Post: #1 Title: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 08:29 PM
مادام القصة بعد العشرين سنة العجاف وبقدرة قادرة وفعل تراكم الحراك والنضال المنادي بعودة الديمقراطية المسروقة من الوطن السوداني.. جابت ليها انتخابات وتصويت واختارو فلان وسقطو علان فانا كمواطن سوداني انادي باسقاط عمر حسن البشير في الانتخابات ده لو قامت اانتخابات قول لي لييييييييه..؟؟
Post: #2 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 08:31 PM Parent: #1
ايوه يسقط عمر البشير ويسقط معاهو كل جبهجي وانتهازي طبل وعمل علي ترسيخ سلطة ما يسمي الانقاذ.. جبهجي وانتهازي ...!! عشرين سنة درش وكركبات وغاغات في كل اركان السودان وتمزيق ابن لذينة لكل مكونات هذا الشعب... الجنوب شبكو ليك صيف العبور خلو ضقلو يكركب وعدمو الغابات نفاخ النار من اثر ضربات القرنوف..
Post: #3 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 08:32 PM Parent: #2
دارفور مسكوها ها ها ودور فيها الضابط السابق الطيب سيخة ورشو ليك تخوم قوز جمل وخور برنغا جبخانة تقيلة ولمن العالم والضمير الانساني الحي اتي لكي يلحق اشلاء بعض اهل دارفور وجد ان الانقاذييون قد لحقو هذا الاقليم الحدادي المدادي غنم زهرة.. مشردين لاجيين ثم قتل واغتصاب وبعين قوية ياتي الضابط السابق في الجيش السوداني عمر البشير لكي يقول لالا انا قتلت عشرة الف بس
Post: #4 Title: Re: القصة شبع ولا طمع هي يا عمر البشير..!!!! Author: Abdelmuhsin Said Date: 01-14-2010, 08:32 PM Parent: #1
Quote:
قول لي لييييييييه..
لييييييييه
سلام يا لزيز يا رايق
ودملاح
Post: #5 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 08:38 PM Parent: #4
Quote: لييييييييه
هلا يا عبد المحسن وتحياتي والاشواق.. وايوووه قلت لي ليييييه..!! اخونا الضابط السابق في الجيش السوداني ده جانا براااهو وبقي نفسو رئيس ولبس ما لبس من البوريهات والنياشين ورقص في راسنا ده عشرين سنة ونيف...ونجض هذه البلد نجاض قبورة وفي هو يمارس في هذا التنجيض استعان باخطر الاحزاب السودانية وهي الجبهة السودانية..وانتهت العشرين سنة بشرها حيت لاخير كثير فيها..!!! تاني الطمع شنو...وليه الاصرار البشيري الكوزي علي تعذيب الشعب المسكين الما بستاهل جزر وسلخ ودرش زي...!! ولسع جاييك حبة حبة في الليييييييه
Post: #6 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 08:44 PM Parent: #5
نمسك حبة حبة ... لو ماسكين الشعب ده بالكباري والسدود (الكهربتها طاقة دي) والطرق وبعض الصواني التي جملت علي حساب صينينة الغداء التي صارت بلا سلطة.. من بكرة دي جيبو كراكات وجرافات وهردموها .. فالشعب وقبل ان يحتاج الي كبار وطرق ومجاري يحتاج الي حريات يحتاج الي خبز يحتاج الي من يحترم ادميته وليس لمن يقتله ويسحله بالانتنوف والرصاص والبمبان
Post: #7 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 08:51 PM Parent: #6
نمسك ليكم البلد دي جهة جهة كما مسكت الخرطوم من الكبري في الاغنية الهابطة الشهيرة حينما هبطت كل الاشياء في الزمن الكيزاني.. الشرق ناس ادروب الحنان وهي اكثر جهات السودان تهميشا وحوجة للتعمير والبناء والخبز والتعليم.. دور فيها رصاص قصي علي اخضر همشكوريب واخضر الفيافي القريبة من كسلا وتخوم تسني... وبه بقعة عزيزة من البلد لم يستطيع الضابط السابق ان يقول فيها بغم وجلس جلسة التلاميذ في اماما\ خريطة مصرية بصحبة حسني مبارك وبخرطة توضح عاليا خفاقا بان حلايب مصرية..رسمت عمدا بايادي مصرية محترفة علي تشفير الرسائل وترويض المحتاجين من روؤساء الدول الافريقية الديكتاتوريين... الفشقة الاحباش يرفعون اعلامهم عالية خفاقة بين جنباتها.. ولا حياة ولا كركبة ولا يحزنون من النظام الذي علي رئاسته الضابط السابق عمر البشير وحاشيته من اذكياء بني كوز
Post: #8 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 09:15 PM Parent: #7
عشرين سنة ونيف ياالبشير كل امتيازات وهيلمانات السلطان شعبت منها شبع.. صفافير نجدات ومواتر رئاسية مشت قدامك مسافات لو عديناه بتوصل من هنا للقضارف.. عشرين سنة وطائرات رئاسية جابت بيك وعلي حساب هذا المواطن الغلبان كل فراسخ الوطن السوداني ولمن فترتو من الطائرات الرئاسية جبتو ليها يخت ويخوت رئاسية.. عشرين سنة رقصت فيها في كل منصات التتويج والمواطنين الذين اتو عشان يشوفو الرئيس ده جايب ليهم شنو..؟؟ ولكن يعودون ولم يشفي غليل احلامهم ويكتفو بمشاهدة الرقص الرئاسي الذي هو علي اصوله
Post: #9 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 09:17 PM Parent: #8
الغرب..بكردفانه الجريحة ودارفوره التي تستغيث ما بين كل ليلة ونهارها... كردفان بثمن بخس تخلي البشير عن اهاليها في الحدود المتاخمة لمنطقة ابيي وفي صفقات الترسيم ثم القانون الذي يعطيها حقوق الانفصال او الانضمام الي الشمال.. وفي ليل دامس من ليالي الخرطوم الغميسة تخلي الموتمر الوطني عن ما يقارب النصف مليون شخص من اجل تحقيق مصالح التوازنات السياسية بعدما تاجر بقضيته يساعده في ذلك بعض ابناء تلك التخوم الذين لوح لهم بجذرة السلطة والثروة والوازرة... جبال النوبة طلعت من منظومة الادارة السودانية ومشورتها الشعبية ايضا هي كرت من كروت المساومة
Post: #10 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 09:25 PM Parent: #9
وقبل ما نجول في بواقي الاقاليم والولايات السودانية الاخري خلونا نكولج شوية في امر التحول الديمقراطي..!!! مادام البشير وصل الي ضرورة وحتمية التحول الديمقراطي ..طيب ياخي..؟؟ كدي خلينا من زول تاني من خارج منظومة حزبك الكيزاني.. ديمقراطية دي قبل ما تطبق علي مدار واسسع جوووه حزبك ده الكنكشة لزومها شنو..؟؟ 20 سنة وانت القايد الهمام علي قولة المطبلين ياخي ما تدي بعض الفتية الذين امنو بانقاذهم ودرشو معاك العشرين سنة دي فرصة ..ما معقول طوالي يكونو في مقاعد الهتيفة والمطبلين.. شنو يا شيخ علي عثمان وشنو يا علي كرتي وشنو يا عبد الرحيم محمد حسين طموحااااااات مافي لاشنو وخباركم مخلناه للبشير ده يقدل فيها براهو كده لفت ورايت
Post: #11 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 09:40 PM Parent: #10
وفي اطار الكولجة.. لي يا بشير داير البلد الحدادي والمدادي يقوم ويقعد بمشكلتك مع الجنائية..وكيف وانت غير قادر علي السفر الي الخارج لادارة مصالح السودان الخارجية وحضور المحافل الدولية التي يتمني الشعب هذا ان يكون له رئيس يذهب اليها وهو مرفوع الراس وقادر ان يدخل يدو في عين اي خواجة عينو خدر او اي دولة اخري.. كيف تحدثك نفسك بان تدير وتراس هذه البلد وانت غير قادر علي قطع اكثر من بحرين جوا..؟؟ كيف
Post: #12 Title: Re: القصة شبع ولا طمع هي يا عمر البشير..!!!! Author: ود الباوقة Date: 01-14-2010, 09:46 PM Parent: #11
سلام يا لزيز يا رايق
وكلو حركات ..
كيكي مشتاقون ..
Post: #13 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 09:48 PM Parent: #11
كولجة تاني علي صعيد العمل الفسادي.. وفي طيلة العشرين سنة السابقة وفي اخر تصنيف لمنظمة الشفافية الدولية السودان كواحد من افسد البلاد (اي اكثرها فسادا) في كل هذا العالم.. طيب عشرين سنة وانت قائد المركب فلحقنا غنم زهرة فسادا.. كيف يستقيم ان تحدثك نفسك بان تتحكم وتتامر وتدير البلاد مرة اخري... كدي حنكون جمهورية الفساد الديمقراطية عوضا عو جمهورية السودان.. والمال العام والخاص سيوكل نهارا جهار في شوارع الخرطوم.. واخرتها كمان جابت ليها فساد الكتروني ونفايات وكشرة بتاعة كمبيتورات قيل بان هنالك 35 وزير متورط فيها ولم نسمع بغم من الريس الهمام
Post: #14 Title: Re: القصة شبع ولا طمع هي يا عمر البشير..!!!! Author: ود الباوقة Date: 01-14-2010, 09:50 PM Parent: #13
Post: #15 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 09:51 PM Parent: #13
Quote: سلام يا لزيز يا رايق
وكلو حركات ..
كيكي مشتاقون
هلا يا باوقة ويعلم الله مشتاقين .. وكدي بالله ادينا اجابة علي خفيف كده عن هذه القصة البشيرية هل هي شبع ولاطمع..؟؟ ولا ماذا هناك يا عمر
Post: #16 Title: Re: القصة شبع ولا طمع هي يا عمر البشير..!!!! Author: ود الباوقة Date: 01-14-2010, 09:56 PM Parent: #15
Quote: عن هذه القصة البشيرية هل هي شبع ولاطمع..؟؟ ولا ماذا هناك يا عمر
يا اخوي طمع شنو ...
حسني مبارك ..
القذافي ..
سحنون وآخرون ...
ديل عميان منهم ..
Post: #17 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 09:56 PM Parent: #15
Quote: نحمد الله ان شعبنا قد امتلك
من الوعي السياسي ما يجعله يميز
بين الصالح والطالح والكالح ...
النبي يا باوقة تورينا الطلح والكلح بتاعكم ده بتجيبو من وين..؟؟ كان داير فساد بتلقي بالكوم في فترة البشير كان داير كركبة واختراقات امنية وانعدام استقرار كان داير جووووووع في كان داير قبقبة رئيس سوداني خارجيا برضو متروس كان داير قتل وتشريد واغتصاب حرائر سودانية برضو فيها وكان داير سدود فشنك برضو راااااااااقد ... يا باوقة عليك الله بطل الهزار وصالح شعبك في قضاياه الاساسية فعمر البشير هذا الي زوال وسيبقي السودان والحقيقة
Post: #18 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 10:01 PM Parent: #17
Quote: يا اخوي طمع شنو ...
حسني مبارك ..
القذافي ..
سحنون وآخرون ...
ديل عميان منهم ..
ديل كلهم ديكتاورييون ومطلعين زيت شعبهم وفعلا مافي فرق بينهم وبين البشير.. ولكن رغم ده ما عندي معاهم شغلة كثيرة الا في اطار رفض الطغيان اينما حلا ولكن قضيتنا الاساسية مع زولنا كنكشة ده.. وبعدين ياخي عشان القذافي ماسك ديشليون سنة انتو عاوزين تمسكو ديشليون..؟؟ طيب ياخي مافي نماذج بتاعة حكم ديمقراطي وكل زول بياخد جكتو وبفرتف البمنع شنو نكون زيهم احنا.. والكنكشة لو زولكم شنو يا عمر..؟؟
Post: #19 Title: Re: القصة شبع ولا طمع هي يا عمر البشير..!!!! Author: ود الباوقة Date: 01-14-2010, 10:05 PM Parent: #18
Quote: طيب ياخي مافي نماذج بتاعة حكم ديمقراطي وكل زول بياخد جكتو وبفرتف البمنع شنو نكون زيهم احنا..
ارى انكم في سباق مع الزمن
فكل ما اقترب كثرت جقلبتكم ...
Post: #21 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 10:10 PM Parent: #19
Quote: ارى انكم في سباق مع الزمن
فكل ما اقترب كثرت جقلبتكم ...
زمن شنو يا ابوعمار هو زمن اطول من العشرين السنة الفاتن دول.. وكدي قول البشير ده جاء تاني حتعملو للشعب ده شنو تاني بعد العملتو ده.. واتخيل لي المرة الجاية حتطالبونا بتركيب ضنب...!! وحتقولو ده تاصيل جيني..!!
يازول زولكم ده جيتو ياها زي عدمها لانو كل الامر عندنا فهو صابون
Post: #120 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 05-09-2010, 01:53 PM Parent: #15
----------
Post: #20 Title: Re: القصة شبع ولا طمع هي يا عمر البشير..!!!! Author: Abdelmuhsin Said Date: 01-14-2010, 10:07 PM Parent: #13
Quote:
وكلو حركات
ود الباوقه سلام . دحين الزول دا بهظر , وزمان كان غاطس وين . كيكى ممكن اشترك في الكيتا بتاعتك دى ؟ انشاءالله بالمراسله
Post: #22 Title: Re: القصة شبع ولا طمع هي يا عمر البشير..!!!! Author: ود الباوقة Date: 01-14-2010, 10:13 PM Parent: #20
دحين الزول دا بهظر , وزمان كان غاطس وين . كيكى ممكن اشترك في الكيتا بتاعتك دى ؟ انشاءالله بالمراسله
اخي عبد المحسن ..
كيتة كيكي دي كلنا دايرين نحضرها ..
ان شاء الله بالمتاوقة ..
غايتو كان عندك فيها قسمة بتحضرها ..
