راس سنة السجم والرماد

راس سنة السجم والرماد


02-01-2004, 02:17 AM


  » http://sudaneseonline.com/cgi-bin/sdb/2bb.cgi?seq=msg&board=183&msg=1199261273&rn=0


Post: #1
Title: راس سنة السجم والرماد
Author: esam gabralla
Date: 02-01-2004, 02:17 AM

غايتو اتمنى ده يكون قعر الفاتت,اصلها كانت شوم ونحس ,لكن لو الجديده باديه كده..بس نتحزم ونتلزم
الحاصل:من بداية الاسبوع نسقنا مجموعه من الاصدقاء واسرهم لقضاء امسيه لطيفه,وتم تجهيز كل شئ,انا شغال عادى زى الحصان لحدى يوم 31,فى نص نص اليوم بديت احس بصداع,كضبت الشينه وبديت اطمن فى روحى,بعد شويه بدت الام فى الضهر,يا جماعه ده هزار ولا جد,سريع سريع اديتا حبوب وشايات...زى الساعه اربعه بقيت بتلولح براي,يا ود يا ذكى اديها نومه خفيفه كده تصحى مفرفش و تشوف الحاصل شنو...فعلا دخلت السرير زى اربعه والرقده الياها....حمى وعرق ....
عارف الشمات كتار بمختلف دوافعهم..الجايات اكتر

المهم كل سنه و انتو طيبين,اعتذر لكل من اتصل او اتامأل او تمسمج
شكرآ لحاتم و روكينا على الامسيه الضائعه
للاهل....عام اقل احزان
للاصدقاء...حقول محبه و ورده
ولكم جميعا العافيه والتوفيق
انا راجع السرير
مكى: يا اخوى البشوف مصايب الناس تهون عليهو مصيبتو ,بعد ما قريت بوستك قلت بركه الوقفت على النزله ,كفاره والجاتك فى حبيبتك سامحتك

Post: #2
Title: Re: راس سنة السجم والرماد
Author: Rawia
Date: 02-01-2004, 02:32 AM
Parent: #1

I WAS TRYING TO CALL YOU SINCE YESTERDAY CAN YOU PICK UP THE PHONE PLEASE
SALAMTK

Post: #3
Title: Re: راس سنة السجم والرماد
Author: abdelrahim abayazid
Date: 02-01-2004, 02:38 AM
Parent: #2

سلامتك يا عصام واتمني لك عام سعيد

Post: #4
Title: Re: راس سنة السجم والرماد
Author: haneena
Date: 02-01-2004, 02:43 AM
Parent: #3

الف سلامة
والله كان كدة انا محظوظة
بعد الترويسة المحترمة امس يادوب هسع شاعرة بآلام اللوز
برضو ما قصرت معانا...موش؟؟

الله يجعل كل السنة افراح

Post: #5
Title: Re: راس سنة السجم والرماد
Author: Raja
Date: 02-01-2004, 03:54 AM
Parent: #1


عصام العزيز..
سلامتك ألف سلامة،،
أمنيتي أن يكون هذا العام أرحم وأجمل من سابقه عليك وأسرتك الكريمة..
وما تزعل كلنا قضينا سهرة الأمس بالبيت..

Post: #6
Title: Re: راس سنة السجم والرماد
Author: ASAAD IBRAHIM
Date: 02-01-2004, 06:51 AM
Parent: #1

الاخ عصام
سلامتك يا اخي وربنا يشفيك ويطول عمرك و رأس السنة القادم تحتفل وتنبسط
المهم الان اخبارك شنو نسال الله ان تكون قد بلغت الصحة
مع الشكر

Post: #7
Title: Re: راس سنة السجم والرماد
Author: Muhib
Date: 02-01-2004, 07:31 AM
Parent: #6

سلامات ..

Post: #8
Title: Re: راس سنة السجم والرماد
Author: esam gabralla
Date: 02-01-2004, 04:21 PM
Parent: #1

راويه كل سنه وانتى طيبه,انا كنت فى قصه تانيه
نتكلم فى الايام الجايه,رسلى لى رقمك

ابا يزيد ليك الامنيات طن,واضح انكم استمتعتوا ابا كشف حالكم..تنفعكم

حنينه والله لوزك مأدبه و مربيه البتعرف تجى متين و تمشى متين,ما قلتى لى زى دى بشتروها من وين؟؟ امنيات بالاجمل

رجاء البهجه...شكرآ ليك..ولكل الناس افراح اكثر واحزان اقل,انا ما مزعلانى قعدة البيت,مزعلينى الخواجات المسميين المرض ده flu يا زوله دى الملاريا ذاتا الا الناس ديل خجلانين يقولوها,زيدي عليها القحه و المخاخيت (مع الاعتذار) والمغالط يسأل دكتور سجيمان

الاخ اسعد كتر خيرك على السؤال وان شاء الله الجايات اعوام اجمل لك و للجميع,الشقى بقي يا اخوى,او زى ما بقولو "الشفوت" فى السودان..الدبايب لا تموت سريعآ دى اسأل منها ملاسي صاحبك

محب الله يسلمك و لو ما اخاف الكضب انا كان طاير لى صحن فول زى ده...يا راجل عاوز ترجعنا السرير تانى المره دى ارتفاع نبض الحنين وانفجار شرايين الاشتياق
تسلم

للكل اجتهدوا ان تدوم فرحتكم,الفرح داير جكه برضو

Post: #9
Title: Re: راس سنة السجم والرماد
Author: Nada Amin
Date: 02-01-2004, 04:54 PM
Parent: #1

