Post: #1
Title: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 01:32 PM
نعم هبطت طائرة سودانية وحملت عمر البشير الي ارض قطر..ونعم شحن هذا الهبوط المفاجي الاجواء باستقطابات عديدة
وقفل باب التكهنات وركل فتوي علماء السلطان الذي لا تسمن ولاتغني من جوع ووضعهم البشير في وضعهم الطبيعي في اطار سريان نهره المسمي( موصو واشربو مويته )..ليموص علماء السلاطين الفتوي وتندلق بقاياها علي دقونهم المنهزمة...!!!!
نعم وصل البشير وهي حقيقة ولكن يطل سؤال كبير وعريض . وصول فرد ومجازفته واختراقه الاهوال في طائرة ظهر جليا بانها تحمل اطفال كدروع بشرية هل يعني هذا بان الشعب السوداني قد انتصر علي العالم اجمعه.....!!!!
البشير اليوم يقف علي ابواب كل المحطات الفضائية ونشراتها كمجرم مطلوب بقتل وابادة واغتصاب شعبه وهو مقياس للتطبيق الحقيقي لمدي كرامة الانسان وعزته في بلاده......
ففي وطن مات الملاييين فيه...وعذب المئات وشرد واغتصب بنيه من قبل سلطته ياتي بكل حسرة من يصفق الي من ارتكب مثل هذه الافاعيل عندما يتسلل الي المطارات العالمية ويسمي في عرف الاخريين بطلا وصلاح الدين الايوبي...!!!
|
Post: #2
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 01:34 PM
Parent: #1
ماذا فعل البشير طيلة تواجده في منصة الحكم ضد ما يسمونه بهجمات الغرب..
الم تضرب الخرطوم عيانا بيانا وشمسها الحارقة هي من تظللها في حادثة الشفاء الشهيرة...
الم تضرب فيافي وتخوم شرق السودان مرات ثلاثة والاجواء السودانية مستباحة ضد ما يسميه العرب اليوم العدو الاكبر..
ماذا فعل البشير لوطنه حتي يسمي بطلا
هل هي الاشلاء التي تفتت في بوادي وحواكير دارفور والشرق والجنوب...والدماء التي اختلطت مع دموع الفقراء الذين طردت منهم منظمات العون الانساني لكي ياكلوا من خشاش الارض,...
...من هو الرئيس البطل..؟؟؟
الذي يقتل شعبة وتستباح اراضيه ويجلد ويمارس تقطيع اوصال ابناء شعبه...ام الذي يهبط مطارا مجازفا ومغامرا وتشهق لوصوله سالما القنوات؟؟؟؟
|
Post: #3
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 01:36 PM
Parent: #2
وماهو الحكم وماهو العدل وماهو الوطن...؟؟؟
هل هي العيشة الكريم لابنائه العادلة المرفوعة الراس بالحقوق الاساسية وحق الانسان في وطنه...
ام هو اقتحام المطارات..والمواني والهروب من الرقابة...رقابة البوليس الدولي...!!!!!
فليمارس الفرح الكاذب من يريد ان يفرح علي الهبوط المغامر وسط اشلاء وجثث ابناء بلاده!!!
ولكن....سنتهف عاليا بان جمرة المثابرة والضرب علي حديد الظلم و تغبيش وعي الشعوب بحقوقها الاساسية سيظل باقيا..
وسياتي اليوم الذي يفرح فيه محبي الخير والعدل لهذا الوطن عندما
تنمو شجرة الحريات
شجرة العدالة
شجرة الديمقراطية السودانية الحقة....
|
Post: #6
Title: Re: خلاااااااص يا استيف اوستن...ويا ديجانقو .......!!!!!
Author: بشير أحمد
Date: 03-30-2009, 01:43 PM
Parent: #3
المهندس /عبدالكريم
تحياتي ؛؛؛
وحمدلله علي السلامة واجر وعافية ؛
كنا دايرين نوصي ليك بكيبورد قيام راقداً
الحمدلله ماوصلت للمرحلة دي.
ياخي احترنا معاكم ؛مايمشي تقولوا جبان وشنو كده ماعارف
يمشي تقعدوا تجتروا في الكلام
ياخوي الدولة ماعندها امكانيات حربية زي اسرائيل وامريكا
اي ضربة ناكلها في اللباد والسلام
خلونا نتكلم بعقل ؛اسرائيل ممكن تضرب الخرطوم نفسها وفي نص النهار ومانقدر نرد عليها
|
Post: #11
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 02:05 PM
Parent: #6
Quote: ياخي احترنا معاكم ؛مايمشي تقولوا جبان وشنو كده ماعارف
يمشي تقعدوا تجتروا في الكلام
|
هلا يا بشير...
في جية البشير الي الدوحة تحديدا مكابر من يقول ان ذلك جبنا..
فزولكم ده رغم كل الخطورة الا انه اتي... فلن اسميها شجاعة فالشجاعة مربوطة بالنبل والحقيقة
ولكن خليني اجاملك يا بشير واسميها (رعونة)...فاصعب الاشياء للرجال هو ركوب المخاطر ولكن ان تكون تلك المخاطر مربوطة بوطن ومليون ميل مربع فانها الرعونة بعينها...
وبعدين يا بشير
اسرائيل دي تدقنا نسكت ليييه..؟؟
ولييه نسكت عندما تدقنا اسرائيل في عمق اراضينا وتهتف ونمارس الجقلبة لمن يطلبو متهم متهمين...
فلو صرف ربع ما صرف لحماية الافراد من اجل تامين كل الوطن..
