لماذا إذن تزوجتِه ؟

لماذا إذن تزوجتِه ؟
قالت : تزوجته بليل .
قلت : لا أسألك عن الزمان ولا المكان ، أسألك عن الأسباب ، أنت الآن تقولين أنه حقير .
قالت : ظننتك تفهم .
قلت : وأنت ، ألست تفهمين سؤالي ؟
قالت : ربّاه ، وهل كل الرجال قلوبهم غلف .
قلت : أراك وكأنك تحاورين شخصا آخر .
قالت : غريب هذا الأمر ، هو أيضا كان يقول نفس الجملة .
قلت : ربما كان صادقا فيما يقول .
قالت : لم يكن يكذب ، كان يخادع ، لكنه ما كان يعلم أنه يخادع نفسه .
قلت : ولِم افترقتما ؟
قالت : افترقنا ذات نهار .
قلت : ومتى حدث ذلك ، عند الضحى ، منتصف النهار ، أم عند الأصيل ؟
قالت : ألم أقل أنكم معشر الرجال تحملون قلوبا غلفا .
قلت : ومتى تزوجته ؟
قالت : لم أتزوجه ، فقط هو كان متزوجا من جسدي .
قلت : إذن كيف طلقك وأنت لم تتزوجينه ؟
قالت : أنا حررت جسدي منه .
قلت : إذن كنتما زوجين ، وإلا لما كان له يد على جسدك .
قالت : ما كنا ، ولن نكون .
قلت : لا أفهم .
قالت : أنت من شاكلة الذي كان ، هو يغتصب جسدي وأنت تغتصب أفكاري .
قلت : لم أعد أفهم شيئا .
قالت : ربما ، عندما يطلّ عليك النهار ستفهم .
قلت : نحن في منتصف النهار ، ألا تشعرين بما تصبه الشمس من جحيم .
قالت : هو أخفّ من جحيم ليلك وليله .
قلت : ولكن في ليالينا نسمة .
قالت : لأنك لا تزال تعيش ليلك ، وكأنّ نهارك سيتأخر كثيرا ، إذا كانت في الليل نسمة فالنهار هو النسيم .
قلت : أنت تتحدثين وكأنك من عالم آخر .
قالت : لا ، أنا أعيش بينكم لكني طويت ليلي وتدثرت بنهاري .
قلت : وهل للكلمات عندك معنى آخر ؟
قالت : آلآن ؟؟
قلت : وهل معنى الكلمات مرتبط بالزمان ؟
قالت : الزمان والمكان كائنان يعيشان معنا ، يكبران ، يتغيران ، يتطوران ، يتأثران .
قلت : كيف جاء نهارك واختفى ليلك ؟ لِم لا يكبران سويا .
قالت : أمام النهار ينزاح الليل .
قلت : ألم تقولي منذ قليل أن الزمان يكبر ؟ لم تضاءل ليلك ؟
قالت : وأنت يتضاءل نهارك ويتسع ليلك .
قلت : أنت مصابة بلوثة عقلية .
قالت : دائما يُتهم المستنيرون بالتمرد ، ثم الجنون .
قلت : وداعا .
قالت : ألقاك ذات نهار .

الأستاذ ود قاسم...

حضرنا ذات نهار ...ثم بليل

قالت: هو ليس هنا..

قلنا : بلغيه عنا السلام ..والتحايا.. وخالص الود..

قالت :ربما ثم.. أختفت ذات حنين..

ودقاسم

(قلت : ومتى تزوجته ؟
قالت : لم أتزوجه ، فقط هو كان متزوجا من جسدي .
قلت : إذن كيف طلقك وأنت لم تتزوجينه ؟
قالت : أنا حررت جسدي منه . )

أعطته جسدها طائعة مختارة .. فهي إذن ذهبتْ إليه بكامل قواها العقلية ( و الجسدية ) فلا تلومن إلا نفسها
أما حرية الجسد فقط .. و إستعباد عقلها .. أو إستعباد جسدها و حرية عقلها هما مشكلة معظم المتزوجات بلا تخطيط و تمحيص
مش؟
أرقد عافية