كل سنة و انت طيب يا عصام و سلامتك

Post: #10
Title: Re: راس سنة السجم والرماد
Author: Adil Isaac
Date: 02-01-2004, 05:25 PM
Parent: #9

عصام, كل سنه و انت قادر علي الاحتفال احسن من كده, افتقدتك ليالي لندن البارده الممطره , و اسفنا كتيرا لغيابك هذه السنه بعد كتير ترقب .ما حصل لك في ليله راس السنه قد يكون سببه يا عزيزي ما فعلت عند احتفالك بالكرسماس.....هل اسرفت
قي ......اكل ال turkey?.لك سريع الشفاء,مودتي و تلك الايام. ياخيييييييييييييييينا

عادل

Post: #11
Title: Re: راس سنة السجم والرماد
Author: خالد الحاج
Date: 02-01-2004, 05:31 PM
Parent: #9

العزيز عصام..
كفارة والله كتير..وليه ما عارف لكن نفسي (أكاويكم) إنت والعزيزات رجاء وإيمان..
أنا قضيت رأس السنة رقيص و (عيين) من عاين بمعني نظر
وربنا يحقق أمانيكم جميعا وتكون بقية السنة أحلي من أولها..
وشخصيا السنة لو مشت معاي زي ما بدت مافي أحلي من كده..
والباقي بتمو ليك بي غادي

كفارة يا حبايب كفارة

Post: #12
Title: Re: راس سنة السجم والرماد
Author: أحمد أمين
Date: 02-01-2004, 08:21 PM
Parent: #11

الاخ عصام

سلامتك
طيب بعد ماتصحصح كده تعال لينا بهنانفسحك في اديس ومروي
طولنا منك
تحياتي للشباب كلهم والفاضلابي

Post: #13
Title: Re: راس سنة السجم والرماد
Author: maia
Date: 02-01-2004, 10:14 PM
Parent: #1

الاخ عصام جبرالله

كل سنة وانت بخير والف سلامة
والجاتك في احتفالك لرأس السنة سامحتك

Post: #15
Title: Re: راس سنة السجم والرماد
Author: khider
Date: 02-01-2004, 11:53 PM
Parent: #13


ما قلنا ليك عرس و جيب ليك بنية .. تحت فوقها الشيب
في مرضك الكتر دة
لكن نسوي شنو في راسك القوي دة
ســــــــــــــــــــــــــــلامتك يا صديقي
و كل سنة وانت طيب
انا قضيت راس السنة في العربية باريس امستردام و بالعكس
لانو ابوي و امي وصلو صباح 31
رجعت المساء عيااااااااااااان لكن لمن خدرة قالت لي كل سنة وانت طيب
بقيت كويس طوالي

سلامتك ولو كنت معاي هنا والله كان ضبحت ليك عثمان حامد ولا منعمشوف كرامة

Post: #14
Title: Re: راس سنة السجم والرماد
Author: Mahadi
Date: 02-01-2004, 11:49 PM
Parent: #1

اما في السودان فقد احتفل عدد من البلطجية والصعاليك بالعيد بطريقة تفتقد الي اللباقة والادب حيث اغلقوا عدد من الشوارع وخاصة شارع العمارات ورشقوا المواطنين بالبيض ورشوهم بالمياه مما خلق نوع من الفوضي والادهي من ذلك ان بعض هؤلاء الاوغاد قام برش المواطنين بمشروب الكرستال ·


From Al Dar newspaper

Post: #16
Title: Re: راس سنة السجم والرماد
Author: Imad El amin
Date: 02-01-2004, 11:55 PM
Parent: #1

العزيز عصـام

سلامتك

والظاهر كده 2004 بدت باسوا ماعندها مفسحة الايام لبهجات جاية

سلامات تاني وعام سعيد

Post: #17
Title: Re: راس سنة السجم والرماد
Author: Abdel Aati
Date: 03-01-2004, 00:06 AM
Parent: #16

عصام جبر الله سلامتك

محمد عبدالخالق كان كتب نص لطيف ؛
عن راس السنة من تحت البطانية .......

اهو دا الحصل عليك !!

اتمني ان تكون السنة افضل من راسها ...

عادل

Post: #18
Title: Re: راس سنة السجم والرماد
Author: Hussein Mallasi
Date: 03-01-2004, 00:12 AM
Parent: #16

احبطتني يا جبر الله ....

انا قلت دي تكون ملاريا كاربة ... تطلع نزلة ... لا طلعت لا نزلت !!

ربنا يكتب السلامة يا عصام و كل سنة و انت طيب

ملاسى

Post: #19
Title: Re: راس سنة السجم والرماد
Author: إيمان أحمد
Date: 03-01-2004, 04:00 AM
Parent: #18

ألف سلامة يا عصام جبر الله، وأتمني أن يكون العام أكثر بهجة!
كلو مقدور عليه، بس أوعي من السارز
رجاء: إحنا برضو من حزب "خليك بالبيت"، أما أمسية 31 فخليها ساي، سفر وتعب وجهجهة شديدة.
بس أول يوم في السنة استمتعت مع العائلة والأحباب جدا حيث تزامن مع مناسبة عائلية رائعة!

خالد الحاج، طيييييب!! عشان غيرت اسمك ولابس "الهاي كول" زي ما بيقولوا أهلنا المصريين، بقيت تفتري علينا.... كويس. السنة الجاية نحن زاتنا ماشين علي الناس الرائعين ديل. لك ألف تحية وعاطر الأمنيات بالعام الجديد. ولبورداب لندن كل الود.

إيمان

Post: #20
Title: Re: راس سنة السجم والرماد
Author: Adil Osman
Date: 03-01-2004, 04:44 AM
Parent: #1

عليك بالكوارع يا essamgabralla