غُنى البنات

غُنى البنات


01-31-2006, 03:04 AM


  » http://sudaneseonline.com/cgi-bin/sdb/2bb.cgi?seq=msg&board=185&msg=1190867129&rn=0


Post: #1
Title: غُنى البنات
Author: احمد العربي
Date: 01-31-2006, 03:04 AM

اجمل التعابير واصدقها



العفويه المفعمه بالحب



التعابير البسيطه التي



تنقر اوتار الحياة

Post: #2
Title: Re: غُنى البنات
Author: Muna Khugali
Date: 01-31-2006, 03:23 AM
Parent: #1

تحيـاتي أخـي أحمـد العـربي وكـل سـنة هجـرية وأنت طـيب

إن كنا نريـد معرفـة المجتمع السـوداني ...ظـاهره وخـافيـه...فالنستمع بأذن مفتـوحـة وعقل منتبـه لأغـاني البنات..نطـرب ونرقص ونحـلل ..وسنجـد كـل ظـواهـر المجتمـع سـياسية اقتصـادية واجتماعيـة وغـيرهـا....أخبـار ورغبـات وتعبير عـنها في كـلمات تلك الأغـاني ...


Post: #4
Title: Re: غُنى البنات
Author: احمد العربي
Date: 01-31-2006, 04:00 AM
Parent: #2

الجميله منى
لك الود وابتسامتك الجميله هذه تزيين هذا المقام



الدافع الاساسي لطرح هذا الموضوع هو دراسة وتحليل
المجتمع السوداني ولم اجد تعابير تحمل معاني هذا الشعب
اقوى من تلك التي تتكون لنا كلمه ولحن وايقاع وطرب وبصوره
عفويه وصادقه وليست وراء هذه الاغاني اهداف ماليه او تحقيق
شهره بل هي تعبير صادق لاحتياجان هذه الشريحه من المجتمع
وتذهب الي ابعد من ذلك لتعبر عن احتياجات الشعب السودان ككل



ودي واحترامي منى

واتمنى ان يسعفنا كل من يحفظ شئ من هذا الارثان يتحفنا به في هذه المساحه




احترام

Post: #31
Title: Re: غُنى البنات
Author: عاصم الطيب قرشى
Date: 02-01-2006, 09:11 PM
Parent: #2

عزيزى عربى

سلام ومحبة

وددت أن أساهم معاك فى هذاالموضوع الحيوي من الجانب التجريدى والمكمل لكلمات

أغانى البنات السودانية.

* قبل أن أدلى بدلوى فى الجانب الموسيقى أريد أن أقول أن أغانى البنات فى السودان

ـ خاصة الخمسة عقود الماضية وهى الفترة دخل فيها إيقاع التمتم للسودان قادما من أقاصى

القارةـ هى ترموتر التغيرات الإجتماعية والسياسية,أوكما تفضلت بالقول عكس لجدلية السلطة

والمجتمع فى خطاب سهل وبسيط يقوم يصياغته كل قبيلة فنانات أغنية البنات.

هذا الحس الجماعى فى التأليف الشعرى والموسيقى أيضا أحد العوامل التى أكسبتها جماهيرية

لذا ففى تصنيف أغنية البنات من تعتبر نموذج مثالى للفن الشعبى وهو مصطلح يخص العمل الذى لا يمكن نسبه إلى مؤلف واحد بل لقطاع شعبى مثل أغانى الشيالين أو السماكة ...إلخ .


قديخلطه البعض بالفن التقليدى عندما يتعرضون للاغانى الإثنية أى أغنيات القبيلة ولكنه يختلف.

من ناحية موسيقيةأغنية البنات دايما إيقاعها خفيف راقص يعنى فرايحى ويظهر فيه فن العزف

على الدلوكة مع التصفيق بأشكال فنية رائعة خاصة فى القفلات أو إدخال السنكوب الإيقاعى ـ وهو

مصطلح يعنى ببساطة اللعب فوق الزمن ـ أثناء العزف كتنمية وتنويع للفكرة الإيقاعية.

الموسيقى نسميها كلامية ـأى من غير مقدمات ولا لازمات للربط ـ وهى عبارة عن جملة بسيطة

وجذابة سريعا ما تعلق بالذهن. قالبها دائرى كأنما يعكس دائرية الروتين السودانى ولكنه بأى

حال قالب مناسب لمشاركة الجميع بالرد على المغنية الأساسية بعد كل مقطع فى معادلة موزونة

وحوار متكافىء.

تطوير أغنية البنات فى السودان تعرض له بعض الفنانين بالتجريب أخص منهم أستاذى القدير

يوسف الموصلى فى تجربة الهجروك على مثلا . وكانت تجربة ناجحة جدا تمت فيها إضافة مقدمات

وتنمية وتنويع للموتيفة (الجملة الأساسية) وإبراز لجماليات الآلات التى شاركت فى التنفيذ مثل

الساكفون الذى كان يعزف عليه الفنان المبدع حمودة سلطان.

أحييك






Post: #41
Title: Re: غُنى البنات
Author: احمد العربي
Date: 02-03-2006, 10:20 PM
Parent: #31

المبدع الاديب
عاصم الطيب قرشي


تحيه واحترام
توقفت كثيرا في اضافتك هذه واراك اصبت ما ارنو اليه فابحارك في التحليل المنهجي
وعرض النمازج والمحاولات لتطوير اغاني البنات هو الفريم المكمل لهذا الموضوع الحيوي كما
ذكرت

اسعدتني اضافتك هذه كثيرا
وارجو ان تمدنا بمذيد من التحاليل العلميه لبعض النمازج من غنى البنات ونحنا في انتظارك



ود واحترام

Post: #77
Title: Re: غُنى البنات
Author: ايهاب نميري
Date: 02-16-2006, 05:36 AM
Parent: #2

غنى البنات جامل ما قيل هو غنى البنات لكن صادف انو في الفتره الاخيره او العهد الحديث تم تحريف اغاني البنات واصبح يطلق عليها الغناء الهابط ودا كلام ما صاح يا جماعه لان من زمن اغاني الحقيبه اي شاعر كان بتكلم عن المراه واي فنان في الزمن دا كان بغني غنى خفيف او ما يطلق عليه اغاني البنات اغاني البنات مطلوبه في اغلب المناسبات السودانيه لما فيها من الايقاع الخفيف

Post: #79
Title: Re: غُنى البنات
Author: احمد العربي
Date: 02-16-2006, 10:11 AM
Parent: #77

المبدع
معنى الجمال
سيد الغنى

ايهاب نميري


تحية موده علي هذا المرور
والاثر الجميل الذي تركته هنا


واصل معنا


ود واحترام

Post: #3
Title: Re: غُنى البنات
Author: احمد العربي
Date: 01-31-2006, 03:24 AM
Parent: #1

الخدار خداري يا ناس
خداري
بشيل الجوز واباري
ياناس خداري
الخدار في جرفو
ياناس خداري
مافي زول بعرفو
يا ناس خداري
مافي زول بعفو
يا ناس خداري
الا القاري حرفو
يا ناس خداري




من اغاني البنات وعلى ما اعتقد
بنات البقاره

Post: #5
Title: Re: غُنى البنات
Author: احمد العربي
Date: 01-31-2006, 04:28 AM
Parent: #3

