رحيم سوداني البديع ورساله الى امي (2) في الطريق

وانا في غمرة الرحيل الى شقتي الجديدة بمدينة سي سايد
لم أنتبه الى ايميلاتي التي حوت الكثير الجميل المثير الخطر
ومن بينها هذه القصيدة الرائعة التي أعتبرها مع قصيدة رساله الى امي
من اروع ما كتب في الام وعنها
وقصتها كما ياتي:-
ان الصديق الاديب الشاعر الجميل عبد الرحيم عبد الحليم محمد (رحيم سوداني)
تسلم صورة والدته فالهمته الصورة هذه القصيدة العصماء الرائعة الحنينة المعبرة
ولاحقا سوف انشر صورته وصورتها لانني طلبت منه ان يرسل لي هذه الصور ولاغرو ان النت قد قرب المسافات وجعل هذا العالم قرية صغيرة

وكنت قد راهنته بان صورة والدته ستشبه صورة المرحومه والدتي عليها شىبيب الرحمة
فكل امهاتنا في السودان حينما يكبرن فانهن يتشابهن صورة مثلما تشابهن منذ الازل في الحنان والتفاني والاخلاص فالى القصيدة أولاٍ

جاتني صورتك

جاتني صورتك يا حنونة
زى سحابة شوق هتونة
في مغارب لملمت
شوق العصافير
لى غصونة
وزى صباحات لملمت لون الحليب
في لون عيونا
وزى حصاد جاب للسنابل
أحلى أيام في سنينا
جاتني من عبر المسافات
الضنينة
جات ترش السلوى
فوق ناري الدفينة
وتطفي نار حزني
وتقالدني
وتوانسني
وترشني بي موسيقاها الحنينة.


جاتني صورتك
يا وطن في غربتي
الطالت سنينا
وهدت الزمن المولي
وخلت اللحظات أمينة
ولونت شكل المسا الدامي
بريشة ياسمينة
وخففت حمل اشتياقاتي الطويلة
ومستكينة
وخففت جرح البعاد بى بنسلينا
يا حبيبة الصورة لملمت الوطن
يا حبيبة الصورة أنستني المحن
وجسدت شفق المغارب
بي شجونا
وكنت أشعر اني
ساكن في جفونا
واني مزروع في عيون الصورة
والطلعة الرصينة
واني جاييك فوق فرس
أفراحي أقدل في المدينة

يا نجيماتن بيزرع نورا
في قلبي
الأحاسيس الحنينة

Quote: جات ترش السلوى فوق ناري الدفينة وتطفي نار حزني وتقالدني وتوانسني وترشني بي موسيقاها الحنينة

كلمـات حنينــة جـدا يا أستــأذ


في انتظار نغماتك المدوزنـة..

تسلم يا ابن اجمل المدن

الله عليك ياموصلى يامبدع

والله عليك يارحيم ياخ

قمة الحنية الفى الدنيا والله

تسلمي ياست الحنية والرقة

أستاذنا موصلي عصفور الوطن الغريد
الاستاذة نادية

الاخ صحافة
سلمتم فمنا المعاني ومنكم النشيد وشاكرا ثنءكم على تلك المحاولة وكم ودددت نشرها كاملة ولكم من الحب حتى ترضون
رحيم l

نصك جميل زي بسمتك

ولك الحب

يا سلااااام..

صاحب هذه الكلمات الحنينة معانا هنـا؟؟!!


يا للروعة..

الله يديك العافيه

ياصحافه

Quote: جاتني صورتك يا وطن في غربتي الطالت سنينا وهدت الزمن المولي وخلت اللحظات أمينة ولونت شكل المسا الدامي بريشة ياسمينة وخففت حمل اشتياقاتي الطويلة ومستكينة وخففت جرح البعاد بى بنسلينا يا حبيبة الصورة لملمت الوطن يا حبيبة الصورة أنستني المحن وجسدت شفق المغارب بي شجونا وكنت أشعر اني ساكن في جفونا واني مزروع في عيون الصورة والطلعة الرصينة واني جاييك فوق فرس أفراحي أقدل في المدينة يا نجيماتن بيزرع نورا في قلبي الأحاسيس الحنينة

طـبعا كـلها حـنينة شـديـد..بس الجـزء ده فيه شـكـل تصـويري
للشـوق في الغربة أو انـا حـسـيت كـده..
أنـا متأكـده انها فعلا هاتكـون في لحنها واخـراجها.. ما أقـل مـن الرسـالة الأولي
مادام احـسـاسك بيها عـالي...