أبوجهينة
كم امرأة تزوجت بلا عقل ، وكم من رجل تزوج بلا عقل ، وكم من الأجساد مغتصبة ؟
ولا يستقيم الظل والعود أعوج ،،
هل نستطيع الوصول إلى حالة التعادل ( لا ضرر ولا ضرار ) ، ( قبول ورضا ) أم أن الحال كله سيظل خارج أيدينا ، تتقاذفه أيدي من يسيطرون علينا ،،
لك التحية ،،

ودقاسم وهل يستوي الليل والنهار ، ام الحقيقة والخيال ؟

عشة بت فاطنة
سلام وشوق ،،
لا يستوي الأعمى والبصير ،
بس تعرفي لقيت يوسف الطيب شمام في سودانيات وكان لقاؤه إضاءة لبعض البقع المظلمة ،،
لك التحية ..

العزيز إيهاب الطيب
خصصنا لك قطعة الأرض في معتوق ، والبحث جار عن تلك التي تريدها أن تشاركك السكنى ،، ولعلها تكون ممن يتدثرن بالنهار ،،
لك التحية .

ود قاسم سلام
تعرف اجمل حاجة في البورد النهار دا هو بوستك دا
شفت جاب لينا منو ؟
عشة
شوق السنين
بركة انت الطيبة

جندرية
تصدقي وأنا أهم بتحميل الموضوع على المنبر الحر تذكرت عشة ، لأنها لا يمكن أن تفوتها مثل هذه المواضيع ، وقد صدق حدسي ،،
سعيد أنا بطلّتك وبطلّة عشة ،،

عين الحسود فيها صاعوط

العم عثمان عووضة
أعتقد إنها بنية ، مش ؟
ربنا يخليها ليكم ولوالديها ، وعقبال تشوف أولاد الأحفاد ،،
وإن شاء الله ما يشوفوها الرباطاب ، ومنهم سجيمان وشوقي بدري ،،

ابو طلال
البنية و الولد الاتنين حلوين لكين دا ولد
بعدين شنو حكاية العم دي -- مانحنا دافننو سوا تلاتة مراحل دراسية -ولا يعني عشان انا عوير اتمقلبت قبلك
يا تارك الصلاة ليك يوم
تحياتي للمدام و العيال

عثمان عووضة
والله مبروك عليكم ، ويتربى في عزكم ، ومبروك على جيلنا كله ،،
تعرف يا عثمان ، جد زوجتي فوزية كان رجلا مزواجا ، لذا لديه أولاد وبنات أصغر من أحفاده ، وفوزية أكبر من عدد من أخوالها وخالاتها ،، وهي تناديهم بأسمائهم دون أن تقول لهم يا خال أو يا خالة ،، لكن أولادها ( طلال والشلة ) عرفوا أن هؤلاء في الحساب أجدادهم ، فانطلقوا ينادونهم جدي فلان وجدي علّان ،، وفيهم من هو أصغر من الأم نفسها ،،
ومن أطرف ما حدث أن ابنتي فدوى وهي الكبرى عرفت أول ما عرفت حبوبتها ، وكان أن زارنا شفيق لهذه الحبوبة اسمه مبارك ، وأفهمنا فدوى أن تتعامل مع هذا الزائر على أساس أنه أخ لحبوبتها ،، وفي مرة كنا كلنا نجلس ومعنا الرجل وكان يشارك في الونسة وكنا نضحك ، فقالت فدوى : والله حبوبة مبارك ده ضحكني ،،

ود قاسم
ياخي ما عارف جيل ناس فدوى دا جيل محظوظ ولا نحنا منيلين بي ستين نيلة
فدوى ماعارفة انو في نص عمرها دا ابوها كان بينضف الحواشة بالملود في ضحوية واحدة وهم هسي دايرين ليهم درس عصر عشان تشرح ليهم الفرق بين الحبوب و الحبوبة -- ربنا يخليهم لينا
بس اوعى تخليها تقرأ الكلام دا وتقوم تحنبك فينا
تحياتي وشكري

