كل عام والاخوة المسيحين بالف خير بمناسبة اعياد الميلاد المجيد
كل عام والشعب السودانى بالف خير ومضمد الجراح وململم الشتات وعيد استقلال سعيد وعام جديد ننعم فية بالسلام والديمقراطيةانشاءالله
وكل سنة وانتو طيبين وين حتكونوا مروسييين؟
بدأت تتردد فى مجالس المدينة وخصوصا وسط الشباب وين حيقضو راس السنة هذا العام لافتات الاعلان لحفلات راس السنة هذا العام بدأت تعلق على مداخل الكبرى والشوارع الرئيسية معلنة عن حفلات راس السنة وقعت فى نظرى اليوم واحده حفل راس السنة يحية الفنان كمال ترباس حسين شندى والفنانةحرم النوم ولم اكمل قراءة الاعلان لانشغالى بالطريق لكن تردد عند بعض الشباب من اقاربى ايام العيد ان حفل راس السنة السنة دى فى برج الفاتح العظيم سيكون رائعا يقال ان التزاكر للفرد الواحد دن وجبة العشاء ستصل مبلغ 140 جنية هى ليلة درج الناس واغلبهم الشباب على الاحتفال بها بمظاهره خاصة يستقبلون فيها عام جديد ويودعون عام مضى باحزانة وافراحه ويستبشرون بان يكون القادم احلى وتمنياتى ببكرة احلى للجميع وكل سنةوانتو طيببن وانشاءالله الاحلام المستحيلة تصبح حقيقة
ويلا وين حتقضى راس السنة ؟
انا اخر زول حاقول بعد مانشوف كل الحفلات والعروض
Dear Receiver
_________
نجمه
Post: #2 Title: Re: حـفـل رأس الســنة(وين حتساهر ؟) Author: أحمد الشايقي Date: 12-15-2008, 04:15 PM Parent: #1
وعلى كل حال اى واحد راسه ينقطع فى انو حيسهر فين يتصل على الرقم B]0915304837 وليد500 بس اوعه ياوليديااخوى الرقم ده يكون بدى هذا الرقم غير موجود فى سجلاتنا
Post: #13 Title: Re: حـفـل رأس الســنة(وين حتساهر ؟) Author: سيف اليزل جعفر عبد الرحمن Date: 12-17-2008, 09:28 PM Parent: #8
اى واحد راسه ينقطع فى انو حيسهر فين يتصل على الرقم ده
بورداب الخرطوم وحفل راس السنة مع الفنان مصطفى السني
الرجاء وضع عنوان مكان الحفل(الوصف) هنا حتى نتمكن من التواصل
سنةجديده سعيده
Post: #18 Title: Re: حـفـل رأس الســنة(وين حتساهر ؟) Author: عبد الدائم سيد أحمد Date: 12-24-2008, 07:21 AM Parent: #1
كل سنة وانتى طيبة يا نجمـة
لو كنت فى الخرطوم بلا شك حاحضر حفلة الكريسماس وعودة العقد الفريد البلابل يوم 25/12 وبرضو حاسافر جوبا عشان احضر حفلة رأس السنة معاهم
انعام حيمورة الكهرباء حتقطع فى الصحافة يوم رأس السنة اعملى حسابك من بدري .
Post: #19 Title: Re: حـفـل رأس الســنة(وين حتساهر ؟) Author: معاذ حسن Date: 12-24-2008, 10:35 AM Parent: #18
غالبا تحت بطانيتي الشهيرة المسماة درع الجزيرة اما لو كنت في الخرطوم ... فكما قال من سارت بشعره العربان والعجوم .......... لو كنتِ في مدريد في رأس السنة