في هذه الغنيه نجد ارتباط الفتاه بالزرع وربطه
باهم الاشياء في حياتها في بلاغه عفويه وتشبيه الحبيب
بالزرع والاهتمام به


ويا لروعة بناتنا
ويا لجمال اغانيهن

Post: #6
Title: Re: غُنى البنات
Author: احمد العربي
Date: 01-31-2006, 04:41 AM
Parent: #5

نار الشوق غرامي
والبحوم بالليل حرامي
صوت العربيه رنه
والحديد نسانا هلنا
الحديد نسانا هلنا
جينا لي مرزوق سكنه
الطالع فوق في الجبال
بت عمو خدوها الرجال
هجروها وزاد الجمال
سجم امو الما عندو مال
ابوي جاب لي مسدس
والمسدس ما مرخص
والمسدس ما مرخص
والبحوم بالليل مرصص

Post: #7
Title: Re: غُنى البنات
Author: احمد العربي
Date: 01-31-2006, 05:14 AM
Parent: #6

ومن الاغاني الجميله
للبنات



ابو لي به يا اللبن
ابو لي به
امي قالت لي تاخدي ود العم
قلته ليها لا اريتو بالعمعم
العيشتو كلها هم
امي قالت لي تاخدي ود الخال
قلت ليها لا اريتو بالخلخال
العيشتو كشف الحال
امي قالت لي دققي وختي
لمن ابوكي يجي
قلته ليها لا ابويا ما برجا
زوجوني بره لو بي لبن بقره
يا اللبن ابو لي به

Post: #8
Title: Re: غُنى البنات
Author: khaleel
Date: 01-31-2006, 05:40 AM
Parent: #7

حبيبي تعال نتلم

عشان الريد اختلط بالدم

وانا ذنبي ايه شيلوني الهم ياحبيب

حبيبي المنقة والتفاح

حبيبي عسل والناس مساخ

وبهاجر ليك عشان ترتاح

Post: #10
Title: Re: غُنى البنات
Author: احمد العربي
Date: 02-01-2006, 04:42 AM
Parent: #8

خليل ود كبير ليك
انها الاشياء الكامنه فينا
والمعاني التي نحمل
وهي الفرح المنشود
والحزن المتمكن
دعهن يتداعين
ويعبرن عنا
حتى نكون طينتنا الاولى



ودي واحترامي وشكر خاص على اهتمامك
بالموضوع

واتنى ان تداوم معنا وتكتب لنا رائك في هذا الثراء التراثي

احترامي

Post: #47
Title: Re: غُنى البنات
Author: احمد العربي
Date: 02-04-2006, 04:00 AM
Parent: #8

غنوا معانا

Post: #9
Title: Re: غُنى البنات
Author: ابو جهينة
Date: 01-31-2006, 06:02 AM
Parent: #7

الأخ العزيز أحمد العربي

تحايا ماكنة و سلام غليد

موضوع هام و حيوي يعطيك ألف عافية.
و رغم أنه تم التطرق إليه من قبل هنا .. إلا أن فتحك له الآن يفتح آفاقا أخرى للموضوع.

Quote: الدافع الاساسي لطرح هذا الموضوع هو دراسة وتحليل
المجتمع السوداني ولم اجد تعابير تحمل معاني هذا الشعب
اقوى من تلك التي تتكون لنا كلمه ولحن وايقاع وطرب وبصوره
عفويه وصادقه وليست وراء هذه الاغاني اهداف ماليه او تحقيق
شهره بل هي تعبير صادق لاحتياجان هذه الشريحه من المجتمع
وتذهب الي ابعد من ذلك لتعبر عن احتياجات الشعب السودان ككل


و حديثك هنا وضع نقاط النقاش الذي آمل أن يستمر حتى تعم الفائدة المرجوة منه ..

و كضربة بداية .. هاكم هذه الجدعة التي قرأتها في جريدة الصحافة اليوم :


نَدَهْتَ لك فُقرا كركوج وتور كدباس
يا شبيهة المنقة .....و....الانناس
يحفضك .... ويغتيكي ربي
من عيني...... قبال عيون الناس


و هي كلمات من نوع التأليف الفطري..

واصل

Post: #11
Title: Re: غُنى البنات
Author: Sahar Abdelrahman
Date: 02-01-2006, 05:00 AM
Parent: #9



الأخ الكريم أحمد...تحيه و سلام

أغانى البنات هى تعبير عن مشاعر جميله...وإظهار لرغبات وأمنيات مكبوته...
هذه أغنيه أعجبتنى تعبر فيها إحداهن عن تمسكها بحبيبها ورفضها لإختيار الأب...


مودتى

حرام يابه


والله يابه حرام ورينى إيه ذنبى...

عشان إنت تقسى علي وتطعنى فى قلبى
حرام...حرام
من غير قصد يأبوى...تجرح كمان حبى
والله يابه حرام...راح يسألك ربى
حرام...حرام

أنا يابه لى قليب مرهف رقيق حساس
وأنا عندى أغلى حبيب بهواه بإخلاص
إخترتو يابه براي من بين جميع الناس
كيف يرضى ليك يابوى حبى النبيل ينداس
حرام...حرام

كان حقو تسألنى يايابه فى أمرى
تعرف كمان فكرى فى شريك عمرى
مش حيه تدفنى فى بيت يكون قبرى
والله يابه حرام يبقى الزواج جبرى
حرام...حرام

يايابه خلينى إختار شريكى براى
شاورنى من قبال يايابه تدى الراي
صدقنى تسعدنى يايابه فى دنياى
ويكون صحيح ياأبوى بدور لى هناي
حرام...حرام


Post: #14
Title: Re: غُنى البنات
Author: احمد العربي
Date: 02-01-2006, 05:22 AM
Parent: #11

العزيزه سحر عبد الرحمن

اسعد الله يومك

طبعا غني البنات يتميز بالعفويه وقوة الكلمه رغم بساطتها
وهو غالبا ما يكون جدل مع الواقع والاشياء المكبوته في
دواخل هذه الشريحه والتي هي اعمدة المجتمع الحامله لظله



واشكرك علي هذا المرور الجميل
واتمنى ان تواصلي معنا



ود واحترام

Post: #12
Title: Re: غُنى البنات
Author: عشة بت فاطنة
Date: 02-01-2006, 05:07 AM
Parent: #9

لو يا لولي يا لوليا

بسحروك يا لولي الحبشية

راجعة

Post: #13
Title: Re: غُنى البنات
Author: احمد العربي
Date: 02-01-2006, 05:16 AM
Parent: #9

ابوجهينه
مكمن الروعه والجمال
اسعدني مرورك
ان غنى البنات يحكي جدلية الحياة في السودان
وروعة التعامل مع المشاكل الاجتماعيه فالبنات
يعبرن عن رائهن بالغناء فهل هنالك اروع من هذا التعبير؟
تخيل ان المجتمع والسياسيين وكل القطاعات المعنيه بشئون
الدوله تغني
وانا ارى هذه القطاعات تفشل في تحقيق الاهداف دوما وفي الوقت
نفسه تنجح البنات بهذه الاغانى في توصيل الامهن ومعظم المشاكل
تحل بواسطة هذا الغناء الجميل بطريقه غير مباشره كانت او مباشره0



ودي واحترامي


ونواصل

Post: #15
Title: Re: غُنى البنات
Author: احمد العربي
Date: 02-01-2006, 05:27 AM
Parent: #13

بسحروك يا لوله الحبشيه
لوليه انتي ما صعبه
بحب كسلا واديس اببا




بت فاطنه المبدعه

مرور جميل ونتمني العوده السريعه جدا
وجيبي معاك غني
وكمان نقاش


ودي واحترامي

Post: #17
Title: Re: غُنى البنات
Author: نجود حسن عبد الرحمن
Date: 02-01-2006, 05:44 AM
Parent: #15

العزيز ود العربى

جاياك .. جاياك يا ابشرة

جاياك جايه افتو معاك

يا ابشرة ..

