شكيتكم لي الله مصطفي السني ووليد عبد الحميد "بس"

http://picosong.com/FNwG

بسم الله الرحمن الرحيم "ده شنو ده"
وليد عبد الحميد هذا الموسيقار "الغرقان لشوشتو" في الموسيقي
الذي قابلني في تورنتو بترحاب اشد من ترحابه الحار في النت آهداني "سيدي"
اسمه آمي سلام سمعت الشغل كلو وعجبني لكن هنالك آغنية واحدة وقفت عندها كثيرا
لانها جعلت من الرجل الذي آصبح جدا "طفلا صغيرا" الا وهي خلي العيش حرام
من كلمات ابوصلاح والحان كرومه
فلقد سمعت هذه الاغنية من عدة فنانين اعجبتني عند كثيرين بدا من كرومه مرورا بميرغني المامون وآحمد حسن جمعه
رغيرهم وصولا للتوزيع البديع لدكتور الفاتح حسين والاداء الرائع للراحل المقيم محمود عبد العزيز
وما كنت آتخيل آن اسمع اداءا آروع بتوزيع هو الاقرب لروح العالم بعد آن سمعت توزيع الفاتح حسين
ولكن قدرة وليد عبد الحميد على هذه الخلطة السحرية بين الاصالة والمعاصرة حملتني الى عالم من الجنون والدروشة
ونواصل الحكاية بل والتحليل


مصطفي السني


وليد عبد الحميد

فبمجرد وصلي الي مطار ريجان وكان في انتطاري علي عبد اللطيف ذهبت الى منزل بن خالي
حافظ عثمان واخذت سيارتي متجها لميريلاند وبدات اسمع السيدي وانط وانط الى ان وصلت الاغنية التاسعة
خلي العيش حرام ومن ديك وعيك كلما انتهت الاغنية ادرتها مرة اخرى وبدات في الرقص الجنوني في سيارتي
ولم اهتم بالوقار في ذلك الحين فقد كنت درويشا في حلبة الدراويش ولم اكن ادري ان كانت سياقتي للسيارة صحيحة آم لا
ولكنني برضو "واخد بالي" الايقاع الايقاع الايقاع في هذه الاغنية هو السهل الممتنع
وحآجي اقول ليه

التضاد في الموسيقي من آميز الجماليات
وفي هذه الاغنية آحدث وليد تضادا مناسبا بين اللحن والايقاع
ففي حين يسير اللحن بطيذا هادئا متدفقا جاد لايقاع نشطا جزلا
واحدثت هذه العملية نوع من ال Contrast
تخيلو لمن نلخبط الشطه مع الملح مع الليمون "ماعارف ليه ذكرت الوصفه دي"
وليد ماشاء الله عزف كل الايقاعات الجلدية والكهربائية منها وحرك البيز جيتار مع الدرمز في تمازج
وواضح لي جدا انه كان بيعمل في شنو اي آن هذه العملية لم تكن اعتباطا آما الهارموني التوافقي فقد كان منسابا
في سلاسة جزلة

أستاذ يوسف
تحيات عطرات
إنت سمعت العيون ؟؟
عشان تآمن بالدخلة والقفلة زى ما بقولوا الجماعة زمان !!

لا شك جميل يا جميل
تحية لوليد و مصطفى, و مثلها لك يا موصلي
شغل الجيتار فاخر, تكنيك عظيم و احساس حلو, حلو شديد
أحب و أفتقد للموسيقى البحتة, و كتير من غنانا بأنواعه
تكريمو في تبحيتو! عشان كدا شغل الجيتار و الساكسفون و
الكورال الخافت أوحوا لي بروعة و جمال فكرة تقديم العمل
دا و أعمال أخرى كموسيقى بحتة القيادة فيها للجيتار مرة, و للساكسفون
مرة مع وجود سترنق و بيانو في الخلفية, يطلع شئ عجيب!
إفتقدت مركبات البيانو في مناطق الركوز في التسجيل دا
و وجدت نفسي لا شعوريا أقوم بالمهمة دي بيدي الشمال على المرتبة
أثناء الإستماع! مرات الشعور بالجوع لي شئ ناقص أو حتة مفقودة بيفرض
نفسه أثناء الإستماع!