Post: #24 Title: Re: القصة شبع ولا طمع هي يا عمر البشير..!!!! Author: ود الباوقة Date: 01-14-2010, 10:15 PM Parent: #22
لكن بيني وبينك كيكي دا زاتو ممكن يجلي منها ..
قصدي كيتة كيكي ..
Post: #23 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 10:15 PM Parent: #20
Quote: دحين الزول دا بهظر , وزمان كان غاطس وين . كيكى ممكن اشترك في الكيتا بتاعتك دى ؟ انشاءالله بالمراسله
هلا يا محسن وشارك يا زول واخذ حقك كاش الكنكاشة ديل.. اليومين دي الناس ديل عندهم سافوتة اسمها ديمقراطية مع العصر الدولي والداخلي ده طالعة ليهم في راسهم فاديهم بالله الفيها النصيب...
وعلي المشاركين من خارج الاستديو الاشتراك ايضا عبر البريد الالكتروني للبوست [email protected]
Post: #25 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 10:19 PM Parent: #23
Quote: كيتة كيكي ..
كيتة كيكي هينة يا ود الباوقة الخوف والكلام ما كيتة الرئيس والضابط السابق في الجيش السوداني.. وشوف عيني دي يا عمر الجزيرة قطعت الارسال وعملت خبر عاجل بالاحمر.. القاء القبض علي الرئيس السوداني السابق عمر البشير وترحيله الي لاهاي اها تعال انت دق كيتة مضادة وورينا همتك
Post: #26 Title: Re: القصة شبع ولا طمع هي يا عمر البشير..!!!! Author: ود الباوقة Date: 01-14-2010, 10:23 PM Parent: #25
وشوف عيني دي يا عمر الجزيرة قطعت الارسال وعملت خبر عاجل بالاحمر.. القاء القبض علي الرئيس السوداني السابق عمر البشير وترحيله الي لاهاي
كيكي ..
ما تحاول تتعرض لي ( طراوة ) اليومين ديل ..
Post: #27 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 10:26 PM Parent: #26
Quote: ما تحاول تتعرض لي ( طراوة ) اليومين ديل ..
طبعا يا ود الباوقة انا ح اساعدك في تشتيت الكورة ولكن ما عليك حنجي نلم البوست بعدين ونشوت في التقيل... طراوة وين يا ود الباوقة مع الكنكشة بتاعة البشير انتو فضلتو فيها طراوة ولا همبريت ما شفطتو القصة كلها
Post: #28 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 10:37 PM Parent: #27
نرجع لمنصة الشبع والطمع البشيري.. ونجول في اقاليم السودان.. الجزيرة ومشروعها الحدادي المدادي لمو فيهو (كيزان كاشا).. بيعك بيعك فرتقك فرتقك عدمو المشروع نفاخ النار وحول الجنة النضيرة فيه الي ارض بور بلقع.. وتحت تحت كده قالو ضربو قروش تعويضات المزارعين وانقسم مزارعي الجزيرة ..ونعق البوم وتضامن عاليا مع الباعوض الذي يمتص دماء الغلابة في الجزيرة والمناقل.. وبالاضافة الي مشروع الجزيرة وعلي مرمي حجر منه قاموا ايضا بتدمير البنيات الاساسية لمشروع الرهد الزراعي ذلك الكنز الملي بالمزارعيين الحقيقيين والكوادر التي هي قادرة علي ادارة مشروع زراعي بمساحة السودان.. ومدني وكل المدن الاخري من السودان تترنح في اهمال اكبر في كل البنيات الاساسية ومواطنها مغلوب علي امر...
Post: #29 Title: Re: القصة شبع ولا طمع هي يا عمر البشير..!!!! Author: Manal Mohamed Ali Date: 01-14-2010, 10:44 PM Parent: #27
Quote: حسني مبارك ..
القذافي ..
سحنون وآخرون ...
ديل عميان منهم ..
الشهادة لله ..الرجال الجماعة الذكرتهم ديل ما احسن من بشيرنا في حاجة..بس علا بقدروا يسافروا محل ما دايرين ...وبخيمهم كمان اختلاف بسيط ولا يفسد للرئاسة قضية..مش كده
Post: #30 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 10:52 PM Parent: #29
Quote: الشهادة لله ..الرجال الجماعة الذكرتهم ديل ما احسن من بشيرنا في حاجة..بس علا بقدروا يسافروا محل ما دايرين ...وبخيمهم كمان اختلاف بسيط ولا يفسد للرئاسة قضية..مش كده
تحية وسلام يا منال.. لاحظي معاي المنطق العجيب الذي يعطي البشير حق مدة اطول في الحكم لمجرد ان قذافي ومبارك قعدو اطول..!!! وفعلا الاثنين ومعاهم سحنون القالو ده (رغم انو مافي رئيس اسمو سحنون ) جميعا يتمعتون بفرصة السفر والتجوال في كل البلدان ولكن زولنا محددين ليهو دائرة بلد بلدين ونص كده وحتي البلد بلدين ديل لمن يجي يمشيهن بكون هو بتراجف والبلد كلها تتراجف زي صحن الكاسترد
Post: #31 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 11:05 PM Parent: #30
مادام جينا مرورا علي ارض الجزيرة فمن الضروري ان ندي نواحي جوارها في ارض سنار ومكوار وضفاف النيل الازرق... ارض بكر ومشاريع ذات بنيات وخبرات زراعية في مشاريع النيل الازرق والسوكي ومشاريع شرق سنار والحجيرات الزراعي وودهاشم تم خرمجة كل علاقات الانتاج وتم دق جرس الدلالات في الكثير منها بل اغلبها واصبح المزارع يئن هو وابو عشرينه بحثا عن ماء وبحثا عن تيراب... وكل الاشياء الميري تم بيعها وعهد البشير المكنكش لم يتبقي له الا ان يفك خزان سنار باب باب ويبيعه.... بالاضافة الي تدني الخدمات الصحية في واحد من المناطق التي صنفتها منظمة العالمية كواحدة من اكثر المناطق في العالم التي تستوطن فيها الملاريا اللعينة مستشفي سنار وسنجة عبارة عن هياكل طوبية واسرة ترقد المرقود جنبا الي جنب مع المرضي ويشرب ما تبقي من دماء الغلابة.. ومشاريع ابوحجار وابونعامة تمت جوطة كل عقلية مزارعيها الذين اضحو لا يعرفون كوعهم من بوعهم..!! والامطار والفيضانات تمارس هوايتها التدميرية في ظل غياب السلطة التي تحفر المجري وتهتم بالمواطن
Post: #32 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 11:19 PM Parent: #31
وريثما نعود الي احوال البلاد والعباد في جغرافية اخري من جغرافية السودان التي تاكلت..!! ما نعرفه عن مدي نجاج اي سلطة مناط بها ادارة دولة هي الاشياء والثوانب الاتية التي هي قادرة علي جعل الوطن والمواطن في احسن حال.. 1- الحريات 2-حقوق الانسان 3- الشفافية في الامر الوطني 4-الاستقرار الامني 5-وحدة البلاد حماية حدودها البرية والبحرية والجوية 6- التنمية المتوازنة 7- الصحة والتعليم والخدمات الاساسية 8- الحضور الدولي ومقدرة راس الدول علي السفر لرعاية مصالح الوطن ديل 8 نقاط اساسية لو خضعنا تجرية عمر والبشير وفترة رئاسته في السودان ياتري كم ستكون هي نسبته المئوية.... عن نفسي احسبها بالسالب
Post: #33 Title: Re: القصة شبع ولا طمع هي يا عمر البشير..!!!! Author: ود الباوقة Date: 01-14-2010, 11:22 PM Parent: #32
كيكي ..
انصف وعدد الانجازات ..
Post: #34 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 11:27 PM Parent: #33
Quote: انصف وعدد الانجازات ..
النصيحة يا ود الباوقة مافي انجازات كده لمن ينضمو بيها...
Post: #35 Title: Re: القصة شبع ولا طمع هي يا عمر البشير..!!!! Author: ود الباوقة Date: 01-14-2010, 11:36 PM Parent: #34
مافي انجازات كده لمن ينضمو بيها...
كان كدا ودعتك الله ..
الكع ..
Post: #36 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-14-2010, 11:41 PM Parent: #35
Quote: كان كدا ودعتك الله ..
الكع ..
دي لييه ياخي ما بدري يا عمرو.. لو داير انجازات من عينة الكل اوضة وبرندة مطرفة لميتو فيها وعلمتو منها جامعة دي ما الانجازات العاوزنها لوطن حدادي ومدادي زي السودان ده ياعمر.. دي حاجات يا ود الباوقة تعال انت ده وانا بديك خمسين بوردابي وميزانية السودان بكرة حتعلمو احسن طريق واحسن اوضة وبرندتين كمان...
Post: #37 Title: Re: القصة شبع ولا طمع هي يا عمر البشير..!!!! Author: دينا خالد Date: 01-15-2010, 05:36 AM Parent: #27
يا كريم صباحك نور !
يا زول يحلنا الحلة بله .. اهو الحمدلله براااهم عارفنها ذى القذافى ومبارك وووووو اتشرفنا والله !!
هسه كنت بتونس مع الوراق فى بوست تانى قلت لى بس مشتهيين لينا واحد زلزال ذى بتاع هاييتى دا بسمع فى الجزيرة قال ليك كل المسئولين فى عداد المفقودين !!! ( اظنهم عندهم ليك ذى حى المطار دا مرطبين فيه) .. ولا اخبار من السيد رئيس الجمهورية حتى الان ...
Post: #38 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-15-2010, 08:47 AM Parent: #37
Quote: هسه كنت بتونس مع الوراق فى بوست تانى قلت لى بس مشتهيين لينا واحد زلزال ذى بتاع هاييتى دا بسمع فى الجزيرة قال ليك كل المسئولين فى عداد المفقودين !!! ( اظنهم عندهم ليك ذى حى المطار دا مرطبين فيه) .. ولا اخبار من السيد رئيس الجمهورية حتى الان ...
هلا يا دينا وحبابك والله.. وفرصة زي بتاعة هايتي دي جاتنا في محلنا في موجات الضباع والمرافعين التي هجمت علي المدن ولكننا شعب لا يلتقط الفرص فهذه الضباع وحتي الان يمكننا الاتفاق معاها في اتفاقية سفسفة القطط السمان مقابل الممرات الامنة لووووووول... والناس دي حجججهم واهية يا دينا والبشير ده مرشحنهو علي طريقة اخنق وفطس الشهيرة تلك وتحياتي
Post: #39 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-15-2010, 04:14 PM Parent: #38
ياسر عرمان والبشير مان تو تومان هو مانود ان نشاهده علي مسرح الاحداث السودانية وياريت كمان تتعمل مناظرات في كل القنوات السودانية ما بين الرجلين عشان نشوف بكان الرهيفة وين.. رهيفة في الوعي رهيفة في الفهم بماهية حقوق الاخريين والمواطنة الحقة ....
Post: #40 Title: Re: القصة شبع ولا طمع هي يا عمر البشير..!!!! Author: د.يوسف محمد طاهر Date: 01-15-2010, 07:08 PM Parent: #39
سلام : كيكي ... وين أراضيك يارجل ؟
Post: #41 Title: Re: القصة شبع ولا طمع هي يا عمر البشير..!!!! Author: khaleel Date: 01-15-2010, 07:23 PM Parent: #40
كيكي كيتا
انت عبد القادر كيتا وسيدو كيتا اخوانك
اسمع سحنون القالو ود الباوقة دا رئيس وين
Post: #42 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-15-2010, 07:45 PM Parent: #40
Quote: سلام : كيكي ... وين أراضيك يارجل ؟
هلا يا دكتور وتحياتي اخوك قاعد والله منطط عيونو في كراكير الغربة دي .. وكيف اخبارك
Post: #43 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-15-2010, 07:53 PM Parent: #42
Quote: انت عبد القادر كيتا وسيدو كيتا اخوانك
اسمع سحنون القالو ود الباوقة دا رئيس وين
انا ماعارف سحنون ده ود الباوقة جابو من وين..؟؟ عمر صحبك ده ظهرت عليه موخرا حالات بتاعة كلامات من خارج الراس يبدو ان تنحي حبيب قلبه البشير من الجيش اثر علي المخيخ الايسر بتاعو
وبعد اقربائي يا خليل لا هذا ولا ذاك بل انه واحد ود حور كده فنان مالي اسمو سالف كيتا
Post: #44 Title: Re: القصة شبع ولا طمع هي يا عمر البشير..!!!! Author: جعفر محي الدين Date: 01-15-2010, 08:17 PM Parent: #43
المرافعة الكيكية في هدم سلبطات الجبهجية الحكاية وما فيها يا عزيز هروب إلى الداخل أو سمه إن شئت انطواء ... فعمر البشير لم ولن يستطيع مناطحة العالم فلم يبقى له إلا الشعب السوداني الفضل لقينا مساكين والبليلة تأكل عشانا قال يحكمنا المرة دي ديمقراطية
المعركة في ابريل يا كيكي هي معركة سودان الوعي وسودان التبعية العمياء
Post: #45 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-16-2010, 08:05 AM Parent: #44
Quote: المرافعة الكيكية في هدم سلبطات الجبهجية الحكاية وما فيها يا عزيز هروب إلى الداخل أو سمه إن شئت انطواء ... فعمر البشير لم ولن يستطيع مناطحة العالم فلم يبقى له إلا الشعب السوداني الفضل لقينا مساكين والبليلة تأكل عشانا قال يحكمنا المرة دي ديمقراطية
المعركة في ابريل يا كيكي هي معركة سودان الوعي وسودان التبعية العمياء
هلا يا جعفر يا صديق الزمن الجميل.. ونعم انه هروب الي الداخل وتأكل ذاتي ونحر اوجبته الظروف التي صنعتها الانقاذ طيلة فترة وجودها في السلطة.. وعمر البشير معزول علي كل المحيط الدولي والاقليمي وحتي الابتسامات الصفراء من دول الجوار سريعا كا تتحول الي بوادر تهكم وسخرية ورغبة في التخلص من هذا الضيف الثقيل الظل.. سيذهب يا جعفر يا صديقي البشير كما ذهب فرعون وهامان وهولاكو والنميري وشاوسيسكو وكل الطغاة عبر التاريخ الانساني
Post: #46 Title: Re: القصة شبع ولا طمع هي يا عمر البشير..!!!! Author: د.يوسف محمد طاهر Date: 01-16-2010, 09:06 AM Parent: #45
الظاهر حيتكرر سيناريو برويز مشرف في السودان مع فارق ضعف المعارضة عندنا ...