وكل سنة وانت طيب

Post: #19
Title: Re: غُنى البنات
Author: احمد العربي
Date: 02-01-2006, 05:52 AM
Parent: #17

العزيزه نجود
ود واحترام


ومرحب بيك وفي انتظار المزيد
يلا تعالي لينا بي غنى كتييييير
ولو جبتي معاك دلوكه يكون ميه الميه


اسعدني مرورك وفي انتظارك

Post: #38
Title: Re: غُنى البنات
Author: نجود حسن عبد الرحمن
Date: 02-02-2006, 06:36 AM
Parent: #19

العربى

جبت ليك الفرقة انت من زمن الدلوكه

هاك اسمع

http://drmoiz.com/phpBB2/viewtopic.php?p=339093#339093

Post: #16
Title: Re: غُنى البنات
Author: احمد العربي
Date: 02-01-2006, 05:42 AM
Parent: #6

يا لروعتهن
ويا لهذا الافق الواسع
والخيال الخصب

Post: #18
Title: Re: غُنى البنات
Author: Murtada Gafar
Date: 02-01-2006, 05:49 AM
Parent: #16

يا عرب ما تقول لينا بالعربي كده العبارة شنو؟؟؟؟؟؟؟ قصتك ما مفهومة بس حابين نفهم ممكن يا مان ولا ده ما محلو!!!!!!!!!!!!!!!!!

مرتضى جعفر

Post: #20
Title: Re: غُنى البنات
Author: Tumadir
Date: 02-01-2006, 05:56 AM
Parent: #18

سؤال

هل تعتبر غنا دستنييز جايلد ومرايا كيرى وبيانسيه واشانتى ..غنا بنات ايضا؟؟

انا اعتبرو


و

انت بحر سماحة يجو العشاق يزورو

حازورك

Post: #22
Title: Re: غُنى البنات
Author: احمد العربي
Date: 02-01-2006, 06:04 AM
Parent: #20

الجميله تماضر
ده كلام جميل وكبير
وانتي فتحتي موضوع اجمل واكبر

واتمنى ان تكوني معنا ولنتحاور



حب كبير واحترام كتيييييييير

نتواصل

Post: #21
Title: Re: غُنى البنات
Author: احمد العربي
Date: 02-01-2006, 06:00 AM
Parent: #18

لتعلم انني احبك كثيرا
ايها الثائر العملاق
مرتضى جعفر

والموضوع ايها الحبيب بحث في الذات ويمكن طرحه اينما كنا وكيفما كان
ويا ريت تمدنا بالغنى وحوار هذا النوع من الموروثات القيمه عندنا

ودي واحترامي

وسلام ليك والاسره
وقول لي طالع ما تطلع

Post: #23
Title: Re: غُنى البنات
Author: atbarawi
Date: 02-01-2006, 06:25 AM
Parent: #21

الاخ احمد العربي
سلامات
هاك دي
جك جرك سحبو مني
والله جوه الجك سحبوه مني!!

طبعا انا مفتون جدا بعبارة "جوة الجك" دي، لأنه فيها كثافة تعبيرية خطيرة0 والحاجة الجوة الجك دي حاجة في الايد ومضمونة زي ما بقولوا000 وفتش على الباقي0

شكرا على هذا البوست العميق اللطيف

عبد الخالق

Post: #28
Title: Re: غُنى البنات
Author: احمد العربي
Date: 02-01-2006, 10:30 AM
Parent: #23

اهلا بيك يا عبد الخالق


او عطبراوي
تحيه خاصه وشكر موصول لي عندك علي المرور
واتمنى ان تكون معاناوتمدنا بالغنى الحافظو



ود واحترام

Post: #24
Title: Re: غُنى البنات
Author: تيسير عووضة
Date: 02-01-2006, 06:35 AM
Parent: #1

أحمد عربي
بوست راااااابي

دق الباب و جانا
انا جريت لي حفيانة
ما قصدت الخيانة
قصدي يقيل معانا
حنانـــــــة
نسى اهلو ما نسانا
دق الباب بشدة
انا جريت مستعدة
انا قايلاو حبيبي
لقيتو سيد العدة

Post: #25
Title: Re: غُنى البنات
Author: othman mohmmadien
Date: 02-01-2006, 09:20 AM
Parent: #24

Quote: دق الباب و جانا
انا جريت لي حفيانة


دي حافية القدمين - لنزار قباني السودان
======================================
مشيت للعمده قال لي ما بمضى
مشيت للزول الحماني الغمضة
======================================
احمد صغير في سنه
كل البنات عارفنه
كل البنات عارفنه
حبيبته تسال عنه
آه يا عيوني
- طبعا ممكن يكون أحمد الشايقي المهم علي حسب إسم العريس أو المحتفى به يتم حشر الإسم

Post: #26
Title: Re: غُنى البنات
Author: ABDELAZIZ MAHADY
Date: 02-01-2006, 09:27 AM
Parent: #25

تجي...؟؟؟؟
ولا نجي؟؟؟؟
في مطار أبوظبي
_______________________________
دي مراية زمنا دا .. وبتقول ليكم عديييييييييييييييييل كدا يا مغتربيين
يا تجونا ؟؟ يا نجيكم
______________________________
وسلامات

Post: #34
Title: Re: غُنى البنات
Author: احمد العربي
Date: 02-02-2006, 05:54 AM
Parent: #26

عبد العزيز الرايع
محبه شديده
وتواصل مستمر
وخليك قريب
ولو شفته لينا غنيتين تلاته
من بيت الطهور الجنبكم ولا بيت العرس
الفي اخر الشارع تكون ما قصرته



نتواصل

Post: #33
Title: Re: غُنى البنات
Author: احمد العربي
Date: 02-02-2006, 05:48 AM
Parent: #25

عثمان محمدين
الف تحيه ليك
واشكرك علي تعطير
هذا الزمن المهم في حياتنا

ويلا نواصل ونثبر اغوار هذه التداعيات
والاحلام الجميله




ودي واحترامي

Post: #29
Title: Re: غُنى البنات
Author: احمد العربي
Date: 02-01-2006, 10:43 AM
Parent: #24

تيسير عووضه
اهلا بيك



انشا الله الدقه الجايه
يكون الزول زااااااااااتو

اقصد دقة الباب





وبطلي مشي الحفا عشان القزاز المكسر ما يجرحك


شكرا علي تعطير هذا البوست


ومدينا بالغنى


ود واحترام من هنا لي عندك

Post: #27
Title: Re: غُنى البنات
Author: محمد محي الدين
Date: 02-01-2006, 09:54 AM
Parent: #1