الاستاذ الموقر يوسف الموصلي
استمعت إاليها وانا بالمكتب لحظتها تمنيت لوكنت في غرفة مطفأة الاضواء ولا أحد بجواري وهو ما سأفعله عند عودتي للمنزل .. هذا النوع من الغناء ينفذ مباشرة الى الجهاز العصبي دون أن يمر بالأذن .شكرا لك ولمصطفى ووليد

اصلو المجانين لما يتلموا ياها سواتهم :)
تسلم استاذنا و يسلم جنونهم

Quote: اصلو المجانين لما يتلموا ياها سواتهم :) تسلم استاذنا و يسلم جنونهم

جن ساكت ياسعد ده جن كلكي ولابس ملكي

Quote: الاستاذ الموقر يوسف الموصلي استمعت إاليها وانا بالمكتب لحظتها تمنيت لوكنت في غرفة مطفأة الاضواء ولا أحد بجواري وهو ما سأفعله عند عودتي للمنزل .. هذا النوع من الغناء ينفذ مباشرة الى الجهاز العصبي دون أن يمر بالأذن .شكرا لك ولمصطفى ووليد

اظنك شفت كمان توتيل والتاكا
ياهاشم تسلم

Quote: لا شك جميل يا جميل تحية لوليد و مصطفى, و مثلها لك يا موصلي شغل الجيتار فاخر, تكنيك عظيم و احساس حلو, حلو شديد أحب و أفتقد للموسيقى البحتة, و كتير من غنانا بأنواعه تكريمو في تبحيتو! عشان كدا شغل الجيتار و الساكسفون و الكورال الخافت أوحوا لي بروعة و جمال فكرة تقديم العمل دا و أعمال أخرى كموسيقى بحتة القيادة فيها للجيتار مرة, و للساكسفون مرة مع وجود سترنق و بيانو في الخلفية, يطلع شئ عجيب! إفتقدت مركبات البيانو في مناطق الركوز في التسجيل دا و وجدت نفسي لا شعوريا أقوم بالمهمة دي بيدي الشمال على المرتبة أثناء الإستماع! مرات الشعور بالجوع لي شئ ناقص أو حتة مفقودة بيفرض نفسه أثناء الإستماع!

شكرا يا معز صاحب التذوق الرفيع
كدي خلي بالك من الجيتار هندما لا يلعب صولو وهو يقوم بمهمة الاكوردات ع آكمل وجه
محبتي

Quote: أستاذ يوسف تحيات عطرات إنت سمعت العيون ؟؟ عشان تآمن بالدخلة والقفلة زى ما بقولوا الجماعة زمان !!

فعلا سمعتها يا ابو صلاح ومعاك حق لكن خلي العيش حرام دي
رجعتني 35 سنه لي ورا وحسيت بانني مراهق وحبيب كمان
شفت كيف ياصاحبي وبفتكر انو وليد ومصطفي تٌامرا علينا فيها واصابا مشاعرنا بالدوران
العفيف النظيف العشقي
كل الود

الله .. التختارو لي لا شك جميل يا جميل


شكراً جزيلاً أستاذ الموصلي

وليد و مصطفى الله يديكم العافية

Quote: كدي خلي بالك من الجيتار هندما لا يلعب صولو وهو يقوم بمهمة الاكوردات ع آكمل وجه

فعلا يا موصلي
سمعته من المرة الأولى و ما في عوجة تب
لكن أكوردات البيانو بتكون شبعااااانة
سعد الطيب دخل فينا الشرفة دي!

..
سلامات عوافي
موسيقارنا الجميل

الاغنية بحد زاتها جميلة واكسبها مصطفي السني ومن معه لونا اخر جميلاً
وسوف اقوم بنقلها الي هناك ان سمحت لنا ..