اسرائيل لا تجرو علي الاقتراب من وطن اهله ياكلون النيران مثل السودان..
...شكرا يا بشير علي تفقدك الكراع التي انكسرت وكانت نذير شؤم جلب زولكم اليوم التاني
وانا كنت عارف الوقعة دي ما رواها خير كلو كلو
|
Post: #27
Title: Re: خلاااااااص يا استيف اوستن...ويا ديجانقو .......!!!!!
Author: كمال عباس
Date: 03-31-2009, 02:02 PM
Parent: #3
......
|
Post: #8
Title: Re: خلاااااااص يا استيف اوستن...ويا ديجانقو .......!!!!!
Author: حواء سليمان ابراهيم
Date: 03-30-2009, 01:45 PM
Parent: #2
كيكى العزيز الف الحمدلله على السلامة
معليش ما عرفت اتصل عليك كيف !!!!
Quote: ..من هو الرئيس البطل..؟؟؟
الذي يقتل شعبة وتستباح اراضيه ويجلد ويمارس تقطيع اوصال ابناء شعبه...ام الذي يهبط مطارا مجازفا ومغامرا وتشهق لوصوله سالما القنوات؟؟؟؟ |
يا خى دى اسئلة تعسفية بالنسبة ليهم
مافى زول يستجرئ يجاوبك عليها ، يا سيدى البطولة
فقدت معناها وبقت ملطشة يلصقوها للبسوى والما بسوى
|
Post: #13
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 02:10 PM
Parent: #8
Quote: يا خى دى اسئلة تعسفية بالنسبة ليهم
مافى زول يستجرئ يجاوبك عليها ، يا سيدى البطولة
فقدت معناها وبقت ملطشة يلصقوها للبسوى والما بسوى |
هلا ا حواء وحبابك
وشكرا يا حواء علي شعورك الجميل والحمد الله انا بخير...
ونعم يا حواء هي اشياء واضحة لاتحتاج الي درس عصر...
فالموت والقتل والتشريد واللاجئيين الان الان في ازمة لايعلم مداها الا الله
رغم كل هذه الاهوال ياتي من يحدثنا عن بطولة السلطان شعبه يموت من الجوع والفقر
وكانه هولا القوم ليس لديهم وجيع...
|
Post: #4
Title: Re: خلاااااااص يا استيف اوستن...ويا ديجانقو .......!!!!!
Author: nazar hussien
Date: 03-30-2009, 01:36 PM
Parent: #1
انت دحين ماك في الدوحة يا كيكي...؟
البوستات لزومها شنو؟
ما في لافتات؟
اسوة بلافتات سعادة السفير نوري؟
|
Post: #5
Title: Re: خلاااااااص يا استيف اوستن...ويا ديجانقو .......!!!!!
Author: nazar hussien
Date: 03-30-2009, 01:38 PM
Parent: #4
وقبلين...كفارة...وسلامتك من الكسر...
|
Post: #7
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 01:45 PM
Parent: #5
هلا يا نزار
والله يسلمك ياخي
وياخي قوانين البلد التي تستضيفنا لا تسمح بالمظاهرات..وفعلينا احترامها بالتاكيد
والا لو كان في فرصة..
كنت الليلة حتشوف في الجزيرة زول شايل (لافتة) صغيررة اصغر من بتاعة منان
وكاري كراعو اللفت بعكاز,,,فتاكد ساعتها الزول ده انا
وكل التقدير
|
Post: #9
Title: Re: خلاااااااص يا استيف اوستن...ويا ديجانقو .......!!!!!
Author: علاء الدين يوسف علي محمد
Date: 03-30-2009, 01:48 PM
Parent: #5
دكتور بشير
كتلتني بالضِحِك
شان يجيهو ملاسي يقول ليهو :
كيكي المتظاهِر و حاِمل اللافتات
ياخ كيكي دة لو ما وقع و شقّ رِجلو كان نط في رقبة البشير و جاب نهايتو مش كدة يا كيكي!!!؟
قالوا عملتها ظااااااااااااهرة شان ما يقولوا ليك أهة لمن جا الدوحة عملتو شنو
كيكي يقول :
رجلي كانت مكسورة
ود الصايم يا عمّك تعال ألحقنا كيكي دة ما يقوم يجيهو ضغط من كلامي دة
و سلامتك يا كيكي
|
Post: #10
Title: Re: خلاااااااص يا استيف اوستن...ويا ديجانقو .......!!!!!
Author: Nader Abu Kadouk
Date: 03-30-2009, 01:54 PM
Parent: #9
| Quote: ففي وطن مات الملاييين فيه...وعذب المئات وشرد واغتصب بنيه من قبل سلطته ياتي بكل حسرة من يصفق الي من ارتكب مثل هذه الافاعيل عندما يتسلل الي المطارات العالمية ويسمي في عرف الاخريين بطلا وصلاح الدين الايوبي...!!! |
إنه زمن امهازل يا صديقي
|
Post: #12
Title: Re: خلاااااااص يا استيف اوستن...ويا ديجانقو .......!!!!!