بالمناسبه دي وقعتا لي في جرح واسألوني انا من اغاني البنات

رسل لي رسايل وقال انا في الجزاير
في اول يناير جانا حبيبنا ساير

((دي بي مناسبة شهر يناير))

Post: #30
Title: Re: غُنى البنات
Author: الخير محمد عوض
Date: 02-01-2006, 08:39 PM
Parent: #27

صلاح يا صلاح

ياحرف ال (N)

موضوع لذيذ ودمه خفيف

وعميق ومفيد

Post: #32
Title: Re: غُنى البنات
Author: khaleel
Date: 02-02-2006, 03:57 AM
Parent: #30

من اجمل اغاني البنات التي احبها اغنية المهيرة وهي ترقص بها العروس بعد ان يلتئم شملها مع من تحب

الهميرة عقد الجلاد

يا عروسنا عريسك غلبو الثبات

المهيرة شمعة بتموع

ويا عريسنا قش الدموع لي عروسنا

المهيرة ديل نسابتك

بالبيجو جو

وبنك فيصل ليك سجلو يا عروسنا


لاحظ بنك فيصل دي

Post: #37
Title: Re: غُنى البنات
Author: احمد العربي
Date: 02-02-2006, 06:08 AM
Parent: #32

خليل الشخص الذي يخجل
الجمال من روعته
لك التحيه
واصل


ود واحترام خاص

Post: #36
Title: Re: غُنى البنات
Author: احمد العربي
Date: 02-02-2006, 06:00 AM
Parent: #30

الخير
ايها الجميل
اطلق العنان لهذه الذاكره الجميله
وامطرنا من هذه الحروف
والاغاني الجميله
ولك الود كله
والمحبه الخالصه

Post: #35
Title: Re: غُنى البنات
Author: احمد العربي
Date: 02-02-2006, 05:57 AM
Parent: #27

الرايع
محمد محي الدين
محبه مستمره
وتواصل مع الاغاني الجميله
وبيوت العرس والطهور وغنى الحماسه
ولك التحيه وانت تعطر هذه المساحه



ونتواصل

Post: #39
Title: Re: غُنى البنات
Author: tasneem
Date: 02-03-2006, 06:10 AM
Parent: #35

الاخ احمد العربي
سلام
كما ذكر فان اغاني البنات عكس للواقع سياسيا, اجتماعيا, اقتصاديا


اتحجب والبس طويل -------عشان اعرس عمر البشير

يا عسكري ما تزدري -----الشعب قال عاوز ازهري
وعلم السودان رفعوا ازهري وينو
وين يا ناس وينو-----العريس ود ناس وينو
العريس وناس وينو

يا تيلة الانصاص في الرقبة خايلة خلاص-----قال لي رئيسكم مين خالد حسن عباس

وجايين تاني كان الله هون

Post: #40
Title: Re: غُنى البنات
Author: احمد العربي
Date: 02-03-2006, 10:12 PM
Parent: #39

الجميله تسنيم
ود واحترام
وتحيه لك وانتي تعطري هذه المساحه
وليتك تبقين علي الدوام معنا وتمدينا
بما لديك من اغاني بنات




ود واحترام
ونتواصل

Post: #43
Title: Re: غُنى البنات
Author: احمد العربي
Date: 02-04-2006, 02:56 AM
Parent: #40

معظم اغاني البنات وليدة اللحظه اي انها قد تؤالف
وتغنى في نفس المناسبه ومسألة التاليف نجدها متجدده
اي ان معظم اغاني البنات تفصل حسب اسم الحبيب او الفارس
او المناسبه


يالهذه الملكه التي لاتعرف لها حدود

Post: #42
Title: Re: غُنى البنات
Author: Ishraga Haimoura
Date: 02-04-2006, 02:52 AM
Parent: #1

أعجبني هذا التعريف:
Quote: هى ترموتر التغيرات الإجتماعية والسياسية,أوكما تفضلت بالقول عكس لجدلية السلطة

والمجتمع فى خطاب سهل وبسيط يقوم يصياغته كل قبيلة فنانات أغنية البنات


دا كلو من شيحة
شيحة باع الشريحة
شيحة باع الشريحة
بالأقساط المريحة

دا كلو من وائل
وائل باع الموبايل
وائل باع الموبايل
لا مس كول لا رسايل


دا نموذج لأغاني عصر الموبايل

Post: #46
Title: Re: غُنى البنات
Author: احمد العربي
Date: 02-04-2006, 03:09 AM
Parent: #42

الرايعه اشراقه
ود متواصل
وشوق جاري جري
ده طبعا نموزج حي للتفاعل مع القضايا
ومواكبه للتطور ومعايشة الصراعات التقنيه



ود واحترام كتير
وشوق من هنا لي عندكم

Post: #44
Title: Re: غُنى البنات
Author: عمر عبد الخالق سعيد
Date: 02-04-2006, 02:56 AM
Parent: #1

موضوع لذيذ و شيق
ومداخلات في منتهي الروعة
مرات في كلام غريب ذي

يا دار وين حبيبي

هل دار الحبيب هو المقصود ام داروين صاحب نظرية النشؤ و التطور
_____
فجأة كدة

Post: #45
Title: Re: غُنى البنات
Author: احمد العربي
Date: 02-04-2006, 03:01 AM
Parent: #44

بروبر يارايق


كيفك مشتاقين كتير
مداخلتك جميله بس
كنت متوقعه
وياريت لو تنزل لينا من غنى
البنات الكنتو بتغنوهو في الرحلات

وداروين دا علي ما اعتقد
انو بروبر


ود خاص
ومحبه متواصله

Post: #48
Title: Re: غُنى البنات
Author: عمر عبد الخالق سعيد
Date: 02-04-2006, 05:12 AM
Parent: #1

البشباك ده منووووووووووو
البرقراق ده منوووووووووو
(كورس) ده العسكري
الكان بزدري....
علي منو...
علي اخينا...
الما بيجينا....
الا ساعة الشري ده
...... الخ.....

Post: #49
Title: Re: غُنى البنات
Author: احمد العربي
Date: 02-04-2006, 10:13 PM
Parent: #48

عمر بروبر

تحياتي واحترامي
ومحبه متواصله
يا ريت لو تستمر لينا في تذكر الاغاني الجميله
بتاعة البنات والكنتو بتغنوها في الرحلات


وطبعا الشباب بيغنو غنى البنات برضو
يعني هنا بيكون الغنى طلع من الخصوصيه

ليتعمم وهذا من قوة الطرح في الاغاني


نتواصل

Post: #50
Title: Re: غُنى البنات
Author: احمد العربي
Date: 02-05-2006, 05:54 AM
Parent: #49

رايكم شنو نلم الغنى ده علي بيت العرس الانفتح ده

Post: #51
Title: Re: غُنى البنات
Author: عامر تيتاوى
Date: 02-05-2006, 01:05 PM
Parent: #50

احمد العربى

الموضوع جميل ومهم لانه انعكاس لكل مناحى الحياة

وانا بصراحة من المعجبين بغنا البنات لانه يحمل مضامين عميقة ويرتبط بالواقع اكثر من الاغانى

الحديثة التى قد ياتى نتاج الشاعر فيها بعد ( قعدة كاربة ) ووزنة للنص صحيح المشاعر حية لكن

غنا البنات ياتى عفويا وينساب فى شرايين المجتمع بسلاسة فائقة تصنعه البنات وتطرب له الحبوبات

وتشتعل له حماسة الرجال وهم يطلبون الشبال

كما يتميز غنا البنات بالالحان الحنينة وهذا طابع سودانى نسج وجدانه الغناء الشعبى وغنا البنات

منذ زمان بعيد فقد كانت مهلة العبادية وعائشة الفلاتية الى يومنا هذا ومنذ ان تحكر حمار كلتوم

فى تلك الاغنية الشهيرة والى ان قام وايل وقفل الموبايل لا مس كول ولا رسايل

وهذه صورة مرتحلة عبر الازمان ويكفى انك ستتعرف على تاريخ الاغنية ومتى قيلت بمجرد ان تستمع الى

النص وهكذا يعبر بنا غنا البنات منذ فى القهوة ما جلاس الى زمن مقاهى الانترنت ..