Post: #47 Title: Re: القصة شبع ولا طمع هي يا عمر البشير..!!!! Author: الطيب رحمه قريمان Date: 01-16-2010, 09:22 AM Parent: #46
Post: #48 Title: Re: القصة شبع ولا طمع هي يا عمر البشير..!!!! Author: ايوب عبدالرحيم Date: 01-16-2010, 10:06 AM Parent: #47
Quote: الشرق ناس ادروب الحنان وهي اكثر جهات السودان تهميشا وحوجة للتعمير والبناء والخبز والتعليم
صدقت ياعبدالكريم
مررت قبل فترة بالطريق الشرقي ابتداء من بورسودان وحتى كسلا
وبكل صدق دمعت عيناي لما رايته من فقر وامراض وتهميش
رسالة الى مدعي ( الانجازات الحضارية للانقاذ )
التنمية الاقتصادية لاتقاس بوحدة او وحدات معينة بل تقاس بمقدار التنمية المتوازنة لكل المجتمع
وبالرجوع الى التعريف الاقتصادي اعلاه نجد ان التنمية في السودان سالب 100
لسبب بسيط ان كثير من البنيات التحتية قد دمرت
واصبح الدين يباع ويشترى بالاسواق
Post: #49 Title: Re: القصة شبع ولا طمع هي يا عمر البشير..!!!! Author: مهيرة Date: 01-16-2010, 11:19 AM Parent: #48
Quote: لي يا بشير داير البلد الحدادي والمدادي يقوم ويقعد بمشكلتك مع الجنائية..وكيف وانت غير قادر علي السفر الي الخارج لادارة مصالح السودان الخارجية وحضور المحافل الدولية التي يتمني الشعب هذا ان يكون له رئيس يذهب اليها وهو مرفوع الراس وقادر ان يدخل يدو في عين اي خواجة عينو خدر او اي دولة اخري.. كيف تحدثك نفسك بان تدير وتراس هذه البلد وانت غير قادر علي قطع اكثر من بحرين جوا..؟؟ كيف
القصة ما شبع لأنه عمر البشير شبع الشعب السودانى ذل وفقر ومرض ومغسة ،وبعد دة عاوز يدرق بالشعب دة من العدالة الدولية
Post: #53 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-16-2010, 12:01 PM Parent: #48
Quote: مررت قبل فترة بالطريق الشرقي ابتداء من بورسودان وحتى كسلا
وبكل صدق دمعت عيناي لما رايته من فقر وامراض وتهميش
رسالة الى مدعي ( الانجازات الحضارية للانقاذ )
التنمية الاقتصادية لاتقاس بوحدة او وحدات معينة بل تقاس بمقدار التنمية المتوازنة لكل المجتمع
وبالرجوع الى التعريف الاقتصادي اعلاه نجد ان التنمية في السودان سالب 100
لسبب بسيط ان كثير من البنيات التحتية قد دمرت
واصبح الدين يباع ويشترى بالاسواق
هلا ومرحب يا ايوب.. ونعم تلك المناطق هي الاكثر تهميشا وكل ضمير انسان حي يمر عبرها لابد له ان يدمع وينزف من دواخله النبيلة..ولكن لاحياة لمن تنادي فالكل مشغول بالسلطة وثروات البلد منهوبة وموجهه منى اجل خدمة مصلحة المشاريع الكرتونية..
قد سنين قليلة يا ايوب مررت بنفس الطريق في عبوري الي السودان برا.. فوجدت تماما ما وجدته انت ...
Quote: المرور عبر الفيافي والوديان والارض الجرداء بشرق السودان يولد حسرة والم عميق في القلب..من تلك المناظر التي تدمي وتنزل الدموع ...والعالم يناقش جدليات متقدمة من الرفاهية واحترام الانسان...نجد ان انسان تلك المناطق اشبه بالانسان الاول نتيجة للتهميش والاهمال التام من كل الحكومات التي مرت علي هذا السودان.. رجل كهل اعمي....يقوده طفلا فعل القمل براسه ما فعل.... واخر سليم معافي الا انه يمد يديه اليك طالبا خبزا..او قليلا من الدراهم.. واخرون يسومون (الدوم)..ويلحون عليك بقساوة ان تشتري.... اخر يملك (قهوة صغيرة)..يبيع الجنبة الادروبية الاصيلة.. واخر اكتر تمدنا....يملكون (مطعم ردي الطعام)..ولكن مكتوب عليه (كافتيريا تاجوج)..... كل تلك الدراما تتواصل بالكربون في كل المحطات التي كنا نمر بها ..في تلك المناطق.... اذن انها مناطق المهمشين في تلك الارض السودانية...وهذا هو التهميش الحقيقي... لاماء...لا تعليم واسواق تعج بالعطالة...وضعاف النفوس منهم يمدون اياديهم بالتسول علي القطط السمينة القادمة من ارض الخليج......... بداءت مظاهر فساد الدولة ظاهرة مبكرا ففي تلك (النقطة) التي يقع عليها مسوؤلية مراجعة اختام (مكافحة التهريب)...قال الشرطي المسؤول في تلك النقطة .. اختامكم دي ناقصة!!!!!!!! وطيب العمل شنو؟؟؟؟ عاين كدا.......حك راسه...وقال...خلاص بختمها ليكم..(لكن تشوفو لينا حاجة)!!!!!!!!!!! ختم الاوراق لما يقارب الستة سيارة اتية من الخليج.... وعندما انتظر (للزبالة)...(وهي مصطلح الرشوة عند البوليس السوداني) ..او (المادة 8.. لم يجد غير غبار تلك السيارات ...فقد هربنا جمعيا...وتركناه وهو ينادي....... تعال يا زول....تعال يا زول!!!!!!!!!!!!!!!!!!!!!!!! ولسع...فوق البلد سايرين.,...... ومرحب يا كسلا..(توتيل في المغارب)..القضارف (وربك عارف)... وابتداء الطريق في الاستواء..وظهرت الخضرة والماء والوجه الحسن.... وبدات السرعة في (الامبير),,,تعود الي معدلات الخليج...بعد معركة الشارع الردي مابين هيا و بورتسودان.....وكبري حنتوب ليلا....وعادت الي الاشياء طعمها الحقيقي...التمباك..الباعة..اغاني الكا فتيرات ليلا..اللغة.. ولكن..الناس...ليس هم الناس....!!!!!! ولسع مادين في حبل الصبر!!!وقربنا خلاص,,,,,,,,!!!!!!!
Post: #51 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-16-2010, 11:42 AM Parent: #47
Quote: فليسقط و طغمته الى الابد ...
الف مرحب يا الطيب تحياتي ونعم فلتسقط هذه الطغمة وفلتذهب الي مزابل التاريخ..
وباذن الله ح اديك طلة بهناك ونحكي ليك قصة ابوكدوس الذين يزين البروفايل بتاعي ودمت وشكرا علي السؤال فقد كنت في غيبة اوجبتها بعض الواجباب الملحة
Post: #52 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-16-2010, 11:42 AM Parent: #47
Quote: فليسقط و طغمته الى الابد ...
الف مرحب يا الطيب تحياتي ونعم فلتسقط هذه الطغمة وفلتذهب الي مزابل التاريخ..
وباذن الله ح اديك طلة بهناك ونحكي ليك قصة ابوكدوس الذين يزين البروفايل بتاعي ودمت وشكرا علي السؤال فقد كنت في غيبة اوجبتها بعض الواجباب الملحة
Post: #50 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-16-2010, 11:28 AM Parent: #46
Quote: الظاهر حيتكرر سيناريو برويز مشرف في السودان مع فارق ضعف المعارضة عندنا ...
هلا يا دكتور الحالة السودانية لا تختلف عن الحال الباكستاني في عهد الطاغي مشرف.. وهاهو ذهب الان مع الريح وترك الوطن يترنح من جراء اخطائه.. وحتما يا يوسف سيذهب البشير وزمرته ذات يوم من كراسي الحكم وسيعاني السودان كثيرا حتي يتعافي من اثر الاخطاء والتمزق الذي حاق بالوطن... الطغاة وعبر التاريخ لا يتعلمون من تجارب بعضهم
Post: #54 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-16-2010, 12:07 PM Parent: #50
سلام يا مهيرة وتحياتي ... وفعلا ده البحير والبشطب الراس بتاع الواحد... انهم يا مهيرة تحالف عريض من الانتهازيين والمنتفعين بضرورة ان يكون الرئيس هو عمر البشير وان تكون السلطة في يد الموتمر الوطني.. بالاضافة الي القصور في الوعي بالحقوق وثقافة الديمقراطية واحترام الاخر التي انعدمت في غالبية هولا القوم بفعل اصرار كل الانظمة الشمولية التي مرت علي السودان علي جعل الاجيال السودانية الناشئة ترضع من ثدي اعلامهم الموجهة توجيه دقيق من اجل تمجيد الفرد... ولكن غدا دوما اجمل وستعود كل الاشياء الي مكانها الطبيعي وسينزوي حملة معاول تغبيش وعي هذا الشعب الطيب
Post: #55 Title: Re: القصة شبع ولا طمع هي يا عمر البشير..!!!! Author: Elbagir Osman Date: 01-16-2010, 04:10 PM Parent: #54
الإنجازات..
هل ستكون أكثر وأكبر من إنجازات الإتحاد السوفيتي (الفضائية والنووية والعلمية)؟
التي لم تنفعه أمام المواطن الذي لم تجعله كل الإنجازات
يرضي بالإنتقاص من حرياته
الباقر موسى
Post: #56 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-17-2010, 06:11 AM Parent: #55
Quote: الإنجازات..
هل ستكون أكثر وأكبر من إنجازات الإتحاد السوفيتي (الفضائية والنووية والعلمية)؟
التي لم تنفعه أمام المواطن الذي لم تجعله كل الإنجازات
يرضي بالإنتقاص من حرياته
مرحب يا الباقر وكل الانجازات التي يملي بها اهل الانقاذ الارض ضجيجا هي انجازات يمكن لاي حكومة وفي اكثر الدولة تمزقا وانفلات ان تصنعها.. فهولا القوم يضعون حصان الان التنمية الكسيحة امام قطار الحريات والحقوق الاساسية للشعب
Post: #57 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-20-2010, 07:54 PM Parent: #56
ولايزال فيلم تراجيديا الصراع السوداني مدورة واعادة تدوير ازمة الشمولية تمشي علي قدم وساق .. وتساعدها في ذلك ايادي مرتجفة هلعة من صيحة الشعب التي ستاتي ذات يوم..
Post: #58 Title: Re: القصة شبع ولا طمع هي يا عمر البشير..!!!! Author: طارق ميرغني Date: 01-20-2010, 10:01 PM Parent: #57
القصة شبع ولا طمع هي يا عمر البشير..!!!!
الاتنين ................. يا ماكيكي
Post: #59 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-20-2010, 10:08 PM Parent: #58
Quote: الاتنين ................. يا ماكيكي
اووووه سلام يا طارق ومشتاقين وسعدنا ياخي بالشوفة وبتلك الجلسة الرائعة التي فيها عاد الينا وبحضورك وهج السودان ونحن في بلاد المنافي وشواطي الغربة ام دق.. ويا ريت ياخي تدينا طلات كمان وكمان.. .. والبشير كتل جدادة السودان في العشرين سنة الفاتت وعاوز يلملم البيض في الفترة الجاية وشكلو خلاص ارتاح وانداح في القصر الجمهوري ده ومتكيف من النجدات والبيارق والزيطة والزمبيرطة دي..
وكل التحية والتحية موصولة لصديقي وقريبك عبدالكريم الما كيكي
Post: #60 Title: Re: القصة شبع ولا طمع هي يا عمر البشير..!!!! Author: بهاء بكري Date: 01-20-2010, 11:02 PM Parent: #59
Quote: وبعض الصواني التي جملت علي حساب صينينة الغداء التي صارت بلا سلطة..
عبارة بليغة ياكيكي متابعين
Post: #61 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-21-2010, 04:32 AM Parent: #60
Quote: عبارة بليغة ياكيكي متابعين
هلا يا بها والبلد حكايتو اصبحت حكاية يا بها.. كنكشة بشيرية واصرار كيزاني عجيب علي مواصلة مسلسل الفشل.. والشعار المرفوع عاليا الان هو (اخنق وفطس)
Post: #62 Title: Re: القصة شبع ولا طمع هي يا عمر البشير..!!!! Author: Nader Abu Kadouk Date: 01-21-2010, 07:02 AM Parent: #61
كيكي يا حبيب خليك زول حقاني
من بعض إنجازات الإنقاذ
المشروع الحضاري
تحرير السوق
تدمير التعليم
تجويع المواطن
قتل وتعذيب المعارضين
حرق دارفور
إغتصاب النساء والاطفال
حبس الريس داخل السودان
وووو
تقول لي شنو و تقول لي منو
Post: #63 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-21-2010, 02:12 PM Parent: #62
Quote: المشروع الحضاري
تحرير السوق
تدمير التعليم
تجويع المواطن
قتل وتعذيب المعارضين
حرق دارفور
إغتصاب النساء والاطفال
حبس الريس داخل السودان
هلا ياكدوك ونعم الانجازات وهي لله ..هي لله لا للسلطة ولا للجاه... من اوائل ايامات الانقاذ الشعب نقش القصة ودشنو الحديث السوداني الشهير بني الانقاذ علي المشروع الحضاري والمشي الكداري والتجنيد الاجباري وسنضيف عليها الان الضباع والمرافعين الجاية من البراري
Post: #64 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-21-2010, 02:24 PM Parent: #63
بعدالاذن من الاخ هشام هباني صاحب البوست الذي وردفيه هذا الفيديو العجيب الرهيب... وتجوش النفس بالامال يا وطني
Post: #65 Title: Re: القصة شبع ولا طمع هي يا عمر البشير..!!!! Author: د.محمد حسن Date: 01-21-2010, 03:07 PM Parent: #64
شبع + طمع + هلع
Post: #66 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-21-2010, 03:10 PM Parent: #65
Quote: شبع + طمع + هلع
هلا يا دكتور وبيني وبينك اوكامبو الدخلها في الزول ده تخليهو يكنكش زيادة لكي يحتمي بمليون ميل مربع ومقدرات وطن حدادي ..
