محجوب شريف بحنجرة مصرية

محجوب شريف بحنجرة مصرية


17-01-2003, 01:03 AM


  » http://sudaneseonline.com/cgi-bin/sdb/2bb.cgi?seq=msg&board=181&msg=1184753024&rn=0


Post: #1
Title: محجوب شريف بحنجرة مصرية
Author: Adil Osman
Date: 17-01-2003, 01:03 AM

محمد منير غنى جزءآ من قصيدة محجوب شريف الشعب حبيبى و شريانى سماه أنا قلبى مساكن شعبية

http://songs.6arab.com/mounir..ana-galbi-masaken-sha3beya1.ram

Post: #2
Title: Re: محجوب شريف بحنجرة مصرية
Author: sharnobi
Date: 17-01-2003, 05:02 AM
Parent: #1

بحنجرة
نوبية

Post: #4
Title: Re: محجوب شريف بحنجرة مصرية
Author: الشاعر
Date: 17-01-2003, 09:12 AM
Parent: #2

كان راجل كان يغنيها كلها وكما هي زي ما غناها وردي الصغير،، عشان العيال (ده لقب الأمنجية في مصر) يودوه في 60 داهية..

وبرضو من جبنه بيبدل كلمات عندك بدل
تلميذ في مدرسة الشعب
بيقول
تلميذ في مدرسة شعبية
خرب المعنى خاااااالص

والأمرّ من ده وده الراجل ده شغّال في الأغاني السودانية سرقة وبيعمل فيها حقّتو مرة من وردي ومرة من شرحبيل وأخيرا دي و ...

مع الإعتذار يا (شرنوبي) لمملكة النوبة العظمى ،، ووولكن (نوبييننا) نحن هاجة تمام والله وللا يهمّك

Post: #3
Title: Re: محجوب شريف بحنجرة مصرية
Author: Dafi
Date: 17-01-2003, 08:58 AM
Parent: #1



Post: #5
Title: Re: محجوب شريف بحنجرة مصرية
Author: Tumadir
Date: 17-01-2003, 09:33 AM
Parent: #3

وتسميها سرقة ليه يا لشاعر ياخوى، ما تسميها حب
طرب
ترديد
انتشار

انا شخصيا بحب محمد منير وبفتكر انو بتقربو من السودانيين بترديد اغانيهم البحبها ، بحاول يثبت انتماهو للشعب السودانى النوبى، ووحدة الانسان عموما

وهو بغنى الغنا دة، بزيد فى شعبيتو وبقربو للاضان المصرية، وبخليهم يفهموا الامة السودانية اكتر ولا شنو؟؟؟
مش الاصان المصرية بس، العربية كلها

فى طبعا طنقعة ونفور من المستمع العربى تجاه الاغنية السودانية
زى علاقتهم بالسودانيين نفسها

المهم يا لشاعر شايفة نغمة الزعل من محمد منير دى طاغية

لكن حقو الناس تعاين للامور دى بايجابياتها الاكتر من سلبياتها

والفن لغة الشعوب الما بتحتاج لترجمة

صاح؟؟؟

ان شا الله اكون لينت ليك قلبك عليهو

Post: #6
Title: Re: محجوب شريف بحنجرة مصرية
Author: Alsawi
Date: 17-01-2003, 11:34 AM
Parent: #1

كلامك كويس يا أستاذة تماضر، بس المشكلة أنك ما بتعرفي محمد منير شخصيا
الزول دا ككل المصريين مفتري جدا وبفتكر انو أشطر من كل الناس وبالذات السودانيين

قبل كده غنى على عينك يا تاجر أغنية وردي المعروفة فرحي خلق الله وسماها وسط الدايرة وانا اشتريت الشريط اول يوم طلع في القاهرة وفوجئت به كاتب على الشريط ان الأغنية من التراث، يعني لا شاعر ولا ملحن ولا سودانيين ولا لمة، يا عمي سيبنا هم دول بيعرفو موسيئا ولا حتى يعرفو يئروا !!اا

والحاصل انو الأستاذ وردي اضطر يقاضيه في المحكمة لإثبات ملكيته للأغنية ولم يحصل على حقوقه المادية منه لأن وردي رجل طيب وسوداني وفنان وانسان رقيق يفكر بنفس طريقتك الكريمة دي

ومرة تانية غنى محمد منير الليلة يا سمرة وكتب انها من التراث وهو صدق في هذه لحد ما ولكن الأمانة خانته واحتقاره للسودانيين غلب عليه فلم يقل انها تراث سوداني او روسي او من الواق واق، لا تراث كده وخلاص

ما في فايدة اذا فننا وصل للعالم دون ان يعرف العالم ان هذا فن وابداع سوداني، الهدف ليس الوصول فحسب بل الوصول مع التعريف والعلم، ولا انا غلطان؟ا

لك التحية، وقد أعجبني كلامك الجميل عن الصور والتصاوير في بوست آخر، لكن في موضوعات كده الواحد ما بحب يعلق فيها عشان ما تاخد اكبر من حجمها

Post: #7
Title: Re: محجوب شريف بحنجرة مصرية
Author: Tumadir
Date: 17-01-2003, 12:08 PM
Parent: #6

شكرا يالصاوى ولا الساوى ؟؟ معليش ؟؟



على الاضافة المفيدة

وعلى تعليقك على كلام الصور والتصاوير

Post: #8
Title: Re: محجوب شريف بحنجرة مصرية
Author: Tumadir
Date: 17-01-2003, 12:13 PM
Parent: #7

لى عودة بالمناسبة الموضوع دة حقو يتنبش

Post: #9
Title: Re: محجوب شريف بحنجرة مصرية
Author: Mandela
Date: 19-01-2003, 04:38 PM
Parent: #8

تصحيح

ٌد يكون محمد منير غنى وسط الدايره بدعوى انها تراث نوبي
تضرر وردي و تدحل بعض الاصدقاء و تمت تسويه ماديه بمعرقة السر قدور

في البوم محمد منير الاخير . كتب ان كلمات الاعنيه للشاعر محجوب شريف

و في حقله السنوي على شاطئ مارينا قال ان شاعر الاعنيه سوداني . ثم القى القصيده قبل ان يغنيها و قال ان باقيها كلام يودي في داهيه
و بعد ذلك رخب بالعازفين و بينهم عازف ايقاع سوداني الجنسيه


انا ما بحب منير خالص لكن الخق يقال هو مبدع