الموضوع جميل وشيق وكبير فلك التحية اخى احمد العربى

واقول :

العربى من طابت ياحبيبى
خلت الشمس غابت ياحبيبى

ولنا عودة

Post: #52
Title: Re: غُنى البنات
Author: احمد العربي
Date: 02-05-2006, 10:28 PM
Parent: #51

تيتاوي الجميل



اضافتك جميله حقا


وارجو ان تتواصل معنا

وتقودنا الي منارات هذا الموضوع

لنحتفل سويا بهذا الكم من الابداع




ود واحترام

Post: #53
Title: Re: غُنى البنات
Author: tasneem
Date: 02-06-2006, 08:32 AM
Parent: #52

الاخ احمد العربي
تحياتي

في فترة من الفترات المغتربين كانت اسهمم مرتفعة

مغص يا مغص يا العزابة -----بس تموتوا مغص يا العزابة

البنات حلوات يا العزابة كالشموس طالعات للعرس راجيا ت
نحنا ما دايرين يا العزابة ---- الا مغتربين يا العزابة

مما ادي الي زعل المحليين ولترضيتهم استبدلت الكلمات

فرح يا فرح يا العزابة ------عيشوا حب ومرح يا العزابة
انتوا يا الزينيين يا العزابة ----للوطن حارسين يا العزابة
ليه تهاجروا سنين يا العزابة ------وتبقوا مغتربين يا العزابة

وبعد داك المغتربين زاتم بقوا نوعين
نوع اصلي ناس السعودية ودول الخليج

يا ابوظبي ويا بلد النبي ويا نقعد كدي

ونوع تايواني ناس ليبيا واليمن

ليبيا واليمن ضياع ذمن

وبعد داك قبضوا الجو ناس امريكا واوربا

الدبلوماسي انا انا
لاجئ سياسي انا انا
اخيرليك انا ---تعالي بهنا


يا ود البلد الليلة وين يا ناس ياود
يلاك كندا --- ناس كندا احلي الناس يا ود البلد
والله اظرف ناس يا ولد البلد

تقديري

Post: #54
Title: Re: غُنى البنات
Author: احمد العربي
Date: 02-06-2006, 11:55 AM
Parent: #53

زهرت البورد
تسنيم

انتي وين من ذمان
دي اضافه جميله وتحليل للحوار الفي الاغاني اجمل


واصلي معانا وياريت لو تمدينا بالمزيد



حب واحترام

Post: #55
Title: Re: غُنى البنات
Author: عامر تيتاوى
Date: 02-06-2006, 05:19 PM
Parent: #54

انت كم اسرت عقول

ياملاك

بكلامك المعسول

ياملاك

جسمى الغشاهو نحول

ياملاك

بكلامك المعسول

ياملاك

كفاك جفا وتعذيب

ياملاك

الريدة قدر ونصيب

ياملاك

Post: #56
Title: Re: غُنى البنات
Author: عمر عبد الخالق سعيد
Date: 02-06-2006, 11:12 PM
Parent: #1

بنات تاتاي
تعالن جاي
اقيفن صـــف
وهاكن كـــف
وقولن ووب
وووب و احي
........

Post: #57
Title: Re: غُنى البنات
Author: الزاكى عبد الحميد
Date: 02-07-2006, 00:26 AM
Parent: #1

العزيز عربي

هل يا ترى ما قالته شغبة تهجو ابنهاحسين-
يأتي في سياق ما أثرته:

يا حسين أنا أمك وانت ماك ولدي..
بطنك كرشت غي البنات ناسي..
ودقنك حمست جلدك خرش ما في..
لاك مضروب بحد السيف نكمد في..
ولا مضروب بلسان الطير نفصد فيه..

Post: #60
Title: Re: غُنى البنات
Author: احمد العربي
Date: 02-07-2006, 01:17 AM
Parent: #57

الاديب
والمبدع الذاكي

ود واحترام كنت اعلم انك ستضيف لمسه خاصه لهذه المساحه
ولذا انتظرتك كثيرا واعلم ايضا بمدى مشغوليتكم هذه الايام
بالنادى




ود واحترام وتقدير متواصل
ومذيد من الاضافات

Post: #58
Title: Re: غُنى البنات
Author: Manar Mahsoub
Date: 02-07-2006, 01:00 AM
Parent: #1

لو مشيت ليك حفلة و لقيت الفنان بيغنى الذكريات تلاقى زول بيهبب ليه مافى الا ناس الشواكيش تلاقى كل زول سرح فى وادى و بس مما تبدأ ارح ارح و حنانه النسى اهله ما نسانا ويييييين تلاقى الدنيا دى قامت و قعدت و الكتاحة اشتغلت لانها فعلا كلمات بسيطة بتلمس الوجدان و بتديك قراية كاملة للشارع السودانى يعنى لو كنت مطول من السودان قبل ما تمشى و عشان ما يقولوا عليك مسطح اسمع آخر اغانى البنات :

قالوا امه حنكوشه و بتتكلم برموشه
انا حبيت ويلدها عشان خاطر قروشها
وين حنانه النسى اهله ما نسانا
يالعجوزة يا ام سكاسك يا الصبغتى راسك
ما تختشى شوية نحن قدر بناتك

و هاكم التانية دى :
شوفوا شاشتنا يا عوض دكام
الشينة شاشتنا شوفوا ناس كايرو شوفو ناس الشام
كلام يا عوض دكام كلام فى كلام يا عوض الدكام
سنتر الخرطوم يا عوض دكام
السهر بالكوم
اشتهينا النوم

و الثالثة دى :

دى هيمانه يوماتى
دى مجنونه بتهاتى
طيارة عز الليل
و كابتن اماراتى من ناس ابو ظبى
طيارة يا ايرباص
يا اكس يا تونتى
كابتن فى سودانير
دلاها باللفتى فى مطار ابوظبى
تجى ولا نجى فى مطار ابوظبى

كلام لذيذ جدا ليه بيقولوا عليه هابط .. هابط هابط لكن من اكثر الكلمات و الالحان البتبقى فى الذاكرة .

