Post: #1
Title: ثعبان فى طائرة بورتسودان... وقندرانى فى البول!!!
Author: Mannan
Date: 04-07-2007, 09:06 PM
أثار ثعبان علق بإطارات الطائرة الفوكرز 55 القادمة مساء أمس من بورتسودان إلى الخرطوم الرعب بين الركاب الذين لاحظوه عقب اقلاعها بوقت قليل. وقال مدير الإدارة العامة لشرطة الدفاع المدني اللواء الهادي محمد احمد أن كابتن الطائرة أخطر برج المراقبة بمطار الخرطوم أن ثعباناً عالق في إطارات طائرته وأبان اللواء الهادي أن قوة من شرطة الدفاع المدني تمكنت من قتل الثعبان خلال ثلاث دقائق من لحظة هبوط الطائرة وأخلت
. . نقلآ من جريدة اخبار اليوم
________________________________________
ثعبان فى طيارة وقندرانى فى البول (ولا مؤاخذة).. زمان كنا بنقول مين يقول البغلة فى الابريق.. هاكم نكتة التمرجى البقى دكتور والقندران فى البول.... ده كلو ممكن يحصل فى السودان...
تأخر الدكتور فى الوصول الى العيادة فاضطر التمرجى للقيام بدور الدكتور.. اول مريض دخل عليه فطلب منه فحص عينة البول فاخذ التمرجى العينة ووقف قدام الشباك المفتوح على الشارع الرئيس واخذ ينظر فى العينة وفى الطرف الأخر من العيادة كانت تقف عربة قندران مقابل العيادة فنظر التمرجى الى عينة البول وقال للمريض : والله بولك نضيف بس عندك قندرانى فى البول!!!!!!!!!
ونحيا ونشوف اكتر..
نورالدين منان
|
Post: #2
Title: Re: ثعبان فى طائرة بورتسودان... وقندرانى فى البول!!!
Author: abubakr
Date: 04-07-2007, 09:19 PM
Parent: #1
ياقريبي| Quote: والله بولك نضيف بس عندك قندرانى فى البول!!!!!!!!! |
اريتو بقي علي القندراني الفاضي.... مالقندراني قالو اتملي جبخانة وتطرشق فقامت حريقة جنب البركس رمت دانة في السجانة وواحدة في حلة خوجلي ..؟؟
|
Post: #3
Title: Re: ثعبان فى طائرة بورتسودان... وقندرانى فى البول!!!
Author: Mannan
Date: 04-08-2007, 05:26 AM
Parent: #1
يا قريبى
حكاية الثعبان فى الطيارة دى حيرتنى ... اكتر من القندراى فى البول.. لآن الثعبان بيعضى لكين القندرانى لآ.. بيكتح لو قندرانى تراب لكين لو مجروس !!! صاحبنا بيكون حقو راح خاصة لو طلع قندران المجروس فى المثانة او فى الحالب...
منان
|
Post: #4
Title: Re: ثعبان فى طائرة بورتسودان... وقندرانى فى البول!!!
Author: ناذر محمد الخليفة
Date: 04-08-2007, 05:36 AM
Parent: #3
|
Post: #5
Title: Re: ثعبان فى طائرة بورتسودان... وقندرانى فى البول!!!
Author: محمد أبوالعزائم أبوالريش
Date: 04-08-2007, 05:42 AM
Parent: #1
| Quote: أثار ثعبان علق بإطارات الطائرة الفوكرز 55 |
الفوكرز دي لسة شغالة؟
|
Post: #6
Title: Re: ثعبان فى طائرة بورتسودان... وقندرانى فى البول!!!
Author: abubakr
Date: 04-08-2007, 05:53 AM
Parent: #1
| Quote: صاحبنا بيكون حقو راح خاصة لو طلع قندران المجروس فى المثانة او فى الحالب... |
يا قريبي
انفجاااااار بولي
انت ما شايف ميت من الضحك...وابوالريش زعلان علي الايبربص 380 ومش ع الثعبان المسكين
|
Post: #7
Title: Re: ثعبان فى طائرة بورتسودان... وقندرانى فى البول!!!
Author: abubakr
Date: 04-08-2007, 05:53 AM
Parent: #1
| Quote: صاحبنا بيكون حقو راح خاصة لو طلع قندران المجروس فى المثانة او فى الحالب... |
يا قريبي
انفجاااااار بولي
انت ما شايف ناذر ميت من الضحك...وابوالريش زعلان علي الايبربص 380 ومش ع الثعبان المسكين
|
Post: #8
Title: Re: ثعبان فى طائرة بورتسودان... وقندرانى فى البول!!!
Author: حمزاوي
Date: 04-08-2007, 09:16 AM
Parent: #1
ود خالتي نوري جليله
مسكاقمي
القندراني كان قاطر الترلة ولا راس ساااي
صدقني الزمن دا ما بعيد تلقى بوكس في دمك
عامل ليك ضيق في الشرايين
البوكس الموديل الجديد باسم . . .
|
Post: #9
Title: Re: ثعبان فى طائرة بورتسودان... وقندرانى فى البول!!!
