الآنيقة ..

واصل واتدفق استاذ احمد ..

شكراً للمتعة ..

المدهشه حد الصفاء
هند
تعرفي كلما اتأمل في تفاصيلك تقودني الذاكره لي هُيام وإلهامات مشتته وسط الخلق ديل وهم في توهانم والإنشراح والفرحه بي وجودك ودربك المفرش بالورود ،تاخدني غفوه واسبح في أحلام قد تكون هي احداث متوقعه أو عالمي الجميل الذي احب
المهم ، وانا مره في الحاله دي كت بحسب في كلام المحبه طلع معاي درب طويل واحرف بها تشاكيل لم اسمع بها من قبل والاعجب إنو كل حرف له ملامح ومعاني متوالده تذداد تكاثرا بالتركيز والتحديق المتواص كأنما العيون هي خصوبتها .
عظيم مودتي

وبشويش اتقادلنا لمن بقى المغيب هو الحارسنا وبدا يجند لينا النجوم تبرانا وتخبر عمايلنا شان تنزاع في جوف الارض وتبقالا سماد وتنبت الوردات الترضي عشاقنا الجدد وكل بنات الفريق الوراني والقدامي الضامرين المحبه وقادلين بيها يوزعو في الفرحه وقلوبن تتهادي بي ملامست اسرارن وتفوح ريحة عطرن بلا مزرعة الزهور المتباينه وومنقيه من الجنه موصوفه بالنضار الفطري لاتعرف الكسل فواحه بي حلو النغم

احمد نصحيه منى ليك الغروب مبارتو مافى الصالح انت حدك معاه يكون ساعتو اليغيب لا قبلها ولا بعدها .....
صدقنى خليك مع النجوم والقمر هم اجمل ومبارتم بتطول العمر حبتين وبتزيد الفرح كتير ....
يارب طوالى انت فرحان ...
تسلم يارب من كل شر ....

ماجدة عوض خوجلى
يا نغم مشدود على ذاكرتي
يا بنيه من ريحة معالمنا وسواة الوطن فيناالخلتنا نحبه بدون مذاوده
تعرفي المسافات في قساوته وضجيج الانتظار إحتكاك الحروف المتواصل وتولد الذكري
لأمر منهك للمسالك
مقطع خاص
كان التوقف من كثرة النزيف وكان النزيف حلم جميل يرتوي من نسيم إحتمالاتي
واديني جيتكم صادي
غصن اخضر انتي
مودتي

بتتصبب عرق من مرازات الهجير
وكلما اعترضت نسمة
صنين سمعي يتحول لي مساحات من الخضرة وحفيف الانتظار .
، اقول اصبر .. تبين لي مسارب ضو
اباريهو
تتسارع خُطاي..وابتسامات طفل متورط في عمايلو وحكاياتو
راجي العون من البِ ساكك في طموحاتو
يربط يحل يشد حبال الصبر تتقطع خلاياهو
العشق ترانيم الطلح والشاف
ويمسح هم على اوتار غناهو يتاوق يرجي غزوات التتر .
راجي الخلاص من الوهم راجي العدم
ناسي كيف الامس كان وإنو الحلم نفس الحلم
والمسافة والخيال والقوارب هاربة من عشق السواحل
والهلب كايسة الشراع البغازل نشوة الريح بي حضن ادفى من جوف الوداد .
كانت سحابة وكت اداعب في الحصى الصامت وصامد تحت بوت الانزلاق
كم قدم داست على هذا الحصى
تشيل سحابات الفرح تغسلو وتبتبو ويتراضو بي قسمة ثوان من الامل
تدور عجال الهم وتخلط طين الم ويرجع الحصى لي جوف الارض يمخر الوادي ويهدد بالفرح
يفرح المدفون ويطلع في حمى الوادي الهدير يجرف الوادي الالم تغتسل كل نجاسات الزمن .
وكت شاهد على مولد فرح ملثومة بي منديل كناف زهرة إعتلت الجروف ،
وإتابعت كل الزهور فرحانة بي ريحة دعاش
لمن هدر وادينا غطى الامنيات
وإتشتت الفرح الجميل لكني عارف الارض صامدة
وبتقدر لي مواراة الالم بتشيل هموم ويتحضن الحلوى ،
بتفرح كل وردات الحقول ساعة جفافك وما بتخاف.