Post: #61
Title: Re: غُنى البنات
Author: احمد العربي
Date: 02-07-2006, 01:26 AM
Parent: #58

الشفيفه
الجميله جمال صباحات النيل


منار



Quote: لو مشيت ليك حفلة و لقيت الفنان بيغنى الذكريات تلاقى زول بيهبب ليه مافى الا ناس الشواكيش تلاقى كل زول سرح فى وادى و بس مما تبدأ ارح ارح و حنانه النسى اهله ما نسانا ويييييين تلاقى الدنيا دى قامت و قعدت و الكتاحة اشتغلت لانها فعلا كلمات بسيطة بتلمس الوجدان و بتديك قراية كاملة للشارع السودانى يعنى لو كنت مطول من السودان قبل ما تمشى و عشان ما يقولوا عليك مسطح اسمع آخر اغانى البنات :




ده كلام ملان وحقيقي ويلا نواصل المشوار بتاع البحث ده



ود واحترام

Post: #59
Title: Re: غُنى البنات
Author: محمد السر
Date: 02-07-2006, 01:16 AM
Parent: #1

حمادة التش مالو ما جا..
شنبو حش مالو ما جا

يا عربي إنت كايس غُنا البنات ومأذون للبورد!!
قطع شك أو قطع رحت إنت وقعت.. مبروك مقدماً يا خائن..
نحن خلينا في بيت العزابة دا مصاقرين بنات الكوتشينة اللا دايرات مهر لا شيلة ديل.

Quote: أغانى البنات هى تعبير عن مشاعر جميله...وإظهار لرغبات وأمنيات مكبوته...
بالضبط زي ما قالت سحر، غنا البنات في جانب منه هو النافذة الوحيدة لتغزَّل البت في الولد، في مجتمع ذكوري ومحافظ على تقاليد صارمة، من ضمنها عدم توفر مساحة للبت لتعبير من هذا النوع (ولحد زمن قريب حتى بعد أن يصبح هذا الولد زوجها)، في حين يوفر للولد مساحات كبيرة في التغزُّل بالبت وفي تفاصيل جسدها (أغاني الحقيبة مثال) عشان كدا لو لاحظت الغزل في غنا البنات بيكون صارخ وعكس الطبيعة الظاهرة لينا من البت.

(أغنية من أغاني بنات الهامش)
(تعبر فيها البنت بعفوية عن مشاعرها تجاه حبيبها الذي لاقته بعد طول غياب)
مدَّ لي إيدو
قلت ليه لا لا
إنت ما سيدو (تشير البنت إلى صدرها بإبهاميها وهي فاردة ذراعيها)
كبِّر الحالة
فردة يا إستاش
إنت ما نقَّاش
أنقُّش الحاصل.
(عثمان بشري حافظها كلها)

ملاحظة: غنا البنات لما يغنوه الأولاد (أو عموماً لما يطلع من جو غنا الدلوكة) بيفقد سحره ويبقى زي الرقص عند فرق الفنون الشعبية،بصورة ما بيفقد موسيقاه الداخلية (زي ما سمتها إيمان أحمد في بوست يخصها).

خاطرة: ربما تكون فكرة الأقوان في رقيص العروس (وما يتبعها من ضحك في العريس الذي دائماً ما يكون مغلوب 3/صفر) محاولة منهن لهزيمة المجتمع الذكوري في شخص العريس المسكين.

أبو حميد لو احتجت لي وزير أخوك خبرة بس خليها بعد شهر أربعة لأني محجوز.
ما دا زاتو النحسنا.

Post: #62
Title: Re: غُنى البنات
Author: احمد العربي
Date: 02-07-2006, 01:45 AM
Parent: #59

شبال قبل
عين فرحة السودان
رطن بالحب
ودنيا امان

محمد السر
الجميل والمتفرد بهذه الروعه

لك محبه خاصه بمناسبة هذه الاضافات الجميله

Quote: بالضبط زي ما قالت سحر، غنا البنات في جانب منه هو النافذة الوحيدة لتغزَّل البت في الولد، في مجتمع ذكوري ومحافظ على تقاليد صارمة، من ضمنها عدم توفر مساحة للبت لتعبير من هذا النوع (ولحد زمن قريب حتى بعد أن يصبح هذا الولد زوجها)، في حين يوفر للولد مساحات كبيرة في التغزُّل بالبت وفي تفاصيل جسدها (أغاني الحقيبة مثال) عشان كدا لو لاحظت الغزل في غنا البنات بيكون صارخ وعكس الطبيعة الظاهرة لينا من البت.


ده كلام جميل وممكن الشباب يتداخلو لينا فهو علشان نستنير اكتر

Quote: ملاحظة: غنا البنات لما يغنوه الأولاد (أو عموماً لما يطلع من جو غنا الدلوكة) بيفقد سحره ويبقى زي الرقص عند فرق الفنون الشعبية،بصورة ما بيفقد موسيقاه الداخلية (زي ما سمتها إيمان أحمد في بوست يخصها


وكلامك في محلو بس كلم لينا العزابه المعاكم ديل ما يغنو تاني

Quote: خاطرة: ربما تكون فكرة الأقوان في رقيص العروس (وما يتبعها من ضحك في العريس الذي دائماً ما يكون مغلوب 3/صفر) محاولة منهن لهزيمة المجتمع الذكوري في شخص العريس المسكين.


طبعا كل القصه هي تعابير عن الواقع جملة وتفصيلا وقد يجوز تحليلك واتمنى انو المتداخلين ينورونا اكتر

Quote: أبو حميد لو احتجت لي وزير أخوك خبرة بس خليها بعد شهر أربعة لأني محجوز.
ما دا زاتو النحسنا.


طبعا انا همي دي الوقت انت وبعدين ما خليت لينا عنوان مدير مكتب الوزير للحجز




ود واحترام من هنا لي عندك وين ما كنت

Post: #63
Title: Re: غُنى البنات
Author: tasneem
Date: 02-12-2006, 04:57 AM
Parent: #62

الاخ احمد العربي
تحياتي
اغاني البنات كان لها دور في الحث علي التعليم

اللة لي كوريا يا شباب العليا
يا اللابسين ساعاتكم ويا الراكبين عجلاتكم
ميعاد الدرس فاتكم والتعليم لحياتكم

كوريا جات تتني وزي فريع الحنة
يا عريس اتهني خلاص ضمنت الجنة


وجامعة الخرطوم كانت هي الكل في الكل

يا دنيا مافي امان يا دنيا مافي امان
رسلت لي جواب بكل شوق وعتاب كلية الاداب
ضربت لي تلفون وجاني صوته حنون في جامعة الخرطوم


حبيبي غاب في قهوة النشاط بلاقي
يا الحرفه صاد بلاقي سبب السهاد بلاقي في الاقتصاد حبيبي
يا الحرفه نون بلاقي سبب الجنون بلاقي
قانون حبيبيFinal

شايل الكتاب وسبب العزاب حبيبي يا الفي الاداب بلاقي
يا الما نسي ويا الما قسي وفي الهندسة بلاقي

تقديري

Post: #64
Title: Re: غُنى البنات
Author: احمد العربي
Date: 02-12-2006, 05:14 AM
Parent: #63

الجميله تسنيم



لك الود كله


دايما مساهماتك في الصميم وبتعجب


واصلي


مع مودتي واحترامي

Post: #65
Title: Re: غُنى البنات
Author: khaleel
Date: 02-12-2006, 05:44 AM
Parent: #64