اوكامبو
Post: #67 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-23-2010, 10:08 AM Parent: #66
مادام مافي اجابات واضحة عن ماهية القصة كونها شبع ام طمع.. وكوننا كنا نطمع من اجابات مقنعة من التيم الانقاذي العامل في الفضاء الاسفيري.. خلونا كدي نتحرفن براانا كده وناخذ الافتراضين... ونشوف..!!! شبع...!!! يبدو جليا بان القصة البشيرية هي شبع ورغبة في البقاء تحت الاضواء والفلاشات التي تضرب يوماتي رحيل وايضا القصور والمفارش المصنوعة من ريش النعام المجلوب من غابات الوطن التي احترقت من اثر الرصاص والقرنوف.. ويبدو جليا بان الضابط السابق وبعد ان انتهي من كل طوابير العسكرية السودانية من صفا وانتباه يريد ان يمارس طابور من نوع اخر... طابور سلام جمهوري لا يعزف له الا في دول الجوار.. وفي ظني بان البشير لو استمر لاربعة سنوات قادمة لنست كل الدول الاخري نوتات السلام الجمهوري وسيحتاج تيم البروتكول لدروس شاقة لتذكر موسيقي السلام الجمهوري... يبدو ايضا ان البشير قد اتاه الوحي الذي يوحي وحدثه بانه الذي ارسل من قبل الرب كرسول عناية الهاية لشعب من شعوب العوالم الافريقية يسمي بلاد السودان به قوما لابد من ضربهم ضرب غرائب الشعوب الافريقية الرعديدة..
وسنعود الي احتمالية كون الامر طمع
Post: #68 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-23-2010, 10:24 AM Parent: #67
فلنذهب الي احتمالية كون الامر (طمع).. يبدو ان الريس يريد ان يكسر الرقم القياسي في طول فترة حكم السودان.. ومنذ دولة سوبا مع اني ماعارف مدة حكم دولة سوبا لكني اظن بانها لن تكون باي حال من الاحوال اسواء بما فيها عجوبة التي قيل كذبا وبهتانا بانها خربت سوبا... فهو اذن طمع لسرقة الدور التاريخي لعجوبة وتسجيله في موسوعة جينتس باسم عمر حسن احمد البشير...!!! وقد يكون ايضا طمع من نوع اخر في ترويض جغرافية السودان وتقليصها الي (دولة بكرت) مثلما ينادي اهل الخيال الواسع سيجارتهم بالسيجارة ام كرت.. فيريد جنوبا ان يوكل الجنوب انفصالا وشرقا الفشقة وحلايب.. وليس هنالك موانع من اعطاء ليبيا بعض تخوم جبال عوينات وافريقيا الوسطي يمكن اعطائها حتي تخوم كافياكنجي وتبقي الدولة السودانية البشيرية الكيزانية الانقاذية الطيب مصطفوية دولة علي مساحة اقل من مساحة فلنلدا فالعصر هو عصر (تصغير) ... والمهم الله وحده اعلم بامر البشير واعمل ايضا في ايتها احتمالية هي الاقرب الي الواقع الطمع او الشبع ام الاثنين معا
ام الامر حقاررررررات
Post: #69 Title: Re: القصة شبع ولا طمع هي يا عمر البشير..!!!! Author: سعد مدني Date: 01-23-2010, 03:52 PM Parent: #68
العزيز كيكي
تحياتي
Quote: ام الامر حقاررررررات
الموضوع شكلو كلو حقارة بس، و كما قال ( الما عاجبو يلحس كوعو).. الامر حقارات و إساءات في الفاضية و المليانة لكن دي كلها فرفرة مذبوح..سرعان ما يهمد بلا حراك..
Post: #70 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 01-24-2010, 04:27 AM Parent: #69
Quote: الموضوع شكلو كلو حقارة بس، و كما قال ( الما عاجبو يلحس كوعو).. الامر حقارات و إساءات في الفاضية و المليانة لكن دي كلها فرفرة مذبوح..سرعان ما يهمد بلا حراك..
هلا يا سعد ويبدو فعلا بان الامر حقارات وعين قوية وسن ملوية ورغبة في التحكم في مصائر البلاد والعباد مع سبق الاصرار والترصد بدون موهلات واستنادا علي تجربة جرت في عشرين سنة وكل العالم شاف تبعاتها من تمزيق وفساد حروب واخر النهاية جابت ليها طلبية من العدالة الدولية والشاويش الدولي اوكامبو طالع مامورية مخصوصة تحت عنوان القبض علي البشير... ولكن رغم كل هذه الاهوال يصر البشير وقومه علي المشي في درب الالغام التي هي قادرة علي فرطقة السودان صامولة صامولة.. ولكن ومهما طال السفر فلابد للمغامرات باسم الشعب السوداني ان تنتهي وياخذ الجاني جزاه العادل
وكل الود والتقدير
Post: #71 Title: Re: القصة شبع ولا طمع هي يا عمر البشير..!!!! Author: د.يوسف محمد طاهر Date: 01-25-2010, 05:49 AM Parent: #50
لك التحية أخي : كيكي
Quote: سيذهب البشير وزمرته ذات يوم من كراسي الحكم وسيعاني السودان كثيرا حتي يتعافي من اثر الاخطاء والتمزق الذي حاق بالوطن...
صحيح كل الشواهد تؤكد بأن ذهاب الطاغية يعني خراب الوطن , ودونك الصومال بعد ذهاب سياد بري , والكنغو بعد ذهاب مبوتو سيسيكو والعراق بعد ذهاب صدام حسين والأمثلة كثيرة ... سؤالي يا كيكي هل نتوقع أن يعاني السودان أكثر من معاناته الحالية إذا ذهب البشير ؟ هذا ما لا أعتقده ولا أتمناه ... على فكرة يا كيكي كثير من الملتفين حول الحكومة الآن من أصحاب المصالح , فإذا رأوا مصالحهم في التغيير سينجرفوا خلفه ...
Post: #72 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-11-2010, 10:40 PM Parent: #71
Quote: سؤالي يا كيكي هل نتوقع أن يعاني السودان أكثر من معاناته الحالية إذا ذهب البشير ؟
هلا يادكتور واسف علي التاخير .. فنحن نعود وصاحبني لا يزال يمارس الكنكشة الشديدة المفاجئة في كرسي امور البلاد والعباد... ويايوسف لو ذهب البشير السودان ده عوووجة وااحدة ما بتجيهو بل بالعكس غياب هذه الطغمة يعني عودة الامور الي نصابها الديمقراطي وعودة الروح الي جسد الوطن الذي اتشل في العشرين سنة ونيف.. وحكاية انو البشير لو كسح الامور حتجوط دي دعاية كيزانية واشاعة يحاولون بها تخويف الناس واثارة غبار كثيف يحول دون حلحلة البشير من هذا الكرسي الذي اراه مكنكنشا فيه كنكشة السنين
Post: #73 Title: Re: القصة شبع ولا طمع هي يا عمر البشير..!!!! Author: حبيب نورة Date: 02-11-2010, 10:46 PM Parent: #72
Post: #75 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-11-2010, 10:53 PM Parent: #74
Quote: لن يضيع دمك هدراً
نعم يا حبيب نورة وتلك الدماء الطاهرة التي سالت من هذا الفتي السوداني الاصيل لن تضيع هدرا وسياتي يوم القصاص وان طال السفر.. وكاني اري روحه الطاهرة تعانق ارواح بشير الطيب وطارق وسليم والتاية وكل شهداء الوطن (اجمل الناس) الذين اغتالتهم ايادي البشير المرتجفة وعصابات امنه التي حتما سيقتص منها هذا الشعب ذات يوم
Post: #76 Title: Re: القصة شبع ولا طمع هي يا عمر البشير..!!!! Author: مرتضى احمد عبد القادر Date: 02-11-2010, 11:08 PM Parent: #75
Quote: القصة شبع ولا طمع هي يا عمر البشير..!!!!
القصة بقت أكبر من شبع وطمع القصة انو في محكمة دولية بقت راجيهو هسي الراجل دا يفكها عشان يجي الزول الجديد يسلمو للمحكمة دي !!
Post: #77 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-11-2010, 11:21 PM Parent: #76
Quote: القصة بقت أكبر من شبع وطمع القصة انو في محكمة دولية بقت راجيهو هسي الراجل دا يفكها عشان يجي الزول الجديد يسلمو للمحكمة دي !!
هلا يا مرتضي وحبابك.. وغايتو الجنائية دي مافي منها مفر ابدا.. فهي سيك سيك معلقة .. اوكمابو قاااعد زي الشرك.. البشير يفوز .... اوكامبو يقبض البشير ما يفوز اوكمابو يقبض (اوكما قال ادروب)
Post: #78 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-28-2010, 05:33 AM Parent: #77
اها ياجماعة زولنا ده انسحب ولو لسع مصر علي الحكاية دي ..؟؟؟
Post: #79 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-28-2010, 06:26 AM Parent: #78
اذن مادام مافي تنازل طوعا او قسرا فباسم الجخانين والكراكير نطالب السادة في موتمر جوبا بالاتي.. 1- الاتفاق علي مرشح واااحد (والله واااحد) يخوض معركة هذه الانتخابات (المعيبة)... مرشح واااحد يقف معه الجميع بكل نكران ذات ومثابرة وحماس... حتي نضربن هذا الموتمر الوطني ضرب غرائب الابل الانتخابية 2- مكابسة الكيزان في كراكيرهم الانتخابية الكرتونية التي شيدوها لي لو-لوة راس هذا الشعب الفضل 3- علي السادة الانصار والختمية تفعيل دورهم التاريخي والديني والطائفي 4- علي السادة الحركة الشعبية تحريك كل افراد الكتائب الشهيرة التي تحولت الي قوي مدنية من كتائب جاموس وكتينة زعلان وكل المهمشين في كايا ونمولي وواو وليري ولانجا ومنقلا ورومبيك 5- علي السادة ادروب ان ياتو من الشرق الي الصناديق وكلمة السر هي حلايب 6- علي السادة مشروع الجزيرة تذكر ايام ذلك المشروع المخملية وايامات الرخاء وسطوة هذا المشروع الذي ارسلت اليه الانقاذ البوم والجراد والقمل 7- علي السادة المناصير ونوبة الشمال ان ياتو وسيرة القتلي والسدود التي قتلت وشردت 8- علي السادة دارفور الحضور وسيرة الارواح التي صعدت الي السماء ممتزجة بسيرة السحل والاغتصاب والتدمير.. 9- علي السادة جبال النوبة والنيل الازرق وكل سادة الهامش 10 - وننادي ايض سادة ام المدائن الخرطوم التي صارت في عهد الانقاذ مدينة تخترقها اللاندكروزرات ليلا والسلطة اخر من يعلم
Post: #80 Title: Re: القصة شبع ولا طمع هي يا عمر البشير..!!!! Author: Yassir Tayfour Date: 02-28-2010, 08:41 AM Parent: #79
Quote: هلا يا مرتضي وحبابك.. وغايتو الجنائية دي مافي منها مفر ابدا.. فهي سيك سيك معلقة .. اوكمابو قاااعد زي الشرك.. البشير يفوز .... اوكامبو يقبض البشير ما يفوز اوكمابو يقبض (اوكما قال ادروب)
يا كيكي كانصّر أوكامبو الذي أصاب البشير لا تعمل معه العقاقير بكل أنواعها، حتى البلدية منها، فهو ملاقيه عاجلاً أم آجلاً، وإن فاز ب 99%، وجماعته في الحزب الحاكم، سوف لن يصبرون على رئيس مشلول الحركة، ولا تنسى غبائنهم المتوارثة بسبب المفاصلات، وعمليات الإزاحة والتهميش التي تصيب هذا وذاك، وأيضاً لا تنسى التكتلات الموجودة حالياً، مجموعة علي عثمان ومجموعة نافع، وعدم الثقة الذي أصبح أدباً سياسياً عندهم؛ ومعركة الشرفاء طويلة، ففي كل يوم جديد الشرفاء يتمددون، شيئاً فشيئاً، لو نظرت لحركة المعارضين في سنين الإنقاذ الأولى، وقارنتها بما نحن عليه الآن، سوف تجد الفرق شاسع، الدولة التي كانت تحصي انفاس الناس وتعاقبهم بالظنون وبالنيات، وبإعتبار ما سيكون، أصبحت تسمع ما يعيبها ويكشف عورتها صباحاً ومساءاً، ولا تلوى على فعل شيء، مشروع تفكيك المشروع الحضاري يعمل بالثانية والدقيقة، وإن كان بطيئاً، وسوف يتفكك مشروعهم الحضاري بمزيد من هذه الديمقراطية التي يدعون لها بغير إيمان، وبقوانينهم التي أعدوها، سيلقون حتفهم، وسيذهب دعاة الهوس الديني الجاهل وتجار المصاحف إلى مزابل التأريخ..
Post: #81 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-28-2010, 09:19 AM Parent: #80
Quote: مشروع تفكيك المشروع الحضاري يعمل بالثانية والدقيقة، وإن كان بطيئاً، وسوف يتفكك مشروعهم الحضاري بمزيد من هذه الديمقراطية التي يدعون لها بغير إيمان، وبقوانينهم التي أعدوها، سيلقون حتفهم، وسيذهب دعاة الهوس الديني الجاهل وتجار المصاحف إلى مزابل التأريخ..