تحيـاتي لك وللأخ رحـيم سـوداني وربنا يحـفظ أمهاتنا كـلنا

مـني

صاحبة الذوق الرفيع

أتفق معك قلبا وقالبا

عارف يا أستاذ الأغنية دي لها و قع خاص..
وصوت الصفارة في الخلفية ده حكاية تانية..يخلي الواحد يطلع و ينزل معاهو!!

شكرا منى خوجلي وكم ترددت في نشر محاولاتي الغنائية هذه بعد أن جمعتها في ديوان أسميته أشجان والحقيقة يا أحبة شجعتوني كتير لأني عارف مدى ذوقكم العالي الذي يهدر في شراييني ويندلع قويا في ذاكرتي

شكرا موصلي ، منى ونادية وصحافة

وكنت قد راهنته بان صورة والدته ستشبه صورة المرحومه والدتي عليها شىبيب الرحمة






والله العظيم مررت عليك الآن ونفس كلامك قلته لود زينب عندما وضع صورة والدته زينب كصوره تعريفيه به...عن شبه أمه وأمى نفس الشلوخ ودقة العينين وهتافها الحنين ونفس التوب والعفويه يالها من مصادفه...



سلامى لك ياموصلى


منصور

نعم حبيبنا منصور

إنهن في الشبه محيرات وفي حنانهن جادات

رحم الله من رحلن منهن وأطال في اعمار اللائي على قيد الحياة

تسلم ياعزيزي

ياجماعة مكن صورة الام الرحيمة.. الملهمة دى نشوفها بالله ؟؟


موصلى

انت موش استقريت اها مابشوفك فى حلة الصعايدة ليه ياخ؟؟؟؟؟

حتشوفني بعد يو الجمعه ان شاء الله وكل يوم

أها ابو عركي معاكم ولا لسه

موصلى

طيب ممكن تلفووووووووووون ؟؟؟؟؟؟؟؟

ممكن طبعا أفو

انت ما زول مرهف

وكمان من الصحافة

أستاذى الجميل الموصلى

محبتى والأمنيات

أسلتم دمعة ساخنة كادت أن تتحجر فى المآقى..

إحدى عشر عاما ولم تكتحل العين برؤية الوالدة حفظها الله..

التحية لك وللأخ رحيم سودانى ..

رسالة الى أمى كانت ومازالت مكمن الشجن ومناجاة للوالدة..

سنحمل صورة أمى شوق وأمل فى الأحتماء بأحضانها من جور الغربة المرير..

الود والشوق

عبدالعزيز خطاب

ولك ياعزيز الجميل المهذب

محبتي وتحيات الشاعر الجميل عبد الرحيم

ما اروع الكلمات.. لم اكن اعلم ان صديقنا عبدالرحيم شاعر موغل فى الجمال.. شكرا استاذنا الموصلى على هذه المقدمة الرائعة ونحن فى انتظار الام الاخرى.. ما احلى الغناء للام ..
شكرا لكما على هذه الشحنة القوية من المشاعر والاحاسيس الموسيقى..
نورالدين منان

الشاعر المناضل

نور الدين منان

صديقنا عبد الرحيم معطاء في نصوصه
بخيل في إظهارها

أعدكم بان الاغنية الجديدة ستكون التوأم غير السيامي لسابقتها

وتقبل فائق محبتي واحترامي

عزيز أيها الرشيق الرقيق
منان أيها الفرعون المندلع شجنا وادبا ولطفا ونضالا

بكم تسمو المعاني وبأستاذنا يوسف تحت راية البورد الجميل وملهمه استاذنا ابو بكر نرفع جميعا راية البناء الفني والوجداني فبكم نسمو ومنكم ننتعلم وفي وقت أصدر فيه ديواني "أشجان " االغنائي و"من ذاكرة الريح "" الشعري : احس بأنكم مصهور أبنوسي في ذاكرة الوطن الغالي ...يجري عميقا في وجدان أمتنا قبل أن يندلع عميقا ودسما في أوتار كتلك التي حباها الله للموصلي فشكرا شكرا لو أن احسانكم يجزيه شكران