مع ودي
واحترامي

محمد هل يعقل سؤالك ياخ "يعني الحاله ما واحده" انت تآمر ياجميل

Quote: الله .. التختارو لي لا شك جميل يا جميل شكراً جزيلاً أستاذ الموصلي وليد و مصطفى الله يديكم العافي

حافظ انت الجميل ياخ

Quote: الله .. التختارو لي لا شك جميل يا جميل شكراً جزيلاً أستاذ الموصلي وليد و مصطفى الله يديكم العافية

انتو الاجمل

والله ما عارف أقول شنو !! - بس الله يخليكم يا استاذ ، دائمآ بتخلي الزول في أ؛سن حالاتوا ، وبتزيل عننا كل ما يؤرقنا ويتعبنا من خلال أعمالك أو سردك في كل ما يخص الإبداع والمبدعين .... وزي ما بتقول يا استاذ الموصلي ( تعيش ) ... وحفظك الرحمن

Quote: شكيتكم لي الله مصطفي السني ووليد عبد الحميد "بس"

أُستاذنا العزيـز
مساء الـخيـر

هبشتنا مـحل الرّهيفة
صديقاي الـجّـميلان ديّل حيـران غرقانيـن إبداع
لـهـما من هـنا الـتّحيّة وعميق الـمودّة والأشواق
إنت ما شُفتَ دا ؟
(( العزيز المبدع وليد عبد العزيز عبد الحميد والمبدع م...((صوَر وصوت وإبداع)) ))







مودّتـي

شنو يا استاذ الموصلي تسمعوا براكم كده







ما عافين ليكم لو ما سمعتونا معاكم

تحياتنا ليك يا استاذ ولمصطفى و وليد
اغنية اطربتك اكيد ما هينة
منتظرين تسمعونا معاكم

بعد اذنك زميلي العزيز لوي ارد علي آخونا محمد قبلك

ياهو ده اللينك ما آظنك شوفتو

http://picosong.com/FNwG

يلا افي لينا

تسلم كتييير استاذنا الموصلي
ربنا يديك العافية

Quote: تسلم كتييير استاذنا الموصلي ربنا يديك العافية

يديك العافيه الحبيب محمد صديق
ولعل رفيق العمر محمد السني قد سمع الان بعد آن استخدم لؤي
عصاه السحريه بان تفتح الاغنية تلقائيا
وده موضوع شكله بيني وبين لؤي هههههه

الحبيب لؤي فتحت اللينك بتاعك ولقيت نفسي معلق
لكنه تعليق ثقة في آختيارك
وثقة في آنه عندما يجتمع وليد بمصطفي السني ووليد
لكن المره دي سمعتو في عربيتي الكيا بي سماعاتها العجيبه
واخترت آغنيتي المفضلة فيه
الا وهي خلي العيش حرام
تسلم ياحبوب

الكاروشا جاتنا
ما تسمعونا خلونا نتسلطن ونخش الحلبة راقصين وحوارييين
محبتي يا سيد الانغام

ابو السهرودي سلام و محبة
اضغط هنا :

http://picosong.com/FNwG

تسلم وتعيش حبيبنا سعد الدين

مكرر

الصديق الصدوق الزميل الخلوق
محمد السني اها الساحر لؤي عملها وخلاك تسمع مش؟؟؟؟؟
وهاك دي قصيدة غنائية كتبتها هذا الصباح مهداه اما لوليد أو لمصطفي أو لكليهما كمنتخب
ان أحبوها وذلك بعد أن اقوم بتلحينها
وتسلم ياحبيب
معقول انساك
يا الحبك سيطر
من يوم داك
اعملك ايه انا زول حباك
انا كل ما اقفل بابك داك
حبك يسحبني من الشباك
انا ما واليتك يا افلاك
قلبي الملهوف هو القام والاك
اجفل يا زول يالماهماك
حمد لله القام سواك
خلالك متغنج و ما آحلاك
بالريد نتامل يوت في سناك
هو الخلا قليبي يسوح
بي وراك
لو انت الشوق في يوم ناداك
حتلاقي مشاعري بتستناك
وتملي بتهتف ريدا فداك