نعم يا ياسر وتحياتي.. وفعلا المشروع الحضاري سي الذكر تفككت صواميله صامولة ..صامولة.. وكل يوم وثانية هذا الشعب يجدع صامولة منها الي مذبلة التاريخ ورغم ان المسيرة لا تزال طويلة الا ان المثابرة وحراك الاشياء نحو الديمقراطية هي التي تكسب وفي مسيرها حاملة معها الانقاذ وسادتها بكل هدوءوحرفنة... والجنائية صارت هي الكابوس والمحرك الاساسي لكل (حراق الروح) الذي اصاب البشير وعصابته ويدرون هم جيدا بانها كشوكة الحووت لا بتعدي ولا بتفوت مهما ما مارسو من فرفرة وجقلبة وتكتكيات..!!! الموتمر الوطني يا ياسر يحمل جينات فنائه في داخله وتلك اللمة التي شيدت من اجل المصالح ستتفرتق ايضا من اجل المصالح وكما قلت قريبا ستطفو الي سطح السطح صراعات التيارات واللوردات الكيزانية والبشير سيكون اول ضحايا ديربي تلاميذ شيخ حسن الترابي الذي اهلكو البلاد وقمعو العباد...
Post: #82 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-28-2010, 09:51 AM Parent: #81
ومادام الكنكشة هي سيدة الموقف عند الضابط السابق بالجيش السوداني.. ومادام الرمز الانتخابي بتاعه هو (الشجرة)... اذن الان ورغم حبنا للشجر والخضروات والطماطم الا ان شجرة عمر البشير دي بالذات دايرين معاه سياحة اركلوجية... شجرة ده لازم يتقطع..!! والقطع زاااتو ليس علي طريقة (الكبر) الشهير والتي تعالج الساق بضربات فاس..لالا.. بل (ام بحتي) وام بحتي هي عملية قلع الاشجار من جذورها العميقة وما تتخلي جذر في الارض التي كانت فيها الشجرة في السابق..!! لانو شجرة عمر البشير ده لو فضل فيها(تعريفة) في الارض فانها ومع اول مطرة او رشة بتاعة موية ستقوم وتنبت ديكتاتورية وقمع وقتل.. لذا وجب ضرب هذه الشجر في الركب الجذورية وقلعها مرة واااحدة... وبعد داك تذهب الي مذبلة التاريخ هي مخيرة تذهب الي لاهاي هي مخيرة.. تذهب الي السجون السودانية بتهمة تمزيق البلاد وقتل العباد هي ايضا مخيرة.. فالمهم هو توضيب هذه الشجرة وهزيمتها هزيمة تاريخية في خيار الصندوق ورغم قصوره الا ان قادرا لو تكاتف الجميع ونكر الذات.. وسنعود الي شجرة عمر البشير..
Post: #83 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-28-2010, 12:44 PM Parent: #82
وحتي ناطر وناصل لقطع الشجرة من الضروري الافادة بان كل مرشح انتخابي للموتمر الوطني هو في هذه المساحة مرشح برمز الشجر ويجب ان تقطع لذا.. علي اهل مروي قطع شجرة صلاح غوووش تلك الشجرة المجرمة التي قطعت وعذبت وسحلت وكتلت بناء هذا الشعب في كراكير بيوت الاشباح.. وشجرة علي كرتي اينما وجدت فهي الي قطوع انتخابي وزوال فهي شجرة كانت رائدة في مليشيات الدفاع الشعبي وكتلت عيال الناس...وسوقت خارجيا الي خطاب الانقاذ المندس.. وكل شجرة كيزانية نازلة في اروقة الانتخابات فهي مطالبة في محكمة القطع الناشف..!! فليقطع الشعب ويزيل عن راسه هذا الكابوس العجيب
Post: #84 Title: Re: القصة شبع ولا طمع هي يا عمر البشير..!!!! Author: معتز القريش Date: 02-28-2010, 04:37 PM Parent: #83
Post: #85 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-28-2010, 05:02 PM Parent: #84
اوووه البوووق الاسفيري للموتمر الوطني (علي قولة ود الامير)... زولكم ده لقي الفلاشات والبيرقات وجخانين شيرتون الدوحة دي فاكيد حيقوم يكنكش زيادة وتاني بموتر قريدر الشعب ده ما يجرو يطلعو من القصر الجمهوري.. فيا قريشن ما تشكر لي الرواكيب الديكتاتورية في الخريف ساااكت صدقني لو دام الملك لدام لسليمان عليه السلام...
Post: #86 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-28-2010, 08:47 PM Parent: #85
حواء وكمابو علي ضفاف وهامش حكاوي الشبع والطمع..
حواء مقارز غيرت اسمها لحواء اوكامبو.....!!!! ما ان انفقعت البلد من اعلاها لادناها ووقع الخبر في اضان حواء عمر الشهيرة في الحي اللاتيني بحواء مقارزحتي وقع ليها الامر في جرح وافتت ذات لمة نسائية ضاجة...هييي انا من يوم الليلة اسمي (حواء اوكامبو) والبتقول لي مقازر منكن تاني الا ادقها وامعط شعرها...واجرها في شوك فريق وراه ده...والحاضر تلكم الغائبة وياسجم كلمن برضو رجالكن الشابكني مقارز ازيك مقارز اصبحتي مقارز دايرين كوارع وافتت بمرح بان بعضهم ايضا يردد امامها (حييييييي انا يا يا مقازر)...!!! كلمتكن انا حواء مقارز تاني مافي..!! حواء اوكامبو بس والغالبو اسم حواء اليقول لي اوكامبو حفيااااان كده بقبلها منو...!!! في هذه الجلسة كانت الاسطورية النعمة هي محور الحكمة والتفتيحة الكبيرة العارفة تداعيات الامور وما خلفها لعملها اليومي في ردهات مكاتب الولاية ككبيرة الفراشات..لذا فهي جايبة كل الخبورات ودهاليز الميري وقصص الوالي وحاشيته..!! وهنا افتت بذعر واضح وصوتها الرجالي الجهور...!! هيييي يا حواء انتي جنيتي ولا شنووووووووووووو...؟؟ انتي ما عارفة ابو كامبو ده منو..؟؟ عااارفاهو يا ياختي...وقالوا برازيلي حواجبو يا يمممة ترك فيها الصقر وقالوا داير يمسك ود البشير ويكرندوا..واتحكر يا يمة في لاهاي قالو ليك البرازيل دي ما بمشيها الا في السنة مرة مرة وحااالف بالتكتلوا الا يجيب خبر دارفور...!! قااااااعد مقرازي دولي يا يمة ينده في القوائم ساااااااااكت...!! ود هارون ندهو وود كوشيب ندهو والحكومة عملت نااااائمة ولبدتم يا يمة في الكراكير..!! واها لمن شاف اللبيد كثر دق الصفائح ونده البشيررررر ذاااتو وقال لسع عندو (فردة كوشتينة عديللللللللللل كده راجي بيها الدقانة ديل ) واش معني ما اقبل اسمي حواء اوكامبو...!! فرقي شنو من ناس الكورة والغناء والرسامين في البلد دي...!! لو هم حرفاء في شغلتهم انا كمان حررررريفة ولفيفة في مقارزي العارفها الفريق جتتتتتتتتت زي جوع بطنهم...!! ايش معني عمر ود عوضية لمن جضم الكفر شبكوا ماردونا مارودنا... وطه ود عجوز لمن كان باك يلتل شبكوا بريمن بريمن بريمن...!! وزيدان ود عشة سموا علي الدولي زيدان....!! تونة بت جعفر لمن غنت بصوتها الرقيق وكتلت حسيسها شبكوها فيروز فيروز...!! حتي ابراهيم السوق في جريهو الفي الظلط ده شبكو شوماخر شوماخر وفلة الشين لمن رسم ليهو وش وشين زي الكبك اتجاريتو وشبكتو بيكاسو ..بيكاسو اها انا كمان دولية يا اختي وياهو زول شغلتي جاني في محلي...اوكامبو ...!!!!
Post: #87 Title: Re: القصة شبع ولا طمع هي يا عمر البشير..!!!! Author: Hani Arabi Mohamed Date: 02-28-2010, 09:11 PM Parent: #86
يستحق كثير من سياسيي السودان منحهم جنسية إحدى الدول المجاورة لأنهم دائماً عملوا على خدمتها أكثر من عملهم على خدمة وطنهم الذي يحكمونه
أو يعارضون فيه
Post: #88 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 02-28-2010, 09:27 PM Parent: #87
هلا يا هاني وكما حملت المياه في ربوع السودان التي تئن وتستغيث هذه الشجرةالي مسافات بعيدة سيحمل هذا الشعب الجلاد عمر البشير الي مسافات بعيدة في مزبلة التاريخ...
Quote: يستحق كثير من سياسيي السودان منحهم جنسية إحدى الدول المجاورة لأنهم دائماً عملوا على خدمتها أكثر من عملهم على خدمة وطنهم الذي يحكمونه
أو يعارضون فيه
وكل زمرة الموتمر الوطني مستحقة لجنسيات مصرية وحبشية وليبية وكينية وافريقية وسطي وتشادية وكنغولية ويوغندية..
وكل التحايا والتقدير علي المرور
Post: #89 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-01-2010, 05:26 PM Parent: #88
جابت ليها رقيص بامبنغ وجالوه في ربوع جوبا حيث خور كربعو معقل الفقراء الذين انكو بنيران الحرب...
الرقيص هين فحذاري من الكانجي مورو في وسط هذه الهوشة والتهاتف الانتخابي حتي لا يخش مرشحنا الرئاسي في امر ضيق مع مجلس الافتاء الشرعي وهيئة علماء السلاطين
Post: #90 Title: Re: القصة شبع ولا طمع هي يا عمر البشير..!!!! Author: عامر باضاوي Date: 03-01-2010, 10:00 PM Parent: #89
Post: #91 Title: Re: القصة شبع ولا طمع هي يا عمر البشير..!!!! Author: Saifelyazal Elmaki Date: 03-02-2010, 07:26 AM Parent: #90
عبد الكريم سلامات والله يا خوي المحيرني رقيص البشير مرات صدقني بخجل . . . بعدين أمس في جوبا الراجل ده كشف كشف السنين يبدو لي طول الغيبة السلطة فعلا مرض عضال مع استحالة علاجه
Post: #92 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-02-2010, 10:49 AM Parent: #90
Quote: عندما قامت الجبهة الاسلامية بالانقلاب على الديمقراطية فى 1989 كانت قد خرجت على الناس بدعاوى العدالة و التنمية و وعدتهم بالرفاهية و الرخاء. بعد مرور زمن قليل على الانقلاب ظهر للناس الوجه المظلم للنظام. الشئ الذى يتناقض مع ما دعوا له صباح انقلابهم على الديمقراطية و يتناقض كليا مع كل مبادئ الدين الاسلامى. لذا احتاجت الجبهة لاستخدام الاعلام لتفادى كشف زيف ادعاءتها و لتضليل الراى العام و ايهام الشعب ان ما يراه و يعيشه من ضنك و ظلم و ماعاناة ليس هو الحقيقة لكن الحقيقة هى ما تدعيه و تسوق له عبر آلتها الاعلامية المضللة. نظريا مصطلح الدعاية (propaganda) يعنى نشر المعلومات لتصل لاكبر عدد من الناس. و قد برعت الانقاذ فى استخدام الدعاية بغرض تضليل الجماهير و تغطية فشلها و فسادها الواضح للجميع و بغرض اسباغ الوان مكياج براقة تخفى قبح ممارساتها. الدعاية الخادعة تعنى استخدام رسائل مغلوطة او اراء مضللة او الاشاعات للتاثير على اراء الناس و توجهاتهم. تستخدم هذه الدعاية لتغييب وعى الشعب و لجعله لا يرى بديلا لمن هم فى السلطة و تغبيش الواقع عليه فلا يعرف ما هو الصواب او الخطأ. ـ ايضا تهدف لزعــزعـــة الثقــة في نفـوس المواطنين و تشكيكهم بنزاهة قياداتهم و زرع الياس و الاحباط فى النفوس من انهم سيقدرون على تغيير النظام. و يتم كشف زيف تلك الدعاية بتنوير الناس بطرق عملها و اثارها المدمرة. و يزداد اهمية تعريف الناس بهذه الخدع الدعائية من اجل فهمها لا سيما بعد فتح ابواب الحملات الانتخابية مؤخرا. تعمل الدعاية المضللة على التأثير على سلوك و خيارات الشعب وتجعله لا يرى غير الجبهة بديلا وهى تعتمد على مداعبة الحاجات البشرية للناخب من طموحات وامال و مشاكل و مع التركيز الشديد على استثارة مشاعر الخوف و الشك و الغاء قدرته على التفكير و التمييز. برعت الجبهة فى استخدام استراتيجيات الدعاية المضللة و التى من اهمها ما يلى:
1- خدعة عقلية القطيع (Bandwagon): تستخدم هذه الخدعة لترغيب الضحية لاتباع افعال الجماعة او القطيع (كما قال حسن الترابى). حيث ان للبشر ميل نحو اتباع الجماعة و ذلك بحثا عن الامن و للخوف من تبعات ان يكونوا مختلفين عن اعضاء مجموعتهم. و هى تهدف لاقناع الفرد بان الفريق ما هو الذى سيربح لانه يضم الاغلبية و ان الكثيرين قد انضموا له. و بما ان الكل يريد ان يفوز لذا سيتبع الاكثرية التى تضمن له ذلك. امثلة لذلك ان تنشر الصحف المحلية استطلاع رأى اجراه مركز اعلامى يتبع للنظام و الذى توضح نتائجه ان 90% من السودانيون سيدعمون البشير فى الانتخابات القادمة. استطلاع لم يسمع به احد الا على صفحات الصحف. حيث ترسل مثل هذه الاستطلاعات رسالة للقراء مفادها بان الاغلبية تدعم البشير لذا سيفوز و ان معارضيه فئة قليلة لذا لا طائل من معارضتهم له و ما عليك الا الانضمام للاكثرية التى تدعمه. و ايضا هناك مثال اخر و هو ان احزاب الوحدة الوطنية و عددها 28 حزبا تدعم ترشيح البشير لرئاسة الجمهورية و غيرها من الامثلة الكثيرة التى تضج بها صحافة بلدنا المريضة من شاكلة 2000 من القبيلة الفلانية ينضمون الى المؤتمر الوطنى...الخ. فالخدعة تقول بما ان الجميع سيدعمون البشير لماذا تخاطر انت و تكون نشاذا و تدعم غيره و تغامر بالخسارة.
