Post: #1
Title: بعبصة انتخابية علي الماشي .....!!!
Author: عبدالكريم الامين احمد
Date: 11-09-2009, 07:46 AM
بافتراض جدلا بان كل الشعب السوداني ده اوجدت اصواته مسجلة في دفاتر اللجنة العليا للانتخابات
وصارت الجموع شرقا وغربا شمالا وجنوبا ومنافي وشواطي بعيدة جاهزة موية ونور للتصويت والاقتراع في الانتخابات التي تجري في ابريل..؟؟
استنادا علي ارضية الانتخابات السابقة في 86
ومع وضع التغييرات الجيو انتمائية في التي شهدتها البلاد العشرين سنة ونيف...!!
وتحسسا لمناطق الولاء التقليدي العشائري..
نحاول ان نمارس بعض البعبصة علي الماشي وقد تبدو كالاحلام في واقع السودان اليوم..
ولكنها محاولة لتحسس الخارطة السياسية في السودان بعد هذه السنين الطويلة من الانقاذ..
|
Post: #2
Title: Re: بعبصة انتخابية علي الماشي .....!!!
Author: عبدالكريم الامين احمد
Date: 11-09-2009, 07:55 AM
Parent: #1
مافي تحالفات علي ارض الواقع الان..!!
ولذا في بعبصتنا سنشوف كل حزب احتمالية مناطق نفوذه وموطن اصواته اذا ما نزل الي الملاعب الانتخابية..
نشوف
1- الولايات الشمالية
2- الشرق
3- الغرب (دارفور - كردفان)
4- جنوب السودان
5-الوسط (الجزيرة-النيل الازرق_ النيل الابيض- سنار)
6- الخرطوم بمناطقها المختلفة (امدرمان -بحري- الخرطوم) واريافها الملحقة التي صارت مدنا الان
|
Post: #3
Title: Re: بعبصة انتخابية علي الماشي .....!!!
Author: عبدالكريم الامين احمد
Date: 11-09-2009, 08:28 AM
Parent: #2
نبداء بحزب الامة صاحب اكبر نسبة اصوات في برلمان 86
تاتي 2010 وحزب الامة ليس هو حزب الامة كما في السابق..
علي مستوي الانشقاقات والتلتلة التي حدثت له.والاجنحة الكثيرة فيه..
ولكن رغم كل هذا يبقي (الصادق المهدي) رغما لا يمكن تجاوزه في دوائر الولاء التقليدي في كردفان وسنار والجزيرة والنيل الازرق والنيل الابيض تحديدا منطقة الجزيرة (ابا)...
في الخرطوم كجم في السابق بعض الدوائر ولكن هذه المرة لو قدر له النزول منفردا ستكون هنالك منافسة صعبة وقاسية مع الموتمر الوطني
الذي هو ايضا ليس بالجبهة الاسلامية في 86..
ونعود
|
Post: #4
Title: Re: بعبصة انتخابية علي الماشي .....!!!
Author: Emad Abdulla
Date: 11-09-2009, 09:03 AM
Parent: #3
نسأل اللهُ السلامة ..
ياخواننا !!!!!!!!
.........
إنتخابات بايظة ..
شي خوازيق و شي بعبصة و شي ظططان .. !!
هسه الشعب أب عين مكسورة ده يعمل شنو يعني ؟
|
Post: #5
Title: Re: بعبصة انتخابية علي الماشي .....!!!
Author: عبدالكريم الامين احمد
Date: 11-09-2009, 09:15 AM
Parent: #4
اووه ياعمدة ياخي..
وشوق السحابة الماراحلة والله...
ووينك يارجل رافع القزازة والقزاز؟؟
Quote: هسه الشعب أب عين مكسورة ده يعمل شنو يعني ؟
|
الشعب ياعمدة يبعبص بس ...!!
ويعمل حميل ويكشف للبشرية دي بعين كديس اشول
|
Post: #6
Title: Re: بعبصة انتخابية علي الماشي .....!!!
Author: حليمة محمد عبد الرحمن
Date: 11-09-2009, 09:36 AM
Parent: #4
Quote: نسأل اللهُ السلامة ..
ياخواننا !!!!!!!!
|
هههههههههههه
---كيكي بجيك بعدما افك الشرقة دي..
|
Post: #7
Title: Re: بعبصة انتخابية علي الماشي .....!!!
Author: khaleel
Date: 11-09-2009, 04:19 PM
Parent: #6
يا سلام قبل البعبصة نعود للذكريات
ودائرة الخرطوم ومرشحها الفاتح عابدون ويوهانس وعزالدين علي عامر
كنا في داخلية فلسطين
ودائرة بري والبركس صراع محموم بين عثمان خالد مضوي وفاطمة احمد ابراهيم
|
Post: #8
Title: Re: بعبصة انتخابية علي الماشي .....!!!
Author: khaleel
Date: 11-09-2009, 04:23 PM
Parent: #7
وسقوط مدوي لشيخ حسن في الصحافة
وشماتة رهيبة
|
Post: #10
Title: Re: بعبصة انتخابية علي الماشي .....!!!
Author: khaleel
Date: 11-09-2009, 04:25 PM
Parent: #8
وهتافات الكيزان الشهيرة
لا ميشيل ولا لينين
الخريجين اقامو الدين
|
Post: #18
Title: Re: بعبصة انتخابية علي الماشي .....!!!
