Post: #1
Title: مكتبتى خالية يا بكرى ابوبكر
Author: Mannan
Date: 06-11-2007, 05:08 PM
لقد رافقتك يا صديقى منذ بديات سودانيز اونلاين وشجعت كثيرين للتوجه الى موقعك ودبجت ألاف المذكرات عن حقوق الانسان والحملات الدولية لاسترداد الديمقراطية وعزل نظام الآنقاذ ومقاطعة شركات النفط حتى نجحنا فى إخراج تاليسمان الكندية من السودان .. اضافة الى مئات المذكرات والتعليقات حول القضايا النوبية.. اردت الرجوع الى الارشيف فوجدت صعوبات كثيرة وكنت اتمنى ان تكون مساهماتى المتواضعة موجودة فى مكان واحد مثل عباد الله الآخرين .. حزنت لذلك كثيرا ولكنى اعتبرتها جزءا من معاناتنا الابدية..
لك الشكر والعتبى..
نورالدين منان
|
Post: #2
Title: Re: مكتبتى خالية يا بكرى ابوبكر
Author: Tragie Mustafa
Date: 06-11-2007, 05:17 PM
Parent: #1
انت يا زعيم مش تستحق مكتبه انت تستحق موقع خاص يحج اليه محبيك وعشاق حرفك
التحيه لك وانت المركز دوما في القضايا المصيريه.
التحيه لك وانت تمثل لنا مدرسة في فن الصمود و العطاء للوطن.
يلا يا ريس بكري ومكتبه تهز وترز للزعيم منان...عارفينك ما بتقصر لكنها المشغوليات.
وامسحها لينا في وشنا يا منان.
|
Post: #3
Title: Re: مكتبتى خالية يا بكرى ابوبكر
Author: محمد خليل إسماعيل
Date: 06-11-2007, 05:29 PM
Parent: #2
يا حبيب
لك كل الود والإحترام
ولكن ....................
| Quote: وعزل نظام الآنقاذ ومقاطعة شركات النفط حتى نجحنا فى إخراج تاليسمان الكندية من السودان .. |
عليك الله الكلام الفوق دا أسي معقول الواحد بفتخر بيه
يعني إنتو رفضكم لكل أنواع التنمية في السودان .
بترول ........ سدود .......... طرق جسور .....
يا أخي إخراج الشركة الكندية كانت خسارة لكل السودان
وليست خسارة للحكومة ......
بس تستاهل مكتبة ... عشان الأجيال الجاية تعرف القصة والحكاية
الحكومة دي الليلة وله بكرة ماشة في ستين داهية ما ترجعو تاني
أها بعد داك البترول والسدود ومشاريع التنمية حتبقي للسودان
يعني بالبلدي كدة الحكومة دي ما حتأخذ حاجة معاها .
عمرك شفتو واحد مات وأخذ معاها حاجة من متاع الدنيا
أعمالك فقط هي التى ستبقي لك ....
ابو شهد
|
|