تماضر الخنساء حمزه
ياورده حيرت كل الاوان الجمال مصنوعه من بتلات التواصل ومساحات ارحب من خيالي وغناويهو شفتيني متمدد كيف ؟
وانا بحكي في التوارد والتفرهد المتزامن مع قلة الحيله بس انتي ولا مليون قصيده
كل الود

علينا وعليكم إتبارك

الواحد مع الربع التاني ده كرعينو حفن من المساسقه بين النفاج وباب الحوش وقعاد ضل النيمه
تطلع بره الحوش ،الوضع زي ما هو مع الشحنات المتزايده وكتمات العصافير للزقزقات وفرد الاجنحه
والقدله وكت الامسيات
يبسن بنات الفريق من عدم المسوح واتقشرت خدودن من الحرب الكيماويه وعدم معرفة تفاعل الزات
مع المكتسب الخارجي والترنم بالايقاع الداخلى والهو اصلا صانع الجمال معطي الجازبيه

التمازج والتوهان دائما بيناتم شعره والنجيع بياخدك لعوالم تانيه حيث الإعتماد على الذاكره في ملاقحة الحظات الجميله اها النحدثكم بي دي البنيه
علًقت حُروفي عَلى مدخل اُمنياته وكلُ ما اَمر بين مدامعه تبقى لي سراب مَصلي بي فرح الهجير يتدفق ويذداد اقول اصل والهيث خيَم معاي وبرضو يذداد بي فرح القرب المحال وتذداد المواجع اخر قطرات مأئي صرت اواريها من الشمس فاُغمض الجفون اُحارب رَقرَقة الامل اتواري من الحكي حتي لايذيد الالم .

Quote: اتواري من الحكي حتي لايزيد الالم .

سلام يا صديق



وينك ؟؟؟؟

الانيق بروبر
تعرف يا خبير الكميرات والعدسات (الغير لاصقه)
احيانا اتغلب واتعزب في سوات الشاى وابريقنا الانته عارفو داك كان شاي اخدر ولا احمر
واحيانا اشيل خطاي واتمرد على النعاس والكوابيس البتفتش لي كل ليله وبتجد في ونسته معاي متعه
منقطعة النظير
وبعد مرات تلقاني اهبهب من الحر بالجريده واترغب دخول المغيب في اي وكت عشان البراد والنسام الما بتعرفو جاييك من وين
كمان بعد مرات ده كلو بيكون كوم والحاله الانا فيها اليومين دي كوم تاني
عارف لمن يكون ضهرك ماكلك وما قادر تحكو ولا لمن تكن في قرصه في وطاية رجلك وما عارف تصل ليها كيف علشان تكرشه المهم يا عزيزي
والله سؤالك ده سمح وبخلي الواحد يفتح عيوناتو ديل بالغسب ويحاول يستنشق ليهو شوية هوى نقي من نسايمك
تعرف ياجميل احساس النهايات الملازمني اليومين ديل احساس متعب ومنهك وبفكر اتغلب عليهو بعدم النوم لزوم تشطيب البدايات
اللازمتني طول حياتي المهم انته خليك هادي وعادي الامور كلها بتمشي فيما قدر لها
ودي بمثابة رساله الى صديق رحله طويله وشارفت ان اصل محطتي فيها وبعدين طبعا
يجوك علماء الاثار الكضابين منهم والصادقين وطبعا معظمهم بينجر حكاوي لزوم السياحه والصحافه
بعد ما ينقبو ويلقو جمجمتي ويدخلوها معاملم يقولو ليك الانسان ده كان (ومن هنا بيبدا الكضب)
عارف ليه لانو انحنا اصلا ما عشنا انسانيتنا ولا عرفنا ليها طريق
لمن الواحد عيونو زغللن وزهج من جلدو اللابسو بالغسب ده مع انو اجمل حاجه الواحد يمتلكه في الدنيا دي
خصوصا وهى انتاج ذاتي من اجسام ساكنه فيك ومحبوبه لانها ادتنا اجمل لون في الطبيعه

عموما سلامي ليك كتير

وساعات تكون الزفرات ممزوجه بكم هائل من المحنه
الخطى كانت منتظمه
الايقاع فرايحي
الطبول المزامير الوتريات دوزنه متناهية الدقه
حتي الحجاره كانت تطرب حينها والفجر يختال بما يحمل من فرح فكيف له ان يكون حالك الظلام
يزمجر في وجه العصافير والبتلات النديه

وبعد مرات كده الواحد بيحس انو الدنيا دي عباره عن اوتارمن اسلاك شائكه
وإنو ملزم بالعزف عليها براحتيه حتي يتثنى له التنفس الطبيعي
ودون ذلك عليه الشهيق المستمر بلا زفير