Author: doma
Date: 03-30-2009, 02:08 PM
Parent: #10
Quote: قالوا عملتها ظااااااااااااهرة شان ما يقولوا ليك أهة لمن جا الدوحة عملتو شنو
كيكي يقول :
رجلي كانت مكسورة |
كيكي علاء يوسف كشف نومتك كفاره الشق الخوف من الكسر لو اتلحت البشير دا
لووول غايتوا حكايه الاطفال الدروع في طيارته دي بيني وبينك ما لافقه لانه السمعناه انهم قالوا بقبضوه ما قالوا بفجروا طيارته في السماء يعني ممكن يسوقوهم لاهاي فسحه كلهم يمسكو البشير ويفكوا الاطفال والمعاهم ولا ما كدي ؟؟؟
غايتوا دي ما حبكتها سمح يا ولدنا
|
Post: #16
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 02:31 PM
Parent: #12
Quote: كيكي علاء يوسف كشف نومتك كفاره الشق الخوف من الكسر لو اتلحت البشير دا
لووول غايتوا حكايه الاطفال الدروع في طيارته دي بيني وبينك ما لافقه لانه السمعناه انهم قالوا بقبضوه ما قالوا بفجروا طيارته في السماء يعني ممكن يسوقوهم لاهاي فسحه كلهم يمسكو البشير ويفكوا الاطفال والمعاهم ولا ما كدي ؟؟؟
غايتوا دي ما حبكتها سمح يا ولدنا |
هلا يا دوما
ومشتاقين ياخي
وكراعي دي يا دومة جهات كثيررررررة لابدة ليها وعندها راي فني وتشكيك في حكاية كسرتها دي لووول
فخليك قريب عليك الله ياخي
انا اقترح لجنة محايدة مع قبل بورداب الدوحة برئاسة خليل لمعاينتها رفع تقرير فني ...
يادوما
مجرد ان تركب ليك طفل صغيروني في طيارة يتوقع ان تتعرض لمتاعب ده عمل غير كريم..
فالطيارة كل العالم عارف انها يتوقع ان تتعرض لمتاعب...(شايل فيها شفع صغار لييه,,...)
الاطفال والاخريين الغير مطلوبين بالتاكيد ح يفكوهم ولكن
تخيلي اعلان اختطاف طيارة وهي جاثمة في احدي المطارات وفي داخلها اطفال...
شوفي مستوي الازمة حيكون تناوله علي مستويات عديدة شنو
|
Post: #21
Title: Re: خلاااااااص يا استيف اوستن...ويا ديجانقو .......!!!!!
Author: شول اشوانق دينق
Date: 03-30-2009, 02:43 PM
Parent: #12
هناك مشكلة يجب العمل بصورة جادة على حلها
الحل لن ياتى لقادة العمل السياسى فى السودان معلبة وتصيح فيهم هذا انا "الحل"
الحل يكون من افكارهم وضمائرهم
تحدى المجتمع فى ظل الأزمة الماثلة امامهم فى دارفور ليس الحل بالتاكيد
ثم...
لماذا نفرح لان الرئيس تمكن من السفر وشارك فى إجتماعات القمة العربية؟
هل مشاركته سيحل مشاكل المليون ميل مربع؟
هل مشاركته سيقى الأهل من سياط البرد بمعسكرات النازحين فى دارفور؟
ام مشاركته سيملأ بطون الجائعين بالمعسكرات من جراء قرار طرده للمنظمات التى كانت تطعمهم فى أشد لحظات السياسة العنترية فى الدولة السودانية؟
سلامتك يا صاحب
______________________
العمل السياسى فى السودان امفكو ساى والله
|
Post: #30
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-31-2009, 05:15 PM
Parent: #21
Quote: لماذا نفرح لان الرئيس تمكن من السفر وشارك فى إجتماعات القمة العربية؟
هل مشاركته سيحل مشاكل المليون ميل مربع؟
هل مشاركته سيقى الأهل من سياط البرد بمعسكرات النازحين فى دارفور؟
ام مشاركته سيملأ بطون الجائعين بالمعسكرات من جراء قرار طرده للمنظمات التى كانت تطعمهم فى أشد لحظات السياسة العنترية فى الدولة السودانية؟
|
هلا يا شول
وشكرا يا صديقي علي الاهتمام والتقدير
ويبدو يا شول انها فوائد السفر العشرة الجديدة
ففي زمن الانقاذ كل شي جائز...
والبشير يسافر او لا فالامور ستكون هي هي طالما ليس هنالك اهتمام بالقضايا الاساسية لحاجة اسمها وطن
انه زمن الطاعون وازدواج الاشياء يا شول
ولكن الظلم دولته لن تدوم طويلا
|
Post: #15
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 02:24 PM
Parent: #10
| Quote: إنه زمن امهازل يا صديقي |
نعم يا ابوكدوك
القمة تكورك غزة غزة...وقتل وتشريد
القتل والتشريد الاصلي قاعد معاهم جووه القاعة اتيا من بلاد السودان...
معايير مختلة وسياسية فرندقس يا ابو كدوك
ولكن الله في
|
Post: #14
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 02:20 PM
Parent: #9
Quote: كيكي المتظاهِر و حاِمل اللافتات
|
هلا ياعلا
حبابك ياخي
وبختكم اليومين دي مولد شايف نوبتكم عجاجها في السماء...
وتعرف ملاسي ده مع جية البشير الدوحة تاني الما شايل لافتة حيشيلو ليها.. وده موسم ولكني اقول ليكم انه لم يدوم طويلا..
حسع لوما فصاحتكم والكتاحة العملتوها في المنبر كان الواحد لبد مع العذر القوي بتاع كسرة الكراع دي وعمل نايم..
ولكن اسفيرا تشوف ملاسي وقريش ومن لف لفهم يقدلو في المنبر ومعقول اقعد اتفرج..؟؟؟
حرم ولو الكراع اتقطعت ياني الجاي ومادي الدقانة حقهم متكفي
وتحياتي يا علاء
ولسع في انتظارك في الموضوع داك ي امنجي ههه
|
Post: #17
Title: Re: خلاااااااص يا استيف اوستن...ويا ديجانقو .......!!!!!