رحيم

Dear Elmosley
Thanks for your post, and for introducing us to the poetic work of Raheemsudani. when I read the poem, I felt Raheemsudani is writing about my feelings towards my mother Soad Mekki Shibeika. I live in the Sudanese Diaspora since 1989. The most painful thing is the fact that my sons Ghassan (11 years), and Marwan (8 years) are growing up without having the warm relationship with their grandmother or listening to her Sudanese stories
Peace

الحبيب المعز والله هذه القصص شديدة التاثير على النفس

الأمهات هن الوطن والوطن هو الامهات أما الحبوبات وهن أمهات الامهات
فهن وطن الوطن
ألاحظ أن معظم أبناء اليوم ينادون الأم باسمها العادي وينادون الحبوبه ب(أمي)

الله يجمعكم ويجمعنا جميعا بارض الوطن الام

تسلم

يارحيم وياحليم وياوهاب

إن شاء الله نصفق ليك في عرسك
وكان عرست إن شاء الله في طهور وليداتك
وكان طهرتهم أن شاء الله في نجاحهم ونجاحك المستديم يابرسي

الرائعين الموصلي ناشر الفرح الحزين ومموسق الحزن السعيد ورحيم سوداني مؤجج المشاعر الصادقة وملهم الحب الإلهي.

حرّم انا بقرا في القصيدة وبسمع في الأغنية وبعاين لي صورة امي (الله يديها طولة العمر) وببكي زي الجاهل الكايس الرضاعة.. احبكما احبكما .

Quote: وزى صباحات لملمت لون الحليب في لون عيونا

جمال ما بعدو جمال والله يجعل صباحتكم كلها بيضاء كما سريرتكم .

Quote: جاتني صورتك يا وطن في غربتي الطالت سنينا وهدت الزمن المولي وخلت اللحظات أمينة ولونت شكل المسا الدامي بريشة ياسمينة

لعن الله ذلك الورم الخبيث المستوطن فينا والمدعو (الغربة) .. وردّنا الله إلى ديارناسالمين لننعم بهذا الدفء المفقودوسط شتاءات الزمن القاسي .


لوّن الله ايامكم باللون الوردي وعطّر فضاءاتكم بعبق الحب والوئام .

ودمتم يا غوالي

امير الجمري .. الامتداد (ود عم الصحافة) .. ونسيبكم يا موصلي

الاستاذ يوسف الموصلى الصديق العزيز الاستاذ عبدالرحيم هذا الرجل المسكون بالابداع والتفرد وروح الدعابة الحاضرة وما يجهله الكثير ان الاستاذ عبدالرحيم تغنى له العديد من المطربين السودانيين منهم الراحل احمد الجابرى ( اخت اللوم على نفسى) والكثير من الدرر التى تغنى بها زكى عبدالكريم.

خالص محبتى لكم

سيف

الغالين موصلي

معز
برسي
الجمري
وصاحب القلق الفني انبيل سيف


أمس يوم في البحر
مر سرب الطيور يا حبيبة
طريتك وعيني سالت
جفاها المنام
تخيلت انو الطيور تعرفك
وانك تعرفي الشجر
والفراش والحمام
وفكرت ارسل رسالة غرام
وناديت علي السرب وقف تعال!
وكنتي علي خاطري شفت صورتك
سماحة وأدب واحترام
مر سرب الطيور من بعيد
رغم شوقي الشديد
لا غشاني وكفكف دموعي
وشال مني ليكي
بطاقة هيام
ولا لملم دموعي
وخلاني اغريك سلام

لملمت دمعي وهمي
واشتكيت الأسي للمسا
والبحر والغمام.

شكرا استاذ الموصلى لهذا الجمال
ونحن فى الانتظار
للاستمتاع بهذه الاعمال الراقية

وانت معزوم من هسع لي حفلتي بمدينة مونتريه

ان شاء الله في الثامن والعشرين من شهر أكتوبر

أيها الشفيف

العزيز سيف جبريل

شكرا للإضافة الجميله

أها من هسع وأنت انشط نشطاء الغرب الاميركي من السودانيين

كلم الحاضر والغائب أنه ان شاء الله في حفلتي
المقترح ليها الثامن والعشرين من أكتوبر إن شاء الكريم

بمناسبتي 21 أكتوبر وعيد الفطر في مونتريه

هذه هي اغنيتي الجديدة للحفل

وعارفك حبوب وما بتقصر

تسلم

أخ يا ابو النسب والله
امي رحلت من زمن طويل لكن صورتها ظلت
مستوطنة في كل خلية من جسدي

لك الحب وللصحافة الجميلة

الموصلى , يا طعم سودانى خاص ..

