Post: #1
Title: ششششششششششوتي....يا ود شاويش.... يا دنجر....!!!
Author: عبدالكريم الامين احمد
Date: 08-10-2009, 08:39 PM
الله علي حفلات الاسلو دانص والماسكي العلي اصولو..وقبض اللقو بطريقة سبت رقو رقو الشهيرة.. وهي طريقة رقص افريقي ملتصق (لخم تو لخم) اي (لحم تولحم) كما هتفت الجنوب الافريقية الشبقة (اكا) ذات ليل من ليالي الديسكوهات القديمة في جاهلية من جاهليات الرعديد (ودكي)
|
Post: #2
Title: Re: ششششششششششوتي....يا ود شاويش.... يا دنجر....!!!
Author: عبدالكريم الامين احمد
Date: 08-10-2009, 08:45 PM
Parent: #1
شوووتي..واولي اللمحات التي طلت من ذلك الفتي الابنوسي الطويل القامة صاحب الجسد العسكري الواقف ديدبان اربعة وعشرين ساعة... كانت في (فريق تا كرجو) حفلة موشح بجالووه عجاجها في السماء والجهاز الاستريو يجنن اغاني الكنغو وكوفي جنون بقري ... والبيرة ام جمل قزازها يتطاقش ويمتزج من جرعات الكانجي مورو التي قد يكون الحضور قد شفط فنطاس منها...
في ذلك الحفل كان نجمه المتوج هو صديقي شووووووتي...وبرفقة فتاة راقصها الاسلو حتي ظننت ان الجمسين يذوبان في بعض ويصبح جسد جديد هو جسد شوتي وريتا
ونعود
|
Post: #3
Title: Re: ششششششششششوتي....يا ود شاويش.... يا دنجر....!!!
Author: Siham Elmugammar
Date: 08-11-2009, 02:38 PM
Parent: #2
*
|
Post: #4
Title: Re: ششششششششششوتي....يا ود شاويش.... يا دنجر....!!!
Author: عبدالكريم الامين احمد
Date: 08-11-2009, 04:05 PM
Parent: #3
هلا يا بيير
وشرفتي سيرة شوووتي ود الشاويش الدنجر..
وبس اروق واحلي واجي اوضب سيرة الزول المسخوت ده
|
Post: #5
Title: Re: ششششششششششوتي....يا ود شاويش.... يا دنجر....!!!
Author: khaleel
Date: 08-11-2009, 05:54 PM
Parent: #4
جبتو من وين يا مرشد
شووووتي دا
|
Post: #6
Title: Re: ششششششششششوتي....يا ود شاويش.... يا دنجر....!!!
Author: عبدالكريم الامين احمد
Date: 08-11-2009, 08:42 PM
Parent: #5
شوووتي ده قاعد من زمااان
لكن كنت ملبدو وحسع حنباصروا بشيش بشيش وبرواقة
|
Post: #7
Title: Re: ششششششششششوتي....يا ود شاويش.... يا دنجر....!!!
Author: saif massad ali
Date: 08-11-2009, 08:48 PM
Parent: #6
من الذي يكتب باسم كيكي
ياعباد الله اتقوا الله
|
Post: #8
Title: Re: ششششششششششوتي....يا ود شاويش.... يا دنجر....!!!
Author: عبدالكريم الامين احمد
Date: 08-11-2009, 08:54 PM
Parent: #7
Quote: من الذي يكتب باسم كيكي
ياعباد الله اتقوا الله |
هلا يا ابو السيوف
والظاهر هكروني الضباع الاسفيرية اولاد الذين
ولبسوني مكنة زول بحكي عن المسخوت شوووتي..
فكامل تضامنك بالله معاي لانو شووتي ده لقدام عمايلو سوداء خلاص
|
Post: #9
Title: Re: ششششششششششوتي....يا ود شاويش.... يا دنجر....!!!