Author: doma
Date: 03-30-2009, 02:32 PM
Parent: #14
Quote: الم تضرب فيافي وتخوم شرق السودان مرات ثلاثة والاجواء السودانية مستباحة ضد ما يسميه العرب اليوم العدو الاكبر..
ماذا فعل البشير لوطنه حتي يسمي بطلا |
كيكي يا اخي اسرائيل دي طياراتها ضربت حامله الطائرات لبرتي في مياه دوليه الامريكان ما قالوا بغم ما تبالغ كمان .
ضربت مفاعل سوريا النووي قبل سنه ونص ما في زول قال بغم يعني بقت علي البشير ؟؟؟!!!
. كل شئ ولا اسرائيل دي خط احمر السودان ما ناقصهم هم كمان
|
Post: #20
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 02:38 PM
Parent: #17
| Quote: كل شئ ولا اسرائيل دي خط احمر السودان ما ناقصهم هم كمان |
والله يا دومة
اسرائيل بتفق معاك انها عكليتة شرناية..
وناسنا ديل هم البهبشوها وبجقوا النحلة في محلها شي ايران وشي حزب الله وضاربين الخوة مع حماس
اها لمن اسرائيل تضرب...لييه الناس ديل يدسوا الكلام ده من الشعب الفضل..
....
وبعدين يا دوما رادات ساااكت لو ختوها في طرف سواكن دي
ممكن علي الاقل نعرف انو اسرائيل دي جات خبتت وكسحت....انا جوطتي في حق الرادارات دي
والحماية الحقيقية للاراضي السودانية
بدل عييييييييك عاااك كما يقول الشهير بشاشا
|
Post: #18
Title: Re: خلاااااااص يا استيف اوستن...ويا ديجانقو .......!!!!!
Author: khaleel
Date: 03-30-2009, 02:33 PM
Parent: #14
شنو يا كيكي
الكركبة
امبارح ما كنت مبسوط من حضور الراجل
الرد الرد
خطر خطر بشير وصل يا ناس
|
Post: #22
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 02:47 PM
Parent: #18
Quote: الكركبة
امبارح ما كنت مبسوط من حضور الراجل |
تعرف ياخلي
انا قلت ليك امس البشير ده لاعب ماتش كبير
ولكنه ماتش علي الطريقة الايطالية (دفاع منطقة) تقفيل لعب...وباصات بينية علي طريقة بتاعة كندورة الكانت بتكرهك الهلال ديك...
هجمة الدوحة دي ممكن نعدها ليكم هجمة مرتدة ولكن العبرة في خواتم الهجمات
وحذاري من استايل (عطا ابو القاسم) بتاع المريخ الكان طوااالي ببوظ الهجمة المرتدة
فحذاري من رجوع القماري
|
Post: #19
Title: Re: خلاااااااص يا استيف اوستن...ويا ديجانقو .......!!!!!
Author: علاء الدين يوسف علي محمد
Date: 03-30-2009, 02:34 PM
Parent: #14
| Quote: كيكي علاء يوسف كشف نومتك كفاره الشق الخوف من الكسر لو اتلحت البشير دا |
ماما دوما
كيكي عامِل فيها حريف لكن نقشناها ولو ما عمل لينا اسكان لصورة أشعة الرجل المكسورة و في فيديو كمان ما بنصدقو و يانا الماسكِنها ليهو.
Quote: هلا ياعلا
حبابك ياخي
وبختكم اليومين دي مولد شايف نوبتكم عجاجها في السماء...
وتعرف ملاسي ده مع جية البشير الدوحة تاني الما شايل لافتة حيشيلو ليها.. وده موسم ولكني اقول ليكم انه لم يدوم طويلا..
حسع لوما فصاحتكم والكتاحة العملتوها في المنبر كان الواحد لبد مع العذر القوي بتاع كسرة الكراع دي وعمل نايم..
ولكن اسفيرا تشوف ملاسي وقريش ومن لف لفهم يقدلو في المنبر ومعقول اقعد اتفرج..؟؟؟
حرم ولو الكراع اتقطعت ياني الجاي ومادي الدقانة حقهم متكفي
وتحياتي يا علاء
ولسع في انتظارك في الموضوع داك ي امنجي ههه |
كيكي
العجاجة قامت في العالم كلو ما هِنا بس
عمّك دة فات الكُبار و القدرو
ما تكابرو اسي
بوش أبو جزمة و بلير الحنطور بمشو العراق و افغانسان دسدس
بالنسبة للموضوع داك ياخ أنا الراجيك تفِك الإيميل شان نديك المفيد
|
Post: #23
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-30-2009, 02:59 PM
Parent: #19
Quote:
العجاجة قامت في العالم كلو ما هِنا بس
عمّك دة فات الكُبار و القدرو
ما تكابرو اسي
بوش أبو جزمة و بلير الحنطور بمشو العراق و افغانسان دسدس
بالنسبة للموضوع داك ياخ أنا الراجيك تفِك الإيميل شان نديك المفيد |
هلا ياعلاء
الايميل رسلتو ليك ياخي
ولكن ماعندك مشكلة حنرسلو ليك تاني مع عمر البشير ولو العكش حصل تاني مافي ليك طريقة تلم فيهو الا في لاهاي
عندك اوكو..واكو هو اوكمابو...