اووب علي

الليمون سقاية علي

يا حاج انا

ووب علي في الجو طيارات

ووب علي وفي البر دبابات

ووب علي وفي البحر غواصات مدمرة

ووب علي جاهل صغير وحمامة

ووب علي يوم لبسو الكمامة

نقلوهو خشم القربة

يا الله عودها سلامة للعاصمة

Post: #66
Title: Re: غُنى البنات
Author: منتصر حسن محمد
Date: 02-15-2006, 11:07 AM
Parent: #65

الرائع أحمد عربي

تحية وسلااااااام
هذا الموضوع له إرتباط وثيقة جدا بثقافتنا العامة
حيث الأغنية البناتية أو أغاني البنات
تعكس الواقع بكل تفاصيله البسيطة حتي بالمسميات
البسيطة ( أغنية عائة الفلاتية سابقة الذكر أآوب علي ً)
دلالة موضوعية لذلك ... ولي عودة لها مع بعض الأغاني
التي كانت لها صولات وجولات في الساحة الغنائية
خصوصا في أواسط السودان وسوف أعود إلي فترة ما فبل
الستينيات وصولا إلي الحديث في الساحة ... وأواصل المشاركة
ببعض ما كان شائعا في بعض أقاليم السودان الشاسع

ولي عودة


ود زبيدة

Post: #68
Title: Re: غُنى البنات
Author: احمد العربي
Date: 02-15-2006, 11:21 AM
Parent: #66

الرائع
المتدفق جمالا
منتصر حسن محمد



نحنا في انتظارك علي احر من الجمر

واصل


محبتي لك

Post: #69
Title: Re: غُنى البنات
Author: منتصر حسن محمد
Date: 02-15-2006, 11:42 AM
Parent: #66

نموذج من أغاني البنات في غرب السودان
واعني بالتحديد إقليم كردفان
فالغناء عندهم مثل كل أقاليم السودان الأخري
يصور حياتهم ويعبر عن مشاعرهم وما إلي ذلك ...

وإيضا شعرهم في شتي ضروب الحياة والوانها
من حنين وشوق وحب وهجر وسياسة وفخر وهجاء .... الخ


هذه تودع حبيبها متمنية له العافية وتدعوا له بسلامة
الأوبة وتؤكد حبها له وإخلاصها وان عهدها وثيق وصافي
من الشوائب :

سرجه علي مقافي (*)
وقدمته في العافي
يا تومي ماتجافي
عهدي المعاك صافي


وهذه أخري إستبد بها الشوق إلي حبيبها الغائب مع ابله يرعاها فهي تستقبل -القبلة -حيث مرعي الحبيب وتبكي- بلا سبلة- أي دون سبب غير هذا الحب العميق .. فهي تحس بحنين إبله من بعيد قادمة الي الحي وهو معها فيستبد بها الفرح والنشوة فتعلن انها ستلاقيه في منتصف الطريق ..

بتقبل القبلة
وابكي بلا سبلة
بسمع حنين ابله
بركب بضارب له

لهم أيضا في الفخر حيث نجد إن هذه المغني تفتخر بقومها وتري ( القود ) الابل من حولها..فأمامها وخلفها (رد سيب القود) أي مجموعات الإبل وبذلك يكون ليس لها في السنين السود والسنوات العجاف لما لها من خير وفير من الابل وإنها في نعمة :

نحن السنين السود(*1)
ما لينا فيهن عود
وجهي وقفاي مردود
من رد سيب القود


وسوف أعود لاحقا...




ود زبيدة


مصادر
(*)ذكرياتي في البادية
(*1) ملامح

Post: #70
Title: Re: غُنى البنات
Author: احمد العربي
Date: 02-15-2006, 11:58 AM
Parent: #69

جمال حدائق توتي
وجروفها التي تعطي بلا ملل

منتصر حسن محمد



تحيه واحترام


انها اضافه جميله

Quote: نموذج من أغاني البنات في غرب السودان
واعني بالتحديد إقليم كردفان
فالغناء عندهم مثل كل أقاليم السودان الأخري
يصور حياتهم ويعبر عن مشاعرهم وما إلي ذلك ...

وإيضا شعرهم في شتي ضروب الحياة والوانها
من حنين وشوق وحب وهجر وسياسة وفخر وهجاء .... الخ


هذه تودع حبيبها متمنية له العافية وتدعوا له بسلامة
الأوبة وتؤكد حبها له وإخلاصها وان عهدها وثيق وصافي
من الشوائب :

سرجه علي مقافي (*)
وقدمته في العافي
يا تومي ماتجافي
عهدي المعاك صافي


وهذه أخري إستبد بها الشوق إلي حبيبها الغائب مع ابله يرعاها فهي تستقبل -القبلة -حيث مرعي الحبيب وتبكي- بلا سبلة- أي دون سبب غير هذا الحب العميق .. فهي تحس بحنين إبله من بعيد قادمة الي الحي وهو معها فيستبد بها الفرح والنشوة فتعلن انها ستلاقيه في منتصف الطريق ..

بتقبل القبلة
وابكي بلا سبلة
بسمع حنين ابله
بركب بضارب له

لهم أيضا في الفخر حيث نجد إن هذه المغني تفتخر بقومها وتري ( القود ) الابل من حولها..فأمامها وخلفها (رد سيب القود) أي مجموعات الإبل وبذلك يكون ليس لها في السنين السود والسنوات العجاف لما لها من خير وفير من الابل وإنها في نعمة :

نحن السنين السود(*1)
ما لينا فيهن عود
وجهي وقفاي مردود
من رد سيب القود


وسوف أعود لاحقا...





لك الود والمحبه



واصل
منتظرنك على احر من الجمر

Post: #67
Title: Re: غُنى البنات
Author: احمد العربي
Date: 02-15-2006, 11:18 AM
Parent: #65

الجميل خليل

واصل


محبتي واحترامي


لك الود كله

Post: #71
Title: Re: غُنى البنات
Author: khaleel
Date: 02-15-2006, 12:04 PM
Parent: #67

الفريع المال وانتني

ربي اعلم جنتنا

وعايزة انا يا علي

للحبيب السكن ابوظبي

وتاني واحدة

تعال زورني يا سامي حبيبي

وسامي وليد الحور

وسامي يا ساكن امدر

سحروهو جيبو البخور لسامي

وتاني واحدة

البيت قصاد البيت

قال لي تعالي وابيت

كان ما ابوي واقف والله كنت جريت

وتاني واحدة

نعدي النشوف الما بنشاف

ومن اللوم وما بنخاف

ومن الحاسد والشناف

ربنا قدر وربنا

والعندي انا ما بدي

وبحر ابروف انا بعدي

Post: #72
Title: Re: غُنى البنات
Author: احمد العربي
Date: 02-15-2006, 03:15 PM
Parent: #71

الشفيف
الجميل
خليل


واصل



موده واحترام

Post: #73
Title: Re: غُنى البنات
Author: نادية عثمان
Date: 02-15-2006, 06:05 PM
Parent: #72

احمد

نيابة عن كل البنات

اشكرك على هذا الالق وهذه الاريحية مع غناء البنات

Post: #74
Title: Re: غُنى البنات
Author: Muna Khugali
Date: 02-15-2006, 06:23 PM
Parent: #73




muna

Post: #80
Title: Re: غُنى البنات
Author: احمد العربي
Date: 02-17-2006, 07:10 AM
Parent: #74