Author: أيمن الطيب
Date: 08-11-2009, 10:17 PM
Parent: #8
كيكى المسّّّّاح,,
وين يا صاحب,,
عبدالله جاز وأبّكر العمدة الشهير (ببوكاسا) صاحب القلب الأبيض
الطيب ولكنه حين يطشم يصبح وحشا إذا رأى ما لايعجبه,,وهو البودى
قارد المتمرس فى رمى من يغضبه داخل أشجار الشوك التى تكثر حول
ذاك المكان,,,خاصة إذا إشتكت إليه منك إحدى حماماته!!!
وأحمد ود العين والدنقول عليه رحمة الله,,
شخوص تشابه شخص شوووتى وفلسفتها فى الحياة تكاد تطابق فلسفته!!
أسماء فى الذاكرة ,,
وأقاصيص خرافيه لا تدرى أين الخيال من الحقيقة فيها !!!
أطراف البرارى ومكان شهير فى ذاك الزمان لتجمع شباب وشفوت الخرطوم
الكبير ,,,
الهابى لاند,,
قبلة الخارجين عن قوانين الطبيعة!!!
وقوانينهم تختلف وتسرى على جميع رواد ذاك المكان!!
والجهل بها مصيبة كبرى,,,
المكان ذائع الصيت والذى يحتاج لمن يود أن يذهب إليه مؤهلات خاصة!!
خاصة جدا جدا!!!وفوقها ضهر قوى جدا فالمكان لا يستوعب ضعاف القلوب,,
ولا نامت أعين الجبناء شعار أهله,,
ولعلعة مواتر تحمل أكثر من إثنين أحيانا,,,وتئن تحت أحجام أولئك الشباب,,
ورومان قدموا من الثورات فى كنفوى!!وفساتين تتطاير وبناطلين (جامايكا)
فالشارلستون كان قد بدأ فى الإنسحاب مفسحا المكان لغيره,,
الغريب لم يكن هنالك من يجلد الناس ولا نظام عام ,,والمجتمع كان آمن!!!!
آمين,,آمين,,
وأصوات الجالوا ومزازيك الثمانبنات تحملها نسايم آخر الليل!!
يوسو أندو وسالف كيتا وجيمى كليف وكات ستيفنس قبل أن يرتد!!
تعلو تدريجيا كلما إتجه الزمان نحو الفجر وتصحبها أصوات وصرخات
لا تفهم أسبابها!!!!وختامها دائماملك ذاك الزمان المتوج!!
بوب مارلى,,,,,,وآفريكا يونايت ونو وومن نو كراى وزيمبابوى التى
تناقل العالم أخبار إستقلالها الذى غنى فيه بوب مارلى !!
فدونه لا تكتمل الليلة,,
ولا تعمل الكبنقات كما يجب!!ا
الراستا مان جزء أصيل من ليالى ذاك الزمن,,,
وتاريخ البشرية المستضعفة والباحثة عن شئ ما!!
ومازال لمن يرغب,,,
وكلو رادف حنانو!!وقميص فراشات فراشات جديد كرت أكيد برفع السوق,,
فهنالك من لا يملك حنانه يبدو فى عيون البعض غير مكتمل الرجولة!!
ودباس لا يقربه البلوم,,,
وخلى بالك من حنانك وما تتقل عشان ما تركب الزلط,,,دبيب خلا,, وتيتل
جبال !!!ينام وحده ويصحو مطاردا بخسارة وعار كبير,,, الفارة دقس)
والشفوت خمو حمامو وخلو خشمو ملح ملح!!!ويتناقلون أخبارك وتضيق بك
الخرطوم على إتساعها!!
يا كيكى,,
حبيت أشاغلك يا حلو,,وبالله ما تقيف حتى لو جاك الضكيرابى ذات نفسو!!
متعنا متعك الله بالعافية ,,
وخلى الحنك ون مان شو,,
حتى لو الهلال رشو ولا يهمك رشة تفوت ولا حد يموت ما المريخاب ديل بقو
ممطورين السنه كلها وما بفرق معاهم الرش!!
شى سبعات وشى تلاتات وشى أربعات,, يرشوهم الصباح الصباح وهارون دياب
لسه لسانو مترين,,
أشوفك فى أبيي ,,أو عند عبدالجليل لو سمحت ظروفك وقدر ظروفك يا هندسة
شعار المرحلة,,,
مودتى,,
|
|