الرجل عشان تامنوا الليلة انا ح اتكركر وامشي ازور الظلامية بيان عشان تشهد معاي بعدين
ويكفيكم شهادة معتز قريش رائد الارجاف الظلامي في الخليج عمل البوست هو فعشان كده مافي حجة ليكم..
وبعدين ياخي اهو لحقنا السوق بواحد بوست عن ديجانقو زي السم
(راجع الماسنجر لزوم الايميل)
|
Post: #24
Title: Re: خلاااااااص يا استيف اوستن...ويا ديجانقو .......!!!!!
Author: Amin Mahmoud Zorba
Date: 03-30-2009, 03:29 PM
Parent: #19
الاستاذ الفاضل عبد الكريم
سلام ومحبة
يا خوي سلامة كراعك
يطرشني
والعين الدخلتك اريتا بالكية والنار الحية
وانشاء الله تقوم بالسلامة وتدخل بيها على النبي
والله يكفيك من شر الراقصين
والمسافرين
وكثرة المدافين
والمرافعين ( بفتح الميم )
ولا يسكك استيف
ولا يرفع ديجانقوا في وشك سلاح
والقاصدينك من ناس ود الباوقة الظريف
ربنا يوالهم بأكامبو ابن لويس المطميس
ويقتس حجرهم في لاهي آخر الميس
ويرشهم بالبرد
واللجج
لمن يجي يوم ويرقصوا لينا رقصة الختام
المابعدها ملام
ويكفينا وياك شر الهجيج
والمجيج
واللجيج
أنا يا اخوي محيراني حكاية الشفع الفي الطيارة
عليك الله لو في واحد حريف مصوراتي كده
ذي الشبلي ده
صورهم لينا
ما الرماد كال حماد
آه دي في خشم القابضين
ان شاء الله يقبضو في الطين
|
Post: #31
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-31-2009, 05:21 PM
Parent: #24
Quote: وانشاء الله تقوم بالسلامة وتدخل بيها على النبي
والله يكفيك من شر الراقصين
والمسافرين
وكثرة المدافين
والمرافعين ( بفتح الميم )
ولا يسكك استيف
ولا يرفع ديجانقوا في وشك سلاح
والقاصدينك من ناس ود الباوقة الظريف
ربنا يوالهم بأكامبو ابن لويس المطميس
ويقتس حجرهم في لاهي آخر الميس
ويرشهم بالبرد
واللجج
لمن يجي يوم ويرقصوا لينا رقصة الختام
المابعدها ملام
ويكفينا وياك شر الهجيج
والمجيج
واللجيج
|
هلا يا امين
وشكرا علي الدعوات التي اتمني ببركة شيخي الساكن جبل عبل تلحقني وتفزعني
وتلحق الكيزان ومن شايعهم من الانتهازيين العرب وتفرطقهم حتة حتة صواميل ما ينفعوا...
ويا امين حكاية الاطفال الجو من البشير في طيارة واحدة فعلا حكاية تجنن وتخوف الزول علي مصير البلد من مستوي التفكير اللامبالاة بكل الاشياء المحرم الاقتراب منها ...وانها ثقافة الاستهتار يا صديقي التي مزقت السودان
وصنعت منه اكبر بقعة مكابرة في عالم اليوم
|
Post: #25
Title: Re: خلاااااااص يا استيف اوستن...ويا ديجانقو .......!!!!!
Author: كمال عباس
Date: 03-30-2009, 03:33 PM
Parent: #19
كفارة ياعبد الكريم
لا أدري لماذا الاستمرار في الإستعراض والعنتريات?
لايجهل عاقل أن المحكمة الدولية لاتلزم غير عضويتها وأن الدول التي
زارها البشير ليست من ضمن عضوية المحكمة ....وأن المحكمة لاتملك اليات
فاعلة لإنفاذ قراراتها ,,,,,وأن المحكمة لم تحول ملف التوقيف لمجلس
الامن وبالتالي لم يأ خذ مجلس الامن قرارا بإنفاذ القرار والي حين رفع
الامر لمجلس الامن يمكن للبشير أن يمارس تنطيـطه هناك وهناك...!!
,,,,,,حينما يأخذ المجلس أمر الإنفاذ في يده حينها فقط سنري أذا
كان يمكن أن يمارس التحدي ويحاول السفر!!!
وإن كان للرجل قوة وشجاعة فلماذا ركع وقبل بالقوات الدولية بعد
القسم والتعهد?
ولماذا لم يستعيد التراب الذي نهبته دول الجوار? ولماذا لم يحمي أجواء
البلاد? ولماذ خان حلفائيه في التنظيمات الاصولية وباعها للغرب?
وأين الشجاعة في قتل ضباط رمضان بعد إعطائهم الامان?
وفي قتل طلاب عزل في حرم الجماعة وفي قتل العزل والمدنين?
000 وأذا سلمنا بالشجاعة للبشير في سفريات-لم يكون يواجهه فيها تهديد بعد -فماذا تعني الشجاعة- فقدكان نميري شجاعا وكذلك هتلر والحجاج
وزياد إبن أبيه وكذلك جل عتاة الإرهابيين والمجرميين!!!!!!
|
Post: #32
Title: Re: خلاااااااص يا استيف اوستن...ويا ديجانقو .......!!!!!
Author: عبدالكريم الامين احمد
Date: 03-31-2009, 05:27 PM
Parent: #25
Quote: وإن كان للرجل قوة وشجاعة فلماذا ركع وقبل بالقوات الدولية بعد
القسم والتعهد?
