رساله عاجله للاخ الصحفي الطاهر ساتي...مع التحيه

اخي وقريبي الطاهر..سلام وتحايا
اتيت من كندا بعد حوالي ثمانيه سنوات..
وجدت البلد مافي بلد..اكوام قمامه من ما يسموا
بالمسؤلين..لي قطعة ارض في الخوجلاب ضمن الخطه
الاسكانيه ودفعت الرسوم الما ليها اول ولا آخر
وبدون ايصالات بس جيب 10 الف جيب 80 الف جيب 4الف
ده غير الملايين واستخرجت شهادة البحث..اليوم ذهبت
لاخذ مساح عشان اشوف موقع القطعه واستلمها..اتفاجأت
بانهم لايستطيعون تسليمي لانها فيها مشكله مع المواطنين
بالمنطفه ولا حتي بالبوليس..وانا رأيت ان هذا شأن عام
وليس خاص ولذلك فتحت هذا البوست املا ان تثير هذه
القضيه من خلال الصحف ..لان السلطات تاخذ الرسوم
وتستخرج الاوراق..ولاتخبر احدا بان هناك مشكله..ناس
الشؤن الهندسيه قالو انهم رفعوا الامر للوزير ..السؤال
متي سيبت الوزير في الامر؟؟؟

ولك مودتي

عزالدين

حمد لله على السلامة ياحبيبنا
وبركة الجيت سالم من بلاد فيها عبد الإله زمراوي .......
والجاتك فى أرضك سامحتك

والله يا أبو العز عينة مشكلتك دى كترت وبقت ظاهرة
ناس يوزعوا ليهم اراضي سكنية على الورق ولمن يمشوا للاستلام يستلموا السراب ( فئؤيي الخوجلاب )
وناس يوزعوا ليهم ارضي زراعية على الورق ويمشوا يستلموا الاوهام ( المهندسيين الزراعيين بسوبا)
وطلاب يقبلوهم قبول خاص عشان يقرو مختبرات طبية وبعد التخرج مايعترفوا بشهاداتهم ( كلية التقانة الحيوية بالنيلين )
وهكذا ..نماذج الغش والخداع على قفا من تشيل
بيستغلو حاجة الناس وبيمارسو فيهم اللف والدوران عشان يلمو مال السحت
الله يورينا فيهم يوم أسود

..........................
ياخى حمد لله ع السلامة
وراجع الخاص
مودتى