بتمثل فيو شباب أهلى الحنان , وطيب شذاهم

ونداوة قلوبم .. وفكرهم الراقى الفنان .. ياخى نحن

مشتاقين ليك كتير .. تحياتى وكثير إمتنانى للشاعر

الأديب الفنان .. وكمان عبدالرحيم عبدالحليم ! يا إلهى !!

عزيزى الموصلى: تراودنى هذه الأيام فكرة حفل كبير يجمعك

إنت وأبوعركى البخيت ( مع فرقه كاربه ), أيه رأيك ؟ أدينا

الضو الأخضر عشان نبتدى نخطط .. وترجع أيام الدوحه العظيمه ..

مامون

ليك الضو الاخضر يامامون

مش كده وبس

بل هو أخضر من مشروع الجزيره ذاتو

ياخ

وتسلم

نعم تاني وتالت اها قلته شنو عزيزنا مامون

الف شكرا ليك الاستاذ الموصلي
الغنية عندها وقع خاص علي

جاتني صورتك

جاتني صورتك يا حنونة
زى سحابة شوق هتونة
في مغارب لملمت
شوق العصافير
لى غصونة
وزى صباحات لملمت لون الحليب
في لون عيونا
وزى حصاد جاب للسنابل
أحلى أيام في سنينا
جاتني من عبر المسافات
الضنينة
جات ترش السلوى
فوق ناري الدفينة
وتطفي نار حزني
وتقالدني
وتوانسني
وترشني بي موسيقاها الحنينة.


جاتني صورتك
يا وطن في غربتي
الطالت سنينا
وهدت الزمن المولي
وخلت اللحظات أمينة
ولونت شكل المسا الدامي
بريشة ياسمينة
وخففت حمل اشتياقاتي الطويلة
ومستكينة
وخففت جرح البعاد بى بنسلينا
يا حبيبة الصورة لملمت الوطن
يا حبيبة الصورة أنستني المحن
وجسدت شفق المغارب
بي شجونا
وكنت أشعر اني
ساكن في جفونا
واني مزروع في عيون الصورة
والطلعة الرصينة
واني جاييك فوق فرس
أفراحي أقدل في المدينة

يا نجيماتن بيزرع نورا
في قلبي
الأحاسيس الحنينة


الاستاذ..
الموسيقار..
الموصلي
يسعد مناك يا بهي...
واحر التحايا
للشاعر الرقيق..
رحيم سوداني ..

ياااااااااااااااااااااه

اين كان هذا الصفاء الجميل

لك هميم الود ياصفاء فقيري

ساره لانك حنينه

ولانك أمينه

تسلمي

مامون
سارة صفا
وعبد المنعم جنا أوسلي القصاد مساوي

محبتي تسلموا ويسلم الاستاذ يوسف الجمعنا في رحاب حبييبتنا البورد

أنت الذي جمعنا بنصك الذي ينطق بفصاحة الشعر النقي

ارح نلاقي بعضنا يوم والريدة لسه هي هي

مش كده بالله ياعلاء

نص معبر مافي شك عزيزنا الموصلي,

لكن حقو تلحنها عشية الإنتخابات لأنه

بالإضافة لرسالة يا أمي

حا تقوم تفتح للناس باب هجرة عكسية في الزمن المكهرب بالحريق ,

برانا كده ما متيقنين !
----------------------

أها رأيك شنو تخليها لي ألحنها( لو تذكر لحني الرايح داااك ) !

اها يامعز لحنك الرايح داك تلقاهو وين

تسلم

Quote: أخ يا ابو النسب والله امي رحلت من زمن طويل لكن صورتها ظلت مستوطنة في كل خلية من جسدي

موصلي يا مرهف .. رحم الله امك (امنا) وطوّل الله عمر امي (امكم) فكلهن امهاتنا افي احيائنا ام فلان وام علان (كلهن امهات للكل ..