Author: ابو جهينة
Date: 04-08-2007, 09:57 AM
Parent: #8
إبن العم نوري
تحياتي لك و للأهل
ذات سفرية من كرمة إلى صواردة .. بلوري متخم بالبضائع و يتكدس الركاب فوق البضائع .. كان أحد مساعدي اللوري يحمل كمية من العقارب في جيوبه و في كيس و كمية من ( عروق العقارب ) و يقوم بترويج بضاعته بين الركاب المنكمشين خوفاً.
و عندما بدأتْ الإحتجاجات بين الركاب .. أنزل السواق المساعد و بضاعته على أن يتخلص منها ثم يلحق به بلوري آخر قادم خلفه.
و يبدو أن بعض العقارب قد إنسربت سراً من جيب المساعد .. ثم عاثت لدغاً و قرصاً بين الركاب و في أماكن حساسة حيث يجلس الركاب القرفصاء فوق شوالات البضائع. و تحول اللوري إلى عنبر ( لدغاء ) .. و ندمنا على إنزال المساعد الذي كان يحمل ترياق العقارب ...
شايف السفرية دي كيف ؟
|
Post: #10
Title: Re: ثعبان فى طائرة بورتسودان... وقندرانى فى البول!!!
Author: Mannan
Date: 04-08-2007, 05:32 PM
Parent: #1
ناذر
أى والله
|
Post: #11
Title: Re: ثعبان فى طائرة بورتسودان... وقندرانى فى البول!!!
Author: Mannan
Date: 04-08-2007, 05:35 PM
Parent: #1
| Quote: الفوكرز دي لسة شغالة؟ |
حبيبنا ابوالعزائم
... ايوة.. لسة شغالة والدليل.. الثعبان.. وليس ألو لو..
لك الود..
منان
|
Post: #12
Title: Re: ثعبان فى طائرة بورتسودان... وقندرانى فى البول!!!
Author: Mannan
Date: 04-08-2007, 05:52 PM
Parent: #1
| Quote: انت ما شايف ناذر ميت من الضحك...وابوالريش زعلان علي الايبربص 380 ومش ع الثعبان المسكين |
حبيبنا الباشمهندس ابوبكر... ناذر بيضحك عشان هو برة الطيارة ... وابوالريش زعلان عشان طيارة الفوكرز لسه موجودة .. وعشان الثعبان ما كمل الرحلة... يمكن ما يكون قاطع تذكرة اصلا... ثعبان متسلل.. وبدون بطاقة كمان.. يموت والفوكرز لسه (حية) وليست ثعبان!!! والثعبان يستاهل...
وبمناسبة يستاهل دى: فى سعودى بيستمع للآخبار فى إذاعة البى بى سى وسمع المذيع يقول: هذا وقد هوت الظائرة فى جواتيمالا وعلى متنها مائتين من ركابها ولقى جميع الركاب حتفهم كما توفى عدد من (المواطنين) فى القرية التى سقطت فيها الطائرة... وهنا استعدل (المواطن) السعودى فى جلسته وقال: (يستاهلون.. إيش يودى المواطنين فى جونتي مالا ؟؟؟؟)
وخوفى على المواطنين السودانيين من الثعابين (الحقيقية)..
منان
|
Post: #13
Title: Re: ثعبان فى طائرة بورتسودان... وقندرانى فى البول!!!
Author: Mannan
Date: 04-08-2007, 06:00 PM
Parent: #1
حمزاوى يا قريبى
سلام
Quote: القندراني كان قاطر الترلة ولا راس ساااي
صدقني الزمن دا ما بعيد تلقى بوكس في دمك
عامل ليك ضيق في الشرايين
البوكس الموديل الجديد باسم . . . |
البوكس الجديد دة اسمو شنو؟ ومتين عملو ليهو السماية؟ أن شاء الله ما ينفعهم البوكسى الجديد يا بركة ربنا.. براهم يركبوا البوكسى الجديد ونحن نعاين ســـــاااى.. وكمان بوكسى فى الدم!!!!
يجازى محنك يا خمزاوى اخوى.. مالك عاوز تجيب لينا كتاحة فى امريكا!!!
منان
|
Post: #14
Title: Re: ثعبان فى طائرة بورتسودان... وقندرانى فى البول!!!
Author: Mannan
Date: 04-08-2007, 06:09 PM
Parent: #1
قريبنا وحبيبنا استاذ جهينة
سلام مربع لك وللاهل جميعا
العقارب .. عندنا فى وادى حلفابالكوم وكل يوم يموتو ناس .. العقرب يجيهم بدون اى مساعدة او مساعد لورى .. حقو المساعد ده يستفيدو منو ويرسلوه بعثة لوادى حلفا يلقط لينا العقارب .. ونديهو ماهية ونسميهو ملقط او جامع عقارب (على وزن جامع ضرائب) وممكن نستفيد منو فى محاربة المعتدين على كجبار خاصة الصينيين الماضاقو عضةالعقارب السودانية.. نفكها ليهم فى موقع سد كجبار ونقرضهم بالعقارب...تكبير.. الله اكبر
فكرة.. موش؟؟
منان
|
Post: #15
Title: Re: ثعبان فى طائرة بورتسودان... وقندرانى فى البول!!!