الونسة عندكم يا ودقاسم وعثمان عووضة ، كدى كبو لينا معاكم كباية شاى ، قلت لى قالت حبوبة منو ؟

ود قاسم//سلام لهذا النص المحير الذي تفشي في ايامنا كلها.
تركت ملتاعاً وراء دهشتك الأثيرة وأختفت ( ونحن خلتنا متمحنين )
الزولة دي مشت وين نهت المسلسل كدة وبس . سنعقد لجنة للصلح والترجيعة لانو ما طلقتو بالتلاتة ( رأيك شنو ؟ )
قال الشاعر في النشرة الجوية لتوقيت هذه السيدة :-
ستهب الريح من غرب الأحلام ومن شرقي الدمع
الطقس بديعٌ إلا من بعض وريقاتٍ تتساقط من سوسنة العمر
فأحذر أن تتخفف من أوهامك ، أو من قمصانك ، أو من أحزانك ، أو من ....
درجات الجو :- أربع درجات فوق الحزن

ارقدوا عافية ، عضو جديد معاكم

هشام
ربنا يخليهم ليك و يخليك ليهمالفي الصورة ديل
هشام ياخوي نحنا زاتنا الونسة مما بقت بالشاي خليناها
اسال ود قاسم من ونستنا زمان -- ونسة بي شيتها و تبشها والشاي بالقرعة

الحبيب هشام
ما تخلي الصورة دي تطول هنا ، ربنا يحفظكم من كل شر ويغطي عليكم من العين ،،
تعرف يا هشام ، كثيرا ما يزورني الصديق صلاح شتات ، ويحاورني في بعض ما كتب في المنبر ، ويقول لي :
تعرف يا خال والله أنا كنت عايزك ترد على فلان \ فلانة دي بكذا وكذا ،،
أقول ليهو : يا صلاح إنت عضو في المنبر ، ليه ما بترد .
يقوم يقول لي :
يا خال ما إنتو زي الناس الكبار القاعدين في ضل الدكان بالعراريق والسراويل ، يقولوا أي كلام ، وما في زول يسألهم ،،
وأنا والصديق عثمان عووضة مددنا الظل ،،

أخوانى عثمان عووضة ، وودقاسم:

لكم الود كله ومن التحيات أفضلها وأجملها ، ذكرتونا طيبة أهلنا وجمالهم ، عليكم الله عاينو حلات عثمان عووضة ده ، ما بتجسد ليكم الطيبة بكل معانييها ، بس يا عثمان (شاى القرعة) ده ما سمعنا بيه ، لكن شربنا (الروب) بالقرعة وفى رواية (البخسة) بضم الباء

ويا ودقاسم الزى صلاح شتات ديل ، ما ياهم زاتهم أبنائنا البررة

كتر خيركم كتير والله

هشام الخير
والله مافي جميل زيك
اما بخسوس شاي القرعة اسال منو ود قاسم قول ليهو قرعة عوض قرف في التكيلات رايك فيها شنو

يا عثمان ، كدى خلينى من شاى القرعة ، عايز اسألك:
إنت ود (شيخ عووضه)؟؟؟

عارف قلت ليك كده ليه؟ لأنو أى زول لاقيتو اسمو عووضة ، تلقى الناس بقولو ليه (شيخ عووضة) ، فما هو سر التسمية ، وسر المشيخة لكل من يسمى (عووضة)؟

يا عثمان أنا جاد فى السؤال

طيب ياهشام -القرعة طايرة نجي لي حكاية شيخ عووضة
زمان --زمان اوي يعني --كان عندنا في الشمالية فقير او فكي او شيخ بي لغة اهل الماهامش (يعني الوسط)اسمه عووضة وكانوا بقولوا ليهو شيخ عووضة (القارع) ومعظم جدودنا سموا اولادهم على هذا الشيخ ومن هنا جات التسمية
اها انا وصلتها ليك لاحدي الفكي بتاعنا
اذا عايز تتابع بعد داك بي رايك ممكن تستعين بي صديق او تماضر شيخ الدين
خلاس ود قاسم هسع بيجي يطردنا من البوست دا

,ودقاسم:

{ يا تارك الصلاة ليك يوم } ما تعمل نايم ،علق عليها!