ولماذا لم يستعيد التراب الذي نهبته دول الجوار? ولماذا لم يحمي أجواء
البلاد? ولماذ خان حلفائيه في التنظيمات الاصولية وباعها للغرب?
وأين الشجاعة في قتل ضباط رمضان بعد إعطائهم الامان?
وفي قتل طلاب عزل في حرم الجماعة وفي قتل العزل والمدنين?
000 وأذا سلمنا بالشجاعة للبشير في سفريات-لم يكون يواجهه فيها تهديد بعد -فماذا تعني الشجاعة- فقدكان نميري شجاعا وكذلك هتلر والحجاج
وزياد إبن أبيه وكذلك جل عتاة الإرهابيين والمجرميين!!!!!! |
مرحب صديقي ابوكمال
والف شكر وتقدير علي سؤالك
وياكمال السلطة الخرطومية تجلس علي جبال من الاخطاء القاتلة في كل الاشياء وفي زمنها وحتي الان استطاعت ممارسة التغبيش حتي علي مستوي الوعي والفهم بمفهوم السيادة الوطنية
ولذا صارت الحمي والهتاف العالي لاجل حماية شخوص فقط وليس جغرافية وارض السودان الحقيقية...
قطار الانقاذ فرط في كل الاشياء وهاهو الان في مرحلته النهائية يحاول ان يفرط في فلسفة ومعاني الاشياء
ولكن هذا الوطن سيبقي وهذا الشعب لن يقوي الطغاة مهما تفننو والتفو حول الحقائق ان يمحوا ذاكرته الحية
وكل التقدير
|
Post: #26
Title: salsa
Author: Elsiddig A. Ahmed
Date: 03-30-2009, 05:19 PM
Parent: #1
الاخ عبد الكريم سلامات
كفارة وربنا يقومك بالسلامة
الجماعة ديل فى بحر بنططوا ساكت شئ دق راس وشئتين جلبقه واوكامبو بعاين ليهم من بعيد منتظرهم يجو قريب من الجرف اصلوا مامستعجل وقال ليهم المسالة كلها وقت وحيكون بطرفنا يعنى واثق من نفسو بان يرقصهم السامبا والسالسا ربكم يكون فى عونهم
|
Post: #28
Title: Re: salsa
Author: منتصر ابراهيم الزين
Date: 03-31-2009, 02:30 PM
Parent: #26
ياحبيب الفين حمد لله على السلامة ودة المهم مبدأٍ
غايتو دى لزيزة | Quote: خلاااااااص يا استيف اوستن...ويا ديجانقو .......!!!!! |
|
Post: #29
Title: سلامتك يا كيكي يا أخوي
Author: Mohamed Yassin Khalifa
Date: 03-31-2009, 03:16 PM
Parent: #28
سلامتك يا كيكي يا أخوي من الكسر
لو ما كلموك... طبعا البشير الراجل السوداني الهميم خرج من مؤتمر القمة بإدانة عربية قوية لمسألة محاكمته عن جرايمه في بلده وضد أهله في دارفور.
والمؤتمر شطب من غير ولا حتى مجرد إشارة لضرب إسرائيل لشرق السودان وإغراق المراكب جوة المياة الأقليمية السودانية...
يعني العرب تناسوا مع زحمة المحكمة الجنائية إنهم يدينوا أو يشجبوا أو حتى يشيروا لأعتداء إسرائيل على السودان مقابل إدانة محكمة البشير
ياربي ديل نسو إسرائيل ولا إقتنعوا بأنه المحكمة البتطالب بمحاكمة المجرمين هي أخطر من ما كان يعرف سابقا بالعدو...!
دس... وكمان تناسي وفرحة غلط
|
Post: #36
Title: Re: سلامتك يا كيكي يا أخوي
Author: عبدالكريم الامين احمد
Date: 03-31-2009, 06:57 PM
Parent: #29
Quote: والمؤتمر شطب من غير ولا حتى مجرد إشارة لضرب إسرائيل لشرق السودان وإغراق المراكب جوة المياة الأقليمية السودانية...
يعني العرب تناسوا مع زحمة المحكمة الجنائية إنهم يدينوا أو يشجبوا أو حتى يشيروا لأعتداء إسرائيل على السودان مقابل إدانة محكمة البشير
ياربي ديل نسو إسرائيل ولا إقتنعوا بأنه المحكمة البتطالب بمحاكمة المجرمين هي أخطر من ما كان يعرف سابقا بالعدو...!
دس... وكمان تناسي وفرحة غلط |
هلا يا محمد
وتحياتي وشكرا علي الاهتمام
وكلو البلاوي في موتمر العرب ورا اضاني يا محمد
وكانت فرصة انو الواحد يتابع كل الحراك الدور في موتمر القمة العربية البعيدة تماما في كل تفاصيلها
التي طلت بالقضية السودانية بعيدة عن الشان السوداني الاشكال الحقيقي
والبشير وزمرته كل همهم كان
نصرة البشير
بالاضافة الي دعم المليونات الذي حتما لن يذهب الا لجيوب التماسيح...
القصف الاسرائيلي للسودان البشير يضعه في مراتب بعيدة بعد مشكلته التي ارقت منام زمرته
|
Post: #35
Title: Re: salsa
Author: عبدالكريم الامين احمد
Date: 03-31-2009, 06:39 PM
Parent: #28
Quote: ياحبيب الفين حمد لله على السلامة ودة المهم مبدأٍ
غايتو دى لزيزة |
هلا يا منتصر
وكل الشكر يا صديقي..