2- خلط الاوراق او ما يسمى بالحذف المقصود للمعلومات (Card stacking): و هو يتعلق بتقديم المعلومات التى تخدم الحكومة فقط و حجب كل المعلومات الاخرى التى تضر بها و تكشف سوء ممارساتها. و هو يستخدم للخداع و ذلك بحجب الحقائق و التركيز على جزء بسيط منها. مثلا عندما كشفت صحيفة مصرية عن ان اسرائيل قصفت قافلة سودانية شمال بورتسودان و ان القافلة كانت تهرب اسلحة ايرانية للفلسطينين و تبعتها صحف عالمية اخرى تحدثت عن ان المعلومات عن هذه القافلة قام بتسريبها جهاز الامن السودانى للامريكان فى اطار استجداء ود الامريكان و تفاصيل اخرى مخجلة. وجدت الحكومة ان لا فائدة من انكار المعلومات فطفقت آلة المؤتمر الاعلامية تحدثنا عن ان القافلة كانت تهرب لاجئين اريتريين و صوماليين هاربين من دولهم,و كان كل الحديث عن اللاجئين و ليس عن الاسلحة او ايران او اسرائيل و ركزت على الصومال ومشاكله الداخلية التى تجعل مواطنيه يركبون الصعاب للهجرة للخارج. فى الاحوال العادية عندما تهاجم اسرائيل فلسطينيا واحدا تقوم كل آلة الحكومة الاعلامية بالشجب و الادانة و الاستنكار و تخرج المسيرات للتنديد وتتواصل التغطية لذلك الحدث لايام عديدة ولكن ان تقصف الطائرات الاسرائيلية السودان فان نفس التغطية الاعلامية المضللة تستخدم ليس لكشف ما حدث و لكن للتغبيش على الراى العام واخراج صورة مغايرة لكل ما حدث.
3- استخدام الكلمات البراقة (Glittering Generalities): و هى استراتيجية تهدف لعمل ارتباط بين كلمات "نبيلة" و معانى "سامية" و نشاطات الحكومة و ذلك لكسب دعم الجمهور دون الحوجة للبحث عن ادلة تثبت وجود ارتباط بين تلك الكلمات البراقة و ممارسات النظام. مثلا تجتر وسائل الاعلام عبارات مثل دولة الشريعة فى اشارة لحكومة البشير.و الكل يعلم مدى بعد هذه الحكومة عن الشريعة و عن عدالة الاسلام لكن خلق رابط بين الحكومة و فكرة الشريعة الاسلامية العادلة و التى تهدف لخلق مجتمع متساوى فى الحقوق و الواجبات و كل المعانى الايجابية للشريعة يهدف لاضافة زخم لنظام ينتهك ابسط مقومات الشريعة و يخالف السنة النبوية فى ابسط تعاليمها. قال رسول الله (ص) لو ان فاطمة بنت محمد سرقت لقطع محمد يدها. يا ترى ماذا فعلت دولة شريعة البشير مع جرائم اخوانه عبدالله و على و العباس و من اين لهم هذه الاموال والاستثمارات الضخمة.
4- احسن السئيين (Lesser of Two Evils): و هى استراتيجية تهدف لاقناع الشخص بان الحكومة الحالية هى احسن السئيين. حيث يتم عمل مقارنات مجحفة بانظمة اخرى و عادة ما يقترن هذا الاسلوب بالقاء اللوم على عدو معين او حزب او دولة اخرى. و يتم التركيز فى هذا الاسلوب على ان الناس امامهم خيارين لا ثالث لهم اما الحكومة الحالية السئية او حكومة غيرها اسواء منها. مثلا يقول احدهم بان البشير ورغم مشاكله الا انه افضل من ياسر عرمان و ذلك لان البشير مسلم و ياسر علمانى و يدعو لفتح البارات و المواخير. او ان الحكومة الحالية افرادها قد سرقوا المال العام حتى اكتفوا و شبعوا فيجب الحفاظ عليهم خوفا من ان يتولى الحكم اناس اخرون جائعون يبدأون سرقة البلد من جديد. و هو منطق فاسد يصور كل من يأتى للسلطة على اساس انه لص يرغب فى سرقتها كما يفعلون. او الهجوم على محكمة الجنايات الدولية و اتهامها بانها تغفل التعامل مع اسرائيل رغم جرائمها الفظيعة و تتهم البشير. اذن من باب اولى اذا غضت المحكمة الطرف عن جرائم اسرائيل الفظيعة فمن باب اولى ان تغض الطرف عن جرائم الجبهة الاقل فظاعة باعتبار انها احسن السئيين.
5- اطلاق الصفات السئية و القبيحة على مجموعة مناوئة(Name Calling ): معروف ان البشر يخافون من ان تطلق عليهم اسماء او صفات سئية و يخافون من الارتباط بمن كان له مثل هذه الصفات القبيحة. يتم فى هذه الاستراتيجية اطلاق اسم او صفة سئية او مهينة او سلبية على جماعة او فكرة معينة. و ذلك لاستعداء الجمهور على تلك الفكرة او المجموعة بالصاق صفة منفرة او مكروهة بها. وفى بعض الاحيان يلجأ الاعلام للسخرية و الاستهزاء بالاخر. و يتم اطلاق مثل هذه النعوت من دون الحوجة لتقديم اى ادلة على صحتها. طوال تاريخها برعت الجبهة الاسلامية فى استخدام هذا الاسلوب و بكثافة رغم تعارضه مع مبادئ اسلامية راسخة. حيث قال الرسول (ص) المسلم ليس بطعان و لالعان و لا بذئ اللسان. لكن الجبهة تستخدم الاسلام كستار و وسيلة للوصول لغاياتها و هو ليس عقيدة عندها. فى زمن الديمقراطية درجت جريدة الوان لصاحبها حسين خوجلى على السخرية و الاستهزاء بالمعارضة و اذكر انها كانت تطلق اسماء كثيرة على السيد الصادق المهدى فهو ابو كلام حينا و السندكالى حينا اخر و كانت تصوره بكاركاتيراتها و هو يحمل مايكرفونا بيده دائما. و لما مرت الايام و ظهرت الجبهة على حقيقتها وجدنا ان اصغر منسقى الدفاع الشعبى يمكن ان يمسك مايكرفون الاذاعة او التلفزيون و يتحدث فى لقاء واحد لساعات مما يساوى ضعف ما قاله الصادق فى كل فترة الديمقراطية. و اصبحت اسواق الكلام مفتوحة و لن نذكر صورة واحدة للبشير او على عثمان او غيره الا محتضنا مايكرفونا و يرغى و يزبد. بالنظر لادبيات الجبهة الاسلامية نجد انها من اكثر الاحزاب التى استخدمت هذا الاسلوب و لاتزال. فنجد انها تصف احزاب اليسار بالكفر و العلمانية و الاحزاب التقليدية بالطائفية و الجهوية و الاحزاب الجنوبية بالانفصالية و غيرها من الصفات السلبية. يمكن للجميع ان يتذكروا حملة الاساءة و الشتم وحملة الاستهزاء و السخرية و التهكم التى قادتها الجبهة ضد مدعى المحكمة الجنائية الدولية مؤخرا. لا تخلو تصريحات نافع على نافع او امين حسن عمر من الاستخدام المفرط لهذه الخدعة و بكثافة مخلة. و فى عالم الصحافة يمكن ان نذكر اسحق احمد فضل الله و الطيب مصطفى و الاثنان من اساطين هذا الاسلوب.
6- الربط بين الحكومة و الصفات الحسنة(Appeal Of Good Name): استراتيجية استخدام الاسماء و الصفات الجيدة تجنح لاختيار صفات و اسماء نبيلة و تربطها بمنظومة الجبهة و ذلك لتسهيل قبولها لدى الشعب. فاعضاء الجبهة الاسلامية هم اصحاب الارجل المتوضئة و ما سواهم لا يعرفون للوضوء سبيلا و هم الاقوياء الامناء رغم ان التجارب اثبتت انهم اضعف خلق الله امام السلطة و الثروة و لا يعرفون الامانة الا ككلمة يتمشدقون بها متى ما طاب لهم ذلك و حساباتهم البنكية تزيد بالحرام فى الداخل و الخارج و يبنون القصور و الفلل من عرق الشعب الغلبان و ينهبون و يسرقون خزينة الدولة اناء الليل و اطراف النهار. ايضا من عناصر هذا المنهج تبسيط و تقليل اهمية الوقائع بالاشارة اليها بغير مسماها. مثلا فى حادثة القاء الحذاء على البشير بقاعة الصداقة خرجت سونا تبلغ الناس انه هناك شخصا اخترق التحصينات الامنية لمؤتمر الاسترتيجية. و هى تريد ان تحول الحدث من رمى لحذاء الى اختراق امنى بسيط.و ايضا نسمع عن حدوث اختراق فى العلاقات الامريكية السودانية بينما الواقع يقول ان هناك تنازلات سودانية مهينة للحكومة الامريكية. فيقومون بالاشارة للاشياء بغير اسمائها و ذلك للتقليل من فداحة الجرم الذى ارتكب و من الامثلة العادية ان يقول احد الاخوة المصريين انه قد "ضحك" على شخصا ما بينما فى الحقيقة هو قد قام بالنصب و الاحتيال عليه.
7- القاء اللوم على عدو (Pinpointing the Enemy): فى هذا الضرب يتم القاء اللوم على عدو حقيقى او متخيل طوال الوقت و بذا يهرب النظام من تهمة الفشل او ارتكاب جرائم او فظائع. فكلما فشلت الحكومة فى شئ ارادت عمله القت اللوم على اسرائيل و الغرب و امريكا و الاستعمار الجديد و الامبريالية العالمية وغيرها من اعداء من نسج خيالهم. فعندما تحدث مشكلة فى درافور نسمع عن الاصابع الاسرائيلية الخفية فى الامر و عندما تفشل الحكومة فى الحفاظ على السودان موحدا تتهم الغرب بعمل مؤامرة لفصل السودان. و عندما ترغب المعارضة فى عمل مسيرة نسمع ان فرنسا دفعت للمعارضة للخروج فى تلك المسيرة. و عندما تنشر الكلاب لتنهش اطفالنا نسمع ان هناك مؤامرة غربية لزعزعة استقرار البلاد. لذا كان هذا العدو المتخيل و الذى ياخذ اسما مختلفا كل مرة هو الشماعة التى تلقى عليها الحكومة فشلها و تخرج من الامر برئية من كل الاتهامات.
8- تمثيل دور المواطن العادى (Plain Folks): هذه الخدعة تتم بان يتقمص المتحدث شخصية مواطن من غالب اهل البلد يتحدث مثلهم و له مثل اهتماماتهم بل و يعانى مثلهم ايضا. و قد برع البشير فى هذا الضرب بصورة كبيرة. حيث ان معظم خطاباته تكون بلغة دارجية بسيطة و يتحدث مع الجمهور و كانه واحد منهم حيث لا يلجأ لاستخدام اللغة الفصحى . وكما يدعى فى بعض الاحيان ان معاناته مثل معاناة غالبية اهلنا فى السودان حيث قال عند المفاصلة مع الترابى ان مرتبه هو 350 الف جنيه ثم حكى لاحقا انه عجز عن توظيف ابنة اخته الى ان فتح الله عليها و ارسل لها عريسا اراحه من عبء التوسط لها لتوظيفها. و هو كذب فاضح فزوجة اخيه هى اول امراة تحصل على رتبة لواء فى الجيش السودانى و هو على راس مجلس ادارة بنك امدرمان الوطنى و بورقة صغيرة منه يمكن ان يدفع لك البنك مليارات من اموالنا المنهوبة و غيرها من الامثلة الكثيرة. ايضا يمكن ان يدرج فى هذا الاطار حبه للغناء و الرقص حيث تظهره هذه الخدعة و كانه شخص عادى و بالتالى يشعر الجمهور بمدى قربه منهم و بالتالى الاحتمال الكبير بانه سيحس بمعاناتهم و يساعدهم متى اصبح رئيسا عليهم.
9- التزكية (Endorsement): يقوم هذا النوع من الدعاية المضللة باستخدام شخص مشهور و مقبول لاعداد كبيرة من الناس لكى يقوم بتزكية او ترشيح شخص ما. اجتهدت الحكومة فى اظهار عبدالرحمن سوار الدهب على اساس انه شخصية قومية و مقبولة من كل فئات الشعب وغيرها من الصفات الحميدة التى تسهل له قبول الناس و استجابتها لدعواته. و عند فتح باب الترشيحات جاء سوار الدهب الرجل القومى المحبوب وقام بترشيح البشير. و المقصود من هذه الخطوة دفع اعداد كبيرة من الشعب لقبول هذا المرشح لانه تم ترشيحه بشخصية قومية وتاريخية كسوارالدهب. نذكر بان بيان انقلاب عمر البشير فى 1989 تم تسجيله فى مكاتب منظمة الدعوة التى يقوم على امرها سوار الدهب وهو السبب فى استسلام ضباط انقلاب رمضان و كان قد غرر بهم ووعدهم بمحاكمة عادلة حال استسلامهم. ايضا ترتيب الزيارات لامين الجامعة العربية عمرو موسى لدارفور و ان يدلى بتصريحات ان دارفور آمنة و لا مشاكل فيها.