للاستـماع

تـحاياي

الحبيب لؤي شكيتك على الله كان ماوريتني التنكيك بتاع الاغنية تفتح مباشرة

وياحليل زمن الحكاية دي كانت عند بكري "ياحليلييييييييييييييييله يابكري أبوبكر"

يلا اكمل قصتي مع السماع لهذه الاغنية وانا سائق
وانا بسمع أتى الى خيالي طيف من اصوات الوتريات المضادة
كموج البحر وكنت اسمعها في آن واحد مع التسجيل وتخيلت
لو أنني كتبت لحن هذا الوتريات الذي سيطر على كياني كيف يكون فعله ومردوده
وتارة أخرى ياتيني صوت كورال جديد غير كورال ناس وليد
كورال فيه زخم هارموني يسد عين الشمس
ويفتح الباب لهذا اللحن والتوزيع الجميل
كي يدخل ألى عالم فسيح
ونواصل

+

Quote: الحبيب لؤي شكيتك على الله كان ماوريتني التنكيك بتاع الاغنية تفتح مباشرة وياحليل زمن الحكاية دي كانت عند بكري "ياحليلييييييييييييييييله يابكري أبوبكر"

أُستاذنا الـحبيـب
سلامات

وحااااااااااااضر
سـمعاً وطاعة
بس تدّينـي فرصة
أنا جيت مكّة الـمكرّمة
وبكتـب من الآيباد
فبس أرجع البيـت
عشان أقدر أشرح بالصُّوَر







تقديـري

في انتظارة
"الحبيب العائد"

هنالك ثلاث صولات اسمعوها جيدا وقارنو
1. صولو الساكس لمحترف كندي يبدو أنه أدمن السودانوية.
2. صولو الجيتار ولدنا الحبوب وليد
3. صولو العود ولدنا الحبوب مصطفى السني
كل واحدة أحلى من التانيه حاجة تحيير ولو أن الكندي يتفوق باعتبار انو الموسيقى "سودانية"
وقدر يجيب الاحساس السوداني ويرفعو لا فوق
تحياتي لهذا الثلاثي الجميل

تحياتي استاذ موصلي

ياخ مصطفى السني دا زول بيعرف يقدم غناء صاح وما قاعد يتلاعب أبدا

شغلو دائما نضيف


خارج النص :

عندي سؤال كنت عايز أناديك ليهو ببوست لكن لا بأس من الإجابة هنا

بسمع عند العرب كلمة المقام هل هي بتعادل الميلودي

المقام بتعريف "موصلي بسيط"
هو مجموع العلاقات التي تتكون بين اصوات السلم والمقام هو الاصل
والسلم هو الفرع والناس في السودان بيقولو الاغنيه في سلم كذا بينما هي في مقام كذا

والان نأتي للأداء البديع
الذي اتحفنا به مصطفى
غناء سهل وممتنع و "ريلاكس" جدا
وأعتقد بانني هذه أكثر مرة استمتعت فيها بالاداء لهذه الأغنية
صوت مصطفى في القرار "رفيع المقام"
حتى العالي في مساحة القرار حلو
لكن
يامصطفى سمعتها ليك والمقام مرفوع في التلفزيون
ولم تعجبني أوعك تغير المقام امسك في في القرار قوي
وهنا يكون مشتل جمال صوتك
ولك التحية

الله يديك العافيه ياوليد

The Waleed Kush African Jazz Ensemble performing at the Trane Studio in Toronto:
Neil Brathwaite - Tenor Sax, Charles James - Bass, Adam

ياسلاااااااااام ياخي

متعة هائلة
قريت سيليكشن يا موصلي
محبتي الخالصة لك و لفنانا الشامل وليد
إستمتعت و الله.