وكنت عاوزين نقول ليهو خلاااااااص يا خميس يا ابومريومة
لكن خفنا من الجد خميس سااااكت
|
Post: #33
Title: Re: salsa
Author: عبدالكريم الامين احمد
Date: 03-31-2009, 06:00 PM
Parent: #26
| Quote: الجماعة ديل فى بحر بنططوا ساكت شئ دق راس وشئتين جلبقه واوكامبو بعاين ليهم من بعيد منتظرهم يجو قريب من الجرف اصلوا مامستعجل وقال ليهم المسالة كلها وقت وحيكون بطرفنا يعنى واثق من نفسو بان يرقصهم السامبا والسالسا ربكم يكون فى عونهم |
هلا يا الصادق
والنطيط حصل ولكن الحقلبة دائما حدها قصير
واوكمابو مادام ماسك علي جمرة العدل وقضايا الفقراء فحتما لن يخذل
وكل التحايا والتقدير
وشكرا علي السؤال
|
Post: #37
Title: Re: salsa
Author: عبدالكريم الامين احمد
Date: 03-31-2009, 07:47 PM
Parent: #34
شكرا يا ابوكمال علي الرابط
وحلقت في البوست وفيه نقاش هادف واتمني ان يذهب الاخ ود المشرف به الي الدورة الجديدة حتي نساهم
جمعيا في هذا النقاش ....
|
Post: #38
Title: Re: salsa
Author: nazar hussien
Date: 03-31-2009, 08:00 PM
Parent: #37
Quote: حتي نساهم
جمعيا في هذا النقاش .... |
دي ياها زاتا طالعني في حوش بكري
يا راجل سيد النقاش والمناقش والبناقشوه جاك في بيتك
تقول ليه طالعني في الانترنت....
كنت متوقع القاك بي عكازين او شايلنك ناس كمال الزين
(طب العاصب) وشايل لافتة في يدك اليمني
/ كمبو الري يدين....كيت وكيت وكيت
وفي الثانية طير طير يا بشير
اقوم برضو القاك في بوستيك
يا اخي المعارضة دي خلوها كان ما عندكم ليها كرعين
|
Post: #40
Title: Re: salsa
Author: عبدالكريم الامين احمد
Date: 03-31-2009, 08:13 PM
Parent: #38
| Quote: يا اخي المعارضة دي خلوها كان ما عندكم ليها كرعين |
تصدق يا نزار ضحكتني وانا خالي كراع..
واها حرم كرما مني للريس البشير المعانا في ارض قطر
من يوم الليلة دي ما داير حاجة اسمها كراع ومن حسع ده ياهو دربي الي مقر اقامة البشير
اقطعن علي مرمي كاميرا الجزيرة هدية من مواطن لريسه حتي تساعده في الياااع والشتات خالي المحطات
من اوكمابو.....
وبعدين ياخي نقاش فيهو (كمال عباس) ده في الاساس متعة ومدرسة والخيوط كثيرة وعاوزة نضمي جد في البوست داك
ولو نقلو للدورة الجاية بنجي نتكلم فيهو بمزاج وكراع كديس....
تعرف لقاء البشير الفي الدوحة علي مرمي حجر من سكني وعيني في الحاصل وسامع التكبير والتهليل مدور
ولكنها سحابة سرحان ما تنقشع سمعناها زمااان في زمن ابو الجعافر نميري...صاحب صحبك ملاسي.. اعتقد الان انو صحبك برضو يا مايوي
|
Post: #41
Title: Re: salsa
Author: Tabaldina
Date: 03-31-2009, 08:15 PM
Parent: #38
..
.
| Quote: دي ياها زاتا طالعني في حوش بكري |
Quote: يا راجل سيد النقاش والمناقش والبناقشوه جاك في بيتك
تقول ليه طالعني في الانترنت.... |
Quote: كنت متوقع القاك بي عكازين او شايلنك ناس كمال الزين
(طب العاصب) وشايل لافتة في يدك اليمني
/ كمبو الري يدين....كيت وكيت وكيت
وفي الثانية طير طير يا بشير
اقوم برضو القاك في بوستيك |
| Quote: يا اخي المعارضة دي خلوها كان ما عندكم ليها كرعين |
__________
عليك الله يا نزو براحه علينا
ياخى رجلى بتتكسر من الضحكـ
قرقر قرقر قرقر
كدا كويس !!؟
|
Post: #39
Title: Re: salsa
Author: Tabaldina
Date: 03-31-2009, 08:08 PM
Parent: #37
..
.
Quote: وياخي قوانين البلد التي تستضيفنا لا تسمح بالمظاهرات..وفعلينا احترامها بالتاكيد
والا لو كان في فرصة.. |
ولا كمان حضور المؤتمرات الجماهيرية والصحفية
ياخى ما كان رجلك دى تصبر عشان تجى تطرح ليك سؤال سؤالين ..
اسئلتك الكتيرة الهنا دى ..
جاك فى حوشك غربتك وتمارضت ..
لا تمارضو .. عشان رجلينكم ما تتكسر ..
( بس برضو والله سلامتك .. والله يشفيك وتمشى سريع )
فاكر فى بوست سابق قلت لو وصل الدوحة يعنى شنو ؟؟
حسي طلع رعونة .. ودروع بشرية ..
والله عالم بتعرف لللولوه والدخول باديس والخروج بالعقبة زيكم ما شفنا
بعدين تعال عايز تقارن امكانياتنا المتواضعة مع الترسانة الاسرائلية
وزعلان عشان ما ردينا ؟؟ ياخى اسارئيل دى انت نسيت التاريخ
ما شالت سيناء عينك يا تاجر لو ما اتلوم العرب وقمة الثلاثة وكل القوات العربية
كانت رجعت ..