وستظل ذكرى من رحلت عنا تغمرنا من شعر الراس حتى اخمص القدم فهن ثلاثة ارباع المكوّن الأساسي لنا (امك امك امك قال ثم من قال ابوك).

Quote: أمس يوم في البحر مر سرب الطيور يا حبيبة طريتك وعيني سالت جفاها المنام تخيلت انو الطيور تعرفك وانك تعرفي الشجر والفراش والحمام وفكرت ارسل رسالة غرام وناديت علي السرب وقف تعال! وكنتي علي خاطري شفت صورتك سماحة وأدب واحترام مر سرب الطيور من بعيد رغم شوقي الشديد لا غشاني وكفكف دموعي وشال مني ليكي بطاقة هيام ولا لملم دموعي وخلاني اغريك سلام لملمت دمعي وهمي واشتكيت الأسي للمسا والبحر والغمام.

زيدنا حباً وعشقاً ايها الرااااااااااااااااااااائع

نعم رحم الله كل من رحل منهن وأطال من هن على قيد الحياة


ولك من الود هميمه

استاذنا الرائع رحيم السوداني جداً ،، تسلم يا رائع على الكلمات المفعمة بالحب والحنين

Quote: جاتني صورتك يا حنونة زى سحابة شوق هتونة في مغارب لملمت شوق العصافير لى غصونة وزى صباحات لملمت لون الحليب في لون عيونا وزى حصاد جاب للسنابل أحلى أيام في سنينا

استاذنا الموصلي ،، صاحب الرسايل الحنينة
اكيد هذه الكلمات الرائعة بعد اضافة ابداعك عليها
وصوتك الدافئ ،، حتكون ابداع الابداع
تسلمو ،، الله يديكم العافية
ودي واحترامي

استاذنا الموصلي

قصيدة الاستاذ رحيم جميلة بحق


وفي انتظارها بعد اللحن بكل شوق


شكرا لك ولكل هذه الروعة



مودتي واحترامي

العزيزه انعام

عندما يصدر مثل هذا من رفيعي الذوق والتذوق

فان الفن الفن قطعا يقف على أرض صلبة

تقبلي إحترامي الودود وشكري لتشريفك

نانا بهذا التشجيع الحميم يتلون لحني لهذا النص
بكل المشاعر الطيبة التي تمييز الام فلك مني الود الجزيل جدا

Thanks Inaam

Thanks Nana

Dear mosli
I'm really thrilled and filled with oy that this piece is now being painted with your wonderful musical skills in a way that would make our dear mamas a source of inspiration and creativity.

Pleas keep the good work u and as usual

thanks

Raheem

Dear Rahim it is my pleasure to be part of this nice work. Your mom is mine,
because my mom has passed away, and every mom is mine. I promise you this one is going to be one of the best in sha Allah

نسمة ليل

وتهبي يا نسمة
وتغيبي يا نجمة
وأنا مني ديمة تسيل
عبر المدى دمعة
كل ما طريت يمة.

أسهر واعدي الليل
شايل في قلبي النيل
وتنداح في قلبي دوام
الذكريات كالسيل
وطيبة عيون حلوة
كاساكي يايمة
يا غنوة ياغالية
يا عالية ياقمة.

يا ساسبيل يجري
يا عالمي السحري
يا صوت الآذان
في نسمة الفجر
تمليني بالبهجة
واشتاق لعينيكي
وصفو الحنان فيكي
بي بسمة أو ضمة
من غير عويناتك
بي حالي يهتم
ويشيل عذاباتي
وجراحي تتلم

أمتد بيناتنا
البحر يايمة
وحاجات تخليني
أحزن واغتم
يصعب بيانا اليك
يالجاية من عينيك
الراحة والجمة.
طول بعادنا وزاد
وليل الفراق عم
لا بد في ذات يوم
يا غالية نتلم
ونكفكف الدمعات
وافراحنا تنتم.

ياسلاااااااااااااااااااااااااااااام

تسلم حبيبنا
وتغني لينا
وتغني لى الوطن الجاى
منشري فينا
ويسلم حبابيب البورد
وكلماتن الطيبة الحنينة.

بكتب لأمي
واشكيلا همي
وادفن حزني الطويل
في حبها الجاري
في دمي.