أما أنا ف { فاجأني النهار } !

الرائع ود قاسم
كم من الاعلاقات الزوجية لا تعدو ان تكون دعارة مقننة ويحميها القانون
وكم اتعجب من ذلك النوع من الرجال الذي يرتضي علي نفسه ان يستبيح جسد امراة لا تملك الحيلة في منعه ولكن لن يستطيع احد اجبارها علي ان تعطيه قلبها
واتمني صادق ان يقف كل رجل مع نفسه ويوقفوا هذه الدعارة المقننة

Dear Wad Gasim

I woke up next to him when day and I saw life full of possibilities.

I thought it is the beginning of happiness, but it was just a moment of happiness!!!

That was my reason and the Hours.

سلوى السعيد
ثم إلى ماذا انتهينا ؟ وكيف تم اكتشاف أنها فقط لحظة سعادة ، ومتى ؟
هل يمكن أن تتطور لحظات السعادة تلك إلى سعادة دائمة ؟؟
هل يمكن أن تنقلب السعادة التي استمرت زمنا طويلا إلى ضجر مستمر ؟
لست أستجوبك لكني أفتح منافذ للحوار ..
لك التحية

حبيب الكل
قلت لي دعارة مقننة ؟؟
عرفت في سنين الاغتراب بعض من افترقوا لأنهم اكتشفوا ، أو أقنع طرف منهم الآخر بأن ما بينهما لا يصلح أن يسمى حبا ،، لكن هناك من استمر على حاله وهو يعرف يقينا أن الطرف الآخر لا يطيقه ،، وهذه كثيرا ما تنتج عنها تفكك أسري ، وخروج عن القواعد الإنسانية ،،
وهناك أناس بدأوا بالحب لكنهم اكتشفوا أنهم على غير ذلك ،،

شكرا على المعلومة يا ود شيخ عووضة

Quote: ودقاسم: { يا تارك الصلاة ليك يوم } ما تعمل نايم ،علق عليها!

والله يا ابو ساندرا تتصور عمل نايم -- بالله ماتخليهو -- سكو سك دامة الاسود لمن يقع

أبوساندرا
عثمان عووضة
لمن يجي اليوم داك بنركز ليهو ، بس بدري علينا ،، نحن لسة شباب ،،
أحكي لينا عن النهار الذي فاجأك يا ابوساندرا ،، وأكثر الله من المفاجأءات السعيدة ..

ازور جزبرة الكتب , املأ توبي من زنايقها الممراحة وحين تشتجر روحي بالمعاني ,
اسرح في العالم و اعتمر قبالة بوابات احبابي الشعراء ... فما للحب من حدود ....
الحب سماء والزواج سقف, فهل ابدل اللانهائي يهذا المحدود .


كان ذلك مقطعا من قصة " كتبت ايناس قصيدتها " لبشري الفاضل

الاخ ودقاسم و المشاركين

لااتفق مع ايناس , فاذا ارتضي اثنان الزواج يجب ان يفهما ان الزواج هو "الاطار" لذلك الحب اللانهائي , ليس ذلك فحسب , بل عليهما ان يعملا علي ذلك باستمرار والسماح "لحركة الاصلاح والتجديد" بالعمل الحر الديمقراطي داخل تلك المؤسسة التي يقول البعض عنها " قمعية".

يازول يازول : هل هذه صورةالاقامة؟؟ ربنا يحفظك و يخلي ليك اولادك يارب العالمين.

الأخ خالد الطيب ، شكلك معانا فى السعودية ، هذه الصورة هى فعلا يوم ذهبنا للتصوير لتجديد الاقامات ، فكانت سانحة أن كل الأسرة موجودة فى الأستديو ، فانتهزنا الفرصة ، بس انت بالغت كونك عرفت

يا اخوانا الحب نحنا ممكن نحافظ عليه لو بمواصلة الاهتمام بزوجاتنا وبس..

هو في شنو هنا؟؟!!