ورودك جميله ايتها
الجميله
واني اراها تستمد
نبضها منك

Post: #76
Title: Re: غُنى البنات
Author: احمد العربي
Date: 02-16-2006, 04:52 AM
Parent: #73

اشعة الصباح
التسارق للدواخل


المرهفه ناديه عثمان


ورده بيضاء
وانتي تعطرين هذا المقام

انها الكلمات التي فيتا

فلا بد من الاحتفاء بها


الجميله جمال خريف ارض البطانه

سلام


وحب ومتواصل

Post: #75
Title: Re: غُنى البنات
Author: محمد حيدر
Date: 02-16-2006, 00:00 AM
Parent: #1

وردة صغيرة جهنمية
عشان الحب واللطافة

Post: #78
Title: Re: غُنى البنات
Author: احمد العربي
Date: 02-16-2006, 10:07 AM
Parent: #75

الجميل
معنى الجمال



محمد حيدر


وردتك الصغيره تكبر كل يوم
فينا ويتولد حب للوطن


تحيه على المرور الجميل


مودتي

Post: #81
Title: Re: غُنى البنات
Author: عاصم الطيب قرشى
Date: 02-18-2006, 01:38 AM
Parent: #78

هل لكم اخوتى ان تتخيلوا معى او تستقراوا التاريخ

حول كيف كانت اغنية البنات قبل قرنين كحد ادنى

ولناخذ فى اعتبارنا:


*سطوة القبيلة ونفوذ الرجل انذاك

*منع الغناء ايام الدولة المهدية

*بساطة متطلبات الحياة

* مرونة الاستعمار مع (الصيع) وهم المغنيون كما اصطلح

على تسميتهم فى ذلك الوقت باعطائهم حرية التجوال ليلا

وحظر ذلك على بقية الشرائح الاجتماعية.

* ثراء ونمو فن الحقيبة فى مطلع القرن العشربن واثر ذلك

على اغنية البنات.

*النضج الاجتماعى والانفتاح على الفن العالمى فى النصف الثانى

من القرن العشرين وظهور ايقاعات لاتينية وامريكية والدخول فى

عالم الموضة:

الاقمشة,القصات,التياب,العطور.

............................

مساحة للخيال واشتراك كبار التجربة والعمر

محاولة لاثراء النقاش

حبى وتقديرى

Post: #82
Title: Re: غُنى البنات
Author: احمد العربي
Date: 02-18-2006, 01:44 AM
Parent: #81

الجميل
معني التواصل
والتألق


المبدع عاصم الطيب قرشي



ذيدنا معرفه فانت بحر ودعنا نرشف منك القليل




مودتي واحترامي

Post: #83
Title: Re: غُنى البنات
Author: tasneem
Date: 02-18-2006, 04:42 AM
Parent: #82

الاخ احمد
سلام

العلاقة بين النسيبة اوالحماة علي قول المصريين والزوجة او الحبيبة
تتراوح بين الشد والجذ ب واغاني البنات تعكس هذه العلاقة

عاشرت ناس امه دا العفوهم بيهمه
جافي دا الغالي واوحي لي ما بيهمه
بلاقي وين يا الاتعدم ظهوره

عاجباني الصداقة الصداقة الوفية
البين سامية وسمية
اروح يا ناس ضحية حرف العين برية

حبيبي جافاني ومشي وتاني ماجاني ولا قدر عشاني
تعال راعي انساني والناس ما مريحاني

ود امي البعيدي كنت دايراك رفيقي كنت دايراك طبيقي
والليلة اصبح وجيعي
......................
قالوا امه مجنونة
بريدة بريد جنونة

قالوا امه نضامة
بريدة بريد كلامة...ووب كلامة
انا حبيت وليدك عشان خاطر الوسامة
............................

العجوز القاعدة برة ..قاعدة لي انا للمضرة
قاعدة لي انا للمضرة يا نكير اديها طلة

يا الماشي السعودية جيب لي معاك خلاطة
جيب لي معاك خلاطة..اخلط امك بي جزماتة
.......................................
يا الهجروك علي ووب علي
تموت امه كان حية ..تنقص اخته الفتية
ابوه تطسه عربية ...خالته تطير حدية
وتسلم انت لي
البيت يسجل لي
والدهب يدق لي



احترامي

Post: #84
Title: Re: غُنى البنات
Author: احمد العربي
Date: 02-18-2006, 04:48 AM
Parent: #83

الجميله تسنيم
صندل الجمال




صاحبة المساهمات السرة والمكتنزه بالمعاني والجمال
وينك طولتي من هذا البوست الذي ظل يردد اسمك تكرارا


واصلي معنا
لنوثق هذا الجمال

Post: #85
Title: Re: غُنى البنات
Author: احمد العربي
Date: 02-28-2006, 03:41 AM
Parent: #84

قلة شغله

Post: #86
Title: Re: غُنى البنات
Author: احمد العربي
Date: 03-02-2006, 06:07 AM
Parent: #85

انا غيرك ما حبيت
يا حبيبي كان مت
ذنبي عليه
القطر الشال معاويه
اتكسر زاويه زاويه

وين يا حبيبي
كان مته ذنبي عليه


القطر الشالك انته
اتكسر حته حته

Post: #87
Title: Re: غُنى البنات
Author: Rakoba
Date: 03-02-2006, 06:16 AM
Parent: #86

الاستاذ أحمد
موضوع شيق للغاية، وكما ذكرت ما يميز غناء البنات صدق المشاعر وجمال الوصف وسهولة المعاني، وأشارك معك هنا بعمل للفنانة "قسمة"
وزي ماشلتو جيبوا يالقطار


Post: #88
Title: Re: غُنى البنات
Author: tasneem
Date: 03-02-2006, 11:19 AM
Parent: #87

مكرر

Post: #89
Title: Re: غُنى البنات
Author: tasneem
Date: 03-03-2006, 04:30 AM
Parent: #87

الاخ احمدالعربي
تحياتي
قديما كان فارس الاحلام هو ذلك المتعلم المثقف الواعي

ناري انا والمهندس جاء ورسم البناء اللة يا اللة
والدكاترة ولادة الهنا

سايق العظمة سافرخلاني وين
يا الماشي لي باريس جيب لي معاك عريس
شرطا يكون لبيس من هيئة التدريس
......................................

ونتيجة للتغيرات اللتي حصلت وادت الي تلاشي الطبقة المتوسطة
وبالتالي تغيرت مواصفات فارس الاحلام

المدرسين بري منهم
المفلسين بري بري منهم

اولاد العز
اولاد راحات

سايقين عربات اخر موديلات
هيا هيا الرمبزة
هي تجار السوق الدهب مدقوق
.............
يعني بدل كان
محبوبي البريدوا دكتور تبع الجراحة

قال لي اختاري وعلي حسب اختياري اخترت شريك مثالي
المني بي المه وراسلني بقلمه مهندس وتبعو دينمو

بقي
حبيب ظريف يا ناس
الكوز لطيف يا ناس
الكوز مجيه يا ناس
الكور مريش ...الكوز بعيش

احترامي

Post: #90
Title: Re: غُنى البنات
Author: احمد العربي
Date: 03-09-2006, 02:28 AM
Parent: #87

الجميل هنا راكوبه



مودتي ومرور جميل



اشكرك
وهذه اضافه جميله