الموصلى
لو باعدت بينا المسافه
نحن ديمه بنطرا فيكا
انت ياسيد الرهافه
مرحاب بشوش وبنصطفيك
والله قمه التجلى او حال من احوال الصوفيه
لى فوق
والله الجنا ده كتااب بالحيل ونجيض فى كلمتو
عليش

الموصلي الفنان
اتمنى لها النجاح
وتكون من الأغنيات الخالدات
وللشا عر رحيم
تحياتي
ولكل ام محبتي واحترامي

صديقي العزيز محمد السني

ياخي تشرني
اجي الدوحه في غاية الشوق لشوفتك القاك كسحت لي مصر

لك التحيه والمحبة

ياود عليش الحلو
شكرا على مشاعرك الطيبه
يلا دايرن نسمع منك كمان

تسلم يا عليش والله كلك ذوق وما كتاباتي الا صدى لأمثالك

محبتي

رحيم

تسلم يا السني وشكرا على كلماتك الراقية فمن نبض حبكم أمس يوم في البحر
مر سرب الطيور يا حبيبة
طريتك وعيني سالت
جفاها المنام
تخيلت انو الطيور تعرفك
وانك تعرفي الشجر
والفراش والحمام
وفكرت ارسل رسالة غرام
وناديت علي السرب وقف تعال!
وكنتي علي خاطري شفت صورتك
سماحة وأدب واحترام
مر سرب الطيور من بعيد
رغم شوقي الشديد
لا غشاني وكفكف دموعي
وشال مني ليكي
بطاقة هيام
ولا لملم دموعي
وخلاني اغريك سلام

لملمت دمعي وهمي
واشتكيت الأسي للمسا
والبحر والغمام.




أكتب واليكم أصدر بواخر حبي واحترامي

لى قدام
نحن معاكم

Quote: جاتني صورتك يا حنونة زى سحابة شوق هتونة في مغارب لملمت شوق العصافير لى غصونة وزى صباحات لملمت لون الحليب في لون عيونا وزى حصاد جاب للسنابل أحلى أيام في سنينا جاتني من عبر المسافات الضنينة جات ترش السلوى فوق ناري الدفينة وتطفي نار حزني وتقالدني وتوانسني وترشني بي موسيقاها الحنينة.

موصلي ورحيم
لكما التحية
ولاجمل الامهات الف تحية وقبلة شوق ندية

شكرا يا معتصم وتسلم ومثل هذا الاعزاز هو منبع للالهام وتشجيعكم هذا يعكس نبضا أخويا صادقا أعتز به مثل ما يعتز به الفنان الكبير يوسف الموصلي.

دمت ايها الغالي

رحيم

مشرف الديار يازول ياحلو ولطيف

تسلم ياذوق

Ustaz Mosli
In a nother post here, I put another comic poem"Yabit ya maksiki"":
perhaps u might wish to add suitable lyrics for it so that Tarig Alamin and his band will be able to perform it at a time when the sudanese people have scattered around the globe..I hope you will enjoy the technical features that Yassiko has put there!!!

Thanks

Raheem

I also have seen Nader Khalifa showing up on the Mexican Girl theatre!!!
That is really great

Rahim

شكرا لتنبيهي يارجل يافنان ياجميل

Quote: جات ترش السلوى فوق ناري الدفينة وتطفي نار حزني وتقالدني وتوانسني وترشني بي موسيقاها الحنينة

لقد أعجبني هذا المقطع جداً، ودغدغ فيَّ الحنين إلى أمي وياليتني كنت شاعراً يا أمي لملأتُ بك مجلدات، ومهما كتبتُ عنك فلن أوفيك معشار ما قدمتيه لنا ومازلتِ أو ربع ما وددتُ أن أقوله عنك يا رمز المحنة والطيبة، ولك ولسائر الأمهات أسمى معاني الحب القدسية.

والتحية لك ولأمك يا رحيم، وشبائب رحمة الله تتنزل على روح والدك الطاهرة ياموصلى، ولكل من فقد أمه، فما أجمل أن نكتب عن أمهاتنا، والتحية لكل الأمهات والتحية لكل من كتب عن أمه ولو بشق كلمة، ومليون شكر ليك يا موصلى بإشراكنا معك في هذه الدرر، وعلى هذا التقديم الجميل، وعلى فتحك لهذا المنهل العذب النبيل.