10- التحويل او التحوير (Transfer) استراتيجية التحويل تعمد الى الربط بين شئ سلبى او ايجابى و فكرة او كيان اخر. و هى محاولة لجعل الفرد ينظر الى الفكرة او الكيان المستهدف مستصحبا فكرته السلبية او الايجابية عن الشئ المرتبط به. و فى عالم السياسة يتم ربط الكيانات المعارضة باشياء سلبية دائما. مثال لذلك محاولة الربط بين الديمقراطية و المعاناة حيث ما فتئت حكومة الانقاذ تربط بين ازمات الخبز و السكر و البنزين و فترات الديمقراطية. و بالامس القريب سمعنا البشير يفتتح حملته الانتخابية مستخدما هذه الاستراتيجية و كان يحدث الناس عن ان الازمات المعيشية التى عاشها الناس ايام الديمقراطية جاءت حكومته و انقذتهم منها وانه لا يريد للشعب ان يعانى منها مرة اخرى. و بالطرق الكثير على هذا الموضوع استطاعت الانقاذ ان تخلق رابطا بين المعاناة و الديمقراطية و تستخدم هذه العصا متى ما ارادات لتخويف الناس من الديمقراطية و الاحزاب التى ارتبطت بتلك الديمقراطية. يجب ان نوضح ان حكومة نميرى و الحكومة الديمقراطية التى اعقبتها كانتا تنتهجان سياسة دعم المواد التموينية و كان ذلك يتم بان تقوم الحكومة بشراء السكر و البنزين و القمح و تبيعها للمواطن باسعار مخفضة تقل بكثير عن اسعارها الحقيقية. وكان تجار الجبهة فى تلك الايام يقومون بشراء كميات كبيرة من المواد التموينية المدعومة و يقومون برميها فى المجارى و ذلك لخلق ندرة و زيادة معاناة الجماهير. اما الوفرة التى يتحدث عنها البشير الآن فهى نتاج سياسة تحرير السوق حيث يباع الخبز الآن بضعف سعر استيراده و هو شئ لو ارادت الحكومات الديمقراطية ان تفعله لما استطاعت و ذلك لانها كانت تضع مصالح الشعب و اعتراضه على مثل تلك الممارسات عند اتخاذها لاى قرار ضد مصالحه. و نذكر ان شركة كنانة تنتج جوال السكر الذى تبلغ كلفته الاساسية 50 الفا بينما يزايد طفيلية الجبهة فى اسعاره حتى يصل 120 الفا و يتبجحون بانه انجاز يحسب لنظامهم.
كيفية فضح و تحليل الدعاية المضللة: الكل معرض لمثل هذه الدعاية سواء ارادوا او لم يريدوا ذلك. لذا وجب على الفرد اولا و اخيرا البحث عن المعلومات المطلوبة من مصادر نزيهة و محايدة. يجب على الشخص ان يكون قادرا على تحليل و معرفة هذه الاستراتيجيات متى ما وجد نفسه بمواجهتها.و يمكن تحليل التصريحات بطريقة بسيطة وذلك بطرح اسئلة محددة تسلط الضوء على نوع و اهداف الخدعة الاعلامية. مثال لهذه الاسئلة:
1- من هو المتحدث او الكاتب صاحب التصريح او المقال موضع الشك؟ 2- من يخدم؟ و لمن يكون ولاءه؟ لمصالحه ام لشعبه ام لولى نعمته؟ 3- ما هو هدفه من التصريح او المقال؟ هل ليفيد الجمهور ام ليخدم مصالح الجبهة؟ 4- ماذا كان يحاول ان يستثير فيك كسامع او قارئ؟ مخاوفك؟ مشاعرك؟ طموحاتك؟ 5- ما هى الاستراتيجية التى استخدمها؟ 6- هل حديثه موضوعى و يعتمد على الحقائق الكاملة؟ ام هو غير موضوعى و يشوه الحقائق؟ و ما هى دوافعه ليكون غير موضوعى؟ 7- هل حديثه او مقاله مبرر او المقصود منه اثارة مشاعر الخوف و القلق من المستقبل؟ هل يحاول زرع الياس فى النفوس من ان الامور لن تتغير للاحسن ابدا؟ 8- هل ستسمح له بتضليلك و التأثير عليك باستغلال مثل هذه الخدع؟
شوقي حسين
مرحب يا عامر وشكرا علي الرابط الذي حوي تفكيك وتحليل عميق لظواهر الكيزان ومقدراتهم في تغبيش وعي هذا الشعب وتحياتي
Post: #93 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-02-2010, 11:30 AM Parent: #92
Quote: بعدين أمس في جوبا الراجل ده كشف كشف السنين
هلا يا سيف اليزل.. وتصدق يا ابو السيوف جوبا انا عشت فيها سنين وبكون حضرت فيها زي ديششليون حفلة وجالوه وديسكو في صالات عديدة منها صالة ناكوري وحضرت جالوووه تقيلة في كراكير اطلع بره وكتور وملكية وحي لوفيت... ومتعت ناظري بالفرجة علي مئات الراقصين والراقصات امثال شووتي وكاك واميقو ودجدج رقيص زي بتاع البشير ده انا ما شفتوووووو الا عند البشير في جوبا ياخ ده ضرب جالووووه حرم كوفي لانقا لانقا رائد الجالوووه الافريقي حيقعد يتحير فيها.. شتارة و عدم هارموني ما بين حركة الراقص والموسيقي وغايتو فضحية رئاسية راقصة ودخلنا في اضافيرنا مع الراقصين الافارقة والمشاهدين في كل انحاء العالم...
ده كلو يا ابوسيوف هو ابتذال الاشياء من اجل تحقيق مكسب سياسي.. ترقص اشتر ...ترقصة ششششششششين ولكن المهم هو الصندوق.. والكنكشة وسيادة الشبع والطمع..
وتحياتي
Post: #94 Title: Re: القصة شبع ولا طمع هي يا عمر البشير..!!!! Author: abubakr Date: 03-02-2010, 11:38 AM Parent: #92
هنالك عامل اجتماعي وراثي في عوالمناالمتخلفة و هو "Pychological attachment to Power seat" .. والحاله نتاج موروث اجتماعي طبقي هرمي تنعدم فيها عدالة اجتماعية نسبة لانعدام المساواة فلذا تتوارث السلطة وحين حاولت مجتنماعتنا او بعض منها الخروج من تخلفها البين بالاستعانة بما في مجتماعات ازدهرت بفضل عدل اجتماعي ومساواة او حتي بما في الاديان من ذلك لم يستطع من وصل الي كرسي السلطة من ان يشفي من هذه الحالة فاستحدثت بعض مناورات كتمديد من خلال اشكال دستورية وهمي لفترات الحكم او حتي جعلها مدي الحياة او بتوريث للابناء بحجة انهم اكثر معرفة بخبايا"الحكم" كون ابائهم "الحكام" او بفرض انفسهم في انتخابات شكلية تفتقر الي عدل في اقتسام فرص التعريف والتروييج بحكم ان الحاكم المترشح وجهته او حزبه او جماعته هم الماسكون بمفاصل الدولة سلطة ومالا واعلاما وبالتالي فامر البقاء جلوسا علي ذات الكرسي ما هو الا صرف من اموال عامة واستعانة كاملة بكل ادوات الدولة ....انه نوع من اعادة تدوييرذات مكونات الارث الاجتماعي الطبقي والذي تحاول مجتمعاتنا المتخلفة الهروب منه فياتيها لابسا جلبابا جديد.....
Post: #95 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-02-2010, 12:23 PM Parent: #94
Quote: هنالك عامل اجتماعي وراثي في عوالمناالمتخلفة و هو "Pychological attachment to Power seat" .. والحاله نتاج موروث اجتماعي طبقي هرمي تنعدم فيها عدالة اجتماعية نسبة لانعدام المساواة فلذا تتوارث السلطة وحين حاولت مجتنماعتنا او بعض منها الخروج من تخلفها البين بالاستعانة بما في مجتماعات ازدهرت بفضل عدل اجتماعي ومساواة او حتي بما في الاديان من ذلك لم يستطع من وصل الي كرسي السلطة من ان يشفي من هذه الحالة فاستحدثت بعض مناورات كتمديد من خلال اشكال دستورية وهمي لفترات الحكم او حتي جعلها مدي الحياة او بتوريث للابناء بحجة انهم اكثر معرفة بخبايا"الحكم" كون ابائهم "الحكام" او بفرض انفسهم في انتخابات شكلية تفتقر الي عدل في اقتسام فرص التعريف والتروييج بحكم ان الحاكم المترشح وجهته او حزبه او جماعته هم الماسكون بمفاصل الدولة سلطة ومالا واعلاما وبالتالي فامر البقاء جلوسا علي ذات الكرسي ما هو الا صرف من اموال عامة واستعانة كاملة بكل ادوات الدولة ....انه نوع من اعادة تدوييرذات مكونات الارث الاجتماعي الطبقي والذي تحاول مجتمعاتنا المتخلفة الهروب منه فياتيها لابسا جلبابا جديد.....
هلا يا هندسة وشكرا علي هذه اللمحة العميقة والتي ضربت فعلا في الوعي بالسلطة ومفهموها في مجتمعنا.. والصراع بالتاكيد ما بين العدالة الاجتماعية تتنازعه ملامح شتي ومحبي الفردية والشمولية يعملون بجد وحماس لابقاء مواطن التفكك من الوعي القديم بالسلطة مظلم بدواعي شتي منها الدين والقبيلة واللون واشياء عديدة .. تقراء في اطار سلبي ويتم بسترتها لخدمة السلطان ووعي التوريت.. لذا نجد المنطقة التي نعيش فيها تسبح في مشاهد كثيرة تغزي تحليلك الشحمان اعلاه..
وتحياتي وتقديري
Post: #96 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-02-2010, 06:21 PM Parent: #95
غايتو لو العدل والمساواة انسحبت من حكاية سلام -سلام دي رقيص البشير في الفاشر بتاع يومتا داك بكون وجع ضهر وفلايت سسساااكت.. وبكون زي الزول الرقيص شديد في عرس من العروسات وتاني يوم طلقو المراءة والعرس فركشششششش.. ... فحذاري من حكاية فركشك -فركشك دي فانها ستضر من فقه الكنكشة وسيرجع دارفور الي مربعات صفرية
Post: #97 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-03-2010, 05:30 AM Parent: #96
Post: #98 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-03-2010, 09:51 PM Parent: #97
___
Post: #99 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-08-2010, 09:22 PM Parent: #98
شو في اخبار ياجماعة من الضابط السابق في الجيش السوداني.. في حكاية الشبع والطمع دي..؟؟ لسسسسسع راكبين راسكم يابني كوز ومصرين تلحقو البلد دي غنم زهرة..؟؟
Post: #100 Title: Re: القصة شبع ولا طمع هي يا عمر البشير..!!!! Author: معاوية محمد الحسن Date: 03-09-2010, 07:58 AM Parent: #99
كيكي تحياتي واللة العشرين سنة الفاتو كانت للشبع وفعلاً شبعوا وتدفق الشبع ووصل دبى وماليزيا لكن ترشيح بعد ده ..يبقى طمع عديييييل وفعلاً قالوا الفطام قاسي ياكيكي لكن انشاء اللة الفطام يكون إجباري
Post: #101 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-09-2010, 01:55 PM Parent: #100
Quote: لكن انشاء اللة الفطام يكون إجباري
هلا يا معاوية وتحياتي.. ومافي حلول جذرية الا الفطام الاجباري.. وعلي عينك ياتاجر لانو وزي ماقلت انت البضوق النقنقة دي ما بالهين يزح من الكرسي باخوي واخوك.. والناس ديل لسسسسع شكلهم كده عندهم نية جية تاني وبلوك جديد لشفط دم وموارد هذا الشعب الفضل.
Post: #102 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-11-2010, 06:13 PM Parent: #101
شايف صحبي البشير وفي اطار كنكشته مركب مكنة جنوبي وفي لقاء في واو بقول للجماهير سكة حديد wayeeeeeeee سكة حديد wayeeeeeee
---------------------- العجيب في الامر هو انه سلفاكير ايضا ردد موتمر وطني wayeeeeeeeee وتمر وطني wayeeeeee عجبي والله يستر من حكاية الوووويات دي
Post: #103 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-12-2010, 04:00 PM Parent: #102
Quote: شايف صحبي البشير وفي اطار كنكشته مركب مكنة جنوبي وفي لقاء في واو بقول للجماهير سكة حديد wayeeeeeeee سكة حديد wayeeeeeee
Post: #104 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-14-2010, 09:57 PM Parent: #103
مشاوير رئاسية بشيرية محمومة الي كراكير وجخانين في الوطن ظل البشير وطيلة هذه العشرين سنة بشوفها فقط في النشرة الجوية عندما يزورها الفاصل المداري
بت اللللللذينة يا الانتخابات
Post: #105 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-15-2010, 06:32 PM Parent: #104
Quote: بت اللللللذينة يا الانتخابات
علي الافق الان سحابات انسحابية من المعارضة.. وهذه الخطوة الجرئية ان اتت فانها خطوة كانت يجب ان تتم ومنذ فترة طويلة.. فهذا البشير في ظل كنكشته التاريخية تلك مستعد يفوز باي طريقة بكجور وبفكي وبالقوي بالتزوير تنظيم ليس لديهم قشة مرة او وازع يقمعه ويمنعه من امتصاص موارد هذا الشعب لذا يا معارضة يا سودانية جهجهي الباكات الانقاذية وكابسي المكنكنش في كنكشته
Post: #106 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-18-2010, 10:25 PM Parent: #105
Quote: جهجهي الباكات الانقاذية
مبارك الفاضل الليلة ضقل بعمر البشير ضقيلة عدوك وطلعه 1- ليس لديه عمق اجتماعي في السودان 2-مستند في حملته علي اموال موارد البلد 3-مستند علي الجبهة الاسلامية المنقسمة اصلا 4- ذو تاريخ سياسي ملي بالقتل والتشريد ومزق السودان اربا اربا..