يعنى حنرفع ميزانية الدفاع ولا نعرف الضرب كيف؟؟
لو كان سألت ليه الملف دا كان متستر عليه ؟؟
او ليه ما طرح معليش ؟؟
دى ما عرفت ليها
اها امسك خيطى دا وابدا عام جديد .. سمح
____________
يا كيكى مالك ما هتفت وشلت لافته ؟؟
والله قوانين البلد ما بتسمح
يا كيكى ما لك جيت المؤتمر عشان تسال الرئيس ؟؟
والله رجلى كانت مكسورة
هييييييييييكة
حلوة يا علاء
اللهم لا شماته ..
|
Post: #42
Title: Re: salsa
Author: عبدالكريم الامين احمد
Date: 03-31-2009, 08:26 PM
Parent: #39
هلا يا تبلدينا
الف شكرا ياخي علي السوال والاهتمام بالكراع ...
وانا من ما وقعت ساعتها عرفت انو القص بايظة بايظة وزولكم دي حيجي يتم الطبنجة السوتها المطرة العجيبة ديك..
شايف كلام فيهو نقة كثيرة واسرائيل الضربت في العمق عملتو منها نايمين والناس جارية كلها بشير بشير
والدفاع السوداني راقد سلطة...
اسرائيل بتفق معاك ومع دومة انها لاقدرنا ولا لحم سدرنا..ولكن علي الاقل لمن يجي زول ويدقك مفروض تعرف الدقاق منو ...ومتين وليييه....وتوري الناس وما تعمل نايم لحدي ما خبرك يطلع بره...
الغريبة في وسط هذا الكبع الثلاثي الرهيب الدود النتر البشير شابكنا (الدايرنا اليجي يجربنا)...
اهو التجريب والكبع حصل... فاين انت يا دود يا نتر...!!!
الحماية للوطن ما بالنقة وعييك عاااك لكن بالشغل علي الارض وتوضيب كل الاشياء...
....
تعرف اخوك حسع بكتب مجبور لانو لو مولد البشير ده لو فات وما جينا نقينا مع مرجفي المدينة مثل صحبك المايوي ملاسي
والانقاذي علاء الدين بكرة حيقولو الزول ده كسر كراعو (وشوووف عين معتز قريش وهجو الاقرع من كبار الظلاميين)
ويجو يشهدوا كمان ويحلفو طلاق بالثلاثة...
قاعدين يا تبلدينا بكراع ابو بدون كراع ومثابرين في قناعات من اجل وطن خالي من حكومة الكيزان
وداك يوم المني والاحلام...وصدقني بجي باذن الله..
|
Post: #43
Title: Re: salsa
Author: Tabaldina
Date: 03-31-2009, 08:28 PM
Parent: #39
..
.
غايتو دا بوست الختمة
بتعرف الختمه
اها دى ليلة الختمة
Quote: كيكي علاء يوسف كشف نومتك كفاره الشق الخوف من الكسر لو اتلحت البشير دا
لووول غايتوا حكايه الاطفال الدروع في طيارته دي بيني وبينك ما لافقه
لانه السمعناه انهم قالوا بقبضوه ما قالوا بفجروا طيارته في السماء
يعني ممكن يسوقوهم لاهاي فسحه كلهم يمسكو البشير ويفكوا الاطفال والمعاهم ولا ما كدي ؟؟؟
غايتوا دي ما حبكتها سمح يا ولدنا |
والله البوست دا متعه ..
ون تو عجيب ..
حتى ماما دومه فكت ليك باص ..
ما قلنا ليك !!
___________
عموما بعد وعلى حسب كلام العلامة ك.ع
سننتظر عام او اخر لتحويل الملف لمجلس الامن
وعام اخر لمعرفه الآليه التى والطيران الحربي
الذى ينفذ الخطف ؟
والمجال الجوى المخترق ؟؟
وعييييييييك ..
اوباما بكون بترشح لدورة جديدة
وبتكون فكيت الجبص ..
قرقر قرقر قرقر
|
Post: #44
Title: Re: salsa
Author: عبدالكريم الامين احمد
Date: 03-31-2009, 08:54 PM
Parent: #43
Quote: والله البوست دا متعه ..
ون تو عجيب ..
حتى ماما دومه فكت ليك باص ..
ما قلنا ليك !! |
تخيل يا صالح
المطرة دي بعد مرات ورغم خيرها السمح الا انها بتجيب الساحق والماحق البلاء المتلاحق..
كسرة كراع
وجية بشير
وتشكيك ابلة دومة (مع انها صحبتي الا ان باصها الفكتو ده صعب البلع في زمن المرجفين الزيك انت علاء الدين)
ولكن سنكون في انتظار الامطار التي تهطل من لاهاي فقد تعيد البسمة....
البشير الشافتو عيني ده
سنة سنتين ما بقدر بصبرها ليكم
براااهو احتمال كبير يرفع الراية ويفك البيرق علي طريقة بشاشا الشهيرة
ومن حسع بالله جهزوا للبديل العصاية وعلمو الرقيص والحليفة ههههههه
|
Post: #45
Title: Re: salsa
Author: Rawia
Date: 03-31-2009, 10:37 PM
Parent: #44
| Quote: انا اقترح لجنة محايدة مع قبل بورداب الدوحة برئاسة خليل لمعاينتها رفع تقرير فني ... |
خليل دا إحنا مطبعين معاهو
تقريرو مابيكون ريلايبل خالص
|
|