Author: abubakr
Date: 04-08-2007, 06:15 PM
Parent: #1
باقي لي ياقريبنا عقولنا هي المتسللة ... قبل شوية سمعت في التلفزيون بعض من بيان وزير دفاعنا الماجد عن حريقة امس يقول فيها انو القندراني كان شايل سلاح تالف جموعو بشان يتخلصو منو ؟؟؟؟ اتخيل جبخانة فشنك بتولع نار قدر الشوفنا في الصور ودانة فشنك تطير لي السجانة ... وبعدين كان تالفة جايبنها مخازن سلاح الاسلحة ليها دي بقت زي عقارب قريبنا جلال "ابوجهينة " بس منو البينزل المسلعد من القندراني ....
|
Post: #16
Title: Re: ثعبان فى طائرة بورتسودان... وقندرانى فى البول!!!
Author: fadlabi
Date: 04-08-2007, 06:32 PM
Parent: #1
|
Post: #17
Title: Re: ثعبان فى طائرة بورتسودان... وقندرانى فى البول!!!
Author: على محمد على بشير
Date: 04-08-2007, 06:44 PM
Parent: #16
Quote: وبمناسبة يستاهل دى: فى سعودى بيستمع للآخبار فى إذاعة البى بى سى وسمع المذيع يقول: هذا وقد هوت الظائرة فى جواتيمالا وعلى متنها مائتين من ركابها ولقى جميع الركاب حتفهم كما توفى عدد من (المواطنين) فى القرية التى سقطت فيها الطائرة... وهنا استعدل (المواطن) السعودى فى جلسته وقال: (يستاهلون.. إيش يودى المواطنين فى جونتي مالا ؟؟؟؟)
|
الله يجازى محنك يا منان
شديده والله العظيم
|
Post: #18
Title: Re: ثعبان فى طائرة بورتسودان... وقندرانى فى البول!!!
Author: محمد المرتضى حامد
Date: 04-08-2007, 06:44 PM
Parent: #16
قرات في احدى الصحف أن سائقا من دولة خليجية فوجئ أثناء القيادة السريعة
بثعبان ملتف حول بدال البنزين (الأبنص) فذعر مما أدى لتدهور سيارته
واصيب السائق بكسور وجروح وبعد وصول الشرطة وجدوا الثعبان داخل السيارة
وأنه من النوع غير السام. يا منان شاهدت من تلك الثعابين في جبال النوبة
ما لازال منها في كوابيسي ومن أحكي له منها يقول لي ( ده عارِض). اها بتاع
الفوكرز ده مش كان يدفِّعوه تمن التذكره ويديهم (عرض اكتافو)؟
|
Post: #19
Title: Re: ثعبان فى طائرة بورتسودان... وقندرانى فى البول!!!
Author: Mannan
Date: 04-09-2007, 06:12 AM
Parent: #1
الحبيب والقريب ابوبكر
| Quote: بس منو البينزل المسلعد من القندراني .... |
نازل لى شنو.. خليهو فى قندرانيهو بى عقاربو.. يمكن يظهر فى الفحص الجاى!!!!!
منان
|
Post: #20
Title: Re: ثعبان فى طائرة بورتسودان... وقندرانى فى البول!!!
Author: Mannan
Date: 04-09-2007, 06:23 AM
Parent: #1
سعادة المستشار ود المرتضى
طولنا من مقالاتك الدسمة فكريا .. لقد اصبح البورد مسيخا ومليئا بالثعابين البشرية ... الناس بقت ما تحب المواضيع الجادة... وبقت تحب مواضيع الصدمة والتابلويد... كتبت كثيرا عن بعض القضايا النوبية مثل سد كجبار وضياع النوبة.. وتخيل .. تلقى الحوش فاضى لكين لمان نكتب عن موضوع فارغ تلقى الحوش اتملا...الله يكتر الثعابين والجماهير ... يللا علينا جاى.. الثعبان فى الطيارة... الثعبان فى القصر الجمهورى ... الثعبان عض البشير... سورى ده موش خبر... البشير عض الثعبان ... وتعال شوف البوست.. وشكرا للثعبان... ولا اراكم الله ثعبانا فى حلم لديكم... قول أمين...
منان
|
Post: #21
Title: Re: ثعبان فى طائرة بورتسودان... وقندرانى فى البول!!!
Author: Mannan
Date: 04-09-2007, 06:29 AM
Parent: #1
فاضلابى اخوى سلام
ديل ثعابين حلوة يا فاضلابى.. موش زى ثعابينا... ثعابينا ما شاء الله تفرمل الطيارة وترميها لو عاوزة.. اما الناس الحلوين ديل فثعابينهم فشنك وما بتعضى... دى ثعابين بتتعض.. عض عليها بالنواجذ..
منان
|
|