ولكما ومن معكما كل إعزازي
وفائق تقديري

لا آملك يانذير الخير الا وآن آرد جميل تشجيعك الشفيف هذا

الا بآن اجود هذا العمل الشعري الجميل لاحوله الي لوحة تسر القلوب
ولك محبتي

.
استاذ الموصلي
دائما تدهشني بوستاتك
عاملة زي ( الواحات ) وسط الصحراء
والصحراء هنا اكيد ما قاصد بيها بوستات الأفاضل الآخرين هنا
لكن قاصد بيها " القبح " الممتد حولنا
نشرات الاخبار في التلفزيون تعمل للواحد احباط
و " الماديات " الملت حياتنادي ...الخ
وفعلا الواحد بيكون محتاج لمرافيء زي بوستاتك دي


والمرة دي كمان جبت لينا شخص جميل ومبدع

Quote: وخففت حمل اشتياقاتي الطويلة ومستكينة وخففت جرح البعاد بى بنسلينا يا حبيبة الصورة لملمت الوطن يا حبيبة الصورة أنستني المحن وجسدت شفق المغارب بي شجونا وكنت أشعر اني ساكن في جفونا واني مزروع في عيون الصورة والطلعة الرصينة

زول يطلع كلام زي ده اكيد مرهف ومبدع حتى النخاع

شكرا استاذي الفاضل .. شكرا أخي الشاعر عبد الرحيم
...أنحني احتراما لكل امهاتنا
...وسأكون في لهفة للاستماع والاستمتاع بـ" رسالة إلى أمي 2 "



* يا استاذ المقدمة الموسيقية بتاعة الأغنية " رسالة إلى أمي1 " دي جديدة ولا بس احساسي بيها هو الجديد ؟ علما بأني ما استمعت ليها من سنوات طويلة.
.

Dear Alnazir

Shokran in millions for ypur nice intiative and colorful comments.

Raheem

Dear Hatim

You are always great and a man of generousity and dedication to every beauty.

One million Shokran

Raheem

تعرف ياصديقي حاتم عمر القبح مابينتصر علي الجمال

قد يكون للقبح صوت عال ولكن كلما علا صوته آبانت ذلك القبح

شكرا لذوقك

والمقدمة ياها ذاتها بس آنا مطمآن لان هنالك مقوله تقول آن العمل الخالد هو
الذي يجعل الناس يكتشفون فيه جديدا كلما سمعوه

تسلم ياذوق

Salam

الصديق الجميل تحياتي ايها الكزيم الحبوب

رسل لينا دوما حاجاتك الجميله هنا فنحن في مسيس الحاجة اليها

الأستاذ الموصلي ..
الله يفتح عليك يا أخي ..

Quote: يا حبيبة الصورة لملمت الوطن يا حبيبة الصورة أنستني المحن

هذا غناء يعمق العمر والمشاعر

نزار يقول: وهل المرأة شيء آخر غير الوطن
وعبدالغني كرم الله
يقول: أغبط الأم على دفق حنانها
وكأني برحيم يقول
وهل الأم شيء آخر غير الوطن
وأرجع تاني أسمع وبس .. فالتعليق
لا يليق في حضرة الغناء للأم والوطن

الصديق محمد عبد الجليل

نعم إنه نص جايي من عمق الاعماق

نص فيه الصدق مضيئ كالشمس

لك ولشاعرنا الجميل كل الحب

شكرا عزيزي الكريم الاخ الفاضل محمد عبد الجليل

نعم في شلوخ الحبيبة وتفاصيل وجهها المضيء ، أبصر الوطن نهرا من الغناء الجميل.

يا سيكو شكرا على تدفق أنهار التقنية في خدمة من نهوى .... الأم والوطن الغالي فلك الشكر

رحيم

And thanks to those who contributed to making this post a lively one. It is hoped that we will all be captivated by the beauty of this song to come.

Thaaaaaaaaaaaaaaaaaaanks

يا موصلي الصور وينا والله خلاص الموضوع برد ومش حاتجاوب طلب نادية القالت عايزة تجيب الصور

يا موصلي الصور وينا والله خلاص الموضوع برد ومش حاتجاوب طلب نادية القالت عايزة تجيب الصور