وكلام مبارك الفوووق ده كلووووو صاااااااح ونبصم عليه بالعشرة وبالعشرين زاااتو,,, ومزيدا من المواجهة والشجاعة وضرب الركب الانقاذية الفاسدة في كراكيرها الاعلامية
Post: #107 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-23-2010, 01:51 PM Parent: #106
Post: #108 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-23-2010, 07:32 PM Parent: #107
في اطار الحمي الكنكشية التي تنتاب الضابط السابق والمرشح الرئاسي لحزب الموتمر الوطني شاهدته في لقاء بورتسودان يرغي ويزبد ويمارس هواية من هوايات الطغاة التاريخية وهي تحسس ادوات العنف والقمع عندما تبلغ سيوله الزبي.. شايف قال عاوز يقطع مناخر وايادي ورقاب كل من تسول له نفسه الشريرة الشمشمة في الارض السودانية.. المضحك في الامر هو ان البشير الذي قال قولته تلك في لحظة من لحظات الهاشمية توجد وعلي مرمي فراسخ منه 1- فيالق وجيوش اجنبية ما انزل الله بها من سلطان 2- الشان السوداني بينفاشته ومفاوضات دارفوره تديره وتنظر فيه القوي الاجنبية علي قفا ما تشيل
صدق الحاج وراق عندما قال بان البشير يعاني من شي نفسي ما انعكس علي حالته الرقصية والام هلا هلا التي تصيبه.. ولايزال ليلة الزرقنة والعصر طفلا يحبو وحتما سيصل هذا الشعب الي نهاية النفق
Post: #109 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-23-2010, 07:59 PM Parent: #108
موسف الكنكشة ومهزلته هي الدراما السيئة الاخراج بالاتيان بوالدة البشير ومحاولة فرضها علي الواقع الامومي السوداني كام مثالية يجب ان تحتذي بها الامهات السودانيات كونتها منحت الارض السودانية ديكتاتور وطاغية... اشارة تعكس تنامي الوعي التطبيلي الجائح صوب ربط كل اشياء البشير بالسودان جمال الوالي يمنح استاد المريخ ويحاول ان يغازل الوعي المريخي لكي يحوله الي وعي بشيري صلاح ادريس ايضا ينافسه في ذلك ويغازل الانقاذ و مستندا علي قبوعه علي الراس الهلالية ام البشير يزج بها في اتون كرنفالات التطبيل وصناعة الوهم الجائع.. وغدا حبوبة البشير وجده ولكل اشيائه الخاصة ستصبح هي الوطن.. والتاريخ الديكتاتوري القريب يذكر نميري الذي وضع صورته علي النقود في اخريات ايامه سيكتب هذا التاريخ لعمر جلبه لكل اشيائه وصبغها بصبغة الاشياء التي عليها ان تمثل الوطن.. واعتقد بان البشير لو قدر له بان يسف تمباك لقال لنا الطبالين والطبالات بان سفته هي السفة المثالية والسفة السودانية التي لايعلو عليها وعلي الشعب وضع التمباك في خشومهم كما يضعها البشير والا لصارت السفة سفة عميلة
Post: #110 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-26-2010, 09:19 PM Parent: #109
اخر خبورات المكنكش الاممي تفيد بانه عاوز يجلد السكرجية وشاربي المريس والخمور.. ويبدو ان سعادته ناسي بان الناس العاوز يجلدهم ديل عندهم مقولة وشعار رسمي وشعبي يقول
المريسة ولا الجبهة التعيسة..
Post: #111 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-28-2010, 06:38 PM Parent: #110
Quote: المريسة ولا الجبهة التعيسة..
ان صح الكلام القالو الترابي في الفيديو ..فهذا امر يدمي القلب يولد الحسرة والحزن الكبير علي واقع هذا البلد الذي ينطق رئيسه بمثل هذا اللغة..... وهذه لغة هي وحدها في حالة ثبوتها فهي كافية لارسال مثل عمر البشير الي غياهب مزبلة التاريخ.. ليس هنالك وطن يمكننا ان ننادي به بتحقيق ومحاسبة البشير كونه قال هذا الكلام او محاسبة الترابي ان كان الامر كذبا صراح.. ولكن فالنذرف الدمع علي واقع السودان في ظل دولة الكيزان الترابي فيديييييييييييييييييييييييييو فضيحة.... الغرباو...سبي الله ونعم الوكيل
Post: #112 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-29-2010, 04:06 PM Parent: #111
وتوتة توتة واسقطي يا اوراق الكيزان حدوتة حدوتة.. اسقاط مريع وسقوط ولا احلي لسيرة البشير والترابي معا.. المظلومين والمحرومين والفقراء والمفصولين وارواح الشهداء ثم نحيب الثكالي وبكاء الاطفال الجوعي في كراكير هذا الوطن حقهم ما بقع التراب.. فهاهي السماء السودانية تهطل درامات ما انزل الله بها من سلطان ما بين الترابي عراب دولة المشروع الحضاري والبشير الذي امسكه الترابي وتلاميذته شطر ذلك المشروع الحضاري فعاث في الوطن رضاعة وكنكشة وشبع وطمع وساقط قول...
كيزان قلة ادبييييييييين...!! وكنا دائما نردد بان الله في...!!
Post: #113 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 03-31-2010, 07:01 PM Parent: #112
بلغ السيل الزبي.. والتحية لقوي المعارضة التي نتمني ان تتخذ موقفا جبارا ولائقا بحقوق الشعب السوداني التي يريد البشير وزمرته استهبالها والحضور الي واجهة السلطة عبر نافذة الصناديق المفخخة..والاحتماء خلف ديمقراطية كسيحة.. التباكي والجقلبة علي ضياع الموارد التي انفقت في الترتيبات لهذه الانتخابية هي جقلبة وسكلبة مفضوحة ويطل سؤال اساسي لماذا يتباكي الموتمر الوطني علي الاموال التي صرفت لكي تحمله الي انتخابات مزيفة ولا يتباكي او يجقلب من اجل الاموال التي اهلكت في الفساد ............
Post: #114 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 04-01-2010, 11:39 PM Parent: #113
اها يا كنكشة جاتكم باردة والملعب المفخخ صار فيه عبدالله دينق نيبال وبعض منسوبي الاحزاب الكرتونية وهي فرصة لكي ترحمو اموال الشعب من التزوير الذي اعد له عتاد ورباط خيل واموال من جبين هذا الشعب تصرف في الفارقة ومقدودة.. ومهما طال السفر التزويري فمصير الدقن الكيزانية ان تجلس ذات يوم امام حلاق هذا الشعب
Post: #115 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 04-03-2010, 06:19 PM Parent: #114
الليلة مع الاجازة الاسبوعية تاوقنا في القنوات السودانية برموت كسلان ومتمرد وكلو ما تفتح قناة تجد البشير في كسلا وتفتح القناة الثانية تجد المكنكش في حلفا.. وكان الرجل راكب بساط ريح وبترول الشعب السوداني حملته في الاجواء السودانية رياح الهبباي تحمل الطاغية من ريف وبوادي يغاشش في الناس الغبش والمساكين... الجاييين واقفين في الشمس والمرقود والقمل مطلع عينهم..........
البشير لو ركبنا ليهو عداد اليومين دي بكون مشي مسافة من قادرة علي لف العالم.. غبينة الكردنة بتاعة عدم السفر الخارجي كلها فشاها وبمال السودان في سفريات تغبيش الوعي والرقص الرخيص داخليا..
Post: #116 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 04-09-2010, 11:44 AM Parent: #115
الكنكنشة لا تزال قابضة علي جمر القضية بتزوير وبتضليل وبتغبيش...وبلولوة ... والتحية والتقدير لاحزاب النبض الحقيقي التي صفعت هذه الانتخابات الكرتونية وارسلتها الي خانة انتخابات مثلها ومثل عمايل الانقاذ التي اهلكت البلاد والعباد فالامر الان في مجمله خسارة وتبديد لحبر واوراق وبنزين وجازولين من قروش هذا الشعب الفضل ومن العطايا والهبات التي وهبتها الدول الخارجية
Post: #117 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 04-10-2010, 08:29 AM Parent: #116
ايام قليلة وساعات.. وترسل الية الاخطبوط الكيزانية عمر البشير لرئيس متوج عبر انتخابات وصفت بانها موغلة في الكرتنة والفنكشة... وايام قليلة وساعات سيمارس فيها هواة التطبيل الاعمي والاجوف وزمرة الجربندية التي يعشقون الضباب والتغبيش من ابناء النخبة السودانية التي ادمنت الفشل ..سيمارسون رحلة اخري من جولات تغبيش الوعي الانساني والوعي الانساني وضخ البشير كرئيس وزعيم امة... الانقاذ تعتقد بانها قادرة بهذا المسرحية الهزلية السيئة الاخراج بانها ستغير جلدها المبرقع عبر العشرين سنة الماضية بسيرة القتل والسحل والظلم والفساد.. ولكن لن تصبح الانقاذ في تحولاتها التي اجبرت عليها مثل الثعبان الذي يغير جلده ويجدعه في حافة الطرقات ...لالا سيظل جلد الانقاذ المبرقع بالظلم والفساد والقتل والمحسوبية متواجدا وبشدة وكبك في جسدها الذي حتما سيرسله هذا الشعب الي مزبلة التاريخ وان طال السفر..
Post: #118 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 04-11-2010, 05:04 PM Parent: #117
اشبع يا ريس من حلة القطر قام تلك واشربو سادتي من تلك المريسة سيئة اللخوخ
Post: #119 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 05-03-2010, 10:38 AM Parent: #118
يخسسسي علي التعب والاكل الكعب... بعد خدمة رئاسية كروباوية عشرين سنة ونيف يا عمر البشير... جاي منطط وفرحان كونك فزت بالخج والرج والتزوير والسبهلل ... بعد عشرين سنة بعدما رقصت في كل الاركان السودانية وجبت ببترول الحكومة وطيارتها التي قامت جاي كاتل حيلك وفايز لي بستة مليون ونيف.. ستة مليون ديل حرمممممم لو نزل سادومبا لاعب الهلال الاجنبي بجيبها برمشة عين.. ستة مليون ديل ورغم انها ذات موية مكبوبة فيها الا انها نسبة جيعانة وجحمانة من نسبة الشعب السوداني الفضل.. كل الخلاصة تفيد بانو شرعية مافي ... رئيس منتخب رسميا وشعبيا مافي... وممها استطال البنيان ستظل ذلك الجنرال الذي هو في متاهة في ظل وجود الاسطوري اوكامبو الذي يجلس القرفصاء علي مرمي حجر من الحدود السودانية وسنعود
Post: #121 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 05-12-2010, 09:40 PM Parent: #119
وطل جربندي جديد شديد عينو قوية وسنو ملوية يسمي عثمان كبر.. نموذج حي لخيبة الانقاذ وارسالها لسلاطين لا يدرون كوعهم منن بوعهم يعملون بكل جهد وجد من اجل توطين الفساد وحمايته وتدويره داخل موسسة حكومية كان يجب ان يكون دورها هو القبض علي الفاسدين ولصوص الشعوب ولكن في عهد كبر واخريين صارت مكاتبهم منصات للانطلاق صوب مص دماء الشعب...
وصديقنا القادم في هذه المساحة سيكون هو الوالي كبر ريثما نعود الي الزبون الدائم الريس
Post: #122 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 05-21-2010, 08:12 AM Parent: #121
ياتري ماهي اخبار سوق المواسير والوالي الماسورة الاكبر عثمان كبر.. ---------- الحكومة بلفتة كيزانية حولت الانظار صوب قبقبة خليل وملاحقته في اجواء تشاد وهي التي فشلت في القبض عليه عندما اتي بلاندكروزراته الي داخل العمق الامدرماني وخرج دون ان ينجح هولا المجارمة الجددفي القبض عليه عجبي..!!
Post: #123 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 05-27-2010, 01:46 PM Parent: #122
تنصيب كرتوني للضابط السابق عمر البشير يتهرمن ويتمتشن ويليق بالانتخابات الكرتونية الي خجت البشير رئيسا بالزندية الانتخابية رئيسا للسودان الحدادي المدادي.. روؤساء دول مجاورة يتفقون مع البشير في قهر المواطن الافريقي وغياب تام الزعماء العرب والاورببين وكل المجتمع الدولي يمارس لعبة رفعة القزاز وهو يتفرج علي هذه المسرحية العبثية.. والموسف هي الفرحة بهذا التنصيب الكرتوني وفي نفس اليوم الجنائية الدولية توصي الامم المتحدة بالقبض علي مجرمي الحروب الانقاذية الذين قتلو وعذبو هذا الشعب... .......... ويتواصل رصد مسرح العبث الكيزاني في الارض السودانية
Post: #124 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 05-29-2010, 03:58 PM Parent: #123
كتلوك يا بني كوز ولا جوك جوك
Post: #125 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 06-12-2010, 11:46 AM Parent: #124
الحرية لكل الاطباء الشرفاء... وفي عهود المنكنش الاممي البشير وهو يتسربل بثوب الديمقراطية الزائفة المخجوجة يقبع الان اروع اطباء السودان تحت سجون وسياط الجلادين.. يفصل ويهدد الاطباء بالفصل وقطع ارزاقهم كونهم قالوا لا في وجه من قالوا..
Post: #126 Title: Re: القصة شبع ولا طمع هي يا عمر البشير..!!!! Author: عبدالكريم الامين احمد Date: 06-21-2010, 08:20 PM Parent: #99
اخبار الخرطوم نقلت التوجس والرجفي والكبكبة عند ارهاصات زيارة البشير لتشاد..!!! وده كلام ده ياناس تشاد الاقرب من الكلاكلة رئيس بلد حدادي ومدادي زي السودان يقعد يتراجف ويقدم كراع ويقدم كراع صوب ام التيمان\ خوفا من القبض والعكش الدولي... ارحمو هذا الوطن يا هولا.. فهذا امر لايليق ويدمي القلب في ظل الكنكشة والاصرار علي الخرمجة وحلب الثور