سمعنا واتسلطنا
قلت لي بتاع الساكس من اولاد وين في السودان ولا من حلاال ياتو فريق في كندا
ربنا يمتعكم بالعافية والصحة وطول العمر
ويسعدكم دنيا واخرة

Quote: سمعنا واتسلطنا قلت لي بتاع الساكس من اولاد وين في السودان ولا من حلاال ياتو فريق في كندا ربنا يمتعكم بالعافية والصحة وطول العمر ويسعدكم دنيا واخرة

نعلم بان قيمة سماعك عاليه
لانك فنان آصيل وجميل

كن بخير يازميل الجمال

صديقي المعز
شكرا وانت من آهل التذوق الرفيع

التحية للشباب مصطفى ووليد

واعمل حسابك ما تعمل حادث حركة

وين يا دكتور ابراهيم مع الاغنية البتصحي الحواس

Quote: في انتظارة "الحبيب العائد"

صباح الـخيـر

أها
نبدأ من ويـن ؟






تـحاياي

سلامات أستاذنا الموصلى,,

يا موصلى إنت بتتكلم عن CD مصطفى السنى مع وليد القديم
ولا فى إصدار وتوزيع جديد!!

مصطفى ووليد إشتغلو أعمال وطلعت فى سى دى قبل أربعة أو
خمسة سنوات وكان شغل جميل بكل المقاييس,,

قمة الجودة فى الأداء والصوت والإخراج والتوزيع والإختيار,
إمكانيات مصطفى الدرويش وليد والفرقة ليست محل نقاش أصلا,,

الأعمال التى يتم إخراجها بإمكانيات عالية تكون دائما
محل الإحترام لأننا ما زلنا نعانى من الخرمجة وعدم
الإحترافية مما يخرج أعمال عظيمة بصورة باهتة ورديئة
فى بعض الأحيان,,

سمع نضيف...........
تحياتى,,

Quote: سلامات أستاذنا الموصلى,, يا موصلى إنت بتتكلم عن CD مصطفى السنى مع وليد القديم ولا فى إصدار وتوزيع جديد!! مصطفى ووليد إشتغلو أعمال وطلعت فى سى دى قبل أربعة أو خمسة سنوات وكان شغل جميل بكل المقاييس,, قمة الجودة فى الأداء والصوت والإخراج والتوزيع والإختيار, إمكانيات مصطفى الدرويش وليد والفرقة ليست محل نقاش أصلا,, الأعمال التى يتم إخراجها بإمكانيات عالية تكون دائما محل الإحترام لأننا ما زلنا نعانى من الخرمجة وعدم الإحترافية مما يخرج أعمال عظيمة بصورة باهتة ورديئة فى بعض الأحيان,, سمع نضيف........... تحياتى,,

الحبيب ايمن
لعلك طيب نعم هو الشغل القديم
لكن انا ماسمعت خلي العيش حرام دي
منهم لاني ما سمعت كل الاعمال
وانشدهت
وكلامك الباقي متفق عليه تب
تسلم

Quote: صباح الـخيـر أها نبدأ من ويـن ؟

من هنا نبدآ ياحبيب

تمجيدا لزملائنا المبدعين نرفع

Quote: من هنا نبدآ ياحبيب

يا أُستاذ
صباح الـخيـر

ومعليش
عـملتـها ليك حـجوة أُم ضبيبينة
ظروف صعبة خلاص
بس إن شاء الله علـى وعدي

عاوز تعرف التّشغيـل الـتّلقائـي لـ
ملفّات اليوتيوب ؟
ولاّ ملفّات الصّوت ؟؟






تـحاياي

ملفات الصّوت ياحبيب

يلؤيييييييييييييييييييييييييي
عووووووووووووووووووووك

Quote: يلؤيييييييييييييييييييييييييي عووووووووووووووووووووك

رجعنالك

طيّب
أوّل حاجة نبدأ بشرح مبسّط للـمسألة
عشان الـّتّعامل مع الـملفّات يبقـى مدروس

1- أنواع وصيَغ ملفّات الصّوت كتيـرة
وأشـهرها ( mp3 ، wma ، wav ، ra و ram )

2- أيّ ملف صوت عشان يتعرض مسـموع فـي موقع زي الـمنبـر لازم يكون مرفوع لـموقع تـحـميـل
يعنـي ما مـمكن يتنقل للـمنبـر من جـهازك مباشرةً