Author: عبدالكريم الامين احمد
Date: 11-09-2009, 05:16 PM
Parent: #8
Quote: وسقوط مدوي لشيخ حسن في الصحافة
وشماتة رهيبة |
تجربة الصحافة وجبرة دي ونموذجها هو المفروض يتعمل عشان الكيزان تنهزم
كانت ملحمة عجيبة خلاااص
رغم ان شبو زاااتو لاحقا صار الي الجبهة الاسلامية من حبل الوريد
ولكن ولمجرد سقوط الترابي وغيابه عن برلمان 86 كان مكسب لقوي الانتفاضة
لانو بصراحة شيخ حسن في التكتيكات الانتخابية ما بنقدر
|
Post: #9
Title: Re: بعبصة انتخابية علي الماشي .....!!!
Author: عبدالكريم الامين احمد
Date: 11-09-2009, 04:25 PM
Parent: #6
Quote:
---كيكي بجيك بعدما افك الشرقة دي.. |
ههههه
شرقتينا واصلا عماد شارقنا زيادة واحنا بنبعبص
وفي انتظارك يا استاذة عشان نشوف دوائر جبل اولياء
تبعبصي فيها معانا شوية
|
Post: #11
Title: Re: بعبصة انتخابية علي الماشي .....!!!
Author: عبدالكريم الامين احمد
Date: 11-09-2009, 04:28 PM
Parent: #9
اووه
الخبير الانتخابي الاسفيري خلي..
وكدي حلق معانا في دائرة الخرطوم ودوائرها واعمل لينا مقاربة ما بين واقع الامس
وانتخابات اليوم..
هل الخرطوم الان هي خرطوم 86
وبعبعص
|
Post: #12
Title: Re: بعبصة انتخابية علي الماشي .....!!!
Author: khaleel
Date: 11-09-2009, 04:28 PM
Parent: #9
فوز نقد في الديم
وفوز الصادق في الجزيرة ابا
و63 مقعد للاتحادي
واكتساح شامل لحزب الامة في دارفور
|
Post: #16
Title: Re: بعبصة انتخابية علي الماشي .....!!!
Author: عبدالكريم الامين احمد
Date: 11-09-2009, 04:38 PM
Parent: #13
Quote: كيكي يعني فاتح لينا ...
تعال بجاي ادينا رايك....
|
هلا يا تراجي..
ومعقولة ياخي نقدر نفتح ليك احنا ديل..
لكن اهو زي ما شايفة مشغولين بالبعبصة في الانتخابات الكرتونية دي
........
استعمت يا تراجي قبيل وقبل خروج المنبر من الخدمة للفيديو بتاعك كلو
وعندي فعلا افادة فيهو بجيك هناك بقولها ليك باذن الله..
وهي فكرة بالتاكيد ناصعة وفيها شوية ملاحظات بقولها ليك ...
وتحياتي يا تراجي
|
Post: #14
Title: Re: بعبصة انتخابية علي الماشي .....!!!
Author: khaleel
Date: 11-09-2009, 04:30 PM
Parent: #12
الموتمر الوطني سيفوز هذا العام في الصحافات
لانها دوائر مقفولة
وكذلك الثورات وخصوصا التاسعة
|
Post: #15
Title: Re: بعبصة انتخابية علي الماشي .....!!!
Author: khaleel
Date: 11-09-2009, 04:32 PM
Parent: #14
سئل الترابي كيف فزتم في شندي وهي دوائر مقفولة للاتحادي فاجاب
هاها هاها
تلك فاتيكانات قديمة
|
Post: #17
Title: Re: بعبصة انتخابية علي الماشي .....!!!
Author: عبدالكريم الامين احمد
Date: 11-09-2009, 04:42 PM
Parent: #15
هلا سيشكل خروج الترابي وانقسام الجبهة الاسلامية اثرا بليغا يا خلي
علي الدوائر الي احرزتها الجبهة الاسلامية..
وماهي مناطق نفوذ الترابي المقفولة في السودان...
اسئلة في الاستديو للمحلل خليل محمد خليل واخريين..؟؟
|
Post: #19
Title: Re: بعبصة انتخابية علي الماشي .....!!!
Author: الشفيع وراق عبد الرحمن
Date: 11-09-2009, 06:38 PM
Parent: #17
الاخ/عبد الكريم
من الواضح أن الخارطة السياسية ستتغير كثيراً عن ما كان عليه الحال في 86
بسبب انتشار التعليم وازدياد الوعي ، أتوقع أن تنكمش شعبية الاحزاب الطائفية (الأمة والإتحادي) على حساب الأحزاب الأخرى
تحياتي
|
Post: #20
Title: Re: بعبصة انتخابية علي الماشي .....!!!
Author: عبدالكريم الامين احمد
Date: 11-09-2009, 06:43 PM
Parent: #19
Quote: من الواضح أن الخارطة السياسية ستتغير كثيراً عن ما كان عليه الحال في 86
بسبب انتشار التعليم وازدياد الوعي ، أتوقع أن تنكمش شعبية الاحزاب الطائفية (الأمة والإتحادي) على حساب الأحزاب الأخرى |
هلا يا الشفيع وحبابك..
وبالتاكيد الخارطة السياسية ستتغير كثيرا..
فمناطق الهامش في دارفور التي كانت حكرا علي حزب الامة حصلت فيها رجة شديد وواقع حزبي جديد
بالتاكيد سيكون خصما علي حزب الامة..ايضا النيل الازرق بوجود واقع سياسي جديد فيها
الشرق ايضا سيعاني الحزب الاتحادي من حركات البجا التي قامت في العشرين سنة الفاتت دي
بالاضافة طبعا للانقسامات الكثيرة في هذه الاحزاب..
وتحياتي
|
|