3- فـي ملفّات موجودة جاهزة مرفوعة فـي مواقع تـحـميـل
ودي طبعاً مـمكن نقلـها مباشرةً من الـمواقع ديك وللـمنبـر

4- عشان تنقل ملفّات من مواقع تـحـميـل للـمنبـر لابُدّ تكون مواقع مفتوحة
يعنـي ما تكون محتاجة تدخلـها بـ username و password عشان تسـمع أو تنزّل منّـها

5- بعد كدا حانشرح كيف ننقل الملفّات من الـمواقع الـمفتوحة دي للـمنبـر
ودي عـمليّة بسيطة بتـحتاج منّنا بس نشيـل لينك الـملف من موقع الـتّـحـميـل

6- اللينك لازم يكون مباشر للـملف ، ما لصفحة عرض الأُغنية
يعنـي يكون منتـهـي بواحدة من الصّيَغ الفـي النّقطة ( 1 )

وكـمثال دا لينك mp3
(( http://up.nilelove.org/uploads/1370834659.mp3 ))

وكـمثال دا لينك wma
(( http://puertorico.media.indypgh.org/uploads/2...al7oozn-algadeem.wma ))

7- أيّ لينك ما لـملف صوتـي علـى شاكلة الأمثلة دي ما حاينفع
يعنـي لينك صفـحة مثلاً ما ملف صوتـي مباشر ما حاينفع

8- لينك صفـحة دا زي اللينك بتاعك الفـي البوست دا
http://picosong.com/FNwG

9- لينكات الـملفّات الصّوتيّة بنضعـها داخل كود
وبوضع اللينك داخل الكود الـملف بيشتغل

10- لينكات الصّفـحات بنعـمل ليـها حيـلة تانية
نفس الـحيـلة العـملتـها أنا فـي البوست دا
فبرجع أشرح الـحيـلة دي فيـما بعد







تـحاياي

يا شيـخنا
صباح الـخيـر

Quote: ملفات الصّوت ياحبيب

جـميـل
دقائق بـس وراجع ليك بالـتّفصيـل








تـحاياي

Quote: فلقد سمعت هذه الاغنية من عدة فنانين اعجبتني عند كثيرين بدا من كرومه مرورا بميرغني المامون وآحمد حسن جمعه رغيرهم وصولا للتوزيع البديع لدكتور الفاتح حسين والاداء الرائع للراحل المقيم محمود عبد العزيز وما كنت آتخيل آن اسمع اداءا آروع بتوزيع هو الاقرب لروح العالم بعد آن سمعت توزيع الفاتح حسين ولكن قدرة وليد عبد الحميد على هذه الخلطة السحرية بين الاصالة والمعاصرة حملتني الى عالم من الجنون والدروشة ونواصل الحكاية بل والتحليل

سلام حبيبنا الموصولي.
ومعذرة على الدخول المتأخر.
عبارة الخلطة السحرية بين الاصالة والمعاصرة توصيف دقيق للشغل الجوة.
شغل الجتار إبداع ما في شك ومصطفى السني مبدع لمن ميؤس منه( لووول).أثرني بالجد الزول بتاع الساكس جسَد الخلطة بأروع ما يكون..عازفو الساكس في السودان عندهم مقولة أن "النفخة"( The blow) بتاعت العازف السوداني مميزة زي البصمة، بحيث يمكن فرزها من نفخة العازف الاثيوبي حتى لو اديا نفس الاغنية في آن.لكن هذا الشاب الكندي خطير شديد بحيث يشعرك فعلا بتملك الإحساس السوداني إبتداءا ثم مزاوجته بالبعد الغربي.ويمكن دي الحتة النوه ليها استاذنا محمد السني بسؤاله اللمًاح:الولد ده بيتم وين في السودان ولا ياتو فريق في كندا؟
ياخي كنت عاوز اشكيك انت ذاتك..لكن صعبت على الكلمات.

محبتي